-
you give me butterflies. - @littlebutterfly00
ما بعرف مين كاتبها لكن هذا من أصدق الأشياء يلّي قرأتها :"اللي يحبك ما ينسى الوعود الصغيرة، الوعود الكبيرة كل الناس ما تنساها أما هوامش الطلبات والوعود ما يذكرها إلا مُحبّ."
Читать полностью…
أمان حقيقي وليس "مزيّف" ما يحتاجه المرء ليطمئن، ويَسعد، ويُنتج، و"يطير". ما أكثر الأمان المزيف.
Читать полностью…
"أن تُحب شخصًا يعني أن يكون لديك بيتًا دافئًا تذهب و تأتي إليه أن يكون مستقر روحك دائمًا و إلى الأبد"
Читать полностью…
تم تنفيذ الفكرة، انضموا للقناة وانشروها بين الاصدقاء:
/channel/xmarinexo
ما يحتاج اكتب اسمي تحت كلشي صح؟
خلص عرفو لحالكن 😂💗💗
إذا تعلق الأمر بمشاركة اللحظة السعيدة، فأول من يخطر في بال المرء ليشاركه تلك اللحظة هو شخص حقيقي بالنسبة إليه.
Читать полностью…
صح نسيت أذكر شي مهم مهم كتير.
خاصة لو عمركم لسّا صغير ركزوا بكلامي منيح:
أبداً أبداً أبداً لا تضحكوا على كلام ينتقص منكم..يعني مرات بتكونوا مع أشخاص جداً مُقربين منكم و تحسوا بالراحة معهم ومرات تلاقوا إنو هالأشخاص عم ترمي نكاث تستنقص منكم ( لبسكم، شكلكم، شخصيتكم، حلمكم..) لا تقبلوا بهالشي ارفضوا!
و ما ترفضوا بعصبيّة لا، بطريقة لبقة وبهدوء وثقة.
بوساتي إلكم 💗
وضروري نفهم شغلة تانية كمان، مافي كتاب رح تقرأوه أو بودكاست حتسمعوه و يخلّيكن إنسان تاني تماماً أو يخلق منكن إنسان مُثقف أو مُتكلّم! لإنك انت حصيلة استمرارك بالتعلّم و البحث و التطوير مو حصيلة محاولة وحدة وخلص.
لهيك خدوا بنصيحتي 💗
ضروري نركز على الوقت يلّي منحس فيه بشعور ملل أو ضيق ليش يا حزركن؟
هاد الشعور هو نعمة حرفياً لإنو هو حالة منحس فيها كرمال ننتبه إنو اللي عم نعملو ما بناسبنا يعني ما لازم نستمر فيه، ممكن نكون عايشين بروتين مُمل يحتاج تجديد و ترتيب أو يمكن بسبب الفراغ يلّي منعيش فيه فترات من حياتنا فـ يتخدّر عقلنا و منتكاسل نغيّر، لهيك يجب استخدام الملل كبوصلة تدلنا عَ اللي محتاج يتغيّر بحياتنا..👏🏻
من وجهة نظري كل إحساس منحسه مربوط بفكرة، دائماً لمّا حس بهاد الملل ما بترك نفسي ضحيّة لإلو و مافي داعي إتهرب من فهم شو عم حس وليش لإنو بالآخر إذا ما أنا حولت الملل هاد لشيء جميل و وقت مُثمر فالحياة بعفويتها وأحداثها رح تحوّله بيوم عشوائي بدون ما إفهم شو صار و أدرك أهمية لحظات الملل السابقة، وقتها رح كون ضيّعت وقت عَ الفاضي و ما تطوّرت..ولهالسبب أنا عم إحكي بالفكرة هلق كرمال لو كنتوا حاسين بالملل ما تستمروا على نفس الحالة الشعورية اللي بتأثر على نفسيتكم بشكل سلبي إذا استسلمتوا إلها.
لمعت الفكرة براسكن؟💡
عيدوا الكلام مرّة بعد وخدوا قرار صريح مع نفسكم 💘
طبعاً أوّل فكرة حابة إني ضويلكن عليّا خليا تلمع براسكن كرمال تضلكن متذكرينا وهالفكرة هيي الأساس لكلشي أفكار رح تجي من بعدا وباختصار الفكرة هيي:
علاقتنا بنفسنا مُهمّة، نحنا أقرب شخص لنفسنا من أوّل لحظة انولدنا فيها لآخر لحظة إلنا عَ هالكوكب نحنا عايشين مع ذاتنا طول الوقت وهالشي كافي لحتى تكون علاقتنا بذاتنا هيّ أهم علاقة بحياتنا، خلّوا ببالكن إنو هالعلاقة مُعرّضة للخلافات، عادي نحس بمشاعر سلبيّة وعادي يصير بُعد مؤقت لإنها علاقة متغيّرة حسب عدة عوامل فمن الطبيعي تمر بكل أنواع المطبّات، لكن هي المطبّات هيي يلي بتخلّي علاقتنا بنفسنا أقوى وأمتن وقت نحلها ونعبرها لهالمطبات وقتها رح نوثق بقدراتنا أكتر.
فـ لا توقعوا بفخ ( أنا هيك ) ما بتغيّر، لا إنتو بتملكوا إرادة التغيير و فيكن تحسنّوا و تطوّروا من نفسكن دائماً.
مثال: إنت مريت بموقف صعب وترك عندك مشاعر سلبيّة مع نفسك وما عرفت تتقبلها أو تتخطاها وأثرت على علاقاتك بالآخرين ( مطب )
انتبهت لنفسك واستوعبت مشاعرك وأدركت خطأك وما قسيت على نفسك ( عبرت المطب )
لهيك دائماً تذكروا..كلشي ينبع من داخلنا من علاقتنا بذاتنا لهيك لمّا الداخل يكون مهزوز ومخربط رح تكون النتائج سلبية، أما لمّا يكون مرتاح و متصالح ذاتياً رح تكون النتائج إيجابيّة، حتصيروا أقوى 💘
ببالي فكرة: اعمل قناة فضفض فيها أشياء ممكن تساعدكم، طاقة إيجابية ونصائح وكذا..عم شارك أفكاري هون بكفي ولا بدكم قناة؟
إذا بدكم حطولي تفاعل ( 💘 )
لا تتقربوا من شخص وأنتو بعدكم مو حابين نفسكم، لا ترتبطوا بشخص وأنتو بعدكم مو فاهمين رغباتكم وحدودكم وأولوياتكم..العلاقة العاطفية فعلاً إنعكاس للداخل، إذا الداخل مخربط فالنتيجة غالباً حتكون اختيار غير مناسب، غلط.
Читать полностью…
"أنا أحد الأشخاص الذين يأنسون بصُحبة
أنفسهم، وتعلو أصواتهم في الغرف الخالية.
يطيب لي أن أزهر في هوامش الحياة!
يطيب لي أن أقرأ وأكتب وأغني وأرسم وأتخيَّل
وأعمل وأصنع مشاهد جميلة في رأسي
وفي واقعي، لقد أنضجتني العُزلة وحرَّرتني
قلة الأصدقاء.. صار لدي عالمي الصَّغير
اللا مُتناهي، عالمي الذي تضيئه فكرة
ويشغله احتمال وتدهشه أغنية،. عالمي
الذي لا يعني أحدًا لكنَّه يملؤني بالمعنى والأهميَّة.
إن اختفاء الناس وانشغالهم أو حتى
تغيرهم لم يعد يزعجني أو يسبب لي القلق.
وأخطاؤهم أو عيوبهم لم تعد تستفزني.
أستطيع الآن.. بعد صراع طويل مع النفس
أن أفهم من أين يأتي الآخرون، ولماذا يفعلون
جل ما يفعلونه من حماقات! أستطيع أن
أسامحهم والأهم من ذلك أن أسامح نفسي.
أستطيع أن أصبر على تمرُّد مركبي الصغير
في بحر الحياة المُضطرب، أستطيع أن
أمضي وأختال في خطواتي المُتعثرة وأتباهى
بندوبي لأنني أنا أنا.. وأنا شخص طيب جدًا من
الداخل ومُتصالح مع نفسه ومع الحياة.
أنا شخص يحب الخير دون تحيُّز أو تفسير.
لقد أصبحت أقدِّر هذا الوقت الذي أمضيه
وحدي.. سواء كان في غرفة مُغلقة أو ساحة
مليئة بالناس".
each of us only needs a big, long hug from this specific person ❤️
Читать полностью…
القنوات يلّي بتحوّل من عندي من زمان، ياريت أصحابها يبعتولي لينك القناة بدي اشترك فيهن وحدة وحدة:
@littlebutterfly00 👈🏻
إنّي أوصيتَك بروحي .. فهي تسافِرُ إلَيك أكثر ممّا تستَقِرّ لدَي.
- الرومي.
و مُلاحظة: اليوم يوم مميز 12/12..
طاقات كونيّة داعمة للجميع لهيك أشكروا الله و الكون عَ النعم يلّي إنتو فيها و تأملوا بالكون و بنفسكم و استعدوا لاستقبال المزيد، لا تخلّوا حدود بتفكيركم، الحدود نحنا منحطها بس الكون عطاياه غير محدودة..كل ما فتحتوا عقلكم للمزيد رح يجي صدقوني وهيك بتزيد قوّة عقلكم الباطن 💎
من أكتر الشغلات يلّي ممكن تدمر قيمتكم بعيونكم وبعيون الناس هو الكلام السلبي عن حالكم و الإنتقاص من نفسكم قدام الآخرين، ولو كنتوا عايشين ببيئة كل كلامهم سلبي مع بعض و ينتقصوا من بعض دائماً أوكي مو مشكلة لكن بلّشوا ركزوا و أدركوا الكلام اللي عم يطلع منكم تجاه نفسكم سواء كنتوا لحالكم أو قدام الناس بلشوا لاحظوا كلامكم الداخلي وخففوا من حدته و استبدلوه بكلام ألطف و فكروا للحظة باستحقاقكم و قيمتكم قدي كبيرة بالكون و إنكم بتستاهلوا أشياء حلوة 🙏🏻💗
- مارين