2654
Ёш ёзувчи Байрам АЛИнинг телеграм канали. [Илтимос, мавзу кўчирганингизда манба кўрсатинг.] Боғланиш учун: @Bayram_Ali Канал муаллифи ҳақида: @muallif_haqida_1
#iqtibos
Оломоннинг муаммоси шундаки, илмли ва тарбиялари кишиларга шубҳа билан қарайдилар, аҳмоқларга эса тўла ишонч билан.
© Чарльз Буковски
#Gulchehra_opa
👉 @BeshinchiTomon
#xayrlikech #kechinma
Ўзга сайёра ҳақидаги асарларда вақт, масофа ва бошқа ўлчамлар бизнинг сайёрамиздагидан фарқ қилишини ўқиганмисиз? Инсон қалби ҳам мана шунга ўхшаш ўзига хос сайёра! Ундаги вақт, масофа ва ҳақиқатлар ташқи оламдагидан фарқ қилгани учун, биз кимнинг ҳаётида аслида қандай ўрин эгаллаганимизни ҳеч қачон билолмаймиз...
Хайрли кеч.
© Байрам АЛИ
👉 @BeshinchiTomon
#iqtibos
Асосий камчилигимиз шундаки, ҳамма вақт амалга оширишдан кўра муҳокама қилишга кўпроқ ишқибозмиз.
© Жавоҳарлаъл Неру
👉 @BeshinchiTomon
#xayrlikech #iqtibos
Ҳар битта инсон эҳтимол ҳаёти давомида қилган барча ёмон ишларида айбли эмасдир, аммо қилмаган барча яхши ишларида шубҳасиз гуноҳкор!
© Вольтер
👉 @BeshinchiTomon
#munosabat
ТАНҚИДМИ, Ё ТАРҒИБОТ?!
Яқинда устоз Одил Икром маснавийдаги айрим ривоятларни болаларга мослаб нашр қилиш ҳақида изланаётгани, асли "Хамса" ни ҳам шундай қилиб чиқартириш кераклиги ҳақида гапиргандилар...
Эрталаб "You-Tube" га кириб, хаёлимдан бир фикр ўтди. Нима учун бугунги таниқли домлалар, қориларимиз диний ахлоқни болалар фитратига сингдиришнинг янги, ўзига хос йўллари ҳақида ўйлашмайди? Қаердан чиқди олдин пана-пастқамда бир-бирига суйкалаётган икки ёш ёки ярим яланғоч хиром қилаётган раққосанинг видеосини қўйиб, изидан маъруза ўқиш? Бу нима: танқидми, ё тарғибот?! Ҳурматли муллалар, билмадим, эҳтимол айтганларим "лайкка" муккасидан кетган бирор блогернинг иши бўлиб, сизнинг хабарингиз ҳам йўқдир. Лекин илтимос, маърузага мавзу танлашда белдан тепароққа ҳам чиқинглар. Кечирасизлар-у, тозаланиш, аврат, узрли аёлнинг эрини қандай рози қилиши ва хоказолар ҳақида ҳамма у ёки бу даражада билади. Эшитишимча, Қуръонда инсон нима ҳақида кўп ўйласа, гапирса, ўша қалбига муҳр бўлиши ҳақида ёзилган...
© Байрам Али (Fesbukdan)
👉 @BeshinchiTomon
#xayrlikech
Ҳамма баҳона топаётганда сизга ким ёрдам берганини унутманг.
© Айман Ёғий
👉 @BeshinchiTomon
#kechinma #йўлдаги_ўйлар
Асарнинг маъноси ҳажми билан белгиланмайди. Умр, баъзан ҳатто муносабатлар ҳам шунақа.
© Байрам АЛИ
👉 @BeshinchiTomon
#xayrlikech #kechinma
Биз ниманидир исботлаш орқали одамларнинг фикрини ўзгартириш мумкин, деб ўйлаймиз. Аслида эса, одамлар исботланган нарсаларга ғанимлик нигоҳи билан қарайдилар.
