2956
📖 Чытацкі дзённік. Пра беларускую і сусветную літаратуру на беларускай мове.
У сераду ўдзельнічала ў прамым эфіры АРР Дзедзіч, крыху пагаварылі пра кнігі.
Запіс эфіру можна паглядзець тут:
https://youtu.be/Hs4k5zqRkUI
Усе, напэўна, ведаюць пра сітуацыю з часопісам "Наша Гісторыя", якую выкінулі з распаўсюду ў шапіках Белсаюздруку. І шмат хто, думаю, паспеў схадзіць у офіс і набыць часопіс на мінулым тыдні.
Але ў падтрымку часопіса хочацца падзяліцца добрым лайфхакам: падпіска на "Нашу Гісторыю" - гэта добры падарунак для сваякоў і сяброў, асабліва у рэгіёнах.
Вы наўрадці падорыце сваякам у вёсцы падпіску на нейкую штотыднёвую газету ці часопіс пра ежу. Гэта падаецца не зусім дарэчы. А вось "НГ" як падарунак вельмі пасуе.
Бо гэта "глянец" і да таго ж беларускамоўны. Ужо выглядае як інтрыгоўны артэфакт)
Гісторыяй цяпер пачалі цікавіцца значна больш шырокія колы людзей. Але для старэйшага пакалення, асабліва ў правінцыі, спатоліць гэту цікавасць няма дзе. І якраз "НГ" для гэтага вельмі пасуе. Бо знешне прывабная і ўнутрана насычаная.
У часопісе друкуюцца добрыя матэрыялы на любы густ. Тут ёсць і пра падарожжы, і пра цікавыя знаходкі, і пра каралёў, і пра вясковыя кветкнікі. У гэтым хаваецца небяспека, бо не ўсе тэксты будуць заходзіць розным людзям. Але затое хаця б адзін з выпуска пацэліць дакладна.
Агулам, у наш час, калі жыхары Беларусі завіслі паміж бессэнсоўнымі бляклымі раёнкамі і бясконцым інтэрнэтам, атрымліваць на пошце раз на месяц "глянцавы" часопіс, ісці з ім дадому, сядаць ля вакна і спакойна, удумліва чытаць пра важныя рэчы - гэта несумненнае і нечаканае задавальненне, пра якое шмат хто проста яшчэ ня ведае. І "Наша Гісторыя" тут ці не найлепшы варыянт.
Таму, дарыце сваякам/сябрам падпіску на часопіс! Падпіска недарагая, таму дарыце шмат)
І гэта не рэклама часопіса, дзе я часам друкуюся, а рэклама прывабнага шляху для пашырэння беларушчыны і гуманітарнай веды ў нашыя няпростыя часы.
У Брэсцкім мастацкім музеі знайшла такія экспанаты. Здагадайцеся, што гэта за літаратары 😏
Читать полностью…
Села ў цягнік Мінск — Брэст, каб вечарам пагаварыць пра кнігі ў жывым эфіры.
Читать полностью…
Дзень, калі варта ўспомніць, якое мноства цудоўных кніг з'явілася ў беларускай літаратуры дзякуючы жанчынам.
Дзяліцеся ў каментарыях сваімі любімымі творамі беларускіх аўтарак.
🔥 Розыгрыш зборніка вершаў Анатоля Сыса «Берагі майго юнацтва».
Як атрымаць кнігу?
1. Быць падпісаным на мой канал.
2. Перайсці па спецыяльнай кнопцы ніжэй і пакінуць там +.
3. Чакаць 9 сакавіка (аўторак), калі пры дапамозе рандома я вызначу пераможцу.
Усім поспехаў!
📢З нагоды сусветнага дня пісьменнікаў запрашаем усіх аматараў літаратуры ў Аўдыятэку Беларускага ПЭН-цэнтра, у якой сабраныя аўдыязапісы твораў сучасных беларускіх пісьменнікаў і класікаў.
📖Свае тэксты чытаюць самі аўтары, а таксама перакладчыкі, якія пераклалі творы сусветнай літаратуры на беларускую мову. У сховішчы прадстаўленыя амаль 80 аўтараў і незлічоная колькасць прачытаных імі твораў.
Слухайце тут ⬇️
https://audio.pen-centre.by
#літ_агляд
Дзіцячая кніга Надзеі Ясмінскай пра страхі, сяброўства і сілу фантазіі.
https://telegra.ph/Nadzeya-YAsm%D1%96nska-Spodachak-dlya-cmoka-Kn%D1%96gazbor-2020-g-03-01
#літ_агляд
Аповесць, якая летась была ўганараваная Прэміяй Цёткі за найлепшае афармленне кнігі для дзяцей і падлеткаў.
https://telegra.ph/Genadz-A%D1%9Elasenka-YAk-zubranya-Zubranya-navedala-Mastackaya-l%D1%96taratura-2019-g-02-25
🎲 Quiz 'Тэст ад Рыгора Барадуліна'
21 лютага — Дзень роднай мовы. Сёння хачу прапанаваць вам тэст паводле лексікі Рыгора Барадуліна, з яго роднай Вушаччыны. Паспрабуйце зразумець значэнні слоў.
🖊 7 questions · ⏱ 45 sec
128 гадоў таму нарадзіўся Максім Гарэцкі.
Можаце паслухаць адзін з выпускаў падкаста Bellit, прысвечаны яму.
#літ_агляд
Адна з найгоршых кніг пра Караткевіча, што я чытала.
https://telegra.ph/Vyachasla%D1%9E-Ragojsha-Dzesyac-sag-pra-Karatkev%D1%96cha-Mastackaya-l%D1%96taratura-2020-g-02-16
У выдавецтве «Янушкевіч» нарэшце можна заказаць кнігу «(Не)расстраляныя».
Гэта ўнікальнае выданне фармату А4 з гісторыямі 18 пісьменнікаў, іх творамі, фота і ілюстрацыямі. Многія матэрыялы публікуюцца ўпершыню.
Паспяшайцеся, наклад маленькі — 100 асобнікаў, прычым сёння ў продажы будзе ўсяго 30.
Таму заходзьце на https://januskevic.by/catalog/nonfiction/4231/ і рабіце заказ, каб стаць уладальнікам вельмі важнай для гісторыі беларускай літаратуры кнігі.
Калі ваш дзень быў змрочным ці сумным, проста прачытайце гэтае неверагоднае параўнанне з кнігі Міколы Адама «Сёстры» 😏 Усмешку вам гарантую. А можа нават добры такі рогат.
Читать полностью…
#моўная_хвілінка
Найбольш распаўсюджаная памылка ва ўтварэнні меснага склону назоўнікаў, як мне думаецца, узнікае пад уплывам рускай мовы.
⭕ Фотамайстэрства — ніякі род, аснова заканчваецца на цвёрды зычны "в". У месным склоне слова будзе мець канчатак -е: курс па фотамайстэрстве.
(Памылка з кнігі Міколы Адама «Сёстры», Галіяфы, 2020 г.)
#літ_агляд
Ганна Севярынец «Уладзімір Дубоўка. Ён і пра яго» (Лімарыус, 2017 г.).
Адна з кніг, прачытаных мной падчас падрыхтоўкі выпуску падкаста пра Уладзіміра Дубоўку.
Фармат кнігі незвычайны, бо гэта не проста манаграфія, напісаная адным даследчыкам, а дакументальная біяграфія, сабраная з тэкстаў самога паэта, лістоў, успамінаў і разнастайных дакументаў. Яны выкладзеныя ў храналагічным парадку, і такім чынам перад намі паўстае жыццё Дубоўкі.
Тут вы можаце знайсці лагерную перапіску паэта з жонкай, урыўкі з іх аўтабіяграфій, успаміны людзей, з якімі Дубоўка працаваў падчас высылкі і мноства іншых цікавых дакументаў і фота, многія з якіх надрукаваныя ўпершыню.
Нагадаю, што падкаст пра Уладзіміра Дубоўку можна паслухаць тут:
⭕ частка 1 https://soundcloud.com/padkast_bellit/22-tsykl-asoby-uladzmr-duboka-chastka-1
⭕частка 2 https://soundcloud.com/padkast_bellit/23-tsykl-asoby-uladzmr-duboka-chastka-2
А калі вам мала выпускаў, бо вельмі зацікавіліся асобай паэта, то раю гэтую кнігу.
Дзякуючы Нацыянальнай бібліятэцы яе можна чытаць анлайн або спампаваць у фармаце pdf:
📚 https://www.nlb.by/upload/prod/Maladnyak/Dubowka/3_Paezia_baratsby_i_peramogi/Severynets_Dubowka.pdf
#літ_агляд
Сёлета спаўняецца 95 гадоў аповесці Якуба Коласа «На прасторах жыцця», якая расказвае пра моладзь 1920-х гадоў.
https://telegra.ph/YAkub-Kolas-Na-prastorah-zhyccya-Mastackaya-l%D1%96taratura-1980-g-03-11
У гэтую сераду ў жывым эфіры праекта "Нету места" будзем размаўляць пра кнігі і літаратуру!
Госці - літаратурная аглядальніца з Менску Наста Карнацкая і стваральніца «Майстэрні асэнсаванага чытання» ў Берасці Вікторыя Філатава. Cпасылка на эфір https://youtu.be/Hs4k5zqRkUI. Пачатак а 18.00.
У папярэдніх шасці эфірах падымаліся тэмы псіхалагічнага стану беларусаў, фэйках у СМІ, урбаністыкі і экалогіі. Таксама эксперты абмяркоўвалі стан беларускай мовы ў Беларусі і новы для многіх рух бодзіпазітыва. Усе выпускі праекта «Нету места» можна паглядзець на YouTube-канале Dzedzich Brest:
https://www.youtube.com/channel/UCUsvhRRJYc7gOBxyJxcbadg.
Вынікі розыгрышу!
Зборнік Анатоля Сыса «Берагі майго юнацтва» атрымлівае №45 — Jan Itor.
Калі ласка, напішыце мне @jugggernaut, каб даведацца, як атрымаць кнігу.
Дзякуй усім за ўдзел!
📚Літаратурны каляндар: сакавік-2021
Шукаеце, што цікавага пачытаць у выходныя? — Вось вам колькі ідэяў: чытайце наш сьвежы агляд беларускіх кніжных навінак сакавіка-2021: http://bit.ly/30ga25N
Вырашыла падзяліцца падборкай найлепшых беларускіх кніг, якія я чытала з 2010 года.
⠀
У ёй трапляюцца як празаічныя, так і паэтычныя кнігі. За два апошнія гады давялося выбраць па дзве кнігі, інакш была б трохгадовая гегемонія Бахарэвіча 😁
⠀
📚 2010 — Уладзімір Някляеў «Кон»
📚 2011 — Віталь Рыжкоў «Дзверы, замкнёныя на ключы»
📚 2012 — Сяргей Календа «Трохлітровая проза»
📚 2013 — Францішак Аляхновіч «У капцюрох ГПУ»
📚 2014 — Адам Мальдзіс «Жыццё і ўзнясенне Уладзіміра Караткевіча»
📚 2015 — Рыгор Барадулін «У неба пехатою»
📚 2016 — Васіль Быкаў «Ліквідацыя» (твор больш вядомы пад назвай «Сотнікаў», а гэта новае выданне без цэнзуры)
📚 2017 — Валеры Гапееў «Ноч цмока»
📚 2018 — Альгерд Бахарэвіч «Сабакі Эўропы»
📚 2019 — Альгерд Бахарэвіч «Мае дзевяностыя», Валер Гапееў «Пазл»
📚 2020 — Вольга Гапеева «Кэмэл-Трэвэл», Альгерд Бахарэвіч «Апошняя кніга пана А.»
⠀
P. S. На фота — беларускія палічкі маёй хатняй бібліятэкі. Праўда, кнігі стаяць у два шэрагі, таму паловы не відаць 😁
📚(Не)расстраляныя паэты 20-ых «ажылі» дзякуючы тэхналогіі Deep Nostalgia.
Паглядзіце, як выглядалі Міхась Зарэцкі, Юлі Таўбін, Алесь Дудар, Тодар Кляшторны, Маісей Кульбак, Зяма Півавараў, Анатоль Вольны, Уладзіслаў Галубок, Міхась Чарот, Юрка Лявонны, Ізі Харык, Валер Маракоў.
https://wir.by/be/article/paety20
Больш пра гэтых пісьменнікаў можна даведацца на старонцы праекта (Не)расстраляныя.
Спасылка: https://tuzinfm.by/nierasstralianyja/
#літ_агляд
Сёлетні юбіляр — зборнік Якуба Коласа "Казкі жыцьця", якому спаўняецца 95 гадоў.
https://telegra.ph/YAkub-Kolas-Kazk%D1%96-zhyccya-1926-g-02-27
Адзін з найлепшых сучасных беларускіх паэтаў цяпер і ў тэлеграме! Далучайцеся да канала Андрэя Хадановіча:
@akhadanovich
Новы выпуск падкаста Bellit. Выпуск 7. Цыкл «Асобы». Максім Гарэцкі. Частка 1.
Сёмы выпуск літаратурнага падкаста Bellit, у якім я распачынаю цыкл «Асобы». Кожны выпуск гэтага цыкла будзе прысвечаны жыццю і творчасці аднаго беларускага пісьменніка.
Герой сённяшняга выпуска — Максім Гарэцкі.
📌 Apple Podcasts
📌 Google Podcasts
📌 Castbox
📌 SoundCloud
📌 Spotify
📌 Яндекс.Музыка
📌 Pocket Casts
Падтрымаць праект: patreon.com/bellit
18 лютага 1946 года Якуб Колас зрабіў такі запіс у дзённіку: «Хацелася б запісаць усё, чым жывеш, што думаеш, што збіраешся зрабіць. Але гэта марны замах. Усяго не запішаш. Можа, было б добра мець стэнаграфіста, які адзначыў бы ўсе думкі, усе пачуцці і рухі душы... У тлуме ўсіх гэтых разважанняў першае месца займае старасць. Як ты ні "хорохорься", а ты адчытаны чалавек. Стой, брат, падумай: а можа, гэта і не так, можа, ты яшчэ здолен на нешта патрэбнае людзям <...> Покі носяць цябе ногі, ты нешта рабі, рабі тое, што трэба людзям...».
#моўная_хвілінка
Праспрагаем дзеяслоў «выбрацца» ў множным ліку:
1 ас.: мы выберамся
2 ас.: вы выберацеся
3 ас.: яны выберуцца
Ніякага «выберЫмся» ў першай асобе 😉
(Памылка з кнігі Генадзя Аўласенкі «Як зубраня "Зубраня" наведала», Мастацкая літаратура, 2019 г.)
Адкрыла чэк пакупкі ў інтэрнэт-банкінгу БПС-Сбербанка і знайшла там цытату Максіма Танка.
Читать полностью…
Новы выпуск падкаста Bellit.
Выпуск 24. Cкандынаўскі і медыцынскі дэтэктывы
У новым выпуску расказваю пра дэбютны дэтэктыў шведскай пісьменнніцы, медыцынскі дэтэктыў пра эпідэмію халеры, а таксама дзялюся цікавымі гісторыямі з кнігарні і адказваю на пытанні слухачоў.
Дзе паслухаць?
📌 Apple Podcasts
📌 Google Podcasts
📌 Castbox
📌 SoundCloud
📌 Spotify
📌 Яндекс.Музыка
📌 Pocket Casts
Падтрымаць праект: patreon.com/bellit
#літ_агляд
Новы раман пісьменніка і мастака Артура Клінава. Атмасфера поўначы Беларусі, містычныя пярэваратні і рэвалюцыя ў невялікім мястэчку.
https://telegra.ph/Artur-Kl%D1%96na%D1%9E-Lok%D1%96sa%D1%9E-Logv%D1%96na%D1%9E-2020-g-02-10
