4059
الحجاب انهتك بالباب ومال العرش بالسطره واتخلخل نظام الكون من كسروا ضلع بالزهره اين الطالب بذحول الانبياء وابناء الانبياء
#الامام_العسكري
جديد بمناسبة شهادة الامام الحسن العسكري عليه السلام قصيدة بعنوان (حضري يزهره)
يزهره بالعجل حضري السامره وهلي الدموع
راح مسموم العسكري والمهدي محني الضلوع
تعالي السامره يزهره راح العسكري مسموم
منفطر چبد ابنه وايهل الدمع مسجوم
المهدي على اغيابه يزهره گلبه مالوم
وروحه امن الحزن تنحب اعله والده مفجوع
▪️〰▪️〰▪️〰▪️〰▪️〰▪️〰
تعالي يزهره وعيني المنتظر ابهذا المصاب
گلبه يون وينوح امن الهظم والدمع سچاب
واگف اعله جثة المسموم وبحسره ينادي يياب
ينادي كل هذا الجرى يبويه من حرگ الجذوع
▪️〰▪️〰▪️〰▪️〰▪️〰▪️〰
يا والدي مصابك فتت حشاي وعاد الجروح
يا جرح منهم اذكره اهمل يبويه الدمع مسفوح
وابحسره انادي يزهره مصايب بعيني تلوح
لن الزهره جته بعجل وروحها تحن واتلوع
▪️〰▪️〰▪️〰▪️〰▪️〰▪️〰
يبني امصاب ابوك هدم حيلي وجدد العصره
يالمهدي اجيتك انتحب واهمل دمع عبره
مصايبكم ييمه نحلتني ونسيته ضلعي وكسره
وحزني بطيات صدري طول العمر مطبوع
▪️〰▪️〰▪️〰▪️〰▪️〰▪️〰
ظلت الزهره تون والمهدي يلطم عالصدر
ينوحوا اعله جثة المسموم والدمع دم ينهمر
شابگه الزهره بعشرها والمهدي محني الظهر
تنادي المهدي يا يمه گلبي امن الحزن مشلوع
تمت بعون الله تعالى
خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#الامام_العسكري
جديد بمناسبة شهادة الامام الحسن العسكري عليه السلام قصيدة بعنوان (عظم المصاب)
انه المهدي يابويه عليك اهل ادموع
مصابك فتت احشاي والگلب مفجوع
يلعسكري بويه مصابك فتت احشاي
يابويه من الحزن انحب واهل عيناي
اشلون اجرعه مصابك نحل اعضاي
يبو محمد يبويه گلبي يون ويلوع
▪️〰▪️〰▪️〰▪️〰▪️〰▪️〰
مسموم الچبد آه ومصابك ذوب الروح
انوح اعليك وگلبي من الحزن مجروح
عايش بين مصابك يبويه وعاشر المذبوح
ومسمار باب الزچيه وي حرگ الجذوع
▪️〰▪️〰▪️〰▪️〰▪️〰▪️〰
انوحك يلعسكري واهمل دمع من دم
على گلبي يبو محمد يبويه تراكم الهم
بفگدك يا والدي هالدين ثلمه انثلم
اصول دين المصطفى تنحبلك والفروع
▪️〰▪️〰▪️〰▪️〰▪️〰▪️〰
ليالي الحزن من بعدك يابويه طويله
يا هم اشيله يبو محمد وهمومي ثگيله
يبويه رحلة مغيبي بدت والمدمع اسيله
وبين حزني وذكرياتي يبويه اوج الشموع
▪️〰▪️〰▪️〰▪️〰▪️〰▪️〰
اودعك بويه وچم ضلع بخاطري مكسور
ضلع بسمار الزچيه واضلوع البعاشور
يبويه بزغر سني واهل الدمع منثور
غيبتي يبو محمد طويله وتحني الضلوع
تمت بعون الله تعالى
خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#بضعة_الرسول
جديد بعد شهادة النبي الاكرم صلى الله عليه وآله الهجوم على دار الزهراء عليها السلام قصيدة بعنوان (بهظم واسوني)
عگب عينك يبو ابراهيم العده يا بويه ضربوني
اجيت لگبرك آنه اشكي يبويه وناحله امتوني
شحچي يا ابو القاسم وشرد اوصفلك امن اخبار
ما رحموني من بعدك گومك هجموا اعله الدار
وحجاب الله العده هتكوه وحيدر ظل يدير افكار
أنه بنتك يبو الزهره يبويه اعداك عصروني
آه يابويه آه يابويه آه يابويه آه
▪️〰▪️〰▪️〰▪️〰▪️〰▪️〰
شخصك يا ابو ابراهيم من توسد تحت التراب
بعد دفنك ياابو الاطياب لداري هجمت الاصحاب
تعدوا كل حدود الدين وهتكوا بويه كل احجاب
وجنيني امن الحشا طيحوه بحقدهم بويه اجوني
آه يبويه آه يبويه آه يبويه آه
▪️〰▪️〰▪️〰▪️〰▪️〰▪️〰
اچم امصيبه يابويه انه وچم لوعة أرويها
فگدك يا عزيز الروح بگلبي نار واحس بيها
حسره بالگلب ظلت ودموعي بحرقه احكيها
صفعني الظالم بايده وابضربه عمى عيوني
آه يابويه آه يابويه آه يابويه آه
▪️〰▪️〰▪️〰▪️〰▪️〰▪️〰
الوصي بحبال من گادوه نسيت الضلع وي كسره
ونسيت المحسن السگطوه وبقى ويلي على الغبرى
طلعت امشي مع جروحي و لزمت الضلع والعصره
واجيت المسجد وانحب يبويه اعداك هظموني
آه يبويه آه يبوبه آه يبويه آه
▪️〰▪️〰▪️〰▪️〰▪️〰▪️〰
ريتك يبويه تشوف من هجموا على دراي
ورموا امتوني امن الضرب يبويه وروعوا ازغاري
ومثل نار الباب الي اسجروها ظلت تستعر ناري
اجر الموده يبو الزهره اصحابك بيش جازوني
آه يابويه آه يابويه آه يابويه آه
تمت بعون الله تعالى
خادمة الزهراء// ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#النبي_الاكرم
جديد بمناسبة شهادة النبي الاكرم صلى الله عليه وآله قصيدة بعنوان (اظلم الكون)
نادت فاطمه الزهره شيل وسادته بالهون
مات النبي ياحيدر وانه اظلم عليه الكون
لفت بالاه والحسره فاطمه الزهره وتنوح
تنادي يا علي الكرار گلبي ممتلي بجروح
ابويه الغالي من شفته اگبالي امدد ومطروح
عمت عيني على طوله يصبح بالترب مدفون
▪️〰▪️〰▪️〰▪️〰▪️〰▪️〰
ابو ابراهيم يا بويه لاجلك حزنت الاملاك
عرش الباري ظل ينحب وجبريل الوحي ينعاك
انس وي جان هم تبچي وتساعدها غدت الافلاك
طيور اللبسمه تنحب وحيتان البحر يبچون
▪️〰▪️〰▪️〰▪️〰▪️〰▪️〰
موته يا علي فجعه شعل وسط احشايه النار
تدري من بعد موته الصحابه تهجم اعله الدار
على بابي الجزل والنار وبصدري ينبت المسمار
وجنيني اعله الترب واهمل دمه بدمع العيون
▪️〰▪️〰▪️〰▪️〰▪️〰▪️〰
يا علي عگب النبي لن مظلم يظل البيت
دفنتي ويه والدي شكثر يا علي اتمنيت
افراگه صعب يا حيدر وعيوني اله هليت
شلي بالعمر شلي بنعش الوالي من تمشون
▪️〰▪️〰▪️〰▪️〰▪️〰▪️〰
خلي والدي ساعه يا حيدر لا تدفنه ادخيل
من يتوسد بگبره اظل عگبه اصيح الويل
نهاري يمضي بالاهات وبالحسره يمر الليل
وادري بعد عينه اعله داري صحبته ايهجمون
تمت بعون الله تعالى
خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#النبي_الاكرم
جديد بمناسبة شهادة النبي الاكرم صلى الله عليه وآله قصيدة نعي بعنوان (بأي ذنب)
أسأل و حقي لسؤالي اسمع اجواب
بعد النبي بياسبب هجمت الاصحاب
هجموا وبضعة الهادي لاذت ورى الباب
ومن الحشا محسن طاح اعله العتاب
▪️〰▪️〰▪️〰▪️〰▪️〰▪️〰
لهالامه تاريخ من گلّبته ميشوم
بيا سبب بضعة الهادي خدها ملطوم
وبدم الراس محسن ليش مفطوم
بنار الجزل ليش الباب مضروم
▪️〰▪️〰▪️〰▪️〰▪️〰▪️〰
فاطم ليش ظل مخفي قبرها
ما نندل طريقه ولا نشتم تربها
بالحقد جازوا نبي الامه وبدرها
من گال ام ابوها شو نكرو خبرها
▪️〰▪️〰▪️〰▪️〰▪️〰▪️〰
بعمر ثمنطعش والضلع مكسور
مضروبه المتون والشوف مسطور
محسن والدما عالغبره منثور
وحيدر ظل جليس الدار مقهور
▪️〰▪️〰▪️〰▪️〰▪️〰▪️〰
جمر القلب يسعر يل الزچيه
ومن جمرچ تشب نار الغاضريه
وترض اضلوع بالطف الاعوجيه
وأجسوم اولادچ اتظل عالوطيه
▪️〰▪️〰▪️〰▪️〰▪️〰▪️〰
بنت وحده للنبي وماكو مثلها
عقب عينه الصحب زادو حزنها
من هجمو عليها وطاح ابنها
لا منزله راعو لا ولا قدرها
تمت بعون الله تعالى
خادمة الزهراء// ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#النبي_الاكرم
جديد بمناسبة شهادة النبي الاكرم صلى الله عليه وآله قصيدة بعنوان (أنا الزهره)
يبوالقاسم موتك قرّح جفوني
اصيح واندبك بويه يمنعوني
ومن قبل دفنك يا نبينـه
اجت لينه الزمره اللعينه
نحسّبها لفت تواسينـه
ولنها تقول نوحچ يأذينه
تنكروا لي ما چنهم يعرفوني
▪️〰▪️〰▪️〰▪️〰▪️〰▪️〰
وانا اطلعت برى المدينه
اندب ياصاحب السكينه
اجوا للاراكه بالضغينه
قالوا لا تبچي الحزينه
اومن البچه اعليك امنعوني
▪️〰▪️〰▪️〰▪️〰▪️〰▪️〰
اخبرك بويه يا خير الورى
للبيت اجت بالحقد هالزمره
الحطب والنار عالباب توجره
وضلوع البصدري متكسره
للبيت اجوني وبالسطره عموني
▪️〰▪️〰▪️〰▪️〰▪️〰▪️〰
دخلوا علي بيتي وآنه حسره
رفسوا الباب واجتني العصره
زمرة حقد وارجاس هالزمره
طاح المحسن على الغبره
گادوا علي ودمه تجري عيوني
▪️〰▪️〰▪️〰▪️〰▪️〰▪️〰
ما چنهم سمعوا فينا الوصيه
چنك وصيت امتك تهجم عليه
ضربوني ومحسن ظل عالوطيه
والاشد منها بويه يوم الغاضريه
والاجر منهم ورا بابي اعصروني
تمت بعون الله تعالى
خادمة الزهراء//ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#النبي_الاكرم
جديد بمناسبة شهادة النبي الاكرم صلى الله عليه وآله قصيدة بعنوان (روحي ناحت)
كأني بفاطمة الزهراء واقفة على جثمان والدها سيد الاكوان تنعى بقلب منفطر
بويه بويه ...ياالچنت سوري العالي
بويه بويه ....راح بعدك عزي ودلالي
بويه بويه .....وارخصت دمعي الغالي
▪️〰▪️〰▪️〰▪️〰▪️〰▪️〰
آه يبويه .... تندب الزهره الجليله
آه يبويه ....واصبحت بعدك نحيله
آه يبويه .....الحزن ما ينقضي ليله
▪️〰▪️〰▪️〰▪️〰▪️〰▪️〰
آ يدهري ....راح ابو ابراهيم عني
آ يدهري .... صحبته بعده لفتني
آ يدهري ....اخذوا نحلتي مني
▪️〰▪️〰▪️〰▪️〰▪️〰▪️〰
يا زماني ....من رحل عني الوالي
يا زماني ....قنفذ بسوطه اعتنالي
يا زماني .... حيدر اتلبب اگبالي
▪️〰▪️〰▪️〰▪️〰▪️〰▪️〰
آه يدنيا ...عيشي من بعده تكدر
آه يدنيا ....چم ضلع مني تكسر
آه يدنيا ....ومحسني عالعتبه فرفر
تمت بعون الله تعالى
خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#الاربعين
جديد بمناسبة أربعين الامام الحسين عليه السلام قصيدة بعنوان (اسجل الزاير)
لسان حال الزهراء عليها السلام يوم الاربعين
اجيتك يا عزيز الروح اگوم واعثر بهمي
اريدن يمه هذا اليوم اسجل الزاير باسمي
اتعنيت بگلب مالوم واهمل دمه من العين
زوارك اجت خطار وكلها تنادي آ يحسين
وانه بالدرب يمه اجيت استقبل الطيبين
مثلهم زينب اتنطر يحسين بدمع يدمي
▪️〰▪️〰▪️〰▪️〰▪️〰▪️〰
اجيتك يمه يامظلوم اطوف واسعى يم گبرك
لزمت ضلوع مهشومه وگمت انظر الى صدرك
نسيت اللطمه والمسمار من شفته جرح گلبك
صرت الطم عليك بنوح والاملاك اجت يمي
▪️〰▪️〰▪️〰▪️〰▪️〰▪️〰
اجيت ويا اليزور اليوم اجدد عهدي بالحضره
واستقبل انه الزاير الاجى يواسيني بالعبرى
احصي كل خطى الزوار واتلگى زينب الحره
اصبرها بضلع محني واگلها للصبر لزمي
