4059
الحجاب انهتك بالباب ومال العرش بالسطره واتخلخل نظام الكون من كسروا ضلع بالزهره اين الطالب بذحول الانبياء وابناء الانبياء
زنجيل ثلاثي
#وداع_العقيلة_زينب_والاخوان_ليلة_العاشر
*
*
شلون حالچ يالعقيلة ام الصبر 👈٢
لو نظرتي حسين ما عنده نصر
الله اكبر يالوداع شگد صعب
يخليچ ابو السجاد بديار الغرب
وانتي يم طاهر تكثرين العتب
لكسر گلبچ ما يصح ابدآ جبر
*
*
اه ياحرة شعظم هذا المصاب
من تسمعين الولي ودمه الخضاب
يگلچ ابگى عالثرة فوك التراب
ريت ابو الحملة علي هسا يحضر
اه يا ليلة العاشر ما سدت
تودع الوليان والدمعه اهملت
طول يا ليل الوداع لله توسلت
لو يطر فجرك يعاشر انئِسِر
آه يا عظم المصاب عليج باجر
من تسمعين جلمة ال "الا من ناصر"
بعينج تشوفي الحسين بصدره حافر
وخيل تهجم يالوديعه أعله الخدر
*
**
اشلون حالج يالوديعه ابوجة النار
من يشبون الخيم وتفر الزغار
حيره حيرتج يزينب والزمان اندار
وتصبح اسهام الشماته زخات المطر
*
*
حيره تصبح حيرتج بلم العيال
من يحضرون النوگ وي ذيج الحبال
بدمعه سكته تنادي الحگلي يكفال
واتديرين بالنظر يم شاطي النهر
تمت بعون الله تعالى
خادمة الزهراء /ليلى زغيب
كربلائيون ما حيينا
الشاعره ليلى زغيب
اين الطالب بذحول الانبياء وابناء الانبياء
/channel/Doumooalanin
دعاء صاحِب الأمر (عليه السلام)
قال الكفعمي في البلد الأمين: هذا دعاء صاحِب الأمر (عليه السلام) وقد علّمه سجيناً فأطلق سراحه:
اِلـهي عَظُمَ الْبَلاءُ، وَبَرِحَ الْخَفاءُ، وَانْكَشَفَ الْغِطاءُ، وَانْقَطَعَ الرَّجاءُ، وَضاقَتِ الاَرْضُ، وَمُنِعَتِ السَّماءُ، واَنْتَ الْمُسْتَعانُ، وَاِلَيْكَ الْمُشْتَكى، وَعَلَيْكَ الْمُعَوَّلُ فِي الشِدَّةِ والرَّخاءِ، اَللّـهُمَّ صَلِّ عَلى مُحَمَّد وَآلِ مُحَمَّد، اُولِي الاَمْرِ الَّذينَ فَرَضْتَ عَلَيْنا طاعَتَهُمْ، وَعَرَّفْتَنا بِذلِكَ مَنْزِلَتَهُمْ، فَفَرِّجْ عَنا بِحَقِّهِمْ فَرَجاً عاجِلاً قَريباً كَلَمْحِ الْبَصَرِ اَوْ هُوَ اَقْرَبُ، يا مُحَمَّدُ يا عَلِيُّ يا عَلِيُّ يا مُحَمَّدُ اِكْفِياني فَاِنَّكُما كافِيانِ، وَانْصُراني فَاِنَّكُما ناصِرانِ، يا مَوْلانا يا صاحِبَ الزَّمانِ، الْغَوْثَ الْغَوْثَ الْغَوْثَ، اَدْرِكْني اَدْرِكْني اَدْرِكْني، السّاعَةَ السّاعَةَ السّاعَةَ، الْعَجَلَ الْعَجَلَ الْعَجَل، يا اَرْحَمَ الرّاحِمينَ، بِحَقِّ مُحَمَّد وَآلِهِ الطّاهِرينَ
يااااااارب يا مفرج
اللهم فرج عن كل مكروب اللهم فك كل أسير اللهم أقضي دين كل مدين اللهم يسر كل أمر عسير
#الامام_الصادق
جديد بمناسبة شهادة الامام جعفر بن محمد الصادق عليه السلام قصيدة بعنوان (نفس النار)
من شبوا دار الصادق راح بفكره لباب الدار
نفس الهجمه وذات الايد بالدارين تشب النار
من شاهد بعيونه النار هاجت بيه احزان هواي
ينادي الزهره بحرگه يصيح نفس النار بداري هاي
نفس النار الحرگت بابج بالحقد اتعنتلي اعناي
من شفت النار تشب بينا ظل دمعي بخدي نثار
