5964
• إلـيكم جـراحي ، فـ دخـلوها بِـسلام .. • " نوفمبر " 4/11/2019
قلتلي أنو 4 شهور بس صارو 5 ..!!
قولتك هاد عذر مقبول لغيابك ، مع أنو مابعرف شو السبب
ماقبلت تحكيلي حتى ، غشيمة عنك بحس حالي أوقات ، ولما أصفن بقصتنا وأخر حديث
بتذكر أنك ماطلبت مني انطرك !!
مو حابة أتمرد عليك .. لسا في وقت ترجع ..♥️
-
صباح الخير ..
تتذكر هالوقت ؟ ساعة ٩ كنا نتفق أنك تتصل فيني لفيق ونحكي ..
كل ساعة من حياتي إلها ذكرى محددة معك
كل حركة .. كل كلمة .. كل مكان .. شتقتلك !
ما رح زودها عليك بمشاعري كالعادة ..
اليوم شفتك بالمنام يا الله شو كان شي حلو حسيت حالي شفتك عالواقع مو مجرد حلم كان
أول ما فقت ركزت قعدتي وبلشت فكر
طيب ما كنت عم فكر فيك قبل ما نام !
مع أنو شاغل تفكيري بأغلب الأوقات
بعدين تذكرت أنو غالباً غالباً ها بقولو أنو ما بتشوف شخص قريب منك وبهمك آمرو بنومك إلا وبكون عم يفكر فيك هو أو أنت ..
وبلشت الأفكار تاخدني وتجيبني .. معقول مبارح كنت بتفكر فيني ؟!
صدقني مابعرف .. شقد صايرة عم أستخدم هالكلمة
" مابعرف " ليش لوصل لهالمرحلة
مرحلة مابعرف ولا أي تفصيل عنك ، ولا إذا في يوم من الأيام نيّة أنك تبعتلي تطمني عنك
أو تطمن عني ..
كتير شتقتلك 🍁
-
وأنزَع من القلب أشواقاً تُعذبني
أقلتُ أشواق ؟ بل يا رب أشواكاً ..
-
2011 : لاتاخدوا معكن كتير غراض يومين ومنرجع 😔💔
Читать полностью…
ياريتك هون ، ياريت ترجع
جد قلي مو خايف تخسرني ؟!
مو مستفقدلي ! ما شتقت لصوتي ، لتفاهتي
لضحكتي ، تتذكر وقت نحكي وأقرط نص الحروف وتضحك ، ماحدا أنتبه ع هي الخصلة غيرك
ما شتقت لقصصي ، لتفاصيلي ، لعيوني
عطول كنت تتغزل بعيوني ..
لو أنك تارك بينا طريق ، أبعتلك رسايل لوقت تفتح تشوفن
بس أنو أكتب بمحادثة فيها بلوك !!
متخيل أديشني حدا تافه !
بس بقول يلا هيك بحسك معي ولو هالشي وهم ..
ياا الله مابعرف حاسة هي منشورات النداء غباء مني
تعال لا تخليني فكر غلط ، لا تخليني حس بأنك رافضني كلياً ..
-
كيفك ..
مابعرف ليش فايقة ومفتوحة نفسي عالكتابة
يمكن بسبب الخوف ، مو قلة إيمان لا سمح الله
بس مابعرف إذا منكون موجودين بكرة أو بعد شهر
و مابعرف إذا أنت رح تكون موجود ، أساساً أنت موجود !! مابعرف
بس حابة كالعادة أكتبلك والسبب هو الخوف
خوف تمر الأيام والشهور و ماترجع
خوف بأنو غيابك مالو تبرير غير أنو حجة لتروح
أسباب تانية مالها طعمة متل أنو تحذف كلامنا
متل أنو تعمل حظر
وتنهي كلشي بكلمة ، تزعليش ..
صفنت بهالكلمة وقتها لثواني وصفنت بالمحادثة الفاضية
قولتك فيني ما أزعل ؟! بجوز .. عم حاول لحد الأن
من ٤ شهور وأنا عم حاول ما أزعل ..
وخايفة .. خايفة أنساك وحس باليأس ، وأنا من جواتي مو ناوية
مابدي انساك ، حابة ضل جوا قلبي
ولو كان بينا بلاد وظروف كبيرة
ولو بينا كان رفض وأسباب كتير
حابة ضل فيني ، أنا عنجد تعبانة كتير
ولو كنت عم بين عكس هالأحاسيس هي
مارح قلك أنا بحاجتك متل كل مرة
وبعرف أنو بيوم من الأيام رح ترجع ، وتفتح القناة وتشوف أديش كتبتلك واديش نطرتك
بوقتها بجوز .. عالأغلب .. ماكون أنا هون
ع كل حال أنا عم عيش ، وعم أطفي هالنار جواتي
وناطرتك .. بتمنى أنك تكون بخير 🤍🍁
-
بسم الله الرحمن الرحيم
الحمد لله القائل : ( ولنبلونكم بشيء من الخوف والجوع ونقص من الأموال والأنفس والثمرات وبشر الصابرين )
والصلاة والسلام على سيدنا محمد القائل: ( أمتي هذه أمةٌ مرحومةٌ ، ليس عليْها عذابٌ في الآخرةِ ، عذابُها في الدُّنيا ، الفتنُ ، والزلازلُ ، والقتلُ )
-
لم أعد انتظر..
أو الأصح انتظرك..
اليوم في الصباح
لم ارغب بأرسال صباح الخير
لكن ومع ذلك ارسلتها
اعلم بعدد خيانتك إلي
وتبريرك الدائم بأنهم اصدقاء فقط
اعلم إنه ليسَ تبرير
وأنما كذب!
لكن اصدقك
كلّ انثى تمتلك احساسها الأنوثي
مع الشخص الذي تحبه..
لكن معك أنا اتخلى عنه
اكذب احساسي، اكذب ما اسمع
وما ارى وما اشعر!
لكي تبقى مطمئناً
وبعيداً عن النكد؟
اراقب بصمت ماذا يجري
اراقب ليسَ لأن أحبك
أو مهووسة بك
لكن اريد أن أتعلم درساً
إنه لا اعود إليك بكل مرة تأتي
اتعلم!
كل ما عُدت إلي
اسمع قصيدة نزار قباني "أيظن"
القصيدة كُتبت إلينا
لكن الآن لن اعود
ولن تشبهنا مرة أخرى
ولن اسمع اكاذيبك أكثر
لم ارغب في نهاية
تكون مليئة بالملل والكسل
اخبرتك اريد نهاية جميلة
أو قصة ملحميه..
أيضاً مليئة بالفرح
لكن أنت!
أنت غاوي كلّ شيء سواي
..
السلام عليك يوم خُيِّرتَ بين الخُلد في الدنيا ولُقيا ربك
فاخترتَ قائلاً : بل الرفيق الأعلى
السَّلامُ عَليكَ حيّاً فِينا لا تَموتُ أبداً
نُحبُّك ، ونُحب مَن يُحبك
وإن الموعد الحوض كما أخبرتنا ، وإنَّا لنصدقك ..
اللّٰهم صلِّ وسلِّم وبارِك على سيدِنا محمد ، جمعتكم طيبة مباركة ، لا تنسوا قراءة الكهف نوراً ما بين الجمعتين ♡
-
_ كل ما فكّر حالي طبت .. بشوفه قلبي بيدق وإيدي بترجف .. بلمحه بتمنى .. بتمنى عانقه
والله بالزّور بمسك حالي
ما بعرف شو بدي أعمل ! شو أعمل !
-
_ كيف نسيتا ؟ يا عيب الشوم عليي عنجد ..
-أي هي بتنتسى
_شو قصدك هي بتنتسى ؟
-في ناس بالدنيا كل شي فيون بقلّك أرجوكي لا تنتبهيلي 🤍
-
لو شي مرّة صبحيّة
تفكّر تتّصل فيّي؟
قلّي شو يلّي بيعلّقني بس فيك ..! ♥️
-
فكرت كتير..
إذا ولا يوم من الأيّام مدحتك بنص إلي..
شو كاينة اشعر معك؟
..
في حبي الأول..
لم أكن اعي ماذا يعني "الكرامة"
كنت اندثر هنا وهناك..
اتناقل بين كل كلمة تقال " من أجل الحب"
كان هذا وسامي الدائم..
من أجل الحب يجب نفعل كل شيء
عندما كان احدهم يعترض طريقي
وينكر هذا الحب
اكشر عن انيابي.. والقحه ضرباً
كانت تصرفاتي مجنونة في ذلك الوقت..
بالرغم إنه لم يبادلني الحبّ أبداً
أو بادلني لكن لا اعرف..
كنت صغيرة في عمر الـ ١٨ عاماً
الآن بعد مرور ٤ سَـنوات..
أنا في علاقتي الأولى..
لكنه حبي الثاني..
اتصرف بكلّ حكمة
مع مرور ٩ اشهر لعلاقتنا ولم اتعلق به
يعاملني كما اعامله
يزعجني؟ لا ابرر لتصرفه
اقول لأ..
اعبر عن رأي بماذا احبه به
لم احلم كثيراً معه
ولم ابني بيتاً وردي في خيالي
حيث إذ فكرت في حياتنا الوردية
افكر بماذا لا اريد ان افعل
مثل ما اشاهد افعال غيري
غالباً في هذه العلاقة اتصرف "بكرامة"
يوجد فرق شاسع بين الحُبين..
لكن لم أصل للآن أيهما أصح!
المراهقة أم العقل!
مابعرف..
مابعرف متى وصلت لمرحلة
اتمنى اسـهر مع حدا
بطلت اتمنى اسهر معك
تعودت على غيابك..
وهالشي بزعلني
بزعلني لان بتتركني كل ليلة اسهر لحالي
بعرف ومقدرة..
عندك شغل وضغط وكل الوقت مشغول
بس أنا الشغلات هاي عم اطلبها
وهالشغلات أساسية..
صافنة..
انه..
مرة وحدة نسهر!
ممنوع! صعب!
أنا لحالي.. لحالي كتير
كم غابَ غيرُكَ لم أَشعُرْ بغَيبتهِ
وأنتَ إن غبتَ لاحتْ لي سَجاياكَ
أراكَ مِلءَ جِهاتِ الأرضِ مُنعَكِساً
كأنّما هذه الدّنيا مَراياكَ ..! 🍁
-
كل يوم بفتح محادثتك بشوف ظهورك
بلاقيه منذ وقت طويل ، مافي صورة ..
بحكي حالي .. يا ترى لو بيوم فتحت
وشفت صورة وظهور قريب كيف رح تكون ردة فعلي ؟!
برجف وقلبي بدق بسرعة ، مابعرف إذا بهيك حالة
بتكون كرامتي ملعونة .. ولا قلبي الملعون ..
مابعرف إذا عم تفكر فيني ، كيف عايشة
نسيتك .. عم أستناك أو لا
بتمنى أنساك والله .. بتمنى تنشال من قلبي
لأن هالمشاعر تحولت من حـب لـ وجع ..🍁
-
لستُ متأكّدة بإني قد شُفيت منك كُل الإشارات داخلي تُشير عكس ذلك ، لإنك هُنا بشكل تعجزُ السنين أن تنسفه ، صحيحٌ أننّا من عالمين مختلفين
والفجوة التي بيننا كانت أكبر من الحُب الذي في قلبينا و نجحت بإن تبتلعُ كُل محاولاتي في الوصول إليك
لكنّني أسيرُ بعدك حبواً ، زحفاً لا تحملني أقدامي لأيّ مكان
أشكو جور الدنيا عليّ
أتلوّى
ألعنُ كرامتي
أُخرِس قلبي
أبكي
أهجرُ اصدقائي
يتلوّن جسدي من الندوب
أشتمُ الشوق
أكتبُ مئات الرسائل
اتخبّط
اواجه نفسي
أصارعُ الليل حتّى ينتهي
أسقطُ
أنهض
أصمت حتّى تجفّ الكلمات وتتيبّس في حنجرتي
تلوكني الحياة
أجوب الطرقات
ولا شيء
لا شيء أبداً
يملأ الفراغ الذي خلّفته داخلي ..🍁
-
بالنسبة إلك أنا منظر حلو
بتقدر تمشي قدام رفقاتك
مع صبية حلوة..
لكن بالنسبة إلي..
أنتَ مو الشخص يلي بدي ياه
ولا يلي بتمناه
كرمال هيك: مع السلامة 😆
ذهبت السبع العجاف
(2016 - 2023)
وبدأت سبع سنبلات خُضرْ بأذن الله ... تفائلوا 🤍
-
_ أنا بصراحة شو بشوف ؟ بحس إنو نحنا بدنا مليون سنة لنصير حضاريين ، يعني لازم يجي هيك ناس من برّا يستلمونا ويغيروا فينا كل شي !
-
_ أنا ما نسيتك لحتّى اتذكرك ، كل القصة إني فكرت إنو في شغلات بالدنيا بتستاهل نضحّي بأغلى شي عنّا مشانا ..
وكان لازم روح وجرّب لأعرف إنو ما في شي بيستاهل !
-ولبين ما عرفت أنا قضيت شهور وأيام من حياتي بشعة كتير .. متل الزفت .. مستني هي اللحظة يلي هلق ما إلها معنى !
-
ورغم هذا كله فأنا لن أهرول مُلقياً بحزني على عاتق أحد
أنا أتداوى ذاتياً ، ألا يبدو هذا فعلًا مقدساً ؟!
-
_ أنا فضيانة هيفا ، فضيانة حاسـة حالي فاضية
و حاسـة إني لازم أبكي ، بس مو عَ بالي
- و ليش لازم يعني ؟!
_ لأني مـخنوقة ..
-
بالبداية كيفك ..
بدي قلك أنو أنا كتير بحاجتك هلا ، إذا شفت هالحكي ، تعال ولو ساعة بس .. ولو ربع ساعة
كتير مضغوطة وتعبانة ومابعرف أحكي يلي بقلبي غير معك .. غير إلك
كتير قصص مريت فيها ، كتير مشاعر
كترو الحكيات والقصص يلي مخبيتن لترجع وأحكيلك ياهن
بعرف .. بعرف إني أيام ما بنحمل وتقيلة
تقيلة عالقلب كتير
بس شو أعمل إذا بحس أنك ملاذي !!
عم قلك تعال وأنا مشاعري متناقضة ناحيتك
صدقني أنا وقلبي كتير مشتاقينلك
بس لما بفكر بقصتنا شوي بلاقي أني ما بستاهلك !
أنا بعيدة عنك كتير .. من نواحي كتيرة
وما بعرف إذا قصتنا بيوم رح تنختم ونكون سوا
يلي بعرفو أنو والله إني بحبك وروحي متعلقة فيك
وبعرف صدقني بعرف أنو غلط .. بس أنا عم عيش !
بالنهاية أنا بني آدمة عندها قلب ومشاعر وبتحس
برجع بقلك لو كنت مبسوط ومرتاح ومأسس لأمور منيحة ببعدّك عني .. أنسا الحكي ولا ترجع
تركني ناطرتك عَ نتفة آمل وهيي شوفتك ♥️🍁
-