🌺የውኃውና የመንፈሱ ወንጌል 🇪🇹

15 Dec 2024 18:39

Share printable version with me pls

🌺የውኃውና የመንፈሱ ወንጌል 🇪🇹

12 Dec 2024 15:10

The New Life Mission

https://www.bjnewlife.org/en/

🌺የውኃውና የመንፈሱ ወንጌል 🇪🇹

08 Dec 2024 17:28

ሀጢያት ይተላለፋል?ሀጢያታችን አይደለም ሚተላለፈው፡፡በእኛ ምትክ በጉ መስዋእት ይሆናል ነዉ፡፡
"የክርስቶስ ደም ከሀጢያት ሁሉ ያነጻል" እንጂ የኛ ሀጢያት ወደ ክርስቶስ ይተላለፋል አይደለም፡፡

🌺የውኃውና የመንፈሱ ወንጌል 🇪🇹

18 Nov 2024 01:47

መከርና መንፈሳዊ ትርጓሜው። (1)
፨፨፨፨፨፨፨፨፨፨፨፨፨፨፨፨፨፨፨፨

መጽሐፍ ቅዱስን የሚያነብ ሰው የእግዚአብሔር የደህንነት ዕቅድ በተለያዩ መንገዶች -- በጥላዎች፣ በምሳሌዎች፣ በመሥዋዕት ሕጎችና በዘርና በመከር ተምሳሌቶች መገለጣቸውን ያገኛል። እግዚአብሔር የሰውን ዘር በሙሉ ከውድቀት ለማዳን የደህንነትን አሰራሮች በተለያየ መንገድ በማሳየት ምሉዕ ስዕልን አስቀምጦዋል።

ከእነዚህ ተምሳሌቶች አንዱ "መከር" ነው። እግዚአብሔር በተፈጥሮ ውስጥ ያስቀመጠው ይህ ሥርዓት ጥልቅ የሆነ የደህንነት ምስጢርን ይዞዋል። ኢየሱስ ይህንን አስመልክቶ እንዲህ ይላል፦ “#ፍሬ ግን #ሲበስል #መከር #ደርሶአልና ወዲያው ማጭድ ይልካል።” (ማርቆስ 4፥29 "መከር" ከፍሬ "መብሰል" በኋላ የሚመጣ ነው። የበሰለ ፍሬ ሳይኖር መከር አይኖርም።

ፍሬ ሊኖር የሚችለው ዘር ሲኖር ነው። ዘር ካለ ዘሪ ሊኖር ይገባል። እግዚአብሔር ከጥፋት ውሃ በኋላ ባደረገው ኪዳን ይህንን አስመልክቶ እንዲህ ብሎዋል፦ “#በምድር #ዘመን ሁሉ #መዝራትና #ማጨድ፥ ብርድና ሙቀት፥ በጋና ክረምት፥ ቀንና ሌሊት አያቋርጡም።" (ዘፍጥረት 8፥22) "መዝራትና ማጨድ" የማያቋርጥ ሒደት ነው። መዝራትና ማጨድ ሁለቱም ጠለቅ ያለ መንፈሳዊ ትርጉም አላቸው።

“#ዘሪውንና #በመከር #ጊዜ #ማጭድ #የሚይዘውን ከባቢሎን አጥፉ፤ ከሚያስጨንቅ ሰይፍ ፊት እያንዳንዱ ወደ ወገኑ ይመለሳል እያንዳንዱም ወደ አገሩ ይሸሻል።” (ኤርምያስ 50፥16) እዚህ ላይ ሁለት አካሎች ተጠቅሰዋል። እነርሱም "ዘሪና በመከር ጊዜ ማጭድ" የሚይዘው ናቸው። ይህም ዘሪ ከሌለ ማጭድ የሚይዝ (መከር) እንደሌለ ያሳያል።

ኢየሱስም ይህንኑ እውነታ ያረጋግጣል። “በምሳሌም ብዙ ነገራቸው እንዲህም አላቸው፦ እነሆ፥ #ዘሪ #ሊዘራ ወጣ።”
(ማቴዎስ 13፥3) “ሌላ ምሳሌ አቀረበላቸው እንዲህም አለ፦ #መንግሥተ #ሰማያት በእርሻው #መልካም #ዘርን #የዘራን ሰው ትመስላለች።” (ማቴዎስ 13፥24)

“ተዉአቸው፤ እስከ #መከር #ጊዜ #አብረው #ይደጉ፤ #በመከር ጊዜም #አጫጆችን፦ እንክርዳዱን አስቀድማችሁ ልቀሙ በእሳትም ለማቃጠል በየነዶው እሰሩ፥ ስንዴውን ግን በጎተራዬ ክተቱ እላለሁ አለ።” (ማቴዎስ 13፥30) ኢየሱስ በተናገረው በዚህ ምሳሌ ውስጥ "ዘሪው" አንድ "ሰው" ሲሆን "በመከር ጊዜ" የሚያጭዱት "አጫጆች" ግን ከአንድ በላይ ናቸው። ከዚህ በመነሳት "በዘሪውና" "በመከር ጊዜ" በሚያጭዱት አጫጆች መካከል ልዩነት እንዳለ ማየት ይቻላል።

እንቀጥላለን

🌺የውኃውና የመንፈሱ ወንጌል 🇪🇹

02 Nov 2024 07:39

የሰው ልብ ከመጀመሪያው መግደልን ይዞ ስላለ ነፍስን መግደል የሚችሉ ቴክኖሎጂዎችን እያመረተ ቀጥሏል።
ከውርጃ መድኃኒት ጀምሮ እስከ ከአንድ ሀገር ወደ ሌላ ሀገር ሄዶ የሚገድሉ መሣሪያዎችን እስቲ አስቡ!

አይደለም ሰው ጽንስን ማጨናገፍና በተለያዩ ስለቶች ሰውን መግደል፣ በመጽሐፍ ቅዱስ በወንድሙ ላይ የተቆጣ ሁሉ ነፍስን ገድሏል።(ማቴ5፥21-22)

ታዲያ ማን ቀረ? ማንም። ሁሉም ሰው ነፍስን ገድሏል።
ሰው ይህንን እኔ ብዙ ነፍስን የገደልኩ ነፍሰገዳይ ነኝ ብሎ ራሱን ማመን መቻል አለበት።
አለበለዚያ በእግዚአብሔር ፊት ግብዝ ሐሰተኛ ሰው ይሆናል።
እነዚህ ሰዎች በእግዚአብሔር ፊት ሲቀርቡ፣ እግዚአብሔር ሁሉንም ኃጢአታቸውን በሚያሳምናቸው መልክ ያሳያቸውና ለኃጢአታቸውም ቅጣት ይሆን ዘንድ ወደ ገሃነም ይጥሏቸዋል።

በመጽሐፍ ቅዱስ በወንድሙ ላይ የሚቆጣ፣ የሚሳደብና የሚጠላ ሁሉ ነፍሰገዳይ ነው።(ማቴ5፥21-22፣ 1ዮሐ3፥15)
ታዲያ በወንድሙ ላይ በትንሹም በትልቁ የማይቆጣ፣ የማይሳደብና የማይጠላው ማነው?
በወንድሙ ላይ፣ በወላጁ ላይ፣ በልጁ ላይ፣ በሚስቱ ላይ በትንሽ ትልቁ እየተቆጣ እጁን ሰንዝሮ እንደ እግዚአብሔር ጥበቃ ከሞት የተረፉ ስንቱ እንደሆኑ ቤታቸው ይቁጠረው።

አንድ ሰው ዘማሪ፣ ሰባኪ፣ ቄስ፣ ሀገር መሪ..... ወዘተ ስለሆነ ዝሙት አይፈጽምም፣ ነፍስን አይገድልም ብሎ ማሰብ መንፈሳዊ ሞኝነት ነው።

ሰው ሥጋ እስከለበሰ ድረስ ኃጢአትን ከማድረግ ማምለጥ አይችልም። ይህ የሰው ልጅ ተጨባጩ ማንነት ነው።
ሰው ከእግዚአብሔር ፍርድ ማምለጥ የምችለው ኃጢአትን ላለማድረግ በሚያደርገው ጥረቱ ሳይሆን እግዚአብሔር ለሰው ዘር ባዘጋጀው በኃጢአት ስርየት ሕግ ላይ ባለው እምነቱ ብቻ ነው።

- የሰረቀም ይሁን ያመነዘረ፣
- በእግዚአብሔር ስም ያታለለም ይሁን ያጭበረበረ፣
- ነፍስን በውርጃም ይሁን በተለያዩ ነገሮች በተጨባጭ የገደለም ይሁን የዋሽ፣....... ወ.ዘ.ተ ሁሉ ከጻድቁ ከእግዚአብሔር ፍርድ ማምለጥ የሚችለው የውኃውንና የመንፈሱን ወንጌል ሲያምን ብቻ ነው።(ዮሐ3፥5)

በመጽሐፍ ቅዱስ ኃጢአት ሁሉ እኩል ነው። ነፍስን መግደል ከሌላው ኃጢአት አይበልጥም። ዝሙትን መፈጸም ከሌላው ኃጢአት አይበልጥም።
በማርቆስ ወንጌል 7፥20-23 ላይ ከዝሙት እስከ ስንፍና ድረስ ድረስ የተዘረዘሩ ኃጢአቶች እኩል ፍርድ ያላቸው ሁሉም ከባድ ኃጢአቶች ናቸው።

ሰው አታድርግ! የተባለውን ለማድረግ ይቸኩላል። አሁን እንኳን ማንበብ ክልክል ነው የሚለውን አይታችሁ ያነበባችሁ አላችሁ። በርግጥ መልካም አንብባችኋል። እንዲታነቡም ነው የተባለው። ምክንያቱም አታድርግ የተባለው ነገር እንድናደርግ ያነሳሳናልና። ይህ ተፈጥሯችን ነው።

እግዚአብሔር ሕግን የሰጠን በሕጉ ኃጢአትን እንድናውቅበት ነው(ሮሜ3፥20፣ 7፥7) እንጂ እንደምንጠብቅ ተማምኖን ሲናፈረስ ሲናፈርስ ሊቀጣን አይደለም።
የእግዚአብሔር ዓላማ እኛ ሰዎች በኃጢአት የወደቅን መሆናችንን በሕጉ አሳውቆን በልጁ ሊዋጀን ነው።

ማንኛውም የኃጢአት ዓይነት በአጭር ቃል ክፉ፣ ርኩስ፣ እርጉም በእኩል ደረጃ ወደ ገሃነም እሳት የሚያስጥል ነው።
ከሰው ልብ ይወጣሉ የተባሉ ማናቸውም ኃጢአቶች ወደ ገሃነም ፍርድ የሚያቀርቡ ኃጢአቶች ናቸው።

በእርግጥ በኃጢአታችሁ የሚታለቅሱ፣ የሚትጸጸቱ፣ ፍርድ እንደሚገባችሁ አምናችሁ በብዙ ፍርሃት ያላችሁ ለናንተ ከእግዚአብሔር የሆነ ታላቅ የምስራች አለ። ይህም በዮሐንስ ወንጌል 3፥16 ላይ ተጽፏል፤ እግዚአብሔርን ከልባችሁ አመስግኑ!!!

ዮሐ3፥16 ማለት የውኃውና የመንፈሱ ወንጌል ማለት ነው። በእርግጥ የውኃውና የመንፈሱ ወንጌል ለእናንተ አዲስ ምስጢር ነው። ዛሬ የተፈጠረ አዲስ ሳይሆን ቀደም ብሎ ያለ ግን የሳታችሁት ነው።

ዮሐንስ 3፥5 ሰው “ከውኃና በመንፈስ ካልተወለደ በቀር” ተብሎ የተጻፈ ቃል ዛሬ የተጻፈ ቃል አይደለም። ዮሐንስ ወንጌል የወንጌል መጽሐፍ ስለሆነ ዮሐንስ 3፥5ን የውኃና የመንፈስ ወንጌል እንላለን።

እውነት እውነት እንላችኋለን፦ የውኃውንና የመንፈሱን ወንጌል እስካላወቃችሁና እስካላመናችሁም ድረስ በየትኛውም ኃይማኖት ቤት ከኃጢአታችሁ የሚትድኑበት፣ የልብን እረፍትና ከኃጢአተኝነት ስሜት የሚትወጡበት መንገድ የለም።

የውኃውንና የመንፈሱን የሚያብራሩ ተከታታይ የመጽሐፍ ቅዱስ ትምህርትን የሚትፈልጉ visit፦
Telegram: t.me/tobebornagain
_
Website: www.bjnewlife.org
-
Phone: 0926467275/0910367615

🌺የውኃውና የመንፈሱ ወንጌል 🇪🇹

27 Oct 2024 14:52

ስለዚህ ግዑዝ መስቀል ያድናል የሚለው ኦርቶዶክስ በእጅጉ ተሳስቷል። የመስቀሉ ቃል ብለው የኢየሱስን ሞት ያመለክታል የሚለው ጴንጤም የእግዚአብሔርን ቃል በፊደል ተረድቷል።

የመስቀሉ ቃል የኢየሱስን ሞት ብቻ የሚያመለክት አይደለም። ስለዚህ ጴንጤዎች እናንተም ከመሳሳት አላመለጣችሁም፣ በፊደል ተረድታችኋል።

አንተም አርቶዶክስ ሆይ፦ ሐዋርያው ጳውሎስ በፍጹም በጭራሽ ግዑዝ የሆነ መስቀል ያድናል ብሎ አምኖ አያውቅም። ይህ የምትጠቅሰው ቃል በፍጹም የአንተን መላምታዊ ግምትና ስህተት አሳብህን የሚያወራ አይደለም።

በመጽሐፍ ቅዱስ «የመስቀሉ ቃል» ሙሉና ፍጹም የሆነው የክርስቶስ ኢየሱስ የማዳን ሥራው ነው።
“በበጎ ፈቃዱ እንደ ወደደ፥ በኢየሱስ ክርስቶስ ሥራ ለእርሱ ልጆች ልንሆን አስቀድሞ ወሰነን።”(ኤፌ1፥5)

በኢየሱስ ክርስቶስ ሥራ ያገኘነው ምንድነው? የኃጢአትን ስርየት ነው።(ኤፌ1፥7፣ ሐዋ10፥43)
ስለዚህ የመስቀሉ ቃል ❝የኃጢአት ስርየት❞ ቃል ነው።

ታዲያ ኢየሱስ ክርስቶስ #የኃጢአትን_ስርየት_ሥራን በምን ፈጸመ? #በደም_ብቻ_ነውን? #አይደለም_በውኃና_በደም_ነው።
“በውኃና በደም የመጣ ይህ ነው እርሱም ኢየሱስ ክርስቶስ፤ በውኃውና በደሙ እንጂ በውኃው(በደሙ) ብቻ አይደለም።”(1ዮሐ5፥6)

እዚህ ላይ ❝ውኃው❞ የሚያመለክተው የዮርዳኖስ ወንዝ የኢየሱስ ጥምቀቱ(1ጴጥ3፥21) ሲሆን ❝ደሙ❞ ደግሞ የመስቀል ሞቱ ነው።(ሮሜ5፥6-9)

ኢየሱስ የተጠመቀው ለምንድነው? ለትህትናና ለምሳሌ ነውን? አይደለም። ኢየሱስ ለምሳሌ/ለትህትና ተጠምቋል ተብሎ የተጻፈ ነገር የለም። ኢየሱስ የተጠመቀው «ጽድቅን ሁሉ ለመፈጸም» ነው።(ማቴ3፥15)

ይህ “ጽድቅ ሁሉ” ሰዎች የምጸድቁበት ❝የእግዚአብሔር ጽድቅ❞ ካልሆነ ሌላ ምንም ልሆን አይችልም።(ሮሜ3፥22)

በኢየሱስ ጥምቀት ውስጥ የተፈጸመው «ጽድቅ ሁሉ» ኢየሱስ በሥጋው ኃጢአትን መሸከሙ፣ ኢየሱስ ለኃጢአት መሞቱና ከሞትም መነሳቱ ነው።(ማቴ3፥15)

መጥምቁ ዮሐንስ የኢየሱስን ራስ በጫነ ጊዜ ይህ የዓለምን ኃጢአት ወደ ኢየሱስ ማስተላለፉ ነው።(1ዮሐ1፥29)
ውኃ ውስጥ በነከረና ሙሉ በሙሉ ባስገባ ጊዜ የመስቀል ሞቱና ቀብሩ ተገለጠ። ከዚያም ኢየሱስ ከውኃው መውጣቱ ትንሳኤውን ይገልጣል።(ሮሜ6፥3-6)

በኢየሱስ ጥምቀት ውስጥ የተካሄደው ትልቁ ነገር የእጆች መጫን ነው። ኢየሱስ ወደ ዓለም የመጣው ለኃጢአት የሚታረድ በግ ሆኖ ነው።(ዮሐ1፥29፡36)

በጠቅላላው ኢየሱስ የሞተው የብሉይ ኪዳን መጽሐፍ እንደሚል ነው።(1ቆሮ15፥3)
ስለዚህ በብሉይ ኪዳን ለኃጢአት የሚታረድ እንስሳ ኃጢአትን የሚሸከመው በምንድነው? በእጆች መጫን ነው።(ዘሌ16፥21)

ታዲያ ይህ በአዲስ ኪዳን ፍጻሜውን የቱጋር አገኘ? ይህን ኦርቶዶክስ ይሁን ጴንጤም ማናቸውም የውኃውንና የመንፈሱን ወንጌል ከሚያምን ሰው በቀር የሚያውቅ ማንም የለም። ሁላቸውም ተሳስተዋል።

የብሉይ ኪዳኑ በእንስሳቶች ራስ ላይ የእጆች መጫን ጥላ አካሉን(ፍጻሜውን) ያገኘው በኢየሱስ ጥምቀት ነው።
የኢየሱስ ጥምቀት የብሉይ ኪዳኑ የእጆች መጫን ጥላ እውነተኛው አካሉ ነው።(ዕብ6፥2፣ 10፥1)

ከዚህ የተነሳ ❝የመስቀሉ ቃል❞ ማለት ኢየሱስ በውኃና በደም እንደመምጣቱ «የውኃውና የደሙ» ወይም «የጥምቀቱና የሞቱ» ቃል ማለት ነው።

ይህ የኢየሱስ የጥምቀቱና የሞቱ ቃል ለሰው ዘር የኃጢአትን ስርየት በረከት የሰጠ የሕይወት ቃል ነው።(1ዮሐ1፥1፣ ሮሜ4፥7-8፣ ሐዋ10፥43)

ሰው ከኃጢአቱ ከመሞት የሚያመልጠው ይህን ❝የኃጢአትን ስርየት ቃል❞ ሲያምን ብቻ ነው።
መጽሐፍ ቅዱስ “ሰው ከውኃና ከመንፈስ ካልተወለደ በቀር ወደ እግዚአብሔር መንግሥት ሊገባ አይችልም።”(ዮሐ3፥5) የሚለው ለዚህ ነው።

#ውኃ #ጥምቀቱ ሲሆን #መንፈስ የእርሱ #አምላክነቱ ነው።(2ቆሮ3፥17፣ ዮሐ4፥24)
ኢየሱስ አምላክ ነው እንጂ ኢየሱስ ሰው አይደለም። ነገር ሰው ሆኖ ሰውን ከእግዚአብሔር የለየውን ኃጢአት በጥምቀቱና በሞቱ አስወገደ።(1ጢሞ2፥5-6፣ ፊል2፥6-8፣ ቆላ2፥14፣ ኤፌ2፥14-16)

ሰው ይህን ታላቅ የምስራች(ወንጌል) በልቡ በማመን የኃጢአትን ስርየት ያገኛል፤ይጸድቃል።(ሮሜ10፥10)
ስለዚህ በጠቅላላው ❝የመስቀሉ ቃል❞ ማለት «የውኃውና የመንፈሱ ወንጌል ቃል» ወይም #የውኃውና_የመንፈሱ_ወንጌል ማለት ነው።

የኢየሱስን ጥምቀት ሳታምኑ መስቀሉን ብቻ በማመን ፈጽሞ አትድኑም። ጥምቀቱንና መስቀሉን በእኩል ደረጃ በልባችሁ ሲታምኑ ብቻ ትድናላችሁ።
አለዚያ መጽሐፍ ቅዱሳዊና ሙሉ ባልሆነ ውኃውን አጉድላችሁ በግማሽ በደሙ ወንጌል ብቻ በራሳችሁ ፈቃድ በማመን አትድኑም፤ ይልቁን በፍርድ ቀን አመጸኞች ተብላችሁ ወደ ገሃነም ትጣላላችሁ።(ማቴ7፥21-23)

ይሄው ዛሬ ስሙ! የመስቀሉ ቃል የውኃውና የመንፈሱ ወንጌል ነው እንጂ የኢየሱስ ሞቱ ወንጌል ብቻ አይደለም። ኢየሱስ የሞተው ኃጢአትን በሥጋው ስለተሸከመ ነው እንጂ ባዶውን መስቀል ላይ ወጥቶ አልሞተም።(1ጴጥ2፥24)
ኢየሱስ በእንጨት ላይ ኃጢአታችንን በሥጋው በመሸከሙ ነው የሞተው እንጂ ኃጢአትን በሥጋው ሳይዝ በእንጨት ላይ በከንቱ አልሞተም።

ኢየሱስ ኃጢአትን መጽሐፍ እንደሚል እንዴት እንደተሸከመ? ሳታውቁና ሳታምኑ ሞቱን ብቻ የደህንነታችሁ ጉዳይ አድርጋችሁ በማመናችሁና በመመስከራችሁ እግዚአብሔርን ሐሰተኛ አድርጋችኋል።

የኢየሱስን ውኃ ደምና መንፈስን ሦስቱን በግልጽ የማይመሰክር እግዚአብሔርን ሐሰተኛ አድርጎታል።(1ዮሐ5፥6-10)

ስለዚህ የውኃውና የመንፈሱ ወንጌል ለሚጠፉት ሞኝነት ለእኛ ለምንድን የእግዚአብሔር ኃይል ነው።
#የውኃውና_የመንፈሱ_ወንጌል_የእግዚአብሔር_ኃይል_ነው።

ለሚጠፉ ሰዎች የኃጢአት ስርየት ቃል የሞኝነት ቃል ነው። ለሚጠፉ ሰዎች የኢየሱስ ጥምቀት ሞቱና ትንሳኤው የሞኝነት ቃል ነው።

እኛ በውኃውና በመንፈሱ ወንጌል ላይ ጊዜኣችንን የሚናጠፋው በከንቱ እያጠፋን አይደለንም፤ እጅግ የተባረከ የጮማ ጊዜ እያሳለፍን ነው።
“ሰው ዓለሙን ሁሉ ቢያተርፍ ነፍሱንም ቢያጐድል ምን ይጠቅመዋል? ወይስ ሰው ስለ ነፍሱ ቤዛ ምን ይሰጣል?”(ማቴ16፥26)

የውኃውንና የመንፈሱን ወንጌል የሚያብራሩ ተከታታይ መጽሐፎችን ማግኘት የሚትፈልጉ፦
Website: www.bjnewlife.org
-
Telegram: t.me/tobebornagain
-
Phone: 0926467275/0910367615

🌺የውኃውና የመንፈሱ ወንጌል 🇪🇹

25 Oct 2024 16:16

እዚህ ቻናል ውስጥ የሚገኙትን የተለያዩ የመጽሐፍ ቅዱስ ማብራሪያዎች በማንበብ ነፍሶን ይመግቡ🙏🙏🙏

🌺የውኃውና የመንፈሱ ወንጌል 🇪🇹

08 Oct 2024 10:12

@Chrstianbooksbot

የተለያዩ ጥያቄ ያላችሁ በዚህ bot አማካኝነት አድርሱን
@Chrstianbooksbot

🌺የውኃውና የመንፈሱ ወንጌል 🇪🇹

20 Sep 2024 02:23

ብዙ ሰዎች ውሃ ውስጥ ስለ ተጠመቁ ዳግም የተወለዱ ይመስላቸዋል። ሌሎች ደግሞ በመስቀል ላይ ክርስቶስ ባፈሰሰው ደም ብቻ ሲላመኑ ዳግም የተወለዱ ይመስላቸዋል። ከውሃና ከመንፈስ መወለድ የሚለው ቃል ትርጉም የማያሰጣቸውም አሉ። አንዳንዱ ውሃው ቃሉን ያመለክታል። ሌላው ደግሞ ጥምቀትን ያመለክታል ይላሉ። ብዙ ሃይማኖተኞች ግራ መጋባት ውስጥ ወድቁዋል። እንደ ኢትዮጵያዊው ጃንደረባ፣ መፅሃፍን ያነባሉ ግን የቃሉን ትርጉም አያቁትም። #በትክክል በመፅሃፍ ቅዱስ መሰረት ዳግም መወለድ ማለት ምን ማለት ነው??? ከውሃና ከመንፈስ መወለድ ማለት ምን ማለት ነው??? ይህን እውነት በትክክል ሳይረዱ ዳግም ተወልደናል የሚሉ ራሳቸውን እያታለሉ ነው። እውነትም በእነሱ ውስጥ የለም። በብርሃን ነን እያሉ በጨለማ እየተመላለሱ ነው። ይህን #የደህንነት_እውነት በትክክል ለመረዳትና ዳግም ለመወለድ የሚከተለውን መፅሃፍ ማንበብ ግድ ይላል። ይህን መፅሃፍ #በነፃ ለማግኘት አድራሻችሁን inbox ማድረግ ብቻ ነው የሚጠበቅባችሁ።

🌺የውኃውና የመንፈሱ ወንጌል 🇪🇹

11 Sep 2024 20:34

🌼እንኳን ለ2017 አዲስ አመት በሰላም አደረሰን🌼

👉አመቱ ስለ እግዚአብሔር ሳይሆን እግዚአብሔርን ራሱን በግል የምናውቅበት በእግዚአብሔር እርፍ የምንልበት እና ከፍታዎችን የምንወርስበት አመት ይሁንልን

“ስለ ንፍታሌምም እንዲህ አለ፦ ንፍታሌም በሞገስ ጠግቦአል፥ የእግዚአብሔርንም በረከት ተሞልቶአል፤ ባሕሩንና ደቡቡን ይወርሳል።”
— ዘዳግም 33፥23
🌻ዘፀ 33:14&17   🌻ዘዳ 33:20-29
🌻ኢሳ 43:19

🌼🌼🌼መልካም አዲስ አመት🌼🌼🌼

🌺የውኃውና የመንፈሱ ወንጌል 🇪🇹

19 Aug 2024 11:02

የኃጢአት ደመወዝ ሞት ነውና። (ሮሜ6፥23)
~~~~~~~~
ይህ ማለት ሰዎች ከውልደታቸው እስከ ዕለተ ሞታቸው ለሰሩት ኃጢአት ሁሉ ቅጣት የሚሆን የዘላለም የገሃነም እሳት ፍርድ አላቸው ማለት ነው።

የትኛውም ትንሽ ይሁን ትልቅ የሚባል ኃጢአት በሙሉ ደመወዝ አለው። ይህም የገሃነም እሳት ፍርድ ነው።

አሁን ሰዓት ላይ ሚዲያው “ፍትህ ለሕጻን ሔቬን” እያለ ነው።
በርግጥ ኃጢአት በሰማይም ብቻ ሳይሆን በምድርም ላይ ዋጋ ታስከፍላለች።
ሆኖም ግን ምድር በውሼት የተሞላች ስለሆነ ጽድቅ የሆነ ፍትሐዊነትን ማግኘት አዳጋች ነው።
እኔ የምድርን ፍትሐዊነትን ተስፋ አድርጌ አላውቅም፤አላደርገውምም።

ሰው እንዲህ ዓይነት ዘግናኝ ኃጢአቶችን እየፈጸመ በተለያዩ ሽፋኖች በዚህ ምድር ላይ እየኖረ አለና።

ሰው ለክፉ ድርጊቱ ምድር ላይ ተገቢ ቅጣትን ቢያገኝም ባያገኝም ግን ወደ እግዚአብሔር ሲሄድ በእግዚአብሔር በጽድቁ የኃጢአት መቅጫ ሕግ መሰረት የሚቀጣ ነው።

የትኛውም ሰው፣ ሰውን ሸውዶ ሊኖር ይችላል፤ ነገር ግን እግዚአብሔርን አይሸውድም።
ሰው ሁሉ ይህንን ግንዛቤ ማድረግ ያስፈልገዋል።

🌺የውኃውና የመንፈሱ ወንጌል 🇪🇹

06 Aug 2024 07:56

https://youtu.be/b21lJOeKKYU?si=4OlyeTS5N0c1HD-_

🌺የውኃውና የመንፈሱ ወንጌል 🇪🇹

22 Jul 2024 13:00

https://youtu.be/OedEvV7rGwc?si=Osw608_sGVkKRcJ7

🌺የውኃውና የመንፈሱ ወንጌል 🇪🇹

29 Jun 2024 21:51

መጽሐፎቻችንን በይበልጥ እንድታነብ እጋብዝሃለሁ።

🌺የውኃውና የመንፈሱ ወንጌል 🇪🇹

23 Jun 2024 08:41

https://www.youtube.com/shorts/NYxtF8Nj2mM

🌺የውኃውና የመንፈሱ ወንጌል 🇪🇹

13 Dec 2024 12:54

THE SEVEN ERA ESTABLISHED BY GOD
https://www.bjnewlife.org/en/book/bookDetail.php?bidx=9&part=1&findLang=English

🌺የውኃውና የመንፈሱ ወንጌል 🇪🇹

11 Dec 2024 18:58

https://www.bjnewlife.org/en/

🌺የውኃውና የመንፈሱ ወንጌል 🇪🇹

29 Nov 2024 05:04

❤ በነጻ ያለምንም ክፍያ

አድራሻ=
www.nlmission.com
www.bjnewlife.org

🤳0910471042/0910367615...ይደውሉ።

ቴሌግራም ላይ በPDF በስልክ ወይንም በኮምፒውተር ለማንበብ ከፈለጉ

✍️ T.me/freenlmbookss
✍️ t.me/chrstianbooks

🌺የውኃውና የመንፈሱ ወንጌል 🇪🇹

06 Nov 2024 08:34

ወዴት እየሄድክ አለህ?
______
ወደ እግዚአብሔር መንግስት ወይስ ወደ እቶነ እሳት?

የኃጢአትህን ስርየት ተቀብለሃል ወይስ ገና ዕለት ተዕለት የሚትቀበል ይመስል፣ ገና ዕለት ተዕለት የንስሐን ጸሎት እያቀረብክ ነው?
ዕለት ተዕለት የንስሐን ጸሎት የሚታቀርብ ከሆነ አንተ የኃጢአትን ስርየት ያልተቀበልክ ሰው ነህ።

የኃጢአቱን ስርየት ያልተቀበለ ሰው የኃጢአቱን ደመወዝ እንደሚቀበል እወቅ!!(ሮሜ6፥23)
ይህ የኃጢአት ደመወዝ የገሃነም እሳት ፍርድ ነው።

በመጽሐፍ ቅዱስ እንዲህ ተጽፏል፦
“በዓለም መጨረሻ እንዲሁ ይሆናል፤ መላእክት መጥተው #ኃጢአተኞችን ከጻድቃን መካከል ይለዩአቸዋል፥ #ወደ_እቶነ_እሳትም_ይጥሉአቸዋል፤ በዚያ ልቅሶና ጥርስ ማፋጨት ይሆናል።”(ማቴ13፥49-50)

አሁን ለጊዜው ኃጢአተኞችና ጻድቃን አንድ ላይ እየኖሩ ነው። በዓለም መጨረሻ ግን ኃጢአተኞች ከጻድቃን መካከል ተለይተው ወደ ገሃነም እሳት ይጣላሉ።

ታዲያ አንተ ኃጢአተኛ ነህ ወይስ ጻድቅ ነህ?
ኃጢአተኛ ማን እንደሆነ ታውቃለህ?
ኃጢአተኛ፦ የኃጢአቱን ስርየት ያልተቀበለ ሰው ነው።
በመጽሐፍ ቅዱስ “በእርሱ የሚያምን ሁሉ በስሙ #የኃጢአቱን_ስርየት_እንዲቀበል ነቢያት ሁሉ ይመሰክሩለታል።”(ሐዋ10፥43) ተብሎ ተጽፏል።

ከዚህ የተነሳ ሁለት ሰዎች አሉ ማለት ነው። እነርሱም፦
፩. የኃጢአታቸውን ስርየት የተቀበሉ(ጻድቃን)ና
፪. የኃጢአታቸውን ስርየት ያልተቀበሉ(ኃጢአተኞች)።

ስለዚህ አሁን የኃጢአቱን ስርየት ያልተቀበለው ሰው ማነው?
በየዕለቱ እግዚአብሔርን፦ አቤቱ ኃጢአቴን ማረኝ፣ በደሌን ይቅርበለኝ እያለ የንስሐን ጸሎት የሚያቀርብ ሰው ነው።
ምክንያቱም የኃጢአት ስርየት በንስሐ ጸሎት ይገኛል ተብሎ አልተጻፈምና።

በዚህ ዓለም ላይ ሥጋ ለባሽ ሰው የተባለ ሁሉም በእኩል ኃጢአትን የሚሰራ ነው። በዚህም ሁሉም ለእቶነ እሳት የሚቀርቡ ነበሩ።

ነገር ግን እግዚአብሔር ማንም ሰው ወደ እቶነ አሳት እንዲገባ ስላልፈቀደ የገዛውን አንድያን ልጁን በውኃና በደም ልኮታል።(ዮሐ3፥16፣ 1ዮሐ5፥6)

ይህ አንድያ ልጅ ኢየሱስ ክርስቶስ ሰዎች የኃጢአታቸውን ስርየት #በስሙ(በውኃውና በደሙ) እንዲቀበሉ በውኃውና በደሙ የድነትን ሥራ ሰርቷል።

“ኢየሱስ” የሚለው ስም «ከኃጢአት የሚያድን» የሚል ትርጉም ስላለው(ማቴ1፥21) ኢየሱስ ሰዎችን ከኃጢአታቸው ያዳነው «በውኃውና በደሙ» ነው።
“ውኃው” ማለት ❝ጥምቀቱ❞ ሲሆን “ደሙ” ማለት ❝ሞቱ❞ ነው።
እናም በኢየሱስ “በስሙ” ማመን ማለት በውኃውና በደሙ ማመን ማለት ነው።

ስለዚህ ሰው የኃጢአቱን ስርየት ለመቀበል ውኃውንና ደሙን ማመን አለበት እንጂ ውኃውን ወይም ደሙን ብቻ ማመን የለበትም።(1ዮሐ5፥6)
ምክንያቱም ኢየሱስ ኃጢአትን ካልተሸከመ አይሞትም፤ ካልሞተም ኃጢአት አይወገድም።

ባጭሩ ኢየሱስ ካልተጠመቀና ካልሞተ ኃጢአት ከሰው ልብ አይወገድም።
ሰው ኃጢአትን ማስወገድ የሚችለው ወይም የኃጢአትን ስርየት መቀበል የሚችለው የኢየሱስን ጥምቀትና ሞቱን በልቡ በትክክል ሲያምን ብቻ ነው።

ኢየሱስ የተጠመቀው ኃጢአትን ለመሸከም ነው እንጂ ጴንጤዎች ወይም ኦርቶዶክሶች እንደሚሉት ለምሳሌ አይደለም። ምክንያቱም በመጽሐፍ ቅዱስ ኢየሱስ ለምሳሌ ተጠምቋል ተብሎ የተጻፈ ነገር የለም።

አንድም ፕሮቴስታንት፦ ኢየሱስ በጥምቀቱ ኃጢአትን ተሸከመ ብሎ ሰብኮም አምኖም አያውቅም።
ይህ ማለት የትኛውም የፕሮቴስታንት ይሁን የኦርቶዶክስ አማኝ የኃጢአትን ስርየት አልተቀበለም ማለት ነው።

የኢየሱስ ጥምቀት የብሉይ ኪዳኑ ለኃጢአት በሚታረዱ እንስሳቱ ራስ ላይ የእጆች መጫን(ዘሌ16፥21) እውተኛው አካሉ ሲሆን(ዕብ6፥2) ሞቱ ደግሞ የእንስሳቱ መታረድ ነው።

ስለዚህ በብሉይ ኪዳን አንድ ሰው ከነዚህ ከአንዳቸው፦ ከእጆች መጫኑና እንስሳውን ከማረድ አንዱን ቢያጎድል የኃጢአቱን ስርየት እንደማይቀበል፣ ጴንጤም ኢየሱስ በጥምቀቱ የዓለምን ኃጢአት(ዮሐ1፥29) ወይም ኃጢአቱን መሸከሙን በአለማመኑ የኃጢአቱን ስርየት ሊቀበል አይችልም።

ምክንያቱም ኢየሱስ ሊሞት የሚችለው ኃጢአትን ከተሸከመ ብቻ ነው።
ኢየሱስ ኃጢአትን መሸከም የሚችለው ከጥምቀቱ ውጪ ሌላ መንገድ የለውም። ምክንያቱም ይህ የእርሱ መንገድና አሰራር ነው። ይህን አሰራሩን በሕጉ መጽሐፍ ደንግጓል።

በሕጉ መጽሐፍ የሕዝብን ኃጢአት ማሸከም የሚችል ሰው ሊቀካህን የሆነ ሰው ብቻ ነው።
ስለዚህም መጥምቁ ዮሐንስ የሕጉ ዘመን መጨረሻ፣ የሊቀካህኑ የአሮን ዘር የሆነና በሕጉ መሰረትም የዓለም ሕዝብ ውክል ሆኖ የዓለምን ኃጢአት በኢየሱስ ላይ ያሸከመ ሰው ነው።(ማቴ3፥15፣ 11፥11፣ ዮሐ1፥29)
ሕጉ እስከ ዮሐንስ ስለሚሰራ በሕጉ መሰረት ዮሐንስ ሊቀካህን ነው።(ሉቃ16፥16፣ 1፥5)

ኢየሱስ የሕጉ ፍጻሜ የኃጢአት ማስተሰረያ በግ በመሆን፣ በዮሐንስ እጆች መጫን አማካኝነት የሕጉን የእጆችን መጫን ጥላ በጥምቀቱ በመፈጸም የዓለምን ኃጢአት በሥጋው ተሸክሟል፤ የሕጉን የእንስሳሳቱን መታረድንም በመስቀል ሞቱ ፈጽሟል።

በሌላ በኩልም ኢየሱስ የአዲስ ኪዳን ሊቀካህን በመሆን በውኃውና በደሙ የኃጢአትን ስርየት በእግዚአብሔር ፊት ፈጽሟል። በመጽሐፍ ቅዱስ ተፈጸመ ተብሎ የተጻፈው ለዚህ ነው።(ዮሐ19፥30)

ስለዚህ የኃጢአታቸውን ስርየት የሚቀበሉ ሰዎች የኢየሱስን ጥምቀቱንና ሞቱን(ውኃውንና ደሙን(1ዮሐ5፥6) የሚያምኑ ሲሆኑ የማያምኑት ወይም ደሙን ብቻ የሚያምኑ ሰዎች የኃጢታቸውን ስርየት አይቀበሉም።

የኃጢአታቸውን ስርየት ያልተቀበሉ ሰዎች ማስረጃ፦ በየዕለታቸው ኃጢአታቸውን ማረኝ እያሉ የንስሐን ጸሎት እያቀረቡ ነው።

ስለዚህ የኃጢአትህን ስርየት ያልተቀበልክ ከሆንክ እየሄድክ ያለሄው ወደ እቶነ እሳት ነው።

የኃጢአትህን ስርየት ያልተቀበልክ ከሆንክ አንተ ኃጢአተኛ ነህ።
የኃጢአቱን ስርየት የተቀበለ ሰው ማረኝ እያለ የንስሐን ጸሎት አያቀርብም።
የኃጢአቱን ስርየት የተቀበለ ሰው ምንም እንኳን ኃጢአትን የሚሰራ ቢሆንም ምንም ኃጢአት የለውም ጻድቅ ነው።

በመጽሐፍ ቅዱስ ጻድቅ የሚባሉት የእግዚአብሔርን ጽድቅ የሚያምኑ እንጂ ምንም ኃጢአት የማይሰሩ ማለት አይደለም።(ሮሜ3፥21-24)

በፕሮቴስታንት(በጴንጤ) ውስጥ ከንስሐ ጸሎት ትምህርት ቀጥሎ እጅግ ገናና ትምህርት «የቅድስና ትምህርት» ነው።
ጴንጤዎች ❝ቅድስና❞ ብለው ኃጢአትን አለመሥራትን ያስባሉ።
ነገር ግን በመጽሐፍ ቅዱስ ቅድስና ኃጢአትን አለመሥራት ጉዳይ ሳይሆን የኃጢአትን ስርየት በእምነት የመቀበል ጉዳይ ነበረ።(ዕብ10፥10)

ስለዚህ የኃጢአትህን ስርየት ያልተቀልክ ከሆነ ወደ እቶነ እሳት እየሄድክ ነው።
ከዚህ መንገድ ተመለስና የውኃውንና የደሙን ወንጌል ወይም የውኃውንና የመንፈሱን ወንጌል(ዮሐ3፥5) አምነህ የኃጢአትህን ስርየት ተቀበል!!!

የውኃውና የመንፈሱ ወንጌል ማብራሪያ መጽሐፍትን ለማግኘት Visit:
Website www.bjnewlife.org
_
Telegram t.me/tobebornagain
_
Phone 0926467275/0910367615

🌺የውኃውና የመንፈሱ ወንጌል 🇪🇹

02 Nov 2024 07:39

- በዚህ ዓለም ላይ ከጦርነት ዜና በቀር ሌላ የማንሰማው ለምንድነው?
- የመገዳደልን ዜና ብቻ የምንሰማው ለምንድነው?
- የሚሰቀጥጡ ጾታዊ ጥቃት ዜናዎችን ብቻ የምንሰማው ለምንድነው?
- የስርቆት፣ የርኩሰት፣ የክፋት፣ የሀሜት፣ የቅናት፣....... ድርጊቶች ብቻ የሞሉት ለምንድነው?
______
መልሱ፦ ሰው ከኃጢአት በቀር ሌላ ማድረግ የማይችል ፍጥረት በመሆኑ ነው።(ኤፌ2፥1-3)
______
ከሰው የሚጠበቅ አንዳች መልካም ነገር የለም።
ዛሬ የሰዎች ድርጊት ለሰዎች እንግዳ ሆኖባቸው የሚጮኹት የሰውን መሰረታዊ ማንነትን ስላላወቁ ነው።

የሰው ማንነት ኃጢአትን በሁሉም ዓይነትና በሁሉም መንገድ የሚሰራ የኃጢአት ፋብሪካ ነው።
የኃጢአት ኮሌጅ የለም፤ ሰው ግን የኃጢአት ስኮላርስት ነው። ሰው ጽድቅን መልካምን የሚያደርግበትን አብዝቶ ይማራል፤ ግን ኃጢአትን አብዝቶ ይሰራል።

ይህ ለምንድነው? ሰው ገና ከጽንስ በኃጢአት የተሞላ ሆኖ በመጸነሱ ነው።

ሰው ኃጢአተኛ ሆኖ ባይወለድ ኃጢአትን ባላደረገ ነበረ። ሰው ጽድቅን ፔርፌክትሊ ማድረግ የተሳነው በልቡ ጽድቅ ስለሌለው ነው።

መልካም ወጣት እያለም ስለ መልካምነት እየተማረ እየተሰቃየ ነገር ግን ከተማረው ተቃራኒውን(ክፋትን) እየሰራ ያለው መልካምነት በልቡ ስለሌለ ነው።
በሰው ልብ ክፋት እንጂ ምንም መልካምነት የለውም።(ኤር17፥9) ሰው ኃጢአትን ማድረግ ተፈጥሮው ነው እንጂ ድንገት የሚከሰት ክስተት አይደለም።

ሰው ገና ከጽንስ በኃጢአት የተሞላ ሆኖ ይጸነሳል፣ ኃጢአተኛ ሆኖ ይወለዳል፣ ዕድሜውን ሁሉ ቢወድም ባይወድም ኃጢአትን እያደረገ ብቻ ያበቃል። ይህ የማይካድ ሐቅ ነው። ሥጋ ለባሽ ሆነው ኃጢአትን አላደርግም የሚሉ ሰዎች ሐሰተኞች ናቸው።(1ዮሐ1፥10)
በአፍ አላደርግም! ማለት ይቻላል፤ ግን የሰው የዕለት ተዕለት ተግባሩ ግን በሀሜትና በቁጣ በራስ ወዳድነት የተሞላ ነው። ይህ የአዳም ሥጋ እስካለ ድረስ ከኃጢአት ድርጊት ማምለጥ አይቻልም።

በመጽሐፍ ቅዱስ፦ “እነሆ፥ በዓመፃ ተፀነስሁ፥ እናቴም በኃጢአት ወለደችኝ።”(መዝ51፥5) ተብሎ የተጻፈው ለዚህ ነው።

መጽሐፍ ቅዱስ ከሰው ልብ የሚወጣው ሰውን እንደሚያረክሰው ይናገራል።(ማር7፥20)
ይህ ማለት በሰው ልብ ውስጥ ርኩስ ነገሮች አሉበት ማለት ነው።

ኃጢአት ከሰው ልብ ይወጣል ማለት ገና ከመጀመሪያው በሰው ልብ ኃጢአት ተከማችቶ አለ ማለት ነው። በሰው ልብ ኃጢአት ባይኖር ኖሮ ከልቡ ባይወጣ ነበረ።

ከሰው ልብ የሚወጡ ኃጢአቶችን መጽሐፍ ቅዱስ እንዲህ ይዘረዝራል፦
“ከውስጥ ከሰው ልብ የሚወጣ ክፉ አሳብ፦
- ዝሙት፥
- መስረቅ፥
- መግደል፥
- ምንዝርነት፥
- መጐምጀት፥
- ክፋት፥
- ተንኰል፥
- መዳራት፥
- ምቀኝነት፥
- ስድብ፥
- ትዕቢት፥
- ስንፍና ናቸውና፤ ይህ ክፉው ሁሉ ከውስጥ ይወጣል ሰውን ያረክሰዋል።”(ማር 7፥21-23) ብሎ መጽሐፍ ቅዱስ ዘርዝሯል።

እንግዲህ ተመልከቱ!
ታዲያ የሴት ልጅ(ህጻን ይሁን አዋቂ) መደፈር እንግዳ ነውን? አይደለም። መጽሐፍ ቅዱስ ዝሙት ያለው ይህኑን ነው።
እንዴውም ከሰው ልብ ይወጣሉ ተብለው ከተዘረዘሩት የመጀመሪያውን ሥፍራ የያዘው ወይም በመጀመሪያው ላይ የተቀመጠው ዝሙት ነው።

ዝሙት ከጾታዊ ትንኮሳና ጥቃት ባሻገር በተለያዩ ስልቶች የሚፈጸም ነው።
ሰው ዝሙትን ከግዑዝ አካል ጋር፣ ከእንስሳ ጋር፣ ከተመሳሳይ ጾታ ጋር፣ ራስን በራስ ከማርካት፣ ከወ.ዘ.ተ ጋር....... የሚፈጽም ነው። ይህ በገሃዱ ዓለም ላይ ያለ ሐቅ ነው።
የዘመኑ አብዛኛው ቴክኖሎጂዎች ሁሉ ዝሙትን የሚያሰፈጽሙ መሣሪያዎች ናቸው።

እንዴውም መጽሐፍ ቅዱስ አንድ ሰው ከአንዳች ነገር ጋር ወይም በአንዳች ነገር ዝሙትን(ምንዝርናን) ባይፈጽምም እንኳን በልቡ ምኞት ብቻ መፈጸም እንደምችል ይናገራል።
“ወደ ሴት ያየ ሁሉ የተመኛትም ያን ጊዜ በልቡ ከእርስዋ ጋር አመንዝሮአል።” የሚለው ቃል ይህንን ምስጢር የያዘ ቃል ነው።(ማቴ5፥28)

አንድ ወንድ ልጅ ስንት ሴቶችን አይቶ ተመኝቶ እንደሚያውቅ የእያንዳንዱ ወንድ ልጅ ሕሊናው ይጠይቀውና ይቁጠረው።
መጽሐፍ ቅዱስ እህት፣ እናትና ልጅ ብሎ አልለየም፤ ሴት ብሏል።
ምናልባት እናቴ ወይም ልጄ ባትሆን አገባት ነበር ለማለት ይከብድ ይሆናል እንጂ ያሉ ሰዎች ሊኖሩ ይችላሉ። አንዳንድ ሰዎች በግልጽ እህቴ ባትሆን ኖሮ አገባት ነበር ብለው ያውቃሉ። ይህ ማለት እህታቸውን ተመኝተዋል ማለት ነው።

ወንድሜ ባይሆን ኖሮ አገባው ነበር ያሉ ሴቶች የሉም? ሞልተዋል፤ እንዴውም ተጋብተውም ያሉ አሉ፤ ባይጋቡም እንኳን ከእህታቸው፣ ከእናታቸውና ከልጃቸው ጋር ዝሙት የፈጸሙ ይኖራሉ፤ አሉ።

እያንዳንዱን ሰው ቤቱ ወይም ልብሱና የተለያዩ ኮስሞትኮች፣ ሳሙናዎች ቅባቶችና ሽቱዎች ሸፋፍኖታል እንጂ የሰው ልጅ እጅግ የረከሰ ነው።

ሰው ከሰው ሊደበቅና ሰውን ሊሸውድ ይችል ይሆናል እንጂ ከእግዚአብሔር ሊደበቅ አይችልም።

የእግዚአብሔር ቃል ስለ ማንነታችን(ስለ ሥጋችን) የሚናገረውን ይህንን ስናስብ እኛ ሰዎች በሥጋችን እንደምን የምናፍር የሆንን ነን!?🤔 እውነት እኔ በሥጋዬ እጅግ አፍራለሁ።😭
ማንነታችን እንደምን አሳፋሪ ነው?!😌

በርግጥ በማንነታቸው ማፈር የሚችሉ ሰዎች በትክክል ማንነታቸውን በእግዚአብሔር ቃል የተመለከቱ ሰዎች ብቻ ናቸው።

ማንነታቸውን ለማያውቁ ሰዎች የሰዎች ድርጊት ሁሉ እንግዳ ይሆንባቸዋል። ከራሳቸው ይልቅ ሌላ ሰው ብቻ ብዙ አሳፋሪ ኃጢአትን የሚያደርጉ አድርገው ያስባሉ ይጮሃሉም። በሌላ ሰው ብቻ ያፍራሉ እንጂ በራሳቸው አያፍሩም።

መጽሐፍ ቅዱስ
“ጻድቅ የለም አንድ ስንኳ”(ሮሜ3፥11) የሚለው ለምን ይመስላችኋል?

በዚች ምድር ጻድቅ የሆነ አንዳች ሰው ይኖራልን? በፍጹም በጭራሽ አይኖርም፤ የለም።
አንዳንድ ሰዎች፦ እነ እከሌ ጻድቅ ሰው ናቸው፣ መንገዳቸውን ይራመዳሉ፣ ሰውን አይነኩም፣ የሰውን ድንበር አይደርሱም፣ አይሰርቁም፣ ከሚስታቸው ሌላ አያስቡም፣ ሙስሊሞች ሐቅ ናቸው፣ ወ.ዘ.ተ........ ሲሉ ይደመጣሉ።

እነዚህ ሰዎች እንደዚህ የሚሉት ዳግም ስላልተወለዱ ነው። ይህን ስል እንኳን ዳግም መወለድ ምንድነው? ብለው የሚጠይቁ ክርስቲያን ነኝ ከሚሉም አሉ።

የሰው ዘር በሙሉ በውኃውና በመንፈሱ ወንጌል እስካላመነ ድረስ ለገሃነም እሳት ፍርድ የታጨ ተስፋቢስ ኃጢአተኛ ነው። ሰው ለገሃነም እሳት ፍርድ የሚያበቃው ብዙ ብዙ እጅግ ብዙ የከፉ ኃጢአቶች አሉበት።

አይሁዶች በምንዝር የተያዘችን ሴት ከኢየሱስ ፊት ባቀረቡ ጊዜ ኢየሱስ አይሁዶችን እንዲህ አላቸው፦ “ከእናንተ ኃጢአት የሌለበት አስቀድሞ በድንጋይ ይውገራት አላቸው።”(ዮሐ 8፥7)

ስለዚህ በእግዚአብሔር እይታ ኃጢአት የሌለበት ማንም ሰው በዚህች ዓለም ላይ የለም ማለት ነው።

ዛሬ በዓለም ላይ ከኃጢአት ዜና በቀር ሌላ የማንሰማው፣ ሰው እንዲህ ዓይነት በኃጢአት የወደቀ ፍጥረት በመሆኑ ነው።

በዚች ምድር ኃጢአት እንደሌለው የሚያስበው አንዳች ሰው ይኖራልን? አይኖርም። ይኖራል የሚል ካለ፦ ይህ ሰው በእግዚአብሔርና በቃሉ የማያምን፣ በዲያብሎስ ማመኑን ሳያውቅ በዲያብሎስ የሚያምን በዲያብሎስ ልቡ የጨለመ ሰው ነው።

መገዳደልም ልክ እንደ ዝሙትም እጅግ ፌሜስ የሆነ ኃጢአት ነው። በመጽሐፍ ቅዱስ መግደል የጀመረው በመጀመሪያዎቹ ሰዎች በነቃየን ነው።
ስለዚህ ወንድም ወንድምን መግደል፣ ልጅ ወላጁን፣ ወላጅ ልጁን መግደል እንግዳ ነገር አይደለም።

🌺የውኃውና የመንፈሱ ወንጌል 🇪🇹

27 Oct 2024 14:51

❝የመስቀሉ ቃል❞
~~~~~~~~~~~
“የመስቀሉ ቃል ለሚጠፉት ሞኝነት፥ ለእኛ ለምንድን ግን የእግዚአብሔር ኃይል ነውና።”(1ቆሮ1፥18)
ይህ ምን ማለት ነው? የመስቀሉ ቃል ምንድነው?

በተለይ ኦርቶዶስክና ጴንጤ ይህን ቃል እየተጣቀሱ፣ ኦርቶዶክሱ፦ “መስቀሉ ኃይላችን”፣ “መስቀሉ ያድናል” ሲሉ ጴንጤው ደግሞ “መስቀሉ ሳይሆን ሞቱ ያድናል” እየተባባሉ ይከራከራሉ። ለጴንጤው የመስቀሉ ቃል የኢየሱስ ሞት ነው።

ይህ ታላቅ መሳሳት ነው። ሁለታቸውም የመስቀሉ ቃል ምን እንደሆነ በትክክል አያውቁም። የእግዚአብሔርን ቃል በፊደል መረዳት ይገድላል።(ሮሜ7፥6፣ 2ቆሮ3፥6)
አንድ ሰው የእግዚአብሔርን ቃል በትክክል ለመተርጎምና ለማስረዳት የብሉይና የአዲስ ኪዳን ቃሎችን አንድ ላይ በትክክል አገናኝቶ መሆን አለበት። ምክንያቱም መጽሐፍ ቅዱሱን የሚፈታው ራሱ መጽሐፍ ቅዱሱ ነውና።

ብሉይ ኪዳን ያለ አዲስ ኪዳን፤ አዲስ ኪዳን ያለ ብሉይ ኪዳን ለብቻው አይተረጎምም።(ኢሳ34፥16)

🌺የውኃውና የመንፈሱ ወንጌል 🇪🇹

14 Oct 2024 17:10

የሥጋ ምኞት ጊዜያዊ
የሥጋ ክብር ጊዜያዊ
የሥጋ ቁንጅና ጊዜያዊ
የሥጋ ጉብዝና ጊዜያዊ
የሥጋ ጤንነት ጊዜያዊ
የሥጋ ዕድሜ ጊዜያዊ
የሥጋ ደስታም ሀዘንም ጊዜያዊ
የሥጋ ረሃብም ጥጋብም ጊዜያዊ
የሥጋ ማጣትም ማግኘትም ጊዜያዊ
በጠቅላላው የሥጋ ሕይወት፣ የሥጋ ሁላ ነገሩ ጊዜያዊ፤ ....

ሥጋ ይህን ጊዜያዊ ሕይወትን የሚኖረው ሁሉ በኃጢአት ነው። ሥጋ ኃጢአትን ካልሰራ ደስታ የለውም። ሥጋ አታደርግ የተባለውን አድርጎ ይደሰታል።
ሥጋ በዓመጻ ተጸንሶና በኃጢአት ተወልዶ(መዝ51፥5) ዕድሜውን ሁሉ በኃጢአት ኖሮ በሞት ብቻ ኃጢአትን የሚተው ነው። ሥጋ ካልሞተ ኃጢአትን መተው አይችልም።

ታዲያ ይህ የሥጋ ሁላ ነገሩ እንደምን አሳፋሪ ነው? ይህ የጊዜያዊ ሕይወት እንደምን ከንቱ የከንቱ ከንቱ ነው? የኃጢአት ሕይወት እንደምን የተረገመ ሕይወት ነው? እኛ ሰዎች የተረገምን እርጉም ፍጥረታት መሆናችንን እናውቃለንን?

አያቶቻችን አዳምና ሔዋን በኃጢአት ስለወደቁ እኛም በኃጢአት የወደቅን ፍጥረታት ሆነን ወደዚህ ዓለም መጥተናል። በኃጢአትም ምክንያት ተረግመናል።

በመጽሐፍ ቅዱስ እንዲህ ተጽፏል ፦
“ለሴቲቱም አለ፦ በፀነስሽ ጊዜ ጭንቅሽን እጅግ አበዛለሁ፤ በጭንቅ ትወልጃለሽ፤ ፈቃድሽም ወደ ባልሽ ይሆናል፥ እርሱም ገዥሽ ይሆናል።
አዳምንም አለው፦ የሚስትህን ቃል ሰምተሃልና፥ ከእርሱ እንዳትበላ ካዘዝሁህ ዛፍም በልተሃልና ምድር ከአንተ የተነሣ የተረገመች ትሁን፤ በሕይወት ዘመንህም ሁሉ በድካም ከእርስዋ ትበላለህ፤ እሾህንና አሜከላን ታበቅልብሃለች፤ የምድርንም ቡቃያ ትበላለህ።
ወደ ወጣህበት መሬት እስክትመለስ ድረስ በፊትህ ወዝ እንጀራን ትበላለህ፤ አፈር ነህና፥ ወደ አፈርም ትመለሳለህና።”(ዘፍ3፥16-19)

ይህ እርግማን ነው።
አፈር ሆኖ ወደ አፈር መመለስ እርግማን ነው። በተገደበ በጥቂት ዕድሜ ውስጥ እጅግ በብዙ ድካምና በሕመም በጭንቅ መኖር እርግማን ነው።
ጽድቅን ማድረግ የተሳነው መሆን፣ ከጽድቅ መጉደልና የኃጢአትን ሕይወት ኖሮ መሞት እርግማን ነው።

ጊዜያዊ ሕይወት ኖሮ መሞት፣ የዘላለምን ሕይወት ማጣት እርግማን ነው።

በጊዜያዊ ሕይወት ላይ ዕድሜያቸውን ለሚጨርሱ የዘላለም ሕይወት የላቸውም።
ምክንያቱም #ሰው_ያልዘራውን_አያጭድምና። በጊዜያዊ ሕይወት ለምን የዘላለምን ሕይወት ታጣለህ?

ሕይወትህን ሁሉ በኃጢአት ኖረህ ለምን በኃጢአት ምክንያት በሚመጣው የዘላለምን ሞት ትሞታለህ?

በርግጥ አንተ በሥጋ ዕድሜህ ጊዜ ኃጢአትን የምትሰራ የኃጢአት እስረኛ፣ የኃጢአት ባሪያ መሆንህንና በምትሰራውም ኃጢአቶችህ የዘላለምን ሞት እንደምትሞት እግዚአብሔር አሳምሮ ያውቃል።

ነገር ግን እግዚአብሔር አንድ ነገር ላንተ አድርጓል። ይህም አንተ በኃጢአትህ እንዳትሞት አንድያ ልጁን በውኃና በደም ወደዚህ ዓለም ላከው።(ዮሐ3፥16-17፣ 1ዮሐ5፥6)
እግዚአብሔር ልጁን በውኃና በደም እንዲመጣ ማድረጉ ከላይ የተዘረዘሩ እርግማኖችን በሙሉ ለመሻርና ላንተ የዘላለምን ሕይወት ለመስጠት ነው።

ኢየሱስ ❝በውኃ መጣ❞ ማለት ኢየሱስ በዮርዳኖስ ወንዝ በዮሐንስ እጅ ተጠምቆ ኃጢአቶችህን ሁሉ በራሱ ላይ ወስዶ ተሸክሟል ማለት ነው።
❝በደም መጣ❞ ማለት ኃጢአትን ስለተሸከመ ላንተ የነበረውን የኃጢአትህን የእርግማን ሞት ሞቷል ማለት ነው።

ካንተ የሚጠበቀው የኢየሱስን ውኃና ደም ማመን ነው። በዚህ የሚታምን ከሆነ በርግጥም ከንቱ ሕይወትን አልኖርክም። የእርግማን ሕይወት አልኖርክም። እርግማንህ ሁሉ ተሽሯል፣ የተባረክ የበረከት ሰው ሆነሃል።

ነገር ግን በኢየሱስ እያመንክ በእርሱ ውኃና ደም የማታምን ከሆነ በፍርድ ቀን ጌታ ሆይ ጌታ ሆይ አንተንኮ ጌታ ብዬ አምኛለሁኮ ብለህና አመጸኛ ተብለህ ወደ ዘላለሙ እርግማን ወደ ገሃነም እሳት ፍርድ የሚትጣል ትሆናለህ።(ማቴ7፥21-23)

አንድ ሰው በደፈናው በዕውር-ድንብር በኢየሱስ አምናለሁ ስላለ በኢየሱስ ውኃና ደም አምኗል ማለት አይደለም።

በኢየሱስ አምናለሁ የሚሉትን አሁን ላንተ ኃጢአት የለብህም?
አቤቱ ኃጢአቴን ይቅር በለኝ ብለህ አትጸልይም? ብለን ስንጠይቅ፣ ኃጢአተኛ ነኝ እንዴት ኃጢአት የለብኝም ማለት እችላለሁ? የግድ ዕለት ተዕለት አቤቱ ማረኝ እያልኩኝ የንስሐ ጸሎትን አቀርባለሁ ይላሉ።

ስለዚህ እነዚህ ሰዎች ኢየሱስ የዕድሜ ልካቸውን ኃጢአት ቀደም አድርጎ በሥጋው ተሸክሞ ኃጢአቶቻቸውን በሙሉ እንዳስወገደ አላመኑም አያምኑምም ማለት ነው።
ታዲያ በፍርድ ቀን አመጸኞች መባላቸውና ወደ ገሃነም መጣላቸው እጅግ ትክክል አይደለምን? እጅግ በጣም ትክክል ነው።

ስለዚህ ወዳጄ ❝ሰው ከውኃና ከመንፈስ ካልተወለደ❞ የእግዚአብሔርን መንግስት አያይም።(ዮሐ3፥3-6)

እናም የውኃውንና የመንፈሱን ወንጌል ላንተ ማመን አማራጭ የሌለው ጊዴታህ ነው።
አለዚያ በኃጢአት የሚገኘውን ጊዜያዊ ደስታን እያሳደድክ በኃጢአትህ የዘላለምን ሞት ትሞታለህ።
visit www.nlmethiopia.com
_
t.me/tobebornagain

🌺የውኃውና የመንፈሱ ወንጌል 🇪🇹

07 Oct 2024 14:32

If a person has not understood and accepted the fact that they are an inherent sinner who is heading for hell, then that person has no need of the Savior Jesus Christ, just as someone who is not drowning does not need any help from a rescuer.
If we have even just a tiny bit of sin before God, we will suffer destruction according to His Law that states that "the wages of sin is death" (Romans 6:23).
The truth is, that it doesn't matter whether one is an elder of a church, a long time devoted member of a congregation, or a world renowned pastor, if that person has sin in their heart, then the Holy God has no part with them and, in the end, they will surely perish. If they have not been cleansed of all their past, present and future sins at once by faith in the righteousness of God, fulfilled by the baptism Jesus received from John the Baptist, then they are no closer to God than an unbeliever.
However, if sinners accept that God has not part with them, no matter who they may be, and accept that His judgement against them is just and true, then they can really seek His mercy and be saved by believing that Jesus was baptized by John the Baptist in the Jordan to receive all our sins upon His own body and was crucified to pay the wages for our sins once and for all (Matthew 3:13-17).
His resurrection has given new life to all of us who were destined for hell and has transformed us who believe into the sinless, born again children of God.
Go to www.bjnewlife.org to download from 68 FREE Christian audio and eBooks

🌺የውኃውና የመንፈሱ ወንጌል 🇪🇹

15 Sep 2024 12:56

''እግዚአብሔር አምላክሽ በመካከልሽ አለ፤ እርሱ ብርቱ ታዳጊ ነው፤ በአንቺ እጅግ ደስ ይለዋል፤ በፍቅሩ ያሳርፍሻል፤ በዝማሬም በአንቺ ላይ ከብሮ ደስ ይሰኛል።''

➾ ሶፎንያስ 3፥17

God rejoices over you😍

Happy Sunday 🖤
Stay Blessed 💯

🌺የውኃውና የመንፈሱ ወንጌል 🇪🇹

19 Aug 2024 11:02

አሁን ይህቺን የ7 ዓመቷን ጨቅላ ሕጻንን ደፍሮ የገደለው ሰውየው በሞት ፍርድ ቢቀጣም ባይቀጣም ወደ እግዚአብሔር ሲሄድ በእግዚአብሔር መቀጣቱ የማይቀር ነው። ምክንያቱም የኃጢአት ደመወዝ ሞት ነውና።

ነገር ግን ይህንን ስንናገር ደግሞ ይህን አንድ ነገር መርሳትና መካድ የሌለብን ነገር አለ።
ይህም “የኃጢአት ደመወዝ ሞት ነውና፤ የእግዚአብሔር የጸጋ ስጦታ ግን በክርስቶስ ኢየሱስ በጌታችን የዘላለም ሕይወት ነው።”(ሮሜ6፥23)
የሚለውን የእግዚአብሔርን ቃል መካድና መሻር የለብንም። አለበለዚያ በእግዚአብሔር አናምንም ይሆናል።

እዚህ ላይ በግልጽ ❝የኃጢአት ደመወዝ ሞት ነውና❞ ካለ በኋላ “የእግዚአብሔር የጸጋ ስጦታ ግን በክርስቶስ ኢየሱስ በጌታችን የዘላለም ሕይወት ነው” ይላል።

እግዚአብሔር ሕጻን ሔቬንን ያውቃል ይወዳታልም😭፣ እንዲሁም ደግሞ ጨካኙን ገዳዩንም ያውቃል ይወደዋልም።
ይህ ከሰው አእምሮ በእጅጉ የሚልቅ ለሰው የማይታወቅ የእግዚአብሔር ፍቅር ነው።

ከኢየሱስ ጎን ከተሰቀሉት አንዱ ❝ስለ አደረግነውም የሚገባንን እንቀበላለንና❞(ሉቃስ 23፥41) እንዳለው ይህ ጨካኝ ነፍሰገዳይም፦
«እኔም የስቅላት ሞት ቅጣት ፍርድ የሚገባኝ ኃጢአተኛ ሰው ነኝ» ብሎ ኃጢአቱን አምኖ በእግዚአብሔር የማዳኑ ኃይል የሚያምን ከሆነ በርግጥ መዳን ይችላል፣ ከእግዚአብሔር ዘንድ ምህረትን ማግኘት ይችላል።
ይህ የአዲስ ኪዳን ቃል ኃይል ነው። ይህንን የእግዚአብሔርን ፍቅር መካድ አንችልም።

አሁን በገዳዩ ላይ የሚንጮው ሁላችን እኛው ራሳችን ኃጢአተኞች ነን ወይስ አይደለንም?
ወይስ አይ የእኛ ኃጢአት ትንሽ ነው፣ እግዚአብሔር ትንሽ ኃጢአት ሰርታችኋልና አልፈርድባቸውም ይለናል ትላላችሁን?
ኃጢአተኛ፣ ኃጢአተኛን ሲከስም ያስገርመኛል። ምንም ኃጢአት የሌለበት ጻድቅ ቢከስ ትክክል ነው።

እኛ ሰዎች ሁላችንም የስቅላት ሞት ፍርድ የተገባን ኃጢአተኞች አይደለንምን?
ይህን ስል የሰውየውን ኃጢአት ለመሸፋፈን እየሞከርኩ እንዳልሆነ አትርሱኝ።

ሰው እንዲህ ዓይነት ዘግናኝ ኃጢአቶችን የሚያደርገው ለምን እንደሆነ ታውቃላችሁ?
«በዓመፃ የተፀነሰ በኃጢአት የተወለደ» በመሆኑ ነው።(መዝ51፥5)

እኛ ሰዎች ሁላችን በገሃነም እሳት ፍርድ ሊንቀጣ የታጨን ተስፋቢስ ኃጢአተኞች ነን።
ለሁላችን ዋስትናና መተማመኛ የሚሆን አንዳች የራሳችን የሆነ ጽድቅ የለንም።

መጽሐፍ ቅዱስ፦
“ከሰው የሚወጣው ሰውን የሚያረክስ ያ ነው። ከውስጥ ከሰው ልብ የሚወጣ ክፉ አሳብ፥ ዝሙት፥ መስረቅ፥ መግደል፥ ምንዝርነት፥ መጐምጀት፥ ክፋት፥ ተንኰል፥ መዳራት፥ ምቀኝነት፥ ስድብ፥ ትዕቢት፥ ስንፍና ናቸውና፤ ይህ ክፉው ሁሉ ከውስጥ ይወጣል ሰውን ያረክሰዋል።”(ማርቆስ 7፥20-23) ይላል።

ሰው ሕጻንን ደፍሮ እስከመግደል ድረስ የደረሰው ገና ሲፀነስ እነዚህን «ከሰው የሚወጣው» የተባሉትን ኃጢአቶችን በልቡ ይዞ የተፀነሰ በመሆኑ ነው።

የሰው ማንነት በጣም ክፉ ነው። ክፉ ድርጊትንም የሚያደርገው ለዚህ ነው።
እግዚአብሔር ሰውን ማፍቀሩ እጅግ አስገራሚ የሆነው ለዚህ ነው።
ኃጢአቱን አምኖ ከክፉ መንገድ በመመለስ በእግዚአብሔር ፍቅር የሚያምን ማንም ሰው ከዘላለም ሞት ይድናል።
የእግዚአብሔርን ፍቅር አስገራሚ ነው።

ወንጌልን እሰብካለሁ ሌላው ይራቅልኝ!!!
ነጻ የመጽሐፍ ቅዱስ ማብራሪያ መጽሐፍትን ማግኘት የሚትፈልጉ visit:
bjnewlife.org / t.me/tobebornagain
0926467275/0910367615

🌺የውኃውና የመንፈሱ ወንጌል 🇪🇹

15 Aug 2024 22:20

ሐጢአት ያለባችሁ ከሆነ በኢየሱስ ያመናችሁት ወይንም እያመናችሁ ያለው መጽሐፍ በሚለው መሠረት አየደለም ማለት ነው። በኢየሱስ የሚያምን ሰው ሐጢአት የለበትምና።

🌺የውኃውና የመንፈሱ ወንጌል 🇪🇹

28 Jul 2024 19:05

https://youtu.be/lk6U9vbK4bo?si=fn55V37jY04h-Og_

🌺የውኃውና የመንፈሱ ወንጌል 🇪🇹

03 Jul 2024 13:14

Join the channel to complete the process, then you can continue to get your referral link.

🌺የውኃውና የመንፈሱ ወንጌል 🇪🇹

27 Jun 2024 21:06

የእግዚአብሔር ባርያ ያልሆነ ሰው መንፈስ ቅዱስ የሚናገረውን ቃል መስማት አይችልም። መንፈስ ቅዱስ የሌሌው ሰው በእምነት የተሞላ ሕይወት መምራት አይችልም።

🌺የውኃውና የመንፈሱ ወንጌል 🇪🇹

19 Jun 2024 08:34

https://www.youtube.com/shorts/L2UdbaGSlK4