66917
Банк-молия тизимидаги актуал канал. Бизда фақат долзарб масалалар ёритилади. Бошқа лойиҳаларимиз: @ishbank, @bank_xabar Тижорий ҳамкорлик масалалари: @arslonpr Мурожаат юбориш учун: @bankirmanbot
#Бизга_ёзишмоқда (@bankirmanbot)
ОЛГАН КРЕДИТИМНИ ЁПА ОЛМАЯПМАН
Яхши ният учун ТБС кредит олдим. 3-4 ойга қолмай ёпдим. Шу 22 июль кунида ёпган эдим. Ҳалигача КАТМ малумотидан ўчмаяпти.
4 марта ишонч рақамига чиқдим. Кредит тарихидан ўчириб беринглар десам қанақадир ID рақам олиб келасиз бошқа банкдан кейин ўчириб берамиз дейишди? Шу қанчалик тўғри?
ТБС дан олган кредитимни бошқа банкдан бориб ID рақам олиб юраманми? Бу банк ўзи чиқарган кредитни ўзи ўчира олмайдими? Мижозлар сарсон бўлиб юриши керакми?
ТБС банкнинг +998 78-777-27-27 шу рақамига 4-5 марта мурожаат қолдирдим.
Марказий банкнинг ишонч рақамига 71-200-00-44 кўп маротаба телефон қилдим, 22 санадан бери. Лекин тушиб бўлмади. Марказий банкка айтмоқчи эдим бўлмади.
P.S.: Мурожаатчининг шахсий маълумотлари банк расмийларига тақдим этилади. Марказий банк масъуллари ҳам ҳолатни ўрганиб кўрса, тушунмаган жойини тушунтириб беришса яхши бўларди. Мурожаатчи банкни ўзига чиққан, ҳал бўлмаган Марказий банкка, улар билан боғлана олмаган бизга ёзган.
👉 @bankirkundaligi 👈
Телеграм тармоғида турли блоглар жуда кўп, аммо сараланган блогларни ҳамма ҳам осонгина топа олмайди.
Шу сабабли биз сизнинг мушкулингизни осон қилиш учун энг фаол блогерларни блогини битта рўйхатда жамладик.
Биз ўзимизга ёққанларини сизга ҳам илиндик.
Ушбу ҳавола орқали ўзингизга ёққан бир ёки бир нечта блогларга аъзо бўлишингиз мумкин.
— Хўш, ўртоқлар, қани марҳамат 👉 Аъзо бўлиш 👈
👉 /channel/addlist/uavg5tjM_vJiYzgy 👈
Uzum Bank Uzum виртуал картасига олдиндан буюртма беришни ишга туширди
Виза халқаро тўлов тизимининг виртуал картаси Uzum Bankнинг ўз инфратузилмасида амалга оширилган биринчи молиявий маҳсулот бўлади. Август ойи давомида картани олдиндан буюртма қилган ҳар бир киши учун Uzcard ва Humo карталари ўртасида бепул ўтказмалар мавжуд бўлади. Бундан ташқари, картани олдиндан буюртма қилиш фоизсиз давр билан микрокредит олиш имкониятини беради.
Тасдиқланган кредит суммасидан онлайн ва офлайн харидларни тўлаш учун фойдаланиш, Uzum картасига ўтказиш ёки нақд пулда ечиб олиш мумкин. Шунингдек, Uzum картаси эгалари учун Uzum Маркет, Uzum Тезкор махсус таклифлари ва Uzum экотизим сервисларидан бошқа бонусларидан фойдаланиш имконияти пайдо бўлади.
— Биз Uzum Bankнинг биринчи ўз молиявий маҳсулотни ишга туширишга тайёргарлик кўрмоқдамиз ва, албатта, биринчи фойдаланувчиларимизга иловада карта пайдо бўлишидан олдин ҳам энг қулай шароитларни таклиф қилмоқчимиз. Шундай қилиб, картани олдиндан буюртма қилган Uzum Bank мижозлари ҳар қандай Uzcard ва Humo карталари ўртасида бепул пул ўтказишлари мумкин, — дейди Uzum Fintech бош директори Егор Абрамец. — Яқин келажакда биз картанинг ишга туширилишини эълон қиламиз ва уни олдиндан буюртма қилган мижозлар шу пайтнинг ўзида Uzum Bankнинг янги қулай молиявий воситасига эга бўлишлари мумкин.
Ўзбекистон Республикаси резидентлари картани Android ва iOSдаги Uzum Bank иловасида олдиндан буюртма қилишлари мумкин, рўйхатдан ўтиш жараёни бир неча дақиқа давом этади.
Uzum Bank — бу Uzum миллий рақамли экотизимига кирувчи рақамли банк. Uzum Bank орқали товарлар ва хизматлар учун тўлов бутун мамлакат бўйлаб 15 000 та ҳамкорлик пунктларида амалга оширилиши мумкин, бунда ҳамкорларнинг қарийб 40 фоизи Uzum Bank орқали тўлашда 20 фоизгача кешбек таклиф қилади. Иловада қулай тўлов ва p2p-ўтказмалардан ташқари, Uzum Насия орқали ҳар қандай товар ва хизматларни тўлаш учун 25 миллион сўмгача насия олиш мумкин.
👉 @bankirkundaligi 👈
#Бугун_ойнинг_охири
НПЛ ГА КИРГАНЛАР
Кредит олгунича,
Берар котта вадача,
Бўлар бизга укача,
НПЛ га кирганлар.
Билсак бари хашаки,
Дейди тоға, амаки,
Узатади тамаки,
НПЛ га кирганлар.
Янги номер олади,
Чёрнийга ҳам киради,
Буни яхши билади,
НПЛ га кирганлар.
Ўғли ҳам банкир бўлсин,
Уйма-уй сарсон юрсин,
Мажлисда дакки есин,
НПЛ га кирганлар.
✍️ Бойқобил Норбоев
👉 @bankirkundaligi 👈
“Трастбанк”дан акция! Ҳам бизнесингизни кенгайтирасиз, ҳам имтиёзларга эга бўласиз!