Хайрли кеч.
© Байрам АЛИ
👉 @BeshinchiTomon
#iqtibos
Сенинг учун сендан воз кечдим, эй Севгили...
© Жалолиддин Румий
👉 @BeshinchiTomon
#xayrlikech #kechinma
Сўзларнинг ҳам ўз тақдирлари бор, улар мангу қалбимизда яшаб қолиши мумкин. Айримлари тикан бўлиб, айримлари чечак бўлиб...
Хайрли кеч.
© Байрам АЛИ
👉 @BeshinchiTomon
#xayrlikun #iqtibos
«Инсонларнинг сизга бўлган муносабати сизнинг ўзингизга бўлган муносабатингиздан бошланади. Кўрмаяпсизми, мен ўзимни қанча севсам, одамларни шунча жалб қиламан?!»
© Оскар Уайльд, «Дориан Грей портрети»
👉 @BeshinchiTomon
#iqtibos
Дунёни қутқаришни инсонларни битталаб қутқаришдан бошлашингиз зарур. Ҳаммани бирданига қутқараман дейиш: ё хаёлпарастлик ёки сиёсий ёлғон.
© Габриэль Гарсиа Маркес
👉 @BeshinchiTomon
#xayrlikun #rivoyat
⸺ Энг қисқа умр деб қайсини айтиш мумкин? ⸺ деб сўрабдилар бир гал шогирдлари шайх Нажмиддин Кубародан.
Ҳазрат:
⸺ Вақтни "эссиз", "афсус" ва "қанийди" лар билан ўтказган умрни, ⸺ деб жавоб берибди.
👉 @BeshinchiTomon
#iqtibos #munosabatlar
Ҳар қандай муҳаббатда бир томон кўпроқ қурбонлик беради. Чунки у ўзи эмас, бошқани бахтли қилиш вазифасини адо этаётган бўлади.
© Айман Ёғий
👉 @BeshinchiTomon
#xayrlikun #rivoyat #tabassum
Подшоҳ сайр қилиб юриб, ўз боғбонини учратибди.
⸺ Айтингчи, одатда қилган меҳнатингизга қанча ҳақ оласиз? ⸺ сўрабди ундан.
Боғбон жавоб берибди:
⸺ Уч тилла танга.
⸺ Хўш, сўнг бунча пулни нима қиласиз?
⸺ Бир тангани ўзим учун сарфлайман. Бир тангани қарзимга тўлаб, яна биттасини қарз бераман.
⸺ Тушунолмадим, ⸺ ажабланибди подшоҳ. ⸺ Ҳаммасини ўзингизга сарфласангиз бўлмайдими? Яхшигина ҳақ оларкансиз, сизга қарз бериб, қарз тўлаш нимага керак?
⸺ Нега бундай қилмайин экан? Ахир бу менинг бурчим.
⸺ Яъни?
⸺ Яъни, мен бир тилла тангани отам учун, биттасини эса болам учун ишлатишим шарт!
Шунда подшоҳ табассум қилиб, боғбоннинг хизмат ҳақини янада оширишларини буйирган экан.
Қарзларни вақтида тўлаб, вақтида бераяпсизми?
Хайрли кун!
© Энам айтган ривоят.
👉 @BeshinchiTomon
#asardan_iqtibos
Ишга кўмилган эр, камбағаллик, истиқболнинг аста-секин беркилаётган йўллари, шомларда дастурхон узра муаллақ турадиган оғир сукунат ⸺ бунақа дунёда ҳиссиётга ўрин топилмайди.
© А. Камю, «Вабо»
👉 @BeshinchiTomon
🔥"Izlam" sizni izlayapti🔥
Alisher Navoiy nomidagi ToshDO‘TAU, O‘zbekiston Yozuvchilar uyushmasi, Qashqadaryo viloyat hokimligi, Respublika Ma’naviyat va ma’rifat markazi Qashqadaryo viloyati bo‘limi, "Akademnashr" nashriyoti, nasr.uz adabiy sayti hamda "Yoshlik" jurnali hamkorligida tashkil qilingan yangi tanlovga start beramiz!