▪️〰▪️〰▪️〰▪️〰▪️〰▪️〰
من حجره لحجره يطفيها والمدمع بخدوده يسيل
يتذكر دار الزهراء وبالذكره بايد كل حيل
ويتذكر يوم امحرم ونار الشبوها والخيل
هاجت بيه احزانه وگام يلملم أطفاله ومحتار
▪️〰▪️〰▪️〰▪️〰▪️〰▪️〰
خمدت نيران البالدار وما خمدت نار اشجانه
من دار الزهره العاشور طافت بيه امواج احزانه
يا حزنه وگلبه الملچوم للصادق اصبح عنوانه
كل لحظه تمر بطيوفه ليها يلگه اچم تذكار
▪️〰▪️〰▪️〰▪️〰▪️〰▪️〰
ومن فرت بالدار عياله ظل ينحب لعيال حسين
بذيچ البيده شلون الحال ولا يمها حامي لا امعين
لم اطفاله وطفى النار وسال المدمع من العين
وشاهد زينب وي عماته ركبوهن ويلي اعله اكوار
▪️〰▪️〰▪️〰▪️〰▪️〰▪️〰
ظل حاير بهمومه وعيونه تراقب اطفاله
من لاذوا كلهم بكتاره ودمعات بخده هماله
تذكر زينب والاطفال من مروا بنفس الحاله
ولا يمهم كافل وايرد عنهم هجمات الاشرار
تمت بعون الله تعالى
خادمة الزهراء// ليلى زغيب
/channel/Doumooalanin
يا مَنْ تُحَلُّ بِهِ عُقَدُ الْمَكارِهِ، وَيا مَنْ يُفْثَأُ بِهِ حَدُّ الشَّدائِدِ، وَيا مَنْ يُلْتَمَسُ مِنْهُ الَمخْرَجُ اِلى رَوْحِ الْفَرَجِ، ذَلَّتْ لِقُدْرَتِكَ الصِّعابُ، وَتَسَبَّبَتْ بِلُطْفِكَ الْاَسْبابُ، وَجَرى بِقُدْرَتِكَ الْقَضاءُ، وَمَضَتْ عَلى اِرادَتِكَ الْاَشْياءُ، فَهِيَ بِمَشِيَّتِكَ دُونَ قَوْلِكَ مُؤْتَمِرَةٌ، وَبِإِرادَتِكَ دُونَ نَهْيِكَ مُنْزَجِرَةٌ، اَنْتَ الْمَدْعُوُّ لِلْمُهِمّاتِ، واَنْتَ الْمَفْزَعُ في المُلِمّاتِ، لا يَنْدَفِعُ مِنْها اِلاّ ما دَفَعْتَ، وَلا يَنْكَشِفُ مِنْها اِلاّ ما كَشَفْتَ، وَقَدْ نَزَلَ بي يا رَبِّ ما قَدْ تَكأَّدَني ثِقْلُهُ، وَاَلَمَّ بي ما قَدْ بَهَظَني حَمْلُهُ، وَبِقُدْرَتِكَ اَوْرَدْتَهُ عَلَيَّ، وَبِسُلْطانِكَ وَجَّهْتَهُ اِلَيَّ، فَلا مُصْدِرَ لِما اَوْرَدْتَ، وَلا صارِفَ لِما وَجَّهْتَ، وَلا فاتِحَ لِما اَغْلَقْتَ، وَلا مُغْلِقَ لِما فَتَحْتَ، وَلا مُيَسِّرَ لِما عَسَّرْتَ، وَلا ناصِرَ لِمَنْ خَذَلْتَ، فَصَلِّ عَلى مُحَمَّد وآلِهِ، وَاْفْتَحْ لي يا رَبِّ بابَ الْفَرَجِ بِطَولِكَ، وَاكْسِرْ عَنّي سُلْطانَ الْهَمِّ بِحَوْلِكَ، وَاَنِلْني حُسْنَ النَّظَرِ فيـما شَكَوْتُ، وَاَذِقْني حَلاوَةَ الصُّنْعِ فيـما سَاَلْتُ، وَهَبْ لي مِنْ لَدُنْكَ رَحْمةً وَفَرجاً هَنيئاً، وَاجْعَلْ لي مِنْ عِنْدِكَ مَخْرَجاً وَحِيّاً، وَلا تَشْغَلْني بِالاِهتِمامِ عَنْ تَعاهُدِ فُرُوضِكَ، وَاسْتِعْمالِ سُنَّتِكَ فَقَدْ ضِقْتُ لِما نَزَلَ بي يا رَبِّ ذَرْعاً، وامْتَلأتُ بِحَمْلِ ما حَدَثَ عَليَّ هَمّاً، واَنْتَ الْقادِرُ عَلى كَشْفِ ما مُنيتُ بِهِ، وَدَفْعِ ما وَقَعْتُ فيهِ، فاَفْعَلْ بي ذلِكَ وَاِنْ لَمْ اَسْتَوْجِبْهُ مِنْكَ، يا ذَا الْعَرْشِ الْعَظيمِ، وَذَا الْمَنِّ الْكَريمِ، فَاَنْتَ قادِرٌ يا اَرْحَمَ الرّاحِمينَ، آمينَ رَبَّ الْعالَمينَ
ياااااااب العالمين ....
