2345
Аўдыявыдавецтва Дыстрыб’ютар Самы буйны каталог беларускіх аўдыякніг Слухай сваё ⬇️ https://taplink.cc/audiobooks.by Пытанні? Прапановы? Пішыце @mikita12345 альбо contact@audiobooks.by
Працягваем нашую эпапею са штучным інтэлектам! Раней мы выклалі рылз, у якім прапаноўвалі здагадацца, хто начытвае тэкст: актор агучкі ці ШІ. Большасць з вас ставіла на апошні варыянт, аднак пазаўчора мы раскрылі таямніцу: насамрэч тэкст начытала Крысціна Дробыш. Але на гэтым загадкі не скончыліся.
Так, як выявілася, штучны інтэлект зусім не дае рады ў справе агучкі беларускіх аўдыякніг. А як наконт напісання мастацкіх тэкстаў? Давайце праверым. Сёння мы падзелімся з вамі некалькімі цытатамі з твора, які начытала Крысціна. Пачынаем!
1 Плакалі ўсе. Румзаў былы менскі рэжысёр, а цяпер варшаўскі разносчык піцы. Ён падышоў і прыкусіў куток гіганцкага олдскульнага дывана, што вісеў на сценцы. Прыкусіў, як пірат, што правярае залатую манету на зуб.
2 У аўтобусе панавала далікатная ціша. Людзі ўтаропіліся ў мабільнікі. Толькі недзе ля кампостара напаўголаса перакідваліся словамі кітайскія студэнты, гэтыя бесстароннія сведкі беларускай драмы. На гумовым борціку шыбы нехта ў гуманітарных мэтах пакінуў наступным пасажырам свой прабіты талончык.
3 Яна прапускае – дакументы, грошы, рэліквіі. Тавары і кантрабанду – не. Ну, хіба адзіны вынятак: туды – глазураваныя сыркі Бярозаўскага малаказавода.
4 На сценах віселі зробленыя на спецзамову шпалеры з назвамі англасаксонскіх і расійскіх гуртоў. Назвы N.R.M. ці Akute на іх не сустракаліся. Штомесяц у міністэрстве інфармацыі выходзілі чорныя спісы з айчыннымі гуртамі, якія запісваліся ў «экстрэмісцкія» і «дэструктыўныя калектывы». Дык хто ведае, хто патрапіць туды заўтра?
Дзяліцеся сваімі ўражаннямі і меркаваннямі — і, як заўсёды, сачыце за развіццём падзей у нашых сацсетках: хутка мы распавядзём пра гэтую незвычайную кнігу больш!
Слухаем навінку ад «Кніжнага Воза»: «Франкенштайн» Мэры Шэлі!
❗ Аўдыторыя рамана — 12+
«Франкенштайн, ці Сучасны Праметэй» Мэры Шэлі (1797–1851) – адзін з найлепшых узораў готыкі і першы навукова-фантастычны раман, які быў апублікаваны ў 1818 годзе.
✍️ Упершыню беларускі пераклад аповесці, зроблены Марынай Дзергачовай, выйшаў у 2016 годзе ў выдавецтве «Кнігазбор» (Бібліятэка Саюза беларускіх пісьменнікаў «Кнігарня пісьменніка»; Бібліятэка часопіса «ПрайдзіСвет» «PostScriptum»).
🎧 Агучыў Ісай Свістулькін, а паслухаць можна проста зараз на «Кніжным возе»!
💥Слухаем вершы Венанцыя Бутрыма!
💗 Аўдыякніга-прыклад беларускай салідарнасці: запіс арганізавалі землякі баранавіцкага паэта. Шануйма сваё разам!
Мастак, паэт і празаік Венанцы Вікенцевіч Бутрым нарадзіўся і жыў у горадзе Баранавічы. Скончыў Мінскае мастацкае вучылішча. Працаваў у творчых майстэрнях мастацкага фонду. Пісаў вершы і прозу, якія друкаваліся ў часопісах «Маладосць», «Нёман»,«Полымя», на старонках беларускіх газет і альманахаў.
🎧Чытае Валянцін Салаўёў, а знайсці і паслухаць бясплатна можна па спасылцы на нашым сайце.
Вы ўжо чулі пра тое, што ШІ можа пісаць тэксты, маляваць карціны і нават ствараць музыку. А як наконт аўдыякніг? Ці можа праграма не толькі напісаць мастацкі тэкст, але і агучыць такім чынам, каб не адрознівацца ад сапраўдных актораў?
Мы зладзілі экперымент і закінулі тэкст ШІ. Што выйшла?
Давайце праверым. Здагадайцеся, хто чытае гэты тэкст: чалавек ці штучны інтэлект? 🤔
💥 Слухаем навінку ад «Камуніката»: «Адна капейка» Уладзіміра Сцяпана ў агучцы Зьмітра Бартосіка!
У зборнік Уладзіміра Сцяпана «Адна капейка» ўвайшлі лепшыя творы, напісаныя аўтарам за апошнія восем гадоў, — навелы, апавяданні і тэксты без пэўнай жанравай маркіроўкі.
💬 Большасць з іх была надрукавана ў беларускіх часопісах і газетах. Некаторыя перакладзены на рускую, украінскую і польскую мовы.
🎧 Агучыў Зьміцер Бартосік, а знайсці і паслухаць бясплатна можна па спасылцы на нашым сайце.
❤️🩹 У Дзень салідарнасці з палітзняволенымі мы падрыхтавалі для вас падборку кніг, якія вязні чытаюць у няволі.
Кожны з сённяшніх вязняў мае свае зацікаўленні і мары. А таксама любімыя кнігі — вельмі часта літаратура робіцца тым, што ратуе ва ўмовах турмы.
Магчыма, вы знойдзеце ў гэтай падборцы свой любімы твор.
Сцяпан Латыпаў — 8 гадоў і 6 месяцаў пазбаўлення волі ў турме ва ўмовах строгага рэжыму.
У лістах распавядаў, што чытае шмат: напрыклад, творы Джэка Лондана.
Валянцін Стэфановіч — 9 гадоў пазбаўлення волі ў калоніі ва ўмовах узмоцненага рэжыму
У лістах на волю рэкамендуе пачытаць кнігі Артура Клінава.
Сяргей Спарыш — 6 гадоў пазбаўлення волі ў калоніі ва ўмовах узмоцненага рэжыму.
У зняволенні чытае, сярод іншага, творы Франца Кафкі.
Мікалай Аўтуховіч — 25 гадоў пазбаўлення волі ва ўмовах строгага рэжыму.
Прачытаў усяго Караткевіча, вершы Якуба Коласа, Янкі Купалы.
Андрэй Любецкі — 5 гадоў пазбаўлення волі ў калоніі ва ўмовах агульнага рэжыму
Чытаў творы Джорджа Оруэла: Ферму і 1984.
👋 Вітанкі, даражэнькія!
Надоечы мы выкладалі ўрывак нашай надыходзячай навінкі і прапаноўвалі вам угадаць, аб якой кнізе ідзе гаворка.
Але гэта выявілася даволі складаным, таму мы падрыхтавалі некалькі фактаў пра раман, які ўжо заўтра з’явіцца на нашым сайце.
➡️ Кніга з’явілася зусім нядаўна: папяровая версія выйшла ў мінулым годзе ў пражскім выдавецтве.
➡️ «…Аднойчы восеньскім вечарам, курачы на балконе нашай аднапакаёўкі, я раптам пабачыў перад сабой у цемры лясную дарогу і жаўнера на ёй, і пачуў гук жалейкі. І імгненна прыдумаў гісторыю, у якой адзін вястун хлусіць, каб уратаваць сабе жыццё» — менавіта так аўтар узгадвае момант, калі яму прыйшла ідэя напісання рамана.
➡️Назва кнігі — вядомы мінскі тапонім, які ў рамане набывае сімвалічны сэнс.
