5964
• إلـيكم جـراحي ، فـ دخـلوها بِـسلام .. • " نوفمبر " 4/11/2019
كان أمير المُؤمنين عُمَر بِنْ الخطَاب رضيَّ اللَّهُ عنهُ
يستقبل رمضان بقوله :
_ مرحباً بِمطهِّر ذنوبنا ..♥️
-
كـلما خـالطت الـناس ، ازددت يـقيناً
أن الأخـلاق كـما الأرزاق قـسمة مـن الله ...♥️
-
لما مرة كنا منحكي ، كنت بحكيلك عن المزاجية
وكيف مشاعري مرتبطة دائماً فيك ..
متل لما تكون مكتئب لا شعورياً بكتئب معك
بدون ما يكون في سبب أو دافع لهالـ شي
أو لما تكون مبسوط بصير بضحك معك عَ أتفه جملة
زعلك ، وفرحك ، وأكتئابك ، ومرضك
بحب شاركك بهيك مشاعر ، ونتقاسم كلشي بالنص
بحب إني عم أشبهك وعم قلدك بكلشي
مرات بحس حالي صايرة نسخة عنك
بأسلوب الحكي والكتابة حتى اللهجة عم أقتبسها لكون أنا .. أنت
شايف حلو نكون شبه بعض .. حلو كون بشبهك ...♥️
-
This song will be before bed And when messing with your hair ♥️
-
هوَ مُعقد بشكل هادئ وجميل
لا وجه بائس ولا صُراخ ولا حتى بُكاء
لا يقرأ ولا يَرسم ولا يكتب لكي يخفف عن نفسه
هوَ فقط ينام يرى أن النوم المهرب الوحيد
هوَ فقط يكتُم ويفكر كثيراً ...
أنا لا أحزن عليه ، أنا فقط أتعب لهُ من تعّبه
بالأصح هوَ ليس حزين هو فقط مُنهك من كثرة التفكير
لا أدري ماذا حدث له ، كُل ما أعرفه أنه يفرط في التفكير ، هذا عيبُه الوحيد
بالنسبة لي لديه روح جميلة وآه من فرط جمالها
" رقة " رقيق بشكل مُبسط
رائع كما لو أنهُ ملاك هوَ لا يعلم أن أبتسامته مُثيرة وساحرة ، وأن لهُ قلباً حنوناً ، وعينان براقتان ، حتى صوته لهُ لذة ...
هوَ مختلف أختلافاً تاماً عن من مَررت بهم
هوَ الأفضل لا مُحال ، لا أكتّب عيوبه
أنا فقط أرى أنه أجمل ما مّر عليّ
كُل ما أود أن يصلك هوَ أنّك تستطيع أن تنجو مما أنتَ عليه فقط أرغب وحاول ...♥️✨
-
مـو شـكراً ولا كـتّر خـيرها هالأيـام اللي غـيرتني
ومـو ممـتنة أبـداً للمـواقف اللي طـحنتني
ولا ممـنونة للأشـخاص اللي خـذلوني
لأنـو عُـمري ما كـان عنـدي طـموح وهـدف إني
أتـعلم درس من دروس هالـحياة بهـالطريقة هي
أبـداً ...!! 🖤
-
إنو يا بنت الحلال .. حياتك بي باي
نقطة وكتاب سكرناه ..
أنا شو بتكوني عاملة بالماضي ما بهمني
يعني إذا بتكوني حابة عشرين زلمة قبلي
أنا ما بهمني .. وما بدي أعرف!!
لأنو إذا بعرف رح أتكركب كتير
فَـ مشان هيك .. حياتنا هلأ نقطة وسطر جديد
حياتنا مافيها إلا أنا .. أنا وبس
أنا يلي بتحبني وبتشوف كيف أنا عم حبها
لا يُمكن تخوني ، أبداً بحياتها .. ♥️
-
كانت تصرفاتك جنونية جامِحة كثور هائِج في حَلبة مُصارعة ، توزع سَهماً هُنا وخِنجراً هُناك ...
ولكن يا عزيزي هل من المنطق أن تَتودد لفتاة أخرى ولا يزال التراب رطب على جثمان صَغيرتك ...
لم أتحمل بطشك وعُهر قلبك الذي ظهر سريعاً بعد غيابك ..
كيف تجيد التمثيل في كل شيئ ..
ولأنني فتاة أعرف ماهو الخذلان
قتلتك بين كتاباتي لأغسل عاري ... 🖤
-
لا تنـساني بـس تحزن
لا تنعزل ، لا تزعل لحالك
ناديني .. بسمعك دائماً ..♥️
-
أنا بتعب إذا طلعت درجتين ع تاني طابق بالبناية
بكره شيل أغراض وشناتي وكياس لأنو بحس حالي دائماً شايلني وأنا تقيل كتير كتير
مليان عضام وشرايين وجثث وأوهام
بس صدقاً مابتعب لو طلعت خمسين سما
لعند الله ..♥️
-
بعرف وحدة كانت مخطوبة ، وخطيبها لما شاف إيدها عن قُرب حكالها :
شو هاد أنتي عروقك بارزة ليش عنجد شكلهم مرعب !
خطوبتهم ما كملت وبعدها بفترة أتزوجت ولما أول مرة زوجها مسك إيدها حكالها بتعرفي إنو إيديكي شكلهم حلو عروقك البارزة محليتهم ..
وحدة تانية كانت بتاكل الخبزة من جوا وبتترك الحواف فَـ مرة وهي قاعدة بتاكل هي وخطيبها
خطيبها صار يتمسخر عليها وحكالها أنها دلوعة ومستهترة ولما أنفصلت عنو وخطبت غيره وأتزوجت أنتبه لنفس الموضوع فَـ سألها وحكتلو التفاصيل من هي وصغيرة وشو يلي خلاها تتعود على هيك وبعد ما خلصت حكي
أبتسم وحكالها باقي الخبزة أنا رح أكلها وصار هو يلي يقسملها الخبزة كمان ..
الخلاصة : ما ترتبطي غير بالشخص يلي بشوف الشغلات العادية عندك إنها أجمل شغلة
الشخص يلي بحب طبيعتك متل ماهي بدون تعديل
لأن يلي مارح يشوف طبيعتك ويحبها مارح يشوف المميزات أصلاً
ومُمكن يعتبرها عيوب الشغلات هي بتفرق بالعلاقة كتير ...♥️
-
رح يجي يوم ونكون سوا ، ونشوف بعض بكل الحالات
بالمرض ، والنكد ، والأكتئاب ، والفرح ، والسهر
ولما نكون عم نضحك هي الضحكة العفوية
يلي مافيها أبداّ تصنُع ..
رح شوفك لما تكون فايق من النوم ونعسان
ورح تشوفني وأنا حالتي حالة ومنكوشة
مارح أخجل منك ومن حبة المفاجأة
يلي بتطلع بالمناسبات وقبل العيد بيوم ..
رح تكون حياتنا عادية وبلا فلاتر واضاءة
رح تحبني عَ طبيعتي ، وحبّك عَ طبيعتك
رح يجي هاليوم ، أنتَ بس قول يارب ...♥️
-
متعودة .. وعودتني أحكيلك كلشي بمر فيه
أصغر تفصيل وأتفه تفصيل بحكيلك ياه
كنت لما أنزعج منك أحكيلك
لأنو مو حابة شارك هالشي مع غيرك حتى لو في بينا زعل ، ما بحب يكون بيني وبينك طرف تالت
بتذكر مرة قلتلي .. لا تخلي بينا تراكمات وحواجز
بس أنت يلي عم تخلق بينا فواصل
لو كنت مزعوج مني أو مدايق بحب أنك تحكيلي
حتى لو قلتلي أنك مدايق من حالك مو مني
بحب أسمعك ، بحب كون حَدك ..
نحنا بالآخر ما إلنا غير بعض ♥️ !
-
_ في كلمة أسمها " النَّحيط "
معناها البكاء الذي لا يظهر وإنما يتردد في الصدر
يا بلاغة المعنى ...🖤👌🏻
-
- أتحبها !
-- كل الحب
- كم عمرها !
-- عشرون عاماً في البطاقة ، ثلاثة مع الأطفال
ستون مع الأزمات ، ملاكٌ لاعمر له مع الطبيعة
وكلهم معّي ...♥️
-
بموجة هالملل والأكتئاب بتلاقي منفذك الوحيد هو إنك تطلع .. تمشي بهالشوارع ليمضى الوقت
بالنسبة إلي كنت أنزل عالبحر ...
أنا من الناس إلي ما بيهمها تغوص بالبحر
ولا تبلبل أطراف رجليها .. أنا بحب أشرد بتفاصيلو بس
بقرا رواية .. بشرب مشروبي المفضل
هيك بيمضا الوقت عندي
وطبعاً إلا ما يطلع شي يذكرني فيك 😅
كنت قاعدة عالمرجوحة وعم اتفرج عالبحر
وإلا بلاقي هالصيادين مقابيلي .. تذكرتك
بما إنو عطول تقلي راحتك النفسية هو البحر
وسنارة سمك وحدا جنبك يشاركك الصبر
لما عرفت إنك بتحب الصيد .. أكتشفت إنك حدا بالو طويل
صورت هالصياد لورجيك إنك بأصغر التفاصيل
ملاحقني .. حتى لما أهرب من تفكيري فيك ... ♥️
-
بتدايق مني لما أكتب ببؤس ، بسواد ..
وبتبلش تحلل حروف السردة والكلمات
بشو كانت عم تفكر لما كتبتها ؟
شو صاير معها .. وشو حاسة !
بيعجبني فيك إنو بتلفتك التفاصيل الصغيرة
ومو اي حدا بيلفتك .. بتكتفي بشخص واحد
حبيّت أنك بتهتم بهالحدا وبتقدم كل مشاعرك إلو بدون ما تفكر .. يا ترى هالشخص رح يقدر بيوم هالشي ؟
بتتصرف بعفوية مع الناس يلي بتحبن وبترتحلن
ما بيعجبك كترة الرفقة .. منشبه بعض بهالشي
بينعدو عالإيد الوحدة رفقاتك
ولما تكون حاسس بالحنين بتسمع كاظم الساهر
وشيرين عبد الوهاب
ولما تحس بالزعل والضعف بتسمع قرآن
بصوت أسلام صبحي
بتذكر مرة كنا متخانقين عَ سبب تافه
وماحكينا وبعدنا عن بعض فترة ..
وقتها نزل المطر عندك .. ونزلت غنية كاظم
عَ حسابك حبيبتي والمطر .. كنت منزلها وكاتب معها :
" أخافُ أن تمطر الدُنيا وأنتِ لستِ مَعي
فَـ منذُ رُحتِ عندي عُقدة المَطرِ "
شتقتلك وقتها كتير وبعتلك .. إني معك وجنبك
بدون ما نتعاتب رجعنا .. بحب فيك مغفرتك
أكتر الصور إلي بتتصور فين بتكون لابس فين لونين .. الأسود والرمادي .. بحب هاللون عليك
كنت قلك حبيبي الكوري .. بتعرفني بحب الكوري
لهيك كنت كل ما أفتح حساب النتفلكس
تكون منزل مسلسلات كورية بالقائمة عندي ..
بتحب الرز كتير وما بتفضل الأكلات الي فيها خبز .. كوري 🤷🏻♀️
هالمرة ما نسيت إنو برجك الأسد 😅
هالمرة ما كتبت بـسواد
كتبت بِـ حُب .. حُـب كـبير ... ♥️
-
عُمري ما كُنت شخص إنتقامي ، ولا عندي حيَل ثُعبانية تخليني أقعُد فكر كيف مُمكن أجرح حدا
أو أحرق قلب حدا ، أو كيف خليهم يندمو لأن ظلموني أو جرحو مشاعري ...
أنا إنتقامي بسيط كتير وهو إنّي بتّبع منهج
" إعتزل ما يؤذيك "
اللي هو أنا بموّت الشخص جواتي
لا بحنّله ولا بفكّر فيه ولا حتى بشرفني إنو يُمر بذاكرتي
الناس اللي بتكذب وتجرح وتبيع ما بِنزعل عليها
ولا حتى تستاهل إنو نضَّيع دقيقة من وقتنا ونفكر ننتقم منن ، هنن أكبر إبتلاء لنفسهم
فَـ الله يعينهم على نفسهم ويبعدهم عن طريقنا ... 🖤
-
الـحُب يـشي بـنا ...
لا تـستطيع كتمانه أو الأحـتفاظ به ، إنه يـظهر على مـلامحنا ، يـظهر في ضحكتنا و تـصرفاتنا ، إنه يُـعيد لنا صـفو ملامحنا ...
هـذا ما رأيت في عـينيك ، لـمعة عـيناك لـمعة العـشاق ، أبتـسمت بروح صـادقة و مرحة
هُـنا وشـى الـحُب بك يا عـزيزي ...♥️
-
مرحبا ...
اليوم .. تذَكرتك
بين الأخبار ، وبين حكي العيلة والنقاش
بين القعدة بالبيت وبين كميات الأفلام تذكرتك
اجاني شعور غريب .. يمكن خفت
خفت كون متذكرتك لأني حاسة بالنقص او الملل او المشاعر السيئة هي ، صحيح صرلنا فترة ماعم نحكي بس ولا مرة حطيتك بالجانب السيء لأي شي
كيفك؟ شو اخبارك؟ كيف أهلك؟ كيف شغلك؟ كيف الحياة معك؟
مابعرف شو عم تعمل بهل الأيام ، ولا بهمني أعرف حتى
بس يمكن بهمني انك تمام؟
أكيد بعدك بتهمني ان تمام .. واكيد ما بنسى هي الأيام يلي كانت معك
بتعرف إني ماعم أكتبلك حتى تفكر بدي حكيك
وبعرف أنك بتعرف إني بس بدي اتطمن عنك ..
لهلق انا بحاول بررلك شغلات كتير
في آشيا مارح تتبرر ، ولا بعمرها بتتبرر
اساساً مابدي ياه يتبرر
لأن لا مشاعري اتجاهك ، ولا حتى رسالتي هي بقدر بررها
بس هيك دائماً بيبقى بزاوية صغيرة من قلبي مكان إلك ..
وأنا جد كل يلي بدي ياه منك .. هو
أنتَ منيح ؟ 🖤
-
أنا هُنا أُعاني من فرط ذنوبي وظنوني
أُريد الخلاص منك وإليك ، جسدي يفتقد لروحك
وعقلي يقتلني بذكراك ، هل تراك تتذكرني الأن بخير!!
من معك الأن .. من يهون عليك مأساة الدنيا!
ومن يمسح بأطرافه مدامعك!
في أي ركن تختبئ بعد أن كنت ركنك الخاص
لأي شخص تكتب الآن بعدما كنت سيدة كتاباتك
ولأي مدينة تنتمي بعدما كنت كل أوطانك
يؤسفني أن يصطحب ذكراك كلمة " كان "
ويحزنني أن أتذكرك وأبكي ..🖤
-