يا كاشف ضر ايوب يا راد يوسف على يعقوب يا رافع عيسى ابن مريم ومنجيه من ايدي اليهود يا مجيب نداء يونس في الظلمات يا كاشف الغم عن وجه حبيبك ونبيك محمد صلى الله عليه وآله وسلم اكشف عنا الهم والغم كما كشفته عنه
يا مفرج الهم ياالله يااالله يااالله
طبعآ جبتلكم قناة كلش تفيد الملايات
كل الي تحتاجه الملاية بمجلسها من ترتيب دفاتر واطوار وثقافه حسينيه بالمجالس تجدونه في هذه القناة من خلال الأشتراك بالرابط تحصلين كل البصمات موجودة وتسمعين للدروس وراح تستفادين منها
انصحچ يالخادمه اشتركي من هنا
👇🏻👇🏻👇🏻👇🏻👇🏻
/channel/academy_mahhdawyat_allhawa
🕊يا صاحب الزمان
ماكو اي طعم للعيد وانت بغربتك وحدك
كل فرح بي غصه اي وحگ المصطفى جدك
ندعي للباري بكل ساع يحقق املنا بوعدك
ويكتمل عدنا العيد ويكتبنا الباري من جندك
🕊يا صاحب الزمان
عيدنا المرتقب يمهدي يوم البي تظهر علينه
تنور الدنيه ابوجودك وتمسح كل تعب بينه
وينتشر بيك العدل وتتحقق كل امانينه
خلفك نصلي جماعه والعيد يكمل يمهدينه
#اللــہـم_عجــل_لـولیڪ_الفــرج
خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
من دعاء الامام زين العابدين في وداع شهر رمضان
السَّلاَمُ عَلَيكَ يَـا أكرَمَ مَصحُـوب مِنَ الاوقَاتِ، وَيَا خَيرَ شَهر فِي الايَّامِ وَالسَّاعَاتِ.
السَّلاَمُ عَلَيكَ مِن شَهر قَرُبَت فِيهِ الامالُ وَنُشِرَت فِيهِ الاَعمَالُ.
السَّلاَمُ عَلَيكَ مِن قَرِين جَلَّ قَدرُهُ مَوجُوداً، وَأَفجَعَ فَقدُهُ مَفقُوداً، وَمَرجُوٍّ آلَمَ فِرَاقُهُ.
السَّلاَمُ عَلَيكَ مِن أَلِيف آنَسَ مُقبِلاً فَسَرَّ، وَأَوحَشَ مُنقَضِياً فَمَضَّ. السَّلاَمُ عَلَيكَ مِن مُجَاوِر رَقَّت فِيهِ القُلُوبُ، وَقَلَّت فِيهِ الذُّنُوبُ.
السَّلاَمُ عَلَيكَ مِن نَاصِر أَعَانَ عَلَى الشَّيطَانِ وَصَاحِب سَهَّلَ سُبُلَ الاحسَانِ.
أَلسَّلاَمُ عَلَيكَ مَا أكثَرَ عُتَقَاءَ اللهِ فِيكَ وَمَا أَسعَدَ مَن رَعَى حُرمَتَكَ بكَ!.
أَلسَّلاَمُ عَلَيكَ مَا كَانَ أَمحَاكَ لِلذُّنُوبِ، وَأَستَرَكَ لِاَنوَاعِ العُيُوبِ!
أَلسَّلاَمُ عَلَيكَ مَا كَانَ أَطوَلَكَ عَلَى المُجرِمِينَ، وَأَهيَبَكَ فِي صُدُورِ المُؤمِنِينَ!
أَلسَّلاَمُ عَلَيكَ مِن شَهر لا تُنَافِسُهُ الايَّامُ.
أَلسَّلاَمُ عَلَيكَ مِن شَهر هُوَ مِن كُلِّ أَمر سَلاَمٌ.
