4059
الحجاب انهتك بالباب ومال العرش بالسطره واتخلخل نظام الكون من كسروا ضلع بالزهره اين الطالب بذحول الانبياء وابناء الانبياء
#للسبي
جديد محرم الحرام قصيدة بعنوان (دمع العقيله) قصيدة مشتركة
تمت كتابة هذه القصيدة بجوار الامام الحسين عليه السلام في كربلاء المقدسة السبت 17/ محرم / 1445
محتاره زينب ياعلي بجمع النساوين
وابين كفار اصبحت لا ذمه لا دين
بالعجل الحگ يا علي زينب سبوها
فوگ الهزيله يالابو بنتك خذوها
من بعد عباس الكفل كفر الولوها
يا وسفه يوليها العدو من بعد اخوها
راس الاخو فوگ الرمح تنظرله بالعين
محتاره زينب يا علي بجمع النساوين
▪️〰▪️〰▪️〰▪️〰▪️〰▪️〰
دولبها الوگت ياحيف واتفرهد خدرها
من شافت عالنهر وسف طايح گمرها
نادته بدمعه يخويه واليحدي شمرها
بيها الزمان اندار وبيد الغرب اسرها
وثارات ليهم يلوصي اخذوها دالحين
محتاره زينب ياعلي بجمع النساوين
▪️〰▪️〰▪️〰▪️〰▪️〰▪️〰
اتركب اطفالها يا علي من فوگ الهزيل
للعلگمي تمنت اتروح واتحشم الكفيل
گلي ياصبر عدها لو چلچل عليها الليل
وتشوف اطفال امروعه وتنحب الياويل
اوياها العده يا حيدر عالسبي ناوين
محتاره زينب ياعلي بجمع النساوين
خادمة الزهراء // ليلى زغيب
▪️〰▪️〰▪️〰▪️〰▪️〰▪️〰
نادتك صاحت يا علي لحگ عليه
احضرني بويه الكربله هاي المسيه
وتشوف وِلدك بس جثث فوك الوطيه
وزينبك يا حامي الحمه صارت سبيه
وتنظر يحيدر عالرمح راسه للحسين
محتاره زينب ياعلي بجمع النساوين
▪️〰▪️〰▪️〰▪️〰▪️〰▪️〰
بعد الذبح يا حيدره هجموا عليهه
بالخيم اطفال وحرم حرگوها بيهه
همت تخلص العايله اتچوت اديهه
ابحيره بقت بين العده المروعيهه
حرمه وغريبه بكربله تنطي الوجه وين
محتاره زينب ياعلي بجمع النساوين
▪️〰▪️〰▪️〰▪️〰▪️〰▪️〰
انفض اترابك يا علي حامي الحميه
واقصد الظعن العايله قبل السبيه
تحضرهه كلهه صاحت ابدمعه جريه
وخل تحضر وياك بعجل الزهره الزجيه
وصعبه الفواطم بيها تحدي الملاعين
محتاره زينب ياعلي بجمع النساوين
أزهار جبار الجياشي
تمت بفضل الله وبتوفيق منه
بأقلااام خادمات أهل البيت عليهم السلام
✍️خادمة الزهراء//ليلى زغيب
✍️أزهار جبار الجياشي
لا نجيز حذف أسماء الشاعرات أو تغييرها
نسألكم الدعاء بتعجيل الفرج لمولانا صاحب العصر والزمان عجل الله تعالى فرجه الشريف وسهل مخرجه
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#الامام_السجاد
جديد محرم الحرام 1445هجرية قصيدة
رئيسية لاستشهاد الامام علي ابن الحسين عليه السلام بعنوان (موته چان )
تمت كتابة هذه القصيدة بجوار الامام الحسين عليه السلام في كربلاء المقدسة
علي السجاد بأثر القياد
حزنه ما يوم انحسر
يبچي محزوز النحر
هذا علي السجاد هذا علي السجاد
من بعد ذيچ المآسي العاشها بطف كربله
وما غابت عن عيونه صور سبي العايله
تالي مسموم الچبد طاح ابن خير المله
ارتجت أنحاء المدينه والحزن لجله اعتله
خلصت اسنينه حزن
يصب دمعه چالمزن
ويلي محروگ الفؤاد
يشتكي لرب العباد
هذا علي السجاد هذا علي السجاد
▪️〰▪️〰▪️〰▪️〰▪️〰▪️〰
بعيونه الحزن مرسوم صورة جثث متوذره
شافه للسبط عالگاع ويلي منسحگ صدره
ظل ينحب علي السجاد وعمره قضى بالحسره
كل ما يذكر العطشان توج وسط الضلع جمره
ما فارگ عيونه الدمع
يوميه ملچوم الضلع
بعينه المآسي تنعاد
يشتكي لرب العباد
هذا علي السجاد هذا علي السجاد
▪️〰▪️〰▪️〰▪️〰▪️〰▪️〰
بذاك الدرب وي عمته ياحزنه اليهد اجبال
جامعه وگيد وسلاسل من جروحه دمه سال
واليجرح الگلبه يشوف امگيده العيله بحبال
اوياه عاشت هالمآسي يامصايب گلبه شال
چم اثر ظل بحياته
رافگه والحد مماته
بكربله كل حيله باد
يشتكي لرب العباد
هذا علي السجاد هذا علي السجاد
▪️〰▪️〰▪️〰▪️〰▪️〰▪️〰
موته صار بكربله ويه ذبحة عزوته
بعينه من شاهد ابوه سيوف اميه ذبحته
وباگوا عمره بالدرب الچتفوا بيه عمته
كل نفس من صدره يطلع مختنگ من حسرته
بعينه سبي العايله
بدمعه يرسم كربله
وچم ضلع فوگ الوهاد
يشتكي لرب العباد
هذا علي السجاد هذا علي السجاد
▪️〰▪️〰▪️〰▪️〰▪️〰▪️〰
بعد كل ذاك العذاب بالغدر چبده توذر
گوموا يا شيعه نون وحيل نلطم عالصدر
نواسي بمصابه البتول ويه محزوز النحر
آه يازين العباد مصيبته تسعر جمر
بالگلب نار المصاب
تمطر عيون السحاب
من غدر أهل العناد
يشتكي لرب العباد
هذا علي السجاد هذا علي السجاد
تمت بعون الله تعالى
خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#للسبي
جديد محرم الحرام 1445هجرية قصيدة بعنوان (وينك يعباس)
تمت كتابة هذه القصيدة بين الحرمين عباس وحسين
زينب بدرب اليسر وينك يعباس
سلبوها گوم الكفر وتتشمت الناس
طلعت بذاك الدرب وتحمل رساله
عافت اخوها اعله النهر راعي الكفاله
لن من بعد اخوها تحاچي اهل الضلاله
الما عدهم غيره أبد صاروا الها حراس
▪️〰▪️〰▪️〰▪️〰▪️〰▪️〰
بذاك الدرب بت علي تمشي غريبه
تنظر الراس اخوها بدمعه سچيبه
ومن ينزل السوط بمتنها يا للمصيبه
تشوفه يدمع عالرمح يگتلها الاحساس
▪️〰▪️〰▪️〰▪️〰▪️〰▪️〰
تباوع الراس الولي والدمعه من دم
تگله تدري شسووا الماعدهم رحم
بعد چتلك يا ولينه التمت علينا الزلم
گوم تشتم بينا تضرب ماعدها نوماس
▪️〰▪️〰▪️〰▪️〰▪️〰▪️〰
من گيدوا زينب يخوها بذاك الحبل
نادت بصوت الفجيعه والدمعه تهل
عگب عينك يخويه روعوا حتى الطفل
وچم يتيمه مني راحت ذبحوها الارجاس
▪️〰▪️〰▪️〰▪️〰▪️〰▪️〰
والهزل ياخويه آه شحچيلك اعليها
لو طاحت الطفله چم سوط يعتني ليها
ومن يشتمون الولي تبچي عينيها
ايديها مچتوفه بحبل ومهبطه الراس
تمت بعون الله تعالى
خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#للسبي
جديد محرم الحرام قصيدة بعنوان
(درب الشام )في بعض ما جرى على سبايا آل الرسول في طريق السبي الى الشام
مشيت وي العدا خويه درب الما خطر عالبال
دموع أيتام وي نسوه وايدي مگيده بحبال
يدرب الشام حزن وآلام
آنه زينب الحوره و اروح اميسره للشام
راس الغالي فوگ اسنان ما بين العدا الظلام
اعله رمحه يرتل الآيات بإذن الواحد العلام
وابد متفارگ عيونه زينب وي ركب الايتام
وكل سوط النزل عمتوني ينظرله بدمع همال
يدرب الشام حزن وآلام
▪️〰▪️〰▪️〰▪️〰▪️〰▪️〰
يراس حسين شوصفلك حزن أيتام ويه هموم
عليل امگيد اگبالي وبكل حين يسيل دموم
وانت اعله الرمح تنظر علينا شيسده من الگوم
تصد عينك على ايتامك السلبوا منها حتى النوم
گطعنا ادروب يهالراس بهم الماتشيله اجبال
يدرب الشام حزن وآلام
▪️〰▪️〰▪️〰▪️〰▪️〰▪️〰
يراس الغالي شحچيلك وانته اعله الرمح منصوب
بعينك تنظر أطفالك ومن كل عين دمع مصبوب
شتشوف العين ياهالراس العدا لزمت علينا ادروب
عفيه يا گلب احمل اوينك يا صبر أيوب
دخلنا الشام يراس حسين بمنظر گطع الدلال
يدرب الشام حزن وآلام
▪️〰▪️〰▪️〰▪️〰▪️〰▪️〰
دخلنا مجلس الطاغي يتيمه تلوذ بيتيمه
علينا تباوع الشمات ومنها غابت الشيمه
ونار التچوي بالدلال يتامه تبات بالهيمه
آلك بالخرابه تبات وجدك ظلته الغيمه
اوصفلك يخويه اشلون بخرابه نامت الأطفال
يدرب الشام حزن وآلام
▪️〰▪️〰▪️〰▪️〰▪️〰▪️〰
الخرابه اشلون احچيلك بيها عالجره والصار
حان الموعد وطفله منك تنتظر الأخبار
رقيه الفزت أمن النوم تهل اعليك دمع مدرار
راسك هالاجه أمن ابعيد وج وسط الگلب جم نار
راسك والخرابه وموت واسهام الشماته اثگال
يدرب الشام حزن وآلام
تمت بعون الله تعالى
خادمة الزهراء //ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#للسبي
جديد محرم الحرام ١٤٤٥هجرية قصيدة بعنوان (رحلة نايبات)
بدت رحلة نايبات عگبك يلحسين
من كربله طلع الظعن مچتوف الادين
من كربله طلع الظعن امحمل بالهموم
للكوفه من وصل بينه وانسيل الدموم
ابمجلس الطاغي خويه وگفونا الگوم
وراسك بعالي الرمح وانظرله بالعين
▪️〰▪️〰▪️〰▪️〰▪️〰▪️〰
من الكوفه ياخويه طلع ظعن الغوالي
مگصوده للشام ينوي بدمع اليلالي
ويا مطول الدرب خويه وطول الليالي
ويحسين گلبي ممتحن ويه النساوين
▪️〰▪️〰▪️〰▪️〰▪️〰▪️〰
يبن امي عينك تشوف فعايل عداك
بدرب اليسر آيحسين چتفوا يتاماك
ولو دمعة طفله خويه بغربتها تنعاك
ينزل عليها چم سوط وتنادي يحسين
▪️〰▪️〰▪️〰▪️〰▪️〰▪️〰
هذا الدرب ما ينحمل عذب دليلي
يا سوط منهم اشگفه يهدملي حيلي
ساعه انادي يحسين ساعه كفيلي
وانظر الراسك عالرمح يوميلي بالعين
▪️〰▪️〰▪️〰▪️〰▪️〰▪️〰
أطفالك خويه ذوبنّي بكثر الصياح
واليحدي بالهزل خويه يحسين ذباح
ولو طفل بالدرب خويه عن الهزل طاح
عيوني اطشها عالدرب ياخويه صوبين
تمت بعون الله تعالى
خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#دفن_الاجساد
جديد محرم الحرام ١٤٤٥هجرية قصيدة بعنوان (هلت التراب اعله روحي)
رد علي من كربله وينفض ترابه
تلگته زينب عمته بدمعه سچابه
رد من كربله السجاد دموعه تسيل
گالتله زينب اشلون دفنته يلعليل
اتغسل حسين لو ما حصل تغسيل
جاوبني يعمه شلون عالجته اصوابه
▪️〰▪️〰▪️〰▪️〰▪️〰▪️〰
گلي شسويت بسهم الطلع من ظهره
شلته يا علي لو مگدرت يعمه توخره
وخبرني ياعلي لميت كل عظم صدره
گلهه يعمه بيدي شلته وذبحني نشابه
▪️〰▪️〰▪️〰▪️〰▪️〰▪️〰
يعمه من دفنته وجروح گلبي تصيح
شفت ابويه بيا حاله عالغبره طريح
كل ما اشيلن يعمه عضو الثاني يطيح
اباريه شلته يعمه واعليه هليت انه ترابه
▪️〰▪️〰▪️〰▪️〰▪️〰▪️〰
ياعلي خبرني برضيعه سهمه چاويني
شعب دلالي يعمه واعليه انعمت عيني
عبدالله يعمه خليته اعله صدر حسيني
كل هاي الترافه يعمه ومن دمه خضابه
▪️〰▪️〰▪️〰▪️〰▪️〰▪️〰
يا علي والاكبر بالله اشلون واريته
جسمه امگطع يعمه بالخيمه تلگيته
ياعلي بيش حملت الاخو وبالگبر خليته
بنفس الحصيره يعمه وناره بگلبي لهابه
▪️〰▪️〰▪️〰▪️〰▪️〰▪️〰
خبرني يعمه عن ابن الحسن جاسم
لهسه الحنه بچفوفه دم والدمع ساجم
گال الهه يعمه ادفنته وي بني هاشم
شعب گلبي مثل الچفن لابس ثيابه
▪️〰▪️〰▪️〰▪️〰▪️〰▪️〰
باگي هالخبر ياعلي واگليبي مكسور
أريد انشدك عنه بدليلي وج تنور
صيحتي اعله الكافل يعمه ملت البرور
ادفنته يعمه انه وذاب الگلب لمصابه
تمت بعون الله تعالى
خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#دفن_الاجساد
جديد محرم الحرام قصيدة بعنوان (بهمي جيت يالغالي)
لفى السجاد يهل عبرات
رايد يدفن الاحباب
نزل للطف بهمومه
وبدمعه يسجل اكتاب
اول صفحه بيه صارت دفن حسين ابو اليمه
انحنى اعله الوالد يقبله وحيل العطره يشتمه
يبويه جيتك من ابعيد اواري جسمك بهمه
ابواري جسمك اجمعته يمن الضلوع متهشمه
يمن عفتك غصب عني
ومشيت بولية الاذناب
▪️〰▪️〰▪️〰▪️〰▪️〰▪️〰
وفتح صفحة عضيده اليشبه للنبي العدنان
على اعضيده يهل عبره علي السجاد بالأحزان
شافه امطبر اموذر ومشابگ نبل وي زان
تحير بيش يلمنه عليه ايون غده وحيران
تخوصر يمه ويشمه
ودمع عينه يهل سچاب
▪️〰▪️〰▪️〰▪️〰▪️〰▪️〰
وثالث صفحه للانصار وثله من بني هاشم
دفنهم بيده بو الباقر وغسلهم من دمع ساجم
ينصار العزيز حسين يحباب لحيدره وفاطم
انتوا وكل عزوتي اليوم اهيل اترابكم قادم
بحفيره وحده خلاهم
وعليهم بيده هل اتراب
▪️〰▪️〰▪️〰▪️〰▪️〰▪️〰
وصفحه اللي تبدي الحيل صفحة كافل الخدر
تعناله ابو الباقر اعله شاطي الاه يتعثر
اخذ چفينه ويه الجود وعلى العباس يتحسر
يعمي بطيحتك تدري عضيدك طاح واتوذر
يعمي بنومتك هايه
علينا تجره چم سلاب
▪️〰▪️〰▪️〰▪️〰▪️〰▪️〰
دفن احبابه بو الباقر ورد اردود للكوفه
زينب شافته من ابعيد بقايا اتراب بجفوفه
تناشد ظلت السجاد يعمه وهيه ملهوفه
لابن امي دفنته اشلون وجسمه اموذر تشوفه
يا عمه تبدى الحيل
جاوبني يبن الاطياب
تمت بعون الله تعالى
خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#للسبي
جديد محرم الحرام قصيدة بعنوان (أصعب سؤال) لسان حال
هذا السؤال الصعب ليش طايح عالترب
و الحراير تنولي غصب تمشي هالدرب
هذا السؤال بخاطري .... اتحيرت ما من جواب
زينب بدرب اليسر .... و ترسل الدمعه عتاب
ايدي مچتوفه بحبل ... خدري طايح بالتراب
ناشدت ها يا علي... بچفك چم داحي باب
دمعاتي سكته تصب خدري نايم عالترب
ودعتكم يا هلي باليسر امشي غصب
▪️〰▪️〰▪️〰▪️〰▪️〰▪️〰
سكنه ورقيه من بجن.... لزمن اثياب العقيله
و اليسر ما ينحمل ... مكلف اركوب الهزيله
وينه عمي بوالفضل ... ما درى دمعي اسيله
من كثر ضرب الشمر ... متني مااقدر اشيله
اثر بمتني الضرب دمعي بعيوني نضب
من ودعت كافلي زادي الصبر بالدرب
▪️〰▪️〰▪️〰▪️〰▪️〰▪️〰
عباس خويه الكفل ... عينه ملزومه بسهم
فوق الرمح للظعن... ايباري لو هب النسم
ما يفارگ محملي ... خويه عباس الشهم
وبالعاشر أتذكره ... يحرس بعينه الخيم
بعيونه نازل غضب والجرف منه اضطرب
هذا البطل ما رد الي بعده امشي وي الغرب
▪️〰▪️〰▪️〰▪️〰▪️〰▪️〰
الكوفه ياخويه انزلت... زينب وانه الاميره
ايدي مچتوفه بحبل ...والوادم تنظر بحيره
ايديه مچتوفه صحيح ... لچن الكوفه اسيره
انه ترباته علي ... وكافلي المتروس غيره
چلمتي سيف الغضب الوادم تريد الدرب
بالكوفه تنظر الي چنه حيدر هالخطب
▪️〰▪️〰▪️〰▪️〰▪️〰▪️〰
بديوان اميه من ادخلت ... يزيد هو الي خسر
كل ظنه يذل حيدره ... وصوره منه تنكسر
ما عرف لن حيدره ... ربى لبوه لهالامر
وابديوانه من اخطبت ... زال حكمه وانحسر
هذا السؤال الصعب اتفسره اعظم خطب
ليش زينب تنولي وتحدي ناگتها غرب
تمت بعون الله تعالى
خادمة الزهراء// ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#دفن_الاجساد
جديد محرم الحرام ١٤٤٥هجرية قصيدة بعنوان (بهمي رديت)
رد علي السجاد ويل وايهل دمعته
متعني الكربله لحسين رايد دفنته
وصّل الكربله السجاد ودموعه تجري
نادى يا كربله يل بيچ اتحيرت بأمري
بگاعچ طاحوا كل هلي وانكسر ظهري
وبيچ والدي يا كربله گوم العده ذبحته
▪️〰▪️〰▪️〰▪️〰▪️〰▪️〰
وصل يم جثة المظلوم وشم منحره
واباريه جمع اوصاله العالگاع مطشره
وجاب عبدالله الطفل حطه اعله صدره
وناداه ياعزيز الروح وزادت حسرته
▪️〰▪️〰▪️〰▪️〰▪️〰▪️〰
وتوجه للعضيد ونادى يا علي الأكبر
يا شبيه المصطفى يخويه بيش اتصبر
ونزله يم جدم الحسين ويلي واتخوصر
شحال الشاهد بعينه الاعادي اموذرته
▪️〰▪️〰▪️〰▪️〰▪️〰▪️〰
بحفره دفن عزوته والانصار وهلت العين
ناداهم بگلبه جمر الضحيتوا لجل حسين
جيتكم من السبي وعفت كل النساوين
وبچى اعليهم بالحزن ومن دم دمعته
▪️〰▪️〰▪️〰▪️〰▪️〰▪️〰
وراح ويلي لشاطي النهر والگلب مكسور
شاف عمه بيا حال نادى والدمع منثور
يا كفيل العايله عگبك سلبوها الخدور
وجمع جوده والچفين اوياهم دفن رايته
تمت بعون الله تعالى
خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#الحادي_عشر
جديد محرم الحرام ١٤٤٥ هجرية قصيدة للرحيل عن كربلاء بعنوان (عنك مشينه)
وداعة الله يا كربله عنچ مشينه
على ترابچ جسم الولي اموذرينه
يا كربله عنچ اليوم بهمومي شايله
عايفه أخوتي بيچ نومه ابحر الفله
ما حصل ليها دفن وبالدموم امغسله
بالچ اعليهم كربله والجرح لا تلچمينه
▪️〰▪️〰▪️〰▪️〰▪️〰▪️〰
يا كربله زينب انه وسمعي كلامي
لا تلچمي جروح الاهل وتهيج الامي
غصب عنهم مشيت واگليبي دامي
روحي عليهم يا كربله تبچي وحزينه
▪️〰▪️〰▪️〰▪️〰▪️〰▪️〰
عفت اهلي بيچ وماشيه ابلا عشيره
جروحي بيهم يا كربله تدريها چبيره
وجرح الماله دوه حسين الفاگد نصيره
وعالنهر يا كربله كافلي المگطيعينه
▪️〰▪️〰▪️〰▪️〰▪️〰▪️〰
على اترابچ يا كربله روحي ودعتها
ما بين النهر وأرض المعاره اتركتها
وعيون الگلب يا كربله للخوّه بچتها
وجسم زينب العافچ ياكربله تدرينه
▪️〰▪️〰▪️〰▪️〰▪️〰▪️〰
اخر چلمه يا كربله ومني اسمعيها
فاطمه تحوم اعله الجثث من تشوفيها
گليلها زينب راحت غصب واميسريها
ومتن زينب بسوط گوليلها امورمينه
تمت بعون الله تعالى
خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#يوم_العاشر
جديد محرم الحرام ١٤٤٥هجرية قصيدة حول تنفيذ وصية الزهراء عليها السلام يوم عاشوراء بعنوان (هاي الوصيه اتنفذت)
طلعت زينب الحره خلف حسين ابو اليمه
تنادي خويه يا مظلوم اريدك توگف بهِمّه
من الخيمه اطلعت زينب تمشي على الغبرى
تنادي من خلف الحسين اوگفلي يا ضنا الزهره
عندي وصيه انفذها وتهل من عينها العبرى
وصية فاطمه الزهره گالت نحرك اشتمّه
▪️〰▪️〰▪️〰▪️〰▪️〰▪️〰
وصيه عندي ياخويه وصتني تدريها البتول
يزينب يمه گالتلي والدمع عالوجنه همول
لو شفتي اخوچ وحده بيوم الطفوف المهول
شمي صدره يزينب گبل ما الخيول اتهشمه
▪️〰▪️〰▪️〰▪️〰▪️〰▪️〰
عن صدرك يخويه اكشف وگت الوصيه اليوم
انفذها انه ياخويه وعگبها يجري نهر الدموم
يحسين ادري عگب هالوصيه شيجري يمظلوم
تبقى وسط ميدان اعليك جيوش ملتمه
▪️〰▪️〰▪️〰▪️〰▪️〰▪️〰
كشف عن صدره بو اليمه وزينب گامت تضمه
وصارت كل ضلع منه ياويلي بحرگه تشمه
ولعد نحره ترد اردود وتنادي الزهره يايمه
وصيتچ صارت بهاليوم وگلبي شاجر بهَمّه
▪️〰▪️〰▪️〰▪️〰▪️〰▪️〰
وصيتچ انه گمت بيها يزهره يم ضلع مهشوم
حبيت الصدر يمه وشميته نحر ابنچ المظلوم
چنچ حاضره وياي وشفته خدچ المطلوم
من سال الدمع منچ خدچ السطره اتلچمه
تمت بعون الله تعالى
خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#يوم_العاشر
جديد محرم الحرام ١٤٤٥ هجرية حضور
الزهراء عليها السلام على جسد ولدها الحسين عليه السلام قصيدة بعنوان (تبكيك عيني)
اجيتك يمه اتعثر بين همومي واللوعات
يحسين الگلب لهفان وعيوني تهل دمعات
حضرت فاطمه الزهره يوم العاشر بعاشور
تنادي حسين يايمه على الغبرى دماك تفور
يوليدي عمت عيني طايح والصدر مكسور
وجسمك ياالولد كله متخذم من الطعنات
▪️〰▪️〰▪️〰▪️〰▪️〰▪️〰
گعدت يم ابو اليمه تقلب جروح البجسمه
يا ويلي يا جرح منه الزهره گامت تشمه
جرح اللي وسط گلبه لون ضلوعه المهشمه
تنظر للجسد عالگاع تنادي وين ابو الحملات
▪️〰▪️〰▪️〰▪️〰▪️〰▪️〰
تنوح من الهظم ويلي وتلطم بيديها عالصدر
وتنادي يبعد الروح نسيته ضلعي المنكسر
ييمه صدرك بالسحگ طبق متساوي بالظهر
يا جرح يمه الاشده وكثيره جروح بالطبرات
▪️〰▪️〰▪️〰▪️〰▪️〰▪️〰
نادت وينها هاشم ترضى اشلون هذا الحال
احسين اموذر ومرمي ونساكم رافگت جمّال
وين اللي ضرب صدره وگال الها اني كفّال
صدگ تحلالك النومه يكافل فوق المسنات
▪️〰▪️〰▪️〰▪️〰▪️〰▪️〰
لن صوت الهوى يسري باذنها فاطمه تسمعه
اريد العذر من عندچ تراها زنودي متگطعه
اشيل السيف ما اگدر وسهم عيني منو يشلعه
يايمه وعلي أصعب مشي زينب إلى الشامات
تمت بعون الله تعالى
خادمة الزهراء// ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#الحسين
جديد محرم الحرام ١٤٤٥هجرية قصيدة بعنوان (قران السماء)
قرآن السماء بأرض البلاء
طعمة السيوف
انه الحسين انه الحسين
ترتيله حزن الايامى
تفسيره دمعٌ تهامى
تأويله برمحٍ تسامى يقطر بالدماء
قرآن السماء. بأرض البلاء
طمعة السيوف
انه الحسين انه الحسين
▪️〰▪️〰▪️〰▪️〰▪️〰▪️〰
ترنيمة العشق تطوف
في ميادين الطفوف
ترنو للسبط العطوف تروم العطاء
قرآن السماء بأرض البلاء
طعمة السيوف
انه الحسين. انه الحسين
▪️〰▪️〰▪️〰▪️〰▪️〰▪️〰
تسبيحة الخلد تسامت
في عناع الرمح رامت
منبراً فيه اقامت مراسيم العزاء
قرآن السماء. بأرض البلاء
طعمة السيوف
انه الحسين انه الحسين
▪️〰▪️〰▪️〰▪️〰▪️〰▪️〰
ايقونة شمس الصباح
تتلو ايات الجراح
مذ رأت تلك الرماح تعانق الاباء
قرآن السماء بأرض البلاء
طمعة السيوف
انه الحسين انه الحسين
▪️〰▪️〰▪️〰▪️〰▪️〰▪️〰
بالدم صان الحياة
ثائراً بوجه الطغاة
خطه درب النجاة سليل الاتقياء
قرآن السماء. بأرض البلاء
طعمة السيوف
انه الحسين انه الحسين
▪️〰▪️〰▪️〰▪️〰▪️〰▪️〰
اليوم ينعى الفسيح
يبكي بدمع قريح
حزناً لأجل الذبيح مقطع الاعضاء
قرآن السماء بأرض البلاء
طعمة السيوف
انه الحسين. انه الحسين
تمت بعون الله تعالى
خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#ليلة_وداع_الهواشم
ليلة وداع الهواشم زينب احسين وبو الفضل
اجتمعوا الليله سويه ومطر دمع العين ونزل
#الحسين
طب الحسين على اخته شابك بيده المشكر
جلس يم اخته وبلهفه يگلها يا بنت حيدر
انتي يا مهجة علي يخويه وتاج للخدر
اريد اوصيچ يا زينب قبل هالليل ما يرحل
يازينب تدري العاشر بيه ينكسر الظهر
ما يظللچ اخو ولا ولد ما يظل غير الصبر
ومن تشوفين الشمر صاعد يخويه عالصدر
لا تقربينه يزينب اخاف اعليچ من الوجل
▪️〰▪️〰▪️〰▪️〰▪️〰▪️〰
#العباس
نادى الگمر يا بت علي عندي لچ وصيه
لا تجيني للنهر لا ما تنحمل گطعة ايديه
ولا تناديني يخويه حرگوا خيامي عليه
يصعب يزينب هالامر وانه مگدر احتمل
اريدنچ يا زينب تصبري العطاشى بغيابي
من اطلع واجيب الماي تظل اعيونهم ترابي
وبعد وصيه يا خويه عليها يزيد انه صوابي
لا تزيدي العتب زينب ظعنكم عنا من يرحل
▪️〰▪️〰▪️〰▪️〰▪️〰▪️〰
#زينب
وانه هم اوصيكم چان تريدني اصبر
بگلبي ليكم اچم صوره اخذها وياك اذا تگدر
بحضن امي تربينا وتحت جنح الوصي حيدر
اريدك خويه تاخذهم بظهر عاشر من ترحل
وشبحت عين للعباس تگله خويه تتذكر
وصية حيدر الكرار انته التكفل الخدر
اريدنك تجاوبني لون الناس تتفكر
چا انتي بنت حيدر وينه البيكم اتكفل
تمت بعون الله تعالى
خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#ليلة_العاشر
جديد محرم الحرام ١٤٤٥ هجريه قصيده بعنوان (شجون زينب)
زينب تودع اخوتها
باجر عالغبره عزوتها
ليلة العاشر دموع
زينب توج الشموع
تنحب تنوح وتلوع
بالگلب تسعر جمرتها
▪️〰▪️〰▪️〰▪️〰▪️〰▪️〰
زينب بالخيمه تنوح
باجر ياكثر الجروح
جم اخو تعوفه مذبوح
تفت الصخر ونتها
▪️〰▪️〰▪️〰▪️〰▪️〰▪️〰
تودع اشبول وشباب
باجر ابحر التراب
امغسله بفيض الخضاب
تجوي الگلب حسرتها
▪️〰▪️〰▪️〰▪️〰▪️〰▪️〰
تگله يحسين الغريب
باجر شمسك من تغيب
ويعتلي صوت النحيب
زينب يا عظم بلوتها
▪️〰▪️〰▪️〰▪️〰▪️〰▪️〰
تنادي سكنه والرباب
گومن ربات الحجاب
باجر يا عظم المصاب
وشمر اليحدي ناگتها
▪️〰▪️〰▪️〰▪️〰▪️〰▪️〰
باچر بدمع اليسح
زينب تنظر عالرمح
راس اخوها المنذبح
تنادي وتهمل دمعتها
▪️〰▪️〰▪️〰▪️〰▪️〰▪️〰
تنادي يحيدر احضر
من يگطعون المنحر
ابنياتك يمه تفتر
وتصعب ويلي حالتها
▪️〰▪️〰▪️〰▪️〰▪️〰▪️〰
طايح عالنهر الكفيل
زينب وليل الطويل
ماعدها غير العليل
آه شعظم محنتها
تمت بعون الله تعالى
خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#الامام_السجاد
جديد محرم الحرام 1445هجرية قصيدة للامام زين العابدين علي ابن الحسين عليهما السلام بعنوان (هاي الوصية)
وصيه يا ابو جعفر يبويه اليوم نفذها
بدموع العين يااوليدي لجدك انه انقلها
اريدك تدفن اويايه قيد وجامعه وحسره
وجسم متخذم مطبر بقى نايم على الغبرى
ولا تنسى السهم يبني ذاك الطلع من ظهره
وصيه يا ابو جعفر يبويه اليوم اتركها
▪️〰▪️〰▪️〰▪️〰▪️〰▪️〰
اريدك تدفن اويايه جود ورايه وي چفين
بهض حيلي على الشاطي يوليدي عمود البين
شرك هام البطل عمي وكسر ظهر العزيز حسين
وبطيحة لوانا اهناك خواتي الطاغي يسرها
▪️〰▪️〰▪️〰▪️〰▪️〰▪️〰
اريدك تدفن اويايه زلوف الجاسم التشعب
ولا تنسى چف ايده ابدال الحنه متخضب
ونحر عبدالله يوليدي الخلى اگلوبنا تلهب
وخويه اللي كسر ظهري وموته روحي مرمرها
▪️〰▪️〰▪️〰▪️〰▪️〰▪️〰
اريدك تدفن اويايه لهيب خيام تتوجر
المنها فرت الايتام وهامت عالوجه بالبر
ولا تنسى هظم زينب يوم الشافت المنحر
ودموع العين يوليدي اريد وياي تدفنها
▪️〰▪️〰▪️〰▪️〰▪️〰▪️〰
اريدك تدفن اويايه ترچية طفله سلبوها
ودمعها الي حرگ روحي اشوفنهم يضربوها
رقيه الماتت امن الهم براس الابو روعوها
وشوغات العمر كله اريد اويايه آخذها
تمت بعون الله تعالى
خادمة الزهراء / ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#العباس
جديد محرم الحرام قصيدة بعنوان (بينا الزمان اندار)
كتبت هذه القصيدة بجوار ابي الفضل العباس عليه السلام
احلفك بالمشت درب الماخطر عالبال
ومن كربله يبوفاضل چتفوها بحبال
يخو زينب بزينب والدمعه الي تهلها
يابوفاضل ويوم الدنوا لأختك هزلها
هالمعضل يعباس الزينب اختك نحلها
بيوم الطلعت و تتلفت يمين وشمال
▪️〰▪️〰▪️〰▪️〰▪️〰▪️〰
اقسم اعليك بدمع المحنّه يبو الغيره
هالمشكل تحله والامر بيدك تدابيره
بحگ الي مشت لا خوان ولا عشيره
بزينب بت علي تنظر سيدي الهالحال
▪️〰▪️〰▪️〰▪️〰▪️〰▪️〰
جيتك انتحب ياباب الله الوسيع
واقسم اعليك بنحر عبدالله الرضيع
من شاهده حسين غارگ بدم النجيع
رده للمخيم يبو الغيره والدمع همال
▪️〰▪️〰▪️〰▪️〰▪️〰▪️〰
اقسم اعليك بدمع سكنه يبو الاحساس
يوم المشت عگب ابوها مهبطه الراس
مچتوفه الادين وتنادي وينك يعباس
لحگ علينا يعمي حاطتنا الانذال
▪️〰▪️〰▪️〰▪️〰▪️〰▪️〰
يبو فاضل گلبي مو خلص صبره
اعليك بالداست الخيل اعله صدره
وبالوگفت اعله التل شابچه العشره
وتنادي يحسين ريتك تجي بالحال
▪️〰▪️〰▪️〰▪️〰▪️〰▪️〰
بينا الزمان اندار وبالعكس ويانا
لا يوم واثنين نگول وتصفى دنيانا
حزن يعقوب اعله يوسف اجانا
والبير لنه سجن وانفنت بيه اجيال
تمت بعون الله تعالى
خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
أنتي ملايه ؟؟🎤🎤🎤
تعالي وياي لقناة الشاعرة المتألقه ام فقار اسراء اللامي
صاحبة ديوان شجعان الحربيه وفي كل حرف بحر من حزن وشجن ربي يوفقها
قلمها ينزف بدل الحبر دم لكثرة مفرداتها الشجيه الحزينه انصح الملايات ان يراقبو القناة سيتم وتم تنزيل قصائد بالقناة لشهر محرم وصفر
اشتركو عبر الرابط 👇🏻👇🏻👇🏻
/channel/kjhgkkb
/channel/kjhgkkb
#للسبي
جديد محرم الحرام ١٤٤٥ هجرية قصيدة بعنوان (درب المواجع)
زينب بذاك الفسيح
يا علي قامت تصيح
باقيه ابليا ولي
زينب بذاك الفسيح
يا علي زينب وحدها بجمع الايتام
ولو تعثر الناگه ياحيدر تنخر بالعظام
السوط لو يضرب متنها تنادي يضرغام
وعيون زينب بالدرب ما تعرف تنام
عيون زينب والسهر
توالفوا بليل القهر
بنت الرساله تنولي
زينب بذاك الفسيح
▪️〰▪️〰▪️〰▪️〰▪️〰▪️〰
دمع اليتامه اليحرگ الزينب گلبها
ومن تمسح الدمعه السوط ابمتنها
محتاره تمسح لو ترد سوط الضربها
تصد الرمح لن اخوها يبچي لوضعها
تبچي دم الدمعته
تگله خويه ونظرته
ناگه هزله محملي
زينب بذاك الفسيح
▪️〰▪️〰▪️〰▪️〰▪️〰▪️〰
طول الدرب وگلب زينب ما رجف
تستر الوجه بإديها والعدو وجهه صلف
من ينظر الها تنذبح وانت اتعرف
يا غيرة الله وهالوضع ما ينوصف
يحترگ گلب الغيور
هاي تربات الخدور
تصيح وينك كافلي
زينب بذاك الفسيح
▪️〰▪️〰▪️〰▪️〰▪️〰▪️〰
عيون الشماته الزينب من تنظر الها
تذبح النظرات تدري والبنتك تشلها
من تطب ديوان الكفر تنادي الكلفها
يا صبر عدها يا علي وميت املها
تتمنى زينب تموت
بذنها وتسمع الصوت
من دم دمعتها اتهلي
زينب بذاك الفسيح
▪️〰▪️〰▪️〰▪️〰▪️〰▪️〰
ولمن الطاغي تشوفه ينكت بذاك الثغر
تهيج المواجع ياعلي وما يبقه صبر
لبوتك توگف يحيدر تخاطب للكفر
تحتار هالوادم چن حيدر بيها هالحضر
انخرس كل الجمع
وانگلب بيها الوضع
اندهشوا ابنت الولي
زينب بذاك الفسيح
تمت بعون الله تعالى
خادمة الزهراء// ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#للسبي
جديد محرم الحرام ١٤٤٥هجرية قصيدة بعنوان (بنت الرساله)
بنت النبي العدنان راحت سبيه
تندب اخوها الچان روح الزچيه
عفتك يخويه اهناك غصبن عليه
جسمك خضيب ادماك بالغاضريه
گوه خذوني اعداك خويه سبيه
اندبه بدمع دفاگ حامي الحميه
بنت النبي العدنان راحت سبيه
تندب يخويه الچنت خيمه عليه
▪️〰▪️〰▪️〰▪️〰▪️〰▪️〰
غصبن عليه مشيت خويه تدريني
عمري انفنى ياريت اعدايه تحديني
لا حمى ظل لا بيت الدمعه تچويني
اندب كفيلي الجيت بزوده حاميني
بنت النبي العدنان راحت سبيه
تنادي كفيل الچان سور البنيه
▪️〰▪️〰▪️〰▪️〰▪️〰▪️〰
دموعي تجري وضعي صعب تفسيره
راحوا الغيارى ظليت لا من عشيره
واطفالي كلهم اسارى حيرتي حيره
ابنيات النبي من بعد عزها اسيره
بنت النبي العدنان راحت سبيه
تنادي بدمع غدران حامي الحميه
▪️〰▪️〰▪️〰▪️〰▪️〰▪️〰
تنادي يا علي عنهم گوه مشينه
تدري يبو الحسنين چم شمر يحدينه
نمشي بليا امعين واحبال ابدينه
وينك يا علي وين ما تلحگ علينه
بنت النبي العدنان راحت سبيه
اسيره ابين عدوان بيد آل اميه
▪️〰▪️〰▪️〰▪️〰▪️〰▪️〰
ظلت تنادي بنوح والدمع جاري
صرت الكفيله آنه والمن اباري
أطفال ونسه ياويل چلبن بأكتاري
محتاره ظليت ابين الخدر وزغاري
بنت النبي العدنان راحت سبيه
تندب گمر عدنان ابونه شجيه
تمت بعون الله تعالى
خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
يلتنشد على الطفوف ما تندل دربها امنين
اگصد گلبي واتشوفه ضريح امشيده لحسين
تعال اگصدني يلتنشد دمع عيني بيه تشوف
تلگى بالدمع مرسوم جسم امگطع بلسيوف
وتلگى اعله صحن خدي رايه وحاضنه الچفوف
وتلگى جاسم العريس من حوله السهام تطوف
وشبيه المصطفى تشوفه وظهرك ينجسم نصين
خادمة الزهراء // ليلى زغيب
#دفن_الاجساد
جديد محرم الحرام قصيدة بعنوان (ادفنهه شلون)
اليوم ثالث علي السجاد اجى للطف بهمومه
يريد يواري الاجساد الظلت في ثرى الحومه
من الكوفه الى غاضر متعني علي السجاد
بدموع الاه والحسره يريد يجهز الاجساد
يواريها بثرى الغبرى ودمع عينه على الوهاد
وجسم الحسين من الطعنات ويلي مغيره ارسومه
▪️〰▪️〰▪️〰▪️〰▪️〰▪️〰
حفر حفره لبني هاشم واوياهم دفن الاصحاب
بدمع عينه يغسلهم عليهم من ايهل التراب
هذا المنطبر هامه وهذا وذاك بالنشاب
شباب موزع عله الگاع بحر يجري من دمومه
▪️〰▪️〰▪️〰▪️〰▪️〰▪️〰
تعنى لدفن ابو الاكبر عانه الباري من جاله
مطشر جسمه فوگ الگاع من صولة الخياله
يلمه اشلون ابو الباقر يجمع اشلون اوصاله
نوبه ينظر لنحره ونوب اضلوعه مهشومه
▪️〰▪️〰▪️〰▪️〰▪️〰▪️〰
يعين الله علي السجاد من راد لوالده يدفننه
يجمع اوصاله من الگاع وشعاع البيها يدلنه
هذا الخنصر المبتور وهاي اضلوع مرضرضنه
يجمعها ابو الباقر وعليه الروح ملچومه
▪️〰▪️〰▪️〰▪️〰▪️〰▪️〰
ويلي والرضيع جابه بحسره وگلب مفجوع
خلاه اعله صدر حسين واعليهم حنى ضلوع
طفل ظامي ويروونه بدم نحره المگطوع
وعبدالله الطفل ويلي ادماه امغرگه اهدومه
▪️〰▪️〰▪️〰▪️〰▪️〰▪️〰
واتعنى لعضيده علي الاكبر وشافه بيا حال
بحصيره الاخو شافه يويلي امگطع الاوصال
اعليه يهمل العين وناداه يخويه الدهر مال
يا شبيه المصطفى متلوگ اعليك يا علي هالنومه
▪️〰▪️〰▪️〰▪️〰▪️〰▪️〰
وتعنى الشاطي يصيح ومن عينه يهل دمعات
يبوفاضل اليوم انه جيتك ينايم فوگ المسنات
عمت عيني على زنودك يعمي اشلون متگطعات
يا عمي يا بو النوماس الچبود اعليك مالومه
تمت بعون الله تعالى
خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#الهي_بفاطمه
قصيده توسل بفاطمة الزهراء عليها السلام
اشلون بيه ياخلگ يوم المعاد
وبيش اعتذر انه الرب العباد
بالذنب ظهري ثگيل
ياهو لهمومي يشيل
وبيش اعتذر انه الرب العباد
اشلون حالي يا خلگ لو دنى الموت
والذنب گيد اديه وابوضعي مبهوت
عاجز لساني خرس ما يطلع الصوت
الكتابه خالي من الذنب هذا مبخوت
بصوتي اصرخ فاطمه
احضري يل العالمه
ماكو غيرج شافعه يم الامجاد
وبيش اعتذر انه الرب العباد
▪️〰▪️〰▪️〰▪️〰▪️〰▪️〰
ظهري ما اگدر اشيله والذنوب هواي
عمري خلصته تلاهي شنهو عذري بهاي
وحدي نازل حفرتي وجاني الملك عناي
ماكو غيرج فاطمه يحضر الشده معاي
ماكو غيرج يم حسن
شيلي همي والمحن
اعليج ب الغالي أبو السجاد
وبيش اعتذر انه الرب العباد
▪️〰▪️〰▪️〰▪️〰▪️〰▪️〰
اشلون حالي يا خلگ وانزل بذاك الگبر
آه يا هول المچان حيل يطبگ عالصدر
عمل ما عندي أقدمه غير دمع المنهدر
بالگبر اصرخ يفاطم بجاه ضلع المنكسر
بجاه صرخات اليتامه
الحنت ابمثل الحمامه
اعليج خدر العقيله ودمع الاولاد
و بيش اعتذر انه الرب العباد
▪️〰▪️〰▪️〰▪️〰▪️〰▪️〰
اشلون حالي ياخلگ لو اجه وقت الحساب
حاير بحالي شسوي اگبالي مفتوح الكتاب
لو يحاكمني بعدل آه من سوء العقاب
اتوسل انه بفاطمه وذاك الحجاب
يا فاطمه لحگيني
بغربتي لا تخليني
بخدچ المنصفع بيد اهل العناد
وبيش اعتذر انه الرب العباد
▪️〰▪️〰▪️〰▪️〰▪️〰▪️〰
لو يناشدني الملك بيش خلصت العمر
يلگه بكتابي دمع حافر بخدي حفر
يلگه آه وحسره بيه وأثر لطمات الصدر
عمري گضيته مناحه عالفواطم والخدر
اول كتابي دمع
بآه يا كسر الضلع
شيب بدليلي عل طافت ابلاد
وبيش اعتذر انه الرب العباد
تمت بعون الله تعالى
خادمة الزهراء /ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#دفن_الاجساد
جديد محرم الحرام ١٤٤٥هجرية قصيدة بعنوان (روحه يدفنها)
من الكوفه ابو الباقر تعنه الكربله مهموم
لنه عايف اعله الگاع جثة والده المظلوم
علي السجاد وصل كربله والدموع تسيل
مهموم گلبه من الحزن وينادي بل ياويل
منهدم حيله گاصد يواري عزوته المچاتيل
وگف ما بين الجثث وينوح ودمعته دموم
▪️〰▪️〰▪️〰▪️〰▪️〰▪️〰
يناديهم يهل الشيم عگبكم محنيه الضلوع
وكل ما شال واحد بين ايديه يهل الدموع
جثث كلها متوذره واعليهم ينتحب ويلوع
يواريهم بالثره ويلي وگلبه بالحزن ملچوم
▪️〰▪️〰▪️〰▪️〰▪️〰▪️〰
عگب ما دفن ثله من بني هاشم مع الانصار
راد يواري والده وبيه احتارت علي الافكار
اشلون يلمه ويدفنه وجسمه امگطع ظل بيه محتار
جمع اوصال الابو اباريه وعالخد دمع مسچوم
▪️〰▪️〰▪️〰▪️〰▪️〰▪️〰
لملم اوصال الابو وعليه ياويل حنى ظهره
انحنى اعليه بحزن ينحب ويشم غده نحره
يگله يبويه هذا علي الأصغر وحطه اعله صدره
وجاب علي عضيده علي الاكبر ويون بگلب مالوم
▪️〰▪️〰▪️〰▪️〰▪️〰▪️〰
وراح شاطي العلگمي محني الظهر وينوح
شاهد عمه وابيا حال جنب النهر مطروح
امگطعه ايدينه ورايته بكتره منه ذابت الروح
وارى كفيل العايله ويصيح انسبينه تدري يلجيدوم
تمت بعون الله تعالى
خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#يوم_العاشر
جديد محرم الحرام ١٤٤٥هجرية قصيدة بعنوان (آ يحسين ) لسان حال بين زينب والحسين عليهما السلام عندما هجمت الخيل على ثقل النبوة
تقرأ نعي ولطم بعدة اطوار
نادت زينب آه يا يوم العاشر وامصابه
اعلينه آيحسين هجمت خويه السلابه
زينب على التل اوگفت يحسين تنادي
ابطيحيتك هجمت اعلينه خويه الاعادي
وعالنهر خويه نايم حزام الظهر واعمادي
شلبصر خويه گلي وابنار خيامي لهابه
▪️〰▪️〰▪️〰▪️〰▪️〰▪️〰
وين اتجه گلي وين يا مهجة الزهره
وانه اعثر بالمچاتيل خويه نومه عالغبره
گلبي يا خويه شيحمل وبس اهمل العبره
يحسين الگلب گلي بيش اداويه اصوابه
▪️〰▪️〰▪️〰▪️〰▪️〰▪️〰
يخويه اسمع سكنه تگلي عمه شتموني
ومن صحت آ يحسين يا عمه ضربوني
وهجموا اعليه عمه وقوه والله سلبوني
يحسين الشهم گوم دمعة سكنه سچابه
▪️〰▪️〰▪️〰▪️〰▪️〰▪️〰
گلها زينب ياخويه هيجتي خويه صبري
مگدر اگومن زينب المثلث واصل ظهري
خويه منگطع حيلي وسلمته الباري امري
گلبي ينزف دمومه من اسهام النشابه
▪️〰▪️〰▪️〰▪️〰▪️〰▪️〰
يزينب گلبي خلصان وخيچ منهدم حيله
ردي لأطفالچ زينب ومسحي دمعات العيله
وبالصبر زينب خويه كونچ ابگد هالشيله
روحي وعوفيني عالگاع اتوسد انه ترابه
تمت بعون الله تعالى
خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#ليلة_الوحشة
جديد محرم الحرام ١٤٤٥هجرية قصيدة
ليلة الحادي عشر من محرم بعنوان (احضرنا يا علي)
بگت زينب وحيده الحگ عليها
گوم يا حيدر علي ذبحوا وليها
يطارش للغري اخذه للمعصب وروح
اگصد لحيدر وخبره بالمهجه مذبوح
وزينب وحيده ياعلي وتذوّب الروح
ذبحوا زلمها يا علي وچتفوا اديها
▪️〰▪️〰▪️〰▪️〰▪️〰▪️〰
طاحت يا حيدر اسباع العقيله
احتارت بأطفال اخوها وعليله
تصفگ الراحه يا علي زينب الليله
والخيم بالنار علي الاعادي اموجريها
▪️〰▪️〰▪️〰▪️〰▪️〰▪️〰
عن كربله اليوم في وينك يحيدر
يا علي وتشوف شمصعب المنظر
كل الغوالي عالثره بدمها تعفر
محتاره زينب ياعلي شتسوي بيها
▪️〰▪️〰▪️〰▪️〰▪️〰▪️〰
يلي گصدته سلمان ياحيد بغربته
غسلته بيدك يا علي وانت الدفنته
وابكربله حسين المتوذره جثته
عالگاع يا حيدر علي وامرضرضيها
▪️〰▪️〰▪️〰▪️〰▪️〰▪️〰
يا علي گله زينب العده ولوها
عگب ذبح الغوالي بالحبل اچتفوها
وعلى ناگه امهزله ويلي احمولها
وعين الشماته يا علي هيه التأذيها
تمت بعون الله تعالى
خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#يوم_العاشر
جديد محرم الحرام ١٤٤٥هجرية قصيدة بعنوان (تبكي السماء)
وگفت على تل الحزن تنده يحيدر
حسينك على حر الرمل بويه تگنطر
بكربله زينب عل التل وگفت تنادي
وينك يا علي الكرار طايح عمادي
والتمت اعليه جيوش خيل الاعادي
وكل مفصل بجسم الاخو ويلي توذر
▪️〰▪️〰▪️〰▪️〰▪️〰▪️〰
بويه ياريتك تشوفه وشمر اعتناله
ورقى يا علي بكل حقد صدر الرساله
يگطع بأوداج نحر نور الجلاله
عرش الجليل امن الحصل بويه تفطر
▪️〰▪️〰▪️〰▪️〰▪️〰▪️〰
ردتك تجيني يا علي للغاضريه
حسين اعله الثره بويه جثته رميه
من كل كتر ينزف دمه روح الزچيه
بعد الذبح من الحسگ صدره تكسر
▪️〰▪️〰▪️〰▪️〰▪️〰▪️〰
ياعلي بذني واسمعت تكسير الضلوع
من الحصل يابالحسن دلالي مفجوع
عيني تشوفه يا بويه من دم الدموع
عفيه يا گلبي اعله الصار چيف ايتصبر
▪️〰▪️〰▪️〰▪️〰▪️〰▪️〰
بدمعي انتخيتك يا علي الحگ علينه
كافلي اعله النهر بويه اتوسد يمينه
وجابوا يابويه الحبال وچتفوا اسكينه
وعليلي بويه امن الوجد ظل ايتحسر
تمت بعون الله تعالى
خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
ليلة فيها تعلو تراتيل الصلاة تعانق آفاق السماء
وافواج الملائكة تهبط لتسبح ترنيمة عشق البكاء
بين آه ونحيب تسمو ايات سيد الشهداء
وغدا من فوق تل ترسل ابنت الطهر نداء
اين انت يبن امي يا حسين
#السلام_على_قلب_زينب_الصبور
#ليلة_العاشر
جديد محرم الحرام قصيدة بعنوان (وداع رهيب)
ليلة العاشر محرم هالليله كلش رهيبه
موادعه ويه الاهل آه ياعظم المصيبه
كلمن تودع وليها
بدمعه سكته ماكو حس
دمعة عيون الحراير
ويلي تگطع للنفس
رمله وي جاسم تگله
وكل حچيهه بالهمس
مودع الله يمه باچر
نايم بحر الشمس
انظر بعيني خضابك قلبي ينحب من مصابك
ابقى من بعدك غريبه آه ياعظم المصيبه
▪️〰▪️〰▪️〰▪️〰▪️〰▪️〰
ليلى وي بدر السعد
تناشده بدمع اليهل
يعينك الله ياحسين
من فجر باچر يطل
تنظر بعينك بدرنا
منذبح يابن النفل
دمي وي دمعي يصب
من اشوفه منچتل
حيرتي حيره چبيره آه يا شيخ العشيره
ميسره عگبه وسليبه آه يا عظم المصيبه
▪️〰▪️〰▪️〰▪️〰▪️〰▪️〰
والده وطفل ومهد
الحچايه كلش اليمه
بعمره مذبوح الورد
والسمه تبچي الظليمه
طفل يرضع تالي بسهم
منذبح والله حريمه
من تلوليله الرباب
والمهد خالي هظيمه
ذابحني بسهمه حرمله وهالجريمه بكربله
اگماطه بدموم الخضيبه آه ياعظم المصيبه
▪️〰▪️〰▪️〰▪️〰▪️〰▪️〰
زينب بوجه الحسين
تنظر الحره العقيله
تگله خويه يالغريب
انه تربات الجليله
ادري باچر من يطر
كلمن دمومه غسيله
منك خل اشبع وداع
ليلتنه كلش طويله
انظر بوجه الگمر لو اشاهد للنحر
گلبي من يفگد حبيبه آه ياعظم المصيبه
▪️〰▪️〰▪️〰▪️〰▪️〰▪️〰
ساعه تحچي ويالكمر
تگله خويه يالكفيل
ارد اسولفلك يخويه
ليل المفارگ طويل
ادري من تگصد للنهر
تبقى عالشاطي جديل
عيني مشبوحه عليك
واركب النوگ الهزيل
بطيحتك فوگ النهر مني يتسلب خدر
گلبي يتوجر لهيبه آه يا عظم المصيبه
تمت بعون الله تعالى
خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#الامام_الحسين
جديد محرم الحرام ١٤٤٥هجرية قصيدة نخوه بعنوان (اطلب الحاجه)
اجيت انخى ابو السجاد ودمع عيني اهملنه
اطلب سيدي الحاجه عليك اضلوع امرضرضنه
على باب الكريم اوگف وگله سيدي ننخاك
بحگ اللي قلع خيبر اجينا اليوم نترجاك
نريد نوصّل الحضره ونشم عطر الكرامه اهناك
بجاه اللي ضلعها انصاب وبيده الطاغي طگنه
▪️〰▪️〰▪️〰▪️〰▪️〰▪️〰
يامن تطلب الحاجه اقصد للشهيد حسين
عليه اقسم بالزهره مع جده النبي ياسين
تحت القبه من توصل اجري دمعه بالخدين
وسوم عليه علي حيدر وبحگ الطبره طلبنه
▪️〰▪️〰▪️〰▪️〰▪️〰▪️〰
تريد المشكل تحله اگصد للغريب وروح
عليه اقسم بذبح الاكبر وناديه بگلب مجروح
وتوجه لله بالطبرات وخل دمعك يهل مسفوح
لا لتظن تخيب امحال جاهه كبير تعرفنه
▪️〰▪️〰▪️〰▪️〰▪️〰▪️〰
سوم عليه الكفل اخته وضحى زنوده ويه الراس
وگله يا اخو زينب عليك براية العباس
اريدن همي تزيله عليك الغيره والاحساس
گلبي مو خلص صبره گبرك يمته اوصلنه
▪️〰▪️〰▪️〰▪️〰▪️〰▪️〰
مشي عليه نحر طفله وصدرك دگه باللطمات
يوم الجابه المخيم ومو ونه يجر ونات
وتگله ياابو الاكبر عليك بدمه والشوغات
تخلص الشيعي بالمحشر امره بيدك امعلگنه
تمت بعون الله تعالى
خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin