5964
• إلـيكم جـراحي ، فـ دخـلوها بِـسلام .. • " نوفمبر " 4/11/2019
انتو متخيلين كمية الفرح ؟؟ حاسين حالنا بحلم هي معجزة والله 💚
Читать полностью…
كأنو كنا بمخااض طوووويل
عم نقول لبعض خلص خلصنا خلصت خلص
سقط ،، سقط النظام 💚
السفن لا تغرق بسبب الماء الموجود حولها
السفن تغرق عندما يصل الماء إلى داخلها
لاتدع مايحدث حولك يصل إلى داخلك
أبداً .. !
-
حاولت كون لطيفة هالفترة ، المشكلة أنو كل العالم عم يبعدو عني خايفين كون عاملتلن كمين 🌚
-
ماعد برر ولا حسَّن وجهات النظر ولا أتمسك
حدكن البلي كلكن ببعضكن
-
ضليت فترة ببعت رسايل ، على جميع الأطراف
كانت تنهمل هيك بدون مشاهدة ، بدون رد
يومين وتلاتة وأوقات أسبوع
أحذف الحكي ولمحادثة وفوت بنوبة بكي
أرجع أكتب وأبعت وعاتب ، مافي رد
بعدين صرت أبعت سؤال واحد من ٣ حروف
ليه ؟!
لوقت فكرت شوي بحالي ..
هل لو لا قدر الله بيوم من الأيام
أفعى عضتني وتسممت وبلش السم ينتشر بجسمي
بلحق الأفعى وبحكيلا أنو أنا مابستاهل
وأنو ليش وأنا حدا منيح
أو بروح بداوي مكان السم ؟!
وقتها لقيت الجواب ..
-
لما تكون بتجربة وتنئذى منها ، لا تكررها عَ غيرك
لا تعيشو نفس الشعور يلي أنت عشتو ووجعَك
ليش لطلع ذنب ناس بـ ناس !؟
-
لك هلا هي القصة مو قصة دراما ومشاعر
القصة قصة كبرياء عرفت
فَـ يعني ما تفكر أو تحس للحظة محور زعلي أنت
محور زعلي أنا ، كيف هنت عَ حالي مو عليك
أنت في منك كتير بفقشة أصبعين بصف عشرة بدالك يعني مانها محرزة القصة
هلا يمكن تشوف أخر جملة كتير تافهة
بس هاد واقع ، أي شخص بحسسك أنو
مشاعرك يلي تقدمت مو مهمة ، قابل للأستبدال
وبرمشة عين والله ..
بتعرفو انو الشيطان دائماً يلعب على تعظيم المفقود
المعلومة هي أكتشفتها من جديد
يعني الآشيا يلي ماحصلت عليها ، بحسسك أنها
النقطة الفاصلة بحياتك وهي سعادتك المنتظرة
وببلش يلعب معك على الخيال
بينما بيكون المفقود شي عادي وأقل أقل من عادي ..
-
يؤسِـفني أن تترجّل عن كَونك حُبّ حَياتي
الوحَـيد ..
ولربّما تدفِئُكَ بعد وقتٍ طويل
مَـعرفة أنّهُ حتى حِـين ينجحُ شَخصٌ آخر
في غِمار العاطفة
ستملك وحَدك رفاهية الجُرح الذي لا تَتنازل عَنهُ
الذَاكرة ..
-
أكتشفت أنو أنا عندي فرط بِـ التفكير
وأنو أنا أديش بفكر بـ اللي جاي
واديش بفكر بالآشيا يلي أذتني
بس أنا مابعرف أتخطاها
وأديش هي بتاكل من تفكيري كل يوم
بفكر بآشيا كتيرة ، بحس أدي أنا بحاجة
أمسك راسي وبوسو وقلو كرمالي أهدى !
كرمالي أسكت .. خليني نام ولو ليلة
أدي الموضوع صعب يعني !
بتمنى كون منيحة .. بتمنى
-
خلصت ..
ماضل في عتاب مرة تاني ، لدرجة أنو أنا أصلاً
ماعم لاقي مبررات ولا عم لاقي أعذار
قولها كمان مرة لعقلي
قلت كل الآشيا ، أستنذفت كل الأعذار
كرمال أقنع عقلي أنو فعلاً بدك ياني
لدرجة أنو أنا صرت شوف حالي وقلها أنو ..
مابكفي هيك ؟ مو بكفي قلة قيمة هالقد !
مابكفي كسرة أكتر من هيك ؟
قاعدة عندك شو بتعملي ! بتفرضي حالك بحياة ناس هي مابدها ياكي ليه ؟!
منشان شو ؟ كرمال الحب ؟
ملعون أبو لحب اللي بيعمل فيكي هيك ..
شو يعني انك تحس إنو بطلت تحب هاد الشخص يلي متعود تعيش كل تفاصيل حياتك معو !!
خفت .. حسيت بالعجز ؟!
طول ما أنت مدلع البنوتة يلي جواتي
مارح تشوف المقدم رؤوف يلي بقلبي ☺️
-
في ناس بتسحب منك طاقة بشكل عجيب
يعني لمجرد تحكي معها او تعاشرها او تقعد معها
بتقوم بحالة تانية غير يلي أنت فيها
باهت ، تعبان ، قرفان ، منطفي ..
-
والله الواحد مانو فاجر ولا طبقة صوتو عالية ومستفزة
بس اتقي شر الحليم إذا غضب ..
-
بتكره تكون بموقف الشخص يلي
عم يتملا فيه فراغ من شخص تاني
وأنت كنت بتملي فراغك فيني !
-
علاقةُ حُب كنتُ أكتمُ بثَّها ، إلى أن أذاعتها الدموعُ !
-
إنسان مُرهق من كثرة التردد على وجهات خاطئة يظنها أرضه وملاذه
وتظهر أنها أرضٌ من طين تبتلعهُ لا أكثر ..
-
ياسيدي هو كان بيناتنا خلاف بسيط
شلون تحول لحقد كبير ولا عندي أي فكرة والله ..
-
تظن
مثلاً مثلاً مثلاً
أن واحدة مثلي تحاوطها المحبة إين ما ذهبت
ستبحث عن مودتك ؟!
-
المشكلة بالواجهة لما الناس تشوفك من برا
تشوفك وتحكم عليك ع أساس مالو وجود
يعني أنت شفتني من جوا ؟
شفت كمية الآشيا البشعة يلي مريت فيها
ولساتني قادرة رغم كلشي قدم
قدم حب ، وحنية ، قادرة طبطب وداوي وأسمع
ليش لما نشوف هالشخص مر بكتير تجارب
بكتير قصص نهشت فيه من جوا ، منحكم عليه من برا ؟
ولا مرة كان الكتاب واضح من غلافو
الا لما تتعمق فيه ، تقراه ، تفهم فحواه كيف
والأنسان هيك ، لا تحكم عليي من برا
لو قربت وشفتني من جوا
لو كنت قادرة أحكي ، بتعرف كتير أوقات بتمنى
أنو حدا يقعد مقابيلي وأحكي فضي كل شي جواتي وابكي
أنت متخيل كمية الحمل التقيل يلي بقلبي وجواتي ؟
يلا عموماً مافي شي مهم ..
-
لا تهتـم ..
تصرفك طبيعي
الموقف الي حَـطوك فيه هو الحَقير ، مو أنت!
بس بدك ياني حَ تلاقيني معك
لاتخاف أنا مابشبهك ..