عطشان انه المجلسك
دخان خيمة اتنفسك
مكطوع خنصر محبسك
ياحسرة الزهرة
########################
اجه شهرك ..وضمة روحي
عطشان الطم لجروحك
حزن امك .. انه اشمك
واشعر بالزهرة تنوحك
والحافر ..بالعاشر
طلع زينب لوروحك
مكسور ضلع ام الحسن وجروحك اتريد اللطم
وانه بمكان امك ادك دك العظم فوك العظم
مذبوح رايدلك جزع
ياحيل زينب بس وكع
اخر انفاس وطلع
ياحسرة الزهرة
########################
انه الطم ..وانته انضر
شمسوي الطف ابحالي
ساعة ابجي..وساعة انعي
وبس دمعة عيني اتلالي
يازينب ..شيبتي
من ودعت اخر غالي
كل ساعة معصورة كلب طالع اخو وداخل حزن
عالتلة حسرة وتلتفت يدمع جفن شايب جفن
ياحيف زينب تلتفت
تنعاف هاي بيا وكت
يحسين من زينب ذبت
ياحسرة الزهرة
########################
يا اخر ..شوف انته
بعيون اختك للخيمة
والطيحة .. فسرتها
ركضت خوف اعلة الهيمة
اشكد طلبت..واتمنت
تمطر لشفافك غيمة
لو كطرة وصلت شِفِّتك ماوصلت النار الخيم
ومن ماسلمت امن الذبح كلشي باخيتك ماسلم
عطشان عطشت الخيم
مذبوح بس زينب الم
الكفال بعيونة السهم
ياحسرة الزهرة
########################
انحنة ضهرك ..للكافل
شحنيت ابزينب انته
واتفزعك ..عالتلة
تشبه ذبحك هالسكتة
علة كلبك ..ياهو اصعب
الكافل لو طلعت اختة
طيحة اخيك عالنهر كسرة ضهر ميلت حمل
بس طلعت اختك جنها اشد صعبة الاميرة اعله لهزل
ياحال زينب عالهزل
كلبين جارحن حبل
لحسين والراعي الفضل
ياحسرة الزهرة
########################
ذوالفقار الزيدي
(خيمة السكته)
صوت الآخ حسرة بخيمة السكته
عفتو حسينكم عين وتصد لخته
اناديكم
احاجيكم ..حسرة بخيمة السكتة
########################
هذا صوت حسينكم ..راد فتحت عينكم
الهل مناصر جنها حالي..هم وحيدة
انتو سكتة واني ..الوينك اعلة الساني
جان اخوي وياي ضهري ..وكطعو ايدة
انه وحدي والسيوف تريد نحري
ومن اطيحن عشرة خيل اتدوس صدري
ضل حسين وحدة احجايت العسكر
والضل عندي سيفي وكطعت المنحر
انه الوحدي
وبقت عندي ..حسرة بخيمة السكته
########################
اخيامي وكفة اتريدكم ..وين وكتي ايعيدكم
واسمع اللبيك منكم..يافزعتي
طوليتو النومة..وبية عازة كومة
المالة عين ايشوف حالي ..ايحس دمعتي
الزينب اختي اصدوركم دكتها وكفة
هسة احجي وانتو سكته اوهية وسفة
استعرضتو الخيمها ازلام وفاية
وماضل عندي حتى الشايل الراية
الكلب حاسر
واليناصر .. حسرة بخيمة السكته
########################
يبني لكبر وينك ..شوف حال حسينك
وشوف حال اليبقة وحدة ..ابين غربة
ها يقاسم روحي..ياشباب اجروحي
ياشباب انباك طولة ..ودينة ذنبة
ياحبيبي ياحبيب ادريك تسمع
من كلتلك بس اطيح الحرة تطلع
صحت ياجون جاوب صحت يانافع
صحت ياهاني كوم وجنة ماسامع
افزعكم
لجن كلكم ..حسرة بخيمة السكته
########################
وين طول انصاري ..الوكت رايد ذاري
جنها ذيج الوكفة راحت ..ماكو رجعة
جرح وتوجعوني ..ليش متسمعوني
يالي صرتو بكلبي حصرة ..واختي دمعة
عاشرتكم حر يجوي النار حرة
هسة افزع والجواب الروحي حسرة
الحرب لوردت اطبها الكاكم اكبالي
وهسة اكبالكم محد يصد حالي
كابلتكم
ضيعتكم..حسرة بخيمة السكته
########################
نرد مامسموعة ..والحرم مفجوعة
وياهو يبقة اويالحراير ..لو عفتهن
السيف ينطر نحري ..الخيل تنطر صدري
طيحتي اتريد اليطفي..اخيام عدهن
اشلون بيهن لو شمرهم حز ركبتي
وين يرحن اوين تطلع زينب اختي
لو ضليتو سكتة ايصر ماكلتة
حسين الينذح والتنسبي اختة
تقبلوها
تخلوها ..حسرة بخيمة السكته
########################
ذوالفقار الزيدي
يحسين اسولفلك احجاية ذمة
ماعندي غاية وياك بس الخدمة
انه الكضاها سنينة دمعات اعليك
انه اللغة اسمة وخادمك ضل اسمة
########################
رضعتني امي امحبتك مشكورة
ومن زغري ضميتك بكلبي احرورة
وانرسم نحرك بالمدامع صورة
ويوجعني ضلعي امن اذكر اشمكسورة
من حضن امي المجلسك خطواتي
مو للاجر لا للوجع دمعاتي
البس سواد اعليك حاركني امصاب
انه اللغة اسمة وخادمك ضل اسمة
########################
دورت اخدمك واسمي مادورتة
واتملكتني وصرت ملاچي انتة
وماي الوجه بس اعلة بابك بعتة
اوزغرت يمك شاني يالكبرتة
من ماي وجهي اباب خيرك بعتة
انطيتني الي ردتة والما ردتة
يحسين يهواي وعطاياك هواي
انه اللغة اسمة وخادمك ضل اسمة
########################
تحجي البشر ماتحجي اضل خدامك
واتمنه اصير اتراب جوة اجدامك
اليمشي ابطريقك شام حرك اخيامك
والواجعة الحافر صبح لطامك
الدك اعلة اصدرة بحركة جرحة العاشر
يانعمة الله اترضرضت بالحافر
الطم جرح موجوع من دوس الخيل
انه اللغة اسمة وخادمك ضل اسمة
########################
شيحجون عني اتقبل اشما يحجون
ماريد اردهم رايد الجرحي اعيون
ملتهي ابجرحك ملتهي اقراك اشلون
بالناس شلي حسين مسبية ام عون
واشلون اخدمك هاي بس لتهمني
مألمني جرحك غيرة ما المني
صفيلي نيتي ومايهم حجيي الناس
انه اللغة اسمة وخادمك ضل اسمة
########################
وداعت اجروحك مايهم حجي الناس
الماعاش حبكم هذا ماعندة احساس
واعكالي اذبة لان شيخي العباس
وافقد شعوري اكبال مهشوم الراس
يحسين يم عباس افقد صبري
يالكلت يمة الأن كسرو ضهري
واجزع علة المن راح خلاك اهلال
انه اللغة اسمة وخادمك ضل اسمة
########################
خدمتك عندي وشي بعد ماعندي
وجرحك كبر وياي صار ابكدي
امصابك رسالة وسلمتها الولدي
استمرار بيها الحد ضهور المهدي
وي ابني اسولف عن جروحك وحجي
الحد ماتعلم من اذكرك يبجي
اتبرة منة المابجة اعليك وياي
انه اللغة اسمة وخادمك ضل اسمة
########################
ذوالفقار الزيدي
لاخلاص اله ابعشكم
لاوصول اله بدربكم
وماتفيد اكبر هوية
البيهة اسم فلان بس ما بيها اسمكم
المالة وياكم علاقة انسان ضايع
الله خالق كلشي الكم هذا واقع
وانتو خير الله اليجازي اعلة المدامع
ايروح وين ..الماوجد عدكم نجاتة
ايروح وين ..المانذر ليكم حياتة
ايروح وين..الماتحضرونة ابمماتة
########################
الله خلاكم حقيقة
وفايز الحبكم صديقة
الماتيقن بيكم اعمة
ابيش يخلص وانتو باب الله وطريقة
وارد اكل للعاف حبكم شنهو ضرفك
باجر اعليهم رجاك ايدير طرفك
تروح وين وانته تسمع مانعرفك
اشلون بيك..وهذا جاهك ماينفعك
اشلون بيك..ومايفيد اهناكة دمعك
اشلون بيك..وما الك موقف يطلعك
########################