أَلسَّلاَمُ عَلَيكَ غَيرَ كَرِيهِ المُصَاحَبَةِ وَلاَ ذَمِيمِ المُلاَبَسَةِ.
أَلسَّلاَمُ عَلَيكَ كَمَا وَفَدتَ عَلَينَا بِالبَرَكَاتِ، وَغَسَلتَ عَنَّا دَنَسَ الخَطِيئاتِ.
أَلسَّلاَمُ عَلَيكَ غَيرَ مُوَدَّع بَرَماً وَلاَ مَترُوك صِيَامُهُ سَأَماً.
أَلسَّلاَمُ عَلَيكَ مِن مَطلُوبِ قَبلَ وَقتِهِ وَمَحزُون عَلَيهِ قَبلَ فَوتِهِ.
أَلسَّلاَمُ عَلَيكَ كَم مِن سُوء صُرِفَ بِكَ عَنَّا وَكَم مِن خَير اُفِيضَ بِكَ عَلَينَا.
أَلسَّلاَمُ عَلَيـكَ وَعَلَى لَيلَةِ القَدرِ الَّتِي هِيَ خَيرٌ مِن أَلفِ شَهر.
أَلسَّلاَمُ عَلَيكَ ما كَانَ أَحرَصَنَا بِالامسِ عَلَيكَ وَأَشَدَّ شَوقَنَا غَدَاً إلَيكَ.
أَلسَلاَمُ عَلَيكَ وَعَلَى فَضلِكَ الَّذِي حُرِمنَاهُ، وَعَلَى مَاض مِن بَرَكَاتِكَ سُلِبنَاهُ
كل عام وانتم الى الله اقرب
تم تنزيل قصائد للامام علي
ماشاء الله على ابداع الشاعرة ام محمدالحجاج مبدعة وراقية بقصائدها والديليل هنا
👇🏻👇🏻👇🏻👇🏻👇🏻👇🏻
اشتركو بالقناة تجدون كل شئ مميز وحزين
/channel/ommohamadalaebaadey
#الامام_علي
جديد بمناسبة شهادة امير المؤمنين عليه السلام قصيدة بعنوان (دمع اليتامه)
اجتمعت الايتام كلهه بدار الوصي وتنوح
فارگنا علي الكرار وخلف نحيب الروح
رايح يا علي في وين وعايف بدارك يتامه
منهو عليها يحن لو دهرهه ينشب اسهامه
بدنيتها بعد يا حيف ليهه ما تحصل سلامه
من بعدك يا علي تصبح طير بغدر مذبوح
▪️〰▪️〰▪️〰▪️〰▪️〰
تنادي اليتامه يا علي من عظم هاي الرزيه
من ودعتها يا علي وتهمل الدمعه جريه
وزينب شابگه العشره وتنادي وينچ يلزچيه
راح الولي يا زهراء وما يكفي عليه النوح
▪️〰▪️〰▪️〰▪️〰▪️〰
تعالي يزهره وشوفي الايتام كلهه اعله بابه
من عظم المصيبه ويل تهل ادموع سچابه
تنادي يا علي وين عفت المسجد وطلابه
المسجد ومحرابه بچوا ويه القلم واللوح
▪️〰▪️〰▪️〰▪️〰▪️〰
اظلم الكون بغيابك يا علي وابدى الونين
كلشي الليله يشارك بالعزا الحسن وحسين
مهظوم الشرع ياحيف ومنكسر ظهر الدين
بفراگك كلشي يون ويهل الدمع مسفوح
▪️〰▪️〰▪️〰▪️〰▪️〰
بليلة قدر يا حيف اهل الغدر يتمونه
انطبر هام الولي ودمه اعليه بچونه
ابيت الله وابمحرابه بحيدر علي فجعونه
ومن بعده اليتامه ويل ما تدري وين تروح
تمت بعون الله تعالى
خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
آ يا ليلة القدر استعدي للبلاء
من هام دين الله غدرا تجري الدماء
ليلة ابتهالات للباري ترفع بالعزاء
ليلة فيها صوت جبرائيل يعلو في السماء
تهدمت والله اركان الهدى يطبر هام خير الاوصياء.