▪️〰▪️〰▪️〰▪️〰▪️〰▪️〰
يحسين الگلب وجعان اجيتك والضلع مهشوم
زوارك اجت خطار گوم تلگى هاي الگوم
كلها من اجل عيناك اجت مشايه هذا اليوم
تريد تواسي للعتره وتندب ظلت بأسمي
▪️〰▪️〰▪️〰▪️〰▪️〰▪️〰
اسمع صوت كل زاير ينحب آه يالمذبوح
ترك اهله ودياره وعلى مصابك يفت الروح
هاي الشيعه يوليدي اجت يمك تحن وتنوح
هذا اليلطم بعشره وهذا وذاك الدمع يهمي
تمت بعون الله تعالى
خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#الاربعين
جديد بمناسبة أربعين الامام الحسين عليه السلام وقوف زينب على قبر اخيها الحسين قصيدة بعنوان (جيتك بهمي)
لفت يم گبر أخوها والونه شجيه
اگعد يا سبط النبي وروح الزچيه
زينب وي علي السجاد بكربله اليوم
تگله عمه وين باب الگبر والگلب مالوم
ياسجاد جبت الراس من رحلة الشوم
رايده احطه اعله الجسم هاي المسيه
▪️〰▪️〰▪️〰▪️〰▪️〰▪️〰
دليني اعله گبره يا عمه ارد اشوفه
اخذ بيدي يعمه روحي اعليه ملهوفه
يدرينه ابوك حسين هالليله ضيوفه
ارد اسولف وي ابوك عن اختك رقيه
▪️〰▪️〰▪️〰▪️〰▪️〰▪️〰
بهداي نزل يم الگبر منه الدمع يتحدر
اهنا ادفنته يعمه وبالگلب ناره تستعر
عمه يا عمه بهداي لا ينلچم منه الصدر
ترى ضلوعه مهشومه بخيل الاعوجيه
▪️〰▪️〰▪️〰▪️〰▪️〰▪️〰
لزمت زينب تراب المنذبح عطشان
تشمه وتنتحب وتشكي بگلب وجعان
يخويه أخبرك سلبونه عگبك العدوان
واختك يخوها طبت الديوان اميه
▪️〰▪️〰▪️〰▪️〰▪️〰▪️〰
جبت راسك يا خويه مكسره سنونه
واريد العذر منك بحگ أمنه المصونه
لو تدري شكثر بيه يا خويه افجعونا
من شفته بيد الطاغي وابن الدعيه
▪️〰▪️〰▪️〰▪️〰▪️〰▪️〰
يحسين خويه ولو تنشد عن رقيه
موتوها امن القهر والسوط ال اميه
تنحب اعليك ما جفت الدمعه جريه
ومن عگب عينك آه سموها الخارجيه
تمت بعون الله تعالى
خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#الامام_الرضا
جديد بمناسبة شهادة الامام الرضا عليه السلام قصيدة بعنوان (ودع والده) لسان حال الامام الجواد
يا هظم گلب الجواد اليوم ويا ليله الطويل
مفارگ والده برض غربه ودم مدمعه يسيل
يعين الله الجواد مصيبته مصيبه چبيره
مفارگ والده ويصيح والدمعه بخدوده غزيره
گلبه امن اليتم ممرود وفاگد شيخ العشيره
يجهز والده بيده يويلي وبايد للجواد الحيل
▪️〰▪️〰▪️〰▪️〰▪️〰▪️〰
وين اهله وعزوته تحضر للجواد من المدينه
تعنى لرض طوس وحده ودمعة عيونه هتينه
علي ابن موسى مات يويلي وچبده سامينه
هل دمعه عليه الجواد وبده بوالده التغسيل
▪️〰▪️〰▪️〰▪️〰▪️〰▪️〰
يغسل والده ياويل وناره تسري بالضلوع
يصفگ شمال بيمين يتحسر وايهل الدموع
يا والدي نار فگدك هيجت نار الجذوع
وين جدي المرتضى واجنازتك ويايه يشيل
▪️〰▪️〰▪️〰▪️〰▪️〰▪️〰
يقلب والده اعله المغتسل ويتذكر العطشان
جدي بكربله يا بوي ما حصل غسل واكفان
سحگت عليه الخيل وظل جثه على التربان
وعالنهر ظل نايم عضيده الگمر عباس الكفيل
▪️〰▪️〰▪️〰▪️〰▪️〰▪️〰
غسله الجواد ولبسه اكفانه وبيده نزله بگبره
وسرح فكره لرض الطف ينوح المنسحگ صدره
ويذكر عقيلة الكرار عالتل شابچه العشره
وبگلبه تشب ناره وينتحب ويصيح بالويل
تمت بعون الله تعالى
خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#الاربعين
جديد بمناسبة أربعين الامام الحسين عليه السلام قصيدة بعنوان (انهدم ركن الصبر)
رديت الك يحسين وابگليبي حسره
گوم وتلگاني يا ضنوة علي والزهره
فك باب الگبر خويه زينب تراني
فگدك وذل اليسر خويه عماني
ولو تنشد أحوالي وعگبك شجاني
مچتوفه ايدي اويه العده متيسره
▪️〰▪️〰▪️〰▪️〰▪️〰▪️〰
يا خويه جيتك شايله هموم وألم
درب اليسر عذب دليلي والدمع دم
ولو تنشد عن رقيه ماتت من الهم
اعله راسك ماتت فاطمه الصغره
▪️〰▪️〰▪️〰▪️〰▪️〰▪️〰
گلبي ينزف يخويه من كثر الجروح
مو سهله ابد اعوفك عالغبره مذبوح
وارافگ الذباح يحسين وجروحي تنوح
وردلك من عگب اليسر روحي امرمره
▪️〰▪️〰▪️〰▪️〰▪️〰▪️〰
يحسين اگعد يخويه وانشد عن احوالي
عگب عينك دمعي رخصته الچان غالي
من شفته راسك مشهور برمح عالي
ظليت اصيح الويل واهمل دمع عبره
▪️〰▪️〰▪️〰▪️〰▪️〰▪️〰
يحسين مجروح الگلب من فرگاك
ريتك تشوف الجره علينه عگب عيناك
حرگوا اخيمنا وبالحبل چتفوا يتاماك
بسب وشتم يا حيد ودونا للطاغي بقصره
تمت بعون الله تعالى
خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
انتِ ملايه ومحتاره بالمجالس شتقرين
تعالي هاي القناة تفيدج
قناة منوعة لمجموعة من الشعراء والشاعرات
هالقناة احسبوها حقيبتكم بالمجلس ولا تخسروها اشتركو عبر الرابط 👇🏻👇🏻👇🏻👇🏻
/channel/amAli30
#الاربعين
جديد بمناسبة أربعين الامام الحسين عليه السلام ورجوع الظعن الحسيني الى كربلاء
قصيدة بعنوان (رد الظعن)
اجت زينب گوم ليها گمر يل اسمك دوه
مو علي الكفلك بيها وانته شيال اللوه
اجت زينب والمحامل شايله هموم والم
وماكو واحد من اهلها گام يبنيها الخيم
