Бюро | Расследаванні пра Беларусь

09 Dec 2024 11:01

🪙Колькі зарабляе топ-менеджмент продакшна, звязанага з нявесткай Лукашэнкі

У распараджэнні «Бюро» з’явіліся дадзеныя пра заработныя платы ключавых супрацоўнікаў «Музычнай медыякампаніі» – прадзюсарскага цэнтра, у якім пасаду генеральнага прадзюсара займае нявестка Аляксандра Лукашэнкі, больш вядомая як аўтарка песень пад псеўданімам Ганна Сялук.

Сама Ганна Лукашэнка (Сялук), як супрацоўнік у «Музычнай медыякампаніі» не значыцца і ніякага прыбытку ад яе нібыта і не атрымлівае. Аднак фірма спраўна пералічае ганарары топ-менеджарам прадкшна – дырэктару Андрэю Гузелю і намесніку дырэктара Таццяне Кулаковай, роднай сястры Ганны Лукашэнкі.

📌 Гузель заняты пошукам будучых зорак беларускай эстрады на дзяржпрадпрыемствах, напрыклад, дзеля тэлевізійнага шоу «Зорны шлях» – сумесны праект АНТ і «Музычнай медыякампаніі». За гэтую працу ў 2022 годзе Андрэй Гузель атрымаў ад «Музычнай медыякампаніі» прыкладна 31,5 тысячы беларускіх рублёў. У 2023 годзе ў прадзюсарскім цэнтры фронт працаў павялічыўся, і заробак Гузеля пачаў расці ў геаметрычнай прагрэсіі. Усяго тады прадзюсар атрымаў ад «Музычнай медыякампаніі» крыху больш за 94 тысячы беларускіх рублёў.

📌 Таленты ўласнай сястры генеральны прадзюсар Ганна Лукашэнка ацэньвае крыху больш сціпла. У 2022 годзе Таццяна Кулакова адпрацавала ў «Музычнай медыякампаніі» няпоўных 3 месяцы, за што атрымала трохі больш за 16 тысяч беларускіх рублёў. У 2023 годзе Кулакова зарабіла каля 79,5 тысячы беларускіх рублёў.

«Музычная медыякампанія» належыць Палацу рэспублікі Упраўлення спраў Лукашэнкі (30%) і прыватнай кампаніі «АНСЛ прадакшн» (70%). Апошняя запісаная на Андрэя Урублеўскага (95%) – аднаго з падначаленых Дзмітрыя Лукашэнкі.

Бюро | Расследаванні пра Беларусь

05 Dec 2024 13:31

‼️Заўтра ў "Бюро" выходзіць новае расследаванне — пра абслугу Лукашэнкі.

Аляксандр Лукашэнка кіруе вось ужо 30 гадоў і не збіраецца спыняцца. Але што электарат наогул ведае пра так званага «першага», акрамя таго, што транслюе прэс-служба і прапаганда?

«Бюро» выявіла цэлы пул людзей, якія гадамі абслугоўваюць "цела" Лукашэнкі.

Заўтра мы назавем іх імёны і раскрыем іх сакрэты: хто стажыраваўся ў «кухара Пуціна» Прыгожына? Каму доступ да цела «народнага абранніка» праклаў сцежку ў свет вялікага бізнэсу?

Адна з нашых "гераінь" — жанчына на фота — былая «міс Педагогіка». Першым падарункам ад Лукашэнкі ёй стаў магнітафон "Беларусь", але за 30 гадоў яна і яе сям'я атрымалі ад яго значна больш: "Ну а самой будучай міс, васямнаццацігадовай дзяўчыне, падабаецца бульба, яе папугай Кеша, кветкі і старажытныя рамансы, у якіх ... ёсць мужчыны, што могуць быць рыцарамі. Напэўна, у жыцці нашай міс яны не сустракаліся".

Хто яна? Галасуйце ⬇️

✊Калі вы хочаце падтрымаць працу «Бюро», то можаце падпісацца на наш Patreon ці зрабіць разавы данат.

Бюро | Расследаванні пра Беларусь

28 Nov 2024 11:06

Крэмль хоча перапісаць мінулае Беларусі ў сваіх інтарэсах. Такую мэту ставяць перад сабой расійскія чыноўнікі на бліжэйшы час, вынікае з сакрэтных дакументаў, якія ўцяклі і з’явіліся ў распараджэнні «Бюро».

Мы атрымалі копіі аналітычнага агляду і аналітычных запісак за 2022 – 2024 гады па гістарычнай палітыцы Беларусі, падрыхтаваных Расійскім інстытутам стратэгічных даследаванняў (РІСД). Гэты аналітычны цэнтр пры адміністрацыі Уладзіміра Пуціна

«Версія гэтай гісторыі [«старой гісторыі»], якая ўтрымліваецца ў беларускіх падручніках і культурна-гістарычных праграмах, радыкальна разыходзіцца з прынятай у Расіі, працягваючы фармаваць ідэнтычнасць беларусаў на, па сутнасці, антырасійскіх прынцыпах», – сказана ў аналітычнай запісцы за гэты год. 

Аўтары запіскі крытыкуюць вучоных з Акадэміі навук Беларусі за нацыяналістычны падыход пры трактаванні гісторыі беларускай дзяржаўнасці, згодна з якім «беларуская нацыя сфармавалася ў адзінстве з палякамі і барацьбе з Расіяй». У супрацьвагу такому падыходу адзначаецца важнасць працы з беларускімі гісторыкамі, якія з’яўляюцца «прадаўжальнікамі ідэй заходнерусізму і вядомыя сваёй прарасійскай арыентацыяй». 

Антыпольскі ўхіл. Лукашэнка назваў перыяд Рэчы Паспалітай у беларускай гісторыі «акупацыяй беларускай зямлі палякамі» і «этнацыдам беларусаў». Кіраўнікі антырасійскіх паўстанняў Тадэвуш Касцюшка і Кастусь Каліноўскі больш не праслаўляюцца як нацыянальныя героі Беларусі з-за сваёй польскасці.

Расія зацікаўленая ў новай гістарычнай палітыцы Лукашэнкі, таму што яна прадугледжвае «адмену антырасійскай і радыкальна прапольскай версіі гісторыі».

«Пры гэтым важна ўключаць гэтыя ідэі ў кантэкст расійскай гістарычнай палітыкі, у першую чаргу на падставе сфармуляваных прэзідэнтам Расіі паняткаў «рускага свету», «краіны-цывілізацыі» і «адзінага народа».

Рэальная пагроза. У РІСД лічаць важным працягваць працу з беларускімі гісторыкамі, вядомымі сваёй прарасійскай арыентацыяй. У якасці такіх гісторыкаў у дакументах называецца генеральны дырэктар Нацыянальнай бібліятэкі Беларусі, кандыдат гістарычных навук Вадзім Гігін.

Расійскія стратэгі прапаноўваюць увесці новае свята – «Дзень еднасці». У прыватнасці, адзначаць трэці раздзел Рэчы Паспалітай, пасля якога 24 кастрычніка 1795 года беларускія землі канчаткова ўвайшлі ў склад Расійскай імперыі. Тым больш, у наступным годзе будзе 230-годдзе гэтай падзеі, «якая азнаменавала аднаўленне гістарычнай еднасці Беларусі з Расіяй».

Падрабязны разбор тэзаў з гэтых дакументаў чытайце на нашым сайце

Бюро | Расследаванні пра Беларусь

12 Nov 2024 12:07

У палку ганаровых консулаў у Беларусі прыбыло. З пачатку 2023 года ў Беларусі з’явілася пяць ганаровых консульстваў новых краін: Сербіі, Босніі і Герцагавіны, Амана, Шры-Ланкі і Вануату.

Сярод новых ганаровых консулаў: кіраўнік прадстаўніцтва славенскай кампаніі ў Беларусі, заснавальнік "Оптымед" і ўладальнік падсанкцыйнай кампаніі, банкір і былы першы намеснік прэм’ер-міністра Беларусі, турэцка-беларускі бізнэсовец, і – дацэнт БДМУ.

Раней сярод ганаровых консулаў у Беларусі былі неаднаразова заўважаныя «кашалькі» Лукашэнкі або бізнэсоўцы з яго найбліжэйшага атачэння. Напрыклад, блізкі сябар Лукашэнкі Сяргей Цяцерын – ганаровы консул Грузіі ў Беларусі, а «кашалёк» Аляксандр Зайцаў – ганаровы консул Замбіі, Павел Тапузідзіс – ганаровы консул Грэцыі і былы консул Румыніі, а вядомы бізнэсовец Аляксандр Машэнскі – Ісландыі.

«Бюро» вывучыла кіраўнікоў новых прадстаўніцтваў і сёння расказвае, хто яны, як яны звязаныя з Аляксандрам Лукашэнкам ці яго атачэннем і для чаго апынуліся на сваіх пасадах.

Падрабязней пра новых консулаў – чытайце падрабязней на нашым сайце.

Бюро | Расследаванні пра Беларусь

31 Oct 2024 11:00

Прадзюсарскі цэнтр нявесткі Лукашэнкі запусціў свой уласны відэапрадакшн і зарабляе грошы ствараючы відэа для дзяржаўных прадпрыемстваў.

«Музмедыя прадакшн» ўжо адпрацаваў першыя дзяржзамовы. Сярод яго кліентаў: "БМЗ", "БелАЗ", "Белшына" ды іншыя.

У кастрычніку «Беларускі металургічны завод» адсвяткаваў юбілей — 40 год. Да гэтай "знамянальнай падзеі" новы відэапрадакшн прэзентаваў іміджавы кліп завода на песню «Мацнейшыя за сталь» аўтарам якой, само сабой, стала Ганна Сялук. Новы «гімн БМЗ» выканалі артысты, якія супрацоўнічаюць з «Музычнай медыякампаніяй»

Таксама мы знайшли камерцыйныя ролікі вытворчасці «Музмедыя прадакшн» для іншых буйных беларускіх машынабудаўнічых холдынгаў: «Белшыны», Магілёўскага аўтамабільнага завода і БелАЗа.

Чытайце падрабязней пра дзейнасць «Музычнай медыякампані» у сферы відэапрадакшана ў нашым новым матэрыяле.

Чытаць без VPN

Бюро | Расследаванні пра Беларусь

21 Oct 2024 15:11

Не Gucci адзіным. «Аўтлет парк» – гэта першы ў Беларусі аўтлет еўрапейскага фармату са зніжкамі ад 30 да 70% на арыгінальныя вырабы ад асноўных сусветных брэндаў. Як мы выявілі ў нашым расследаванні — ён звязаны з "кашальком" Лукашэнкі Аляксандрам Зайцавым.

Гэты аўтлет прапаноўвае беларусам набыць адзенне, абутак і аксесуары па невялікіх коштах больш як ад 50 сусветна вядомых гандлёвых марак, сярод якіх: Armani, Gucci, Moschino, Calvin Klein, Trussardi, Dolce&Gabbana, Valentino, Givenchy ды іншыя.

Мы выбарачна параўналі цэны на некалькі пазіцый у мінскім аўтлеце з арыгінальным коштам на сайтах вытворцаў. І калі большасць тавараў катэгорый premium і middle-up прадаюць па зніжаных цэнах, то люкс-сегмент беларускі буцік рэалізуе альбо па афіцыйных цэнах вытворцы, альбо з вялікай накруткай, і гэтыя рэчы не трапляюць на сэйлы.

Падрабязней у нашым новым расследаванні — "Модны прыгавор".

Тут чытаць без VPN

Бюро | Расследаванні пра Беларусь

16 Oct 2024 11:44

Падчас працы над нашым новым матэрыялам, журналісту «БЮРО», які быў пад прыкрыццём, у тэлефоннай размове з фігурантам расследавання прапанавалі купіць 10 сумачак GUCCI з добрай зніжкай.

Яна прапанавала нам выкупіць люксавыя рэшткі, якія ў мінскіх буціках не ходкія: «У нас цяпер у краме ёсць дзесяць торбачак GUCCI. Мы можам вам іх аддаць. Яны ў нас цяпер каштуюць роўна ў рознічны кошт на сайце GUCCI. Можам вам іх аддаць мінус 10%, калі вы іх усе забераце».

Ці ёсць у вас ідэі аб бізнэсе якога з кашалькоў Лукашэнкі ідзе гаворка?

Правільны адказ вы даведаецеся заўтра ў нашым новым расследаванні МОДНЫ ПРЫГАВОР.

Бюро | Расследаванні пра Беларусь

04 Oct 2024 12:03

Зайцаў і "шакаладная фабрыка". «Кашалёк» Лукашэнкі зоймецца вытворчасцю кандытарскіх вырабаў.

Кампанія «Сцісхо» — даволі стары і вядомы актыў Аляксандра Зайцава. Цяпер яна займаецца аптовым гандлем мяса і мясных прадуктаў і рэалізуе ў «Брэміна-Оршы» інвестпраект па стварэнні сучаснага комплексу па перапрацоўцы мяса і мясной прадукцыі.

Другая кампанія — «Ардзіта», плануе заняцца вытворчасцю кандытарскіх вырабаў пад брэндам ZALEEPIE.

«БЮРО» высветліла, што гэты таварны знак належыць Аляксандру Зайцаву асабіста.

На чэрвень 2024 года кандытарская фабрыка ўсё яшчэ знаходзілася ў працэсе будаўніцтва, аднак у верасні ўжо апублікавала вакансіі бухгалтара-эканаміста і наладчыка абсталявання ў вытворчасці харчовай прадукцыі.

Таксама ў брэнда з’явіўся свой сайт. Ён пакуль знаходзіцца ў стадыі распрацоўкі і працуе толькі на прыём камерцыйных прапаноў.

Зайшоўшы на вэб-старонку «Ардзіты», журналісты «БЮРО» заўважылі, што наведвальнікаў на сайце суправаджае мультыплікаваны зайчык. Мы таксама знайшлі і іншыя пацвярджэнні, што «Ардзіта» знаходзіцца менавіта пад кантролем «кашалька» Лукашэнкі.

Уласніцай і дырэктаркай фірмы значыцца Таццяна Кухарава. Раней яна была ўладальніцай зайцаўскай фірмы «Касмічнае агенцтва Белкосмас» і кіраўніцай кампаніі «Рух спорт менеджмент» у той час, калі ёй асабіста валодаў Аляксандр Зайцаў.

Бізнэсовец Аляксандр Зайцаў знаходзіцца пад санкцыямі ЕС і ЗША. З гэтай прычыны ён, імаверна, і афармляе новыя актывы на давераных людзей.

Чытайце навіну цалкам на нашым сайце.

Тут чытаць без VPN

Бюро | Расследаванні пра Беларусь

20 Sep 2024 12:05

🤖 Прадзюсарскі цэнтр нявесткі Лукашэнкі — Ганны Сялук — асвойвае новы сегмент беларускага рынку. Яны стварылі айчынных "патрыятычных трансформераў".

«Музычная медыякампанія», звязаная з сям'ёй Аляксандра Лукашэнкі, цяпер займаецца не толькі прасоўваннем праўладных артыстаў, стварэннем уласных радыёстанцый і арганізацыяй прадзяржаўных мерапрыемстваў.

Як высветліла «БЮРО», прадпрымальныя шоумейкеры асвойваюць новую нішу. Яны прыдумалі айчынных трансформераў — "белаботаў".

Прататыпамі для робатаў паслужыла тэхніка гігантаў беларускага машынабудавання: МТЗ, МАЗ і БелАЗ.

Ідэю з «белаботамі», здаецца, зацаніў і Аляксандр Лукашэнка. Летась ён, па традыцыі, наведаў «Галоўную ёлку краіну», дзе паказалі дзіцячае шоу «Машына навагодняга часу» з удзелам "белаботаў".

Чаму іх не назвалі "лукасэптыконамі" застаецца загадкай.

Чытайце падрабязней пра "айчынных трансформераў" на нашым сайце.

Бюро | Расследаванні пра Беларусь

10 Sep 2024 13:58

⚡️ 🍾 Журналісты "Бюро" атрымалі дзве ўзнагароды на беларускім прафесійным конкурсе "Вольнае слова" ў намінацыі "Расследаванні"!

1 месца атрымалі Алесь Ярашэвіч і Ксенія Вязнікоўцава за першае расследаванне "Бюро": "Спонсары раскошы. Як беларусы ганяюць у Расію люксавыя еўрапейскія аўто ў абыход санкцый".

Гэта важнае пацверджанне каштоўнасці нашай журналісткай працы з боку калег і журы конкурса. "Бюро" існуе менш за год, але дзякуючы сваёй прафесійнай камандзе — наша дзейнасць не праходзіць незаўважанай — як для прафесійнай супольнасці і чытачоў, так і для дзеючай улады ў Беларусі.

3 месца атрымаў Аляксей Карпека за расследаванне "Карумпаваны рыцар. Якімі бізнесамі валодае і навошта афармляе іх на ксяндза набліжаны да Лукашэнкі бізнесовец Зайцаў", якое ён зрабіў яшчэ падчас працы ў БРЦ.

Конкурс "Вольнае слова" праводзіцца пад эгідай Еўрапейскай асацыяцыі журналістаў. Ён ладзіцца з мэтай уганараваць прафесіяналізм аўтараў і аўтарак беларускіх медыя і падтрымаць іх намаганні ў адстойванні прынцыпаў прафесійнай журналістыкі і свабоды слова.

Калі вы хочаце падтрымаць "Бюро", то можна падпісацца на наш "Patreon"

Бюро | Расследаванні пра Беларусь

06 Sep 2024 14:32

Сямейны бізнэс «Армтэк»

Групу кампаній «Армтэк» стварылі браты Вадзім і Алег Грынкевічы. Яны ўваходзяць у топ-20 паспяховых бізнэсоўцаў Беларусі. Пачаўшы ў сярэдзіне 90-х, з часам яны выбіліся ў лідары не толькі ў нашай краіне, але і атрымалі прызнанне на больш буйным рынку Расіі, у Казахстане і іншых краінах.

«Армтэк» пазіцыянуе сябе як найбуйнейшы дыстрыб’ютар аўтазапчастак ва Усходняй Еўропе. Маючы сотні крамаў, група кампаній прапаноўвае больш як 500 тысяч дэталяў са склада і 60 млн дэталяў пад замову для легкавых і грузавых аўтамабіляў еўрапейскіх, амерыканскіх, японскіх, карэйскіх і расійскіх марак. Абароты – каля мільярда долараў за год. 

Сёння «Армтэк» уяўляе сабой разгалінаваную сетку з дзясятка кампаній не толькі ў Расіі, Беларусі і Казахстане, але і ў Германіі, Ірландыі, Ганконгу, ААЭ і іншых краінах. Група кампаній не вырабляе запчасткі, а імпартуе іх з-за мяжы. Важнае месца ў гэтым бізнэсе займае нямецкая кампанія ATH&S GmbH, на яе да нядаўняга часу былі завязаныя гандлёвыя патокі «Армтэка».

Адзінай уладальніцай нямецкай кампаніі з’яўляецца загадкавая жанчына па імені Марыя Тэйлар. Марыя Тэйлар – не проста наёмная супрацоўніца альбо трымальніца актываў. Як высветліла «БЮРО», яна яшчэ і дачка Алега Грынкевіча, адрасам месца жыхарства якой пазначаны Дублін. 

Асноўныя краіны збыту для ATH&S GmbH – Расія, Беларусь, Казахстан. Прычым Расія з’яўляецца найбольш прывабным кірункам, дзе агульны аб’ём рынку запчастак для сэрвіснага абслугоўвання іншамарак летась ацэньваўся ў 21 мільярд долараў.

На расійскім рынку ATH&S GmbH шчыльна працавала з фірмай «А.П.Р.». Гэта ключавы актыў сям’і Грынкевічаў у Расіі. Кампанія мае 85 адасобленых падраздзяленняў па ўсёй краіне, яе штат перавышае 5 тысяч чалавек. 

Мытныя дадзеныя паказалі, што ў 2020 і 2021 гадах прыкладна траціна ўсіх аб’ёмаў імпартных запчастак «А.П.Р.» закупляла менавіта ў нямецкай кампаніі ATH&S GmbH наўпрост або з яе даручэння. У грашах гэта больш як 100 мільёнаў долараў за два гады.

Чытайце падрабязней у нашым новым расследаванні «Вялікая наладка».

Чытаць без VPN.

Бюро | Расследаванні пра Беларусь

23 Aug 2024 10:32

"Бюро" знайшло беларускі след у схеме па абыходзе санкцый, за якую пакаралі вялікім штрафам літоўскую фірму

Напачатку жніўня літоўская мытня пакарала штрафам у 13 мільёнаў еўра кампанію, якая пастаўляла ў Расію аўтамабілі ў абыход санкцый. Назва аштрафаванай кампаніі тады не паведамлялася, але нашыя літоўскія калегі высветлілі, што размова ідзе пра фірму Biovarda.

“Бюро” даведалася, як працавала схема па абыходзе санкцый і што за беларуская кампанія ў ей задзейнічана. Растлумачым на канкрэтным прыкладзе.

Напачатку красавіка 2023 года літоўская кампанія Biovarda прадала казахскай кампаніі SAFELOGISTIC KZ новенькі дарожны цягач VOLVO FH. Праз дзесяць дзён менавіта гэты грузавік апынуўся на складзе ў Маскве - унікальны нумар цалкам супадае. Расійская фірма “Полар” купіла грузавік ў беларускай кампаніі “Белшынгандальсервіс”.

Усяго мы выявілі больш за 80 такіх паставак у абыход санкцый у мінулым годзе на сумму больш за 7 мільёнаў еўра, у якіх задзейнічана кампанія “Белшынгандальсервіс”. Яна фігуравала ў нашым раследаванні “Truck dealers”.

Нагадаем, што ў сакавіку 2022 года Еўрасаюз забараніў экспартаваць дарожныя цягачы ў Расію і Беларусь. Каб абысці санкцыі, пастаўшчыкі працуюць праз пасярэднікаў у Казахстане, бо на гэтую краіну не распаўсюджваюцца заходнія абмежаванні. Але грузы да Казахстана не даязджаюць, а ў Беларусі перанакіроўваюцца ў Расію. Такая схема называецца “лжывым транзітам”.

Бюро | Расследаванні пра Беларусь

12 Aug 2024 13:25

Вяселле на касцях. Як сын Аляксея Алексіна ажаніўся падчас пратэстаў у жніўні 2020 года.

15 жніўня 2020 года запісанае ў хроніцы як дзень развітання з застрэленым сілавікамі Аляксандрам Тарайкоўскім. Тысячы людзей высыпалі на вуліцы, каб ускласці кветкі да стыхійнага мемарыяла – ушанаваць хвілінай маўчання памяць пра забітага.

У той самы час, за 7 км ад станцыі метро «Пушкінская», у скандальным рэстаране «Лебядзіны» ніхто не гараваў па нявінна забітым. Наадварот, прыгожа ўбраныя мужчыны і жанчыны сабраліся ў сталічнай установе зусім з іншай нагоды – павіншаваць маладых Надзею Зайцаву і Віталя Алексіна.

Банкетная зала была аздобленая сапраўды шыкоўна і велічна! Яна была выгодна падкрэсленая паўтараметровымі кампазіцыямі з жывых гартэнзій і руж у пастэльных тонах, а штучныя свечкі на сталах надавалі мерапрыемству яшчэ большай таямнічасці, бо жаніха на гэтым вяселлі ні госці, ні арганізатары не «засвечвалі».

«Растрэсці» банкетнае меню дапамагалі запрошаныя знакамітасці: Верка Сярдзючка і рэп-дуэт HammAli & Navai.

Сярод усіх вясельных фатаграфій не знайсці жаніха. Віталя Алексіна і ягонае вяселле, як і брата Дзмітрыя, адчайна імкнуліся ўтаіць ад цікаўных вачэй грамадскасці.

«Бюро» таксама высветліла, што на дадзены момант Надзея Алексіна, у дзявоцтве Зайцава, не з’яўляецца ўласніцай або кіраўніцай ні ў адной кампаніі бізнэс-імперыі Алексіных.

Тым не менш мы палічылі патрэбным асвятліць факт яе шлюбу з Віталём Алексіным, каб папярэдзіць спробы «кашалька Лукашэнкі» перапісаць якія-небудзь актывы на другую нявестку.

Падрабазна пра тое, як таемныя сваякі Аляксея Алексіна дапамагаюць "тытунёваму каралю" абыходзіць санкцыі чытайце ў нашым новым расследаванні «ШЛЮБНАЯ АФЕРА».

Бюро | Расследаванні пра Беларусь

08 Aug 2024 12:12

💥 Новае расследаванне БЮРО!

"Аўтар схемы з растваральнікамі", "тытунёвы кароль", "трымальнік аршанскага афшора", "кантрабандыст" - усе гэтыя "дасягненні і рэгаліі" прынеслі бізнэсмэну Аляксею Алексіну багацце, поспех і ўплыў у Беларусі.

Але на Захадзе ён персона нон грата. З-за блізкасці да ўладаў яго празвалі «кашальком» Аляксандра Лукашэнкі, і ў 2021 годзе ўнеслі ў санкцыйны спіс ЕС і ў чорны спіс ЗША.

Яшчэ да ўвядзення абмежаванняў бізнэсмэн перастрахаваўся і «пераразмеркаваў» частку сваіх актываў на жонку і сыноў. Але ўжо ў чэрвені 2022 года Дзмітры і Віталь Алексіны самі апынуліся пад санкцыямі ЕС, а ў 2023 годзе да іх далучылася і яго жонка — Іна Алексіна.

Сям'я зноў сутыкнулася з праблемай — на каго перапісаць частку бізнесу?

Мы знайшлі каго сям’я Алексіна старанна хавала.

Расказваем падрабязна ў нашым новым расследаванні «ШЛЮБНАЯ АФЕРА»

Чытаць без VPN

Бюро | Расследаванні пра Беларусь

02 Aug 2024 15:59

Хто прасоўвае расійскія наратывы ў Беларусі, Малдове і краінах Балтыі.

У нашым рэгіёне актыўна прасоўваюць расійскую прапаганду шэраг арганізацый. Гэта асацыяцыя прыбалтыйскіх даследаванняў (РАПД), фонд «Гістарычная памяць» (ФГП), парталы Ru.Baltic і «Евразия.Эксперт».

Калі РАПД і Ru.Baltic болей засяроджаныя на краінах Балтыі, то расійскі парадак дня ў Беларусі актыўна адпрацоўваюць ФГП і «Евразия.Эксперт».

■ «Евразия.Эксперт» – Заснаванае ў 2016 годзе, гэтае выданне дзейнічае пры падтрымцы расійскіх устаноў і актыўна адпрацоўвае крамлёўскя наратывы ў Беларусі.

■ Фонд «Гістарычная памяць» — заснаваны для «супрацьдзеяння фальсіфікацыі гісторыі ва ўрон Расіі», актыўна працуе ў Беларусі, перапісваючы гістарычныя факты на карысць расійскай прапаганды.

Адным з кейсаў фонду «Гістарычная памяць» у Беларусі з'яўляецца дыскрэдытацыя ідэі мемарыяла ў Курапатах у падкантрольных выданнях. Таксама фонд прасоўваў наратыў, што Каліноўскі з’яўляецца палякам і не мае ніякага дачынення да Беларусі, а паўстанцы займаліся тэрорам супраць мірнага насельніцтва Беларусі.

Мы параўналі публікацыі на партале «Евразия.Эксперт» з крамлёўскай метадычкай па Беларусі за мінулы год і знайшлі каля дзясятка артыкулаў, дзе выданне слова ў слова паўтарае крамлёўскія наратывы.

Эксперт Ян Аўсеюшкін з iSANS адзначае, што беларускія дзяржаўныя медыя цяпер з'яўляюцца галоўнымі інструментамі расійскага ўплыву, дзейнічаючы ў адной ідэалагічнай рамцы з Крамлём.

Пасля 2020 года рэжым Лукашэнкі цалкам перайшоў на расійскія наратывы, часам мяняючы інфармацыю пад свае патрэбы, таму што бачыць пагрозу ў беларусацэнтрычных ініцыятывах.

Чытайце падрабязней на нашым сайце.

Бюро | Расследаванні пра Беларусь

06 Dec 2024 12:00

💥«Цені вакол улады». Хто служыць Лукашэнку? У новым расследаванні «Бюро» мы распавядаем пра кар'ерныя шляхі абслугі Лукашэнкі, якія гадамі заставаліся ў цені.

«Ніхто не трапляе туды [на службу да Лукашэнкі] проста так. Калі ты варты, паказваеш свае нейкія прафесійныя якасці, навыкі, то ты і дапускаешся да адказнай працы».

📌 Асабістыя кухары Лукашэнкі — Міхаіл Анішчанка, Зінаіда Няхай і Галіна Зямчонак. Які кухар лётая з Лукашэнкам падчас яго візітаў у іншыя краіны? Як шэф-кухар Міхаіл Анішчанка вучыўся і стажыраваўся ў шэфаў рэстаранаў Чыжа і ў расійскіх рэстаранах, адкрытых былым «кухарам Пуціна», цяпер ужо нябожчыкам Яўгенам Прыгожыным?

📌 Як асабістая афіцыянтка Лукашэнкі зарабіла на дзве кватэры ў Мінску?

📌 Чым займаецца і на якія грошы жыве асабістая доктарка Лукашэнкі?

На дэсерт мы вырашылі пакінуць гісторыю пра жанчыну, якая дзякуючы сваім уменням і блізкасці да Лукашэнкі атрымала дывідэнды ад рэжыму.

📌 Асабістая цырульніца Лукашэнкі — Сняжана Моцная, «аўтарка ягонага знакамітага зачосу» — і праклала шлях у сталіцу са Шклова ўсёй сваёй сям’і.

Як мы змаглі высветліць, Сняжана Моцная і Лукашэнка знаёмыя яшчэ з далёкага 1991 года. 24 красавіка 1991 года ў раённай шклоўскай газеце «Ударный фронт» выйшаў матэрыял «Міс педагогіку завуць Сняжана».

Тады яна атрымала два прызы – за першае месца і прыз сімпатый гледачоў: «...магнітафон «Беларусь», які таксама заваявала міс Сняжана, ад спонсараў, ёй уручыў дырэктар саўгаса «Гарадзец», народны дэпутат БССР А.Р. Лукашэнка». Але, магчыма, гэта не адзіны падарунак, які Сняжана атрымала ад Лукашэнкі.

Падрабязней пра абслугу Лукашэнкі чытайце ў нашым новым расследаванні «Цені вакол улады»

Тут без VPN

✊Калі вы хочаце падтрымаць працу «Бюро», то можаце падпісацца на наш Patreon ці зрабіць разавы данат.

Бюро | Расследаванні пра Беларусь

03 Dec 2024 16:00

Аляксандр Лукашэнка стаў прадзедам. Афіцыйна пра гэта нідзе не паведамлялася. Але «Бюро» высветліла падрабязнасці жыцця старэйшай унучкі Лукашэнкі – Вікторыі, старэйшай дачкі Віктара Лукашэнкі. Яна звязаная з бізнэсамі «кашалькоў» Лукашэнкі.

Інсайды з жыцця "вялікай сям'і" Лукашэнкі. Нягледзячы на тое што Аляксандр Лукашэнка любіць публічна разважаць пра «сямейныя скрэпы» і культ сям’і, падрабязнасці жыцця ўласнай ячэйкі грамадства ён лічыць за лепшае не афішаваць.

Свой працоўны шлях Вікторыя Лукашэнка пачала ў кампаніі «Арт Хаос», дзе абавязкі дырэктаркі галерэі з 2017 года і па сёння выконвае маці Вікторыі – Лілія Лукашэнка. Сама кампанія звязана з братамі Карычамі.

У 2020 годзе, на пераддыпломную практыку, Вікторыя накіравалася ў кампанію «Рух спорт менеджмент». Гэтая фірма належала так званаму кашальку Лукашэнкі і па сумяшчальніцтве экс-памочніку бацькі Вікторыі – Аляксандру Зайцаву.

Пасля заканчэння ВНУ Віка атрымала пасаду ў медыцынскай клініцы іншага «кашалька Лукашэнкі» Аляксея Алексіна – «Цэнтры спартыўнай рэабілітацыі НЕО».

«Першы прадзед». У 2022 годзе Вікторыя, ужо на той момант не Лукашэнка, а Дзятлава, афармляе адпачынак па цяжарнасці і родах. А з ліпеня афіцыйна ідзе ў дэкрэт.

Вікторыя праседзела ў дэкрэце ўвесь 2023 год, а ўжо ў лютым 2024 года зноў уварвалася ў працоўную каляіну – яна атрымала пасаду другога сакратара ў Міністэрстве замежных спраў Беларусі.

Усе падрабязнасці чытайце на сайце «Бюро»

‼️Калі вы хочаце падтрымаць працу «Бюро», то можаце падпісацца на наш Patreon ці зрабіць разавы данат.

Бюро | Расследаванні пра Беларусь

14 Nov 2024 11:02

💥💥💥Новае расследаванне "Бюро"! Беларускія ўладальнікі завода ў ЕС забяспечвалі чыпамі Расію пасля пасля поўнамаштабнага ўварвання ва Украінку ў 2022 годзе.

Сяргей Хвалько, непублічны беларускі бізнэсовец, сабраў багацце дзякуючы мікрасхемам. Бюро заўважыло, што з 2022 года еўрапейскі бізнэс Сяргея Хвалько і яго партнёраў імкліва набраў абароты. А іх беларускія кампаніі павялічылі даходы ў дзясяткі разоў.

Мы выявілі, што уладальнікі латвійскага завода наладзілі тайныя пастаўкі мікрасхем у Расію. У шэрых схемах задзейнічаная цэлая сетка з іх кампаній.

Сярод кліентаў беларускіх і латвійскіх бізнэсоўцаў – буйны расійскі вытворца беспілотнікаў. У якім ёсць доля ў інавацыйнага фонду на чале з дачкой Уладзіміра Пуціна.

📌 Падрабязней чытайце ў нашым новым расследаванні ГУЛЬНЯ НА ДВА ФРОНТЫ

📌 Тут чытаць без VPN

Бюро | Расследаванні пра Беларусь

05 Nov 2024 12:07

👜 Як "кашалёк" Лукашэнкі Аляксандр Зайцаў пастаўляе расіянам "люксавыя" адзенне і аксесуары.

З 2022 года ў Расію забаронены ўвоз тавараў раскошы коштам вышэй за 300 еўра. Каб абысці гэты бан, расійскі ўрад дазволіў так званы "паралельны імпарт". Гэта дало магчымасць для паставак "люкса" ў Расію без дазволу брэндаў.

Беларуская кампанія "Трэндхол" Аляксандра Зайцава і Яны Леванеўскай актыўна гэта выкарыстоўвае. Таксама спрыяе той факт, што з боку Еўрасаюза такіх абмежаванняў для Беларусі няма.

Паводле Леванеўскай, на складах кампаніі каля 10 тысяч адзінак прадукцыі, у тым ліку калекцыі Dolce&Gabbana і Gucci. Праз гэтую кампанію яны пастаўляюць брэндавае адзенне і аксесуары ў Расію. Тым самым абыходзячы абмежаванні Еўрасаюза.

Журналіст «Бюро» пад выглядам зацікаўленага пакупніка з Расіі патэлефанаваў па пазначаным у матэрыяле нумары – слухаўку зняла Яна Леванеўская. Паводле слоў кіраўніцы аўтлета, кампанія выкупляе бягучыя і папярэднія калекцыі не старэйшыя за адзін год у саміх еўрапейскіх вытворцаў, фабрык і аўтарызаваных дыстрыб’ютараў брэндаў.

Леванеўская паскардзілася, што з люксам у Беларусі «працаваць цяжка – мала інтарэсу», бо амаль няма «зазору» на прыбытак – «Трэндхол» плануе адмовіцца ад гэтага сегмента і рабіць упор на «сярэдні клас».

На пытанне, ці не будзе ў «нашай кампаніі ў Расіі» праблем з продажам падсанкцыйных тавараў, Леванеўская заявіла:

«Калі мы вам пачнем фурамі вазіць [смяецца] – тады, можа, і будуць. Калі гэта будуць аб’ёмы, якія не прыцягваюць увагу, тады, напэўна, не будзе. У любым выпадку, я скажу вам так, што ў Еўропе ўсе гэтыя брэнды, з якімі мы ўсталявалі адносіны, – зацікаўленыя, каб мы ў іх куплялі. І яны ведаюць, куды ідзе іх тавар і куды ён можа пайсці».

📌 Чытайце падрабязней ў нашым апошнім расследаванні «МОДНЫ ПРЫГАВОР».

📌 Тут чытаць без VPN

Бюро | Расследаванні пра Беларусь

25 Oct 2024 11:03

Тытунёвыя навічкі. У 2024 годзе на на закрытым тытунёвым рынку Беларусі «намаляваліся» тры новыя кампаніі: «Сентоні ПРА», «Алідзі-Вест» і «Мувлінк». Пра «Сентоні ПРА» мы распавядалі раней. «Алідзі-Вест» належыць буйному расійскаму пастаўшчыку. А вось з «Мувлінк» не ўсё так проста.

У жніўні гэтага года беларуская кампанія «Мувлінк» падпісала ліцэнзійную дамову з брытанскай кампаніяй JSS Tobacco Ltd на цыгарэтны брэнд Manchester.

Фірма была створаная ў 2020 годзе, але яе бухгалтарская справаздачнасць засакрэчаная згодна з пастановай Савета міністраў №1149.

Былы дырэктар «Мувлінка» і заснавальнік кампаніі — Сяргей Ермалінскі — у 2017–2018 гадах працаваў у алексінаўскай кампаніі «Энерга-Оіл». Прыкладна ў той жа час, з 2016-га па 2017-ты, ён працаваў у Беларускім клубе біятлона пад кіраўніцтвам колішняга старшыні КДБ Валерыя Вакульчыка.

У 2022 годзе ў «Мувлінк» Ермалінскага на пасаду намесніка дырэктара прыходзіць Эдмунд Тышкевіч. Ён — былы намеснік Юрыя Чыжа па эканамічных і фінансавых пытаннях у кампаніі «Трайпл». У 2016 годзе Тышкевіч быў затрыманы па так званай "справе Чыжа". Але суд так і не здарыўся, падазроныя пайшлі на супрацоўніцтва са следствам і былі адпушчаныя на волю.

Эдмунд Тышкевіч працягваў працаваць у «Трайпле» да 2019 года. У 2021 годзе Тышкевіч пакідае «Трайпл» і робіцца намеснікам дырэктара ў «Кідма-тэк». Арганізацыя звязаная з іншым «кашальком» Лукашэнкі – Аляксандрам Зайцавым і займаецца вытворчасцю зброі і боепрыпасаў.

Цяпер кампаніяй валодае і кіруе нехта Анастасія Савельева. З 2021 года яна працавала ў «Мувлінку» пад кіраўніцтвам Ермалінскага, а ў 2023 годзе заняла яго месца. Да таго Анастасія доўгі час працавала ў ТАА «Тэхнаніколь» – даччынай кампаніі расійскага вытворцы дахавых, гідраізаляцыйных і цеплаізаляцыйных матэрыялаў.

Ейны муж Дзмітрый Савельеў – старшы оперупаўнаважаны чацвёртага ўпраўлення ГУБАЗіК. На 2015 год падпалкоўнік міліцыі.

Анастасія Савельева адмовілася каментаваць «Бюро» дзейнасць кампаніі «Мувлінк».

Чытайце матэрыял цалкам на нашым сайце

Без VPN чытаць тут

Бюро | Расследаванні пра Беларусь

17 Oct 2024 12:03

💎"Лакшары" адзенне і аксэсуары — "Бюро" знайшло новы бізнэс "кашалька" Лукашэнкі.

Уплывовы беларускі бізнэсовец Аляксандр Зайцаў сышоў у цень, але па-ранейшаму застаецца пры справах. Прайшоўшы кар’ерны шлях ад памочніка Віктара Лукашэнкі да буйнога прадпрымальніка, ён аброс мноствам «дасягненняў і рэгалій». Што тут казаць – ён тытулаваны рыцар папскага ордэна!

А яшчэ ён "кашалёк Лукашэнкі".

У чэрвені 2021 года ён трапіў пад санкцыі Еўрасаюза. А пасля супраць яго ўвялі персанальныя санкцыі і ўлады ЗША.

«Бюро» высветліла, што Аляксандр Зайцаў працягвае весці свой бізнэс, але ўжо таемна. Ён афармляе новыя кампаніі на давераных людзей, каб пазбегнуць праблем з санкцыйным заканадаўствам.

Сёння мы раскажам пра новы гламурны бізнэс «кашалька» Лукашэнкі. Ён у абыход санкцый забяспечвае прадметамі раскошы расіян.

Падрабязней у нашым новым расследаванні — "Модны прыгавор".

Тут чытаць без VPN

Бюро | Расследаванні пра Беларусь

11 Oct 2024 12:04

Еўропа зачыняе вароты для «Алютэха». Буйны дыстрыб'ютар тавараў «Алютэх» ў Чэхіі і Славакіі заявіў аб спыненні продажаў беларускай прадукцыі з-за санкцый.

«З-за санкцыяў мы не можам прадаваць ідэальныя вароты «Алютэх». Дзякуй, што вы з намі. Мы спадзяемся, што санкцыі хутка скончацца», – напісаў у пачатку гэтага тыдня на сваёй старонцы ў сацсетках славацкі дыстрыб'ютар CFU s.r.o, які працуе на рынку пад брэндам Alutechdoors.sk

У сакавіку гэтага года «БЮРО» разам з калегамі з нямецкіх выданняў Paper Trail Media і Manager Magazin выпусціла расследаванне "Таемныя здзелкі «Алютэха»"

У расследаванні мы расказылі пра тое як буйны прамысловы холдынг «Алютэх» пастаўляў беларускія панэлі, дзверы, вароты і тавары са сталі ў Еўропу ў абыход санкцый. Сума паставак звыш $ 5 000 000.

Тры месяцы таму нашыя калегі з Investigace.cz працягнулі гэтую тэму і падрабязней распавялі пра лагістычны цэнтр «Алютэха» у Чэхіі, праз які распаўсюджвалі беларускую падсанкцыйную прадукцыю ў ЕС.

Чэшскія расследавальнікі высветлілі, што гаражныя вароты «Алютэх» па-ранейшаму прапаноўваліся дыстрыбутарамі як на чэшскім, так і на славацкім рынках.

Прычым прадаўцы не ўтойвалі, што тавары вырабляліся ў Беларусі і ўвозіліся ў ЕС. Прадстаўнік Alutechdoors.sk тады расказаў, што грузавік з Беларусі прыбываў у Еўропу кожныя 3-4 тыдні.
Цяпер ён патлумачыў, чаму перастаў прадаваць беларускую прадукцыю.

«Мне давядзецца звольніць большую частку сваіх супрацоўнікаў. Такі ж лёс напаткае і іншых дыстрыбутараў, паколькі ў цяперашні час няма магчымасці пастаўляць беларускія вароты ў Еўропу. Ад санкцый больш за ўсё пакутуюць еўрапейскія трэйдары, а не Беларусь ці Расея», – сказаў дырэктар па продажах дыстрыбутарскай кампаніі ў каментары для Investigace.cz.

Чытать тэкст цалкам

Чытаць без VPN

Бюро | Расследаванні пра Беларусь

26 Sep 2024 12:05

🌆 Людзі Шэймана займелі жыллё ў «раі для гангстараў».

Менеджары з атачэння аднаго з галоўных паплечнікаў Аляксандра Лукашэнкі — Віктара Шэймана — валодаюць раскошнымі апартаментамі ў Дубаі. Гэта паказала новая ўцечка дадзеных, атрыманая OCCRP.

Яўген Жоўнер у жылых комплексах Damac Bay і Liv Marina набыў дзве кватэры. Агульная плошча апартаментаў звыш 150 квадратных метраў. У размове з «БЮРО» Жоўнер адмаўляў, што валодае нерухомасцю ў Дубаі, але мы знайшлі пацвярджэнне ў мясцовым рэестры.
Таццяна Аношка з’яўляецца суўладальніцай кватэры плошчай больш як 350 квадратных метраў у жылым комплексе Kempinski Residences на востраве Палм-Джумейра. Аношка адмовілася даваць каментары па тэлефоне. Мы даслалі ёй запыт, але яна не адказала на яго.

📌 Пра тое хто такая Таццяна Аношка і як яна звязана з сумнеўнымі бізнесамі Шэймана мы распавядалі ў нашым расследаванні «Новыя беларускія».

Яўген Жоўнер працаваў у Адміністрацыі і Упраўленні спраў Аляксандра Лукашэнкі. Ён быў суўладальнікам кампаніі «Глобалкастам», якой кіравала Таццяна Аношка.

«Глобалкастам» звязаная з правай рукой Аляксандра Лукашэнкі, яго старым і бліжэйшым паплечнікам Віктарам Шэйманам.

Шэйман займаў у Беларусі высокія пасады. Цяпер з’яўляецца спецыяльным пасланнікам Лукашэнкі.

З 2004 года Шэйман знаходзіцца пад санкцыямі ЕС як адказны за знікненне палітычных крытыкаў Лукашэнкі ў 1999–2000 гадах.

Чытайце навіну цалкам на нашым сайце.

Бюро | Расследаванні пра Беларусь

11 Sep 2024 11:39

«Беларуськалій» забяспечваў ДНР і ЛНР тэхнічнай соллю.

Самаабвешчаныя Данецкая і Луганская народныя рэспублікі на працягу пяці гадоў закуплялі тэхнічную соль, вырабленую на «Беларуськаліі». Супраца працягвалася з 2017 па 2022 гады. Гаворка ідзе пра пастаўкі мінеральнага канцэнтрату – галіту, які ўжываюць для ачысткі вады і супраць галалёду. Галіт яшчэ называюць тэхнічнай соллю.

Калі спачатку «Беларуськалій» прадаваў галіт гандлёвым кампаніям з ДНР і ЛНР, то пасля буйное беларускае прадпрыемства перайшло да наўпроставых кантрактаў з мясцовай адміністрацыяй. У прыватнасці, у 2020 годзе «Беларуськалій» паставіў на акупаваныя тэрыторыі Украіны больш за 3,6 тысячы тон тэхнічнай солі на суму звыш 265 тысяч долараў. Атрымальнікам грузу ў мытных дэкларацыях пазначанае «міністэрства будаўніцтва і жыллёва-камунальнай гаспадаркі ДНР»

У 2021 і 2022 гадах пастаўкі беларускай тэхнічнай солі працягнуліся, але ўжо не наўпрост, а праз пасярэдніка. «Беларуськалій» прадаваў сваю прадукцыю данецкай кампаніі «АСК Рэгіён». Агулам – звыш тысячы тон больш як на 63 тысячы долараў. «АСК Рэгіён» вазіла беларускую прадукцыю ў Данецк нават пасля поўнамаштабнага ўварвання Расіі ва Украіну – у сакавіку 2022 года.

Дырэктар «АСК МК» Сяргей Кудзелка, расказаў «Бюро», што яны самі праявілі ініцыятыву – выйшлі на «Беларуськалій» і сталі вазіць беларускую тэхнічную соль у ДНР і ЛНР.

«Соль з Беларусі мы вазілі ў 2016-м, 2018-м, 2019-м. Цяпер пакуль не працуем. Нас не задавальняюць кошты. Яны прыкладна на 30-40% вышэйшыя, чым у той жа «Руссолі». Атрымліваецца, вельмі дорага», – сказаў Сяргей Кудзелка.

Яшчэ ў 2014 годзе ўкраінскія ўлады прызналі ЛНР і ДНР тэрарыстычнымі арганізацыямі. Генеральная пракуратура Украіны і Служба бяспекі Украіны завялі крымінальную справу па фактах злачыннай дзейнасці прадстаўнікоў самаабвешчаных рэспублік. Міжнародная супольнасць падтрымлівае тэрытарыяльную цэласнасць Украіны і лічыць так званыя ЛНР і ДНР землямі, акупаванымі Расіяй.

Цалкам навіну чытайце на нашым сайце

Без VPN

Бюро | Расследаванні пра Беларусь

09 Sep 2024 18:04

Як «Армтэк» абыходзіць санкцыіі праз трэція краіны

У 2022 годзе Еўрасаюз забараніў прадаваць Расіі люксавыя машыны і запчасткі да іх. Гэта зрабілі каб пазбавіць расійскую эліту «магчымасці атрымліваць асалоду ад раскошнага жыцця».

Але таксама санкцыі сталі пагрозай для холдынгу «Армтэк», для якіх Расія – асноўны рынак. Грынкевічы, уладальнікі кампаніі, арганізавалі пастаўкі запчастак праз трэція краіны, на якія не распаўсюджваюцца эканамічныя абмежаванні.

Яны пачалі выкарыстоўваць Казахстан як шырму для дастаўкі грузаў у абыход еўрапейскіх санкцыяў. Казахская кампанія Грынкевічаў стала адным з асноўных пастаўшчыкоў запчастак для іх расійскіх кліентаў.

У 2022 годзе яна прадала тавараў амаль на 20 млн долараў, у 2023 годзе — да 60 млн.

Чытайце падрабязней у нашым новым расследаванні «Вялікая наладка».

Бюро | Расследаванні пра Беларусь

05 Sep 2024 13:00

❗️Новае расследаванне “Бюро”. Хто абслугоўвае гараж Лукашэнкі? І як гэта дапамагае абыходзіць санкцыі?

Міжнародны холдынг з беларускімі каранямі «Армтэк» зарабіў сабе імя на продажы запчастак для іншамарак.
Але санкцыі паставілі паспяховы бізнэс пад пагрозу.

«БЮРО» высветліла, што «Армтэк» абслугоўвае гараж Лукашэнкі і абыходзіць санкцыі.

«Армтэк» — пастаўшчык запчастак для дзяржаўнага прадпрыемства «Белтрансспецаўта», якая абслугоўвае замежныя дэлегацыі і топавых беларускіх чыноўнікаў.

Кампанія падпарадкоўваецца Кіраўніцтву справамі Аляксандра Лукашэнкі. Транспартную фірму яшчэ называюць “гаражом беларускага палітыка”.

У гэтым гаражы лічыліся такія прадстаўнічыя аўтамабілі, як BMW 750, Audi A8, Lexus LS430, Lincoln Town Car і многія іншыя. Ёсць сярод іх і старэнькі Mercedes-Benz S600, на якім ездзіў асабіста Лукашэнка.

Як найбуйнейшы дыстрыб'ютар аўтазапчастак варочае мільярдамі насуперак заходнім санкцыямі?

Чытайце падрабязней у нашым новым расследаванні «Вялікая наладка».

Чытаць без VPN.

Бюро | Расследаванні пра Беларусь

15 Aug 2024 11:31

💥Таемнае вяселле сына "гаманца Лукашэнкі" Алексіна. Нядаўна мы распавядалі пра вяселле Віталя Алексіна. А гэтым разам — мы раскажам вам пра вяселле яго брата — Дзмітрыя Алексіна.

12 жніўня 2017 года ў Мінску пад'язджае рарытэтны кабрыялет Mercury Monterey 1949 года. На заднім сядзенні аўтамабіля нявеста - Вікторыя Губанава.

На раскошнай цэрымоніі яна абмянялася кольцамі і клятвамі са сваім будучым мужам.

На вечары выступілі: расійскія гурты «Иванушки International» і «Отпетые мошенники». А таксама беларускі гурт Brutto з лідэрам Сяргеем Міхалком.

Вясельны банкет адбыўся ў рэстаране «Сядзіба Ваньковічаў». Зала была ўпрыгожана люстэркамі, шклом і срэбнымі паеткамі.

Сярод мноства фота і відэа з гэтай падзеі мы не знайшлі ніводнага кадра з жаніхом Вікторыі, якога старанна хавалі.

Ім быў Дзмітрый Алексін, сын вядомага бізнэсмэна Аляксея Алексіна, блізкага да атачэння Аляксандра Лукашэнкі.

Кабрыялет, які прывёз нявесту, і іншыя ўскосныя доказы дапамаглі раскрыць іх сувязь і ролю сям'і Губанавай у абароне актываў сям'і Алексіна ад санкцый.

Як мы распавялі ў нашым новым расследаванні "Шлюбная афера" — на Губанаву і яе бацьку перапісалі частку актываў сям'і Алексіна.

Бюро | Расследаванні пра Беларусь

09 Aug 2024 13:03

Сямейны афшор. Якімі кампаніямі валодае нявестка Аляксея Алексіна — Вікторыя Губанава.

У 2022 годзе браты Дзмітрый і Віталь Алексіны трапілі пад санкцыі ЕС. Неўзабаве Дзмітрый Алексін, які валодаў фірмай «Метраж», перапісвае яе на жонку Вікторыю Губанаву. Кампанія спецыялізавалася на здачы нерухомай маёмасці.

У красавіку 2023 года кампанія была ліквідаваная — яе далучылі да іншай фірмы Алексіных «Алекс Карго», якую таксама перапісалі на Губанаву.
«Алекс Карго» займаецца імпартам і рэалізацыяй спецый, мясных вырабаў і нікацінавых патчаў з краін СНД, Еўропы і Азіі.

Кампанія валодае сеткай мітэрый Hooper у Мінску, якія паралельна дапамагаюць развівацца і іншаму мясному бізнэсу Алексіна — «Велес-Міт».

Дарэчы, сам «Велес-Міт» перадалі ва ўласнасць кампаіі "Сандао", якой валодае сват Аляксея Алексіна — Андрэй Губанаў, бацька Вікторыі.

Падрабазна пра тое, як таемныя сваякі Аляксея Алексіна дапамагаюць "тытунёваму каралю" абыходзіць санкцыі чытайце ў нашым новым расследаванні «ШЛЮБНАЯ АФЕРА».

Бюро | Расследаванні пра Беларусь

07 Aug 2024 13:12

Інтэрактыў ад "Бюро"!

Заўтра выйдзе наша новае расследаванне і мы падрыхтавалі для вас цікавы анонс.

На відэа — фігуранткі новага расследавання — таемныя жонкі сыноў аднаго вельмі "паспяховага і ўплывовага беларускага бізнэсоўца".

Бюро | Расследаванні пра Беларусь

01 Aug 2024 11:01

Як адміністрацыя Пуціна вядзе інфармацыйную вайну супраць Беларусі. За прасоўванне расійскіх інтарэсаў у Беларусі адказвае спецыяльнае ведамства – упраўленне па прыгранічным супрацоўніцтве пры адміністрацыі Пуціна.

Гэта вынікае з службовых дакументаў, якія трапілі да нас. У іх пазначана, якім чынам трэба расказваць беларускаму грамадству пра адносіны з Расіяй і «падкопы варожага Захаду».

Расійскія наратывы ў Беларусі, Малдове і краінах Балтыі прасоўвае сетка з арганізацый.

Гэта Расійская асацыяцыя прыбалтыйскіх даследаванняў і фонд «Гістарычная памяць», а таксама парталы Ru.Baltic і «Евразия.Эксперт»

Мы параўналі публікацыі на партале «Евразия.Эксперт» з крамлёўскай метадычкай па Беларусі за мінулы год і знайшлі каля дзясятка артыкулаў, дзе выданне слова ў слова паўтарае крамлёўскія наратывы.

Гэты матэрыял падрыхтаваны ў партнёрстве з Delfi Estonia і LRT.

Чытайце падрабязней на нашым сайце.

Чытаць без VPN.

Калі вы хочаце падтрымаць "БЮРО" — вы можаце падпісацца на наш Patreon.