42763
Тэлеканал Белсат Даслаць навіну, фота ці відэа: @BelsatBot Расейскамоўны рэгіянальны ТГ @BelsatRu
«Голас Амерыкі» замоўк упершыню за 83 гады
Больш за 1,3 тысячы супрацоўнікаў радыёстанцыі адпраўлены ў адпачынак – гэта стала вынікам указу Трампа аб скарачэнні штатаў у сямі федэральных ведамствах, у тым ліку Агенцтве глабальных медыя, куды ўваходзяць «Голас Амерыкі» і «Радыё Свабода».
Прэзідэнт RFE/RL Стывен Капус назваў гэта «вялікім падарункам ворагам Амерыкі».
«Голас Амерыкі» з’явіўся ў 1942 годзе як адказ на нацысцкую прапаганду, а «Радыё Свабода» пачало вяшчанне ў 1950 годзе з Заходняй Нямеччыны. З таго часу абедзве станцыі заставаліся аднымі з нямногіх надзейных крыніц інфармацыі для краін з аўтарытарнымі рэжымамі.
💥Ранішняе шоу на «Белсаце»
Новае шоу з Кацярынай Раецкай і Дзянісам Дудзінскім, якое натхняе і робіць ваш дзень лепшым. Будзем гаварыць пра «Аземпік» (цуд ці падвох), Галівуд, глабальнае пацяпленне і шмат іншага!
Далучайцеся да жывога эфіру: youtube.com/watch?v=WiAkZ6kt_28
💥 #галоўнае за 15 сакавіка
✔️ Трамп назваў сваё абяцанне спыніць вайну ва Украіне за 24 гадзіны — «сарказмам»
✔️ Больш за 100 дронаў атакавалі сёння Расею
✔️ Еўразвяз: Узбраенне для Украіны – нават падчас спынення агню
✔️ Святлана Ціханоўская: Рэжым ператварыў Канстытуцыю ў зручны інструмент рэпрэсіяў
✔️ Беларусам могуць абмежаваць уезд у ЗША
✔️ На вайне ва Украіне знік без вестак беларус, які ваяваў за Расею
✔️ 12 ідэй Орбана: прэм’ер-міністр Вугоршчыны выставіў патрабаванні да Еўразвязу
✔️ Украіна выпрабавала «Доўгі Няптун»: новая ракета далятае на 1000 кіламетраў
✔️ Трамп скарачае Агенцыю ЗША па глабальных медыях, якая кіруе «Радыё Свабода»
✔️ Адно з папулярных у Беларусі таксі выключылі з Рэестру аўтамабільных перавозак пасажыраў
✔️ У Сербіі ў натоўп пратэстоўцаў уехаў аўтамабіль
✔️ Уладзімір Зяленскі зацвердзіў склад перамоўнай групы ад Украіны
🇵🇱 Польшча можа стаць ядравай дзяржавай?
Падрабязней — у нашым відэа.
😱 Трампа ўдарылі па твары
Гэта адбылося падчас размовы з прэсай. Сам прэзідэнт ужо пракаментаваў сітуацыю. Глядзіце!
🫡 «Ваяры і валанцёры» – новы рэпарцёрскі праект на Белсат DOC
Аўтары праграмы рыхтуюць рэпартажы з беларускімі добраахвотнікамі непасрэдна ў зоне баявых дзеяньняў ці падчас адпачынку, які ваяры праводзяць у Кіеве ды іншых гарадах.
Кожны з валанцёраў марыў пра сваю будучыню, і ў праграме мы хочам даведацца, што гэта за мары.
😨 Аўтамабіль заехаў у натоўп людзей, якія выйшлі на пратэст у Белградзе. Пацярпелі не менш як тры чалавекі.
Пратэсты ў Сербіі пачаліся пасля лістападаўскай трагедыі ў Нові-Садзе, калі пасля абвальвання навеса вакзала загінулі 15 чалавек. У пачатку сакавіка 2025 года ў краіне пачалася ўсеагульная забастоўка.
🚨 Следчыя працуюць на месцы ДТЗ пад Быхавам, у якім пацярпелі дзеці
Раніцай 15 сакавіка на 273 км аўтадарогі Віцебск-Гомель адбылося сутыкненне аўтамабіляў Nissan і Honda.
У выніку ДТЗ траўміраваны 7 чалавек, уключаючы трох дзяцей (5, 6 і 7 гадоў).
Папярэднія дадзеныя паказваюць, што ў складаных дарожных умовах аўтамабіль Nissan занесла на паласу сустрэчнага руху, дзе адбылося сутыкненне з Honda. У салоне Nissan знаходзіліся трое дзяцей, якія атрымалі траўмы.
На месцы здарэння працуе следча-аператыўная група.
🤔 Віктар Орбан выклаў 12 патрабаванняў да Еўразвязу
Прэм'ер-міністр Вугоршчын напісаў іх у сваім акаўнце на платформе X, пачаўшы са словаў: «Няхай жыве мір, свабода, адзінства».
Сярод патрабаванняў:
▪️ Спыненне ваеннай падтрымкі Украіны
▪️ Спыненне працы Еўрапарламента ў цяперашнім фармаце
▪️ Спрашчэнне правілаў вядзення бізнесу
▪️ Саюз, але без Украіны
Віктар Орбан рэгулярна блакуе некаторыя ініцыятывы ЕЗ. Напрыклад, ён выступае супраць надавання фінансавай дапамогі Украіне ў рамках дапамогі ЕЗ.
Ён таксама неаднаразова крытыкаваў заходнюю палітыку адносна санкцый супраць Расеі.
Абу Хадіджа быў адным з ключавых фігур групоўкі, адказным за лагістыку і планаванне тэрактаў па ўсім свеце
Цэнтральнае камандаванне ЗША (CENTCOM) паведаміла, што ў выніку авіяўдару ў іракскай правінцыі Аль-Анбар быў ліквідаваны лідар «ІД» у Іраку і Сірыі Абдулла Маккі Мусліх ар-Рыфаи (Абу Хадіджа). Разам з ім загінуў яшчэ адзін тэрарыст, чыя асоба не раскрываецца.
Паводле Доналда Трампа, аперацыя была праведзена ў каардынацыі з урадам Ірака і ўладамі Іракскага Курдыстана.
☝️ Сёння Беларусь адзначае Дзень Канстытуцыі
Святлана Ціханоўская ў сваім віншаванні падкрэсліла, што асноўны закон краіны павінен гарантаваць свабоду, бяспеку і справядлівасць для ўсіх грамадзянаў, але цяперашні рэжым ператварыў яго ў інструмент рэпрэсіяў.
Сутнасць Канстытуцыі – абараняць грамадзянаў ад паліцэйскага свавольства, гарантаваць змяняльнасць улады і свабоду слова. Аднак рэжым гадамі ператвараў асноўны закон у зручны інструмент – перапісваў, ігнараваў і выкарыстоўваў супраць народа.
🔺 Еўрапейскі звяз працягне пастаўкі ўзбраення Украіне, каб умацаваць яе пазіцыі на перамовах
Адзін з еўрапейскіх дыпламатаў адзначыў, што «Еўразвяз дамагаецца таго, каб Украіна была ў найбольш моцнай пазіцыі на мірных перамовах. Паводле яго, Еўразвяз не спыніць пастаўкі зброі, нават калі Расея запатрабуе гэтага як умову замірэння.
Ідэя ў тым, каб Украіна, знаходзячыся ў моцнай пазіцыі, магла стрымліваць Расею ў выпадку аднаўлення баявых дзеянняўЧитать полностью…
💸 Заначка ў падушцы – схаваная спадчына
Супрацоўнікі клінінгу кажуць, не бачылі такога за ўсе 18 гадоў працы
Паглядзіце, што яны знайшлі ☝️
💥Ранішняе шоу на «Белсаце»
Новае шоу з Кацярынай Раецкай і Дзянісам Дудзінскім, якое натхняе і робіць ваш дзень лепшым. Будзе гаварыць пра спорт, падарожжы, кіно і нават музейныя рарытэты!
Далучайцеся да жывога эфіру: youtube.com/live/Ue5LLPk62qY
💥 #галоўнае за 14 сакавіка
✔️ Расеі не спадабаўся спецпрадстаўнік Трампа – яго адхілілі ад перамоўнага працэсу
✔️ Менгарвыканкам прэзентаваў новую песню пра Лукашэнку
✔️ У Еўразвязе абмяркоўваюць магчымасць пазбаўлення Венгрыі права голасу
✔️ Літоўскія кансерватары дамагаюцца больш жорсткіх абмежаванняў для беларусаў, якія рэгулярна выязджаюць з Літвы на радзіму
✔️ Лукашэнка нацыяналізаваў «Амкадор»
✔️ У AirPods з'явіцца сінхронны пераклад з замежных моваў
✔️ Лукашэнка хоча снабжаць Расею электраэнергіяй
#рэпрэсіі:
▪️Шматдзетная маці збегла ад рэпрэсій і гвалту мужа
▪️У Чачэрску хлопца пачынаюць судзіць за «масавыя беспарадкі»
▪️ Чарговае папаўненне «спісу экстрэмістаў»
Прэзідэнт Сербіі саступіў апазіцыі на фоне масавых пратэстаў
15 сакавіка ў Белградзе прайшлі буйныя акцыі пратэсту. Галоўным патрабаваннем была адстаўка Вучыча. Паводле афіцыйных дадзеных, на вуліцы выйшлі да 107 тысяч нязгодных з уладай.
Аляксандр Вучыч заявіў, што гатовы правесці выбары ў найбліжэйшыя тры-чатыры месяцы, калі гэтага патрабуе апазіцыя.
У сваім звароце прэзідэнт Сербіі таксама выказаўся, што выбары прынясуць яму яшчэ больш пераканаўчую перамогу, а таксама абвінаваціў апазіцыйныя медыя ў спробе арганізаваць «каляровую рэвалюцыю».
☕️ Вітаем, шаноўныя!
Сабралі для вас найбольш цікавыя матэрыялы «Белсату», які вы маглі прапусціць:
🔺 Што не так з «акружэннем» ЗСУ ў Курскай вобласці?
Расейскія наратывы пра нібыта акружэнне ўкраінскіх войскаў у Курскай вобласці дайшлі нават да Белага Дому. Аднак ЗСУ катэгарычна адмаўляе гэтыя сцвярджэнні. Хто ж мае рацыю? Разбіраемся ў нашым матэрыяле (чытайце праз VPN).
🔺 Украіна выпрабавала новую ракету, якая далятае да 1000 км
Што гэта за ракета і чым яе папярэдняя мадыфікацыя адзначылася ў вайне супраць Расеі? Даведайцеся па спасылцы (праз VPN).
🔺 Прэм’ер Вугоршчыны выставіў патрабаванні Еўразвязу
Віктар Орбан сфармуляваў 12 патрабаванняў да ЕЗ, якія цалкам адпавядаюць яго палітычнай лініі. З якімі прапановамі «дзеля міру» ён звярнуўся да еўрапейскіх лідараў – чытайце на нашым сайце (праз VPN).
#штопачытаць
🥺 Відэа, якое праб’е вас на слёзы
Кранальная гісторыя сяброўства і развітання сланіхаў, якія былі неразлучныя ўсё жыццё. Паглядзіце ☝️
🔴 «Аб'ектыў» і «Студыя Белсат» – галоўныя падзеі дня!
У сённяшнім выданні:
🔸 The New York Times: Адміністрацыя Трампа прапануе абмежаваць уезд у ЗША грамадзянам шэрагу краінаў. У спісе і Беларусь
🔸 У Беларусі з 15 сакавіка на 2 капейкі даражэе аўтамабільнае паліва. Агулам «Белнафтахім» плануе падняць цэны на паліва на 16 капеек
🔸 ЗСУ пацвердзілі страту Суджы, але абверглі заявы Пуціна і Трампа пра акружэнні ўкраінскай групоўкі ў Курскай вобласці
🔸 Доналд Трамп заявіў пра ліквідацыю аднаго з лідараў Ісламскай дзяржавы
🔸 31 год таму Вярхоўны Савет прыняў Канстытуцыю Беларусі
🔸 На БМЗ затрымліваюць заробкі
Далучайцеся да нашага эфіру ⤵️
🤬 Сын і ўнук святароў стаўся палітвязнем, бо яго «замовіў» генерал
Андрэй Аўсіевіч правёў у зняволенні 3,5 года з палітычных матываў, бо напісаў каментар пра дачку генерала, а той «замовіў» хлопца.
Турма не зламала Андрэя, ён працягвае прытрымлівацца хрысціянскіх каштоўнасцяў сумленнасці і праўды. І цяпер ён звярнуўся да людзей з просьбаю дапамагчы, бо выехаў з Беларусі з адным заплечнікам.
🎥 Працяг гэтай гісторыі глядзіце ў праграме «Беларус беларусу» на YouTube-канале «BELSAT LIFE»
✅ Менск б'е рэкорды ў арэндзе "бабушатнікаў"
✅ Пенсіянерцы ў Беларусі напісаў Кеану Рыўз
✅ Колькі каштуе самая дарагая водка ў Беларусі
Самыя вострыя навіны ў гумарыстычным выданні «ХайТак»: https://youtu.be/bqofzQcbHSs
🚀 Украіна паспяхова выпрабавала і ўжыла ў баі новую дальнабойную ракету «Доўгі Нэптун»
Гэта мадэрнізаваная версія крылатай ракеты Р-360 «Няптун», якая раней таксама была ўдасканалена для паражэння цэляў на вялікіх адлегласцях.
«Доўгі Няптун» прайшоў выпрабаванні і паспяхова выкарыстаны ў баі. Новая ўкраінская ракета, дакладны ўдар. Дыстанцыя – тысяча кіламетраў. Дзякую нашым украінскім распрацоўшчыкам, вытворцам і вайскоўцам. Працягваем працаваць дзеля гарантавання бяспекі Украіны
🕵️♂️ «Беларускі Гаюн» і «Чорная кніга Беларусь», узлом сайту «BELPOL» і прывітанне ад КДБ на семінары па бяспецы…
Можа падацца, што сілавікі ўвесь час узламваюць дэмакратычных актывістаў.
Ды значная частка пагрозаў інфабяспецы насамрэч не «айцішная», а даволі нізкатэхналагічная.
Чытайце на старонцы аб правілах бяспекі ў Інтэрнэце і як абараніць асабістую інфармацыю.
❌ Дзмітрый Губіцкі, жыхар Бараўлянаў пад Менскам, знік без вестак падчас вайны
Мужчына ўхіляўся ад службы ў беларускім войску, але добраахвотна пайшоў ваяваць за Расею, дзе ўзяў пазыўны «Беларус»
Апошні раз ён быў анлайн у сацсетках 19 снежня 2024 года, а з 18 студзеня 2025-га перастаў выходзіць на сувязь з роднымі.
У сацсетках з’явілася аб’ява: «Мама шукае сына, дапамажыце знайсці». Губіцкі не меў жонкі і дзяцей.
Перад знікненнем ён пакінуў у сацсетках фразу: «За…лі мяне вучыць жыццю. За сваім сачыце».
📺 Навіны за 5 хвілін
✔️ Беларусам і расейсцам могуць абмежаваць уезд у ЗША
✔️ Беларусь не збіраецца ваяваць, а Пуцін не плануе новую вайну. Лукашэнка даў інтэрв'ю Скабеевай
✔️ Беларускіх ваяроў ва Украіне пачалі знянацку пераводзіць у іншыя падраздзяленні
✔️ На наступным тыдні ў Чырвоным Касцёле распачнецца рамонт
Глядзіце ў кароткім выданні навін на Белсаце
📌 Адміністрацыя Доналда Трампа распрацавала план увядзення новых абмежаванняў на выдачу віз
Паводле The New York Times, 43 краіны падзеленыя на тры катэгорыі — «чырвоную», «аранжавую» і «жоўтую».
Расея і Беларусь трапілі ў аранжавы спіс. Гэта азначае, што іх грамадзянам могуць забараніць выдачу іміграцыйных і турыстычных віз, дазваляючы толькі «свядомым бізнес-падарожнікам».
«Чырвоны» спіс уключае 11 краін, у тым ліку Іран, Кубу, Паўночную Карэю і Венесуэлу — іх грамадзянам уезд у ЗША можа быць цалкам забаронены.
«Жоўты» спіс — гэта 22 краіны, якім дадуць 60 дзён на выпраўленне сітуацыі, каб пазбегнуць пераходу ў больш жорсткія катэгорыі.
Афіцыйна рэкамендацыі могуць прадставіць ужо на наступным тыдні. Канкрэтны спіс краін яшчэ можа змяніцца.
Больш за 100 дронаў атакавалі сёння Расею
Большасць з іх прыляталі ў Валгаградскую вобласць. Мясцовыя ўлады кажуць, што атака не нанесла шкоды, аднак тг-каналы паведамляюць пра пажар у раёне НПЗ «Лукойл» і гарэнне камышу.
Мінабароны Расеі заяўляюць пра атаку яшчэ на пяць рэгіёнах. Усяго, паводле ведамства, была знішчана 126 украінскіх БПЛА.
Трамп назваў сваё абяцанне спыніць вайну ва Украіне за 24 гадзіны — «сарказмам»
«Ну, тады я казаў гэта з пэўнай доляй сарказму. Але сапраўды хачу, каб гэтае пытанне было вырашана. І думаю, што ў мяне атрымаецца», — заявіў Трамп у інтэрв’ю журналістцы Шэрыл Эткісан.
Паводле яго, ЗША працягваюць працу над перамір’ем і ўжо дамагліся згоды ад Кіева. Цяпер на чарзе Масква. Ён таксама адзначыў, што сітуацыя застаецца вельмі складанай, але «пакуль усё ідзе добра».
«Гэта крывавая, жудасная вайна, але я лічу, што працэс перамоваў пра перамір’е развіваецца даволі паспяхова», — падсумаваў Трамп. Ён дадаў, што больш інфармацыі будзе ў панядзелак 17 сакавіка.
☕️ Вітаем, шаноўныя!
Сабралі для вас найбольш цікавыя матэрыялы «Белсату», які вы маглі прапусціць:
🔺 ЕЗ працягнуў санкцыі супраць Расеі
Урсула фон дэр Ляен паведаміла, што эканамічныя абмежаванні падаўжаюцца яшчэ на паўгода. Аднак для гэтага давялося пайсці на саступкі Вугоршчыны, якая патрабавала выключыць з санкцыйнага спісу дзевяць асобаў. Каго выратаваў Орбан — даведайцеся ў нашым матэрыяле (праз VPN).
🔺 Пуцін панізіў Лукашэнку да губернатара?
Самаабвешчаны кіраўнік Беларусі выглядаў прыгнечаным і нервовым падчас сустрэчы ў Крамлі. Нягледзячы на гэта, ён паспрабаваў «атакаваць» і заявіў, што Расея і Беларусь – суверэнныя і незалежныя дзяржавы. Разбіраем гэты візіт на нашым сайце (чытайце праз VPN).
🔺 Зяленскі: Пуцін рыхтуецца адмовіцца ад спынення агню
Прэзідэнт Украіны перакананы, што заявы Пуціна аб гатоўнасці да перамір’я – не больш чым маніпуляцыя. Чаму ён так лічыць і што гэта можа азначаць для вайны? Чытайце па спасылцы (праз VPN).
#штопачытаць
Чаму беларускую мову не прасоўваюць у Google ды YouTube?
Бо яны працуюць не за ідэю, а за грошы, лічыць журналіст і стартапер Кірыл Смяглікаў, паслухайце як гэта можна змяніць ☝🏻
▶️ Поўнае выданне праграмы «Мова нанова» глядзіце на YouTube-канале «Белсат LIFE»