-
«Юксалиш» умуммиллий ҳаракати раиси Олий Мажлис депутати Қайта алоқа: @BekmurodovBot
#Jarayon
Xatirchi tumani "Ko'ksaroy" mahallasida ichimlik suvini chiqarish jarayoni davom etmoqda.
Hozirda quduq qazish ishlari yakunlandi. Endilikda yer ostiga polietilen quvurlarni tashlash ishlari boshlanadi.
Homiylar mablag'iga 84 metrlik quvur va 5,5 KVTlik elektr nasos yetkazib berildi.
Aksiyaga hissa qo'shish:
➡️ Sayt
➡️ Telegram bot
Biz bilan 👉 @hayotulash
⚡️⚡️БМТ Бош Ассамблеясининг Ғазо секторида гуманитар сулҳ тузиш ва ҳарбий ҳаракатларни барқарор тўхтатишга чақирувчи махсус резолюцияси қабул қилинди.
Ўзбекистон ушбу резолюцияни қўллаб-қувватлаб овоз берди.
Жами 120 та мамлакат қўллаган, 14 та мамлакат қарши овоз берган.
@bbekmurodov
Россия Думаси депутати Михаил Делягин Ўзбекистон Президенти Администрацияси вакили Қахрамон Қуранбоевнинг ўзбекистонлик мигрантлар фарзандлари учун ватандошларимиз ҳисобидан Россияда боғча ва мактаблар ташкил этиш ҳақидаги сўровини ноқонуний ҳисоблади.
Эмишки, бу Россия конституциясига зид бўлиб, дискриминацияга сабаб бўлар экан.
Қолаверса, рус депутати Ўзбекистонга қарата жиддий айбловларни илгари сурди. Унинг фикрича, бу ҳаракатлар Россия ичкарисида руслар учун бегона ва душман анклавларни яратишга қаратилган онгли сиёсатдир.
Шу билан бирга, у Ўзбекистон Россияга “сиқиб чиқарган” ўз фуқароларини қайтариши лозимлигини билдирган.
Биринчидан, ҳар қандай мамлакат ўз фуқаролари тўғрисида қайғурган ҳолда, уларга зарур шароитлар яратиш бўйича ташаббусларни илгари суриши нормал ҳолдир. Ушбу ташаббусларни амалиётга татбиқ этиш сўзсиз Россия қонунчилигига мувофиқ амалга оширилади.
Иккинчидан, Россияда меҳнат қилаётган ватандошларимиз, табиийки, ҳалол меҳнатлари эвазига ўз оилаларини моддий таъминламоқдалар, Россия уларни текинга боқмаяпти. Бу борада уларнинг аксарияти ёшларни ташкил этган ҳолда, ўзларининг айни кучга тўлган даврларида Россия иқтисоди учун хизмат қилмоқдалар.
Учинчидан, рус депутатининг иттифоқчи мамлакатга нисбатан бу каби ўта оғир айбловларни илгари суриши Россия билан муносабатларда ҳаттоки энг яқин ҳамкорларини ҳам хушёрликка даъват этади.
Тўртинчидан, ўртоқ Делягин Михаил, агар сиз айтгандек, Россия Федерацияси каби катта мамлакатни меҳнат мигрантлари “парчалай” олса, олдингизда давлатчиликни мустаҳкамлаш билан боғлиқ бошқа муҳимроқ вазифалар турибди.
Михаил, бизда эркин ОАВ бор, Дума депутатлари айтаётган фикрлар Ўзбекистон жамоатчилигига етиб боради ва шубҳасиз мамлакатингизга нисбатан салбий фикрни шакллантиради. Давом этинг.
BOBUR BEKMURODOV
текст на русском
Ғазо секторида вазият оғирлашмоқда
Аёллар, болалар, тинч аҳолининг қони тўкилишини тўхтатиш, икки томон дарҳол музокараларга ўтиши керак.
Ғазо секторида ичимлик суви қамалини бекор қилиш, гуманитар коридорларни очиш лозим.
