Shokir Tursun qarashlari

03 May 2023 12:29

Kreativlik va samaradorlikning boshqa-boshqa narsalar ekaniga oid keys

Koʻpchilik kreativlik deganda amalda boʻlgan gʻoyadan biroz boshqacha, qiziqroq koʻringan gʻoyalarni nazarda tutadi. Oʻylashimcha, bunday emas. Har qanday gʻoyaga baho berilganda uning qiymati baribir muhim boʻlishi kerak. Qiymat uning samaradorligi asosida chiqadi.

Ikki tushunchaning farqini yaxshi tushuntirish uchun bir boʻlgan voqeani aytib beraman.

Universitet oʻqituvchilarga zamonaviy pedagogikadan bir haftalik seminar oʻtyapman. Mavzular orasida kreativ va tanqidiy fikrlash koʻnikmalarini rivojlantirish ham bor. 40 daqiqa davomida oʻqituvchilarga tushuncha berdim. Keyin topshiriq berdim, guruh boʻlib, kreativ gʻoya yaratishlari va uni taqdimot qilishlari kerak edi.

Bir guruh quyosh batareyalari bilan jihozlangan yengil avtomobil gʻoyasini taqdim qildi. Mashina hech qanday pul sarflamasangiz ham yuradi. Zavoddan quyosh paneli bilan chiqadi. Tabiatning oʻzi buni taʼminlaydi. Ham zararsiz. Zoʻr-a?

Bu - kreativ gʻoya.

Lekin taqdimotdan soʻng boshqa guruh aʼzosi boʻlgan fizik oʻqituvchi eʼtiroz bildirib qoldi. Shu taqdimotni tanqidiy koʻrib chiqsam maylimi dedi. Ruxsat berdim. Uning soʻzlari quyidagicha:

“Agar bu yengil avtomobil boʻlsa, bu mashina uzoq yurmaydi, joyidan jilmasligi ham mumkin. Chunki avtomobilni qoʻzgʻatish va yurgizish uchun maʼlum miqdordagi quvvat kerak. Mashina sirtining hajmi hamda unga joylashadigan quyosh panellari hajmini hisoblab chiqsak, bu juda kam quvvat boʻlib, mashinani qoʻzgʻatish uchun yetmaydi. Insoniyat hali bu ixtiroga yetib kela olmagan. Aks holda, avtomobil zavodlari allaqachon buni yoʻlga qoʻygan boʻlardi. Yaʼni gʻoya yaxshi, lekin samarasiz.”

Koʻryapsizmi, gʻoya rostdan ham zoʻr. Lekin uning samarasi yoʻq. Samarasiz gʻoya esa har qancha kreativ boʻlmasin yoʻqlikka mahkum. Biz kreativ gʻoyalar axlatxonasini emas, samarali gʻoyalar omborini ishlab chiqish ustida ishlashimiz kerak.

@birgap

Shokir Tursun qarashlari

29 Apr 2023 07:49

Jami 454 ta ish ommalashtirishga tavsiya etildi

🎚️ O'qituvchilarning ish tajribasini ommalashtirish elektron platformasidan joriy yilning 23-yanvaridan – 1-fevraliga qadar bo'lgan muddatda 34 649 nafar o'qituvchilari ro'yxatdan o'tdi va jami 9 064 ta ijodiy ishlar kelib tushdi. Ulardan 2 848 tasini metodik qo'llanma, 5 419 tasini dars ishlanma, 797 tasini videodarslar tashkil etdi.

✍️ Elektron platformaga kelib tushgan jami 9 064 ta hujjatdan 2 048 ta ish dastlabki saralash bosqichidan o'tdi. Bunda eng yaxshi ishlar o'qituvchilar o'rtasida ovoz berish yo'li bilan aniqlandi.

🫥 2– saralashda elektron platformaga yuklangan ilg‘or ish tajribalarini baholash jarayoniga barcha fanlar kesimida 254 nafar ekspert jalb qilindi.

🏃‍♂️ So'nggi baholash natijalariga ko'ra, jami 454 ta ish ommalashtirishga tavsiya etildi. Shulardan 3 ta Qoraqalpog‘iston Respublikasi, 68 ta ish Respublika, 104 ta ish viloyat, 279 ta ish tuman bosqichda ommalashtirildi.

