-
" قالوا دواءُ الهجرِ هجرٌ مثلهُ ، جازِ الذين نَسوك بالنسيّان " 🥀🖤 @rewaes
اكثر كلمه نحب نرددها لما يصير معاي اي شي ( ربّ الخير لا يأتي إِلا بالخير ) وهادي اكثر حاجه مريحتني ومخليا فيا أمل كبير في الحياه
كُلني ثقه ويقين بالله وبـ إن كل شي يصيرلنا في حياتنا وراه حكمه سواء كان فقد او تأخير في شي مُعين حني نستنو فيه سواء تعطيل في اي موضوع في حياتك ربي ما دارلكش هكي إلا وهو عنده ليك عوض حلو ويستاهله قلبك وفي نفس الوقت يقيس في كمية ايمانك بالله وصبرك ورضاءك و ايمانك بالقضاء والقدر
ربِّ ما يبعدش عليك إلا الشر ولأنه يحبك ح يقربلك كل شي فيه خير ليك ،ماتخليش بصيرتك محدوده في الشي اللي انت تبيه ركز ع الشي اللي ربِّ كاتبه ليك لأنه فيه الخير كله ولأنك حاط تركيزك ع الشي اللي تبيه انت مش ح تركز ع كمية الخير اللي حاطهالك ربِّ في الشي اللي عندك ..
هادي الحقيقه اللي لازم نؤمنو بيها باش ترضي ربي وترضي نفسك 💚.
إســراء ..
"بنفسٍ راضية تمامًا تقبَّلت فكرة أن هناك أشياء في الدنيا لا نصيب لي فيها ولا حظ رغم سعيي المُستميت لنيلها.
وأن السعي مُجرد إرضاء لنفسي، والسعي مطلوب، لكنه يشترط الوصول لغايتي؛ فأصبح الوصول غاية لا يحترق قلبي عليها لو لم تحدث.
الشيء المهم هو الرضا، الرضا عن نفسي وعن مجهودي وموقفي، أيًا كانت الظروف."
مش ناسيه الناس يلي نسو يوقفو معاي وقت محتاجتهم وهما عارفين يلي فيا .
Читать полностью…
مطلُوب أكيَاس جثث ضروري
طالبينهم في الشرق بيطلعوا بيهم
- سُوق الجُمعة طرابلس | 0916181610
ياعرب أنا في درنة مع فرقة الانقاذ #الإسبانية ونبي مترجم اسباني ضرووووري في درنه انا عندي لغة انجليزيه بس مايحكوش انجليزي يبوا أسباني
0927704366 يوسف السعيطي
أنا ناديه الشكشوكي مستعده ان أترجم باللغه الايطاليه والفرنسيه والإنجليزية وأساعد فرق الإنقاذ الأجنبيه في الترجمة
0917978913
#شير_للمنشور
يوم الاحد ماشيين بنستلموا التبرعات من الساعة 8 الصبح لعند 4 العشية ف ياريت توجهوا نبوا أكبر عدد يشوفه والناس موثوقين، والفلوس ح نعطوهم لـ الهلال الاحمر
Читать полностью…
السلام عليكم جميعا
نقوم حاليا بتجميع مياه الشرب في مقر مفوضية الكشاف بطرابلس الكائنة أمام مركز شرطة المدينة
الهدف 30 ألف قنينة نصف لتر (2500 استيكة)
10 آلاف قنينة 1.5 لتر (1700 استيكة)
5000 قنينة 7 لتر
عندنا جزء من الكمية لكن محتاجين المزيد
هذه المياه سترسل الى شرقي وادي درنة عن طريق طبرق وبالتالي سترسل عبر طيران الشحن ونسقنا مع احد الشركات لارسالها هناك
يرجى منكم التعميم
انشروا جزاكم الله خيرا
انشروها في صفحات الفيس لعله هناك من يستطيع تقديم العون ..
محتاجين المياه لكل شيء حتى للتغسيل
اللّهمَ صبراً منكَ وحدَك رفقاً ورحمة بقلبِ عبدٍ ليس له ملجأٌ سواك يا من لا ملجأ منك إلا إليك.
Читать полностью…
حزن وسعادة الاصدقاء مُعدية جدًا، شايفين كيف خفّة الأرض وروحك وقلبك لما تشوف صديقك يضحك ولا يبتسم بسببك؟
هذي هي العدوى، نفس الشيء تمامًا لما يحزن كيف راح تكون الأرض موحشة وموجعة وروحك مضيقة عليك.
تأثيركم اكثر من كونه صديق فقط 💔🫂.
من ألطف الأمور التي يمكن أن تحدث لأي شخص أن يجد من يدعمه نفسياً سواء بكلامه أو بأفعاله أن يجد من يسانده دائماً أن يجد من يهون عليه صعوبة الأيام حتي لو بأبسط الأشياء، أن يجد من يفهمه دون أن يتكلم، قد ينسى الإنسان أيامه الصعبه لكنه لن ينسى أبدا من هونها عليه، الدعم النفسي في الأوقات الصعبه لا ينسي أبدا 💚.
Читать полностью…
قلب صاحبي ، تتعوض الدنيا كلها ويتعوض كل شي الا هو ، لا نقدر نستغنى عليه ولا يعوض حد مكانه 💛.
Читать полностью…
كل حرف مكتوب في القناه من اول مافتحتها لليوم يعنيلي وعندي ليه ذكرى وكل مانخش نقرا ينوضو عليا هلبا مواجه ونبكي ونضايق !
ويجي في بالي نمسح كل شي بس مش هاين عليا ممكن هالكلام اللي كاتباته هو الذكرى الوحيده اللي قاعدتلي من حياتي القديمه وصحابي القدم !
رغم ان ربي معوضني بـ ناس تهون الدنيا ومانهونش عليهم 💛، بس قاعده القناه هادي لما نخشلها نحنّ لأيامي القديمه لان ممكن لسنتين ورا بعض كانت كل تفاصيل حياتي في القناه هادي ، ع قد ماكان الموضوع مُمتع بالنسبه ليا ان كنت اللي يصير نجي نكتبه هني الا انه موضوع مُتعب نفسياً ليا في الوقت الحالي 💔 ..
"أحمديشن " من اكثر الناس اللي يعجب فيا كلامهم والقناه الوحيده اللي قاعده فيها
خشو للدكتور احمد 🥹
السلام عليكم ورحمة الله وبركاته
عائلة عبد الناصر عبد الهادي
اسم لأم: منال حسن
مرعي محمد حسن
سالم، عصام، عبدالحفيظ، عبد المجيد وباتهم اسمه عبدالهادي.
منطقتهم ذيل الوادي شارع البحر "درنة".
لو حد عنده معلومة عليهم يتواصل معاي
وبارك الله فيكم
@elmauofi614
الرقم هذا عنده اكفان للتبرع 0925685895
أنشروه للمساعدة اقل شي
أي حد في طرابلس ويبي يتبرع لكن معنداش سيارة يتواصل معاي نجيه لعنده ناخذ منه التبرعات:
تيليجرام @AHMEDADYO
مكالمات 0914471440
"بين مجموعة الأصدقاء هناك فردٌ ينظر إلى داخلك، ليس كما يفعلُ البقية."❤️
Читать полностью…
خليك عارف ان يلي نزلو دموعه ع خاطرك ، هو مش دمعته قريبه بس انت اعز ما عنده ،
ويلي قالك خليك جنبي هو مش ضعيف بس كان قُربك يقوي فيه ، يلي ما عرفش ينساك ماكانش صعب ان ينسى بس مش قادر يستوعب غيابك ، يلي كان ديما يضحك في وجهك ويساير فيك هو مش جوه حلو ، بس داس كل شعور في قلبه ومبينلك ضحكته يلي يشوف انك تستاهلها ، يلي غير من نفسه ع خاطرك هو مش من طبعه ان يتأقلم مع اي وضع بس كان شايف ان اي حاجه ليك انت تهون ، يلي مشيت وخليته وانت عارف انه من غيرك ولا حاجه ح يجي وقت ويثبتلك انه من غيرك هو كل حاجه !، بس عزة النفس بعد الفراق جبااارة ، عمرك ما ح تنسى شخص حبيته ، ويلي ما قدرتش تحبه اليوم مش ح تقدر تحبه غدوا ولا لبعده طول ما قاعد تجبر في روحك عليه ، رحلة الدُنيا طويله ما تنتهيش ، بس الحياه تبهت في عيونك في جزء معين من حياتك ! ، مافيش حد طالب حاجه من غيره كل يلي يبيه اي شخص ان حد يتقبله زي ماهو بمزاجيته بعيوبه وميزاته مايكونش مستحق ان يبرر ويزيف روحه باش يعجب غيره ويكون معاه ، فـ كونو لطفاء بِبعض ! الخاطر يلي ماتعرفش تجبره ما تكسراش خليه لغيرك يمكن يقدر !
رفقاً بناسكم وقلوبهم .
إِسرَاءْ ..
في اشخاص معينه في حياتنا مايقدرش الواحد يتقبل فكرة انهم يطلعو من حياته ومايحسش الروح رجعتله الا وقت رجعتهم لحياته ♥️.
Читать полностью…
ربي معوضني بصحاب , حتى اني مستغربه شن درت من خير باش ربي يجازيني بيهم ♥️.
Читать полностью…
من اول طيحة عشّم ، من اول دمعة سخونه نزلت منك ، من اول خوف ، اول حُزن ،
من بداية انحرافك للطريق البائسة يلي في بدايتها تقول فترة و ح نجتازوها ، وفي اول خطوه للاجتياز تلقى روحك تتلقى في باقي الصدمات والخيبات يلي تجيك ورا بعضها من ناسك ع هيئة كفوف ، وبرضو تجي في بالك مقُولة " من لا يتألم لا يُصنع " ،
تزيد تكمل وتمشي ع امل انك ح ترجع لرُوحك ، وتزيد اطيح وتنصدم وتنخان ويزيدو دموعك وعدد خيباتك في ناسك ،
لين اطيح هديكا الطيحة يلي تكونلك الحاسمه تبهت في عيونك الحياة من بعدها ويبدا معش فارق عندك من مشي من جي من خان من وفي ،
كله في عيونك واحد ومشاعرك تبلدت ومعش في شي ح يرجع في حياتك زي ما كَان ومعش قاعد تستنى في شي من حد ولا تستنى في الحياه تحلاو في عينك لان وبكل بساطة نطفي كُل شغف في حياتك .