2654
Ёш ёзувчи Байрам АЛИнинг телеграм канали. [Илтимос, мавзу кўчирганингизда манба кўрсатинг.] Боғланиш учун: @Bayram_Ali Канал муаллифи ҳақида: @muallif_haqida_1
#iqtibos
Ҳаётни яшаб ўтиш, у ҳақида фикрлашдан осонроқ.
© Максим Горький
👉 @BeshinchiTomon
"Ғарбий фронтда ўзгариш йўқ" асарида, уруш олиб бораётган аскарлар таҳминан шундай суҳбатлашади:
«⸺ Урушлар нимадан бошланаркин?
⸺ Билмадим... Менимча, давлатлардан бири иккинчисини ҳақорат қилса, ўртада уруш бўлади.
⸺ Унда биз бу ерда нима қилаяпмиз?! Сен билан мен ҳеч кимни ҳақорат қилганимиз йўқ-ку?!».
Асарнинг яна бир жойида эса шундай гаплар бор:
⸺ Урушни кимлар бошларкин?..
⸺ Дипломатлар, вазирлар ва...
⸺ Унда ўшаларнинг ўзларини майдонга олиб чиқиш керак. Калта иштон кийиб, худди чўчқадай бир-бирига ташланишсин...»
Тушунаяпсизми?! Урушда ҳеч қандай жасорат йўқ! Ҳеч қандай ватанпарварлик ҳам йўқ уришда! Уруш фақат қўрқоқлик, мунофиқлик! Уни қўрқоқ ва мунофиқлар бошлайди, жабрини эса кўпроқ юқорида мен суҳбатини келтирганга ўхшаш айби нималигини билмаётган, билишни ҳам истамайдиган халқ кўради...
Эрталабдан уруш ҳақида ёзаётганим учун кечиринг... Ўзимнинг ҳам дилим танг...
Ватанимга ва бутун дунёга тинчлик, тинчлик ва яна тинчлик сўраб қоламан...
Бугун ҳам давлатлар бир-бирининг устига қурол кўтариб бораяптими, демак, ўтган асрлар мобайнида инсон маънавиятида ҳеч қандай ўзгариш содир бўлмаган!
Байрам Али
👉 @BeshinchiTomon
#kechinma #iqtibos
...Мен учун ҳаётда кузатишим жуда оғир бўлган учта таассурот бор:
биринчиси — инсон инсоннинг тушкунлик маҳсули бўлган ўткинчи эҳтирослар домига илинганидан фойдаланиб қолишга уриниши;
иккинчиси — ўзаро муносабатларига чек қўйган икки инсоннинг бири-бири устидан мағзава ағдариши;
учинчиси — ижодкорнинг ўз ўқувчисини атайлаб йиғлашга мажбур қилиши;
© Байрам АЛИ. «Мен билган очун» туркумидан.
👉 @BeshinchiTomon
#xayrlikun #iqtibos
Токи ўлимдан ҳеч нарса қутқара олмас экан, ҳеч бўлмаса муҳаббат бизни ҳаётдан қутқарсин.
© Пабло Неруда
👉 @BeshinchiTomon
#ruhiyat_manzaralari
«Тескари айланиб қолган ҳаётим,
Кимман-у, кимлигин унутган дайди.
Мени тушовлайди бойчибор отим,
Мени сигаралар чекиб ташлайди...»
© Муҳаммад Али
Муҳаммадали, дўстим, бугунги ажойиб суҳбат учун раҳмат!
👉 @BeshinchiTomon
#umr_manzaralari
•••
Тизилишиб турналар,
Учар кўкда "қур-қурлаб.
Шаддод Вали лол қолган,
Гап қотади пичирлаб.
Ким ўзарга ўйнамай,
Саф тортишган, учар жим...
Қандай аҳил, дўст-иноқ,
Турналарга беш кетдим!
© Ўроз Ҳайдар, «Гулхан» журнали.
👉 @BeshinchiTomon
#xayrlikun #iqtibos
Инсоннинг энг катта алданишларидан бири шуки, у ҳали вақтим жуда кўп, деб ўйлайди...
© Нажиб Маҳфуз
👉 @BeshinchiTomon
#ruhiyat_manzaralari
Агар кўзингизга бир томчи ёш келса, демак, руҳингиз ўз ибтидосини эслади...
👉 @BeshinchiTomon
#iqtibos
Мактаблар ⸺ соддалаштириш курсларидир. Улар болаларни ер юзида мавжуд бўлмаган ҳаёт учун тайёрлайди.
© Альбер Камю
👉 @BeshinchiTomon
#masal #umr_manzaralari
Шундай шарқ масали бор: Кўзадан пиёлага фақат унда бор нарсанигина қўйиш мумкин. Яъни агар у сув билан тўлатилган бўлса-ю, ундан шароб қуйиб ичмоқчи бўлсангиз, демак, сиз нодонсиз...