🎯Tanlov "Izlam" rukni ostida nashrdan chiqqan Azizbek NOROV qalamiga mansub "Azal va abad yo‘li" kitobi asosida o‘tkaziladi.
Siz Nazar Eshonqul "Milliy adabiyotimizda o‘ziga xos voqea" deya e'tirof etgan va bu borada bahslasha olishini ta'kidlagan "Azal va abad yo‘li" qissasini o‘qib ulgurdingizmi?
Tanlovda ishtirok etishga shoshiling!
Nominatsiyalar:
-"Eng yaxshi taqriz"
Bunda ishtirokchidan qissaning mazmun va g‘oyasini to‘g‘ri anglagan holda o‘z fikr-mulohazalarini tahliliy, tanqidiy va ijodiy bildirish talab etiladi.
- "Eng yaxshi maktub"
Agar siz kitobni o‘qisangiz-u, taqriz yozib g‘olib bo‘la olishingizga ko‘zingiz yetmasa, tushkunlikka tushishga oshiqmang! Har bir o‘qirmanning asar haqida o‘z aytar gapi bo‘lishini biz tushunamiz. Fikrlaringizni muallifga noma usulida yozing!
📌G‘oliblarni qimmatbaho sovg‘alar🎁, diplom, statuetka🏆 va kitoblar jamlanmasi📚 kutmoqda! Va bu hali hammasi emas, batafsil ma'lumot olish uchun ushbu havola ustiga bosing: tanlov nizomi
📌"Azal va abad yo‘li" kitobini respublika bo‘ylab http://t.me/akademsavdo, TDO'TAU hududida esa @tanlovlarga telegram manzili orqali topishingiz mumkin
#iqtibos
Улғайиш ⸺ инсоннинг тақдир олдидаги жавобгарликни ўз зиммасига олишидан бошланади. Агар ҳали ҳам нимададир муҳит, президент, ё ота-онангизни айбдор ҳисобласангиз, унда улғаймагансиз.
© Альбер Эллис
👉 @BeshinchiTomon
#asardan_iqtibos #munosabatlar
«Эркак аёлнинг ҳаётига нима учун кириб келишини биласизми? Эркак аёлнинг ҳаётига ўз ҳаётини тартибга солиш учун кириб келади...»
© Стефан Цвейг
👉 @BeshinchiTomon
#xayrlikun #kechinma
Қўшнимизнинг аёли ҳар гал кўришганимизда оиласини ташлаб кетиб қолган фарзандини қарғарди. Мен она энди ўғлини осонликча кечирмаса керак, деб ўйлардим. Шу йигит бир куни қайтди. Кўришиш учун борсам, она-бола ўтган кунларни эслаб, кулишиб ўтирибди... Шунда тушундим. Ҳамма маломат ҳам ёмон кўргандан бўлавермас экан. Уларнинг айримларида меҳр, айримларида эса ўзини овутишга ўхшаган нарса бор...
© Байрам АЛИ
👉 @BeshinchiTomon
#iqtibos
Дунё шунчалар тубанлашиб кетдики, инсонларнинг олдидан бирор софдил, виждонли одам чиқиб қолса, уни овлаш ҳақида ўйлай бошлашади...
© Рэй Брэдбери
👉 @BeshinchiTomon
#xayrlikun #rivoyat
Луқмони ҳакимдан сўрадилар:
⸺ Ақл билан доноликнинг ўртасидаги фарқ нимадир?
Луқмони ҳаким жавоб берди:
⸺Ақл — жангда фойдаланиш учун қўлингдаги қиличдир. Донолик эса — жангсиз ҳам ютиш истеъдоди.
