5964
• إلـيكم جـراحي ، فـ دخـلوها بِـسلام .. • " نوفمبر " 4/11/2019
وها أنا اليوم
امشي بحذرٍ تام
في كُل اتجاه
بعدما ركضت سنيناً
بإندفاع
للأشياء التي عدتُ منها بجِراح
لا يزال أثرها
مُستمراً بي
ها أنا وأخيراً
أدرسُ مشاعري
وخُطايَ
وسُرعتي
والطريق
والوجهة أيضاً ..
-
غريب إنو ماعاد عرفت يومك كيف كان
كل واحد إلو حياتو ، وصار بدنيا بعيد عن التاني
سككّ صعب كتير تتلاقى
صعب كتير تتلاقى متل لأول
بالذات بدني بتمشي بالشكل الغريب هاد ..
-
اليوم عم اكتبلك بعد مافقدت الأمل تماماً من أنك ترجعلي .. أو إنو محاولاتي تحرّك فيك شي.. وصرت حس إنو أي رسالة إلك عم تكون مصدر ازعاج بدل ما يكون شي بيفرحك ..
كنت فكر إنك ماعم تبعت لأنك مضغوط أو مشغول بغربتك .. طلع لا .. طلع ببساطة إنو ماعد بدّك ياني
بسيطة .. حقّك .. مافيني خليك تحبّني بالزور
كان كلشي فيني اعملو إني قدملك حالي متل ما أنا
وأنت إلك الحريّة تقبل فيني أو لا
صحي بالمناسبة لازم اعترفلك بشي قبل ما احكي
إني كتير اتعذبت وأنا عم اكتبلك
مو لأنو مابعرف شو بدي اكتب .. بس لأنو غالباً بعد أول كم سطر كانوا عيوني يبلشوا يدمعو
عم تفهم عليي ما !!
يمكن كنت تفكر أنو أنا مبسوطة إني مقصرة معك
أو ماعم ابذل جهد كافي لحتى خليك سعيد
وماني بصدد اشرح شي .. في الله وكان شايف
بس أنا كنت بعرف إني معك كنت رايحة عالتهلكة بإيديي .. بس كنت قبلانة .. كنت قول العمر بدي عيشو مرة.. وبدي عيشو مع يلي بحبّو مهما كلّف الأمر
ليك أوعك لثانية تفكر إني رح احقد عليك أو اكرهك
لا أبداً ..!!
-
بعد كل هالقصص ماحدا عليه لوم غيري
بفكر بالمواقف يلي مريت فيها ، بالعلاقات
سواء كانت حب أو صداقة ..
بلشت حس أنو فعلاً العطل مني
مابكذب عليك ، رغم أنو الموضوع زعلني كتير
بس كنت حاسة أنو هالقصة مارح تكمل
مع أنو ماكان هيك بخاطري ، كان نفسي نضل
ماكان بدي أكتر من أنو يتقدملي متل ماعم قدم
طلبي مو تعجيزي ، مانو صعب هالقد
شوية حنية ، أهتمام ، حُب كبير
ومابدي يتقدمولي من برا القلب ، مابدي ياهن شفقة
لما تحس حالك مو قادر تكون مع هالأنسان احكيلو
بس لا تخليه هيك هامش عالرف بشع هالشعور
ماشفت الأمور هلا بعقلي ، شفتها بقلبي
حبيت كتير ونغرّمت فيك
صحيت فيني آشيا كانت خامدة إلها كتير
مشاعر كانت عم تجّف عم تنمّحا ..
وبالأخر بغمضة عين خلص كلشي
كانت متل مقطع مدتو ٣٠ دقيقة
بثواني صارت بثواني خلصت
قلتلك مرة انو انا مابندم ع قصص مريت فيها
ما بندم على أشخاص ، في آشيا حلوة أنعاشت
ممنّون ، ممنّونتك أنا كتير عَ الوقت يلي قضيتو معي
مارح قلك بتمنالك سعادة وهالحكي
بس ضل بخير .. 🤍
كُنت أحفَظ الأغاني اللي بتحبّيها وأعمل حالي
مو منتبه وأنا بغنيها
منشان شوف ضحكتك وأنتِ بتحكيلي
" عنجد بتحِب هي الأغنية ؟! "
صدقيني أنا ما بحبها ، أنا بحبك أنتِ ♥️
-
سلمى : الشي الوحيد يلي بخليني اتسامح مع حالي
هو إني عنجد كنت بحبك !!
سامي : كنتِ ؟؟
سلمى : كتير
سامي : وهلّق؟
سلمى : هلّق ما عاد اتذكّر غير الوجع
وأنا ما عاد بدي اتوجّع !!
-
نـحن نـسأل كـثيراً عَـمن نُـحب
بـل أنـنا نـخترع الأسـبابَ مـن أجـل أن نـفعل ذلك
كـنتُ دائـمةَ الأشـتياق إلـيك 🤍
_ كل ما فكّر حالي طبت .. بشوفه قلبي بيدق وإيدي بترجف .. بلمحه بتمنى .. بتمنى عانقه
والله بالزّور بمسك حالي
ما بعرف شو بدي أعمل ! شو أعمل !
-
شقد الأنسان بكون تافه بس مشاعرو تستحكم فيه
صرلي زمان مسيطرة عليها ، بس هلا ماعد فيني حيل لشي
تاركة الأمور تمشي ع كيفها ..
وأنت الطريق .. وأنت الصديق .. وأنت الجهات وكل النظر ♥️
Читать полностью…
كل مابقول هاد الجزء حلو بيكون يلي بعدو احلا ، بس من جهتي حبيت الجزء التاني عصبة الشياطين
كيف ملاذ وضارم وهنان بيحاربو سوا 💔
قلك ..!
خليها خربانة مالي نفس صلح هالمرة هي ..
-
أنا ماني من البنات يلي بلاقو حجج ومبررات
أنا بعرف يلي بحب كيف بيتصرف !
مبارح من أول ما وصلت عالبيت ، وأنا متوقعة أنو يبعت مسج
تعبت أنو أتوقع آشيا مارح تصير
وتعبت إني آشحد حدا ..
ومن الواضح أنو ماحدا بيضل مهتم فيكي
إلا لما فعلاً بتكوني مانك مهتمة فيه ..
-
يالَسخافتها !
تلك النصوص التي كُتِبت لك
تلك المشاعر التي رُهِنت لك ..
بتعرف .. الكل عم يقلي إنو مانك راجع
وكيف بالي طويل وأنو لازم أعمل بلوك وهالقصص
بس هنن مابيعرفو أنا أدي بحبك
ومتأكدة أنك رح ترجع ، عندك ظرف
صاير معك شي ، أنت بتحبني !
وعدتني نلتقا ، وعدتني ما تزعلني صح ؟
لهيك رح ترجع ورح تلاقيني ناطرتك
لأنو كتير شتقت ..
أنا مشغولة هذه الليلة ، بيتي في غايةِ الفوضى
لا شيء في مكانه ..
قد تعثُر على المغسلة أسفل السرير !
الغبارُ هو سيد الموقف ..
لكن .. لكن
إذا فكرت بالمرورِ عليّ .. إذا فكرت
سأرمي بالبيت من النافذة وأسهر معك 🤍
-
بتعرف شو بحس مشكلتي ؟
أنو بتسّرع بالقصص كتير ، من بعدك ماعد دققت عَ شي ، مافكرت بعقلي شوي وبقلبي كتير
ماكنت قادرة شوف الأشخاص بقلبي مو بعيوني
تصير القصص بسرعة ، حسيت حالي واقفة عَ محطة قطار
والقصص والأشخاص مرو بحياتي هيك بسرعة
قصة ورا قصة ، وأنا واقفة وناطرة ..
ولا مرة أخترت صح ، حتى أنا ماكنت خيار صح
مو محبب رغم كلشي فيني منيح
حتى لما قررت أتجاوز قصتي معك ، ماقدرت
أنا كتير تعبانة بحس حالي انو عنجد متغيرة
وماعم اعرف إذا للأحسن او الأسوأ
مافي حدا متلك ، ماحدا حبني متلك
ولا قدملي متل ما قدمت ، أنت الشي يلي بضل بجلد حالي فيه بكل قصة عم مر فيها
بحس حالي رح ضل واقفة ع بابك ..
أسـف لنفسي لأني حـاولت أكون غير نفسي بس لأني بـخاف ..!
وحـياتك بـخاف ..
فريد : إذا هلق أبوكي وصله خبر إنو نحنا مع بعض
شو رح تعملي؟
ندى : أكيد بروح
فريد : لوين؟
ندى : معك .. أي بروح معك
ما رح خاف من حدا ، ولا رح خاف من شي ..
-
غالباً فراشات المعدة بتتحول لخفافيش
بتاكلك من جوا ، وبتتحول الحظة الحلوة
لوجع متاكل مالو دوا ..
بـ رواية فلتغفُري ، قالت جُمانة : الحُب يؤلمُ المعدة
( الحُب يؤلمُ كلّ ما فينا يا جُمانة )
-
أكتر شي حالياً عم يسيطر عليي من بعد مشاعري
هو حب الذات ، أنانيتي بحالي
لما حس انو المشاعر يلي عم قدمها ماعم تتكرم
بلغيها ولو على حساب زعلي واكتئابي
وبضل بكرر عَ حالي ..
مو أنا يلي ما بنسأل كيفك
مو أنا يلي بنترك بالساعات
مو أنا يلي بيجيني احساس إني هامش
أو شي عتيق عَ رف من رفوف القلب
أكتر شي كان بيجذبني هو الحنية والأهتمام
لما خاف ولاقيك جنبي ، او ادايق وابعتلك
وشوفك حواليي بتسألني إذا كنت منيحة !
لما أحكيلك عن زعلي من حدا وتاخد الموضوع بجدية وتهون عليي وتحسسني بأنو الأحسن ناطرني وهنن الخسرانين ..
لما كون حاسة بكومة هالتراكمات ركبت ع صدري وبدي ابكي ، وابعتلك تجي ترد عليي
بس كان كلو مجرد أوهام ..
بكيت لحالي ، خفت لحالي ، زعلت لحالي
صارت قصص معي وكنت لحالي ..
وبالنهاية ليكني عم أكتب أخر ليل لحالي ..
مر وقت منيح ماكتبت فيه ، ومابعرف السبب
يمكن تفكر أنو صار عندي حدا أحكيلو مخاوفي
بس لا مافي ، هاد الشخص يلي بيستنا ليعرف شبك
أو بحس فيك شي ، ويمكن في .. بس مو متلك
بلشت فوت الحكي ببعضو متل العادة
بس أنت عم تفهم عليي ؟
أنو أنا ورغم كل هالناس يلي حواليي ، بدي ياك إلك !
أحكيلك عن المشاعر السلبية يلي جواتي
وأنت تسمعني بدون ما تشتت أنتباهي بأي موضوع تاني
بتعطي زعلي حقو متل ما بتعطي للفرح
كنت الشخص يلي بخليني دائماً عندي ثقة بحالي
ولا مرة خليت هالشي يتزعزع فيني