عدنة حبكم عدنة خدمة
ولليحافظ ذني نعمة
احنة وادم حبنة فطرة
شفنة ابونة خادم الكم يكتب اسمة
ماتلونّه وبعدنة ابلون اهلنة
واحنة ربتنة المحنة اعلة المحنة
زارعين ابفي منابركم املنة
ادموع عين ..عدنة نبجيها الجرحكم
ادموع عين..مخلص الرايد قربكم
ادموع عين..ذن علامات اليحبكم
########################
احنة عين اتصد عليكم
احنة خير اجفوف اديكم
صرنة من ثوب المجالس
واحنة حب حسين عرّفنة بحجيكم
واليحب حسين يعني يحب محمد
كلبة بارد جرحة نار وثوبة اسود
والتعلق بالمُخلد هم يُخلد
اسنين هاي ..وذاك حمزة العالي صيتة
اسنين هاي.. باقي جي حبكم هويتة
اسنين هاي..جاه صارت منبريتة
########################
احنة لطامة مجالس
لون جون وراي عابس
انسبل اعيون الدمعكم
عدنة آه وعدنة حركة وعدنة واهس
انتو باب الله العكدناها اعلة بابة
ومانشيل اجفوف ونشوف الاجابة
وهذا خير الاه يحسين ومصابة
واه حسين..لبستنة الثوب الاسود
واه حسين.. هاي جرح الزهرة الاوحد
واه حسين ..شلون تطفة اشلون تبرد
########################
والعقيدة اتحب مسيرة
وياهو ليعضم الشعيرة
ولا شريك يريد حبكم
وحبكم ايريد الحسيني العندة غيرة
ايصير شيخ السمّة عدكم روحة خادم
وينفطم من نارها التتقبلة فاطم
ادور البايعها بيضة وية المأتم
هناك خير.. للخلص نيتة بخدمتة
هناك خير..عندة نضرتكم نعمتة
هناك خير..والخدم كلمن وجنتة
########################
ذوالفقار الزيدي
اصعب من وكفتي اعليك طيحت خيمتك للكاع
موقصة ضهر مكسور لا حلم المخيم ضاع
جيب روح تحاجي طفلة
اتكلها جيت الماي سهلة..لا حلم المخيم ضاع
########################
من اجيتك
ماشفت زينب تتاني شفت بيك انفاس رجعة
بس رجعتي
رسمت الماكو بوجها الملكة دمعة اكبال دمعة
اه يحالي
شلون اطلع خبر موتك والنفس مابية اطلعة
طيحت بيدي العمد
وياهو من اعدنة انمرد..خوية تدري
تصيح ياخوية واصد
شسوة بعيالي البعد ..شحالة ضهري
يبست الدمع بالعين من عيوني طلعت روح
من سألتني زينب راح وكتلها الكمر مذبوح
صعبة تحجي واني احجي
هية تبجي واني ابجي ..لا حلم المخيم ضاع
########################
خوية تدري
ردت اكوم وصحت بسمك بالي حي واتجه بيدك
الحيرتني
اليقين ايكلي رايح والدليل ايكول اريدك
وارد اكلك
انته عايش بية حسرة لاجن الميت عضيدك
يابو فاضل مامتت
انه مت وشيبت.. من وحدتي
الدنية مابيها دفو
واني وحدي بلا اخو ..ياغربتي
مكسور الكلب والجيش من اموادعك ضليت
ياريتك ترد لحسين بس اشتفع الياريت
وهية مو بس وحدي ضلتي
من اموت اشيبقة لختي ..لاحلم المخيم ضاع
########################
الموتتني
التفت ما الكة طولك الكة بس اطفال تنحب
عمة زينب
اسمع يسألوها وينك اهنانه شيب راس زينب
الشكوة ذبحة
يشتكون الماي طول وهية موكد نار تلهب
ازغار ماتعرف وكع
وزينب اتضم بالوجع ..ياوجعها
السكتة متسكت الطفل
والحجي رايد حمل ..من دمعها
انضر خيمتك عالكاع واسمعهم يسألوها
زينب مارجع عباس ازغارك خوية موتها
وشتكل للكال وينة
سهم نايم وسط عينة .. لا حلم المخيم ضاع
########################
ابضلي اعاين
جان اخو معدلي ضلي وهسة ضلي ارسوم غربة
ماي خوة
وجانت عيوني تشربة وهسة ياماي التشربة
كلشي هين
من جنت وياي تمشي هسة حتى الكلشي صعبة
سهلة راسي اعلة الرمح
صعبة شوفك مايصح ..يابو فاضل
يحسب احساب الصعب
العاف اخية اعلة الترب..وحيلة مايل
شفتك خوية عالتربان مالك للشبك جفين
حاجيت ابدمعتي الروح اتحضر للذبح يحسين
من شفت مابيك رجعة
حسبت للروح وكعة ..لا حلم المخيم ضاع
########################
باقي وحدي
ولو كلت زينب وداعاً ياهو راح ايموت منة
اشلون بيها
عيني من تندار عنها وترجع تردها المحنة
صعبة كلش
امشي خطوة وخطوة ارجع والمواجع هنة هنة
عنها اضم بدمعتي
وتدري متصح رجعتي ..شلون بيها
ولورحت تصعد هزل
وياكل بشدة الحبل ..جفوف اديها
خوية ابطيحتي اعلة الكاع زينب تصعد التلة
وصوت النخوة ياعباس ياهو المنه يتحملة
خوية ماهمتني وكعة
صوت اختنه اشلون اسمعة ..لا حلم المخيم ضاع
########################
ذوالفقار الزيدي
يحسين اربعتهم
للخوة انذرتهم
ضمت حار للحار
للطف كبرتهم
كتلهم ترة الطف ينكتب لليوكف افياي
وراي اليرتجز بالمعركة لوموت لوماي
########################
اوداعت امك علمتهم
مراجل بالزغر
وفة يحامي الخدر.. نفس يفدي النفس
ارسم اخيامك جبيرة
واخو يلوح النجم
واخو بزينب يهم..واخو واكف حرس
واحط اعلة الخيام
زلم تخلس ازلام
وارسمك سلامات واكلهم رضاية
واحط مشرعة ماي
واكول الكفل جاي
اوحط اعلة الجروف ضحاية وضحاية
لا مو مثل الزغار
نار وكبرو النار
لجلك كبرو جفوف
مشدودة اعلة بتار
واحدهم عرف المن كبر ويناطر الجاي
وراي اليرتجز بالمعركة لو موت لو ماي
########################
وداعتك لبراسة زينب
يسد عين الزلم
علة الصارم يزم..اويطب كلب الصعب
المن علي وكت الحرايب
اليكابل باترة
يضيع منحرة ..اليجي ميت كلب
علي منبع الساس
وطلع منة عباس
وابو فاضل الهاي تحزم مراجل
يطب وادم اطيح
يطب وادم اتصيح
نزل هذا عباس عذاب الله نازل
طبتة تعلم ادروس
طبتة اطلع انفوس
بين السيف والسيف
يبقة الجيش محبوس
لو طب الكفل راي الحرب لوهاي لوهاي
وراي اليرتجز بالمعركة لو موت لو ماي
########################
عرفتهم معنة زينب
اولد فاطم منو
ويضحون ابشنو ..وفاء الفاطمة
وعرفتهم بالمنازل
منية السيدة
منية القائدة..ومنية الخادمة
اكللهم حسين
يكلولي بالعين
اكلهم اختكم يكولون اختنه
نفس بين الضلوع
وجع بين الدموع
اميرة اعلة الارواح شرفنه وبختنه
كتلهم جبيرة
كالو لا ميرة
وكالو ننذر اروح
لشيوخ العشيرة
وعباس الحلف خادمها اضل من تمشي وياي
وراي اليرتجز بالمعركة لو موت لوماي
########################
اغلى شي بعيوني انته
وبعد بيمن اهم
شنو ارواح اوزلم..يسيد دنيتي
انته روحي وشنهي روحي
مقابل طيبتك
مقابل شوفتك..يخيري ونعمتي
يخيري الاكيه
واحير اشأوافية
اضحيلك اولاد واحسن قليلة
يبن فاطم الخير
رزق حتى للطير
وابن خادمة اشواي علة ابن الجليلة
انته حسين الهواي
شنقدملك اشواي
والكال انتم الخير
فسر ماي بالماي
خلفت اربعة بنية نذر وارضاك رجواي
وراي اليرتجز بالمعركة لو موت لو ماي
########################
شنهو دنية بلا وجودك
حياة بمكبرة
اماني مطشرة ..وجود بنص عدم
حسين كلها تروح فدوة
الزفيرك بالهوة
