7870
~ عباره عن خواطر صوتيّة توعوية تتناول قضايا مجتمعيه ؛ باسلوب شبابي بحت
س/ أشعر أنه سيستجيب لي في النهاية مهما طال انتظاري ولكن ما دليلي 😔، أخشى أن أكون عالِق بأوهام لا وجود لها الا في خاطري؟
ج / لم يكن يومًا حسن الظن بالله وهمًا، بل عبادة تجعل اللهَ عِند ظنك به، والأهَم مِن أن تمتلِك دليلاً هو أن تمتلك سِلاحًا ، وسلاحك "دعاءك"، فلا تتركه إلى أن يكون دليلك "الإجابة".💜
~ جمعه مباركه عليكم 🌸
¶ الـ دقيقة و نص دي متمني تصل لأي زول،،
المسؤولية الراجيانا بعد الحرب تخلص مسؤولية كبيرة شديد،، لخصتها في الدقيقه و نص دي..
#اللهم_أحفظ_السودان_و_أهله 🇸🇩💜
#ببساطه_كدا
#شير
¶ بعرف واحد عندو معامله تجاريه فيها (حُرمة)،، قال لي مفلس و اموري جايطه بس أتمّ الشغله و ربنا غفور رحيم،، قلت ليهو عارف مصيبه #أكل_الحرام شنو؟!
أول حاجه باب الوصل البينك و بين ربنا دا اتقفل،، مافي دعوة تاني مستجابة ليك حتى لو اكلت ليك جنيه واااحد،،
زنقه شنو و لا ياتو ضائقة ماليه تخليك تخسر علاقتك مع ربك يا عزيزي 💔،،
سبحان الله كانو النبي صلى الله عليه وسلم عايش وسطنا الايام دي لمن قال لينا : " ليأتيَنَّ على الناسِ زمانٌ، لا يُبالي المرءُ بما أخذَ المالَ، أمِن حلالٍ أمْ من حرامٍ".
عقاب الدنيا دا كلوو خليهو.. ايام و بتعدي الكلام بعد تموت و تلاقي ربنا بعدين ح تقول ليهو شنو؟ و النبي صلى الله عليه وسلم قال ليك : " إن رجالًا يتخوَّضون في مالِ الله بغيِر حقٍّ، فلهم النارُ يومَ القيامةِ".
#اللهم_جنبنا_الحرام
#اللهم_رزقاً_حلالا
¶ مافي زول واحد كان متوقع يوم ١٥ إبريل الحرب دي تدور 💔 ،، كلنا كنا مخططين نعمل كم حاجه لكن انصدمنا كلنا المصيبه دي ،، انا متأكد لو في زول واحد كان عنده شي من علم الغيب كان ح يلملم رأس ماله و يجمع اكبر قدر من الاكل و الشراب و يمشي مكان آمن،، لكن في (رسالة من ربنا) في الحاصل دا كلوو،،
خلاصتها ترتيب أكلكو شرابك و مأمنك دي مافي عسكري جا وفرها ليك و لا اي بشر،، كل الناس دي دخلت تحت مظلة #عناية_الله 💜،، جوا الجوطه دي اللي ربنا قاسم ليهو يسافر سافر و اللي لحد الآن قاعد في بيته بحفظ الله و رعايته قاعد و ما جاتو حاجه 💜،،
~ في آية كدا ذكرني بيها احد الاخوة مريت عليها و هي بتمثل حالنا الكربون،، الله عز و جل بقول لينا فيها :
