2518
ከእውነት ማዕድ ተቆርሰው፣ ከጥሩ ምንጭ ተቀድተው፣ ለሕይወተ ሥጋ ወ ነፍስ የሚሆኑ፣ ወደ ክርስቶስ የሚጠቀልሉ ኦርቶዶክሳዊ ትሩፋቶችና፣ በኦርቶዶክሳዊ መነጽርነት የሚታዩ የተለያዩ እይታዎች ይቀርቡበታል።‼️ ኣስተያየት ለመስጠት => @ZeChristosComments_Bot
<<ገብርኄር>> .... #ክርስቲያን_በስራው_አይድንምን?
የተሐድሶ መናፍቃን "መዳን በእምነት ብቻ እንጂ በስራ አይገኝም" ሲሉ እንሰማለን:: የሚገምረው ደግሞ ይህ ኑፋቄያቸው "ኦርቶዶክሳዊ አስተምህሮ" አስመስለው ማስተማራቸው ነው! ኦርቶዶክስ ቤ/ክ ግን አንድ ክርስቲያን መልካም ስራን በመስራት መንግስቱን እንደሚወርስ መልካም ስራ የሌለው ደግሞ መንግስቱን እንደማይወርስ አስረግጣ ታስተምራለች:: ነገረ ድኅነት በጥንት አበው ሊቃውንት እንሆ!
......... ክርስቲያን በስራው ይጸድቃል/ይድናል? .........
1)"ሕይወት የሚሰጠው ማየ ጥምቀት የገሃነምን እሳት እንደሚያጠፋው ሁሉ፤ በምጽዋት እና #በጽድቅ_ስራዎች_የኃጢአት_እሳት_ያጠፋል ... መንፈሳዊ ተጋድሎና መልካም ነገር በማድረግ ጽሙዳን መሆን የእግዚአብሔር ምሕረት(ድኅነት) በኛ ላይ እንዲመጣ ያደርገዋል" (ሰማዕቱ ቅ.ቆጵርያኖስ "On Works and Alms" ቁጥር 2)
2)"በመልካም ምግባር ፣በተጋድሎና በትኅርምት የሚኖር ሰው የክብርን አክሊል በእርግጠኝነት(ድኅነት) ያገኝ ዘንድ ሞትን ይናፍቀዋል" (ቅ.ዮሐ አፈወርቅ Homilies on the statues 6:7-8)
3)"በአግባቡ ከተጠቀመበት፤ #ሰው_በገንዘቡ_ሊጸድቅ_ይችላል:: ጌታችን <ተርቤ አብልታችሁኛል> የሚለው ይህ በገንዘብ የሚፈጸም ተግባር መሆኑ ግልጽ አይደለምን? ስለዚህ ገንዘብ በአግባቡ ከተጠቀሙበት #የመንግስተ_ሰማያት_በር ሊሆን እንደሚችል አታስተውልምን? " (ቅ.ቄርሎስ ዘኢየሩሳሌም ትምህርት 8:6)
4)"ብቻ አንተ በርታ! መስራት ያለብህን ስራ በርትተህ ተጋደል ! ለእግዚብሔር ብልህ #ከምታደርጋቸው_መልካም_ነገሮች አንዳቸው እንኳ እንዲሁ አይጠፉብህም! #ያለ_ዋጋ_አይቀሩብህም! ዝማሬህ ይመዘገባል፣ እያንዳንዱ ምጽዋትህ፣ እያንዳንዱ ጾምህ ይመዘገባል" (ቅ.ቄርሎስ ዘኢየሩሳሌም On the Clause, and shall come in Glory to judge the Quick and the dead 15:23)
5)"በቀኙ መቆም ትችል ዘንድና ሰማያዊ መንግስትን ትወርስ ዘንድ (ትድን ዘንድ) #በመልካም_ስራ_የበረታህ_የተጋህ ሁን" (ቅ.ቄርሎስ ዘኢየሩሳሌም On the Clause, and shall come in Glory to judge the Quick and the dead ትምህርት 15:33)
6)"ዝምታ ሃይምኖትን ትጠብቃለች፤ #ምግባርም_ወደ_ሰማያት_ታወጣለች/ታድናለች/ " (ቅዱስ ያሬድ ማህሌታይ ዝማሬ ዘምኩራብ)
..... እምነት እንጂ ስራ የሌለው ክርስቲያን ይድናልን? ....
1)"ራስህን ለመልካም ስራና ለተጋድሎ ሰነፍና ደካማ አታድርግ:: ለክርስቲያናዊ ስራና ለተጋድሎ ሰነፍ የሆነ ሰው #ከእምነት_ብኋላም (ቢያምንም)እንኳ #ሊድን_አይችልም!" (ቅ.ዮሐንስ አፈወርቅ Homilies on the epistle to the Romans ክፍል 13)
2)"እግዚአብሔር ፍሩድን የሚሰጠው መልካም ስራ በሚያደርጉት ሰዎች ነው ... መልካም ስራ ያላደረጉ ኃጥአን ግን ቁጥራቸው ብዙ መሆኑ አንዳቸው ሌላቸውን ሊረዳቸውና ሊያድናቸው አልቻለም ... #መልካም_ስራ ባለማድረጋቸው #ተፈረደባቸው ተቀጡ እንጂ" (ቅ.ዮሐ አፈወርቅ Homilies on the statues 6:15)
3)"እሳቱን የምናመልጠው እንዴት አድርገን ነው? ወደ #መንግስተ_ሰማያት_የምንገባውስ_እንዴት ነው? የሚሉ ይኖራሉ:: ጌታ ራሱ <ተርቤ አብልታችሁኛል፣ ተጠምቼ አጠጥታችሁኛል፣ እንግዳ ሁኜ ተቀብላችሁኛል... > አለ:: #እነዚህን_ነገሮች_ብታደርግ ከርሱ ጋር አብረህ #ትነግሳለህ(ትድናለህ)። #እነዚህ_ካላረግህ_ደግሞ_ትኮነናለህ" (ቅ.ቄርሎስ ክፍል On the Clause, and shall come in Glory to judge the Quick and the dead... 15:26)
....መዳናችን በጸጋ ብቻ ወይስ የኛም አስተዋጽኦ አለበት? ...
1)"... መዳናችን #ከርሱ_ፍቅር_ብቻ_አይደለም ከኛ መልካም ምግባርና የተጋድሎ ሕይወትም ነው እንጂ! ከርሱ ፍቅር ብቻ የተገኘ ቢሆን ኖሮ ሁሉም ሰው መዳን ነበረበት ያሰኛል:: እንዲሁም ደግሞ ከኛ የመልካም ምግባርና ተጋድሎ ብቻ የተገኘ ቢሆን ኖሮ የእርሱ መምጣትና ሰው ሆኖ ያደረገው ነገር ሁሉ አላስፈላጊ በሆን ነበር ... ሆኖም ግን መዳናችን የርሱ ፍቅር ብቻ ውጤት፤ የኛ መልካም ምግባርም ውጤትም አይደለም! #የሁለቱም_ተዋሕዶ_ውጤት_እንጂ" (ቅ.ዮሐ አፈወርቅ Homilis on the epistlof ephesians ክፍል 1)
2)"የዘላለም ሕይወትን(መዳን) የምናገኝበትን መንገዶች ቅዱሳት መጻሕፍት ያሳዩናል:: አንድ ጊዜ ሕይወት የሚገኘው በእምነት መሆኑን ይነግሩናል(ዮሐ3:16 5:24) … እንደ ገናም ክርስቶስን ከዘመድና ከሃብት ንብረት በላይ በመውደድና በመምረጥ እንደሆነ ሲነግሩን(ማቴ19:29) በተጨማሪም #ትእዛዛቱንና_ሕግጋቱን_በመጠበቅ_መሆኑን ደግሞ ይነግሩናል(ማቴ19:16-18)... " (ቅ.ቄርሎስ On the Holy Catholic Church and in the Resurrection of the flesh and the life everlasting ክፍል18:33)
✝ #ሰብ_ብኸመይ_ይጸድቕ? ✝
1⃣ ሰብ በክርስቶስ ንመጀመርያ ጊዜ ብክርስቶስ ክኣምን እንተሎ እምነቱ ጽድቂ ኾይኑ ይቑፀረሉ። ጽድቂ ይጅምር፣ ይጸድቕ! እዚ ጽድቂ እንተይኣመንኻ ብምግባር ፍፁም ኣይርከብን።
📌 «አብርሃም ብስርሑ ጸዲቑ እንተዝኸውን ዝምክሐሉ ነገር ምሃለዎ። ኣብ ቅድሚ ኣምላኽ ግና ሓንቲ እኳ የብሉን። ነገር ግን አብርሃም ብእግዚአብሔር #አመነ። ጽድቂ ኾይኑ ድማ #ተቖፀረሉ» (ሮሜ 4:2-3 ፣ ገላ 3:6)
📌 «እምበኣር #ብእምነት_ካብ_ጸደቕና ብጎይታና ብኢየሱስ ክርስቶስ ምስ እግዚአብሔር ሰላም ኣለና።» (ሮሜ 5:1)
📌 «እቲ ኹሉ ብሙሴ ሕጊ ክጸድቕ ዘይተኽኣሎ፣ ብኢየሱስ ብምእማን ይፀድቕ» (ግብሪ 13:39)
2⃣ ሰብ ምስ ኣመነን እምነቱ ጽድቂ ኾይኑ ምስተቖፀረሉን ድማ ብተግባር ዝፍፀም ፅድቂ ክህልዎ ይግባእ። በዚ ብመንፈሳዊ ምግባሩ ድማ ጽድቂ ይረክብ ይጸድቕ።
📌 «ኣቦና ኣብርሃም ንወዱ ይስሐቅ ኣብ መሰውኢ ምስኣቕረቦ #ብተግባሩ ዶ ኣይኮነን #ዝፀደቐ?» (ያዕ 2:22)
📌«ሰብ ብእምነት ጥራሕ ዘይኮነስ #ብተግባር_እውን_ከምዝፀድቕ ትሪኦ ዶ ኣለኹም» (ያዕ 2:24)
📌 «#እትፀድቕ_ብቃልኻ፣ እትኹነን ብቃልኻ ኢኻ'ሞ ሰባት ብዝዛረብዎ ዘይጠቅም ቃል ኹሉ ብመዓልቲ ፍርዲ ክጥየቕሉ እዮም » (ማቴ 12:36)
📌 «ኣብ ቅድሚ እግዚአብሔር #ገበርቲ_ሕጊ ጥራሕ ደኣ እዮም #ዝፀድቁ_እምበር ሰማዕቲ ሕጊ ኣይኮኑን ዝፀድቑ » (ሮሜ 2:23)
©Binyam ZeChristos መጋቢት 13/2015
‼️ #ቡቊልቲ_ብሰናፍጨ‼️
⚡️ኦርቶዶክሳዊት ቤ/ክ ናይ ክርስቶስ ዳግም ምምጻእ (ምጸአተ ዓለም) ብጥልቀት እትሰበኸለን 3 ጊዜያት #ጳጉሜን፣ #ደብረዘይት፣ ዘመነ አስተምህሮ/ታሕሳስ እየን። ስለዚ ኣብ በዓለ ደብረዘይት ጎይታ ከምዝመፅእ፣ ዓለም እውን ከምትጠፍእን ከምትሓልፍን፣ ዓለም ካብዝፍጠር ጀሚሩ ዝሞቱ ሰባት ኹሎም ከም ዝትስኡ እንዝክረሉ ዕለት፣ ብፍሉይ መልክዑ ድማ #ቡቊልቲ_ብሰናፍጨ ብምብላዕ እነብዕሎ እዩ።
⚡️ብትውፊትና መሠረት ቡቊልቲ ናይ ተስፋን ናይ ትንሳኤን ምልክት። እቲ ጥረ ዝነበረ ቡቊልቲ ኣብ ማይ ተኣዚኹ፣ ርሒሱን በስቢሱን ብደረቑ ኣይወፅእን። እኳ ድኣስ ቦቒሉ ጠጢዑ ይወፅእ! እዚ ድማ ናይ ክርስቶስን ናትናን ምሳሌ እዩ። እቲ ቡቁልቲ ኣብ ውሽጢ ማይ ፀኒሑ ኣብ 3ይ መዓልቲ ከምዝበቁል፣ ክርስቶስ እውን ኣብ ውሽጢ መቓብር 3 መዓልቲ ፀኒሑ ከምዝተሰአ ምሳሌ እዩ።
⚡️ንሕና እውን ከም እንስሳት ሞይትናን በስቢስናን ከምዘይንተርፍ፣ ክርስቶስ ዳግም እንትመፅእ ድማ ስጋና ከም ሃዱሽ ስጋ ኾይኑ ካብ መቓብር ከምዝወፅእ ንምግላፅ ቡቁልቲ ነዳሉ። ናይ ምፅኣት ምልክታት ግና ዘፍርሑን ዘጨነቑን ምኻኖም ንምግላፅ ድማ እቲ ብአፍንጫኻ በለል ዝብል መቃፀሊ #ሰናፍጨ ድማ ብምውሳኽ ከምዝብላዕ ሊቃውንቲ ኣቦታት ይናገሩ።
ተወሰኽቲ ጽሑፋት ብቴሌግራም ቻናል የንብቡ👇
https://t.me/joinchat/AAAAAEc2WXYXfdEtME6smg
©Binyam ZeChristos መጋቢት 10 - 2015
❤️ #ዕረፍቱ_ለገብረ_መንፈስቅዱስ - መጋቢት 5 ❤️
(ነዚኣ ንምንባብ እውን'ኮ ንህከ ንኸውን?)
