536
قناة الشاعر الحسيني أمير السعيدي للنشر القصائد المنبري الحسينيه يالحنين الدوام صاير فوگنه أفياي شلون ضامي وهوه نفسه أحتاجك الماي يا حسين بگلشي أحسك واكف وياي خدمه أنطيتك قيله أنطيتني اهواي
وداع #الحسن مع #الحسين
عـيـون الحـسين أنـعـمـن ☆
من البواچي على الحسن ☆
شلون راح يدفنه ☆ مات اخية بحضنه
الله يساعد حسين
**
الحسن من وضع راسة بحضن أخية
كله بالطف كون احط رأسك بدية
كون أني الشمر يتربع علية
باچر أدوسك خيول الاعوجية
عشر خياله تمر ☆ كل فرس فوكاة شمر
كلهم يسحگونك ☆ بلا غطى يخلونك
ألله يساعد حسين
***
فتح عيونة الحسن ومعصب الهام
حسين يومك ما تشبة كل الأيام
صدرك الكله محنه يمتلي أسهام
باچر بحضن الحصيره مكطع تنام
انه وضعي اهواية زين ☆ گلبي يمك يا حسين
هله هله بروحك ☆ شيبتني جروحك
الله يساعد حسين
*
حسين من حس بأخية صوتة خافي
بلا عمامة ركض شاله وطلع حافي
يصيح يابومحمد أكعد نوم كافي
قاسي گلبي وشلت جسمك على أچتافي
يا چبير العائلة ☆ ضني تمشي الكربلا
رتك تضل يمي ☆ تلم بقايت جسمي
الله يساعد حسين
****
للگبر شاله الحسين يبچي وضعة
بوصله بيضه لفه بس يؤن يسمعة
حسين حط ايده على صدره وباس ضلعة
كله اخيك ضلعه باچر من يجمعة
إنت ضلعك يندفن ☆ وأني ضلعي ينطحن
شيبتي تتچوة ☆ وكوه الم كوة
الله يساعد حسين
**
الحسن من مات اكو خوان عنده
بس أبو سكينة الغريب يموت وحده
ثلث تيام بشمس محد يوسده
حسين باچر من يحط ايدة على خده
ويلي يبقى بلاية رأس ☆ محد بلوعاتة حاس
نحره عالي أونينة ☆ حسينة مطشرينة
الله يساعد حسين
الشاعر أمير السعيدي
/channel/dhjgdsswfgh
#لسان #حال..
#عزيزة #الحسين #رقيه .ع.
بـويـة لا موعـادتـك ☆ أفـرشت ســجـادتـك
بـالطشت نايم بـقـيت ☆لـيش ما صليت أجيت
**
أنه طفله وكلبي شيب
أفـراك وجهـك صعـبـة مـوسهله علية
ما أصدك تنسى بنتك
أشـلون روحـك صافـحـت چف المنية
بــويـة أكعد ليش نايم
صـلي فـرض أوداع وي بـنتـك رقية
قـدمـتـلـك بيدي تربة
أدري ما عنـدك جسم صلي أعلى أدية
رأسك مبچيني ☆ أگعد وحاچيني
بالحمد أني أبتديت ☆ ليش ما صليت أجيت
****
بـــالخرابة من ذكرتك
رادو يـسـكـتـونـي وبـراســك ياغالي
فجأة أسمع بذني صوتك
يــارقـــيــة تــكـلـي يـبـنـيتي تعالي
مـغـطه شفـتك ماعرفتك
شـوفــت الـمـنـديل ذبحت كل دلالي
ومن رفعتة وشفت راسك
بويه جبرائيل ظل يبجي اعلى حالي
من شـبكـتـة الـراسك ☆وكمت أشم بـنفـاسك
وي وحي الله بچيت ☆ ليش ما صليت أجيت
***
يـاهـظـيـمـة بـلايـه والد
النار حركت ثوبي وسنيني وعمتني
من سبوني وچـتـفــوني
أبچي فوك الناكه ونحب چي عفتني
الحادي أجاني سياط بيده
كـلي لاتـبچـين أحذري وضرب متني
الناكه عثرت من ضربني
ونـحـنـه الـناكه ظهرهه وطيحتني
بـويه شاغت روحي ☆ وكمت ألم بجروحي
عالارض وحدي أنحنيت ☆ليش ما صليت أجيت
*
سنيني كصرت وانه طفله
من عگب ماچان حضنك هو عرشي
وهسه حضنك باقي عاري
وراسك براس الرمح وكبالي يمشي
عيوني تبچي أعلى ابوفاضل
الدمعه تسبيحت علي أتمر أعلى رمشي
أدعــي الله بـأنـبـيـائة
أتمنه ميتة وينحمل عالناكه نعشي
كون أموت أبــأيدك ☆ ويـالرضيع أولـيدك
وبنفس سهمه أندعيت * ليش ما صليت أجيت
*
بوية أصعب لحظه مرت
أطـاول يـزيد أعلى عمتي وجزه حده
كـلهه الله شـفـى كـــلبي
من ذبحت حسين عطشان وي ولده
أشكد دمع شربت عباتي
مـن بچيت وحاولت عن عمتي ارده
مالي قدره شرد اسوي
كــمـت اقره البسمله بوجـه أبن هـنـده
بحـسره أقره أيـاتي ☆ وگبرن دمعاتـي
بوجه چم أيه قريت * ليش ما صلـيت أجيت
*
أبـمنامي چـن أجـتـنـي
الـزهـره أمك وبحضنهه طفل ضامي
لانــه عـبـدلله أخـيــي
راسه بچـفوف الـزچـيه ونحره دامي
يارقيه الزهره صاحت
حـسـين أبـوچ تـكطع وذبحـوه أمامي
شبكي نحره بوسي خده
من تشوفـينه بطشت وصلي سلامي
لبني جيبي عمامتة * وسبحتة وسجاتة
وبوصيتهـة أعتنيت * ليش ما صليت أجيت
الـشـاعـرأمـيـر الـسعيدي
/channel/dhjgdsswfgh
#غربة #زينب
زينب أرد سأل سؤال * وادري اجرچج لامحال
من صعدتي على الهزل مجتوفه اديݘ
شكــال راس الكمــر من بــارع عليــچ
★★★★★★★★★★★★★★★★
شنهو موقف كافلݘ مــن شــاهدݘ
راسه مــن فــوك الــرمح مــاكلمݘ
شكال من شاف على خدج دمعتݘ
شكال اخوج على الشمر من كيدݘ
شاهد اثار الحبل * والارامل عالهزل
هم نطق زينب وكلݘ راح اجيݘ
شكال راس الكمر من باوع عليݘ
★★★★★★★★★★★★★★★★
حتــه البعمــر المهــد زينب ســأل
ليش راســه عليــج مــاحن ونزل
مااصــدك عنــج يــأخــره الاجــل
والــرمح مــن غيرتــه نــار اشتعل
زينب انطينه الجواب * قصتݘ تحمل عذاب
