Shokir Tursun qarashlari

02 Apr 2024 10:01

Bizning maktabda har kuni iftorlik uchun yemak berib yuborishadi ishdan chiqishimizda.

Lekin gap iftorlikka yemak berilishi haqida emas...

@birgap

Shokir Tursun qarashlari

28 Mar 2024 09:25

Bir ilova topib olgandim – "Mutolaa".

Juda yaxshi ilova ekan, har doim kitoblar qoʻshib boriladi. Hozir 200 ga yaqin asar bor. Koʻp asarlarning ham audiosi, ham elektron nusxasi bor. Bolalarbop asarlar ham, kattalarbop asarlar ham bor. Oʻqishga ham qulay ekan, koʻzni charchatmaydi. Kelgan joyingizdan davom ettirsangiz boʻladi. Internet bor vaqtda kitoblarni yuklab olsangiz, keyinroq internetsiz ham oʻqiyverasiz.

Yuklab olish uchun yoʻnaltmalar:
Play Market
App Store

@birgap

Shokir Tursun qarashlari

27 Mar 2024 09:43

Zulfiya Rashidova ustozdan fikrlar.

https://shokiryuldash.medium.com/yana-darsliklar-haqida-705b836ed4ce

Shokir Tursun qarashlari

27 Mar 2024 09:08

Kurs oʻtishga tayyorlanish maqsadida koʻplab pedagogikaga oid kitoblarni, darsliklarni oʻqib chiqishga majbur boʻldim. Mualliflarini hurmat qilgan holda aytamanki, Oʻzbekiston oliy ta'lim tizimidagi pedagogika darsliklari faqatgina pedagogika haqida boʻlib, oʻqigan odamga real bilimlar, koʻnikmalar, ma'lumotlar bera olmaydi. Mavzular ichiga kirilmagan, tahlil qilinmagan, shunchaki mavzu haqida yozilgan ma'ruzalar xolos.

Pedagogikamiz oqsayotgani sababi ham shudir balkim.

Fanlarni oʻqitish metodikasiga oid asarlarning aksari ham shu ahvolda. Metodikamiz oqsayotgani sababi ham shudir balkim.

Eng birinchi oliy ta'lim tizimini butkul isloh qilmas ekanmiz, quyi boʻgʻinda ijobiy oʻzgarishlarni kutmasligimiz kerak.

@birgap

Shokir Tursun qarashlari

24 Mar 2024 18:15

Bugun "Attestatsiya uchun pedagogika" kursining nolinchi darsi boʻldi.

Foydalanadigan dasturimiz bilan tanishib, unda onlayn repetitsiyada tushgan testlarni ishlab, tahlil qilish mumkin boʻlgan oʻrinlarini tahlil qildik.

Ertadan asosiy darslar boshlanadi.

Boshlab olganimizdan xursandman. Endi har 2-3 oyda turli mavzuda kurslar qilish niyatim bor.

Aytganday, kimdir roʻyxatdan oʻtgan boʻlsa-yu, men unga aloqaga chiqmagan boʻlsam, shu yerga yozing. Ayrimlar qoldirgan kontakt raqamlariga bogʻlanib boʻlmadi.

@birgap

Shokir Tursun qarashlari

22 Mar 2024 03:16

Kecha attestatsiyaning repititsiyasi ochildi. Ochildi-yu yuklamani koʻtara olmay oʻtirib qoldi.

Onlayn repititsiya sayti bilan birga vazirlikning sayti ham oʻtirib qoldi.

Yana bir qiziq narsa, onlayn repititsiya sayti nomi "MNO Test portal" ekan. MNO? Nega MNO?

MNO bu - xalq taʼlimi vazirligining ruscha nomimi? "Ministerstvo narodnogo obrazovaniya" deganining qisqartmasimi? Shuni MMTV desa nima boʻlardi?

@birgap

Shokir Tursun qarashlari

20 Mar 2024 06:45

Agar siz oʻqituvchi, direktor, maktab ochgan tadbirkor (taʼlimga aloqasi bor har kim) boʻlsangiz, shu kitobni oʻqib chiqishingiz shart. Bu kitobdagi gʻoya juda muhim.