ليلة بها يعلو النحيب لايتام تضج بالبكاء
راحل انت يا علي والدين بعدك في عناء
اي دمع اي آه يكفي بعدك يا ابا الامناء
#تهدمت_والله_اركان_الهدى
عظم الله اجورنا واجوركم بمصابنا بأمير المؤمنين علي ابن ابي طالب عليه السلام
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#الامام_علي
جديد بمناسبة شهادة امير المؤمنين عليه السلام قصيدة بعنوان (صوت الحزن)
ناحت املاك السمه طاح الولي بمحرابه
بنص الفرض ياويل صاب الدين بصوابه
يا علي كلهه تنوح و لابسه ثوب الحداد
و الملك جبريل نادى الغوث يا رب العباد
مصاب الولي جمره تسعر في وسط الفاد
كلمن يصيح الويل ويهل ادموع سچابه
▪️〰▪️〰▪️〰▪️〰▪️〰
وگفوا بدار المرتضى والكل يهل دموع
كل اليتامه تنتحب وتنادي بگلب مفجوع
رايح يا علي وتارك يتاماك تحن وتلوع
الشرع واحكامه يا علي والنبي واحبابه
▪️〰▪️〰▪️〰▪️〰▪️〰
صوبك سيف المرادي ياعلي ويتم الدين
وخله زينب يا علي تصفگ شمال بيمين
واليتامه اعله بابك تهمل من دمه العين
وينحب القرآن يا علي والمسجد ومحرابه
▪️〰▪️〰▪️〰▪️〰▪️〰
كل الخلگ تنحب علي الما تمم صيامه
وما نظن أبد هالشهر يمر عيده بسلامه
وصوت جبرائيل بالسمه هاي اول علامه
طاح الولي بالمحراب ومن دم راسه خضابه
▪️〰▪️〰▪️〰▪️〰▪️〰
زينب لطمت الهام من صاح الملك جبريل
طاح عزي ودلالي بطيحة مصلي الليل
بحرگه نادت حسن يحسين ويعباس الكفيل
من هسه اشوفن كربله وهجمت السلابه
تمت بعون الله تعالى
خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#خديجه_ام_المؤمنين
جديد بمناسبة وفاة السيدة خديجه أم المؤمنين رضوان الله عليها قصيدة بعنوان (يا وفيه)
سلام الله عليها خديجه الفدت للدين
ما قصرت لا والله تستاهل نهل العين
هاي الناصرت دين الله بساعة العسره
تستاهل عليها نجر حسره بأثر حسره
چانت سكن للهادي وأم الفاطمه الزهره
بفگدها انكسر گلب المصطفى وام الحسين
▪️〰▪️〰▪️〰▪️〰▪️〰
سال دمعه المصطفى واصفگ ايدينه
ونادى يفاطم بالعجل گومي يا حزينه
بدت ليالي السود والسرور اموديعينه
ظل ينتحب ويلي ويصفگ شمال بيمين
▪️〰▪️〰▪️〰▪️〰▪️〰
حضن فاطمه الزهره ونادى بگلب مجروح
ماتت امچ يبويه وبده نزف الجروح
انفتح باب المصاب يزهره كثري النوح
على امچ يزهره من گلبي اجر الونين
▪️〰▪️〰▪️〰▪️〰▪️〰
جهز خديجه ويل واسفر اعليها الكفن
وبصوت الحزن صاح تعالي يم حسن
القي نظره اخيره واستعدي للزمن
مصابي ومصابچ عظيم ياام الميامين
▪️〰▪️〰▪️〰▪️〰▪️〰
منبع الحنيه والدفو راحت يفاطم
وظل من عگبها بس الدمع ساچم
ما ينتهي حزنا حتى يظهر القائم
ابنچ يفاطم بيده يضمد جرح السنين
تمت بعون الله تعالى
خادمة الزهراء// ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
🕊يا صاحب الزمان
امبارك اعليك الشهر يا مولاي
وادعيلك يعجل بالفرج رجواي
يا نجم سعدي ويا امل دنياي
يشريان الحياة واسرارك اهواي
🕊يا صاحب الزمان
وانت بغربتك مولاي ودمع العيون
احلفك يا عزيز الروح الگلب محزون
طالت غيبتك ومنا انهدلت متون
حزام الصبر شدينه يا شمس هالكون
#اللــہـم_عجــل_لـولیڪ_الفــرج
خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#الامام_الكاظم
