6493
ليس لي من القصائد الا دهشتها Twitter: http://twitter.com/byaasma7
يتلني شوق لك رحمه على والديك
ماني بقد الصبر ولا أنت قد الصبر
شف حالتي فالغياب أشكيك منك واليك
هم برى الحال وعيون ذبحها السهر
وش يمنعك لاتواصلني وانا اموت فيك
ظروف ليله ثلاث اسبوع ياخيّ شهر
كمّلت ثالث وانا كليّ شغلني عليك
ثلثين قلبي يباس وثلث باقي خضر
إن ماسقيته وصل ماعاد هو مرتجيك
باكر إليّا هبت الجوزاء يطير الشجر
انا ما أنسى إني جيتك وأنا ضايق وادور سعة بال
ورجعت ضايقٍ منك وأبغى السلامه
صدفه قطعت الوصل وانقطعت اخبارك
وشجاك مني تصد وتعلن ابعادي
باقي محبتك واشواقي وتذكارك
اعيش فيها بقايا العمر بجهادي
الله كتب لي بحبك قبل لاختارك
يامنتهى العمر يانصفه ويالبادي
احسد قرايبك في عيدك وخطارك
ياسيد العشق ياحارمني ارقادي
انشهد العيد في شوفتك يتبارك
يانور دار الخفوق وفرحة ابلادي
ودي اكون بنهار العيد مسيارك
ودي على شوفتك ياثالث اعيادي
ودي بباقي العمر يمناي نتشارك
في حينها يبتدي فالعشق ميلادي
رسالة منك فيها عيدك امبارك
فيها ايتجدد غلاك بداخل فوادي
خليتني بين جنة وصلك ونارك
وبين انزعاج البعاد وقربك الهادي
مادام تدري بغلاك وتعرف مقدارك
وتدري باني شقيت ومت بجهادي
اجل تعال وكفى مقبوله اعذارك
يامبتدى العشق يابدي فيك ميلادك
أكثر شيء يأثر على صدري إني ما
أتكلم بالأوقات المناسبة..ما أرد
بالوقت المناسب، أخلي الاشياء
تبقى بصدري لين تكبر وما عاد
أدرك الخراب بدأ من وين أصلاً
أنا أدري ماعلى قلبي من صدوف الفراق خلاف
لو إن نوبات حزن الذكريات تضيّق ضلوعي
ومثلك ما تردّيه الليالي ومنه ما ينّخاف
لو إنك كاشف اسراري وعارف وش هي طبوعي
لَكن ليه الحياة الجايرة ما تعرف الإنصاف
ياكيف احلى الليالي معْك تَسقى بمالح دموعي؟
i wanna be your favorite person to chill and talk about deep stuff with.
Читать полностью…
اداري فـ الخواطر لوّ ما عندي لها إحساس
ياكيف اللي لي اغلى من هلي واغلى من ربوعي؟
عزيزٍ .. كل ما يكبر بصدري : قلّة الانفاس
قول انه يزاحم من غلاه وحبّه .. ضلوعي
احبه .. والهوى فطرة قلوبٍ ليّنه ويباس
لو انه مايحنّ من الكلام الجارح شموعي
يجادلني .. وانا صبري شجر يوم انّ حكيه فاس
وصمتي لا رمى بعض الحكي واحد من دروعي
وش الومك عليه وخاطري دون الملامة طاب
ياوجهٍ يوم أشوفه كنت أشوفه وجهي الثاني
كذا أستكثرت الراحة على قلبي بدون أسباب
كذا ترضى لي عصف الشتات بعز خذلاني
مثل ما كنت أشوفك حقيقة في زمن مرتاب
لقيتك زيفٍ يشكك عدوي كل ما جاني
ذخرتك طلقةٍ ترمى بصدر الصاحب الكذاب
لعل سلاحي موجّه على صدري وشريانيّ
كل شيءٍ هادي وساكن
وحدتي وظل الأماكن
أيه أبي أنسى
ولكن!
تعشق الذكرى الرجوع
يؤسفني أن إيماني بدروب المحبة قد تلاشى أيضاً يؤسفني أن قلبك اللي أحبه صحاري ما تلمك أنت ياكيف تلمني أنا ؟
يؤسفني بعد لحظاتٍ ممتدة من الألفة وبعد هذا الطريق خضعت للتساؤلات الكثيرة اللي أحرقت
جوفي .. يعني يعني
يعني وصالك صعب وأهدافي أوهام ؟
يعني زرعتك للقدر ما جنيتك ؟
« يا مُنى روحي و قلبي ! تعبت أداري
في أشتيااااااااااااااااااقي »
حتى لا منّي سريت مْن الرياض إلى الحويّه
كل لوحة في هذاك الدرب تعلن لي حدادي
ليه صرتي موطن الأشواق يا نجد العذيّه
ليه فيك الذكريات تْمر بالُّلون الرمادي؟
"حبّيتك بـ قلب مايقسى ولا ينكسر
والحين لو تلمس أطرافه.. تجرِّح يـْديك"
أحسب إن الغلا يمْحى بكثر الشد والترحال
وأثر لك في وسط صدري حنينٍ يلغي دروبي
قطعت بشق الأنفس من مفارق يديك أميال
ولا أدري كيف رجَّعني حنيني لأول دروبي!
أقول إنِّي نسيتك وأدري إن وجهك خشير البال
يمرِّر ضحكتك وأضحك ولو ضايق علي ثوبي
بعز هواجيسي
تذكرت حنية أم كلثوم يوم قالت
« بخاف عليك و بخاف تنساني »
و الحاصل أني فعلاً خايفه تنساني مع مرور الأياااام
اموت انا لاشفت غيري يحاكيك
تقتلني الغيره واموت في مكاني
عليك اغار من ظلك اللي يداريك
وشلون عاد لو ناظرت شخص ثاني
والله لو حولي من الناس مليون
ما غيرك انت ماخذ البال وياك
وغيرك لو دربه من الورد بكل لون
دربك ولو شوك انا احب ممشاه
دايماً يقولون اللي ودّه في شيء يسعى له
وفي روايةٍ أخرى
«لا أشتهى القلب ساق القدم»
وقد قيل
«اللي في قلبه صلاة ما تفوته»
ومتداول كثيرًا
«تمشي القدم عند ما يحب الخاطر»
بلاني ربّي بقلبٍ صخر وبخاطرٍ حسّاس
مابین امسح غلا الغالين وبين أمسح دموعي
تقول الله خلقني من برود ومن شوي احساس
وانا والله لا هبّ النسيم يزيد من لوعي
لو ان ماني بـ أحَن الناس لكني أحن الناس
واخاف الله .. لا ابدل خاطرٍ راضي بـ موجوعي