@birgap

Shokir Tursun qarashlari

19 Mar 2024 12:18

Nega amaldagi darslik emas?

Bugun boshlangʻich sinf oʻqituvchilari uchun attestatsiya testlariga tayyorgarlik koʻrish uchun tavsiya qilinadigan kitoblar roʻyxatini eʼlon qilishdi. Bir narsa qiziq, nega 6-sinf “Ona tili” darsligining 2017-yilgi, amaldan chiqarilgan nusxasi tavsiya etilyapti?

Bu borada savollar koʻproq oʻzi.
1. Nega boshlangʻich sinf oʻqituvchilariga 5- va 6-sinf darsliklari ham tavsiya qilinyapti?

2. Agar boshlangʻich sinf oʻqituvchisi ham ona tili yuzasidan umumtaʼlimda beriladigan grammatika va qoidalarni bilishi kerak boʻlsa, nega faqat 6-sinfgacha berilyapti?

3. Nega amaldagi darslik emas?

4. Nega faqat ona tili fanidan 6-sinf darsligi tavsiya qilinyapti, matematikadan unday emas?

Amaldagi darslik emas, eskiroq darslik tavsiya qilinganidan bir xayol boshimdan ketmay qoldi:
Nima, bular eski testlardan foydalanmoqchimi?

@birgap

Shokir Tursun qarashlari

18 Mar 2024 02:05

Kreativlikni aniqlashning bir necha usullari bor. Shulardan biri Torrens testlari hisoblanadi.

Suratda koʻrib turganingiz ham ana shunday testlardan biri. Bunda testda ishtirok etuvchilarga 3 xil topshiriqdan biri beriladi:

Qoʻllang. Biror shakl beriladi. Test topshiruvchi faqatgina shu shakldan foydalanib nimadir yaratishi lozim.

Birlashtiring. Turli shakllar beriladi. Test topshiruvchi berilgan shakllarni oʻzi istagan usulda birlashtirib nimadir yaratishi lozim.

Yakunlang. Shunchaki yakunlanmagan rasm beriladi. Test topshiruvchi oʻzi istaganday yakunlab qoʻyishi lozim.

Pedagogikaga oid kitoblarda Torrens testi haqida ma'lumotlar uchraydi. Bizda bu testdan malaka oshirish institutlarida foydalanib ham turishadi.

Attestatsiya uchun tavsiya etilgan kitobda ham shu test haqida ma'lumotlar bor ekan. Kursda oʻqiganlar shu va shunga oʻxshash ma'lumotlarni qisqa shaklda olishlari mumkin boʻladi.

Kurs haqida batafsil ma'lumotni ushbu yoʻnaltmadan olishingiz mumkin.

@birgap

Shokir Tursun qarashlari

17 Mar 2024 09:35

Roʻyxatdan oʻtganingizda mana shu yozuvning chiqishi, muvaffaqiyatli roʻyxatdan oʻtganingizni anglatadi.

Kurs haqida batafsil ushbu saytdan oʻqishingiz mumkin.

@birgap

Shokir Tursun qarashlari

15 Mar 2024 06:22

Bir darsda oʻquvchilarimdan biri: “ustoz, universitetda ona tilida oʻqisa, nima ish qilsa boʻladi?” – deb soʻradi.

Boshqa bir darsda esa, adabiyotda oʻqisa nima ish qilish mumkinligi haqida soʻrashgandi.

Ochigʻi ularga tayinli javob bera olmadim. Keyinroq oʻyladim. Ishlar ancha koʻp ekan:
1. Oʻqituvchilik
2. Tarjimonlik (albatta, boshqa biror tilni ham oʻrganish kerak)
3. Muharrirlik
4. Musahhihlik
5. Kontent menejer
6. Matn yaratuvchi (kopirayter)

Ona tili va adabiyotdan xabardor boʻlish sizga ikkita ustunlik beradi: savodxon boʻlasiz, dunyoqarashingiz kengroq boʻladi.

Hozir bozor shu ahvolga keldiki, har qanday sohada savodli odamning qadri baland. Chunki koʻpchilikning savodi yaxshi emas. Biror nima yozsa oʻn gapda oʻn bir xato bilan yozadiganlar qalashib ketgan. Qaysi sohada ishlasangiz ham savodli boʻlsangiz narxingiz bir bosh baland boʻlaveradi.

P.S. oʻquvchilarim shu yoʻnalishda oʻqishni oʻylab koʻrayotgani meni quvontiradi

@birgap

Shokir Tursun qarashlari

11 Mar 2024 10:37

Oʻqituvchi uchun ham raqamlar juda muhimligini bilasizmi?

Oʻqituvchi oʻquvchilarida oʻtkazilgan nazorat ishlari yoki kunlik baholarni koʻrish, bilish, tahlil qilish imkoniga ega boʻlishi kerak. Siz nazorat ishi oʻtkazsangiz-u uning natijalarini tahlil qilmasangiz, nazorat ishi oʻz vazifasini toʻliq bajarmagan boʻladi.

"Sodiq School"da mana shunday raqamlarni toʻplab, umumlashtirib beruvchi xodimlar bor. Ulardan olgan raqamlarimni tahlil qilib, keyingi qadamlarimni belgilashda ishlataman.

Ayni mana shu imkoniyat hamma oʻqituvchida boʻlishi kerak.

P.S. lekin bunday amaliyot yaxshi ishlashi uchun oʻqituvchi akademik erkin (kamida dastur yoki darslikni oʻzi tanlay oladigan) boʻlishi lozim.

@birgap

Shokir Tursun qarashlari

07 Mar 2024 09:32

Jaholat qurboni bo‘lgan muallima nimaning obrazi, qashqirlar-chi? – Bir mashhur she’r tahlili

She’rning avvalida uni muallima o‘laroq tanidik. Keyin boshida eri borligini bilib oldik. Demak, u xotin, yor. Dugonasidan so‘z ochildi, ayni damda u o‘rtoq ham. Mana endi boladan xabar berilmoqda. Ko‘rinadiki, u ona hamdir. Bo‘lib ham o‘zbek onasi, sharqlik ona.

Batafsil: https://oyina.uz/uz/article/2564

Rasmiy sahifalarimiz👇

Telegram | Facebook | YouTube |X

Shokir Tursun qarashlari

06 Mar 2024 11:07

Komil aka jarayonlarga eng toʻgʻri tashxisni qoʻyyapti. Men bu fikrga kelganimga 2 yilcha boʻlgan. Ammo mana 2 yildirki, vazirlikdan biror qadam koʻrmadim. Aksincha, u har ikki tarafni (oʻqituvchini ham, oʻquvchini ham) battar stressga tushirish bilan band.

@birgap

Shokir Tursun qarashlari

06 Mar 2024 04:57

Maqtanib qoʻyay

Toshkent shahri "Zakovat" klubining 2-liga oʻyinlarida oʻynaydigan jamoamiz bilan muddatidan avval birinchi oʻrinni naqd qildik.

Meni quvontiradigani tarkibimizda 3 ta oʻquvchimiz ham bor. Ular biz bilan tengma-teng hissa qoʻshishadi.

@birgap

Shokir Tursun qarashlari

29 Mar 2024 08:08

Ona tilini qanday oʻqitish boʻyicha qarashlarim yanada tizimlashdi. Ba'zi tumanli joylar oydinlashdi.

Xudo xohlasa, 5-6-7-sinflar uchun standartlar, dastur va topshiriqlar toʻplamiz ustida ish boshlamoqchiman. "Seven school" (hozir ishlayotgan maktabimning boshlangʻich - 1-7-sinflar uchun ochilgan filiali)da oʻsha dasturga ham murojaat qilib turmoqchiman. Davlat belgilab bergan standart va dasturlar ham chetda qolmaydi.

Alloh quvvat bersin!

@birgap

Shokir Tursun qarashlari

27 Mar 2024 19:06

🤩Yangi loyihaga asos soldik – SS podcast

Samimiy suhbat

✅1-son.
Bu sonda biz ona tili va tilshunoslik orasidagi farq, darsliklar, davlat tili, alifbo va yozuv turlarining o‘zgarish tarixi hamda oqibatlari, yangi lotin alifbosi islohi haqida suhbatlashdik.
Katta xatoliklarga sabab bo‘luvchi “yumshoq” h va “qattiq” x haqida ham fikrlashdik.

P.S. Tilshunos sifatida qancha pul ($) topish mumkinligi haqida mutaxassisdan javob ham bor. Aytish kerakki, katta summa.

Spikerlar:
Orif Tolib
muharrir, @oriftolib sahifasi asoschisi

Mansur Siddiqov
"Sodiq school" maktabi o‘qituvchisi, ona tili darsliklari muallifi

Shokir Tursun
"Sodiq school" maktabi o‘qituvchisi, ona tili darsliklari muallifi

Hasanxo‘ja Muhammad Sodiq
“Sodiq school” maktabi asoschisi

https://youtu.be/tcFEBGkWGJo?feature=shared

Shokir Tursun qarashlari

27 Mar 2024 09:13

Alisher Navoiy nomidagi Toshkent davlat oʻzbek tili va adabiyoti universiteti “Global ta’lim va milliy metodika taraqqiyoti” mavzusida ilmiy-amaliy konferensiya tashkillashtirayotgan ekan.

Barcha ma’lumotlar bilan axborot xatida tanishish mumkin.

@birgap

Shokir Tursun qarashlari

25 Mar 2024 04:32

Kecha 22:42 da kimdir kurs uchun toʻlov qilgan ekan.

Izohi quyidagicha:
Ped.mahorat kursi uchun

Ammo ismini yozmabdi, shuning uchun kim ekanini aniqlay olmadim. Agar oʻsha odam shu postni oʻqiyotgan boʻlsa, bildirib qoʻysin.

@birgap

Shokir Tursun qarashlari

22 Mar 2024 08:40

"Attestatsiya uchun pedagogika" nomli kursimizga roʻyxatdan oʻtish muddati tugamoqda.

Darslar 24-martdan boshlanadi.
Darslar davomida pedagogika yuzasidan tavsiya etilgan kitoblarning mazmun-mohiyati, mavzulari tushuntiriladi. Onlayn testlar orqali oʻzingizni sinab olish imkoniyati beriladi.

Kurs haqida batafsil quyidagi yoʻnaltmadan oʻqisangiz boʻladi:
https://sites.google.com/view/attestatsiyauchunpedagogika/bosh-sahifa

Kursga roʻyxatdan oʻtish yoʻnaltmasi:
https://forms.gle/dM4NKS4tTcJyeawR8

Kursga toʻlov qilish yoʻnaltmasi:
https://tirikchilik.uz/ShokirTursun

@birgap

Shokir Tursun qarashlari

21 Mar 2024 12:04

Maktablardagi milliy gvardiya masalasi Navroʻz bayrami tadbirida ham tilga olindi.

Mana endi Milliy gvardiyaning maktabga oyoq bosishi sababi haqidagi taxminlarim isbotini topdi.

Sababini allaqachon tushungandim. Lekin aytolmayman, ichki senzura bor.


Aytsam uyim kuyar, aytmasam dilim.

Video manbasi: /channel/FaxriddinTuropov2

@birgap

Shokir Tursun qarashlari

20 Mar 2024 05:52

Fonetik hodisalar haqida savollarim bor edi...

1. Nima deb oʻylaysiz, fonetik hodisalarni bilish bizga (odamga) nima beradi? Hayotining qayerida ishlatadi?

2. 5-sinf darsligida fonetik hodisalar berilishi toʻgʻrimi? Nega?

Javob berib koʻringlar-chi.