جديد بمناسبة شهادة الامام الكاظم عليه السلام قصيدة بعنوان (رهين السجون)
صاحب السجده الطويله مات بغدر مسموم
كاظم الغيظ ياويلي اعليه الگلب مالوم
وينچ يزهره مات بغدر موسى ابن جعفر
عوفي المدينه يله تعالي يم ضلع التكسر
ابنچ قضى نحبه وبالسم چبده توذر
وفوگ الجسر خلوه والعين تهمل دمع ودموم
▪️〰▪️〰▪️〰▪️〰▪️〰
فوگ الجسر يا زهره ظل جسد مرمي
گيد وجامعه والساگ يم الحسن مدمي
گومي من الگبر يله وفوگ الصدر لطمي
راح ابنچ الف ياحيف واعليه الگلب مهموم
▪️〰▪️〰▪️〰▪️〰▪️〰
تعالي يازهره شوفي الرضا يون وينوح لمصابه
ينادي الف ياحيف ويهل ادموعه سچابه
تالي السجن مسموم جمرة فگده لهابه
تعالي يم حسن بالحال وانسي چم ضلع مهشوم
▪️〰▪️〰▪️〰▪️〰▪️〰
الكاظم خلص عمره بطاموره وسجن واظلم
گيد وسلسله ويلي ومن ساگه ينز الدم
رهينه بسجن هارون ويتنفس حزن وي هم
تالي السجن يا زهره چبده اتگطع بلسموم
▪️〰▪️〰▪️〰▪️〰▪️〰
حسره بالگلب ظلت على اولادچ يزهره
ومصاب الكاظم الليله وجر بالصدر جمره
انعادت مآسي كربله وكسر الضلع والعصره
يمته المهدي بوصالح عنه يقشع هالغيوم
تمت بعون الله تعالى
خادمة الزهراء // ليلى زغيب
/channel/Doumooalanin
#عقيلة_الطالبيين
جديد بمناسبة وفاة عقيلة بني هاشم زينب ابنت علي عليهما السلام قصيدة نخوه بعنوان (اجيتچ ادخيل)
جيتچ يزينب انتحب واهملچ العين
بجاه الصميده حيدر وي أم الحسين
جيتچ مولاتي اشكيلچ شايل هموم
من دمه اهمل دموعي واگليبي مالوم
انخاچ نخوه مولاتي بالصدره مهشوم
والخيل داسته زينب وسط الميادين
▪️〰▪️〰▪️〰▪️〰▪️〰
جيتچ يمولاتي ومحنيه الضلوع
واگف ابابچ اتوسل اگليبي موجوع
اقسم بجاه البتوله وحرگ الجذوع
لا ترديني بطلبتي يخت الحسين
▪️〰▪️〰▪️〰▪️〰▪️〰
اتوسلچ مولاتي وابحرگ الاطناب
ومحنتچ ويه گيدچ ودمع المصاب
بحسين محزوز النحر والدمه خضاب
لا تخليني بحيرتي ابمحزوز الوتين
▪️〰▪️〰▪️〰▪️〰▪️〰
يم بابچ يابت علي واگف وانتحب
نظره اريدن منچ تطفي نار التشب
اقسم اعليچ برقيه وبذاك الدرب
البي مشيتي يازينب مچتوفه الادين
▪️〰▪️〰▪️〰▪️〰▪️〰
يا بت علي ادخيل بعباس الكفيل
الظل نايم عالنهر وبادماه التسيل
مخنوگ الهوه بريتي وهم ليلي اطويل
بسهم عينه يزينب وي طبر الجبين
تمت بعون الله تعالى
خادمة الزهراء // ليلى زغيب
/channel/Doumooalanin
#زنجيل_ثلاثي_لهلال محرم الحرام
على طور)) #المرحوم_ياسين_الرميثي
ادور عليك يبن امي وما واحد يدليني
يهلال الحزن هليت وهلالك يبچيني
شمالك بالكدر هليت اشوفك تنعمي عيني
@@@@@@
يهلال الكدر والشوم لا تكسر گلب زينب
تدري بيك بس احزان وخافن لنها تتسلب
وبهلالك تشوف الشر وتدري بيك تتعذب
اخافن تغدر ابولياي وما واحد يوديني
~~~~~~
يهلال الحزن والاه لا تلجم ضلع ثاني
ليهسه ضلع امي والباب ناره تشب بأجفاني
من انظر بالسمه رسمك اتخيل ضلع حاني
گلبي بيش اصبرن واشوفه بطگه ياذيني
~~~~~~~~~~
يهلال النوايب بيك اهل من الدمه الدموع
بيك انظر جسد دامي واعليه اليتامه اتلوع
بناته ايذوبن گلبي يحنن والگلب موجوع
حسراتي تهد اجبال وحدر ضلوعي تجويني
~~~~~~~~~
آ يهلال بيك انظر شباب وحنه بالمصرع
خضابه دموم نحره يصير وانه بهمه اتلوع
يجيبه الوالي للخيمه ويهل دموم بالمدمع
ورمله بدمعه توميله يجاسم يمه حاجيني
~~~~~~~~~~~
شلي بيك انه يهلال غير الحسره والاهات
بيك انظر شبه جدي جسمه اموذر بطعنات
بطوله تمدد الوالي ومن گلبه يجر ونات
يگله وليدي يالاكبر مصابك بويه عاميني
~~~~~~~~~~~
يهلال وصعب احجي خدري أعله النهر مطروح
وسبع أشواط اتخيل ما بين الشاطي والمذبوح
وعبايه امغيره الرسوم دمه ودخان بيها يلوح
وصيحات النسه واطفال وعدوان التباريني
تمت بعون الله تعالى
خادمة الزهراء /ليلى زغيب
كربلائيون ما حيينا
الشاعره ليلى زغيب
اين الطالب بذحول الانبياء وابناء الانبياء
/channel/Doumooalanin
اذا انتي ملايه وبعدچ ممحظره قصائد تعالي وياي اخذچ لقناة ام علي الأماره تم وسيتم فيها تنزيل قصائد جديدة
بكلمات حسچه جنوبيه تنطي المجلس حقه واعتقد هالحسچه مرغوبه بمفرداتها الفطريه التي تجعل السامع يعيش المصاب
القناة تحكم على اعلانها المميز
الأشتراك من هنا 👇🏻👇🏻👇🏻
/channel/um_ali313
#الامام_الصادق
جديد بمناسبة شهادة الامام جعفر بن محمد الصادق عليه السلام قصيدة بعنوان (دمعة جعفرية)
للبقيع بحرگه نطلع نلطم الصدر وننوح
نواسي بالدمعات جينه بحسره ما تشفي الجروح
جعفر الصادق امامي جرحه ما بين الضلوع
مصابه وج بينه الحزن وجدد مصاب الجذوع
نلطم الصدر بأنين ومن دمه نهل الدموع
حجة الباري يجعفر مصابك يهدم الصروح
▪️〰▪️〰▪️〰▪️〰▪️〰▪️〰
أبد مو سهله علينه ما نزورك بالبقيع
بالحوايج كلنه نقصد قبرك الحصن المنيع
نطوف بالحضره وننادي جدك الهادي الشغيع
حلم صاير عدنا هذا وكل حزن بينه يروح
▪️〰▪️〰▪️〰▪️〰▪️〰▪️〰
حجة الباري امامي چبده بسموم انفطر
وابنه الكاظم عليه دمعه من دم انهطر
والده مسموم چبده وعمره ياويل انغدر
ذوي القربى من غدرهم ذايبه ويلي الروح
▪️〰▪️〰▪️〰▪️〰▪️〰▪️〰
الصرخه من عمق الضمير يا امام الجعفريه
محور الدين ومداره چبده بالسم منفريه
الدمعه ما تكفي لجنابه نسل حيدر والزچيه
نرفع الصيحات واجب ومن دمه دمعٖ سفوح
▪️〰▪️〰▪️〰▪️〰▪️〰▪️〰
ناشر علوم الديانه تالي قبره وي التراب
منهدم قبره يويلي يا عظم هذا المصاب
يمته يا مهدينه تظهر وللسمه ترفع قباب
اتشيد قبور الغوالي واويانه للحضره تروح
تمت بعون الله تعالى
خادمة الزهراء // ليلى زغيب
/channel/Doumooalanin
#عليلة_الحسين
جديد محرم الحرام ١٤٤٥ هجرية وداع العليلة لأبيها الحسين عليه السلام قصيدة بعنوان (الهجر چتال)
وگفت اعله الباب وتنادي يبويه انه العليله
عگبكم ياابو السجاد حملي من يشيله
ظلت تنادي يبو السجاد يا بويه تانيني
فد كلمه أريد احچي المن عگبك اتخليني
وحشه الدار والنزل خالي والهجر يآذيني
المن تخليني يبويه والمن همومي اشكيله
▪️〰▪️〰▪️〰▪️〰▪️〰▪️〰
يبو السجاد يالغالي مظلمه عگبك حياتي
وحيده اظل بالدار تباريلي يبويه دمعاتي
علتي وي الظنون ولاوين تاخذني حسباتي
چني ابهالبلد واسمع بناعي البين وابچيله
▪️〰▪️〰▪️〰▪️〰▪️〰▪️〰
اوياك يابويه اخذني لا اظل وحدي غريبه
اتنطر اخبار الاهل واهمل الدمعه سچيبه