Зийрак бўлинг! Одамлардан ўзлари эга бўлмаган фазилатларни талаб қилманг.
👉 @BeshinchiTomon
#xayrlikun #iqtibos
Сўзлар қалбда етук бўлмагунча уларни тилга чиқарманг.
© Баҳоуддин Нақшбандий
👉 @BeshinchiTomon
#iqtibos #munosabatlar
Севиш ва кутиш бир хил нарса эмас. Ҳамма севади, лекин ҳамма ҳам кута олмайди.
© Фёдор Достоевский
#Zarnigor
👉 @BeshinchiTomon
#xayrlikun #asardan_parcha
Шундан сўнг Кичкина шаҳзода Тулкининг ёнига қайтиб келди:
⸺ Хайр, яхши қол... ⸺ деди у.
⸺ Хайр, яхши бор, ⸺ деди Тулки. ⸺ Мана сенга айтмоқчи бўлган сирли гапим: фақат кўнгил кўзигина очиқ, энг асосий нарсани кўз билан кўролмайсан.
⸺ Энг асосий нарсани кўз билан кўролмайсан, ⸺ деб такрорлади Кичкина шаҳзода бу ҳикматни эслаб қолиш учун...
⸺ Гулинг сенга шунинг учун ҳам қадрлики, унга кўнглингни очгансан.
⸺ Чунки унга кўнглимни очганман... ⸺ деб такрорлади Кичкина шаҳзода яхшироқ эслаб қолиш учун.
⸺ Одамлар бир ҳақиқатни унутдилар, ⸺ деди Тулки, ⸺ аммо сен асло ёдингдан чиқарма: кимники қўлга ўргатган бўлсанг, унинг тақдирига ҳамиша жавобгарсан. Унутма, феруза гулинг учун ҳам жавобгарсан.
© «Кичкина шаҳзода»
👉 @BeshinchiTomon
#iqtibos
Ўтмишдан воз кечишни ўрганиш керак. Акс ҳолда, у узоқ давом этиши мумкин.
© Франс Кафка
👉 @BeshinchiTomon
#xayrlikun #iqtibos
ОЛМОН ШОИРИ ҲАЙНИРИХ ҲАЙНЕ АЁЛЛАР ҲАҚИДА
•••
Аёл аёллигини йўқотганда энг ёмон эркакка айланади.
•••
Гўзал аёл ёвузликнинг ибтидоси, кўримсиз аёл эса эзгуликнинг ибтидосидир.
•••
Тарихни аслида аёллар яратади, гарчанд у кўпроқ эркакларнинг исмини эслаб қолса-да.
👉 @BeshinchiTomon
#xayrlikun #mulohaza
Ҳайкалтарош дурдона асар ясамоққа киришганда унинг қўлидаги мармар нима деб ўйларди? У тахминан: «Мени калтаклашаяпти! Синдиришмоқчи! Ҳақорат қилаяптилар! Энди мен ўламан!» деган хаёлларга борарди...
Аслида, ҳар биримиз ҳаётнинг қўлидаги мармар кабимиз. Биз ҳаётнинг зарбаларини хотиржамлик ила қабул қилишни, унга ёрдам беришни ва ўз ишини охирига етказишида у билан ҳамкорлик қилишни ўрганишимиз керак...
© Жан Кокто
👉 @BeshinchiTomon
#iqtibos #kayfiyat
Шундай лабларнинг қурбони бўлсангки, лозим бўлганида жим турса.
© Жалолиддин Румий
👉 @BeshinchiTomon
#iqtibos
Зиёфатнинг энг яхши қисми, зиёфат қандай ўтганлиги ҳақидаги ҳикоялардадир.
© Чарльз Диккенс
👉 @BeshinchiTomon
#xayrlikech #iqtibos
Дунёдаги ҳамма одамлар ⸺ танланганлар. Бошқалари мавжуд эмас. Эртами ёки кечми, ҳаммани судлайдилар ва ҳукм қиладилар.
© Альбер Камю, «Бегона»дан.
👉 @BeshinchiTomon
#kechinma #kuzatish
Ҳаёт парадокслардан иборат. Масалан: душманимиз қанчалик майда одам бўлса, биз учун шунчалик хавфли!
© Байрам АЛИ
👉 @BeshinchiTomon
#murojaat #mulohaza
«2020-йил 6-июн куни Sof.uz сайтида чоп қилиниб ижтимоий тармоқларда тарқалган“Зоологлар кўрсичқон ва тулкиларнинг Сардоба тўғони емирилишига таъсирини ўрганди” мавзусидаги маълумотга кўзим тушди. Аввалига буни ҳазил деб ўйладим. Кейин билсам ҳақиқатан ҳам Ўзбекистон Республикаси Фанлар Академияси Зоология институти мутахассислари Сардоба сув омборига “илмий сафар” га юборилган...»
