2956
📖 Чытацкі дзённік. Пра беларускую і сусветную літаратуру на беларускай мове.
🥀Сумная вестка - ня стала Анатоля Ілліча Вярцінскага.
(нар. 18.11.1931 Дзямешкава, Лепельскі рн, Віцебская вобласць) — паэта, драматурга, публіцыста, дзяржаўнага дзеяча.
Анатоль Вярцінскі быў яскравым прадстаўніком пакалення шасцідзесятнікаў. Ягоныя творы ўвайшлі ў залаты фонд айчыннай літаратуры, а грамадская дзейнасць стала выдатным прыкладам адданага служэння Бацькаўшчыне.
Выказваем шчырыя спачуванні сябрам, блізкім і прыхільнікам таленту творцы.
Смуткуем разам з вамі.
#хроніка
#моўная_хвілінка
Правільна — што-нішто.
Гэты займеннік пішацца праз злучок.
(Памылка з кнігі Віктара Праўдзіна «Парыж, Эйфелева вежа і...», Чатыры чвэрці, 2020.)
Падтрымаем выдавецтва «Галіяфы»!
З 18 красавіка Міністэрства інфармацыі на тры месяцы прыпыняе дзейнасць выдавецтва. Ім дазволена гандляваць апошнія тры дні.
У гэтыя дні выдавецкая кнігарня (Няміга, 3, цокальны паверх, бокс 37) працуе і робіць зніжку 20% на ўсе свае выданні.
Новы выпуск падкаста Bellit.
Выпуск 68. Пракрастынацыя як мастацтва і кніжныя навінкі сакавіка
У новым выпуску дзялюся апошнім прачытаным для дзяцей і дарослых, расказваю пра кніжныя навінкі сакавіка і адказваю на пытанні слухачоў.
Дзе паслухаць?
🆕 Youtube
📌 Apple Podcasts
📌 Google Podcasts
📌 Castbox
📌 SoundCloud
📌 Spotify
📌 Яндекс.Музыка
📌 Pocket Casts
Падтрымаць праект: patreon.com/bellit
🎂Ледзь не прапусціла важную для падкаста Bellit дату. Учора яму споўнілася 2 гады. Не ўяўляла, што пратрымаюся так доўга, але факт у тым, што ўжо 67 выпускаў я расказваю вам пра добрыя (і не вельмі) кнігі.
Велізарная падзяка кожнаму слухачу! Спадзяюся, адсвяткуем яшчэ выпуск №100.
А свае пытанні, заўвагі і прапановы можаце пакідаць у форме тут.
Дзе паслухаць падкаст?
🆕 Youtube
📌 Apple Podcasts
📌 Google Podcasts
📌 Castbox
📌 SoundCloud
📌 Spotify
📌 Яндекс.Музыка
📌 Pocket Casts
Падтрымаць праект: patreon.com/bellit
🎂7 красавіка нарадзіўся легендарны беларускі мастак Валерый Славук.
Думаю, ён зрабіў дзяцінства многіх з вас лепш сваімі ілюстрацыямі да беларускіх казак і твораў беларускіх класікаў.
Падзяліцеся ў каментарыях тым, што вам найбольш запомнілася з яго творчасці.
Я ў захапленні ад зборніка беларускіх чарадзейных казак «Вядзьмар, які рабіўся ваўком», укладальнік Антон Францішак Брыль («Янушкевіч», 2020).
Дарэчы, кніга яшчэ ёсць у продажы тут.
Некалькі гадоў таму на кніжным кірмашы ў Мінску мне давялося назіраць, як выдавец і мастак абмяркоўвалі ілюстрацыі да гэтай кнігі (на фота злева Валерый Славук, справа — выдавец Андрэй Янушкевіч).
Штогод у гэты дзень адказваю на пытанне «што пачытаць?» сваім старым, але актуальным артыкулам.
Са святам!
https://nina.nn.by/?c=lr&i=206810&lang=be
Хочацца пачытаць сучаснае і актуальнае? Сабралі для вас падборку цудоўных сучасных кніг нашага выдавецтва, якія чытаюць ва ўсім свеце:
📕 Сціна Джэксан «Срэбная дарога». Дэбютны дэтэктыў з выдатнай атмасферай шведскай правінцыі.
📕 Джаан Роўлінг, серыя кніг пра Гары Потэра. Кнігі, якія ўжо сталі класікай дзіцячай літаратуры, а аўтарка радуе новымі творамі ў розных жанрах.
📕 Салі Руні «Нармальныя людзі». Сусветны бэстсэлер пра жыццё і адносіны ірландскай моладзі, у якой так лёгка пазнаць сябе ў іх узросце.
📕 Даніэль Кельман «Тыль». Адзін з найпапулярнейшых сучасных нямецкіх аўтараў з кнігай, якая трапіла ў фінал Міжнароднай Букераўскай прэміі.
📕 Кадзуа Ісігура «Не адпускай мяне». Ужо выйшаў новы раман брытанскага Нобелеўскага лаўрэата, але самым вядомым ягоным творам па-ранейшаму застаецца гэтая глыбокая антыўтопія.
📕Анджэй Сапкоўскі, серыя кніг пра Ведзьмара. Паляк, які пакарыў свет сваімі творамі ў жанры фэнтэзі.
Усе гэтыя кнігі можна купіць на нашым сайце januskevic.by.
#цікавыяфакты
Пасля пераезду ў Ніжні Ноўгарад у 1897 годзе з маленькім Максімам Багдановічам адбылася бяда: ён выпадкова адкусіў сабе кавалак языка.
Бегаў па слізкай падлозе, смяяўся, нешта спяваў і паслізнуўся. Упаў, стукнуўся барадой аб падлогу. Так язык і адкусіў, быў поўны рот крыві. Бацька завёз малога да хірурга, і той усё зашыў. Хэпі-энд 😀
#моўная_хвілінка
Памятайце, што ў беларускай мове ёсць дыграфы дж і дз:
прыхоДЗіць — прыхоДЖу.
Ну і беларускі займеннік мяне адрозніваецца ад рускага меня 😏
(Памылкі з кнігі Ганны Севярынец «Мая школа», Лімарыус, 2021 г.)
Новы выпуск падкаста Bellit.
Выпуск 28. Паднас#аць беларускай сістэме вершаскладання
21 сакавіка адзначаецца Сусветны дзень паэзіі, і менавіта да гэтай даты прымеркаваны новы выпуск падкаста.
Пагаворым пра беларускую паэзію, раскажу пра любімых аўтараў, іх зборнікі і выбраныя вершы.
Дзе паслухаць?
📌 Apple Podcasts
📌 Google Podcasts
📌 Castbox
📌 SoundCloud
📌 Spotify
📌 Яндекс.Музыка
📌 Pocket Casts
Падтрымаць праект: patreon.com/bellit
Працягваю чытаць новую кнігу Ганны Севярынец «Мая школа», сустракаю свой боль.
Ніколі не магла зразумець: чаму калі ты пішаш дыктант без аніводнай памылкі, але маеш у тэксце выпраўленні, то замест 10 балаў атрымліваеш 9 ці нават менш?
У мяне даволі дрэнны і часам неразборлівы почырк, асабліва калі пішу хутка, то-бок амаль заўсёды. За гэта часта атрымлівала скаргі ад настаўнікаў. І выпраўленні ў маіх школьных сшытках з'яўляліся не таму, што першапачаткова пісала словы няправільна. Проста пісала нейкую літару непрыгожа, а потым спрабавала яе выправіць. Ці калі думкі бягуць хутчэй за руку, якая піша, то можаш літары ў слове пераблытаць ці злучыць два словы ў адно.
Было даволі крыўдна атрымліваць за свой беспамылковы тэкст такую ж адзнаку, як і чалавек, які напісаў слова «каляндар» праз «е». Кніга Ганны нагадала мне гэты боль ад школьнай несправядлівасці, які вярнуўся праз 11 гадоў пасля заканчэння школы 😁
Бахарэвіч. Бальбута. Баўхаўс.
Продажы павінны пачацца 2 красавіка. Калі ўсё пойдзе па плане 🤫🤔🙂
#літ_агляд
📚Сара Лундберг «Віта Белая Крэска» (Кнігазбор, 2014 г.)📚
Як навучыць дзяцей карыстацца пешаходным пераходам і светлафорам у гульнявой форме 😁
Калі вам было цікава, адкуль на дарозе з’яўляюцца белыя лініі, то іх малюе Віта. Яна ходзіць з пэндзлікам і вядром і малюе пасярод дарогі роўненькую разметку. Каб машынам было зручней ездзіць, а людзям хадзіць. Суправаджаюць Віту два чалавечкі: чырвоны і зялёны, якія выконваюць функцыі святлафора, дапамагаючы дзяўчынцы навучыць аднаго хлопчыка пераходзіць дарогу.
Праўда, мяне больш зацікавіў мастацкі складнік кнігі, а не сюжэтны. Развароты яркія, на іх шмат цікавых і часам нечаканых дэталяў. Увогуле кніга вельмі інтэрактыўная, можна прыдумаць мноства гульняў паводле яе.
Новы выпуск падкаста Bellit.
Выпуск 27. Біфідакефір
У новым выпуску пагаворым пра лжэнавуку і прычыны яе ўзнікнення, пра дзве цудоўныя дзіцячыя кнігі, пра пераклады назвы адной культавай кнігі і пра навінкі беларускага кнігавыдання.
Дзе паслухаць?
📌 Apple Podcasts
📌 Google Podcasts
📌 Castbox
📌 SoundCloud
📌 Spotify
📌 Яндекс.Музыка
📌 Pocket Casts
Падтрымаць праект: patreon.com/bellit
Новы выпуск падкаста Bellit.
Выпуск 69. Цыкл «Сёлета». Васіль Быкаў «Знак бяды»
У новым выпуску расказваю пра сёлетняга юбіляра — аповесць Васіля Быкава «Знак бяды», якая выйшла 40 гадоў таму.
Дзе паслухаць?
🆕 Youtube
📌 Apple Podcasts
📌 Google Podcasts
📌 Castbox
📌 SoundCloud
📌 Spotify
📌 Яндекс.Музыка
📌 Pocket Casts
Падтрымаць праект: patreon.com/bellit
Хадановіч на YOUTUBE!
Паэт, перакладчык і літаратуразнаўца Андрэй Хадановіч завёў літаратурны youtube-канал. Для прагляду ўжо даступна відэа пра ваенную і постваенную творчасць Васіля Быкава.
Падпісвайцеся!
#літ_агляд
Гісторыя легендарнага беларускага гурта «Neuro Dubel».
https://telegra.ph/Aleksej-Kovalyov-Pavel-Volotovich-Ogromnaya-ten-dozhdevogo-chervya-Pochti-pravdivaya-istoriya-gruppy-Neuro-Dubel-YAnushkev%D1%96ch-20-04-15
#літ_агляд
Вясёлы і дасціпны твор для сямейнага чытання. Кніга польскага пісьменніка, дзякуючы якой нават бацькі змогуць вярнуцца ў прыемнае маленства, абмеркаваць з дзецьмі агульныя тэмы і падзяліцца ўспамінамі.
https://telegra.ph/Andzhehj-Marehk-Grabo%D1%9Esk%D1%96-Gallyash-Byalyashyk--syabra-cmoka%D1%9E-Mastackaya-l%D1%96taratura-2020-04-12
#моўная_хвілінка
Правільна — удваіх.
Удвух — калі гаворым пра мужчын.
Удзвюх — калі гаворым пра жанчын.
Удваіх — калі гаворым пра асоб рознага полу.
У гэтых эпізодах у кнізе ўдзельнічаюць асобы рознага полу.
(Памылка з кнігі Віктара Праўдзіна «Парыж, Эйфелева вежа і...», Чатыры чвэрці, 2020.)
Сакрэтная зніжка для любімых чытачоў.
Завітвайце на januskevic.by.
Промакод пазначайце ў адпаведным радку ў кошыку.
#літ_агляд
Зімовая дзіцячая кніга Ганны Янкуты.
https://telegra.ph/Ganna-YAnkuta-Marta-%D1%96-yae-mara-pra-sneg-2020-g-45-03-23
#моўная_хвілінка
Пішам і ставім націск правільна:
⭕ ні ў кóга, ні ў чóга.
(Памылка з кнігі Валерыя Гапеева «Зніч ваўкалака», Мастацкая літаратура, 2020 г.)
Збіраю калекцыю самых незвычайных месцаў, дзе мяне пазнавалі падпісанты і слухачы. На гэтым тыдні спіс папоўніўся прыбіральняй паб-квіза.
Але ў лідарах усё роўна актавая зала Маскоўскага РУУСа раніцай 10 жніўня мінулага года.
📆 20 сакавіка 2006 года Андрэй Хадановіч напісаў гэты верш:
«Калі ад тэленавінаў сьнег выпадае ў асадак,
хоць мала хто сумняваўся ў прагнозах на гэты конт;
калі мэтрапалітэн працуе безь перасадак,
а нехта па тэлевізары ратуе ўласны азадак
з экрана ля дому з надпісам ГАРЫЗОНТ;
калі шмат тысяч мабільнікаў разам лічаць гадзіны,
тым болей ад іх на плошчы ніякай іншай карысьці —
стаяць і чакаць свабоды, бо выбар цяпер адзіны,
у велькім і бардза пажондным — хто б там ні трындзеў! — таварыстве;
абуць на тры пары шкарпэтак цяплейшыя боты,
на злосьць халоднай вайне й атмасфэрнаму фронту,
бо выбар цяпер адзіны — стаяць і чакаць свабоды —
ад лесьвіцы ў стылі ампір да самага ГАРЫЗОНТУ».
І яшчэ абсурднасці школьнага жыцця з новай кнігі Ганны Севярынец «Мая школа».
Як жа знаёма і жыццёва, педсаветы і журнальныя ручкі. У нашай класнай кіраўнічкі было некалькі аднолькавых ручак і цэлы набор стрыжняў да іх. Каб ні ў якім выпадку ручка раптоўна не скончылася.
У новай кнізе Ганны Севярынец «Мая школа» добра напісана пра абсурдныя моманты нашай сістэмы адукацыі.
Читать полностью…
#літ_факт
Цікава бывае пачытаць пра асабістае жыццё літаратараў. Столькі санта-барбары, што хоць кіно здымай. Сённяшняя гісторыя з жыцця сям'і Максіма Багдановіча.
Бацька паэта, Адам Ягоравіч, тройчы быў жанаты. Першая жонка — Марыя Апанасаўна Мякота, маці Максіма. Яна памерла ад сухотаў, паспеўшы нарадзіць чацвярых дзяцей: Вадзіма, Максіма, Лёву і Ніну.
Пасля смерці Марыі сям'я пераехала ў Ніжні Ноўгарад, дзе Адам Ягоравіч пасябраваў з вядомым пісьменнікам Максімам Горкім і нават пэўным чынам з ім парадніўся. Мужчыны ажаніліся з сёстрамі Волжынымі: Адам з Аляксандрай, а Максім з Кацярынай.
На той момант бацьку Багдановіча было без двух месяцаў 37 гадоў, а яго нявесце — 20. Але ж у пасведчанні, выдадзеным Сялянскім пазямельным банкам (месца працы жаніха), напісана, што Адаму Ягоравічу 34 гады. Памылка ці наўмыснае скажэнне?
Справа ў тым, што Адама Ягоравіча хвалявала розніца ва ўзросце — 17 гадоў, вось ён і падмаладзіўся крыху, каб у людзей не ўзнікала пытанняў. На жаль, сямейнае шчасце Багдановіча ў другім шлюбе цягнулася менш за год, бо падчас родаў жонка памерла, пакінуўшы сына Аляксандра. Той выхоўваўся ў сям'і Горкіх і памёр у 4 гады ад дызентэрыі.
Санта-барбара працягваецца, і трэцяй жонкай Багдановіча стала Аляксандра Мякота. Знаёмае прозвішча? У яе яшчэ і імя па бацьку Апанасаўна. Нічога не нагадвае? Аляксандра была роднай сястрой Марыі, першай жонкі Адама Багдановіча і маці Максіма.
У гэтым шлюбе нарадзілася яшчэ пяцёра сыноў — Павел, Аляксей, Вячаслаў, Мікалай, Раман. Праўда, шлюб не рэгістравалі, вянчанне не адбылося, таму дзеці доўгі час былі бязбацькавічамі. Толькі пасля Кастрычніцкай рэвалюцыі яны атрымалі прозвішча Багдановіч.
Такая гісторыя :)