انطيني تفسير القضيتݘ ارتجيݘ
شكال راس الكمر من باوع عليݘ
★★★★★★★★★★★★★★★★
جــرح كلبــݘ مااظــن يلكة طبيب
وانتي عالشاطي الكمر شفتي سليب
ليلة العاشــر بــده ويــاج الــنحيــب
ويحــرس الخيمه بــقه واحــد غريب
موقفج والله صعب * تحرس الخيمه غرب
والشمر ينظرلــݘ ويتشفــه بيــݘ
شكال راس الكمر من باوع عليݘ
★★★★★★★★★★★★★★★★
ليلة العاشــر صــدك مــابيهــه نــور
والشمــر حــولــݘ على خيامݘ يدور
الله يــرحــم كــلبــݘ بهــذا الشعــور
شنهو ݘــان احساسه عباس الغيور
كلب ابو الغيره احترك * ݘم طفل شافه انسحك
والسهم بعيونــه لكــن عينه ليݘ
شكال راس الكمر من باوع عليݘ
★★★★★★★★★★★★★★★
يعينــج الله زينــب بيــوم الرحيل
مكيده ودرب السبي كلــش طويل
صبــر أيوب ويــه صبرج شي قليل
مــن ســلام الله عليــݘ وعــالكفيل
بالامس عشتي بدلال * وماظهر منݘ خيال
وهسه صرتي بلا اهل ومــرحليݘ
شكال راس الكمر من باوع عليݘ
★★★★☆★★★★★★★
صــح دخلتي للقصر مݘتوفه أيــد
وأبن ابــو سفيان شافــݘ من بعيد
منهو هــاي يصيح يســأل بــالعبيد
ومن عرف ليش ابتسم وجهه يزيــد
كلبݘ ادري شكد ݘبير * والله خليتني أحير
انتي ذليتي الخصم واتباعه ذيݘ
شكال راس الكمر من باوع عليچ
الشاعر أمير السعيدي
ساعد الله قلب مولاتي زينب
لما رأت الحسين مسجى على الأرض
ممزق الاعضاء ،، سليب الرداء ،، تريب ،، غريب ،، حسيناه ،،
اهنا شالت ايدهه السيدة وصاحت
،،،،،،،،،،،،،،،،،،،،،،
المستهل،،،،،،،،،،
( #أوداعت #الله #ياحسين )
*
والله ما عندي گلب يحسين أودعك
امنيتي يم رأسك اجي واكعد أجمعك
الله لا ينطي الشمر شفتة يدفعك
من گطع رأسك تؤن واني اسمعك
گلبي مات من الأنين * أوداعت الله ياحسين
*
عميه كون ولا اشوفك عاري بالبر
من الدمه لا ما عرفتك گلك أحمر
ياحسين وليش أصبعك گصه خنجر
شنهو ذنبك حافر بصدرك تگسر
وانت مگطوع الوتين * اوداعت الله يا حسين
****
بنعله أبن جوشن تربع فوگ صدرك
وجهك على الرمله داره وحزه نحرك
آه من شمس الظهر باچر تغيرك
وأنت عاري بلا قميص وتچوي ظهرك
نايم مسبل الادين * اوداعت الله يا حسين
**
يالبقيت مطشر بعازت حصيره
سهم البلحلگك محنته شكد چبيره
ياحسين شفافك محيرتني حيره
كون ماي بخيمتي وفوگك أديره
نحرك الضامي حزين * اوداعت الله يا حسين
**
اوداعت الله ولو مشينه من يوسدك
بلا اخو وبلا اخت تبقى أنت وحدك
أيدك على جروحك وأيد على چبدك
او رأسك الضل عالرمح يبچي على ولدك
گلبك أملوعه الحنين * اوداعت الله يا حسين
الشاعر أمير السعيدي
#دفن #الأجساد #الطاهره
#زين #العابدين
يوليدي ريحني ☆ احفرلي ودفني
لملمني من الگاع ☆ لفني بحصيره بساع
ياعلي يبني ٭ ياعلي يبني
**
مره أيام وليالي * وانـه بـالــبر نـايــم
لاصدر لا رأس عندي * كلشي ماضل سالم
خنصري المبتور باقي * جوه نحر القاسم
الماي ما مر على نحري * يبس گد ما صايم
محد وصل ليه ☆ أبطاسة أميه
ما شفت واحد جاي☆ دار علنحري الماي ☆ ياعلي يبني
*
شلون راح اتلمني بويه * تحير راح بجسمي
الخيل من داست عليه * اختلط لحمي وعظمي
چبدي والخنصر تلاگن * سابحات بدمي
ثلث تيام اني عاري * بويه محد يمي
طايح ثلث چبدي ☆ ضامي وحق
جدي
حسينك بقى مفجوع ☆ وماعنده حتى أضلوع * ياعلي يبني
*
بويه شو ما جبت رأسي * احچيلي گلي شلونه
بعده بي بوسة محمد * لو تغير لونه
خولي من شاله على رمحه * الدم يبس بعيونه
حساس عندي يكول رأسي * مكسرات سنونه
هم بعده شيبه احمر * ويحن على المنحر
بذيچ الخرابة أشكال ☆ وتتصارخ الأطفال ☆ ياعلي يبني
*
احفرلي يابوية حفيره * احترك عظمي من الحر
نحري وسده على الترابه * الرأس اضن يتأخر
تحت جدمي سوي حفره * يبني خلي الأكبر
وخلي عبدالله على صدري * ولو صدري مگسر
روح ادفن القاسم * يم الخيم نايم
واشعله يبني شموع * گلبي عليه موجوع
ياعلي يبني
***
ياعلي شوف ابو فاضل * لسه عالي اونينه
بماي برد بوية نحره * وروح دور عينه
لاتكله اخذونه أسره * ولحبل بيدينه
وخاف عن زينب يسألك * كله زينب زينه
لا تذكر السياط * وزينب گلبهه شاط
لتسولف العباس * حرگو خيمهه أرجاس
ياعلي يبني
*
بويه اوصيك برقية * بنيتي من تشوفهه
ياعلي داوي أذنهه * وشد جروح چفوفهه
من تنام بهل الخرابه * ادري يگثر خوفهه
ومن تفز تسأل عليه * يمهه ضل لتعوفهه
أرحم بواچيهه * ودور تراچيهه
بلا ذمه هاي الناس * يموتوهه فوگ الرأس
ياعلي يبني
الشاعر أمير السعيدي
تقول السيدة زينب (لقد قتل الحسين ، بالسيف، والسنان، وبالحجارة، وبالخشب، وبالعصا، ولقد أوطأوه الخيل بعد ذلك). المجلسيّ: بحار الأنوار ج 45 ص 91.