Хусусан, секторга БМТнинг гуманитар карвони, Қизил ярим ой жамиятининг миссияси киритилиши учун шароит яратилиши лозим.
Геосиёсий поляризациянинг чуқурлашишига йўл қўймаслик, минтақага таъсир ўтказувчи йирик мамлакатлар эътиборни тарафкашлик қилиш эмас, тинчлик ўрнатишга қаратиши лозим.
BOBUR BEKMURODOV
Алоҳида мансабдор шахслар ва айрим ҳокимлар томонидан одамларни оммавий равишда пахта йиғим-теримига жалб қилиш ҳаракатлари бугунги Ўзбекистоннинг прогрессив сиёсатига зид.
Бундай ҳаракатларга тўлақонли барҳам бериш, эскича бошқарув ёндашувларидан батамом воз кечиш зарур.
BOBUR BEKMURODOV
Bayramingiz muborak bo’lsin, aziz Ustozlar!
@bbekmurodov
Наманган ва Андижон вилоятида захарланиб, даволанаётган болалар учун дуодамиз🙏
Масъулиятсизлик ва айбдорларнинг жазоланиши ҳақида кейин фикрлашамиз.
Ҳозир болалар ва уларнинг ота-оналари учун дуода бўлайлик.
@bbekmurodov
Навбатдаги фантазёр
“Собиқ иттифоқ республикаларини уруш ёки дипломатик йўл билан қайтариш” каби иддаолар соғлом фикр маҳсули эмас.
Бугунги кунда Россия ташқи кучлар колонияси эканлигига ишонувчи, конспирологик назарияларни илгари сурувчи Дума депутатининг сўзларига қандайдир жиддий муносабат билдириш шарт эмас, деб ҳисоблаймиз.
Ўзбекистон мустаҳкам суверенитет ва кучли давлатчиликка эга мамлакатдир.
Қолаверса, биз Россия билан иттифоқчи мамлакатлармиз, халқларимиз ўртасидаги муносабатлар дўстлик ва ўзаро ҳурматга асосланган.
p.s: Яқинда Ярослав Евдокимовнинг “Фантазёр” деган қўшиғини Азамат Мусагалиев янги оранжировкада ижро этди.
@bbekmurodov
Жорий йилда Ўзбекистоннинг қатор халқаро рейтинг ва индекслардаги ўрни юқорилади. Мисол учун:
▫️Маълумотлар очиқлиги рейтингида (The Open Data Inventory 2023) 15 поғонага;
▫️Ҳукуматнинг сунъий интеллектга тайёрлик индексида (Government Artificial Intelligence Readiness Index) 14 поғонага;
▫️Барқарор ривожланиш мақсадлари индексида (SDG Index 2023) 8 поғонага кўтарилди.
Эътиборлиси, жорий йилда мамлакатимиз илк бор Меҳмондўстлик индексига киритилиб, 195 та давлат орасида 25-ўринни эгаллади.
YUKSALISH HARAKATI
Ёш раҳбарларнинг йиллик Топ-40 рейтинги янгиланди
“Юксалиш” умуммиллий ҳаракати Ижтимоий ва иқтисодий ташаббуслар институти билан ҳамкорликда 2019 йилдан буён Ўзбекистоннинг 40 ёшгача бўлган истиқболли ёш раҳбар кадрлари рейтингини эълон қилиб келмоқда.
Ўтган вақт мобайнида рейтингга 100 нафарга яқин давлат хизматчиси киритилди. Эътиборлиси, уларнинг 15 фоизи вазир ва вазир ўринбосари лавозимига кўтарилди, камида 10 фоизи Президент Администрациясида масъул лавозимларда фаолият юритмоқда, 50 фоизга яқини мансаб пиллапояларида сезиларли ўсишга эришган.
Бу йилги рейтингнинг фарқли жиҳати шундаки, раҳбарлар рўйхатига нафақат давлат хизматчилари, балки нодавлат сектор вакиллари ҳам киритилди.
Батафсил: https://yumh.uz/uzc/news_detail/604
YUKSALISH HARAKATI
#Bilasizmi
Эндиликда талабаларни ётоқхонага жойлаштириш Давлат хизматлари маркази ёки my.gov.uz портали орқали амалга оширилади. Бунда навбатни онлайн кузатиш ва тўловларни амалга ошириш имкони бор.
2023/2024 ўқув йилида ушбу хизматдан фақат 1-босқич талабалари фойдаланиши мумкин. Уларнинг аризалари 20 августдан қабул қилинади. Юқори босқич талабалари эса аризаларни 25 августдан анъанавий тарзда топширади.
Батафсил 👉 видеода
YUKSALISH HARAKATI
“Ташаббусли бюджет” лойиҳаларини амалга оширишдаги муаммолар
“Юксалиш” умуммиллий ҳаракати томонидан 2022 йилда “Ташаббусли бюджет”да ғолиб деб топилган лойиҳаларнинг ўз вақтида ва сифатли бажарилиши ҳамда бу борадаги маҳаллий аҳоли фикри ўрганилди.
Ўрганишлар давомида 135 та объектдан 45 тасида, яъни 33 фоизида лойиҳалари амалга оширилишида аҳоли кайфиятига салбий таъсир кўрсатаётганлиги аниқланди.
Хусусан, 16 та объект бўйича ишлар сифатсиз амалга оширилган, 12 та лойиҳа бўйича ишлар якунига етмаган, 7 та объект бўйича ғолиб деб топилган лойиҳалар учун маблағ ажратилмаган ёки тўлиқ молиялаштирилмаган, 5 та объект бўйича ажратилган маблағлар мавжуд муаммоларни тўлиқ бартараф этишга етмаган,
3 та лойиҳада пудрат шартномаси тузилмаганлиги сабабли ишлар бошланмаган.
BOBUR BEKMURODOV
#Муносабат
Ўзбекистон — ҳуқуқий давлат
Куни кеча ижтимоий тармоқларда тарқалган Сурхондарё вилояти ҳокими ва мактаб директори (педагог) ўртасидаги тортишув видеоси турли муносабатларга сабаб бўлди.
Хусусан, жамоатчиликда маҳаллий раҳбарлар шахсни қамоққа олишга доир ваколати борми, давлат хизматчилари (мансабдорлар) ваколатлари чегараси қаерда, мамлакатда судлар қанчалик мустақил эканлигига доир кўплаб саволлар пайдо бўлмоқда.
Авваламбор таъкидлаш жоизки, халқимиз орасида устозларга нисбатан ҳурмат билан муносабатда бўлиш алоҳида қадриятга айланган ва буни барча даражадаги мансабдорлар инобатга олишлари шарт.
Қолаверса, юқоридаги каби ҳолатлар Янги Ўзбекистоннинг ҳуқуқий давлат сифатидаги ижобий қиёфасига, амалга оширилаётган ислоҳотларнинг мазмунига путур етказмаслиги лозим.
Шу сабабли, “Юксалиш” умуммиллий ҳаракати педагогга тайинланган маъмурий қамоқ жазоси билан боғлиқ тафсилотлар юзасидан жамоатчиликка ахборот берилиши зарур деб ҳисоблайди.
Янгиланган Конституцияга мувофиқ, давлат органлари томонидан инсонга нисбатан қўлланиладиган ҳуқуқий таъсир чоралари мутаносиблик принципига асосланиши ва қонунларда назарда тутилган мақсадларга эришиш учун етарли бўлиши кераклигига оид нормага қатъий амал қилиниши шарт.
Президент Шавкат Мирзиёевнинг ташаббуси билан Конституцияда педагогларнинг мақоми аниқ белгиланди. Шунингдек, айни кунларда "Педагогнинг мақоми тўғрисида"ги қонун лойиҳаси Қонунчилик палатаси томонидан қабул қилинди. Мана шундай ижобий ўзгаришлар манзарасида юқоридаги каби салбий ҳолатларнинг кузатилиши соҳада олиб борилаётган давлат сиёсатига соя солиши табиий.
YUKSALISH HARAKATI
Яқинда педофилия ва болаларга нисбатан зўравонлик ҳолатлари жамоатчиликнинг норозилигига сабаб бўлди. Бундай ҳолатларнинг олдини олиш учун ҳуқуқни муҳофаза қилиш органларини сафарбар этиш ва жазо чораларини кучайтириш билан бир қаторда ахборот кампанияси ва жамоатчиликнинг ҳушёрлигини ошириш ҳам муҳимдир.
Вояга етмаганларга нисбатан жинсий жиноятларга қарши курашда бирлашишимиз керак. Ахир, боланинг бегонаси бўлмайди.
Бугун биз ота-оналар учун баъзи тавсияларга эътибор қаратамиз.
Бу ҳақда батафсил 👉навбатдаги видеомизда
YUKSALISH HARAKATI
#Saylov2023
📣 Бугун, 2 июль куни соат 18:00 да президентликка номзодларнинг вакиллари ўртасида теледебат бўлиб ўтади!
▪️O‘zbekiston 24, O‘zbekiston, Mahalla, UzReport, Renessans va Zo‘rTV телеканалларида — ўзбек тилида;
▪️Yoshlar телеканалида — инглиз тилидаги таржимаси билан;
▪️Dunyo bo‘ylab va Toshkent телеканалларида — рус тилидаги таржимаси билан;
▪️Qoraqalpog‘iston телеканалида — қорақалпоқ тилида.
Теледебат давомида номзодларнинг давлат бошқаруви ва суд-ҳуқуқ соҳаларини ривожлантириш борасида илгари сураётган ғоялари, режалари ҳақида гап боради.
Теледебатни ўтказиб юборманг!
YUKSALISH HARAKATI
Қизиқарли жиҳат - резолюцияни қўллаб овоз берган мамлакатлар:
Исроилнинг анъанавий ҳамкори - Озарбайжон,
сўнгги кунларда Исроил ҳаракатларини тўлиқ қўллаётган Франция,
демократик ғарб мамлакатлари - Швейцария, Бельгия, Норвегия
қўшни мамлакатлар - Қозоғистон, Қирғизистон, Тожикистон
@bbekmurodov
Бобур Бекмуродов Ғазодаги касалхонага ҳаво ҳужуми ҳақида
2023 йил 18 октябрь
BOBUR BEKMURODOV
Яқин шарқдаги вазиятнинг янада кескинлашиши катта мамлакатларинг тарафкашлиги оқибатидир.
Ғазодаги Ал-Аҳли касалхонасининг ўққа тутилиши натижасида 1000 га яқин одам қурбон бўлди.
Шубҳасиз, бу халқаро ҳуқуқ ва умуминсоний қадриятлар чегарасидан чиқишдир. Тинч аҳолининг, болаларнинг хун тўлашини ҳеч нарса билан оқлаб бўлмайди.
Бугун геосиёсий акторлар масъулиятни олиши, сиёсий манфаатларни талашиш, ўзаро айблаш эмас, минтақада вазиятни нормаллаштириш устида ишлаши шарт.
Бугун, уларнинг риторикаси қандай қилиб урушни қўллаш эмас, қандай қилиб урушни тўхтатиш бўлиши керак.
BOBUR BEKMURODOV
Биз бугун "Hayot ulash" xайрия акциясини эълон қилдик.
Мақсадимиз – мамлакатимизнинг чекка маҳалла ва қишлоқларидаги одамларимизни тоза ичимлик суви билан таъминлаш.
Биз ичимлик суви билан таъминланмаган ҳудудларда қудуқлар қазамиз, сув тозалаш фильтрларини ўрнатамиз.
Эртадан бошлаб Навоий, Сурхондарё ва Хоразм вилоятларидаги учта маҳаллада қудуқлар қазишни бошлаяпмиз.
Жами Акция натижасида олис ҳудудлардаги 40 мингга яқин одамларимиз тоза ичимлик сувига эга бўлади.
Фаол фуқаролар, тадбиркорлар, хориждаги ватандошларимиз ва мамлакатимиз тақдирига бефарқ бўлмаган барчани "Hayot ulash" хайрия акциясига қўшилишга чорлаймиз!
BOBUR BEKMURODOV
Шу кунларда айрим туманларда одамларни ноқонуний пахтага жалб қилиш ҳолатлари жамоатчилик муҳокамасига сабаб бўлмоқда.
Аввало, айтиш керакки, Ўзбекистонда қишлоқ хўжалиги ва инсон ҳуқуқларини таъминлаш соҳаларидаги ислоҳотлар туфайли ҳар мавсумда 6-7 миллион одамларимиз, шу жумладан аёллар, болалар, талабалар, ўқитувчилар ва тиббиёт ходимларининг мажбурий меҳнатига барҳам берилди.
Қисқа давр ичида Ўзбекистон ўнлаб халқаро ташкилотлар ва ҳукуматларнинг мазкур йўналишдаги "қора рўйхатлари"дан чиқарилди, бойкотлар бекор бўлди. Мамлакатимизда мажбурий меҳнатга жалб қилганлик учун жиноий жавобгарлик белгиланиб, қисқа давр ичида 300 дан зиёд мансабдорлар жавобгарликка тортилди.
Таъкидлаш лозимки, мамлакатимиз раҳбарининг сиёсатида инсон ҳуқуқларини таъминлаш, айниқса мажбурий меҳнатга йўл қўймасликка қатъий эътибор қаратилмоқда.
Шу маънода, алоҳида мансабдор шахслар ва айрим ҳокимлар томонидан одамларни оммавий равишда пахта йиғим-теримига жалб қилиш ҳаракатлари бугунги Ўзбекистоннинг прогрессив сиёсатига зид. Бундай ҳаракатларга тўлақонли барҳам бериш, эскича бошқарув ёндашувларидан батамом воз кечиш зарур.
Шунингдек, мамлакатимизда пахта саноатининг муҳим ўрнини инобатга олган ҳолда, Қишлоқ хўжалиги вазирлиги ва тегишли идоралар кластерлар ва фермерлар ўтасидаги қиймат ва фойда занжирларини қайта кўриб чиқиши лозим.
Ўз ўрнида, кластерлар ижтимоий масъулиятли бизнес қоидаларига риоя қилиши, фермерлар билан ўзаро муносабатларда ижтимоий манфаатларни инобатга олишлари шарт.
BOBUR BEKMURODOV
текст на русском
“Yuksalish” umummilliy harakati O‘zbekiston “aql markazlari” reytingini yangiladi
❕Eslatib o‘tamiz, 2020-yilda mamlakatimizda faoliyat olib borayotgan “aql markazlari”ning Top-15 taligi e’lon qilingan edi.
2023-yilgi Tор-20 reyting tahlil markazlarining rasmiy veb-saytlari, ijtimoiy tarmoqlardagi sahifalari, o‘tkazgan tadqiqotlari va tahliliy maqolalari, xalqaro ilmiy nashrlarda iqtibos keltirilgan tahliliy ishlari va mustaqil ekspertlarning fikri asosida shakllantirildi.
Ro‘yxatga birinchi marta quyidagilar kiritildi:
▪️Barqaror rivojlanish markazi
▪️Demokratik jarayonlarni tahlil qilish markazi
▪️Huquqni muhofaza qilish akademiyasi
▪️“Ijtimoiy fikr” respublika markazi
▪️Makroiqtisodiy va hududiy tadqiqotlar instituti
▪️Markaziy Osiyo xalqaro instituti
▪️”Oila va xotin-qizlar” ilmiy tadqiqot instituti
▪️O‘zbekistonda ochiqlik va shaffoflik tahliliy markazi
▪️Qonunchilik va huquqiy siyosat instituti
Batafsil: 👉 https://yumh.uz/uz/news_detail/615
Кириллча
YUKSALISH HARAKATI
Qonunchilik palatasi deputati, “Yuksalish” harakati raisi Bobur Bekmurodov Rossiya Davlat dumasi deputati Yevgeniy Fyodorovni “navbatdagi fantazyor” deb atadi va uning iddaolari "sog'lom fikr mahsuli emas"ligini ta'kidladi.
Yuksalish_live
@uzbyuksalish ташаббуси билан Ўзбекистон ва Туркиянинг Қўқон-Баликесир ҳамда Термиз-Шахинбей шаҳарлари биродар шаҳар мақомини расмийлаштиришди.
Читать полностью…
Глобал дунёда мустақилликни сақлаб қолиш тобора мураккаблашиб бормоқда. Катта давлатлар бошқа давлатларни турли йўллар билан ўзига қарам қилишга интилади. Шундай шароитда мустақиллигимизни асраш ва уни мустаҳкамлаш учун яна нималар қилишимиз керак?
Аввало, жамият бирдамлиги ва қонунларга итоаткорлиги, сифатли таълим кўрган авлодни тарбиялаш, профессионал ва кучли армия, давлат институтларининг ҳамкорлиги, ресурсларнинг адолатли тақсимоти ва ҳалол сиёсий рақобат!
Буларнинг барчасига эришиш учун оддий фуқародан тортиб барча даражадаги мансабдорлардан ўз бурч ва вазифаларига ҳалол ёндашиши талаб этилади.
Мустақиллик олий неъматлардан бири, уни асраб-авайлаш ҳар биримизга боғлиқ. Бу йўлда қўлимиздан келган барча ишни ҳалол ва сидқидилдан бажарайлик!
YUKSALISH HARAKATI
Тадбиркорлар томонидан ўрнатилган йўл қоидабузарликларини аниқловчи камералар фаолияти юзасидан
Шу кунларда тадбиркорлик субъектлари томонидан ўрнатилган йўл қоидабузарликларини қайд этувчи камералардаги камчиликлар ҳамда ноинсоф тадбиркорлик фаолияти ҳақидаги гумонлар жамоатчиликни ташвишлантирмоқда.
Шу муносабат билан, ИИВ Йўл ҳаракати хавфсизлиги хизматини тезкорлик билан қуйидаги чораларни кўришга чақирамиз:
Биринчидан, мазкур тадбиркорлик фаолияти билан шуғулланаётган барча субъектларнинг сўнгги ҳафталардаги қайдномаларини тафтиш қилиш ва ҳуқуқий баҳо бериш чораларини кўриш;
иккинчидан, тафтиш натижасида ноинсоф тадбиркорлик йўли билан ундирилган жарималар аниқланган тақдирда, уларни бекор қилиш ва ҳайдовчиларга тўловларни тадбиркорлар ҳисобидан қайтариш;
учинчидан, тадбиркорлик субъектларининг назорат-камералари орқали қайд қилинаётган жарималарни назорат тартибида доимий текшириш амалиётини жорий қилиш;
тўртинчидан, фуқароларнинг адолатсиз жарималар устидан шикоят қилишдаги оворагарчиликдан асраш мақсадида, қайдномаларга онлайн шикоят бериш имкониятини яратиш;
бешинчидан, барча локациялардаги радар ўрнатилганлиги тўғрисидаги белгилар ёнида чекланган тезликни акс эттирувчи белгиларни ўрнатишни мажбурий қилиш;
Шунингдек, бу борадаги фаолият юзасидан жамоатчиликка мунтазам равишда ахборот бериб бориш амалиётини йўлга қўйиш мақсадга мувофиқ деб ҳисоблаймиз.
Ўз ўрнида, пиёдалар ва йўл ҳаракати иштирокчиларининг хавфсизлигини таъминлаш мақсадида, фуқароларимизни йўл ҳаракати қоидаларига қатъий амал қилишларини сўраймиз.
Ўзбекистон - инсон қадри улуғланадиган, ҳуқуқий ва ижтимоий давлатдир.
“Юксалиш” ғояларини қўллаб-қувватласангиз, бизга қўшилинг @uzbyuksalish
BOBUR BEKMURODOV
Ўзбекистонда қийноқларни батамом тўхтатиш шарт
Биз икки ой олдин қийноқларга барҳам бериш борасида бирламчи 10 та таклифни илгари сурган эдик. Афсуски, уларнинг аксарияти бўйича аниқ чоралар кўрилганлиги ҳақида эшитмадик.
Токи, ички ишлар, прокуратура ва суд органлари мазкур ҳаракатларни бошламас экан, қийноқлар билан боғлиқ ҳолатлар тўхтамайди.
Тошкент шаҳар ИИББда содир бўлган жиноят бўйича эса
10-таклифда илгари сурилгандек, суд мажлиси кенг жамоатчилик учун очиқ бўлиши ва онлайн трансляция қилиниши зарур. Чунки бундай хатолар "қимматга тушиши"ни ҳар бир ички ишлар ходими ҳис этиши лозим.
Ўзбекистонда қийноқларни батамом тўхтатиш шарт. Бундай ҳолатлар бугунги прогрессив сиёсатимизга соя солмаслиги керак.
BOBUR BEKMURODOV
«Юксалиш» умуммиллий ҳаракати томонидан ўтказилган тадқиқотга кўра, сўровда қатнашган 560 нафар давлат хизматчиларининг ярмидан кўпи, яъни 57,3 фоизи иш вақтидан ташқари ишга жалб этилади.
Жумладан:
❗️36,8 % ҳар куни қўшимча 1-2 соат
❗️13,9 % ҳар куни кечки соат 22-00 га қадар
❗️6,4 % кечки соат 24-00 га қадар ишлашини билдирдилар.
Сўровда иштирок этган давлат хизматчиларининг:
❗️41,3 % бир хафтада 4 соатгача
❗️11,4 % 5-7 соат
❗️15,8 % 8 соатдан кўп вақтини мажлис ва йиғилишларга сарфлайди.
Тадқиқотга кўра, ортиқча “мажлисбозлик” Бухоро, Қашқадарё ва Сурхондарё вилоятларида кузатилади.
BOBUR BEKMURODOV
Вазир Ҳилола Умаровага педагогларнинг ҳимоя остида эканлиги ҳақида жамиятга тўғри сигнал бераётгани учун ташаккур.
Ўзбекистонда ўқитувчиларга ҳурмат — жамиятимиз қадриятрияти эканлигини ҳар бир раҳбар, у ҳоким бўладими, бошқасими, албатта англаб етиши ва ҳис этиши зарур.
BOBUR BEKMURODOV
Бугун Олий Мажлис Қонунчилик палатасининг Ялпи мажлисида «Хусусийлаштириш тўғрисида»ги қонун лойиҳаси муҳокама қилинди.
BOBUR BEKMURODOV
Шу кунларда ички ишлар идоралари айрим ходимларининг ғайриқонуний ҳаракатлари, шу жумладан қийноққа солиш ҳолатлари кенг жамоатчилигимизнинг эътирозларига сабаб бўлмоқда.
Ушбу ҳолатлар давлатимиз раҳбари олиб бораётган инсонпарварлик ва инсон қадри устуворлиги тамойилларига зиддир.
Ривожланган мамлакатлар тажрибаси шуни кўрсатадики, ички ишлар тизимини ислоҳ қилиш энг мураккаб вазифалардан бири бўлиб келган. Ички ишлар идораларини халқчил ва инсонпарвар тизимга айлантириш масаласи Ўзбекистон кун тартибида ҳам жиддий масала сифатида қолмоқда.
“Юксалиш” умуммиллий ҳаракати кенг жамоатчилик фикри ва соҳа экспертларига таянган ҳолда, қийноқларга барҳам бериш мақсадида 10 та таклиф ишлаб чиқди.
Батафсил: https://yumh.uz/uzc/news_detail/593
Lotinda
YUKSALISH HARAKATI