@birgap

Shokir Tursun qarashlari

18 Mar 2024 02:09

Attestatsiya jarayonlari 26-martdan boshlanishi haqidagi xabarlarning notoʻgʻri ekanini mana bu kanalda yozishgan ekan.

Agar attestatsiya jarayonlari rostdan ham 26-mart kunidan boshlansa, kursga toʻlov qilganlarning mablagʻlari toʻliq qaytariladi, kurs boʻlmaydi.

Agar, attestatsiya boshlangunga qadar kurs oʻz nihoyasiga yetmay qolsa, qolib ketgan darslarning puli qaytarib beriladi.

@birgap

Shokir Tursun qarashlari

17 Mar 2024 10:11

Kurs uchun toʻlovni amalga oshirayotganlar diqqatiga!

Iltimos, toʻlov qilishda anonim shaklda emas, ism, familiyangiz kiritib toʻlov qiling. Aks holda toʻlov kimdan ekanini aniqlash imkonsiz boʻlib qoladi.

Masalan, bugun 13:24 da toʻlovni amalga oshirgan ushbu odamning kimligini aniqlash qiyin.

Kurs haqida batafsil ushbu saytdan oʻqishingiz mumkin.

@birgap

Shokir Tursun qarashlari

17 Mar 2024 06:37

Va'da qilingan kurslar boshlanmoqda!

Koʻpchilik talabiga koʻra birinchi navbatda "Attestatsiya uchun pedagogika" kursidan boshlashga qaror qildim.

Roʻyxatdan oʻtish 22-mart kuni yakunlanadi.

Jami 40 ta ishtirokchi qabul qilinadi (har bir guruhga 20 tadan).

Qolgan barcha savollarga javobni hamda roʻyxatdan oʻtish va toʻlovni amalga oshirish haqida quyidagi saytdan bilib olasiz:

https://sites.google.com/view/attestatsiyauchunpedagogika/bosh-sahifa

P.S. roʻyxatdan oʻtishdan oldin yaxshilab oʻylang, toʻlov amalga oshirilgandan soʻng uni qaytarish imkoni mavjud emas.

@birgap

Shokir Tursun qarashlari

12 Mar 2024 09:21

Jamiyatimizda hamma bosim ostida yashaydiganday tuyulaveradi. Bunday boʻlishi kerak emas demayman.

Men baʼzilarda bu bosim ortib ketishi haqida gapirmoqchiman. Masalan, oʻqituvchilarda (ularnikidan koʻproq bosimi borlar ham bor). Jamiyatimiz oʻqituvchidan juda ham koʻp narsa kutamiz. U sipo boʻlishi kerak, “maʼnaviyatizm”ning har bir moddasiga mos kelishi shart. Biror joyda oʻynab kulishi mumkin emas. Masalan, mana bu video tarqalgan paytda odamlarni reaksiyasi meni oʻylantirib qoʻygandi. Nima oʻqituvchi xursandchilik qilishga haqli emasmi degandim.

Shu darajaga chiqqanki, oʻqituvchilar jamiyatda tanqid qilinadigan qoʻshiqni sevib eshitishini ham ochiq ayta olmaydi. Oʻzini erkin tuta olmaydi demoqchiman.

Men ham oʻqituvchiman, menga turli rangdagi, rasmchalari bor paypoqlarni kiyish yoqadi. Buni aytishdan uyalmayman ham. Toʻgʻri, bu “maʼnaviyatizm”ga mos kelmas, lekin men shunaqa paypoqlarda oʻzimni xursand his qilaman.

@birgap

Shokir Tursun qarashlari

07 Mar 2024 17:24

Bugun "Kung fu Panda 4" multfilmini koʻrdik.

Oʻzbek tilida (birinchi marta biror asar jahon premyerasidan bir kun oʻtiboq oʻzbek tilida premyera qilinmoqda).

Meni ijodkorlar multfilmdagi falsafani saqlab qola olishganmi? Poda qanday oʻzgarish (oʻsish) boʻlgan? Oʻzbek tiliga tarjima qanday qilingan? kabi savollar qiynagan edi.

Hammasiga javob oldim.

Koʻrishni tavsiya qilaman. Oʻsib boruvchi falsafa toʻxtab qolmagan. Oʻsishda davom etgan.

Oʻzbek tilida koʻrishlar koʻp boʻlishi kerak, shunda boshqa kinoasarlar premyerasi ham oʻzbek tilida boʻladi.

Asar haqida koʻp narsa yozgim kelyapti, ammo keyinroq, chunki koʻrmaganlar koʻp. Hamma oʻz koʻzi va tafakkuri bilan koʻrsin deyman.

P.S. biz asarni "Tashkent City Mall"dagi cinematica.uz kinoteatrida koʻrdik. "Magic City"da ham bor ekan. Boshqa joylarni bilmadim.

@birgap

Shokir Tursun qarashlari

06 Mar 2024 11:09

Ayting-chi, sizdagi stressni kamaytirish uchun nimalar qilish kerak?

Vazirlik qanday qadamlar tashlasa, stresslaringiz kamayadi?

Menda gʻoyalar bor, ammo sizlardan ham bilgim keldi.

@birgap

Shokir Tursun qarashlari

06 Mar 2024 11:04

Charchagan o'qituvchilar, charchagan o'quvchilar ...

Ta'limga oid bugungi yangilik - Marg‘ilondagi maktabda o‘qituvchi ruxsatsiz hojatxonaga chiqqan o‘quvchining boshini telefon bilan urib yorgani. Bundan oldinroq Xorazmda o‘qituvchi boshlang‘ich sinf o'quvchilarini urgan edi. Chinozda esa o‘qituvchi o‘quvchining boshini devorga bir necha bor qattiq urib, jarohat yetkazgan edi. Navoiyda o'qituvchi ikki o'quvchini kaltaklagan edi. O'quvchilarni sport zaliga yig'ib sochini oldirish voqeasi ham Navoiyda sodir bo'lgan edi.

Maktabgacha va maktab ta'limi vazirligi bunday xabarlarga xushi kelsa, munosabat bildiryapti, xushi kelmasa - yo'q. Lekin muammoning sabablarini va yechimlarini kimdir o'rganyaptimi?

Tadqiqotlar shuni ko'rsatadiki, o'qituvchilik - stress yuqori bo'lgan kasblardan biri. Stressni o'rgangan olimlarning fikricha, ish talabi (job demands: workload, deadlines, etc) yuqori, mustaqil qaror qabul qilish imkoniyati (decision latitude: autonomy and control) past bo'lgan ishlarda stress xavfi yuqori bo'ladi. (Bizning o'qituvchilarda aynan shunday - ish hajmi ko'p, hamma tomondan nazorat, bir qadam o'ngga yoki so'lga og'ishsang - tamom). Shuningdek, ishda talab qilinadigan harakat (effort) ishdan keladigan mukofotdan (reward - ish haqi, ijtimoiy himoya, ishda o'sish imkoniyatlari va h.z.) yuqori bo'lgan holatlarda ham stress xavfi yuqori bo'ladi. (Bizda o'qituvchilarning aksariyati o'rtachadan past oylikka ishlaydi, ijtimoiy kafolatlar ham yo'q, ishda o'sish imkoniyatlari esa deyarli 0ga teng).

Eng yomoni, tadqiqotchilar fikricha, stressning "yuqumli"ligi - stressdan zo'riqqan o'qituvchining o'quvchilari ham emotsional portlashga moyil bo'ladi. O'rganish jarayoni o'quvchilar uchun qulay (comfortable) muhit yaratilgan sinflarda sodir bo'ladi. Buning uchun esa o'qituvchining ijtimoiy va emotsional kompetensiyasiga hamda uning xotirjamligiga (well-being) ham alohida e'tibor berish kerak. Ta'lim tizimi boshqaruvchilarida buning uchun tegishli strategiya bo'lishi lozim. Lekin bormi?

Shokir Tursun qarashlari

05 Mar 2024 13:13

Ular seni oʻldirdi, endi borib,
Hammasini Allohimga aytib ber...

@birgap