Ці вы здагадаліся?
Навінка з’явіцца ўжо заўтра — сачыце за навінамі, каб не прапусціць!
💥 Слухаем «Тарас на Парнасе» Канстанціна Вераніцына ад праекта «Беларуская літаратура»
👀 Новая агучка класічнага твора — вельмі раім паслухаць, нават калі вы добра знаёмыя з тэкстам.
…Адзін просты дзядзька-беларус трапляе на грэчаскую гару Парнас, дзе п’юць, гуляюць і весяляцца розныя багі і знакамітасці. Усё там, на тым Парнасе, добра так паблытана, тут вам і Марс з Геркулесам, і Пушкін з Гогалем, і бойка, і танцы, і смачная ежа (слухаць галодным не раю, бо заглынецеся слінай). Таму набірайце паветра ў лёгкія – і пачынайце весяліцца разам з паэмай Канстанціна Вераніцына «Тарас на Парнасе»!
🎧 Агучыла каманда праекта «Беларуская літаратура», а знайсці і паслухаць можна проста зараз на YouTube-канале праекта і нашым сайце!
Неверагодная навіна ад audiobooks.by 🔥🔥🔥
Крысціна Дробыш — афіцыйная прадстаўніца праекта!
❓ Што гэта значыць?
Крысціна — новая ўдзельніца нашай каманды, якая будзе займацца прасоўваннем нашых кніг, а таксама папулярызацыяй аўдыякніжнага фармату ў цэлым.
❓ А хіба вы гэтым не займаліся раней?
Так, але часу і сілаў не заўсёды хапала на эфектыўную працу ў гэтым кірунку. Мы занадта моцна любім сваю справу, і таму вырашылі, што прасоўваннем беларускіх аўдыякніг павінны займацца асобны чалавек — ды яшчэ і такі цудоўны.
❓ Чаму Крысціна цудоўная?
Бо хто распавядзе пра аўдыякніжную прастору лепей, чым калісьці актрыса «Купалаўцаў», а цяпер — мэнэджарка, рэдактарка, рэжысёрка і голас праекту «Кніжны воз», які займаецца стварэннем беларускіх аўдыякніг для падлеткаў?
❓ Стоп, дык гэта калабарацыя audiobooks.by і «Кніжнага воза»?
Не! Мы працягваем заставацца асобнымі адзінкамі і сяброўскімі праектамі. Проста цяпер нашая супраца ўвасобленая канкрэтным чалавекам.
❓ Я ў захапленні ад навін, і таксама маю ідэі для паляпшэння праекта. Каму мне іх распавесці?
Як заўсёды — мы адкрытыя для вашых прапаноў ва ўсіх сацсетках. Застаёмся на сувязі і працягваем ствараць сваё разам!
🔥 «Пасажыры карабля Тэсея» Сцяпана Стурэйкі ўжо на пляцоўках!
Другое месца на Прэміі Гедройця-2023!
Аповесці даследчыка культурнай спадчыны Сцяпана Стурэйкі складаюцца з парадаксальных ідэй, чорнага гумару і цікавостак з падарожжаў. Героі заўсёды шукаюць праўду, а знаходзяць толькі сапраўдных сябе. Галоўная думка ўсіх твораў — мы губім тое, што любім.
Усё апісанае ў кнізе заснавана на рэальных гісторыях.
🤝 Аўдыякніга была запісаная пры фінансавай падтрымцы беларускіх супрацоўнікаў кампаніі Google.
📖 Папяровую версію можна набыць на сайце Knihauka.
🫂 Першую частку можна паслухаць бясплатна на YouTube.
🎧 Агучыла Ядвіга Дзяюн, а знайсці і паслухаць можна проста зараз на нашым сайце!
🤝 Дабрыдзень, даражэнькія!
Як заўсёды, пачынаем новы аўдыякніжны месяц тым, што падводзім вынікі мінулага. Што адбывалася ў красавіку ў нас і нашых калег?:
📗 Кніжны воз разам з выдавецтвам «Gutenberg Publisher» і праектам «Бэйбус» выпусцілі аўдыяверсію серыі вершаў Андрэя Скурко «Хто жыве ў гаражы: вершы пра машынкі». А яшчэ зусім нядаўна на «Возе» выйшла «Усмешка жалобнай каралевы, альбо Таямніца магнітнага замка» Сержа Мінскевіча — захапляльнае беларускае фэнтэзі з квэстамі і экшанам.
📖 На канале «Беларускай літаратуры» «Паром на бурнай рацэ» Уладзіміра Караткевіча — новая версія класічнага твора, які пераносіць слухача ў часы паўстання Kacтycя Kaлiнoўcкaга.
🤝 У межах нашай супрацы з Радыё Свабода на лічбавых пляцоўках з’явілася шмат цікавых навінак: «Клініка кітайскага дантыста» Зьмітра Бартосіка — падарожжа па «забытых адрасах» культуры, у межах якога вы даведаецеся, сярод іншага, пра беларускія карані Гіёма Апалінэра. Таксама раім паслухаць «Каліноўскі і палітычнае нараджэньне Беларусі» Сяргея Абламейкі — кнігу пра аднаго з галоўных беларускіх герояў і ягоны ўплыў на сучасную нацыянальную ідэнтычнасць. Не забудзьцеся на «Дуліну ад Барадуліна» і «Пошукі свайго выраю» Пётры Садоўскага — класіку «Бібліятэкі Свабоды».
📕 Нашая каманда таксама не сядзела без справы — мы амаль скончылі працу над двума ачуменнымі навінкамі, якія будуць дасяжныя ўжо вельмі (вельмі 😉) хутка.
❤️ Дзякуем, што застаяцеся з намі, даражэнькія. Сачыце за навінамі — працягваем запісваць, выпускаць і слухаць сваё!
«Аўтары часам начытваюць свае творы ня вельмі добра». Як беларускі матэматык, які працуе ў Google, выдае аўдыёкнігі
Неўзабаве можна будзе паслухаць «Плошчу Перамогі» Бахарэвіча, «Палёт над гняздом зязюлі» Кізі, «Дарогу» Макарці. У плянах — выдаць усю кніжную сэрыю «Амэрыканка». Пагаварылі з заснавальнікам праекту audiobooks.by Мікітам Белаглазавым.
https://smarturl.click/vwGvR
✨ Слухаем навінку ад «Кніжнага Воза»: «Усмешка жалобнай каралевы, альбо Таямніца магнітнага замка» Сержа Мінскевіча
Перад вамі — «аповесць легендарных часоў». Займальная, захапляльная гісторыя пра падзеі, якія адбываліся ў запаветным мінулым нашай часціны населенага свету, у паўміфічных краінах, дзе пралягалі шляхі-дарогі адважных вандроўнікаў.
Гэта фэнтэзі, з квестам і экшанам, з паданнямі і экзотыкай. Мастак Дроздзіч, Палямон і сыны, кот Міаммурмарор, пустагаловы злыдні... каго і чаго толькі няма ў гэтым дзівосным свеце. Трапіш у гэты свет — і прапаў, пакуль да апошняй старонкі кнігі не дойдзеш!
🎧 Агучыў Ісай Саістулькін, а паслухаць можна проста зараз на «Кніжным возе»!
👋Вітанкі, даражэнькія! Надоечы мы звярнуліся да вас з апытанкай: навошта набываць беларускія аўдыякнігі? Мы сабралі найбольш папулярныя адказы ў адну падборку — паспрабуем разабрацца ў гэтым пытанні разам.
Падтрымка творцаў
— безумоўна, першы і найбольш часты аргумент на карысць платных аўдыякніг. Усе мы хочам, каб беларуская культура квітнела і пашыралася, і менавіта мы можам стварыць спрыяльныя ўмовы для яе развіцця.
Развіццё незалежнай аўдыякніжнай прасторы:
варта памятаць пра тое, што платныя кнігі дазваляюць выдавецтвам заставацца незалежнымі ад дзяржавы альбо фундатараў і ісці ўласным шляхам
Супрацьстаянне пірацтву
— яшчэ адзін важны момант. На жаль, інтэлектуальная ўласнасць усё яшчэ абараняецца вельмі слаба, што шкодзіць як традыцыйным, так і аўдыявыдавецтвам.
Шчыра дзякуем за вашыя адказы і думкі — нам было вельмі каштоўна пачуць іх!
👋Вітанкі, даражэнькія! Нядаўна мы звярталіся да вас па скаргі і пажаданні па працы нашага каталога — а сёння ўжо анансуем новую функцыю!
Ад сёння нашыя штомесячныя аўдыякнігі-неспадзяванкі можна будзе знайсці наўпрост на сайце
Дарэчы, нагадваем, што ў вас засталося ўсяго два тыдні, каб паслухаць неспадзяванку красавіка — паспяшайцеся 😉
💥 Слухаем апавяданне «Жуль Верн» Івана Навуменкі ад праекта «Беларуская літаратура»!
👀 Новая агучка класічнага твора — вельмі раім паслухаць, нават калі вы добра знаёмыя з тэкстам.
Шмат што ў гэтым апавяданні падасца вам фантастычным. Прыкладам, у ім школьнікі крадуць кнігі дзеля таго, каб іх чытаць. Ці вандруюць па свеце, не сыходзячы з месца – і гэта пры адсутнасці сучасных тэхналогій. Але нешта падасца вельмі знаёмым. Як у класе ўсе кпяць з аднаго. Як аднаму ўдаецца пераламіць крыўдную сітуацыю на сваю карысць. Як сябруюць ворагі і як варагуюць сябры…
🎧 Агучыла каманда праекта «Беларуская літаратура», а знайсці і паслухаць можна проста зараз на YouTube-канале праекта і нашым сайце!
👋Вітанкі, даражэнькія!
Надоечы мы выклалі відэа, у якім прапанавалі вам здагадацца, хто начытвае тэкст: актор агучкі ці штучны інтэлект.
Мы вельмі здзівіліся, але большасць з вас ставіла на ШІ
Здзівіліся, бо ведалі: беларускія тэксты, агучаныя ШІ, гучаць вось так
(а напрыканцы відэа можна ўбачыць, хто ж усё ж такі агучыў урывак такім чынам)
Але на гэтым сканчаем раскрываць свае карты: назву кнігі, як і іншыя цікавосткі пра яе, мы распавядзём троху пасля. Сачыце за навінамі, каб не прапусціць 😉
✨Слухаем аповесць Барыса Пятровіча «Пуціна» ад «Камуніката»!
Аповесьць «Пуціна» Барыса Пятровіча — гэта захапляльнае падарожжа студэнта-журналіста на экзатычныя для беларусаў (і еўрапейцаў увогуле) Сахалін ды Курылы ў васьмідзясятыя гады мінулага стагоддзя.
Плынь сьвядомасьці, паводле якой аповесьць напісана адным сказам і без асноўнага знаку прыпынку — кропкі, дазваляе аўтару свабодна рэфлексаваць наконт ідэнтычнасьці беларусаў у сьвеце ў параўнаньні з японцамі, шведамі, расейцамі і ныраць у глыбіні спазьнаньня сябе, навакольнай прыроды і каханьня.
🎧 Агучыў Зьміцер Бартосік, а знайсці і паслухаць бясплатна можна па спасылцы на нашым сайце.
А гэта спасылка адкрыецца ў Беларусі без VPN
💥 «Свінні» Аляксандра Чарнухі ў беларускім перакладзе Алеся Плоткі ўжо даступныя на пляцоўках!
Гэта было б вельмі смешна, калі б не было праўдай. Смех праз слёзы альбо слёзы праз смех — менавіта такія эмоцыі выклікае раман. Слухайце на любімых пляцоўках — поўны спіс будзе даступны неўзабаве.
🔥 Слухаем «Каго помню і люблю» Дануты Бічэль у аўтарскай агучцы!
🤝 Працягваем выкладаць кнігі серыі «Бібліятэка Свабоды».
Cучасныя мемуары беларускай паэтэсы і пісьменніцы, якая пачала свой творчы шлях у 60-е гады мінулага стагоддзя і працягвае яго й па зараз.
📻 Упершыню ўспаміны гучалі на хвалях Радыё Свабод з 21.02.2005 па 23.03.2005.
🎧 Чытае аўтарка, а знайсці і паслухаць можна проста зараз на любой зручнай вам пляцоўцы.
🔥 «Плошча Перамогі» Альгерда Бахарэвіча ўжо на пляцоўках!
Раман «Плошча Перамогі» — авантурная прыпавесць пра ўладу і нацыю, пра цану слова і славы.
💬 Аўтар пра кнігу: «Не пытайся, дзе і калі ўсё гэта адбылося, папярэджвае гэтая кніга. Раман-прыпавесьць, які толькі прыкідваецца гістарычным — а насамрэч выводзіць чытача са свайго «ніколі і нідзе» наўпрост у ХХІ стагодзьдзе зь ягоным новым успрыманьнем праўды, хлусьні, інфармацыі і ўлады. А адначасова — у тую Беларусь, што адчула нарэшце подых Вялікай Гісторыі».
📖 Выдавецтва папяровай версіі — «Вясна»
🤝 Аўдыякніга была запісаная пры фінансавай падтрымцы беларускіх супрацоўнікаў кампаніі Google.
🎧 Агучыў Сяргей Шупа, а набыць і паслухаць навінку можна проста зараз на нашым сайце!
🔥 Слухаем «Быкава на свабодзе»!
🤝 Працягваем выкладаць кнігі серыі «Бібліятэка Свабоды».
Збор выступаў клясыка беларускай літаратуры ў этэры Радыё Свабода.
🎧 Чытае аўтар, а знайсці і паслухаць можна проста зараз на любой зручнай вам пляцоўцы.
💥 Слухаем навінку ад «Кніжнага Воза»: «Якуб – срэбраны чуб» Надзеі Ясмінскай
Фэнтэзі-казка, напоўненая традыцыямі і персанажамі беларускай міфалогіі.
❗Кнігу пакуль немагчыма прачытаць у друкаванай версіі, таму аўдыя фармат — адзіны спосаб пазнаёміцца з гэтай цудоўнай гісторыяй.
…Даўным-даўно, а, можа, і нядаўна, за гарамi i марамi, за пушчамi-дрымушчамi, за гразкiмi балотамi ды вiрлiвымi рэкамi разлягалася сабе вольна зямля вабная-гожая, з травамі шаўковымі ды спевамі птушынымі. Усiм яна прытулак давала: вялiкiм i малым, добрым i лiхiм, жывым i мёртвым. Не абышлi, вядома ж, мясцін тых людзi клапатлівыя: гарады з вёсачкамi збудавалi, жыццё-быццё наладавалі.
🎧 Агучыў Ісай Свістулькін, а паслухаць можна проста зараз на «Кніжным возе»!
🔥 Слухаем «Свой голас» Зінаіды Бандарэнка ў аўтарскай агучцы!
🤝 Працягваем выкладаць кнігі серыі «Бібліятэка Свабоды».
Cучасныя мемуары калішняй дыктаркі і сапраўднай легенды беларускага тэлебачання, якая прапрацавала там амаль сорак гадоў, за якія паспела ўвесці ў моду беларускі нацыянальны строй, пазнаёміцца з усімі тагачаснымі зоркамі, а ў рэшце рэшт — і пасварыцца з дзеючай уладай праз сваю пазіцыю.
📻 Упершыню ўспаміны гучалі на хвалях Радыё Свабода з 28.03.2005 па 29.04.2005.
🎧 Чытае аўтарка, а знайсці і паслухаць можна проста зараз на любой зручнай вам пляцоўцы
🔥 Слухаем «Імёны Свабоды» Уладзіміра Арлова ў аўтарскай агучцы!
🤝 Працягваем выкладаць кнігі серыі «Бібліятэка Свабоды».
Кніга змяшчае аўдыяверсыі мініэссэ Ўладзіміра Арлова «Імёны Свабоды», якія гучалі на хвалях «Радыё Свабода» ў 2006, 2007 і 2015 гг.
🎧 Чытае аўтар, а знайсці і паслухаць можна проста зараз на любой зручнай вам пляцоўцы.
👋 Вітанкі, даражэнькія!
Надышоў час адкрыць таямніцу нашай чацвёртай (ваў, ужо чацвёртай!) аўдыякнігі-неспадзяванкі.
У красавіку вы слухалі «Аўтамат з газіроўкай з сіропам і без» Уладзімра Някляева — кнігу-ўспамін пра падзеі апошніх 70 гадоў, якія ва многім сфармавалі як самога пісьменніка, так і шмат каго з нас. І, вядома, працягваюць адгукацца ў беларускім кантэксце і па сёння.
А тым часам новая аўдыякніга-неспадзяванка ўжо на нашым ютуб-канале!
Нагадваем умовы: раз на месяц мы выкладаем адну платную аўдыякнігу на ютуб без назвы і аўтара. Вы слухаеце — і тым самым кідаеце выклік самім сабе: ці гатовыя вы прысвяціць некалькі гадзін свайго жыцця невядомаму тэксту? Ці даверыцеся лёсу?
Ніякіх папярэдніх стэрэатыпаў ці чаканняў. Проста аўдыякніга і вы.
🎧 Шукайце спасылку на новую кнігу ў нашых сторыс, а таксама ў тэлеграме і ютубе!
👋 Вітанкі, даражэнькія!
Мы да вас з цікавай абвесткай! Ужо вельмі хутка на нашым сайце з’явіцца ачуменная навінка: сучасны беларускі раман, які з’явіўся на палічках кніжных крам усяго год таму.
Вы, пэўна, хочаце даведацца назву? А мы вам не скажам 😉
Але самым цікаўным прапануем падказку: невялікі ўрывак аўдыя з кавалкам рамана, па якім вы можаце пазнаць аўтара і кнігу. Дзяліцеся варыянтамі ў каментарах!
🔥 Слухаем «Пошукі свайго выраю» Пётры Садоўскага ў аўтарскай агучцы!
🤝 Працягваем выкладаць кнігі серыі «Бібліятэка Свабоды».
«Пошукі свайго выраю» — сучасныя мэмуары, якія ўпершыню гучалі на хвалях Радыё Свабода з 14.01.2005 па 16.02.2005.
🎧 Чытае аўтар, а знайсці і паслухаць можна проста зараз на любой зручнай вам пляцоўцы.
🔥 Слухаем «Дуліну ад Барадуліна» у аўтарскай агучцы!
🤝 Працягваем выкладаць кнігі серыі «Бібліятэка Свабоды».
Кніга змяшчае показкі, эпіграмы, міні-оды «Свабодзе» ды іншыя бессаромныя жэсты, у тым ліку эсэ «Як беларусы сэксам займаюцца».
Бо праўды не заглушыш.
🎧 Чытае Рыгор Барадулін, а знайсці і паслухаць можна проста зараз на любой зручнай вам пляцоўцы.
👋Вітанкі, даражэнькія!
Раней мы ўжо распавядалі вам, з чаго складаюцца кошты на аўдыякнігі, а таксама пра тое, дзе і як іх можна набываць (калі вы раптам прапусцілі, можна паглядзець актуальныя сторыс пад назвай «Набыць кнігу» у нашым Instagram ).
Сёння хочам абмеркаваць з вамі іншую цікавую тэму, але пачнём з пытання:
Як вы думаеце, навошта набываць платныя аўдыякнігі, калі існуюць бясплатныя?
Дзяліцеся сваімі думкамі ў каментарах ⬇️