-
ل ڤر دخوازم ھەستێن خوە یێن ب زمانێ باڤ و کالان ب وە را پارڤە بکم. Li vir dixwazim hestên xwe yên bi zimanê bav û kalan bi we ra parve bikim. Jibo têkiliyê: @Rehwerd
Serberz radiwestî
Di hengameya dilşewtîna min de
Di tevleheviya rûndikbarîn û xeman
Di xorbeta derdên min
Û gotinên nîvcûmayî
Têkçûna min dinêhrî.
Helo ya difire ser ewran
Per û bask işkestin jî heye
Şêrê bi hêz yê deştê
Daf û nêçîr heye
Kewê ser zinarê
Bendê rovî jî heye
Û hînê
Tu serberz rawestayî
Işkestina min dinêhrî.
Evîn
Erê evîn;
Ne ayet e ku ji esmanan
Ji xwedayan
Pêşkêş bûye
Evîn;
Hilma destên min bû
Di nav tiliyên te de
Hêsirên çavên min
Ser bêxewiya şevhelbestên min
Û gursegursê dilê min
Ser bangîkirina navê te bû
Û tu radiwestî
Wekî kulîlkek ku av negihêştî ye
Cilmisîna min dinêhrî.
Xwedayên Evînê
Gava pênûs didan Cêyn Astînê
Ku biafirîne;
Quretî û pêşbaweriyê
Pênûs didan Margarêt Mîçêlê
Ku binvîse têkçûnê
Dida Coco Mûyz
Ku binvîse;
Ez berî te
Evîna min dizanîbûn
Bê pênûs
Bê lênûs
Bê hizûra xwedayê evînê,
Resen û diyar
Evîn di min de
Hatibû afirandin
Lê tu
Hîn serberz rawestiyayî
Mirina min dinêhrî
Ez bê evîn
Mirî me
Miriyek zindî.
#Mecîd_Rehwerd
@Cirokamin
Xwezî min nedîtibûyayî
Xwezî tehma çavên te
Di ezmana dilê min neçilkiyabû
Ezmana dilê min
Di awirên te de
Negurmijiyabû
Ewrên sipî
Yên dawiya baranê
Heyva çardeşevî
Yên şeva tijî xeyal
Bi şevistêrkan ve
Bi tavê ve
Di çavên te de
Nediwelweliyabû
Xwezî hawirdeyên ser darên sinewberê
Çîçekên dar berroyê
Kewên ser zinêr
Bi şevşevokên
Çirayên ber kolanên xorbeta min ve
Nexemiliyabûn
Xwezî şevhelbesta şevbihorkê
Ya ku min distiriya
Ya ku te li ser korsiya ber isteycê
Rûndikbaran kiribû
Guca kewna sipî bi gulên sor
Neqewimiyabû
Xwezî panatiya tiliyê te
Ser lêvên min
Ku bêdeng be!
Bihêle
Dil bi qêrînên bêdeng
Hevdu gazî bikin
Di leşê min de neşiriyabû
Xwezî çiya li ber awirên min
Mezinwêneya te
Neniqişandiyabû
Xwezî ava sar a kaniyê
Hilma germ yê destê min
Ji nişkê ve girtina tiliyên te
Nericifiyabû
Xwezî çav vekim
Tu nebibûyayî
Çav bigrim
Tu nebibûyayî
Û bêhntengiyên min
Bi bîreweriyên te
Neherimiyabû
Xwezî ez
Nebibûyama
Xwezî tu
Nebibûyayî
Lê dunya difetisî
Di bêhntengiyan de
Di bê evîniyê de
Di bê bîreweriyan de.
#Mecîd_Rehwerd
@Cirokamin
🔶 Îro 15'ê gulanê roja zimanê kurdî bû
Ziman nasnameya gelan e, lewma axaftin û nivîsîna bi zimanê kurdî, îro ji her rojekî pitir, berçav e
Zimanê dê û babê xwe biparêzin, ew mîrata bi hezaran salan ya bab û kalên me ye.
***
امروز ٢٥ اردیبھشت ماە(١٥گولان) روز زبان کوردی است.
زبان ھویت ملت ھاست، بە ھمین خاطر امروز صحبت کردن و نوشتن بە زبان کردی از ھر روز و زمان دیگری مھمتر است.
