کانال جامع شعر مذهبی ترکی و فارسی

26 Jun 2024 10:35

مدح حضرت اباعبدالله الحسین علیه السلام
رضا ماه پری زنجانی
کانال جامع شعر مذهبی ترکی و فارسی

عشاق جهان عاشق و دلدار حسین است
عالم همه مدیون و بدهکار حسین است

امروز اگر نام حسین ورد زبانهاست
چون زینب کبری مدد کار حسین است

نازم به شهیدی که بود شهره به عالم
جانها همه قربان علمدار حسین است

جاروب کش درگه او مریم و سارا
جبریل امین خادم دربار حسین است

یکسر همه عشاق جهان تا ابدوالدهر
در سایه گسترده دیوار حسین است

هیهات من الذله که گویند جماعت
این در گهربار ز گفتار حسین است

زیبایی یوسف به جهان گر شده شهره
او هم به تماشا سر بازار حسین است

این مردم آزاده دنیاست که هر سال
با پای پیاده همه زوار حسین است

امنیت زوار در این وادی غربت
بر عهده عباس وفادار حسین است

گفتم که تورا (ماه پری)ذکر زبان چیست
گفتا که سرود لبم اذکار حسین است



👈👈کانال جامع شعر مذهبی ترکی و فارسی
زیباترین👇👇
اشعار و نوحه ها ، مطالب مذهبی
شما هم عضو شوید
👇👇👇🙏🙏🙏
https://t.me/joinchat/AAAAAEO-vJZJ9e2FMTplsw
https://t.me/joinchat/AAAAAEO-vJZJ9e2FMTplsw

کانال جامع شعر مذهبی ترکی و فارسی

26 Jun 2024 10:33

ای زمین کربلا ...
مرحوم خوندل
کانال جامع شعر مذهبی ترکی و فارسی


ای زمین کربلا وی رشک فردوس برین
دین حقّی سنده احیا ایلدی سلطان دین


ای زمین کربلا وی عرش حق پیرایه سی
سنده خوش تفسیر اولوب ذبح عظیمون آیه سی
محکم اولدی قانیله دین مبینون پایه سی
تا بو عالم وار حوادثدن خلل گورمز بو دین


ای زمین کربلا وی مرکز شوق و شعف
سنده مقصوده یتشدی انبیای ما سلف
بیر حسینیله ولی تاپدون ایله شان و شرف
ایلدی افضل سنی عرشه او جسم نازنین


ای زمین کربلا وی جمله یردن منتخب
بو جلال و شأنه دارا اولمیوبسان بی سبب
زُلفنی نشر ایلیوب سنده خواتین عرب
زینبون بیر مویی دنیالردن افضل دور یقین


ای زمین کربلا وی کعبه تک عالی مقام
سنده شاه کربلا ائتدی مقدّس بیر قیام
بو عمل پوزدی یزیدین نقش آمالین تمام
عالم اسلام اولوب بو نهضته دائم رهین


ای زمین کربلا وی مدفن سلطان دین
آلموسان آغوشیوه سن بیر وجود نازنین
خاک پایین توتیا ایلر گوزینده حور عین
روح زهرا جان پیغمبر گوزل آدی حسین


ای زمین کربلا وی منظر اهل نظر
سنده بیر عدّه ائدوب دین اوسته ترک جان و سر
ظاهراً یتمیش نفر معناده اما بیر نفر
بیرده بو افرادی خلق ایتمز یقین خلق آفرین


ای زمین کربلا وی نکهتی روحه روان
روضه رضوان شمیمندن ویرور عطرون نشان
سن او یرسن سنده مدفوندور نشان بی نشان
سن او یرسن مفخر فردوس اولوب سنده دفین


ای زمین کربلا وی تپراقی خاک شفا
سنده بیر قان توکدولر خالق او قانه خونبها
آخدی قان آخدوقجا ویردی دین حقه اعتلا
عارف آنلار خونبهاسیندن او قانین قیمتین


ای زمین کربلا وی کعبۀ اهل وفا
تاپمادون بی علّت عالمده بو قدری ارتقا
سنده بیر سو مشکینه قان دولدی یاتدی بیر لوا
بیر علمدارین الین قطع ایتدی تندن اهل کین


ای زمین کربلانون فخری وی کان کرم
نوکرون «خوشخوانون» امریله بو سوز اولدی رقم
ایسته بیر وقفه او قبره ای امام محتشم
بانی و «خوندل» دویونجه ایلسون داد و انین

👈👈کانال جامع شعر مذهبی ترکی و فارسی
زیباترین👇👇
اشعار و نوحه ها ، مطالب مذهبی
شما هم عضو شوید
👇👇👇🙏🙏🙏
https://t.me/joinchat/AAAAAEO-vJZJ9e2FMTplsw
https://t.me/joinchat/AAAAAEO-vJZJ9e2FMTplsw

کانال جامع شعر مذهبی ترکی و فارسی

26 Jun 2024 10:29

‍ عرض ارادت به ساحت قدسی ارباب بی کفن

شاخسی
کانال جامع شعر مذهبی ترکی و فارسی


عالمون آیری بیر عالمدی حسین جان
سنون عشقونده جهان اهلیدی حیران
در و دیواره گینه قاره چکوبلر
گلوب ایام عزا ای گل رضوان
محرمون گلوب اورکلر یاندی _ بو اون گجه نه غصلی دوراندی
حسین حسین آقام ابا عبد ا...
_________________

یاحسین ای شرف عالم آدم
گوزل آدون یارالی قلبیمه مرهم
زاهدین فکری بهشت آختاریر امّا
منه جنّتدی حسین محفل ماتم
نمازیده صفای محرابیم سن _ بوبسدی کی جهاندا اربابیم سن
________________

ای اولان کان کرم حجت یزدان
فاطمه سویگلی سن ای شه دوران
اُمتین باب نجاتی آقا سن سن
رحمت واسعه سن ای شه دوران
گناهیمیز اگرچه چوخدی مولا _ هارا گیداخ پناه یوخدی مولا
________________

دیل آچاندان آدیوی ازبرم ارباب
سوز باشی گول آدیوی سسلرم ارباب
ای منیم هر ایکی دنیاده وقاریم
گر قبول ایلیسن نوکرم ارباب
محبتون اورکده سرمایمدی _ بو ماتمون غریبه بیر ماتمدی
________________

بنده لیق سندن حسین تاپدی شرافت
ای نجاتین گمیسی نور هدایت
آلتی گوشه حرمی گویلوموز ایستیر
(بیکَسه) ویرآقاجان قول زیارت
نولور گورم نصیب اولوبدی یارب_ دایانمیشام به روی تل زینب


👈👈کانال جامع شعر مذهبی ترکی و فارسی
زیباترین👇👇
اشعار و نوحه ها ، مطالب مذهبی
شما هم عضو شوید
👇👇👇🙏🙏🙏
https://t.me/joinchat/AAAAAEO-vJZJ9e2FMTplsw
https://t.me/joinchat/AAAAAEO-vJZJ9e2FMTplsw

کانال جامع شعر مذهبی ترکی و فارسی

26 Jun 2024 10:26

سبک شعر بالا 👆 👆 🙏 🙏
‍ ای کرب و بلانین یری ای کعبه دن اشرف
👈👈کانال جامع شعر مذهبی ترکی و فارسی
زیباترین👇👇
اشعار و نوحه ها ، مطالب مذهبی
شما هم عضو شوید
👇👇👇🙏🙏🙏
https://t.me/joinchat/AAAAAEO-vJZJ9e2FMTplsw
https://t.me/joinchat/AAAAAEO-vJZJ9e2FMTplsw

کانال جامع شعر مذهبی ترکی و فارسی

26 Jun 2024 10:24

زبانحال سیدالشهدا (ع) به حضرت زینب (س) ورود به کربلا
((من کلام مرحوم شباهنگ "هندی" تبریزی))

کانال جامع شعر مذهبی ترکی و فارسی

بو دیار کربلادور کعبه ایمان باجی
من گرک بوردا کسم یتمیش ایکی قربان باجی

 کربلادور بوردا باجی جلوه­ ی دلدار وار
جستجو وار جذبه وار شوق جمال یار وار
بزم خلوت انس و الفت لذّت دیدار وار
هم بهشت آرزو هم رحمت رحمان باجی

 من بو صحراده مکرّر عکس منظر چکمیشم
عکس منظر نامنه تصویر دلبر چکمیشم
آرزویِ وصلنی حسرتله ایللر چکمیشم
تاپمیشام جانانیمی آیریلمارام بیر آن باجی

 هر بلا بو یرده گلسه باشیمه تاب ایلرم
عاشقانه ترک اهل و قوم و اصحاب ایلرم
بسکه بو دشتی قیزیل قانیله سیراب ایلرم
کربلانی ایلرم پرورده­ی احسان باجی 

سرگذشت کربلا سرّ سرشتیمدور منیم
قانله باشدان یازیلمیش سرونشتیمدور منیم
ایستی قوملار اوستی دیبای بهشتیمدور منیم
فرش عرش عشقدور یا سُندس رضوان باجی 

باش باشا قویماق بو یرده تیغ زهرآلودیله
عهد و پیمانیمدی باشدان حضرت معبودیله
سوز ویروب سوز آلمیشام من شاهد مقصودیله
سینسا جان پیمانه ­سی سیندیرمارام پیمان باجی

 روح اجدادیم بویرده بیر بویوک اجلاس ایدر
قاسمی داماد ایدن گون طوی اوینی یاس ایدر
فاطمه دُرّ سرشگین توده الماس ایدر
بیر اولور روز وصالیله شب هجران باجی

 بیر بشارت ویر عروسه خاطرین شاد ایلسون
قانیله آرایش حسن خداداد ایلسون
آغلاسا داماده آزادانه فریاد ایلسون
ایتمسون شرم و حیادن دردینی پنهان باجی 

بو گلستاندا که هر بیر برگی یارین لطفی دور
بیر قیزیل گل وار که اون­سگیز بهارین لطفی­دور
بو گلون هر جلوه ­­سی پروردگارین لطفی­دور
تز سولار بو گل ولی گل آچمادان خندان باجی 

منده طاقت یوخ دیم بو غنچه ­ی تر آدینی
باخ یانقلی قلبیمه قوی داغ اکبر آدینی
امّ لیلادن سوروش شبه پیمبر آدینی
گُل آدین سالماز دیلیندن بلبل نالان باجی 

هاردا اولسان یاده سال سرداریمون احوالینی
اوخلانوب پرپر چالان شهبازیمون شهبالینی
قرمزی قانیله دولموش مشگ مالامالینی
باوفا جاندان گیچن سرداره جان قربان باجی 

باش یاریلمیش قول دوشوب باشدان ایاقه غرق خون
قدّ موزونی اولوب قدّ علم تک سرنگون
پاره مشگی سینه ­سینده یاره حدّیندن فزون
تشنه ­لر سقّاسی امّا جان ویرن عطشان باجی

 سود امر اوغلوم عطشدن سو یرینه قان ایچر
قان ایچر اما اونوندا قاننی پیکان ایچر
نوک پیکانی اَمَر چون شیره­ ی پستان ایچر
برگ ریحان تک اَسَر اولور لرزان باجی

 قارداشون چون خاطر آزادی فارغ بال ایدر
پیک پیکانی اورکدن حسن استقبال ایدر
نازنین یارین چکر آغوشه حسب حال ایدر
خوش خبردور طایر دولت کیمی پیکان باجی 

عاشق جانبازه تن لازم دگول یوخ ایسترم
قان توکن قامت بوکن طاقت شکن اوخ ایسترم
اوخ عزیز خاطریمدور خاطرین چوخ ایسترم
چون پیام آور کبوتر تک، گیچر جاندان باجی

 تیر خونین پَر هُمای اوج عزتدور منه
فاخرانه حامل حکم شهادتدور  منه
سینم اوسته وار یری شایان حرمتدور منه
صدر سینمدور مقام قاصدک جانان باجی

 اوخ گلور تقدیم دعوت نامه­ ی یار ایلسون
جام وصلی قانیله پریز و سرشار ایلسون
قلبیمه یاتسون یاتان دنیانی بیدار ایلسون
یارِ بی آزار اولور قلبه یاتان مهمان باجی

 ظهر عاشورا که قرص لاله گون آفتاب
آتشین رخساردن یکسر کنار ایلر نقاب
جانیمی هم آفتاب هم قحط آل ایلر کباب
اوندا گَل گور قوملار اوسته یاتمیشام عریان باجی

 آخرین دملرده جان سرتابه پا مجذوب اولور
شوق دیداریله محو طلعت مطلوب اولور
وردو ذکریم دلده یا معبود و یا محبوب اولور
یا کریم الصَّفح یا ذالعَفو و الغُفران باجی

 قان ایچینده ال ایاق چالّام مناجات ایلرم
جان و دلدن باش و جان ویّرم مباهات ایلرم
حق سوزین اُلسمده مین نحویله اثبات ایلرم
نیزه باشیندا کسیک باشیم اوخور قران باجی

 خیمه ­گاهیم اود دوتوب تبدیل اولاندا کوللره
هولدن اولاد و اطفالیم قاچاندا چوللره
بیربه بیر یغ باشیوه لطف ایت سارالمیش گللره
قالماسون باش­سیز اوشاخلار چولده سرگردان باجی

 قید تندن قورتولوب آزاد اولاندا جان پاک
کفن و دفنیم باره ­سینده، اولما چوخ اندوه ناک
نیزه تابوتیم اولار بُرد یَمانی خون و خاک
شمع بالینیم شراره آه مظلومان باجی

 سویله ((هندی)) ضعف و نسیان حرفین عنوان ایتمسین
خدمتینده صادق اولسون ترک شکران ایتمسین
دردی اولسا نوحه یازسون فکر درمان ایتمسین
درد بی درماننه من ایلرم درمان باجی



👈👈کانال جامع شعر مذهبی ترکی و فارسی
زیباترین👇👇
اشعار و نوحه ها ، مطالب مذهبی
شما هم عضو شوید
👇👇👇🙏🙏🙏
https://t.me/joinchat/AAAAAEO-vJZJ9e2FMTplsw
https://t.me/joinchat/AAAAAEO-vJZJ9e2FMTplsw

کانال جامع شعر مذهبی ترکی و فارسی

26 Jun 2024 10:21

کانال جامع شعر مذهبی ترکی و فارسی
شاخسی

قاره پرچمون روحیمه صفادی
ذره تربتون دردیمه دوادی
ذکر یاحسین روحیمی دیریلدر
مجلس غمون عین کربلادی

صفای ذکر آقام کرانه سیزدی
جهان عشقیم بیلون فسانه سیزدی
اولماسا ذکری اورک بهانه سیزدی

یاثارالله . اشک عزایه قوربان
یاثارالله . شور و نوایه قوربان
یاثارالله . کرب و بلایه قوربان

یاثارالله . کرب و بلایه قوربان 3

یاحسین . روحیمون ریحانی
کربلا . دردیمون درمانی

یاثارالله . کرب و بلایه قوربان 3

____________

قاره کوینگون شانیمی اوجاتدی
نفس سرکشی خوابیدن اویاتدی
بندگی سیزه ای عزیز زهرا
طعم معرفت زندگیمه قاتدی

صفای جنت نه قصر و نه پریدی
بهشت عاشق قاپوندا نوکریدی
بهای جنت دلبره یاوری دی

یاثارالله . کرب و بلایه قوربان 3

یاحسین . روحیمون ریحانی
کربلا . دردیمون درمانی

یاثارالله . کرب و بلایه قوربان 3

________________

کربلاده کاش همدمون اولیدیم
دردیوه شریک محرمون اولیدیم
غصه چکوب یاورون اولیدیم
یاره باغلیوب مرهمون اولیدیم

غلام کوی امیر عالمینم
مست ولایت خمار شور و شینم
تمام عمروم سینه زن حسینم

یاثارالله . کرب و بلایه قوربان 3

یاحسین . روحیمون ریحانی
کربلا . دردیمون درمانی


یاثارالله . کرب و بلایه قوربان 3

👈👈کانال جامع شعر مذهبی ترکی و فارسی
زیباترین👇👇
اشعار و نوحه ها ، مطالب مذهبی
شما هم عضو شوید
👇👇👇🙏🙏🙏
https://t.me/joinchat/AAAAAEO-vJZJ9e2FMTplsw
https://t.me/joinchat/AAAAAEO-vJZJ9e2FMTplsw

کانال جامع شعر مذهبی ترکی و فارسی

26 Jun 2024 07:12

ما شیعه ایم ؛

رسالتمان .... محمدی
ولایتمان .... علوی
عصمتمان .... فاطمی
سخاوتمان .... حسنی
عزتمان .... حسینی
عبادتمان .... سجادی
شریعتمان .... باقری
مذهبمان .... جعفری
بردباریمان .... کاظمی
مهربانیمان .... رضوی
بخششمان .... تقوی
زیارتمان .... نقوی
نگاهمان .... عسکری
و امیدمان .... مهدویست


👈👈کانال جامع شعر مذهبی ترکی و فارسی
زیباترین👇👇
اشعار و نوحه ها ، مطالب مذهبی
شما هم عضو شوید
👇👇👇🙏🙏🙏
https://t.me/joinchat/AAAAAEO-vJZJ9e2FMTplsw
https://t.me/joinchat/AAAAAEO-vJZJ9e2FMTplsw

کانال جامع شعر مذهبی ترکی و فارسی

18 Jun 2024 22:02

بسم الله الرحمن الرحیم
عید سعید غدیر خم

سبک :👇🙏
غروب پاییزه


غدیر خم گلدی جهان جلی اولدی
شعاریمیز دیـلده ذکـر علی اولدی
سیل گوزوین یاشین علی ولی اولدی
تمام اولوب نعمت جهان اولوب زیبا

علی علی مولا علی علی مولا


علیدی شاه لافتی علیدی نور کبریا
دئیر هامی شه و گدا علیدی دردلره دوا

علی علی جانم علی علی جانم


گلدی ندا جبریل بویودی ای طاها
امـر الی یـوب خـالق پیـمبـر والا
دوره وه ییغ یارین ائت بوسوزی ایفا
من کنـت و مـولا فهـذا علـی مـولا

علی علی مولا علی علی مولا


علیدی شاه لافتی علیدی نور کبریا
دئیر هامی شه و گدا علیدی دردلره دوا

علی علی جانم علی علی جانم


کیم منی پیغبـر بیلیـر بو صحـراده
دئسین علی مولا هر ایکی دونیـاده
علینی ایسته سه کیم عالم عقباده
شاد اولاجاق حتماً علیدی روحه صفا

علی علی مولا علی علی مولا

علیدی شاه لافتی علیدی نور کبریا
دئیر هامی شه و گدا علیدی دردلره دوا

علی علی جانم علی علی جانم


علی اصغرعباسعلی نژاد کیوج سراب


👈👈کانال جامع شعر مذهبی ترکی و فارسی
زیباترین👇👇
اشعار و نوحه ها ، مطالب مذهبی
شما هم عضو شوید
👇👇👇🙏🙏🙏
https://t.me/joinchat/AAAAAEO-vJZJ9e2FMTplsw
https://t.me/joinchat/AAAAAEO-vJZJ9e2FMTplsw

کانال جامع شعر مذهبی ترکی و فارسی

18 Jun 2024 10:34

🙏🙏🙏👆👆👆 سبک متن شعر بالا
حاج نادر جوادی 🎤
دولاندی آیلار محرم اولدی
😭😭😭



👈👈کانال جامع شعر مذهبی ترکی و فارسی
زیباترین👇👇
اشعار و نوحه ها ، مطالب مذهبی
شما هم عضو شوید
👇👇👇🙏🙏🙏
https://t.me/joinchat/AAAAAEO-vJZJ9e2FMTplsw
https://t.me/joinchat/AAAAAEO-vJZJ9e2FMTplsw

کانال جامع شعر مذهبی ترکی و فارسی

17 Jun 2024 22:36

💎 بِسْمِ اللَّهِ الرَّحْمَنِ الرَّحِیمِ 💎

اشعار مربوط به محرم 👇👇👇

✨السَّلامُ عَلَيْكَ يا اَبا عَبْدِاللهِ وَعَلَى الاَْرْواحِ الَّتي حَلَّتْ بِفِنائِكَ عَلَيْكَ مِنّي سَلامُ اللهِ اَبَداً ما بَقيتُ وَبَقِيَ اللَّيْلُ وَالنَّهارُ وَلا جَعَلَهُ اللهُ آخِرَ الْعَهْدِ مِنّي لِزِيارَتِكُمْ، اَلسَّلامُ عَلَى الْحُسَيْنِ وَعَلى عَلِيِّ بْنِ الْحُسَيْنِ وَعَلى اَوْلادِ الْحُسَيْنِ وَعَلى اَصْحابِ الْحُسَيْن✨


🌹🌹🌹🌹🌹🌹🌹🌹🌹🌹🌹
حیفدور انسان حسين بزميندن الهام آلمیا
باشینه  لطفِ حسین دنیاده سایه سالمیا
دوت حسینون دامنیندن چونکه معلوم ایلمز
ازمحرم تا محرم کیم قالا کیم قالمیا


🌹🌹🌹🌹🌹🌹🌹🌹🌹🌹🌹

کانال جامع شعر مذهبی ترکی و فارسی👇🙏

@delbakhteganeheydarekarar
@delbakhteganeheydarekarar
@delbakhteganeheydarekarar

ألـلَّـهُـمَــ عَـجِّـلْ لِـوَلـیِـکْ ألْـفَـرَج


سلام و عرض ادب خدمت شما بزرگواران

ان شاالله از فردا به کمک شعرا و مادحین با صفای کانالمون
اشعار مربوط به محرم ارسال خواهد شد

لطفاً ما رو هم از دعای خیرتون بی نصیب نگذارید 🙏🙏🙏
لطفاً کانالمون رو به دوستان معرفی کنید
التماس دعا🙏🙏🙏

کانال جامع شعر مذهبی ترکی و فارسی

16 Jun 2024 08:43

🔸بسم‌الله

این رجز جانانه محمدحسن فیضی در مدح حضرت حیدر کرار(ع) را ببینید
به آسمان عشق مولا پرواز کنید..
به عشق مولا علی پخش کنید🌹
فقط_حیدر_امیرالمؤمنین_است

(۹)روز تا غدیر خم


#مبلغ_غدیر_باشیم
#احادیث_غدیرخم
 
☑️امام صادق (ع) فرمود :

💠عید غدیر ، روزى است که رسول خدا (صل الله علیه و آله و سلم) على (علیه السلام) را بعنوان پرچمدار براى مردم برافراشت و فضیلت او را در این روز آشکار کرد و جانشین خود را معرفى کرد ، بعد بعنوان سپاسگزارى از خداى بزرگ آن روزه را روزه گرفت و آن روز ، روز روزه  دارى و عبادت و طعام دادن و به دیدار برادران دینى رفتن است . آنروز روز کسب خشنودى خداى مهربان و به خاک مالیدن بینى شیطان است .


📔 وسائل الشیعه ۷: ۳۲۸، ضمن حدیث.۱۲

#اللهم_عجل_لولیک_الفرج

کانال جامع شعر مذهبی ترکی و فارسی

15 Jun 2024 17:17

زبانحال حضرت مسلم (ع)

محمدرضا رمضانی ذوالفنون

سبک :👇🙏
گلمیشم فغانه یانه یانه عمه

ای منیم امیریم_وی منیم امامیم
مسلمم حسین جان_وار سنه سلامیم
ظلمه دستگیرم من
دشمنه اسیرم من
ای عزیز زهرا ۲

منله بیعت ائتدی_چوخلاری اولده
چون گوروبله سندن_واردی حکمیم الده
دوندولر ولیکن_موقع جلده
دشمن ایچره تک قالدیم
تیغیمی اله آلدیم
ای عزیز زهرا ۲

گرچه من تکیدیم_ائتدیم استقامت
گوردی هامّی مندن_قدرت و شهامت
گوئیا یازیلمیش_مسلمه شهادت
یوخ شکایتیم اصلاً
جان نثاریوم مولا
ای عزیز زهرا ۲

مسلمه سنیدون_زندگیده اسوه
ائتمرم بلادن_حق یولوندا شکوه
اولدی هم قطاریم_هانی بن عُروه
طوعه آدلی بیر خاتون
ایلدی منی مدیون
ای عزیز زهرا ۲

گلمه سن حسین جان_جانب عراقه
گلمه سیدی بو_معدن نفاقه
حرمت ایلمولّه_کوفیان قوناقه
گلمه کوفیه ساری
یوخ وفانون آثاری
ای عزیز زهرا ۲

یوخدی فرصتیم تا_ایلییم اشاره
یوز ویروب نلر بو_زار و دلفکاره
یا حسین اماندی_گلمه بو دیاره
کوفه دن گل اعراض ائت
هر یره گئدورسن گیت
ای عزیز زهرا ۲

کتاب زنجیر آزادی

👈👈کانال جامع شعر مذهبی ترکی و فارسی
زیباترین👇👇
اشعار و نوحه ها ، مطالب مذهبی
شما هم عضو شوید
👇👇👇🙏🙏🙏
https://t.me/joinchat/AAAAAEO-vJZJ9e2FMTplsw
https://t.me/joinchat/AAAAAEO-vJZJ9e2FMTplsw

کانال جامع شعر مذهبی ترکی و فارسی

15 Jun 2024 17:03

یا ثارالله
حسین(ع)


سبک: 👇🙏
میگذرد کاروان...

ذکرین حسین جان سنون دیلده اولوب ازبریم
آدین ایشیدجاق دولور گوهریلن گوزلریم
شوقیله من سسلرم سن سن آقا سروریم
عشقین اولوب دایما زندگیده رهبریم
اربابیم سلطانیم یاحسین
سالاریم جانانیم یاحسین
یالیتنا کنا معک یا ثارالله
یالیتنا کنا معک یاثارالله

یاد ایدروخ دایما اول سویولان پیکری
قانی آخان قلبیوی یا کسیلن اللری
اکبر گردونفری یا سود امر اصغر ی
یاد ایدروخ دایما ساقی نام آوری
اربابیم سلطانیم یاحسین
سالاریم جانانیم یاحسین
یالیتنا کنا معک یاثارالله
یالیتنا کنا معک یاثارالله

یاد ایدروخ حضرت مسلم آزاده نی
کوفه لیلر ووردولار ظلمیله دلداده نی
اولدی شهید ولا چکدی باشا باده نی
ایتدی مخاطب او دم شاه ولا زاده نی
اربابیم سلطانیم یاحسین
سالاریم جانانیم یاحسین
یالیتنا کنا معک یاثارالله
یالیتنا کنا معک یاثارالله

کوفه یه گلمه حسین یوخدی وفا کوفه ده
قانه بویاللار سنی چوخدی جفا کوفه ده
قویما گله زینبی خوندل اولا کوفه ده
یاکه رقیه ن گله رنگی سولا کوفه ده
اربابیم سلطانیم یاحسین
سالاریم جانانیم یاحسین
یالیتنا کنا معک یاثارالله
یالیتنا کنامعک یاثارالله

آعلییاروخ هرزمان شوریله احساسیله
عشق ایدروخ دایما گوزده کی الماسیله
ایلیروخ درد دل حضرت عباسیله
بیله دییردی اوگون اول شرف الناسیله
اربابیم سلطانیم یاحسین
سالاریم جانانیم یاحسین
یالیتنا کنا معک یاثارالله
یالیتنا کنامعک یاثارالله

دیده آچاندان سنون نوکر درباریوم
ساقی طفلان عشق عمربویی یاریوم
عرصه گه رزمیده میرو علمداریوم
فخر ایدرم عالمه عبد وفا داریوم
اربابیم سلطانیم یاحسین
سالاریم جانانیم یاحسین

دوشدی که آتدان یره رهرو آگاه عشق
سسلدی امدادینه مهری اودم ماه عشق
عرض ایدیب عباس آقا داده گل ای شاه عشق
گل نیجه گور قانیلن زینت اولوب راه عشق
اربابیم سلطانیم یاحسین
سالاریم جانانیم یاحسین
یالیتنا کنامعک یاثارالله
یالیتنا کنامعک یاثارالله

قول نه دی باش گوز نه دی جانیوه جانیم فدا
اصغر عطشانیوه تشنه زبانیم فدا
خیمه ده کی قیزلارا روح و روانیم فدا
اکبره یا قاسمه عمر و جوانیم فدا
اربابیم سلطانیم یاحسین...

سینه یه ووروخ آقا شوق و دل و جانیله
یاد ایدروخ محنتون دیده گریانیله
خوشدی سیزه آغلاماق عشقیله عرفانیله
دیل بیر اولا خ بیر دهبو نوحه شایانیله
اربابیم سلطانیم یاحسین
سالاریم جانانیم یاحسین
یالیتنا کنامعک یاثارالله
یالیتنا کنامعک یاثارالله



👈👈کانال جامع شعر مذهبی ترکی و فارسی
زیباترین👇👇
اشعار و نوحه ها ، مطالب مذهبی
شما هم عضو شوید
👇👇👇🙏🙏🙏
https://t.me/joinchat/AAAAAEO-vJZJ9e2FMTplsw
https://t.me/joinchat/AAAAAEO-vJZJ9e2FMTplsw

کانال جامع شعر مذهبی ترکی و فارسی

13 Jun 2024 15:16

‍ احوالات قتلگاه
😭😭😭😭😭
شب زیارتی حضرت ارباب
کانال جامع شعر مذهبی ترکی و فارسی


آخدی سوچوللره باخدی اورگی یاندی حسین

شرف وشوکتینه شأنینه عالم قربان

قان دولان گوزلرینه چشمه زمزم قربان

سنه رحم ایلمدی دشمن قرآن یارالی

بیر ایچیم سو سنه قحط اولدی لب عطشان یارالی

تشنه جان ویردون اوگون جان یارالی جان یارالی

ملکوت اهلی سنون حالیوه گریاندی حسین

نیلمیشدون بووجودین بئله دوغراندی حسین

قانلی مقتلده سنون سوز وگدازون نیمیش

تشنه حلقومیده کی راز ونیازین نیمیش

اوچوخور یرده اوحالیله نمازون نیمیش

نقدر آیه قرآنه سنون وار هوسون

گه تنور ایچره تلاوتده دی یورقون نفسون



👈👈کانال جامع شعر مذهبی ترکی و فارسی
زیباترین👇👇
اشعار و نوحه ها ، مطالب مذهبی
شما هم عضو شوید
👇👇👇🙏🙏🙏
https://t.me/joinchat/AAAAAEO-vJZJ9e2FMTplsw
https://t.me/joinchat/AAAAAEO-vJZJ9e2FMTplsw

کانال جامع شعر مذهبی ترکی و فارسی

12 Jun 2024 18:53

🔷 متن زیارت نامه امام محمد باقر علیه السلام ⬇️⬇️⬇️⬇️

الَسَّـلامُ عَلَیْکَ اَیُّهَا الْباقِرُ بِعِلْمِ اللّهِ
الَسَّـلامُ عَلَیْکَ اَیُّهَا الْفاحِصُ عَنْ دِینِ اللّهِ
الَسَّـلامُ عَلَیْکَ اَیُّهَا الْمُبَیِّنُ لِحُکمِ اللّهِ
الَسَّـلامُ عَلَیْکَ اَیُّهَا القائِمُ بِقِسْطِ اللّهِ
الَسَّـلامُ عَلَیْکَ اَیُّهَا النّاصِحُ لِعِبادِ اللّهِ
الَسَّـلامُ عَلَیْکَ اَیُّهَا الدّاعِی إلَى اللّهِ
الَسَّـلامُ عَلَیْکَ اَیُّهَا الدَّلِیلُ عَلَى اللّهِ
الَسَّـلامُ عَلَیْکَ اَیُّهَا الحَبْلُ الَمَتِین
الَسَّـلامُ عَلَیْکَ اَیُّهَا الْفَضْلُ المُبِینُ
الَسَّـلامُ عَلَیْکَ اَیُّهَا النُّورُ السّاطِعُ
الَسَّـلامُ عَلَیْکَ اَیُّهَا الْبَدْرُ الْــلاّمِعُ
الَسَّـلامُ عَلَیْکَ اَیُّهَا الحَقُّ الاَبَلَجُ
الَسَّـلامُ عَلَیْکَ اَیُّهَا السِّراجُ الاَسْرَجُ
الَسَّـلامُ عَلَیْکَ اَیُّهَا النَّجْمُ الاَزْهَرُ
الَسَّـلامُ عَلَیْکَ اَیُّهَا الکَوْکَبُ الاَبْهَرُ
الَسَّـلامُ عَلَیْکَ اَیُّهَا المُنَزَّهُ عَنِ المُعْضَلاتِ
الَسَّـلامُ عَلَیْکَ اَیُّهَا المَعْصُومُ مِنَ الزَّلاّتِ
الَسَّـلامُ عَلَیْکَ اَیُّهَا الزَّکِیُّ فِی الْحَسَبِ
الَسَّـلامُ عَلَیْکَ اَیُّهَا الرَّفِیعُ فِی النَّسَبِ
الَسَّـلامُ عَلَیْکَ اَیُّهَا القَصْرُ الَمَشِیدُ
الَسَّـلامُ عَلَیْکَ یا حُجَّةَ اللّهِ عَلى خَلْقِهِ اَجْمَعِینَ
اَشْهَدُ یا مَوْلای اَنَّکَ قَدْ صَدَعْتَ بِالْحَقِّ صَدْعاً
وبَقَرْتَ العِلْمَ بَقْراً، ونَثَرْتَهُ نَثْراً
لَمْ تَاْخُذْکَ فِی اللّهِ لَوْمَةُ لائِم
وَکُنْتَ لِدِینِ اللّهِ مُکاتِماً
وَقَضیْتَ ما کانَ عَلَیْکَ
وَاَخْرَجْتَ اَوْلِیاءَکَ مِنْ وَلایَةِ غَیْرِ اللّهِ اِلى وِلایةِ اللّهِ
وَاَمَرْتَ بِطاعَةِ اللّهِ، وَنَهَیْتَ عَنْ مَعْصِیَةِ اللّهِ
حَتّى قَبَضَکَ اللّهُ اِلِى رِضْوانِهِ
وَذَهَبَ بِکَ اِلى دارِ کَرامَتِهِ
وَاِلى مَسَاکِنِ اَصْفِیائِهِ
وَمُـجاوَرَةِ اَوْلِیائِهِ
الَسَّـلامُ عَلَیْکَ وَرَحْمَةُ اللّهِ وَبَرَکاتُهُ



🔶متن صلوات خاصه امام محمد باقر علیه السلام. ⬇️⬇️⬇️⬇️

اللَّهُمَّ صَلِّ عَلَى مُحَمَّدِ بْنِ عَلِیٍّ بَاقِرِ الْعِلْمِ وَإِمَامِ الْهُدَى وَقَائِدِ أَهْلِ التَّقْوَى وَالْمُنْتَجَبِ مِنْ عِبَادِکَ اللَّهُمَّ وَکَمَا جَعَلْتَهُ‏ عَلَماً لِعِبَادِکَ‏ وَمَنَاراً لِبِلَادِکَ وَمُسْتَوْدَعاً لِحِکْمَتِکَ وَمُتَرْجِماً لِوَحْیِکَ وَأَمَرْتَ بِطَاعَتِهِ وَحَذَّرْتَ عَنْ مَعْصِیَتِهِ فَصَلِّ عَلَیْهِ یَا رَبِّ أَفْضَلَ مَا صَلَّیْتَ عَلَى أَحَدٍ مِنْ ذُرِّیَّهِ أَنْبِیَائِکَ وَأَصْفِیَائِکَ وَرُسُلِکَ وَأُمَنَائِکَ یَا رَبَّ الْعَالَمِینَ.




👈👈کانال جامع شعر مذهبی ترکی و فارسی
زیباترین👇👇
اشعار و نوحه ها ، مطالب مذهبی
شما هم عضو شوید
👇👇👇🙏🙏🙏
https://t.me/joinchat/AAAAAEO-vJZJ9e2FMTplsw
https://t.me/joinchat/AAAAAEO-vJZJ9e2FMTplsw


👇👇👇🙏🙏🙏🌹🌹🌹
لطفا کانالمون رو به دوستان خود معرفی کنید

کانال جامع شعر مذهبی ترکی و فارسی

26 Jun 2024 10:34

‍ شاخسی

کانال جامع شعر مذهبی ترکی و فارسی
مست ائدیب عالملری فاطمنین دلبری
باخاندا گل روینه یاده سالور حیدری

دلره دلبردی بو
شعیه رهبردی بو
جان ودل مصطفی
عزیز زهرادی بو

یااباصالح مدد
__________________

سن بول آنان فاطمه لطفوی شایان ایله
بو جمعی سن گل آقا بقیعه مهمان ایله

بقیعده دلبر یاتوب
روح پیمبر یاتوب
سینه سی مجروح اولان
یاورحیدر یاتوب

یااباصالح مدد
__________________

صبح ومساء آغلوری شیعه لر ایلور نوا
چوخی اورکده قالوب حسرت کرب وبلا

شیعه لرون گوزلری
اوقانلی صحراده دی
دردیمیزین چاره سی
دلبر زهراده دی

یااباصالح مدد

👈👈کانال جامع شعر مذهبی ترکی و فارسی
زیباترین👇👇
اشعار و نوحه ها ، مطالب مذهبی
شما هم عضو شوید
👇👇👇🙏🙏🙏
https://t.me/joinchat/AAAAAEO-vJZJ9e2FMTplsw
https://t.me/joinchat/AAAAAEO-vJZJ9e2FMTplsw

کانال جامع شعر مذهبی ترکی و فارسی

26 Jun 2024 10:32

ورود به ماه محرم
کانال جامع شعر مذهبی ترکی و فارسی
مرحوم جبار مضطر اردبیلی

خبردار ای عزاداران، حسینین یاسی باشلاندی
اولونسون عالمه اعلان، حسینین یاسی باشلاندی

اگر فکر عالمیلن ایلسن سن گوگلره معراج
گوررسن حضرت روح الامین باشدانس گوتورموش تاج
بلند آوازیلن سویلر الا ای فرقۀ بهاج
اولون غمگین بودور فرمان حسینین یاسی باشلاندی

گئدیب بیر طفلد‌ن آلدیم خبر آیا، نه عالمدیر
دئدی آلما خبر ای مرد محرمدیر، محرمدیر
بیزیم گوز یاشیمیز آخر حسین زخمینه مرحمدیر
اونون لطفی بیزه درمان حسینین یاسی باشلاندی

گوزومد‌ن یاش اولور جاری، قلم آلدیم اله فی‌الحال
یازام بیر شمّه بو حالی خیالیمدن گئچیب گودال
همان گودالی آلمیشدی آرایه دستۀ اطفال
هامیسی دیدسی گریان، حسینین یاسی باشلاندی

آچیبدیر باشینی زینب او نعشین اوسته دلخسته
نه حالدیدی دولاندیردی خلاصه آرخاسی اوسته
باجیدیر قارداشین اوخشار ولی آهسته آهسته
میان مقتل میدان، حسینین یاسی باشلاندی

گوروب بیر اوچ یاشیندا قیز مصیبت باشیدن آشدی
دئدی دردین باباسینه محبت قایناییب داشدی
آتاسی قوللارین آچدی، بالا گلدی قوجاقلاشدی
باخیر اطرافید‌ن عدوان، حسینین یاسی باشلاندی


👈👈کانال جامع شعر مذهبی ترکی و فارسی
زیباترین👇👇
اشعار و نوحه ها ، مطالب مذهبی
شما هم عضو شوید
👇👇👇🙏🙏🙏
https://t.me/joinchat/AAAAAEO-vJZJ9e2FMTplsw
https://t.me/joinchat/AAAAAEO-vJZJ9e2FMTplsw

کانال جامع شعر مذهبی ترکی و فارسی

26 Jun 2024 10:27

‍ عرض ادب خدمت حضرت سیدالشهداء علیه السلام

کانال جامع شعر مذهبی ترکی و فارسی

مجلس غمدی / گویلرده ماتمدی
ماه محرمدی / ای اهل عالم

آغلییر طاها / باشه وورور مولا
نوحه دییر زهرا / برپادی ماتم

دیللرچکورشراره
گوز یاش آخور عذاره
صاحب عزا خدادی
عرشه چکوبله قاره

ایوای حسین یارالی۳

___________________


گوزلر ایسلاندی / عالم پریشاندی
چوخ غملی دوراندی / اون گون محرم

اون بیر آی گوزلر / اهل عزا یکسر
اربابینی سسلر / اون گون محرم


رخت عزا گیین لر
عشقونده آغلیین لر
غوغا سالار جهانه
ایوای حسین دیین لر

ایوای حسین یارالی۳

__________________


قلبیلر قاندی / دیللر گینه یاندی
زهرا نواخواندی / سسلر اوغول وای

اوغلونا آغلار / غم سینه سین داغلار
باشه قرا باغلار / سسلر اوغول وای

سسلر حسینیم ایوای
وار شور و شینیم ایوای
ایکاش آنان ئُولیدی
وای نور عینیم ایوای

ایوای حسین یارالی۳
_____________________


جان ویرن عطشان / ای شاه مظلومان
جانلار سنه قربان / قلبه صفا ویر

پرچمون اَسدی / کفرون سَسین کَسدی
حاشا دییَم بَسدی / کرب و بلا ویر

ای فاطمه بالاسی
ای دردیمین دواسی
واردور باشیمدا مولا
بین الحرم هواسی

ایوای حسین یارالی۳
______________________


گلشنون سولماز / کیمسه تایون اولماز
گوزلر نجه دولماز / آدون گلنده

اودلانار دیللر / آغلار هامی ائل لر
مظلوم ئولن سسلر / آدون گلنده

خون خدا حسینجان
ای با صفا حسینجان
دویمازلا آغلاماخدان
اهل عزا حسینجان


ایوای حسین یارالی۳

_____________________


بلبل زارم / مولا عزادارم
باخما گنهکارم / قووما قاپوندان


ای یوزی مهتاب / ایتمه منی بیتاب
من (بیکَسم) ارباب / قووما قاپوندان

بیر عمردور گدایم
چوخ درده مبتلایم
جان ویرموسن یارالی
گول آدیوا فدایم


ایوای حسین یارالی۳


👈👈کانال جامع شعر مذهبی ترکی و فارسی
زیباترین👇👇
اشعار و نوحه ها ، مطالب مذهبی
شما هم عضو شوید
👇👇👇🙏🙏🙏
https://t.me/joinchat/AAAAAEO-vJZJ9e2FMTplsw
https://t.me/joinchat/AAAAAEO-vJZJ9e2FMTplsw

کانال جامع شعر مذهبی ترکی و فارسی

26 Jun 2024 10:26

درجلالت کربلا
به قلم حسینی سعدی زمان

شاخسی


کانال جامع شعر مذهبی ترکی و فارسی

ای کرب وبلا نین یری ای کعبه دن اشرف
الله معرف سنه سن بیته معرف
توپراقوی هر کیمسه اوپوب کامه چاتوبدی
شانونده بو بسدور که حسین سنده یاتوبدور

بیر شاه اوزون یر یوزونون مالکی بولسه
شاهلار ایاقین اوپماقا تپراقه توکولسه
تاجین او گوزل تپراقوا سورتمسه السه
محشر گونی سرمایه حسرت اولی تاجی
بوینوندا اونون طوق مذلت اولی تاجی

بیر شاه یاتوب سنده که شاهلار اونا نوکر
درباری فلکدن اوجا دربانی ملک لر
دیوان قضا حاکمی آئینه داور
جاروبی گوزل درگینون گیسوی حورا
جاروب ایدنی نوح و خلیل الله و عیسی

یوخدور سنه واللهی شرافتده چاتان یر
سنسن شرف آل عبا قانه باتان یر
حی ابدی مظهر و محبوبی یاتان یر
آرام دل فاطمه نین مدفنی سنسن
حق مظهری ناحق اله نین مسکنی سنسن

سنده بویانوب قانه باتوب بر گل خوشبو
دنیا گوزی گورموب ایله بر نو گل خوش رو
خلقتده آلوب رنگ او گلدن گل مینو
بر گل که اونون گلشنی دور سینه زهرا
بیر سینه که ایگلردی اوپردی اونی طه

قبر نبوی یا اولا کعبه یری حتی
توپراقینی جایزدگی شرعا یماق اما
پیغمبر ایدوبدور سنی بو حکمده منها
بو سهلیدی جایزدی یماق خاک شفادی
بر ذره بری گر ییه مین درده دوادی

مشگی یارادان نافه آهوی ختنده
بر عطر قویوب ای شرف غالیه سنده
مشگین آزالار قدری اونون عطری گلنده
تا عطرین آلار قبرده زهرا ملر آغلار
دلده بالا وای گوز یاشی گوزدن الر آغلار

گر عرش دیسم من سنه بالفرض خطادی
توپراقوه عبطه آپاران عرش خدادی
تعظیم ایلسه فرشوه گر عرش سزادی
سن دوش نبی زینتین آغوشه آلوبسان
عرشین سبب خلقتین آغوشه آلوبسان

گر مایل زینت اولا حوریه جنت
توپراقون ایدر سرمه تاپار گوزلری زینت
اولماز نجه حورا گوزینه سرمه او تربت
اول تربته خون شه بطحا قاریشوبدی
اشک تر انسیه حورا قاریشوبدی

ای وادی ایمن ویروب الله سنه بیر جاه
موسای کلیم اولسادا اولماز اونا آگاه
خاکم به دهن من دیمورم سنده دور الله
بیر یر که او یرده اولا الله قانی جاری
ارواح رسل سجده گه ایلر او دیاری

کافردی بیری سنده یاتوب گر دیه الله
اوز ذاتین ایدوبدور اونا اما دیه الله
دنیانی خراب ایتمدی بولمم نیه الله
گوردی که یخوب سوگلیسی تپراقا اشرار
گون ایسیسی دگدقجا یانار یاره سیزیلدار

ای کرب و بلانین یری سن کوه مناسن؟
یوخ یوخ سبب منزلت بیت خداسن
آغوشه آلوبسان نچه لب تشنه فداسن
بر خدمت ایدوبلر اولار احکام جلیله
ممکندی او خدمت نه ذبیحه نه خلیله

ای کرب و بلا سنده کی ششگوشه مزاری
بر نوع سایوب با عظمت حضرت باری
مژگانیله جبریل سیلر اولسا غباری
عمریم او گوزل مدفنه آثاروه قربان
یوخ منده لیاقت سنه زواروه قربان

ای کاش اجلدن او قدر مهلت اولیدی
لطفیله آقامدان نظر رافت اولیدی
بر نیمه شعبان منه ده قسمت اولیدی
گوز یاشلی گذر کعبه مقصوده سالیدیم
جان تک او گوزل مرقدی آغوشه آلیدیم

دلباخته عاشقدی سنه جان حسینی
سنسن مرض عشقینه درمان حسینی
اسموندی هامی بر سوزه عنوان حسینی
سعدی زمان اولسا اگر علتی سنسن
گوندوز گیجه گوز یاشلی سوزی صحبتی سنسن



👈👈کانال جامع شعر مذهبی ترکی و فارسی
زیباترین👇👇
اشعار و نوحه ها ، مطالب مذهبی
شما هم عضو شوید
👇👇👇🙏🙏🙏
https://t.me/joinchat/AAAAAEO-vJZJ9e2FMTplsw
https://t.me/joinchat/AAAAAEO-vJZJ9e2FMTplsw

کانال جامع شعر مذهبی ترکی و فارسی

26 Jun 2024 10:21

حسین (ع) در راه کربلا
ورود ماه محرم
مرحوم تائب تبریزی
کانال جامع شعر مذهبی ترکی و فارسی

هر سمتیدن قولاقه حسینی نوا گلور
سینموش اورکلره بو نوادن صفا گلور

گویا محرّم آخشامیدور، کوی و برزنه
قاره چکوبله عالمه حال عزا گلور

اهل عزا باتوبلا محرّم قراسینه
پیر و جوان گیوبدی لباس قرا گلور

ایلوب حسین ترک وطن چوللری گزر
کرب و بلایه پادشه کربلا گلور

ناقص قویوبدی حجّینی بیت الحرامیده
کوی وفاده ایتماقا سعی و صفا گلور

شوریده سردی باغلیوب احرام کربلا
دشت بلانی ایتماقا رشک منا گلور

قربان کسنمیوبدی، منای محبّته
جمع ایلیوبدی باشینه یتمیش فدا گلور

چشم بصیرت ایستوری گورسون او عالمی
بولسون که بیت صاحبی هاردان هارا گلور

بیت و حرمدن آیری دوشوب کربلاسینه
شوریله مُحرم حرم کبریا گلور

بیر قافله اونیله دوشوب طیّ راه ایدر
آردینجا غیبیدن بو صدا بو ندا گلور

بو کاروان دالینجا دوشوب کاروان مرگ
هر یان او جمعیله دولانور پا به پا گلور

روح امان خلق امانگاهی ترک ایدوب
وحشت زده، امانسیز، امینُ الوَری گلور




👈👈کانال جامع شعر مذهبی ترکی و فارسی
زیباترین👇👇
اشعار و نوحه ها ، مطالب مذهبی
شما هم عضو شوید
👇👇👇🙏🙏🙏
https://t.me/joinchat/AAAAAEO-vJZJ9e2FMTplsw
https://t.me/joinchat/AAAAAEO-vJZJ9e2FMTplsw

کانال جامع شعر مذهبی ترکی و فارسی

26 Jun 2024 10:17

حلول ماه محرم - ورود به زمین کربلا
کانال جامع شعر مذهبی ترکی و فارسی

صبا   خبر    ویر   مریض   عشقه
که  درد   عشقین   دواسی گلدی

یتشدی   فصل      فغان   و  ناله
آقام    حسینون   عزاسی   گلدی



گنه      آچیلدی       قرا      علملر
قورولدی    بزم     عزا     حسینه
نه تک    بو  عالم    هامی   عوالم
اولوبدی      ماتم   سرا     حسینه
توکر   سرشکین   یوزه   ملک لر
ایده لّه    بی حد     نوا     حسینه
گورنده   عرش   برینه    بو    آی
بساط     ماتم     اساسی   گلدی


اوکس که روحی عجین اولوبدوی
جهاندا        عشق           ولایتیله
دولوبدی  باشدان  باشا   وجودی
عزیز            زهرا           محبتیله
دوتار   حسینه     عزا    بو     آیدا
خلوص   و    عشق   و     ارادتیله
حسینه    هاردا    دوتولدی   ماتم
یقین    او    بزمه   آناسی   گلدی


بو    آیدا   طور   وفا    و    عشقه
کلیم    عشق   و    وفا     یتشدی
صفای    عشقی     ویرن    حریم
صفای    عشقه     صفا    یتشدی
که    یعنی    هر   درد    بی دوایه
دوا     یتشدی    شفا      یتشدی
مریض  عشقه  دیون که  دردون
دواسی  گلدی    شفاسی   گلدی


اولار   که     قالو  بلا       گونونده
بلای     عشقه       بلا       دیوبلر
چکوبله    باشه    سبوی   عشقی
خدای    عشقه      ثنا       دیوبلر
اولوبلا     مست     می      ولایت
حسینه    جانیم     فدا       دیوبلر
آتوبلا   جاه   و   جلالی    باشدان
گورنده  عشقین   صلاسی گلدی


اولوبلا    محلق     امیر      عشقه
رضا     ویروبله    رضای    عشقه
وفا    ایدوبلر     ازل  کی    عهده
دوشوبله     راه      منای    عشقه
هوای     وصل     نگار        باشدا
یتوبله     خلوت   سرای     عشقه
نسیم    رحمت   اسوب    نگارین
تفضّلات       صفاسی        گلدی


امیر     عشق     و     وفا     یتنده
حریم          خلوتگه            نیازه
باخوبدی    چشم    عمیقیلن   بیر
فضای     کوی        وصال     یاره
چاغوردی    حیدر   مثال  آخاسین
خطاب     گلدی      او      نامداره
بو  یردی   خلوت  سرای   جانان
که   روحیمه   خو  فضاسی گلدی


بو  یردی   عرش  بریندن  افضل
که عرشه  زینت  فزادی  قارداش
سواد    اعظمدی     اهل    عشقه
که   ماسوادن   سوادی   قارداش
بیر    آدی     صحرای     قاضریّه
بیر آدی    کرب و بلادی  قارداش
حق     ایلینده    جهانی      ایجاد
بو دشته   لطف  و صفاسی گلدی


بو      یردی      گنجینة    خدایی
بو     کنزه       گوهر      علی اکبر
بو      یردی      گلزار      کبریایی
بو    گلشنه    گول      علی  اصغر
بو    یردی    نور   خدایه  مشکوه
منم     ازلدن     او    نوره   مظهر
او  نوره  حسرت  چکردی موسی
که    لَن  ترانی    نداسی    گلدی


بو    سرزمین    بلاده     قارداش
صحابة    حق   ایده ّله     نهضت
او     نهضتیله     سالالا        قلب
جهان  کفر    و   نفاقه     وحشت
سپاه      باطل       گیدر      فنایه
حیات    تازه      تاپار      شریعت
همیشه     ظلمت     گیدر     فنایه
گورنده    مهرین   ضیاسی گلدی


بو   یردی   جدّیم   خبر  ویرن یر
بو   یردی   دلدن   قرار   آلان  یر
بو   یردی  آهیم  گویه  چخان یر
بو یردی   آتش   دله   سالان  یر
بو    یردی     دللر      الولانان  یر
بو یردی اصغر  سوسوز قالان یر
بو یرده  بیر گون  گلوب گوررسن
ربابون    ایوای   صداسی   گلدی



دیر    بو     سوز     هوادن     الله
بالامدا    یاندی  اوزومده   یاندیم
نوا     و    داد    و    بکادن     الله
بالامدا    یاندی  اوزومده   یاندیم
شرار        اهل       جفادن     الله
بالامدا    یاندی  اوزومده   یاندیم
اورک   دایانمور    یانور    گورنده
بو   طفل   زارین   نواسی  گلدی



الهی    (( جابر ))     گناه     الینده
گلوبدی  جانه    اولوبدی   مضطر
ولی   سیچوبدور    عزیز      زهرا
حسینی    عالملر    ایچره     دلبر
وار     آرزوسی     اولا      حسینه
آناسی     زهرا     پسند        نوکر
حقیقی    نوکر    چیخاندا    جانی
گورر     وفالی    آقاسی      گلدی

حاج محمد تقی جابری


👈👈کانال جامع شعر مذهبی ترکی و فارسی
زیباترین👇👇
اشعار و نوحه ها ، مطالب مذهبی
شما هم عضو شوید
👇👇👇🙏🙏🙏
https://t.me/joinchat/AAAAAEO-vJZJ9e2FMTplsw
https://t.me/joinchat/AAAAAEO-vJZJ9e2FMTplsw

کانال جامع شعر مذهبی ترکی و فارسی

18 Jun 2024 22:12

کوچ از قتلگاه
کانال جامع شعر مذهبی ترکی و فارسی

دیده عا لم حسین تک مرد میدان گور میوب
بیر بیله ازاده رهبر چشم دوران گورمیوب

ویردی الله کا ئناته جلوه اون دورت نوریدن
افضل ایتدی اولارین قدرین ملکدن حوریدن
پنج تن بزمی حسین حسنیله دولدی شوریدن
باشدی زهرا اوغلونون کربو بلاسی طوریدن
حیف او طوری حضرت موسی بن عمران گورمیوب

دوره گردم من محبت باغینون سیاحیم
معنویت بزمینون پروانه مصباحیم
گوز یاشیم لشگلر اورکلر ملکینین فتاحیم
مدعی چوغ طعنه ورما من حسیم مداحیم
بیر گلوم وار که گلدن هیچ گلستان گورمیوب

گزسه عیسی گویلری بیر بیر الده گون بیر الده آی
کل عالمده تاپا بلمز بیزیم مولایه تای
دورسا بیر صفده گوزللر سن حسینی باشدا سای
ویردی الله سوم شهبا اونی زهرایه پای
نه بشر مثلین اونون حوری و غلامان گورمیوب

روز محشرکه اولار مردم بهشته مشتری
جمع اولار دور حسینه بیر محبت لشگری
حوری لر سسلر گلون گیتمز حسین عاشقلری
(( قدر زر زرگر شناسد قدر گوهر گوهری ))
مقتدر شاهدا بو شخصیتده سلطان گورمیوب

نقل ایدور زینب که عمرنده بابام شیر خدا
ئوز آدیلا سسلنردی اهلبیتن جا به جا
لیک گوردور قجا حسین قارداشیمی اول با وفا
احتراما یا اباعبدالله ایلردی ندا
آفرینش چرغی بیله ماه تابان گورمیوب

اولدی ابراهیمه نازل اود یانندا جبرئیل
هر سوزون اولسا دیدی خدمتگزارم یا خلیل
گیت دیدی کیم پنج تن حقین تانور اولماز ذلیل
منجنیق اوستونده سسلندی حسین جان الدخیل
دوندی اود گلزاره جانی صدمه اودان گورمیوب

بونه سوزدور که بیورموش حضرت خیر الانام
قانیمیز بیردی حسین مندندی منده اونلانام
گلمسیدی فدیه اسماعیلیدن قالمازدی نام
او دیری قالدی حسین گلسین وجوده والسلام
پس حدیث مصطفی کاملدی نقصان گورمیوب

بو حسین کیمدی که دوشمز پاک دللرن آدی
آدینی ذکر ایلدوقجا آغزیمون آرتار دادی
قنداقی عرشه گیدوبدی گور مقامی هاردادی
باشینون دسمالینی جبریل گویدن آسلادی
خلقتندن بیله تزئین عرش رحمان گورمیوب

قاره سین سویماز حسین دیوانه سی گر جان چیخا
سینیه اله ورار تا دوشلرندن قان چخا
آغلادی شیعه گرک یردن گویه افغان چخا
قویما عاشورا غدیر خم کیمی یادان چخا
مدعی آزاده لردن نقص پیمان گورمیوب

وای اگر قول نبی آویزه گوش اولماسون
بو حسین عشقی گرک دللرده خاموش اولما سون
ایلیون همت که عاشورا فراموش اولما سون
رو سیه دور ایلده هر کیم سیه پوش اولما سون
عشقین اعجازین او بیچاره کما کان گورمیوب

آند اولا ویرانه ده زینب دوتان ماتملره
آند اولا دین دوره سینده حصن مستحکملره
آند اولا ارواح طیب سیر ایدن عالملره
قویماروخ بیگانه چپ باخسون قرا پرچملره
عشق دریا سین هله دشمن خروشان گورمیوب

ای سوزی بیر عمراولان یا لیتنا کنا معک
بعد دفنون قبریون اوسته گلر بیر جوت ملک
سسلنلر ای حسینون عاشقی دور یاتما تک
وحشته دوشمه سنه مولا ئوزی ایلر کمک
هیچ حسینچی تپراق آلتیندا رنج و حرمان گورمیوب

قلبیمیزدن یا حسین بو عاشقی الله آلماسون
تاپشور عباسه عزاداری نظردن سالماسون
تذکره گوندر اورکلرده بو حسرت قالماسون
کربلا شوقیله مرغ جان نجه پر چالماسون
قبریوی چوخداندی بو جمع پریشان گورمیوب

هر بلا گلدی یولوندا جانه آلدوخ یا حسین
باتدی عاششقلر قانا بیز دالا قالدوخ یا حسین
عمر و موز گیچدی نظر یولارا سالدوخ یاحسین
سن آنان جانی داخی بسدی قوجالدوخ یا حسین
بوحالا دوشمز اوکس که داغ هجران گورمیوب

سوز یازوب گیچدیم بو سری واقف مطلب بلر
صبح صادقده نلر وار زنده دار شب بلر
سوز هجرانی هر عاشق چکسه تاب وتب بلر
ای دلیم لال اول حسینون قدرینی زینب بیلر
غصه لی عمرنده زینب راحت جان گورمیوب

مقتله گلدی دیدی دیده مده قان یاش وار یاحسین
هار دا سان سس ور منه نه یارو یولداش وار یا حسین
دشمنیم کامه چاتوب هرالده بیر باش وار یل حسین
بلمزیدیم کربلاده بیر بیله داش وار یا حسین
داشلار آلتدا هیچ باجی قارداشین عریان گورمیوب

فکر یوی قارداش باجون باشدان بلورسن آتمادی
آی گجه باتدی فرات اوسته سیز یلتی باتمادی
من کشیک چکدیم الم عباسه نیلیم چاتمادی
هرنه یالواردیم ربابه صبح اولونجایاتمادی
هیچ آنامدا بیر بیله شام غریبان گورمیوب

وارحسین بیر شایعه سالمیش منی حالدان حالا
کوفده دشمن بیزی ممکندی زندانه سالا
نیلرم نازلی رقیه غملی محبسده قالا
منده ئولم قورخودان ئولسه او شیرین دل بالا
اوچ یاشی واردی هله عمرونده زندان گورمیوب

عادی نسوانه « کلامی » زینبی ایتمه قیاس
بو خانم اسلامی احیا ایتدی بی خوف و هراس
یاز ابوالفضلین باجیسی شمره ایتمز التماس
باشینی غارت آغارتدی تارومار اولدی اساس
دوشدی بیر گردابه که نوح ایله طوفان گورمیوب

استاد کلامی زنجانی

👈👈کانال جامع شعر مذهبی ترکی و فارسی
زیباترین👇👇
اشعار و نوحه ها ، مطالب مذهبی
شما هم عضو شوید
👇👇👇🙏🙏🙏
https://t.me/joinchat/AAAAAEO-vJZJ9e2FMTplsw
https://t.me/joinchat/AAAAAEO-vJZJ9e2FMTplsw

کانال جامع شعر مذهبی ترکی و فارسی

18 Jun 2024 10:43

نهضت وعظمت امام حسین (علیه السّلام)
به قلم افتخار کانالمون شاعر اهلبیت (ع)
استاد بزرگوار
حاج اصغر فرشچی (عدلی تبریزی)



کانال جامع شعر مذهبی ترکی و فارسی

درد وغمینده آغلین چشم جهاندی یاحسین
شعلۀ آهیوه یانان کون و مکاندی یاحسین

فدا اولوم جلالیوه مرقد نازنینیوه
سینوون اوسته اصغر واکبر مه جبینیوه

🌸🌸🌸🌸🌸

عشق ومحبّتون زبس قلب لره ویرورصفا
عاشق اولان بوحسنوه قلب زماندی یاحسین

اسم مبارکون دیین حاجتنی گورور روا
چونکی آدون بودل لره روح رواندی یاحسین

چشم خلایق آغلیوب گلشنوون سولان گونی
بزم عزا دوتان سنه عالمیاندی یا حسین

عرشیده عرشیان سنه محفل سوگ و غم قورار
تک نه بوفرش ،عرشیده غمون عیاندی یاحسین

قانلی او نهضتون ویروب درس شـهادت عالمه
فخر ایلین بو نهضته اهل جناندی یا حسین

ماه محرمون اونی یوم شهادتون بیزه
نقطۀ عطف اولوبدی چون ورد زباندی یاحسین

قرن لراولدی بوآدون حکمروادی دلره
ذکرمصیبتون ایدن پیروجواندی یاحسین

نهضتون اوسته اکبرون قطعه به قطعه دوغرانوب
دادو بکاسی زینبون عرشه دایاندی یا حسین

آلدی فراتی قارداشون مشکنی دولدوروب چخوب
نفسینی خوار ایدن سووا شیرژیاندی یا حسین

دلده خداخدا سی وار سو یتوره حرم لره
خیمه ده العطش سسی موج زناندی یا حسین

اونداکی دگدی مشکه اوخ دنیا دولاندی باشینه
قالمادی مشکیده سویی یرده جالاندی یا حسین

سسلدی مشکیمه دگن اوخ منی مأیوس ایلدی
گوزلریمه دگیدی کاش تزگل اماندی یا حسین

قول لاری اولدی تا قلم ساخلیا بـولمدی علم
سسلدی اول زمان سنی خجلته یاندی یا حسین

سیندی بلون گورن کیمی قارداشوی یارالی سن

قارداشا قارداش ئولماقی دوزدی یاماندی یا حسین

سوطلب ایتدون اصغره ویردی جوابین حرمله
اللرون اوسته سود امر قانه بویاندی یاحسین

خون خدائیدی اوقان عرش خدایه یوللادون
عالمی آغلادان همان گویده کی قاندی یاحسین

گون باتوب اسدی قاره یل شمرکسنده باشیوی

گوردولر عالمی دوتان قانلی دوماندی یا حسین

غارته ال آچان زمان اود ویرولوب خیامیوه
مال و منالون اودلانوب یاندی تالاندی یاحسین

چاپدیلا آتلارین تمام پیکر نازنینیوه
بو وَلَدُ الزٌِنالیقا گور نه نشاندی یاحسین

گویلره عرش سمتینه جدون ائدوب عروج اگر
مکان سنون عروجیوه نوکِ سِناندی یا حسین

درگهیوه گدااولان«عدلیدی»نوحوی یازان
حشریده اولماسان شفیع اوتدا یاناندی یاحسین



👈👈کانال جامع شعر مذهبی ترکی و فارسی
زیباترین👇👇
اشعار و نوحه ها ، مطالب مذهبی
شما هم عضو شوید
👇👇👇🙏🙏🙏
https://t.me/joinchat/AAAAAEO-vJZJ9e2FMTplsw
https://t.me/joinchat/AAAAAEO-vJZJ9e2FMTplsw

کانال جامع شعر مذهبی ترکی و فارسی

18 Jun 2024 10:33

دولاندی     آیلار           محرم اولدی
گییندی      عالم           قرا   حسینه
دوباره     اسدی           قرا      علملر
قورولدی طشت           عزا   حسینه


اسور       دمادم       نسیم       ماتم
بلا     و   محنت       هواسی   گلدی
گئنه        فلکدن       یانان   ئورکدن
آقام  حسین وای      صداسی   گلدی
ئورکدن       آغلا       بو جَمعه شاید
قولی      شکسته      آناسی     گلدی
سیز        آغلیاندا      شهیده     زهرا
دیور   که  روحیم      فدا      حسینه


اسنده       پرچم        دوشور    خیاله
لوای       صاحب        لوا       ابالفضل
جبینی         یاره        سو مشکی پاره
قولی         بدندن       جدا      ابالفضل
گتور      مریضون       مطب      عشقه
وئرر         مریضه       شفا      ابالفضل
که           کربلاده       کئچوب گوزوندن
ائدوبدی     حقون       ادا          حسینه



فدا     او    مشکه       که    پاره لندی
یارالی           سقا       اولوب خجالت
گورنده     قولسوز       دوشوب  ترابه
سپاه          دشمن       ائدوب شماتت
چاغوردی قارداش        هایانداسان گل
ائدوم        دوباره        سنی     زیارت
که فیض   وصلون        یتور       تمامه
جانیم        فدادی        آقا        حسینه


حسین   یئتیشدی       او     دم    هرایه
گوروب      وزیری       غمه        سپردی
بدنده    قول یوخ       گوزونده قان وار
یارالی      جسمی       شکسته      پردی
دئدی   اویان  گور       اخا       حسینون
جنازون      اوسته       نه    دیده   تردی
کمکسیزم       دور       آدامسیزام   دور
دوت    اللریم  وئر       صدا       حسینه


هارداسان فاطمه   بالاسی
باشلانور جددوون عزاسی
چکدیلر قاره عرشه دوتدی
عالمی یا حسین  صداسی

داده گل . میر و مقتدا سن سن آقا
یاسه گل . صاحب عزا سن سن آقا


شیعه بو غمده سینه داغلار
عشقیلن باشه  قاره   باغلار
قاره    کوینک   گیینلر   آقا
جدیوون   ماتمینده   آغلار

هارداسان . غم نواسی دیللرده قالوب
گل اقا ، اصغرین قانی یئرده   قالوب

دیللره   زمزمه   سالان   گل
شیعه نین فکرینه قالان گل
پرده ی   غیبدن    کنار اول
ای حسین قانینی   الان گل

لطف ائله . آل اله  سئنیق    قلبیمیزی
گلمه سون . کیم بیلر بیزیم دردیمیزی


✍معروفان اهری



👈👈کانال جامع شعر مذهبی ترکی و فارسی
زیباترین👇👇
اشعار و نوحه ها ، مطالب مذهبی
شما هم عضو شوید
👇👇👇🙏🙏🙏
https://t.me/joinchat/AAAAAEO-vJZJ9e2FMTplsw
https://t.me/joinchat/AAAAAEO-vJZJ9e2FMTplsw

سبک👇🙏

کانال جامع شعر مذهبی ترکی و فارسی

16 Jun 2024 12:35

سبک👆👆👆🙏🙏🙏

غلام اولان گوندن سن کیمی گوزل شاهه

اولموشام آزاده  شاکرم من اللهه

سنین کیمی مولامنیم روزگاریده یوخدی

اولسون ائوین آباد لطفون هامیدان چوخدی

مریض عشقیوم منه آدین دوا حسین

کرم لی اللره آتام آنام فدا حسین

*گل غم الینده قویما گول کیمی سولام

توت الیمدن عاقبت بخیر اولام

اربابیم حسین
کربوبلا عشقی باشیمه دوشوب مولا

دیلده قراریم یوخ دعوت ائت سنی زهرا

گلیب قانیم مولا عشقیدن گینه جوشه

داریخمیشام آقا قسمت ائیله شیش گوشه

بیر عمر دور سنین یارالاریوا آغلیرام

قرا گییب اسیر بالالاریوا آغلیرام

*من آقا ایستیرم بو اربعین حرم

گلم عاشقانه الده بیر علم

دنیانی آتام     مقصوده چاتام

اربابیم حسین
ئولن زمان نوکر اوندا کی چیخار جانی

آرزلیار گورسون سون نفسده مولانی

خصوصا اول نوکر کی صاحب نشان اولسا

بزم عزالرده شاهه نوحه خوان اولسا

آقام وفالی دی قسم او قانلی پیکره

یقین گلر اوزی دییه یورولما نوکره

*من باشیوا دولانیم ای گوزل آقا

من ئولنده باشیم اوسته گل آقا

اربابیم حسین
کانال جامع شعر مذهبی ترکی و فارسی


👇👇👇🙏🙏🙏
https://t.me/joinchat/AAAAAEO-vJZJ9e2FMTplsw

کانال جامع شعر مذهبی ترکی و فارسی

15 Jun 2024 17:18

زبانحال حضرت مسلم بن عقیل علیه السلام
.
. سبک:👇🙏
یارالی_جان_یارالی

حضرتی ناعمی
کانال جامع شعر مذهبی ترکی و فارسی

یاحسین کوفه لیلرعهده وفاایلدیلر
کوفه ده مسلمی آماج بلا ایلدیلر
ای امام الثقلین/وارث میرحنین
قلبیم القانه دونوب/کوفیه گلمه حسین

ای شهنشاه سنه مسلموین جانی فدا
کوفیه گلمه که یوخ کوفه نون اهلینده وفا
ملتینده نه وفاوارنه شرف وارنه حیا
اولمویان ظلمی بواشراررواایلدیلر

خبریم واردی آتان چوخ بولاراخدمت ائدوب
ابوالایتامیمیش،ایتامینه چوخ رأفت ائدوب
آج قالوبدور،فقرایه چورگین قسمت ائدوب
آتاوین دِینینی حقونده ادا ایلدیلر

کوفه ده ذرّه جه هئچ رنگ صداقت یوخوموش
ملتینده سنه ای شاه لیاقت یوخوموش
شهرحیدرده عجب،بوی ولایت یوخوموش
سیندیروب باغلادیقی عهدی جفاایلدیلر

یوللامیشدی آقاجان اون ایکی مین نامه بولار
گؤرکی برپاائلیوبلرنئجه هنگامه بولار
باش اگوب دولت سفیان روشِ شامه بولار
دینی دیناره ساتوب عمده خطاایلدیلر

ای خانم فاطمه نون سئوگلی ای شاه امم
گلمگوندن نگرانم بوریوب قلبیمی غم
بیعت ائتمیشدی ازلده منه بوقوم ظلم
بونه غوغادی،نه طوفاندی بپاایلدیلر

قالدیم آواره حسینجان اورگیم قان اولدی
نه دوباره سنه نامه یازام امکان اولدی
نه ده بوملت بی شرمیده وجدان اولدی
باغلیوب قوللاریمی غرق بلاایلدیلر

ایندی جانیم یئتیشوب سینمه نالانم آقا
فاطمه عترتینون حالینه گریانم آنا
زینبین خاطرینه حالی پریشانم آقا
بونه فتنه ایدی بوکفّاردغا ایلدیلر

گؤرورم گلمگیوین کوفه ده چوخ صحبتی وار
سویولون باغلاماقین شهرتی یوخ صحبتی وار
حرمله آدین ائشیتدیم سه پراوخ صحبتی وار
یوخ تعجب اگرهرظلمی آقاایلدیلر

ایستیوللرهامی اشراری اجیرایلدیلر
سعدین اوغلون سپه ظلمه امیرایلدیلر
ئولدوروب اکبری لیلانی اسیرایلدیلر
بوبویوک ظلمی گوررسن ظلماایلدیلر

قورخورام طاقتوی ظلمیله الدن آلالار
تندن عباسین اوزون قوللارین ای شه سالالار
داغ سقاده یانان وقتده گولوب ال چالالار
قدّیوی اونداگؤررسن نجه تا ایلدیلر


👈👈کانال جامع شعر مذهبی ترکی و فارسی
زیباترین👇👇
اشعار و نوحه ها ، مطالب مذهبی
شما هم عضو شوید
👇👇👇🙏🙏🙏
https://t.me/joinchat/AAAAAEO-vJZJ9e2FMTplsw
https://t.me/joinchat/AAAAAEO-vJZJ9e2FMTplsw

کانال جامع شعر مذهبی ترکی و فارسی

15 Jun 2024 17:15

حضرت مسلم ابن عقیل علیه السلام

سبک:👇🙏
عطری گلور محرمین هر یره قاره چکدیلر



دوره‌می دورد طر‌ف آليب آتلی پیاده یا حسین
اکبری یوللا یالقوزام کوفییه داده یا حسین

ائتمیشم اول قد‌ر بو گون جنگ و جد‌ل یورولموشام
جانیمه دویموشام یتیب باشه اجل یورولموشام
ائتمیر‌م اول جسار‌تی دادیمه گل یورولموشام
خواهشیم اوندادير فقط سال منی ياده یاحسین

تیغلرین سوواردیلار کوفه‌نین اهلی زهریلن
دسته به دسته قتلیمه ائیلیر هجوم قهریلن
بیر نفرم یارالییام جنگ ائدیرم بو شهریلن
قالدیم اوزوک قاشی کیمی گورنه آرادا یا حسین

گلمه بو شهرکوفییه دوشمه بو من دوشن حالا
یوللا عم اوغلو‌مین بیرین بلکه گلیب قصاص آلا
یا اول ابالفضل گلیب منله وئریدی ال اله
قویمویا من اسیر اولام ابن زیاده یا حسین

کوفه ده من قوناق ایدیم حرمتیم اولمادی منیم
کیسه‌لرینده دُرّیدیم قیمتیم اولمادی منیم
وئردیله سو ایچم ولی قسمتیم اولمادی منیم
قانیم ائدیب سو جامی ‌نی رنگ طلاده یا حسین

یوخدو بو شهریده یریم کوچه اولوبدو گردشیم
ایلیری میزبانلاریم داشلاریلن نوازشیم
ووردولا بیر قلیج دوشوب اوست دوداقیم ایکی دیشم
قانیمیلن بویاندی بو کوچه بو جاده یا حسین

بئیله کی اوستومه منیم صرصر ظلم‌لر اسر
ملتفتم بو باشیمه نه گلجکدی سر بسر
باشیمی بام قصریده چون بو گروه گور کسر
کوچیه نعشیمی آتار قالسین آراده یا حسین

باقی حکايتیمی سن سمت هوادن آل خبر
قاصد اولان غریب چون باد صباد‌ن آل خبر
باشیمین هر بلاسینی نوک جداد‌ن آل خبر
گتمه‌لییم سنین کیمی شامه جداده یا حسین

مضطر اردبیلیم ائیله توجّه حالیمه
شوق زیار‌تون دوشوب مدّتی دور بو قلبیمه
من سنی آند وئررم اول درد ملال مسلمه
یئتسه حضورپاکیوه کرب بلاده یا حسین

مرحوم استاد میرزا جبار خلیل وند
متخلص به مضطر اردبیلـی


👈👈کانال جامع شعر مذهبی ترکی و فارسی
زیباترین👇👇
اشعار و نوحه ها ، مطالب مذهبی
شما هم عضو شوید
👇👇👇🙏🙏🙏
https://t.me/joinchat/AAAAAEO-vJZJ9e2FMTplsw
https://t.me/joinchat/AAAAAEO-vJZJ9e2FMTplsw

کانال جامع شعر مذهبی ترکی و فارسی

15 Jun 2024 09:16

عید قربان
گریز به حضرت علی اکبر علیه السلام

کانال جامع شعر مذهبی ترکی و فارسی

مرحوم سعدی زمان

ای خلیل بالیدَلَنمَه چوخ
سن ویرن فدانین نماسی وار
دشت کربلانین خلیلینین
بیر مناده یتمش فداسی وار

هاجره سزا بو عمل دگل
لیلیدن فداسی گوزل دگل



تک به تک حسینون فدالرین
خلق ایدوبدی تک خالق جلیل
سن ویرن فدا بو فدالره
اولمیوب اولانماز اولا عدیل
ویرموسن اگر بیر اوغول فدا
سن منای خُلَّتده یا خلیل
گور آدین اوجالدان حسینوون
نه فدالری نه مناسی وار



حکمت الهیدی بیت حق
قبله گاه خلق الاه دور
کعبه دن چوخ افضلدی کربلا
کعبیه اویر قبله گاه دور
کعبه ی حقیقیدی کربلا
بوسوزه علاقم گواه دور
اوردا بیرگوزل جسم دفن اولوب
ذات حق کیمی خون بهاسی وار



گر تاپوب ذبیح خداییله
عزّت و جلالت منا یری
لیک مظهر مصطفاییله
فخرایدر اونا کربلا یری
کربلانی خلق ایلیوب خدا
هم ولا یری هم بلا یری
هانسی عاشقین شاه عشق تک
باشنون جهاندا بلاسی وار



باخبر دگولدی گیدن زمان
هاجراوغلونون ماجراسینه
ایلدی گینه رعشه اللری
ایلینده زینت فداسینه
مین لریله هاجر فدا اولا
لیلیِ ستمکش وفاسینه
کیم دیر منانون بو دهریده
لیلی آدلی مجنون نماسی وار



حق یولوندا سن اوز جوانووی
حاضر اولدون ایتمالیقا فدا
توپراقا جمالین ذبیحوون
قویماقا ولی اولمادون رضا
قانلی توپراق اوسته جوان اوغول
صورتین گوروب شاه کربلا
سلم محض اولوب دوزدی کاملا
چون بولوردی الله رضاصی وار




اوز عزیز جانین او شا ه دین
گوردی قان آراسندا جانویرور
پیکرینده سانسیز یارالاری
انجم سمواتی سان ویرور
شاهزاده ایستور نفس آلا
چشمه چشمه هر یاره قان ویرور
گلستان جسمینده گل کیمی
هر یاراسینون بیر صفاسی وار



پیکری قیزل گول کیمی اولوب
تیغ وخنجریله ورق ورق
نازنین وجودون گورن دیر
بو بدن دگول گولدی بیر طبق
جان ویرور اجل آلنینا دوزوب
قطره قطره شبنم کیمی عرق
اوز آتاسی شیر خدا کیمی
باشدا بیر ساغالماز یاراسی وار



ایسته دی جوان اوغلونی آتا
جان کیمی بیر آغوشینه آلا
گوردی ممکن اولمور یارالیدور
چوخ چتیندی قول بوینونا سالا
حجّت خدا تاب ایدنمدی
یرده اوز جگر گوشه سی قالا
نه بولرجوان داغی گورمیین
اول شهون نه سوز خفاسی وار



ای عجب یره گوی توکولمدی
رشته ی عوالم پوزولمادی
قلب عالمین قلبی تک بوتون
عرش و فرش قانیله دولمادی
قدرت الهی او پیکرین
حملینه اوزی قادر اولمادی
بو خبرده اهل خبر بولر
نه خبردی نه مبتلاسی وار




سسلدی بنی هاشمی گلون
یرده قویمیون اوغلوم اکبری
حمل ایدیم خیام امامته
مظهر جمال پیمبری
بولمورم عبایه نه نحویله
یغدیلار او صد پاره پیکری
بیر بدن که خنداندی گول کیمی
مین لریله خار جفاسی وار


حمل ایدوبله خرگاه عصمته
بیرعباده بیر گلستان گولی
گول نه گول که چاتماز اونا یقین
بو چهاندا بیر گلستان گولی
خارتیریله دولمیوب ایله
بیر بهار یا بیر خزان گولی
بیر ورق او گولدن ایکی جهان
ارزشیندن آرتوخ بهاسی وار


هاشمیّه لر ویردیلر خبر
لیلیه که ای بختی قاره گَل
شاهدین گتوردی جوانوی
رزمگاهیدن پاره پاره گل
تیکمه گوز یولا ایلمه نوا
خیمه گاهیدن بیرکناره گل
گور نه شور محشردی اوغلوون
قامت قیامت اساسی وار



خیمه دن چخوب لیلی حزین
گوردی فرش اولوب بیر عبا یره
افتخار آل عبا دوروب
گوز تیکوب او میر هُدا یره
ایلوری عبایه نظر توکور
دیده دن دُر پر بها یره
گلشنی سولان عندلیب تک
گلدن اوتری آه و نواسی وار




اوّل ایسته دی بیر قوجاقلاسون
اوغلونی ولی قویمادی حیا
یوز قویوب حسین خاکپاینه
عرض ایدوب که ایشاه ماسوا
مین علی کیمی اوغلوم اولسا گر
ایلرم سنه تک به تک فدا
ایتمرم گله گلمرم دله
چونکه دین حق اعتلاسی وار


شاه گوردی لیلا حیا ایدور
وای اوغول دیسون سینه داغلاسون
داخل اولدی خرگاه عصمته
تا آنا جوتنین قوجاقلاسون
لیلی جوان مرده ایسته دی
سس چکوب اونا کامه آغلاسون
فاطمه قیزندان حیا ایدوب
گورنه عفّتی نه حیاسی وار




منتهای شرم حضوریله
اگلشوب او کان حیا یره
باغرینا باسوبدور ایاقلارین
غش ایدوب یخلدی آنا یره
غشّیدن خانملار آیتدیلار
وردی عشقده بیر لوا یره
حشره تک هامی کاخ عشقیده
اکبریله لیلا صداسی وار




وار بونا عقیدم جنازه سین
اوغلونون گوره بولمدی آنا
جسمی اوسته توکموشدولر زبس
زلف مشگ سا آلِ هَل اَتی
دسته دسته زلف سیاهیله
نعشی اوسته چکمیشدیلر قرا
هانسی بیر جوانین جنازه سین
گورموسوز بیله بیر قراسی وار


ای آدی حسینی لره ویرن
عزّت و مقامات و آبرو
اوغلونون فدا خاکپاینه
ای خدایه آئینۀ نکو
بولموسن گوزل قبروی مگر
ایلوری (حسینی) چوخ آرزو
بیر مریض دور بو یوزی قرا
کربلاده خاک شفاسی وار


👈👈کانال جامع شعر مذهبی ترکی و فارسی
زیباترین👇👇
اشعار و نوحه ها ، مطالب مذهبی
شما هم عضو شوید
👇👇👇🙏🙏🙏
https://t.me/joinchat/AAAAAEO-vJZJ9e2FMTplsw
https://t.me/joinchat/AAAAAEO-vJZJ9e2FMTplsw

کانال جامع شعر مذهبی ترکی و فارسی

13 Jun 2024 08:11

در جلالت مولانا امیرالمومنین علی علیه السلام

کانال جامع شعر مذهبی ترکی و فارسی

حیدر اولوبدی نفس پیمبر_ ساقی کوثر
لایق شأن حیدردی اولسون _ عالمه رهبر

نور جمالی ایدوبدی روشن ارض و سمانی

چکر بهشته لطفیله باخسا اهل ولانی

سروریم عالمده علیدور
رهبریم عالمده علیدور
آیری کسه ویرمه میشم دیل
دلبریم عالمده علیدور

علی حیدر مدد یاعلی حیدر مدد






أله دوشوبدی گینه بهانه_ اوخور ملکلر
دیلده ترانه چوخ عاشقانه_ حیدری سسلر


علی پناه اهل جهاندی نور ازلدی
یوخدی نظیری هر ایکی عالم آدی گوزلدی

علی امام متقین دی
نور رخی نور مبین دی
کوری دشمنان مولا
حیدر امیر مؤمنین دی



علی حیدر مدد یاعلی حیدر مدد





راه سعادت راه علیدور_ مشق علیدور
زینت دنیا عزت عقبیٰ _ عشق علیدور

مرید حیدر ایکی جهاندا اهل شرفدی
منیمده فخریم بودور امامیم شاه نجفدی


چون او شهین نوکریم من
دهریده خاک دریم من
لطفیله زهرا منه باخدی
فخر ایدرم حیدریم من


علی حیدر مدد یاعلی حیدر مدد








دیمم کی مولا شیعیم اما_ سنه غلامم
(بیکَسم) آقا اوزون بولورسن_ قرادی نامم


شکسته قلبه ای شه عالم اوزون صفا ویر
گلیر محرم حسینه خاطر کرب و بلا ویر


زخم دیلی گینه بیتیرّم
قاره علم اله گوتورم
گللم اجازه سندن آلام
کرب و بلایه من یتیرّم


علی حیدر مدد یاعلی حیدرمدد
غدیر

مهدی عبادی



👈👈کانال جامع شعر مذهبی ترکی و فارسی
زیباترین👇👇
اشعار و نوحه ها ، مطالب مذهبی
شما هم عضو شوید
👇👇👇🙏🙏🙏
https://t.me/joinchat/AAAAAEO-vJZJ9e2FMTplsw
https://t.me/joinchat/AAAAAEO-vJZJ9e2FMTplsw

کانال جامع شعر مذهبی ترکی و فارسی

12 Jun 2024 18:52

جهان سلیمانی
‍ شهادت جان سوز امام محمد باقر (ع)

کانال جامع شعر مذهبی ترکی و فارسی

من باقرم که قورخولی توفانی گورمیشم

کربوبلا ده جاری اولان قانی گورميشم

قطعه به قطعه دوغرانان اعضای اکبری

قانلی عباده قانلی گلستانی گورميشم

وقت وداع جدیم حسین گلدی خیمیه

چوخ یورقونیدی شاه شهیدانی گورمیشم

یوزمین نفر توکولدی ویرا بیر کمک سیزی

ویرماز یهودی بئیله مسلمانی گورميشم‌

اوخ دگدی سینه شرفه خاتم آغلادی

یافاطمه چاغیردی اوسلطانی گورمیشم

جولان وئیروردی لشکر بی عاطفه بیزه

لشکر دئمه که دیو و ددو جانی گورميشم

مضطر قالان کمک سیز اولان خیردا قیزلارا

سیلی ویراندا غول بیابانی گورميشم

غارت اولاندا قوپدی قیامت خدا بیلور

تاراج اولاندا زیور طفلانی گورميشم

آتش گوگه زبانه چکوردی خیامیده

بیمار کربلانی همان آنی گورميشم

عمم عجیبه همت والا نشان وئیروب

من قرض دار عممه قرآنی گورميشم

کوچ ایلینده کربوبلادن او کاروان

یتمیش ایکی شهیدیله قربانی گورميشم

اوست اوسته قانلی پیکرو اعضای بی سری

ممذوج اولان قانیلا بیابانی گورموشم

یتمیش ایکی ستاره باشین رأس نیزده

اسپهر غمده نجم درخشانی گورمیشم

باشلار ایچینده ساقی لب تشنگان باشین

بدر تمام لیلهٔ ظلمانی گورمیشم

هریول دونردی نیزه سی محمللره طرف

باور ایله خجالت سقانی گورميشم

بیر صود امر اوشاق، بویوک اوخ باغریقان ننه

چیخدی نجه او صود امرین جانی گورميشم

هردن باخوردی الده کمان حرمله بیزه

اوندا سه شعبه ناوک پیکانی گورمیشم

عمم رقیه تک منی ده ویردی هر گلن

سیلی دگنده گردش دنیانی گورمیشم


اما خرابه یرده خرابه یرده رقیه یاتامادی

هم سنیدوک او خیرداجا جیرانی گورميشم

اکبر دیردی هاردا قالوبسان رقیوام

یوز تپراقا قویاندا اوجریانی گورموشم

بارماقلاری یازاردی علی اکبرین آدین

هجر آتشینده دختر گریانی گورميشم

هئیت قیوردیلار آنالار هرگون هرگجه

هرگون اولاردی بیرنفری بانی گورميشم

زینب دئینده اوخشاما شیرین زبان قیزا

تیترردی اول خرابنین ارکانی گورميشم

الله ربابی رحمت ائده حق فاطمه

ای وای دئین زمان او وفا کانی گورميشم

ازبس حیاسی مانعیدی اول وفالیا

آغلاردی اوز بالاسینا پنهانی گورميشم

گرچه اسیر ظلم هشامم بو شهریده

هاردا بونوعی حالت ایضانی گورمیشم

باشیم بالام دیزینده دی یوخ شمریله سنان

نه ساربان نه خولی نادانی گورميشم

جان تاپشراندا واردی بیری باغلیا گوزوم

هاردا گلوده خنجر برّانی گورميشم

زهر ائیلدی اثر جگریم یاندی العمان

چوخدان بوحالتی من ربّانی گورميشم

سو وئرمیون منه قوروسون قوی دوداقلاریم

عطشان وئرنده جانین او عطشانی گورميشم

باشیم کسیلمیوبدی قفادن منیم ولی

جدیم باشین کسنده او سفیانی گورميشم

باشیم دولانمیوبدی طشت طلاده مجالسی

هم طشت زرله هم دوداقین قانی گورموشم

خوش گون حرام اولوب بیزه آل امیه دن

صادق بالام بو مکتبی بحرانی گورميشم

ساخلا نظرده شیعه لری هم دعا ائیله

مهدی زمانسینده خیل محبانی گورمیشم

آغلالا یاس دوتالا منه شورو شوقیلن

او من بکاو نص تباکانی گورميشم

وقتیم آزالدی ای گل باغ اصول دین

زهرا قوناق گلوب او پریشانی گورميشم

جدیم حسینیله حسن و هم بابام علی

طاها الینده شربت رضوانی گورمیشم

دیوان عشق حسین غمدی سر به سر

چوخداندی من بو غصه هجرانی گورمیشم


👈👈کانال جامع شعر مذهبی ترکی و فارسی
زیباترین👇👇
اشعار و نوحه ها ، مطالب مذهبی
شما هم عضو شوید
👇👇👇🙏🙏🙏
https://t.me/joinchat/AAAAAEO-vJZJ9e2FMTplsw
https://t.me/joinchat/AAAAAEO-vJZJ9e2FMTplsw