" هو الذي يسيركم في البر و البحو حَتَّى إِذَا كُنْتُمْ فِي الْفُلْكِ وَجَرَيْنَ بِهِمْ بِرِيحٍ طَيِّبَةٍ وَفَرِحُوا بِهَا (أمورهم كانت ماشة تمام التمام ) جَاءَتْهَا رِيحٌ عَاصِفٌ وَجَاءَهُمُ الْمَوْجُ مِنْ كُلِّ مَكَانٍ وَظَنُّوا أَنَّهُمْ أُحِيطَ بِهِمْ"
ما بالضرورة الفلك في البحر فقط... اعتبرها رمزية وعاين لوضعك الان وشوف الريح (الكتاحة القامت فينا دي) مضغوطين من كل مكان
اها عملوا شنو ؟
" دَعَوُا اللَّهَ مُخْلِصِينَ لَهُ الدِّينَ لَئِنْ أَنْجَيْتَنَا مِنْ هَذِهِ لَنَكُونَنَّ مِنَ الشَّاكِرِينَ "
لنكونن من الشاكرين يعني يا رب خلاص كده عرفنا أنه أنت واحد لا شريك لك وتاني ما بنلجأ لغيرك وما بنعتمد على غيرك وشفنا أنه نحن كنا عايشين في خيرك وشاكرين غيرك💔... لكن خلاص حنعمل القلتو لينا ونمتنع عن النهيتنا عنه
تفتكر حيحصل فعلا كده؟ شوف قال شنو
" فَلَمَّا أَنْجَاهُمْ" (ايواااااا يبقى دي بشارة النجاة هنا) بس المصيبة فيما بعد النجاة " إِذَا هُمْ يَبْغُونَ فِي الْأَرْضِ بِغَيْرِ الْحَقِّ"
تاااااني رجعوا لي نفس القصص، و الله قال ليهم
"يَا أَيُّهَا النَّاسُ إِنَّمَا بَغْيُكُمْ عَلَى أَنْفُسِكُمْ مَتَاعَ الْحَيَاةِ الدُّنْيَا ثُمَّ إِلَيْنَا مَرْجِعُكُمْ فَنُنَبِّئُكُمْ بِمَا كُنْتُمْ تَعْمَلُونَ "
وعشان ما نديكم ونمتعكم وتقوموا تنسوا... اعملوا حسابكم والحقيقة قدامكم الان
" إِنَّمَا مَثَلُ الْحَيَاةِ الدُّنْيَا كَمَاءٍ أَنْزَلْنَاهُ مِنَ السَّمَاءِ فَاخْتَلَطَ بِهِ نَبَاتُ الْأَرْضِ مِمَّا يَأْكُلُ النَّاسُ وَالْأَنْعَامُ حَتَّى إِذَا أَخَذَتِ الْأَرْضُ زُخْرُفَهَا وَازَّيَّنَتْ وَظَنَّ أَهْلُهَا أَنَّهُمْ قَادِرُونَ عَلَيْهَا أَتَاهَا أَمْرُنَا لَيْلًا أَوْ نَهَارًا فَجَعَلْنَاهَا حَصِيدًا كَأَنْ لَمْ تَغْنَ بِالْأَمْسِ كَذَلِكَ نُفَصِّلُ الْآَيَاتِ لِقَوْمٍ يَتَفَكَّرُونَ "
طيب يا رب... الحل شنو؟
" وَاللَّهُ يَدْعُو (يا سلاااام فعل مضارع شغال الآن) إِلَى دَارِ السَّلَامِ وَيَهْدِي مَنْ يَشَاءُ إِلَى صِرَاطٍ مُسْتَقِيمٍ "
فلا زال يدعو... و لا زال يهدي
فالخلاصة
الأمن والأمان والتأمين في المأكل والمشرب وكل الاحتياجات الله ضمنو لينا ضمان تام.. لكن بي شرط
ما نشرك بس
" الَّذِينَ آَمَنُوا وَلَمْ يَلْبِسُوا إِيمَانَهُمْ بِظُلْمٍ أُولَئِكَ لَهُمُ الْأَمْنُ وَهُمْ مُهْتَدُونَ "
جوطه الحرب دي ما تنسيكم انو الحبيب صلى الله عليه وسلم قال ليك : ( عجبا لأمر المؤمن أن أمره كله خير، إن إصابته سراء فشكر كان خيراً له و إن إصابته ضراء #فصبر كان خير له"
صبرك علي المصيبه دي انت مأجور عليهو 💜،،
و زي ما قامت بقدر الله و لطفه ان شاء الله ح تزول بقدر الله و لطفه 💜،،
هانت خلاص
#فما_ظنكم_برب_العالمين
#ألزم_بيتك
#اللهم_أحفظ_السودان_و_أهله🇸🇩
#اللهم_سلّم_سلّم
¶ بسم الله نبدأ #موسم_جديد
~ عنوان الحلقه : ( عطيّه خاصّه💜)
#ببساطه_كدا | الموسم السابع 7
#شير
لا تستحوا من الحديث عن الفضائل، وعن الحق، وعن الصواب، اعتزوا بدينكم وهويتكم سرا وعلانية، فقد صرنا نرى جامعية ومثقفة تجادل في فرضية الحجاب، وكاتبا ينكر الإسراء والمعراج، ومفكرا يسب الصحابة ولا يخجل من نفسه، وعبقريا في الحاسوب يقضي ساعات على مكتبه ولا يصلي في خمس دقائق، وطبيبا ملحدا لا يرى في خلق الله إتقان وينسب ما يراه من إعجاز للطبيعة والفيزياء، ومهندسا يعترض على الميراث ولم يفقه حقيقة تقسيمه وعدله، وأديبا في اللغة العربية يتحذلق في تفسير ألفاظ القرآن على هواه، وكثيرون من طبقات مخملية يرون الالتزام بالسنة رجعية وتخلف. وفي بقاع أخرى نرى من يخجلوننا من أنفسنا، يؤمنون بالغيب إيمانا عميقا دون شك ولا جدال، يكاد يطفر إيمانهم من تحت أظافرهم، ويعملون للآخرة عمل اليقين وكأنهم رأوا مقاعدهم من الجنة، فقد يملك بعضهم بصيصا من النور في عينيه وهو أحرص منك على تلاوة القرآن وحفظه، ونرى رجلا بسيطا وضعيفا يداوم على صيام النافلة ونحن نمرض من كثرة الطعام، وشابا أميا عضه الفقر الشديد من كل حدب وصوب وهلك من عمله بالأجرة ويتصدق بالقليل ويصلي الفجر بانتظام وأنت لا تفعل، وجدة طاعنة في السن نصيبها من الحياء يكفي رتلا من النساء، لا تترك قيام الليل وتستحي أن تخفف حجابها وتظل تتستر، وغيرها شابة ترتدي الحجاب على ثوب يكشف أكثر مما يستر، وعامل نظافة لسانه لا يفتر عن ذكر الله وغيره تقذر لسانه بألفاظ قبيحة، وشيخ أحنته السنون يسير بتؤدة نحو المسجد لأداء الصلاة، والشباب في المنازل ساهرين قيدهم الكسل بالمقاعد والأسرة، فالأمر إذا لا يتعلق بالثقافة ولا بالشهادات الجامعية ولا بالعقول إنما بشيء يلمس الروح ويجول في الصدر ليسكن القلب.
(فَإِنَّهَا لَا تَعْمَى الْأَبْصَارُ وَلَكِنْ تَعْمَى اَلْقُلُوبُ الْتِي فِي الصُّدُورْ).
اللهم لا تفتنا واقبضنا إليك وأنت راض عنا.
#حنان_لاشين
@masaltmabda
¶ أن تأتي متأخراً خير من أن لا تأتي أبدا 😍🔥..
رغم كل الظروف الحصلت و حالت بينا و بين انو تنزل حلقه السنه دي.. كل التيم الكانو معاي حصلت ليهم ظروف صعبة جدا لكن الحمد لله اهو رجعنا 😍..
ربنا يوفق و يتقبل و يسهل و يجعل العسير يسير
#شيروها_في_كل_مكان
الحلقات ح تنزل في صفحه ببساطه كدا - Bebasata Kida
الناس تخش و تعمل متابعه و دعوة للأصحاب و شير
#ببساطه_كدا
#الموسم_الخامس
¶ شعر جسمي كلو قام و انا بسمع في المقطع دا 💔
والله العظيم حسيت كأنوا محمد سيد بُعث من قبره ليقول هذا الكلام في هذا الوقت ثم يرقد 😭💔
لو ركزت مع ألاعيب إبليس ح تلاقيهو في معركة يومية معاك عشان يلهيك #بالحزن_والقلق، بيحاول كل يوم يفتّش على أي حاجة تخليك تقلق عليها،،
بيتفنن كيف (يكبّر مخاوفك) و (يقنعك بإنو كل الجايك أسوأ.
الشيطان أدرك - قبل ما ناس كتيرة تدرك - حقيقة إن #سوء_ظنك_بالله ممكن يشكّل خطر حقيقي على مستقبلك ويخلي مخاوفك تتحقق لمجرد إنك إعتقدتها وآمنت بحدوثها
الشيطان عرف - قبل ماناس كتيرة تعرف- إن حزن المؤمن هو أكتر حاجة بتعطّله وتكتّفه وترجّعه 100 خطوة لورا
الشيطان لمن يقنع منك ومن مقاومتك لنفسك ممكن يرسل ليك مخاوف جديدة على ألسنة الناس حواليك
يوسوس لأصحابك وقرايبك بدلاً عنك.. يقنعهم بفكرة ينقلوها ليك عشان يحاربك من الخارج زي ما حاربك من الداخل 💔.
#خلاصةالكلام
قاوم نفسك وحاول تحوّل مخاوفك لإحسان ظن بالله عشان ماتقع في مصيبة (سوء الظن بالله) وإنتظار تحقق مخاوف قادمة لا محالة إن أنت بها ظننت وأيقنت وآمنت.
#العلاج_شنو؟
كل مازاد خوفك = زوّد وِردك من القرآن وحارب الخوف بالقيام والاستغفار واللجوء لله بالدعاء والصيام💜.
#ببساطه_كدا
¶ الفتره الاحنا فيها دي الأصعب على الكُل😔، لأنها مرحلة فاصلة انقسموا فيها الناس لقسمين :
- ناس اتنفضت وقامت ورجعت تنجز وتعمل حاجات عظيمة و بدأت تاني بدون ما تعترض ✌️،
- وناس بتّنَظِر ومشمعه ف (الظروف) وبتجلد في ذاتها وتنُوح وتتضطجّر طول اليوم .
ف يا عزيزي القارئ كل الناس بتنظِّر وتبني أحلام وطموحات مافي ليها مثيل ، ولكن هل في (جهد) تجاهها ولا البوصلة متعطله ؟ وزي م بقولوا :
"التَّنظير سَهل،
الحركَةُ أصعب،
دوامُ الحَركة أشدُّ صُعوبة،
والثّباتُ لُبُّ المسألة،
ولكُلِّ مقَامٍ أَهْلُه"
#قوم_اتحرّك
¶ رسالة لأي زول مهموم و مغموم و شايل همّ الحياة زيادة عن اللزوم 😞،،
#ببساطه_كدا
https://www.facebook.com/watch/?v=762967538885080&mibextid=RUbZ1f
Читать полностью…
¶ #أول_بوست في السنة 💜 ..
• طويل شوية بس ضروري تقرأه للآخر ؛
~ جات سنه جديدة عليك ؛ و عشان ما تمشي زي القبلها مفروض تعمل شنو ؟؟
#أول_حاجه 🍃
اقعد ليك قعدة مع نفسك بعيد من جوطه الناس ؛ و فكّر تفكير بعيد المدى ؛ ( فكر كويس في القرارت العايز تتخذها و التغيرات المفروض تعملها شنو؟ ) ؛ و خلي دايماً طموحك في الحاجات الكبيرة ؛ ( ان الله يحب معالي الامور 😍 ) .
#تاني_حاجه 🍃
[اكتب أهدافك] الكبيره للسنه دي بوضوح شديد ؛ و بي) واقعية و منطقيه) ؛ و تكون حاجه بتقدر تصل ليها ما شي تعجيزي اول ما تبدأ فيهو بعد اسبوعين تلقى نفسك اتخليت عنوو لانو كان فوق طاقتك 💔 .
و ركز ركز ركز ؛ و ما تكون مشتت روحك " طبعا دا ما بمنع انك تكون شغال ع كم حاجه في نفس الوقت اذا كانت الحاجه الكتيرة دي بتصب في حته واحده اللي هي اهدافك الكبيرة " ؛
#تالت_حاجه 🍃
و دي اهم حاجه في نظري.. #اقرا_كويس عن الحاجه الداير تصل ليها ؛ و لازم تشوف ليك #سند او رفيق ترجع ليهو و تشاورو كل ما وقفت ليك حاجه ؛ زول يقيف معاك و يساعدك و يدعمك معنوياً.. ما ينفع الزول دا يكون اي زول ؛ لانو يا رفعك للسماء او ضرب بيك الأرض.. ف ما تحكي اهدافك و طموحاتك لي اي زول خصوصاً و احنا في مجتمع اشتهر بي تكسير المجاديف 💔 ..
#رابع_حاجه 🍃
الزمن الزمن الزمن ؛ ما تضيعو في حته ما محلها ؛ و دا طبعا ما بمنع انك ترفهه عن نفسك و تغير جو و تعيش حياتك .. #رتّب_زمنك و اولوياتك عشان ما تجوط الشغلانه ساي .
#اخر_حاجه 🍃
خلي حاجاتك دي في دفتر مكتوبة و مدونه ؛ و خصص ليك زمن تقيّم فيهو نفسك اول بأول أسبوعياً او شهرياً عشان تعرف انت ماشي كيف و الثغرات وين و تقدر تعالجها .
◀و اختم بأجمل اية و جمله بقراها دايماً كل ما احس بالإحباط ؛ :
~ قال الرب الأجل لا اله الا هو : ( كلاً نمد هؤلاء وهؤلاء من عطاء ربك * وما كان عطاء ربك محظورا )
~ و اتذكر انو ( ما أن #يُقرر الإنسان أن يكرس نفسه #لهدف_أو_غاية، حتى يبدأ الفيض الإلهي يسعده 😍، تُخلق ظروف وظواهر وتنبثق فرص لا تخطر على بال بشر، كلها تصيح بـ أنا موجودة لك ومعدة لك لأساعدك لبلوغ ما تريد 😍❤) .
~ ألسنا أحق بقلب سعيد ..
أما آن للروح أن تستعيد عهداً جديد ..
#استعن_بالله_و_لا_تعجز 💜
#منتظر_شنو ؟؟
#ابدأ_من_الليله 😍
#منشن_و_شير_للغير ❤🍃 ..
¶جمّع دعواتك كلها الليله و اطلبها من ربنا ، لعلها ليله القدر 😍💜
و ما تنسى تدعي لي💚
مهما تعثرت في سبيل الوصول لهدفك ، مهما واجهت من الصعوبات في طريقك ، مهما تأخرت عن تحقيق حلمك أو كنت في وضع لم تخترهُ لحياتك ، إياك أن تقلل من نفسك ، احذر أن تظن بعدم قدرتك على تجاوز تحدياتك ، ربك قدوضع فيك ما يميزك عن غيرك ، توازن وتأمل تفاصيلك ، وانظُر ببصيرة لأعماقك ،
حتماً ستجدُ النور داخلك💙💪🏽.
#قوم_امشي_أقرا