يمن شوفك دوة.. ويالفراكك الم
يمن صوتة اذان
يمن صمتة قرآن
يمن اسمة تسبيح دليلي الدليلي
اديرلمن العين
اذا مو للحسين
واذ تمشي انعاك صباحي اعلة ليلي
كبرت الولد ليك
خاطر بيها اجازيك
فدوة اولادي يرحون
بس ترجع والاكيك
فدوة الرجعتك هالاربعة ملكاك منواي
وراي اليرتجز بالمعركة لو موت لو ماي
########################
ذوالفقار الزيدي
اتكول فاطم ياهلا
اتكول فاطم ياهلا بالمحترك لحسينة
########################
شهر البكاء..شهر العزاء ..هذا موسم فاطمة
الرايد وصول ..الرايد ينول ..يوكف الشهر الضمة
فوزك تنوح ..بلجمة جروح ..للتخصب بالدمة
والزهرة متضيع تعب لطام ابنها
اللابس سواد ودمعته اتشارك حزنها
هنيالة من واسة ام حسن عالشيبنها
واليواسي فاطمة
واليواسي فاطمة فاز بدنيته ودينة
########################
ترضة عليك ..تتملة اديك..فاطمة وانطت بعد
اتنول الرضاء..تفوز بعطاء.. وبكرم مابي عدد
هاي البتول ..بت الرسول ..احد واحد من احد
شتضن يرجع فاطمة الله بطلبها
امن اتكلة خادم بالعزة برّد كلبها
اوحق ام حسن لجل ام حسن يسهل صعبها
كل صعب يصبح سهل
كل صعب يصبح سهل من فاطمة تجازينة
########################
هذا الحسين ..عد امه عين..وعين فاطم غمضت
حس حاوطوه ..حس وذروه..حس عليه
امه البجت
اتحزم دموع .. دك عالضلوع ..اوية العليه اتحزمت
النشرت قميصة اعلة السمة بدموع العيون
ادور علة المجوي الكلب من اليواسون
وين الي محروك الكلب لمصيبة ام عون
البتها خادم لوبجة
البتها خادم لو بجة فاطم تصد العينة
########################
اعلن حداد..البس سواد..خلي موقف لم حسن
الطم بديك ..سوي العليك..وابجي لجروح الضعن
راية اعلة بيت .. نحت وبجيت ..كل هذن يتسجلن
باجر قيامة الفاطمة اتجازي ابخدمها
هذا اللطم هذا البجة وشاركها المها
باجر النار ابكل كتر والجنه يمها
الجنة بس عد ام حسن
الجنه بس عد ام حسن وام الحسن تنطينة
########################
هاي البتول ..هية التكول ..حسين جرحي المابرد
ماطفة نار ..والهسة حار ..للسمة دمة الصعد
لا ضلعي طاب ..وانعة الشباب ..يمة مذبوح الولد
من يوم عاشور الجرح وبكلبي حسرة
الكل مجلس ابجمرة كلب محنية احضرة
واصرخ باه اعلة الذي مطحون صدرة
فاطمة اتطب للعزة
فاطمة اتطب للعزة هم تبجي وتبجينة
########################
ذوالفقار الزيدي
ازغر مابروحي الموت
واكبر مابكلبي حسين
وشيسوة العمر لولاك
مانتلاكة عين بعين
وينك ...وينك
########################
وحياتك عايشة بس اخت للموتة
يموت العندة غالي وماسمع صوتة
التعال احجاية الليل امن الدموع
اويسد ياعين لبمحبوبة موجوع
وشتنفس وجمرك بين الضلوع..بوية
امنيتي اغفة وتجيني بطيف
بس وين المنام الكاه
صح ايمر علية الليل
بس اسهر دمع وياه
وينك ...وينك
########################
ارسمك بالدمع واتوسد ابرسمك
واحس روحي ابخيمكم واني مو يمك
الوكت يخلص دمع مابين الرسوم
واضم من شوكي رية تشم الهدوم
اعلة ذن كل يوم بس شيخلص اليوم..بوية
يومية انتضر عالباب
ملت رسم وجهي البوب
مايختلف نفسة اليوم
بس الكة الكلب متعوب
وينك ..وينك
########################
الرسايل ذايبة والذابلة عيوني
كتبت اشكد تعالو اوما اجيتوني
تسيل ادموع عيني حسين يحسين
اوعلة وجه الرسايل طايحة العين
اكتب وين والكة ادموعها الوين ..بوية
لايوصل الك مرسال
ولا انته الالية تعود
ماادري اشبقة امن الحيل
بس ادري الوجع موجود
وينك..وينك
########################
الورد خلصتة يرجع يمي مايرجع
واشوف الموت بس الروح ماتطلع
وحك شوكك متت من اول اوداع
اعلة درب الرجعة اعاين يابسة الكاع
بعيدين وعليكم ميتة كل ساع..بوية
ماخضر درب ممشاك
ذابل جنه كلبي اهواي
سولفلي منو العطشان
شو جاي اختنك بالماي
وينك ..وينك
########################
احس اليوم تعبي اختلف عن تعبي
احس حركة خيم لو محترك كلبي
شفت جن الشمس متحاوطة بليل
شفت شي للنبي مسحوك بالخيل
شو حسيت زينب فاكدة الحيل..بوية
ياهو الطاح يم الماي
وياهي العلة التل اتصيح
اشو كلمة الوين اهناك
اتوكف المنذبح ويطيح
وينك ..وينك
########################
ذوالفقار الزيدي
انطة ادوار الحرب..وزينب وسط الكلب
خلاها
هيبة ابنص الخيم ..وطول حسين وعلم
وياها
اوزينب هية ابعين..عباس عباس
قائد جيش حسين ..عباس عباس
########################
حزّم رايتة بجفة وانطة الكل بطل دورة
هذا الجف علي الكرار ضمة الكربلة احرورة
والعباس حار الراس جهز سيفة لوصورة
واسرافيل الحومة من ينفخ معناها
محشر روس القادة يوم الطف سواها
انته اعلة الميمنة..وانتة اعلة الميسرة..كللهم
واني بضهر الاخو ..درع اسهام ودفو ..من عدهم
زود الله بجفين ..عباس عباس
قائد جيش حسين..عباس عباس
########################
مر خيمة اخيتة وشاف زلم الطف تهوسلها
وكلة حسين اختنه اتريد تتخبر مراجلها
وصاح بزود راعي الجود تامر واني كافلها
وداعت جلمة زينب راح يشوفون سيفي
وبكيف ام عون حيلي والطف مجراه بكيفي
عدهم سبعين الف..عدنة حسين وكلف
مانهتم
عدنة اليهوة الذبح..عدنة الكل للرمح
فدوة الدم
والمايدري منين ..عباس عباس
قائد جيش حسين ..عباس عباس
########################
لم انصار اخوه الحيد وكلهم احنه لو احنه
اهنانه السومة غالي حسين واليرخص علية دمنه
وللاجيال خل تنكال وكفتنه وسوالفنة
لبكلبة حسين غالي ميعز للموت روحة
والهمة اخيام زينب متهمة اهنا اجروحة
كون الي يرتجز ..ايخلي الميت يفز
من صوتة
ويحسب هذا الامر..عدنة اهنانه النصر
بالموتة
كالو اشر وين..عباس عباس
قائد جيش حسين ..عباس عباس
########################
صد ابعين اخوه وكال متحضرين خدامك
انته الي عليك اتعيش واحنة انموت كدامك
فدوة انطيح وكون الريح حر متجيب لخيامك
انته الي اعليك تأمر واحنه محضرين دمنة
ماعدنة الكال عذراً بس كلمة صار عدنة
انته اعليك الامر ..واحنه انشوَف الشمر
حركتنه
اشلون تصير الحرب ..اشلون انعيش وصعب
طيحتنه
ميطيح ابجيشين..عباس عباس
قائد جيش حسين ..عباس عباس
########################
فض فرض الحجي وعباس كلهم حي لفرض الطك
وين املوحة العربان وين التوكع اعلة الحك
يرتجزون يتحزمون اوجه الكاع صار ازرك
صوت اللبيك عدنة جن صوت الصور تطلع
والكالو ليه شايب كبل الشبان يفزع
وللحومة اتحضرت..شاب وشيبةبخت
وفاية
الجيش انوو ينطحن ..وفك عباس الاذن
بالراية
سوة الطف طفين..عباس عباس
قائد جيش حسين..عباس عباس
########################
ذوالفقار الزيدي
سيد المراجل ..مسلم ويقاتل
دكت خطر ..اين المفر ...طبلها مسلم
########################
مسلم الكابلة عمـــــــرة مايريـــدة
هذا جايب ركبتة للمــــوت بيـــدة
الكبل مايطبك عيونة اتكص وريدة
والله عاشت يمنتك يابو حميـــــدة
زلمة هاشم اتحزم
عطشت دم رواها ابدم ..اخو حسينة
حر المعركة براسة
ماخذ زود عباسة ..اخو حسينة
شدت ابجمرها ..ومسلم الكسرها
الواهس كبر ..اين المفر ..طبلها مسلم
########################
شوفو صرفة الحالكم يتباع امية
ترةمسلم ناوي ميخلــــي بقيــــة
جاي وبراسة تفور الهاشميـــــة
ايريد بالكوفة يسوي الغاضريـة
وارث حيدر ابسطرة
لا ميثني بالطبرة ..جمر سيفة
السالم سالمة بياسة
العاند مايضل راسة ..جمر سيفة
سلماً السلمهم ..حرباً الركبهم
العاند خسر ..اين المفر..طبلها مسلم
########################
قائد وحريف بفنون السياسة
وقصر امارتكم نوة ايكلبة اعلة ناسة
اسد غاضب شمر ازنود الشراسة
وريشة من جبريل مرفوعة اعلة راسة
مسلم طابها ابواهس
ايكابل سيفة يافارس .. ورث حيدر
يحب الحومة من تشتد
ابملاك الموت يتقلد ..ورث حيدر
لو دخل كلبها ..راحتة ابصعبها
بيها ابتشر ..اين المفر ..طبلها مسلم
########################
ايلملم الفرسان ويطش ويذلهم
هيج مسلم من دخل حومة زلمهم
سيفة يقرة البسملة الحزت ركبهم
ويبدي يقرة الزلزلة وياخذ عمرهم
العرج الهاشمي امن ايطك
بنفاس الزلم يخنك.. نسل هاشم
من تتحزم السادة
صيد اسيوفها القادة..نسل هاشم
غيره هاشمية ..وانوه لال امية
كطعت نحر ..اين المفر ..طبلها مسلم
#######################
سيف مسلم بالعــــدة يكطع كطيعـــة
الروس تحتار اعلة ضرباتة السريعة
ادنك من الخوف الة وتصبح مطيعة
مثل ما عباس يدخل للشريعة
ملكة السيف من يحتر
مسلم بيها يتبختر .. وكت حرها
ايلم فرسان ويطشر
ايصيد اركاب ويكبر ..وكت حرها
يبتسم ثقتهم ..من تشد حربهم
شاع الخبر ..اين المفر ..طبلها مسلم
########################
ذو الفقار الزيدي
ابجي عليك ابحيل مو هوة
وكالولي عبد الله اندفن توة
عبد الله يمة ..يالولد يمة
########################
كالو دفنته ابصدر الحسين من عمت عيني الصدر الحسين
مثل الدوة فوك الضلع نام السجاد كلي وهلت العين
مالم جرح بجفوفة الزغار كلي الجرح مو مال جفين
وسدتة كتلة وكلي وسدته
وضلوع ابوي احسين حاضنته
يحجيلي جان وحسرة خانكتة
نعمة وتوسد يمة بالنعمة
موجوع ابوك اوبالك اتلجمة
عبد الله يمة ..يالولد يمة
########################
حنيتلك يالجوة لتراب وضميت لعيونك دللول
هزيت مهدك يمة دمعات واسكتت خوف ابراي مذهول
عبد الله يمة خاف فزيت واتلجمن سحكات الخيول
لو دافنينك يمة نص عيني
الواجعني بس لاتلجم حسيني
عبد الله دفنك شيب اسنيني
النايم بحضنة شباقي من حضنة
لوضربة لو سحكات لو طعنة
عبد الله يمة ..يالولد يمة
########################
ماعبر عمرك عد الجفوف بس عبر حزنك شوف العيون
لاحك سهم جي كلب الحسين والهذا انته بصدرة مدفون
مقتل حسين بمنحرك جان لحسين مات وانته محضون
جانت بكلب حسينك اجروحك
وساعتها طلعت روحة لو روحك
من عيونة نسمع ونك ونوحك
دمك عزيز اهواي يايمة
والهذا ابوك اوية النجم ضمة
عبدالله يمة ..يالولد يمة
########################
يبن النهر ماجنت عطشان بس هاشميتك عطشت الموت
هل من مناصر صوت الحسين خلاك تفزع منحر وصوت
يحرورة الدين وعلة الدين من الزلم فرغتو البيوت
شافك الطف اعلة الذبح زلمة
والهذا راد اتموت يايمة
وابن المهد ماكصر ابدمة
لا مو مكمط طالع محزم
غليت ابوك ورخصيت الدم
عبد الله يمة ..يالولد يمة
########################
وحسين حافر كبرك بسيف شافك بطل متدفنة الجفوف
لاحك سهم حيدر نبض بيك وبس السبع متلوحة لسيوف
مو بالكماط اللفك ازماط والهذا انته مرجف الخوف
ماجانت ابميدان معلومة
ابن الكماط ايرجف الحومة
شافو علي وحسين برسومة
تنذبح رادو مارضو تكبر
يدرون تطلع جنك الاكبر
عبد الله يمة ..يالولد يمة
########################
ذوالفقار الزيدي
اخلص خدمتك لحسين والباقي يم الزهرة
########################
لتخالط ابثوب الحزن اي غاية
واحجاية اكلك والحياة احجاية
تختار هاية تعوف لازم هاية
وبكيفك انته التختار درب الخيم لو شهرة
########################
اربعطعش معصوم كون ايشاهد
الواحد يشوف ومالك باي اوحد
كثر اعجاب احسين واربح زايد
شد حيلك الشوف حسين شوف الحسين العبرة
########################
احضر والطم واعمل بتكليفك
باجر نجاتك عدهم بتعريفك
اتضيف اويه اسم حسين شي ميضيفك
والمايضيف اسمة حسين بالسجل مضلم كبرة
########################
وحسين كلشي تخدمة تربح كلشي
ولو ماعطائة ابيش باجر تمشي
كلة اني اريدك يوم شيلة نعشي
اتوصي الكبر يامولاي يصبح ابكدالحضرة
#######################
عوف الحياة وعاين انته الحالك
وكل للحسين الخير كلة بجالك
تخدم حسينك من صدك هنيالك
والراس مالة الدمعات هذا افتهمها الفكرة
########################
لله انطة كلشي وخلة كلشي بأيدة
الرايد ربح بس الحسين يفيدة
ينطي اليريدة الخادمة ويزيدة
حسين العطاياه هواي وخير الحسين شكبرة
########################
فاطم تصد اعليك تدري اشتعني
يعني انته فايز وام ابيها التغني
لمن تكلك انته خادم لبني
معناها حصلت الخير وخير الزجية ابوفرة
########################
ذوالفقار الزيدي
ليسـتة #مؤسسة منبريون الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 300 عضو
━━━━━━━━━━━━━━━━━━
للإشـــتِـراك 👇🏻.
وإرسل قناتك هُنا : @ahmed_alziwar0
--------------------------------------------------
قناة تعليم الرواديد الالحان
/channel/ahmed_alziwar1
ليسـتة #مؤسسة منبريون الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 300 عضو
━━━━━━━━━━━━━━━━━━
للإشـــتِـراك 👇🏻.
وإرسل قناتك هُنا : @ahmed_alziwar0
--------------------------------------------------
قناة تعليم الرواديد الالحان
/channel/ahmed_alziwar1
ليسـتة #مؤسسة منبريون الحسينية🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ4 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 300 عضو
━━━━━━━━━━━━━━━━━━
للإشـــتِـراك 👇🏻.
وإرسل قناتك هُنا : @ahmed_alziwar0
--------------------------------------------------
قناة تعليم الرواديد الالحان
/channel/ahmed_alziwar1
كلبي انعصر رف الجفن
احلم حزن واصحة بحزن
واتخيلت زينب تون
بس لا سابيها
ما ادري اشبيها ..رف الجفن
########################
شما اكرب عالضهُر
كلبي اكثر ينعصر
وكلبي ينشدني ابوجع بس لا سبوها
مرني طيف امن الهزل
ايكلي شيخج منكتل
وهاي مجتوفة بحبل زينب خذوها
اطوال الرماح وماشفت ياهو العليهن
بس شفت موكب للخدر مشدودة اديهن
فزيت من هذا الحلم واسمع بجيهن
واتعوذت واتعوذت
مر بالحلم راس بطشت
حسيتة الي الراس وطحت
وايصد اعليها
ما ادري شبيها ..رف الجفن
########################
شفت محروكة الخيم
والسمة متحولة دم
وشيخ جنه حسين طايح ماعرفتة
شفت عالتل بت نبي
روح محروكت عبي
لجن صوت حسين عايش ماسمعتة
وضل بالي يم هاي المرة لاهاية زينب
ولو ابني عايش ياحزن ماجان تنحب
ياويل لا صارت صدك وحسين غرب
بس لاصدك هذا الحلم
طاح العلم ميتة الزلم
ريحة حرك بالخيمة اشم
كافل مابيها
ماادري شبيها ..رف الجفن
########################
صار بالهيمة الركض
وخيل بالطايح ترض
وشفت طفلة وخايفة وتريد ابوها
من اذنها اتالمت
عدها ترجية اختفت
ثاري مادلوها ابوها وسلبوها
ضليت روح ابلا نفس منها الاذية
ليش السلب ليش الضرب شمسوية هية
الهالطفلة حيل اتالمت تشبه رقية
راد ابو لاكت سلب
ليش الضرب شنهو الذنب
هذا اليطك ذاك اليسب
حيل مأذيها
ما ادري شبيها ..رف الجفن
########################
بحلم حيل اتعذبت
اشد من المر شفت
راية وجعت كلبي بجفوف الشماته
وشامت ايحاجي المرة
كافلج طايح ترة
واخو ماخلينه ليحامي الخواتة
اوماتت ابوكفتها المرة لمن حجها
وماهمت الصوط اليطك حجيه الحناها
وتسائلت روح وجرح عاشت وراها
هلت دمع ماردتة
ماتت صبر من جلمتة
والله اووكت بس حاجتة
صفكت جفيها
ماادري شبيها ..رف الجفن
########################
ليش يارب هالصور
اجفوف مكطوعة ونحر
واني احس هاي الصور يارب تهمني
وللمرة المسبية اون
وروحي مذبوحت حزن
وهاي لو بت فاطمة يارب اخذني
لوهاي زينب بت علي الفوك الهزيلة
معناها ضعن اهلي انهب طايح كفيلة
وحسين هذا اعلة الرمح شامت يشيلة
يعني اعرفت ياهو انحر
ورايت منو اليم النهر
وياهو انسحك ياهو انكسر
وياهو امبجيها
ما ادري شبيها..رف الجفن
########################
ذوالفقار الزيدي
عندك ابنية تحبك ماتموت اله اعلة شيبك
تكول مشتاكة الابوية واني اكول امنين اجيبك
هية تسال
واني اذبل ..امنين اجيبك
#######################
هية طفلة اتاني رجعة
وانه عين اتشوف نحرك
السكتة تذبح ..الجلمة تجرح ..شرد اكلها
تريد تسمع جلمة منك
وابرمح مشيول راسك
هية تحجي ..واني ابجي..والبجي الها
ابالها اترد اوللمشابك تحن
وبين ادينك مابقة البنتك حضن...خوية
تكلي زينب عمة يرجع وانته راس ويانه يمشي
كلشي مايسمح اجاوب عندي بس ادموع كلشي
تحجي مقتل
واني اذبل ..امنين اجيبك
#######################
جرح عيني ايشوف عينك
تنضر ابحسرة اعلة اديها
اتصد عليها ..حال اديها ..امبجي عينك
اتسولف العيني بنضرتك
الناكة لاتلجم رقية
الناكة مالت ..وهية كالت ..بوية وينك
هية تحجي ابجيتك واني انذبح
حسين جم مرة وكف يمها الرمح.. خوية
ينزل بصندوك راسك ويبقة فوك الرمح همي
من رقية الموتتني اتريد جيتك وانته يمي
الليل جلجل
واني اذبل ..امنين اجيبك
#######################
شمت امن الراس عطرك
وفزت ادموع اعلة ملكة
واشبكتها ..وكلمتها .. ايصير ملكة
وهسة كالت عمة وينة
لا اجه ولا صاح بسمي
لا اجالي ..ولا حجالي ..حتى اشبكة
خوية ضيعت شوفها وماضيعتك
بين نسمات اليتم حي شمتك ..خوية
ثوب منك مابقالي حتى اخلي بين اديها
حتى تقنع عطر ثوبك بالهوة سيّر عليها
ثوبك الحل
واني اذبل ..امنين اجيبك
#######################
تغزل افكار اعلة شوفك
وحلم ملكة بكد عمرها
اتضم سوالف .. من مواقف .. شاهدتهن
اتكلي اذا لاكيت ابوية
اشتكيلة اشسلبوني
واعرف اني ..المن اذاني ..ياهو اخذهن
ابالها اتلاكيك تشكيلك للم
ياهو طكها وياهو شب نار الخيم ..خوية
ابكل طفل ياخوية عادة للأبو يشكي الاذية
وعالسلبها وعالضربها اتريد تشكيلك رقية
موتي اسهل
واني اذبل ..امنين اجيبك
#######################
الشام لاكانه ابفرحته
وهية ضنت عيد جيتك
والوجعني ..والفجعني ..رد نضرها
اتفاجئت شوف اعلة راسك
وسألتك جاوين طولك
وهية شبكة ..وهية شهكة ..وفل عمرها
جان ضنها اتشوف طولك للشبك
ماتشوف الكاعد ابثغرك يطك ..خوية
والتغسل المات كالت ما اغسل هالزغيرة
خوية كالت مرض بيها واني كلت اجروح اسيرة
انريد تقبل
واني اذبل ..امنين اجيبك
#######################
ذوالفقار الزيدي
دنيتك لوعسرت بسنينها
اكصد العزبت بروس ابنينها
########################
كاصد ام عباس ليفكر يخيب
هية باب الباري والباري المجيب
المالة جارة وماعرف علتة الطبيب
ايروح للشيبها يوم حسينها
########################
العندة حاجة وعسّر اعليه الجواب
وبين جفة ودعوتة يوجد حجاب
خل يروح البابها المامثلة باب
ويلكة الله اشرازق بجفينها
########################
ماترد محتاج يكصدها ابامر
وللعسر باب ام البنين اليسر
لاتهم لوضاك بهمومة الصدر
الله يشرح صدر ناسة العينها
########################
كبل لاتحجيلها اتحضر الطلب
نخلة ام عباس حواية رطب
يمها أمن حال روحك لوصعب
حل المعسرات ساس ابدينها
########################
روح واسأل عالطلب منها شلكة
شلون جان بحال والحال ارتكة
زرع روحة اليابس ابيش انسكة
وعود انشدة ايام عسرك وينها
########################
ذوالفقار الزيدي
صار الصح غلط والغلط صار الصح
ترندك لو صعد تتوفق وتربح
جيب بكيفك الحان
موش ادموع واحزان
ترندك لوصعد تتوفق وتربح
########################
انّسه حمزة الزغير اوطن صبّح مايناسب
وصوت ياسين الرميثي مايشغلو بالمواكب
افلان سوالة قصيدة وباللحن سوة العجايب
من يسمع العبد الرضه
هذا الوكت صدك مضه
ياهو اليدور الموعضه
علّي صيتك بالطلايب
سوي المختلف بين البشر تكسب
هم انته تطش وتطشش الموكب
وانته بهاي ربحان
موش ادموع واحزان
ترندك لوصعد تتوفق وتربح
########################