Quyidagi havola orqali Ilmiy metodik kengash qarori va sertifikatlarni onlayn shaklda yuklab olish mumkin: ➡️ http://certificate-ommalashtirish.uz/table

⚙️ Sertifikatlarni yuklab olish uchun yo'riqnoma

Kanalga obuna bo'lish:👇👇👇
Telegram | Facebook | Instagram | You Tube | Twittter

Shokir Tursun qarashlari

13 Apr 2023 08:01

Ajoyib tendensiya haqida

Men pedagogikada gʻarbning tadqiqotlari, ishlari va qarorlarini hurmat qilaman, havasdaman. Ammo ularning baʼzi harakatlari ham borki, ikkiyuzlamachilikdan boshqa narsa emas. Umuman olganda, hozir aytadiganlarim gʻarb pedagogikasining emas, xalqaro tashkilotlarning qiligʻi. Pedagoglar aybdor emas bunda.

Xalqaro tashkilotlar taʼlim uchun pul tikadi va baʼzi huquqlarni oʻziga oladi. Masalan, dasturlar, standartlar va darsliklarga xulosa berish.

Xalqaro tashkilotlar standart va dasturlarga global fuqarolik, dunyoviylik, boshqalarga toqatlilikni kiritishni qattiq istashadi. Darsliklarda qora tanli bolalar, nogiron bolalar, sariq sochlilar, turli din vakillari ham bosh qahramon sifatida tanlanishini talab qilishadi. Lekin hijobli qizlarning rasmlariga eʼtiroz bildirishadi (kamida hijobli qizlarning rasmini qoʻyishni talab qilishmaydi). Buni diniy targʻibot deya baholashadi.

Eng alam qiladigani, bizning hukumat ham shunday oʻylaydi. Nogiron bolaning rasmi - mayli, sariq bolaning rasmi - mayli, qora tanli bolaning rasmi - mayli, yarim yalongʻoch bolaning rasmi - mayli, lekin hijobli ayol yoki qizning rasmi - yoʻq.

Tushunmayman, tenglik deganda nimani aytishadi oʻzi. Harxillik, toqatlilik tushunchalari ortida nima yotadi ularning nazdida.

Shuni alohida taʼkidlash kerakki, hijob bu diniy atribut emas, masalan, hoch belgisi bu aniq diniy atribut, xristian rohibalarining kiyimi aniq diniy atribut, ammo hijob kundalik kiyim. U hech yerda rasman diniy atribut sifatida tan olinmagan. MENIMCHA.

@birgap

Shokir Tursun qarashlari

10 Apr 2023 09:49

7-sinf Ona tili fanidan tayyorlangan audio matn

🎧Sun’iy intellekt 9-bet
🎧Chumchuqlarga qiron keltirgan Xitoy 24-bet
🎧Reytingi eng baland kasblar 64-bet
🎧Hisob soʻzlar 87-bet
🎧Syurpriz 115-bet
🎧Dron nega “dron” deyilgan? 145-bet
🎧Soʻrovnoma natijasini yozish 150-bet
🎧Sharq taronalari 172-bet
🎧Sharq taronalari haqida 173-bet
🎧Mualliflik huquqi 191-bet

Kanalga obuna bo'lish:👇👇👇
Telegram | Facebook | Instagram | You Tube

Shokir Tursun qarashlari

10 Apr 2023 09:49

6-sinf Ona tili fanidan tayyorlangan audio matn

🎧Anvar Obidjonning tarjimayi holi 19-bet
🎧Qayta ishlanadigan chiqindilar 41-bet
🎧Optikaning otasi 52-bet
🎧Qontomirlar 59-bet
🎧Chegarada nega boj toʻlanadi 112-bet
🎧Sayyohlarga gidlik qilsam-chi 151-bet
🎧Minorayi Kalon 168-bet
🎧Buyuk ipak yoʻli 171-bet
🎧Miniatyura – mo‘jaz surat 177-bet
🎧Parlamentlar 204-bet
🎧Deputat kim? 208-bet
🎧Rangi quv oʻchdi 216-bet

Kanalga obuna bo'lish:👇👇👇
Telegram | Facebook | Instagram | You Tube

Shokir Tursun qarashlari

07 Apr 2023 16:04

Kitob.uz degan sayt ishga tushirilganini bilsangiz kerak. U yerda barcha darslik, metodik qoʻllanma hamda mashq daftarlarini onlayn koʻrish mumkinligidan xabardor boʻlmasangiz, aytib qoʻyay dedim.