👉 @BeshinchiTomon
#iqtibos
«Ахлоқ, номус мавзуларида фақатгина аёлларга урғу бериб гапирадиган ҳар ким ахлоқсиз ва номуссиздир..»
© Фрида Кало
#Gulchehra_opa
👉 @BeshinchiTomon
#xayrlikun #kechinma
Антик даврнинг кўплаб файласуфлари инсон фазилатларининг асосини шуҳратпарастликда, дейишди.
Уларга нисбатан биз учун деярли қўшни даврда яшаган Фридрих Нитше эса буларни тирик қолиш учун кураш, деб тушунтирди.
Ниҳоят Фрейд эса инсонга хос бўлган ўша энг ижобий фазилат ва қадриятларнинг барисини жинсий майлларга олиб бориб тақади...
Бу бизга қандай хулоса беради?
Жуда жўн!
Ҳеч нарсада меъёридан ортиқ чуқурлашмаслик керак!
© Байрам АЛИ
👉 @BeshinchiTomon
#iqtibos
Кечириш ⸺ маҳбусни озодликка чиқариш ва ўша маҳбус ўзинг бўлганингни тушунишдир.
© Льюис Б. Смидс
👉 @BeshinchiTomon
#xayrlikech #munosabatlar #kechinma
Бирор инсон билан биргалигингиз узоқ муддатга чўзилса, орадаги сўзлар камая боради. Сиз энди кўзлар, юз ифодалари ва ҳатти-ҳаракатларингиз билан гапира бошлайсиз. Бунинг сабаби гапириб берадиган нарсаларнинг оз қолганида эмас, бунинг сабаби — асосий нарсаларни сўз билан тушунтириб бўлмаслигидадир...
Хайрли кеч.
👉 @BeshinchiTomon
#umr_manzaralari
⸺ Менимча , ҳамма одамлар ака-ука, ⸺ дерди у ва уйидан олис аллақаерларга сузиб боргиси келарди. Ўша олисда эса одамлар укасини отиб ўлдирадиган уруш бўлаётгани тушига ҳам кирмаганди.
© Анатолий Приставкин
👉 @BeshinchiTomon
#xayrlikech #kuzatish
Фарзандларингизга ҳамиша танлаш имкониятини беринг ва сиз уларни шахс қилиб тарбиялайсиз.
© Байрам АЛИ
👉 @BeshinchiTomon
#rivoyat #umr_manzaralari
(+18)
Афсонага кўра, бир гал Ҳақиқат билан Ёлғон учрашиб қолади. "Бугун нақадар ажойиб кун!» ⸺ дейди Ёлғон. Ҳақиқат осмонга қарайди: кун чиндан ажойиб эди. Кейин бирга юриб, бир қудуқнинг қаршисига келишади. «Сув ҳам жуда илиққа ўхшайди, ⸺ дейди Ёлғон бу сафар. ⸺ Чўмилишга нима дейсан?» Ҳақиқат рози бўлади. Улар ечиниб, сувга тушадилар. Бироқ Ёлғон сувдан отилиб чиқиб, Ҳақиқатнинг либосларини кияди ва кўздан ғойиб бўлади. Хиёнатга учраган Ҳақиқат сувдан чиқиб, либосини қидиради. Афсуски, Ҳақиқатни ялонғоч кўрган дунё ундан юз ўгиради. Унга ўз нафрати ва ғазабини сочади. Сўнг шўрлиқ Ҳақиқат қудуққа қайтиб келади, номусдан ўз баданини яшириб, у ерда абадий ғойиб бўлади...
Шундан бери Ёлғон дунёни Ҳақиқат либоси билан кезиб юрар, чунки одамлар либоссиз Ҳақиқатни шарманда, ориятсиз деб ҳисоблашар экан.
Қуйида Жан-Леон Жеромнинг «Қудуқдан чиқаётган Ҳақиқат» номли суратини кўришингиз мумкин.
👉 @BeshinchiTomon