أشكالت اهنا السيدة
حسيني على الرمله نام
بنحره الشمر يذبح كام
عاري بقى على أتلتيام
حبيبي حبيبي حسيناه
**
اختة زينب أنه * حسين عشت احزانه
خشبه سوه السانه ☆ العطش
وجه أخوي أتچوه * الشمر بيهه شسوه
طبر نحر الخوه ☆ أثنعش
رجع داسه بصدره * وسب علي والزهره
حسين فوگ الغبره ☆ انفرش
الشمر مابي رحمه * من لحيتة يلزمه
حسين لا ميلمه ☆ نعش
يموت على ذيچ التربان * بلا ثوب يبقى عريان
سابح بدمه وعطشان ☆ حبيبي حبيبي حسيناه
****
مات أخوي أكبالي * الغالي راح الغالي
على الرمل بالتالي ☆ أنطرح
مفطرات شفافه * والشمر ما عافه
صعد فوگ أجتافه ☆ وذبح
ضل يطبره بسيفه * يذبحه كام بكيفه
ردته بس يعيفه ☆ انجرح
ما يتركه بحاله * رجع ودناله
كطع راسه وشاله ☆ فرح
موتني من شال الرأس * يضحك يراوي للناس
حسين انذبح جسمه انداس * حبيبي حبيبي حسيناه
*
انسلب ياعالم * شكد أناني ابنادم
أخذ منه الخاتم ☆ غصب
حسين آه ومصابه * گلف حيل اصوابه
خذو حتى ثيابه ☆ الغرب
ذبحو اهله وناسه * وچم شمر الداسه
عمامه ماكو برأسه ☆ صعب
عالي أخوي اونينه * نصيحه ميحاچينه
يحرك برجلينه ☆ الترب
بعد السلب جتي الخيل ★ صعدت عليه داست حيل
كلشي ضوه اصبح ليل ☆ حبيبي حبيبي حسيناه
***
آه يوم العاشر * كمت احاچي الحافر
كتله عوفه الباچر ☆ اعتذر
اهواي أخوي تعذب * جروحه كامت تصعب
على الحسين تگرب ☆ عثر
الحافر تخيلتة * شلع مدري أشفتة
عظم من خاصرتة ☆ انكسر
فلا قدر وضعه * كام جلده يشلعه
رفس رفس بضلعه ☆ انحفر
ابن امي صدره محفور ★ ودم النحر ضل يفور
يقره زيارة عاشور ☆ حبيبي حبيبي حسيناه
**
راحو الخياله * لكن بيا حاله
حسين محد شاله ☆ يون
بكل مكان مطشر * ذبل جسمه من الحر
صدره گله اتكسر ☆ طحن
عنه باجر نرحل * ويانه رأسه معلعل
يباوعلنا ننذل ☆ يحن
الشمر من يسبينه * يحط حبل بيدينه
حسين يبچي علينه ☆ حزن
على الرمح رأسه وينوح ★ يبچي علينه المذبوح
حي باقي اشوفه وبي روح ☆ حبيبي حبيبي حسيناه
الشاعر أمير السعيدي
#عليلة #الحسين
سولفلي عنه الطير ☆ ما ضن أبوي بخير
وبالرؤية شفت الحاله ☆ فوگاه عشر خيالة
**"
حسين أبوية * بظهر عاشر
المنام الشفته بي ماكو أخوه عنده
محني گله * بلا عمامة
يودع بنياتة ودموعه على خده
بعد ساعة * شفته طايح
والشمر جر خنجره من شافة وحده
كله احچي * امنين أذبحك
من الوجة لو على الكفى لو ذبحة وحده
بوجة أبن جوشن صاح ☆ أذبحني خل ارتاح
وضل مبتسم چتاله * فوكاه عشر خياله
***
طير أجاني * وحي من الطف
لونة احمر كله صار ومحمر العين
كتله ضامي * وطرق راسة
حسين ماضل ماي عنده أشرب امنين
بصوت خافي * كلي أسمعي
من الذبح ومن السحگ ماضل بالحسين
أظلوع ماكو * رأس ماكو
يا علية والدچ مسحوگ وجهين
نحر الابو ذبحوه ☆ وصدره الترف داسوه
ما شفت واحد شاله ☆ فوكاه عشر خياله
****
بطيف ثاني * بليلة ظلمة
شفت ابوي مسلب ومكصوص أصبعة
عظم صاحي * بجسمه ماكو
بالحوافر للمخيم وصل ضلعة
شعر صدره * ولحم نحره
ما اظن واحد يجي ويكدر يجمعة
بالمدينة * وبحجرتي
الرمل من يچوي عظمه كمت أسمعة
يتچوه ضل ويصيح ☆ وزينب تكف وتطيح
كون أمشي ألم وصاله ☆ فوكاه عشر خياله
**
كلمة اخيره * الطير گلي
يالعليلة رأس ابوچ برمح شالوه
كلهه ماتت * حتى اخيچ
اسمه عبدلله على صدره شفتة ذبحوه
وضل عزيزچ * بلا حصيره
رفضو يغطونة تحت الشمس خلوه
واهل بيتچ * أسروهم
وعلي السجاد بركبتة وايده كادوه
ما ضل علي بي حيل ☆ عكب الذبح والخيل
عينة على أبوه تبراله ☆ فوكاه عشر خياله
****
انتظاري * ماله داعي
بعد ابوي الدنيا وحشة بلاية واهس
الماي اصبح * طعمة علكم
من سمعت انه بحبيبي ريگة يابس
رأسي شيب * ظهري حدب
من عرفت الشمر يضحك فوگه جالس
راح اضلن * عمري كلهه
بكل حسينية وگلب انصب مجالس
عمري كظيتة باه ☆ عالحسيني واه ويلاه
وبكل عزه اقراله ☆ فوكاه عشر خياله
الشاعر امير السعيدي
#حب #الحسين #جنني
#ولائية #بحب #الحسين
أمروتك حسين خليني خادم عندك
أمروتك حسين احسبني ولد من ولدك
بمجلسكم اقبلني،، وبكد حمزه حبني
☆☆☆☆☆
انه ازغر خادم ،، شكد تحبني الوادم
چي أحبك إني
يا حسين امروتك ،، إسمي كوله بصوتك
يالملكت ألساني
والله أبد ما تنمل ،، عيشتني مدلل
مجلسك رباني
الخادم ادري اتعزه ،، فدوه اروح الحمزه
احسبني حمزه الثاني
حمزه الچبير ،، خليني امشي بدربة
حمزه الچبير ،، ارزقني فطرة گلبه
يحسيني لتردني،، وبكد حمزه حبني
☆☆☆☆☆
اوياي تحچي الوالده * يبني منك رايده * لا تعوف حسينك
سوي موكب بأسمه * بالعزة تشوف أمه
وهيه راح تعينك
بخدمتة لا تبرد * البس عليه أسود
وابچي والطم عينك
حسين أعز من والد * حسين مو اي واحد * بحبه كمل دينك
يمه الحسين ازعل اذا متخدمة
يمه الحسين سميتك انه على اسمه
بحب فاطمه ارزقني * وبگد حمزه حبني
☆☆☆☆☆
من اجيلك حافي * والحچي بشفافي
كمت اشوف خيالك
چن وكفت أكبالي * تگلي يبني اقرالي
وانه أون وقرالك
الشمس چوت ظهرك * الشمس حرگت نحرك * ولاشخص فيالك
يبو الشيبة الحلوه * يسحگك المايسوه
وتالي محد شالك
آه ياحسين كون اني داسو صدري
آه ياحسين والشمر يگطع نحري
وياك أبتده حزني * وبگد حمزه حبني
☆☆☆☆☆
بطيفي وجهك شفتة * تحچي وياي أنت * حزمتني برايتك
كتلي لا تتكبر * بخدمتي تصير أكبر
واني اخذت حچايتك
الراد زله يدور * الخدمة حيل تشور
الله حب اقرايتك
أقبلني ورحم حالتي * ادري موش بعازتي * حسين إني بعازتك
اتمنه أموت وحسين راضي عليه
اتمنه أموت أباب الحسينية
يا سيدي أوعدني * وبگد حمزه حبني
☆☆☆☆
الما عرف تقديرك * الراح صافح غيرك
أباله أقبح نية
بدينه ضل يجامل * سبع اوجهه شايل
كل وجه يومية
يدعي بالخدمة * الخدمة لا يمه * أشجابة على اللطمية
المنافق گله * العزة لا يوصله * ترضه على البعثية
يبچي عليك ويصافح الي ذله
يبچي عليك ومن مات يترحمله
عن ملتة أبعدني * وبگد حمزه حبني
الشاعر أمير السعيدي
/channel/dhjgdsswfgh
ليسـتة #مؤسسة منبريون الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 300 عضو
━━━━━━━━━━━━━━━━━━
للإشـــتِـراك 👇🏻.
وإرسل قناتك هُنا : @ahmed_alziwar0
--------------------------------------------------
قناة تعليم الرواديد الالحان
/channel/ahmed_alziwar1
ليسـتة #مؤسسة منبريون الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 300 عضو
━━━━━━━━━━━━━━━━━━
للإشـــتِـراك 👇🏻.
وإرسل قناتك هُنا : @ahmed_alziwar0
--------------------------------------------------
قناة تعليم الرواديد الالحان
/channel/ahmed_alziwar1
ليسـتة #مؤسسة منبريون الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 300 عضو
━━━━━━━━━━━━━━━━━━
للإشـــتِـراك 👇🏻.