حسين وينه وين الاكبر وينه شيال العلم
هالاجت زينب عجيبه وحيده تبقى بالفله
▪️〰▪️〰▪️〰▪️〰▪️〰▪️〰
وصلت ارض الغاضريه وتتلفت شمال ويمين
تذكر يوم ليها طبت بزود عباس وحسين
وهسه نار الحزن بيها ومن دمه تهمل العين
وين خواني وهلي البچالهم چنت امدلله
▪️〰▪️〰▪️〰▪️〰▪️〰▪️〰
الرايته ترف اعله رأسي وينه وينه كافلي
شو اجيت وماكو واحد وين خواني وهلي
وين خويه ردته يدرى ضيفه عنده بت علي
اني زينب هل اجيتك خويه ويه العايله
▪️〰▪️〰▪️〰▪️〰▪️〰▪️〰
اربعين نهار مرت بعيده عنهم يا صبر
ياحيف خان الدهر وخله زينب باليسر
كافلي منهو يخبره زينبه عاشت قهر
يگله زينب هالمسيه ردت الطف كربله
▪️〰▪️〰▪️〰▪️〰▪️〰▪️〰
درب الشام أذاني وما تنوصف اهواله
حقد وي حچي الشماته وبس دموع هماله
جامعه وقيد وعليل وآه شمصعب الحاله
خان دهري وخلى زينب حايره ابين المله
تمت بعون الله تعالى
خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#الامام_الحسن
جديد بمناسبة شهادة الامام الحسن المجتبى عليه السلام قصيدة بعنوان (يزهره اليوم حضريني)
على خويه ابو محمد يزهره اليوم عينيني
انسي ضلعچ المهشوم وبخويه اليوم واسيني
من دخلت زينب الحره على بو محمد تزوره
لگت يمه عضيده احسين لچن مختفي نوره
لازم بيده طشت البين وعليه دموعه منثوره
تگله خويه يا مهموم عليك الزهره حاچيني
آه يا خويه 〰〰〰〰 آه يا خويه
▪️〰▪️〰▪️〰▪️〰▪️〰▪️〰
زينب بالحزن صاحت من شافت ابو محمد
على فراشه يويلي يلوج وحاله للگلب مرّد
ييمه ليتچ تشوفين اخويه اگبالي امدد
تفتت چبده يايمه وسهم امصابه چاويني
آه يا خويه 〰〰〰 آه يا خويه
▪️〰▪️〰▪️〰▪️〰▪️〰▪️〰
قعدت يم ابو محمد تگله خويه حاچيني
ونينك يا عزيز الروح شعب گلبي ويأذيني
اشوفك منخطف لونك يا اغلى عمري وسنيني
لون الموت يرضى يسوم شريتك يا نظر عيني
آه يا خويه 〰〰〰〰آه يا خويه
▪️〰▪️〰▪️〰▪️〰▪️〰▪️〰
فتح عينه ابو محمد وگلها خويه لا تبچين
دمعك يا عقيلة بوي اغلى من العمر تدرين
ضمي نوحك لعاشور وقت البي تشوفي حسين
طريح امغسل بالدموم وتنادي الزهره لحگيني
آه يا خويه 〰〰〰〰آه يا خويه
▪️〰▪️〰▪️〰▪️〰▪️〰▪️〰
الوصيه خويه سمعيها واريد بكربله تنفذين
وليدي الغالي من يمشي للحومه ويحل البين
كون عمامتي تلبسوه ويدليها ابني عالچتفين
وبساعة ينزل المظلوم للحومه دذكريني
آه يا خويه 〰〰〰آه يا خويه
تمت بعون الله تعالى
خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#الامام_الحسن
جديد بمناسبة شهادة الامام الحسن المجتبى عليه السلام قصيدة بعنوان
(الحسن مسموم )
دمع ودموم وضلع ملجوم
تصيح اليوم الحسن مسموم
تعنت فاطمه الزهره نحيب ونوح وي حسره
بقيع الهم يألمها ويعيد من الضلع كسره
بدرها الأول اتسمم ونعش واسهام منتشره
تقوم من الهضم واطيح جبد وليدي متوذره
تهيج اضلوع وقلب موجوع
تصيح اليوم الحسن مسموم
▪️〰▪️〰▪️〰▪️〰▪️〰▪️〰
القلب ما يهجع اونينه الحسن اول بدر ليه
فجع قلبي بمصابه اليوم وسهم نعشه هم بيه
وصوت الناعي بصياحه كسر كل ضلع بيه
تفتت جبده للمظلوم وزينب تنشد اعليه
اخته اتنوح بقلب مجروح
تصيح اليوم الحسن مسموم
▪️〰▪️〰▪️〰▪️〰▪️〰▪️〰
اجيتك يمه بأحزاني بقلبي شايله الهموم
امر المجتبى ايحير حتى ازيارته محروم
جبده والنعش واسهام تاليها القبر مهدوم
عليه املاك حزنانه وعرش الباري هم ملجوم
السمه تبجي دمى تهمي
تصيح اليوم الحسن مسموم
▪️〰▪️〰▪️〰▪️〰▪️〰▪️〰
اجيتك لازمه اضلوعي يالمصابك فت حشاي
شفت اقبور مهجوره ولا من ناعي لا مشاي
عبالي كربله جنّه البقيع واطفي نار اظماي
لا رايه الترف اهناك ولا زاير يطب عناي
العرش مذبوح القلم واللوح
تصيح اليوم الحسن مسموم
▪️〰▪️〰▪️〰▪️〰▪️〰▪️〰
يمته المهدي يبنيها وحال الشوم يتبدل
قبور اربع يشيدها ومناير للسما توصل
زوار التطب ليها وكل حاقد هم يرحل
حلم ويمتى يتحقق القلوب بلهفه تتأمل
يمهدي قوم شبعنا هموم
نصيح اليوم الحسن مسموم
تمت بعون الله تعالى
خادمة الزهراء/ ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#الامام_العسكري
جديد بمناسبة شهادة الامام الحسن العسكري عليه السلام قصيدة بعنوان (عندي وصيه) لسان حال الامام العسكري لولده الامام المهدي عجل الله فرجه الشريف
وليدي يالمهدي عندي وصيه
الاجل قرب مفارگك هالعشيه
تدنى يوليدي واسمع الاخبار
بعد موتي يطول الانتظار
اريدن تصبر لو طالت الاعمار
تلاحگك عگب عيني الناصبيه
▪️〰▪️〰▪️〰▪️〰▪️〰▪️〰
تدري يالمهدي دين الله موتور
من مات النبي وهجموا على الدور
وفجعوا اگلوبنا بيوم عاشور
وكلنا نترقب اظهروك يا شفيه
▪️〰▪️〰▪️〰▪️〰▪️〰▪️〰
يمهدي گبل ما موت اسمع شگول
اخذ مواريث النبي وفحل الفحول
وخل عندك يبني اثار ذيچ الخيول
وبالك تنسى ياالولد اضلوع الزچيه
▪️〰▪️〰▪️〰▪️〰▪️〰▪️〰
وبعد موتي يبني يعينك الباري
يطول انتظارك ويظل الدمع جاري
والشيعه تمتحن واتدورك بالبراري
وتندب اظهورك كل صبح ومسيه
▪️〰▪️〰▪️〰▪️〰▪️〰▪️〰
اسمع يمهدي وسط الگلب جمره
تچوي اضلوعي ولظهري تكسره
عمتنا يوم ركبوها النوگ المدبره
ويوم دخلوها على الطاغي هديه
تمت بعون الله تعالى
خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#بضعة_الرسول
جديد بمناسبة الهجوم على دار الوحي قصيدة بعنوان (بموتتك بويه)
بعد عينك يبو ابراهيم هم هالامه تراويني
شكثر لوعات يبو الزهره وحسرات تسگيني
لفت للدار تطالبني بثارات ابدر واحنين
بويه من غفت عينك على داري لفت صوبين
حيدر يطلع ملبب وانه صب دمى من العين
الوصي گادوه يابويه اگبال الحسن وحسيني
▪️〰▪️〰▪️〰▪️〰▪️〰▪️〰
لفوا للدار يا الهادي وعليه رادوا يحرگوها
لذت بالباب يا بويه من رادوا الدار يدخلوها
حس بيه العدو بويه واضلوعي قوه كسروها
اخذوا حيدر اگبالي وصحت يافضه لحگيني
▪️〰▪️〰▪️〰▪️〰▪️〰▪️〰
طلعت امشي مع جروحي بالحسره والاه
حيدر علي يو تخلونه لو ارفع ندا لله
بشكايه تزلزل الاكوان وحيدر مرجع بلياه
رفع ايده الرجس بويه بسطره عمى عيني
▪️〰▪️〰▪️〰▪️〰▪️〰▪️〰
انه البضعه يا مختار اجيتك اشكي هالامه
بعد عينك علي دارت وجنيني اتخضب بدمه
المحسن ناشده يخبرك بصبر حيدره وهمه
وآنه يلنبي المختار ظلمه ظلت اسنيني
▪️〰▪️〰▪️〰▪️〰▪️〰▪️〰
اجيتك بويه اعله الگبر انتحب واشم التراب
واخبرك عگب عينك لفتني بحقدها الاصحاب
هجموا الداري يبويه وانهتك بابك والحجاب
ليتك ترجع يبويه تشوف شسوت صحبتك فيني
تمت بعون الله تعالى
خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#النبي_الاكرم
جديد بمناسبة شهادة النبي الاكرم صلى الله عليه وآله قصيدة بعنوان (متعني جيتك) نخوه بحق وجاه نبي الرحمه محمد ابن عبدالله صلى الله عليه وآله
انخاك نخوه يا النبي يا جد الحسين
بحگ الضلع والمصاب وابمدمع العين
اجيتك انه متعني وابگليبي حسره
اقسم عليك ابضعتك فاطمه الزهره
حاير اجيتك سيدي اهمل العبره
من الهظم يابالقاسم دمعاتي صوبين
▪️〰▪️〰▪️〰▪️〰▪️〰▪️〰
اجيتك انتحب انه بتكسير الضلوع
اقسم عليك بفاطمه وي سيل الدموع
من الحزن يبو الزهره دلالي مفجوع
بحگ الدمه والصواب وتسگيط الجنين
▪️〰▪️〰▪️〰▪️〰▪️〰▪️〰
انخاك نخوه يا ابو الزهره اجيتك
واگف ابابك سيدي لهمي ارتجيتك
لا تخليني بحيرتي بدمعي نخيتك
بحگ الوصي وابطبرته وصواب الجبين
▪️〰▪️〰▪️〰▪️〰▪️〰▪️〰
اقسم اعليك ابكربله وابدمع الاطفال
وبحسين مذبوح دمه يجري عالرمال
بحگ السبايا سيدي الگيدوها بحبال
وبالنادت بدمع اليهل ياابو السبطين
▪️〰▪️〰▪️〰▪️〰▪️〰▪️〰
يا أبو القاسم ادخيل بعباس الكفيل
الظل على الغبره مرمي وادماه التسيل
انتخي بدمعه سيدي اجيتك ادخيل
اتوسلك يا بو الزهره ابمگطوع الايدين
تمت بعون الله تعالى
خادمة الزهراء// ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#النبي_الاكرم
جديد بمناسبة شهادة النبي الاكرم صلى الله عليه وآله قصيدة بعنوان (اشكي المصيبه)
المن اشكي هالمصيبه
گلبي يتوجر لهيبه
من بعد خير البرايا فاطم تلاگي رزايا
المن اشكي هالمصيبه
المن اشكي هالمصيبه،،وعين المفارگ حبيبه
تهمل ادموع الالم
گلبي بالحسره يون،، وانه روحي امن الحزن
ظلت تنادي بهظم
يا علي فگده عماني،، كل هظم عگبه لفاني
والدمع بخدودي دم
جرحي المضيع طبيبه
اهمل دموعي سچيبه
نار تتوجر حشايا فاطم تلاگي رزايا
▪️〰▪️〰▪️〰▪️〰▪️〰▪️〰
انا فاطم هذا وضعي ،،لموت ابويه محني ضلعي
چن جمر يچوي ضلوعي
اسچب دموع المصيبه ،،شحال المفارگ حبيبه
بعده ما تنشف دموعي
انظر لمحرابه واحن ،،والگى كتاب الله يون
بالحزن ذابت شموعي
و الملايك كلها كئيبه
والوحي ينعى حبيبه
من رحل خير البرايا فاطم تلاگي رزايا
▪️〰▪️〰▪️〰▪️〰▪️〰▪️〰
اسچب ادموع الحزن ،،والوصي اگبالي يون
يدري بعده يهظموني
حيدره يناظرني بألم ،، وانه دمعي يجري دم
گباله انا ويضربوني
دموعي بعيوني حمره ،،،،واثرت بضلوعي عصره
بصفعة حقد يسطروني
صبري يا زهره النجيبه
واشتكي لله وحبيبه
الامه خانت بالوصايا فاطم تلاگي رزايا
▪️〰▪️〰▪️〰▪️〰▪️〰▪️〰
بحزني للقبر اعتنيت ،،وقبضه من تربه خذيت
ادري بيها تشفي العليل
آه من الامه وغدرها ،، واعله بنتك صبت حقدها
والنهار بعيوني ليل
شلون الوصيه نفذوها ،،،چن قلت بنتي اعصروها
والدمه مني تسيل
حقوقي كلها سليبه
الدنيا من بعدك كئيبه
بموتتك ظهرت نوايا فاطم تلاگي رزايا
▪️〰▪️〰▪️〰▪️〰▪️〰▪️〰
بويه تعلم بالجرى ،، ضلوعي مني مكسره
وانزف دموم الالم
بعدك يطه افجعوني ،، وورا بابي اعصروني
احترت اشكي يا هظم
اشتكي غصب الخلافه ،،لو هجمت اصحاب الجلافه
وعالوجنه دمعاتي دم
اذرف دموع المصيبه
من بعدك اني غريبه
مودة اجر الهدايه فاطم تلاگي رزايا
تمت بعون الله تعالى
خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#النبي_الاكرم
جديد بمناسبة شهادة النبي الاكرم صلى الله عليه وآله قصيدة بعنوان (مأتم الاحزان)
الاملاك بالسمه تنعى تواسي فاطمه الزهره
والعرش هم ينوح اويهمل ادموع كثره
نزلت املاك السمه تنحب وتصيح بالويل
مات النبي يعين الله الزهره وحامي الدخيل
كلمن يصفگ الراح والمدمع من دمه يسيل
ومن بعد النبي ياويل يونون بالحسره
▪️〰▪️〰▪️〰▪️〰▪️〰▪️〰
حط النبي اعله المغتسل علي ويهمل دموع
يغسل والد الزهره ومن الألم محني الضلوع
يا حزن گلبه ولوعته يصيح وينادي بگلب مفجوع
راح النبي يم حسن ويلطم حيل اعله صدره
▪️〰▪️〰▪️〰▪️〰▪️〰▪️〰
لفه بچفانه وظل ينحب وداعة الله يا نبينه
يا رسول الله عگب عينك استوحدونه اعادينه
ريتك تشوف فاطم عگبك تون ثكله وحزينه
ليل نهار تنحب يبويه ولا يفتر ونينها الزهره
▪️〰▪️〰▪️〰▪️〰▪️〰▪️〰
بينه تغدر الاصحاب يا رسول وتحرگ الباب
وثمن تكسير الاصنام تدفعه فاطم والحجاب
لن اجر الموده يا نبي ضلع الزچيه بحقد ينصاب
وتظل ادموم عگبك يا رسول تجري من العتره
▪️〰▪️〰▪️〰▪️〰▪️〰▪️〰
يا رسول الله الصحب فينا ما راعوا الوصيه
راحوا للسقيفه وانت اعله المغتسل بين اديه
نصبوا خليفتهم وهجموا على الدار يا خير البريه
هجموا على الدار وعيون سبطينك تهمل العبره
تمت بعون الله تعالى
خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#النبي_الاكرم
جديد بمناسبة شهادة النبي الاكرم صلى الله عليه وآله قصيدة بعنوان (وداعة الله)
عندما ارادوا دفن رسول الله ص كأني بفاطمه تنادي ولسان حالها
الزهره تنتحب ويلي بدمعه هتينه
ظلمه يا علي عگب ابويه المدينه
يلتشيلون الجنازه ريضوا لي ساعه
خلي اولادي ياعلي تشبع من وداعه
الحسن وحسين كل من فتح باعه
مشابچ عالنبي وداعة الله يا ولينه
▪️〰▪️〰▪️〰▪️〰▪️〰▪️〰
يلتشيلون النعش دوخروا عنه
جيت ويه زينب نريد انودعنه
وعلى نعش الوالي گعدن يندبنه
وبوداعة الله وين الملتقى يا نبينه
▪️〰▪️〰▪️〰▪️〰▪️〰▪️〰
يلتشيلون النبي الهادي للمگابر
ماتسمعون اعليه تنحب هالمنابر
والايتام تظل مكسوره الخواطر
كلمن ينتحب وينوح يالنبي لا تخلينه
▪️〰▪️〰▪️〰▪️〰▪️〰▪️〰
يلتشيعون جنازة والدي بالهون
خل اشبع وداع منه قبلٍ ترحلون
بعده اصحاب السقيفه يهجمون
وباب الوحي عقبه بنار موجرينه
▪️〰▪️〰▪️〰▪️〰▪️〰▪️〰
تمهلوا لا تدفنون الولي بالعجل
گلبي اشتعل نار يا خير العمل
فراگه صعب ودمعي دم انهمل
ادري عگب عينه تجور هالدنيه علينه
تمت بعون الله تعالى
خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#النبي_الاكرم
جديد بمناسبة شهادة خاتم الأنبياء والرسل محمد ابن عبدالله صلى الله عليه وآله قصيدة بعنوان (فاطم حزينه)
فاطمه اليوم محزونه شال واليها
ابوها النبي غادرها والحزن غاطيها
تنادي واتهل الدمع راح النبي الهادي
راح يا حيدر وطاح سوري واعمادي
ظلمه المدينه ياعلي والحزن عم الوادي
واولادي عگب عينه يا علي من يباريها
▪️〰▪️〰▪️〰▪️〰▪️〰▪️〰
يا علي عگب ابويه جارت الدنيا عليه
يا جرح گلبي الماله دوه والدمعه جريه
راح نور المدينه ياعلي وخير البريه
وخلى بگلب فاطم الحسرات تچويها
▪️〰▪️〰▪️〰▪️〰▪️〰▪️〰
فگد الابو ياعلي هظمني وشيب الراس
واستوحدوني بعد عينه يلولي الناس
ادري يهجمون داري ويحرگوها الارجاس
وأنا بالحزن يا علي دمعة عيني اجريها
▪️〰▪️〰▪️〰▪️〰▪️〰▪️〰
گلبي امن الحزن ويلي يون وينوح
اعله خدي من دم أهل الدمع مسفوح
يا علي ذابت عگب ابويه مني الروح
اجهر ونتي نوب يا علي ونوب اخفيها
▪️〰▪️〰▪️〰▪️〰▪️〰▪️〰
من عگب ابويه يا علي شلي بدنيتي
غادرني الفرح ويل وبس اهلن دمعتي
يا هظم گلبي عگب عينه ويا لوعتي
ونهر من دم دمعاتي يا علي اجريها
تمت بعون الله تعالى
خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#الاربعين
جديد بمناسبة أربعين الامام الحسين عليه السلام قصيدة بعنوان (حسين رد عليه)
كأني بزينب لما رجعت الى كربلاء جلست على شفير القبر نادت يا حسين ،،،يا حسين ،،،يا حسين
يا حبيبي ...آنه جيت من اليسر
يا حبيبي ...جيت محنيه الظهر
يا حبيبي .... بيا كتر باب الگبر
▪️〰▪️〰▪️〰▪️〰▪️〰▪️〰
يا حبيبي ...وصلن اطفال وحرم
يا حبيبي ...منهو ينصب للخيم
يا حبيبي ...وينه شيال العلم
▪️〰▪️〰▪️〰▪️〰▪️〰▪️〰
يا حبيبي ....جايبه ويايه الهدايا
يا حبيبي ....حضنت راسك بالعبايه
يا حبيبي ....شكثر لاگينا رزايا
▪️〰▪️〰▪️〰▪️〰▪️〰▪️〰
انا زينب ...وهاي اراضي كربله
انا زينب ...جيت ويه العائله
انا زينب ...وينه بن عقد الوله
▪️〰▪️〰▪️〰▪️〰▪️〰▪️〰
انا زينب......وانت خويه ياحسين
انا زينب.....وهذا يوم الاربعين
انا زينب......گلبي ذاب امن الونين
▪️〰▪️〰▪️〰▪️〰▪️〰▪️〰
انا زينب....جيتك واهمل دموع
انا زينب.....جيت محنيه الضلوع
انا زينب.....گلبي لفراگك يلوع
تمت بعون الله تعالى
خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#الاربعين
جديد بمناسبة أربعين الامام الحسين عليه السلام قصيدة بعنوان (يحسين جيتك)
جلست اعله الگبر زينب تنادي يمذبوح
فك باب الگبر خويه وردلي لهفة الروح
من الناگه للگاع زينب ذبت روحها
تشم تراب الگاع وتصيح وزايد نوحها
يحسين گوم وضمد لأختك جروحها
من فارگيتك يخويه ما خلص مني النوح
▪️〰▪️〰▪️〰▪️〰▪️〰▪️〰
اگعد يخويه اسولف اوياك روحي امرمره
مشيت اوي اعداك غصب وانه امخدره
يحسين خويه ولو تنشدني اعله الجره
بسب وشماته مع السلاب اختك تروح
▪️〰▪️〰▪️〰▪️〰▪️〰▪️〰
يبن امي اعله الگاع من عفتك جديل
وشافت عيوني من كل كتر دمك يسيل
ناديت يا هظم گلبي وسهر ليلي الطويل
عگب عينك يخويه ما تشفى ابد الجروح
▪️〰▪️〰▪️〰▪️〰▪️〰▪️〰
يحسين گوم خويه ارد اسولف اوياك
جافى جفن عيني النوم من عگب عيناك
مرمرني الدهر يحسين خويه ويه يتاماك
الجره اعليهم يخويه عگبك يهدم اصروح
▪️〰▪️〰▪️〰▪️〰▪️〰▪️〰
دمعاتي دمه اهملها وحزامي الصبر
يحسين بموتك رافگت ذباحك باليسر
وبعباتي لفيت اطفالك من سوط الشمر
يا طفل اسكته منهم وطفل ثاني ينوح
تمت بعون الله تعالى
خادمة الزهراء// ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#الاربعين
جديد بمناسبة أربعين الامام الحسين عليه السلام قصيدة بعنوان
(عقب اليسر)
عگب اليسر ...لفيتك...عگب اليسر
گلبي انكسر... نخيتك....گلبي انكسر
تدري اچم مصاب
بنومك عالتراب
گلبي انكسر ........گلبي انكسر
بالهظم زينب من لفت يم اهلها
تنادي بوفاضل يخويه الدمعه تهلها
لو تشوف الخلگ تنشد وين الكلفها
وياك ابهالگبر زينب دفنوا املها
شاف النظر ...سلاب....شاف النظر
ليل السهر...... عطاب....ليل السهر
اتولاني سلاب
بنومك عالتراب
گلبي انكسر.....گلبي انكسر
▪️〰▪️〰▪️〰▪️〰▪️〰▪️〰
أمن اليسر جيت اگعد ياخويه تلگاني
درب الشام لا ما ينوصف زيد احزاني
ضرب وشتم ياخويه وفرح عدواني
وموت الطفله ياباالفضل بالغربه عماني
الطم عالصدر ...وانادي....الطم عالصدر
ما واحد حضر....لولادي..... ما واحد حضر
مني الگلب ذاب
بنومك عالتراب
گلبي انكسر.........گلبي انكسر
▪️〰▪️〰▪️〰▪️〰▪️〰▪️〰
اگعد يامن گلت زينب خويه بذمتي
شرد اسولفلك والحزن فتت مهجتي
زجر وشمر يا خويه گادوها لناگتي
وأصعب عليه بمجلس الطاغي وگفتي
ذل وقهر ....بالشام....ذل وقهر
آه بغدر .....ننضام ....آه بغدر
ياابن داحي الباب
بنومك عالتراب
گلبي انكسر......... گلبي انكسر
▪️〰▪️〰▪️〰▪️〰▪️〰▪️〰
ليتك تعاين حالتي ياابن ام البنين
وكل الأيتام ويايه باحبال مقيدين
وجدامنا ايزيد ينكت بثغر الحسين
بفجر ولؤم يشتم ابونا ذاك اللعين
لينا نظر ...بالحقد....لينا نظر
وين الصبر.... اتنهد...وين الصبر
خويه يبن الاطياب
بنومك عالتراب
گلبي انكسر. .......گلبي انكسر
▪️〰▪️〰▪️〰▪️〰▪️〰▪️〰
وطفله رقيه ماتت يخويه امن الهظم
شكثر عانت تدري وشافت من ظلم
وسوط الشمر يابو فاضل أثر بالعظم
تندب ليلها والنهار عمي راعي الشيم
ظل عالنهر. ..نايم ...ظل عالنهر
دمعي جمر.... ساجم....دمعي جمر
ماتت بين الاغراب
بنومك عالتراب
گلبي انكسر. ..... گلبي انكسر
تمت بعون الله تعالى
خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#الامام_الرضا
جديد بمناسبة شهادة الامام الرضا عليه السلام قصيدة بعنوان (ثامن الحجج)
يعينچ الله يلزچيه ثامن انوارچ يزهره مسموم
في دار غربه وحده يعالج بروحه والگلب مالوم
تعالي يزهره وفي ارض طوس نصبي عزيه
مسموم الرضا يا حيف والخلگ تنحب ابونه شجيه
تعالي يزهره بالعجل وعيني الجواد ابهالرزيه
يغسل والده يا ويل وايهل الدمع مسجوم
▪️〰▪️〰▪️〰▪️〰▪️〰▪️〰
تعالي يم حسن وانسي ضلعچ وسطرة العين
تعالي وجيبي وياچ المصطفى وحيدر ابو الحسنين
ميت برض غربه ثامن نسل من اولادچ الطيبين
ما يمه غير الجواد ابنه وبنار الگلب مضروم
▪️〰▪️〰▪️〰▪️〰▪️〰▪️〰
ثامن اولادچ يزهره بني العباس ما راعوا حرمته
لا راعوا قرابه ودين وبالغدر سموا چبدته
وظل برض غربه على اوليده يسچب دمعته
لفاه الجواد ابنه وضلعه امن الحزن مهشوم
▪️〰▪️〰▪️〰▪️〰▪️〰▪️〰
نوحي على اولادچ يزهره وهلي الدمع من دم
خلصوا اولادچ يا حزينه قتل بالسيف والسم
كل مصايبهم أليمه واليوجع گلبي عاشر امحرم
ما مثله مصاب حسين واويلي على المظلوم
▪️〰▪️〰▪️〰▪️〰▪️〰▪️〰
في أرض غربه الرضا لچن يزهره حصل تغسيل
ما حرگوا اطنابه يزهره ولا سحگت عليه الخيل
ولا مشوا اعياله عگب عينه سبايا اعله المهازيل
ولا اخذوا خواته مچتوفين يزهره بحبل ميشوم
تمت بعون الله تعالى
خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#الاربعين
جديد بمناسبة أربعين الامام الحسين عليه السلام قصيدة بعنوان (گوم وتلگاني)
رجعت من اليسر يحسين گوم وتلگاني
ولو تنشدني احوالي درب الشام أذاني
يخويه من اليسر جيتك محنيه الضلوع
فك باب الگبر يحسين ونشف هالدموع
ولو تنشد عالمتن خويه بالسوط موجوع
درب اليسر يا خويه تدري شكثر بچاني
▪️〰▪️〰▪️〰▪️〰▪️〰▪️〰
اگعد يخويه حسين خل اسولف اوياك
عفتك غصب عني ومشيت بولية اعداك
حياتي صفت ظلمه يحسين عگب عيناك
يريت الموت وياكم يخويه بكربله جاني
▪️〰▪️〰▪️〰▪️〰▪️〰▪️〰
فك باب الگبر خويه ارد انظر الصدرك
شحال المثلث الطلع بوعلي من ظهرك
وجبت الراس خويه انشده وهو يخبرك
شلاگيت وياه يحسين بديوان عدواني
▪️〰▪️〰▪️〰▪️〰▪️〰▪️〰
من فارگيتك خويه لليوم ما جف الدمع
يحسين نار تچويني ظلت بحدر الضلع
على الغبره يحسين من عفتك منصرع
دولبني الوگت اوي چتالك دهري وداني
▪️〰▪️〰▪️〰▪️〰▪️〰▪️〰
بدرب السبي خويه ويه اطفال التنوح
من ينشدوني عنك تنزف دموم الجروح
شگللهم يخويه واگبالهم راسك يلوح
ينظرونه يخويه يهمل اعليهم دمع قاني
تمت بعون الله تعالى
خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#يا_صاحب_الزمان
ندبة للامام صاحب الزمان عجل الله فرجه الشريف قصيدة بعنوان (ينتظر دين المصطفى)
بصوت الفجيعه يابو صالح والدمع منا همول
بغربه عايش دين جدك يمته يلمهدي تصول
ناديتك بدمع اليهل يابو صالح وارتجيت
مهما طال الزمن بيه ما امل وني وبچيت
بضلع فاطم يابو صالح والمصاب اني انتخيت
تنشر العدل ابيمينك يوسف الزهره البتول
▪️〰▪️〰▪️〰▪️〰▪️〰▪️〰
ادعي للباري امامي ايعجل بأمر الظهور
وينتهي عصر الغياب وتنجلي كل الامور
تشفي جروح الرساله وتاخذ بثار النحور
دينك لهسه امامي فروعه تنحب والاصول
▪️〰▪️〰▪️〰▪️〰▪️〰▪️〰
يابو صالح بيه لوعه ونار تسعر بالضلوع
النار هاي يا امامي تزيد وي سيل الدموع
وچم يتيم الينتظر وبالامل وج الشموع
ينتظر هلت جبينك سعده صاباه الافول
▪️〰▪️〰▪️〰▪️〰▪️〰▪️〰
يابو صالح يا مصيبه ليها ابچي وانتحب
جفت عيون المدامع والدرب تاه الدرب
بكسر الضلع ياامامي يقسم اعليك المحب
عجل بثورك يمهدي يشتكي دين الرسول
▪️〰▪️〰▪️〰▪️〰▪️〰▪️〰
تاه درب الحق امامي وخيم اعلينا الظلام
غيم اسود آ يمهدي وابد ما يمطر سلام
يمته تظهر يابو صالح وينجلي هذا الغمام
نقسم بسحگ الصدر الجالت اعليه الخيول
تمت بعون الله تعالى
خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#الامام_الحسن
جديد بمناسبة شهادة الامام الحسن المجتبى عليه السلام قصيدة نخوه بعنوان (كريم البيت اقصدنه)
بگلبك للبقيع اگصد ومن جفنك تهل عبره
نادي بصوت يامسموم وجر حسره بثر حسره
تعنى للبقيع اليوم هل دمعك على المسموم
واسي الزهره بمصابه وفت گلبك على المظلوم
ابو محمد حليف الزود حسافه زيارته محروم
دمع عينك تهله اعليه چنك انت يم گبره
▪️〰▪️〰▪️〰▪️〰▪️〰▪️〰
گله يالحسن مشتاگ ازورك انه يامولاي
انادي ياابو محمد كريم واگصدك رجواي
يمته للبقيع نروح وازورك سيدي مشاي
اشمن حيل بترابك واسلم اعليك بالعبره
▪️〰▪️〰▪️〰▪️〰▪️〰▪️〰
جيتك انتخي انه عليك بچم ضلع مهشوم
عليك بحيدر الكرار المن هامه تسيل ادموم
وضلع امك يبو محمد وخد البالحقد ملطوم
مهموم الگلب جيتك بصدري العبره متكسره
▪️〰▪️〰▪️〰▪️〰▪️〰▪️〰
يبو محمد كريم انت وابد متردها طلابك
جيتك انتخي بدمعه وحاير واگف ابابك
فرج الشده يامولاي عليك بجملة احبابك
بحزن گلب العقيله عليك الشافت چبدك اموذره
▪️〰▪️〰▪️〰▪️〰▪️〰▪️〰
چفك بالكرم معروف ومضيفك فاتح ابوابه
بجسام الولد اقسم الدمه صاير اخضابه
تقضي الحاجه يا مولاي بحزن حسين ومصابه
يوم الجابه للخيمه يويلي ومنحني ظهره
تمت بعون الله تعالى
خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#الامام_الحسن
جديد بمناسبة شهادة الامام الحسن المجتبى عليه السلام قصيدة بعنوان (ريحانة محمد)
طاح الچبد مسموم تالي الگبر مهدوم
ريحانة محمد ريحانة محمد
شبل النبي العدنان القضى العمر آهات
من بعد جده النبي لاگى شكثر شمات
بإذنه الزجيه من سمع ونتها والحسرات
وبعينه شاف المرتضى بسيف الغدر من مات
عاش الزمن مهموم تالي الگبر مهدوم
ريحانة محمد ريحانة محمد
▪️〰▪️〰▪️〰▪️〰▪️〰▪️〰
هذا اول سبط للهادي بسم الچبد ممرود
لجله ينوح الكون ونجم السعد مفگود
اللوح يبجي والعرش علجرى همه اشهود
وجبريل من هل الفاجعه حزنه ابد ميهود
دين الهادي مثلوم تالي الگبر مهدوم
ريحانة محمد ريحانة محمد
▪️〰▪️〰▪️〰▪️〰▪️〰▪️〰
المجتبى يا ناس گلبه شكثر مجروح
حجه هوه اعله الخلگ اسمه انقش باللوح
يبچيله الحسين ادموم ودمعه يظل مسفوح
ما هاد الگلب لحظه لخيه النظر مشبوح
يهل الدمع مسجوم تالي الگبر مهدوم
ريحانة محمد ريحانة محمد
▪️〰▪️〰▪️〰▪️〰▪️〰▪️〰
من عگب كل ذيج المحن عمره خلص بالسم
ويلي اعله المجتبى وچبده بالطشت دم
من بعد كل ذاك الغدر رشگوا نعشه بسهم
والحقد وصل للگبر وتركوه ويلي بس رسم
الزهره تبچيله ادموم تالي الگبر مهدوم
ريحانة محمد ريحانة محمد
▪️〰▪️〰▪️〰▪️〰▪️〰▪️〰
للباري نشكي كل أمر ربي عجل بالظهور
انترست الدنيا ظلم وچم ضلع مكسور
ضلع الزچيه الطاهره و ضلوع الي بعاشور
وچم خيمه احرگوها وروعوا ربات الخدور
عندك خبر معلوم تالي الگبر مهدوم
ريحانة محمد ريحانة محمد
تمت بعون الله تعالى
خادمة الزهراء /ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin