FATVO.UZ | Расмий канал

05 Apr 2025 06:03

#Видео
#муфтий_минбари

🌙 ҲАР БИРИМИЗ ОМОНАТДОР ВА МАСЪУЛМИЗ
🎙 Шайх Нуриддин Холиқназар ҳазратлари

🔗 Улашинг: @diniysavollar

FATVO.UZ | Расмий канал

04 Apr 2025 13:27

​​ОНА СУТИНИ СОТИШ
#ҳалол_ҳаром

❓1613-CАВОЛ: Айрим ҳолларда чақалоқларни тўйдириш учун оналарнинг сутини аралаштириб сотилар экан. Бу савдо жоизми?

💬 ЖАВОБ: Бисмиллаҳир Роҳманир Роҳим. Она сутини сотиш жоиз эмас. Бундай сутлар билан болаларни тўйдириб бўлмайди. Чунки она сутини тановул қилиш билан бола ва ўша она ўртасида разоат (эмикдошлик) собит бўлади. Сути олинган аёл эса, кимлиги маълум бўлмайди. Мусулмонлар ижмоси (иттифоқи) билан насаб билан маҳрам бўладиганлар, эмизиш билан ҳам маҳрам бўлади. Шариатнинг мақсадларидан бири насабни сақлашдир. Бу амалиёт эса, насаблар аралашиб кетишига олиб боради. Ислом фиқҳи Кенгаши ўзининг Жидда шаҳридаги 2-сонли йиғилишида бу амалиётни шариатга номувофиқ деб қарор қилган (Фиқҳул буюъ). Валлоҳу аълам.

Ўзбекистон мусулмонлари идораси
Фатво маркази.

YouTube | Instagram | Facebook |Ummalife

🔗 Улашинг: @diniysavollar

FATVO.UZ | Расмий канал

04 Apr 2025 07:34

#Видео
#муфтий_минбари

🌙 РИЗҚНИ КЕНГ, УМРНИ УЗУН ҚИЛУВЧИ ФАЗИЛАТ
🎤 Шайх Нуриддин Холиқназар ҳазратлари

🔗 Улашинг: @diniysavollar

FATVO.UZ | Расмий канал

04 Apr 2025 00:02

#Намоз_вақтлари

«... албатта, намоз мўминларга вақти тайин бўлган фарздир» (Нисо 103)
2025/1446 | 4 Апрел Жума

🔗 Яқинларингизга ҳам эслатинг: @diniysavollar

FATVO.UZ | Расмий канал

03 Apr 2025 12:08

​​ИНСОН ЎЗ КЕЛИНИ ЁКИ КУЁВИГА ЗАКОТ БЕРИШИ
#закот

❓1610-CАВОЛ: Киши ўз келини ёки куёвига закотини берса бўладими?

💬 ЖАВОБ: Бисмиллаҳир Роҳманир Роҳим. Агар келини муҳтож бўлса, яъни, ўзининг шахсий мол-мулклари йўқ ёки нисобга етмаса, унга закот бериш мумкин. Фақат унинг мол-мулкларини ҳисоблашда эри томонидан адо қилинмаган маҳри ва тақинчоқлари каби холис ҳақлари ҳам ҳисобга олиниши керак. Демак, ана шуларни қўшиб ҳисоблаганда ҳам унинг мулкидаги бойлиги нисобга етмаса, закот олиши мумкин бўлади. Худди шунингдек, куёвнинг ҳам шахсий мулки нисобдан кам бўлса, унга ҳам закот беришнинг зарари йўқ. Чунки шаръий қоидаларга кўра ўртасида туғилиш ва эр-хотинлик риштаси бўлган инсонлар бир-бирларига закот, фидя ва фитр садақаси кабиларни беришлари мумкин эмас. Демак, булардан бошқаларга, жумладан, муҳтож бўлган келини ёки куёвига бериш мумкин. Валлоҳу аълам.

Ўзбекистон мусулмонлари идораси
Фатво маркази.

