🟨🟨🟨🟨🟨
🟨🟨🟨🟨
🟨🟨🟨
🟨🟨
🟨
#حضرت_اُمَّ_البَنین_س
کیمسه نه بولور که نجٓه ویرانه دیِ گوگلوم
دورت اوغلوم اولوب غملره کاشانه دیِ گوگلوم
سالدی باشیمی جُور فلک اوزگه بلایه
نِی تک گَلرم صبح و مساء آه و نوایه
دیلدن اوجالار ناله سَسیم عرش خدایه
دایم یوزه گوزلردن آخار اشک روانیم
نینیم که باتوب قانینه دورت تازه جوانیم
دورت ماه جمالیم که منیم قانه باتوبدی
هر تک تکی مقصودینه عالمده چاتوبدی
نیسکیل بودی عباسیم اوزاخ لخدا یاتوبدی
گلمز غم و آلامی یانان دیلده شماره
سَرو قَدئیله گِئدی بالام خیردا مزاره
چوخ سعی اِیلدیم اولمادی عالمده سعادت
تا خیردا مزارین اِیلیم منده زیارت
جان اوسته اودور جوشه گَلور دیگ محبت
قانلی علمین ویرسا اگر قبریمون اوسته
مقصودینه نائل اولی بو قلبی شکسته
هر چند بو شهر ایچره واریم اِیل و تباریم
قالموبدی ولی دیلده منیم صبر و قراریم
عباسیدور عالمده نه چون دار و نداریم
عباس نه عباس، بوتون عالمه لنگر
ویردیم بالامی فاطمه نین اوغلونا نوکر
زینب دئیر آتدان یخیلان لحظه ده بیر باش...
سَسلندی آنام اِیندی یانیمدا اولا ای کاش
اطرافین او دم آلمشیمش بیر نچه اوباش
قولارین آچیبدور عوضیمدن اونا زهرا
معناده دیوب سینه مه گَل آغلاما سقا...
چوخ صحبت ایدوب دخت علی غملی چاقیندان
شرمنده دِیَر اولمادی اوغلون قوناقندان
زهرانین اوپوپ قانلی لبیله ایاقندان
عرض ایلوب آنا دورمشام اوز سوزلریم اوسته
لطف ایلمیسن قوی قدمین گوزلریم اوسته
بو فعل او بانویه دئمه جای عجبدی
زهرا او پیمبر قیزی دریای ادبدی
انسانی بو حَده یتیرَن اصل و نسبدی
مین دیل دِیوب عباسین او دم گوگلون آلوبدی
مندنده چوخ عباسیمه دنیاده یانوبدی
عباس غمین سایسالا گر گَلمز حسابه
چوخ درد و مصیبت یتیشوب قلب کبابه
بند اولمشوموش بیر ایاقی بند رکابه
السیز بدنی اِیسی قوم اوسته سورونوبدی
باشدان باشا اوز قانینه یرده بورونوبدی
نیسکیللَری دیلدن آلوری تاب و توانی
عرشه اوجالوب عرصه میداندا فغانی
گویاٰ چاغیروب دادینه شاه شهدانی
ایللَر بویی قارداش دئمدی قارداشا قارداش
قارداش چاغیروب اوندا ولی دیده ده قان یاش
تَل اوسَتن آلوب ناله سَسین خسرو ایجاد
قان یاش اَلیوب عارضینه سَسلنوب ای داد
القصه که عباسه او دم اِیلیوب امداد
بولمَم نه گوروب رنگی او گول تک سارالوبدی
قَدی بوکولوب آیری بیر احواله قالوبدی
اصراری واریمش آپارا خیمیه ساری
عباسه او آخر نفسینده اِیده یاری
بو فعله ولی مانع اولوب حال نزاری
اکبر کیمین ایستورموش او غم فرشینی آچسین
خیردا بالالار، قلبینه غم تیرینی ساچسین
شه نوکرینه گورسدوب اوز لطف و عطاسین
دیلدن اوجادوب گویلره بو غمده نواسین
میداندا هله آچمشمیش قانلی عباسین
عباس دیوب که خجیلم من حَرموندن
اخیامه آپارما منی لطف و کرموندن
غم شاه شهیدانین او دم صبرین آلوبدی
عباسیمه باخدوخجا دل و جانی یانوبدی
میداندا حسینیم اِو دم آواره قالوبدی
یانام اونون احوالینه تا جاندا واریم جان
باشی او قفادن کَسیلن سروره قربان
مدتدی عتیق ایلموسَن نوحه نگارش
عباس آناسیندان ایله بو مرحله خواهش
تا ایلیه عباسه سَنی، بلکه سفارش
حاجاتیوی قلبینده روا اِیلیه عباس
دردون نَدی قلبونده دوا اِیلیه عباس
التماس دعا🙏
🟨
🟨🟨
🟨🟨🟨
🟨🟨🟨🟨
🟨🟨🟨🟨🟨
🟩🟩🟩🟩🟩🟩
🟩🟩🟩🟩🟩
🟩🟩🟩🟩
🟩🟩🟩
🟩🟩
🟩
#حضرت_ام_البنین_س
ای نهر فرات اوسته اولان قانینه غلطان
عباس او گوزل نفسیوه جانیم اولا قربان
دشمنده دئیر فرصتی بیر ویرمَدی باده
ظاهرده او ساقی سویا اِیتمیشدی اراده
باطنده ولی نفسیله گئتمیشدی جهاده
اوجوندا گوتوردی سویا باخدی دیدی ای داد
تَل اوستَن حسین سَسلَدی اولسون ایوین آباد
احسن سَنه که اُولموسان اوز نفسیوه غالب
گورسَدمیسَن اهل دیله بیر صحنه جالب
بو فعله یازار اهل قلم چوخلی مطالب
دنیا نه قَدر وار اولا عالمده مقالون
اولسون آناوین زحمتی دنیاده حلالون
هر چند آنان درد و غموندن قوجالوبدی
عیب اِیلمز اصلا، باشیم عرشه اوجالوبدی
ایندی ولی جان اوسته گوزوم یولدا قالوبدی
گَل گوزلریمی باغلا منیم سون نفسیمده
قویما سیخلا روحیمی محنت قفسینده
جان اوسته نولار بیر من زاره چَکَسن باش
گل گور نجٓه هجروندن آخیر عارضه قان یاش
سَنله دیورم گوز گوزه جانیم چیخا ای کاش
یوخ دیلدع غمیم سایه وی گر باشیمه سالسان
سون دَمده من غمزده نین گوگلونی آلسان
جان اوسته هامی یوز چُوورَر بیت خدایه
من دوتموشام اُوز دیلده فغان کرب و بلایه
جان تاپشورام هیهات، یِتونجه سَن هرایه
گَل دوندَر عزیزیم آناوی قبلیه ساری
بی کس آناوا سُون نفسینده ایله یاری
صد حیف اولا که تاپمادیم عالمده سعادت
تا خیردا مزارون اِیلیم منده زیارت
ایندی گیدورم قبریمه قلبیمده بو حَسرت
قویما بو قالان فرصتی اوغلوم تَلف اولسون
داغلی اورکیمده منه جای اَسف اولسون
درک اِئت گیلَن ای جوهرهٔ عشق و محبت
یِئت داده که برپادی منه شور قیامت
بیگانیه، آلسان سَسیمی دیلده نه حاجت
لطف ائت بو بلالی باشیمی آل دیزون اوسته
تا آیرلا تندن، داخی بو طائر خسته
چَکدی آناوین جور فلک قلبینه داغلار
ذهنینده چَکر عکسیوی دائم باخار آغلار
گوز یاشینی پیوسته سولان عارضه باغلار
نقصان یری بو باره ده دَه قویمامشام من
بو آغلاماقیمدان هَلّه ده دویمامشام من
هر دم گَل رخساریوی که یادیمه سالام
اوغلوندان همان دَمده سَنون عطریوی آلام
باخدوقجا او رعنا قَدینه بُهتیده قالام
نینیم که سالار چیگنینه مَشکون، سینه داغلار
بیر اَلده علم وای بابام ای وای دئیر آغلار
دردیم نَدی قلبیمده بو دردی بولّن آغلار
اوغلی ئولنین حالینه اوغلی ئولّن آغلار
ناله سَسیمه خاک بقیعده حسن آغلار
من تک حَسنینده بَلشوب قانه بالاسی
ظلمیله دونوب یاسه او صحراده حناسی
هر کیمسه گلوب خاک بقییعدن گذر اِیلر
دورت قَبر که طرح ایلمیشم خونجگر اِیلر
اما بیری چوخ خیردادی جلب نظر ایلر
ای وای منه که کرب و بلاده بیچیلیبسَن
قربانین اولوم بویدان اودور که چیچیلیبسن
بو رسمیدی دعواده دَگر یاره وجوده
آخدوقجا یره قانی، گئدَر حال سجوده
یانام من اورکدن ولی اول زخم عموده
مدتدی بو یاره آناوی فکره سالوبدی
الله بولور اَلسیز باشی نه حاله قالوبدی
ای کاش دُونه نهر فراتین سویی قانه
زینب دئیر اخیامه اولان دمده روانه...
دورت مین اوخ آتان آتدی اَلون تیر و کمانه
مشکینده اِیدَر جور و جفانی منه اظهار
گویدن او یاغیش تک اَلنوب باشیوه اوخلار
دورت مین اوخ آتان بیر نفری دوتسا نشانه
بیردن هاموسی اوخلارینی ایتسه روانه
هردم بیری آیا دَگر اول جسمیوه، یا نه؟
صراف زمان یاره لرون سایسا سایلماز
غمدن داخی بی کس آناوین باشی آیلماز
تا وار نفسون دهریده یاز نوحه عتیقا
قویما چیخا اَلدن داخی بو فرصت اعلا
دنیایه چوخ آلانما قالوب کیملره دنیا
یومدی گوزینی عالمه نوحیله سلیمان
ایوبه دَه دنیاده چَکیلدی خَط بطلان
التماس دعا🙏
🟩
🟩🟩
🟩🟩🟩
🟩🟩🟩🟩
🟩🟩🟩🟩🟩
🟩🟩🟩🟩🟩🟩
سبک
وفالی دلبریم زهرا
یارالی دلبریم زهرا
جوانلقدا دوشَن ائلدن
آرالی دلبریم زهرا
#حضرت_زهرا_س
دوشوب مدینه ده سَس دختر رسول خدا
جهان عاریه آغلار گوزون یوموب گویا
بیری دئیور بو خبر اولمیوب موثق هَلَه
بیری دئیور بو خبر اولمیا اولا رویا
بیری دئیور خبرین اصلی اولماسیدی اگر
ویرلمازیدی یانان درگهه نشان عزا
خبر صحیحیدی ناله سَسی اویاتدی منی
علی دیوردی گوزون یومما ای گل طاها
یوخی آپارمادی زهرا بالالارین بو گیجه
نوا ایدوب بالالاری ایشخلانونجا هوا
حسن حسینه دیوب وای منه حسین حسنه
دِئینده اوخشاما هر دم که زینب کبری
آنا اولنده اوشاق فکر اَیله نه حاله قالار
نه یاخشی عمرلری اولمادی بو غمده فنا
مدام آغلادیلار توکدولر یوزه قان یاش
علی ولی خدایله دورت صفالی بالا
کَسیلدی ناله سَسی عاقبت او ماتمده
دیدیم که غائله یتدی باشا، ولی مولا...
دوباره عرشه اوجاتدی نواسینی دیلدن
که یعنی قویما قالا فاطمه علی تنها
امام کون و مکانه او یوز وئرَن غمده
عبث دگور که دئسَم شور حَشر اولوب برپا
دئیوردی فاطمه گَل یخما حیدرین ایوینی
ایویمی یخدی منیم ناگهان او غملی صدا
سیزلدیاندا او سیزقین سَسیله جان جهان
تعجبم که خراب اولمادی، نَدن دنیا
بیر آیری عالمیدی دودمان حیدرده
مسخر اولموشیدی آه و ناله سیله فضا
ویرنده غسلونی قالدی گینه همان حاله
او قاره معجرینی باشدان اِیلینده جدا
باخوب نه گوردی که نیلی اولوبدی رخساری
دولوبدی قان گوزینه حیدره قالوبدی خفٓا
دیوردی وای منه ناموسیمه اچوبدولار اَل
چَکنمیرم بو غمی شانینه دگوردی سزا
بو بس دگور که یاناندا قاپیم دوگلموشدی
نه لازمیدی دوباره او کوچه ده بو جفا
قباله اَلده بهانه اولوب او ملعونه
اولوبدی عقده سی خالی بدون چون و چرا
نجٓه مزارینه من تاپشیروم . رسول خدا
دئمز نه خاطره اولدی بو گول خزان آیا
او کسلری که #عتیقا سوزی اولوب مقبول
اولار یقین اِیله اِیتموب منیم قاپیمدا ریا
#بداهه سرایی در گروه شعرا و مادحین.
۱۴۰۱/۱۰/۶
/channel/+2tozhR4lwaU3MTY0
☘🌹🍀🌹🍀🌹🍀
🌹🍀🌹🍀🌹🍀
🍀🌹🍀🌹🍀
🌹🍀🌹🍀
🍀🌹🍀
🌹🍀
🍀
#حضرت_زهرا_س
#زبانحال_امیرالمومنین_علی_ع
هاچان گورَردی علی غملَنیبدی دلداری
دیردی دیل، اولا دلداره بلکه دلداری
ایله محبتیله دیندیرردی همدمینی
سُووندورردی بتولی بو نوعی رفتاری
گَلردی وَجده دیردی جهان عاریه ده
بو لطفیوین باشا گلمز عم اوغلی معیاری
ولیک بیر گیجه گوردی یوموبدی گوزلرینی
گیدوبدی هوشه داخی ناله اِیلمور یاری
دیدی خدا گورَسَن دلبریم تاپوپدی شفا
سیزلدامور بو گیجه عشقیوین گرفتاری
بو فکره دوشدی ازل کشف راز اِیده مولا
نچه قدم گوتوروب گِیتدی دلبره ساری
دوباره دیل دیدی تا دلبرین دیله گَتیره
بولٓه نه حالیده دور اول بلا خریداری
نه قَدری سَسلدی سَس گَلمدی او مظلومه
خیال ایتدی که جان تاپشیروبدی بیماری
گلوب فغانه دیدی فاطمه منه سَس ویر
غرض که گَتدی دیله، ناله یِ دل آزاری
دیدی عم اوغلی علی روح جسمیدن بیر آن
علاقه کَسدی اودور گِتدی اَلدن هوشیاری
بویوردی فاطمه گل یخما حیدرین ایوینی
اَلمه باشیمه باری آغیر بیر آواری
او قان دولان گوزون آچ باخ بالالارین یوزونه
ایدوله سیل کیمین گوز یاشین یوزه جاری
منه ده رحم ایله ای میوه دل طاها
داریخمشام دور اوتور درد دل اِیداخ باری
دانش مَنیله بیر آز غملی روزگاریندن
علینین ای او چتین لحظه ده مددکاری
دانیشماسان منیله اود دوتار یانار قلبیم
دَگور سکوت سَنون شانیوین سزاواری
بویور گوروم هَلٓه بیر یاخشیدور یاران یارالی
و یا تحمل ایدورسن بو درد بسیاری
گوزوم یاشی نَدَن اولمور او یاره وه مَرحم
زمانه اِیتدی عجب درد و غم گرفتاری
نجٓه دونرگه می دوندردی روزگار دنی
غریبه گونلره قویدی من دل افکاری
گوزوم یاشی قورماز کثرت مصیبتدن
قیامتین گونیده سیل تک اولار جاری
سنه من آغلاماسام گوزلریم نَیه لازم
مدام ایسلاناجاخ گوز یاشملا دستاری
قاپی یاناندا نلر چَکمیسَن خدا بولوری
عم اوغلوا او که وار اِِیلدون او گون یاری
ئولوب دیریلدیم او دم که سَسون یتیشدی منه
دیلونده اولموشیدی فیضٓه آدی تکراری
دیدیم که وای منیم احوالیمه یخیلدی ایویم
چیخا محالیدی یاددان او وقت دشواری
ایاخلانوبدی او گون محسنون اِیاق آتدا
اولوبدی قانی همین آستانیه جاری
گوزومده جلوه لنر روز و شب همان صحنه
باتوبدی قانیوه یکسر دَریله دیواری
گره گشایه عجیبه گره سالوبدی فلک
خیالی وار هَله پوزسون بو خطٓ پرگاری
اماندی فاطمه جان یومما آغلیان گوزیوی
عم اوغلون بولوسن قالمیوب هواداری
منیم بو شهریده سَندن صورا کَسیم یوخدی
اودور بو نکتیه وار حیدرین چوخ اِصراری
خدا نکرده سن ئولسن علی دویار جانه
نه چون فشاره فراقون سالار بو ناچاری
#عتیق کیمسه تصور اِیده علی غمینی
ئولونجه وار یری گر ایدسه ناله و زاری
التماس دعا🙏 ۱۴۰۱/۹/۲۹
🍀
🌹🍀
🍀🌹🍀
🌹🍀🌹🍀
🍀🌹🍀🌹🍀
🌹🍀🌹🍀🌹🍀
🍀🌹🍀🌹🍀🌹🍀..
▪️▫️▪️▫️▪️▫️▪️
▫️▪️▫️▪️▫️▪️
▪️▫️▪️▫️▪️
▫️▪️▫️▪️
▪️▫️▪️
▫️▪️
▪️
#حضرت_زهرا_س
#زبانحال_امیرالمومنین_علی_ع
#غسل
زهرا اولَنده چَکدی علی بولمورم نَلَر
اَسما دییر که ناله سی اِِیتدی منه اثر
سویلر که حسرتیله باخیردی نگارینه
گوزدن سرشک آلی آخیردی عذارینه
بیر حاله قالدی فکر اِیلدیم جان ویرور او شه
یاندی دیلیم بو محنت بس جان شکارینه
غسلون ویرنده قالدی دوباره او حالته
باخدوقجا مغسل اوسته غم آشکارینه
قویمازلا یار یارینه غسل ویره، ولی
سالدی فلک او شاهی بو محنت مدارینه
خاصه او مَیْت ی که ویرور قان یارالاری
مجروح اولوبدی قلبی دوشوب غم حصارینه
پی دَر کفن عوضلدی اول شاه مشرقین
آغلار گوزیله دهریده غملر دچارینه
مسمار یاره سیندن آخان قان کَسیلمدی
اود سالدی غم دوباره دل داغدارینه
فکر ایلدیم که گورسه او نیلی عذارینی
وار ممکنی آپارسین آلین ذولفقارینه
اما او دم که معجرینی اِیلدی کنار
آهسته بولمدیم نه دیور یار یارینه
دوندی قویوب عذارینی دیواره آغلادی
اود دوشموشیدی بس که دل بی قرارینه
سَسلوردی گل هرایمه یا ختم الانبیا
لطف اِیت یتور اوزون من زارین کنارینه
بولدوم گوزونده جلوه لنوب غم نشانه سی
قلبیم دوام اِیتمدی اول طرز کارینه
عرض اِیلدیم بو شدتیله آغلوسان نَدَن
امر ایتدی باخ ولایتین آیینه دارینه
مسمار علاوه باغریمی قان اِیلیوب منیم
قلبیم یانور باخاندا بتولین عذارینه
ناموسیمه آچوبدولار اَل کوچه ده منیم
قان آغلامور علی بو دم اوز اختیارینه
پیغمبرین وصیتینه باغلیدور قولوم
یوخسا سالاردیم اوت بولارین روزگارینه
.عمروم بویی بو غملره قان آغلیام گرک
داغ دگر چَکوبله دل داغدارینه
آسان سایما بو غم عظمانی حیدره
درد آرتروبدی غملری غم شهریارینه
بولدوم نَدن دوتاردی منه فاطمه یوزون
جان جهان فدا، بو دل بردبارینه
تقدیره باخ بو یرده قضا اقتضا اِیدوب...
دردین دیوب خفاده فقط کردگارینه
هیهات بیرده قلبیم آچیلسون بو باره ده
چوخلی بو فعل اولوبدی سبب احتضارینه
قبره قویاندا وای منه گر دیده رسول
دوشسه اگر یوزونده غم جان شکارینه
تنها بویورسا آیینه قلبیمی سینوب
بسدور بو سوز حیاتیمین انجام کارینه
توشه اولار بو نوحه لرون محشره #عتیق
چون که قلم اَلونده آخیر اوز آخارینه
بیر عده نی بیرعده آلوب روزگاریده
سن باخما جیره خواریلرین جیره خوارینه
یاز نوحه آغلا جیره وی ارباب اوزی ویرر
کَسمز محبتین گل زهرا هَزارینه
التماس دعا🙏.
▪️
▫️▪️
▪️▫️▪️
▫️▪️▫️▪️
▪️▫️▪️▫️▪️
▫️▪️▫️▪️▫️▪️
◾️◽️◾️◽️◾️◽️◾️
@davodTahmoresi
@davodTahmoresi
⬛️⬛️⬛️⬛️⬛️⬛️
⬛️⬛️⬛️⬛️⬛️
⬛️⬛️⬛️⬛️
⬛️⬛️⬛️
⬛️⬛️
⬛️
بند ۶
ایندی بالالارون اِیلیور نی کیمی نوا
سَسلوله جانیوه آناجان جانیمیز فدا
زینب اولوب او مجلس ماتمده نوحه خوان
گوز یاشلارین اِیدوبله یوزه سیل تک روان
بیر اِیله مَجلسی نه گوروبدور نَده گورر
بر پا اولونجا روز جزا دیده جهان
ای کاش حسن او کوچه سوزون آچمیا هَلّه
داغلی اورکده حشره کیمین ساخلیا نهان
الله بولور نه حاله حسینون قالار، اگر
شرح مصائبی اِیلسه بیر به بیر بیان
قالسون هله بالالاریون غملی صحبتی
ای درد و محنتی اورکیم صبرینی آلان
غمدن جهاندا سن اوزیوی اِیلدون خلاص
قالدی جهاندا غم چَکه بو درگهی یانان
یوز ویرسه غم دوباره منه، سن غم اِیلمه
دردیم سَنی جهاندا نه چون اِیتدی باغری قان
غمدن جهاندا بیر اورکون دینجلنمدی
دینجل مزارون ایچره سن ای غمکش زمان
یات یاخشی یاتموسان بو مزار ایچره فاطمه
هر کیم سورشسا قبریوی من ویرمرم نشان
قویما جهاندا عمرون #عتیقا اولا فنا
یاز نوحه ایله بلبل مهجور تک فغان
التماس دعا🙏
⬛️
⬛️⬛️
⬛️⬛️⬛️
⬛️⬛️⬛️⬛️
⬛️⬛️⬛️⬛️⬛️
⬛️⬛️⬛️⬛️⬛️⬛️
⬛️⬛️⬛️⬛️⬛️⬛️
⬛️⬛️⬛️⬛️⬛️
⬛️⬛️⬛️⬛️
⬛️⬛️⬛️
⬛️⬛️
⬛️
بند ۴
اوزگه بیر حاله قالدی غرض دخت مرتضی
مولا بویوردی نی کیمی گَل اِیلمه نوا
اصحابینی دوباره مخاطب اِیدوب او آن
امر اِیلدی یاخینلاشیری موقع اذان
تشییع اِیدون گیجیله مزاره جنازه نی
زهرا وصیتی نَدور اولسون گرک همان
امر امامیدن اِیدوب اصحاب امتثال
قبره طرف او غمزده نی اِیتدیلر روان
آغلار گوزیله یِتدیله قبرین کنارینه
تابوتی قویدولار یره یاران جان فشان
اطراف قبری اهل ولا خلوت اِیلدی
شهبانوی جهان گیده تا قبرینه نهان
قالدی مزارین اوسته فقط شاه مشرقین
بیرده او پیکری که اولوب گول کیمی خزان
جاندان عزیز دلبری قویدی مزاره تا
دوشدی خیاله صورت نیلی همان زمان
نیلی عذاریدن کَفنی اِیلدی کنار
باخدوقجا اِیتدی بلبل مهجور تک فغان
قویدی یوزون سولان یوزونه گلدی شیونه
سَسلندی نیسکیلون منه اولدی بسی گران
الله بولور نه حاله او دم قالدی مرتضی
اولدی دیریلدی اول غم عظماده بی گمان
ادامه دارد⏬
⬛️
⬛️⬛️
⬛️⬛️⬛️
⬛️⬛️⬛️⬛️
⬛️⬛️⬛️⬛️⬛️
⬛️⬛️⬛️⬛️⬛️⬛️
⬛️⬛️⬛️⬛️⬛️⬛️
⬛️⬛️⬛️⬛️⬛️
⬛️⬛️⬛️⬛️
⬛️⬛️⬛️
⬛️⬛️
⬛️
بند ۲
اَسما دییر همان گیجه، تا شاه انس و جان
مغسلده باخدی فاطمیه اولدی باغری قان
عرض ایلدیم فدا سنه ای سرور اَنام
رنگ زخون نَدندی بیله اولدی سرخ فام
فرمایش ایتدی فاطمه نین باخ عذارینه
نیلی اولوبدی جور و جفایله لاکلام
زهرا غمی آغیر غمیدور شیر داوره
صبر امامتیله گمان اِیلدی دوام
درد و اَلم آلوردی اورکدن قرارینی
تغسیل یارینه ائلیین دمده اهتمام
ناچار اولوب او غسلدان اَل چَکدی مرتضی
تا بلکه زخم دل تاپا بو نوعی التیام
دیلدن او دمده گِتمیشدی تاب و طاقتی
قوت تاپوپ دوباره او فعله گوتوردی گام
باشدان او قاره معجری تا اِیلدی کنار
گورجاخ یوزونده اَل یرینی آغلادی امام
دوندی سینان قولون گوتوروب باسدی باغرینا
گوز یاشینی عذارینه جاری اِیدوب مدام
بولمم نه گوردی یا که نه فکر ناگهان
اولدی دوباره حیدره چون محشر عظام
ویردی خلاصه غسلونی زهرای اطهرین
غسل عزیزه دو سرا اولدی تا تمام
دوندی مخاطب اِیلدی اصحابینی او شه
تشییع ایدون مزارینه بو لیله ظلام
ادامه دارد⏬
⬛️
⬛️⬛️
⬛️⬛️⬛️
⬛️⬛️⬛️⬛️
⬛️⬛️⬛️⬛️⬛️
⬛️⬛️⬛️⬛️⬛️⬛️
@davodTahmoresi
⬛️⬛️⬛️⬛️⬛️⬛️
⬛️⬛️⬛️⬛️⬛️
⬛️⬛️⬛️⬛️
⬛️⬛️⬛️
⬛️⬛️
⬛️
#حضرت_زهرا_س
نوایه گَلمه قیزیم،نِی کیمی نوا اِیلمه
یِتوب دوداقیمه جانیم خدا خدا اِیلمه
مثال سیل اَلمه اشک آلیوی یوزیوه
بهار عمریوی بو نوعیله فنا اِیلمه
غمیمده عهد اِیلیوبسن اگر بو آغلاماقی
گوزون فداسی اولوم عهدیوه وفا اِیلمه
اَجل تری دوزلوب آ ننیما چیخور جانیم
یومانمورام گوزومی ناله و بکا اِیلمه
کَسوبدی روحیم علاقه بو خسته جانیمدن
منیم حیاتیمه گَل دم به دم دعا اِیلمه
جهان عاریه ده، جانه دویموشام غمدن
گوزون یاشیلا منیم دردیمه دوا اِیلمه
مدام خاطریوه سالما زخم مسماری
گوزونده نقشه مسماری بر ملا اِیلمه
سنون نه وقتیویدی یاره باغلیوب آچاسان
بو کاری یاره مه باخدوخجا آه و وا
اِیلمه
من اوزموشم اَلیمی رشته یِ حیاتیمدن
حیات رشته سینی سن ولی رها اِیلمه
سَنه مُقدّر اولوب دهریده بلایِ عظیم
اورکیوی هَله آلامه مبتلا اِیلمه
قاباقدا قارداشیوین کربلاسی وار زینب
اورکده خانه یِ غم ایندیدن بنا اِیلمه
من آغلورام آتاوین حالینه، منه باخما
آخان بو گوز یاشیما چوخدا اعتنا اِیلمه
سن آغلیاندا نوایه گَلور حسین و حسن
بو غملی صحنه نی بونداندا غمفزا اِیلمه
هنوز اوچ یاشینا چاتمیوب باجون کُلثوم
اونون یانیندا بو قَدری آنا آنا اِیلمه
آنا دینده گَلور جوشه بحر مهر و وفا
اوزون کیمی اونودا درده آشنا اِیلمه
اونوندا وار باشینون چوخ بلاسی عالمده
گوزونده گوندوزونی ایندیدن قرا اِیلمه
اوتور دییوم سنه من غملی سرگذشتیمدن
مگر دئمزدون اوزون دَردون اختفا اِیلمه
منیم اورکده غمیم سایسالا سایا گلمز
بیری بیریندن آغیر دردیدور سوا اِیلمه
گرکدی سِرّین آچام بیر به بیر مصائبیمین
ائشیت ولی اورکون توش ابتلا اِیلمه
ویراندا اود قاپیماظلمیله او ثانی دون
دیدیم که ظالم اوتان ویرما اود، جفا اِیلمه
رسول قلبینه اود ویرمیسان سن ای ظالم
او ظلمی اِیلمیسن گَل داخی خطا اِیلمه
علی ولی خدادور اوزون که واقفسن
لگد ویروب قاپیا چوخ سر و صدا اِیلمه
پیمبر امر اِیلیوب باب علمیدور حیدر
اوزووی مَکریله بو خلقه رهنما اِیلمه
غرض که ایتدی مخاطب منی او شوم و دغا
دیدی ولایته سن جانیوی فدا اِیلمه
دیدیم ولایت مولایه فاطمه قربان
دیدی خلیفه ابوبکریدی اِبا اِیلمه
خلاصه سَسلدی تِز سیندرون یانان قاپونی
بیر عده ده دیدی گَل ظلم ناروا اِیلمه
نه علته قاپونی سیندرورسان ای ظالم
اماندی وحی ایوینین حرمتین فنا اِیلمه
قیزیم یانان قاپونی سیندران زمان ثانی
ددیم شقی اوزووی بَندیِ حیا اِیلمه
دیه دیه سوزومی ناگهان آچیلدی قاپی
علینی هاتف غیبی دیدی ندا اِیلمه
اوجا سَسیله چاغردیم اودور که فیضّه نی من
دیدی هرایوه گلدیم خانم نوا اِیلمه
بوقدری وار که او دم محسنیم شهید اولدی
نه حاله قالدی آنان کشف ماجرا اِیلمه
توکولدی زاغ و زغن باغلادی علی قولونی
دیدیم الهی علیدن منی جدا اِیلمه
او وضع و حالیله دامان حیدری دوتدوم
اتام بویورموشیدی دامنین رها اِیلمه
او کشمکشده نَلَر اولدی بیر خدا بولوری
علی بویوردی که ظالمدن التجا اِیلمه
قولومی قنفذ او دم سیندروب جفایله
دیدیم اَلون قورسون ظلمیوی روا اِیلمه
اودور بیر اَللی ویراردیم بو زلفیفه شانه
تمنی دیلی، مبنای مدّعا اِیلمه
#عتیق سویلدی نیلوم سوزوم اولا مقبول
جواب ویردیم اونا شعریده ریا اِیلمه
التماس دعا🙏
⬛️
⬛️⬛️
⬛️⬛️⬛️
⬛️⬛️⬛️⬛️
⬛️⬛️⬛️⬛️⬛️
⬛️⬛️⬛️⬛️⬛️⬛️
#هیت_انصار_الحسین_تبریز
#زبانحال_امیرالمومنین_علی_ع
#مداح_حاج_یحیی_صادق_پور
/channel/davodTahmoresi
⬛️🟩⬛️🟩⬛️
🟩⬛️🟩⬛️
⬛️🟩⬛️
🟩⬛️
⬛️
#فاطمیه
#زبانحال_امیرالمومنین_علی_ع
#دفن
دفن ایلدی بقییع ده علی اوز نگارینی
بیر آه چَکدی قویدی مزاره عذارینی
سَسلندی یات دعاوی خدا ایتدی مستجاب
یومدون گوزون چووردون علی روزگارینی
دینجل گیلَن ایویمده منیم دینجلمدین
ترک اِیلدون سن ایندی که محنت دیارینی
یخدون عم اوغلووون ایوینی اِیلدون خراب
سالدون بو قلب زاریمه هجران شرارینی
دوندردون اولماقونلا علینون دونرگه سین
دور گور مزارین اوسته غم آشکارینی
ایندی غمونده قلب ایوینی داغلیان منم
عرشه یتورموشم اورکیم آه و زارینی
قربان اولوم او قلبه کی گیزلیندی غملری
عالم رقم وورا بوله بولمز شمارینی
نی تک سزلدورام نیه بس ویرمیسن جواب
الدن ویروب و یا کی علی اعتبارینی
آخر نه گلدی دلده او مهر و محبته
دیندیر مزارون اوسته بو غم دچارینی
ترک اِیلیوب مزاریون اوستون گیدنمورم
هجرون آلوبدی دیزلریمون اختیارینی
الله بولورکه قبره قویاندا نه چَکمیشم
آچدوم مزاریوه گوزومون آبشارینی
آغلار گوزوم ساتاشدی ایکی آشنا اَله
آلدی او صحنه دیلدن علینون قرارینی
خجلت تری قارشدی گوزوم یاشینه منیم
چَکدیم بیرآنیده هامی دنیا فشارینی
سالدی گره گشایه غریبه گره فلک
یغمایه چکدی ظلمیله دار و ندارینی
بولمم بو یرده مسکن ایدوم یا دوروم گیدوم
من بی کسین چکور بالالار انتظارینی
گیدسَم یولوم او سن دوگولن کوچه دن دوشر
بیر کوچه که خزان ایدوب عمرون بهارینی
الان تیکوبله گوز یولا اطفال ناگران
غم لشگری آلوب بالالارون کنارینی
زینب نواسی یدی فلکدن کچوب یقین
هجران آلوبدی دلدن حسینون قرارینی
عمروم بویی بو غملره قان آغلیام گرک
یاد ایلرم یامان گونومون غمگسارینی
عالی سعادته یتیروب حَق سنی #عتیق
سایمده دالدالان ، ایله سن افتخارینی
التماس دعا🙏
⬛️
🟩⬛️
⬛️🟩⬛️
🟩⬛️🟩⬛️
⬛️🟩⬛️🟩⬛️
🟩⬛️🟩⬛️🟩⬛️
/channel/davodTahmoresi
🟩⬛️🟩⬛️🟩⬛️
⬛️🟩⬛️🟩⬛️
🟩⬛️🟩⬛️
⬛️🟩⬛️
🟩⬛️
⬛️
بند ۴
اشاره ئیله دیدی قلب عالم امکان
اماندی فاطمه، دنیا بوتون اولار ویران
یِتَنده سوز بو یره دَگدی بیر بیره ایجاد
خلاف میل عدو اولدی مرتضی آزاد
باخوب عم اوغلوسینا فاطمه فرحلندی
نه مدتیدی بیله اولمامیشدی دلدن شاد
نه چون قوتارمیشیدی قیدیدن یدالهی
دیوردی روح قدس احمده اِیوین آباد
بلا چولونده ده زینب قاچوبدی امداده
یتوب نه گوردی حسینون باشین کَسور جلاد
کَسنده شمر حسینون باشین جفایله
اَلین آتوب باجیسی خنجره اِیدوب فریاد
یوزون دوتوبدی بقییع سمتینه دیوب آناجان
ایویمی یخدی منیم کربلاده قوم عناد
غرض خیامه گلوب دست زخمداریله
نه گوردی حال ولحده قالوبدی میر عباد
امامین امرینی فوراً یتیردی بیماره
دوباره یِتدی او دم کائناته استمداد
یرینده کون و مکان اولدی عاقبت ساکن
غریبه دمده جهان ایلیوبدی اخذ مراد
وگرنه دوشمزیدی عالمی تزلزلدن
آچانمازیدی اَلین غارته او بد بنیاد
دوتاندا خیمه لر اوت گوردی زینب کبری
چَکیری سید سجاد ظلم اَلیندن داد
آلیشدی سینه زینبده آتش غیرت
اوزون وروب اوتا سَسلندی هرچه بادا باد
خیام آتشینی یاندروبدی آتش عشق
دونوبدی گلشنه اول نار کینه و بیداد
امام مفترض الطاعه اول یانار اوتدا
یقین ناد علی باشلیوب یتوب امداد
ادامه دارد🔽🔽
⬛️
🟩⬛️
⬛️🟩⬛️
🟩⬛️🟩⬛️
⬛️🟩⬛️🟩⬛️
🟩⬛️🟩⬛️🟩⬛️
/channel/davodTahmoresi
🟩⬛️🟩⬛️🟩⬛️
⬛️🟩⬛️🟩⬛️
🟩⬛️🟩⬛️
⬛️🟩⬛️
🟩⬛️
⬛️
بند ۲
علینون حقینی داندوز نه علته آخر
علیدی بعد پیمبر بو امته سرور
پیمبر امر اِیلیبدور، علی، اعلادی
ولی برحق حَقدور بو امره اولادی
باخوب نه گوردی او دم ثانی جفا پرور
مخاطب اِیلینی پشت درده زهرادی
بولوبدی فاطمیه نطقیده حریف اولماز
نه قدری بحثه اگر طول ویرسه بیجادی
دیدی گَلون ویرون اود درگه علی یانسون
اورکده کینه لری ایشلرینده پیدادی
وروبلا اود قاپیا یاندی درگه مولا
بئله بیر عکس العمل کیم دیر که زیبادی
قاپی آچیلدی اولان اولدی دخت طاهایه
سوزوم نه یرده دی اهل دیله هویدادی
قاپی دالندا شهید اولدی محسن زهرا
بویوردی فیضه یتیش داده گور نه غوغادی
یِتیشدی فیضّه هرایه چاغیردی یا مولا
هرایه گَل که بو دم پشت درده بلوادی
دوگولّه فاطمه نی یا علی گوزوندن اوزاخ
پیمبرین قیزینا شور حشر برپادی
گیدوبدی فاطمه هوشه گوتورمور اَل ثانی
عزالی بیر خانما بو نجًه تسلّادی
یِتوب او غملی خبر تا علی اعلایه
هرایه گلدی ولیکن غریب و تنهادی
ازل مخاطب اِیدیبدور او ثانی دونی
بویوردی عورتیله بو نجّه مدارادی
اَلین آپاردی دوتوب ناگهان گریبانین
گوتوردی ویردی یره سویلدی نه سودادی
قولونی باغلادیلار غفلتاً او مظلومین
اسیر اولدی گورون کیم کیمه، معمادی
ادامه دارد🔽🔽
⬛️
🟩⬛️
⬛️🟩⬛️
🟩⬛️🟩⬛️
⬛️🟩⬛️🟩⬛️
🟩⬛️🟩⬛️🟩⬛️
/channel/davodTahmoresi
🟩⬛️🟩⬛️🟩⬛️
⬛️🟩⬛️🟩⬛️
🟩⬛️🟩⬛️
⬛️🟩⬛️
🟩⬛️
⬛️
#زبانحال_امیرالمومنین_علی_ع
قبر زهرایه علی دائم اورکده تاب و تب
یول سالوب نی تک سیزلداردی ولیکن نصف شب
سَسلنردی بو منم نالان فرقت فاطمه
قلبیمی اِیلوب اِحاطَه درد و محنت فاطمه
مرتضانی آیری احواله سالیبدور فرقتون
تنگ اولوب سَنسیز منه بو دار محنت فاطمه
آچ گوزون باخ گور غمون سالمیش نه حاله حیدری
بی سبب آخمور عذاره اشک حسرت فاطمه
ای منیم اِیستکلی دلداریم نه خوابه گِتمیسن
نطقه گل درد و غمیندن اِیله صحبت فاطمه
درد اَلیندن دینجَلوبسن قبریده یایوخ هله؟
من کیمی دردون و یا اِیلوبدی شدت فاطمه
اولمادی بیر دم گورم آسوده خاطر اولموسان!
درد و غمدن عاقبت اولدون نه راحت فاطمه
احمد مختارین اشکی مَرهَم اولدی یاره وه ؟
من سرشکیمله اِیدنمیردیم طبابت فاطمه
آغللادوقجا یاره قان، قان آغلاداردی حیدری
خشگ بند اولموردی سیننده جراحت فاطمه
عاجزیدی دردیوین درمانینه مشکل گشا
بو مصیبتده نهانیمیش نه حکمت فاطمه
عاقبت که سن یتیشدون مقصد و منظوریوه
قالدی آغلار حاکم عدل و عدالت فاطمه
سَسلینده پشت درده فیضّه نی امدادیوه
نچّه یول ئولدوم دیریلدیم من او ساعت فاطمه
کشمکشده همتون حاشا که خاطردن چیخا
کیم بولر اِِیتدون منه آیا نه نصرت فاطمه
کاشاولیدیم کوچه ده حاضر صد افسوس اولمادیم
اقتضا اِولموش منه اوندا مشیت فاطمه
کوچه سِرّی عاقبت غسلوندا اولدی برملا
ثانی دون اِیلیوب اوزگه جسارت فاطمه
آیری بیر احواله سالدی نقش رخسارون منی
جانیمی آز قالدی آلسین بو عبارت فاطمه
ناگهان گوردوم حسن آچدی او کوچه صحبتین
گورسنوب گویا قیامتدن علامت فاطمه
مجتبانین غصٓه دن گول تک سولوبدی عارضی
عاقبت دلدن سالار بو درد و محنت فاطمه
کاش حسینه اولمییدی ظلم ثانی برملا
کربلاسینده اونون وار چوخ مصیبت فاطمه
اوزگه بیر احواله قالمیشدی بالالارون او دم
گِتمیشیدی اللریندن صبر و طاقت فاطمه
باغرینا باسمشدی کُلثومی او دمده زینبون
واردی دنیالرجه زینبده لیاقت فاطمه
همتین تنها اویرده اِیتمیوبدور آشکار
اِیلدی شام غریبانونده همت فاطمه
بیر ایله شام غریبان حشره تک اولماز اولا
آیری بیر عالم یارانمشدی او ساعت فاطمه
سس ویروردی زینب و کلثومه اول دمده حسین
قلبینی آلموشدی درد بی نهایت فاطمه
گوز یاشین گوزدن روان ایتدی عذاره صبحه تک
اشک چشمیندن بیر آن اِیتموب قناعت فاطمه
گر چه هیچ کیم گلمدی شام غریبانه،، ولی
ماتمه ویردی حسینون آیری زینت فاطمه
نوحه یاز بو ماتم عظماده آغلا ای #عتیق
دستگیرون تا اولا روز قیامت، فاطمه
التماس دعاا🙏
⬛️
🟩⬛️
⬛️🟩⬛️
🟩⬛️🟩⬛️
⬛️🟩⬛️🟩⬛️
🟩⬛️🟩⬛️🟩⬛️
/channel/davodTahmoresi
🥀🥀🥀🥀🥀🥀
🥀🥀🥀🥀🥀
🥀🥀🥀🥀
🥀🥀🥀
🥀🥀
🥀
#زبانحال_حضرت_زینب_س
#بعد_از_شهادت
یاناردی نار فراقه بتوله دردانه
گَلردی دائم الاَیّام نی تک افغانه
اَلردی عارضه قان یاش دِیَردی وای آنا وای
گرک اولونجه یانام من شرار هجرانه
خطور خاطر اولور دائماً کِچَن گونلَر
نه گونلریدی او گونلر، که یتدی پایانه؟
محبتون سنه قربان مگر چیخار یاددان
محبتیله ویراردون بو زلفیمه شانه
چَکَردین اَل باشیما گوگلومی آلاردون هر آن
مدام امید ویرردون من پریشانه
دیَردیم ئولّم اگر بیر گونوم اولا سَنسیز
هنوز ئولمَمیشم، گلمیشم ولی جانه
ئولونجه بو غم عظماده اود دوتوب یانام
مثال بلبل مهجور گَلّم افغانه
نه تک غمونده یانان تک من پریشانم
یانوری شمعِ فراقونله نچّه پروانه
او کوچه صحبتی چیخمور حَسن خیالیندان
اِیدوبدی قلبینی درد و اَلم چو ویرانه
حسین فغانه گَلنده دئیر باجی زینب
آنامیزین ئولومی اولدی چوخ غریبانه
بیر اوزگه حاله قالار دایماََ فراقینده
باخوب او گوز یاشینا بیزده گَلوخ افغانه
نه قَدر آغلیروخ دویموروق بوماتمده
فلک غریبه بیر اوت سالدی بوگلستانه
بیر آن گوز یاشیمز گوزده خشک اولا هیهات...
او لحظه دن که اولوب وحی اِیوی عزاخانه
هنوز آچمامیشوخ قاره پرچمی قاپیدان
عزا نشانه سیدور آچماروخ هیچ عنوانه
نشان ویرور او علم بیز هَله عزاداروخ
سرشکیمیز آخوری ماتمینده دامانه
اگرچه گَلمز عزایه بو شهرین اهلیندن
نه لازمه اولا آیا عزاده بیگانه
آنا فراقینه قیز قلبیدن یانار آغلار
دِیَروخ اوخشاما کُلثومیله یانا یانه
او میخ در که آخان قانیوه اولوب غلطان
دوشَر بوچشم تریم دایما همان قانه
چوخ اِیستیرم که سیلَم قانی اَللریم چاتمور
دِینمیرمده بو فعلی ولی سبحانه
او غملی منظره دائم گوزومده جلوه لنر
غریبه صحنه غم گورسدر بو نالانه
نه تک او صحنه که چوخ غملی صحنه لر واردور
اولونجه اود سالاجاخدور بو قلب سوزانه
#عتیق نوحه یاز آغلا نه قدری عمرون وار
سرشکیوی اَله گوزدن اولونجه دامانه
التماس دعا🙏
🥀
🥀🥀
🥀🥀🥀
🥀🥀🥀🥀
🥀🥀🥀🥀🥀
🥀🥀🥀🥀🥀🥀
@davodTahmoresi
🌹🌹🌹🌹🌹
🌹🌹🌹🌹
🌹🌹🌹
🌹🌹
🌹
#زبانحال_امیرالمومنین_علی_ع
غم اَیامیٓله زهرا اولوبدور قلبیم آکنده
وَرم اِیلوب اورک غمدن رمَق قالمور داخی تنده
بیر اوزگه حال و احواله من زاری سالوب دَردون
یانور دیلدن بو احواله گورَنلَر کوی و برزنده
غریبه دَردیدور هجران بو دَردی چَکمئین بولمَز
اویان بیر گور نَلر گَتدی غم هجران فراینده
بو پوزقون قبریوه قربان دور اِیله دردیمه درمان
او درمانی که هِجرانه اولا عالمده زیبنده
دیدیم گل حیدره خاطر گوزوندن سالما دنیانی
دیدون یوز ویرما زهرایه مَنی گَل اِیتمه شرمنده
نه لازم حیدره سَنسیز جهاندا عمر طولانی
باتاندا قانه، کاش اوندا، باتئیدیم قانیمه منده
دوشَر که یادیمه هر دم چاغیردون فیضه نی داده
بو داغلی سینه ده گورَم دوشَور یورقون نفس بنده
ئولوم اوندا منیمکئیدی که سَن سبقت آلوب کِچدون
دیدون قالسون گرک جان، ولی الله ایمنده
آخان قانیله سَن یازدون علیدور نائب برحَق
او افکاره او ایثاره اَزلدن اولموشام بنده
اَزل گون عالم ذرده خریدار بلا اولدون
رضا اولدی بو فعلوندن او گون معبود بخشنده
مگر یاددان چیخار زهرا سَنون عالمده ایثارون
او ایثارونله اهل کین اولوب یکسر سر افکنده
او نوعی که ولایتدن حمایت اِیلدون اوندا
حمایت اِئیلینمز دی هزاران زُبٓده رَزمنده
وصایای رسول حَق غریبه سد راه اولدی
مقام عشقیده یوخسا علی اولمازدی بازنده
پناه خَلقَم عالمده جهان چَتر پناهیمده
او گون من اوج غربتدن سَنه اولدوم پناهنده
یامان بیر دردیدور زهرا آدامسیزلیق بو عالمده
بو درده تک نه من دوشدوم دوشوبسَن دهریده سَنده
ولی بیر آیری دردیمده منیم وار داغلی سینَمده
اونا دنیاده یوخ درمان قالار تا حشر پاینده
اودا زخم شماتتدور که یوخ دنیاده درمانی
اودور بو دردیدن یوخدور جهاندا درد سوزنده
شماتت اِیلیوب از بس سَنه سِیلی ویران جاهل
اِیله سنگین اولوبدور که جزایه غملی پرونده
علاوه اِیستمور حتٓی حلالیت آلا ثانی
گورنده قاتلون هر دم من زاره ایدور خنده
هله دیل یاره سی قالسین نجٓه خانه نشین اولدوم
دعا اِیت قالماسین بلکه بو فعل عالمده پاینده
گونوزلر اَگلشوب ایوده اِیویمدن چیخمارام دِشره
چیخاندا کوچیه فکریم اولور غمدن پراکنده
مزارون اوستونه باخما بیر آیری شور و حالیله
باش آلام هر گیجه گَلم من ای مهر درخشنده
گونوزلر ممکنوم اولمور چَکم آغوشیمه قبرون
قاتام خون جگر گوزدن آخان گوزیاشیمه منده
ایویمده نی کیمین امٓا بو غمده اِیلرم افغان
اولار بو کاسه چشمیم گوزوم یاشیله آکنده
فصاحت اولماسا سوزده عتیقا مشتری اولماز
توجه ایلیوب زهرا سوزون اولسون برازنده
التماس دعا 🙏.
🌹
🌹🌹
🌹🌹🌹
🌹🌹🌹🌹
🌹🌹🌹🌹🌹
@davodTahmoresi
🟧🟧🟧🟧🟧
🟧🟧🟧🟧
🟧🟧🟧
🟧🟧
🟧
#زبانحال_حضرت_زینب_س
#زخم_مسمار
علینون عاشق شایسته ی فداکاری
اولوبدی بیر نچٓه مدتدی غم گرفتاری
گورَن دِیور قوجالوب فاطمه جوانلیقدا
بیر اوزگه حاله قالوب اول بلا خریداری
دوشوبدی بستره درگاهی اودلانان دمدن
اولوبدی لشکر غم حمله ور اونا ساری
نَه غم چَکوبدی او آز سنیله خدا بولوری
محالیدور باشا گَلسون جهاندا معیاری
علاوه بیر قولونی سیندروبدی قُنفذ دون
باتوبدی سینه ی پر دردینه جفا خاری
بالالاری هَلٓه بولمور سینوب قابیرقالاری
نهان اِیدوب بالالاردان او زخم مسماری
مدام آچور اوزی باغلور او یاره نی گیزلین
ولی بر حَق حَقین اولان هواداری
آچاندا بیر گیجه گیزلینده یاره سین، ناگه
گوروب که زینبینه فاش اولوب او اسراری
دیوب بو سرٓیمی زینب حسینیدن گیزلت
مثال بلبل مهجور اِیتمسین زاری
اوزونده صبر ایله دنیا بویی مصیبتیمه
عذاره گوز یاشیوی اِیتمه سیل تک جاری
مدام دیل دِیوب اول غمکشه گل طاها
غرض گلوبدی دیله زینب وفاداری
گلنده نطقه دیوب وای منه ، بو عالمده
چتین گیدر اورکیمدن مصیبت آثاری
ئولونجه بو غمه قان آغلاسام اورک دویماز
یِری وار ئولدوره دردون من دل افکاری
بیر آللی بو نچٓه مدتده بولمورم که نجٓه
طبابت اِیلمیسن سَن بو زخم خونباری
نه قدری ئولممیشم ای اسیر درد و اَلم
سنه بو اِیوده اوزوم اِیلرم پرستاری
فقط بو جسمیوه گَل وئرمه دم به دم حرکت
تَکان یئدوقجا اولور قطره قطره قان جاری
آخان بو گوز یاشیمی مَرحم اِیلرم یاراوا
چیخا محالیدی یاددان بو فعل دشواری
یخار بو یاره آنا عاقبت علی ایوینی
تحمل ایلماق اولماز بو درد بسیاری
خدا نکرده اَجل آلسا جانیوی ئولم
ویا ئولونجه گرک فرقتین اولام زاری
بیر عمر بو در و دیواره من نجٓه باخارام
خسوفه دوشسه اگر چه، او ماه رخساری
قاپی یاناندا باتوب قانیوه در و دیوار
اَلیمده چاتمور اقلاََ، سِیلَم بو دیواری
نه قَدری بویلانیرام چاتموری اَلیم نینیم
او قانه که ویروری روحه پِی دَر آزاری
عنایت اِیله ئولوم ایلمه طلب حَقدن
بیر آز ملاحظه اِیله بو زار و ناچاری
او آغلیان گوزیویله #عتیقه ده بیر باخ
بیر عمردور گوزی یاشلی اِیدَر عزاداری
التماس دعا🙏
۱۴۰۱/۱۰/۳
🟧
🟧🟧
🟧🟧🟧
🟧🟧🟧🟧
🟧🟧🟧🟧🟧
@davodTahmoresi
🔲🔲🔲🔲🔲🔲
🔲🟩🟩🟩🔲
🔲🟩🟩🔲
🔲🟩🔲
🔲🔲
🔲
یومدی آغلار گوزلرین دنیایه تا خیرالنساء
دفنینه فوراً، تدارک قیلدی شاه ماسوا
چون وصیّت اِیلمیشدی ئولسه گیزلین دفن اولا
لیله ی ظلمتده تاپشیردی مزاره مرتضی
وار خبر خاک بقییعده شاه مظلومان علی
بیر نچه قبرین گیجیله طرحین اِیتمیشدی بنا
آز زمان ایچره بو فعلی بولمه آسان حیدره
قویدی جاندان مایه بو تشییعده شیر خدا
یِتدی اتمامه گیجیله تا بو فعل جانگداز
مرتضی گَلدی یانان درگاهینه چَکدی قرا
جمع ایدوب اِیوده بالالارین او سرور باشینه
بیر سینخ نی تک تمامی ایتدیلر آه و نوا
گاه حَسن سَسلوردی ای گوشواره سی قانه باتان
گاه حسین سَسلوردی ایتگین قبریوه جانیم فدا
سس ویروردی مرتضی پی دَر یانخلی سَسلَره
گورسنیردی مجلس ماتمده بیر آیری صفا
ناگهان یوز دوتدی مولا زینب نالانینه
بیر اشاریله آلوبدور مطلبی مام بلا...
نوحه خوان اولدی او بزم ماتمه زهرا قیزی
یاندی یاندیردی او جمعی قهرمان کربلا
سسلیوردی ای گیدن قبره اورکده درد غم
من دیدیم دردون منه سویله اورکده ساخلاما
آیری کیفیتده بیر ماتم بتوله دوتدلار
نه ایله ماتم اولار بیرده، نَده ماتمسرا
سَس سَسه ویرمیشدیلر زهرا بالالاری تمام
ناله و افغانیله تسخیر اولموشدی فضا
عرشه گوزانمشدی از بس که او دم ناله سَسی
قونشلار بولدی ئولوب زهرا، دوتوب حیدر عزا
عاقبت یثربده دوشدی بو خبر دیلدن دیله
مطلع اولدی خبردن ثانی اول اهل جفا
باخ غرور و کِبره ثانی ده اَیا صاحب زمان
جمع ایدوب تشکیل شورایه، نچه شوم و دغا
دوتدولار تصمیم آچسونلا بتولین قبرینی
تا نماز مِیتی بوبکر ئوزی اِیدسین اَدا
ثانی بی دینین آردیجا بوتون مردان پست
اولدولار راهی بقییع نین سمتینه واویلنا
ویردی بیر کیمسه او دم مولایه گیزلینده خبر
آشنای اهل دل اولماز اولا بی آشنا
تا ائشیتدی اِیستیور ثانی اِیده نَبش قبور
یتدی قبرستانه صیحه ویردی میر مقتدا
باغلامیشدی بیر ساری دسمال او دمده باشینه
ال آپاردی ذولفقاره ناگهان شیر خدا
سَسلدی هر کیم بتولین قبرینه قصد اِیلسه
ذوالفقاریله باشی تَندن گرک اولسون جدا
اولدوربسوز ظلمیله پیغمبرین ریحانه سین
قویمسوز قبرینده ده دخت نبی راحت یاتا
کیمده وار جرأت بو دم آچسون بتولین قبرینی
ایلیوم تا بو مکاندا عمرونی فورا فنا
چوخ خطالر ایتمیسوز عالمده ای مردان پست
ایتمیون بو پست فعلیله دوباره سیز خطا
یا گلون ترک ایلیون فورا بقییع توپراقینی
یا چیخون میدانه ختم اولسون بو غملی ماجرا
باخمیون ناموسیمی دوگدوز قاپیمدا دینمدیم
دعوت اِیتمیشدی نه چون که صبره ختم الانبیا
آچمیسوز اوندان علاوه کوچه ده اَل عورته
یاندروبسوز قلب طاهانی سیز ای اهل جفا
هر کیم آچمیشدی اَلین زهرایه، گر وار جراتی
عرصه میدانه گلسون ایندی بی چون و چرا
مرد مرد اولسا اَل آچماز کوچه ده بیر عورته
جنگینه یا مرد گَلسه، جنگیدن ایتمز اِبا
الغرض ثانی ده جرات اولمادی ویرسین جواب
فاطمه حقین اقلا مرتضی ایتسون اَدا
غیضیدن النوندا دوشمشدی گره شریانیلر
گوردیلر که اولماق اولماز حالینه بی اعتنا
قورخدان اشرار گِتمیشدی سکوت مُبهمه
اعتداره آچدی دل ثانی شوم و بی حیا
عرض ایدوبدور منده دستور آلمیشام بوبکریدن
عفو قیل بولدوم دگور جایز، بو فعلیم مطلقا
نوحه یاز صبح و مسا، آغلا بو ماتمده عتیق
قویما اولسون عمروی بیجا بو عالمده فنا
التماس_دعا🙏
🔲
🔲🔲
🔲🟩🔲
🔲🟩🟩🔲
🔲🟩🟩🟩🔲
🔲🔲🔲🔲🔲🔲
@davodTahmoresi
@davodTahmoresi
⬛️⬛️⬛️⬛️⬛️⬛️
⬛️⬛️⬛️⬛️⬛️
⬛️⬛️⬛️⬛️
⬛️⬛️⬛️
⬛️⬛️
⬛️
#حضرت_زهرا_س
جان اوسته باخدی فاطمیه شاه انس وجان
بیر ضجّه چَکدی شدتیله اِیلدی فغان
گریان گورنده فاطمه شاه ولایتی
موجه گلوبدی سینه ده بَحر محبتی
عرض اِیلدی عم اوغلی علی آغلاما بیله
توکمه عذاره سیل کیمی اشک حسرتی
حسرت گوزیله باخما منه گلمه شیونه
خسفه آپارما اشکیله اول ماه طلعتی
چوخدا بو دمده فاطمه نین قالما قیدینه
تقدیر اقتضا ایلیور هر مشقتی
قربان اولوم جلالتیوه ، لطف قیل منه
سال چیگنیوه دوباره قَبای خلافتی
باخسون دویونجا گوز دولوسی فاطمه سنه
ارزانی اِیله فاطمیه بو ضیافتی
مدتدی که بو وصلی من ایلردیم آرزو
جان اوسته باشیمه سالاسان ظِل رحمتی
حمد اِِیلرم خدایه نصیب اولدی وصل یار
تاپدوم غریبه وقتیده فیض زیارتی
اِیندی نَیم یوخومدی منیم روزگاریده
حاشا ویرم بیر عمره جهاندا بو ساعتی
ویرمَم بو وصله گر ایکی دنیانی ویرسلر
لطفون فراهم اِیتدی غریبه سعادتی
سن لطفویله باشیمی عرشه اوجاتموسان
قربان اولوم قدومیوه که جاندی قیمتی
گل نطقه بیر منیله دانش درد دل اِیداخ
قورخوم بودور که چیخسون اَلیمدن بو فرصتی
جانیم یِتوب دوداقیمه ای شاه مشرقین
چکدیم زبس که دهریده سنگین ریاضتی
زهرانی گوز یاشون کیمی گوزدن عم اوغلی سال
دلدن سالوبدی درد و غم بی نهایتی
دیوار تکیه ایلیورم یول گیدن زمان
گلمیر دالیمجا هر نه اِیدیرم پای همتی
چوخ قالموری یومام گوزومی دار محنته
لازمدی که اچام سنه بو غملی صحبتی
بیر نچه لحظه فاطمه مهمانیدور سنه
رخصت بویور بیان اِیلیوم بو عبارتی
عرض ایلیم گلوبدی نَلر باشیمه او گون
آزمدت ایچره تاپدی باشیم چوخ مصیبتی
درگاهیمی یاناندا علاوه سینوب قولوم
بیر یاره ده ، اورکدن آلوب طاب و طاقتی
مسماریله نه نسبتی بو داغلی سینه نین
مرهم گوتورمیندی بو کاری جراحتی
توکمه عذاره گوزیاشیوی مندن ال گوتور
ترک ایلیم گرکدی که من بزم وحدتی
بیر نائبه بو ایوده قویور فاطمه گیدور
ایلر سنه منیم عوضیمدن حمایتی
حامی اولار ولایتیوه هر زمان سنون
الله بولور نه قَدری اونون وار لیاقتی
تاپشیرمشام حسینی گوزی اوسته ساخلاسین
من تک اونوندا آز قالور اولسون قیامتی
کرب و بلاده زینب آدی شهرت ایلیر
دنیانی یکسره دوتاجاخ نام و شهرتی
روز الست اولوبدی حسینه شریک غم
باشه ویرر شراکتی چون وار صداقتی
کرب و بلاده قانلاری قویماز خَفی قالا
عالملره تانیتدیراجاخ قانلی نهضتی
من واقفم ، که واقف اسراریسن ئوزون
بیر عالمین الونده دی یکسر هویتی
سینم دولوب غمیله اودور نطقه گلمیشم
قبره اورکده گیتمیه تا درد و محنتی
عرضیم تمام درد دیلیدی عم اوغلی جان
بو غمکشین اورکده ده وار بیر وصیتی
ئولسم عنایت ایله منه غسل ویر ئوزون
قوی کوینکیم بو تنده قالا وار چون علتی
دوشسه گوزون بو یاریه که آغلیوبدی قان
قلبون یانار ، جهانه ویرار اُوت ، حرارتی
گیزلینجه دفن ایله منی، قبریم نهان اولا
آگاه اِیتمه دفنیمه مرحومه امتی
⬛️⬛️⬛️⬛️⬛️⬛️
اِِیتدی خانم وصیتینی یومدی گوزلرین
تبدیل ایدوبدی ماتمه زهرا او خلوتی
چکدی علی ولی خدا آه جان گداز
گلدی نوایه درد و اَلمدن او حضرتی
یوز دوتدی شه بالالارنا اِیلدی خطاب
ای وای منه که اولدی پیمبر امانتی
چوخ غملیدور وصیتی ، قبره گیدور نهان
آغلار قویوبدی حاکم عدل و عدالتی
قان آغلیون که باغرینی قان ایلیوب عدو
یکسر قویون کناره بو دم قِید خجلتی
یَثربده غمکشیده آناز چوخ غریبدور
داندی اصالتین، بو دیارین جماعتی
گویا که بیر نفر تانیمور کیمدی فاطمه
پیغمبریله گتدی مزاره جلالتی
معصومه دور محجبه دور فاطمه آناز
اللرده ئولدوربدوله ، بو کان عصمتی
مندن غمین نهان اِیلیوب چون نجیبه دور
مانع اولوب بو فعلینه تنها نجابتی
عیسی آناسی غبطه ایدوبدور جلالینه
مین مریمه مقامیده وار افضلیتی
حشره گلنده ناقه ده صدیقه طاهره
خلق جهانه فاش اولار اوندا فضیلتی
یاز غملی نوحه آغلا بو ماتمده ای #عتیق
روز جزا یِتَر سنه زهرا شفاعتی
هر کیمسه نین که حُب ولا سینه سینده وار
سالماز دله محبت هر بی بضاعتی
احساس اِیتمه واردی هامی کیمسه ده مرام
هر کیمسه نین خیال ایلمه وار فراستی
چوخلار یازوبدی نوحه ئوزون مطرح اِیلیه
یوخدور یانیمدا بیر بیله اشخاصین حرمتی
شاعر اودور که طبعی اولا شعر خلق ایده
مرقوم ایتمیه او یازیلمیش کتابتی
شعر #حسینی #صافی و #شانی نشان ویرور
هر بیر گولون وار آیری بیر عطر و طراوتی
التماس دعا🙏
⬛️
⬛️⬛️
⬛️⬛️⬛️
⬛️⬛️⬛️⬛️
⬛️⬛️⬛️⬛️⬛️
⬛️⬛️⬛️⬛️⬛️⬛️
@davodTahmoresi
⬛️⬛️⬛️⬛️⬛️⬛️
⬛️⬛️⬛️⬛️⬛️
⬛️⬛️⬛️⬛️
⬛️⬛️⬛️
⬛️⬛️
⬛️
بند ۵
چیخدی مزار فاطمه دن دلده آه و زار
کنز عفافی اِیلدی توپراقدا استتار
سَسلندی یات یورلموشودون بو زمانه دن
دینجلمدون جهاندا غم جاودانه دن
بیر رسمیدر که یانسا قوشون آشیانه سی
کوچ اِیلیر مسلّم همان آشیانه دن
قالسا باخار ستمله یانان آشیانینه
قلبی یانار باخاندا او غملی نشانه دن
سَنده او قوش کیمین که یانار آشیانه سی
گَلدون نوایه صبح و مسا بو زمانه دن
پِی دَر دئدیم که فاطمه رحم اِیله حیدره
گَل چَکمه اَل بو زندگی عاشقانه دن
قویما بالالارین اوجالا عرشه ناله سی
گلشنده بلکه دوشمیه گوللر جوانه دن
گوردون نه حاله قالدی او لحظه بالالارون
عرشه اوجالدی ناله لری صحن خانه دن
کَسمیشدیلر یولون بالالار آه و زاریله
هر نیندیم چَکیلمدیلر آستانه دن
اِیتمیشدیلر بهانه او دمده وداع سوزون
چَکمیردیلر که اَللرینی اول بهانه دن
کیفیت وصیتیوی ایلدیم بیان
آگاه اولوبلا بو عمل محرمانه دن
ادامه دارد⏬
⬛️
⬛️⬛️
⬛️⬛️⬛️
⬛️⬛️⬛️⬛️
⬛️⬛️⬛️⬛️⬛️
⬛️⬛️⬛️⬛️⬛️⬛️
⬛️⬛️⬛️⬛️⬛️⬛️
⬛️⬛️⬛️⬛️⬛️
⬛️⬛️⬛️⬛️
⬛️⬛️⬛️
⬛️⬛️
⬛️
بند ۳
تابوت دوش اهل ولایه ویروبدی زیب
زینب گوروب او حالی تاپوب رقت عجیب
عرض اِیتدی ای محبته دارا آنا آنا
سَنسیز گوروم خراب اولا دنیا انا آنا
ویرمز آتا آنا یرینی روزگاریده
یوخدور آنایه دهریده همتا آنا آنا
قیزلار دیر اورک سوزونی اوز آناسینا
من دردیمی دیوم کیمه آیا انا آنا
ای کاش ئولم بو درد و غم بی شماریدن
دنیا گوزومده اولمیا پیدا آنا آنا
سَنله بش اون گون عالمه من دل خوش اِیلدیم
سَنسیز جهان دَگور داخی زیبا آنا آنا
یاددان چیخا محالیدی مهر و محبتون
اولدی او گونلرون منه رویا آنا انا
جبراً اَلیمدن آلدی سنی قوم گینه جو
ظلملرینده اِیتدیله غوغا آنا آنا
دوشدوقجا گوزلریم در و دیواره آغلارام
تا وار بو داغلی قلبیده یارا آنا آنا
آچدی حسن او کوچه سوزون یاندوم آغلادوم
شور نشور اولوب سنه برپا آنا آنا
یاده سالوب ئولونجه غمون
اِیلرم نوا
یثربده همچو بلبل شیدا آنا آنا
ادامه دارد⏬
⬛️
⬛️⬛️
⬛️⬛️⬛️
⬛️⬛️⬛️⬛️
⬛️⬛️⬛️⬛️⬛️
⬛️⬛️⬛️⬛️⬛️⬛️
⬛️⬛️⬛️⬛️⬛️⬛️
⬛️⬛️⬛️⬛️⬛️
⬛️⬛️⬛️⬛️
⬛️⬛️⬛️
⬛️⬛️
⬛️
#حضرت_زهرا_س
بند ۱
اَلدن وئره جهاندا اگر یار یارینی
غمدن اوجالدار عرشه اورک آه و زارینی
گوزدن اَلر عذارینه گوز یاشینی مدام
تا سُوندوره اورکده او هجران شرارینی
گوزدن آخان او گوز یاشینون وار چوخ حکمتی
بولمَم نَدور که آخسا یووار غم غبارینی
دل غملَننده آخماسا گر گوز یاشی یوزه
اَلدن آلار او غمزده نین اختیارینی
ای دل غریبه رشته مطلب گَلوب اَله
مدتدی که چَکردون اونون انتظارینی
زهرا یوماندا گوزلرینی دار محنته
آچدی علی عذارینه گوز آبشارینی
آیری بیر حاله قالمیشیدی شاه مشرقین
آلمیشدی چون مصیبت عظما قرارینی
زهرایه سَس چَکوب اوجادان آغلادی بیر آز
تیترتدی آه و ناله سی یثرب دیارینی
ئولدی دیریلدی شدت غمدن ولی حق
گویا که درک اِیدوردی او دم احتضارینی
آسان سانما بو غم عظمانی حیدره
بیر عالمین چَکوبدی او غمدن فشارینی
ادامه دارد⏬
⬛️
⬛️⬛️
⬛️⬛️⬛️
⬛️⬛️⬛️⬛️
⬛️⬛️⬛️⬛️⬛️
⬛️⬛️⬛️⬛️⬛️⬛️
🌠🌅🌠🌅🌠
🌅🌠🌅🌠
🌠🌅🌠
🌅🌠
🌠
#حضرت_زهرا_س
#زبانحال_امیرالمومنین_علی_ع
خلق اِیلینده فاطمه رَبِّ السَّماءِ سَنی
خلق اِیلیوبدی درد و غمه آشنا سَنی
دنیا بویی مصیبتیمه سینه داغلادون
آخر قوجاتدی درد و غم و ابتلا سَنی
قربان اولوم اورکده غم بی شماریوه
دلدن سالوبدی محنت بی انتها سَنی
ایندی ئولوم اورکده اولوب آرزو سَنه
تنها بو فعل دهریده اِیلور رضا سَنی
بیرحالیده خدادن ئولوم اِیلوسن طلب
سَسلور هراینه شه ملک ولا سَنی
آخر سَنه ولایتیمون احتیاجی وار
گر چه یوروب زمانه ده جور و جفا سَنی
افسوس اولا که کشتی عمرون باتور گِله
جانون چیخور ولی غمیم اِیتمور رها سَنی
آلسان اگر منیم سَسیمی سَس یتورمنه
حیدر هرایه سَسلیور ای با وفا سَنی
سَندن صُورا بو شهریده یوخ بیر کَسیم منیم
حامی بولور هرآن اوزونه مرتضا سَنی
الله بولور بو لحظه نه مشکلده قالموشام
تاپدی یامان گونومده غریبه بلا سَنی
سالدی گره گشایه عجیبه گره فلک
جبرا خیالی وار اِیده مَندن جدا سَنی
آغلار قالان بو گوزلریمه یوما گوزلرین
گر چه داریخدیروبدی بو غملی فضا سَنی
اِیله اراده دور یئری رَحم اِیله حیدره
بسترده قویما سالسین ایاقدان یارا سَنی
روحیه ویر بو نوعیله آغلار بالالارا
شوقیله بیر بالالارین اِیتسون صدا سَنی
باخ گور حسینیوین نجه رنگ رخی سولوب
آغلار گوزیله سَجده ده اِیلور دعا سَنی
اُولسن خدا نکرده، نجٓه زینبون دوزر
گوگلی سووور باخوب گوره صبح و مَسٓاءِ سَنی
اولسن ویرر صفاسین اَلیندن بو وحی اِیوی
الله ویروبدی خانه وٓحیه صفا سَنی
آخر سنون نَیون ایکی دنیاده یوخ «عتیق»
تاپشورسا گر حسینینه خیرالنساءِ سَنی
التماس دعا🙏
🌠
🌅🌠
🌠🌅🌠
🌅🌠🌅🌠
🌠🌅🌠🌅🌠
https://www.instagram.com/p/Bxk-jHPAJWw/?igshid=y6swlnh18o27
Читать полностью…
🟩⬛️🟩⬛️🟩⬛️
⬛️🟩⬛️🟩⬛️
🟩⬛️🟩⬛️
⬛️🟩⬛️
🟩⬛️
⬛️
بند ۵
بلا چولونده او گون، ظلم، بی نهایتیدی
جناب زینب کبرایه چون قیامتیدی
خانم علاوه که غمدن گَلیردی فریاده
هرایه کیم چاغیروردی یِتیردی امداده
تاپوبدی هر قدمینده بلالی باشی بلا
اورکده صبرینی هیچ یرده ویرمیوب باده
ولی تاپاندا حسینی دوباره مقتلده
نَلَر گوروبدی که یوز ویردی غم او ناشاده
جالاندی کاسه صبری چاغیردی آی قارداش
نه خواب نازه گِیدوبسَن بو قانلی صحراده
سَسیمی آلسان اگر سَس یِتور منیم سَسیمه
هراینه چاغیرور زینبون، یِتیش داده
بویور گوروم سنه قربان نه گلدی اَللریوه
اولوب قیامت عیان گوئیا بو قتلاده
دونن بدنده سَنون اَللرون سلامتیدی
جدا اولوب بدنوندن بو غملی ماواده
یقین بند زَره ساربان جسارت اِیدوب
نه قَدر واردی قساوت گروه اعداده
کسوبدی بارماقوی مین جفایله بَجدل
گلوب نوایه بو غمدن یقین زهراده
نجّه بو ظلملر عباسه ایلمز تاثیر
صد حیف اولا دوشوب اَلسیز بو چولده سقاده
وگرنه بجدلی اِیلردی قانینه غلطان
گُل فرح آچیلاردی لب احباده
مثال بلبل مهجور گلم افغانه
بو غملی صحنه هاچان دهریده دوشه یاده
اولونجه آغلیام عالمده دویمارام سنه من
غریبه گونلره قالدی باجون بو دنیاده
#عتیق غیریدن امداد ایستَمز یارالی
ائمه نی چاغرار هر زماندا امداده
التماس دعا🙏
⬛️
🟩⬛️
⬛️🟩⬛️
🟩⬛️🟩⬛️
⬛️🟩⬛️🟩⬛️
🟩⬛️🟩⬛️🟩⬛️
/channel/davodTahmoresi
🟩⬛️🟩⬛️🟩⬛️
⬛️🟩⬛️🟩⬛️
🟩⬛️🟩⬛️
⬛️🟩⬛️
🟩⬛️
⬛️
بند ۳
اوجاتدی فاطمه ناگه سمایه افغانین
امامینین یِتیشوب دوتدی فوری دامانین
اشاره اِیلدی اول دمده قنفذا ثانی
آییر گیلَن سن علیدن وفالی زهرانی
آلوب او دمده اَله تازیانه سین قنفذ
گَتیردی تنگه جفاسیله جان جانانی
دَگَنده قولارینا تازیانه قنفذ
آخیردی دامن مولایه ظلمیله قانی
ولیک ویرمدی اَلدن او دامنی زهرا
آغاج گوتوردی اولوب حمله ور همان جانی
یِتیشدی ووردی شکست اِیتدی فاطمه قولونی
گَتیردی غیضّه دوباره او شیر یزدانی
غضبلنوردی او دم قنفذا ولی الله
غضبلی حالیله تا گوردی شیر یزدانی
نه فکره دوشدی که اول صحنه دن اوزاخلاشدی
گیدوبدی هوشه ولیکن او عصمتین کانی
گَلنده هوشه دیدی فیضّه بس عم اوغلوم هانی
جواب گَلدی که دشمن آپاردی مولانی
دوروب او حالیده اَل باشدا مسجده قاچدی
خراب اولیدی او دمده گوروم بو دنیانی
یِتیشدی مسجده سَسلندی شاهد اول یارب
چَکوبله بیعته جبریله شاه لولانی
دونوب مخاطب اِیدوب حاضرینی مسجده
دیدی بو ظلمون اولار خلق عالم حیرانی
علی رضایتی حقّا خدا رضایتدی
اذیت اِیلمیون سیزده شاه خوبانی
گوتورمَسز اگر اَل سیز علی اعلادن
اوجالدارام گویه بو داغلی دلدن افغانی
علی نه گوردی که زهرا او وضع و حالیله
سیزلداسا گَتیرر قهره حی منانی ...
ادامه دارد🔽🔽
⬛️
🟩⬛️
⬛️🟩⬛️
🟩⬛️🟩⬛️
⬛️🟩⬛️🟩⬛️
🟩⬛️🟩⬛️🟩⬛️
/channel/davodTahmoresi
🟩⬛️🟩⬛️🟩⬛️
⬛️🟩⬛️🟩⬛️
🟩⬛️🟩⬛️
⬛️🟩⬛️
🟩⬛️
⬛️
#حضرت_زهرا_س
بند ۱
یوماندا گوزلرینی عالمه رسول الله
شهادتیندن علی خلقی اِیلدی آگاه
دئسم که شور نشور اولدی شهر یثربده
عبث دگور گویه قوزاندی ناله جانکاه
خدا بولور که او لحظه نه ازدحامیدی
چَکوردی شدت غمدن هامی اورکدن آه
ولی بیر عده نادان تفرقه سالدی
اولوب بیر عده ده اول قوم پستیله همراه
گئدوب سقیفه ده بالفور قوردلا شورا
علینون حقینی دانسولا فاعلین گناه
خلاصه بیعتی سیندردی اهل جور و جفا
اِیدوبله بیعت ابوبکره فرقه خود خواه
قرار اولوندی که شهر اهلی بیعته گَلسون
علی الخصوص علی اول شه ملک درگاه
چَکیلدی شهریده جار اولدی خلقه مطلب عیان
علی اِیشیتدی دیدی لا اله الا الله
غرض بیر عده گئدوب بیعته اولوب حاضر
قدم گوتورمدی بو فعله چون ولی الله
توکولدولرقاپیا اِیلیوبله دَق الباب
گلوب قاپی دالینا فاطمه او علیا جاه
دیدی نه اِیستیسوز جانشین خاتمدن
جواب ویردیله زهرا علینی اِیت آگاه
گَرکدی ایلیه بیعت علی ابوبکره
اوجا سَسیله خانم سَسلنوب معاذ الله
مگر حجاز یولوندا سیز اِیتمدوز بیعت
ولی بر حَق حقّیله فرقه گمراه
پیمبر امر ایلیوب باب علمیدور حیدر
سوزی خلایقه حجتدی وار بو امره گواه
ادامه دارد🔽🔽
⬛️
🟩⬛️
⬛️🟩⬛️
🟩⬛️🟩⬛️
⬛️🟩⬛️🟩⬛️
🟩⬛️🟩⬛️🟩⬛️
/channel/davodTahmoresi
🟩⬛️🟩⬛️🟩⬛️
⬛️🟩⬛️🟩⬛️
🟩⬛️🟩⬛️
⬛️🟩⬛️
🟩⬛️
⬛️
#زبانحال_امیرالمومنین_علی_ع
#دفن
باخدی مزار فاطمیه مرتضی علی
گوردی مزاریده گورونور آشنا اَلی
توکدی عذاره گوز یاشینی شاه ماسوا
بی اختیار سَسلدی یا ختم الانبیا
آغلار گوزیله روحیوه ریحان گتورمشم
صد حیف اولا که قانینه غلطان گتورمشم
آهسته آل که سینه‌ده کاری یاراسی وار
آشفته‌حال و زلفی پریشان گتورمشم
مسماریله نه نسبتی وار داغلی سینه‌نین
گویا مزاره کُشتهء میدان گتورمشم
مدتدی که بو یاره مدام آغلیوردی قان
درمانینه تاپانمادیم امکان گتورمشم
غسلون ویرنده یاره‌سینی اوپدوم آغلادیم
غسلوندادا کسیلمدی بو قان گتورمشم
نچّه کفن عوضله‌میشم ویرمیوب ثمر
قانیله اولدی تک‌تکی الوان گتورمشم
بیر عالمین چَکوبدی غمین روزگاریده
رنجور و غمکشیدهء دوران گتورمشم
ئولسم دیردی دفن ایله گیزلین عم‌اوغلی جان
بو خاطره مزارینه پنهان گتورمشم
گوندوز گرک گئدیدی مزاره جلالیله
ظلمت گیجیله قبرینه جانان گتورمشم
الله بولور نه نوعی آیردیم بالالارون
تنها بالاسی زینبی گریان گتورمشم
بیجا یره عذاریمه آخمور گوزوم یاشی
گوز یاشیمه الیمده من عنوان گتورمشم
ثانی آچوبدی کوچه‌ده ال کان عصمته
باغری اولوب بو ظلمدن آلقان گتورمشم
چوخ یاندروبدی قلبیمی بو ظلم جانشکار
دلده هله ملال فراوان گتورمشم
سندن صورا جهاندا یوزی گولمدی بیر آن
دنیا اولوب بو غمکشه زندان گتورمشم
هر نئیندی فراقیوه امکان تاپانمادی
سَندن بو دَرده آلماقا درمان گتورمشم
یاز غملی نوحه آغلا بو ماتمده ای #عتیق
سویله بو بزمه دفتر و دیوان گتورمشم
التماس دعا🙏.
⬛️
🟩⬛️
⬛️🟩⬛️
🟩⬛️🟩⬛️
⬛️🟩⬛️🟩⬛️
🟩⬛️🟩⬛️🟩⬛️
@davodTahmoresi
