2518
ከእውነት ማዕድ ተቆርሰው፣ ከጥሩ ምንጭ ተቀድተው፣ ለሕይወተ ሥጋ ወ ነፍስ የሚሆኑ፣ ወደ ክርስቶስ የሚጠቀልሉ ኦርቶዶክሳዊ ትሩፋቶችና፣ በኦርቶዶክሳዊ መነጽርነት የሚታዩ የተለያዩ እይታዎች ይቀርቡበታል።‼️ ኣስተያየት ለመስጠት => @ZeChristosComments_Bot
https://youtu.be/WoHVcOVP0Tw?si=VRRE54oD4GLdGziG
Читать полностью…
በዓል ኣሸንዳ ብመዝሙር ምኽባሩ ዝቃወሙ አካላት 3 መሠረታዊ ምክንያት ኣለዎም።
1⃣ ትንሳኤኣ ዘይኣምኑ:- ድንግል ማርያም ካብ ምት ከምዝተሰአት ዘይኣምን ሰብ፣ አሸንዳ ብመዝሙር ንክኽበር ኾነ ትንሳኤኣ ንክስበኽ ኣይደልን። ስለዚ ድማ "ኣሸንዳ ባህሊ እዩ" እናበለ ይቃወም። ካብ ኦርቶዶክስ ወፃኢ ዘለው ኣካላት ዝቃወሙሉ ምኽንያት እዚ እዩ። ከምዚ ዓይነት ሰብ ቕድሚ ኹሉ ናይ ድንግል ማርያም ትንሳኤን ዕርገትን ብምትንታን እነረድኦም እዮም።
2⃣ እንታይነት ኣሸንዳ ዘይተረድኡ:- እዚኣቶም ዋላ ብትንሳኤ ድንግል ማርያም ዝኣምኑ ኾይኖም፣ ፍልሰታ ጸይሞም ይውድኡ፣ ነገር ግን ኣሸንዳ ምስ ትንሳኤኣ ኣይራኸብን ዝብል ታሪካዊ ሙግት የልዕሉ። ናይ ብሉይ ኪዳን በዓል ከምዝነበረ ንምግላፅ ዝፍትኑ እውን በዚ ምክንያት እዩ። ነዚኦም ድማ ኣብ ኣሸንዳ ዘለው ሕድሕድ ነገራት ከመይ ምስ ትንሳኤኣን ኦርቴዴክሳዊነትን ከምዝራኸብ ብምብርህራህ ዝምለሱ እዮም።
3⃣ ንባህሊ ዝግደሱ:- እዚኦም ድማ ኣሸንዳ ምስ ትንሳኤኣ ዝራኸብን ሃይማኖታዊ በዓል ምኻኑን ዝቕበሉ ክኾኑ ይኽእሉ። ነገር ግን ኣሸንዳ ብመንፈሳዊ መልክዑ እንተኽቢርናዮ እቲ መግለፂ ተጋሩነትና ዝኾነ ባህልና ከይጠፍእ፣ ህዝብና ምንነት ከይስእን ብዝብል ሓሳብ እዩ። ነዚኣቶም ድማ ፣ ኣብ ኣሸንዳ ዘለው ዳርጋ 90% ዘለው ባህሊ ተንከፍ ትውፊታት ምስ ሃይማኖት ዝጠዓዓሙ፣ ዘይጋጨው፣ ክንሕልዎም ክንዕቅቤምን ዘለና ባህልታትና ምኻኖም ክንነግሮም ይግባእ። እታ ክትተርፍ እንደልያ እታ ቃል አምላክ ዝቃወማ ደርፍ፣ ጓይላን ስዕስዒትን ምኻኑ ብልዝብ ቃል ብምርዳእ ክንምልሶም ንኽእል።
©Binyam ZeChristos ነሓሰ 15 - 2016
ድንግል ማርያም ከምዝተሰአትን ከምዝዓረገትን ዘለና መጽሐፋውን ታሪካውን መርትዖታት!
Biblical and historical arguments for the Assumption of our Lady Theotokos
https://youtu.be/ezSkfhXbifA?si=7_feYyHqD9Sk1lG2
© Binyam ZeChristos
ፍልሰታ 2:-ኣብ ዙርያ ትንሳኤ ድንግል ማርያም ዝለዓሉ ሕቶታትን መልሶምን
https://youtu.be/NHsFC4jSmCM?si=MZDLEkDX1194bQHV
https://vm.tiktok.com/ZMrVYrruC/
Читать полностью…
‼️ህፁፅ ህያብ ብርሃን ‼️
ኣብ ደቡብ ትግራይ ኣብ ዝርከባ 2 ወረዳታት ጥራሕ (ኣብ ቦራን፣ ስለዋን) 60 ዝኾና አድባራትን ገዳማትን ምንም ዓይነት መብራህቲ የብለንን። ጧፍን ሽምዓን ዝገዝኡሉ ቅርሺ ስለዘየለ እውን ብሰንኪ እዚ ጸሎትን ቅዳሴን ካብዝተርፍ ውዒሉ ሓዲሩ ኣሎ። ብፍላይ ድማ ንጾመ ፍልሰታ ንጸሎትን ቅዳሴን መፀገሚ ኾይኑ ኣሎ።
በዚ መሠረት ንሓንቲ ቤ/ክ ዝኸውን ብጸሐይ ዝሰርሕ ሓደ መብራህቲ (Solar Light) ንምግዛእ፣ ክሳብ 15 ሽሕ እንትኸውን፣ ንኹለን 60 አድባራትን ገዳማትን ድማ ብጠቕላላ ከባቢ 900 ሽሕ የድልይ። ስለዚ እንታይ ንግበር? ስቕ ኢልና ንቖዝም? ኣብ ማሕበራዊ ጉዳይ ኣጀንዳ ካብ ምግባር ሓሊፍና እንታይ ንግበር?
ካብ ወረዳታት ቦራን ስለዋን ብዝመፀና ናይ "ሓግዙና" ፃውዒት መሠረት አድላዪ ሓገዝ ንምግባር «ኮሚቴ ተራድኦ ፍኖተ ጽድቅ» ምስ «ማሕበር ኣለና ደቕኺ» ብሓደ ብምዃን፣ ሠሉስ 30/11/12 ብTiktok LIVE መተኣኻኸቢ እቶት ክግበር እዩ። ሰባክያን ብዛዕባ ጾመ ፍልሰታ ክምህሩና፣ ዘማርያን ድማ ምስጋና ድንግል ማርያም ከቕርቡልና እዮም'ሞ ኹላትና ንሳተፍ።
📌ማሕበር ኣለና ደቅኺ
CBE 1000633345418
‼️አቡነ ሰላማ ኣብ ምድሪ ዘሎ ይፈልጡ ዶ‼️
ሎመዓንቲ ኣብ ብዙሕ ቦታ በዓለ ዕረፍቶም ኣኽቢርና፣ ብዙሕ ዝማሬን ልመናን ዘቕረብናሎም ጻድቅ ኣቦና አቡነ ሰላማ ኣብ ሰማይ ኾይኖም ኣብ ምድሪ ንዘለና ከምዝሰምዑና መጽሐፍ ዝመስከሮ ሓቂ እዩ። ከመይ ኢሎም? ዝብል ብመርትዖ ንርኣዮ!
📌ኣቦና አብርሃም ምስ ሞተ ድሕሪ ኣማኢት ዓመታት፣ 2 ድኻን ሃፍታምን ዝነበሩ ሰባት ሞይቶም ሓዲኡ ናብ ሲኦል፣ ሓዱኡ ድማ ናብ ሕቑፊ አብርሃም ኣተወ። አብርሃም ነቲ ኣብ ሲኦል ዝነበረ ሰብኣይ ከምዚ በሎ።
1⃣ ሉቃ 16:25 «ኣብርሃም ድማ “ወደይ፥ ንስኻስ #ብህይወትካ_እንተለኻ፥ ኣብ #ምቾት ከም ዝነበርካ፥ ኣልኣዛር ግና ኣብ #ስቓይ ከም ዝነበረ ዘክር። ሕዚ ንሱ ኣብዙይ ይሕጐስ ኣሎ፤ ንስኻ ግና ትሳቐ ኣለኻ»
👉 እዞም ሰባት ኣብ ምድሪ እንታይ ዓይነት ህይወት ከምዝነበሮም፣ ሓዲኡ ብምቾት ሓዲኡ ብስቓይ ከምዝነበሩ አብርሃም ኣብ ሰማይ ኾይኑ ከመይ ፈሊጡ? ቅዱሳን ኣብ ሰማይ ኾይኖም እውን ኣብ ምድሪ ዘሎ ነገር ንኽፈልጡ ጸጋ ስለዝተውሃቦም እዩ‼️
2⃣ ሉቃስ 16:29: ኣብርሃም ድማ “[ኣብ ምድሪ ዘለው ኣሕዋትኻ] ሕጊ ሙሴን ነቢያትን ኣለዉዎም፤ ንዓኣቶም ይስምዑ” በሎ።
👉 ሙሴን ነቢያትን ዝተፈጠሩ ፣ አብርሃም ምስ ሞተ ድሕሪ 500 ዓመታት እዩ፣ ብአካል ኣይፋለጡን። ከመይ ኢሉ ደኣ አብርሃም ኣብ ምድሪ ሙሴን ነቢያትን ዝበሃሉ ከምዝተልዓሉ ፈለጠ? ቅዱሳን ኣብ ሰማይ ኾይኖም እውን ኣብ ምድሪ ዘሎ ነገር ንኽፈልጡ ጸጋ ስለዝተውሃቦም እዩ‼️
@Binyam ZeChristos ሓምለ 26 - 2016
‼️አቡነ ተክለ ሃይማኖት ይሰምዑና ዶ?‼️
አቡነ ተክለሃይማኔት ኾኑ ኹሎም ንክርስቶስ ዝመስሉ ቅዱሳን፣ ብጸጋ መንፈስ ቅዱስ ኣብ ሰማይን ምድርን ኾነ ኣብ ትሕቲ ምድሪ ዘሎ ፍጥረት ኹሉ ዝፅልዮን ዝዝመርን ይሰምዑ እዮም።
ቅዱስ ዮሐንስ ወንጌላዊ ምስክርና እዩ ‼️
📌ራእይ 5:13: እቶም ኣብ ሰማይን፥ ኣብ ምድርን፥ ኣብ ትሕቲ ምድርን፥ ኣብ ባሕርን፥ ኣብኣቶም ዘለዉ #ዅሎም_ፍጡራን ድማ፦ “ውዳሴን፥ ክብርን፥ ግርማን፥ ስልጣንን፥ ነቲ ኣብ ዙፋን ተቐሚጡ ዘሎን፥ ነቲ በጊዕን ይኹን” እንትብሉ #ሰማዕኹ።
©Binyam ZeChristos ሐምለ 24 - 2016
‼️ማርያም - አምላክ ዘበጸጋ‼️
ከም መጽሐፍ ቅዱስ ትምህርቲ፣ ኣዴና ወላዲተ አምላክ ብዘለዋ ጸጋ "አምላክ" ክትበሃል ትኽእል ዶ?
1⃣ ሙሴ አምላኽ ተባሂሉ ካብተፀወዐ፣ ማርያም ኸ?
👉ዘጸ 7:1:- እግዚኣብሄር ድማ ንሙሴ ኸምዙይ በሎ፦ “እንሆ፥ ኣነ #ኣምላኽ_ፈርዖን ገይረካ እየ፤ ኣሮን ሓውካውን ነቢይ ይኹንካ።
2⃣ አይሁዳውያን አማልኽቲ ኢኹም ካብ ተብሃሉ፣ ማርያም ኸ?
👉 መዝ 82:6: ኣነስ፥ “#ኣማልኽቲ ኢኹም፤
ኵልኻትኩምውን ውሉድ እቲ ልዑል ኢኹም” በልኩ፤
3⃣ ቃል አምላኽ ዝመፀሎም ሰባት አማልኽቲ ካብ ተብሃሉ ማርያም ኸ?
👉 ዮሐ 10:35:- ነቶም ቃል እግዚኣብሄር ዝመፀሎም ‘#ኣማልኽቲ’ ኻብ በሎም፥
4⃣ ሰይጣን አምላኽ ካብተብሃለ፣ ማርያም ኸ?
👉 2 ቆሮ 4:4:- ንዓኣቶም #ኣምላኽ_እዛ_ዓለም እዚኣ ዝኾነ ሰይጣን፥ ብርሃን ወንጌል ምእንቲ ኸይሪኡ፥ ንልቢ እቶም ዘይኣምኑ ኣዕወሮ።
[ ካብ ቅዱሳን ኹሎም ናይ ማርያም ኽብሪ ይበልፅ - ቅዱስ ኤፍሬም ]
@Binyam Zechristos ሐምለ 21 - 2016
📌ቅዱስ ገብርኤል ኣብ ኩሉ ቦታ ይርከብ ዶ⁉️
ናይ ቅዱስ ገብርኤል በዓል ኣብ ሙሉእ ዓለም እንትነኽብሮ ምስ መኒና ውዒሉ? ከመይ ገይሩ ንኹልና ክርኢ ኾነ ክሰምዕ ይኽእል? እንተይልና መልሱ:- ቅዱስ ገብርኤል ኣብ ሙሉእ ዓለም ምስ ዘለና ሰባት #ክርከብን #ከድሕነናን ዝኽእል ዓብዪ መልኣኽ ምዃኑ መጽሐፍ ቅዱስ ስለዝናገር እዩ። ኸመይ? ብኣመክንዮ (Deductive Argument) ነቐምጣ!
#Premise 1:- «መልኣኽ እግዚኣብሄር ኣብ ዙርያ እቶም ዝፈርሕዎ #ይሰፍር #የድሕኖም ከኣ እዩ» (መዝ 34:7)
#Premise 2:- ንእግዚአብሔር ዝፈርሑን ካብ ብዙሕ ነገር ክድሕኑ ዝድለዩን ሰባት ድማ ኣብ ሙሉእ ዓለም እዮም ዘለው!
#Conclusion:- ስለዚ ቅዱስ ገብርኤል ኣብ ሙሉእ ዓለም ኾይንና ንጎይታ ንእንፈርሕን ንቅዱስ ገብርኤል ንእንፈቱን ኦርቶዶክሳውያን ኣብ ዙርያና ይሰፍር፣ የድሕነና ድማ እዩ።
©Binyam ZeChristos ሓምለ 19 - 2016
ቊርባን 1 - ክቖርብ ዝግቦኦ ሰብ መን እዩ?
https://youtu.be/wvpu2JaBoHg?si=JFniwT0UR69a8984
ኣነ:- ካባና ኣብሊፁ ክቐፅዖም ንዝኽእል ጎይታ ምፅባይ እናተገበአና፣ ብሓይልና ንቤተ እምነት ከሓድያን ክነፍርስ ምፍታንና ልክዕ ድዩ?
ንሱ:- ኣታ ወዲ "ትግራይ ኣሕሊፉ ከምዝህበና ጎይታ ብራእይ ነጊሩኒ" ፣ "ኣብ ትግራይ ዘሎ መንፈስ ወጊአዮ እየ ይብል ኣሎ አምላኽ" እናበሉ ንጨፍጨፍትና ዝመርሑ እዚኦምን ማህበር ቅርሱሳንን እንድዮም ግዲ?! ስለዚ ማሕበረ ቅርሱሳን ኾነ እዞም ከሓድቲ ዝዕንድሩላ ትግራይ ኣይትህልውን! ብሃይማኖት እንተይኮነስ ብሓርነት ረአዮ።
ኣነ:- ኣይተውሓጠለይን።
#ትርጉሙን_ምሳሌን_ሓርያ
ካብቶም ክርስቲያናዊ ትውፊት ዘለዎም ባህልታትና እቲ ሓደ ኣብ በዓል ሓዋርያ ዝስራሕ ሓርያ እዩ!
1. #ትርጉም_ኣሰራርሓ_ሓርያ
ሓርያ እንትስራሕ ዕረ (ዕረ ጣልያን) ደጋጊምኻ ቀጥቂጥኻ ብማይ ብምሕፃብን እቲ ክሪ መሳሊ ነገር ይወፅእ! ነዚ ክሪ መሳሊ ድማ አብ 3፣ 4፣ 5 ወይድማ 7 ብምኽፋል ይፍተል (ይእነም፦ ኡነ 3፣ ኡነ 4 ከምዝበሃል)! ኣብ ጫፉ ድማ ድምፂ ንክህብ ካብ ትርሽዋ ተፈቲሉ ዝእሰር #ነኳዒቶ ይንጥልጠል! ነቲ ሓርያ መትሐዚ ዝኸውን ዕንጨይቲ ድማ ኣብ ላዕሊ ይግበረሉ - #ለዓት ይበሃል። እዚ ኹሉ ግና መንፈሳዊ ትርጉም ዘለዎ እዩ! እቲ ሓርያ ናይ #ሓለንጊ_ሮማውያን ምሳሌ እዩ! ኣብ ጫፉ ንድምፂ ዝኸውን ነኳዒቶ ከምዝግበረሉ፣ ሓለንጊ ሮማውያን እውን ኣብ ጫፉ በላሕቲ ነገራት (ላማ፣ ሚስማር፣ ቁራፅ ሓፂን...) ይኣስሩ ከምዝነበሩን ስቃይ ሐዋርያት መስካሕክሒ ከምዝነበረን ዘረድእ እዩ! #አንድም ፦ ሓርያ ናይ ቅዱሳን ሐዋርያት ምሳሌ እንትኸውን፣ ብብዙሕ ምቕጥቃጥን ምጭፍጫፍን ሓርያ ከምንሰርሖ፣ ከምኡ እውን ሐዋርያት ብናይ አይሁድን አሕዛብን መከራ ሐሊፎም፣ ስግኦም ከም ሽንጉርቲ ተቀርዲዱ፣ ብእብኒ ተቀጥቂጦም፣ ብሰይፊ አፃብዕቶም ተቆሪፆም፣ ኣብ ዕንጨይቲ ተሰቂሎም ከምዝሓለፉ ምስክርነት ዝህብ መልእኽቲ እዩ!
✝ #ትርጉም _አሰራርሕኡ፦ እቲ 1 ሓርያ ካብ 3 ምፍታሉ፦ ምስጢረ ሥላሴ የምህረና! አምላኽና ብስም፣ ብአካል፣ ብግብሪ 3 እኳ እንተኾነ ሓደ አምላኽ እምበር 3 አምላኽ ከምዘየለ ንምርዳእ! ካብ ኡነ 4 እንትፍተል ድማ 4 ወንጌላት ከምዘለዋን ብዛዕባ ሓደ ጎይታ ከምዝምህራን ምሳሌ እዩ! ካብ 5 ወይድማ ካብ 7 እንትኸውን ድማ 5ቱ አዕማደ ምሥጢራት ወይድማ 7ቱ ምሥጢራተ ቤ.ክ ከምዘለዋ ነገር ግን ሓንቲ ቤተክርስቲያን ከምዘላ ዘመላኽት ምስጢራዊ ትርጉም አለዎ!
2⃣ #ትርጉም_አከባብራ_ሓርያ
በዓለ ሐዋርያት እንትነኽብር ሓርያን ዕንጉታን ሒዝና ናብ በረኻ ወይድማ ናብ ብርኽ ዝበለ ቦታ ብምውፃእ ነቲ ሓዋርያ ነንቱግ! ድምፁ ድማ ክሳብ ርሑቅ ቦታ ይስማዕ! እቲ ሓርያ እናተወቅዐ ድምፁ ክሳብ ርሑቅ ቦታ ከምዝስማዕ፣ ከምኡ ናይ ሐዋርያት ስብከቶምን ትምህርቶምን እውን ክሳብ ጫፍ ምድሪን ጸግዒ ዓለምን ከምዝበፅሐ ምሳሌ እዩ! ነዚ ድማ ቅዱስ ዳዊት ብትንቢቱ "ነገሮም ናብ ኵላ ምድሪ፣ ቃላቶም ድማ ክሳዕ ወሰን ዓለም ይወጽእ ኣሎ" ብምባል ገሊፅዎ እዩ! (መዝ 19፡4) እቲ ዝብላዕ ዕንጉታ ድማ፣ ናይ ሰማያዊ መንግስቲ ሽልማትን ዕረፍትን ዝገልፅ ምሳሌ አለዎ! ሐዋርያት ከም ጸሐይን ወርሕን እናብርሁ ብኽብሪ ደሚቆም ኣብ ገነት ከምዘለዉ ይነግረና!
✝ #አንድም እቲ ዕንጉታ ብቅዱሳን ሐዋርያት ስም ዝቀርብ #ዝኽሪ እዩ! በረኸቶም ንክሕልወና፣ ጸሎቶም ንከድሕነና እንምሕፀነሉ እዩ! ስለዚ እዩ ድማ ንሕና ምስ በላዕና #ፈውሲ_ነጎዳ እናተብሃለ ነቲ ዝተረፈ ናብ ገገዛና ሒዝናዮ ንምለስ! ዋላኳ ብስሑት ልምዲ #ፎሲ_ነጎዳ እንተተብሃለ፣ እቲ ፈውሲ ነጎዳ ማለት ግና ኣብ ሰነን ሐምለን ዝናብ ስለዘሎን በርቂ (ነጎዳ) እናበረቀ ንብረት ስለዘጥፍእን ሕይወት ስለዘሕልፍ፣ እቲ ብስም ሐዋርያት ዝተባረኸ ዕንጉታ ግና ካብዚ ሓደጋን መዓትን ፈውስን መድሓኒትን ከምዝኸውን ዝገልፅ ግሩም መልእኽቲ እዩ! ፈውሲ ነጎዳ‼️ መጽሓፍ ቅዱስ እውን ዝኽሪ ቅዱሳን ሐዋርያት በረከት ከምዘለዎ ኣረጋጊፁልና እዩ። "በረኸት አብ ልዕሊ ርእሲ ፃድቅ እዩ...መዘከርታ ጻድቕ ንበረኸት እዩ" ከምዝብል መጽሐፍ (ምሳሌ 10፡6-7) ቡሩኽ በዓል!
©Binyam ZeChristos ሐምለ 05 - 2015
ኢየሱስ አማላዲ ድዩ?
3ይ ክፋል
https://youtu.be/-8A5Jyzs7wQ?si=WPBd38yvL9Xqd7K2
‼️ #መብረቅ_መብረቀ_ይወልድ ‼️
መምህራን ምፍራይ ካብ ዝጅምር 22 ዓመቱ ዝረገፀ ናይ ትግራይ ብሕታዊ ናይ ሥነመለኮትን ትርጓሜ መጻሕፍትን መምህራን መፍረያይ ቤት ትምህርቲ እዩ፣ መንፈሳዊ ኮሌጅ ቅዱስ ፍሬምናጦስ አባ ሰላማ! ፅባሕ ቀዳም ካብ 3:00 ጀሚሩ ብዲግሪ፣ ብዲፕሎማ፣ ብርሕቐትን ትርጓሜ መጻሕፍትን ዘምሀሮም መምህራንን ሊቃውንትን ከመረቕ ምዃኑ እንትንሰምዕ፣ በዞም መምህራን እዚኦም ዝስነዱ መጻሕፍት፣ ዝምልኡ ጉድለታት፣ ዝቅደሱ ምዕመናን፣ ዝምለሱ መናፍቃን እናሓሰብና ብታሕጓስ ነፍስና ትዘልል።
ርግፅ እዩ እዚ ኮሌጅ ክንዲ እቲ እንፅበዮ ኣይፀንሐን። ተመሪቖም ዝወፁ መምህራን መናፍቃን ዝምልም መዶሻ ዝኾነ መጽሓፍ ክጽሕፉ እንትንፅበ፣ ተዘይኾነ ሕቶታት ዝምልስ ምሥጢር ዘደላድል ክስንዱ እንትንትስፎ ዝተሳኸዐልና ኣይመስልን። ኣብ ኣዲስ ኣበባ ብረዘንቲ ስብከቶም፣ ብዓሞቕቲ መጻሕፍቶም፣ ብዕቅበተ እምነት ሥራሕቶም ዝኽበሩ መምህራን ኣብ ቅ/ሥላሴን ቅ/ጳውሎስን መንፈሳዊ ኮሌጃት ዝተመረቑ እንትኾኑ፣ ኮሌጅና ግን ክንድቲ እንፅበዮ ዕጉባት ኣይኮናን።
ገለ ጊዜታት እውን ነይሮም ንአባጊዕ ከድሕኑ ዝተተስፈናሎም ንባዕሎም ብኑፋቄ ሓሚሞም እንትወፁ፣ ብኦርቶዶክሳዊነት እንትንፅበዮም ብተሃድሶነት እንትቖሙ ብምርኣይ ብዙሓት ነቲ ኮሌጅ ክሓምይዎን ክጥርጥሩዎን ገይሩ እዩ። ነገር ግን ብናይ ይሁዳ ምህላው ንሓዋርያት ኣይንጥርጥሮምን፣ ብናይ ሳጥናኤል ውድቀት ንመላእክቲ ኣይንሓምዮምን፣ ብናይ ንስጥሮስ ክሕደት ንሊቃነጳጳሳት ኣይንፀልእይ፣ ብስንኩላን ምክንያት እውን ናይዚ ኮሌጅ ርቱዓን ደቀመዛሙርት ከይንሓሚ ንጠንቀቕ፣ ብሰንኪ ንቑፃት ንብዙኃን ርሑሳት ከይንልክም ንጠቀቕ።
እቲ ኮሌጅ ግን ተደኸመ እንድግፎ፣ ተሰሓተ እንምልሶ፣ ተወደቐ እነልዕሎ ናይ ባዕልና ኮሌጅ እዩሞ እንሆ ፅባሕ ቀዳም መፂና ደቁ ንመርቐሉ፣ "እንኳዕ ማርያም ኣውፀአትካ" ንበሎ። መብረቅ ኾይኑ መብረቓት ክወልድ ርእሲ- ጸሎትና ንግበሮ። መብረቅ ንመብረቕ ይወልድ ከምብል ሄኔክ (ሄኖክ 12:7)
©Binyam Zechristos ሰነ 28 - 2016
ኣሸንዳ ብምንታይ ክነኽብሮ ይግባእ?
ብዝማሬ ወይስ ብጓይላ?
ብመዝሙር ምኽባር ባህልና ከጥፍኦ ዶ ኣይገብሮይ?
https://youtu.be/PAVCHvx_J6Q?si=TeChq_fpSKtoO0W3
በዓል ኣሸንዳ ሃይማኖት መሠረት ዘለዎ ከምዝኾነ እነቕርቦም ምኽንያታት
https://youtu.be/y6f710jOEGI?si=aeysNsFKGqPfJynq
‼️አሸንዳ ብመዝሙር ዶ ብጓይላ?‼️
(ምስ ሰዋስው ሚድያ)
📌ሆቴላት መሊኦም ኣብ ባጃጅ ዝፍፀም ዝሙት
📌መሸጣ ድንግልና ኣዋልድ ኣብ መቐለ
📌መደንገፁ ዕዳጋ መከላኸሊ ጥንሲ ጥንሲ መውረድን
https://youtu.be/7eWi_O1FPFc?feature=shared
https://youtu.be/f-FBTCdc8Co?si=LLqqH9BrR8h6-1fm
Читать полностью…
‼️ #መትሐዚ_ጾም ‼️
ካብ ወረዳታት ቦራን ስለዋን ብዝመፀና ናይ ሓግዙና ፃውዒት መሠረት ፣ አድላዪ ሓገዝ ንምግባር ሎምዓንቲ ሠሉስ 30/11/12 ብTiktok LIVE መተኣኻኸቢ እቶት ክግበር እዩ። ኣብቲ ላይቭ
📌 ብመምህራን ብዛዕባ ጾምን ፍልሰታን ክስበኽ
📌 ብኣሕዋት ብዛዕባ አሸንዳን አከባብርኡን ክንገር
📌 ብዘማርያን ኦርቶዶክሳዊ መዝሙር ክዝመር
📌 ኹልና ድማ ን60 ዝኾና አድባራትን ገዳማትን ትግራይ መብርሃቲ ዝኸውን ክሳብ 900 ሽሕ ክንእክብ ኢና።
👉ኹለኹም ብTikTok Live በዚ መፈንጠሪ ገይርኹም ተሳተፉ👇
alenadekiki?_t=8oe9Nb2wPVm&_r=1" rel="nofollow">https://www.tiktok.com/@alenadekiki?_t=8oe9Nb2wPVm&_r=1
👉 ዘይኸኣልኹም ዝኸኣልኹሞ ሓግዙ፣ ክሕግዙ ንዝኽእሉ እውን ኣመሓላልፉ።
CBE ማሕበር ኣለና ደቅኺ
1000633345418
©Binyam Zechristos ሓምለ 30 - 2016
✝ #የፍልሰታ_ስጦታ!... እውነተኛ ታሪክ ✝
(...የፍልሰትዋ ተአምር...)
✅ ከቅርብ ዓመታት በፊት ነው! በግብፅ ይኖር የነበረው ወጣት ምንም እንኳን ገና በወጣትነቱ በትምህርት፣ ሃብትና ትዳር "የተሳካለት ሰው" የሚባል ቢሆንም ከጥቂት ቀናት በፊት ግን ይመካበት የነበረውን ትዳሩን ጥያቄ ውስጥ ገብቶበታል:: ባላወቀው ምክንያት የሚወዳት ባለቤቱ ከወገብ በታች ፓራላያዝ ትሆናለች:: እርስዋን ለማሳከም ያልሄደበት ሆስፒታል ባይኖርም የሚሄድበት ሆስፒታል እንደሌለ ግን ተነግሮታል:: "የያዛት በሽታ አይድንም!" የሚል መራራ ሐዘንን ሰምቷል! ብዙ ያሰበለት የልቡ ፍቅር ሲጠወልግ፣ የወደፊት ሕልሙ ሲጨልም፣ የልጅ አምሮቱም እንዲሁ ላይመጣ ሲቀር አስቀድሞ አውቋል ባለቤቱ አልጋዋ ላይ ትበላለች አልጋዋ ላይ ትፀዳዳለች! ለጥቂት ጊዜ እዛው አልጋዋ ላይ ሳምንታትንና ወራትን ስታሳልፍ ከራሱ ጋር እየታገለ በትዕግስት ቢያስታምማትም ከዚህ በላይ መቆየት ግን በአካል ሲኦል የመግባት ያህል ሁኖ ተሰማው:: ስለዚህ በፍቺ ከርስዋ ጋር መለያየትን መረጠ:: ነገር ግን ፍርድ ቤት ከመሄዱ በፊት አስቀድሞ የንስሃ አባቱን ማማከር እንዳለበት አመነና ወደሳቸው ሄዶ ያሰበውን ይነግራቸዋል!
📌 እሳቸው ግን በፍፁም እንደማይሆን፣ ጌታ "መፋታትን እጠላለሁ" እንዳለ፤ ያጣመረውን እርሱ መፍታት እንደማይገባ ከመጽሐፍ ቅዱስ እየጠቀሱ ያስረዱታል:: ከዚያም ሁለቱም በጸሎት እንዲተጉና ወደ እመቤታችን እንዲያመለክቱ ተነጋግረው ይለያይሉ:: የንስሃ አባቱም የወጣቱንና የባለቤቱን የክርስትና ስማቸውን ፅፈው በመቅደሱ መንበር ላይ አስቀምጠው ለ 3 ቀና ያህል በፅኑ ፆምና ጸሎት እየተጉ ቆዩ:: ከ3 ቀን ብኋላ ወጣቱ በሕልሙ፣ እርሱ ከሚሰራው ፎቅ ተወርውሮ ወድቆ ሲሰባብር፣ ሰዎችም መጥተው ሲያለቅሱለት፣ ባለቤቱ ግን መጥታ ለሰዎቹ "ምንም እንዲህ ተሰብሮ ቢጎዳም ከልቤ አፈቅረዋለሁና አልለየውም! ባለቤቴ ነውና አልለየውም! እስከ ሞት ድረስ አስታምመዋለሁ" ስትላቸው በሕልሙ ያያል:: ወጣቱም "ይሄ የጌታ መልዕክት ይሆን እንዴ?" ይልና ያየውን ሄዶ ለንስሃ አባቱ ይነግራቸዋል! እሳቸውም የእግዚአብሔር እጅ በድንግል ማርያም ምልጃ ስራውን እንደሚሰራ፣ ምንም እንኳን ሚስቱ በሞት አፋፍ ላይ ብትሆንም ሞትን የሚገድል ክርስቶስ ግን እንደሚፈውሳት፣ ፍቺዉንም መሰረዝ እንዳለበት የሚናገር ሕልም እንደሆነ ይተረጉሙለታል::
❇️ እርሱም "ያሰብኩትን ሳይሆን ጌታዬ ያሰበው ይሁን" ብሎ ፍቺውን ሰርዞ ለሚወዳት ባለቤቱ በፀሎት ፈውስን ይለምን ጀመረ:: ከጥቂት ሳምንታት ብኋላ የተወደደው #ጾመ_ፍልሰታ ይገባና እርሱም 14 ቀናት በተመስጦ በጾምና በጸሎትና ቆይቶ ነሐሴ 16 ቀን የእመቤታችንን የትንሳኤዋና የዕርገትዋን በዓል ያከብር ዘንድ ወደ ቤ/ክ ሲሄድ፣ ባል ከሚስቱ ልጆችም ከወላጆቻቸው ጋራ ጧፍ አብርተው ሲዘምሩ ተመልክቶ ልቡ በሐዘን ይመ'ታል! ልጅም ሚስትም በማጣቱም በማዘን በቤ/ክኑ በነበረው የእመቤታችን ስዕለ አድኅኖ ፊት ተደፍቶ <እመቤቴ ሆይ የወጣትነት ዕድሜዬን በደስታ ያልፈፀምኩበት፣ የልቤን ጓደኛ በበሽታ ያጣሁበትስ ምን ዓይነት ቀን ነው? እርስዋ በአልጋ ታስራ የምትቆይበት እኔ ደግሞ በእርስዋ ስቃይ የምሰቃይበት እስከመቼ ነው? እባክሽን ጽንሱን ያዘለለ ድምፅሽን አሰሚኝና እኔም ለክብርሽ ልዝለል! እባክሽን ለቶማስ የሰጠሽውን ሰበንሽን በሚስቴ ላይ ጣይ!> እያለ ምርር ብሎ ያለቅሳል::
🚫 ከቤ/ክ መልስ ወደ ቤቱ ሲገባ ግን ሚስቱ ከአልጋዋ የለችም! ፍርሃት ፍርሃት አለው! ምናልባት ሞታ ሊቀብርዋት ሂደው ይሆን? ብሎ አሰበ:: ደግሞ ቆይቶ "አይ! አይደለም! በፍፁም አይሆንም" ይላል ወደ ኩሽና ቤቱ ሲገባ ፍፁም ለማመን በማይቻል መልኩ ሚስቱ በ2 እግርዋ ቆማ ስትሰራ ያያታል:: አንደበቱ መናግር ቢያቅተውም ዓይኖቹ ግን የዕንባን ዘለላ እያፈለቁ ይናገሩለት ጀመር:: ሚስቱም ስታየው እየሮጠች መጣችን ተጠመጠመችበት:: <አንተ ወደ ቤ/ክ ከሄድክ ብኋላ ቤታችን ባለው የእመቤቴ ስዕለ አድህኖ ላይ ተንበርክኬ አለቀስኩ! "እመቤት ሆይ ችግሬን ታውቂያለሽና አማልጂኝ ለተጠማ ውሻ የራራው ልብሽ እባክሽ ለኔም ይራራልኝ! ቆሜ የትንሳኤሽንና የዕርገትሽን በዓል አክበር ዘንድ እግዚአብሔርንም አመሰግነው ዘንድ ፈውሺኝ" አልኳት::
✝ ከዚያም አንዲት ብርሃን የለበሰች ሴት መጣችና "ተነስተሽ ቁሚ" አለችኝ! እኔም "መቆምኮ አልችልም" አልኳት:: እርስዋም "ልጄ ሆይ አይዞሽ! ጌታ ፈውሶሻልና አቆምሽ ዘንድ መጥቻለሁ" አለችኝ! ከዚያም ሁለት እጄን ይዛ አስነሳችኝ! ከዚህ በፊት ተሰምቶኝ የማያውቅ ስሜትም ተሰማኝ! ኃይልም በእግሮቼ መሃል አልፈና እግሮቼም ፀንተው ቆሙልኝ ከዚያም ባርካኝ ከዓይኔ ተሰወረች ብላ ለባልዋ ትነግረዋለች! እርሱም ከሚሰማው ነገር የተነሳ ዲዳ ሆነ በእግርዋም ተንበርክኮም ሊፈታት እንዳሰበና ተስፋ ቆርጦ እንደነበረ ይቅርታ ይጠይቃታል:: እርስዋም ይቅር ብላው ተቃቅፈው ጌታን አመሰገኑ! ተያይዘውም ትንሳኤዋንና እርገትዋን ለማክበር በጋራ ወደ ቤተክርስቲያን አመሩ! ስሟ በጌታ ዘንድ የሰለጠነ ንግስታችን እመቤታችን ፍቅርዋ በልባችን ጣዕሟም በአንደበታችን ያሳድርብን ጸጋውን ክብሩን እንዳይነሳን ትለምንልን! ኣዕምሮውን ለብዎውን ትሳልብን ታሳድርብን!
#ምንጭ፦ Miracles of Saint Mery in Coptic orthodox church (Pop shinoda 3rd)
👇ተመሳሳይ መንፈሳዊ ጽሑፎችን ለማንበብ👇
https://t.me/joinchat/AAAAAEc2WXYXfdEtME6smg
@Binyam ZeChristos ሓምሌ 29 - 2016
✝ #ብጹዕ_አቡነ_ሰላማ_ከሣቴብርሃን ✝
ስሞም ፍሬምናጦስ እዩ! ፅርዓዊ ግሪካዊ ኮይኖም ኣቡኦም ሜሮጵዮስ (መረጵዮን) ፍሉጥ ነጋዳይ ኮይኑ ኣብ ከባቢ 303 ዓ.ም. ብሥራሕ ንግዲ ናብ ከባቢና ምስ ክልተ ደቁ (ፍሬምናጦስን ኤዴስዮስን) ብመርከብ ኣቢሉ ኣብ ዝተንቀሳቐሰሉ ኣብ ወደብ ኣዱሊስ የብፅሑሉም'ሞሞ ይመውት። ነቶም 2 ደቁ ግና ሓለፍቲ መንገዲ ኣርኪቦም ብምድሓን ናብ ንጉሠ አክሱም #አልዓሜዳ (ታዜር) 1ይ ወሰድዎም። ንጉስ ግና ድሕሪ ጊዜ እንበረም ካብ ዝበሃል ሊቀ ካህናት ኦሪት ንባብን መጻሕፍትን ይመሃሩ ምስ ዝነበሩ ክልተ ንኣሽቱ ደቁ (ኢዛናን ሲዛናን) ገዲፉዎም ሞተ። ኣዴኦም # አሕየዋ (ሶፍያ) ድማ ደቃ ክሳብ ዝዓብዩ፣ ንኤደስዮስ ናይ ኣዛዝነትን ሓላፊ ምስላፍን ሥራሕ፣ ንፍሬምናጦስ ኸኣ ሓላፊ ቤተ መጻሕፍትን መምህር ደቃን ገበረቶ። ፍሬመናጦስ ግና ብርሃን ወንጌል ዝተረደኦ ስለዝነበረ፣ ነቶም ካህናተ ኦሪት በብቝሩብ ብርሃነ ወንጌል የብርሃሎም ነበረ። ዋላኳ ብትምህርቱ ኵሎም ሕጉሳት ተነበሩ፤ ጥምቀት፣ ቍርባንን ክህነትን ስለዘይነበሮም ግና ሓጐሶም ምሉእነት ኣይነበሮን።
✅ ድሕሪ ዝተወሰነ ዓመታት ግና ኢዛና ዘውዲ ኣቡኡ ምስ ደፈአ፤ ኤዴስዮስ ናብ ሃገሩ ጢሮስ ተመልሰ። ፍሬምናጦስ ምስ ንጉሥን ኣብኡ ምስ ዝነበሩ ካህናተ ኦሪትን ብዝገበሮ ምርድዳእ ናይ ክርስትና ጥምቀትን ቁርባንን ከምኡ 'ውን ክህነት ዝህብ ጳጳስ ካብ ግብፂ ንክለኣኸ ናብ እስክንድርያ ተላእኸ። ኣብ ግብፂ ድማ እቶ ዓብዪ ሊቅን ቅዱስ አቡነ አትናቴዎስ እዩ ነይሩ። አርዮስ ዝተወገዘሉ ጉባኤ ኑቅያ ምስ ሓለፈ፣ "ካባኻ ንላዕሊ ቋንቊኦምን ባህሎምን ዝፈለጥ ስለዘየለ ንስኻ ጳጳስ ክትኾኖም ይግባእ" ኢሉ ንፍሬመናጦስ 5 ዓመት አምሂሩን ስልጣነ ክህነት ሂቡን " # ሊቀጳጳስ_ዘአክሱም " ኢሉ ሸይሙ ለኣኾ! ሕዝቢ ኢትዮጵያ (ኣኽሱም) ድማ ብዓብይ ደስታን ሓጎስን ምስ ተቀበልዎ "አባ ሰላማ ከሳቴ ብርሃን" ኢሎም ስም አውፅእሉ! ብርሃን ዝኾነ ወንጌል ዘብርህ፣ ሰላማዊ አቦ ንምባል እዩ! ድሕሪ ቁሩብ ጊዜ ድማ ንኢዛናን ሳይዛናን ብምምሃርን ንክጥመቁ ብምግባርን አብርሃ ወ አጽብሐ ኢሉ ስም ሃቦም! ብድሕሪኡ ካብ ትግራይ ሓሊፎም ማእኸል ሸዋን ክሳብ ደቡብ ኢትዮጵያን ብምኻድ አምሂሮምን ሰቢኾምን እዮም! (ኣብ ሸዋ ኣብ ጥቃ ደብረ ሊባኖስ ገዳም ዘሎ #ዘጋመል ቤ.ክ ንሶም ከምዝሰርሕዎ ይንገር።)
✅ አቡነ ሰላማ ኣብ መላእ ኢትዮጵያ ትምህርተ ሃይማኖት ብምስትምሃር፣ ስብከተ ወንጌል ብምስፍሕፋሕ፣ ካህናትን ዲያቆናት ብምሻም፣ አብያተ ክርስቲያናት ብምህናፅ፣ ምንኲስና ብምስፍሕፋሕ፣ መጻሕፍቲ ናብ ግዕዝ ብምትርጓም፣ ኣበ ነፍስን ኣበ ልገን ብምጅማር፣ ክልብ ኩሉ ንላዕሊ ድማ ንወንጌል ዝጓየ " # ማሕበረ_ጽዮን " ዝበሃል ማሕበር ብምምስራትን ቋንቋ ግዕዝ ንክዓቢ ብምግባርን ዓብዪ ግደ ዝነበሮም ቅዱስ ኣቦ እዮም! 26 ሓምለ ዕረፍቶም ኣብ ኦርቶዶክስ ቤ.ክ እንትኽበር፣ ኣብ ሮማውያን 27 ጥቅምቲ፣ ብግሪኻውያን ድማ 30 ሕዳር በዓሎም የኽብሩሎምን ይዝክርዎምን እዮም። ኣብ ተንቤም ብስሞም ኣብ ዝፅዋዕ ገዳሞም፣ ኣብ መቐለ ደብረ ሰላም ሚካኤል ብድሙቅ መልክዑ ይኽበር አሎ! በረኸቶም ይሓልወና!
👇ኻልኦት መንፈሳውያን ጽሑፋት ንምንባብ👇
https://t.me/joinchat/AAAAAEc2WXYXfdEtME6smg
@Binyam ZeChristos ሐምለ 25 - 2016
« ቅዱስ ዑራኤል ኣቦይ ኣምህረኒ፣ ጥበብን ምስትውዓልን ሃበኒ፣ ጸሎተይ እውን ናብ ክርስቶስ ኣዕርገለይ » ምባልና ልክዕ ድዩ?
1⃣ ያዕቆብ ንቲ መልአክ በኽዩ ከምዝለመኖ፣ ንሕና እውን ንመላእኽቲ በኺና ንልምኖም።
👉 ሆሴዕ 12:4:- ያዕቆብ ምስ መልኣኽ እውን ተቓሊሱ ኣሸነፈ፤ #በኽዩ_ኸአ_ለመኖ። ንሱ እውን ኣብ ቤቴል ረኸቦ።
2⃣ መላእኽቲ የንህሩና፣ ጥበብን ምስትውዓልን እውን ክህቡና ዝኽእሉ ሓያላት ፍጥረታት እዮም።
👉 ዳንኤል 9:21:- #ገብርኤል ቀልጢፉ እናበረረ ናባይ መፂኡ ዳህሰሰኒ ... ንሱ #መሃረኒ፤ ተዛረበኒውን፦ “ዳንኤል! ኣነ ሕዚ #ጥበብን_ምስትውዓልን #ክህበካ መፂአ ኣለኹ።
3⃣ ናይ ኹሎም ቅዱሳን ጸሎት ናብ ክርስቶስ አምላኽና ዘዕርጉ መላእኽቲ እዮም።
👉 ራእይ 8:4:- ትኪ እቲ ዕጣን ከዓ፥ ምስቲ #ፀሎት_ቅዱሳን ኮይኑ፥ #ካብ_ኢድ እቲ መልኣኽ፥ #ናብ_ቅድሚ እግዚኣብሄር #ዓረገ።
©Binyam Zechristos ሐምለ 22 - 2016
https://youtu.be/3vKtkHIszGY?si=7BXSkmeY6oQFrdTY
Читать полностью…
https://youtu.be/IoiJy6ZGwrc?si=76fqBLavpOEAxAdi
Читать полностью…
‼️ #ኦርቶዶክሳውያን_ኣዋልድ_ተዳለዋ ‼️
ድሕሪ ወርሒ ናይ እምበይትና ማርያም ናይ ትንሳኤኣን ዕርገታን በዓል እዩ። #በዓለ_ዕርገታ! ብልምዲ ድማ ማርያ፣ ዓይኒዋሪ፣ አሸንዳ! እዚ በዓል ፍፁም መንፈሳዊን ሃይማኖታውን ስለዝኾነ፣ ግን ድማ ንብዙሕ ጊዜ ብስም ባህልን ልማድን ተታሑዙ፣ ኣከባብርኡ ብድርፍን ጓይላን ኾይኑ፣ ናብ ኮንሰርትነት ተለዊጡ፣ ናይ ስኽራንን ዝሙትን ዕለት ኾይኑ ይርከብ። ነዚ በዓለ ዕርገት ኣዴና ድማ ናብቲ ዝነበሮ መንፈሳዊ ኽብሪ ንኽንምልሶ ብዝማሬ ንክነኽብሮን ሓላፍነቱ ኣባና፣ ብፍላይ ድማ ኣብ ኣዋልድ ደቂ እመብርሃን እዩ ዘሎ። ስለዚ እንታይ ንግበር?
📌 ኣብ መላእ ትግራይ (ብፍላይ ኣብ ዓበይቲ ከተማታት) ዘለኽን ተምሃሮ ኣብያተ ሰንበትን ካልኦት መንፈሳውያን ኣሓትን ካብ ፅባሕ ጀሚርኽን ነዚ ሓሳብ ኣብ ማእኸልኽን ብምንግጋር፣ ንእመብርሃን ንምዝማር ተዳለዋ።
📌 በቢደብርኽን ተወዲብኽን፣ ምስ ወረዳን ምስ ዞባን ሕብረት ቤት ት/ሰንበት ብቃልን ብደብዳቤን ብምንግጋር ኣብ ካልኦት ኣብያተ ት/ሰንበት ምስ ዘለዋ ኣዋልድ ብምሕባር ተወደባ። ኣብ ሓደ ኦርቶዶክሳዊ ዕላማ ዕመማ!
📌 ኣብቲ መዓልቲ ዝዝመሩ መዝሙራት ተመሪፆም ተፃሒፎም ይዳለው። ናብ ካልኦት ኣድባራት እውን ብወረቐት ተላኢኾም ብኹልኽን ይፈለጡ፣ ይፀንዑ። ኣብ በዓለ ዕርገታ (አሸንዳ) ዝግበሩ መንፈሳዊ ትርጉም ዘለዎም ኣልባሳትን (ጥልፊ)፣ ቖፅሊ አሸንዳን ንከዳልዋ ንኹለን ኣፍልጦ ምሃብ።
📌 እንተተኻኢሉ ቕድሚ እቲ በዓል ኣቐዲምኻ ብዛዕባ በዓል አሸንዳ መንፈሳዊነትን ንዝለዓሉ ናይ ተቓውሞ ሕቶታት ድማ መልስታቶም ከም ስልጠና/ትምህርቲ ንክወሃበን ምግባር። ብተወሳሳሲ ድማ ኣብቲ በዓል ንኽንደይ መዓልትታት ብዝማሬ ከምተኽብራ፣ ክንደይ ሰዓት ከምዝጅመር፣ ኣበይ ከምዝጅመር፣ በየናይ መንገዲ እናዘመራ ከምዝኸዳን ኣበይ ከምዝጠናቐቕን ተዛተያ፣ ወስና!
📌ናይ መቐለ ኣባላት ኣብያተ ት/ሰንበት ኣብ 2011ን ብፍላይ ድማ ዓሚ 2015 ዓ/ም አሸንዳ ብዝማሬ ንምኽባር ዝገበርኦ ተኣምራዊን መንፈሳውን አከባብራ ክድገም ይግባእ።
(ኣብ 2011 ዓ/ም ካብ ዝነበረ ኣከባብራ ኣሸንዳ ዝተወሰዱ ፎቶታት)
#RestoringAshenda
#አሸንዳ_ንማርያም
©Binyam ZeChristos ሓምለ 13 - 2016
ኢየሱስ አማላዲ ድዩ?
3 ክፋል:-
ኢየሱስ ማእኸላይ ድዩ ወይስ አማላዲ?
Full Video
https://youtu.be/Oyf2Ac4cQHA?si=O1x2SsxAFZX5fTSF
‼️ #በዓል_ሐዋርያት - ሐምለ 5 ‼️
"ጾመ ሐዋርያት" ወዲእና ፋሲካና እዚ በዓል እዩ - #በዓለ_ሓዋርያት! ካብቶም 12 ቅዱሳን ሐዋርያት ሓደ ናይ #ቅዱስ_ጴጥሮስን ካብ 72 ኣርድእት ሓደ ዝኾነ ናይ #ቅዱስ_ጳውሎስን ሰማዕትነት ዝሕሰበሉ ብልምዲ #ሓርያ ዝበሃል በዓል እዩ።
1⃣ #ቅዱስ_ጴጥሮስ፦ ጴጥሮስ ካብቶም 12 ናይ ኢየሱስ ደቀመዛሙርቲ ሓደ ዝኾነ፣ አቀዲሙ ስሙ ስምዖን ዝበሃል ዝነበረ፣ #ጴርቴዋ ትበሃል ሰበይቲ ዝነበረቶ፣ ምስ ዓብዪ ሓዉ ምስ #እንድርያስ ዓሳ እናስገረ ዝመሓዳደር ዝነበረ፣ ጎይታ "ተኸተሉኒ! ዓሳ ከምተስግሩ ከምኡ ንሰባት እተስግሩ ክገብረኩም እየ" ኢሉ ሐዋርያ ንክኾን ምስ እንድርያስ ዝፀወዖ (ማቴ 4፡18) ጎይታ "ጴጥሮስ" ኢሉ ስም ዝሃቦ ሃዋርያ እዩ (ማቴ16፡18) "ጴጥሮስ-Petros" ዝብል ቃል ግሪክኛ እንትኸውን ትርጉሙ ድምን #ኮክሒ ማለት እዩ! ጴጥሮስ ናይ ሐዋርያት ሓለቃ እንትኸውን፣ ናይ መንግስተ ሰማያት መኽፈቲ ቊልፊ ዝተውሃቦ እዩ (ማቴ16፡19)!
ቅ.ጴጥሮስ፣ ብ66 ዓ/ም ንጉስ ኔሮን "ንጣዖት ስገዱ" ኢሉ እንትእዝዝ "እምብለይ" ኢሉ ብምቅዋሙ ምኽንያት ክቀትሎ እንትመፅእ፣ ምዕመናን ሓቢኦም ካብ #ሮም ከተማ የውፅእዎ! ቅዱስ ጴጥሮስ ኣብ መንገዲ እንተሎ ጎይታ ልክዕ መስቀል ፀይሩ ከም ዝኸይድ መሲሉ ተርኣዮ። "ጎይታይ ናበይ ትኸይድ ኣለኻ?" እንትብሎ "ኣብ ሮም ዝስቀለለይ እንተዘየለማ ባዕለይ ዳግም ክስቀል ይኸይድ ኣለኹ" በሎ! ቅ.ጴጥሮስ እውን እዚ መልእኽቲ ንዕዑ ምኳኑ ተረዲእዎ ናብ ሮም ተመሊሱ፣ ነቶም እናደለይዎ ዝነበሩ ወታደራት «ከም ጎይታ እንተይኮነስ ቊልቊል ደፊእኹ ስቀሉ» በሎም! ንሳቶም ድማ ሐምለ 5 ቊልቊል ኣፉ ሰቐልዎሞ ብሰማዕትነት ገነት ወረሰ። ጸሎቱን ኣማላድነቱን ይሓልወና!
2⃣ #ቅዱስ_ጳውሎስ፦ ጳውሎስ ዋላኳ ካብቶም 12 ደቀመዛሙርቲ ኣይኹን፣ ብግብሩን ብስብከቱን ግና ሐዋርያ ዝተብሃለ፣ አቀዲሙ ስሙ #ሳውል ዝነበረ፣ #ገማልያል ካብ ዝበሃል አይሁዳዊ መምህር እውን ሕጊ ኦሪት ዝተምሃረ (ግብሪ 22፡3) ፣ ንክርስቲያን ምዕመናን ይኣስሮምን የንገላትዖምን ዝነበረ ኣይሁዳዊ ሰብ እዩ። ንክርስቲያን ክኣስር #ደማስቆ ናብ ትበሃል ከተማ እንትኸይድ ግና ጎይታ ክርስቶስ ብዓምዲ ብርሃን ዘነጋገሮን ዓይኑ ዘዕወሮን ሰብ እዩ!(ግብሪ 9፡4) ብድሕሪ እዚ ጎይታ "ምሩፅ ኣቅሓይ ክገብረካ እየ" ኢሉ ናብ ሐናንያ ዝበሃል ክርስቲያን ይልእኾ! ሐናንያ ድማ ጸሎት ገይሩ እተን ዝዓወራ ኣዕይንቲ ጳውሎስ መለሰሉ!
ብድሕሪ እዚ ክርስቲያን ኮይኑ፣ ብዙሓት ሀገራት እውን ብምዛርን ብምስባኽን ዘገልገለ፣ ካብቶም 72 ኣርድእቲ ዝምደብ ሐዋርያ እዩ! ብ66 ዓ.ም ንጴጥሮስ ዝሰቀለ ንጉስ ኔሮን ንጳውሎስ እውን ብሰይፊ ኽሳዱ ተቆሪፁ ሰማዕትነት ንክቅበል ገይርዎ እዩ! ጸሎቱን ኣማላድነቱን ትሓልወና! ቅድስቲ ኦርቶዶክስ ቤ.ክ እውን በቢመዓልቱ ኣብ ቅዳሴ « ተውህቦ መራኁት ለአቡነ ጴጥሮስ ... ወመልዕክት ለአቡነ ጳውሎስ እስመ ውእቱ ብርሃና ለቤ.ክ -- ንአቦና ጴጥሮስ መፍትሕ/ቊልፊ ተውሃቦ! ናይ ቤ.ክ ብርሃን ንዝኸውን ኣቦና ጳውሎስ ድማ መልእኽቲ ተውሃቦ » እናበለት ተመስግኖም ትዝክሮም!ኣብዚ በዓል እንሰርሖን እንወቅዖን ጭጉራፍ (#ሓርያ) ደኣ እንታይ እዩ ትርጉሙ? (ክቅፅል እየ)
#Share #Share #Share
©Binyam ZeChristos ሐምለ 04 - 2016
ኢየሱስ አማላዲ ድዩ? 1ይ ክፋል
https://youtu.be/WABzhTb3sI0?si=_s3JI0puwnqxC5lI
🚫 « .. #ለዛቲ_ቤት_ሐነጻ_ወልድ - ሰኔ 21..» 🚫
✝ ቤተ ክርስቲያን ማለት ትርጉሙ 1⃣ ክርስቲያን የሆነን ሰው (1ቆሮ 3፥16፤ገላ1፥13) 2⃣የክርስቲያኖች ሕብረትና ጉባኤ (ማቴ 18፥17፤ የሐዋ 5፥11፤ ቆላ4፥15) 3⃣ ክርስቲያኖች የሚሰበሰቡበት፥ ቅዱስ ስጋውን ክቡር ደሙን የሚቀበሉበት የከበረ የተወደደ ሕንፃ ቤተ ክርስቲያን ማለት ነው (የሐዋ11፥26፣ 1ጢሞ 3:15) የሐዲስ ኪዳንዋ ቤ/ክ በብሉይ አስቀድማ በትንቢት የተነገረች በሐዲስም ራሱ ጌታ በቃሉና በእጁ የሰራት የአማናዊው/እውነተኛው መስዋዕት መሰውያ ናት:: አስቀድሞ በነብዩ በሚልክያስ "ከፀሐይ መውጫ ጀምሮ እስከ መግቢያዋ ድረስ ስሜ በአሕዛብ ዘንድ ታላቅ ይሆናልና በየስፍራውም ለስሜ ዕጣን ያጥናሉ፥ ንጹሕም ቍርባን ያቀርባሉ"(📌ሚልክ1፥11)ተብሎ ነበር::
በብሉይ ዘመን የኦሪት ቤተ መቅደስ፣ ዕጣንና ቁርባን በእስራኤላውያን ዘንድ እንጂ በአሕዛብ ዘንድ ፍጹም አልነበረም! ስለዚህ ይህ የሚልክያስ ትንቢት በሐዲስ ኪዳን ስጋውና ደሙ ለሚሰጥበት፣ የቅዳሴው ዕጣንም ለሚቀርብበት ቤ/ክ የተነገረ መሆኑ ግልፅ ነው:: ነብዩ ኢሳይያስም "በዚያም ቀን እግዚአብሔር በግብጽ የታወቀ ይሆናል፥ ግብጻውያንም እግዚአብሔርን ያውቃሉ በመሥዋዕትና በቍርባን ያመልካሉ" (📌ኢሳ19፥21) አለ:: በብሉይ ኪዳን ጊዜ ግብፅ የአሕዛብ ከተማ የነበረች፣ እስራኤላውያን በግብፅ ምድር ሆነው መስዋዕት እንዳይሰው የተከለከለች ሀገር ነበረች:: (📌ዘፀ 8፥1-29) ስለዚህም ግብጽ ጌታን ያወቀችው በዓመተ ምሕረት ነውና ኢሳይያስ በትንቢቱ የሚናገረው በዘመነ ሐዲስ ኪዳን በቤተክርስቲያን በቁርባኑና በመስዋዕቱ እንድናከብረው ጌታ መውደዱን ይገለጥ ዘንድ ነው::
በትንቢት የተነገረው ይፈፅም ዘንድ መሰረትዋም ይመሰርት ዘንድ "አንተ ጴጥሮስ ነህ፥ በዚችም ዓለት ላይ ቤተ ክርስቲያኔን እሠራለሁ፥ የገሃነም ደጆችም አይችሉአትም" በማለት ወልድ ዋሕድ በሚል እምነት እቺን ቤ/ክ ሰራ:: በማይናወፅ ምስክርነት የማትናወፅ ቤ/ክ አቆመ:: በክርስቶስም የማዕዘን ድንጋይነት፣ በጴጥሮስ ዓለትነት፣ በሐዋርያትና በነብያት መሰረትነት መቅደሱን መሰረተ::"በሐዋርያትና በነቢያት መሠረት ላይ ታንጻችኋል፥ የማዕዘኑም ራስ ድንጋይ ክርስቶስ ኢየሱስ ነው" እንዲል(📌ኤፌ 2፥20 ፤ 5፥23):: የሐዲስ ኪዳንዋ ቤ/ክ ለሐዲስ ኪዳኑ መስዋዕት የመሰውያው ቦታ ሆና ተሾመች:: "መሰዊያ አለን" እንዳለው ቅዱስ ጳውሎስ (📌ዕብ13፥10)
✅ በመጀመርያው ክ/ዘ ጌታ ካረገ ከ15 ዓመት ብኋላ እመበታችን አርፋ ካረገች ብኋላ 4 ዓመታት እንዳለፉ በ53 ዓ.ም ቤተ ክርስቲያን በጉባኤ መልክ እየሰፋ ሲሄድ ጳውሎስና በርናባስ ባስተማሩባት የፍልጵስዩስ ከተማ ቤ/ክ ይሰራ ዘንድ ግድ ነበር:: በዚህም ሐዋርያት ሱባዔ ይዘው ወደ ጌታ አመለከቱ:: ጌታም በፊልጶስ ቂሳርያ ለጴጥሮስ በገባለት ቃል ኪዳን መሰረት ሐዋርያትን ለስብከት ከሄዱበት ሀገረ ስብከታቸው በደመና እየጠራ ፊልጵስዩስ ከሰበሰባቸው ብኋላ አስቀድሞ በነብያት በየቦታው መቅደሱ ይሰራ ዘንድ ባዘዘው መሰረት 3 ድንጋዮችን አንስቶ በእጁ እየለመለሙለት የመጀመርያዋን ቤ/ክ መሰረትዋን ግድግዳዋንና ጣራዋን ሰርቶ በእናቱ በእናታችን በወዳጁ በእመቤታችን ስም ሰይሞ ስጥቷቸዋል:: ሕንጸተ ቤታም አከበሩ:: በነጋታው በሰኔ 21 ጌታ ራሱ በሰራት ቤ/ክ ቀድሶ የራሱን ስጋና ደም በማቁረብ ቅዳሴ ቤታን አክብሯል:: ቅዱስ ያሬድ ይህንን ዕለት በማስመልከት "ለዛቲ ቤት ሐነፃ ወልድ ወፈፀማ መንፈስ ቅዱስ - ይህቺን ቤት ወልድ ሰራት መንፈስ ቅዱስም አጠናቀቃት"አለ:: ይህም ክርስቶስ እንደሰራት፣ መንፈስ ቅዱስም "የእውነት መንፈስ በመጣ ጊዜ ወደ እውነት ሁሉ ይመራችኋል"እንዲል (📌ዮሐ16፥13) አጠናቀቃት አለ! መራት ጠበቃት፥ ይመራታል ይጠብቃታል ሲል ነው::
✅ ዛሬ ይህንን የቤ/ክ የመሰራትና የቅዳሴዋ በዓል ስናከብር እቺን ቤ/ክ ለመጠበቅ ደም የለበሱትን፥ ሊያኖርዋት የሞቱትን፥ ቅርሶችዋን ለመጠበቅ በየዱሩ የአውሬ እራት የሆኑትን በየገደሉም የተረሱትን አባቶች በማስታወስ ነው::ክርስቲያኖች በድንጋይ ተወግረው ወደ ገደል ቢጣሉም፥ ቆዳቸው ተልጦ ጨው ቢጨመርባቸውም፥ አንገታቸው ተቀልቶ ቁልቁል ቢሰቀሉም ሞታቸው ብዙዎችን እየወለደ፥ ደማቸውም ለራሳቸውና ለብዙዎች ጥምቀት እየሆነ፥ እቺን ቅድስት ቤተ ክርስቲያን ለኛ አስረክበዋል:: በእውነት ምስጋና ይገባቸዋል:: ምስጋና- በ9ኛው ክ/ዘ በዮዲት ጉዲት ጊዜ 40 ዓመት ሙሉ በየጫካው ታቦታቱንና ንዋየ ቅድሳቱን ይዘው ለተሰደዱት አባቶች! ክብር- በ16ኛው ክ/ዘ በአሕመድ ግራኝ ጊዜ ማዕተባችንን አንበጥስም ላሉት ቅዱሳን! ውዳሴ- በ17ኛው ክ/ዘ በንጉስ ሱስንዮስ ለታወጀው ካቶሊካዊ አዋጅ አንቀበልም ብለው ለታረዱት 8000 ኦርቶዶክሳውያን ምዕመናን! ልዕልና- በዘመነ መሳፍንት ቅብዓትንና ጸጋን ተከራክረው በመርታት ተዋሕዶን ለመሰከሩ ሊቃውንት አባቶች! መወደድ- የዛሬዋን ቤ/ክ ለመጠበቅ በየገዳማቱ በጸሎት ለተጠመዱት አበው መነኮሳት፥ የጽድቅም አክሊል ቤ/ክንን ለቀጣይ ትውልድ ለማስተላለፍ መናፍቃንንና ተሐድሶን ለሚቃወሙ መምህራን፥ ምዕመናንና የሰንበት ትምህርት ቤት ወጣቶች! አምልኮና ስግደትም ይቺን ቅድስት ቤተ ክርስቲያንን ለመሰረታት ለትንሳኤው ጌታ ለክርስቶስ ኢየሱስ ይሁን!!
#ለዛቲ_ቤት_ሐነጻ_ወልድ_ወፈፀማ_መንፈስ_ቅዱስ !!
👇ለሌሌች ጽሑፎች ቴሌግራም ቻናሉን ይጎብኙ👇
https://t.me/joinchat/AAAAAEc2WXYXfdEtME6smg
©Binyam ZeChristos ሰኔ 20 - 2010