Darsliklar manzili:
https://kitob.uz/catalog/genres/145

@birgap

Shokir Tursun qarashlari

07 Apr 2023 14:13

#gapning_uchini_chiqaraman

Dars ishlanma deb, darsda qoʻllanadigan slaydlarni joylashni niyat qilganlar, bu fikringizdan qayting. Ovoz yigʻishda 1000 ball olgan boʻlsangiz ham ular ommalashtirishga tavsiya etilmaydi. Chunki dars davomida qoʻllanadigan salyd bu dars ishlanma emas. Buni koʻpchilik tasdiqlasa kerak.

@birgap

Shokir Tursun qarashlari

04 Apr 2023 11:43

Ommalashtirish ekspertlari oʻz ishlarini yakunladi.

Endi xulosalar umumlashtirilmoqda. IMK (ilmiy-metodik kengash)larning yakuniy xulosasini olish va sertifikatlarni tayyorlash jarayoni qoldi.

Mana shular oʻtgachgina ommalashtirishning keyingi mavsumi boshlanadi. Xatolardan xulosa chiqardik, endi bu xatolar soni kamayadi (butkul bexato ish boʻlmaydi).

@birgap

Shokir Tursun qarashlari

02 Apr 2023 14:04

Maktabimizda ajoyib anʼana bor. Juma kuni oʻquvchilar bir-birlariga rahmat aytib xat yozishadi. Kimdir vazifada yordam bergani uchun sinfdoshiga, kimdir kitob topib bergani uchun kattaroq oʻquvchiga.

Endi bu jumadan boshlab, oʻqituvchilarga ham yozish mumkin boʻlgan shekilli, menga ham ikkita xat keldi. Mana bu motivatsiya deyiladi.

Ha, maqtanyapman, lekin boshqa maktablar ham oʻrgansa boʻladigan odat. Oʻzaro munosabatlar yaxshi boʻlgan jamiyat farovonroq yashaydi.

@birgap

Shokir Tursun qarashlari

01 Apr 2023 07:09

Ommalashtirish platformasi haqida oʻylar (2-qism)

Ommalashtirish degan gʻoyada qanday xatolarimiz bor (menimcha):

1. Biz bir soatlik dars ishlanmasini ham ommalashtirish uchun yuborishga ruxsat berdik. Bir soatlik dars ishlanmasi nima? Biror mavzuning qanday texnologiyalar asosida oʻtilishi, baholanishi – oʻquvchiga yetkazilish usuli. Mavzu nima asosida shakllanadi – yagona darsliklar. Shunday ekan, dars ishlanmaning 90 foizi darslikka tayanilgan boʻladi. Bunday ishni ommalashtirish haqida oʻylashning oʻzi gʻalati.

Agar biz yagona darsliklar emas, oʻquvchi egallashi zarur boʻlgan bilim va koʻnikmalar jamlanmasi oʻqituvchiga berilib, mana, istagan usuling, istagan topshirigʻingni qoʻlla, lekin bizga mana shu koʻnikmalarga ega oʻquvchi tayyorlab ber deydigan tizimda ishlaganimizda, HA, bir yoki bir necha soatlik dars ishlanmasini ommalashtirish haqida oʻylasak boʻlardi. Yagona darslik tizimi ishlar ekan, dars ishlanmalarni ommalashtirishni unutishimiz kerak.

2. Oʻqituvchilarga ishlarga nisbatan qoʻyiladigan qatʼiy talablar aytilmadi. Istagan odam, istagan narsasini joyladi (birovdan koʻchirgan narsasi, 4 varaqli slaydi, darsni qanday oʻtishi haqida gapirib bergan videosi). Istagan odam oʻz ishini joylay olishiga qarshi emasman, lekin tizim unga qatʼiy talablar qoʻysa hamma ham “ijod namunasi”ni joylayvermaydi. Oʻylab koʻradi, ovora boʻlganimga arzimaydi deydi. Turmush oʻrtogʻim aytganidek, Kemridj universiteti (University of Cambridge) dunyoda 2-oʻrinda turadigan universitet. Unga hamma, istagan odam, hujjat topshirishi mumkin, lekin hamma topshirmaydi. Sababi, uning oʻqishga qabul qilish talablari mavjud. Ovora boʻlib hujjat topshirganim bilan kira olmayman deydi Potensiali yetmasligini his qiladi. Topshirmoqchi boʻlganlar esa, oʻqishga qabul qilinish imkoniyatini oshirish uchun bir necha yil davomida potensialini oshirish yoʻlida oʻz ustida ishlaydi, tayyorlanadi. Ommalashtirish.uz platformasida ham ana shunday talablar joriy qilinishi lozim. Ana shunda istagan odam istagan narsasini joylamaydi, ovoz yigʻish jarayoni ham ikkinchi planga tushib qoladi.

Nizomdagi mezonlar – pdf boʻlsin, 300 MB boʻlsin, 7 daqiqa boʻlsin, degan narsalar talab emas, shakl xolos. Talab mazmunga qoʻyilishi lozim. Mazmunga qoʻyilgan talab qanday boʻlishini keyingi qismda tushuntirishga harakat qilaman.

@birgap

Shokir Tursun qarashlari

31 Mar 2023 12:40

Tanlov boshlanibdi!

Tanlov shartlari:
Qatnashuvchilar yoshi: 3-8 yoshdagi bolalar
Jarayon:

☝️1. Bola “Oq ayiq qayerda?” mavzusiga rasm chizadi.
☝️2. Rasmga qarab oʻz hikoyasini toʻqidi va uni telefon videosiga aytib beradi.

Video shartlari:
· davomiyligi 1 daqiqadan ortmasligi kerak
· bolaning tovushi yaxshi eshitilishi kerak
· bolaning yuzi va u chizgan rasm ravshan koʻrinishi kerak

☝️3. Yozilib olingan video 👉@kichik_ijodkor2023👈 (t.me/kichik_ijodkor2023) Telegram kanaliga quyidagi maʼlumotlar bilan birga joylashtiriladi:
· Videodagi bolaning ismi familiyasi
· Yoshi
· Yashaydigan shahri/viloyati

Barcha talablarga toʻgʻri kelgan videolargina tanlovda qatnashish uchun qabul qilinadi va Dinara Muminovaning Facebookdagi “Kichik ijodkor” 2023 tanlovi sahifasiga joylanadi.

Bu yerda tanlov shartlari bilan to'liq tanishib chiqing. 👉
https://telegra.ph/TANLOVNI-BOSHLADIK-03-31

Shokir Tursun qarashlari

26 Mar 2023 15:43

#kamsiyo
- Maktabda o'qigan kezlarimiz, bolalikda, maktabga "kamsiyo" (komissiya-tekshiruvchi ya'ni) keladi deb o'qituvchilar tashvishga tushib qolsa, mening ko'z oldimga qop-qora qo'rqinchli maxluq kelardi, chunki tojik tilida "siyoh" - qora degani, - deydi FT o'z xotiralarini hikoya qilib.
Yillar o'tdi, ammo shu vahima ta'lim dargohlarida hanuz bor.
O'qituvchi bo'lib yigirma yildan ortiq ishladim, har kuni, har majlisda "agar komissiya kelib qolsa" deb ogohlantirildi, keraksiz qog'ozbozliklar, tadbirlar, forma, tartib - qoida namoyishi kabilar ana shu sirli
"kamsiyo" hujumiga tayyor turish vositasi o'laroq targ'ib (talab) qilindi, ammo o'sha tekshiruvchi ikki martagina men ishlaydigan joyga kelgan edi.
Birinchisida 7 kishi bo'lib darsimga kirgan, bolalarning daftarini rejadagi sanaga mosligini tekshirgan, ikkinchisida O'MK degan papkani varaqlashday muhim vazifani ado etishgan edi.

Mana shu ikkita tashrif uchun 20 yildan ortiq faoliyat davrimda yuzlab qog'oz to'ldirdim, hadik ichida yashadim, ijod qilishdan ko'ra qolipga moslashishga tirishdim.
Esiz, umr..
@suvaydo

Shokir Tursun qarashlari

25 Mar 2023 07:20

DIQQAT! E’LON!

📣Maktabgacha va maktab ta'limi vazirligi tomonidan Pedagoglarni yangi metodikalarga o‘rgatish milliy markazlari tuzilmasidagi Metodik xizmat ko‘rsatish bo‘limi boshlig‘i va fan metodistlari uchun tanlov e'lon qilinаdi!

👉 Mazkur tanlovda ishtirok etishni istagan nomzodlar quyidagi havola orqali ro‘yxatdan o‘tishlari mumkin: http://ish.uzedu.uz

Tanlov ikki bosqichda - test va suhbat asosida bo‘lib o‘tadi.

❗️Maktabgacha va maktab ta'limi vazirligi tomonidan mazkur tanlovga hujjat topshirish bo‘yicha video-yo‘riqnoma tayyorlandi.