كون جم مليون شافك موش جم معصوم شافك
اشكد وصل صيت القصيدة وبالتواصل ياهو ضافك
ياهو ليترّس اجيوبك لو مشاهد زين عافك
لملم دراهم وانتجي
ايزيد الربح كد الحجي
الطيب انفاسك والبجي
هاي متسمن عجافك
تمويل القصيدة ايثكل اجيوبك
والله اعلة المشاهد يغفر ذنوبك
خلي الجيب مليان
موش ادموع واحزان
ترندك لوصعد تتوفق وتربح
########################
السهم الازرك خلي همك لاتفكر بالصحيفة
صفحتك لو وثقتها تنسة لجيوب الخفيفة
تصير مشهور بشهرتك راح تتنصب خليفة
والحل بدينك والربط
واضغط سهم يعلة الضغط
وللششير حثهم والضبط
وشيّر اعلة اهل السقيفة
وحالات الستوري من تطش بيها
روحك للنجم صدك تعليها
سوي التاك لفلان
موش ادموع واحزان
ترندك لو صعد تتوفق وتربح
########################
والله مو من جيبي ذني عمي صاير هذا
واقع
صار توفيق الموالي حسب نشرة اعلة المواقع
افلان جم مليون جايب افلان ماخذ علىه الشارع
هذا الحجي بهذا الوكت
من جيبي اي شي ماجبت
ومن حركة عن ذن سولفت
وضل حجي ايسد المسامع
هاي الناس صاير هيج واقعها
وعن حجيي الصدك سدت مسامعها
اليحجي ايصير بطران
موش ادموع واحزان
ترندك لو صعد تتوفق وتربح
########################
الصحيح ايضل صحيح ومسألة فترة وتعدي
ويرجع الكلشي الاصولة وينّسي هذا التردي
كون بس حسين يرضة وخلها كلها اتصير ضدي
دور علة اليخدم صدك
المحترك يهوة المحترك
واتهدل اليوم الطبك
وخلي تصول لعد زينب حسرتك بالآه يمهدي
########################
ذوالفقار الزيدي
اشكد ابو فاضل وجعني ..يزينب
ردت اشبكة وماشبكني ..يزينب
واشكثر اذاني
خوية من حاجاني
كلي سلملي اعلة زينب ..يزينب
########################
خوية ..مدري افتح عيني يمة مدري اسدها
خوية ..دموعة تطلع بس سهم عينة اليردها
خوية ..كلي زينب هسة ماتت لو بعدها
ياخوية ليتاني بعطش
مايحمل احجاية ضمة
وكلمة العفتة اعلى النهر ..ضياع
معناها انته الوحدك
معناها انته ابلا اخو
معناها المن تنحجي ..الوداع
كلي عيني اشلون اسدها..يزينب
واختي عطشانه بعدها ..يزينب
الياجرح وداني
خوية من حاجاني
كلي سلملي اعلة زينب.. يزينب
########################
روحي ..كتلة اخذها ورد لخيتك وانته روحي
روحي ..حست اجروحك يخو اخيامك جروحي
روحي ..جيب روح اتحاجي روحي اتكلها روحي
سولفلي كلمة امن الدمع
تنطيني منك يانفس
وانه لبعينك مايصد..خشوع
المايكدر ايكلك اخي
يكدر يموت الخوتك
خلاني شيب امبلل ..ابدموع
خلة دمعاتي اعلة شيبي ..يزينب
كلي عذراً ياحبيبي ..يزينب
يعتذر بجاني
خوية من حاجاني
كلي سلملي اعلة زينب ..يزينب
########################
عينة ..بيها نبلة بس احس ابعينة كلبي
عينة ..ماتصدلي بس اصد انه اعلة ربي
عينة ..اتجيب ميها تحاجي عيني اتكلها اشربي
من وشلت عيني الدمع
انطاني مية البالنضر
مايقبل يشوف العطش ..بخوه
كتلة انته طول امن الوفة
شموصل العينك سهم
شافوني بعيونك رسم ..رموه
شفتة محتام الشبكتي ..يزينب
وعالسهم طاحت دمعتي ..يزينب
السهم ماخلاني
خوية من حاجاني
كلي سلملي اعلة زينب ..يزينب
########################
ريتي ..اتجر نفسها وتدري ابو فاضل نفسها
ريتي.. استغربت شمت الهوة عباس حسها
ريتي..حمرة صارت جي سهم لايح شمسها
تقنع الرية بيا هوة
وعباس جان الها النفس
ويموت خنكة المختنك ..هواه
ايكلولي عيش ابلا اخو
والما اله اخو ايكتلة الدمع
والكلشي اخذ شيخلي ..للوراه
كتلة خوية شلون تمشي ..يزينب
ايروح كلشي وانته كلشي ..يزينب
ياحجي اعلة الساني
خوية من حاجاني
كلي سلملي اعلة زينب.. يزينب
########################
بيدي ..حيل ادية وخوية زينب مات بيدي
بيدي ٠٠ حار دمة ودمي حار بنص وريدي
بيدي .. كاض ضهري وكمت اصرخ ياعضيدي
اول مصاب يمر علي
بالطف وانه بلاية اخو
عباس بجفوفي واحس ..بعيد
وياي جان بكل دمع
لعيوني والكلبي صبر
ومن بعدة اتناي الذبحة ..للوريد
كتلة شرجع بله لختي ..يزينب
وخنجر مناطر ذبحتي ..يزينب
والذبح تاناني
خوية من حاجاني
كلي سلملي اعلة زينب ..يزينب
########################
ذوالفقار الزيدي
بوابةُ العزاءِ ..بالسفير
بدايةُ البكاءِ ..بالسفير
وصورةُ الفداءِ ..بالسيفر
########################
ابمسلم القصة ابتدت
وخلص طفها وماكضت
منها زينب وانسبت ..هالحكاية
وكلشي بين باولة
وشنهي نية كربلة
اليطلع ايودع هلة ..امن البداية
بيها ايسجل التاريخ وكفات الزلم منحر
وبدرب الوصول اهناك لازم توصل موذر
ووقفةُ النحورِ ..بالسفير
كرقةِ الزهورِ ..بالسفير
أرجوزةُ الدهورِ ..بالسفير
########################
حسين سماه الثقة
والزمان اموثقة
وابو فاضل صدقة ..بالمراجل
الناس من سالو منو
كال ابن عم الكفو
ابحر المكابل اخو ..لبوفاضل
انه وعباس خوة سيف وجمرة غيرة تجمعنه
اتفقنة انطيح كبل حسين الطف لو دمة لودمنه
تجلى ذو الوفاءِ ..بالسفير
رسالةُ السماءِ ..بالسفير
وأيةُ البهاءِ ..بالسفير
########################
جاي خير امن الترف
كلف وامودي الكلف
واحد احسابة بالف .. بهاشميتة
همة لاكوه ابغدر
وهوة لاكهم جمر
والاسد صيدة بخزر..حيدريته
كالو مسلم امن ايطيح مات حسين عد الناس
وكللهم شلون ايموت وللطف جايب العباس
لم يُكسَرِ الحسينُ ..بالسفير
للهِ فيهِ عينُ ..بالسفير
ومن عليِ عينُ..بالسفير
########################
هوة شيخ وبالاسر
همة ذلة ابنص قصر
وهالامر عن هالامر .. فرقة واضح
عطش بس مروي بعلم
بي عطر حيدر تشم
ابنص زلم بس مو زلم.. بس مصالح
وادم غارها الدينار ومسلم للحسين انغر
كالو هالكضت وياه كال الجايكم اكثر
لم ينتهي المطافُ ..بالسفير
قد أَينعُ القطافُ ..بالسفير
جائتكمُ العجافُ ..بالسفير
########################
يبجي مو من العدة
حسين يبقة الوحدة
والدرب خنجر غدة .. من يكلة
كلمة ارجع ماتصح
والتعال هنا ذبح
وجرح راس اعلة الرمح ..من يشلة
صح من الاسر موجوع بس جان الوجع لحسين
تموت احجاية اللبيك لو نام السهم بالعين
تشفتِ الأعداءُ ..بالسفير
وزادتِ الارزاءُ..بالسفير
ويعظمُ الرثاءُ ..بالسفير
########################
ذوالفقار الزيدي
شنهو العمر من دونكم
سهلة الذبح لعيونكم
عدنة الصعب زينب يشوفوها
وامن الخيم بعدك يطلعوها ..من دونكم
########################
جينة فزعة امن المناحر فدوة لعيونك نذرها
