Shokir Tursun qarashlari

04 Dec 2022 12:49

6-sinf. Ona tili. "Chegarada nega boj toʻlanadi?" audiomatni

@birgap

Shokir Tursun qarashlari

04 Dec 2022 12:42

7-sinf Ona tili “Maqsadli xarajatlar” mavzusi uchun oʻqituvchi kitobi (oʻqituvchi uchun qaydlar).

Baʼzi oʻrinlarda topshiriqlarning javobi berilgan boʻlishi mumkin. Shu sababga koʻra, faylni oʻquvchilar koʻrmasligi maqsadga muvofiq.

@birgap

Shokir Tursun qarashlari

04 Dec 2022 12:37

6-sinf Ona tili “Eksport-import” mavzusi uchun oʻqituvchi kitobi (oʻqituvchi uchun qaydlar).

Baʼzi oʻrinlarda topshiriqlarning javobi berilgan boʻlishi mumkin. Shu sababga koʻra, faylni oʻquvchilar koʻrmasligi maqsadga muvofiq.

@birgap

Shokir Tursun qarashlari

01 Dec 2022 02:50

#nazorat_ishi

7-sinf. Ona tili fanidan 5-nazorar ishi uchun namuna.

Ushbu namunadan foydalanish ixtiyoriy.

Namunaga ijodiy yondashgan holda mustaqil nazorat ishi materialini ham tayyorlash mumkin.

Agar nazorat materialini qogʻozga chiqarib, oʻquvchilarga berishga imkoningiz boʻlmasa, oʻzingiz boshqa qulay usulni qoʻllashingiz mumkin (masalan, soʻzlarni doskaga yozish, soʻzla va iboralarni, ularning ma'nolarini, gaplarni oʻqib berish).

P.S.: ushbu material kanal mulki hisoblanadi. Iltimos, uni oʻz kanalingiz yoki guruhlaringizda tarqatishda kanal nomini eslab oʻting.

@birgap

Shokir Tursun qarashlari

27 Nov 2022 16:50

Oʻqituvchilar oʻrtasidagi Zakovat intellektual turnirining finali tugadi. Bizning maktab jamoasi 3-oʻrinni qoʻlga kiritdi.

Bundan xursandman. Rahbariyat ham hamma sharoitlarni yaratib berdi. Shugʻullanishimiz uchun vaqt va savollar, turnir davomida ahvolimiz haqida tinmay xabar olishlar va h.k.

Endi maqtanadigan joyi - bizdan yuqoridagi ikki oʻrin ham oliy taʼlim muassasalarining jamoalariga tegdi.

Sodiq school bu yil ochilgan maktab. Ilk katta gʻalaba.

Oʻyin juda qizgʻin boʻldi. Birinchi oʻrin 35, ikkinchi oʻrin 34, uchinchi oʻrin 33 ball ekanidan ham "jang" qizgʻin boʻlganini sezish mumkin.

Qoʻllab turgan, omad tilagan hammaga rahmat! Sizlarga ham nasib qilsin.

Allohga shukr yuzimiz yorugʻ boʻldi.

Asosiysi bir jamoa oʻlaroq shakllana oldik. Sardorning aytishicha hamma oʻz sohasining savolini olib berdi.

1-turda 12 ta savoldan 12 ta topganimiz ham maqtansa arziydigan natija😎

@birgap

Shokir Tursun qarashlari

24 Nov 2022 10:50

Koʻpchilik sinfda oʻquvchilar soni kam boʻlgani uchun buni qilish mumkin deyishyapti.

Ba'zilarning fikricha esa, oʻquvchilar hali bunday erkinlikka tayyor emas.

Ha, sizningcha bu xulosalar toʻgʻriga oʻxshashi mumkin, lekin bular butkul haqiqat emas.

Siz oʻquvchilarni guruhga boʻlib qoʻyganingizdan keyin oʻquvchilar oʻzaro maslahatlashib ishlaydi. Bu oʻquvchilar soni 10ta boʻlsa ham, 50ta boʻlsa ham shovqin boʻladi degani. Ya'ni bu yerda farq shovqinning darajasida xolos. Agar biz boʻladigan shovqinga toqat qila olsak, oʻquvchilar soni ahamiyatsiz.

Erkinlikka tayyor emaslik haqidagi fikrga esa qoʻshilaman. Men ham oʻquvchilarimni birdan bunday erkinlikka "tashlab" qoʻymaganman. Ular bilan kam-kamdan oʻz-oʻzini boshqarish boʻyicha ishladik. Mana endi 2 oy oʻtib, oʻzlarini bemalol boshqara olyaptilar. Demak, yechim ularga erkin boʻlishni oʻrgatish. Erkinlik berishdan qoʻrqar ekanmiz, hech qachon erkin qila olmaymiz.

@birgap

Shokir Tursun qarashlari

22 Nov 2022 14:00

6-sinf Ona tili “Teleboshlovchi boʻlib qolsam” mavzusi uchun oʻqituvchi kitobi (oʻqituvchi uchun qaydlar).

Baʼzi oʻrinlarda topshiriqlarning javobi berilgan boʻlishi mumkin. Shu sababga koʻra, faylni oʻquvchilar koʻrmasligi maqsadga muvofiq.

@birgap

Shokir Tursun qarashlari

21 Nov 2022 04:25

7-sinf. Ona tili. Nazorat ishi uchun tavsiya.

Bu yerda esse va uning baholash mezonlari keltirilgan.

1. Esse mavzusini oʻzgartirishingiz mumkin. Mezonlar umumiy boʻlib, barcha esselarga nisbatan qoʻllash mumkin.

2. Ushbu mezonlar 7-sinflar uchun moslashtirilgan. Yuqori sinflarga mos kelmaydi.

Bu faqat tavsiya boʻlib, foydalanish majburiy emas.

P.S.: esse mavzusini oʻzgartirganingizda mavzuning oʻtilgan darslar asosida boʻlishiga harakat qiling. Badiiy mavzu tanlamang.

@birgap

Shokir Tursun qarashlari

20 Nov 2022 07:58

7-sinf Ona tili “Veterinar” mavzusi uchun oʻqituvchi kitobi (oʻqituvchi uchun qaydlar).

Baʼzi oʻrinlarda topshiriqlarning javobi berilgan boʻlishi mumkin. Shu sababga koʻra, faylni oʻquvchilar koʻrmasligi maqsadga muvofiq.

@birgap

Shokir Tursun qarashlari

19 Nov 2022 17:33

7-sinf “Ona tili” darsligida "Kurashning qayta tugʻilishi" matni bor, ammo ona tili faniga oid bironta topshiriq yoʻq degan e'tirozli xat kelibdi. Qiziq, odamlar ona tili deganda nimani tushunarkin deb oʻylab qolaman ba’zan.

Tasavvur qilaylik, e’tirozli xatni yuborgan odam ona tili deganda grammatikani tushunadi. Xoʻsh, unda yuqoridagi topshiriqlar grammatika boʻlmay nima?

P.S.: rasmlar 7-sinf, "Ona tili" darsligining "Kurash - milliy sport turi" mavzusidan olingan.

@birgap

Shokir Tursun qarashlari

15 Nov 2022 13:30

Yangi ona tili darsliklari mualliflaridan biri Shokir Tursun boshlang'ich sinflarda ona tili va o'qish fanlari birlashtirilgani sababini ayrimlar hali ham tushunmayotganligi haqida yozibdi.

Aslida o'qish (o'qigan ma'lumotini tushunish, tahlil qilish, unga munosabat bildirish) - to'rtta til ko'nikmasidan biri. Til ko'nikmalariga o'qigan yoki eshitgan ma'lumotini tushunish hamda fikrini og'zaki va yozma tarzda yetkazish kiradi. Maktab til ta'limining maqsadi - tildan samarali foydalanishni (ya'ni til ko'nikmalarini) o'rgatishdir, til haqidagi bilimlar (so'z boyligi, til qoidalari) esa shu maqsadga xizmat qilishi kerak.

Ya'ni, "o'qish" degan alohida fan (soha) mavjud emas, o'qish - til domenining (sohasning) bir komponenti. Faqat bizda shu paytgacha "ona tili" deganda til qoidalarini tizimli o'rgatish (ya'ni tilshunoslik) tushunilgan. Suratlarda keltirilgan Angliya, Finlyandiya va Turkiya boshlang'ich sinflar ona tili darsliklari namunalarida ham matn bilan ishlash (o'qish) ona tilining ichida ketyapti.

Shokir Tursun qarashlari

15 Nov 2022 06:26

Kecha ajoyib gap eshitdim. Emishki, Moliya vazirligi boshlangʻich sinf oʻqituvchilariga daftar tekshirish uchun toʻlanadigan haqning asosini soʻragan emish. Shu paytgacha qaysi asos bilan boʻlsa oʻsha-da asos dedim.

Savol esa mana bunday boʻldi:
Oldin Ona tili va Oʻqish degan fanlar bor edi. Oʻqituvchilar Ona tili fanida daftar tekshirgani uchun haq olardi. Endi Ona tili bilan Oʻqish qoʻshilgan. Shunda oʻqituvchilar nimaga daftar tekshirishga haq oladi? Nega Ona tili bilan Oʻqish qoʻshilgan oʻzi?

Miyam ishlamay qoldi.

Qaranglar, xoʻp avval oʻqituvchi Ona tili fanida daftar tekshirgani uchun haq olgan boʻlsa, endi Ona tili va Oʻqish fanlari qoʻshildi degani oʻqituvchi daftar tekshirmay qoʻyadi, yoki Ona tili fani tugatildi degani emas-ku. Salgina, juda ham kamgina tafakkur bilan yetish mumkin-ku bunga.

Bundan tashqari, bu savol menga Moliya vazirligidan toʻgʻridan toʻgʻri kelmadi, XTVdagi kimdir orqali keldi. Oʻsha odam hozir Ona tili va oʻqish savodxonligi fanlarida MASHQ DAFTARI bor ekanidan bexabarmikin deb oʻylab qoldim. Bunaqa daftar boshlangʻich sinf fanlarining yarmida bor-ku. Oʻshani tekshirgani uchun haq olaveradi oʻqituvchi.

Tavba, tavba.

Ikkinchi savol esa umuman asabimga tegdi. Ona tili bilan Oʻqish fanlarini nega qoʻshgansizlar oʻzi. Bu haqida kanalimda, seminarlarda, portallardan kelgan xatlarga javobda, ilmiy konferensiyalarda, vazirlikdagi majlislarda bot-bot takrorladik. Vazir oʻrinbosarlari ham bir necha marta bu ish nega qilinganini aytib intervyular berishdi. Yana XTV xodimi shu savolni berishi asabimga tegdi. Moliya esa Prezident qarorini oʻqimagan shekilli. 2020-yil 6-noyabrda qabul qilingan PQ-4884 raqamli Oʻzbekiston Respublikasi Prezidentining qarorida aniq tiniq qilib Ona tili va Oʻqish fanlarini qoʻshish orqali yangicha yondashuvni joriy qilish yozib qoʻyilgan.

Ehhh, ustozlar, algʻov-dalgʻov zamonlarda qoldik.

@birgap

Shokir Tursun qarashlari

13 Nov 2022 10:35

Men ham "Sodiq School" jamoasida qatnashdim. Endi finalda oʻynaymiz.

Finalga chiqqanlarga omad tilayman.

Zakovat oʻyinlarini yaxshi koʻraman. Miyani bor kuchi bilan ishlashga majbur qiladi.

@birgap

Shokir Tursun qarashlari

12 Nov 2022 10:47

Kimdir "poldnik"ning oʻzbekchasini bilmasa. Bizning maktabda shunaqa nomlanadi. Hamma oʻquvchi tilidan ruscha "poldnik" soʻzini chiqarib tashlash harakatidamiz.

P.S.: rasm "Sodiq school" maktabida olingan.

@birgap

Shokir Tursun qarashlari

11 Nov 2022 13:48

Bugun 11/11 ustozim Iroda Azimovaning tugʻilgan kuni.

Ustozdan juda koʻp narsa oʻrgandim(/yapman). Menga ilmiy rahbar emas, chin maʼnoda ustozlar. Ustoz bilan jamiyat, axloq, ilm, kino, kitob, metodika, sanʼat – hamma mavzuda suhbat qura olamiz. Har bir fikrlaridan oʻzim uchun xulosalar yasayman. Har bir suhbatdan keyin bir pogʻona oʻsganimni his qilaman.

Psixolingvistika yoʻnalishi boʻyicha aytib bergan xulosalari esa hayotimdagi eng kerakli bilimlarga aylangan, ana shu xulosalar bilan darslik yozaman, ana shu xulosalar bilan dars oʻtaman, ana shu xulosalar koʻzgusidan taʼlim standartlari va baholashga qarayman.

Eslayman, maqola yozib oldilariga olib kirganimda, “bu ilmiy maqola emas, buni oborib kun.uz ga bering”, deganlar. Ochigʻi, oʻsha boʻyi bir yil maqola yozolmaganman. Qoʻrqqanimdan, xafa boʻlganimdan emas, oʻzimga nisbatan talablarni qattiqlashtirganimdan.

Hammaning ham shunday ustozi boʻlishi kerak deb oʻylayman.

Ustozning yana bir xislati yoqadi, biror mavzuda bahs ketayotganda uning fikriga qarshi fikr aytsam, bu fojia emas. Men ustozingman, mening aytganim haq degan qoida yasab olmaganlar.

Ustozimni tugʻilgan kuni bilan qutlayman! Ilm ulashishdan charchamasinlar.

P.S.: aytgancha, ustozim oʻz ilmiy qarashlarini, til oʻrganish boʻyicha bilimlarini kanallarida doimiy oʻrtoqlashib boradilar. Kanal manzili:
/channel/psixolingvist

@birgap

Shokir Tursun qarashlari

04 Dec 2022 12:43

7-sinf Ona tili “Bobomning pensiyasi” mavzusi uchun oʻqituvchi kitobi (oʻqituvchi uchun qaydlar).

Baʼzi oʻrinlarda topshiriqlarning javobi berilgan boʻlishi mumkin. Shu sababga koʻra, faylni oʻquvchilar koʻrmasligi maqsadga muvofiq.

@birgap

Shokir Tursun qarashlari

04 Dec 2022 12:38

6-sinf Ona tili “Soliqlarni toʻlab borasizmi?” mavzusi uchun oʻqituvchi kitobi (oʻqituvchi uchun qaydlar).

Baʼzi oʻrinlarda topshiriqlarning javobi berilgan boʻlishi mumkin. Shu sababga koʻra, faylni oʻquvchilar koʻrmasligi maqsadga muvofiq.

@birgap

Shokir Tursun qarashlari

01 Dec 2022 02:51

7-sinf. Ona tili fanidan 5-nazorar ishi uchun namunaning javoblari va baholash mezoni.

Ushbu faylda toʻgʻri javoblar berilgan boʻlib, uni oʻquvchilar koʻzidan yiroq tutmoq lozim.

P.S.: ushbu material kanal mulki hisoblanadi. Iltimos, uni oʻz kanalingiz yoki guruhlaringizda tarqatishda kanal nomini eslab oʻting.

@birgap

Shokir Tursun qarashlari

30 Nov 2022 06:43

#talabaga_yengillik
#raqamlashtirish

⚡️150 mingdan ortiq elektron resursga ega yagona elektron kutubxona yaratildi

🔰 Endi unilibrary.uz platformasi orqali talabalar respublikamizning barcha davlat oliy taʼlim muassasalari kutubxonalaridagi o‘quv adabiyotlar hamda ilmiy nashrlaridan onlayn foydalanishlari mumkin.

📌 Platformada:

✅ o‘quv adabiyotlar;
✅ ilmiy maqolalar;
✅ monografiyalar;
✅ dissertatsiyalar;
✅ avtoreferatlar

va boshqa shu kabi 150 mingdan ortiq elektron resurslar jamlangan.

➡️ Shuningdek, hozirda oliy ta'lim muassasalari tomonidan adabiyotlarni raqamlashtirish hamda ushbu platformaga joylashtirish davom etmoqda.

Telegram | Instagram | Facebook | YouTube

Shokir Tursun qarashlari

26 Nov 2022 16:40

Ertaga (27-noyabr) kuni Oʻqituvchilar oʻrtasidagi "Zakovat" intellektual turnirining final bosqichi boʻlib oʻtadi.

Bizning maktab jamoasi ham Toshkent shahridan finalga chiqqan.

Duo qilib turgaysiz, Alloh yuzimizni yorugʻ qilsin!

Kanalda raqiblar boʻlsa, omad tilayman!

@birgap

Shokir Tursun qarashlari

24 Nov 2022 08:08

Bir qarashda bu yerda dars boʻlmayapti.

Ha, shunday. Sinfni tashqaridan koʻrgan odam dars boʻlmayapti degan xulosaga kelishi aniq.

Men oʻquvchilarni shunday erkin ishlashiga imkon yaratishni yaxshi koʻraman. Bu yerda oʻquvchilar bir necha kishilik guruhlarga boʻlinib, oʻzlari oʻtkazgan soʻrovnoma asosida xulosaviy matn tayyorlashmoqda. Maslahatli toʻy tarqamas deganlaridek, hamma bir-biri bilan fikr almashib ishlamoqda.

P.S.: soʻrovnoma mavzulari maktab hayoti bilan bogʻliq boʻlgan. Masalan, "Kutubxonaga qanday kitoblar kerak?", "Qaysi toʻgaraklar ochilishini istaysiz?", "Sizningcha, maktabdagi eng katta muammo nima?" va h.k.

@birgap

Shokir Tursun qarashlari

21 Nov 2022 04:51

Hurmatli ustozlar! Men sanoqda adashib ketdim. Hozirgi vaqtda 2-, 3-, 6-, 7-, 10-sinflarda qaysi mavzularga kelganingiz haqida izohlarda yozib qoldira olasizlarmi?

Men chalkashib ketganim sabab sizlarga vaqtida yordam bera olmay qolyapman.

@birgap

Shokir Tursun qarashlari

20 Nov 2022 08:02

6-sinf Ona tili “Kompyuter grafikasi” mavzusi uchun oʻqituvchi kitobi (oʻqituvchi uchun qaydlar).

Baʼzi oʻrinlarda topshiriqlarning javobi berilgan boʻlishi mumkin. Shu sababga koʻra, faylni oʻquvchilar koʻrmasligi maqsadga muvofiq.

@birgap

Shokir Tursun qarashlari

19 Nov 2022 17:47

Kelinglar, shunchaki hamma oʻz fikrini yozib ketadi.

1. Ona tili deganda siz nimani tushunasiz (umuman, til deganda nimani tushunishingizni aytsangiz ham boʻladi)?

2. Ona tili oʻqituvchisining vazifasi nimalardan iborat?

Shunchaki, oʻz fikrimizni yozib ketamiz, bir-birimizning fikrimizga munosabat bildirmaymiz.

Menga juda ham qiziq.

@birgap

Shokir Tursun qarashlari

15 Nov 2022 14:01

Boshlangʻich sinf oʻqituvchilariga daftar tekshirganlik uchun haq Ona tili va oʻqish savodxonligi soati qancha boʻlsa, oʻshancha soat toʻlanishi kerak. Negaki, hozir oʻqituvchi har bir soatda daftar tekshirishga majbur.

P.S.: bu mening xulosam, hukumat irodasiga mos kelmasligi mumkin.

@birgap

Shokir Tursun qarashlari

15 Nov 2022 06:28

Ba'zi birovlarga tegishli shu gap😂

@birgap

Shokir Tursun qarashlari

13 Nov 2022 18:49

Hozir mavridi emasdir-u lekin aytib qoʻyaveray

11-noyabr ham bayram kuni deb belgilanishi mumkin ekan. Bu degani 11-noyabr taqvimda “qizil” boʻladi. Oʻzbekistonliklarning barchasi dam oladi oʻsha kuni.

Agar shu qonun tasdiqlansa, unda umumtaʼlim maktablarining birinchi chorak taʼtil kunlarini ham qayta koʻrib chiqish kerak boʻladi. Masalan, hozir 4-noyabrda taʼtilga chiqiladi va 6 kun dam olinadi. 10-noyabrdan 2-chorak boshlanadi. Agar 11-noyabr ham dam olish kuni boʻlsa, unda taʼtilni 6-noyabrdan boshlanadigan va 12-noyabrda tugaydigan qilish kerak. Chunki 10-kuni taʼtildan qaytib, bir kun oʻqib, keyin yana bir kun dam olish – gʻalati.

Esimga kelganda aytib qoʻydim-da.

@birgap

Shokir Tursun qarashlari

13 Nov 2022 10:33

O‘qituvchilar o‘rtasidagi “Zakovat” intellektual turnirining Toshkent shahridagi saralash o‘yini yakuniy natijasi

Toshkent shahrida o‘tgan saralash yakunida quyidagi jamoalar turnirning respublika bosqichiga yo‘llanma oldi:

1. Toshkent davlat yuridik universiteti;
2. Sodiq school;
3. O‘zbekiston Milliy universiteti.

Izoh: “Sharjah school” jamoasi a’zolari yetarli bo‘lmagani tufayli jamoaning natijasi hisobga olinmadi.

➖ @zakovatklubi ➖

Shokir Tursun qarashlari

12 Nov 2022 06:54

Andijon viloyati xalq taʼlimi boshqarmasi “Vatan taqdiri mening qoʻlimda” mavzusidagi insholar tanlovining Respublika bosqichi yakunlangani haqida xabar bermoqda.

1-oʻrin: Ruxshona Oktyabrova (Xorazm viloyati)

2-oʻrin: Bonu Ziyatova (Samarqand viloyati)

3-oʻrin: Dilrabo Abdumajitova (Namangan viloyati)

Adolat bor joyda hamma rozi boʻlaveradi (albatta insoflilar). 1- hamda 3-oʻrinni olgan oʻquvchilarning ishini saralashda men tekshirganman. Ruxshona mendan eng yuqori ball olgandi. Dilrabo esa oʻrtacha ball bilan finalga chiqqandi. Mana finalda ham oʻz kuchlarini koʻrsata olishibdi.

Gʻoliblarni qutlayman!

Finalga chiqa olmaganlar esa ushbu ikki postni oʻqib koʻrsin:

1-post: /channel/birgap/1687
2-post: /channel/birgap/1692

@birgap

Shokir Tursun qarashlari

11 Nov 2022 07:32

Hikoya izlash jarayonidagi o'ylar...

Ba'zan kerakli mavzuga mos, badiiy jihatdan juda yaxshi asar o'zbek adabiyotidan emas, chet el adabiyotidan chiqib qoladi. Lekin shu asarni darslikda bersak, ayrim o'qituvchi e'tiroz bildirishadi. Nega xorij adabiyoti, o'zimizda yo'qmidi, deydi ular. Yo'q, men bu noto'g'ri e'tiroz demoqchi emasman. Shunchaki, ba'zan o'zimizda yaxshi asar topilmay qolishini unutmasligimiz kerak, xolos. Bizda ertak, rivoyatlar ko'p. Lekin XXI asar bolalarning hayoti bilan bevosita bog'liq, zamonaviy asarlar juda-juda kam. Buni tan olishimiz ham kerak.