وإرسل قناتك هُنا : @ahmed_alziwar0
--------------------------------------------------
قناة تعليم الرواديد الالحان
/channel/ahmed_alziwar1
ويلاه يازينب ☆ ويلاه يازينب
ويلاه يازينب
☆☆☆
أبچو يا موالين * ماتت اخت الحسين
بهل الليلة الرهيبة
أشافت من عمرهه * وينحفر كبرهه
الله أشمصيبة
اخر ليلة ألهه * ومحد من أهلهه
زينب ياغريبة
عزي والطم الرأس * ونعى الكطع الانفاس
على هاي الحبيبة
ويلاه يازينب ☆ ويلاه يازينب
☆☆☆
نعش الحره شيلو * وفوك المتن خلو
صيرو انتم أخوتهه
مابين الضريحين * بزينب عزي الحسين
وذكر مصيبتهه
فوك التل صاحت حيل * حسيني سحكتة الخيل
وشچانت ونتهه
ويلي تشوفه مسلوب * وفوك الرمله مكلوب
جثته ما عرفتهه
ويلاه يازينب ☆ ويلاه يازينب
☆☆☆
من صعدت على التل * عن أبن أمهه تسأل
الخيل الجاوبنهه
تصهل جتي الخيول * تريد الزينب تكول
الغالي سأل عنهه
لمن شافت حسين * سحكن جسمه جهتين
بچى الدنيا ونهه
من التل لي ركضت * بجسم ابنيهه عثرت
وما همهت لبنهه
ويلاه يازينب ☆ ويلاه يازينب
☆☆☆
واصل سنهه خمسين * وتتدخل للدواويين
ارجوك تخيلهه
مچتوفات أديهه * وناس تصد عليهه
وناس تسب أهلهه
يزيد وزمرتة وياه * كلهه الحمدلله
وضل يعدداله
حسينچ من ذبحتة * رأسة بطشت جبتة
وزينب عكبه أذلهه
ويلاه يازينب ☆ ويلاه يازينب
☆☆☆
بعد ذاك السبي بعام * ماتت أم ألايتام
ماتت من وجعهه
أخر لحضه الهه * تتذكر اهلهه
وتأزم وضعهه
كامت تلطم الرأس * وكوه تجر الانفاس
ودم يجري دمعهه
دوم بطاري الحسين * من أنقسم نصين
هذا أكثر فجعهه
ويلاه يازينب ☆ ويلاه يازينب
الشاعر امير السعيدي
/channel/dhjgdsswfgh
{ حـضـرألامـام العـباس عـنـده حتـضارأخـتـي زيـنب } نعي
أجـيـتـج خـويه جــاي بـريـحت حسيـن
بــدار الــغــربــه زيــنــب لاتـمـوتـيــن
أنــه احــفــرلــج كـبـر بيـن الضريحين
مـابـين حسين ومابـيـني
حـتـة شـوفج وتـشـوفـيـني
**
خـلـيـني بــمـكانــي مـودعــه دنـيــاي
غــمـض عـيـوني ودخـل كبري وياي
أريــد بــكـبـري تـدفــن جـربـت الماي
حـتـة أتـنـفس عطرك بيه
وتكتب اسمك وسمي عليه
**
يـم راس الـعــقــيـلـه أنــحى العباس
يـمسـح دمــع أخـيـتـه ويبجي ياناس
يـشوف الـموت يـكـطع عنه الانفاس
يـم راس أخـتـه أيـون وينحب
لاتـركيني خويه زينب
**
يـاعـــباس صـاحـت خـويه ماعـود
أشـلون أرجع وشوفـك فـاكد أزنود
الطف لسه جرحه بـكلـبي مــوجود
يلجمـني بكـل موقف مرني **
ما أرجع عـباس أعذرني
***
يـملـك الـمـوت صاح أطـلب طلبتي
خـفـف سـكرت المـوت على خيتي
وذأعـطـشـت أرويـه مـن جـربــتي
أنـه أدفـنـة الجـربـه أوياهه **
حـتـة ماتـشـعر بضماهه
***
عــكـب دفــن الـعـقـيلـه لسبط راح
ماتـت خـويه أخـتـنه بالغرب صاح
أبـكـبري أشـلـون كلي أهده ورتاح
ومـرقـد زيـنـب يـبعـد عني
ما راح أترك حزني وني
ألشاعر أميرالسعيدي
# لسان حال الامام علي (ع)
أنـتي خـليفة فـاطـمـة ☆ وعـالمة مـُـعلّـمة
لـكـوكـبـي جئتـي * شــيعـيةُّ انـتي
سميتكِ سميتكِ أم البنين
*
انــه عـلــي الكـسـرو ضــــــــلع أم بيـتـــة
انـــه الـي عصــرو دنيــتة وعافـــــيـتــــة
شــلـت أيـــدي لله بـفــاطـمـة وحاچـيـتة
عـــبـاس مـــن أم الـوفـة احــتاجـيـتـــــة
للهِ وجهـي نـاظـرا * والـراسُ مـني حاسرا
عــبــاسُ فـلـيـأتـي * شيعيةٌ انتي
سميتكِ سميتكِ أم البنين
***
يــــافــاطـمـة شــكــد شــايــلـه أنـسـانـيـة
وداعــت عــلي صرتـي أنـتـي مـنـي وبـية
صـح والـــدچ مــو ســـيــد وعـــامــيــــة
بـــس أبــن طــالــب نــسـبــج عــلـويـــة
صوتٌ الملائك يعـتلي* أولى بكِ بـيتٌ علي
فـايـنـمـا كـنـتـي * شـيعيةٌ انتي
سميتكِ سميتكِ أم البنين
****
الكوكب عـلي مـن جـيـتي من بـيت أهـلچ
وحــــي الله قـرر لـــلارض يــــنــــزلــــــچ
بــــــاقــــة ورد بـــدلـــة فـرح جــايـبـــلـچ
ومــن بـــيـتچ الــبــيـتي أجــه أيــضـلــلـج
الشمسٌ قالت ماسمُها * تسمح نكن خدامهٌا
للشمسٌ ان شأتي * شيعيةٌ انتي
سميتكِ سميتكِ أم البنين
****
أوصـــيـــــج بـبـنـائـــي الــزمـن ألـــمـــهــم
صـيـري بـغــيـابـي أنــتـي أبـوهــم وامـهـم
عـــبـاس وصــية بــخـوتـة يـــخـدمــهـــم
بـــچــفــوفـــه مـاي يـخلـي ويـــشـربــهـم
على الماءٌ يتلو الواقعه * في القربة يصبح مشرعة
أقــمـارٌ ربـيـتي ** شيعيةُ انـتي
سمـيتـكِ سميزتكِ أم البنين
**
گـعـدي وي زيـنب مــسـحـي دمـعـة خدهه
وبـحـجـرة أمــهـة لا تــظـل وحــــدهـــــه
شــافـت الـثـاني أعلى أمـهـه أيـده مـدهـه
واصــبـع أيـديه مــزگ جـلـد من خـدهـه
أهٌ لزيـنـب كـم بـگت * مـع أمـهـا تعــانقت
أماهٌ لا زلتي ** شيعيةُ انـتي
سمـيتـكِ سميتكِ أم البنين
***
أباب أم حـسـن شـفــتج فــرض صليتي
ويـم طـيحـت الـمـحـسـن حـزن أنـيــتـي
عالـحـايــط الــكـــاتـل ضـوة أتـوجـيـتي
والـفـاتـحة الـــروح الزجـــيـة أقــريــتي
أنـيـتي أنـه جارحه * بگت عـلـيـكِ الـفـاتحه
حتة بكى البيتي ** شيعيةُ انـتي
سمـيتـكِ سميتكِ أم البنين
الشاعر أمير السعيدي
ليسـتة #مؤسسة منبريون الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 300 عضو
━━━━━━━━━━━━━━━━━━
للإشـــتِـراك 👇🏻.
وإرسل قناتك هُنا : @ahmed_alziwar0
--------------------------------------------------
قناة تعليم الرواديد الالحان
/channel/ahmed_alziwar1
#زيد #الشهيد
مثل أبن مريم زيد صلبوه
ونحفر گبره وجسمه حرگوه
چان على صدره أسم الحسين
أصبح رماد وصدره ذروه
**
كلمن يموت بساعتة وحد يومه
ما شفت ميت سالبين هدومه
زيد أنصلب عريان گلفه همومه
والشمس تحرگ بي تغير أرسومه
ضل على الجذع ياناس عريان
والنحر خشبه من العطش چان
يعذبونه كلما يذگر حسين
ورأسه الشريف الضامي گطعوه
☆☆☆☆
سهم البجبهت زيد عذب گلبه
كالو اذا يطلع يموت بغربه
ماتت أطرافه الكومه صارت صعبه
جابوله ماي ورفض زيد يشربه
بالماي شاهد وجه الحسين
وذيچ العطاشه البصوايين
غمض عيونه من الحزن مات
وصحابه يم النهر دفنوه
☆☆☆☆
زيد الشهيد أوسفه خانو ناسه
دلو بگبره وأجو گطعو رأسه
بس مو مثل جده الشمر من دأسه
وتربع بصدره وكطع أنفاسه
نفس الحسين أتحمل ألام
ونذبح رأسه وراح للشام
أسنين ضل جسمه على الجذوع
واهل الحقد رفضو ينزلوه
☆☆☆☆
أكبال الجسم وكفتله حرمه چبيره
تحشم بزيد وروحه حارت حيره
ما عنده رأس اوجهة الهه يديره
أهتز الجزع ياناس من الغيره
صح جسمه ضل مفارك الرأس
بس بعده عايش چنه عباس
يشبة محمد بالوجه زيد
يا وسفه جسمه عاري خلوه
☆☆☆☆
إني ادري گلبك هل المصيبه أتألمه
شمسوي زيد ويحترك كل جسمه
ولد الشمر ياناس طحنوه عظمه
وبالنهر ذروه وبعد شيلمه
أبزيد اجرك عظم الله
هذا أبن فاطم احيي ذكراه
طوف على گبره وشم التراب
زيد الشهيد اهوايه ضلموه
خادم أهل البيت
أمير السعيدي
#رقية #بنت #الحسين
رقية مخاطبة اخاها زين العابدين.ع..
ياعلي ☆ راسمن فوك الرمح
ياعلي ☆ سـتوه چنه منذبح
هذا يشبة وجة أبوي "" "" يا علي
****
الشال راسة * خوية سأله * مودي گله الرأس وين
كلمة لجلي * خل ينزله * اردن أشوفن وجة زين
شو أحسه * بعده عايش * يبچي وعلية حزين
هذا يشبة * رأس أبونة * هذا لا هوه الحسين
ياعلي☆ الرمح ما ينحمل
ياعلي ☆ برأسه يدخل مو سهل
شنهو ذنبة والدي ،،،،، ياعلي
****
علي خوية * جسمة وينة * انة ما شفتة من امس
كمت اشمن * عطر جسمة * ومو بعيد عليه أحس
خوية أوكف * ذاكة هوه * الحافر موتة رفس
صدره ذاكة * الچنت أشبكة * ليش حاركتة الشمس
ياعلي ☆ ضل حبيبي عالتراب
ياعلي ☆ أمشينة خلبسة ثياب
عنه ما ودي اروح،،،، ياعلي
"" "" "" "" "" "" ""
خلني أمشي * جوه رمحه * أمتلن رجلية شوك
ويه راسة * ارد اسولف * بوية كلشي سلبوك
أشچان ذنبك * يا حبيبي * ثنعش طبره طبروك
چنت أسمعك * تصيح ضامي * ماي گلي شربوك
ياعلي ☆ جاوب وذاني حيل
ياعلي ☆ اهواية صعدن فوكي خيل
ونسحكت وانه عطشان،،، ياعلي
"" "" "" "" "" ""
ليش أدية * مچتفيهه * ويني وين الحبل
من أذاني * دمي يجري * شكثر طحت من الهزل
رأس ابوية * أكبالي يمشي * يميل رأسه وينعدل
شفافة بيضه * وجه ذابل * العطش ما ينحمل
ياعلي ☆ ولو صعبة عدنه هاي
ياعلي ☆ نزل أبونة نشربة ماي
ناشفه ارياك الحسين،،، ياعلي
"" "" "" "" "" "" "
مدري عدلة * مدري ميتة * ياعلي كلي متت
من اطيحن * كمت اصيحه * عليه راسة يلتفت
شفتة حرك * شفافه الية * وبس كلمتين أسمعت
يا رقية * أستعدي * نالتقي فوك الطشت
ياعلي ☆ تدري وشكال الحسين
ياعلي ☆ اشلون أشبگچ ماكو أدين
فوك راسة اتمنه اموت،،، ياعلي
الشاعر أمير السعيدي
#آه#يازين#العباد# #أيام #السجادية
آه يـــا زيـن العـبـاد * ماتـرك ثوب الـسواد
يـلطم على هامة * ويمتـزج طعامة
من بكائه على الحسين
**
بـــعــد مـــقــتــل والده وســبـي الــيــتامـة
لحظه مـا مـرت على أشــفـافـة أبــتـسامة
ماي من يـشـرب يــشوف حـســيـن أَمـامة
وبـــدمـع عــيــنــة بــقـى يــمــزج طــعـامة
آه يـادمــع الامــام * مخـتـلط وي الـطـعـام
دمـعـتة يـتـيمة * قـصتة أليـمة
مـات أبـو الـبـاقـر حـزين
**
عـــن أبو الـبـاقـر حـديـث أهـوايـة يــرووه
يــســأل الجـزار شـــاتـك مـــن تـــذبـحــوه
هـــم تــقـدمولــة طـعــام ومـاي تــنــطــوه
كـلة نــنــطـي ونـهـضـم حــيـل عـلـى أبـوه
الناس ضجت بـالبكاء * حولة مجلس عزاء
والـدي بـدمـائـة * سلبـو ردائة
وكام يلطم على الجبين
***
يــعــين گلـبـة أشاف يـوم الــغـاضـريــــــة
حـنـت الـشـيـلة بـدمـة حـسـيـن الــزجـيـة
وشــاف ظـــالــم بـيدة تـرچـــيــة رقـــيــة
ودمـــهــة يــصـرخ الله يــلـعـن ال أمــيـة
شنهـي چا ذنب الزغار * حافية مـچويـتهة نار
مسلوبة تراچي * ميتة من البواچي
والحبل ينعى ألادين
**
أنــكــسـر ظـهـره أعـلـة عـمـاتـة بـسـبـيـهـن
الــشـمـر يــمــهـن أجـــة يـبـــاوع عـلـيـهــن
كـــلــه ألـــه أحـــرك گلـــب عـبـاس بـيـهــن
ألـــه أصــعــدهـــن هـزل وجــتـف أديـهـــن
أه يا حـال العلـيل * صـعـدو فـوك ألـهـزيل
ونـسـبن عماتة * أو روعو خـواتـة
عـلي ظل بلامعين
مـــن بــكــائــــة عـلـى الـحـسـيــن
**
عــمـيـة صارت عــين يـعـقـوب عـلى أبـنـة
يــدري عـايش يــوسـفـة مـن غـاب عـــنــة
عـلي شـــاف حــسـين عــاري وعـالـي ونـة
والــخــيـــول الـعــشــرة صــدرة كــســرنـة
والدة بأخـر نـفس * والشـمـر فـوگة جـلس
بنحرة خلة سيفة * وموتة على كيفة
والنحر ينزف أنين
**
بــعـيـنه راس حـسين شافة وراس عـباس
يــبـچن اعـلـة الحرة زينب راس يم راس
وشـاف أبــوة گـلـه اعلة طولـة كام يـنداس
يـا هـضـيمـة وچـان نـحر حــسـيـن يـنـباس
طــة بـاسـة مـن النحر * ولـسـه مـا راح الاثـر
وعـگـب طه عـاري * مكطع بالبراري
أنجرح كلب الأمين
خادم الحسين (ع)
ألشاعر أمير السعيدي
#زيـــن #العابدين #دفن #الأجساد
دفــنت أهلي وبــچيت بـدم عـلى حسـيـني
شـفـت خـنـصـر عـلى الـغـبره يـواســيـني
حـســـيـن واه حــــســـيـــنـــــاة
**
إنــة وجــفـوفــي حـرت مـن رت أجـمــعـة
جــسـم أبوي حسين صاير قـطـعه قـطـعــه
بـگـلـبه مـن شفت السهـم بـجـانـي وضـعـه
أنـــحنيـت وكـــلــبــي مــا أنـطـانـي أودعه
أمـسـحت وجــه بـوجة ثـوبـي وبـچـت عيـني
****
بـوالـدي أحـــتـــاريـــت مــن نـزلـتـة لـحده
شلون أوســده وهــوه مـاكـو راس عــنـده
جـــوه نــحــره تـــراب خــلـيـت ارد أوسده
ما كـدرت وشـــاهـدت أيــــده عـلى چبده
صـــحـت بــويـه ســـهـم جـبـدك يــأذيـنـي
★★★★★★★**★
حــافـــي رحـت أركـض وادور عمي عباس
جـثـتـة عـمـة شـفـتـهـة تـنـوح على الراس
المـثل ابــو فـاظل هضيمة أظلوعه تنداس
چـان أذا يـخـزر عــدوة اجــفـوفه تــنباس
بــست نـحـره وعـلـى جـفوفه بـده ونـيـني
***
جـــسـم أبـو فـاظـل جـرحني مخضبة دمة
ألـزمـت عـمـة قـمـيـصة وگـمـت أشـمـــة
صــوت مـن عـبـاس أجـاني وگـلي كـلمة
جـودي أخـذة ويـاك عـمـي لخـتـي سلمة
أدفـنت عمي وشلت جـودة عـلى يـمـيـنـي
**
عــلـي ألاكبر من أجـيـتـة وشـفــتـة دامـي
جــثــتــة بــيــهــة نــفــس وگــفـت أمـامي
كــلـي لا مـو من عطش خوية أني ضامي
لــعـمـتـي زيـنـب يــاعـلـي وصـل سلامي
دمـع زيـنــب عـلـى أخــوتـهـة يـــچـويـنـي
★*★*★*★*★*★*★
الــطـــفــل عـبـد الله شـفـتـة بـحـاله صعبه
مـا كـدرت أصــبــر وعـوفه ضامي گلبه
جـبـت جــربــة أبـو فـاضـل ردت أشـربه
شــفـــتـــة مــشــغـول بــعــبــاده وي ربه
يـــعـــبــد الله أصــيـح ومـا يــنــاغـــيـنــي
**
جــــاســــم الــعــريــس لـمن ردت أدفـنه
أنــچـــوه گـــلــبــي أحــسة بـنــار حـزنه
شــمـعـة أزفــافـــه بـدت تحـجـيـلي عـنه
يـــاعــــلــي تـكــلي لــهـســه بـجـفه حنه
الــعـرس عـــافــه وداع أمــــه يــبـچـيـني
لخادم الحسين
الشاعر أمير السعيدي
أمنين ما باوع لبوي
عثرت فرس ألكه * سهم بوسط حلكه باللحيه أثر سحكه * أبوي ☆ أبوي
***
أنه زين العابدين * أنه أبن ذاك الحزين الريكه يابس
أنه أبن ذاك الغريب * الفوك نحره قامت الزهره مجالس
صدر أبوي بلا قميص * عاري خلو على الرمل وبلا ملابس
ونخسف صدره نخسف * من كثر ما أبن جوشن فوكه جالس
والشمر آه يالشمر
متمسك بنحره * وكاعد على صدره * حسيني خلص عمره
أمنين ما باوع لبوي
****
أنه بالخيمه عليل * وصوت ابوي الدافي خلاني أسمعه
يصيح ألا من ناصراً * ضل وحيد بلا أخو مكسور ضلعه
شلت للخيمه طرف * وشفتة رايد سهم البگلبه يشلعه
الخيل اجت من كل مكان * حافرينزل الجسم حافر يرفعه
السلام على الغريب
ما ضل ضلع عنده * الحافر سحك خده * وحافر مرد جبده
**
من الگفة ذبحو أبوي * وعلى الرمل راسه بقى يباوع علية
عيونه أسمعهن تصيح * ياعلي عينك على بنيتي رقية
تغطي عين أختك أريد * عاري خاف تشوفني وتركض الية
خايف الذبحي تجي * والشمر يضربهة أذا لزمت أدية
بوية أختك لا تجي
أشبگهة ما أكدر * شيبي غده أحمر* ومطبر المنحر
أمنين ما باوع لبوي
***
السلام على الغريب * مدد بحر الظهر وبهل الترابة
الرمل على اللحيه حار * جوه بخدوده لحد ما لحمه ذابه
والشفاه الذابلات * سولفلي نالتقي بذيچ الخرابة
ونقطع ذاك الحديث * شخص كام أدنه ليه رايد ثيابه
بخنجره الظالم اجاه
واكف بقة كباله * عينه على سرواله * حسيني نسبى حاله
أمنين ما باوع لبوي
**
الرؤؤس صلت على الرماح * واني يغمه عليه مره ومره اصحه
حسين هذا العلرمح * هذا لا مو رأس أبوي أهواي جرحه
تقربت يم راسه حيل * الرمح شالعله چن من رأسه صفحه
بچف سنان أبن انس * رأس أبو سكينة الغريب العالي رمحه
كتلة مهلاً يا سنان
خليني أضل يمة * نزلي أبو اليمة * أمسح ردت دمة
أمنين ما باوع لبوي
الشاعر أمير السعيدي
#حبيب #الحسين #العباس#
لا تتركني عباس * لازم ظهري
بعدك صدري ينداس * وينحز نحري
يبو الخوه الچبيره ☆ يلموني بحصيره
***
يا حبيبي * من المخيم جيتك اركض والضلع عكازتي
أمشي ووكع * ثلث مرات على وجهي تعثرت بعمامتي
آه عينك * السهم من شفته بيهه شصار خوية بحالتي
يابو فاضل * رأسك مهشمينه كله خلي اشده برايتي
هسه انكسر ظهري * وچبدي تثلمه
عفت حسينك اوحيد * محد يمه
حيرة گلبي حيره ☆ يلموني بحصيره
****
يغله اخوتي * خل احط رأسك بحضني شيوجعك تحچيلي
بعد فتره * لو طحت من فوگ مهري
ياهو الي يتچيلي
وأبن جوشن * منتظرني كبالي واگف بخنجره يوميلي
رفع صوتة * فرحتني بموت اخيك كسر گلبي وحيلي
گلي الشمر يحسين * أرفس صدرك
بهذا الخنجر تموت * وفصل نحرك
رأسك بيدي أديره ☆ يلموني بحصيره
****
ياكسرتي * خل ألمنك بيده كبل ما أطشر
الگاع رمله * خدك وخدي يخوية ينچون من الحر
ياعظيدي * اكشفلي صدرك خل ابوسة وصدري خل يتكسر
الخيل عگبك * معصبات عليه يمشن والحوافر تفتر
فوگي يصعدن الخيل * ويطشرني
ومن اطشر اشلون * ياهو يلمني
بعد هاي المسيره ☆ يلموني بحصيره
***
أبقميصي * دمه عيونك بي أمسحه كبل ميسلبونه
وابقى عاري * ثلث تيام ابقى عاري وجسمي ميشيلونه
وهذا شيبي * من كثر طعن الخناجر احمر يسوونه
وحتى اصبعي * من يكطعونه على محبس بعد ما يلكونه
وخولي برمحه عباس * برأسي يدخله
الريگي اليابس الحار * رمحه يوصله
بعد حر الظهيره ☆ يلموني بحصيره
***
اشلون ارجع * للعقيلة وأنت ماكو وهيه تتلكاني
أشراح أكلهه * ظهري يفضحني بكسرتة
يبن أبوي أذاني
ما اجاوب * خيمتك يوكع عمدها مات اعز اخواني
إني رايح * في أمان الله خوية الشمر هسه امتاني
يتلاگن على الارماح * راسي وراسك
واحد ينعى واحد * شنهو احساسك
أنا جسمي مصيره ☆ يلموني بحصيره
الشاعر امير السعيدي
أنه العبد وانت الملك
هذا العـشك مابي شرك
يحسين أبد لامو غصب * حبك فتح باب الكلب
***
يالحنين الدوم صاير فوگنه افياي
أشلون ضامي وهوه نفسه احتاجك الماي
ياحسين بگلشي احسك واكف اوياي
خدمة انطيتك قليله انطيتني اهواي
ناذرلك سنين العمر * وراح أبقـى أخدمك للكبر
مأمل واظـل بهل الدرب * حبك فتح باب الكلب
***
أنه من أشـتـم ضـريحـك كـلـبي يخـشـع
مـن الصـدر يحسـيـن أحـسة يـريـد يطلع
ومـن أزورك ومشي عـنـك صوت أسمع
روحي وتحـلـفـني بـيـك أتـكلي أرجـع
رجعني أطوف بحضرتة * واركع واشمن تربتة
والله لضريحك من أطب * حبك فتح باب الكلب
***
جـم رواية وجـم حـديـث احـنه قـريـنـة
الامـام الـــصـادق يـكــولـة بـــيــقــيـنــة
حـسـيــن جــدي أكـبـر وأوســـع سـفـيـنة
والالــه بـأسـمـه قـــرر يــحـيـي ديــنــــة
الصادق أمـرنة بطاعتك * وأجب يكول محبتك
والدمعة بس لاجلك تصب * حبك فـتح باب ابكلب
*
بــيـة أحيــيت الجـوارح والـمــشاعر
ومن زغر سني على حبك صرت شاعــر
حـبـي مـابـي كــل ريـاء ولامــظــاهــر
الله يـشـهد أنــه صـــادق كـلـبـي طـاهـــر
ربي الـي يعلم نيتي * حـبـيـتك أنه برغبتي
صادق وحق رب الحجب * حبك فتح باب الكلب
***
كلـبي يـتـكلم سمـعـتـة ويــه عـقـلــي
واكــتـشـفـت أنـه الـحـقـيـقــه واتــضحلي
أنـت أغـلى مــن أبـــوي وامــي واهــلـي
وصــرت أذكــرك حـتـة من أوكــف وصلي
بـكلبي دخـلت بلا أذن * وتملكـتـنـي بـلاثمن
هذا الامر موشي صعب * حبك فـتـح باب الكلب
**
أنت كـلـبـي الـعـالـمك يـحـسـين أخـذتـة
وحـتـة كـلبي وروحي وحـساسي مـلكـتة
الـماي أبـسط شــي وحـقــك لــوشـربـتـة
أبـجـي أذا أشـرب واســمــك مــاذكــرتـة
الـماي أمن أشربة أتذكرك * ضامي انت كطعو منحرك
وسفه بـقـيـت أعـلا الترب * حبك فـتح بـاب الكلب
خادم اهل البيت
الشاعر أمير السعيدي
#مجنون #الحسين
مـثلـه ما الگـه ☆ حسين أبو الـملگـة
مفخره عشگـه ☆ صار الحسين
☆☆☆
الف شكرا يالهي * بطينتة مسويني
بعيني إذا ماشوف وجه * بيدي افگس عيني
اغله إنسان بحياتي * بخدمة مربيني
والله ابيعن كل جهالي * وما ابيع حسيني
غيره ما عندي ☆ أنه أله جندي
اغله من ولدي ☆ صار الحسين
☆☆☆☆☆
كل حواسي بي شغلهه * عيوني آله مشبوحة
اني والصرت ابطنهه * نروح فده الروحه
حسين ياعالم صحبتة * من الله بيهه ملوحه
أبنادم يسد بابة عني * وبابة الي مفتوحة
عني ما يبخل ☆ أنـي الـمدلـل
حـبـي والأول ☆ صار الحسين
☆☆☆☆☆
بخارطة عقلي رسمتة * حبه حب رباني
خدمتة خدمة عظيمة * مجلسة روحاني
حسين أبو الروح الحنينة * يسوه كل أخواني
الساني اذا ما يحچي بأسمة * والله أكص ألساني
منخلق لجله ☆ عمري ما مله
باب للقبله ☆ صار الحسين
☆☆☆☆☆
بنادم يمن بعطائه * حسين موش بمنه
دومه فارشلي شليله * يگلي أخذ واتمنه
عندي موكب بي اخدمة * أحلى من الجنة
ياالهي بروح فاطم * منه لا تحرمنة
بضله جامعنة ☆ رتبة رافعنة
انحبه ويحبنة ☆ صار الحسين
☆☆☆☆☆
أنه الاشوية بوجوده * حسين عندي أهواية
گلبي رجلية ظميري * تمشي آله مشاية
وياه كل مصلحه ماكو * حبه هوه الغاية
چفي أحس قرأن يقره * من يشيل الرأية
فدوه اله حيلي ☆ دومه يدعيلي كمرتي بليلي ☆ صار الحسين
☆☆☆☆☆
أنه بالدنيا وشعندي * هوه بس هلواحد
حسين من يرضه علية * من الله أنه شرايد
خيمة ومفي عليه * عندي أعظم والد
كل أحاسيسي ملگة * براسي أحسن كاعد
آيـة الـكـرسي ☆ واعــز مـن نـفسـي
هلالي بل شمسي ☆ صار الحسين
الشاعر أمير السعيدي
/channel/dhjgdsswfgh
ليسـتة #مؤسسة منبريون الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 300 عضو
━━━━━━━━━━━━━━━━━━
للإشـــتِـراك 👇🏻.
وإرسل قناتك هُنا : @ahmed_alziwar0
--------------------------------------------------
قناة تعليم الرواديد الالحان
/channel/ahmed_alziwar1
لسان حال الامام الحسين.ع.