ЎЗБЕК ОЛИМЛАРИГА МУРОЖААТ. Тўлиқ ўқиш: ⤵️
https://telegra.ph/%D0%8EZBEK-OLIMLARIGA-MUROZHAAT-YOKI-SIYOSATGA-%D2%9AUL-B%D0%8ELMAJLIK-02-23
#xayrlikech #kechinma
Болалигимда бир севимли ўйиним бўларди. Бирга мол боқаётган шерикларимдан холироққа ўтиб, дарёнинг ўзани чўккан, натижада улкан қояга айланган жойига ўтириб олардим. Нариги тарафдаги уйлар, олис манзараларга узоқ тикилиб турардим-да, сўнг кўзларимни юмиб, ўша манзарани кўз олдимга келтиришга ҳаракат қилардим...
Бир куни бу ўйиним ҳақида яқин дўстимга гапириб бердим. У гапимни эшитиб аввалига кулди, кейин эса лабидан беихтиёр бир сўз учди: «Аҳмоқ!..»
Аслида бировдан гап эшитадиган, ҳаққини олдирадиган болалардан эмасдим. Аммо, неҳолки, иродамни нимадир букиб қўйди, бошим эгилиб, менинг кўзларимга ёш келди...
Ўшандан бери бир нарсани тушунганман: инсоннинг ҳаммага ҳам айтавермайдиган орзулари, ўй-хаёллари, унинг энг заиф нуқталари бўларкан...
Хайрли кеч.
© Байрам АЛИ
👉 @BeshinchiTomon
#iqtibos
Гоҳида ҳаммадан яшириниб олишни хоҳлаб қоласан. Аслида эса, сени топиб оладиган одамга муҳтож бўласан.
© Ҳузайфа Мужоҳид
👉 @BeshinchiTomon
#xayrlikun #iqtibos
Ақлли, ахлоқли ва адолатли бўлмай туриб, кўнгилдагидек яшаш мумкин эмас. Ва шунингдек, кўнгилдагидек яшамай туриб, ақлли, ахлоқли ва адолатли бўлиб бўлмайди.
© Эпикур
👉 @BeshinchiTomon
#asardan_iqtibos
•••
Изтироб одамни олижаноб қилади, деган гапга кафиллик бериб бўлмайди. Бахт гоҳида одамда шундай туйғулар уйғотиши мумкин. Лекин изтироб аксарият ҳолларда одамни майдакаш ва қасоскорга айлантиради.
•••
— Нега гўзал аёллар кўпинча зерикарли одамларга турмушга чиқишади?
— Нега деганда ақлли эркаклар гўзал аёлларга уйланишмайди.
© Сомерсет Моэм, «Ой ва сариқ чақа»
#Aziza_Bobodavlatova
👉 @BeshinchiTomon
#kuzatish
Носамимий ҳамдардлик — ёвузликнинг ювош кўринишидир.
© Байрам АЛИ
👉 @BeshinchiTomon
#yakshanba_mutolaasi
«Томми топиб олган китоб жуда эски эди. Ака-сингил уни варақлай бошлашди. Китобда қимирламай турган ҳарфларни томоша қилиш уларга ҳаддан зиёд завқли эди. Чунки улар сўзларни экранда ўқишга ўрганиб қолишган эди-да… »
Айзек Азимов. Ўқитувчи одам бўлган экан...(ҳикоя). Тўлиқ ўқиш: ⤵️
https://telegra.ph/Ajzek-Azimov-%D0%8E%D2%9Bituvchi-odam-b%D1%9Elgan-ehkan-%D2%B3ikoya-02-20
#xayrlikech #kechinma
«Нима, ундан қарзинг борми?!» ⸺ деди шайтон. «Қарзинг борлар сендан қарзмиди?!» ⸺ деди виждон...
Ҳамма нарсани қарз билан ўлчайвермайлик, дўстим, ҳолбуки тўланмаган қарзларимиз кўп...
© Байрам АЛИ
👉 @BeshinchiTomon
#iqtibos
Агар ҳамма одамлар дунёга асл башарасини очиб берсалар борми, бу оламни чанг-тўзон қоплаган бўларди.
© Антон Чехов
👉 @Farogat_Xudoyqulova
#xayrlikech #umr_manzaralari
Унга уқтирдилар,
Оқни қора, деб.
Чунки бир қорани,
Оқлаш лозим эди.
Унга уқтирдилар,
Тоқни бу — жуфт, деб,
Чунки битта жуфтни
Тоқлаш лозим эди.
Унга уқтирдилар,
Қинғир тўғри, деб,
Чунки бир қинғирни
Ёқлаш лозим эди...
© Абдулла Ориф
П/С: Фотограф: Дониёр Муродов. Элёр Гўрўғлиев ёнларида бўлган.
👉 @BeshinchiTomon