زبان پدری و مادر خویش را محافظت کنید، این میراث ھزاران سالەی اجداد ماست.
Telegram;
@ZIBA_JAVADI1984
@Rehwerd
Instagram;
Horaman.language.center
Dr.z.javadi.rahvard
Phone;
09151672455
@Cirokamin
Hez!
Canê!
Zanim, baş dizanim
Ewqas ji min hez dikî
Ku Yaşar Kemal
Ser nivîsîna Înce Memed
Hestên xwe digot
Lê bi tirkî
Canê!
Ez kurd im
Ji tirkî tênagihêm
Çiqas jî ku dibêjin
Yaşar Kemal
Kurd e...
#Mecîd_Rehwerd
@kaniyadil
@CIROKAMIN
Bi hêviya ramîsandina te
Çavên xwe digirim
Û
Heta sipêdeyê
Şiyar im
Bi çavên girtî!
Ecêb derd e EVÎN.
#Mecîd_Rehwerd
Ez diçim
Şar û bajaran dispêrim te
Ez diçin
Xweşî û saran dispêrim te
Min ku dît rûreşiya sûk û deman
Lê diçim dar û waran dispêrim te
Ez hewayî me
Hewa kêm e li vir
Bêhna giştî bê hewaran dispêrim te
Min nekir xem ku tenê namînî
Ez xeman, car caran dispêrim te
Ezê sirgûna welatê te bibûm
Xema wan elamezaran dispêrim te
Di xeyala min tu hîva pişt ewran
Lê tu ewra nedît baran dispêrim te
Tu neyarî gera ez benda kê bim?
Rêya reş î sed neyaran dispêrim te
Min ku çavên te têda kiriye nimêj
Nimêja giştî oldaran dispêrim te
Li ser sîngê te min rûndik dirijand
Wek rijîna pelê daran dispêrim te
Wekî çûka dixwîne bin siya dêr
Awaza darê henaran dispêrim te
Şeva tarî ez û meşiyana şevê
Dene dene dene naran dispêrim te
Xema karî te li min kiriye xelat
Kar û barê wan nekaran dispêrim te
Te ku destê xwe ji destê min qetand
Xema bajarê tetaran dispêrim te
Ezê serberza çinara ber çêm
Çiqilên hişkî çinaran dispêrim te
Wekî şalûla rawestî û nexwend
Sed qerara bê qeraran dispêrim te
Bê qerar im bê qerar im bê qerar
Qerara wan hewadaran dispêrim te
Tu ji meşiyana şevê aciz dibûyî
Koç û rêkoça neçaran dispêrim te
Tu evîna te ji dil nebû evîn
Evîna ne evîndaran dispêrim te
Wekî ferhadê bo te kevr pişirand
Kevra serî rê zinaran dispêrim te
Para te ku hişkesal e ne evîn
Wan dikim para teraran dispêrim te
Para ku min ji xwe ispartibû te
Distînim para bê paran dispêrim te
#Mecîd_Rehwerd
@Cirokamin
Birûskê çavên te
برووسکێ چاڤێن تە
Helbest; #Kerîm_Ekberzade
#Hesen_Tayanlû
#Mecîd_Rehwerd
#Têhran
@Cirokamin
Ji te hez dikim
Ne wekî norma evînê
Ku evînê fêr bî
Fêrbûnê hîn bibî.
Silav nakim;
Ku çûyînê ji bîr bikî
Ji bîr nekî ku biçî!.
Radimîsim te
Bi çavên girtî
Ku nebînim sewqdana çavên te
Nexeniqim di lehiya hêsrên te
Û derbas nebe nimêja min
Di şepûlên guliyên te de.
Pêl bi pêlên leşê te
Bi çavên tiliyên xwe
Bê roniya çirayê dinêrim.
Ez
Ji te
Xatir naxwazim
Ku şeydayê dîtinê bî
Di meşa tenêtiya kolanên tijî ji hesretê.
Ez
Ji te hez dikim
Ne wekî evînê
Lê
Wekî hezkirinê.
#Mecîd_Rehwerd
@Cirokamin
Dilê min Helebce
Kîmiyabaranim ke
Xweşî ne hewce
Kîmiyabaranim ke
Têkel bi erdî reş mame îro
Mirin çi soce
Kîmiyabaranim ke
Ez kurdistanim
Reşpûş û şîndar
Sêdar ne rence
Kîmiyabaranim ke
Tu min bikojî
Dîlan tê dîsan
Ta mirina min
Noqte du hence
Kîmiyabaranim ke
Kîmiyabaranim kî
Ez namirim zû
Dîlan tê û tê
Pence bi pence
Kîmiyabaranim ke.
#Mecîd_Rehwerd
Roja zimanê dayîkê ya cîhanî pîroz be.
Girîngiyê bidin zimanê xwe yê dayikê ku wateya rastîn a nasnameya we ye.
***
رۆژا زمانێ دائیکێ یا جیھانی پیرۆز بە
گرینگیێ بدن زمانێ خوە یێ دائیکێ کو واتەیا راستین ئا ناسنامەیا وە یە.
***
ڕۆژی جیهانی زمانی دایک پیرۆز بێت؛ گرنگی بە زمانی دایکی خۆت بدە کە مانای ڕاستەقینەی ناسنامەکەتە.
***
روز جھانی زبان مادری مبارک؛ بە زبان مادری خود یعنی معنای واقعی ھویتتان اھمیت بدھید.
#Mecîd_Rehwerd
Min û te...
Bêxewiyê min
Berdêla gişt hezkirinên min e
Yên ji dil de...
Bi hezkirinê;
Li çavên te temaşe kir
Berdêla wê
Hêsirên çavên min bûn.
Li guliyên te nêrîm
Porê min sipî bû
Li dilê te
Işkestina dilê min
Li tiliyên te
Xeyîdîna pênûsê ji tiliyên min
Li lêvên te
Bêdengiyê lêvên min
Li eniyê te
Ne vekirîbûna rûyê min
Berdêla hezkirina te giran bû.
Min bêdeng gazî te kir
Te bi dengekî bilind jibîr kirim.
Berdêla evîna te
Têkçûna min bû
Aram û hêdî hedî.
#Mecîd_Rehwerd
@kaniyadil
Mamosteyê payebilind û hêja EDBULA PEŞÊW: " Xwedîtiyê li zimanê Kurdî bikin, zimanê me hemû tiştekî me ye..."
Haydar bin û guhdar.
@Cirokamin
Helbestên kurdî
Helbest: Mecîd rehwerd
Xwendin: #xaloqoçanî
هەلبەستێن کوردی
هەلبەست؛ مەجید رەهوەرد
خوەندن؛ #خالۆقۆچانی
@Cirokamin
Nameyek ji bo kurê xwe
Li çê
nîşaneyên ji min hene
li daran birîn
bi bayê ra deng.
dîrok
Ew tijî ji çîrokên min e
Ji xemên min.
Çivana asoyê
Bi qasî piştê tewiyayî ya dayikên me
Bi qasî destên piflekirî yên bavên me
Tijî ji çîrokên birînan e
Birînên ji mêj ve
Birînên axê perçe perçe
Ez bi qasî ku Kurd im birîndar im.
Tu hatî,
Siwarê min
Ey mirazê welatê min
Vê êşê sax bikî,
Ey welatê ron di çavên te da
Ey giyanê Kurdistanê
Ey kurê min.
#Mecîd_Rehwerd
#Berdiya_Kerîmî
@Cirokamin
Rojbûna te pîroz be hêviya dilê min, kurdistanê ron di çavên min de.
Îro ku evîndar bûm
Esman ewrî bû
Îro ku evîndar bûyî
Baran nebarî..
#Mecîd_Rehwerd
Tu ku çûyî
Li nava hewşê
Gul cilmisîn
Baxçe fetisîn
Daristan pelisîn
Masî xeriqîn
Û kevût bênçikîn
Tu ku çûyî
Xem xuya bûn
Dev zuha bûn
Şahî xirab bûn
Her tişt ku wiha nebûn
Wiha bûn
Tu ku çûyî
Dile te firî wekî balinde
Ez mam û xemên mayînde
Gera ku bimînim
Di nav xemên xayîn de
Tu ku çûyî
Çivana şîn a asoya sor
Bi reşebayê xemilî
Nesaxî temîn
Û encama min û reşebayê
Dimîne heta dawiya xor
Tu ku çûyî
Dawiya min destpê kir
Xeman dîsan ji min, yekî din çê kir
Ew cewra bo dilê min kê kir
Birîn kolan û xê kir
Tu ku çûyî
Dar bi bilbilê man
Dil bo bêdilê man
Tehmekî tal li hasilê man
Zevî hişk bûn,
Rewş li kavilê man
Tu ku çuyî
Ken revî
Ji evînê nema pêdivî
Ez mam Û kurtexewek
Çavan jî xew nedî
Tu ku çuyî
Hema ez mam
Here
Dunya wisa ye
Temam.
#Mecîd_Rehwerd
@Cirokamin
-Mîr Celadet Elî Bedirxan:
şerma mezin ew e ku mirov zimanê xwe nizanîbe.
گەورەترین شەرم ئەوەیە کە مرۆڤ زمانی خۆی نەزانێت.
بزرگترین شرم آن است کە انسان زبان خویش را نداند.
میر جلادت علی بدرخان
١٥ی گولان؛ رۆژا زمانێ کوردی پیرۆز بە.
بە کوردی بنویسید، بخوانید، سخن بگویید، عاشق شوید، ...
Tenêtiyên xwe çi dikî
Bê min
Bêhntengiyên xwe çi dikî
Bê min
Baran ku dibare
Li kolanên bê dengiyê de
Kî sîwanekê digire ser te
Gulên baxçê ku dişkovin
Kî av dide bo te
Kî bi gulên baxçeyê re dibêje
Yara min bedewtir e
Û gul xweşbêhntir dibin
Kî di tevleheviya dengê pelên payîzê
Şeqam bi şeqam
Bi awirên te re
Dîlan digire
Di çavên tijî hêvî de
Kî bi mûzîka şiwanperwerê ve
Di erebeya rêya nava daristanê de
Destên te radimîse
Tiliyên te dide nav tiliyên xwe
Dîlan digire û rê dikote diçe
Kî şemalê dixwazê
Ku guliyên te
Bileyzin bi bayê ve
Û ew têl bi têlên wan
Bidewisîne
Kî firmêskên te
Di şevên tarî
Şevên kûr
Şevên gîriyana te
Ser milê xwe aram dike
Kî pepûleyên hêsîr
Li dora findê
Bi say dilrehmiya te
Nahêle bişewtin
Û ber bi pencereyê
Dide firandin
Kî di tîtiya te de
Ew dolika kevn a şerabê ye
Ku ji lêvên wî avê vexwî
Kî wekî min
Kî?
#Mecîd_Rehwerd
@Cirokamin
Rêzimana Kurdî (1): Di Kurmancî da cinsîyet
Şirovekar: Evdila Încekan - Zimannas
ڕێزمانی کوردی(١):
جنسییەتی ناوەکان لە کورمانجیدا
شرۆڤەکار: عەبدوڵڵا ئینجەکان - زمانناس
@Cirokamin
#Mezlûm_kubanî
#Ebdulah_Peşêw
Cîhan bigiştî qorbane awirên te egîdê kurdan general Mezlûm
جیھان ب گشتی قوربانە ئاورێن تە ئەگیدێ کوردان جنرال مەزلووم
Dixwazim bigîrim
Xew û xewnê min ka
Şevên ku bitenê
Bi bîra te da ma
Ku ser ez hilînim
Di nav şevên reş da
Bimînim Gula min
Heta sibê ez pa
***
Ez û baweşa te
Ku aram dike min
Xwezî ku bibare
Îşev baranek din
***
Serî dayne li ser
Milê min tu îşev
Li bin nerme baran
Bimeşin emê tev
Bibarin hêsiran
Ez û te sewa hev
Evîna min î tu
Ser sîngê min rakev
***
Ez û baweşa te
Ku aram dike min
Xwezî ku bibare
Îşev baranek din
#Mecîd_Rehwerd
@Cirokamin
Ez
Zagûna negihêştinê me
Pîvana nexuya ya xeman
Ez riha tenasoxbûyî
Riha derbasbûyî
Ji bedewtirîn leşa ne zindî me
Bo min
Derketin
Derkişîn
Derbasbûn
Ne xem e.
Mayîn
Rawestan
Û firîn bê te
Bênçikîn e
Xeriqîn e
Cilmisîn e.
Ez tu ya bê te mirî me.
#Mecîd_Rehwerd
Şeva dî
Piştî te
Ezman ewr bû
Ewr giriya
Û ez ji baranê şil
Stêrkê nerazandim
Heyv raza
Ez şiyar
Ez mam û bêhna leşê te
û mala bê te
Ez mam, destmaleke şil
Û stranek
ku min tiştek fêm nedikir jê
Dê ev muzîk çiqas falş e bê te.
#Mecîd_Rehwerd
@Cirokamin
Bîreweriyn min û kak Kerîm li mala min.
@Cirokamin
Di tenêtiya min de
Hezar helbest tê û diçe
Lê
Yek nabe stran
Di tenêtiya min de
Hezar rêwî dimeşe
Lê
Yek nabe rêheval
Di tenêtiya min de
Hezar berziyên salan diguhere
Lê
Yek nabe bihar
Di tenêtiya min de
Hezar stêrk dicirûskin
Lê
Yek nabe asman
Di tenêtiya min de
Yek, tenê yek
Rêwiya helbestên biharî
Di meşa rêhevalên esmanê
wekî stêrkek diwelwele ye
Yek
Tenê tu.
#Mecîd_Rehwerd
@Cirokamin
2 helbest
1
Bêdawî
Bêdawî yanî tu
Bêdawî hezkirina min ji te
Bêdawî yanî xwedê
Xwedayê ku bê bawer im bê te
Bê dawî govendek e
Tu serçûpî
Bigerîn
Bireqisîn guvendê;
Ber bi her aliyê ku tu diçî.
Bê dawî şev e
Şevên ku bi bîra te me
Bê xewî
Bengîtî
Bi çavên tijî ji ken bi hêsiran.
Bêdawî firmêskên dilop dilop dibarin
Dilop dilop ser helbestên te
Di şevên evîn wendabûy de.
Bêdawî pêxemberek e
Bê ayet
Bê pirtûkek esmanî
Lê tijî ji baweriya te.
Bêdawî ji te hez dikim
Bi bawer im
Bi kul û keser lê sax û mayînde
Bihêle
Raweste
Bimeşe
Bixwîn û bistire
Ku ez bêdawî bim
Tu bêdawî
Bêdawî yanî tu.
#Mecîd_Rehwerd
Pêşkêş bo birayê min #Elîrêza_Sipahî ku dizane ew hesta min aniha ya rast e.
****
2
Kariwan
Kariwan
Hêdî, hêdî.
Kariwan zinar e tudikî ber piyên te
Rêkoç; bahoz e û tûfan
Bîrên kûr li ber piyên te ne.
Kariwan guh nede ser dengê zengilê
Kariwansera agir lêdanê li pêş.
Bahoz derbas be çi fêde
Caşikek serkarwan e tudikî.
Rê te bizdand
War bi war
Gelî bi gelî
Koç bi Koç
Lê mal ser erdê mayê tudikî.
Kariwaan;
Ji Qelaqîran kiçek xwe şewtandî
Ji pîremegrûnê jinek tawanbar
Ji boza sînayê kiçek namûs dabeşbûy di nav kurên êlê
Ji şaycanê kiçek reviyayî ji dest damariyê
Ji gulîlê jinek kevirbaranbûyî
Ji Perawê kiçek ji zinarê xwe avêtî
Jinek bi navê Kurdistan maye ser erdê tudikî.
Kariwan;
Bizivire
Vegere
Bê bar û toşe vegere
Bar li destpêkê maye
Bar li destpêkê maye tudikî.
#Mecîd_Rehwerd
@kaniyadil
@Cirokamin
Min şer nehilbijart!
Lêbelê
Tu bijartina min bûyî
Em bijartina hev;
Gava min destê te girt
Û tu maç kirî
Dibe ku di deqeya dawî ya şer de
Min çeka xwe maç kiriba
gava ku ez dizanim
bi dawî hatime
Lê şer na.
Dibe ku dîsa te maç bikim
Lê bi rengekî din
Di jiyanek nû de
Wek ramûsana pelê payîzê
Li ser pêlavên wê keçika bedew
Li kolaneke dûr ji şer.
#Mecîd_Rehwerd
#çiraxpe