نكتب الزينب سلامة من ركبنة الحد خدرها
نلبس اكلوب السهمهم ونبتسم ساعة خطرها
حتى النفس يحسين صار اعلة خيرك
نحية ونموت اوياك ماعدنة غيرك
سهلة الذبح ..كدامكم
بس لا خطر ..بخيامكم
خوف الكلب بس لا يحركوها
ومن الخيم بعدك يطلعوها ..من دونكم
########################
انعاين اعيونك عليها يعني فكرك كله يمها
وانته بالك كلة زينب وباقي بالك يم خيمها
انته همك يم خدرها وهيةسالم تبقى همها
واليبقة وحدة اهنا تتحاوطة ارماح
اشلون بكلبها اشلون من تسمع الطاح
نوكع نذر ..كدامها
خاطر تضل ..اخيامها
بس لا بعد طيحتنا ياذوها
ومن الخيم بعدك يطلعوها ..من دونكم
########################
تفكر اختك بالسلامة وانتة ميت بيدك ابنك
تحضن بعينك دموعك بس الاكبر مايحضنك
تكلها خدر الله انتي زينب وانته رايح حيل منك
اتللكها زينب هاذ ابني الاحضنة
وداعت الزهرة هواي انتي اغلة منه
تكلها الخدر..عز روحي
سهلة الوجع ..واجروحي
وشلون بعدك من يضربوها
ومن الخيم بعدك يطلعوها..من دونكم
########################
اوداعتك من تبقى وحدك يعني زينب هم وحيدة
اوتسمع اتصيح الشماته الراية طاحت من عضيدة
اتسالك اشصار اعلة اخوية تكلها زينب كطعو ايدة
صوب الشريعة تروح بس محني ترجع
وكلمت الكافل طاح بالكوة تطلع
تسأل يرد ..واشلونة
تكلها السهم ..بعيونة
ضلتك وحدك يعني يسبوها
ومن الخيم بعدك يطلعوها ..من دونكم
########################
اين فرسان الحرايب جلمتك هاي اشكبرها
احنه موتة وانته وحدك والخيم كرب خطرها
طيحتك معناها زينب حضرت حسرة اليسرها
معروفة من اتطيح كل زينب اتطيح
واتفزعك يحسين بالياعلي اتصيح
صوت الفزع ..مر بيكم
حيهم هلي ..اتحاجيكم
شيصير بيكم من تسمعوها
ومن الخيم بعدك يطلعوها ..من دونكم
########################
ذوالفقار الزيدي
محلاه ..بعيون ابو لمن يقاتل
محلاه ..ويشاهدة عمة ابوفاضل
محلاه ..لمن هتف هل من منازل
متبسم بوجه الحرب..محلاه
########################
وحسين بعيونة الفرح كدامة شاف عيونة
ابيض كلب واحمر ضرب والجيش اصفر لونة
احتاطو عليه خيل وزلم ماكدرو ايوكفونة
ايكولون طب للميسرة بالميمنة ايشوفونة
اسمة علي وجنه علي
ذكرهم بضربة علي
كالو رجع للطف علي..ابذوالفقارة
اللاكاه ..يفتحها بس ميسدها عينة
اللاكاه.. جسمة بقة بس راسة وينة
اللاكاه ..هذا اجه الموته ابادينة
والاكبر املاكاه صعب ..محلاه
########################
ان تنكرو اني علي هزت كيان العسكر
عباس ناداه مفتخر عفية ابن اخوي الاكبر
ايكثرون بالحومة العدد والموتة تصبح اكثر
والبيد قادتهم فقط تلملم وتتطشر
حير القادة ابحملتة
طشر الجيش ابحملتة
فرّح احسين ابحملتة..جنه حيدر
العباس ..ينضر اله بعين الكياسة
العباس..كلة انته سلطان الفراسة
العباس ..ايسولف علية مابين ناسة
ايكلهم علي ايطب للكلب ..محلاه
########################
كلب الحسين ابنص حرب لكن امبرد كلبة
امن الماي ماحصل ندة اوشيسوي من ايشربة
طبلهم مزامط علي مايخطي ضربة بضربة
امكابل علي عدهم صعب والشردة عدهم صعبة
يتخير اصعاب الركب
ويتلمس الجيش الركب
ضرباته ماتخطي الركب.. حيرتهم
محتار ..يشرد يضل من لاكة سيفة
محتار ..حر الصحاري اكبال صيفة
محتار ..الوارث حقد اهل السقيفة
بين الحسن بين الضرب..محلاه
########################
يشبة الوردة بطيبتة ويشبه علي ابوكفاتة
ليلة هرير ابكربلة سواهة من ضرباته
حملة بدر حملة احد شافوهن ابحملاتة
التاريخ واكف منصدم ويسجل ابصولاتة
شيخ الترف شيخ الحرب
وامرجف ابحيلة الحرب
يتصيد ازلام الحرب .. ابهاشميته
والسيف ..ابصيد الزلم ماخذ شمرته
والسيف..صاير جمر من كد حركته
والسيف ..مايفترق عن حر نضرته
للحومة يتصيد يطب ..محلاه
########################
حضرو ابن غانم اله وحضر السيف النحرة
وعجت ترابت كربلة والسطرة تشكف سطرة
ماخلصت ليلة الدعة الا وجلاها الغبرة
لن راس بكر بيمنتة ويتبختر ابن الزهرة
العباس فرحان ابتسم
من وجه الحسين ابتسم
وكلمن بالخيام ابتسم ..بهالبشارة
والجيش..عاش ابرعب واهلة ابشارة
والجيش ..جان ابكر فوز اختيارة
والجيش.. قرر لجن فشّل قرارة
عاف القرار اعلة الترب ..محلاه
########################
ذوالفقار الزيدي
انطة ادوار الحرب..وزينب وسط الكلب
خلاها
هيبة ابنص الخيم ..وطول حسين وعلم
وياها
اوزينب هية ابعين..عباس عباس
قائد جيش حسين ..عباس عباس
########################
حزّم رايتة بجفة وانطة الكل بطل دورة
هذا الجف علي الكرار ضمة الكربلة احرورة
والعباس حار الراس جهز سيفة لوصورة
واسرافيل الحومة من ينفخ معناها
محشر روس القادة يوم الطف سواها
انته اعلة الميمنة..وانتة اعلة الميسرة..كللهم
واني بضهر الاخو ..درع اسهام ودفو ..من عدهم
زود الله بجفين ..عباس عباس
قائد جيش حسين..عباس عباس
########################
مر خيمة اخيتة وشاف زلم الطف تهوسلها
وكلة حسين اختنه اتريد تتخبر مراجلها
وصاح بزود راعي الجود تامر واني كافلها
وداعت جلمة زينب راح يشوفون سيفي
وبكيف ام عون حيلي والطف مجراه بكيفي
عدهم سبعين الف..عدنة حسين وكلف
مانهتم
عدنة اليهوة الذبح..عدنة الكل للرمح
فدوة الدم
والمايدري منين ..عباس عباس
قائد جيش حسين ..عباس عباس
########################
لم انصار اخوه الحيد وكلهم احنه لو احنه
اهنانه السومة غالي حسين واليرخص علية دمنه
وللاجيال خل تنكال وكفتنه وسوالفنة
لبكلبة حسين غالي ميعز للموت روحة
والهمة اخيام زينب متهمة اهنا اجروحة
كون الي يرتجز ..ايخلي الميت يفز
من صوتة
ويحسب هذا الامر..عدنة اهنانه النصر
بالموتة
كالو اشر وين..عباس عباس
قائد جيش حسين ..عباس عباس
########################
صد ابعين اخوه وكال متحضرين خدامك
انته الي عليك اتعيش واحنة انموت كدامك
فدوة انطيح وكون الريح حر متجيب لخيامك
انته الي اعليك تأمر واحنه محضرين دمنة
ماعدنة الكال عذراً بس كلمة صار عدنة
انته اعليك الامر ..واحنه انشوَف الشمر
حركتنه
اشلون تصير الحرب ..اشلون انعيش وصعب
طيحتنه
ميطيح ابجيشين..عباس عباس
قائد جيش حسين ..عباس عباس
########################
فض فرض الحجي وعباس كلهم حي لفرض الطك
وين املوحة العربان وين التوكع اعلة الحك
يرتجزون يتحزمون اوجه الكاع صار ازرك
صوت اللبيك عدنة جن صوت الصور تطلع
والكالو ليه شايب كبل الشبان يفزع
وللحومة اتحضرت..شاب وشيبةبخت
وفاية
الجيش انوو ينطحن ..وفك عباس الاذن
بالراية
سوة الطف طفين..عباس عباس
قائد جيش حسين..عباس عباس
########################
ذوالفقار الزيدي
ذب الكتيبة اعلة الكتيبة
وتتصور الوادم عجيبة..هذا العباس
راية ابسمة وسيفة بركبهم
يتصيد ابقادة زلمهم ..هذا العباس
اين المفر..للطف حضر ..هذا العباس
########################
كالو سدو الماي بس عباس اجاهم
جن دحاي الابواب عن وجها دحاهم
شردو منه اجسام والروس ابوراهم
حيدر للصعب ضمة
نذر حسين عد امة ..اخو زينب
امفرح احسين بصيار
واعيونه اعلة بتارة ..اخو زينب
من زغرة وعيونة اعلة سيفة
حر يجوي مهدة بنار صيفة..هذا العباس
لولتلة زينب بالكفالة
من زغرة جو الطف حلالة ..هذا العباس
ولمن كبر ..للطف حضر ..هذا العباس
########################
هد الدنية عالجيش شد اعنان الدهم
شيبرد حجي السيف عباس وتحزم
كل ماكبر وصاح يرتاح المخيم
تشد حيل ويشد بيها
اعلة سيفة اتفر يخليها ..الحرب كيفة
ترس بالروس عاليها
ترس فرسان واطيها ..الحرب كيفة
اترف رايتة ويوكف كلبهم
متبسم ابشدة رعبهم ..هذا العباس
حيدر كتب كلمة اعلة زندة
جمرة علي المحد يبردة ..هذا العباس
ساعة خطر ..للطف حضر ..هذا العباس
#######################
ترجف ساحة الموت بس هوة ايتبخر
ايلم ابعزمة ويغير والجيش ايتطشر
ناس اتوصفة كرار وناس توصفة حيدر
دار اليمنه عاليسرة
ماخذ عالحرب شمرة ..ابو الغيرة
ابحجي الكثرة مايهتم
ابالة حسين بس يسلم ..ابو الغيرة
ماهمة قوتهم عددهم
لمهم وطشرهم وذلهم ..هذا العباس
دور الرحة داير عليهم
طشرهم اوتيه حجيهم ..هذا العباس
موت البشر ..للطف حضر ..هذا العباس
########################
غيّر عازة الماي من ذبة اعلة ماية
كلة حسيني عطشان وانته تروي هاية
صار احسابك وياي بحساب الضحاية
وانه امن المات مااشرب
بوجه الماي من ضهضب ..خطف لونة
برد بس جاسة جف الحر
الخلة الجيش وجه اصفر ..خطف لونة
خلة الشواطي الهسة زركة
عاين عليها بعين حركة ..هذا العباس
لو ماطلب لختة الوديعة
جامنضرلج ياشريعة.. هذا العباس
ايجيب النهر ..للطف حضر..هذا العباس
########################
خلة اليقرة تاريخ عنه ايشب مراجل
معنى اخيام الحسين معنى اعليها كافل
معنى احتاطتة الاف معنى وضل يقاتل
واليقرة انفهم عندة
ابكلب حسين ضل وحدة..اخو حسينة
الشافة بوحدة متوهم
ابروح حسين متقدم ..اخو حسينة
التاريخ صفحة وهوة صفحة
جان ابمحبت حسين ربحة ..هذا العباس
اركب بنفسي حسين كلة
شتضنها هاي الكلمة سهلة ..هذا العباس
روح ونحر ..للطف حضر ..هذا العباس
########################
ذوالفقار الزيدي
بجروحي بجيتة
محبوبي لكيتة
قرآني قريتة.. عالمنبر ابدمعتي
########################
حسين حزمني الخدمته حسين دلاني الدرب
حسين دنية امن المشاعر حسستني املك كلب
وكلشي ينحل ابوجودة حسين حلال الصعب
بلاوجودة تعيش بيش حسين كلشي
التوكف اعكدها بضريحةوهية تمشي
ينطيني واشكرة
والمجلس احضرة
وابجيلة اعلة صدرة..عالمنبر بدمعتي
########################
حسين ميريد المضاهر عينة تنضر نيتك
حسين ماينسة اليزورة وكثر انته ازيارتك
اخدم وانسة التريدة هوة يعرف حاجتك
حسين ليدك بابة ابد ميردة خايب
ايشوف ليخدمة ابصدك كل العجايب
جربت الزيارة
توفيق وبشارة
واعرفت الاشارة..عالمنبر بدمعتي
########################
مثل ابو رجع شمسها وماعرف رجعلة جف
حسين كد ما كلة خير الخير من نحرة نزف
حسين جبار الخواطر جفة وبخيرة انحلف
حسين حنطة حيدر وملح الزجية
حسين شيخ السادة يكرم بالعطية
ماكتلة وتركني
انطاني واخذني
وبفيضة ملكني ..عالمنبر بدمعتي
########################
حسين باب الله الجبير والله ميسد باب
اله
والله خلاه للخواص البوصلتهم كربلة
واليجي لحسين وحدة ينطي اله وجارة وهلة
تريد تربح اركب بهاي السفينة
حسين للمدلة اديه يترس ادينة
اقرالة وقبلني
محسسني يحبني
عرّفني وعرفني..عالمنبر بدمعتي
########################
اه يحسين ومصابة وين ماتسمعها دك
صدرك وهاللطمة هاي حسين ترجمها عشك
ولايجي ابالك تعوفة موت بس لاتفترك
تخدم حسينك يضمك جف زجيتة
هاشمي ويفزع الك كد هاشميتة
وبصوتي خدمته
وشوفني نعمته
تتوجر جمرتة..عالمنبر بدمعتي
########################
ذوالفقار الزيدي
نبقة خدامك ..نبقة خدامك
ياحسين معاهدينك ..نبقة خدامك
#######################
انته اجمل عشك ..نسمة وينشهك حسين اول كلمة بالحب حسَسَتْنَه
فطرة امحبتك ..نعمة ازيارتك
كل خميس انطوف يمك عودتنه
ابضريحك تلمنة ..سوالف عشكنة
نعتني انزورك ..نعتني انزورك
ابلهفة العطشان ملكة ..نعتني انزورك
#######################
مسحوك الصدر ..واخيامك جمر
لكن ابرودة كلب بسمك عجيبة
ليام العسر ..طاريك يسر
والصعب ينحل اذا ذكرك نجيبة
منو الكلبة ذابل ..اويحل المسائل
كل صعب يسهل ..كل صعب يسهل
من نسولفلك عليهن..كل صعب ينحل
#######################
آية امن الضمة ..ويروي بخادمة
وياملك عطشان ويروّي الرعية
ياحنين ويحن ..حتى عالمايحن
غير حنطة حيدر وملح الزجية
حنانك رواية ..بداية وبداية
حسين بعيونك..حسين بعيونك
الله حط كل رحمة الله ..حسين بعيونك
#######################
جاي امحرمك ..وفق خادمك
يرفع الراية ابدمعته اليوم حزنك
حسين المنهضم ..يبرد باللطم
انريد حتى اعلة اللطم توفيق منك
النذرلك حياته ..لطمته نجاته
حسين وفقنا ..حسين وفقنا
بمجلسك ينزل دمعنا ..حسين وفقنا
#####################
جرحك بي نهر ..الدمعات النضر
بلكي دمع اعيونة ايطيب جروحك
جرح المنوجع ..ايعرفة المنفجع
ياحسين ونبجي عالطلعها روحك
جروحك جبيرة ..يشيخ العشيرة
نبجي لجروحك..نبجي لجروحك
كلوب محروكة الخيامك ..نبجي لجروحك
######################
ذوالفقار الزيدي
اذا ادور قصائد لمحرم مرتبة وحلوة تفضل هذا رابط القناة
/channel/abbmmnn
توفر ترويج مشاهدات يوتيوب حقيقي عراقي للقصائد الحسينية والمحتوى الديني والتعليمي فقط للتواصل
@ahmed_alziwar0
ابداع هذا الشاعر لا يوصف اجمل قصائد الشور والقصائد الثكيلة لسنة 2026 تجدونها هنا
رابط القناة 👇👇
/channel/scybj
