459
Just listen and read Owner : @ahmeedabdoo
دعواتكم يا جدعان ب ان ربنا ييسرلي السكه ويبعد عني الشر ويقرب الخير دايما ❤️
Читать полностью…
تسمع الكذبة لكن تسكت وتعمل مصدقها عشان ماتحرجش اللي بيقولها.. تكون متأكد إن السبب الفلاني اللي بيتقال ما هو إلا حجة خايبة بس تمام هبلعها مادام اللي قدامي اعتبر اللف والدوران منهج..
عقولنا فاهمة، وذكاءنا عمره ما خيب ظننا، ولساننا يقدر بسهولة يكون سكينة بس إحنا بنقرر إن لأ.. فكرة إنك تنتصر ب انك تبقي رحيم بالناس أصعب بكتير من العكس..
في النهاية كل واحد عارف كويس هو مين، عمل إيه، وغيره مين.. السكوت في أوقات كتير بيبقى نعمة.. مش سكوت الضُعاف لكن سكوت الحقيقة
انك تعدي من جنب حد كان في يوم حاجه كبيره في حياتك دي اصعب لحظه هتعيشها طول حياتك
Читать полностью…
قدسية العلاقات هى في كونها خاصة بين الأشخاص وألا تكون مشاعاً للجميع يتابعون تفاصيلها، المؤسف في عالمنا الافتراضي أن اظهار المشاعر أصبح وسيلة لجذب الأنظار والاعجابات وربما التعاطف أو السخط، وهنا تفقد العلاقات قدسيتها وتتحول إلى وسيلة لاشباع الرغبة في الظهور أو الشهرة أو إرضاء النفس بأنك شخص جيد تحب من تربطك به علاقة أو أنك صديق جيد لا تخذل صديقك وقت الشدة أو انك زوج حنون متعاون قد تكون كذلك فعلا لكنك مع الوقت تجد نفسك تلهث وراء الاطراء والشهرة بدلاً من فعلك لتلك الاشياء من أجل من تربطك به علاقة، من أجله فقط، فتجعل له شركاء، ومع الوقت يصبح من تحب هو الوسيلة للحصول على الاطراء .
Читать полностью…
بنفضل نتكلم عن قد إيه البنات بتفرح ويتاكل عقلها بالكلام الحلو ف حين إن الرجالة زيهم لو ركزت.. مين تقدر تنصب عليه أكتر بكلمة حلوة أبوك ولا امك؟ أبوك أكتر عشان مكنش متوقعها ،زي أي راجل مش بيتوقع إنه هو اللي يتقاله كلام حلو.. هات كدة أي راجل سمع دعوة أو كلمة طيبة من أمه أو حبيبته أو حتى الست الكبيرة اللي قابلته ف المواصلات بالصدفة وشوفه بيبقى عامل ازاي؟ بص يوغتي خالص ازاي؟
والله غلابة
الناس بتروح وتيجي لكن الحياه مش هتكافئك بشخص ميتعوضش زيي مرتين
Читать полностью…
ولقد رأيتُكَ في منامي ليلةً
فنَسيتُ ما قد كانَ مِن أحزانِ
وحَسِبتُ نومي في حضوركَ يقظةً
حتى أَفَقْتُ على فراقٍ ثانِ
لو كنتُ أعلمُ أن الحُلمَ يجمعُنا.. لأغمضتُ طول الدهرِ أجفاني
فشل ايه اللي بتتكلموا عليه ف سن 20 و 25 سنه منهم 10 سنين طفوله و 10 زيهم مراهقه ايه هو النجاح الباهر اللي ممكن تتخيل انك عملته ف مرحله الرضاعه و أن أ ارنب و ب بطه
صديقي ف بدايه و منتصف العشرينات انت لو بصيت لنفسك كويس هتلاقي صفات و مواهب انت مكتشفتهاش غير لما تميت السن ده ف متجريش ورا كام بوست خايب و ياريت تاخد كل مرحله ف حياتك منغير م تجلد ذاتك بأحلام مرحله تانيه
ربنا نفسه كان ممكن يخلق الكون كله بلمحه بصر لكن هو اختار أنه يقضي فيه 6 ايام كاملين
هتيجي انت ياللي بتمر بكل مراحل التعليم و التجارب فحياتك عاوز تتولد تبقي ناجح و مكسر الدنيا و جايبها من فوق لتحت
مش لازم تمر بمرحلة تعليم و بعدين اعداد و تحديد أهداف و تكوين شخصيه و اكتشاف للنفس و بعدين نبدأ نفكر ف النجاح
طوروا فكركم و اهتموا بشخصيتكم فالاول و اكتسبوا مهارات و طباع جديده و حددوا الأهداف الصح الاول و ساعتها نشوف حوار النجاح و الفشل ده لان الصياح ع السوشيال ميديا مش هيفيد بحاجه ...
على الرغم انه مفيش طريقة حياة غلط طالما صاحبها في حاله، لكن بشعر بعدم ارتياح في التعامل مع الناس اللي مش بتصدر غير صور كاملة عن حياتها، ممكن نشوف دا على انستجرام كتير، بمعنى انه مقياس السعادة عندهم بحسه مش بيتحقق غير في كمال المظهر، معندهمش لحظة سعيدة واحدة وهما مرهقين مثلا، أو مفيش لحظة سعيدة واخدة شكل من أشكال البساطة، برتبك أنا في حضور الناس دي أو في وجودهم حواليا عموما
Читать полностью…
يعني مثلا رجوعي من ماتش زي دلوقت علي قلبي زي العسل ، بحس اني طاير او علي سحاب من كتر الفرحه والانبساط بجد❤️
Читать полностью…
أكتر منطق ساعدني في الحياة، هو فكرة الإيمان بالضريبة، انك تكون مؤمن انه لكل قرار ضريبة، حتى لو قرار مشروع مية في المية ومن حقك، ومدرك انه الواقع هو الواقع وعمره ما هايمشي بأسبابك العاطفية اللي بالمناسبة عندك حق فيها،يعني لو اتمردت على حياتك في البيت عشان تكسب حرية هي من حقك وقررت تستقل، فالضريبة هي انك هاتتبهدل وتتمرط ومش هتلاقي تاكل لفترة طويلة، أحقيتك في الحرية من عدمها مش هاتغير في الواقع، وشعورك بالمظلومية مش مفيد، بل بيورطك أكتر في حياتك اللي أنت رافضها، وساعتها أنت كمان هتكون سبب من أسباب وجودك في الحياة دي، إيمانك بس انك لازم تدفع ضريبة الحرية هو اللي هيخليك تكمل لحد ما تمر من الفترة السيئة اللي أنت مقبل عليها
Читать полностью…
كأسين من الشايّ
وحديثُك
وهذهِ النسمات
الباردة والحنونة
بَعد فُقدان الثِقه بينك وبين أي حد بسبب الكِدب ، أي حاجة بيقولهالك بعد كده بتبقي فـ نظرك كدب ، حتي لو كانت حقيقه ، حتي لو إتأكدت من كُل الجوانِب من مِصداقيه الكلام ، بيبقي فيه حيطه إتبنت بينكو .. الكِدب قادر يهد أي حاجة حِلوة بين أي إتنين ، كونَك تختار طريق الصراحه وإنتَ عارف إن اللي هيتقال هيزعلني ، هتكون فـ نظري أحسن بكتير من إنك تختار سِكه الكدب ، وتخدعني .. الكدب ف نظري خيانه
Читать полностью…
اوعى حد يأمنك على سر وتذيعه، اوعى الخصومة تخليك تدي لنفسك مبرر إنك تبوح بأسراره لحد ،أنا مش قادر أتخطى حديث الرسول عن المنافق، خصوصًا في جزئية الخصومة وخيانة الأمانة ،يا أخي ده لو الشخص ده أسوأ شخص في الدنيا، ومأمنك على سر، مينفعش تذيعه، ولو عملت كدة وقت الخصومة فده أبشع وأسوأ ،الحاجات البسيطة دي، بتعرفك ليه في جنة وفي نار، إنت مسؤول قدام ربنا عن كل سر تعرفه عن حد، مسؤول عن ستر أي بني آدم، ومسؤول برضه عن حفظ الأسرار وقت الخصومة
Читать полностью…
كل شخصية قوية وقاسيه وبياعة وراها ماضي انت تخاف تحلم بيه ..
Читать полностью…
من أكبر مشاكل حياتي هي إني طلقي حامي ومعنديش صبر، يعني يا أبيض يا إسود، يا طول العمر سوا يا منعرفش حاجه عن بعض، يا نتعاتب ونتصافي يا نقطع العلاقه من جدورها.
الأبواب المتواربه بتتعبني نفسياً، بفضل أفرك وأتوتر لحد م أعرف الموضوع آخره إيه، أنا شخص يحب يجيب م الآخر ع طول.
معنديش طاقه للمناهده والفرهده، بحب دايمًا أعرف إنتا آخرك معايا إيه وأكمل ع أساسه، وأي رد فعل مش متوقع منك أو حسيت فيه بالغدر بسيبلك حياتك وأمشي وأنا مش ندمان
بيني وبينها ما هو أعظم من الحُب ، بيننا أُلْفة وكأنها بجواري منذُ مئة عام ، أعرفها كباطن يدي ، خوفها ، قلقها ، خجلها ، وضحكاتها ، حتى أفكارها أتنبأ بها معها .. أعرفُها كأنّها منّي
Читать полностью…
اتمنى بعد كام سنه من دلوقت، ينتهي بيا الحال اني عايش عيشه هاديه في حضن اللي بحبها واختارتها في بيت دافي واولادنا بيلعبوا حوالينا، وقادرين نربيهم بكل حب ونخليهم شبعانين حنية وامان، والبيت كله حب وهدوء ونحل مشاكلنا من غير زعيق وخناق، أتمنى في الاخر اقدر اعمل عيله متفاهمه، أتمنى لما ربنا يريد وأجيب أطفال أقدر أربيهم كويس وأخليهم شبعانين حنان وعاطفة، وأكون صاحب ليهم قبل ما أكون أب، كل اللي بتمناه دلوقتي بجد اني مش عايز أندم في يوم اني اخترت الشخص الغلط، حرفياً انا مابقتش عايز م الدنيا دي غير بيت هادي احس فيه بأمان، وقتها بس هقدر اقول ان الدنيا اخيراً قررت تضحكلي
Читать полностью…
أشيل الدنيا بجناحي أنا وهي،
وأديها جناحي والدنيا لو تعوز هي
إن لم نجد مَنْ يهزمنا ثانيةً هزمنا أنفسنا بأيدينا لئلا ننسى
Читать полностью…
دايما ورا الزمالك بعيش اهم ايام حياتي، دايما هنا بعيش الفرحه شعور متضارب بين المحبه والشغف اللي ممكن يخليك تقتل شخص قدامك بسبب فرحتك
ربنا يديمه في حياتنا ❤️
نوع من البشر ماقدرش اتقبل صداقته، وهو النوع اللي مش بيتفهم مشاعر الآخرين؛ مش شرط خالص تكون إنسان شعوري أو حتى تفهم شعور ما، لكن كل المطلوب منك انك تتفهم انه غيرك عنده مشاعر ممكن تكون مش عندك،ونوع آخر ماحبش يكون في محيطي بأي شكل من الأشكال، وهو نوع شايف انه السخرية ممكن تكون رد أصلا على شعور ما أيا كان طبيعته
Читать полностью…