Unda siz http://ish.uzedu.uz orqali hujjat topshirish bo'yicha batafsil ma'lumotga ega bo'lishingiz mumkin.

Shoshiling!

📆 Ro'yxatdan o'tish  6-aprelgacha davom etadi

Shokir Tursun qarashlari

13 Mar 2023 06:24

@birgap

Shokir Tursun qarashlari

10 Mar 2023 12:15

⚡3 kunlik bepul onlayn marafon orqali mental arifmetika kasbini o'rganib oling!


• Darslar kim uchun?
- Mental arifmetikaga qiziqadigan barcha uchun.

• Darsni kim o'tadi?
- Darslarni minglab shogirdlar chiqargan, 4 yillik tajribaga ega ustoz Muhammad Husayn ustoz o'tadilar.

• Marafon qachon boshlanadi?
- 11-mart, 20:00da birinchi dars bo'lib o'tadi.

• Marafonda qatnashish necha pul?
- Mutlaqo BEPUL!

• Qanday qatnashsam bo'ladi?
- Mana shu link orqali ro'yxatdan o'tasiz va sizga marafon bo'lib o'tadigan yopiq kanal havolasi beriladi.

Postni yaqinlaringiz ulashing, AbakusShop do’konidan bitta kitobni bepul qo'lga kiriting!

👉Ro'yxatdan o'tish uchun ko'k yozuv ustiga bosing:
https://ustozpro.uz/p/marafon-mart/

Bu postni 7ta tanishingizga yuboring, skrinshotni @abakus_sotuvchi’ga jo’nating va sovg'a vaucherini qo’lga kiriting

✅ @ustozpro_uz - o’qituvchilar kasbiy rivojlanish markazi

Shokir Tursun qarashlari

29 Apr 2023 08:02

Koʻpchilik Ommalashtirish nizomi boʻyicha 1-turdan oʻtgan 100ta ishning hammasi qaysidir darajada ommalashishi kerak edi nega bunday boʻlmadi deyapti.

Oʻsha aytilayotgan nizomning shunday bandi borki, (rasmda e band) u ekspertlarga ishni ommalashtirishga tavsiya etmaslik huquqini beradi.

1-turdan yuqori ball olgan koʻp ishlar koʻchirilgan, eski dastur asosida qilingan, birorta yangiligi boʻlmagan ishlar boʻlib chiqdi. Xoʻsh, agar oʻsha e band boʻlmaganda, ana shu ishlar ham hech yoʻq tuman darajasida ommalashishi kerak edi.

@birgap

Shokir Tursun qarashlari

21 Apr 2023 04:08

Assalomu alaykum!

Kanalni kuzatadigan barcha musulmonlarni bugungi bayram bilan qutlayman!

Oilangizga sogʻlik, baxt, farovonlik tilayman.

Yurtimiz doimo tinch boʻlsin.

@birgap

Shokir Tursun qarashlari

10 Apr 2023 09:49

10-sinf Ona tili 53 - 65-darslar uchun oʻqituvchi kitobi (oʻqituvchi uchun qaydlar).

Baʼzi oʻrinlarda topshiriqlarning javobi berilgan boʻlishi mumkin. Shu sababga koʻra, faylni oʻquvchilar koʻrmasligi maqsadga muvofiq.

DIQQAT!!! Ushbu manba tasdiqlanmagan, norasmiy hisoblanadi. Rasmiy manbani rasmiy kanallar orqali olishingiz mumkin. Ushbu manbada texnik kamchiliklar boʻlishi mumkin.

@birgap

Shokir Tursun qarashlari

10 Apr 2023 09:49

7-sinf Ona tili. Oʻqituvchi kitobi (oʻqituvchilar uchun qaydlar). Mavjud mavzular:

"Sharq taronalari" xalqaro musiqa festivali
Oliy Majlis
Mualliflik huquqi
Oʻquv yili oxirida takrorlash

Baʼzi oʻrinlarda topshiriqlarning javobi berilgan boʻlishi mumkin. Shu sababga koʻra, faylni oʻquvchilar koʻrmasligi maqsadga muvofiq.

DIQQAT!!! Ushbu manba tasdiqlanmagan, norasmiy hisoblanadi. Rasmiy manbani rasmiy kanallar orqali olishingiz mumkin. Ushbu manbada texnik kamchiliklar boʻlishi mumkin.

@birgap

Shokir Tursun qarashlari

10 Apr 2023 09:49

6-sinf Ona tili. Oʻqituvchi kitobi (oʻqituvchilar uchun qaydlar). Mavjud mavzular:

Buyuk ipak yoʻli
Miniatyura - moʻjaz surat
Oqsaroyga bitilgan hikmat
Konstitutsiya - bosh qomusimiz
Davlatni kim boshqaradi?
Oʻz deputatingizni bilasizmi?
Oʻquv yili oxirida takrorlash

Baʼzi oʻrinlarda topshiriqlarning javobi berilgan boʻlishi mumkin. Shu sababga koʻra, faylni oʻquvchilar koʻrmasligi maqsadga muvofiq.

DIQQAT!!! Ushbu manba tasdiqlanmagan, norasmiy hisoblanadi. Rasmiy manbani rasmiy kanallar orqali olishingiz mumkin. Ushbu manbada texnik kamchiliklar boʻlishi mumkin.

@birgap

Shokir Tursun qarashlari

07 Apr 2023 14:55

Ekspertlardan eng koʻp tushayotgan izoh:

Ushbu ishda imloviy, ishoraviy va uslubiy xatolar koʻp.

Qiziq-da, oʻqituvchilar oʻz ishini joylashdan oldin imlo xatolari yoʻqmikan, deb oʻqib koʻrmaganmi yoki xato qilayotganini bilmaganmi? Nega bunaqa ishlar koʻp? E'tiborsizlarcha munosabatda boʻlishgan.

Lekin shu ammamga shu pochcham degan gap ham bor.

@birgap

Shokir Tursun qarashlari

04 Apr 2023 11:46

Nima deb oʻylaysizlar, IMK xulosalari ommaviy eʼlon qilinsinmi?

Nega soʻrayapman, u yerda qaysi ishlar koʻchirilgan ekani, qaysi ishlar savodsizlarcha qilingani ochiq oydin yozilgan boʻladi. Familiyangiz qarshisida koʻchirilgan ish muallifi tamgʻasi turishiga qanday qaraysiz?

Bu oʻqituvchi obroʻsiga taʼsir qiladi. Oʻquvchilari oldida bir tiyin boʻladi unqalar.

Sizlar nima deysizlar, shafqatsiz boʻlish kerakmi?

@birgap

Shokir Tursun qarashlari

03 Apr 2023 07:08

Filologiya yoʻnalishiga ixtisoslashgan kanallar ancha kam, ayniqsa, “YouTube”da. Hozir sizlarga bir kanal tavsiya qilaman, unda turli asarlarning tahlili, grammatik qoidalar izohi, til va adabiyotga oid qiziqarli ma’lumotlarni olishingiz mumkin. Aytmoqchimanki, oʻqituvchi yoki filolog uchun kerakli kanal.

Kiring, koʻring, videolar ostida oʻz izohlaringiz qoldiring. Muallif erinmay javob beradi. Bundan tashqari, kanalga obuna boʻlib, qoʻngʻiroqcha tugmasini bosib qoʻysangiz, yangi videolar chiqqanda bexabar qolmaysiz.

Kanal manzili:
meningtilim" rel="nofollow">https://youtube.com/@meningtilim

P.S.: video ostida izoh yozish uchun YouTubeda roʻyxatdan oʻtgan boʻlish kerak, oʻtib qoʻyaveringlar, yaxshi narsa.

Shokir Tursun qarashlari

01 Apr 2023 07:12

Ommalashtirish platformasi haqida oʻylar (3-qism)

Masalan, metodik qoʻllanma / tavsiyaning mazmuniga qanday talablar qoʻyish mumkin:

1. Taklif etilayotgan metod, texnologiya yoki metodologiya sinovdan oʻtgani (kamida 50 oʻquvchi oʻrtasida) haqidagi maʼlumot mavjud.

2. Taklif etilayotgan metod, texnologiya yoki metodologiya qaysi jihatlariga koʻra boshqalardan ustun turishi izohlangan, ilmiy tadqiqotlarning xulosalari yordamida asoslangan (ilmiy tadqiqot oʻqituvchiniki boʻlishi shart emas, lekin xulosasiga tayanishi mumkin).

3. Taklif etilayotgan metod, texnologiya yoki metodologiya yangilik kiritishga asoslangan.

Aynan mana shunday mezonlarga mos kelmaydigan ishlar yaroqsiz deb qaraladi va ommalashtirish uchun tavsiya etilmaydi (1 million ovoz yigʻgan boʻlsa ham).

Xoʻsh, bu talablarni qoʻyishdan maqsad nima? Oʻqituvchini qiynashmi? Yoʻq, uni izlanishga undash, yangilik yaratishga undash. Oʻzi biror metod, texnologiya yoki metodologiyani boshqasidan ustun deyish uchun asoslar kerak, nega ustun? Qaysi jihatlari bilan ustun? Bu qanday aniqlandi?. Falon mavzuni tushuntirish uchun falon usuldan foydalanish yaxshi deyish bilan ish bitmaydi. Bu juda ham xato usul. Oʻqituvchilarni mana shu dunyoqarashdan ham qutqargan boʻlamiz.

Davomi boʻlsa kerak…

@birgap

Shokir Tursun qarashlari

01 Apr 2023 07:06

Ommalashtirish platformasi haqida oʻylar (1-qism)

Oʻqituvchilar ommalashtirish.uz platformasiga oʻz ijod namunalarini joylashtirishdi. Keyin hamma oʻzi uchun ovoz yigʻishni boshladi. Kimdir reklama qildi, kimdir iltimos. Kimdir barcha tanish oʻqituvchilariga yolvordi. "Men sizga ovoz berdim, endi siz ham menga ovoz berib yuboring", – deganlar ham boʻldi. Bu birinchi tur edi.

Afsuski, birinchi tur jamoatchilikda keskin eʼtirozlarni keltirib chiqardi. Kim olgʻirroq boʻlsa, oʻsha yutib ketdi. Yaxshi ishlar qolib ketdi degan keskin fikr shakllandi. Deyarli hamma birinchi turdan norozi.

Oʻylab qaraganda, bu ovoz yigʻish jarayoni, aslida, oʻta tabiiy jarayon. Qonunchilik oʻz ijod namunasini targʻib qilish usullarini cheklamaydi (agar u ijod namunasi qonunga zid va qoʻporuvchilik gʻoyalari bilan sugʻorilmagan boʻlsa). Men buni toʻgʻri qabul qilishimiz kerakligini soʻragan boʻlardim. Yaʼni ovoz berish jarayoni jamoatchilik aytganiday, juda yomon va yaroqsiz emas. Bir oʻqituvchi oʻz karyerasi yoʻlida turli usullarni qoʻllayapti. Oʻz ishini boshqalarga qoʻrqmay koʻrsatyapti. Mana shu meni ishim, kiringlar, koʻringlar, baholanglar deyapti.

Hozir hamma bu bosqichni bekor qilishni soʻrayapti. Men esa biroz shoshmaslikni, doʻppini bir chetga qoʻyib, oʻylab koʻrishni taklif qilaman. Balkim, ovoz berishni qoldirib, jarayonning oʻzini qayta koʻrib chiqarmiz. Yaʼni muammo ovoz yigʻishda emas, ommalashtirish degan gʻoyaning oʻzida boʻlsa-chi?

@birgap

Shokir Tursun qarashlari

27 Mar 2023 18:33

Hurmatli ona tili fani oʻqituvchilari ayniqsa 6-sinflarga dars oʻtuvchi oʻqituvchilar!

6-sinf Ona tili darsligining 179-betida quyidagicha topshiriq mavjud:

Audiomatnni tinglang, juft va takroriy feʼllarni yozib oling.

Bu topshiriqning audiomatni tayyorlanmagani sabab yuqoridagi faylda berilgan soʻzlarni oʻzingiz oʻqib berishingiz soʻraladi.

Bundan tashqari, ushbu topshiriqdan oldin oʻquvchilarga lugʻatdan foydalanib, "juft" va "takror" soʻzlari nimani anglatishini aniqlashlarini aytsangiz ham boʻladi. Bu soʻzlarning izohini lugʻatdan koʻrish orqali oʻquvchilarda atamaning mohiyati boʻyicha tasavvur yaxshiroq shakllanadi.

Ushbu kamchilik keyingi yilgacha bartaraf etiladi. Hushyor ustozlarga alohida rahmat!

@birgap

Shokir Tursun qarashlari

25 Mar 2023 19:15

Birinchi liga qishki mavsumi ham yakunlandi!

Bugun “Zakovat intellektual klubi” NNT tomonidan Birinchi liga qishki mavsumi so‘nggi turi bo‘lib o‘tdi.

🏆 Jami 12 tur natijasiga ko‘ra, quyidagi jamoalar kuchli beshlikni egalladi:

1-o‘rin: Sodiq school jamoasi;
2-o‘rin: Kronos jamoasi;
3-o‘rin: OKMK jamoasi;
4-o‘rin: Novator jamoasi;
5-o‘rin: Born to win jamoasi.