أكعد ياعلي مو وكتك تموت
الماعنده أبو يحضرله تابوت
حسينك أنه بس رد ★ بداعت فاطمه أكعد
****
ياعلي الماله أبو أعله أبنة يحن
بضلعه يتعكز يضل چفن الابن
أه يالـــمــتنه فــرقــهه الحـزن
الـليله طـــه الـثانـي يرجع يـندفن
المأكل خبزتك مو سهله ينساك ※
أندفنك صعبه بويه أدفنه وياك ※
عيوني بوجهك تصد ★ بداعت فاطمه أكعد
***
فاركتنه ياعلي بس من وكت
ما مصدك انه واخواني متت
بوية بالطف نلتقي أنت گلت
راح تلكاني برمح لو بالطشت
أمسح فوك راسي عظمي مكسور ※
واقـــرالي زيارة جــرح عاشـــور ※
بالطف عدنا موعد ★ بداعت فاطمه أكعد
**
الــلـــيله عــزرائــيــل شفتة أبيتك
ياعــلي يـبـچـي ويگــلــك جيتك
تـمـددت عالــقبلة ما حـاچيـتـك
أه على السيف الگتـل عافـيـتك
يل رحت وسوالف جرحك أصعب ※
بگثر لهفة سوالف موسى والـرب ※
راح الچان مسجد ★ بداعت فاطمه أكعد
*
عــيونــك البـيـهن محمد غمضن
وســكتن شــفافـك ولا يتحركن
بعمري ما شفتك علي لابس چفن
وجسمك عليه واكف يصلي الحسن
من جسمك شخص شاهدتة چن كام ※
يرسـم صـورتــــك بچــفوف الايــتام ※
گلهم علي مبعد ★ بداعت فاطمه أكعد
*
سكت كلبك ياعلي شو ما يدگ
الابو اليله وي أبــنــه يــفـتـرگ
عليك باب الگبر وسفه ينطبگ
واليـحبك يـبقـى گلبه يحـترگ
الله وياك بوية من التعب نـــام ※※
لچن سهرانه تبقى عيون الايتام ※※
تبقى عليك تنشد ★ بداعت فاطمة أكعد
ألشاعر أمير السعيدي
سلامي لبو صالح سلامي
امامي وفرض حبه أمامي
غيور اليرفع أيده ☆ حبيبي الليلة عيده
☆☆☆☆
فتح باب السعادة الچان مسدود * حبيبي
أبو الحنية كلهه الليله مولود * حبيبي
أوعلي گلبي أحسة بگلبة مشدود *حبيبي
عالضلوعي أرد أرسمه وشفت موجود حبيبي
أحبـة وحـق ربـي أحـبـة
أكتبة على عيوني أكتبة
أبوس أمنيتي أيدة ☆ حبيبي الليلة عيدة
☆☆☆☆
يالمبيض وجهنه ورافع الرأس * أمامي
يگلشي أدوسة رجله كون ينباس * أمامي
أيات الحسد اقروها يا ناس * أمامي
سمار خدوده تشبة وجه عباس * أمامي
على عمه رسم وجه على عمة
نــكـلـمـة متى نشوفه ونكلمة
عسى أيامه سعيده ☆ حبيبي الليلة عيده
☆☆☆☆
أحب أسمع وسولف عن خلوده ☆ خلوده
ثبات الكره الارضيه بوجوده ☆ بوجوده
احس ربنه خلق كلشي على موده ☆
على موده
خادم كون اصير ومن جنوده ☆ جنوده
أخدمة صرت أني وجهالي
أخدمة علية المهدي غالي
يربي حبي زيده ☆ حبيبي الليله عيده
☆☆☆☆
هنيئآ لمه نرجس گرت العين * محمد
بده يسولف وعمره چان يومين * محمد
الشمس وبسده لاذت يا موالين * محمد
أسمه المهدي لكن چنه الحسين * محمد
معاجـز بدت يوم الولاده
بجوائز اجه وفرح الساده
اجه وحامل عقيده ☆ حبيبي الليلة عيده
✍🏻الشاعر امير السعيدي ✍🏻
الليله زينب رايحة ☆ عليهه اقرو الفاتحة
خل نشيعهة ونقيملهة العزاء
☆☆☆
يله اخوتي تحزمو * زينب بعازت أخو
واجب نشيعهه
هاي اخت المنسحگ * كون نخدمة صدگ
وبالبچي نودعهه
حسين كبرها شكثر * من صعد فوگه الشمر
بذبحته لوعهه
صاحت شكد يا حسين * باقي جسمك خوية وين
ونتة تسمعهه
الشمر ذابح عينهه ☆ كطع رأس حسينهه
آه وشسوة بزينب كربلاء
☆☆☆
للتغسلهه نصيح * بهيده وي اخت الذبيح
لمن تغسليهه
أمتونهه الصارن زرك * چفوفهه الكلهن حرك
بالچ تلچميهه
عيونهه الشبعن حزن * على حسين المنطحن
كلشي مر عليهه
هاي بت سيد الارض * شوك من كد الركض
أنملن رجليهه
بلا أخو خلوهه ☆ وبعلي شتموهه
وضلت الحره العقيلة بلا خباء
☆☆☆
حضرو ياناس النعش * العزه افراشة انفرش
خلصن أيامهه
حدبت من التعب * العاشر سنين أنحسب
وبتدت ألامهه
أني ما شايف مره * أخوتهه كلهم على الثره
وتصبر على أيامهه
الكسر خاطره بس * حسين بالرجل انرفس
اهنانه نزلت هامهه
صدر ابو الحنية ☆ شافته العلوية
حيل ما ضل الهه من ذاك البلاء
☆☆☆
أشلون لوصار الدفن * بلا اخو وبلا أبن
النعش منهو يشيله
أنسد جفنهه وغمضت * وبنعشه تمددت
العمر ما باقيله
المرض خله أثر * والظهر محني الظهر
الطف اخذ كل حيله
ماتت وعاش الاسم * وندفن ذاك الجسم
الليله اخر ليله
بحسرة طلعت روحهه ☆ الشيب مالي جروحهه
ودعتنه وراضيه بهذا القضاء
☆☆☆
آه يحفار الگبر * شكد جريئ بهل الامر
من ردت تدفنهه
معصبة بحزن الزمن * ملفلفه بهذا الچفن
والمضن أذنهه
ندري چانت تستعد * هيه مومالت لحد
الكتلهه ونه
ماتت ومو من كبر * ازعيره زينب بالعمر
مو چبيره بسنهه
الليله نبچي عليهه ☆ الوحشه خنصليهه
على الامير الصارت أية من الوفاء
الشاعر امير السعيدي
/channel/dhjgdsswfgh
(لسان حال الإمام العباس (ع)
مـا أرضـه بالـشـام زيـنـب تموتـيـن
ويـاي أدفـنـچ لـو يـم الـحـــســين
كـعـبـة واطوفچ * أكـبالـي أرد أشـوفـچ
*****.
أي وحگ خــوتــنـة والـرب الـجـلـيل
أنـه ما وافيــتچ ألـه بـشـي قليـل
مــسـتـحـيل أنـساچ يـخـتي مـسـتـحـيل
أدري ريـتچ رايـده ريـحـتـة كـفــيل
بكل لحضة والـلـه عــطـرج أشمة
أتـقـبـلـيـن أكـلچ زيـنب يايـمـة
رابـي أبـجـفـوفچ *أكـبالي أرد أشوفچ
****
كومي أترجاچ لـبـسـي أعبـايـتـــچ
أبـضريـح حـسـيـن أشـيـع أجـنـازتچ
أدري مــتـعـوفــيــنــه لا مـو عـاتـچ
أنـي وحــسـيــنـچ يــخـيـتـي بـــعـازتـــچ
گومي أمشي وياي ينتضرج حسين
واكفلج أهـــناك بــين الضــريحين
مـقدر ظــروفـچ * أكبـالي أرد أشوفچ
******.
چـــم ســــؤال عــلـيــج بـالـيـوم أنـســـئـل
لـيـش أخـيـتـك بـالغـرب يــا به الـفـضـــل
ونــهـضـمـت وچـيـتـچ وشـايــل حـــمـل
أمـتونـي راح أتــشـيـل جـسمچ مـو هزل
أنسي الحبل ذاك وسبيچ على النوك
عباسچ ينوح وكل گلبه محروك
أنـسـيلي خـوفـچ * أكبالـي أرد أشـوفـچ
******
كـومي رجـعـي ويـاي خـالي مـا أرد
أنـي أتــكفل دفــنـتــچ مــســتـعد
عـلــيـچ أقــره ألـقل هوه وقـــره الـحمد
ونــــزل ويـــاچ أعـلى طولـي بـالـلـحــد
بـعـيـوني أدفنچ وبـرمشي أغـطـيـچ
ماريـد الاتراب يغير معانيچ
أشـلـون أعوفچ * أكـبـالي أرد أشـــوفچ
(جواب العقيله) ***
يـا كـفــيلـي بـموتـتي أدري تـون
أويـــاك مـا أرجـع شـفـت بالطـف حـزن
بـس أريدن چـفـك يـغـمـض ألـجــفــن
انــة مو يــمـــك يعـبـاس أنــدفـن
ماريد أروحــن وذكـر خيامي
وتصـور حـسـيـن ذبحـوه أمامي
بدمـعة طـفـوفچ *** أكبـالي أرد أشـوفچ
الخادم
أمير السعيدي
ليسـتة #مؤسسة منبريون الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 300 عضو
━━━━━━━━━━━━━━━━━━
للإشـــتِـراك 👇🏻.
وإرسل قناتك هُنا : @ahmed_alziwar0
--------------------------------------------------
قناة تعليم الرواديد الالحان
/channel/ahmed_alziwar1
مؤسسة منبريون الحسينية مؤسسة تختص بنشر القصائد الرئيسية والمقدمات والنزلات وقصائد النعي والابوذية وقصائد الشور وكل ما يحتاجهة الرادود الحسيني بالإضافة إلى وجود كروبات خاصة بالتلحين.و تلبية الطلبات ودعم الشعراء رابط القناة 👇👇👇
/channel/+PZwpTt2HLXcvUQZh
أما روابط باقي القنوات تجدونها هنا👆👆