✅ ጻድቕ ኣቡነ ገብረ መንፈስ ቅዱስ ሃገሮም ግብጺ ክኸውን እንከሎ፡ ኣቡኦም ስምኦን ኣዲኦም ኣቅሌስያ ይበሃሉ። ን30 ዓመታት ዝኣክል ውላድ ብምስኣን ንእግዚኣብሄር ለሚኖም ዝረኸብዎ ውላድ እዩ። መጋቢት ዕለት 29 ሰንበት መዓልቲ ብ 852 ዓ.ም. ተጸኒሶም፣ ታሕሳስ ዕለት 29 ብ 853 ዓ.ም. ተወለዱ። ዕለት ልደቶም ምስ ጎይታና ኢየሱስ ክርስቶስ ሓደ እዩ ነይሩ! ደሓር ግን ናይ ቤተ ክርስቲያን ምሁራን "ማዕረ ኣምላኹ ክኸውን ስለ ዘይግባእ" ታሕሳስ ዕለት 30 ንክኽበር ጌሮም። ክውለዱ እንከለው ስሞም “ኒኮላዎስ” ወይ "ኮቤዝ" እዩ ነይሩ። ምስ ተወልዱ ኣብ መበል 3ይ መዓልቶም “ስብሐት ለአብ፡ ስብሐት ለወልድ፡ ስብሐት ለመንፈስ ቅዱስ” ኢሎም ኣመስገኑ። ኣባ ገብረመንፈስ ቅዱስ ፍልይ ዘብሎም፣ ገብርኤል ካብ ሕቑፎ ኣዲኦም ወሲዱ ኣብ በረኻ ስለዘቐመጦም፣ ክዳን ኣይተኸድኑን፡ ምድራዊ መግቢ ኣይተመገቡን፡ ናይ ኣዲኦም ጡብ ኣይጠበውን፡ ኣብ መሬት ኣይተቐብሩን። ✅
✝ ኣብ ግብፂ ገዳመ ንሂሳ ብብሕትውና፣ ን300 ዓመታት ምስ ጸንሑ ናብ ሃገርና ኢትዮጵያን ኤርትራን (ከባቢ ላሊበላ ሮሃ) መፁ። እግዚአብሔር 60 ኣናብስት፡ 60 ኣናብርት ልክዕ ከም 120 ቤተሰብ ኮይኖም ከም ዘገልግልዎም ከምዝስዕብዎም ጌሩ ሃቦም። «ነዚኣቶም ኩላቶም እንታይ ድኣ ክቕልቦም እየ?» እንትብሉ: ጐይታ «ንስኩም ዝረገጽኩሞ መሬት ይልሓሱ» ኢሉ ነገሮም። በዚ መሰረት ንሶም ዝረገጽዎ እናለሓሱ ምስኦም ሓቢሮም እናሰዓብዎ ይነብሩ ነበሩ። ካብ ላሊበላ ድማ ናብ ጎቦ ምድረ ከብድ (ሐዚ ኦሮሚያ፣ ደብረዘይት) ናብ ዝተባህለ ቦታ ብምኻድ፣ ን100 ዓመታት ኣብቲ ጎቦ ኣብ ዝርከብ ባሕሪ፣ ጾሙን ጸሎቱን ቀጸሉ። ጎይታ መጺኡ "ተንስኡ ካብዚ ቀላይ ውጹ" እንትብሎም እውን "ንህዝቢ ኢትዮጵያ እሞ መሓረለይ ክወጽእ" በሉ። ጎይታ «ብናትኩም ልማኖ ብናተይ ኣምላኽነት ኣሚኑ ብስምኩም ንቤተክርስትያን ዕጣን፡ ሽምዓ፡ መባእ ዝሃበ ክምሕረልኩም እየ» በሎም። ሽዑ ንሶም ጥሪ ዕለት 5 ካብቲ ቀላይ ወፁ። በዚ ድማ እቲ ቦታ "ዝ ቀላይ -እቲ ቓላይ" ካብ ዝብል ቃል፣ #ዝቋላ ተብሃለ።✝
❇️ ድሕሪኡ እውን ን100 ዓመታት፣ 1000 ዝኾኑ ልቡሳነ ሥጋ ኣጋንንቲ (አስማተኛታት) ብኲናት እንትዋግእዎም ንሶም ድማ ብናይ ጸሎት መብረቕ የባርርዎም ነበሩ። ናይ መብረቅ ጸጋ ዝተውሃቦም፣ ካብ ሰባት ኣቡነ ገብረመንፈስ ቅዱስ፣ ካብ መላእክቲ ድማ ቅ/ገብርኤል እዩ። ሓደ ጊዜ ኣቦና ኣብ ጸሎት እናሃለዉ፣ ሰይጣን ማይ ከምዝፀምኦ ርግቢ ተመሲሉ እንትቐርቦም ኣዕይንቶም ቋሕ ኣቢሎም እንትጥምቱ ዓይኖም ኣውጺኣ ሰተየታ። ድንግል ማርያም ግና ብርሃናዊት ዓይኒ ኣምጺኣ ተከኣትሎም። እዚ ዝኾነሉ ሓምለ ዕለት 5 እዩ። ሓደ ጊዜ ድማ 3 ባሕታውያን [ኣባ ሳሙኤል ዘዋልድባ፣ ኣቡነ ኣንበስ ዘሀዘሎ፣ ኣባ ብንያም ዘምድረ ግብጽ] ኣብ ኣናብስ ተጻዒኖም መጺኦም ናብ ገብረ መንፈስቅዱስ ዝቋላ ምስ በጽሑ ነቶም ኣናብሶም ናይ ኣቡነ ገብረመንፈስ ቅዱስ ኣናብስ በልዕዎም። ነዚ ዝሰምዑ ኣቡነ ገብረ መንፈስ ቅዱስ መፍርህ ብዝኾነ ግርማ ካብ በዓቶም ብኢዶም የጣቕዑሚ ነቶም 60 ኣናብሶም ፀውዑ። «ርጋፀይ ክትልሕሱ እምበር ንካልኦት ኣናብስ ንክትበልዑ ኣይተኣዘዝኩምንሞ ትፍእዎም» በሉዎም። እዚ ዝተገብረ ጥቅምቲ ዕለት 5 እዩ።
ድሕሪ እዚ ቅዱስ ኣቦና ን60 ዓመታት ዝኣክል እናተዘዋወሩ ወንጌል እናሰበኹ ብምፅናሕ ኣብ መበል 562 ዕድሚኦም ብ 1415 ዓ.ም መጋቢት ዕለት 5 ነፍሶም ካብ ስግኦም ተፈልየት። 12 መልእኽቲ ድማ መጺኦም ንስኦም ሓጺቦም፣ ገኒዞም፣ ተሰኪሞም ናብ ገነት ኣእተውዎም! ስለዚ ጥቅምት 5 - ቃል ኪዳን ዝተቐበሉሉ፣ መጋቢት 5ን ድማ ዝዓረፉሉ ብድምቀት ነኽብር። ❇️
❌ ብስም ቅዱስ ኣቦና ዝግበር ፍሰስ ተፋሰስ፣ ብፍላይ ድማ ዘይመጠንኻ ሰቲኻን ሰኺርካን ምርካስ እውን ክነውግዞ ይግባእ❌
©Binyam ZeChristos መጋቢት 5 - 2016
✝ « ... #ብልጫ_ክርስትና ... » ✝
1⃣ አብ ዓለም ንፈለማ ጊዜ ፈርዲናንድ ማጅላን ንዓለም ብመርከብ ዘይሩዋ:: ንወንጌል ክብል ከም ሐዋርያት መርከቦም ሓዲጎም ንዓለም ዝዘሩ ግን የለውን። (ማቴ 28:19)
2⃣ «ሎሚ ይዘንብ ጽባሕ ይዘንብ» ኢሎም ዝናገሩ ሜትሮሎጂስታት አለው:: ከም ኤልያስ ግና ዝናብ ከይዘንብ ሰማይ ዝዓፀወ፣ ዳግም ንኽዘንብ ድማ ሰማይ ዝኸፈተ ግና ፍፁም የለን። (ያዕ 5:17)
3⃣ ብላብራቶሪ ፈቲኑ፣ ብኤክስሬይ ግሊፁ ብአልትራሳውንድ ሪኡ ንሕሙማን ዝፍውስ ሓኪም መሊኡ እዩ:: ከም ጴጥሮስ በጽላሎቱ ድዉያን ዘድሐነ ግን ፍጹም አይርከብን:: (ግብሪ ሓዋ 5:15)
4⃣ ብደርፉን ብጓይልኡን ኣጋንንቲ ዝጽውዕ ብዙሕ ሰብ አሎ:: ነገር ግና ብናይ በገና መዝሙር አጋንንቲ አውፂኡ መንፈስ ዝሕድስ ከም ዳዊት ዝበለ የለን:: (1ሳሙ 16:23)
5⃣ ብብዙሕ ሽሕ ቕርሺ ብዝዕደግ ኽባር ኽዳን ዝኽደን ሰም ብዙሕ እዩ:: ነገር ግን ብቑራፅ ጫፍ ኽዳኑ ኣጋንንቲ ከውፅእ ዝኽእል ከም ጳውሎስ ዝበለ የለን:: (ግብሪ ሓዋ 19:11)
6⃣ ናይ ነገስታት ኾነ ናይ ሃፋትም አዕፅምቶም በስቢሱን ጨይኑን አብ መቓብር ይቕመጥ። ብዝሞተ ዓጽሙ ንኻሊእ ዝሞተ ሰብ ካብ መቃብር ዘተስእ ከም ነቢይ ኤልሳዕ ዝበለ ግን አይረአናን:: (2ነገ 13:21)
7⃣ አብ ዓለም ናይ ብዙሓት ሃገራት ምስጢር ዝስልሉ ሰለልቲ ድርጅታት አለው:: ከም ኤልሳዕ ግን አብ እስራኤል ኾይኑ አብ ሶርያ ዝግበር ነገር ኹሉ ዝስልልን ዝፈልጥን አይተረኽበን:: (2ነገ 6:11)
8⃣ ንፈለማ እዋን ንወርሒ ብእግሩ ዝረገፀ ዩሪ ጋጋሪ ብዙሓት አድኒቖሞ:: ፀሓይ ደው ኣቢሉ፣ ንወርሒ ኣዚዙ ንለይቲ ናብ ቐትሪ ዝቐየረ ከም ኢያሱ ዝበለ ግን ኣይመፀን:: (ኢያ 10:12)
9⃣ አብ ዓለም ዘለዉ ናይ ቋንቋ ምሁራን ተገደደ 10 ወይ 20 ቋንቋታት ክፈልጡ ይኽእሉ:: ከም ሓዋርያት 72 ቋንቋ እናተዛረቡ ወንጌል ዝምስክሩ ግና የለውን። (ግብሪ ሓዋ 2:4)
🔟 ዓበይቲ መራሕቲ ዓድን ፍሉጣት ተመራመርትን ዝወለዳ ኣዴታት አለዋ:: ናይ ንጉሳት ንጉስ ንዝኾነ ክርስቶስ ዝወለደት ግና ሓንትን ሓንትን አዴና ማርያም ጥራሕ እያ:: (ሉቃ 1:31)
1⃣1⃣ ኣንስቲ ዓለም ክሳብ ዝወልዳ ድንግል ኾይነን ክፀንሓ ይኽእላ:: ቕድሚ ምውላዳን ድሕሪ ምውላዳን ድንግል ዝኾነት ግና ከም እምበይተና ዝበለት ፍፁም አይትርከብን:: (ሕዝ 44:1፣ ሉቃ 1:35)
1⃣2⃣ ብክንፊ ኣየርን መንኮራኹርን ተጠቒሞም ንሰማይ ዝወፁ ብዘሓት እዮም፣ ብአክናፍ ጸጋ ሰማይ ኸይዶም መንበረ ሥላሴ ከንዝዓጠና ከም አቡነ ተክለሃይማኖት ዝበሉ ግን የለውን።
1⃣3⃣ ንብዙሕ ዘመን ኣላሚዶም ምስ አራዊት ዘገዳም ዝቀራረቡ ሰባት ይህልዉ፣ አናብስን አናብርን ብርጋፅ እግሮም እናመገቡ ዝነበሩ ከም አቡነ ገብረ መንፈስ ቅዱስ ዝበለ ግን ካበይ ይርከብ?
1⃣4⃣ ንነዊሕ ዘመን ጽንዓት ገይሮምን እናስተኻኸሉን ዜማታት ዘሰናድኡ ኣለው። ከም ማኅሌታይ ቅዱስ ያሬድ ዓመት ሙሉእ ዝዝየም ዜማ ሰተት አቢሉ ዘዜመ ግን ከቶ የለን።
1⃣5⃣ ብዙሓት ጀመርትን መራሕትን ሃይማኖት ሞይቶም አብ መቓብር ይርከቡ:: ናይ ክርስትናና ሐዋርያ ዝኾነ ጎይታ ክርስቶስ ኢየሱስ ግና ከብ ሙታን ተሲኡ ናብ ሰማይ ዓረገ:: (ዮሐ 21:14፣ ሉቃ 24:51)
©Binyam ZeChristos የካቲት 4 - 2016
✝....... #ትግራይን_አቡነ_ተክለሃይማኖትን ....... ✝
ኣቡነ ተክለሃይማኖት ዘደብረሊባኖስ ካብቶም ኣዝዮም ዝኽበሩላ ዓዲ ቐዳመይቲ እያ - #ትግራይና! መሬታ በረከቶም፣ ገረባ ጸበሎም፣ ገዳማታ መጸለዪ በዓቶም፣ ኣድባራታ መዕቖቢኦም፣ ብራናታታ እውን ገድላቶም ኾይኑ ትዝምረሎም ቅዱስ እዮም! ኣቡነ ተክለሃይማኖት!
1⃣ #ናይ_ትግራይ_ገድላት:- እስኪ ክሳብ ሐዚ ኣብ ትግራይ ካብ ዝተረኸቡ ጥንታውያን ናይ ኣቡነ ተክለሃይማኖት ዘደብረሊባኖስ ብራና ገድላት ዝተወሰኑ ብምርኣይ ምስክር ንፀውዕ።
📌1.1)#ገድሊ_ዘዋልድባ:- ብኣቡነ ሳሙኤል ዘዋልድባ ዳግም ዝተጣየሸ ጥንታዊ ዓብዪ ገዳም እዩ። ገዳም ዋልድባ! ናይ ኣቡነ ሳሙኤል ዘዋልድባ መምህር ኣቡነ መድኃኒነ እግዚእ እንትኾኑ፣ ናይ ኣቡነ መድኃኒነ እግዚእ ኣቦን መምህርን ድማ ብጹዕ ኣቡነ ተክለሃይማኖት ዘደብረ ሊባኖስ እዮም:: ስለዚ ዋልድባውያን ከም ኣቦኦም አቡነ ሳሙኤል ብፍቕሪ ኣቡነ ተክለሃይምኖት ዝተቓጸሉ ስለዝነበሩ ገድሎም ጽሒፎም ኣብ ገዳሞም ኣቐሚጦሙልና እዮም:: ነገር ግን ተሰሪቑ ኣብ ፓሪስ ብሔራዊ ሙዝየም ዝርከብ ኾይኑ (NB, 136) ን600 ዓመታት ዘቑፀረ ብራና እዩ:: ኣብዚ ገድሊ:- ኣቡነ ተክለሃይማኖት ብታሕሳሳ 24 ኣብ ሸዋ ከዝተወለዱን ከምዝዓበዩን፣ ከምዘምህሩን ደሓር ድማ "ፈለሰ ምድረ ትግራይ" ብምባል ናይ ትግራይ ከምዝመፁ፣ ኣብ ዳሞ ድማ "ወነሥአ በህየ ቆብዐ ወአስኬማ" ብምባል ሙሉእ ታሪኾም ክሳብ ዕረፍቶም ምስ ተኣምራቶም ይገልፅ:: ብዛዕባ ኻሊእ ተክለሃይማኖት ዝበሃል ጻድቕ ግና ኣይዛረብን::
📌1.2) #ገድሊ_ዘጉንዳጉንዶ:- ጉንዳጉንዶ ዝመስረተ መራሒ ደቂቀ እስጢፋኖስ ዝነበረ አባ እስጢፋኖስ (አባ ይስሐቅ ዝብል እውን ኣሎ) እዩ:: ንኣባ እስጢፋኖስ ዘምሀረ ኣባ ሳሙኤል ዘቆየጻ፣ ንኣባ ሳሙኤል ዘመንኮሱ ድማ ኣብ መድኃኒነ እግዚእ፣ ንኣብ መድኃኒ እግዚአ ድማ አቡነ ተክለሃይማኖት! ስለዚ ደቂቀ እስጢፋኖስ እውን ናይ ምንኩስና ሓረጎም ካብ ኣቡነ ተክለሃይማኖት ዝምዘዝ ከም ምዃኑ መጠን ፍሉይ ፍቕርን ኽብርን ከምዝህልዎም ይግመት:: ግምትና ካብ ዘረጋግፁልና መረዳእታታት ድማ እቲ ኣብ ገዳም ጉንዳጉንዶ ዝርከብ 400 ዓመታት ዝገበረ ጥንታዊ ገድሊ አባ ተክለሃይማኖት እንትኸውን ጸሓፊኡ ድማ ካብቶም ዓበይቲ ደቂቀ እስጢፋኖሳውያን ቅዱሳን ዝኾኑ ኣባ መዝገበ ሥላሴ እዮም:: እቲ ገድሊ ናይ ኣባ ተክለሃይማኖት ካብ ሸዋ ተልዒሎም ክሳብ ደብረዳሞ ኾነ ክሳብ ደብረ ሊባኖስ ከመይ ከምዝበጽሑ መንገዲ ቅድስንኦም ይትርኽ:: ብድሕሪኡ "ወነበረ አባ ዮሐኒ በደብረ ዳሞ በከዊነ መምህር" ብምባል ናይ ኣቡነ ተክለሃይማኖት ዘደብረ ሊባኖስ ናይ ምንኩስና ሐረግ የቕርበልና::
📌1.3) #ገድሊ_ዘሥላሴ_ጨለቖት:- ሥላሴ ጨለቖት ካብ መቐለ ውጽእ ኢልኻ ዝርከብ ብዘመን ራእሲ ወልደ ሣላሴ "ቆት" ካብ ዝበሃል ዛፍ ዝተሃንጸ ገዳም እንትኸውን ኣብዚ ጥንታዊ ገዳም ዝተረኸበ ጥንታዊ ብራና እውን ብተመሳሳሊ መልክዑ ናይ ኣቡነ ተክለሃይማኖት ካብ ሸዋ ልደቶም ክሳብ ናይ ደብረ ዳሞ አስኬማኦም፣ ክሳብ ናይ ደብረሊባኖስ ዕረፍቶም የዘንቱ::📌 እዚ ኹሉ ነገር ምስፈለጥኻ፣ ትግራይ ናይ ኣቡነ ተክለሃይምኖት ናይ በረኸት ዕፃኦም ምዃና ይርደአካሞ "#ይፍቱኝ_አቡነ_ተክለ" ትብል::
2⃣ #ገዳማት:- ናይ ትግራይ ገዳማት ብዛዕባ አቡነ ተክለሃይማኖት ዘደብረሊባኖስ እንታይ ይብላ?
📌2.1) #ገዳም_ደብረ_ዳሞ:- ገድለ አቡነ ተክለሃይማኖት ከምዝነግረና ቅዱስ ኣቦና ኣብ ደብረዳሞ 7 ዓመታት (ኣብ ትግራይ 12 ዓመታት) ተቐሚጦም እዮም:: ስለዚ ድማ ኣብ ገዳም ደብረ ዳሞ ኣሠር አቡነ ተክለ ንክንረክብ ተስፋ ንገብር:: ብሓብሊ ተጎቲትና ናብቲ ገዳም ምስደየብና፤ ካብቲ ቤ/ክ ብምብራቕ ገጽ ናይ አቡነ ኣረጋዊ ምስዋሮም፣ ብምዕራብ ድማ አዕጽምቲ ቅዱሳን ዝሓዘ በዓቲ ንረክብ:: ካብቲ በዓቲ ብምብራቕ ገጽ ሕልፍ እንትንብል ድማ ኣቡነ ተክለሃይማኖት ይጽልዩሉ ዝነበሩ በዓቲ እንትህሉ ኣብ ውሽጡ ድማ ስቁረት (ነዃል) ዘለወን ክልተ አእባን ንታሪኽ ይርከባ:: ካብዚ በዓቲ ንምዕራብ ገጽ ድማ ኣቡነ ተክለ ቐይሕን ጸሊምን ቀለማት ይብጽብጹሉ ዝነበሩ ስቁረታት ይርከባ:: ካብዚ ላዕሊ ቤ/ክ እንትንወርድ ድማ ትሕት ኢሉ ሓንቲ ቤ/ክ ትርኢ:: ታይ ቤ/ክ እያ? ኢልካ እንተጠይቕኻ "ኣቡነ ተክለ በዚ ሓብሊ እንትወርዱ ሰይጣን ነቲ ገመድ ምስ ቖሮጾ 6 ክንፊ ተዋሂቡዎም ነፊሮም ኣብ መሬት ዝዓረፉላ ቦታ እያ፣ ብስሞም ድማ ቤ/ክ ተሰሪሑሉ" ብምባል ኽብርን ቅድስናን እቶም ናይ መበል 13 ክዘ ቅዱስ ኣቡነ ተክለሃይማኖት ዘደብረሊባኖስ የዘንትዉልኻ::
📌2.2) #ሓውዜን_ደብረ_ሐዋዝ_አቡነ_ተክለ:- እዚ ገዳም እዚ ክንዲ ኽብራ ዘይተነገረላ ብንጉሥ አብርሃን አጽበሐን ዝተሃነጸ ጥንታዊት (1600 ዓመታት) ዝገበረት፣ ካብ ሓደ እብኒ ዝተፈልፈለት ታሪኻዊት ደብሪ እንትኾን ብንጉስ አላኣሜዳ ዝመጹ ጻድቃን (ብ5ይ ክዘ) እውን ዝዓረፉላ እያ:: አቡነ ተክለሃይማኖት ኣብ ትግራይ 12 ዓመት እንትጸንሑ ካብ ዝተቐመጡለን አድባራትን ገድማትን ሓንቲ እንትኾን ገድሎም እውን "ወሖረ #ምድረ_ሐውዜን ወተአምኆሙ ለቅዱሳን እለ ሀለዉ ውስቴታ - ናብ ምድሪ ሓውዜን ድማ ኸደ:: ኣብኣ ንዝነበሩ ቅዱሳን እውን ሰላም በሎም" ብምባል ሓበሬታ ይህበና:: እቶም ገዳማውያን ካብቲ ቤተመቅደስ ብምብራቕ ገጽ ልዕል ኢሉ አቡነ ተክለሃይማኖት ዝጸለዩሉ በዓቲ እውን ብኢዶም የርእዩኻሞ፣ በረከቶም ክትቕበል ብተመስጦ ነቲ በዓቲ ምስላምኻ ትጅምር::
📌2.3) #ደብረ_ዓሣ_አቡነ_ዮሐኒ_ገዳም:- እዚ ቖላ ተምቤን ዝርከብ ናይ አቡነ ዮሐኒ ገዳም ኣብ ውሽጡ 3 መቕደሳት እንትህልዉዎ እቲ ሓደ 4 ሜትር ቑመት ዘለዎ መቕደስ ግና ኣቡነ ተክለሃይማኖት ይቕድሱሉን የቖርቡሉን ዝነበረ ምዃኑ ካብቶም ኣቦታት እንትንገረካ "ኹላ ምድሪ ድያ ብኣቡነ ተክለሃይማኖት ተባሪኻ" ብምባል ምድናቕኻ ኣይተርፍን::
✝ #ይፍቱኝ_ኣቡነ_ተክለ ✝
©BinyamZeChristos ጥሪ 24 - 2016
ብሓቂ ሞት እምበይትና ማርያም ዝደንቕ እዩ! ንሞት ዝስዕር ፍረ ፀኒስኻ ዶ ትመውት ኢኻ? ህይወት ወሊድኻ ዶ መቓብር ትኣቱ ኢኻ?