“Трастбанк” хусусий акциядорлик банки томонидан “Янги иш ўринлари яратинг ва банк хизматидан бепул фойдаланинг акцияси” эълон қилинган эди. Мазкур акция жорий йил 15 май кунидан 2025 йилнинг 15 май кунига қадар ўтказилади. Яратилган янги иш ўринлари сонига қараб дебет айланмадан “БEПУЛ” фойдаланиши муддати ҳам кўпайиб бораверади. Хусусан,
* 3 тадан кам бўлмаган иш ўрни яратганда 3 ойгача;
* 6 тадан кам бўлмаган иш ўрни яратганда 6 ойгача;
* 10 тадан кам бўлмаган иш ўрни яратганда 10 ойгача;
* 15 тадан кам бўлмаган иш ўрни яратганда 12 ойгача воситачилик ҳақидан озод қилинади.
Батафсил маълумот
Саволларингиз бўлса 1287 рақамига қўнғироқ қилинг. Мутахассислар атрофлича жавоб беришади.
Кўпроқ маълумот бу ерда: @t.me/trustbankuz
Ҳафталик дайжест.
Банк тизими ҳафталик (22 - 28 июл) янгиликлари.
☑️Халқ банки чорвачилик бизнеси учун хорижий валютада кредит таклиф этди. Фоизи 17%, муддати 10 йилгача, миқдори 1 млн Евро )Сўм эквивалентида).
☑️Трастбанк фарзандлар келажаги учун "Мақсадли" омонатини таклиф этди. Фоизи 23%, минимал сумма 500 минг сўм, муддати 24 ойгача. Маблағни қисман ечиш ва тўлдириб бориш мумкин.
☑️Асакабанк янгиланган "Микроқарз 2.4"ни таклиф этди. Миқдори 100 млн сўмгача, муддати 4 йилгача.
☑️Ўзсаноатқурилишбанк Ўзбекистон банк тизими тарихида биринчи маротаба Reg S ва 144А форматларида Лондон фонд биржасининг асосий бозорида АҚШ доллари ва ўзбек сўмида банкнинг навбатдаги халқаро облигацияларини жойлаштирганини маълум қилди.
☑️Микрокредитбанкда ҳужжатлар айланмасини тезлаштириш, кредит таъминоти сифатида гаровга олинишини лозим бўлган мол-мулкларнинг нотариал ҳужжатларини банк биносида расмийлаштиришни ташкил қилиш мақсадида E-notarius платформасидан фойдаланиши бўйича Адлия вазирлиги билан келишувга эришилганини маълум қилди.
☑️Тенге банк "Қулай" омонатини таклиф этди. Муддати 13 ойгача, минимал миқдори 1 млн сўм, фоизи 21,5%. Исталган вақтда қисман ечиб олиш ва тўлдириш имконияти мавжуд.
☑️Инфин банк жорий йил 26-31 июл кунлари айрим банкоматлар ишламаслигини маълум қилди. Банк кассалари одатий тарзда ишлайди.
☑️Ипак йўли банки исталган дизайндаги UZCARD, HUMO, Mastercard ёки Visa карталарига онлайн буюртма бериш мумкинлигини маълум қилди.
☑️Туронбанк янги қурилган хонадонлар ёки иккиламчи бозордан уй олишни истаганлар учун ипотека кредит таклиф этди. Фоизи 25%, бошланғич тўлов 25% кредит муддати10 йил.
☑️Ҳамкорбанк бирламчи бозордан уй-жой сотиб олиш учун ипотека кредит таклиф этди. Мууддати20 йилгача, фоизи18%, вилоятларда 330 млн сўмгача, Тошкент шаҳрида 420 млн сўмгача.
☑️Пойтахт банк айланма маблағлар учун кредит таклиф этди. Муддати 18 ойдан 36 ойгача, фоизи йиллик 26% дан, кредит кафолати: ликвид мол-мулк, учинчи шахснинг кафиллиги.
☑️Ўзмиллийбанк бирламчи ва иккиламчи бозордан автомобил сотиб олиш учун автокредит таклиф этди. Муддати 5йил, бошланғич тўлов 30%дан.
☑️Азия альянс банк «Euromoney Awards for Excellence 2024» мукофоти доирасида «Ўзбекистондаги кичик ва ўрта бизнес учун энг яхши банк» номинациясида ғолиб бўлганини маълум қилди.
☑️Ориент финанс банк Tashkent City Mall БХОда автокредитни расмийлаштиришни таклиф этди. Офис ҳар куни соат 10:00 дан 22:00 гача ишлайди.
☑️Зираат банк Ўзбекистон бирламчи ва иккиламчи бозордан турар-жой харид қилиш учун ипотека кредит таклиф этди. Муддати 10 йил, бошланғич тўлов 25%, фоизи 25,5%, миқдори 1 млрд 850 млн сўмгача.
☑️Ҳаёт Банк Самарқанд шаҳрида Банк хизматлари марказини очишни режалаштираётганини маълум қилди.
☑️Анорбанк камида 3 млрд сўм билан очиладиган "Кўрпача" омонатини таклиф этди. Фоизи 26%, муддати 24 ой, максимал суммаси чекланмаган.
☑️Капитал банк Марказий банк томонидан асосий ставка ўзгариши муносабати билан банк омонатлари ставкалари ўзгариши ҳақида хабар берди.
☑️Ипотека-банк 30 млн сўмгача таклиф этди. Муддати 13 ойгача, минимал миқдори 1 млн сўм, фоизи 21,5%. Исталган вақтда қисман ечиб олиш ва тўлдириш имконияти мавжуд.
☑️Бизнесни ривожлантириш банки Ўзбекистон маҳаллалари уюшмаси билан "Энг яхши тадбиркор" кўрик танловини эълон қилди. Асосий ғолиблар 200 млн. сўмгача пул ютуғи билан мукофотланади. Танловга аризалар жорий йил 2 августгача қабул қилинади.
☑️Банклар ишга таклиф этди:
▪️Бизнесни ривожлантириш банки;
▪️Капитал банк;
▪️Ўзмиллийбанк.
☑️Ҳафта давомида энг кўп ўқилган пост.
☑️Банкларнинг бошқарув раислари қабулига қандай кириш мумкинлиги ҳақида пост тайёрладик.
☑️Бирламчи ва иккиламчи ипотека кредитлар шартлари 👉Мана бу ерда.👈
☑️Микроқарзлар шартлари 👉Мана бу ерда.👈
☑️Субсидиялар ҳақида асосий саволларга жавобларни👉мана шу ерда👈 ўқишингиз мумкин.
Хабарлар қисқа кўринишда тақдим этилди. Батафсил банкнинг ижтимоий саҳифаси ёки колл-марказидан олишингиз мумкин.
👉 @bankirkundaligi 👈
‼️ТЎЛОВ-КОНТРАКТ МИҚДОРЛАРИ ЎЗГАРДИ
2024/2025 ўқув йилидан бошлаб Республика олий таълим муассасаларида таълим йўналишлари (магистратура мутахассисликлари) бўйича битта талабани тўлов-контракт шаклда бир йиллик ўқитиш қиймати миқдорлари тасдиқланди.
👉 @bankirkundaligi 👈
ИСЛОМИЙ МОЛИЯЛАШТИРИШГА ОИД ХИЗМАТ КЎРСАТИШ ТАРТИБИ БЕЛГИЛАНДИ
(Марказий банк шарҳи)
"Микромолия ташкилотлари томонидан исломий молиялаштиришга оид хизматларни кўрсатиш тартиби тўғрисида"ги низом тасдиқланди.л
Марказий банк мазкур низомга шарҳ берди.
Марказий банк бошқарувининг ушбу қарори Адлия вазирлиги томонидан 2024 йил 26 июлда 3536-сон билан давлат рўйхатидан ўтказилди.
☑️Мазкур низом Исломий молия институтлари учун бухгалтерия ҳисоби ва аудит ташкилотининг (AAOIFI) исломий молиялаштиришга оид стандартлари асосида, шунингдек, илғор хорижий тажриба ҳамда миллий контекстни ҳисобга олган ҳолда ишлаб чиқилди ва микромолия ташкилотлари томонидан исломий молиялаштиришга оид хизматлар кўрсатиш тартибини белгилайди.
☑️Низом билан микромолия ташкилотлари томонидан исломий молиялаштиришга оид хизматларни кўрсатишда риоя қилиниши лозим бўлган умумий талаблар ўрнатилди.
▪️Хусусан, микромолия ташкилотлари исломий молиялаштиришга оид хизматларни кўрсатиши учун ўзида исломий молия масалаларини мувофиқлаштирувчи махсус кенгашни ташкил этиши лозимлиги ёки унинг фаолиятини аутсорсинг асосида жалб қилиши мумкинлиги белгиланди.
▪️Микромолия ташкилотлари томонидан исломий молиялаштиришга оид хизматлар билан бир қаторда, қонунчиликка мувофиқ бошқа анъанавий хизматлар ҳам кўрсатилса, ушбу микромолия ташкилотининг исломий молиялаштиришга оид хизматлар кўрсатиш билан боғлиқ фаолияти бўйича бухгалтерия ҳисоби алоҳида юритилиши кераклиги қайд этилди.
▪️Низом билан махсус кенгаш ва унинг аъзоларига нисбатан қўйиладиган талаблар ҳамда исломий ижара, фойдани тақсимлашга асосланган молиялаштириш (музораба), насия савдога асосланган молиялаштириш (муробаҳа), шерикчилик – фойда ва зарарларни тақсимлашга асосланган молиялаштириш (мушорака), олдиндан тўловга асосланган молиялаштириш (салам) каби исломий молиялаштиришга оид хизматлар ва ушбу хизматларни кўрсатиш юзасидан талаблар белгиланди.
☝️🏻Ушбу низом тасдиқланган куни кучга кирган.
👉 @bankirkundaligi 👈
ПРЕЗИДЕНТ МЕҲНАТ ТАЪТИЛИГА ЧИҚДИ
Ўзбекистон Республикаси Президенти Шавкат Мирзиёев 2024 йил 26 июлдан қисқа муддатли меҳнат таътилига чиқди.
Жорий йил 22 апрелда ҳам қисқа муддатли меҳнат таътилига чиқиб, 29 апрел куни таътилдан қайтгани хабар берилган эди.
👉 @bankirkundaligi 👈
🏦 Асакабанк бош офисида «Замонавий жамиятда гендер тенглиги» мавзусида кенгайтирилган очиқ учрашув ташкил этилди
Замонавий жамиятда аёллар ва эркаклар ўртасидаги тенгликка бўлган интилиш нафақат адолат тўғрисидаги масала, балки барқарор ривожланиш ва фаровонликнинг асосий меъзонидир. Айнан мана шундай йўналишдаги гендер стереотипини бартараф этиш ва гендер тенгликка эришиш мақсадида Асакабанк фаол ишлар олиб бормоқда.
Шу жумладан, Асакабанк томонидан "Аёллар клуби" фаолияти йўлга қўйилган. Клубнинг асосий мақсад ва вазифалари аёлларни шахсий ва касбий жиҳатдан ўсишида қўллаб-қувватлаш ҳамда ижтимоий муҳитни яратишдан иборат.
Асакабанкнинг ISFT институти билан ҳамкорликдаги кенгайтирилган очиқ учрашуви шу мақсадда ўтказилиб, ушбу тадбирда банк ходимлари, шунингдек, банкнинг Кузатув кенгаши аъзолари ҳамда таклиф қилинган меҳмонлар иштирок этдилар.
Хусусан тадбирда Ўзбекистон фанлар Академияси вице-президенти Шаҳло Турдикулова, Ўзбекистон иш берувчилар Конфедерациясининг ижрочи директори Элико Маргишвили ҳамда ISFT тадқиқот маркази директори Михаил Царев каби спикерлар мавзу доирасида чиқиш қилишди.
👉 @bankirkundaligi 👈
🏦 Бизнесни ривожлантириш банки Жаҳон банки билан ҳамкорликда тадбиркорларга грантлар ажратади
"Бизнесни ривожлантириш банки" АТБ Жаҳон банкининг "MUNIS" лойиҳаси билан ҳамкорликда кичик ва ўрта бизнес субъектлари учун грантлар ажратиш лойиҳасини эълон қилади. Грант доирасида ҳар бир лойиҳа учун 50 минг АҚШ долларигача маблағ тақдим этилади.
Мазкур дастурда Бизнесни ривожлантириш банки томонидан Жаҳон банки билан ҳамкорликда кичик ва ўрта бизнес соҳасида фаолият юритувчи корхоналарнинг инновацион салоҳиятини ошириш, ички, минтақавий ва жаҳон бозорларида ўз имкониятларини такомиллаштириш учун янги ёки такомиллаштирилган маҳсулотлар, хизматлар ва жараёнларни ишлаб чиқишга қаратилган лойиҳалар молиялаштирилади.
Батафсил маълумотни ушбу ҳавола орқали олишингиз мумкин.
👉 @bankirkundaligi 👈
36 oylik foizsiz muddatli to'lov evaziga JETTA BY VOLKSWAGEN.
✨Boshlangʻich toʻlov – 35%'dan
✨Oylik toʻlov – 5,5 million soʻmdan
✨Daromad haqida ma'lumotnoma kerak emas
Maksimal foyda bilan nemis sifatiga ega avtomobil egasi bo'lish imkoniyatini qo'ldan boy bermang!
Shoshiling, taklif muddati cheklangan!
Qo'shimcha ma'lumot uchun:
Telefon: +998712070303
Veb-sayt: jetta-auto.uz
Instagram: @jettauzbekistan
(reklama huquqi asosida)
#JETTAUzbekistan #Volkswagen #UzbekistanCars #Uzbekistan
👉 @bankirkundaligi 👈
"APEX INSURANCE" АЖ дзюдо бўйича Ўзбекистон терма жамоасини Париждаги ёзги Олимпия ўйинларида қўллаб-қувватламоқда
Биз Ўзбекистон дзюдо Федерацияси билан йўлга қўйилган ҳамкорлигимизни мамнуният билан эътироф этамиз ва уларга миллий терма жамоамизни халқаро аренада юқори натижаларга эришишини таъминлаш йўлидаги беқиёс фаолияти учун ўз миннатдорчилигимизни билдирамиз.
Спортчиларимизни биз билан қўллаб-қувватланг ва уларнинг ғайрат-шижоати ва маҳорати билан дунёнинг энг нуфузли спорт тадбирида, давлатимиз мадҳияси янграб, Ватанимиз байроғи баланд кўтарилишига гувоҳ бўлинг.
Маълумот учун: "APEX INSURANCE" АЖ 2018 йилдан буён фаолият юритади ва юртимиз бўйлаб 170 дан ортиқ алоҳида бўлинмаларига эга. Ўзбекистон суғурта бозорининг шак-шубҳасиз етакчиси бўлган "APEX INSURANCE" АЖ — суғурта мукофоти, суғурта товони, акциядорлик капитали ва активлар ҳажми бўйича пешқадам ҳисобланади.
#APEXINSURANCE #Olympics2024 #TarixYangilashNavbatiKeldi
Мурожаат учун: 1188
Website | Telegram | Facebook | Instagram
Реклама
Бугун Президентимиз Шавкат Миромонович туғилган кун.
У - Ўзбекистон Республикасида давлат бошлиғи, фуқароларнинг ҳуқуқлари ва эркинликларига, мамлакатимиз Конституцияси ва қонунларига риоя этилишининг кафили бўлган, қонунларни имзолайдиган энг муҳим шахсдир.У 1957 йил 24 июлда Жиззах вилоятининг Зомин туманида шифокор оиласида туғилган.
Мамлакатимиз мустақилликка эришган илк йиллардан бошлаб Биринчи Президентимиз Ислом Каримовнинг юксак ишончини қозониб, унинг яқин сафдоши ва маслаҳатдоши сифатида самарали фаолият олиб бормоқда.
2023 йил 9 июл куни бўлиб ўтган Президент сайлови якунлари бўйича сайловчиларнинг 87,05 фоиз овози билан Президент этиб сайланди. 2023 йил 14 июлда расман ўз вазифасини бажаришга киришди.
Оилали, икки қиз, бир ўғли, олти нафар набираси бор. У кўп йиллик самарали меҳнати учун “Меҳнат шуҳрати” ва “Фидокорона хизматлари учун" орденлари билан тақдирланган.
@bankirkundaligi жамоаси Президентимизнинг таваллуд кунлари билан бутун Ўзбекистон банкирлари номидан муборакбод этади.
Сўм ва доллар учун алоҳида карта олиб юриш даври тугади
Ipak Yoʻli Banki томонидан тақдим этилган VISA START SUM картаси билан бунинг иложи бор. Ундан исталган жойда ва вақтда фойдаланишингиз мумкин. Бундан ташқари карта бир қатор қулайликларга эга:
✅Комиссиясиз транзакциялар;
✅Банкоматда пул ечиш 0,5 %;
✅Автобус ва метро учун атиги 990 сўм;
✅Депозит талаб қилинмайди.
Универсал картани расмийлаштиринг ва ҳар қандай транзакцияларни битта карта орқали бажаринг!
Мурожаат учун: @ipaksupport
👉 @bankirkundaligi 👈
Камбағалликни қисқартириш ва бандлик соҳасида эришилган натижалар ҳамда келгусидаги режаларга бағишланган матбуот анжумани бўлиб ўтди.
Савол. Вазирликнинг камбағалликни қисқартириш йўналиши Ижтимоий ҳимоя миллий агентлигига ўтказилиши мумкинлиги билан боғлиқ масала кўтарилди. Бунинг сабаби нима?
Савол. Охирги пайтларда ҳоким ёрдамчилари фаолияти билан боғлиқ кўплаб салбий ҳолатлар кузатилмоқда. Ҳоким ёрдамчиси лавозимига кадрларни танлашда қандай муаммолар мавжуд?
Жавобларни видеода эшитинг.
👉 @bankirkundaligi 👈
"ТАШАББУСЛИ БЮДЖЕТ"ДА ЎЗГАРТИРИШЛАР КИРИТИЛДИ
Ўзбекистон Республикаси Олий Мажлис сенати кенгашининг "Ташаббусли бюджет жараёнларини ўтказиш ҳамда молиялаштириш тартиби тўғрисидаги низомга ўзгартириш ва қўшимчалар киритиш тўғрисида"ги қарори тасдиқланди.
Унга кўра,
▪️Ҳар йили овоз бериш жараёнлари бошланишидан аввал фуқароларни хабардор қилиш мақсадида махсус бепул "СМС" хабарномалар юборилади.
▪️Ҳар мавсум давомида аҳоли ичида машҳур санъат вакиллари иштирокида махсус "челленжлар" ишлаб чиқиб, аҳоли ўртасида тарғибот ишларини кучайтирилади;
▪️овоз бериш жараёнларида бюджет ташкилоти ходимларини мажбурий овоз беришга жалб этиш ҳолатларининг олдини олиш мақсадида "қайноқ линия" қисқа рақами ишга туширилади.
▪️овоз бериш жараёни давомида фуқаролар томонидан шикоятлар келиб тушса, тегишли туман (шаҳар) халқ депутатлари кенгашига тақдимнома юборилали ҳамда ҳолат ўз тасдиғини топса мажбурий овоз тўпланган лойиҳаларни овоз бериш босқичидан четлатиш ёки ғолиблар рўйхатидан чиқариш ваколати берилади. Бунда, лойиҳа ғолиб лойиҳа сифатида аниқлангандан сўнг Кенгаш томонидан мажбурий равишда овоз тўпланган деб топилиб рад этилганда, рад этилган лойиҳага ажратилиши лозим бўлган маблағлар доирасида кейинги ўриндаги лойиҳа(лар) ғолиб деб эълон қилинади.
▪️Лойиҳани амалга оширишнинг умумий қиймати БҲМнинг 4 минг баробаридан ошмаслиги лозим.
▪️Сўнгги мавсумларда кетма-кет икки маротаба ғолиб деб топилган маҳаллалар (ташкилотлар) учун навбатдаги иккита мавсум доирасида лойиҳа киритиш имконияти чекланади.
▪️Ишлар тўлиқ якунланган лойиҳаларни ташаббускорлар, маҳалла раиси ва фаолларининг иш сифати юзасидан розилиги олингандан кейингина фойдаланишга топширилади.
👉 @bankirkundaligi 👈
#Бизга_ёзишмоқда
Ассалому алайкум ҳурматли Банкир кундалиги канали админи.
Ушбу мурожатни юборишдан мақсад бугун тадбиркор сифатида кўпгина банкларга мурожаат қилиш ва у ерда ҳисоб-китоб ишларини амалга ошириш учун ташриф буюришга тўғри келяпти. Шунда кўпгина банк ходимларини мижозлар билан муомала маданияти ўзидан бюрократ ясаб, мижозларга қўпол муносабати ва уларни сарсон саргардон бўлиб юришига сабаб бўляпти.
Натижада тадбиркорни ҳам асаби бузилиб, ҳам вақти йўқолади. Лекин шу ўринда Азия Аллианс банк деган банк хам очилган бўлиб, бу банкда ходимларнинг муомала маданияти ва мижозларга кўрсатилаётган хизматлари олий даражадалигини ўз кўзим билан кўриб, бизда ҳам шундай банклар борлиги ва ходимларни муомала маданияти юксак даражадалиги кайфиятимни кўтарди.
Қашқадарё вилояти Қарши шаҳрида жойлашган филиалига борганимда у ерда хақиқатан ҳам юксак маданиятли ва салоҳиятли ходимлар ишлашига гувоҳ бўлдим.
Айниқса мижозга бўлган ҳурмат эътибор мени ҳайрон қолдирди. Юртимиз ривожланиши учун шундай банклар кўпайса биз каби тадбиркорларга ҳам яхши бўларди. Бу банкни мижози бўлмасамда бу банкка нисбатан ҳурматим ошди. Шахрисабз тумани. Фахриддин Рахмонов.
Ушбу ёзганимни каналингизга қуйсангиз зора мижозлар бошқа банклар ҳақида хам шундай фикр юритса.
👉 @bankirkundaligi 👈
🏘БИРЛАМЧИ БОЗОРДАН ИПОТЕКА КРЕДИТЛАРИ АЖРАТУВЧИ БАНКЛАР САФИ ЯНА ИККИТАГА ОРТДИ
Маълумки, Ўзбекистон Республикаси Президентининг 2024-йил 30-апрелдаги ПФ-70-сонли “2024-йилда ипотека кредитларини ажратиш механизмларини такомиллаштириш ва аҳолининг уй-жой шароитларини яхшилашга оид қўшимча чора-тадбирлар тўғрисида“ги Фармонининг 5-бандида 2024-йил якунига қадар “Ўзбекистон ипотекани қайта молиялаштириш компанияси“ АЖга босқичма-босқич Давлат бюджети маблағлари ҳисобидан 20 йил муддатга 1,2 триллион сўм миқдорида ресурс ажратиш кўзда тутилган.
☑️Ҳозирда Компания мувофиқлик мезонлари асосида қуйидаги тижорат банклари аҳолига бирламчи бозордан уй-жой сотиб олиш учун ипотека кредитларини ажратмоқда:
▪️Ҳамкорбанк
▪️ИнФинБанк
▪️ОФБ
▪️Агробанк
▪️Асакабанк
▪️Ипотекабанк
👉 @bankirkundaligi 👈
Наманганда банк ходими икки йигит томонидан 3-қаватдан ташлаб юборилди
Жабрланувчи ижара асосида яшаб келаётган икки нафар танишининг хонадонига келганида ўзаро жанжаллашиб кетишган.
Наманган шаҳар Обиҳаёт МФЙда ижара асосида яшаб келаётган 2002 йилда туғилган Х.М. ҳамда унинг таниши Н.Л. уларнинг олдига келган 2003 йилда туғилган банк кассири М.А билан ўзаро тортишиб қолиган.
Жанжал натижасида улар М.А.ни қасддан ўлдириш мақсадида, хонадонинг ётоқхона ойнаси ромига мажбурлаб чиқариб, уни қўп қаватли хонадонинг 3-қаватидан пастга мажбуран суриб, ташлаб юборган. Шундан сўнг, улар яшириниш мақсадида Spark автомашинасида воқеа жойидан номъалум томонга қочиб кетиб яширинган. Бу ҳақда UzNews.uz'га Бош прокуратура матбуот хизмати раҳбари Ҳаёт Шамсутнидов хабар берган.
М.А.га воқеа содир бўлган вақтда хонадон ховлисида бўлган фуқаролар томонидан ёрдам кўрсатилиб, Республика шошилинч тез ёрдам илмий марказининг Наманган филиалига олиб борилган.
Шифокорларнинг дастлабки маълумотномасида, фуқаро М.А.даги жароҳатлар оғирлик даражасига кўра "ҳаёт учун хавфли бўлган оғир тан жароҳати" гуруҳига кириши кўрсатилган.
Мазкур ҳолат юзасидан ЖКнинг 25,97-моддаси 2-қисми "п" банди билан жиноят иши қўзғатилиб, Х.М. ва Н.Л. ЖПКнинг 221-моддаси тартибида ушланган.
👉 @bankirkundaligi 👈
❌Туронбанк номидан сохта аккаунтлар орқали реклама қилаётган фирибгарлардан огоҳ бўлинг!
Барча каналимиз обуначиларини шу каби ёлғон саҳифалардан сақланишга чақирамиз.
Арзон ва паст фоиз билан кўрсатилаётган кредитларга ҳеч ҳам алданманг.
☑️Аниқ маълумотларни тижорат банкларининг расмий саҳифаларидан олинг.
☝️🏻Юқорида ҳам шу каби ҳолатлар бўйича тушунтириш берган эдик!
👉 @bankirkundaligi 👈
РЕКЛАМА ҚОНУНЧИЛИГИ БУЗИЛИШИ ЮЗАСИДАН МОЛИЯВИЙ ЖАРИМА ҚЎЛЛАНИЛДИ
Рақобат қўмитасига “ORIENT FINANS” ХАТБ Термиз филиали томонидан Сурхондарё вилояти Термиз шаҳрида ўрнатилган ташқи реклама воситаларини қонунийлиги юзасидан мурожаат келиб тушган.
▪️Мурожаатни ўрганиш жараёнида, “ORIENT FINANS” ХАТБ Термиз филиали томонидан Термиз шаҳри Ҳаким Ат-Термизий кўчасидаги банк офиси олдида ўрнатилган ташқи реклама воситаларининг ўрнатиш ҳуқуқини берувчи ҳужжатлари (паспорт, гувоҳнома, рухсатнома ва ҳуқуқни белгиловчи бошқа ҳужжатлар) мавжуд эмаслиги ҳамда реклама ахборотини тарқатиш бўйича маҳаллий ҳокимликлар билан белгиланган тартибда шартномалар имзоланмасдан келинганлиги аниқланди.
Юқоридагиларни инобатга олиб, Ўзбекистон Республикасининг “Реклама тўғрисида”ги Қонуни 24 ва 25 моддалари ҳамда Вазирлар Маҳкамасининг “Ташқи реклама бозорини тартибга солиш тўғрисида”ги 104-сонли қарори билан тасдиқланган Низом талаблари бузилиши аломатлари юзасидан “ORIENT FINANS” ХАТБ Термиз филиалига нисбатан белгиланган тартибда иш қўзғатилиб, натижаси бўйича молиявий жарима қўлланилди.
👉 @bankirkundaligi 👈
АФАНДИ КРЕДИТ ОЛИБДИ.
Хотини ақллими афандими?
👉 @bankirkundaligi 👈
АСОСИЙ СТАВКА ПАСАЙДИ. БУ НИМА ДЕГАНИ?
Марказий банкнинг асосий ставкаси пул-кредит сиёсатининг асосий воситаларидан бири ҳисобланади. Пул бозоридаги қолган барча фоиз ставкалари, жумладан банклар бир-биридан ва Марказий банкдан ўзаро қарз олишда белгиланадиган фоиз ставкалари асосий ставкага асосланади.
Шундай қилиб, асосий ставка иқтисодиётдаги фоиз ставкалари даражасига, шунингдек, аҳолининг истеъмол ва инвестиция қарорларига таъсир қилади, бу эса ўз навбатида жамғариш кайфиятидаги ўзгаришларга сабаб бўлади.
☑️Асосий ставканинг пасайиши ёки ошиши банкларни ўз маҳсулотлари ва хизматлари, масалан, аҳоли ва корхоналар учун депозитлар ёки кредитлар қийматини ўзгартиришга ундайди.
Инфляция пасайганда ва шунга мос равишда асосий фоиз ставкасининг камайиши билан банклар томонидан нисбатан пастроқ фоиз ставкаларда кредитлар ажратилади, молиявий ресурслар эса ўз навбатида аҳоли ва бизнес учун янада қулайроқ бўлади.
Марказий банк раиси бу жараён 2 чоракдан 6 чоракгача вақт олишини таъкидлади.
Банклардан кредит олганлар, омонат қўйганлар банк билан тузилган шартномангизни кўздан кечириб қўйинг. Асосий ставка ўзгариши билан банк хизматларига ўзгариш киритилиши белгиланган бўлиши мумкин. Белгиланмаган бўлиши ҳам мумкин.
Асосий ставка боғланган оилавий тадбиркорлик кредитлари, БРБ кредитлари, ипотека кредитлари, Халқаро молия институтлари кредитлари, Тадбиркорликни ривожлантириш компанияси хизматлари ставка ўзгаришига мос равишда пастлайди. Барчага муборак бўлсин.
👉 @bankirkundaligi 👈
АСОСИЙ СТАВКА 0,5% ПАСТЛАДИ
Марказий банк Бошқарувининг 2024 йил 25 июлда асосий ставкани йиллик 0,5 фоиз бандга пасайтириб, йиллик 13,5 фоиз даражасида белгилаш тўғрисидаги қарори юзасидан Пресс-релиз
Куни кеча ўтказилган муҳокамада «пастлатилади» деб белгилаганлар, тўғри прогноз қилган экан.
Кейинги йиғилиш жорий йил 12 сентябр куни бўлиб ўтади.
👉 @bankirkundaligi 👈
“AVO BANK” АЖга НИСБАТАН МОЛИЯВИЙ ЖАРИМА ҚЎЛЛАНИЛДИ
Рақобат қўмитасига “AVO Bank” АЖ (рақамли банк) кўрсатаётган хизматлари ҳақида нотўғри реклама тарқатаётганлиги юзасидан мурожаат келиб тушган.
Хусусан мурожаатда, банк сайтининг “AVO bonuslari” саҳифасидаги реклама ахборотларида “250 000 so‘m Har bir yangi mijozga”, “+250 000 so‘m Sizga va Avoning har bir yangi mijoziga”, “Hisobingizga 250 000 so‘m olish” ва “Kartaga 250 000 so‘m olish” каби маълумотлар кўрсатилганлиги, бироқ, банк томонидан ҳар бир янги мижозга 250 000 сўм пул берилмаслиги, мазкур пул кўринишидаги бонусларни олиш учун банк мижози маълум бир ҳаракатларни амалга ошириши лозимлиги, шунда ҳам мижозга 250 000 сўм пул маблағи нақд пул кўринишида тақдим этилмасдан банкнинг мобил иловаси орқали бонус баллари кўринишида тақдим этилиши маълум қилинган.
Ушбу ҳолат юзасидан олиб борилган ўрганиш ишлари натижасида “AVO Bank” АЖнинг расмий веб-сайтида “AVO Ўзбекистондаги энг қулай мобил банк” мазмунидаги реклама жойлаштирилганлиги, шунингдек, банк томонидан ҳар бир янги мижоз учун 1 бонус бали 1 сўмга тенг бўлган бонус баллари тақдим этилиши, мижознинг ўз хоҳишига кўра ушбу бонусларни пул маблағларига алмаштириши ёки банкнинг кўрсатган хизматлари учун тўлов сифатида ишлатиши мумкинлиги белгиланганлиги, шу сабабдан реклама ахборотларида “Har bir yangi mijoz uchun 250 000 so‘m oling”, “Har bir taklif qilingan shaxs uchun 50 000 so‘m”, “Hisob raqamiga 250 000 so‘m oling” мазмунидаги иборалардан фойдаланилганлиги, бироқ, “AVO Bank” АЖнинг ушбу пул маблағларини мижозларнинг ҳисоб-рақамларига тўғридан-тўғри ўтказиб бериш имкони мавжуд эмаслиги аниқланди.
☑️Шу билан биргаликда, “AVO Bank” АЖ томонидан кўрсатилаётган хизматлар тўғрисида оммавий ахборот воситалари ва ташқи реклама воситаларида тарқатилган реклама ахборотлари қўшимча равишда ўрганилганда бир қатор камчиликлар аниқланди.
▪️Жумладан, турли манбалар орқали эълон қилинган реклама ахборотларида “AVO Bank” АЖнинг “AVO Platinum” кредит картаси ҳақида жойлаштирилган маълумотларида “AVO platinum kredit kartasi - har qanday xarid uchun 0% stavka” hamda “AVO platinum kredit kartasi – 2 millionga xarid qilib, 2 million qaytarish” деган мазмундаги иборалар фойдаланилганлиги кузатилди.
▪️Ваҳоланки, “AVO Bank” АЖнинг “AVO Platinum” кредит картаси маблағларидан фойдаланиш шартларига кўра, мижозларнинг ушбу кредит карталари орқали амалга оширган харид суммалари учун 45 кун давомида фоизлар ҳисобланмаслиги, харид амалга оширилган санадан 45 кун ўтгач ушбу пул маблағлари учун белгиланган тартибда кредит фоизлари ҳисобланиши маълум бўлди.
☝🏻Юқоридагиларни инобатга олиб, Ўзбекистон Республикасининг “Реклама тўғрисида”ги Қонунининг 16-моддаси биринчи қисми ва Ўзбекистон Республикасининг “Истеъмолчиларнинг ҳуқуқларини ҳимоя қилиш тўғрисида”ги Қонунининг 6-моддаси биринчи қисми талаблари бузилиши аломатлари юзасидан “AVO Bank” АЖга нисбатан реклама ва истеъмолчилар ҳуқуқларини ҳимоя қилиш тўғрисидаги қонунчилик талаблари бузилганлиги натижасида белгиланган тартибда молиявий жарима қўллаш юзасидан қарор қабул қилинди.
👉 @bankirkundaligi 👈
4.500.000 ойлик тўлов билан хонадонлар
Mavrid Mavzesi лойиҳасидан 1 хонали хонадон учун бошланғич тўловни амалга ошириб, қолган қисмини 4,500,000 дан ойма-ой тўлаб боринг.
Бонус: 21 м² гача бўлган терассалар
Лойиҳа қулайликлари:
- 14 қаватдан иборат
- Баскетбол стадиони, вело йўлаклар, workout зонаси
- Ерости ва ерусти автотураргоҳлари
📲 Бот орқали биз билан боғланинг!
📍Манзил: Тошкент шаҳри, Қўйлиқ 5-массив (Мўлжал: Daniel Hill меҳмонхонаси)
Телеграм канал | +998787770011| INSTAGRAM
Реклама
⚡️ЭРТАГА АСОСИЙ СТАВКА ҚАЙТА КЎРИБ ЧИҚИЛАДИ
Аввалдан белгиланганидек эртага, 2024 йил 25 июл куни Марказий банкда асосий ставкани кўриб чиқиш бўйича йиғилиш ўтказилади.
Маълумот учун, 2024 йил 13 июн куни асосий ставка ўзгартирилмасдан, 14 фоиз этиб белгиланган эди. Асосий ставка 2023 йил 17 март кунидан буён ўзгартирилгани йўқ.
Эслатиб ўтамиз, жорий йил 16 январда Президент видеоселектор йиғилишида кредитлар ставкаларини 2-3 фоизга пастлатиш юзасидан Марказий банк раиси ўринбосарига кўрсатма берган эди.
Таҳмин қилиб кўрингчи, 25.07.2024 йил куни асосий ставка (14%), навбати бўйича кўриб чиқилса, қандай қарор қабул қилинади?
👉 @bankirkundaligi 👈
ТУГАМАЙДИГАН МАЖЛИСВОЗЛИК
Жорий йил 17 июл кунги йиғилишда Президентимиз масъул раҳбарларни мажлисвозлик ҳақида огоҳлантирган. Мажлис қилишга ҳақлари йўқлиги, ойлик маош олиб ишлаётган ходимларни иш вақтини олаётгани, мажлисвозликни йиғиштириш ҳақида қатъий топшириқ берган.
Аммо, лекин, бироқ...
☑️Ижтимоий тармоқларни кузатар экан одам, жойлардаги раҳбарлар йиғилиш қилишда давом этаётганини кўриш мумкин.
▪️Солиқ қўмитасида Президентимизнинг айнан 17 июл кунги берган топшириқлари ижроси ҳайъатнинг кенгайтирилган йиғилишида муҳокама этилган. Унда Қорақалпоғистон Республикаси, вилоятлар ва Тошкент шаҳар солиқ бошқармалари, барча туман, шаҳарлар солиқ инспекциялари бошлиқлари, тизим таркибидаги ташкилотлар раҳбарлари иштирок этган.
▪️Навоий вилоят ҳокимлигида ҳам жорий йил 22 июл куни аппарат йиғилиши ўтказилган. Ҳокимлик ахборот хизмати томонидан ёритилган ушбу йиғилишнинг расмларидан кўриниб турибдики, вилоят ҳамда барча шаҳар ва туман студияларидан бир неча юзлаб раҳбарлар ушбу йиғилишда иштирок этган.
Ушбу йиғилишдаги рақамларга кўра, Навоий вилоятида 14112 нафар ишсизлар рўйҳати шаклланган бўлиб, шу кунга қадар жами 437 та мурожаат келиб тушган бўлиб, атиги 38 таси ёки 10 фоизи ижобий ҳал қилинган ва 91 таси таклиф этилган бўш иш ўринларини рад этган. 14112 нафардан 437 таси мурожаат қилган холосми? 38 таси ишга жойлашган холосми!
👉 @bankirkundaligi 👈
Ҳафталик дайжест.
Банк тизими ҳафталик (15 - 21 июл) янгиликлари.
☑️Халқ банки коррупцион ҳолатлар ҳақида хабар бериш учун Тезкор хабар мобил иловасини ишга туширганини маълум қилди. 24/7 режимида хавфсиз ва махфий равишда хабар юбориш имконини беради.
☑️Трастбанк энди яратилган янги иш ўринлари сони ошган сари, дебет айланмадан бепул фойдаланиш муддати ҳам кўпайиб боришини маълум қилди. Яратилган иш ўрни 3 тадан кам бўлмаса 3 ойгача, 6 тадан кам бўлмаса 6 ойгача, 10 тадан кам бўлмаса 10 ойгача, 15 тадан кам бўлмаса 12 ойгача воситачилик ҳақидан озод қилинади.
☑️Асакабанк бирламчи бозордаги хонадон сотиб олиш учун ипотека кредит таклиф этди. Фоизи 18%, муддати 20 йил. Батафсил.
☑️Ўзсаноатқурилишбанк «Даромадли» омонатини таклиф қилди. Минимал сумма 1 млн сўм, муддати 24 ой, фоизи 25%.
☑️Микрокредитбанк «Гибрид» ипотека кредитини таклиф этди. Муддати 20 йилгача, бошлан-ич тщлов 15%дан бошлаб, фоизи 18%дан.
☑️Тенге банк Тенге24 мобил иловасида Қозоғистондаги Ҳалк банк карталарига комиссиясиз пул ўтказишни таклиф этди.
☑️Универсал банк «Туризм» кредитини таклиф этди. Муддати 18 ой, фоизи 8%, минимал миқдори 200$.
☑️Инфин банк бирламчи ва иккиламчи бозор учун ипотека кредит таклиф этди. Муддати 20 йилгача, фоизи 22%дан бошлаб, бошланғич тўлов 26%дан бошлаб, миқдори 918 млн сўмгача.
☑️ТБС банк 27% ставкада омонат очганда омонат суммасининг 3% ни дарҳол картага тўлаб беришини маълум қилди.
☑️Ипак йўли банки янги корпоратив мижозлар учун миллий валютада ҳисобварақ очиш, дебет айланмаси бўйича комиссия, миллий валютадаги ўтказмалар, корпоратив картани тўлдириш ва аккредитив хизматлар 0%да таклиф этди. Батафсил.
☑️Туронбанк янги қурилган уйлардан хонадон харид қилиш учун ипотека кредит таклиф этди. Батафсил.
☑️Ҳамкорбанк аёл-қизларни гендер ва ижтимоий ҳимоя бўйича мутахассис лавозимига ишга таклиф этди.
☑️Пойтахт банк ишбилармонлар учун «Бизнес» кредитини таклиф этди. Миқдори 500 млн сўмгача, фоизи 28%, муддати 18 ой.
☑️Октобанк банкомат ва инфокиоскаларини энди «Яндекс Хариталарида» ва «2GIS»да топиш мумкинлигини маълум қилди.
☑️Алоқабанк ипотека кредит таклиф этди. Бошланғич тўлов 15%, муддати 20 йил, миқдори пойтахтда 420 млн сўм, бошқа ҳудудларда 330 млн сўмгача.
☑️Ўзмиллийбанк 2024 йилнинг 22-26 июл кунлари Навоий вилояти, 23-24 июл кунлари Тошкент шаҳар Бош Бошқармаларига тегишли барча банкоматлар профилактика ишлари туфайли вақтинча ўчирилишини маълум қилиб, узр сўради.
☑️Азия альянс банк кредит тарихида 90 кундан ошмаган муддати ўтган тўловлари борлар ҳам олса бўладиган кредит таклиф этди. Муддати 3 йилгача, миқдори 35 млн сўмгача, фоизи 35,99%.
☑️Ориентс финанс банк BYD автомобиллари учун автокредит таклиф этди. Муддати 1-5 йилгача, миқдори 600 млн сўмгача, фоизи 22,9 %дан 25,9 %гача.
☑️Зираат банк Ўзбекистон Эшмурзаев Ойбек Эшназарович Бошқарув Раисининг биринчи ўринбосари этиб тасдиқланганини маълум қилди.
☑️Қуйидагилар ишга таклиф этди:
▪️Пулман микромолия ташкилоти;
▪️Тадбиркорликни ривожлантириш компанияси.
☑️Ҳафта давомида энг кўп ўқилган пост.
☑️Банкларнинг бошқарув раислари қабулига қандай кириш мумкинлиги ҳақида пост тайёрладик.
☑️Бирламчи ва иккиламчи ипотека кредитлар шартлари 👉Мана бу ерда.👈
☑️Микроқарзлар шартлари 👉Мана бу ерда.👈
☑️Субсидиялар ҳақида асосий саволларга жавобларни👉мана шу ерда👈 ўқишингиз мумкин.
Хабарлар қисқа кўринишда тақдим этилди. Батафсил банкнинг ижтимоий саҳифаси ёки колл-марказидан олишингиз мумкин.
👉 @bankirkundaligi 👈