YouTube | Instagram | Facebook |Ummalife

🔗 Улашинг: @diniysavollar

FATVO.UZ | Расмий канал

03 Apr 2025 00:02

#Намоз_вақтлари

«... албатта, намоз мўминларга вақти тайин бўлган фарздир» (Нисо 103)
2025/1446 | 3 Апрел Пайшанба

🔗 Яқинларингизга ҳам эслатинг: @diniysavollar

FATVO.UZ | Расмий канал

02 Apr 2025 13:25

​​ҚАРЗНИ КЕЧИШ ЗАКОТ ЎРНИГА ЎТАДИМИ?
#закот

❓1609-CАВОЛ: Бир киши мендан катта қарздор. Закотимни ўша одамга бериб, сўнг ҳақимни олсам ҳийла бўлиб қолмайдими?

💬 ЖАВОБ: Бисмиллаҳир Роҳманир Роҳим. Қарзни адо қилишга қийналиб юрган кишига ҳақ эгаси келиб тўғридан-тўғри сиздаги пулимни закотимга ҳисоблаб, қарзимдан кечдим, дейишлиги билан закоти адо топмайди. Чунки бу ҳолатда кечилаётган пул камбағалнинг қўлида бўлмагани учун тамлик, яъни молга эгадор қилишлик топилмайди. Буни жоиз қилишлик йўли эса, уламоларимиз таъкидлаганидек, закотни қарздорга адо этиб, ундан қарзини тўлашни сўрайди ва қарздор тўласа, унинг қарзи ҳам узилади. Ана шундай қилинса, ҳақдорнинг закоти адо этилган, қарздор эса бўйнидаги қарзидан қутилган бўлади. Валлоҳу аълам.

Ўзбекистон мусулмонлари идораси
Фатво маркази.

YouTube | Instagram | Facebook |Ummalife

🔗 Улашинг: @diniysavollar

FATVO.UZ | Расмий канал

02 Apr 2025 05:52

#Видео
#муфтий_минбари

🌙 ҚАРЗ - СИНОВЛИ ОМОНАТ
🎤 Шайх Нуриддин Холиқназар ҳазратлари

🔗 Улашинг: @diniysavollar

FATVO.UZ | Расмий канал

01 Apr 2025 14:43

#Шаввол #Рўза

❓Шаввол рўзасини қазо ниятда тутса бўладими?

Ҳикматуллоҳ домла ТОШТЕМИРОВ

Ўзбекистон мусулмонлари идораси
Фатво маркази бош мутахассиси

FATVO.UZ | Расмий канал

01 Apr 2025 08:33

ТИЖОРАТ УЧУН ОЛИБ, ИЖАРАГА БЕРИБ ҚЎЙИЛГАН УЙНИНГ ЗАКОТИ
#закот

❓1606-CАВОЛ: Мен уй олди-сотдиси билан шуғулланаман. Уй сотиб олганимдан кейин то сотилгунича анча вақт, баъзида бир йил туриб қолади. Ушбу муддатда бекор турмасин деб, ижарага бераман. Закотимни қандай ҳисоблайман?

💬 ЖАВОБ: Бисмиллаҳир Роҳманир Роҳим. Сиз уйнинг қийматидан закот чиқарасиз. Чунки уни сотиш ниятидан қайтмагансиз ва уй савдо моли бўлиб турибди. Умуман сотиб олинган уйларни ижарага қўйишда иккита ҳолат бор: 1) сотиш ниятида сотиб олинган ва кейинроқ ниятидан воз кечиб, ижарага қўйилган уй. Бу уйнинг қийматидан закот берилмайди, балки тушган пулидан (агар нисобга етган бўлса) ёки нисобга етган бошқа пулларига қўшиб закот берилади. Чунки бу ҳолатда уй савдо моли бўлмай қолди. 2) сотиш ниятида сотиб олинган ва ушбу ниятдан воз кечмаган ҳолда ижарага берилган уй. Бу уйнинг қийматидан закот берилади. Чунки уй ҳануз савдо моли бўлиб турибди. Валлоҳу аълам.

Ўзбекистон мусулмонлари идораси
Фатво маркази.

YouTube | Instagram | Facebook |Ummalife

🔗 Улашинг: @diniysavollar

FATVO.UZ | Расмий канал

01 Apr 2025 01:27

#Намоз_вақтлари

«... албатта, намоз мўминларга вақти тайин бўлган фарздир» (Нисо 103)
2025/1446 | 1 Апрел Сешанба

🔗 Яқинларингизга ҳам эслатинг: @diniysavollar

FATVO.UZ | Расмий канал

31 Mar 2025 11:01

​​ШАВВОЛДАГИ ОЛТИ КУНЛИК РЎЗА РАМАЗОН ҚАЗОСИДАН ЎТАДИМИ?
#рўза

❓САВОЛ: Мен ҳам шаввол ойида олти кун рўза тутмоқчи эдим. Аммо Рамазон ойида ҳам олти кун сабабли тута олмаганман. Энди мен шаввол ойида 6 кун рўза тутсам Рамазоннинг қазосини тутиб берган ҳисобланаманми?

💬 ЖАВОБ: Бисмиллаҳир Роҳманир Роҳим. Шаввол ойидаги олти кунлик рўза қазо рўзалар ўрнига ўтмайди. Шунинг учун зиммасида Рамазон ойи рўзасидан қарзи бор бўлган киши аввало қазо рўзасини тутиши мақсадга мувофиқ. Чунки қазо рўзаларни нафллардан аввал тутилгани афзал саналади. Қазо рўзасини тутаётган киши бомдод намозининг вақти (субҳи содиқ) кирмасидан аввал "Рамазон ойидан тута олмаган қазо рўзани тутиш"ни ният қилиши керак бўлади. Агар ният қилолмай субҳи содиқдан кейин ният қилса, нияти эътиборли бўлмайди.
Шаввол ойидаги олти кунлик рўза нафл ибодат бўлиб, уни шаввол ойи давомида тутса ҳам бўлади. Шунинг учун Сиз аввал қазо рўзаларни мукаммал тутиб олиб, кейин шаввол ойи давомида олти кун рўза тутишингиз мақсадга мувофиқ. Валлоҳу аълам.

Ўзбекистон мусулмонлари идораси
Фатво маркази.

YouTube | Instagram | Facebook |Ummalife

🔗 Улашинг: @diniysavollar

FATVO.UZ | Расмий канал

31 Mar 2025 01:27

#Намоз_вақтлари

«... албатта, намоз мўминларга вақти тайин бўлган фарздир» (Нисо 103)
2025/1446 | 31 Март Душанба

🔗 Яқинларингизга ҳам эслатинг: @diniysavollar

FATVO.UZ | Расмий канал

30 Mar 2025 11:04

ШАВВОЛНИНГ ОЛТИ КУНЛИК РЎЗАСИ
#фазилатли_вақтлар

❓САВОЛ: Рамазон ойидан кейин тутиладиган олти кунлик рўза ҳақида батафсил маълумот берсангиз.

💬 ЖАВОБ: Бисмиллаҳир Роҳманир Роҳим. Рамазон ойидан кейин ҳижрий-қамарий тақвимнинг ўнинчи ойи ҳисобланадиган Шаввол келади. Ушбу ой ҳам фазилатли ва баракотли ойлардандир. Айниқса бу ойда соғлиғи ва имкони бор кишилар нафл рўза тутсалар, кўплаб ажру-савобга эга бўлишлари ваъда қилинган. Жумладан Абу Айюб Ансорий розияллоҳу анҳудан ривоят қилинган ҳадиси шарифда Пайғамбаримиз соллаллоҳу алайҳи васаллам шундай деганлар:
"مَنْ صَامَ رَمَضَانَ وَأَتْبَعَهُ سِتّاً مِنْ شَوّالٍ كَانَ كَصِيَامِ الدّهْرِ" (رَوَاهُ الإِمَامُ مُسْلِمٌ وَالإِمَامُ أَبُو دَاوُدَ وَالإِمَامُ التِّرْمِذِيُّ)
яъни: “Ким Рамазон рўзасини тутиб, ортидан шаввол ойидан олти кун рўза тутса, йил бўйи рўза тутгандек бўлади” (Имом Муслим, Имом Абу Довуд ва Имом Термизий ривоятлари).
Демак, ушбу ҳадиси шарифга амал қилиб, шавволнинг олти кунида рўза тутган киши умр давомида рўза тутганлик савобини қозонар экан. Зеро Аллоҳ таоло Қуръони каримда бундай марҳамат қилади:
﴿ مَنْ جَاءَ بِالْحَسَنَةِ فَلَهُ عَشْرُ أَمْثَالِهَا ﴾ (سورة الأنعام / الآية 160)
яъни: “Кимки (бир) ҳасана (савобли иш) қилса, унга ўн баробар (кўпайтириб ёзилур)...” (Анъом сураси, 160-оят).
Бу олти кунлик рўзани Рамазон ҳайитининг эртасидан бошлаб тутиш мумкин. Шунингдек шаввол ойи давомида тутса ҳам бўлади. Бу ҳақда “Зоҳирийя” ва “Хулоса” номли фатво китобларимизда Шаввол ойидаги олти кунлик рўзани кетма-кет тутилиши шарт эмаслиги, балки ой давомида тутиб ҳам адо этиш мумкинлиги айтиб ўтилган.
Шавволнинг олти кунида рўза тутишнинг яна фойдаларидан бири шуки, у Рамазон рўзасидаги йўл қўйилган камчилик-нуқсонларга каффорат бўлади. Зеро беайб – Парвардигори олам! Банда камчилик ва хатолардан холи эмас. Бу – худди фарз намозлар ортидан ўқилган суннат намози кабидир. Ушбу суннатлар фарзда билиб-билмай йўл қўйилган камчиликларни бартараф қилади. Қиёмат куни банданинг нафл ибодатлари унинг фарз-вожиб амалларда йўл қўйган нуқсонларини тўлдиради.
Қолаверса, шавволнинг олти кунида рўза тутиш ўз моҳияти билан мусулмон кишининг рўзадан зерикмаганига, балки унга рағбати кучли эканига далолат қилади. Зеро бу ойдаги рўзанинг ҳикмати ҳақида Аллома Ибн Ражаб раҳимаҳуллоҳ бундай деган: “Рамазон ойидан кейин рўза тутиб юришга одатланиш – Рамазон ойи рўзасининг қабул бўлгани белгисидир. Чунки Аллоҳ таоло бандасининг бирор амалини қабул қилса, ундан кейин уни (бошқа) солиҳ, хайрли ишларга бошлайди, давомли қилади”. Валлоҳу аълам.

Ўзбекистон мусулмонлари идораси
Фатво маркази.

YouTube | Instagram | Facebook |Ummalife

🔗 Улашинг: @diniysavollar

FATVO.UZ | Расмий канал

30 Mar 2025 01:12

🌙 РАМАЗОН ҲАЙИТИНГИЗ МУБОРАК! 🌙

Бисмиллаҳир Роҳманир Роҳим. Алҳамдулиллаҳ, вассолату вассаламу ала Расулиллаҳ. Аммо баъд.

Ассалому алайкум ва роҳматуллоҳи ва барокатуҳ!

Азиз юртдошлар, муҳтарам мўмин-мусулмонлар! Сиз азизларни ва барча мўмин-мусулмонларни Рамазон Ҳайити билан самимий муборакбод этамиз! Динимизни мукаммал ўрганиб, Ўзи рози бўладиган тарзда амал қилиб боришингизда Аллоҳ таоло мададкор бўлсин!
Хонадонларингизда тинчлик, аҳиллик, файзу барака бардавом бўлсин!

🤲 Ҳақ таоло юртимизни ҳамиша обод, ҳалқимизни тинч ва фаровон айласин!

Ўзбекистон мусулмонлари идораси
Фатво маркази уламолари

FATVO.UZ | Расмий канал

05 Apr 2025 00:02

#Намоз_вақтлари

«... албатта, намоз мўминларга вақти тайин бўлган фарздир» (Нисо 103)
2025/1446 | 5 Апрел Шанба

🔗 Яқинларингизга ҳам эслатинг: @diniysavollar

FATVO.UZ | Расмий канал

04 Apr 2025 11:15

​​САЪЙНИ ТЎЛИҚ ҚИЛМАСДАН АВВАЛ СОЧ ОЛИШНИНГ ҲУКМИ
#Ҳаж_умра

❓1612-CАВОЛ: Умрада Сафо-Марва орасида саъйнинг учтасини қилгандан кейин соч олиб эҳромдан чиқса, қандай жарима тўлайди?

💬 ЖАВОБ: Бисмиллаҳир Роҳманир Роҳим. Саъйнинг аксарини, яъни тўрт ва ундан кўпини қилиш шарт, еттитанинг ҳаммасини қилиш эса вожиб ҳисобланади. Шунинг учун умрада саъйнинг ками (уч ва ундан ози)ни қилгандан кейин сочини олиб, эҳромдан чиқиб қўйса, умра амаллари тугашидан олдин соч олдириб қўйгани учун қўй сўяди. Чунки қилинган саъйнинг учтаси оз бўлгани учун ҳисобга ўтмайди ва гўё саъй қилмасдан туриб, сочини олдириб қўйгандек бўлади. Шундан кейин Сафо-Марвага қайтиб кириб, саъйнинг кейинги тўрттасини қилиб қўймаса, яна битта қўй сўяди. Бажариб қўйса, сочини эрта олиб қўйгани учун юқорида айтилган битта қўйни сўяди, холос. Валлоҳу аълам.

Ўзбекистон мусулмонлари идораси
Фатво маркази.

YouTube | Instagram | Facebook |Ummalife

🔗 Улашинг: @diniysavollar

FATVO.UZ | Расмий канал

04 Apr 2025 06:05

#ХУШХАБАР

📚 Ўзбекистон мусулмонлари идораси раиси, муфтий Шайх Нуриддин Холиқназар бошчиликларидаги Фатво маркази уламоларининг “ҚУРБОНЛИК ВА ЖОНЛИҚ СЎЙИШГА ОИД ФАТВОЛАР” китоби нашр этилди.

🔹Китобда ҳанафий уламолари томонидан фиқҳ ва фатво китобларида келтириб ўтилган қурбонлик, ов қилиш ва жонлиқ сўйишга доир муҳим масалалар содда ва равон услубда ёритилган. Шунингдек, мавзуга тегишли замонавий масалаларнинг ечимлари ва кўп сўраладиган саволларга жавоблар ҳам китобдан ўрин олган.

FATVO.UZ | Расмий канал

03 Apr 2025 14:06

​​ҚАБРНИ ОЧИШ
#жаноза

❓1611-CАВОЛ: Маййитни қабрга дафн қилишда тескари қилиб қўйилса, қабрни очиб, тўғрилаб қўйиш керакми?

💬 ЖАВОБ: Бисмиллаҳир Роҳманир Роҳим. Маййит қабрга дафн қилингандан кейин қайта очишга шариатимиз рухсат бермайди. Фақат дафн қилинган жой бировнинг ери бўлиб, эгаси рози бўлмаса ёки маййитнинг кафани бировдан тортиб олинган бўлса, маййитни қабрдан чиқаришга рухсат берилган. Агар маййит дафн суннатларига амал қилинмасдан кўмилган бўлиб, лаҳад оғзига ғишт терилган, лекин ҳали тупроқ тортилмаган бўлса, ғиштлар олиниб, маййитни суннатга мувофиқ қилиб қўйилади. Агар тупроқ тортилгандан кейин бу ҳолат маълум бўлган бўлса, қабр очилмайди, шу ҳолида қолдирилади. Валлоҳу аълам.

Ўзбекистон мусулмонлари идораси
Фатво маркази.

YouTube | Instagram | Facebook |Ummalife

🔗 Улашинг: @diniysavollar

FATVO.UZ | Расмий канал

03 Apr 2025 05:51

#Видео
#муфтий_минбари

🌙 ЯҚИНЛАР ҚАДРИ - ҲАЁТ МАЗМУНИ
🎤 Шайх Нуриддин Холиқназар ҳазратлари

🔗 Улашинг: @diniysavollar

FATVO.UZ | Расмий канал

02 Apr 2025 15:03

#Шаввол #Рўза

❓Шаввол ойи рўзасининг қазоси борми?

Ҳикматуллоҳ домла ТОШТЕМИРОВ

Ўзбекистон мусулмонлари идораси
Фатво маркази бош мутахассиси

FATVO.UZ | Расмий канал

02 Apr 2025 08:01

​​СОТИЛМАЙ ТУРГАН ТОВАРЛАР ЗАКОТИ
#закот

❓1608-CАВОЛ: Менда анчагина сотилмай қолиб кетган товарларим бор. Уларнинг закотини ўтган йили берганман. Бу йил ҳам бераманми?

💬 ЖАВОБ: Бисмиллаҳир Роҳманир Роҳим. Тижорат моллари нисобга етган бўлса, улардан ҳар йили закот берилади. Сотилмасдан туриб қолиши закотни соқит қилиб қўймайди. Лекин савдогар “Қолиб кетган ушбу товарларимни сотмайман, ўзим ишлатаман”, деб сотиш ниятидан бутунлай воз кечиб, савдодан олиб қўйса, улардан закот бермайди. Масалан, уй-рўзғор буюмлари савдоси билан шуғулланувчи бир савдогарнинг ўн дона буюми сотилмай қолиб кетди. Ана шу молларининг закотини беради. Аммо сотишдан воз кечиб, уйда ишлатиш учун олиб кетса, мазкур ўн дона молининг закотини бермайди. Чунки улар энди тижорат моли ҳисобланмайди. Валлоҳу аълам.

Ўзбекистон мусулмонлари идораси
Фатво маркази.

YouTube | Instagram | Facebook |Ummalife

🔗 Улашинг: @diniysavollar

FATVO.UZ | Расмий канал

02 Apr 2025 00:02

#Намоз_вақтлари

«... албатта, намоз мўминларга вақти тайин бўлган фарздир» (Нисо 103)
2025/1446 | 2 Апрел Чоршанба

🔗 Яқинларингизга ҳам эслатинг: @diniysavollar

FATVO.UZ | Расмий канал

01 Apr 2025 12:08

​​ФАРЗАНД НОМИДАН ФИТР САДАҚА БЕРИШ
#фитр

❓1607-CАВОЛ: Мен алоҳида бўлиб, янги уйга кўчиб чиққанман. Дадам биз учун ҳам фитр садақасини бермоқчи. Шундай қилса бўладими? Ёки алоҳида беришим керакми?

💬 ЖАВОБ: Бисмиллаҳир Роҳманир Роҳим. Фитр садақасини нисоб миқдоридаги мол-мулкка эга ҳур ва мусулмон бўлган кишилар ҳайит тонгида адо этишлари вожибдир. Ундан аввал беришлари ҳам мумкин. Ана шу миқдордаги мулкка эга киши фитр садақасини ўзи ва ёш болалари номидан бериши вожиб. Аммо балоғатга етган фарзандлари ва хотини учун фитр садақа бериши вожиб эмас. Бироқ вожиб бўлмаса ҳам балоғатга етган фарзандлари ва аёли учун, ўзларига айтмасдан фитр садақаларини бериб юборса, улар зиммасидан фитр садақаси соқит бўлади. Валлоҳу аълам.

Ўзбекистон мусулмонлари идораси
Фатво маркази.

YouTube | Instagram | Facebook |Ummalife

🔗 Улашинг: @diniysavollar

FATVO.UZ | Расмий канал

01 Apr 2025 05:49

#Видео
#муфтий_минбари

🌙 ИМТИҲОН УЧУН ЯРАТИЛДИК
🎤 Шайх Нуриддин Холиқназар ҳазратлари

🔗 Улашинг: @diniysavollar

FATVO.UZ | Расмий канал

31 Mar 2025 14:23

#Шаввол #Рўза

Шаввол ойининг 6 кунлик рўзаси ҳақида маълумот беринг

Ҳикматуллоҳ домла ТОШТЕМИРОВ

Ўзбекистон мусулмонлари идораси
Фатво маркази бош мутахассиси

FATVO.UZ | Расмий канал

31 Mar 2025 05:48

#Видео
#муфтий_минбари

🌙 ОМАНАТДОРЛИК МЎМИННИНГ СИФАТИДИР
🎤 Шайх Нуриддин Холиқназар ҳазратлари

🔗 Улашинг: @diniysavollar

FATVO.UZ | Расмий канал

30 Mar 2025 14:22

❓Рамазон рўзасидан қазоси бор киши Шаввол ойидаги нафл рўзаларни тутиши мумкинми?

Ғуломиддин домла Холбоев

Ўзбекистон мусулмонлари идораси
Фатво маркази директор ўринбосари,
Тошкент ислом институти ўқитувчиси

FATVO.UZ | Расмий канал

30 Mar 2025 06:47

#Рамазон
#муфтий_минбари

🌙 ИЛМЛИ ЁШЛАР - ЖАМИЯТ ПОЙДЕВОРИ
🎤 Шайх Нуриддин Холиқназар ҳазратлари

🔗 Улашинг: @diniysavollar

FATVO.UZ | Расмий канал

29 Mar 2025 23:59

#Намоз_вақтлари

«... албатта, намоз мўминларга вақти тайин бўлган фарздир» (Нисо 103)
2025/1446 | 30 Март Якшанба

🔗 Яқинларингизга ҳам эслатинг: @diniysavollar