ነቢይ ኄኖክ አካይድኡ ምስ አምላኽ ገይሩ ንጎይታ ስለዘገልገለ፣ ኣምላኽ ካብ ዓይኒ ሞት ሰዊሩ ወስዶ። /ዘፍ 5:24/ ኄኖክ ንፈጣሪ ስለዝተገዝአ ተዘይሞተ፣ ንፈጣሪ ዝወለደትን ዘገልገለትን ድንግል ከመይላ ሓለፈት? ሄኖክ ንኣምላኽ ተኣዚዙ ንሞት ካብ ተሻገረ፣ ፈጣሪ ባዕሉ ዝተኣዘዘላ እመ ብርሃን ደኣ ከመይላ ብሞት ሓለፈት? ብሓቂ ሞት ማርያም ዝደንቕ እዩ!
ነቢይ ኤልያስ ንኣምላኽ ስለዘገልገለ ሞት እንተይረኣየ ናብ ሰማያት ዓረገ። /2 ነገ 2:11/እሞ ድኣ ዝናም ከይዘንም ንሰማይ ዝዓፀወ ኤልያስ ተዘይሞተ፣ ዝናም ህይወት ዝወለደት ድንግል ከመይ ሞተት? ሓዊ ካብ ሰማይ ዘዝነመ ኤልያስ ዘይሞተ፣ መለኮታዊ ሓዊ ኣብ ማኅጸና ዝፆረት ድንግል ከመይ ሞት በፅሓ? ነቢይ ኤልያስ ኣብ ቕድሚታ ዝሰግደላ ኣዶ-ፈጣሪ ምሟታ ብሓቂ ይደንቕ!
እምበኣር ምስ ቅዱስ ያሬድ ከምዚ ኢልና ንዘምር "«ንዝመውት ሰብ ሞት ይግባእ፣ ናይ ማርያም ሞት ግን ንኹሉ ይደንቕ -- ሞትሰ ለመዋቲ ይደሉ፣ ሞታ ለማርያም ይዓጽብ ለኲሉ»
©Binyam ZeChristos ጥሪ 20 - 2015
‼️ #መርዓ_ኣብርሃም Vs #ሓዳር_ኣብርሃም ‼️
ኣብ ብዙሕ መርዓታት "መርዓ ኣብርሃምን ሣራን ይግበረልኩም" ኢሎም ዝምርቑ ብዙሓት እንትኾኑ፣ ንዓይ ግን ካብ ምረቓነቱ ናብ መርገም ዝቐረበ መሲሉ ይስመዐኒ። ንዓይ! ንምንታይ?
📌1) ካብ መጀመሪኡ እንትንሪኦ ናይ ኣብርሃምን ሣራን መርዓ ከመይ ከምዝነበረ ኣይፍለጥን። መጽሐፍ ቅዱስ እውን "ኣብራምን ናሆርን ድማ ኣንስቲ ኣእተዉ። ስም ሰበይቲ ኣብራም ሣራ እዩ" [ዘፍ 11:29] ካብ ምባል ሓሊፉ ብዛዕባ ሓዳሮም እምበር፣ ብዛዕባ መርዖኦም ዝዛረቦ ዋላ ሓንቲ ነገር የለን። ስለዘየድልየና ኣይተፅሓፈን። መርዓ ሓንቲ መዓልቲ፣ ሓዳር ግና ሙሉእ ህይወት እዩ፤ ሰባት ንመርዓኻ እግዚአብሔር ድማ ንሓዳርኻ ይሓስብ። ስለዚ ድማ መርዓ ኣብርሃምን ሣራን ዝበሃል ነገር ኣይንረኽቦን።
📌2) መርዓ ኣብርሃምን ሣራን ሥምረት ኣምላኽ ዘይነበሮ፣ ጎይታ ዘይባረኾን፣ ገና ኣብ ኣምልኮተ ጣዖት እናሃለዉ ዝተፈፀመን እዩ። ኣብርሃምን ሣራን ጣዖት የምልኹሉ ኣብዝነበሩሉ እዋን #ቅድስናን_በረኸትን አምላኽ ምስኦም #ስለዘይነበረ ነታ መርዖኦም ብጣዖታት እምበር ብጎይታ ዝተባረኸት ኣይነበረትን። አብርሃም ገና <አብራም>፣ ሣራ እውን <ሦራ> እናሃለወት ዝገበርዎ መርዓ እዩ። ድሕሪ ጊዜ እዩ ናይ ናይ ኣብርሃም ልቢ ሪኡ ባዕሉ ጎይታ ዝተገለፀሉን ካብ ጣዖት አምልኮ (ካብ ዓዱን ቤተሰቡን) ንክወፅእ ኣዚዙ ዝባረኾን። "እግዚኣብሄር ድማ ንኣብራም በሎ፤ ካብ ምድርኻን ካብ ኣዝማድካን ካብ እንዳ ኣቦኻን ኣነ ናብ ዘርእየካ ምድሪ ኣቢልካ #ውጻእ። ንዓብዪ ህዝቢ ኽገብረካን ክባርኸካን ከኣ እየ፡ ንስምካውን ከዕብዮ እየ፡ #ንበረኸት ድማ ክትከውን ኢኻ" [ዘፍ 12:1-2]
📌እሞ ድኣ "መርዓ ኣብርሃምን ሣራን ይግበረልኩም" ምባል ድኣ ካበይ መፀ? መንኸ ኣምሀረና? ስለዚ ምረቓ እንተደሊና :- "ናይ አብርሃምን ሣራን #ሓዳር ይግበረልኩም" ምባል ዶ ኣይምሐሸን። ብአምሓርኛ እውን እንተኾነ "የአብርሃምና የሣራ ጋብቻ ይሁንላችሁ" እምበር "ሠርግ ይሁንላችሁ" ኣይበሃልን። ንምንታይ እንተይልና:- 1) መጽሐፍ ቅዱስ ብዛዕባ ኣብርሃምን ሣራን ሓዳር እምበር መርዓ ስለዘይነግረና። 2) ኣብርሃምን ሣራን እነመስግኖምን እነድንቖምን ብመርዐኦም እንተይኮነስ ብሓዳሮም እዩ። እዚ ድማ ጎይታ ዝባረኾን፣ ኣብ ማእኸሎም ድማ ብድኽነትን ብመከራን ዘይኸሰመ ሓያል ፍቅሪ ብምንባሩ እዩ። 3) ጎይታ ንአብርሃምን ሣራን ዝሃቦም ውላድ ድማ ይስሐቅ ስለዝኾነ። ንክሕረድ ኽሳዱ ዝህብ ናይ ክርስቶስ ምሳሌ ዝኾነ ቅዱስ ውሉድ! ይስሐቅ ግና ናይ ሓዳሮም ፍረ እምበር ናይ መርዐኦም ውፅኢት ኣይኮነን።
📌ብሱሩ እውን ሰብ ሓዳር ንክገብር እምበር፣ መርዓ ናይ ምግባር ግዴታ የብሉን። ብቅዱስ ስግኡን ብክቡር ደሙን ዝተባረኸ ሓዳር ንክገብር እምበር «ብላዕ ስተ» ንክብል ኣይግደድን። መርዓ ብቊርባን እምበር ግድን ብድግስ ንክኸውን ኣይተፅሓፈን። ሰብ ኣብ መርዓኻ፣ እግዚአብሔር ድማ ኣብ ሓዳርኻ ስለዝሰርሕ። እንተደሊና ግና ከምቶም ኣብ መርዕኦም ጎይታ ምስ ኣዲኡ ዝተረኸበሎም ናይ ዶኪማስ ገዛ ንክኸውን "መርዓ ዶኪማስ ይግበረልኩም" ምባል ይከኣል።
📌እሞ ዘመነ መርዓዊ (ወርሒ ጥሪ) ኢና ዘለና'ሞ ናብቲ ሕጋዊ ሓዳር ብቁርባኑ ንዝኣተኹም ኲልኹም ኣቐዲማ "ናይ ኣብርሃምን ሣራን #ሓዳር ይግበረልኩም፣ መርዓኹም እውን #መርዓ #ቤተ_ዶኪማስ ይኹነልኩም" ይብል።
©Binyam ZeChristos ጥሪ 18 - 2016
#በእንተ_ጥምቀት ~ part 2
11)ጎይታ ብማይ ናይ ምጥማቑ ምሥጢር፣ ብኖኅ ዘመን ማይ ዓለም ጠፊኡላ ዋላ እንተነበረ ሐዚ ግን ንምሕረት ከምዝገበሮ ንምግላፅ፣ ማይ ሃፍታምን ድኻን ዝረኽቦ ብምዃኑ ጥምቀት እውን ንኹሉ እያ ንምባል፤ ማይ ንዝረስሐ የፅሪ ጥምቀት እውን ሓጢአት ንዘለዎ ይቕረ ከምዘብል ንምርዳእ፤
12)ምስተጠመቐ ንመጀመርያ ጊዜ አምላኽና እግዚአብሔር ሓድነቱን ሰለስተነቱን ብግልፂ ዘርኣየሉ፣ ኣብ ካብ ደመና "ዘፍቅሮ ወደይ ንሱ እዩሞ ንዕኡ ስምዕዎ" እንትብል፣ መንፈስ ቅዱስ ድማ ብርግቢ አምሳል እንትወርድ፣ ወልድ ድማ ስጋ ማርያም ለቢሱ(ተዋሒዱ) እንትጥመቕ ሥላሴነቱ ገለፀ።
13) ጥምቀት፣ ልክዕ ከምቲ ልደት ጾመ ገሃድ ዘለዎ፣ ገሃድ ዘለዎ እንትኸውን ብዋዜምኡ (ከተራ) ዝፅወም እዩ። እዚ ማለት ጥምቀት ረቡዕ ወይ ዓርቢ እንተውዒላ፣ ሰሉስ ወይ ሓሙስ ንጾምሞ ብጥምቀት በጥሉላት መባልዕት ነኽብራ። ሰኑይ እንተውዒላ እውን ሰንበት (ካብ ጥሉላት ምግባት ጥራይ) ብምጿም ነኽብራ።
14) ከተራ ማለት ከተረ-ዓቀበ፣ ደው አበለ ማለት ኾይኑ ብዋዜምኡ ናብ ገረባት ብምኻድ ነቶም ገረባት ድማ ብምኽታር ማይ ንክውህለል ምግባር ነቲ ፅባሕ ዝኽበር በዓል ምድላው ዝግበረሉ እዩ። ታቦታት ኣብ ከተራ ናብ ገረብ ወሪዶም ኣብኡ ምሕዳሮም እውን ፣ ጎይታ ናብ ዮሐንስ ብምኻድ ምስ ህዝቢ ሰልፊ ሒዙ ኣብኡ ብምሕዳር ለይቲ ኣጋ ወጋሕታ ከምዝተጠመቐ ዘረድእ እዩ።
15)ጥምቀት ኣብ ሙሉእ ዓመት ቅዱስ ታቦት ናብ ጎደናታትን ገረባትን ብምኻድ ህዝቢ ድማ ዕልል እናበለ ብምዝማር፣ ጸሎተ ቅዳሴ እውን ካብ ቤ/ክ ወፃኢ ኣብ ባሕረ ጥምቀት ዝግበረሉ ብሕታዊ በዓል እዩ። "እቶም ካህናት ሌዋውያን ነቲ #ታቦት ኪዳን እግዚኣብሄር ኣምላኽኩም ጾይሮምዎ ምስ ርኤኹም፣ ንስኻትኩም ድማ ካብ ሰፈርኩም ነቒልኩም #ስዐብዎ" (ኢያሱ 3:3) ከምዝተብሃለ።
16) ኣብ በዓለ ጥምቀት እንንፀጎ ማይ ጥቅሙን ትርጉሙን:- ንዓና «ደቂ አምላኽ» ንክገብረና እንተይኮነስ ናይ ጎይታ ጥምቀት ንምሕሳብ፣ ነቲ ወንጌል ብተግባር ንምግላፅን ካብቲ በረከት ንምስታፍን እዩ።
17) በዓለ ጥምቀት ካብቶም ብደረጃ ዓለምለኸ ዝኽበሩ በዓላት ሓደ እንትኸውን፣ Epiphany እናተብሃለ ዝፍለጥ እዩ። ፕሮቴስታንት እውን ካበይ ከምዝመፀን ንምንታይ ከምዘኽብርዎን እንተይፈለጡ እንተኽብሩ ይረኣዩ። ገለገሊኦም ድማ ልደቱ ኣኽቢሮም ጥምቀቱ ኣይነኽብርን ይብሉ!
18)ድሕሪ ጥምቀት ዘሎ መዓልቲ ድማ "ቃና ዘገሊላ" ይበሃል። እዚ ድማ ጎይታና ኣብ ቃና ዝበሃል ቦታ አብ ዝነበረ መርዓ ብድንግል ኣማላድነት ማይ ናብ ወይኒ ዝቐየረሉ መርዓ እዩ። ቃና ዘገሊላ የካቲት 23 ዝኽበር በዓል እኳ እንተኾነ፣ ነገር ግና <ናይ ማይ በዓል ምስ ናይ ማይ በዓል ይከበር> ብምባል ጥምቀት ምስኣኽበርና ናይ ሚካኤል ታቦት እውን ኣብ ቃና ዘገሊላ መዓልቲ ንክምለስን ተወሲኑ።
19) ነገር ግን ብስም ጥምቀት ዝግበር ደርፍን ዳንኬሬን፣ መስተን ስኽራንን፣ ዝሙትን ባእስን ኹሉ ኣብ ቅድሚ ኣምላኽ ዝተፀልአ፣ ብመላእክቲ ዝተፈንፈነ፣ አጋንንቲ ዝኸብሩሉ፣ ሰይጣናት ዝዕንድሩሉ እዩሞ መንፈሳዊ በዓልና ብመንፈሳዊ ኽብሩ ነኽብሩ። ኽብሪ ኦርቶዶክስ እምነትና ባዕልና ነኽብር።
©Binyam ZeChristos ጥሪ 11 - 2016
‼️ #ከተራን_ገሀድን ‼️
#ከተራ ማለት ከተረ-ኸተረ፣ ዓቀበ፣ ኣቖመ፣ ዓገተ ማለት እንትኸውን ናይታ ናይ ጥምቀት ዋዜማ ዘላ ዕለት መፀውዒ ሥያመ እዩ:: ኣብ ዋዜማ-ጥምቀት ቅዱሳን ታቦታት ካብ መንበሮም ወፂኦም ኣብቲ ኸባቢ ናብ ዝርከብ ወራዲ ማይ (ገረብ) ብምኻድ ኣብ ዳስ ይዓርፉ (ይሓድሩ):: ምዕመናን ድማ ነቲ ገረብ ብምኽታር ዝጥመቑሉ ውህሉል ማይ (ቐላይ ዝመስል) ዝሰርሑሉ ዕለት እዩ:: ታቦታት ዓጂብና ብዋዜምኡ ብከተራ ናይ ምኻድና ትርጉም ድማ::- ጎይታ ኢየሱስ ክርስቶስ ንክጥመቕ ብዕለተ ሰኑይ ናብ ዮርዳኖስ ብምኻድ ኣብኡ ከምዝሓደረ፣ ብፅባሒትኡ ሠሉስ ጥሪ 11 ድማ ከምዝተጠመቐን ብምሳሌ ንምግላፅ እዩ::
📌 ጎይታ ለይቲ ከምዝተጠመቐ ኹሉ፣ ንሕና እውን ብለይቲ ቅዳሴ ቐዲስና ናብ ሥርዓተ ጥምቀት ንወፅእ:: ቤ/ክ ኣብ ዓመት ለይቲ እትቅድሰለን ዕለታት 3 እንትኾና ልደት፣ ጥምቀትን ትንሣኤን እየን:: እዚ ድማ ጎይታ ዝተወለደ፣ ዝተጠመቐን ዝተሰአን ለይቲ ስለዝኾነ እዩ! እዚ ክትርዳእ ከለኻ ብቃል ጥራሕ እንተይኮነስ ብህይወታ፣ ብሥርዓታ፣ ብዜማኣን ብበዓላታን ክርስቶስ ኣብ ዝስበኸላ ኦርቶዶክሳዊት ቤ/ክ ክንህሉ ዝገበረና ኣምላኽ ተመስግኖ!
