4059
الحجاب انهتك بالباب ومال العرش بالسطره واتخلخل نظام الكون من كسروا ضلع بالزهره اين الطالب بذحول الانبياء وابناء الانبياء
#بضعة_الرسول
جديد بمناسبة شهادة الصديقة الطاهرة فاطمة الزهراء عليها السلام قصيدة بعنوان (روحي ذابت )
روحي ذوبها حزنها
تنادي يا زهره بألمها
من دمه اتهل الدموع
هالمصيبه واشعظمها
يا زهره انحب بالحزن حسراتي بيه
هل مصاب شلون اجرعه ناري سريه
كل حياتي عگبچ صفت ونه شجيه
صورتچ وانتي توني تذبح يلزچيه
يا الم عذبها روحچ
بيدي اتلمس جروحچ
آه من جست الضلوع
بيا دمع گلبي ينوحچ
▪️〰▪️〰▪️〰▪️〰▪️〰▪️〰
فاطمه فگدچ هظمني وگلبي مالوم
مرت ايدي اعله الضلع عشت الهموم
ضاگت بعيني الوسيعه وانزف دموم
انتي يازهرة محمد واكسروها الگوم
عيني ما ينشف دمعها
يا زهرة الدنيا وعطرها
اعليچ الگلب مفجوع
وروحي غادرها سعدها
▪️〰▪️〰▪️〰▪️〰▪️〰▪️〰
حسافه الزمن غادر يابضعة محمد
هجمت الامه علينا والباري يشهد
ما رعت حرمة نبيها البگبره توسد
چم ثار منچ خذت وبعتره تتوعد
صابوا منچ چم ضلع
من دمه بخدچ دمع
بالحقد طفوا شموع
ومحسنچ هم منصرع
▪️〰▪️〰▪️〰▪️〰▪️〰▪️〰
حزني ما اگدر اوصفه تدري يزهره
مرت ايدي اعالضلوع زادت الحسره
وعلى عيونچ اثر باقي من السطره
يا صبر حيدر على امصابچ يصبره
وانتي كلشي بدنيتي
اوياچ راحت بسمتي
گلبي ما يعرف هجوع
عظمه حيل امصيبتي
▪️〰▪️〰▪️〰▪️〰▪️〰▪️〰
بالگبر بيدي دفنتچ ومحد بيه عالم
حيدر انه تشاهديني ودمعي ساجم
افراگچ العذبها روحي وصبري لازم
عالگبر واگف انتحب فگدچ يفاطم
البير اكلمه بحسرتي
وين زهرة دنيتي
نار تچويها الضلوع
بيدي دافن زهرتي
تمت بعون الله تعالى
✍🏻 خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
✍꒷꒥꒷꒷꒥꒷꒷꒥꒷
#قصيدة_للأم_بعنوان
بعدأمي من يدگ بابي
〰️〰️〰️〰️〰️〰️
*عقب أمي الحنينه من يدگ بابي*
*من أعتب بعد من يسمع اعتابي*
〰️〰️〰️〰️〰️〰️
عگب امي الحنينه وين الگه عافيتي
راحت الراحه مني واظلم صفه بيتي
خيمتنا شيعودها مخنوگ الهوه بريتي
من غربت عني الوالده شكبره عذابي
〰🕊〰🕊〰🕊〰️
〰️〰️〰️〰️〰️〰️〰️
وين الگه مثل امي الحنينه وين
فرگنا الزمن يمه وابگيت ابلا معين
ويل الدفو راح وي عشرة الطيبين
وبعد الوالده الدمع جرّح اهدابي
〰🕊〰🕊〰🕊〰️
〰️〰️〰️〰️〰️〰️〰️
كلمة اليمه راحت وراح وياها الحنان
يادفو حضنها من تلمنه بهذا المچان
وينچ يايمه اصيح غدر بيه الزمان
ضيعني زماني عگبچ وضيع احبابي
〰️🕊〰️🕊〰️🕊〰️
〰️〰️〰️〰️〰️〰️〰️
وين الحنينه الچانت تعطف علينه
راحت للگبر حيف وعگبها اتمرمرينه
ما يكفي الحزن والنوح من دم بچينه
عگب امي ياريت هالوا عليه اترابي
〰️🕊〰️🕊〰️🕊〰️
〰️〰️〰️〰️〰️〰️〰️
مالگيت مثل عطفچ وحنيتچ ييمه
الكل سد بابه وبعدچ ضاعت اللمه
ياحزن گلبي عگبچ ييمه وكثر همه
خان الدهر يمه وغدروني اصحابي
〰️🕊〰️🕊〰️🕊〰️
〰️〰️〰️〰️〰️〰️〰️
تمت بإقلام خادمات الزهراءعليها السلام
┓━━ـ┄♡✶♧✶♡┄ـ━━┏♡☆♤☆♡
✍الشاعرة *زينب راضي الزيني*
✍خادمة الزهراء *ليلى زغيب*
┛━━ـ┄♡✶♧✶♡┄ـ━━┗الجمعه المصادف ٢٣جمادى الأولى/١٤٤٥هجرية
#لانجيز شرعاً التلاعب بالكلمات أو تغيرها او حذف اسم الشاعرات منها.
#آماه_يازهراء_اسنديني
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#بضعة_الرسول
جديد بمناسبة شهادة الصديقة الطاهرة فاطمة الزهراء عليها السلام
لا تنشدون شلون الكسر صار
بيوم اللعين بالباب شب النار
ما رعى حرمه ابد للنبي المختار
وخله دمع اولادها عالوجنه نثار
▪️〰▪️〰▪️〰▪️〰▪️〰▪️〰
لا تنشدون ليش بصدرها مسمار
اللعين يدري بالزهره بنت الاطهار
وحب يترك ابوسط الضلع تذكار
يبچي بيه عيون السمه دمه نثار
▪️〰▪️〰▪️〰▪️〰▪️〰▪️〰
بالسمه مآتم اعليها بنت النبي صار
تلطم اعليها الملايك ويندب المختار
وكلهم ينادوا بصوت يا علي الكرار
ترد الوديعه اشلون وبالصدر بسمار
▪️〰▪️〰▪️〰▪️〰▪️〰▪️〰
لا تنشدون الگبر وين بيا مكان
حيدر دفن ويل بضلوعه الجنان
ونادى بصوت آه يالنبي العدنان
اتلگاها الوديعه وبالصدر نيشان
تمت بأقلام خادمات الزهراء عليها السلام
الشاعرة زينب الزيني
خادمة الزهراء// ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#بضعة_الرسول
بمناسبة شهادة الصديقة الطاهرة فاطمة الزهراء عليها السلام
لهفي لها الزهراء قد هتكت استارها
لهفي لها مذ لاذت تحتمي بجدارها
لهفي لها تصون عن النظار خمارها
لهفي لها وقد بات بالصدر مسمارها
لهفي لها مذ عاينت ترويع صغارها
لهفي لها قد سرت نار حقدٍ بأكتارها
يا ويلهم لما حاولوا اخفاء اسرارها
تمت بعون الله تعالى
✍🏻 خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#بضعة_الرسول
جديد بمناسبة شهادة الصديقة الطاهرة فاطمة الزهراء عليها السلام قصيدة بعنوان (بمن العزاء)
رحتي يزهره وللهظم عگبچ انه عفتيني
بيمن اسلي الروح يزهره بالله اتخبريني
يازهره انا المرتضى انحب عمري بعبره
بفراگچ يزهره الگلب ناح بي الف حسره
ظلمه حياتي ابدونچ هل صفت كلها مره
ينور الكون انتي وانطفى وضاعت سنيني
▪️〰▪️〰▪️〰▪️〰▪️〰▪️〰
فگدچ يا زهرة حياتي خلف اچم جرح
كل جرح ابچيله دم آه يا وجه الصبح
عيني ما تعرف تنام چن رشوا اعليها ملح
وبالدمع انظر الدارچ اواسيها وتواسيني
▪️〰▪️〰▪️〰▪️〰▪️〰▪️〰
بالدمعه زينب تعاتبها الدارچ لو تسمعيها
گلبي ذاب امن الحزن وانه اسمع حچيها
تگلها يا دار الزچيه اشلون بابچ يأذيها
وانه اسمع هالحچي يرتفع لجله ونيني
▪️〰▪️〰▪️〰▪️〰▪️〰▪️〰
آه يا زهرة حياتي والامانه امن الرسول
يا دمع يكفي المصيبه لجل ضلعچ يلبتول
انه حيدر من مصابچ عمري صاباه الافول
يا حياة الي اعيش وعالگبر مشبوحه عيني
▪️〰▪️〰▪️〰▪️〰▪️〰▪️〰
بموتتچ ركني تهدم يم حسن من المصاب
الحسره تگتلني يزهره من أشاهد انه باب
بروحي مسمارچ اشوفه بعد ما ينفع عتاب
عالگبر جالس انوحچ وادري انچ تسمعيني
تمت بعون الله تعالى
✍🏻 خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#بضعة_الرسول
جديد بمناسبة شهادة الصديقة الطاهرة فاطمة الزهراء عليها السلام قصيدة بعنوان (ماتت زهرة الكون)
ايعينك الله يا ولينه
ماتت البضعه الامينه
بالحزن زينب تنادي
بويه يا وصي الهادي
يا علي ذايب افادي
ضلع امي امهشيمينه
▪️〰▪️〰▪️〰▪️〰▪️〰▪️〰
ماتت الزهره يحيدر
والضلع بويه تكسر
دمعي بالحسره تحدر
متن امي امورمينه
▪️〰▪️〰▪️〰▪️〰▪️〰▪️〰
شفت بسمار الرزيه
نبت بضلوع الزچيه
ونتي ونه شجيه
گلبي بويه امجرحينه
▪️〰▪️〰▪️〰▪️〰▪️〰▪️〰
شفت محسن من وگع
گلبي يا بويه انشلع
بالبچي صوتي ارتفع
خويه ليش امعفرينيه
▪️〰▪️〰▪️〰▪️〰▪️〰▪️〰
عيني تهمل مو دمع
دمه تهمل عالضلع
روحي ذابت چالشمع
من جرح امي الحنينه
▪️〰▪️〰▪️〰▪️〰▪️〰▪️〰
بگلبي يا بويه الجرح
رشوا بعيني الملح
وانخسف ضي الصبح
واصبحت ظلمه المدينه
تمت بعون الله تعالى
✍🏻 خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
انتِ ملايه ومحتاره بالمجالس شتقرين
تعالي هاي القناة تفيدج
قناة منوعة لمجموعة من الشعراء والشاعرات
هالقناة احسبوها حقيبتكم بالمجلس ولا تخسروها اشتركو عبر الرابط 👇🏻👇🏻👇🏻👇🏻
/channel/amAli30
/channel/amAli30
للملايات اليبحثون عن قصائد
شاعرة متألقه بقصائدها الحزينه
اطوارها جنوبية 👌👌
قناة الشاعره ام حيدر الحلفي المتالقه
انصحكم تشتركون بالقناة
👇🏻👇🏻👇🏻👇🏻👇🏻👇🏻
/channel/AmHadeerAlhlfi
/channel/AmHadeerAlhlfi
🛑حاله طارئة
الطفل اليتيم محمد
مصاب بنقص الفقرات وهذا يسبب عدم التحكم بالادرار والخروج
ويرتدي الحفاضات الى هذا العمر
اليتيم تستغيث بكم
انا وانتم والتجارة مع الله
لا تقصروا بالتبرع والمشاركة
1️⃣ تحويل الرصيد
0773 620 3493
2️⃣ الزين كاش
0783 012 0051
3️⃣ ماستر كارد الرافدين
71109561615556960014088969
5️⃣ للويسترن او المنكَرام والحوالات الخارجية والداخلية التواصل عبر واتساب 0773 620 3493
او التواصل عبر حسابنا في الفيسبوك
#صاحب_الزمان
جديد ندبة للامام المهدي المنتظر عجل الله فرجه الشريف قصيدة بعنوان (دمعي صرخ)
طالت غيبتك مولاي واشكثر دمعات صبينه
على دروب العشگ همنا ننتظر طلتك علينه
على دربك يابو صالح انثرنا أچم حلم تدري
ييوسف چم الك يعقوب يناديك بدمع يجري
طالت غيبتك مولاي وبالضلع نار الهجر تسري
امتلت هاي الأرض جور يلمهدي ومن دم بچينه
▪️〰▪️〰▪️〰▪️〰▪️〰▪️〰
من دم بچت كل عين ودوم تذكر للمصاب
من باب امك يمهدي انفتحت ابواب العذاب
مات مولاي الفرح بالدمع كل يوم نرسل عتاب
يمته تشرق شمس هالكون وتزيل الحزن بينه
▪️〰▪️〰▪️〰▪️〰▪️〰▪️〰
اچم جرح مولاي بينه وكل جرح ينزف قهر
يا مصاب الي نذكره ومن دمه دمع الصبر
من سيئ الاسوء صفينه ومال ويانه الدهر
ما نشوف الدرب صرنه يمته يلمهدي تجينه
▪️〰▪️〰▪️〰▪️〰▪️〰▪️〰
كل مصاب الي نذكره يحني مولاي الضلوع
ننتظر هلت جبينك ونشعل بدربك شموع
بزادنا والشرب عايش ويه سچبات الدموع
بالندبه من نقره امامي نذكر الفضخوا جبينه
▪️〰▪️〰▪️〰▪️〰▪️〰▪️〰
يا بو صالح من غيابك كل فرح تدري ودعنه
الحسره تگتل من نذكرك يمته تظهر يا املنه
العيشه كلها بس عذاب چايمته يتجمع شملنه
وخلفك نصلي امامي وتمسح الدمعه الهتينه
تمت بعون الله تعالى
✍🏻 خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
أنتي ملايه ؟؟🎤🎤🎤
تعالي وياي لقناة الشاعرة المتألقه ام عراق الشمري بصرة
صاحبة ديوان الراية الخضراء وفي كل حرف بحر من حزن وشجن ربي يوفقها
قلمها ينزف بدل الحبر دم لكثرة مفرداتها الشجيه الحزينه
اشتركو عبر الرابط 👇🏻👇🏻👇🏻
/channel/kEc5VGVP81k2Nzgy
/channel/kEc5VGVP81k2Nzgy
#بضعة_الرسول
جديد بمناسبة شهادة الصديقة الطاهرة فاطمة الزهراء عليها السلام قصيدة بعنوان (حان الوداع)
ليلة وداع الحبيبه
زينب وامها النجيبه
تسچب دموع المصيبه
شحاله المفارگ حبيبه
ليلة وداع الحبيبه
يمه زينب يمه ليه اتقربي حان الوداع
ارد اوصيچ بوصايا قبل ما اخلص نزاع
ادري هضمك بعد عيني ما تحمله يمه گاع
ادري يمه يهيج حزنچ لو تنذكر الاضلاع
الوصيه مني اسمعيها
كون بالطفوف تنفذيها
يمه لو شفتي الحسين
منه قبلي الودجين
قبل ما تبقي غريبه
▪️〰▪️〰▪️〰▪️〰▪️〰▪️〰
تقربي مني يزينب يمه انتي يالوديعه
هونچ يزينب لا تلچميها اضلوعي وجيعه
ارد اشمچ يمه ادري ضاقت اعليچ الوسيعه
تذكري موادعنا هذا يوم التشوفي الفجيعه
من تشوفين الغريب
من دمه نحره خضيب
نادي يايمه الزچيه
بساع اجيچ الغاضريه
انظر بعيني المصيبه
▪️〰▪️〰▪️〰▪️〰▪️〰▪️〰
دنت زينب من ضلعها وگامت بونه تشمه
تگلها ضلعچ ياالزچيه رايده بصدري اضمه
خاف اعله ضلعچ يالحنينه من الهوا لو يلچمه
ومسمار بابچ ييمه للحشر شايلها آثار الدمه
لوعاني باب بيتچ
المنه صارت منيتچ
ريته بضلوعي نشب
ولا شوف دمچ يصب
وقلبي يتوجر لهيبه
▪️〰▪️〰▪️〰▪️〰▪️〰▪️〰
حضنت البضعه بنتها وبالنحر قامت تشمها
تگلها يمه ياالعقيله هالامانه عندچ اضمها
لو نظرتي احسين اخوچ حاير الدمعه يهلها
ودعي اوليدي نيابه و الامانه يستلمها
شمي لحسين النحر
و قلبي عني الصدر
موضع اسيوف وحوافر
منظره يدمي النواظر
وانتي يايمه سليبه
تمت بعون الله تعالى
خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#يا_صاحب_الزمان
يا بو صالح ...گلبي شمعه ذابت بدربك حنين
يا بو صالح ....بالندبه من اقره يبدي الونين
يا بو صالح ....يا مصاب الاذكره تدمع العين
يا بو صالح ....من الزهره ابدي وانهي بحسين
▪️〰▪️〰▪️〰▪️〰▪️〰▪️〰
يا حبيبي ....بالدرب عمري طشيته بس انوح
يا حبيبي ....اذكر امك يمهدي المدمع سفوح
يا حبيبي ....وطاري المحرم آه يفتح جروح
يا حبيبي ....الذكريات هواي مني ذابت الروح
▪️〰▪️〰▪️〰▪️〰▪️〰▪️〰
بيه تدري ....دوم انحب آه من كسر الضلوع
بيه تدري ....ذبت بغيابك سيدي مثل الشموع
بيه تدري ....نار تسري لو ينذكر حرگ الجذوع
بيه تدري ....دمه اهمل للمصاب ويه الدموع
#اللــہـم_عجــل_لـولیڪ_الفــرج
تمت بعون الله تعالى
✍🏻 خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#بضعة_الرسول
جديد بمناسبة شهادة سيدة نساء العالمين فاطمة الزهراء عليها السلام قصيدة بعنوان ( اظلم الكون )
گلبي من الحزن يزهره تفطر و ذاب
كلما اصد بعيوني يمه وانظر الباب
غيبتچ يا يمه صعبه لا ما تنحمل
من اصد الحجرتچ دموعي تنهمل
اذكر طيحتچ ورا الباب وي الحمل
گلبي يوج جمر يا يمه امن المصاب
▪️〰▪️〰▪️〰▪️〰▪️〰▪️〰
طحتي بعتبة الباب مكسوره الضلع
يحنينه الجرح مثل عيوني يهل دمع
وگلبي لمصابچ يا يمه يون ومنفجع
حياتي وسنين العمر من بعدچ عذاب
▪️〰▪️〰▪️〰▪️〰▪️〰▪️〰
دمعاتي تحفر بالوجن يمه لمصابچ
ليليه احچي بالدمع واعتابه لبابچ
گلبي احترگ يالزهره على اغيابچ
اصفن ابابچ والعتب والدمع سچاب
▪️〰▪️〰▪️〰▪️〰▪️〰▪️〰
للحزن بعدچ يايمه والهموم عفتيني
زغيرة عمر يايمه بمصابچ فجعتيني
بين حجرتچ والباب تهمل دمع عيني
وجمر امصيبتچ وسط الحشا لهاب
▪️〰▪️〰▪️〰▪️〰▪️〰▪️〰
ذبت بغيابچ يم حسن مثل الشموع
يمه يا يمه باللطم كسرت الضلوع
اثر صفع خدچ ييمه بگلبي مطبوع
بعدچ يلحنينه اتشتت شمل الاحباب
تمت بعون الله تعالى
✍🏻 خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
انتي ملايه تعالي معي اخذج لقناة بكل حرف دمعة وحزن وشجن
قلم جنوبي راقي تألقت به الشاعرة المبدعه ام زهراء الفاطميه الميسانيه
هذا مو فقط اعلان مثل باقي الأعلانات وانما اعلان من وسط حروف الشعر الحزين
اشتركو بالقناة وشاهدو القصائد
👇🏻👇🏻👇🏻👇🏻👇🏻
/channel/AAAAAFCTP6mH2egqJ1qA
#بضعة_الرسول
جديد بمناسبة شهادة الصديقة الطاهرة فاطمة الزهراء عليها السلام قصيدة بعنوان (نواسي المرتضى)
يشيعه بالعجل گوموا نواسي حيدر الكرار
منهدم ركنه اعله فاطم ويهل الدمع مدرار
گوموا بالعجل يله وچادر للعزه نصبوه
حيدر جليس الدار ينوح وينتحب واسوه
هلوا المدامع عالوجن وحيل الصدر لطموه
يا هي مصيبه حلت اعليه من الحزن محتار
▪️〰▪️〰▪️〰▪️〰▪️〰▪️〰
گوموا نگصد للمدينه علي بداره مع الأيتام
من كثر الحزن يا ويل منحني ظهره الامام
يم باب الرزيه ينوح وايهل الدمع سچام
ينادي يزهره ابابچ ظل النه چم تذكار
▪️〰▪️〰▪️〰▪️〰▪️〰▪️〰
گوموا بالله يشيعه بدار الولي حلت مصيبه
اولاده بالحزن تنحب فگدوا الزهره الحبيبه
وحيدر ظل حاير بأمره يكفكف دموع السچيبه
بحضنه اخذ اولاده ويمسح على روس الزغار
▪️〰▪️〰▪️〰▪️〰▪️〰▪️〰
يا حزن گلبه ولوعته وزينب نادته بدمعه
امي راحت يا علي وظل بيتنا ابليه شمعه
وين مثل امنا نلاگي وظلت بالحزن تنعه
راحت امنا الحنينه واظلم يبويه الدار
▪️〰▪️〰▪️〰▪️〰▪️〰▪️〰
متعوب گلبه امن الحزن بالهم حيدر ينادي
رحيلچ يم حسن جدد مصاب النبي الهادي
بفگدچ عگب فگده يزهره شيسكت اولادي
فگدچ صعب يازهره وج وسط الضلوع النار
تمت بعون الله تعالى
✍🏻 خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#يا_صاحب_الزمان
جديد ندبة للامام المهدي المنتظر عجل الله فرجه الشريف قصيدة بعنوان (مولاي احضر)
انخاك نخوه سيدي يا غايب احضر
بحگ الضلع والمصاب وخد التسطر
انخاك مهدينا العجل واگليبي مالوم
اقسم عليك بفاطمه وابسيل الدموم
اجيتك سيدي حاير من كثر الهموم
بحگ فاطمه والصواب ودمع التحدر
▪️〰▪️〰▪️〰▪️〰▪️〰▪️〰
محتار بامري سيدي يا مهدي انحب
اقسم عليك بمحسنها البالدم تخضب
بسيل الدمه انه انتخي جمراتي تلهب
يا مهدي واقسم اعليك بضلع التكسر
▪️〰▪️〰▪️〰▪️〰▪️〰▪️〰
همومي كثيره وما عندي حد اشتكيله
يا مهدي تحضر انخاك بحق العقيله
الناحت يزهره عفتيني المدمع تسيله
مولاي تحضرني بعجل يا ابن حيدر
▪️〰▪️〰▪️〰▪️〰▪️〰▪️〰
جار الزمن يا مولاي يمته تجينه
اقسم عليك بفاطمه وحيدر ولينه
من المصايب سيدي من دم بچينه
بحگ الذي على فاطم بالهم تحسر
▪️〰▪️〰▪️〰▪️〰▪️〰▪️〰
مولاي جيتك انتحب وابحگ الحسين
اقسم اعليك بمحنته ومگطوع اليدين
تحضر محبك سيدي ابمنازع البين
بحگ السبط على اعضيده لمن تخوصر
تمت بعون الله تعالى
✍🏻 خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#بضعة_الرسول
ولو تنشدون بيا حقد هجموا عليها
هاي الزچيه وكل اسرار الكون بيها
ولهذا السبب كسروا چم ضلع ليها
ضلع بالباب وبعاشور چملت مآسيها
خادمة الزهراء// ليلى زغيب
#يااااازهراء
عظم الله لكم الاجر بمناسبة شهادة الصديقة الطاهرة فاطمة الزهراء عليها السلام
ايعينك الله بالگبر لمن شفتهه
ياصبر عندك دگلي يوم ادفنتهه
شحال گلبك يا علي لمن عفتهه
ورديت دارك والدمع يهمل دمه
#عظم_الله_اجوركم_بهذا_المصاب_الجلل_ياصاحب_الزمان
#ليالي_الفاطميه
ماتت الليله الزچيه
آه يا عظم الرزيه
مأجور ياحيدر علي
زهرتك ماتت يحيدر غفله ضيعها الزمن
اثمنطعش ورده عمرها آه يا ام الحسن
ضلع مكسور وقهر عيون بالسطره انعمن
اشلون حالك من شفتها حيلك وروحك هون
يعينك الله عل مصاب
روحك ادفنت بتراب
مأجور ياحيدر علي
🏴🏴🏴🏴🏴🏴🏴🏴🏴🏴🏴🏴
روحك شگالت يحيدر يوم غسلت الزچيه
من جست بيدك ضلعها سالت دموعك جريه
ضلع مكسور بصدرها وعين مسطوره وطفيه
آه يا زهرة حياتك لاگت انواع البليه
طاحت وضلع انكسر
وسفه والخد انسطر
مأجور ياحيدر علي
🏴🏴🏴🏴🏴🏴🏴🏴🏴🏴🏴🏴
قالع الباب بيمينك تنوح من شفت الضلع
معقوله هذي البتول اشلون صارت هالوضع
عين طفتها الخيانه وعالصدر باب اندفع
عفت تغسيل البتول وتنزف عيونك دمع
تنزف آهات وجروح
عافتك زهرة الروح
مأجور ياحيدر علي
🏴🏴🏴🏴🏴🏴🏴🏴🏴🏴🏴🏴
اشلون حالك من شلتها ورحت بيها للگبر
شلت روحك بين ايديك لو شلت أعظم صبر
بيدك ادفنت الحياة ورجعت تنزف قهر
يعينك الله عالمصاب من شفت ام الخدر
يابويه زينب نادتك
ادفنت بيدك بسمتك
مأجور ياحيدر علي
✍🏻 خادمة الزهراء // ليلى زغيب
#بضعة_الرسول
جديد بمناسبة شهادة الصديقة الطاهرة فاطمة الزهراء عليها السلام قصيدة بعنوان (حزني يا زهراء)
حزني متشيله الگاع من اذكر امصاب الزهره
يا الم يلبس روحي ويا دمعه تنزل حسره
روحي يم حسن ذابت من كثر ماهي تنوح
ازغيرة عمر يا يمه وبعيني الحلم مذبوح
من انظر العتبه ييمه اگبالي تتراوى الجروح
يا جرح منهم اعوفه ويا جرح بس الاذكره
▪️〰▪️〰▪️〰▪️〰▪️〰▪️〰
ظلمه دنيتي يايمه وياهو اليرجعلي ضواها
من اذكر مصابچ يمه يطبگ الغيم بسماها
عيوني تظل عالباب وروحي الحزن سلاها
اذكر اضلوعچ ييمه وعلى عيونچ اثر سطره
▪️〰▪️〰▪️〰▪️〰▪️〰▪️〰
راح الدفو وياچ يمه وراحت اوياچ الاماني
چم حلم مذبوح شفته ومثلچ يغدرني زماني
الصفع خدچ يم حسن بطف كربله ايتولاني
بطيحتچ عالباب تدري بچم طيحه طاحت العتره
▪️〰▪️〰▪️〰▪️〰▪️〰▪️〰
من طيحتچ يا يمه اسهام وصلت لأحبابچ
تبدي المصايب يزهره من يوم حرگوا بابچ
بچوا عيوني دمه يمه بساعة الهتگوا حجابچ
وبدت صفحات الحزن تتسجل عبره بثر عبره
▪️〰▪️〰▪️〰▪️〰▪️〰▪️〰
انطفه نور البيت يا يمه وعگبچ ظلمه دنياي
روحي من الحزن ناحت ومختنگ كلش هواي
من هسه گمت اشم ريحة العطاب بطرف ارداي
وچني اشوف كل اهلي وعزوتي اگبالي متوذره
تمت بعون الله تعالى
✍🏻 خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#عقيلة_الكرار
بمناسبة ولادة الكوكب الدري الحوراء زينب
اشرق في المدينة نور للخلق محض كمال
للكرار وفاطم ازهر وبوصفه حار كل مقال
هي قصة بالوصف تحاكي راسيات الجبال
اضفى الإله عليها بسره المكنون كل جمال
هي الحوراء زينب من بها للمعالي كل مثال
هي روح فاطمة وريحانها تنمى لخير آل
هي نفحة من حيدر ينتمي لها كل جلال
اكرم بها من لبوة زين بها حصن المعالي
وقبل البدء بذكرها فاك عطره بذكر الال
تمت بعون الله تعالى
✍🏻 خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
انتي ملايه وتحبين لطم جنوبي لطم حار تعالي وياي
اليوم نورس الحلفي فاتحتلكم قناتها ونزلت الكم قصائد حماسيه حاره تخليج انتي والمعزيات بنص الميدان
والحلو قصائدها بالحسچه الشعبيه المرغوبه
تعالي وراي خلي نشترك بالقناة
ونقره قصيده قصيده وندعيلها بالتوفيق
الأشتراااك من هنا 👇🏻👇🏻👇🏻
/channel/nawrasalhalfy
/channel/nawrasalhalfy
ايام قليله على استشهاد الزهراء
تم تنزيل قصائد للزهراء عليها السلام
المبدعه الشاعره ام علي الحلفي تستضيفكم بقناتها وتوفرلكم اروع القصائد
لتنسون اشتركو من هنا عبر الرابط
👇🏻👇🏻👇🏻👇🏻👇🏻
/channel/Om_Abeha
/channel/Om_Abeha
#بضعة_الرسول
جديد بمناسبة شهادة السيدة الزهراء عليها السلام قصيدة بعنوان (يا باب اشلون)
سولف يا باب الزهره
واحچيلي عن العصره
وشگالت روحه الطه
سولف يا باب الزهره
احچيلي يا باب اشلون من دفعوك اعليها القوم
وگفت يمك بضعة طه وتشكي ياباب الهموم
وصدر الزهره ابسمارك بالهم منه تسيل ادموم
يا باب اشلون الصار اتوصفه واتشرحه ابهاليوم
تدري يحجاب الهتكوه
ويا ضلع بيك الطگوه
يا سوط البضعه جاهه
سولف يا باب الزهره
▪️〰▪️〰▪️〰▪️〰▪️〰▪️〰
شگالت اضلوع البضعه وبسمارك نابت بيها
يا آه الطلعت منها ويا صرخة حزن تبديها
گلي شعندك من اخبار يا باب الزهره ارويها
روحي امن الهظم شابت من سمعت بطاريها
يذبحني حچيك يا باب
ودمها السايل بالاعتاب
بعيوني مصاب الاذاهه
سولف يا باب الزهره
▪️〰▪️〰▪️〰▪️〰▪️〰▪️〰
انه المهدي يمك واگف يا باب الزهره حاچيني
عيوني امن البچي راحت ويمك طالت اسنيني
المهجه ذابت آيالباب بنوحي وآهي واونيني
انظرلك واذكر مسمارك ياباب وناري تچويني
يباب وروحي تبچيها
بالحسره ودمعه تنعيها
البسمار بحقد اتعناها
سولف يا باب الزهره
▪️〰▪️〰▪️〰▪️〰▪️〰▪️〰
روحي تنحب يا ويل من يجي طاري الضلع
اهمل دمه يا باب امي واذكر الخدها منصفع
اثمنطعش عمر الورد وحسره ذابت چالشمع
گلي يا باب المصايب هم بعد يكفي الدمع
يا باب ما يكفي الحچي
على حزام صبري اتچي
ولو ابچي دم ما انساها
سولف يا باب الزهره
▪️〰▪️〰▪️〰▪️〰▪️〰▪️〰
هاي البضعه وأم العتره مكلف يمصاب الزهره
ضلع امي بروحي ساكن وانحبله بآه وحسره
اخبارك تذبح يا باب صدر الزهره بحقد اتعصره
حچيك عذبها الروحي ودموعي تهمل حمره
بعيوني ظل المسمار
والعتبه وي باب الدار
للباري ترفع شكواها
سولف يا باب الزهره
تمت بعون الله تعالى
✍🏻 خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
ياعيني شابه وشاعره هنيئًا لها على هذا التوفيق ماشاء الله على قصائدها تحرك القلب كلها حزن وشجن لاتنسون تدعولها بالتوفيق بدراستها وخدمتها
صاحبة ديوان النفس المطمئنة
وديوان ياقوت الامامه
خطت بقلمها حزن اجدادها
العلويه فاطمة الحسيني
👇🏻👇🏻👇🏻👇🏻👇🏻من هنا الأشتراك
/channel/mhdwehuc
/channel/mhdwehuc
#بضعة_الرسول
جديد بمناسبة شهادة الصديقة الطاهرة فاطمة الزهراء عليها السلام قصيدة بعنوان (حلم عندي)
حلم ويداعب جنوني
اشوف الحضره بعيوني
المأتم انصبه اعليها
الزهره تنادي هضموني
حلم ويمته يتحقق بروضتها نحط مأتم
نلطم عالصدر وانوح ليش اضلوع تتهشم
الزهره وبضعة الهادي بسطره خدها يتوسم
شعدها اعذار هالامه على دار الوحي تهجم
انادي والقلب مجروح
للزهره افت الروح
تنادي القوم هضموني
بغياب الهادي فجعوني
▪️〰▪️〰▪️〰▪️〰▪️〰▪️〰
يامهدي عجل بثورك واجبر چم ضلع مكسور
تعنالي لباب الدار البحقد الامه ظل مسجور
جنيني ظل على الاعتاب يناديك بقلب مفطور
يمهدي عجل برايه املنا بيك يا منصور
جنين اتوسد الغبرى
مو چنه ضنى الزهره
برحم امي تولوني
يمهدي القوم قتلوني
▪️〰▪️〰▪️〰▪️〰▪️〰▪️〰
فاطم بضعة الهادي تون وتنادي يالمختار
بعد عينك تولوني بصدري ناشب البسمار
حيدر بالصبر ينظر اليه وبس يهل اعبار
تچتف بالحبل بويه مو چنه الوصي الكرار
يناظرني بجفن مدمي
يهل عبراته ظل يمي
بوصية الهادي چتفوني
واوصيه انا نكروني
▪️〰▪️〰▪️〰▪️〰▪️〰▪️〰
تنادي فاطم بحسره يابويه اضلوعي متكسره
هتكوا بويه كل احجاب بداري النار متوجره
اصحابك علي هجمت وتوسم خدي بالسطره
اجيتك يا رسول الله يبويه وعيني محمره
اجيتك يالنبي الهادي
اجيت ونار بفادي
بعدك بويه فجعوني
بوسط داري تعنوني
▪️〰▪️〰▪️〰▪️〰▪️〰▪️〰
نسمه ابابك أنصابت يابويه وصدرها انعاب
طلعوا ثار للاصنام يابويه ألف طلاب
الدنيا تحولت بعدك بعد ماصوباني الباب
گطعت بينه هالامه واصبحنا يبويه اغراب
بنتك بويه هضموها
وبكل حقد يلفوها
صحابه ومايعرفوني!
عرفوا بس يعادوني
تمت بعون الله تعالى
خادمة الزهراء // ليلى زغيب
بمشاركة الشاعر محمد النوري
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#بضعة_الرسول
جديد بمناسبة شهادة فاطمة الزهراء عليها السلام قصيدة بعنوان (دمعي سچاب)
عيني عالباب ييمه عيني عالباب
دمعي سچاب ييمه دمعي سچاب
من مصابچ جمره
عيوني ظلت حمره
دمعي سچاب ييمه دمعي سچاب
مو دمع يمه لمصابچ اهمل دموم
الزمن غادر ابابچ خلف اهموم
من اصد أنا الحجرتچ گلبي مالوم
عيوني من الحزن ظلت فاگده النوم
الگلب يمه شيجبره
عيوني ظلت حمره
دمعي سچاب ييمه دمعي سچاب
▪️〰▪️〰▪️〰▪️〰▪️〰▪️〰
يمه يالزهره ترى مصابچ فجعني
انتحب بالويل واگليبي لچمني
الزمن يم الحسن غادر من لزمني
الصوبه الصدرچ ييمه هم سلبني
بريتي النفس حسره
عيوني ظلت حمره
دمعي سچاب ييمه دمعي سچاب
▪️〰▪️〰▪️〰▪️〰▪️〰▪️〰
اخواني عگبچ ريت تشوفيهم اشلون
بنوح ضجو من حزنهم يمي يبچون
يا حسره بيهم لمن ابابچ يمرون
مو دمع يبچون يمه نزفو اعيون
هالجرح ما يبره
عيوني ظلت حمره
دمعي سچاب ييمه دمعي سچاب
▪️〰▪️〰▪️〰▪️〰▪️〰▪️〰
يا حسافه البين يا يمه تعناچ
راحت أيام الدفو يالزهره وياچ
حسره ظلت بيه يمه ابچي وانعاچ
اشلون اعيشن عمري يا يمه بلياچ
بنارچ المتوجره
عيوني ظلت حمره
دمعي سچاب ييمه دمعي سچاب
▪️〰▪️〰▪️〰▪️〰▪️〰▪️〰
جمرة امصابچ ييمه تشعل اضلوع
اصبحت ايامي ظلمه بحرگ الجذوع
من دمه عگبچ ييمه اهمل ادموع
بحجرتچ يمه انحب واشعل شموع
ومحزن علي دهره
عيوني ظلت حمره
دمعي سچاب ييمه دمعي سچاب
تمت بعون الله تعالى
✍🏻 خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#يا_صاحب_الزمان
جديد ندبة للامام المهدي المنتظر عجل الله فرجه الشريف قصيدة بعنوان (كل لحظه ننحب)
كل لحظه نصيح الثار
يغايبنه عمت الانظار
تجي وتروح كل جمعه واحنه لسه منتظرين
يغايب چا يمته تظهر وتشفي كل رماد العين
نصب دمعات يلمهدي لمصاب الولي بكل حين
كل احنه اجينه اليوم ننخاك برضيع احسين
عجل وأشهر البتار
يالمهدي الك جم ثار
▪️〰▪️〰▪️〰▪️〰▪️〰▪️〰
جف دمع المحب ينحب يالمهدي بغيابك
الذنوب اهواي تدري كل احنه اعلى بابك
نفت اگلوب يالغايب بالحسره على امصابك
وحيد وتندب الراحوا يالمهدي من احبابك
يلچم ضلعك المسمار
بعينك ظل لهيب الدار
▪️〰▪️〰▪️〰▪️〰▪️〰▪️〰
بدمع العين يالغايب نطلبك وبگلب مفطور
شباب وذبلت وروده ثواكل والدمع منثور
لهذا اليوم ينتظرك صدر الطاهره المكسور
ولهيب خيام متوجره ونسه حارت بليا اخدور
بل الهلت دمع مدرار
يمته تشهر الفقار
▪️〰▪️〰▪️〰▪️〰▪️〰▪️〰
طالت غيبتك يمته تجينه واتكحل الانظار
بكل لحظه احنه نقول لابد يجي صاحب ثار
دموع العين هل جفت تنتظرك مدى الأعمار
يالمهدي دخيل اعليك باللاذت ورا الجدار
ماتت بالصدر مسمار
لهسه ينتظر هالثار
▪️〰▪️〰▪️〰▪️〰▪️〰▪️〰
بدعاء الندبه يا المهدي نطلب اوبكسر الضلوع
بالودعت اخوتها بنظرة عين تحجي ادموع
بالطبت إلى الشامات ودخلتها بگلب مفجوع
عجل اظهر برايه مو ذاب العمر چنه إشموع
ما وصلت الك أخبار
الحره ميسره اعله اكوار
تمت بعون الله تعالى
خادمة الزهراء// ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#النبي_الأكرم
جديد بمناسبة ولادة افضل الكائنات وسيد الأنبياء وخاتم الرسل محمد ابن عبدالله صلى الله عليه وآله وسلم مقطوعة بعنوان (مولد الرحمة)
بنور المصطفى وبحسنِه اضاءت الايام
وشعشع في السماء نورُه فأجلى الظلام
وتنكّست غيظاً على أمِّ رؤوسها الاصنام
نيران فارس أُخمدت وفرحت بذاك الانام
وإيوان كسرى قد خرَّ إلى الأرض حطام
ورفرفت في أنحاء مكة بالافراح أعلام
أنبياء الله قد بشرت بنبيٍّ ديدنه السلام
فهو رحمةٌ للعالمين وبه تُحقَّقُ الأحلام
أكرم بأحمد المختار من على الرسل إمام
خاتم الرسل ابتعاثاً والأول عند الإله ذمام
قد غنَّى طائر السعد في حب النبي أنغام
فيا رب امطر عليه صلاتك والآل الكرام
تمت بعون الله تعالى
خادمة الزهراء// ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin