4059
الحجاب انهتك بالباب ومال العرش بالسطره واتخلخل نظام الكون من كسروا ضلع بالزهره اين الطالب بذحول الانبياء وابناء الانبياء
هو اشرف الخلق طراً واعتلى القا
هو احمد المنعوت في السموات
نوراً تجلى منذ بدء الخليقة
من حول عرشٕ كامل الصفات
من نوره الكون تلألأ باسماً
فأضاء كل من في الكائنات
هو أول الانوار في ملكوته
وكان في الدنيا به ختم الرسالات
هو المحمود لدى أهل السما
وفي الأرض هو من به الكمالات
محمد هو وعند ذكر اسمه
تتعطر الارجاء بالصلوات
يا ربِّ صل عليه وآله كلما
تنفس الصبح حامل النسمات
تمت بعون الله تعالى
✍🏻 خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#الامام_العسكري
جديد بمناسبة شهادة الامام الحسن العسكري عليه السلام قصيدة بعنوان (نعزي القائم)
والد الحجه قضى نحبه هاليوم
والمهدي عليه ايون والگلب مالوم
گضى نحبه العسكري وسامره ظلمه
وينحب اعليه المنتظر ويل وزاد همه
يگله يبويه الحسن فگدك للدين ثلمه
برحيلك يبويه تبدي غربتي معلوم
▪️〰▪️〰▪️〰▪️〰▪️〰▪️〰▪️〰
وين الذي يوصل طارش للمدينه
يخبر الزهره تحضر المهدي وتعينه
يجهز والده ويل وتهل الدمع عينه
المهدي على فراگ الابو ويل مهموم
▪️〰▪️〰▪️〰▪️〰▪️〰▪️〰▪️〰
يجهز والده المهدي واتهل عبرته
وين الذي يگصد لطيبه يخبر جدته
يگلها يزهره المهدي بدت غيبته
تعالي شوفي ابنچ يم ضلع مهشوم
▪️〰▪️〰▪️〰▪️〰▪️〰▪️〰▪️〰
نواسي المنتظر هالليله جينه يزهره
يون فگد العسكري وحده يحسره
غيبته تعمي النواظر وتتجدد العصره
بدت رحلة نايباته ويل وينزف دموم
▪️〰▪️〰▪️〰▪️〰▪️〰▪️〰▪️〰
يعين الله المنتظر اچبيره حسرته
فاگد الليله العسكري وبانت غربته
همه طويل يرافگه برحلة غيبته
ينحب ضلوع امهشمه لو ينحب المسموم
تمت بعون الله تعالى
✍🏻 خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
❉❉❉❉❉❉❉﷽❉❉❉❉❉❉❉
لسـتة #دعم_المهدوي 🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ2 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 100 عضو فما فوق
━━━━━━━━━━━━━━━
للإشـــتِـراك 👇🏻.
إرفع البوت ادمِن بقناتك : @Hashed5611_bot
وإرسل قناتك هُنا 👈 : @sayaddd
للمحظورين 👈 : @Alsayad123_bot
------------------------------------------------------
قناة الدعم 👈👈👈
https://t.me/joinchat/AAAAAFLKOx5nRih2adM0UA
#النبي_الاكرم
جديد بمناسبة شهادة النبي محمد صلى الله عليه وآله قصيدة بعنوان (من غاب نورك يالنبي)
غمضت عين النبي وانطفى نور المدينه
وفاطمه من عگب ابوها ثكله وحزينه
غاب نور المصطفى وبين بفاطم هظمها
نادت بصوت الحزن يارسول الله بألمها
يبويه عگبك صحبتك تعنت لي بحطبها
الچانت تدعي صحابك انقلبت علينه
▪️〰▪️〰▪️〰▪️〰▪️〰▪️〰
اليهجر گالوا يبويه ومنعوا تكتبها الوصيه
هجموا على داري بحقد عگبك هلناصبيه
حرگروا الباب بحطب واورثونا الغاضريه
بنومتك باللحد من دمه الدمعه بچينه
▪️〰▪️〰▪️〰▪️〰▪️〰▪️〰
تدري ياخير الورى ضلوع صدري كسروها
اتجراوا كلهم علينه والوصيه انكروها
عگب عينك آيبويه بنار بابي وجروها
اعله العقب ردت يبويه والوصي الله يعينه
▪️〰▪️〰▪️〰▪️〰▪️〰▪️〰
يارسول الله وصيتك ما چن انت گلتها
شكثر وصيت بينه يبويه والوصيه اكدتها
ثقلين چنه يبويه وصحبه للوصيه انكرتها
وأول غدرهم بويه بيه باب داري اموجرينه
▪️〰▪️〰▪️〰▪️〰▪️〰▪️〰
اعله المغتسل يالنبي والامه ردت عالعقب
هجموا اعلينه بويه ولا چنهم من الصحب
ضلوعي اكسروها ودمي سال اعله الترب
انه بضعتك يارسول وحقي بويه هاظمينه
تمت بعون الله تعالى
✍🏻 خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#الاربعين
جديد بمناسبة أربعين الامام الحسين عليه السلام قصيدة بعنوان (روحي تحوم بالغاضريه)
روحي بشوگ تسافر لرض الغاضريه
تواسي بالحزن فاطمه الزهره الزچيه
روحي لرض الطفوف تتعنى بحزنها
تنحب آه يبو السجاد وتهمل دمعها
راحت تشارك الحره بهظمة گلبها
ردت بيوم الاربعين والونه شجيه
▪️〰▪️〰▪️〰▪️〰▪️〰▪️〰
روحي حامت عالضريح تهمل دمع
تنادي وتحن وتلوع ياحسين المنصرع
شلون حال العايله العاشت هالوضع
ردت تزور الاجساد الظلت عالوطيه
▪️〰▪️〰▪️〰▪️〰▪️〰▪️〰
روحي شافت سكنه والحرم وايتام
تحوم بحزنها فوگ گبر ضم الامام
وزينب بلوعه تنوح وتهل الدمع سچام
جيت وجبت راسك يبن خير البريه
▪️〰▪️〰▪️〰▪️〰▪️〰▪️〰
روحي وي زينب وسمعتها تنادي
گوم يا مهجة علي وريحانة الهادي
يامن عفتك اموذر وذر ابهالوادي
يخويه رديت الك واضلوعي محنيه
▪️〰▪️〰▪️〰▪️〰▪️〰▪️〰
فك باب الگبر خويه واخذ مني الراس
ناشده يحسين عالالم وذاك الاحساس
يخبرك بديوان اميه وشماتة الناس
وشلون صارت اختك بعدك سبيه
▪️〰▪️〰▪️〰▪️〰▪️〰▪️〰
وچلمه سمعتها روحي وظلت تنوح
چلمه من زينب فتحت كل الجروح
عگبك زينب بدرب السبي تجي وتروح
وبالشام يمذبوح ماتت الطفله رقيه
تمت بعون الله تعالى
✍🏻 خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#الاربعين
جديد بمناسبة أربعين الامام الحسين عليه السلام قصيدة بعنوان (رد الظعن يحسين)
ردت يوم الأربعين الگلب مجروح
تنادي فك باب الگبر يامهجة الروح
زينب بت علي رجعت للغاضريه
تنادي يبو الاكبر والدمعه جريه
يخويه بالشام ظلت ابنيتك رقيه
اعله راسك بالخرابه غابت الروح
▪️〰▪️〰▪️〰▪️〰▪️〰▪️〰
رجعت بالظعون امحمله بالهموم
تنادي يلفارگيتك غصبن يمظلوم
خويه حسين جيتك والگلب مالوم
گوم وتلگاني يمن فگدك هدم الصروح
▪️〰▪️〰▪️〰▪️〰▪️〰▪️〰
فك باب الگبر يحسين وتلگانه
گوم لختك يبعد اختك يرجوانه
ولو تنشد عن الشام آه شكثر أذانه
ذابت مهجنا من كثر البچي والنوح
▪️〰▪️〰▪️〰▪️〰▪️〰▪️〰
گوم ياروح الزچيه ردينا بالظعون
من كثر البچي خويه عميه العيون
شيبني الدهر يحسين وهدل المتون
من درب السبي جيتك دمعي مسفوح
▪️〰▪️〰▪️〰▪️〰▪️〰▪️〰
يبن امي الدهر دار اعليه دورته
وخله گلب زينب حيره حيرته
وظهر زينب يخوها بالصبر شدته
يامن مصابك تسطر بحنايا الروح
▪️〰▪️〰▪️〰▪️〰▪️〰▪️〰
رديتلك يحسين بظعن من اليتامه
وعلى گبرك ظلينا انوح مثل الحمامه
وصوغة الشام فوگ المتون العلامه
ردينا الك يحسين ننحب يمذبوح
تمت بعون الله تعالى
✍🏻 خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
حسينُ حارتْ فيكَ أفكارُ الأُباة
فكيفَ أُترجمكَ وأنتَ قرآنُ النّجاة..
إنْ كانتْ "يس" هي قلبُ قُرآننا
فأنتَ ياحُسين معنى نبضُ الحَياة..
فرأسُكُ المرفوعُ يبقى شاهداً
يرتلُ الآياتِ شامخاً برُغمِ الطُّغاة..
وانكَ لِمَن المُنذِرِين الذِّينَ أبانُوا
طريقَ الأماني للخَلْقِ العُصاة..
✍بقلم//خادمات الزهراء عليها السلام
زينب راضي الزيني والشاعرةليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#الاربعين
جديد بمناسبة أربعين الامام الحسين عليه السلام قصيدة بعنوان (يلقصدتوا الزياره)
يلگصدتوا حسين يوم الاربعين
هم سمعتوا صوت عالي الونين
صوت ينحب لينا من عمق الزمن
گاصد الطف كربله يون بحزن
صوت حرمه بالحزن لمن تون
تگوم اطيح ودمه تهمل العين
▪️〰▪️〰▪️〰▪️〰▪️〰▪️〰
بالدرب هم شفتوا ياشيعه الوجع
شفتوا حرمه تصيح دلالي انفجع
تلطم على ضلوعها وگلب انصدع
تمشي ثكلى وتتلفت شمال ويمين
▪️〰▪️〰▪️〰▪️〰▪️〰▪️〰
تعرفوها الزهرة من كثر الالم
وديعة الهادي اشكثر دفعت الدم
فاطمه ام الحسن باحزان وهظم
استقبلت زينب بيوم الأربعين
▪️〰▪️〰▪️〰▪️〰▪️〰▪️〰
زينب وفاطمه بهم اتگابلن
بحزن يايمه ترى عيوني عمن
بفرد ساعه عني الاخوان ارحلن
اليوم زينب ترجمة رحلة البين
▪️〰▪️〰▪️〰▪️〰▪️〰▪️〰
وگفت الزهراء تنظر بالطفوف
شفتوا ياشيعه بقيت بلايا شوف
تلاگت ابنيتها وبهمها تطوف
تگلها زينب يمه بيش تناظرين
▪️〰▪️〰▪️〰▪️〰▪️〰▪️〰
يمه يازهراء حل بامري بين
انه زينب چني مو اخت الحسين
دهري بسهامه رمى وصوب العين
وبگلب زينب ترى جروح السنين
تمت بعون الله تعالى
✍🏻 خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#الامام_الحسن
جديد بمناسبة شهادة الامام الحسن المجتبى عليه السلام قصيدة بعنوان (ضجه بالمدينه)
اليوم الحسن مسموم يا زهره الحزينه
وحسين تالي بكربله بسيوف مگطعينه
من الگبر گومي يزهره وابدي النياح
اول سبط يم حسن مسموم الچبد راح
واهل بيته من الحزن تصفگ راح براح
و نعش ابنچ يزهره بالسهام امصوبينه
▪️〰▪️〰▪️〰▪️〰▪️〰▪️〰
يزهره گلب زينب ينزف الم وهموم
بالطشت شافت چبد الحسن المسموم
وتالي بكربله تشوف ذبح ابنچ المظلوم
گلب زينب يزهره منشطر عالي ونينه
▪️〰▪️〰▪️〰▪️〰▪️〰▪️〰
اليوم العزه منصوب وسط دارچ يزهره
للحسن ابنچ الغالي وكله اهله تحضره
لچن حسافه حسين ابنچ المنگطع نحره
عزاه يصير بخيول عشره مرضرضينه
▪️〰▪️〰▪️〰▪️〰▪️〰▪️〰
گومي يزهره وانسي صدرچ والمصاب
نوحي على المسموم وهلي الدمع سچاب
انفتح باب المصايب اعالعتره من الباب
من باب دارچ يزهره البنار اموجرينه
▪️〰▪️〰▪️〰▪️〰▪️〰▪️〰
يعين الله الحسين على مصاب الحسن
يهمل دموع العين يزهره وايون بشجن
وزينب بالفجيعه تنادي شعندك يا زمن
بسهام غدرك تالي بكربله يازمن ترمينه
تمت بعون الله تعالى
✍🏻 خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#درب_السبي
جديد بمناسبة دخول الركب الحسيني إلى الشام قصيدة بعنوان (ياشام المصايب)
وصلنه الشام آيالشام يخنگ هواها
ما شفنا رحمه بس الشماته شفناها
يذبح هواها الشام من طبينه بيها
شماته وناس امعيده والفرح ماليها
وابنيات النبي نظرة الشمات تآذيها
يتيمات ودرب السبي ظيم شكثر راواها
▪️〰▪️〰▪️〰▪️〰▪️〰▪️〰
ثلث ساعات اعله بابچ ياشام وگفونا
مچتوفين وروس الاهل جدام يلوعونا
تتفرج علينا الناس ولا چن للنبي ينسبونا
بينه تشفى يزيد وثارات بدر منا خذاها
▪️〰▪️〰▪️〰▪️〰▪️〰▪️〰
ياعذاب شفته وي ايتامي بخرابة الشام
طفله وتموت براس ابوها بفعل ظلام
وينلچم گلبي عليها من يناديني الامام
شيلي اليتيمه رقيه الموت ياعمه لفاها
▪️〰▪️〰▪️〰▪️〰▪️〰▪️〰
شوصف وشحچي عن رحلة الشام الاليمه
الناس تتفرج على ثقل النبوه والله هظيمه
بنت النبي وتوگف بديوان غاصب عظيمه
لچن زينب بوگفتها هدت عروش كلمن سباها
▪️〰▪️〰▪️〰▪️〰▪️〰▪️〰
مريره رحلة الشام تجرعت زينب غصصها
شماته ونوم بخرابه ووگفه بديوان الهظمها
عفيه گلب زينب وشلون هالمصايب حملها
بعيونها تشوف الذبح اخوتها وتالي سباها
تمت بعون الله تعالى
✍🏻 خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#الامام_السجاد
جديد بمناسبة شهادة الإمام زين العابدين عليه السلام قصيدة تحكي لقاءه بالمنهال
قصيدة بعنوان (ماذا اقول )
شحچيلك يمنهال لو شفت الجره
دم تصب عينك يمنهال اعله الثره
شفت بعيوني يامنهال موت الاحبه
اسبعطعش من اهلي وياهم الصحبه
وانه بعلتي وصدري نار الفرگه تلهبه
كلهم اگبالي شفتهم جثث متوذره
▪️〰▪️〰▪️〰▪️〰▪️〰▪️〰
يمنهال شفت حسين وحده بكربله
جيوش الاعادي حاطته بذاك الفله
بسهم نشاب وسيف ودمومه سايله
وتالي سحگته الخيول وحزوا منحره
▪️〰▪️〰▪️〰▪️〰▪️〰▪️〰
لو حاضر يمنهال وشفت حرگ الخيام
وعماتي وخواتي فرت وباگي الأيتام
اوصفلك اشلون هيه تنوصف الآلام
روحي يمنهال وسط خيمه اموجره
▪️〰▪️〰▪️〰▪️〰▪️〰▪️〰
ما تنوصف من جابوا احبال وچتفونا
ما چنه عترة المختار عالهزل من ركبونا
ومن ديوان لديوان اعله الطواغي دخلونا
وكل عذابي يمنهال عالفواطم المخدره
▪️〰▪️〰▪️〰▪️〰▪️〰▪️〰
لو شفت الحبل منهال بيد اختي رقيه
طفله ويتيمه وتتحمل انواع الاذيه
تالي بخرابه يمنهال توافيها المنيه
على راس الابو ماتت وتهمل العبره
▪️〰▪️〰▪️〰▪️〰▪️〰▪️〰
العمر كله يمنهال لو اگضيه أنا بالنوح
ما تبرد الجمره ولا تشفى ابد الجروح
تدري يمنهال بكربله چم حلم مذبوح
وچم گمر يمنهال بيدي وسدته بالثره
تمت بعون الله تعالى
✍🏻 خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#فخر_المخدرات
جديد في حق مولاتي عنوان الحجاب والعفة والصمود لبوة علي عليه السلام كعبة الرزايا والاحزان جبل الصبر زينب قصيدة بعنوان (زينب مدرسة العزة)
يلي تكتب عالعقيله تريد من الله القبول؟؟
لا تطلعهه ذليله وتغضب الهادي الرسول
فخر عباس وحسين
بنت امير المؤمنين
لا تطلعهه ذليله وتغضب الهادي الرسول
گبل لا تكتب عليها اتوضا بدموع الحياء
هاي تربات الصميده وفاطمه ست النساء
ولو ردت تعرفها فعلا اوگف بتل كربلاء
اثر اجدام العقيله قبه صارت للسماء
اتعرف باهل اليقين
بنت امير المؤمنين
لا تطلعهه ذليله وتغضب الهادي الرسول
▪️〰▪️〰▪️〰▪️〰▪️〰▪️〰
زينب بطف كربلاء قدمت أروع دروس
عفه وي هيبه اوقار عالجمر چانت تدوس
بكل وقار الزهره امها زينب الذلت نفوس
طلعت بدرب السبايا حارسه الهه الرؤوس
اخذت الرايه بيمين
بنت امير المؤمنين
لا تطلعهه ذليله وتغضب الهادي الرسول
▪️〰▪️〰▪️〰▪️〰▪️〰▪️〰
تريد تعرفها العقيله اقره خطبتها قبل
حيدره چنه اجاها يخطب بذاك الحفل
اخرست مجلس يزيد وهيه مجتوفه بحبل
هاي زينب يلتناشد والابو خير العمل
جدها خير المرسلين
بنت امير المؤمنين
لا تطلعهه ذليله وتغضب الهادي الرسول
▪️〰▪️〰▪️〰▪️〰▪️〰▪️〰
چلمه گالتهه العقيله شما تكايدنا يزيد
بالدهر باقي ذكرنا وسوي كل الي تريد
غيره عزه وي مهابه اجتمعوا بزينب اكيد
وانت بس تكتب عليها فرجه صارت للعبيد!!؟
ذلت الطاغي اللعين
بنت امير المؤمنين
لا تطلعهه ذليله وتغضب الهادي الرسول
▪️〰▪️〰▪️〰▪️〰▪️〰▪️〰
لو ردت تكتب عليها ايه زينب للصمود
ثورة الاعلام چانت رغم كل ذيچ القيود
رغم كل ذيچ المآسي المنها تتفطر چبود
بفضل زينب يلموالي كربله ليها الخلود
صاحت بصوت الحسين
بنت امير المؤمنين
لا تطلعهه ذليله وتغضب الهادي الرسول
تمت بعون الله تعالى
خادمة الزهراء// ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#الامام_السجاد
جديد بمناسبة شهادة الإمام علي ابن الحسين زين العابدين عليه السلام قصيدة بعنوان (خلصت حياته)
علي السجاد ياويل ذابت مهجته
عليل وفي كربله انذبحت عزوته
ابو الباقر قضى عگب المصايب
بعيونه شاف بكربله كل العجايب
شاهد حسين ودمه روى الترايب
من يوم ذبحوا والده بگلبه حسرته
▪️〰▪️〰▪️〰▪️〰▪️〰▪️〰
لمن طلع من كربله زين العباد
ذابت مهجته ويلي فوگ الوهاد
حيله تهدم علي من ذيچ الگياد
البگيده ويه عماته جمر بچبدته
▪️〰▪️〰▪️〰▪️〰▪️〰▪️〰
كلما يشوف الماي تهمل عيونه
العمر كله ينوح شيعته يسمعونه
ابويه حسين ظامي ويذبحونه
والعده ابخيل ويل رضت جثته
▪️〰▪️〰▪️〰▪️〰▪️〰▪️〰
خلصت سنينه ويل وحط الرحال
وابو محمد يغسله ودمعه همال
ويلي من شاهد الباقر اثر الحبال
ظل ينتحب يا علي ويجهر ونته
▪️〰▪️〰▪️〰▪️〰▪️〰▪️〰
كل مآسي كربله العاشت وياه
ما رحم بيه العدو وبحقده اجاه
والطاغي تالي للگبر گاصد تعناه
وامن البعد تندب ظلت شيعته
▪️〰▪️〰▪️〰▪️〰▪️〰▪️〰
ما تگدر الشيعه توصل لذاك الگبر
من البعد ترسل سلام ممزوج بقهر
تنادي العجل ملينه يامهدي الصبر
هذا البقيع ينتظر يمته تشيد قبته
تمت بعون الله تعالى
✍🏻 خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#دفن_الاجساد
جديد محرم الحرام 1446هجرية قصيدة لدفن الاجساد الزواكي في كربلاء بعنوان (خبرني يا دفان)
عمه يا سجاد يا علي اخبرني
من عفت الطفوف گلبي واجعني
اريد انشدك يا علي السجاد
خبرني عمه وشحال الاجساد
العفناها عمه في ثرى الوهاد
منظرهم اهناك والله هظمني
▪️〰▪️〰▪️〰▪️〰▪️〰▪️〰
خبرني سجاد وصلته لحسين
شحاله يا عمه محزوز الوتين
غسلت جسمه وحصله تكفين
شلون دفنته گول حاله فجعني
▪️〰▪️〰▪️〰▪️〰▪️〰▪️〰
عمه نظرته امگطع الأوصال
بيدي لميته من فوگ الرمال
صعب ياعمه احچيلچ تفصال
منظر ابويه والله ذهلني
▪️〰▪️〰▪️〰▪️〰▪️〰▪️〰
ناداها السجاد والدمع جاري
شفته يا عمه واظلم نهاري
لميته بويه بگطعة بواري
غسله من دمه عمه عذبني
▪️〰▪️〰▪️〰▪️〰▪️〰▪️〰
عمه ياعمه واعضيدي جبته
بذيچ الحصيره عمه نظرته
يم جدم الحسين انه دفنته
شوفه يا عمه واشگد شعبني
▪️〰▪️〰▪️〰▪️〰▪️〰▪️〰
ياعمه القاسم كاسرلي ظهري
متحني عمه من دمه اليجري
بمصابه عمه عذبني دهري
بصورته الحسن اشوفه چني
▪️〰▪️〰▪️〰▪️〰▪️〰▪️〰
وطفله ياعمه جهزته اشلون
نحره فجعني ياماي العيون
طفله ياعمه عصدره مدفون
نحره اعله نحره عمه موتني
▪️〰▪️〰▪️〰▪️〰▪️〰▪️〰
گالتله سجاد خبرني بعباس
مگطع كفيلي بسيوف الارجاس
من راح النهر موتني الإحساس
خبرني عمه بحال الكفلني
▪️〰▪️〰▪️〰▪️〰▪️〰▪️〰
ياعمه شفته مگطوع الزنود
رايته بكتره وابكتره الجود
بموته ياعمه مو ذابت چبود
بطيحة زنوده عمه ضهدني
▪️〰▪️〰▪️〰▪️〰▪️〰▪️〰
عمه دفنته الكافل الخدر
بمچانه من طاح عمه واتگنطر
گلبي مثله اهناك طاح وتوذر
الدهر بمصابهه چم لچمه لچمني
تمت بعون الله تعالى
✍🏻 خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#السبي
جديد محرم الحرام 1446هجرية قصيدة للخروج من كربلاء بعنوان(موكب حزن)
جابوا النوگ واتحيرت زينب بأمرها
ما تقدر توصل الشاطي تحشم گمرها
حان ميعاد الرحيل وجابوا الهزيله
وينك يا علي الكرار تنادي العقيله
راحوا أخوتي والحمل منو يشيله
وتحزمت وحزامها اصبح صبرها
▪️〰▪️〰▪️〰▪️〰▪️〰▪️〰
ركبت أطفال اخوها البالهم تنوح
تنادي عمه ليش الكفلنا عنا يروح
ما يدري بينه والسبي همه يلوح
ما تدري الاطفال اتفرهد خدرها
▪️〰▪️〰▪️〰▪️〰▪️〰▪️〰
ركبت ذيچ الاطفال برحلة مآسي
احدش من المحرم يايومه قاسي
تنادي يلنايم عالنهر تعرف إحساسي
وامن الوجد زينب يسعر جمرها
▪️〰▪️〰▪️〰▪️〰▪️〰▪️〰
طلّعوها من كربله كل ذيچ الايتام
مچتوفه ويل ومحترگ گلب الامام
عماته وخواته تنسبي والتحدي ظلام
قافلة الحزن بالدمع تمشي بيسرها
▪️〰▪️〰▪️〰▪️〰▪️〰▪️〰
من فوگ الهزل ودعوا وادي المنايا
جسوم اهلهن بالثره وكلها عرايا
ماصار تغسيل ودفن لذيچ الضحايا
وداعة الله يا اهلنا وحسره بصدرها
▪️〰▪️〰▪️〰▪️〰▪️〰▪️〰
راحت بدرب السبي تحرس ظعنها
بيه بس أطفال وحرم حايره بحزنها
ومن كثر الدمع الاطفال تجرّح جفنها
ويل ثقل النبوه في كربله ذبها دهرها
تمت بعون الله تعالى
✍🏻 خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
عجباً كيف يطيب لنا عيش
وإمام زماننا أمسى حزينا
قلبه اكتوى بنار يتم فأصبح
في غياهب الزمان سجينَ
روحه تنعى في كل يوم
اضلعاً مهشمة بفعل الحاقدينَ
اعظم الله أجوركم سيدي يا صاحب الزمان بمصاب والدك الامام الحسن العسكري
✍🏻 خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#بضعة_الرسول
جديد بمناسبة الهجوم على دار الزهراء عليها السلام قصيدة بعنوان (بعدك ولوني)
نادت الزهره بدمعها يبويه من رحت عني
هجم بن صهاك اعله داري يبويه وهظمني
تدري بموتك بالنبي هجمت اعلينه الصحابه
چن دين ويطلبوه ومنه رادو يأخذونه ييابه
واول اسهام الغدر دارك يبويه وجروا بابه
والطاغي يبويه بصفعة غدر عگبك لطمني
▪️〰▪️〰▪️〰▪️〰▪️〰▪️〰▪️〰
ريتك تعاين الحاله يا ابو الزهره الامينه
عگب عينك قامت اعلينه أهل الضغينه
ولا چن شيدت بيهم دين وانقلبوا علينه
وأجر الموده الطاغي ورا بابي عصرني
▪️〰▪️〰▪️〰▪️〰▪️〰▪️〰▪️〰
ورا بابي اعصروني من عگب عينك يمختار
ومحسن علعتب طاح وبالصدر نبت بسمار
بويه وتدري بالجرى مچتف گادوا الكرار
وصيتك هيه الچتغت حيدر ووضعه فجعني
▪️〰▪️〰▪️〰▪️〰▪️〰▪️〰▪️〰
محسني جالك يبويه وانشده عن احوالي
تلگه بيه اثر عصرتي بالباب وكل الجرالي
هظموني يبويه ودمي سال والحزن يبرالي
والبابي كل ما اصد بويه يهمل دمه جفني
▪️〰▪️〰▪️〰▪️〰▪️〰▪️〰▪️〰
من غمضت عينك يابويه وليه تولوني
گصدوا الداري اورى بابي عمد ادفعوني
ضلوعي اكسروها بويه وبالحقد اعصروني
بغدرها أمتك بويه چن دين اطلبتني
تمت بعون الله تعالى
✍🏻 خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#النبي_الاكرم
جديد بمناسبة شهادة النبي محمد صلى الله عليه وآله قصيدة بعنوان (اختفى نور المصطفى)
علي يجهز بطه ويهمل دموع المصيبه
ينوح وداعة الله يارسول الله وحبيبه
علي يغسل بخير البشر ويصيح ويلاه
شيصبرها البتول اعله فگدك يارسول الله
على مصابك جفنها يهل وي الدموع دماه
لو تعاين فاطمه وابناك ادموعهم سچيبه
▪️〰▪️〰▪️〰▪️〰▪️〰▪️〰▪️〰
علي ايغسله والهادي يتقلب اشمال ويمين
وقبل ما يلفه بچفن نادى يم حسن وحسين
تعالي يزهره اتودعي من والدچ خير النبيين
اتودعي من حلو الاطباع يازهره النجيبه
▪️〰▪️〰▪️〰▪️〰▪️〰▪️〰▪️〰
يزهره راح النبي واظلمت الدنيا بغيابه
نور النبي من غاب هجمت اعلينه الصحابه
واول رزيه يزهره المنعوه يكتب اكتابه
وگالوا النبي يهجر آه يا عظم المصيبه
▪️〰▪️〰▪️〰▪️〰▪️〰▪️〰▪️〰
تدري يزهره گلها الوصي ويهمل دموع
من عگب النبي استعدي لكسر الضلوع
ومن بيتي يزهره يبتدي طفي الشموع
واول سلسال المصايب دمومچ عالتريبه
▪️〰▪️〰▪️〰▪️〰▪️〰▪️〰▪️〰
سهام المصايب بدت أولها النبي مسموم
بغدر سموه يازهره وخلوا الدين مالوم
بفگده يم حسن شكثر تتغير اعلوم
الامه ردت عالقب والعتره صارت غريبه
تمت بعون الله تعالى
✍🏻 خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#الاربعين
جديد بمناسبة رجوع الركب الحسيني إلى مدينة رسول الله صلى الله عليه وآله قصيدة بعنوان (جيتك بالجروح)
طبت للمدينه وانفتحت كل الجروح
نادت يا رسول الله انهدمت صروح
طبت المدينة جدها زينب الكبرى
تتنفس الم وهموم والشهگه حسره
تنادي يارسول الله مدلل الزهره
عفته براضي نينوى اموسد ومذبوح
▪️〰▪️〰▪️〰▪️〰▪️〰▪️〰
جيتك من كثر البچي عميه العيون
ديارك خلت من اهلها يا سيد الكون
خذوا ثاراتهم وبينا ظلوا يشمتون
واخر شماتتهم بنتك سبيه تروح
▪️〰▪️〰▪️〰▪️〰▪️〰▪️〰
من رحلة سبي وعگب ذبحة المظلوم
جيتك يجدي وگلبي متروس بهموم
جيت أخبرك واخبر ام ضلع مهشوم
يجدي بنينوى وي اهلي اندفنت الروح
▪️〰▪️〰▪️〰▪️〰▪️〰▪️〰
يجدي ناديتك تعال وي امي الزچيه
هدمت حيلي ياجدي عملة الغاضريه
رديت المدينه وايدي من اهلي خليه
رديت ودمعي دمه اعله خدي مسفوح
▪️〰▪️〰▪️〰▪️〰▪️〰▪️〰
يجدي من امي اورثت كل المصايب
ضلوع امهشمه وزاد سبي ونوم الخرايب
من نبتة المسمار چم دم سال عالترايب
وچم متن للفواطم بسوط العدو مجروح
تمت بعون الله تعالى
✍🏻 خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
رَوَى الشيخ الطوسي ( قدَّس الله نفسه الزَّكية ) عن جماعة ، عَنْ صَفْوَانَ بْنِ مِهْرَانَ الْجَمَّالِ ، أنه قَالَ : قَالَ لِي مَوْلَايَ الصَّادِقُ صَلَوَاتُ اللَّهِ عَلَيْهِ فِي زِيَارَةِ الْأَرْبَعِينَ : " تَزُورُ عِنْدَ ارْتِفَاعِ النَّهَارِ وَ تَقُولُ :
السَّلَامُ عَلَى وَلِيِّ اللَّهِ وَ حَبِيبِهِ ، السَّلَامُ عَلَى خَلِيلِ اللَّهِ وَ نَجِيبِهِ ، السَّلَامُ عَلَى صَفِيِّ اللَّهِ وَ ابْنِ صَفِيِّهِ ، السَّلَامُ عَلَى الْحُسَيْنِ الْمَظْلُومِ الشَّهِيدِ ، السَّلَامُ عَلَى أَسِيرِ الْكُرُبَاتِ وَ قَتِيلِ الْعَبَرَاتِ .
اللَّهُمَّ إِنِّي أَشْهَدُ أَنَّهُ وَلِيُّكَ وَ ابْنُ وَلِيِّكَ ، وَ صَفِيُّكَ وَ ابْنُ صَفِيِّكَ ، الْفَائِزُ بِكَرَامَتِكَ ، أَكْرَمْتَهُ بِالشَّهَادَةِ ، وَ حَبَوْتَهُ بِالسَّعَادَةِ ، وَ اجْتَبَيْتَهُ بِطِيبِ الْوِلَادَةِ ، وَ جَعَلْتَهُ سَيِّداً مِنَ السَّادَةِ ، وَ قَائِداً مِنَ الْقَادَةِ ، وَ ذَائِداً مِنَ الذَّادَةِ ، وَ أَعْطَيْتَهُ مَوَارِيثَ الْأَنْبِيَاءِ ، وَ جَعَلْتَهُ حُجَّةً عَلَى خَلْقِكَ مِنَ الْأَوْصِيَاءِ ، فَأَعْذَرَ فِي الدُّعَاءِ ، وَ مَنَحَ النُّصْحَ ، وَ بَذَلَ مُهْجَتَهُ فِيكَ ، لِيَسْتَنْقِذَ عِبَادَكَ مِنَ الْجَهَالَةِ وَ حَيْرَةِ الضَّلَالَةِ ، وَ قَدْ تَوَازَرَ عَلَيْهِ مَنْ غَرَّتْهُ الدُّنْيَا ، وَ بَاعَ حَظَّهُ بِالْأَرْذَلِ الْأَدْنَى ، وَ شَرَى آخِرَتَهُ بِالثَّمَنِ الْأَوْكَسِ ، وَ تَغَطْرَسَ وَ تَرَدَّى فِي هَوَاهُ ، وَ أَسْخَطَ نَبِيَّكَ ، وَ أَطَاعَ مِنْ عِبَادِكَ أَهْلَ الشِّقَاقِ وَ النِّفَاقِ ، وَ حَمَلَةَ الْأَوْزَارِ الْمُسْتَوْجِبِينَ النَّارَ ، فَجَاهَدَهُمْ فِيكَ صَابِراً مُحْتَسِباً ، حَتَّى سُفِكَ فِي طَاعَتِكَ دَمُهُ ، وَ اسْتُبِيحَ حَرِيمُهُ ، اللَّهُمَّ فَالْعَنْهُمْ لَعْناً وَبِيلًا ، وَ عَذِّبْهُمْ عَذَاباً أَلِيماً .
السَّلَامُ عَلَيْكَ يَا ابْنَ رَسُولِ اللَّهِ ، السَّلَامُ عَلَيْكَ يَا ابْنَ سَيِّدِ الْأَوْصِيَاءِ ، أَشْهَدُ أَنَّكَ أَمِينُ اللَّهِ وَ ابْنُ أَمِينِهِ ، عِشْتَ سَعِيداً وَ مَضَيْتَ حَمِيداً ، وَ مِتَّ فَقِيداً مَظْلُوماً شَهِيداً ، وَ أَشْهَدُ أَنَّ اللَّهَ مُنْجِزٌ مَا وَعَدَكَ ، وَ مُهْلِكٌ مَنْ خَذَلَكَ ، وَ مُعَذِّبٌ مَنْ قَتَلَكَ ، وَ أَشْهَدُ أَنَّكَ وَفَيْتَ بِعَهْدِ اللَّهِ ، وَ جَاهَدْتَ فِي سَبِيلِهِ حَتَّى أَتَاكَ الْيَقِينُ ، فَلَعَنَ اللَّهُ مَنْ قَتَلَكَ ، وَ لَعَنَ اللَّهُ مَنْ ظَلَمَكَ ، وَ لَعَنَ اللَّهُ أُمَّةً سَمِعَتْ بِذَلِكَ فَرَضِيَتْ بِهِ .
اللَّهُمَّ إِنِّي أُشْهِدُكَ أَنِّي وَلِيٌّ لِمَنْ وَالَاهُ ، وَ عَدُوٌّ لِمَنْ عَادَاهُ ، بِأَبِي أَنْتَ وَ أُمِّي يَا ابْنَ رَسُولِ اللَّهِ ، أَشْهَدُ أَنَّكَ كُنْتَ نُوراً فِي الْأَصْلَابِ الشَّامِخَةِ ، وَ الْأَرْحَامِ الطَّاهِرَةِ ، لَمْ تُنَجِّسْكَ الْجَاهِلِيَّةُ بِأَنْجَاسِهَا ، وَ لَمْ تُلْبِسْكَ الْمُدْلَهِمَّاتُ مِنْ ثِيَابِهَا ، وَ أَشْهَدُ أَنَّكَ مِنْ دَعَائِمِ الدِّينِ ، وَ أَرْكَانِ الْمُسْلِمِينَ ، وَ مَعْقِلِ الْمُؤْمِنِينَ ، وَ أَشْهَدُ أَنَّكَ الْإِمَامُ الْبَرُّ التَّقِيُّ الرَّضِيُّ الزَّكِيُّ الْهَادِي الْمَهْدِيُّ ، وَ أَشْهَدُ أَنَّ الْأَئِمَّةَ مِنْ وُلْدِكَ ، كَلِمَةُ التَّقْوَى ، وَ أَعْلَامُ الْهُدَى ، وَ الْعُرْوَةُ الْوُثْقَى ، وَ الْحُجَّةُ عَلَى أَهْلِ الدُّنْيَا ، وَ أَشْهَدُ أَنِّي بِكُمْ مُؤْمِنٌ ، وَ بِإِيَابِكُمْ مُوقِنٌ ، بِشَرَائِعِ دِينِي ، وَ خَوَاتِيمِ عَمَلِي ، وَ قَلْبِي لِقَلْبِكُمْ سِلْمٌ ، وَ أَمْرِي لِأَمْرِكُمْ مُتَّبِعٌ ، وَ نُصْرَتِي لَكُمْ مُعَدَّةٌ ، حَتَّى يَأْذَنَ اللَّهُ لَكُمْ ، فَمَعَكُمْ مَعَكُمْ ، لَا مَعَ عَدُوِّكُمْ ، صَلَوَاتُ اللَّهِ عَلَيْكُمْ ، وَ عَلَى أَرْوَاحِكُمْ وَ أَجْسَادِكُمْ ، وَ شَاهِدِكُمْ وَ غَائِبِكُمْ ، وَ ظَاهِرِكُمْ وَ بَاطِنِكُمْ ، آمِينَ رَبَّ الْعَالَمِينَ .
وصلى الله على محمد وال محمد الطيبين الطاهرين
(ثم تصلي ركعتين وتنصرف )
#الامام_الرضا
جديد بمناسبة شهادة الامام الرضا عليه السلام قصيدة بعنوان (مصاب الرضا )
للرضا روحي تنوح واهمل دموع
واصيح بصوت وروحي عليه تلوع
روحي للرضا تنحب حزينه
وتنادي يزهره تعالي من المدينه
اوليدچ الرضا بالغربه سامينه
بني عمه تجاوز حقدها كسر الضلوع
▪️〰▪️〰▪️〰▪️〰▪️〰▪️〰
اذكر مصاب الرضا وافت الروح
وحده برض غربه ينزف جروح
بضلوعي جمر مصيبته ودمعي ينوح
بچى لمصابه اليوم دم گلبي الموجوع
▪️〰▪️〰▪️〰▪️〰▪️〰▪️〰
گصدي للرضا يا زهره برض طوس
على موته بالغربه اتزفرت النفوس
مصابه يفجع اوليدچ شمس الشموس
بسموم گطعوا چبده بذيچ الربوع
▪️〰▪️〰▪️〰▪️〰▪️〰▪️〰
بسموم چبده امگطعه جاله الجواد
ذابت مهجته اعله الابو باب المراد
ميت والده بعيد عن ديرته والبلاد
روحه من الحزن تنحب ويهل الدموع
▪️〰▪️〰▪️〰▪️〰▪️〰▪️〰
ساعه يندب والده وينحب يمسموم
وساعه ينوح حسين يلمنذبح مظلوم
وگلبه من كثر الجروح ينزف دموم
ينادي بحزن ويصيح واگليبه مصدوع
تمت بعون الله تعالى
✍🏻 خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#الاربعين
جديد بمناسبة أربعين الامام الحسين عليه السلام قصيدة نخوه بعنوان (بصوت انخى)
اليوم يوم الاربعين
جيت انخى يا حسين
وحيل الطم عالصدر
جيت انخى ياحسين
الدمع اجريله من دم
گاصد الراعي الشيم
اطلبه بطفله التخذم
االطم الهامه بالعشر
جيت انخى يا حسين
▪️〰▪️〰▪️〰▪️〰▪️〰▪️〰
جيت ودمعي اهمله
انخى يبن عقد الوله
بجاه من طبوا كربله
بخطارك اعله الگبر
جيت انخى يا حسين
▪️〰▪️〰▪️〰▪️〰▪️〰▪️〰
بحق شبيه المصطفى
وجسمه التوذر بالفلا
وزينب الطلعت معوله
تنادي يبن فارس مضر
جيت انخى يا حسين
▪️〰▪️〰▪️〰▪️〰▪️〰▪️〰
اطلبه بشبل الحسن
واعليه النسه من بچن
وامه التلطم عالوجن
وبالقلب جمره للمحشر
جيت انخى يا حسين
▪️〰▪️〰▪️〰▪️〰▪️〰▪️〰
اطلبه بعباس البطل
ساعة الشاطي وصل
بدمع عينه اللي همل
وما شرب ماي النهر
جيت انخى يا حسين
▪️〰▪️〰▪️〰▪️〰▪️〰▪️〰
اطلبه بسكنه ورقيه
وبالعزيزه الهاشميه
ارد اروح الغاضريه
بجاه النبي خير البشر
جيت انخى يا حسين
▪️〰▪️〰▪️〰▪️〰▪️〰▪️〰
بجاه من ردت الطف
تنحب دمعها ماجف
تنادي يخويه تعرف
بگلب زينب والصبر
جيت انخى يا حسين
تمت بعون الله تعالى
✍🏻 خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#الامام_الحسن
جديد بمناسبة شهادة الامام الحسن بن علي عليهما السلام قصيدة بعنوان (مصابك هظمني)
موتك يخويه مسموم هظمني
هدم حيلي يبومحمد وشعبني
نار وسط الضلع ياخويه للمصاب
انه حسين اخوك دمعي سچاب
شگولن خويه للوفاد الاجت عالباب
كريم البيت بسم چبده فجعني
▪️〰▪️〰▪️〰▪️〰▪️〰▪️〰
يا عضيدي گوم جدامنا كربله
اريدك وياي اهناك يبن عقد الوله
يوم زينب اختنا تصيح حل البله
السممت چبدك تالي بكربله تذبحني
▪️〰▪️〰▪️〰▪️〰▪️〰▪️〰
يلحسن هدمت حيلي وگلبي ينوح
گوم شوف ايتامك تنزف جروح
وزينب على مصابك تفت الروح
وونينها يخويه اسمعه ويزيد وني
▪️〰▪️〰▪️〰▪️〰▪️〰▪️〰
ظلمه ديارنا يبومحمد عگب عينك
شعب گلبي بصوت تنحب بنينك
تگول تروح يراعي البيت سامينك
فگدك يخويه هدم حيلي وكسرني
▪️〰▪️〰▪️〰▪️〰▪️〰▪️〰
الدهر بسهامه يبومحمد رماني
وسهم نعشك بوسط گلبي اجاني
مصابك يبن حيدر يخويه دهاني
ودمع ايتامك يخويه لمصابك جرحني
▪️〰▪️〰▪️〰▪️〰▪️〰▪️〰
مصابك خويه گرب ليالي الغاضريه
بفرگاك احس چن داستني الاعوجيه
ومن هسه زينبنا تون يبن الزچيه
وتگلي يحسين احس بالطاغي سلبني
تمت بعون الله تعالى
✍🏻 خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#الامام_الحسن
جديد بمناسبة شهادة الامام ابو محمد الحسن بن علي المجتبى عليهما السلام قصيدة بعنوان (مظلوم الحسن)
سبط النبي وريحانته ومهجة الزهره
مسموم الچبد مظلوم المجتبى بگبره
أهل الغدر سموا چبدته لبن الوديعه
وخلوا گلوب الال تنحب بالفجيعه
حسره بكل گلب صارت تندبه الشيعه
امام الباري وحجته اعليه نهمل العبره
▪️〰▪️〰▪️〰▪️〰▪️〰▪️〰
ضنوة علي الكرار وريحانة الهادي
فراگه صعب ياناس اظلم عليه الوادي
وزينب على فراگ الاخو بحزنها تنادي
ريتچ ييمه الحين عينچ تشوف الجرى
▪️〰▪️〰▪️〰▪️〰▪️〰▪️〰
ريت عينچ ييمه تشوف شصار بالمجتبى
روحي من الحزن يم حسن بجمره لاهبه
تعالي بالعجل يمه وشوفي گوم الناصبه
بحقدهم ييمه چبدة اخويه اموذره
▪️〰▪️〰▪️〰▪️〰▪️〰▪️〰
يم حسن شبلچ گطعوا چبده بسموم
تعالي يمه انظري بالطشت چبده دموم
وگلبي مثل چبده تگطع ييمه بالهموم
يا ظلم الجرى اعليه ريت عينچ تنظره
▪️〰▪️〰▪️〰▪️〰▪️〰▪️〰
روحي من الهظم ظلت تنوح عالاخوان
اليوم الحسن يمه وباچر حسين عالتربان
بطشت چبد الحسن وراس حسين بسنان
وانه عالحسنين يمه بضلوعي تشب جمره
تمت بعون الله تعالى
✍🏻 خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#يتيمة_الحسين
جديد بمناسبة شهادة يتيمة الحسين عليه السلام رقيه سلام الله عليها قصيدة بعنوان (يتيمه وروعوها)
طفله ويتيمه يا ويلي اضربوها
اعزيزة ابوها وبالراس افجعوها
خلص درب المآسي كله بالخرابه
طفله يتيمه گامت تنادي يبابه
صاحت يعمه والدي طول غيابه
انه العزيزه عمه البحبل چتفوها
▪️〰▪️〰▪️〰▪️〰▪️〰▪️〰
تنادي يعمه والدي هسه اريده
بنومي يعمه شفته روح العقيده
ردت اشكيله الهظم لبن الصميده
لچن حسافه ويلي روحي امردوها
▪️〰▪️〰▪️〰▪️〰▪️〰▪️〰
بعيوني شفته وانشده ياعمه بالي
انظر الراسه يا عمه ودمعي يلالي
من شفته بهذا حاله نسيت الجرالي
شيبة ابويه بالدم ياعمه اخضبوها
▪️〰▪️〰▪️〰▪️〰▪️〰▪️〰
اليتيمه انه عمه المهظومه وحزينه
وطول الدرب اهمل دموعي هتينه
وكلهه اعادي تسير بينه ابهالظعينه
تالي اليتيمه يا ويل بخرابه نوموها
▪️〰▪️〰▪️〰▪️〰▪️〰▪️〰
مشتاگه لابويه عمه وذابحني هجره
يمته يجيني يا عمه وعيني تنظره
عودي ذبل من الهجر واني انطره
بطشت النايبه عمه عيوني عموها
▪️〰▪️〰▪️〰▪️〰▪️〰▪️〰
شبگت الراس وصاحت يغالي وينك
هظموني بويه عگبك يلحزوا وتينك
ردتك يا بويه متني تشوفه عينك
يبويه بكثر السياط ايدي ورموها
▪️〰▪️〰▪️〰▪️〰▪️〰▪️〰
خفى صوت اليتيمه براس ابوها
بموتة رقيه عالراس العيله افجعوها
زينب احتارت باليتيمه يجهزوها
حفروا گبرها بالخرابه ولحدوها
تمت بعون الله تعالى
✍🏻 خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#الامام_السجاد
جديد بمناسبة شهادة الإمام علي ابن الحسين زين العابدين عليه السلام قصيدة بعنوان (دمع العليل)
تقرأ نعي
يا روحي وني اعله العليل
خلص عمره والمدمع يسيل
ما خلص حزنه ودومه ينحب
يذكر گيده ومحنته وي زينب
بحسره ينادي والجمر يلهب
يدرب الشام بيك تهدم الحيل
▪️〰▪️〰▪️〰▪️〰▪️〰▪️〰
لآخر لحظه من حياته ينوح
دوم راس الولي اگباله يلوح
ثقل النبوه بالاسر ويلي يروح
ياطول ذاك الدرب وشامت يعيل
▪️〰▪️〰▪️〰▪️〰▪️〰▪️〰
حط ارحال حزنه علي السجاد
وللگبر وياه شال صورة اجساد
اموذره بسيف الحقد فوگ الوهاد
اگبال عينه حاضره ودمعه يسيل
▪️〰▪️〰▪️〰▪️〰▪️〰▪️〰
لمماته ما يخلص نزف الجراح
ينزف عيون ويل الرافگ الذباح
لو راس الولي اگباله عالرمح لاح
يتفگد ذيچ الايتام الگيدها اثگيل
▪️〰▪️〰▪️〰▪️〰▪️〰▪️〰
ويلي ...ويلي...
للگبر كل الاحزان شال وياه ...آه ...آه ...
شحال اليشاهد عزوته بعيناه...آه...آه...
يعوفها اعله الثره وگيده بيميناه...آه...آه...
والعدو بظعن النبوه يشيل
▪️〰▪️〰▪️〰▪️〰▪️〰▪️〰
ما مل البچي يندب يمظلوم..آه...آه...
عفتك عالثره امغسل بلدموم...آه...آه...
وغصب امشي ابولية القوم...آه...آه...
وحاقد عدونا ودربنا اطويل
تمت بعون الله تعالى
✍🏻 خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#الامام_السجاد
جديد بمناسبة شهادة الإمام علي ابن الحسين زين العابدين عليه السلام قصيدة نخوه بعنوان (خطار عندك)
بالدمع جينه هالليله اندگ اعله بابه
زين العباد وكربله اكبر مصابه
ياعلي جينه ننتحب والمدمع يسيل
نقسم اعليك بمحنتك مولانا العليل
ما تردنا الليله أبد يلگيدك اثگيل
نقسم اعليك بوالدك يومه ومصابه
▪️〰▪️〰▪️〰▪️〰▪️〰▪️〰
يا ابو الباقر ادخيل اسمع ندانه
بسهمه الدهر يمولاي چم رميه رمانه
بينه مرض بينه أسر كلشي دهانه
بحق الذي في كربله حرگوا اطنابه
▪️〰▪️〰▪️〰▪️〰▪️〰▪️〰
يا علي جينه هالليله والدمع هماي
بنحر الرضيع النفطم من دمه مولاي
وسهم المنيه بكربله تگصدله عناي
توجب طلبنه مولاي بالدمه خضابه
▪️〰▪️〰▪️〰▪️〰▪️〰▪️〰
نقسم اعليك بوالدك يوم الدفنته
جسمه امطشر ياعلي بيدك جمعته
بگطعة بواري مولاي ودمعك هملته
يل بيدك ادفنت الولي ولحدته بترابه
▪️〰▪️〰▪️〰▪️〰▪️〰▪️〰
بدمعة رقيه يا علي جينه ننادي
يا ابو الباقر لا اترد هذي الايادي
بالظلوا بحيره علي بذيچ البوادي
من چفك نريد امراد بحق النجابه
▪️〰▪️〰▪️〰▪️〰▪️〰▪️〰
بحق الذي على الرمح رفعوله هامه
وبحسره تنظرله علي عيون اليتامه
نريد الشفاعه يا علي بيوم القيامه
وكلمن والاكم يا علي تيسروا حسابه
تمت بعون الله تعالى
✍🏻 خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#أم_البنين
نخوه لقضاء الحاجات وتعجيل الفرج قصيدة بعنوان (نخوه ياام البنين)
انخاچ نخوه مولاتي يا ام البنين
بحق فاطمه يا فاطمه وابلطمة العين
مولاتي جيتچ انتحب حيلي تهدم
بحقها الزچيه فاطمه الخدها تورم
تخلصي محبچ مولاتي من الحزن والهم
لا يظل حاير بأمره ويصفگ بالادين
▪️〰▪️〰▪️〰▪️〰▪️〰▪️〰
انخاچ يم الاربعه بحق الصميده
نظره الهالمجلس مولاتي هذا النريده
كل طالب حاجه مولاتي تنطينه بيده
بصبر الوصي وابمحنته ومدامع العين
▪️〰▪️〰▪️〰▪️〰▪️〰▪️〰
اقسم اعليچ بفاطمه وابكسر الضلوع
أبداً لا تردي گاصدچ مولاتي موجوع
گلبي بونينه ينتحب من دم الدموع
عطني امرادي مولاتي يلدمعچ صوبين
▪️〰▪️〰▪️〰▪️〰▪️〰▪️〰
اقسم اعليچ بكربله ومصاب عاشور
باللي رجع من النهر والظهر مكسور
يهمل دمعته مولاتي لحماي الخدور
بصبره ودمعته مولاتي تفكي المساجين
▪️〰▪️〰▪️〰▪️〰▪️〰▪️〰
انشدچ مولاتي جيت وابنحر الرضيع
اللي انفطم في كربله من دم النجيع
وضاق لمصابه مولاتي هالكون الوسيع
تفرجي الكرب يا مولاتي يا ام البنين
▪️〰▪️〰▪️〰▪️〰▪️〰▪️〰
يم البنين الاربعه بحق العقيله
يوم الوگفت على التل المدمع تسيله
تنادي يخويه يحسين فرهدوا العيله
حرگوا خيمنا خويه الحگنا يلحسين
▪️〰▪️〰▪️〰▪️〰▪️〰▪️〰
مولاتي اقسم اعليچ بعباس الكفيل
باللي نادته زينب من هجمت الخيل
بالخيم ما بقى خويه بس نسه واعليل
وما درت عالنهر نايم مگطوع الكفين
▪️〰▪️〰▪️〰▪️〰▪️〰▪️〰
مولاتي ادعي مولاتي يعجل بالظهور
دنيانا امتلت مولاتي بالظلم والجور
بحق الذي في كربله قدم هالنحور
واتغسل من دم منحره محزوز الوتين
تمت بعون الله تعالى
✍🏻 خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#دفن_الاجساد
جديد محرم الحرام 1446هجرية قصيدة لدفن الاجساد الزواكي في كربلاء بعنوان (قاصد تعنيت)
راد علي السجاد يدفن الاجساد
شاف لن الزهره امه بالغاضريه
من الكوفه گاصد زين العباد الكربله
رايد يدفن الاجساد البالدماء امغسله
شاف لن الزهره امه والدمعه هامله
نادى يا زهره جسوم اهلنه بالفله
من اليسر جيت گاصد تعنيت
ارد اواري جسوم اهلنه آ يالزچيه
▪️〰▪️〰▪️〰▪️〰▪️〰▪️〰
جسوم كلها ابليه رووس ويلي عليها
اشلون يا علي تعرفهم وزايد بچيها
گلها اعرفهم يزهره من الجروح البيها
كل جرح تارك علامه يايمه فيها
تعرفها روحي ساكنه جروحي
كل جرح بيهم يايمه اثاره بيه
▪️〰▪️〰▪️〰▪️〰▪️〰▪️〰
هاي جثة المظلوم حسين يزهره
اعرفها يايمه بتسعميه وألف طبره
هذا العزيز حسين واعضاه مطشره
ابواري لميت الجسم ونزلته بگبره
عضيدي يمه خليته عد جدمه
وعبدالله فوگ الصدر ياعظم الرزيه
▪️〰▪️〰▪️〰▪️〰▪️〰▪️〰
يفتر علي السجاد ما بين الجسوم
جهز أكبور الاحبه واگليبه مالوم
بحفره نزل الانصار وعزوة المظلوم
وهال التراب ويلي والدمع مسجوم
نصروا الدين ضحوا للحسين
وبكربله تقدموا للباري هديه
▪️〰▪️〰▪️〰▪️〰▪️〰▪️〰
وباقي جثه اعله النهر ظلت يزهره
لو تشوفينه يا فاطم گلبچ يكسره
عضيد حسين يازهره وكافل الحره
على الشاطي گطعوله اليمنه واليسره
بموته يزهره اخذونا اسرى
وعلى الشاطي بقى جثه رميه
▪️〰▪️〰▪️〰▪️〰▪️〰▪️〰
بطيحة العباس يمه تهدمت الصروح
تعالي ويايه يمه نگصدله ونروح
ندفن عضيد حسين يامهجة الروح
وللكوفه ارجع يا زهره انه بالجروح
تعالي وياي نگصد الوفاي
على الشاطي ادفنه بثنين اديه
تمت بعون الله تعالى
✍🏻 خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#الزهراء_والحسين
جديد محرم الحرام 1446هجرية قصيدة لحضور الزهراء عليها السلام مصرع ولدها الإمام الحسين عليه السلام بعنوان (جروحي غزيره)
انه الزهره اجيتك يحسين مگطع لگيتك
فجعني الدهر يحسين
شفتك محزوز الوتين
هاي انه الزهره يمه شفتك مرمي عالغبره
لچمني الجرح يحسين يمه ناديت بحسره
جسمك شفته آيبني والطبره فوگ الطبره
بيه ما ظل إحساس والطمت فوك العصره
جسمك موذر شفته وجهي يمه لطمته
فجعني الدهر يحسين
شفتك محزوز الوتين
▪️〰▪️〰▪️〰▪️〰▪️〰▪️〰
حايره يحسين بأمرك يا جرح الاشدنه
جرح فوگ الجرح والمثلث مگدر اشوفنه
وخنصر ايدك يلمذبوح وين انه دورنه
يا يمه جسمك موذر ومحزوز النحر لنه
حرت اشلون المك من حيرتي احشمك
فجعني الدهر يحسين
شفتك محزوز الوتين
▪️〰▪️〰▪️〰▪️〰▪️〰▪️〰
نسيته الكسر من شفته سحگ الضلوع
گمت الطم صدري يمه وهليت الدموع
وجدك نزل ويايه واگليبه يمه مفجوع
بصوته يناديني ما خلص حرگ الجذوع
موتك ينبي هظمنا لجلك يهل دمعنا
فجعني الدهر يحسين
شفتك محزوز الوتين
▪️〰▪️〰▪️〰▪️〰▪️〰▪️〰
چم ضلع ليك انسحگ وشيوجعك خبرني
خرز ظهرك يوليدي لو صدرك الشعبني
جسمك مرضرض يمه ياعقلي انذهل مني
خيل السحگت جسمك بحوافرها رضني
رضت يمه صدري وعادت علي كسري
فجعني الدهر يحسين
شفتك محزوز الوتين
▪️〰▪️〰▪️〰▪️〰▪️〰▪️〰
حر الشمس غير ارسومك يا مهجتي
من شفتك طايح عالثرى زادت لوعتي
وراسك على الرمح شفته هظمها ارويحتي
ومع ابنياتك باليسر يمه بدت رحلتي
امشي يمه بالدرب جروحي عليهم تلهب
فجعني الدهر يحسين
شفتك محزوز الوتين
تمت بعون الله تعالى
✍🏻 خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin