💢💢💢
🔷حزینلی بیر آتا گونونون گئجهسیندهیم.
سیزیلداییر سوموکلریمده
اردبیل شاختاسیندان دا بتر،
حوزونلو بیر آتاگونو،
اینسانلار
ساوالان شپهسیندن یارانمیش بیر قار آدامینا چئوریلیر،
دونوق اللریمی هوفلاییر اوغلوم.
سیخیلیر دولموش اورهییم
بومبوش جیبلریمین ایچینده.
اوستو اؤرتولو بازارین
پوزولموش دوستلوغوندان دؤنورم.
تور آتیرام
بالیقلی چایین بالیقسیزلیغینا.
آلیشدیریرام سیگارامی
قانی قارالمیش فابریکالارین توستو قالخماز بئییینلریندن.
یوز اوسته سورورم
یاشام قاطارینا یئتیشمک اوچون.
نادیر تپهسیندن
دیغیرلانیر
ویلچر اوستونده
فلج بیر سعادت.
خورتلاییر شاعیرلر
شیخ صفیدن
باغیریر قیزیلباش بیر موتلولوق،
و سونرا
آرزولار اراذیلی
ماشین آرخاسیندا آیاق باش دولاندیریلیر شهری.
فابریکالارین اورهیی کئچیر
یئره سریلیر اومود دیرهیی
دایاندیغی یئردن دیکهلیر بیر «آتا» هئیکلی
یاخاسینین دوکمهلرینی آچیرام نفس چکمک اوچون.
اوف، شوربیل بیل بیل بیل
عکس اولونور بوتون چاغیریشلار
باغیریر بیر آتا
«آنا» اوشاغی ایله،
دالغالارین یورغانینی اوستونه چکیر.
چیبان چیخاردیر آلنیمدا باهالیق
موتلولوغون بوتون شهرلرینده تانیسینلار دئیه منی.
اردبیله دؤنورم
دردین لولهسی پارتلاییب محلهمیزده
یئر گؤی باغلانیر
ازدحام چنبریندن ائوه قاییدیرام.
اوغلوم آتاگونودور دئیه ائودن چیخیر.
بازار آختاریر
اعتصابین عصبلرینده
حوجره حوجره اعتیراضین طوافیندا
حجرالاسود بیر نیشانا چئوریلیر دایانیشیم
فیرلانیر فلاکت فلکهسیندن،
قوناقلیغا گئدیریک دئیه،
یاخاما بیر یارا سانجیر.
سیزیلداییر سوموکلریمده
اردبیل شاختاسیندان دا بتر،
حوزونلو بیر آتاگونو
دونوق اللریمی هوفلاییر اوغلوم...
✍#ایلقار_موذنزاده
۱۴۰۴/۱۰/۱۲
#ایمگهلر_کانالی
✔️✔️✔️
👇👇👇
/channel/imgalar
Əbülfət Əsəd oğlu Əliyev
(🎂30 dekabr 1926, Şuşa)
(🕊️27 dekabr 1990, Bakı)
✍️: ملا محمد فضولی
🎙️: کبری میرحسینی
@bayarses
@maryampayiziM
#موسیقی_آذربایجان_باکو
⭐️ #قیزیل_فوند
#کاست شماره ۱
از خواننده قدیمی آذربایجان
👇👇👇👇👇
#لطفیار_ایمان_اوو
Lütfiyar İmanov
آمان اووچو
Aman Ovçu
دستگاه:
بایاتی شیراز
Bayatı Şiraz
⭐️ کانال موسیقی آذربایجان
@Azerbaycan_Musighi
نیگار خانیم خیاوینین «قبیر آدرسی» حیکایهسینه قیسا بیر گؤروش
✍️: ویدا حشمتی
حیکایه، درین و چوخ قاتلی بیر روایتدیر. بیر قادینین یارالانمیش کئچمیشی ایله اوز-اوزه قالماق حیکایەسی. بو کئچمیشده، هم سیاسی تاریخ، هم ده شخصی تاریخ استعاره و بعضا کابوس کیمی بیر-بیرینه کؤلگە سالیر. یازار، امامیه قبریستانی و کئچمیشده اعدام اولانلارلا باغلیلیغی سئچیبدیر. بو حیکایه گئرچکله توهم آراسیندا دایانیب قالیر؛ بو نوسان تکجه تکنیکی دییل، محتوایی و عاطفیدیر.
پئیرنگ «بیر قبیری آختارماق» اوستونده قورولوب؛ ساده بیر حرکت، آما چوخ درین گرگینلیکله دولو. روایتدهکی قادین، قبیری تاپمالیدیر، آما نه قدر ایرهلی گئدیرسه يول آیدینلاشماییر، ترسینه خاطیره، قورخو، تاریخ و جنونون ایچینه دوشور.
بو ساده گؤرونن پئیرنگین درینلیگینده اؤنه آپاران بیر خط وار: پئیرنگ ظاهرده، فریدونون (آناسینین نیشانلیسی) قبیرینی تاپماق ایستهگیدیر. قادین آستا-آستا حافظه قاریشقلیغی، توهم و هویتین کؤچوشونون ایچینده یوخ اولور و آناسینین کئچمیشینی اؤزو ایله قاریشدیرماغا باشلاییر و بیر-بیرینه قاریشماقدا اولان ایکی خطّین اوج نقطهسینده _ قادینین اؤزونو «فریدونون نیشانلیسی» کیمی تانیتدیغی آندا _ بیرلشیر. سونونوندا بو بیرلشمه روایتی افشا ائتمیر، بلکه بیر دوشوش اولور؛ تاریخین یادیندان چیخاریلمیش قارانلیقلاری و نسیلدن-نسیله کئچن آغریلارین ایچینه دوشوش.
قورولوش باخیمیندان، روایت دؤنگه-بوروق بیر تکنیکله قاباغا گئدیر. قادین قبریستاندا اؤز اطرافیندا دولانیر؛ تکرارلا قبیرلری گؤزدن کئچیردیر، کئچمیشه قاییدیر، یئنیدن باشلاییر. بو تکراری حرکت فورمانین خدمتیندهدیر و تاریخین ایتگینلیک حیسّینی اوخوجویا چاتدیریر.
زاویهدید، محدود اوچونجوشخصدیر؛ آما یازار بعضا قادینین ذهنینه سیزیب، اونون ایچ مونولوگلارینی گؤز آلتینا چکیر. بو یاخینلیق، روایتین قورخو، شوبهه و هذیانینی اوخوجویا کئچیردیر. بعضا ده روایت، شخصین ذهنیندن آیریلیب (مثلاً شهره، چینارلارا، یا سیاسی تاریخه باخارکن)، روایتین فضاسینی گلیشدیریب، اجتماعی بؤیوت قازاندیریر.
فضا، روایتین ان اؤنملی عنصرلارینداندیر. امامیه قبریستانی تکجه بیر مکان دییل، بیر جمعیحافظه میدانیدیر. یاغیش، ساکیت هاوا، چینارلار، سوکوت و خیابانلارین چیرکین آغیرلیغی تاریخی بیر آتموسفر یارادیر. دفعهلرجه باشی کسیلیب آتیلان، آما یئنیدن کؤک سالان چینارلار، «یارالی اما دیری» اینسانلارین گوجلو استعارهسیدیر.
اصلی کاراکتئر، آدی اولمادیغینا باخمایاراق چوخ درین و دقیق یارادیلیبدیر. ظاهرده حرکتدهدیر، آما بو ظاهردهکی حرکت، اونون ایچیندهکی چؤکوشو اؤرتوبدور.
دقیق و منسجم ایچ مونولوگلار، جنونون گؤستریلمهگی، اصلی شخصیتی آنانین تاریخی ایله بیرلشمەگی، آختاراندان آختاریلانا چئوریلمەیی چوخ گوجلو شکیلده اوخوجویا منتقل اولور.
یازار «هویت چؤکوشو» مضمونوندان چوخ یاخشی یارارلانیبدیر. ایلک باشدا قادین آختاراندیر، سونرا آناسینا چئوریلیر، آخیردا اؤزونو فریدونون نیشانلیسی سانیر. بو لایهبهلایه و ایناندیریجی بیر حالدیر. زامان خطی دییل؛ کئچمیش و خاطیرهلرین دالغالاری ایله دگیشیلیر. پیشهوری دؤرو، فیرقه تاریخی، تبریزین اعدام ایللری، اونون حالینا قاریشیر.
دیل باخیمیندانسا متن شاعرانه و دویغوسال تصویرلرله دولودور. ریتمینی، قبریستانین ساکیت فضاسی و آغیرلیغی تعیین ائدیر.
تصویرلر چوخ قوتلیدیر، «تورپاغی آغزیندا دادماق»، «باشینا تورپاغی ساوورماق». آما بعضا تصویرلرین چوخلوغو و بو کابوس آتموسفری اوخوجونو یورور؛ بلکه بو تصویرلرین بعضیسینین حذف اولماغی متنین گوجونو آرتیرا بیلر.
جمعی حافظه و تاریخین اونودولماماغی، قبریستان، ساعات مئیدانی، ایتن قونوم(آدرس)، اؤزگه قبیرلر و اعداملار، حذف و سانسورون سیمگهسیدیر. قادین، آناسی اوچون دییل، اونون آغریسی ایله بیرلشمک اوچون یولا دوشور. دردین، نسیلدن نسیله کئچمهسی بئله تصویر اولور. بو روایت ده قادین «تاریخین داشیییجیسی»دیر. کیملیک آختاریشی و اوندا یوخ اولماق. قادین آرتیق بیلمیر قبیری آختاریر یوخسا اؤزونو. او آرتیق آناسی اولوبدور و منجه بوراسی حیکایهنین زیروه نوقطهسیدیر.
حیکایه، جسور و دریندیر. ساده بیر پئیرنگ اوستونده آنجاق چوخقاتلی و کابوس کیمی دونیا یارادیر. شاعرانه دیل، تبریزین یارالی آتموسفری و سیاسی تاریخه اشارەلر، متنه معنا و درینلیک وئریر. بو اثر، تکجه بیر قادینی آنلاتماییر، بیر شهری، نسلی و بیر جمعی حافظهنین حیکایهسیدیر. یازار گئرچک و وهم آراسیندا چوخ اینجه بیر جیزیق چکیر و اوخوجونو سونونا قدر بو ایکی دونیا آراسیندا دالغالاندیرماغی باجارا بیلیبدیر وبو، حیکایهنین ان بؤیوک اوغورودور.
یئر کورهسی «جهنمین او بیری آدی.»
اؤلوم گزیر هر کوچهده الی قانلی
کؤلگهسیندن قورخور جانلی
ناغیلا یاد
اَیینیندهکی پالتاریندان قورخور کؤرپه
دیلیم ده لال آناسیندان قورخور کؤرپه
- آنا! آنا!
- نهدیر کؤرپهم
- گل قارنینا قایتار منی
بهروز صدیق- ین شعریندن بیر پارچا
رسیم: ضحی قیزیم
☂
ائلزانین گؤزلری
شعر: لویی آراگون
ائله درینكی گؤزلرین ایچمهیه اییلدیم ده
بوتون گونشلری پیریل-پیریل اورادا گؤردوم
اورادا بوتون اومودسوزلوقلاری گؤزلهین اؤلوم
ائله دَرینکی هر شئیی اونوتدوم ایچلرینده
اوجسوز بیر دنیزدیر بولانیر قوش کؤلگهلرینده
سونرا بیردن گونش چیخار او بولانیقلیق کئچر
یاز ملکلرین أتکلریندن بولودلار بیچر
گؤیلرین أن ماویسی بوغدالار اوزرینده
قارانلیق بولودلاری بوشونا داغیدیر کولکلر
گؤیلردن آیدیندیر گؤزلرین بیر یاش گؤرونجه
جامین قیریلان یئریندهکی ماویلیینی ده
یاغمور سونو سمالارینی دا قیسقاندیریرلار
من بو رادیومو چوخ ایتی بیر داشیندان چیخارتدیم
منیم ده یاندی بارماقلاریم قاداغان اودوندا
تاپیب یئنیدن ایتیردییم جنت اؤلکه
گؤزلرین پَریمدیر منیم گولوم، نارگیلهم هينديستانيم
کاینات پارامپارچا اولدو بیر آخشام اوزهري
هر قورتولان اود یاخدی اوستونده بیر قایانین
گؤردوم دنیزین اوزهرینده پارلارکن "ائلزا"نین
گؤزلری ائلزانین گؤزلری ائلزانین گؤزلری
تورکجهیه چئویرن: اورهان ولی
اويغونلاشديران: همت شهبازی
🔹
/channel/dusharge1
💢💢💢
غزل: #صراف_تبریزی
ایجرا: #رحمتلیک_نعمت_الله_حقیقی
میکس: #امین_رسولی
سماوی نغمه لر رادیو پروقرامی
✍ #ایمگهلر_کانالی
✔️✔️✔️
👇👇👇
@imgalar
@sarraf_tabrizi
شعر : کمال حسینزاده
سس : کبری میرحسینی
@bayarses
@imgalar
📣: قابل توجه دکلماتورها، گویندگان، دوبلورها، صداپیشگان و...
اگر امکان یا فرصت حضور در استودیو و صرف وقت و رفت و آمد را ندارید، ویس خود را برای ما ارسال کنید، تا پس ازبررسی، اعلام کارهایی که نیاز دارد، اعلام هزینه و ... آن را ادیت و برایتان ارسال کنیم.
✍️ انواع خدمات ما :
1- تقویت شدت ولوم یا صدای کلی کار
2 - تقویت شدت ولوم قسمت های ضعیف
3 - نویزگیری و حذف هوایی که هنگام رکورد روی کل صداست
4 - گذاشتن اکو و ریورب روی کل کار
5 - گذاشتن اکو و ریورب روی قسمت های خاص
6 - حذف اشتباهات گفتاری و صداهای مزاحم
7- میکس ساده ( با موسیقی زیر صدای ارسالی شما ) موسیقی با ولوم کم و یکنواخت با ویس میکس میشود.
8 - میکس پرکار ( با موسیقی زیر صدای ارسالی شما ) موسیقی فقط در زیر کلام کم و در جاهای دیگر قوی خواهد بود.
9 - میکس پر کار (با موسیقی زیر صدای انتخاب شده توسط ما ) موسیقی فقط در زیر کلام کم و در جاهای دیگر قوی خواهد بود.
مشاوره یا ارسال ویس جهت ادیت :
@bayarmix
——————————————————————————————
شرایط بهترین کیفیت برای ضبط صدا با گوشی همراه :
1- مکان رکورد، بهتر است فرش و موکت داشته و خالی نباشد تا از انعکاس صدا جلوگیری شود.
2- در مکان رکورد، وسایل صدادار مانند : کولر، یخچال، فن، ترانس مهتابی ... روشن نباشند.
3- فاصله میکروفون گوشی با دهان، حدود 15 سانت کافیست و بهتر است مستقیما مقابل دهان نباشد وکمی بالاتر یا پایین تر قرار بگیرد.
4- ضبط با ویس تلگرام کیفیت خوبی ندارد وبهتر است از برنامه های جانبی گوشی استفاده کنید. (تنظیم کیفیت 128 کافیست)
@bayarses
ندنسه اوتاغین بیر بوجاغیندا یوماق کیمی قیوریلمیش، یاشماغینی گؤزونون آلتینا کیمی چکمیش، دولو پوکالاری چای سیبینه دوزن قادین دقتیمی چکیر. قادینی خیرالنسایا گؤستریب، دئییرم: «او قادین ملاباجینی منه خاطیرلادیر.»
«اننه قوربان، کیریخمیرسان، ائله او ملاباجینین اؤزودی دا»
ندنسه بیر آن رفعالقلم گونو خیرالنسانین ائوینه گیریب، قیرمیزی دونونون اتکلرینی قالدیریب، بودلارینا چالیب، اوینایاراق، وردی من باشلاییرام سیز ده منیم دالیمجا تکرار ائلهیین. اَللّهُمَّ الْعَنْ.... دئین ملاباجی یادیما دوشوب، دوداغیم قاچیر. اونا یاخینلاشیب، گوله-گوله دئییرم: «ملاباجی، بیر دئه گؤروم پوکالارا باریت دولدوروکن کیمه لعنت اوخویورسان؟»
او ایسه یاشماغینی آشاغی چکیب، گؤزلرینی قییب، دقت ایله منه باخیر: «آوااااا، آی قیز سنسن؟ سن او موطوروفلرین باشچیسی دئییلدین مهیر؟ سنی حامام ییغواسیندا دا اوزاقدان گؤردوم. آی قیز، بو نه قیلخدی؟ سنین بوردا نه ایشین وار؟»
«من ده مجاهیدلره قوشولموشام» دئییرم.
«توبه استغفرواللاه، موطورفدن ده مجاهید چیخار؟ آی قیز خیرالنسا گؤر بو قیز نه دئییر!»
خیرالنسا ایسه بیزیم یانیمیزا گلیب، گولهگوله دئییر: «ملا باجی، زمانه دییشیلیب، مجاهیددن موطروف چیخماسا دا، موطوروفدن مجاهید چیخار بو زاماندا.»
پوکالارا باریت دولدوران قادینلار خیرالنسانین سؤزونه گولوشورلر. قادینلارین بیری دئییر: «ملاباجی، موطوروف یوخ، بولارین آدی آکتوردی، بو قیز دا تیاترو اوینایان آکتورلارین باشچیسی ایدی.»
ستار خانین وفات گونو موناسیبتیله مشروطه خانیم رمانیندان قیسا بؤلوم
👇👇
“Yağma yağış”
Söz: Bəxtiyar Vahabzadə
Bəstəkar: Hacıbaba Həsənov
Göylər çənə büründükcə
Ürəyimi bürüyür qəm.
Yağma, yağış, yağma, yağış,
Mən görüşə tələsirəm.
Mənim şirin sevincimə
Acı zəhər sən qatma gəl.
Göy çəməndə yar gözləyən
Sevgilimi islatma gəl.
Pəncərəmə hicran yazır
Damcıların naxış-naxış.
Mən görüşə tələsirəm
Yağma, yağış, yağma, yağış,
Ürəyini boşaltmasın
Bu gün göylər insan kimi,
Mən ki, açmaq istəyirəm
Sevgilimə ürəyimi.
Yağsan da mən gedəcəyəm.
Görüşəndə yağışda biz.
Üstümüzdə açılacaq
Çətir kimi öz eşqimiz.
@turkmilleti
کیلاسا قاتیلماق ایستهینلر بو آیدییه یازسینلار
➡️ @Shhn0
#ادبیات_ائوى
@AdabiyatEvi
وقتی خدا نگاه تورا ناز آفرید
در آسمان بهانه ی پرواز آفرید
دل می سپرد تا به صدای تو نت به نت
احساس را به پرده ی هر ساز آفرید
لبخند می زدی و لب از لب که می شکفت
در باغ ها حریر گل ناز آفرید
تا آهوی نگاه تو را صید خود کند
در اسمان آبی خود باز آفرید
از مستی نگاه تو یک قطره را گرفت
از آن شراب خُلَّر شیراز آفرید
عشق تورا تنید به مضمون شعرمن
نام تو را تَ تَن تَ تَ تَن راز آفرید
#مریم_پاییزی
نیگار خانیم خیاوینین «قبیر آدرسی» حکایهسینه فورمال باخیش
«قبیر آدرسی» حکایهسی ایلک باخیشدا اوخوجونو دویغو و خاطیره ایله دولو، تاریخی بیر محیطه آپاریر. بو کیمی سیاسی-تاریخی مؤضوع سئچمی اؤزلویونده دَیرلی آددیمدیر، چونکی حکایه شخصی تجروبهنی کئچیب، عمومی تاریخی یادداشا باغلانماق ایستهییر.
تصویری ایفادهلر و شعرسل جملهلر حکایهنین ائموسیونال تونونو یوکسلدیر و اوخوجودا جانلی تصویرلر یارادیر.
اوبرازلار دا جانلی و تأثیرلیدیر. اوخوجو حادثهلرین ایچینده ایتیر، قهرمانین قورخوسونو، هیجانینی، دویغولارینی یاشاییر. بئلهلیکله ایلک باشدان مؤلفین گوجلو بیر قلم صاحیبی اولدوغو سئزیلیر.
آنجاق دیل دوغما و اؤتگون اولسا دا، محض بو گوج فورمال نقصانلارین گؤرونمهسینی گئجیکدیریر. جملهلرین اوزونلوغو بعضا دویغونو آرتیریر، اما حادثهنی ایرهلی آپارمیر. بو دا ریتمی پوزور. اؤیکوده قیسا و اوزون جملهلرین بیر-بیرینه قاریشماسی (بالانسلی اولماسی) اوخوجودا نفس آلما امکانی یاراتمالیدیر. بورادا ایسه اوزون جملهلرین اوستونلویو متنی آغیرلاشدیریر، بئلهلیکله، دیلین گوجو حکایهنین اؤز ریتمینی بوغور.
اوزون جمله نمونهسی:
تاکسی آذر آیینین سوسقون خزللری آراسیندان یول آچاراق ایرهلیلهدی. خیابانداکی قاراقاباق آداملار قلمهلرین گوموشو گؤودهسیله بیرلیکده تؤولو-تؤولو گؤزونون قاباغیندان اؤتوشوردولر. دامارلارینین سسینی ائشیدیردی، بوز بیللورلارینین اوستونه قاینار سو تؤکولورسه، نئجه اولور؟ ائلهجهیدی دامارلارینین سسی: چیق چیق چیق.
حکایهده اوزون جملهلر اوستونلوک تشکیل ائدیر، قیسا جملهلر ایسه حادثهلر آراسیندا ریتم فاصلهسی یاراتماق اوچون کیفایت قدر دئییل. نتیجهده اوخوجو حادثهلر و دویغولار آراسیندا یورولور، ذیروه نقطه و گرگینلیک افکتلری ضعیف گؤرونور.
قیسا جمله نمونهسی:
باغیشلایین، اؤز الیمده دَیی. اؤز الیمده دیی.» «گؤرهسن آداملار ائشیدیرلر دامارلاریمین سسینی؟»
بورادا قیسا جملهلر حادثهنی داها ریتمیک ائدیر و اوخوجویا فاصله وئریر.
حکایهنین سیاسی و تاریخی مؤوضوع داشیماسی و مکانین یادداشلا باغلانماسی دقت چکسه ده، فورمال قورولوش همین یوکو داشیماقدا چتینلیک چکیر. حادثهلر آردیجیل وئریلسه ده، اونلارین بیرلشمهسی و گرگینلیک یاراتماسی ضعیفدیر. بو سببدن اؤیکو اؤزونده بیر ایرلیلهمه حیسی دوغورمور، یالنیز کئچمیشین ایزینه باغلی قالیر.
دئمک سیاسی-تاریخی مؤوضوع اؤز-اؤزونه ذیروه نقطهنی یاراتمیر. اؤیکو بونو اؤز قورولوشو ایله قازانمیر. قهرمانین یاشانتیلاری داها چوخ خاطیره اؤوقاتی دوغورور، لاکین حکایهنین اؤزونده دؤنوش نقطهسی باش وئرمیر. خاطیره ایزینین اولماسی طبیعی گؤرونور، آنجاق بو ایز اؤیکونو خاطیرهدن آییریب تام قورولوشا کئچیرمهلیدیر. بورادا ایسه خاطیره اؤز اؤتری آخارینی ساخلاییر، اؤیکو تاماملانمیر.
نتیجهده فورمال باخیشدا، ان آیدین اولان بودور: دیل اؤیکودن اؤنده گئدیر. دیل گوجلندیکجه قورولوش گئری چکیلیر و اوخوجو سؤزلرین ایچینده ایلیشیب قالیر. بئلهجه، سیاسی-تاریخی مؤوضوعون یوکو قورولوشدا اوتورمور، اؤیکو حسینی تام یاراتمیر. خاطیره آخینی داوام ائدیر، اؤیکو ایسه یالنیز باشلانغیج حالیندا قالیر.
سوژئته گلدیکده ایسه، حادثهلر آردیجیل وئریلمیر. خاطیره ایله رئال واخت قاریشیر، اوخوجو هانسی آنین اساس اولدوغونو و گرگینلیین هارادا یوکسلدیینی آیدین گؤره بیلمیر. ذیروه نقطه یوخدور؛ گرگینلیک ذیروهیه چاتمادان بیر-بیرینه قاریشیر، نتیجه ایسه گرگینلیکلرین حلی کیمی دئییل، سادهجه قهرمانین حسلرینین ایفادهسی ایله یئکونلاشیر.
باخیش بوجاغیندا دا بیر قدر قاریشیقلیق وار. راوی سانکی کناردان دانیشیر، اما عینی آندا قهرمانین بئینینه گیریب فیکیرلرینی بیزه تقدیم ائدیر. بو ایسه «دانیشانین کیم اولدوغو» سوالینی آچیق قویور. حکایهده هم مشاهیدهچی، هم ده قهرمانین ایچ دونیاسینا گیرن سس مؤوجوددور. اوخوجو هانسی باخیش نقطهسینی ایزلهمهلی اولدوغونو بیلمهییر. اؤرنک اولاراق، بعضی یئرلرده «او، اؤز-اؤزونه دوشوندو» کیمی ایفادهلر استفاده اولونمالیدی، اما یوخدور.
بوندان باشقا، قهرماندا اینکیشاف و دؤنوش حیس اولونمور. اونا گؤره ده متن، بوتؤو بیر حکایهدن چوخ، بیر خاطیره دانیشیغی کیمی قالیر.
بوتون بونلارا باخمایاراق، اثرین اساس سرمایاسی اونودولموش تاریخین خاطیرلادیلماسیدیر. مؤلف بو گوجلو دیل و دیرلی مؤضوعو داها سیستئملی سوژئتله بیرلیکده ایشلهسه، اثر داها گوجلو اولا بیلر. دئمک فورمایا یئنیدن باخیلسا، گوجلو بیرحکایهیه چئوریله بیلر.
✍️: کبری میرحسینی
۱۴۰۴- آذر آیی
@bayarses
🎙#گؤزهلر پادکستینین ایکینجی فصلینین یئددینجی ائپیزودوندا سون رومانیمدان بیر فصل اوخوموشام.
🌐 /channel/sharifmardi
نئیلیم ...
سؤز : حاج رضا صراف تبریزی
سس : شاهرخ نخعی
(پریشان آلبوموندان)
@sarraf_tabrizi
🍁 پاییز كيم دئيير كي داريخماليدير...
✍: #خانصنم
🎤: #کبری_میرحسینی
🍁🍁🍁🍁🍁
🍂🍂🍂🍂🍂
@bayarses
💢💢💢
✍شعر: کمال حسینزاده
🎤سس: #کبری_میرحسینی
@bayarses
#ایمگهلر_کانالی
✔️✔️✔️
👇👇👇
@imgalar
📣: حؤرمتلی دکلاماتورلار، گویندهلر، دوبلورلار، سس آکتیورلاری
استودیویا گئتمهیه فرصتیز یا امکانیز یوخدورسا، سادهجه سس یازینیزی بیزه گؤندرین.
بیز سیزین سسلرینیزی یوخلاییب لازیم اولان ایشلری و قیمتی تعیین ائتدیکدن سونرا، میکس ائدیب سیزه تحویل وئرهجهییک.
گؤرولهجک ایشلر:
۱. سسین عمومی حجمینی گوجنلدیرمک.
۲.ضعیف حیصهلرین سس حجمینی آرتیرماق.
۳. سس-کویو (نویزو) و اضافه نفس سسلرینی تمیزلهمک.
۴. ایشین اوزهرینه اکو و ریوئرب علاوه ائتمک( بو ایشه تمایوللو اولانلار اوچون)
۵. خصوصی حیصهلره اکو و ریوئرب قویماق.
۶. سؤز سهولری و یئرسیز سسلری( تپقلاری) چیخارماق.
۷. ساده میکس (تکجه سیزین گؤندردیینیز سسین آلتیندا اؤز سئچمیمیزله موسیقی اولاجاق ) — موسیقی آشاغی و ثابت سوییهده اولاجاق.
۸. گئنیش میکس (سیزین گؤندردیینیز موسیقی ایله) — موسیقی دانیشیق آلتیندا آشاغی، دیگر حیصهلرده یوکسک اولاجاق.
۹.گئنیش میکس (بیزیم سئچدییمیز موسیقی ایله) موسیقی دانیشیق آلتیندا آشاغی، دیگر حیصهلرده یوکسک اولاجاق.
تعیین اولان یئرلرده( مثلا بعضی پاراگرافلارین آراسیندا دا قیساجا موسیقی گئدهجک.)
مصلحت آلماق و یا سس گؤندرمک اوچون علاقه یولو:
@bayarmix
چیلله گئجهسی مناسبتی ایله یازیلان سسلرین ادیتی اوچون ائندیریم نظره آلینیب.( آذرین ۱۵-ینه قدر سسلرینیزی گؤندرمک شرطی ایله)
@bayarses
🎉 Video Title: Enerjisi Yüksek İnsanların 13 Sırrı | Carl Jung
🌟 Quality: medium
https://youtu.be/t0Opa28NvN4?si=bH-1m185N5SARe-J
ستارخانین وفات گونو موناسیبتیله «مشروطه خانیم» رمانیندان قیسا بیر بؤلوم
ستارخان، مسیو و حسینآقا فشنگچیایله بیرلیکده باریتپزلر دربندینده، قورشون استحصال ائدیلن ائوین قاپیسیندان ایچری گیرمکده پیس قوخو بورنوما، دانقا-دانق سسی ایسه قولاغیما دولور.
«ماوال قویوسونون باشی آچیق قالیب دئیهسن.» آستاجا حسینآقا فشنگچییه دئییرم.
«گوگورد قوخوسودی.»ستارخان دئییر.
ستارخانین پیچیلتیلا دانیشدیغیم سؤزو دویدوغونا تعجوب ائتمیرم. تبریز خالقینین دیلی ظارافاتجیل و ایتی اولدوغو کیمی قولاغی دا ایتیدیر، بو شهرده پیچیلتیلا دانیشیلان سؤزون آنلاماسینا هر کسین باجاریغی وار، هاندا قالسین او آدام خالقین سرداری ستارخان اولسون.
باغ کیمی گئنیش حیطین ساغ-سولونداکی ایشچیلر بیزی گؤرجک اللرینی ایشدن چکیب، ستارخان گیلین «آللاه قوت وئرسین» سؤزوندن سونرا یئنه ایشلرینه دؤنورلر. حسینآقا فشنگچی حیطین سول طرفینده مؤو آغاجینین بیربیرینه بیتیشن زوغلاری و یارپاق ساپلاقلارینین کؤلگهسی آلتیندا ایشلهین ایشچیلردن بیر اووج مرمی آلیب، ستارخانلا مسیویا گؤستریر. سونرا ایشچیلره اشاره ائدرک منه اوز توتوب، دئییر: «بولار مرمیلری بیر سانت بویوندا کسیب، وئریرلر خیرالنسا باجینین اوردوسونا. اونلار دا بو مرمیلری قندسیندیراننان تاپدالاییب، اوجونو بیز ائلهییندن سونرا باریتنان بیرلیکده پوکانین ایچینه دولدورورلار. ایچری کئچنده اؤزون یاخیندان گؤرجکسن.»
«جماعتدن توپلادیقلاری قاب-قاشیغی، چیراق پایالارینی هارادا اریدیرلر؟»
حسینآقا فشنگچی ائوین زئرزمیسینی گؤستریر: «کورهمیز اوردادی، ائله قاب-قاشیغی اریدندن سورا اوردا قالیبا تؤکولور.»
«باریتین اؤلچولرینه چوخ دقت ائتمهلیدیرلر.» مسیو دئییر.
«کبلایی، مسیو چلیتو اؤز ایشینده اوستادی، تیفلیسده اونا تای بوبماردیمانچی تاپیلماز. چلیتو حیدرخانعمواوغلونون الی آلیندا تعلیم گؤروب، او باریتین نه اولدوغونو هر کسدن یاخشی بیلیر.»
ستارخان، حیطین ساغ طرفینده دیوار دیبینه تللهنمیش کؤمورلرین اؤنونده، بیزی ایزلهین کیشییه ساری گئدیر: «مسیو چلیتو، باریتین اؤلچولرینی بیزه دئیه بیلرسنمی؟»
«سردار، سنه چوخ حؤرمتیم وار، اما آللاهدان گیزلین دئییل، سندن نه گیزلین، حسینآقا تاپشیریب، باریتین اؤلچولرینی سرّ کیمی ساخلاییم.»
ستارخان سول الینی بیغینا چکرک ساغ الینی بئلیندهکی مرمی قاطاری اوزره قویوب، دئییر: «مسیو، سن او سرّی دیلیوه گتیرممکده دوغرو ایش گؤروسن، آنجاق قولاق آس من او سرّین نه اولدوغونو سنه آچیقلاییم. یوزه یئتمیشبئش شورا، یوزه اونبئش کؤمور خکهسی، یوزه اون گوگورد. هر ایشدن اول اؤلچونون دؤردن بیری قدر، شورانی یاریم اؤلچو سویلا قاریشدیریب، سونرا خکه ایله گوگوردو اونا قاتاجاقسان، بیر اؤلچو آلکول دا اوزرینه سوزوب، قاریشدیراجاقسان. سونرا اونو سوزوب، یئرده قالان توزو سریب، قوروداجاقسان و...»
ستارخانین دانیشیق لحنیندن بللیدیر چلیتونون باریت اؤلچولرینی سرّ کیمی ساخلاماسی غرورونا توخونوب. چلیتو دئییر: «سن کی اؤزون اوستالارین اوستاسیسان سردار، اینان منیم باریت حاقیندا بیلدیکلریم سنین معلوماتیوین قاباغیندا اینه اوجو قدر دئییل، سنین یانیندا منیم امتحان وئرمهیه باجاریغیم اولمادیغینی بیله-بیله سن یئنه نییه منی امتحانا چکیرسن آخی سردار!؟»
علی مسیو الینی چلیتونون کؤرهیینه چالیر: «مسیو، سن باریت سرّینی سردارا بئله دئمهدیگین اوچون امتحاندان باشی اوجا چیخدین. سردار دا بیلرک سنی امتحانا چکدی.»
چلیتو دا ستارخان کیمی الینی بیغ-ساققالینا چکیر. ندنسه منه ائله گلیر هؤوشنهلرینی، دویغو-دوشونجهلرینی گیزلتمهیه چالیشدیقلاریندا، اللرینی بیغ-ساققالارینا چکمک کیشیلرین تایسیز عادتیدیر. مسیو چلیتودان اوز دؤندریب، گؤز آلتی علی مسیویا باخیرام. او ایسه یئنه ده ایچریسی گؤرونمز بیر قایا کیمیدیر، اونون اوز افادهسیندن عاغلیندان کئچنلری تخمین ائتمکده بو گونه کیمی باشاریسیز اولموشام.
بیرلیکده ایچری کئچیریک. تخمین ائتدییمدن ده بؤیوک، پالاز ایله دؤشنمیش بیر تنهبیده اییرمیدن چوخ قادین ایشه مشغولدور. بیر طرفده اون-اونایکی قادین قندسیندیران، چکیش و هونگین دستهسی ایله مرمیلرین اوجونو بیزلتمکله مشغولدولار، او بیری طرفده ایسه بیر نئچه قادین پوکارالارین ایچینه باروت دولدورب، مرمیلری یئرلشدیرمکدهدیرلر. چکیشلر و هونگدستهلری سانکی قولاغیمین دیبینه چیرپیلیر. پوکالارا باریت دولدوران قادینلارین یانیندا اوتورموش زینبپاشانین یاوری خیرالنسا آیاغا قالخیب، یاشماغینی آغزینا چکیب، ستارخانا خوشگلدین دئییر. باریتدولدوران قادینلارین بعضیلرینی «مسیو ژوردان ومستعلیشاه جادوکن» کمدیسینین تاماشاسینا گلنلرین ایچینده گؤرموشم.
💢💢💢
🔷آنادیلیم
✍شعر، سس: نیگار خیاوی
🔸تنظیم ائدن: کبری میرحسینی
#ایمگهلر_کانالی
✔️✔️✔️
👇👇👇
@imgalar