💰Kuchli uchlikni egallagan jamoalar “Zakovat intellektual klubi” NNT tomonidan quyidagi miqdordagi pul mukofotlari bilan taqdirlanadi:

1-o‘rin - 9 million so‘m;
2-o‘rin - 7 million so‘m;
3-o‘rin - 5 million so‘m.

Nizomga asosan yuqoridagi besh jamoa Professional ligaga yo‘llanmani qo‘lga kiritdi.

➖ @zakovatklubi ➖

Shokir Tursun qarashlari

13 Mar 2023 06:24

Mana bu videoni qarang, unda oʻqituvchilar tarmoqda mashhur boʻlgan qoʻshiqqa oʻz talqinlarida video olishgan.

Qoʻshiqda "муж купил" yaʼni, "erim olib bergan" degan soʻzlar bor. Maktab oʻqituvchilari esa eri olib bergan narsani koʻrsatmoqda. Biri sumkasini, biri kiyimini, biri telefonini.

"Militsiya UZB" degan tagi-tugi nomaʼlum norasmiy telegram kanalda esa bu video ostiga "dars berish oʻrniga trendga ergashib yurishibdi, oʻqituvchilar ahvoli shu" mazmunida yozib ulashgan.

Yakkasaroy tumani hokimiyati esa bu voqeaga izoh bildirib, maktab direktori bilan suhbat uyushtirilgani, ularga tushuntirish ishlari olib borilgani haqida rasmiy munosabat bermoqda.

Xoʻsh, tafakkur qilib ayting-chi, oʻqituvchilar ishida nima yomonlik bor? Mehnat kodeksining qaysi bandini buzishgan? Oʻqituvchiga xursandchilik qilish mumkin emasmi? Nega ular bilan hokimiyat suhbat uyushtirib, tushuntirish ishlari olib bormoqda?

Siz mana shunday bosim ostida ushlanadigan oʻqituvchi kelajakda normal odam tayyorlab bera olishiga qanchalik ishonasiz?

Menimcha, bu vaziyatda vazirlik oʻqituvchilarni himoya qilishi, ular bilan suhbat uyushtirishdan oldin vazirlik bilan bogʻlanish kerakligini aytishi, tuman hokimligi oʻqituvchilarga bosim qilmasligi kerakligini eslatishi, bu vaziyat takrorlansa hokimiyat bilan sudlashishlari (ishchanligiga salbiy taʼsir oʻtkazgani uchun) mumkinligini bildirishi kerak.

Aslida bunday munosabatni Kasaba uyushmalari federatsiyasi berishi kerak, lekin bu federatsiyaning nomi ulugʻ, suprasi yoʻq (quruq emas, suprasi yoʻq).

Oʻqituvchilarni kimdir himoya qilishi kerak.

@birgap

Shokir Tursun qarashlari

11 Mar 2023 12:22

Darslabki saralashdan 2048 ta ish o'tgan deb topildi

⬇️www.ommalashtirish.uz elektron platformasiga kelib tushgan jami 9 064 ta hujjatdan 2 048 ta ish dastlabki saralashdan o'tdi.

⚙️ 1-saralashning yakuniy natijalari haqida quyidagi link orqali bilib oling!
➡️https://ommalashtirish.uz/result-teacher-season

⚙️ Fanlar kesimida baholashga qabul qilingan ishlar soni haqida quyidagi havola orqali bilib oling!
➡️https://telegra.ph/Dastlabki-saralashdan-otgan-ishlar-soni-03-11

Kanalga obuna bo'lish:👇👇👇
Telegram | Facebook | Instagram | You Tube | Twittter

Shokir Tursun qarashlari

09 Mar 2023 18:08

10-sinf Ona tili 53 - 65-darslar uchun oʻqituvchi kitobi (oʻqituvchi uchun qaydlar).

Baʼzi oʻrinlarda topshiriqlarning javobi berilgan boʻlishi mumkin. Shu sababga koʻra, faylni oʻquvchilar koʻrmasligi maqsadga muvofiq.

DIQQAT!!! Ushbu manba tasdiqlanmagan, norasmiy hisoblanadi. Rasmiy manbani rasmiy kanallar orqali olishingiz mumkin. Ushbu manbada texnik kamchiliklar boʻlishi mumkin.

@birgap