📌 #ገሀድ ማለት "ለውጢ፣ ከክንዲ፣ ግልፂ" ከም ማለት ኾይኑ ፣ ትርጉሙ ድማ "ጾመ #ድራረ_ልደት_ወጥምቀት - ከክንዲ ልደትን ጥምቀትን ብዋዜምኡ እንጾሞ ጾም" ማለት እዩ:: ልደትን ጥምቀትን ዓበይቲ በዓላት ስለዝኾና ዋላ ረቡዕን ዓርብን እንተወዓላ ኣይጽወማን! እኳደኣስ ብዋዜምአን ጾይምና ልደትን ጥምቀትን ግና ብመብልዕ ነኽብረን! ናይ ልደት ገሀድ ኣብ ውሽጢ እቲ ጾም ስለዝኾነ ኹልና ንጾሞ እዩ:: ናይ ጥምቀት ድማ (ዋላኳ ተረሳዕናዮ) ከሉ ሻብ ጥሪ 10 እዩ! ጥምቀት ረቡዕ ተውዒሉ ሰሉስ ንጸውም፣ ዓርቢ ተኾይኑ ድማ ሓሙስ ንጸውም! ጥምቀት ሰሉስ እንተውዒሉ ኸ? ሰኒ ንፀውም! ሰንበት ወይ ሰኑይ እንተውዒላ ኸ? ቀዳም ወይ ሰንበት (ጾምና እንተይወዓልና ካብ ጥሉላት ምግብታት ጥራሕ ብምርሓቕ) ንጸውም!
©Binyam ZeChristos ጥሪ 10 - 2016
‼️ #በእንተ_ልደቱ - 29 መሰረታዊ ነጥብታት‼️
1)ብናይ ጎይታና ኢየሱስ ክርስቶስ ክልተ ልደታት ነኣምንን ንእመንን። ቅድሚ ዓለም ካብ #ኣብ ብዘይ ኣዶ፣ ድሕሪ ዓለም ካብ ድንግል #ማርያም ብዘይካ ኣቦ ተወልደ።
2)ካብ ኣብ ምውላዱ "ናይ #ባሕርይ ልደት" እንትኸውን፣ ብዘይካ ናይ ጊዜ ኣፈላላይ ብአካልን ባሕርይን ምስ ኣብ ማዕረ ኾይኑ #ብዘይ_ድኻም"ወልደ ኣብ" ኾይኑ ተወልደ።
3)ካብ ድንግል ማርያም ምውላዱ ግና ናይ #ስጋ ልደት እንትኸውን፣ ሰብ ኮይኑ ብዘይ_ሕማም (ሕርሲ) "ወልደ ማርያም" ኾይኑ ተወልደ።
4)'ወልድ' ሰብ ኮይኑ ስጋ ለቢሱ ካብ ድንግል እንትውለድ ናይ ልደት(ናይ ስጋዌ) ኣስማት ኣለውዎ። ንሳቶም ድማ ኣማኑኤል፣ ኢየሱስ፣ ክርስቶስ፣ መድኃኔዓለም፣ በጊዕ ኣምላኽ፣ ከራድዮን ... ይበሃል።
5) በዓል ልደት ካብቶም 9 #ዓበይቲ ናይ ጎይታ በዓላት ሓደ እንትኾን ካልኦቶም ድማ ትስብእት/ጽንሰት (መጋ 29)፣ ልደት (ታሕ 29)፣ ጥምቀት (ጥሪ 11)፣ ደብረታቦር (ነሓሰ 13)፣ ሆሳዕና፣ ስቅለት፣ ትንሳኤ፣ ዕርገት፣ ጰራቅሊጦስ እዮም።
6)#ገሃድ ማለት ለውጢ/መተካእታ ፣ ግልፂ/ፍሉጥ ማለት ኾይኑ፣ ከክንዲ ልደትን ጥምቀትን ዝፅወም መዓልቲ ማለት እዩ።
7)ናይ #ልደት ገሃድ ኣብ ጾም ስለዝውዕል ምፅዋምና ዘይቐሪ ዋላኳ እንተኾነ፣ #ጥምቀት ረቡዕን ዓርብን እንተውዒሉ ግና ከክንዲ ረቡዕ ሰሉስ፣ ከክንዲ ዓርቢ ድማ ሓሙስ ብምጿም ጥምቀት ግን ብመባልዕት ንሐልፎ። ጥምቀት ካሊእ መዓልቲ ተውዒሉ ግና ብዋዜምኡ ንጾም።
8)በዓል ልደት መዓልቶም ካብ ዘይስሕቱ በዓላት እንትኸውን ታሕሳስ 29 እንትኽበር፣ ኣብ 4 ዓመት ሓደ ጊዜ ብዮሐንስ ወንጌላዊ ግና ታሕሳስ 28 ይኽበር።
9) ድንግል ማርያም ንክሕልዋ ምስዝተሓፀያ ጻድቕ ዮሴፍ ኮይና ቖፀራ ህዝቢ ንክቑፀሩ ካብ ናዝሬት ናብ ይሁዳ ቤተልሔም ከተማ ኸዱ፤ መውለዲ መዓልታ ድማ በጽሐ።
10)ብትንቢት ከምዝተነገረሉ ድማ ድንግል ማርያም #በኹሪ ወዳ #ብሕታዊ ውላዳ ወለደት። ንፈጣሪኣ ብምውላዳ ድማ "ወላዲተ አምላክ" ተሰምየት።
11)ፈጣሪ ዝወለደት ድንግል ድማ ስጋ ከምዝለበሰ ንምርዳእ ዓባይ ኣፃብዕቱ ኣሲራ፣ #በለሶን ብዝበሃል ቆፅሊን ጨርቅን ጠቕሊላ ኣብ ደንበ ኣባጊዕ ኣደቀሰቶ።
12)ናይ ጎይታ ልደት ብብዙሓት ነቢያት ዝተነገረሉ እንትኸውን፣ ኢሳይያስ "ድንግል ትፀንስ እያ፣ ወዲ እውን ክትወልድ እያ፣ ስሙ እውን አማኑኤል ክትበሃል እያ" እንትብል (ኢሳ 7:14) ፤ ሚክያስ ድማ "ኣቲ ቤተልሔም ካባኺ ንእስራኤል ዝገዝእ ክወፅአለይ እዩ" ኢሉ (ሚክ 5:2)
13)በታ ለይቲ ድማ ቅዱስ ገብርኤል ኣባጊዕ ንዝሕልዉ ጓሶት ተገሊፁ፣ ጎይታ ክርስቶስ ከምዝተወለደን ኣብ ደንበ ደቂሱ ድማ ከምዝረኽብዎ ኣበሰሮም። ንሳቶም ድማ ኸይዶም ንድንግል ምስ ወዳ ረኸቡ።
14)ነቢዩ ኢያሱ ምድረ ከነዓን ንአይሁድ እንተከፋፍላ፣ ንካሌብ ኬብሮን ተውሃበቶ። '#ከብታ' ትበሃል ሰበይቲ ኣእቲዉ ብስማ ነት ከተማ ከብታ በላ ፤ ቐፂሉ #ኤፍራታ ትበሃል ኣእቲዉ ድማ ስማ ኤፍራታ ተቐየረት። ካብ ኤፍራታ ወዲ ወሊዱ ብዙሕ ሃፍቲ(እንጀራ) ስለዝረኸበ ንወዱ #ልሔም ኢሉ ፀወዖ። ብወዱ ምክንያት ድማ ነታ ከተማ #ቤተልሔምበላ።
15)ከብታ ማለት "ቤተ ስብሐት - (ቤት ምስጋና)" ማለት ኾይኑ፣ ናይ ድንግል ማርያም ምሳሌ ኾይኑ ምስጋና ድማ ናይ ጎይታ ምሳሌ እዩ።
16)ኤፍራታ ማለት "ጸዋሪተ ፍሬ (ፍረ ተሸካሚት)" ማለት ኾይኑ፣ ኤፍራታ ናይ ማርያም ምሳሌ፣ ፍረ ድማ ናይ ክርስቶስ ምሳሌ እዩ።
17)ቤተልሔም ማለት "ቤተ ሕብስት -ናይ ሕብሽቲ/እንጀራ ቦታ" ማለት ኮይኑ ቤተልሔም ናይ እመብርሃን ምሳሌ፣ ሕብሽቲ ድማ ናይ ክርስቶስ ምሳሌ እዩ።
18)ጎይታ እንትውለድ መላእክቲ ክንፍ ንክንፊ ብምዃን ንቤተልሔም ብብርሃን ዝኸበብዋ እንትኾን፣ ጎይታ ተወሊዱ ብቑሪ ንከይሳቐ ድማ እንስሳት እስትንፋሶም ብምግብር የሙቕዎ ነበሩ።
19)ሔዋን ንኣዳም ምስተውሃበቶ ሰለስተ መላእክቲ (ሚካኤል፣ ገብርኤል፣ ሩፋኤል) ወርቂ፣ ዕጣንን ከርቤ ንሔዋን ከም ውህብቶ ንክህባ ንኣዳም ሃብዎ። ኣዳም ንሔዋን፣ ሔዋን ንሴት፣ ካብ ሴት ናብ ኖኅ፣ ካብ ኖኅ ናብ መልከጸዴቅ፣ ካብ መልከጸዴቅ ናብ ኣብርሃም-ይስሐቅ-ያዕቆብ እንበል ንብ #ዠረደሸት ዝበሃል ጥበበኛ ብምቕባል እቲ ህያብ ተቐመጠ።
20)ዠረደሸት ድማ ብሰሌዳ ኮከብ፣ ድንግል ህፃን ሓቒፋ ይርኢ፤ ን12 ተምሃሮቱ ድማ "ኮኸብ ብሰማይ እንትርኢኹም ንጉስ ዓለም ስለዝውለድ ነዘን ወርቂ፣ ዕጣን፣ ከርቤ ሃብዎ" ኢሉ ነገሮም።
21)እቶም 12 ነገስታት ድማ ቅዱስ ዑራኤል ከም ኮከብ ተመሲሉ ብምግላፅ እናመርሐ ናብ ቤተልሔም ወሰዶም። እቶም 9 ነገስታት ግና ብዝተፈላለዩ ምኽንያታት ተመለሱ።
22)እቶም ዝፀንዑ ሰለስተ ነገስታት ድማ #ማንቱሲማር፣ #በዲዳስፋ፣ #ሜልኩ እንትበሃሉ፣ #ንኽልተ_ዓመታት ተጓዑዞም ቤተልሔም ብምብፃሕ፣ ንጎይታ #ኽልተ_ዓመቱ ኾይኑ ኣብ ሕቑፊ ድንግል ረኺቦም ወዲቖም ሰገዱሉ።
23)እቲ ኣቐዲሙ ኣምላኽ ብመላእክቲ ኣቢሉ ንሔዋን ዝሃባን እዞም ነገስታት ድማ ንዑኡ ዘምፅእዎን ወርቂ (ንጉስ ስለዝኾነ)፣ ዕጣን (ሊቀካህናት ስለዝኾነ)፣ ከርቤ (ዝሞይልና ስለዝኾነ) ድማ ህያብ ገይሮም ሃብዎ።
24)እምበይትና ድማ ርኅርኅቲ እያሞ ሕብሽቲ መሳሊ ጋጊራ ስንቂ ሂባቶም፣ ምስቶም ኣሽሓት ሰራዊቶም እናተመገቡ፣ ብ2 ዓመት ዝመፅዎ መንገዲ ብ40 መዓልቱ ናብ ሀገሮም ተመልሱ።
25) ኣብ ጊዜ በዓለ ልደት ቤ/ክ እትዝክሮ #ቅዱስ_ኒቆላዎስ ዝበሃል ጻድቅ እንትህሉ፣ ኣብ ጊዜ ልደት ንድኻታት ውህብቶ ህዝብ ዝነበረ እዩ። 26)ምዕራባውያን ዝገብርዎ ናይ ፅሕዲ ምልክት ግን ምስ ጣዖት ኣምላኾ ዝራኸብ፣ ኣብ ጊዜ በረድ "ጥዑይ ኣምላኽ" እናፅለለ ዝሕበአሉ እዩ ተባሂሉ ዝእመነሉ ናይ አረማውያን ልማድ እምበር ዋላ ሓደ መንፈሳዊ ትርጉም የብሉን።
27)በዓለ ልደት ማለት እግዚአብሔር አምላክ ነዛ ዓለም ብሃምኡ/በከንቱ ስለዘፍቀራ ሓደ ወዱ ህያብ ገይሩ ዝሃበሉ በዓል ብምዃኑ "መዓልቲ ህያብ" እናተብሃለ ይጽዋዕ።
28)ልደት ማለት እቲ ንጉስ ዝኾነ ጎይታ ምሳና ምስ ባሮቱ ዝሓበረሉ፣ እቲ በዓልጸጋ ኣምላኽ ምሳና ምስ ድኻታት ዝነበረሉ፣ መድሓኒት ዝኾነ ክርስቶስ ምሳና ምስ ሕሙማነ ነፍስ ዝወዓለሉ ስለዝኾነ፣ ንሕና እውን ምስ ነዳያን፣ ምስ ሕሙማንን ምስ እሱራትን እንውዕለሉ በዓል እዩ።
29)እንኳዕ ንብርሃነ ልደት ብሰላም አብጸሐና፤ ልደቱ ብመንፈስ እንውለደሉ፣ ብደርፍን ጓይላን እንተይኮነስ ብዝማሬን ማኅሌትን እነሕልፎ፣ ኣብ ቤት መስተ እንተይኮነስ ኣብ ቤተመቕደስ፣ ኣብ ሆስፒታል፣ ኣብ ወኅኒ ቤትን ኣብ መንገዲ ምስ ዘለዉ ነዳያንን ንክነሕልፎ፣ ምስ ጎይታና ኣብ ሕቕፎ ማርያም ከንብረና ፍቓዱ ይኹን!!
©Binyam ZeChristos ታሕሳስ 28 - 2016
📌 ይብፃሕ ናብ ኣባ ጋብር 📌
ቅዱስን ጻድቕን ኣቦይ ኣቡነ ገብረ መንፈስ ቅዱስ እንኳዕ ተወለድኻ! ካብ ኽብሪ ተላዒለ "ኣቱም ኣቦይ"፣ ካብ ፍቕረይ ተበጊሰ ድማ "ኣታ ኣቦይ" ዝበለካ ጻድቅ ኣቦ፣ ህይወትኻ ንክርስቶስ ብምሃብ ምሳሌ ስለ ዝኾንኻኒ፣ መንገዲ ቅድስና ብተግባር ፅሒፍኻ ስለዝመሃርካኒ ንምስጋናይ ደረት የብሉን። ኦ ኣቦይ ብሓጢኣት ንዝወደቐ መንነተይ፣ ብሐሜት ንዝረኸሰ ኣንደበተይ፣ ብደርፊ ንዝረስሐ ኣፈይ፣ ብትዕቢት ንዝሓበጠ ልበይ ፈውሲ ክትኾነኒ ንመሓሪ ፀበልኻ ይምሕፀን ኣለኹ። ኦ ኣቦይ ኣብ ውሽጢ ዓይነይ ዘሎ ጉንዲ ዕሽሽ ኢለ፣ ኣብ ዓይኒ ካህናት ዘሎ መንገፍ ዝነቅፍ ድኹም ሰብ እየሞ፣ ናይ ባዕለይ እልፊ ሓጢኣትን ርኹሰትን በዚሑ ነፍሰይ ጠቐር መሲላ እናሃለወት፣ ናይ ጳጳሳት በደልን ሓጢኣትን እናዘርዘርኩ ዝውዕል ከንቱ ሰብ እየሞ ብመስቀልኻ መልሰኒ!
ካብ ሰብ ሓሊፍካ ምስ ኣናብርን ኣናብስን ዝነበርኻ ባሕታዊ ኣቦይ፣ ምስ ሰብ ምስምዕማዕ ንዝኣበየኒ ኽፉእ ወድኻ ብኢድኻ ዳህስሰኒ። ኣራዊት ርጋፅኻ ልሒሶም ብፍቕሪ ምንባሮም ሰሚዐ! እሞ ደኣ ናተይ ቋንቋ ንዘይናገሩ ሰባት፣ ካብ ብሔረይ ወፃኢ ንዝኾኑ አካላት ብምፅላእ ትሕቲ ኣራዊት ኾይነ ንዝነብር ወድኻ ርጋፅ እግርኻ ኣበይ ክረኽቦ?
ኦ ኣቦይ! ኽዳን ዘይፈልጥ ኣካልኻ፣ ፅድቂ ንዘይብላ ነፍሰይ ዋሕስ ንክኾነኒ፣ ሥጋኻ ሸፊኑ መሬት ዝወረደ ፀጉርኻ፣ ብዝሙትን ስኽራንን ንዝዓረቐ መንነተይ ልብሲ ክኾነኒ ኣብ ስእልኻ ወዲቐ ይልምነካ ኣለኹ። «ከማይ ዘይሓሰበ ፀላእየይ እዩ» ካብ ዝብል ዝርጋን፣ «ብኣፍንጫይ ዘየሀንጠሸ ባንዳ እዩ» ካብ ዝብል ዕብዳን ብጸሎትኻ ንኽትስውረኒ ይምሕፀነካ ኣለኹ።
መንፈሳዊ ተባሂለ መንፈሳይ ካብ ምዃን፣ ብፍቕሪ ኣሚነ ፅልእን ክፍፍልን ካብ ምስባኽ ንክተድሕነኒ፣ ንፈተውተይ ጥራይ እንተይኾነስ ንዝፀልኡኒን ንዝቐትሉንን እውን ዘፍቅረሉ ዓቕምን ዓቕልን ሃበኒ። ሰኣን ፍልጦይ ብናይ ኣቦታት በደል ንኦርቶዶክሳዊት ቤ/ክ ካብ ምንቃፍን ምፅራፍን ሰውረኒ። ኽቡር ኣቦይ ናባኻ መልእኽቲ ንምልኣኽ ዘኽእል መንነት ዋላ ተዘይሃለወኒ፣ 100 ዓመት ኣብ ባሕሪ ኣቲኻ ንኃጥኣን እትልምን ኣቦ ኢኻ'ሞ ልመናይ ሰሚዕኻ ናብቲ ፈቃር ኣምላኽ ናብ ኢየሱስ ኣቕርበኒ!
ንዓኻ ምኽባር ንዝለኣኸካ ንክርስቶስ ምኽባር ምዃኑ ፈሊጠ የኽብረካ! ንክርስቶስ ዝነበረካ ፍቕርን ዝገበርካዮ አገልግሎትን ንዓይ ምሳሌ እዩሞ ዘወትር ንዓኻ ይዝክር፣ ንዓኻ ይኽተል! ንዓኻ ምፍታው ማለት ንክርስቶስ ዘይምፍላጥ ገይርኻ ካብ ምሕሳብ ሰውረኒ! አሜን!
ካብ ሓጥእን ኣባስን ወድኻ !
©Binyam ZeChristos ጥሪ 5 - 2016
"ንዕኡ ንኽንመስል ኢሉ ንሱ ንዓና መሰለ። ደቂ አምላኽ ንክገብረና ንሱ ወዲ ሰብ ኾነ። ካብ ዝወረድናሉ ንከልዕለና እቲ ልዑል ናብ ምድሪ ወረደ። (ቅ/አትናቴዎስ)
ጎይታ ኢየሱስ ክርስቶስ ሎሚ እውን ኣብ ህይወትና ይወለድ!
ቡሩኽ በዓለ ልደት
#በእንተ_ገብርኤል
፩) የመልአኩ ስም በዕብራይስጡ ( גַּבְרִיאֵל - ጋቭርኤል) ፣ ግሪኩ ( Γαβριήλ - ጋብርኤል) ፣ በቅብጡ (Ⲅⲁⲃⲣⲓⲏⲗ - ጋብሪሃ) ፣ በአረማይክ (ܓܒܪܝܝܠ ጋብሪሃ) ፣ በዓረብኛው ( جبرائيل - ጅብሪል) ፣ በግዕዙ ደግሞ ገብርኤል እየተባለ በፍቅር ይጠራል።
፪) በዕብራይስጥ ( גַּבְרִיאֵל - ጋቭርኤል) ሲለው ትርጓሜውም "እግዚአብሔር ኃይሌ ነው" ማለት ነው። ኢሳይያስ በትንቢቱ "ድንቅ መካር <ኃያል አምላክ>" የሚለው ዕብራይስጡ "ኤል ጋቮር" እንዲለው።
፫) ኪዳነ ወልድ ክፍሌ ደግሞ "ገብርኤል ማለት "ገብር-ሰው/አገልጋይ" ፣ "ኤል-አምላክ" ነውና <ገብርኤል ብሂል እግዚእ ወገብር አምላክ ወሰብእ - ሰውና አምላክ/ጌታና አገልጋይ> እንደሆነ ጽፈዋል።
፬) "በእባቦች ላይ በገነትም ባሉ ጻድቃን ላይኛ በኪሩቤልም ለይ የተሾመ ከከበሩ መላእክት አንዱ #ገብርኤል ነው" {ሄኖክ 6:7}
፭) "በዚህ ዓለም ስለሚኖሩ፣ በመላእክት ጌታ ስምም አምነው ስለሚለምኑ ሰዎች ፈጽመው ሲለምን ሦስተኛውን ቃል ሰማሁ። እርሱም ገብርኤል ነው" {ሄኖክ 10:7}
፮) "በኡባልም ወንዝ መካከል፡— ገብርኤል ሆይ፥ ራእዩን ለዚህ ሰው አስታውቀው ብሎ የሚጮኸውን የሰውን ድምፅ ሰማሁ" {ዳን 8:16}
፯) "ገናም በጸሎት ስናገር አስቀድሜ በራእይ አይቼው የነበረው ሰው ገብርኤል እነሆ እየበረረ መጣ፤ በማታም መሥዋዕት ጊዜ ዳሰሰኝ። አስተማረኝም፥ ተናገረኝም እንዲህም አለ፡— ዳንኤል ሆይ፥ ጥበብንና ማስተዋልን እሰጥህ ዘንድ አሁን መጥቻለሁ" {ዳን 9:21-22}
፰) "መልአኩም መልሶ፡— እኔ በእግዚአብሔር ፊት የምቆመው ገብርኤል ነኝ፥ እንድናገርህም ይህችንም የምሥራች እንድሰብክልህ ተልኬ ነበር" {ሉቃ 1:19}
፱) "በስድስተኛውም ወር መልአኩ ገብርኤል ናዝሬት ወደምትባል ወደ ገሊላ ከተማ" {ሉቃ 1:26}
፲) በቤ/ክ ትውፊት መሰረት በመጽሐፍ ቅዱስ ውስጥ ከቅዱስ ሚካኤል ጋር ሆኖ ሰዶምንና ገሞራን ያጠፋ {ዘፍ18:2} ፣ እመቤታችንን ይዞ ወደ ግብፅ የሸሸ {ማቴ 2:13} ፣ ሄሮድስ እንደሞተም በሕልም ለዮሴፍ የነገረ {ማታ 2:20} ፣ ሶምሶንን እንዲወልዱ ለማኑሄና ለሚስቱ ያበሰረ {መሳ 13:4} ፣ ሠለስቱ ደቂቅን ከነበልባል የሰወረ {ዳን 3:25} ፣ ቂርቆስንና ኢየሉጣን ከፈላ ውሃ የጠበቀ፣ ሐዋርያው ስምዖን በሰማዕትነት ሲያልፍ ተገልፆ ያበረታው ቅዱስ ጠባቂ ነው። {ድርሳነ ገብርኤል፣ ገድለ ሐዋርያት}
፲፩) መላእክት ሲፈጠሩ ከአስሩ ነገድ #የአርባብ ነገድ አለቃ የሆነ፣ በሳጥናኤል ምክንያት የመጀመርያው ክፍፍል ሲመጣም "ንቁም በበላዌነ እስከ ንረክቦ ለአምላክነ" ብሎ የሰበከ መላእክቱንም ያፀና ፣ ስለዚህም በኋለኛው ዘመን "እናቴን ታበስራታለህ" ተብሎ ቃል የተገባለት መልአክ ነው። {ቅዱስ ኤጲፋንዮስ - አክሲማሮስ ዘእሑድ}
፲፪) ቅዱስ ገብርኤል የናዝራውያኑ የሶምሶንን፣ የመጥምቁ ዮሐንስንና የጌታ ክርስቶስን ልደት ስላበሰረ፣ እረኞቹን ከሜዳ ጠርቶ ልደት እግዚእን የሰበከ {ሉቃ 2:11}፣ ጌታ በተጨነቀበት በዚያች ሰዓትም ፈጥኖ ያረጋጋው {ሉቃ22} ነውና "መልአክ ብሥራት ፣ አብሳሬ ትስብእት፣ መጋቤ ሐዲስ" እየተባለ ይጠራል።
፲፫) እንደ ኢ/ያ ኦርቶዶክሳዊት ቤ/ክ ታህሳስ 19 ሠለስቱ ደቂቅን ያዳነበት፣ ሐምሌ 19 ቂርቆስንና ኢየሉጣን የረዳበትን በዓል ይከበራል።
፲፬) "የተመረጠ ስራ ለተመረጠ መልአክ መሰጠቱ ድንገት ይመስልሃልን? ለምሳሌ ለሩፋኤል መፈወስና ማደን፣ #ለገብርኤል በጦርነት ውስጥ ማገዝን፣ ለሚካኤል የሰዎችን ጸሎትና አስተብቊዖት - is it the result of accident that a particular office is assigned to a particular angel:... to Gabriel, the conduct of wars..."
{ሊቁ ኦሪገን በእንተ መላእክት De Principiis, Chapter VIII.—On the Angels, pp 265-266}
፲፭) ራሳቸውን "የኋለኛው ዘመን ቅዱሳን (Latter Day Saint movement)" ብለው የሚጠሩት ሞርሞኖች ደግሞ "ቅዱስ ገብርኤል በብሉይ ኪዳን ጻድቁ ኖኅ ይባል የነበረው ነው" ብለው ያምናሉ።
፲፮) በያዚዲዝም ሃይማኖት ደግሞ (ኢራቅና ሶርያ አካባቢ ያለ እምነት) ፈጣሪ ዓለምን ፈጥሮ እንዲጠብቋት አደራ ከሰጣቸው መላእክቶች (መልክ ጣኡስ - Melek Taus) አንዱ ገብርኤል እንደሆነ ይታመናል።
፲፯) በእስልምናም ለመጀመርያ ጊዜ ቁርዓንን ለመሐመድ ያወረደ፣ መሐመድን ዋሒ/ሲያወርድለት የኖረ፣ ውሻና ሥዕል ባለበት ቤት ለመግባት የሚፈራ፣ ሚስት ባልዋን ካኮረፈች ሌሊቱን ሙሉ ሚስትየዋን እየረገመ የሚያድር መልአክ እንደሆነ ይነገርለታል (ይህ ሁሉ ገብርኤል ባይቀበለውም)
©Binaym ZeChristos ታሕሳስ 18 - 2016
☀️ ብርሃን ☀️
ኦርቶዶክሳዊት ቤ/ክ ኣብ ዘመነ ስብከት እይ ዘላ፤ እዛ ናይ ሎሚ መበል 2ይቲ ሰንበት/ሰሙን ድማ #ብርሃን ኢልና ነኽብራ ኣለና። ጸልማት ዘይረኽቦ ብርሃንና፣ ለይቲ ዘየሕልፎ ጸሓይና፣ ማንም ክቐርቦ ኣብ ዘይኽእል ብርሃን ዝነብር አምላኽንል፣ ኣብ ናይ ሓጢኣትን መርገምን ንዘለና ኹልና ዘብርህ ሓቀኛ ብርሃነ ህይወት ንሱ #ጥራሕ እይ - #ኢየሱስ_ክርስቶስ ‼️
📌 ትንቢት
ኦርቶዶክሳዊት ቤ/ክ ናይ ክርስቶስ ብርሃንነት ካብ ብሉይ ኩዳን ጀሚታ ብትርጒም ተጠዓዕሞ። "#ብርሃንካን #ሓቅኻን ልአኽ፣ ንሳተን ይምርሓኒ፣ ናብ ቅድስቲ ኸረንካን ናብ ማሕደራትካን የብጽሓኒ" (መዝ 43:3) እቲ ዝተልኣኸ ብርሃንን ሓቅን #ኢየሱስ እዩ። «እቲ ኣብ ጸልማት ዝመላለስ ህዝቢ #ዓብዪ_ብርሃን ረኣየ። ነቶም ኣብ ምድሪ ድነ ሞት ዝነብሩውን #ብርሃን_ኣብርሃሎም።» (ኢሳ 9:2) ኣብ ጸልማት ንዘለና ዝወፀልና ዓብዩ ብርሃን ንሱ #ክርስቶስ እዩ።
📌ወንጌል
ካብ ወንጌል እውን ብርሃንነት ክርስቶስ ዝገልፁ ተንብብ። « #ህይወት ኣብኡ (ኣብ ክርስቶስ) ነበረት ፣ እታ ህይወት ከኣ #ብርሃን ሰብ ነበረት» (ዮሐ 1:4) ይብል ዮሐንስ።
📌ክርስቶስ
ባዕሉ ክርስቶስ እውን ስለባዕሉ እንትገልፅ « ኣነ #ብርሃን_ዓለም እየ። እቲ ዝስዕበኒ ብርሃን ህይወት ክረክብ እምበር፡ ብጸልማት ኣይኸይድን እዩ » (ዮሐ 8:12) ይብለና።
📌 ቅዱስ ጳውሎስ
ልሣነ ዕፍረት ጳውሎስ እውን ብመልእኽቱ «ንሱ በይኑ ዘይመውት፣ ሓደ ሰብ እኳ ከቶ ዘይረኣዮ ክርእዮ እውን ዘይኽእል፣ ኣብ #ዘይቅረብ_ብርሃን ዝነብር፣ ንእኡ ኽብርን ናይ ዘለኣለም ስልጣንን ይኹን»(1ጢሞ 6:16) ይብለና። ጸሓይ እትፈርሖ ጸሓይ፣ ማንም ኣብ ዘይቐርቦ ብርሃን ዝነብር ብርሃን #ኣማኑኤል እዩ።
📌 ውዳሴ ማርያም
ቅዱስ ኤፍሬም ስሶርያዊ ዝመስከሮ፣ ቤ/ክ ዘወትር ኣብ እትጽልዮ ጸሎት እውን «ብርሃን ዘበአማን ዘያበርህ ለኩሉ ሰብእ በእንተ ፍቅረ ሰብእ መጻእከ ውስተ ዓለም - ንኹሉ ሰብ ዘብርህ ሓቀኛ ብርሃን፣ ምእንቲ ፍቕሪ ሰብ ናብ ዓለም መጻእኻ" እናበለት ትፅልዮን ተፀልየናን።
📌 ጸሎተ ኪዳን
ኣብቲ ዘወትር ዝጽለ ጸሎተ ኪዳን እውን «መዝገበ ጽልመት እንተ ብነ: በሥምረተ አቡከ #አብራህከ_ለነ: ወአውፃእከነ እማዕምቅ ውስተ ብርሃን - ኣባና ንዘሎ ናይ ጽልመት መዝገብ ብፍቓድ ኣቦኻ ኣብሪህኻልና። ካብ መዓሙቕ ናብ ብርሃን ኣውፂእኻና»
📌 ናትና ጸሎት
ኦ ብርሃና ክርስቶስ ብዝሙትን ስኻርን ንዝረኸሰ አካልና፣ ብሓሜትን ደርፍን ንዘጸልመተ ልሣንና፣ ብቂምን ኽፍኣትን ንዝጠፍአ ልብና፣ ፣ ብብርሃንኻ ኣብርሀልና‼️
©Binyam ZeChristos ታሕሳስ 14 - 2016
‼️ #ቅዱስ_እየ Vs #ገና_ክቕደስ_እየ‼️
"ኣነ ቅዱስ እየ፣ ገነት እየ ዝኣቱ" እናበሉ ዝፉክሩ ኣመንቲ ፕሮቴስታንትን ተሐድሶን ዋና ጌግኦም ትርጉምን ዓይነታትን ቅድስና ዘይምርድኦም ይመስለኒ። ቅዱስ ማለት "ፍሉይ፣ ኽቡር፣ ምስጉን" ማለት ኾይኑ ብኽልተ ዓይነት መንገዲ ዝርከብ ኽልተ ዓይነት ቅድስና ኣሎ።
1⃣ #እምነታዊ_ቅድስና (Theoretical Santification):- ሓደ ሰብ ካብ ኣምልኮ-ጣዖት ናብ ኣምልኮተ-ክርስቶስ እንትፍለ፣ ካብ ክሕደት ፀርዩ ብኣሚነ ሥላሴ እንትፀንዕ ተቐዲሱ (ንክርስቶስ ተፈልዩ) ይበሃል። እዚ ቅድስና ብእምነት ዝርከብ እንትኸውን፣ በዚ ምኽንያት ኹላትና ብክርስቶስ እንኣምን ኦርቶዶክሳውያን #ቅዱሳን ንበሃል።
📌« ነቶም ኣብ ቈሎስዩስ ዘለዉ #ቅዱሳንን ብክርስቶስ ኣመንቲ ኣሕዋትን...» (ቆላስ 1:2)
📌 ንቆሮንቶስ ምዕመናን « ናብታ ኣብ ቆረንቶስ ዘላ ማሕበር ኣምላኽ ምስቶም ኣብ ኣካይያ ዘለዉ #ዅላቶም_ቅዱሳን » ተባሂሎም። (2ቆሮ 1:1) (2ቆሮ 13:13)
📌 ንዕብራውያን ምዕመናን እውን « ኣቱም ካብቲ ሰማያዊ ጽውዓ ዘሎኩም #ቅዱሳን_ኣሕዋተይ...» (ዕብ 3:1፣ 13:24)
2⃣ #ተግባራዊ_ቅድስና (Practical Santification):- እዚ ቅድስና ድማ ሓደ #ክርስቲያን_ዝኾነ ሰብ፣ ካብ ሓጢኣትን ርኩሰትን እንትፍለ፣ ዝረኽቦ ቅድስና እዩ። እዚ ቅድስና ገና ንቕደስ ኢና ዘለና፣ ገና ኣይፈፀምናዮን። ነዚ እዩ መጽሓፍ ቅዱስ ነቶም ‹ቅዱሳን ኢኹም› ዝበሎም ክርስቲያን ተመሊሱ ‹ቅዱሳን ኹኑ› ዝብሎም!
📌ቅዱስ ጴጥሮስ ንክርስቲያን «ኣነ ቅዱስ እየ እሞ #ቅዱሳት_ኩኑ፡ ዚብል ጽሑፍ ስለ ዘሎ፡ ከምቲ እቲ ዝጸውዓኩም ቅዱስ ዝዀነ፡ ንስኻትኩምውን ብዅሉ ንብረትኩም #ቅዱሳት_ኩኑ» ይብሎን። [1 ጴጥ 1:15-16]
📌ንቆሮንቶስ ምዕመናን «ብፍርሃት ኣምላኽ #ንቅድስና_እናመላእና ካብቲ ስጋን መንፈስን ዘርክስ ዘበለ ዅሉ #ርእስና_ነንጽህ» ይብሎም [2 ቆሮ 7:1]
📌ንዕብራውያን «ብዘይ ቅድስና ሓደ እኳ ንእግዚኣብሄር ኣይርእዮን እዩ እሞ፣ #ንቕድስናን ንሰላምን #ሰዓቡወን» ይብሎም። [ዕብ 12:14]
=> በዚ ምክንያት ዋላኳ ብእምነትና "ቅዱሳን" ክንበሃል ዝተዓደልና እንተኾንና ብህይወት ግን ገና ንዓለም ዘይሰዓርና ብሓጢኣት እንነብር ስለዝኾና ከም ተሃድሶ ብፈኸራ እንተይኾነስ ከም ኦርቶዶክሳውያን ብትሕትና «ሓጢኣተኛ እየ፣ ቅድስናይ ክፍፅም ይግበአኒ» ንብል።
@ZeChristosComments_Bot
©Binyam ZeChristos መጋቢት 15/2015
https://vm.tiktok.com/ZMMucYJpg/
Читать полностью…
‼️ #ኽልተ_ምጽኣት‼️
❇️ ጎይታ ኢየሱስ ክርስቶስ #ኽልተ_ልደታት ኣለዎ ኢልና ንኣምን።
📌1ይ:- ቅድሚ ዓለም ብባሕርየ መለኮት ኣቡኡ ካብ ዝኾነ ካብ #አብ ብዘይ ኣዶ፣ ኣካል ካብ ኣካል፣ ባሕርይ ካብ ባሕርይ ብዘይምቅድዳም ዝተወለዶ ረቂቕ ልደት እዩ።
📌2ይ:- ድሕሪ ዓለም (ናብ ምድሪ መፂኡ) ብባሕርየ ሥጋ ካብ #እምበይትና ማርያም ብዘይ ኣዶ ዝተወለዶ ልደት እዩ። ስለዚ ድማ እምነትና እንትንምስክር « ነአምን ክልኤተ ልደታተ - ብኽልተ ልደታት ነአምን » ንብል።
❇️ ልክዕ ከምኡ ጎይታና ክርስቶስ #ኽልተ_ምጽኣታት ኣለዎ ኢልና ንኣምን።
📌1ይ ምፅኣት:- ካብ እምበይትና ማርያም ስጋ ለቢሱ፣ ብትሕትና ባርያ ኾይኑ፣ ንሓጥኣን ናብ ንስሃ ንምፅዋዕ ዝመፆ ምፅኣት እዩ።
📌2ይ ምፅኣት ድማ ኣብ ፍፃመ ዓለም ብኽብሪ መለኮት፣ ብመላእኽቲ ተኸቢቡ፣ ብመባርቕቲ ተዓጂቡ፣ ዓለም ንምሕላፍን ንቅዱሳን ናብ መንግስቱ ንምፅዋዕን ዝመፆ ምፅኣት እዩ። ነዚ ዳግማይ ምጽኣት እንዝክረሉ በዓል እዩ #በዓለ_ደብረዘይት ማለት!
©Binyam ZeChristos መጋቢት 8/2015
💚💛🧡 ... #ፍቅሪ_ንኹሉ_ይስዕር ...❤️💛💚
✏️ኣብ ሓንቲ ንእሽተይ መንደር ካብ ገዛ ናብ ገዛ እናዘረ ደረቅ እንጀራ ብምሻጥ ቁራስ መዓልቱ፣ ኽዳን ዓመቱን ናይ ትምህርቲ ኽፍሊቱን ዘማልእ ሓደ ቆልዓ ነይሩ። ሓደ መዓልቲ ግና ኣሽምባይዶ መኽፈሊ ትምህርቲ፣ ንመዓልታዊ ምግቢ ዝኸውን ቅርሺ 'ኳ ክረክብ ኣይከኣለን። ብፅምኢ ከናፍሩ ደሪቐን ጎረርኡ ነቂዑ፤ ምግቢ ዝበሃል ካብዝጥዕም 3 መዓልቲ ሓሊፍዎ ኣሎ!! ዝብላዕ ነገር ንክልምን ድማ ኣብቲ ሰፈር ካብ ዘለዋ ገዛታት ናብታ ሓንቲ ቀሪቡ በሪ ኣንኳሕኮሐ። ድሕሪ ቁሩብ ደቓይቕ ሓንቲ ፅብቅቲ ቆልዓ በሪ ኸፊታቶ ምስረአያ "በይዛኺባ ዝስተ ማ.. ማይ ሃብኒ" ኢሉ ይልምና ዓይና ዓይና እንረአየ። ንሳ እውን ድርቀት ከናፍሩን ድኻም ሰብነቱን ሪኣ ሐዘነት። ዋላኳ ኣብቲ ገዛ ዝብላዕ ነገር እንተዘይብላ "ሰሪሕኻ ብላዕ" ኢላ ክትስንዮ ግና ኣይደለየትን! ሰብ ዝኽእሎ እዩ ዝገብር'ሞ ዝስተ ፀባ ሒዛትሉ መፀት። "ካብ ምቕባል ንላዕሊ ምሃብ የመስግን እዩ" (ግብሪ ሐዋ 20:35)
❇️ ነቲ ፀባ ምስተየ "ክንደይ እየ ክኸፍል?" በላ ዋላሓንቲ ቅርሺ ከምዘይብሉ ፈሊጡ ርእሱ እናሓኸኸ። ንሳ ግና "ኣበይ እዩ ብሔርካ?" ፣ "ናትና ድዩ ዘርእኻ?" ፣ "ሃይማኖትካ ምሳና ድዩ?"... ዘይትብል ንኹሉ ሰብ ፍቅሪ እትህብ ክርስቲያን ነበረትሞ "«ፀገም የብሉን ዝሓወይ ዋላሓንቲ ኣይትኸፍልን! ወላዲት ኣደይ 'ንትገብርዮ ሰናይ ምግባር ኽፍሊት ኣይትፀበዪ' ኢላ እያ ትመኽረኒ» በለቶ። ንሱ 'ውን ካብ ልቡ ኣመስጊኑን እግዚአብሔር ውዕለታኣ ንክኸፍላ መሪቑን ተማሕፂኑን ኸደ። ... ዘመን ብዘመን ተተኪኡ ብዙሓት ዓመታት ሓለፉ! ድሕሪ ብዙሓት ዘመናት እታ ቆልዓ ከም ኣጋጣሚ ብጣዕሚ ትሓምም! እቲ ዝተውሃባ ሕክምና እውን ከጥዕያ ብዘይምኽኣሉ ናብ ኻሊእ ዓዲ 'ሪፈር' ተብሂላ ተዛወረት። ናብቲ ዝተዛወረትሉ ሆስፒታል እንትኸይድ ግና፤ ንሕክምና ዝኸውን ብዙሕ ገንዘብ ከምዘድልያ፣ ነዚ ገንዘብ ኸፊላ እንድሕር ዘይተሓከመት ግና በቲ ሕማም ተሳቕያ ንክትሞት 3 ወርሒ ጥራይ ከምዝተርፋ ይነግሩዋ። ንሳ ግና 'ቲ ዘድልያ መጠን ገንዘብ ስለዘይነበራ ብጣዕሚ ሓዚና ኣምሪራ ትበኪ። ድሕሪ ቁሩብ ሰዓታት ግና እተን ነርስታት መፂአን ሕክምናኣ ክትቅፅል ከምዝተፈቐደላ ይነግርኣ። «ከመይ ኢለ'ሞ? ገንዘብ 'ኮ የብለይን» እንተበለተን፤ «ኹሉ ዘድልየኪ ገንዘብ ተኸፊሉልኪ 'ዩ» በላኣ።
✅ ነዚ ክትኣምን ኣይከኣለትን! "መን ኸፊሉለይ? ኣብዚ ከተማኮ ዘመድ የብለይን? ሰብ ዶ ተጋግየን ይኾና?" ...ብዙሕ እናሓሰበት እንተላ ሓደ ዶክተር መፀሞ «ብጣዕሚ እየ ዘመስግን» ኢሉ ሓንቲ ወረቀት ሂብዋ ኸደ። ኣይትፈልጦን! ሪኣቶ እውን ኣይትፈልጥን! እንታይ ከምዝበላ እውን ኣይተረደኣን! «ንምንታይ እዩ ዘመስገነኒ?» በለት። ነቲ ዝሃባ ወረቀት ዘርጊሓ እንተንብብ ግና «ብሓንቲ ብርጭቆ ፀባ ሙሉእ ሕክምናኺ ተሸፊኑ ኣሎ! ንዝገበርክለይ ነገር የመስግን» ይብል። ክትኣምን ኣይከኣለትን! ብኽልተ ኣዕይንታ ንብዓታ ይፈስስ ጀመረ። ቅድሚ ብዙሕ ዓመት ብፍቕሪ ሓንቲ ብርጭቆ ጸባ ዘስተየቶ ቆልዓ፣ ሎሚ ግና ንሱ ክረድኣ ዝኽእል ሓኪም ኾይኑ ከክንዲ ጸባ ሕይወት ሃባ። ብልባ እውን «ጎይታይ መዓረይ ስራሕካ ዘይምርመር፣ ደቅኻ ዘይትርስዕ፣ ናትካ ፍቅሪ ኣብ ሰብ ኹሉ በፂሑ እዩሞ የመስግነካ» ኢላ ኣንቃዕሪራ አመስገነት።
✝ ብዙሕ ጊዜ ንዝፈትውና እምበር ንዘይንፈልጦም ይኹን ንዝጸልኡና ሰባት ፍቅሪ ምሃብ ዓቅሊ ፅበት ይኾነና። እዚ ኹሉ ግን ነቲ ሕያዋይ መፍቀሪ ዝኾነ ንክርስቶስ ዘይምርኣይ እዩ። ገና ምስ ሓጢኣትና ከለና፣ ዘፍትው ነገር እኳ እንተይሃለወና እግዚአብሔር አብ ብሓደ ወዱ ብክርስቶስ ከምዘፍቀረና ምፈለጥና፣ ፍቅሪ ውህብቶ እምበር ልቃሕ ወይድማ ውዕለታ ከምዘይኮነ ምተቐበልና። ሰባት እንፈትዎም ንክፈትውና ዘይኮነስ ጎይታ ክርስቶስ ፀላእቱ እናሃለና ምስ ሓጢኣትና ክሳብ ሞት ስለዘፍቀረና እዩ። ፍቅሪ ድማ ዘየስተኻኽሎን ዘይረትዖን ነገር የለን። ብዙሓት ሰባት " #ብበትሪ እምበር #ብፍቕሪ " አይኣምኑን! ፍቕሪ ግና ኣሽምባይ ንሰብስ፣ ንጎይታ ክርስቶስ እውን ካብ መንበሩ ከወርዶን ክሳብ ሞት ከብጽሖን ዝኽእል እየ። #ፍቅሪ_ካብ_እግዚአብሔር ዝተቀበልናዮ #ውህብቶ እዩ! ካብ ፀላኢኻ ክትስወር እንደተደሊኻ ንፀላኢኻ ኣፍቅሮ! ፍቅሪ ዘይትነግሮ ነገር እንተሎ ሰይጣን ጥራሕ እዩሞ፣ ፍቅሪ ዝግብኦን ዘይግብኦን ሰብ የለንሞ ንኹሉ ፍቅሪ ንሃብ! #ፍቅሪ_ንኹሉ_ይረትዕ! ፍቅሪ ባዕሉ መሊሱ ብፍቅሪ ይምልስ!
©Binyam ZeChristos የካቲት 4 - 2016
✝ #ዝተበላሸወ_ድንች_ሒዝካ_ኣይትዝር ✝
📌 ኣብ ሓደ ዪኒቨርስቲ ናይ ሳይኮሎጂ (Psychology) ክፍለ ትምህርቲ ሓላፊት ዝኾነት መምህርት ነቶም ተምሃሮኣ ዕዮ(Assignment) ክትህቦም ደለየትሞ ንኲሎም ተምሃሮኣ ድንች ሒዞም ንክመፁ ነገረቶም! ኣብቲ ልዕሊ ድንች ድማ ናይ ዝፀልእዎ ሰብ ስም ንክፅሕፉ ብምሕባር፤ ዘምፅእዎ መጠን ድንች ድማ ብቁፅሪ እቶም ዝፀልእዎም ሰባት ንኽገብሩ ኣተሓሳሰበቶም። በዚ መሰረት ብኻልኣይ መዓልቱ ሕድሕድ ተምሃሮ ብቁፅሪ ዝፀልእዎም ሰባት፣ ዝተወሰኑ 5 ፣ ገሊኦም 8፣ ሓደሓደ ድማ 10 ድንቻት ብምሓዝ ኣብ ልዕሊኡ ድማ ናይ ዝፀልእዎም ሰባት ስም ፅሒፎም መፁ። እታ መምህርት ድማ ነዚ ሪኣ «ካብ ሎሚ ጀሚርኩም ንሓደ ሰሙን ነዘን ድንቻት ኣብ ቦርሳኹም ሒዝኹም ከምትዘሩ » ኢላ ኣዘዘቶም። ብትእዛዛ ዝተገረሙ ተምሃሮ ንሕቶኣ ብ"እሺ" ተቐበልዎ።
✅መዓልቲ እናወሰኸ ብዝኸደ ቊፅሪ እቲ ድንች እናተበላሸወን እናጨነየን ስለዝስካሕክሖም 'ቶም ተምሃሮ ጥርዓኖም ከቅርቡ ጀመሩ። ብፍላይ እቶም ብዙሕ ድንች ዝሓዙ ካብቲ ኽፉእ ጨና ብተወሳኺ፣ ኽብደት ወሲኹ ንምሽካም ከምዘፀገሞምን እናማረሩ ተናገሩ። እዚ ኹሉ ሓሊፉ ሰሙን ምስኾኖም፣ 'ቶም ተምሃሮ ነተን ድንቻት ንክድርብይወን ተፈቀደሎም። እታ መምህርት ድማ «እህ? ከመይ ነይሩ ዕዮኹም?» በለቶም። ኹላቶም ከጒረምርሙ ጀመሩ። «ዋይ! ሸኽሙ በዚሑ እናድኸመና ተፀጊምና! ካብቲ ኽብድቱ ድማ እቲ አፍንጫ ዝቖርፅ ጨንኡ!... አረ መከራ ኢና ቀኒና» በሉ ርእሶም እናነቕነቑ።
❇️ እታ መምህርት ድማ « ርኢኹም?! ኣብ ልብና እንሕዞ ቂምን ፅልኢትን እውን ልክዕ ኸምዚ እዩ! ፅልኢት ልቢ ሰብ ይምርዝ እዩ! ሕሊና ሰብ የበላሽው! ናብ እትኸዶ ቦታ ኹሉ እናተኸተለ ይርብሽ! ንሓንቲ ሰሙን ናይ ዝተበላሸወ ድንች ጨና ምዕጋስ ኣይከኣልኲምን! ብቂምታን ፅልኢትን ዝተመረዘን ዝተበላሸውን ልቢ፣ ዕድመ ልክዕና ሒዝና ንዘውር! ንምንታይ? » በለቶም!
💠ሓቂ እዩ! ሓንቲ ጠብታ መርዚ ንበርሚል ሙሉእ ፀባ ከምተባላሽዎ፣ ሓንቲ ቂምታን ፅልኢትን እውን ንንፁሕ ሕልናና ትምርዞን ተፅልሞን እያ! ስለዚ ፅልኢ ካብ ልብና ነውፅእ! ንሰባት እንፈትዎም ፅቡቅ ስለዝገበሩልና ወይም ስለዘይበደሉና እንተይኾነስ፣ እናበደልናዮን እናሕዘናዮን ብትዕግስቲ እናረኣየ ዘፍቅረና ጎይታ ስለዘለና እዩ! #ሓቀኛ_ፍቅሪ_ማለት ስሕተት ንዘይብሉ ንፁህ ሰብ ምፍቃር ማለት እንተይኮነስ፣ ንፁሕ ንዘይኮነ ወገን ብንፅሕና ምፍቃር ማለት እዩ። ሕንኡያ ለይፈድስ ወዲ ኣምላኽ እምበር ወዲ አድጊ ኣይኮነን! "ፍቁራተይ #ምፍዳይ ሕነ ናተይ እዩ፡ ኣነ ኽፈድዮ እየ #ይብል እግዚኣብሄር ጽሑፍ እዩ እሞ። ነቲ መዓትሲ ስፍራ ሕደጉሉ እምበር፡ #ባዕላትኩም ሕነ #ኣይትፍደዩ" (ሮሜ 12:19) ብቃልና እንናገሮን፣ ኣብ ፌስቡክ ብእንፅሕፎን ጽልኢትን ኽፍኣትን፣ ኣብ ቅድሚ ኣምላኽ ቐሪብና እንትንሕተት እንታይ ኢልና ኾን ኢና ክንምልስ?
❤️"ደቂ እቲ ኣብ ሰማያት ዘሎ ኣቦኹም ምእንቲ ክትኰኑ #ጸላእትኹም_ፍተዉ_ንዝረግሙኹ_መርቑ ! ንሱ ንኽፉኣትን ንሕያዎትን ጸሓይ የብርቕ፤ ንጻድቃንን ንሓጥኣንን ድማ ዝናም የዝንም እዩ እሞ፤ #ንዝፀልእኹም_ጽቡቕ ግበሩ። ስለቶም ዝጸርፉኹምን ዚሰጉኹምን ጸልዩ" ማቴ 5፡44-45 ❤️
©Binyam ZeChristos የካቲት 4 2016
✝ #ማርያም_ብቻ - #Only_Mery ✝
1.አምላክን የወለደች ክብርት እናት - ማርያም ብቻ!
2.ከመውለዳ በፊትም ሆነ ብኋላ ድንግል የሆነች - ማርያም ብቻ!
3.ከሰው ወገን ተለይታ መርገም ያልነካት - ማርያም ብቻ!
4.የእግዚአብሔር ሀገር ከተማ የተባለች - ማርያም ብቻ!
5.በድምጽዋ መንፈስ ቅዱስን የምትሞላ ንግስት- ማርያም ብቻ!
6.ጽንስ በማሕፀን የዘለለላት ብጽዕት - ማርያም ብቻ!
7.ያላፈውም የሚመጣውም ትውልድ የሚያመሰግናት - ማርያም ብቻ!
8.ጸሐይን ተጎናፅፋ ጨረቃን የተጫማች ልዩ እናት - ማርያም ብቻ!
9.በጌታ ሞት ያዘነውን ዓለም እንድታፅናና ጌታ የሰጠን ሥጦታችን - ማርያም ብቻ!
10.በስጋዋ፣ በነፍስዋና በሕሊናዋ በሶስት ወገን ድንግል የሆናች - ማርያም ብቻ!
11.ከፈጣሪ በታች ከፍጡራን በላይ የሆነች - ማርያም ብቻ!
12.ከፍጥረት ሁሉ ተላይታ አምላኳን "ልጄ" የምትል - ማርያም ብቻ!
13. ፍቅርዋ በልቤ የሚቀጣጠል አማላጅነትዋን ነፍሴ የሚመሰክርላት እናቴ - ማርያም ብቻ!
14.ከሰው ወገን 'ቤዛዊተ ዓለም' የሚል የጸጋ ስም ያላት - ማርያም ብቻ!
15.በንጉሱ ቀኝ ቆማ የምትማልድ ንግስት - ማርያም ብቻ!
16. ሰው ሁሉ እናታችን ጽዮን የሚላት - ማርያም ብቻ!
17. አባ ኤፍሬም ያወደሳት፣ አባ ሕርያቆስ ያመሰገናት፣ ቅ.ያሬድ የተቀኘላት እመቤት - ማርያም ብቻ!
18.ከሰው ወገን በስጋ ከሞት ተነስታ ያረገች ንጽሕት እናት - ማርያም ብቻ!
19. የመላእክት እህታቸው፣ የሰማዕታት አክሊላቸው፣ የመነኮሳት መመኪያቸው - ማርያም ብቻ!
20. ዘንዶው በሰው ልብ እንዳትቀረፅ ሊውጣት የሚፈልግ፣ ዘርዋንም ሊዋጋ የሚሻቸው ባለ ሁለት ክንፍ እመቤት - ማርያም ብቻ!
21. ጌታ ከፍጥረት ሁሉ ለይቶ "እናቴ" የሚላት - ማርያም ብቻ!
22.እንደ ማንኛውም ሰው ጸጋ ተካፍሎ ሳይሆን ጻጋ ሞልቶ ያላት የጻጋ ግምጃ ቤት - ማርያም ብቻ!
23.መለኮት ስጋዋንና ነፍስዋን ነስቶ የተወሐደላት - ማርያም ብቻ!
24. በቤተመቅደስ ኣድጋ ከመላእክት ጋር እየተጫወተች፣ ሰማያዊ ሕብስትና ጽዋዕ የተመገበች ንጽሕት - ማርያም ብቻ!
25. ከፍጥረት ሁሉ ተለይታ መንግስተ ሰማያትን የወረሰች ብቸኛዋ ወራሽ ንግስት - ማርያም ብቻ!
‼️ፍቅራን በልባችን ጣዕሟን ባንደበታችን፣ አንድነቷን በቤ/ክናችን ታሳድርብን‼️
©Binyam ZeChristos ጥር 20 - 2016
✝ « .... #ኣፈጣጥራ_ቅዱስ_ገብርኤል .... » ✝
1⃣ #መዓዝ_ተፈጢሩ:- እግዚአብሔር ኣምላኽ ፍጥረታት እንትፈጥር ካብ እሁድ ሰንበት ጀሚሩ ክሳብ ዓርቢ ኣብ ዘለዋ 6 መዓልቲታት 22 ፍጥረታት ብምፍጣር ዕለተ ቀዳም (ቀዳሚት ሰንበት) አዕረፈ። መላእኽቲ ዝተፈጠሩ ኣብታ ናይ መጀመርያ ናይ ፍጥረት መዓልቲ ዝኾነት ኣብ ዕለተ ሰንበት እንትኸውን፣ ንሰማይን ምድርን ምስ ፈጠረ ጸኒሑ ንመላእኽቲ ዝፈጠረሉ ምኽንያት እውን ሊቃውንቲ እንተብራህርሁ <ኣቐዲሙ ፈጢርዎም ተዝኸውን ነይሩ "ንሕና እውን ሓቢርናዮ ፈጢርና፣ ሓጊዝናዮ" ምበሉ ነይሮም> ይብሉ:: (አክሲማሮስ ገጽ 24)
📌ዘፍ1:1:- "እግዚአብሔር ብመጀመርታ ሰማይን ምድር ፈጠረ:: ምድሪ ድማ በረኻን ጥራያን ነበረት"
📌ዘጸ 20:11:- "እግዚአብሔር ብሽዱሽተ መዓልቲ ሰማይን ምድርን ባሕርን ኣብኣታቶም ዘሎ ኹሉን ገይሩ እዩሞ ብሻብዐይቲ መዓልቲ ከኣ ኣዕረፈ"
📌መዝ 33:6:- "ሰማያት ብቃል እግዚአብሔር ሰራዊቶም እውን በእስትንፋስ ኣፉ ተገብሩ"
2⃣ #ንምንታይ_ተፈጢሩ:- እግዚአብሔር ንመላእክቲ ዝፈጠረሉ ምኽንያት ስሙ ንክጽውዑን መንግስቱ ንኽወርሱን፣ ከምኡ እውን ንዓና ንደቂ ኣዳም ናብቲ መንግስቲ ኣምላኽ ንምእታው ንክራድኡን ንክሕግዙን እዩ:: እዚ ድማ ንዕኡ ንክጠቕምዎን ዝውስኹሉ ነገር ስለዘሎን እንተይኮነስ ስሙ ጸዊዖም ንከኸብሩን፣ ንዕኡ ተገዚኦም ምስኡ ንክነብሩን እዩ:: ስለዘድልዮም እምበር ስለዘድልይዎ ኣይፈጠሮምን!
📌ዕብ 1:14:- "ኩላቶም (መላእኽቲ) ንኣገለግሎት እቶም ምድሓን ክወርሱ ዘለዎም፣ ዝለኣኹ መናፍስቲ ኣገልግሎት ዶ ኣይኮኑን?"
3⃣ #ከመይ_ተፈጢሩ:- እግዚአብሔር ነቶም 22 ፍጥረቱ ብሰለስተ መንገዲ ዝፈጠሮም እንትኸውን ንሳቶም ድማ #ብኣርምሞ(ብሐልዮ-ብምሕሳብ)፣ #ብነቢብ (ብምንጋር)፣ #ብገቢር (ብስራሕ) እዮም:: መላእኽቲ ልክዕ ከም ምድርን ሰማያትን፣ ቃል እንተየውጽአ ብኃልዮ/ሐሳቡ/ ጥራይ ዝፈጠሮም ፍጡራን እዮም:: ሊቃውንቲ ነዚ እንትገልፁ «እምኃበ አልቦ ኀበ ቦ ፣ እምኃበ ኢምንት ኃበ ምንት - ካብ ምንም ነገር ናብ ሓደ ነገር» ይብሉ። ካልኦት ዝተረፉ ፍጥረታት ድማ ብነቢብ (ብቃሉ) ዝተፈጠሩ እንትኾኑ፣ ብገቢር ዝተፈጠረ ብሕታዊ ፍጥረት ድማ አዳም እዩ::
4⃣ #ካብ_ምንታይ_ተፈጢሩ:- መላእኽቲ ልክዕ ከም ሰማይን ምድርን ካብ ምንም (እም ኀበ አልቦ) ዝተፈጠሩ እዮም:: ናይ መላእኽቲ ባሕርይ ግና ልክዕ ከም ነፋሳት ፈጣናትን ረቂቓትን ስለዝኾኑ፣ ከም ሓዊ ድማ ሓየልትን ከምዝኾኑ ንምግላፅ ኣብ መጽሓፍቲ ነፋሳትን ሓውታትን ከምዝኾኑ ተጠቒሶም እዮም::
📌መዝ 104:4:- "ልኡኻትካ ነፋሳት፣ ኣገልገልትኻ እውን ሃልሃልታ ሓዊ ገበርካዮም"
📌3ይ መቃቢያን 2:10:- "ረቂቕ እትኸውን ካብ ነፋስን ሓውን ዝተፈጠርካ ንስኻ <ፈጣሪ ምድሪ እየ> ብምባል ትዓቢካ"
✅ነዚ ቃል ሊቃንውቲ እንትትርጉምዎ ድማ «እመሰ ተፈጥሩ እምነፋስ ወነድ እሞቱ ወእማሰኑ ከማነ - ካብ ነፋስን ሓውን ምተፈጠሩስ ከማና ምሞቱን ምበስበሱን» ይብሉና:: (አክሲማሮስ)
5⃣ #ናይ_ገብርኤል_አካል:- መላእኽቲ ዋላኳ አካል ዘለዎም እንተኾነ ኣካሎም ግና ከም ካልኦት ፍጥረታት እንተይኮነስ ረቂቕ፣ ብዓይኒ ዘይረአን ብኢድ እውን ዘይድህሰስን አካል እዩ:: ስለዝኾነ ድማ መላእኽቲ ኣይደኽሙን፣ ኣይጠምዩን ኣይፀምኡን፣ ኣይሓሙን፣ ኣይልወጡን፣ ኣይኣርጉን፣ ኣይሞቱን::
✅ #ክንፉ:- መላእኽቲ ዋላኳ ረቀቕቲ እንተኾኑ፣ ኣክናፍ ዘለዎም ከምዝኾኑ መጽሐፍ ቅዱስ ይነግረና:: እዚ ክንፊ ግና ከም ናይ ደርሆን ኣዕዋፍን ዝበለ ኽንቲት ዘለዎ እንተይኮነስ ረቂቕ ዝኾነ መንፈሳዊ ክንፊ እዩ::
📌ኢሳ 6:2 :- "ሱራፌል ቆይሞም ነበሩ:: ነፍሲ ወከፎም ሽዱሽተ ክንፊ አለዎ:: በቲ ኽልተ ንገጹ ይኸድኖ፣ በቲ ኽልተ ድማ ንኣእጋሩ ይኸድኖ፣ በቲ ኽልተ እውን ይነፍር ነበረ"
📌ሕዝ 10:5:- "ድምፂ ኣክናፍ ኪርቤል ድማ ከም ድምፂ እቲ ኹሉ ዝኽእል ኣምላኽ ክዛረብ ከሎ ኾይኑ ክሳብ እቲ ግዳማዊ ዓጸድ ተሰምዐ::"
6⃣ #በዝሒ_መላእክት:- እግዚአብሄር ንመላእኽቲ እንትፈጥሮም ብናትና ዓቕሚ ክቑፀሩ ዘይኽእሉ ብዙሓት ገይሩ እዩ ፈጢርዎም:: ብ100 ነገድ ዝፈጠሮም እንትኾን፣ ነዞም ነገዳት ድማ ኣብ 10 ማዕረጋት ኸፊሉ ኣብ 3 ዓለማት ኣቐመጦም። ሊቃውንት ቤ/ክ እውን ነዚ ንምርዳእ ሓደ ምሳሌ የቕርቡ:: «መላእኽቲ ቑፅሮም ዓለም ካብ ትፍጠር ጀሚሩ ክሳብ ሐዚ ካብ ዝዘነበ ጠብታ ዝናብ ቑፅሪ ኣዝዩ ዝበዝሕ እዩ» ይብሉ:: መጽሐፍ ቅዱስ እውን ነዚ ዘይቑፀር በዝሖም "ሽሕ ጊዜ ሽሕ" እናበለ ይገልፆ::
📌ዳን 7:10:- "ሽሕ ጊዜ ሽሕ የገልግልዎ፣ እልፊ ጊዜ እልፊ ድማ አብ ቕድሚኡ ቖይሞም ነበሩ"
📌ራእይ 5:11 "ድምፂ ብዙሓት መላእኽቲ ሰማዕኹ::ቑፅሮም ድማ ኣእላፍ ጊዜ ኣእላፍ፣ ኣሽሓት ጊዜ ኣሽሓትዩ"
7⃣ #ሥልጣን_ገብርኤል:- ቅዱስ ገብርኤል ካብቶም 10 ማዕርጋት ናይቶም #አርባብ ዝበሃሉ ሓለቓ እንትኸውን፣ ኣብታ 2ይቲ ዓለም ኣብ #ራማ ዝነብር ቅዱስ መልአክ እዩ።
©BinyamZeChristos ጥሪ 19 - 2016
ብዛዕባ ሕክምና ካብ ሓረስታይ ከምዘይንሓትት፣ ብዛዕባ ሕርሻ ድማ ካብ ጋዜጠኛ ከምዘይንጥይቕ፣ ብዛዕባ ፖለቲካ ካብ ሓደ ካህን ከምዘይንመሃር፣ ከምኡ እውን ብዛዕባ ኦርቶዶክሳዊት እምነትና ካብ ፖለቲከኛታትን "ምሁራን-ዓለምን" ንሰምዐሉ ጊዜ ኣይነበረን❗️የለን❗️ አይህሉን❗️
[ መጋቤ ሐዲስ #ሲራክ ገ/መስቀል ይበሃሉ። ዓይነ ሥውር ኾይኖም ሊቅ፣ ሰባኪ፣ ጠበቓ ቤ/ክ እዮም! ኣብ መቐለ ደብረ መዐዛ ኣቡነ አረጋዊ ላጪ ስብከተ ወንጌል! ሎመዓንቲ ኣብ ደብረ ሰላም ሚካኤል ወንጌል እንትዘርኡልና ካብ ዝሓሰብኮ ]
#በእንተ_ጥምቀት - 10 ነጥቢታት ~ #Part 1
📌1) ጥምቀት ካብቶም 9 ዓበይቲ ናይ ጎይታ በዓላት ሓደ እዩ። 'ቶም ካልኦት ድማ ጽንሰት (መጋ 29) ፣ ልደት (ታሕ 29)፣ ጥምቀት (ጥሪ 11)፣ ደብረታቦር (ነሓሰ 13)፣ ሆሳዕና፣ ስቅለት፣ ትንሳኤ፣ ዕርገት፣ ጰራቅሊጦስ እዮም።
📌2) ጎይታ ዝተጠመቐሉ ምኽንያት ከማና "ወዲ አምላክ" ንምዃን እንተይኮነስ፤ 1- ንዓና ኣርኣያ ኾይኑ ጥምቀት ንክምስርተልና። 2-ኣብ ዮርዳኖስ ተቐቢሩ ዝነበረ ናይ ዕዳ ደብዳበ ብአካሉ ረጉፁ፣ ብመለኮቱ ኣቕሊጡ ንክድምስስ እዩ።
📌3) ጥምቀት 8 ወገን እንትኸውን 4 ምሳሌታት፣ 4 ሓቀኛታት እዮም። እቶም ምሳሌታት:- ብኖኅ ዘመን ምድሪ ብማይ ዝተሓፀበቶ ጥምቀት፣ እስራኤላውያን ብደመናን ብባሕሪ ኤርትራን ዝተጠመቑዎ፣ ኢያሱን ካህናትን እእጋሮም ኣብ ዮርዳኖስ ኣእትዮም ብምጥማቖም፣ ናይ ዮሐንስ ናይ ንስሐ ጥምቀትን እየን።
📌4) እተን 4 አማናውያን (ናይ ሐዲስ ኪዳን) ጥምቀታት ድማ ደቂ አምላኽ ትገብረናን "መዝገበ ትውልድ ፍቁራን" እትበሃል ናይ ጎይታ ጥምቀት፣ ትምቀት ንብዓት ንስሐ፣ ጥምቀት ደም ሰማዕታት ፣ ናይ ሓዊ ባሕሪ እዮም።
📌5) ጎይታ ኢየሱስ ንክጥመቕ ናብ ባርይኡ ናብ ዮሐንስ ምኻዱ ን2 ምክንያት እንትኸው፣ 1- ጽድቂ ንምፍፃም (ንትሕትና) 2- ንዓና ድማ አርአያ ንምዃን:- ነገስታትን ሃፍታማትን "ንዑ ደቅና አጥምቑልና" እናበሉ ንካህናት ንከይፅውዑ፣ እኳ ደኣስ ከም ጎይታ ናብ ካህናት ኸይድና ንክንጥመቕን ንክነጠምቕን እዩ።
📌6) ካብ ኲሎም ገረባት ፈልዩ ኣብ ዮርዳኖስ ዝተጠመቐሉ ምክንያት ትንቢቱን ምሳሌኡን ንክፍፅም። ትንቢቱ ብዳዊት "ባሕሪ ርእያቶ ሀደመት። #ዮርዳኖስ_ንድሕሪት ተመልሰ።"(መዝ 114:3) ተብሂሉ ዝተነገረ እዩ።
📌7) ምሳሌታቱ ድማ: 1-አብርሃም ዮርዳኖስ ተሻጊሩ ንመልከጸዴቅ ከምዝረኸቦ ንሕና እውን ብጥምቀት ናብ ካህናት ከምንኸይድ ምሳሌ (ዘፍ 14:17) 2-ኢዮብ ሰብነቱ ብቑስሊ ምስሓመመ ኣብ ዮርዳኖስ ተጠሚቑ ከምዝደሓነ፣ አዳም እውን ብጥምቀት ጎይታ ካብ መርገም ከምዝነፅህ ምሳሌ ።(ኢዮብ 42:12) 3-እስራኤላውያን ዮርዳኖስ ተሳጊሮም ዝተመንይዋ ምድሪ ከነዓን ከምዝወረሱ፣ ምዕመናን እውን ተጠሚቖም መንግስቲ አምላክ ከምዝወርሱ ምሳሌ። (ኢያሱ 3:13) ... 4-ኤልያስ ዮርዳኖስ ተሳጊሩ ናብ ብሔረ ሕያዋን ከምዝኣተወ፣ ንሕና እውን ብጥምቀት ሓሊፍና ገነት ከምንኣቱ ምሳሌ። (2ነገ 2:7) 5-ንዕማን ዝበሃል ለምፃም እውን ኣብ ዮርዳኖስ ተጠሚቑ ከምዝደሓነ፣ አዳም እውን ብጥምቀት ጎይታ ከምዝደሓነ ምሳሌ። (2ነገ 5:14) 6-ዮርዳኖስ ካብ ምንጫ እንትጅምር ሓንቲ ፍልፍል ኮይና ደሓር ግና «ዮር»ን «ዳኖስ»ን ናብ ዝበሃሉ ትኽፈል። ደሓር ድማ ሓንቲ ኾይና "ዮርዳኖስ" ትበሃል። ናይዚ ትርጉም ድማ ጎይታ ብምጥማቑ ተፈላልዮም ዝነበሩ ህዝብን አሕዛብን ብጥምቀቱ ሓደ ከምዝገብር ንምግላፅ እዩ።
📌8)ዮሐንስ ንጎይታ እንተጥምቖ "ንኻሊእ ብስምኻ የጥምቕ፣ ንዓኻ ግን #ብስም_መን_ከጥምቐካ እንትብሎ፣ ጎይታ ድማ "ወልዱ ለብሩክ ከሣቴ ብርሃን ተሣሃለነ፣ አንተ ካህኑ ለዓለም በከመ ሲመቱ ለመልከጸዴቅ" እናበለ ንከጥምቖ ነገሮ'ሞ አምላኽና ኢየሱስ ብማይ ተጠመቐ።
📌9)ብፅንዓት "ባሕረ ሓሳብ" መሰረት፣ ጎይታ ኢየሱስ ዝተጠመቐሉ ዘመን ዘመነ ማርቆስ፣ ወርሑ ጥሪ 11፣ መዓልቱ ሰሉስ፣ ሰዓቱ ለይቲ ወጋሕታ ሰዓት 10 ነይሩ።
📌10) ጎይታ ንምንታይ ብማይ ተጠሚቑ እንተይልና ትንቢቱን ምሳሌኡን ንክፍፅም እዩ። ትንቢቱ:- "#ጽሩይ_ማይ ክነጽገልኩም እየ እሞ ክትጸርዩ ኢኹም። ካብ ኵሉ ርኽሰትኩምን ካብ ኵሎም ጣኦታትኩምን ከጽርየኩም እየ" (ሕዝ 36:25) ዝብል እዩ። ምሳሌኡ ድማ እግዚአብሔር ካብ ማይ ብልቢ ዝሰሓቡ፣ ብእግሪ ዝሽክርከሩ፣ ብክንፊ ዝበሩ ከምዝፈጠረ (ዘፍ 1:20)፣ ከምኡ ድማ ካብ ጥምቀት እውን ዝሰሓቡ ምዕመናን፣ ብትሩፋት ዝሽክርከሩ ባሕታውያን፣ ብተመስጦ ዝበሩ ሰማዕታት ከምዘውፅእ ዘረድእ ምሳሌ እዩ።
#Part 2 ይቕፅል
©Binyam ZeChristos ጥሪ 11 - 2016
ታይ ንፅበ ኣለና?
ቃል አምላኽ ዝምህሩና ሉቃውንቲ እንትመፁ ብኽብሪ ምቕባል ንቡር እዩ። ብሊቅነቶም እነኽብሮም፣ ብአንደበተ ርቱዕነቶም እንፈትዎም መጋቤ ሐዲስ ሢራክ እውን ወንጌል ክምህሩና፣ ሕቶታና ንክምልሱልና ብYouTube መፂኦም ኣለው'ሞ ሓንቲ ጊዜ Click ገይርና Subscribe ብምግባር ዘለዓለማዊ ሕይወት ዘለዎ ቃል ኣምላኽ ንመሃር። ብዛዕባ ኦርቶዶክዳዊት እምነትና ንመሃር። ኣብ ጎኒ ሊቃውንቲ መምህራን ደው ንበል።
እምዶሞ ደኣ እንታይ ንፅበ ኣለና? በዚኣ እናኣተኹም Subscribe ካብ ምግባር ኣይንለግም።
https://youtu.be/B9TqSHt3Tgc?si=4LP6c5rPNkaoF_Xw
©Binyam ZeChristos ጥሪ 9 - 2016
❓ #ተገሪዝና_ዲና? ❓
ኣብ ቤ/ክ ናይ ጎይታ 9 ዓበይቲ በዓላትን 9 ንኡሳን በዓላትን እንትህልዉ ካብቶም ንኡሳት በዓላት ዝበሃሉ ሓደ ሎሚ ጥሪ 6 ዝኽበር እዩ - ግዝረተ ኢየሱስ!! ሕጻን ወዲ ኣብ 8ይ መዓልቱ ተገዚሩ ህዝቢ እግዚአብሔር ንክኾን ዝነበረ ኦሪታዊ ትእዛዝ (ዘፍ 17:12 ፣ ዘሌዋ 12:13) ብትሕትና ንክፍፅም ጎይታ-ሙሴ ኢየሱስ ኣብ 8ይ መዓልቱ ተገዘረ::
ናይ ጎይታ ኢየሱስ ግዝረት ግና ንዓኻ ንዓኺን ንዓየን ዓብዪ ትርጉም ይህበና:: ንሱ ንዓይ ክብል ብሥጋ ካብ ተገዘረ ኣነ ድማ ብመንፈስ ልበይ ክግዘር ኣሰር ገደፈለይ:: ነዚ እዩ ነቢይ ኤርሚያስ "#ንእግዚአብሔር_ተገረዙ! ናይ #ልብኹም_ሸለፈት እውን #ኣወግዱ" ዝብለና:: (ኤር 4:4)
ኦሪት ኣወዳት ጥራሕ ክግረዙ ትእዝዝ፣ ክርስቶስ ግን ኹሎም ክርስቲያን ክግረዙ ይእዝዝ! ኦሪት ሥጋኻ፣ ክርስትና ግና ልብኻ ክትግረዝ ትሕግግ! ኦሪት ብበሊሕ መላፀ፣ ወንጌል ግና ብኽልተ ገጽ ካብ ዝበልሐ ሰይፊ ኣዝዩ ብዝተስሓለ ብቃል ኣምላኽ ክንግረዝ ትድንግግ! (ዕብ 4:12)
ከም ናተይ ብደርፊ ዝረኸሰ፣ ብፀርፊ ዝረሰሐ፣ ብሓሜት ዝተኣስረ፣ ብማሕላ ዝተቖረነ ኣንደበት ዶ ኣለኩም? እዚ እዩ ዘይተገረዘ መንነት ማለት! በደል እናቖፀረ ዝቕየም፣ ሕነ ንክፈዲ ድቃስ ዝስእን፣ ኣብ ልዕሊ ሓው ኽፍኣት ዝፍሕስ፣ ይቕሬታ ምግባር ሽንፈት ዝመስሎ ልቢ እንተሃልዩና ብጎይታ ክርስቶስ ተዘይተገሪዙ ፈውሲ የብሉን::
©Binyam ZeChristos ጥሪ 6 - 2015
📌የአእላፋት ዝማሬን
Al Jazeera
USA Today
China State-controlled media (cgtn)
The Citizen
The Boston Globe
NOS (Nederlandse Omroep Stichting)
Archive Africa
The Gurdian
Associated Press
በገጾቻቸው ላይ በፎቶና በቪድዮ ዘግበውታል::
ናብቲ ሓዊ ንኽድ
እቶም 3 ህፃናት ናብ ዘለውዎ፣ ዕልልታ እምበር እውያት ናብ ዘይብሉ፣ ሃልሃልታ እምበር ምቅፃል ናብ ዘይባሕርዩ ሓዊ ንኺድ። እዚ ሓዊ ሓዊ እንትኣትዎ ዝጉህርን ዝቀፃፀልን ኣይኮነንም እኳ ደኣስ እሳታዊ ገብርኤል እንትኣትዎ ናብ ማይ ዝልወጥ፣ መናእሰይ እናዘመሩ ዝሕምስሉ ፍሉይ ሓዊ! እሞስ ናብዚ ሓዊ ንኺድ!
ኣብዛ ሓዊ ናይ ድሕነት መልአኽ ገብርኤል ኣሎ! እዜ ጓህሪ እቶም 3 ቅዱሳን መናእሰይ ብዝማሬ ይምለላሱላ ኣለው። ኣብዛ ነበልባል ስብሐተ እግዚአብሔር ይፈስስ ኣሎ። እዛ ሓዊ #ቤተክርስቲያን እያ። መለኮታዊ ዝኾነ ሥጋን ደምን ዝፍተተላ፣ ገብርኤል ዝኸብረላ፣ ምዕመናን ብዝማሬ ዝሕምሰላ ቤ/ክ እያሞ ንዑ ንኺድ ናብቲ ሓዊ! ምስቶም ህፃናት ብማህሌት ንሕደር! ነቲ ቅዱስ መልአኽ እናዘመርና ብሓባር ኣብ መቕደሱ ንሕደር!
©Binyam ZeChristos ታሕሳስ 19 - 2016
‼️ሰብአ ሰገል ‼️
ዘለናዮ ሰሙን ብርሃን እዩሞ ፣ ነቶም ኣብ ትግራይ የብርሁ ዘለው ፋኑሳት ክዝክር ፈተኹ። እዞም ኣሕዋት ዝጠመየ ህዝቢ እንትሪኡ ከም ካልኦትና "ምፅ" እትብል ምምጣጥ ከንፈር ጥራሕ ክልግሱ ኣይደለዩን። ትግራይ ማለት ንዕኦም ኣብ ማሕበራዊ ሚድያ ዝፍከረላ እንተይኮነትስ ኣብ ማእኸል ህዝቢ ወሪድኻ እትረኽባ ምዃና ዝኣመኑ እዮም። ናይ ትግራይ ጥምየት ኣብ ፌስቡክ ካብ ዝግበር like ኾነ share ንላዕሊ ምዃኑ ዝተገንዘቡ እዮም። ለውጢ ድማ ካብ ርእስኻ ዝጅምር ምዃኖም ዝፈለጡ እዮም'ሞ ብዙሕ ነገሮም ገዲፎም ብጥምየት ንዝፀልመተት ትግራይ ከብርሁ ዝተወልዑ ፋኑሳት እዮም ተበልኹ ዝንእሶም እምበር ኣይበዝሖምን። ሰለስቲኦም ኣሕዋትና ንዓይ ነቶም 3 ሰብአ ሰገል ይመስሉኒ።
«ሰገል - ጥበብ» ፣ ሰብአ ሰገል ማለት ድማ ሰብ ጥበብ፣ ሰብ ሞያ ማለት ከምዝኾነ፣ እዞም ኣሕዋትና እውን ነናይ ባዕሎም ሞያ ዘሓዙ፣ ፊደል ዝቖፀሩሉን ደሞዝ ዝረኽቡሉን ስራሕ ዘለዎም እምበር ስራሕ ስለዝፈትሑ ከርተት ዝብሉ ኣይኮኑን። ሰብአ ሰገል ነቲ እንኮ መድሓኒትን ጎይታ ዝኾነ ክርስቶስ ክሪኡን ከኽብሩን ብብዙሕ ድኻም ካብ ምብራቕ ናብ ቤተልሔም ኸይዶም እዮም። እዞም ኣሕዋትና እውን ንዝኸበረ ህዝቢ ትግራይ ክሪኡን ከኽብሩን ካብ መቐለ ብብዙሕ ድኻምን ቑርን ናብ አበርገለን ካልኦት ከባቢታትን ከርተት ዝብሉ እዮም።
ሰብአ ሰገል ንክርስቶስ ኣብ ደምበ ምስረኸቡዎ ካብ ዘለዎም ወርቂ፣ ዕጣንን ከርቤን ህያብ ከምዝሃቡዎ ኹሉ፣ እዚኣቶም እውን በቢፀግኦም ብምልዕዓል፣ ብምትሕብባር፣ ኣብ ማ/ሚድያ ብምንቕቓሕን ናብቲ ቦታ ሓገዝ ብምውሳድን ይሳተፉ ኣለው። ክርሳዕ ዘይግባእ ሓደ ምሥጢር ድማ ኣሎ። ሄሮድስ ንጉሥ! ሰብአ ሰገል ናብ ክርስቶስ እንትመፁ ንሱ እውን "ምስረኸብኩሞ እነ እውን ንኽሰግደሉ ንገሩኒ" ኡሉ ነይሩ። ምስኣቶም ተፀጊዑ፣ ንኢየሱስ ቐቲሉ ኽብሪ ክርስቶስ ክወስድ ዝበሃገ ንጉሥ። ልክዕ ከምኡ ነዞም ኣሕዋትና ከዐንቅፉን ከሰናኽሉን ዝደልዩ አካላት ከምዝህልው ፍሉጥ እዩ'ሞ ኣጆኹም ንበሎም። ስለዚ ነዞም ኣብዛ ወሳኒት ሰዓት ወሳኒ ስራሕ ይሰርሑ ንዘለው አሕዋትና፣ ምስኦም እኳ ተዘይሰራሕናን ተዘይደኸምናን፣ «ነመስግነኩም ፣ ትግራይ ተመስግነኩም» ንምባል ግን ኣይንስነፍ። እንሆ ኣሕዋተይ ትግራይ ተመስግነኩም‼️
«ሰናይ #ንዝገብር ዘበለ ዂሉ ግና ግርማን ክብርን ሰላምን ክውሀቦ እዩ» [ሮሜ 2:10]
©Binyam ZeChristos ታሕሳስ 17 - 2016
‼️ዕረፍቱ ለአቡነ ሳሙኤል ዘዋልድባ ‼️
[ጻድቕ አቡነ ተክለሃይማኖት => አቡነ መድኃኒነ እግዚእ => አቡነ ሳሙኤል ዘዋልድባ]
📌 ኣቡኡ እስጢፋኖስ፣ እንኡ አመተ ማርያም እንትኾኑ፣ ኣብ መበል 14 ክ/ዘመ ቅድሚ ደቂቀ እስጢፋኖስ ምልዓሎም ኣብ #ኣኽሱም ዝተወለደ ጻድቅ እዩ።
📌 ምስ ዓበየ ግና ምንኲስና ህይወት ብምምራፅ ናብ ደብረ በንኰል አቡነ መድኃኒነ እግዚእ ብምኻድ ገዳም ኣትዩ ፣ ቃል ኣምላኽ እናተምህልረ፣ ወንጌል እናንበበ፣ ገድለ ቅዱሳን እናሰምዐ ብጸሎት፣ ብጾም፣ ብስግደትን ብአገልግሎትን ዝተፀመደ ኾነ። ካብ አቡነ መድኃኒነ እግዚእ ድማ ምስ ካልኦት 6 ቅዱሳን ብጾቱ መንኮሰ።
📌 እግዚአብሔር ምስኡ ስለዝነበረ እውን ኣብ በረኻ አራዊት ኣይተናኾልዎን ነይሮም፣ ክትወልድ ዝቐረበት ኣንበሳ እውን ክሳብ ምውላድ ዝበፅሑ፣ "ጻድቕ ንእስንስሳ ነፍሲ ይርህርህ" (ምሳሌ 12:10) ዝብል ቃል ተግባራዊ ዝገበረ ጻድቕ እዩ።
📌 አቡነ ሳሙኤል ናብ ዋልድባ ገዳም ብምኻድ ከም ብሓዱሽ ንክግደም ዝገበሩ፣ ደብረ ዓባይ ገዳም እውን ዝገደሙ፣ ሥግኦም ንፈጣሪ ንክርስቶስ ዘግዝኡ እዮም እሞ አራዊት ይእዘዙሎም ዝነበሩ፣ ኣብ ልዕሊ ኣንበሳ ኾይኖም ይጎዓዙን ይምህሩን ዝነበሩ ጻድቕ እዮም።
📌 አባ ሳሙኤል ብዘመኖም ካብ ግብፂ ናብ ኢትዮጵያ ዝመፁ ዓብዪ ጻድቕ ሰብ አቡነ #ገብረ_መንፈስቅዱስ ከምዘለው ሰሚዖም፣ ካብ ትግራይ ናብ ሸዋ ኦሮሚያ ፣ ናብ ምድረ ከብድ ገዳም ብምኻድ ካብ አቡነ ገ/መንፈስ ቅዱስ ተባሪኾም እዮም።
📌 ናይ ክርስቶስ ፍቕሪ ንዘለዎ ሰብ ናይ እምመብርሃን ፍቕሪ ይውሰኸሉ እዩሞ፣ ናይ ድንግል ማርያም ውዳሴኣ ምስ ቅዳሴኣ ኣተሓባቢሩ ይጽሊ ስለዝነበረ፣ እም ብርሃን ድማ ተገሊፃ ንኽብሩ #ዕጣን ንክህነቱ፣ #ዕንቊ ንንፅህንኡ ምሳሌ ክኸውን ሃበቶ። "ከማኻ ውዳሴይ ምስ ቅዳሴይ ኣተሓባቢሩ ዝፅሊ ከማኻ ክባርኾ እየ" ኡላ ድማ ቃልኪዳን ኣተወትሉ። ሎሚ ዋልድባ ገዳም፣ ደብረ ዓይን ውዳሴኣን ቅዳሴኣን ተይተፀለየ ኣይሕደርይ።
📌 እንሆ ዕረፍቶም ምስቲ ዝፈቱዎን ይሕዞም ዝነበረን ቅዱስ ሚካኤል ኣብ ዝኸብረላ ዕለት፣ ታሕሳስ 12 ኣብ ዋልድባ ገዳማት፣ ደብረ ዓባይ /ከባቢ ሽረ/፣ አብ ደብረ በንኰል መድኃኒነ እግዚእ ገዳም፣ አብ ደብረ ሊባኖስ አቡነ ተ/ሃይማኔት ገዳም ብድምቀት ይኽበር።
©Binyam ZeChristos ታሕሳስ 11 - 2016