گلبي يظل ابونينه وامضيع عگبك طبيبه
بنار الفراگ وعلتي والدمع يجري مسيله
▪️〰▪️〰▪️〰▪️〰▪️〰▪️〰
روحي بحزنها والهجر والعله يابويه تبرالي
تدري بغيابك يالولي يا خاطر واجه ابالي
چني يتيمه انتظر ويردلي الظعن خالي
حامل هموم وألم ودمعات الحزن تصغيله
▪️〰▪️〰▪️〰▪️〰▪️〰▪️〰
عيني بالدمع ظلت تترجى بويه واتنادي
لتعوفني بالنزل وحدي بحق غوث المنادي
رحيلك يالابو تدري فتت مهجتي وافادي
وروحي بشغف يابوي ظلت للظعن توميله
تمت بعون الله تعالى
خادمة الزهراء // ليلى زغيب
/channel/Doumooalanin
••❥ًً❀(•«﷽»•)❀❥ ••
قصيده للبقيع
للبقيع الليله نمشي نواسي الزهره ومحمد
يا علي صيحتنا نرفع اعلينه هاي الدنيا تشهد
┅┈●⇝╭✨╮⇜●┈
بالبقيع اربع گبور ابلا مزار ولا مناره
لا صحن لا حضره عدهم يا وسف اهل الغياره
بالگلب وجة جمر والدمع دم وتجارى
الهدموا اگبور الايمه دين ما عدهم ابد
┅┈●⇝╭✨╮⇜●┈
يا علي صيحتنا نرفع توصل لسابع سمه
نواسي الهادي محمد ويه بنته فاطمه
ليا سبب هاي الجريمه والگبور امهدمه
كل حقدهم عالشريعه الغوث يا واحد احد
┅┈●⇝╭✨╮⇜●┈
نهتف بصوت الولاء ما نعوفك يل بقيع
وننتظر قائمنا يظهر يبين الحق المنيع
نقسم بدم النحور وحق الحسين الصريع
رغم كل هذا اليصير دوم يا مهدي نردد
┅┈●⇝╭✨╮⇜●┈
بحسره نمشي وبهموم ويعصر الروح الألم
وبحزن الاجدام تخطي ولدمع يجري بهظم
جم كبر لاهل الرساله نشوفه وسفه منهدم
حيل صعبه هالرزيه الكلب منهه انمرد
┅┈●⇝╭✨╮⇜●┈
اكبور أئمتنه نشوف احجار ويحيطه تراب
اسياج من خلفه نزور وهلامر وحده مصاب
الدمع بس الوسيله الينزل بحركه سجاب
ونشكي الرب الجلاله السند والمعتمد
┅┈●⇝╭✨╮⇜●┈
نصيح يا رب العجل وينتهي هالانتظار
المهدي اليشيد البقيع ويبني اكبور الاطهار
والهدمهن للحساب ايوكفه وياخذ الثار
نندعيله بالنصر ونطلب من الله المدد
┅┈●⇝╭✨╮⇜●┈
تمت بعون الله وتوفيق منه
بأقلام خادمات اهل البيت عليهم السلام
✍️خادمة الزهراء عليها السلام ليلى زغيب
✍️أزهار جبار الجياشي
نسألكم الدعاء بتعجيل الفرج لمولانا صاحب العصر والزمان عجل الله تعالى فرجه الشريف وسهل مخرجه
لا نجيز وغير مبري الذمه من يحذف أسماء الشاعرات وينسب الكلام له
/channel/Doumooalanin
مااحجيلكم عالقصائد الي تنزل بالقناة من اعظم وارقى القصائد الحسينية
الموزونه والحزينة وتناسب الرجال والنساء
القصيدة مع الطور تنزل بالقناة
انصحكم تشتركون بالقناة
الأشتراااك عبر الرابط
👇🏻👇🏻👇🏻👇🏻👇🏻👇🏻👇🏻👇🏻👇🏻
/channel/lAfiteamoun
من أجمل ماخط قلم العلوية الشاعرة ام وليد الموسوي
مبدعة بمعنى الكلمة اشتركو بالقناة وشاهدو القصائد بنفسكم
تستحق المتابعه ولكم الأجر في ذالك
الأشتراك عبر الرابط
👇🏻👇🏻👇🏻👇🏻
/channel/Alalwya
#الامام_علي
جديد بمناسبة شهادة امير المؤمنين عليه السلام قصيدة بعنوان (عيد الايتام)
رايح يا علي ومجبل علينه العيد
شيصبر الگلب يابويه گلبي ميهيد
گلي اشلون بعدك اگضيهه حياتي
يا علي كلشي راح ماتت امنياتي
يتيمه خلاف عينك يا ريته مماتي
شلون اتصبر يا علي وحزني امچيد
▪️〰▪️〰▪️〰▪️〰▪️〰▪️〰
مظلمه ديارك يا علي بعدك خليه
شلي بالعيد وشخصك غايب عليه
چنت اتسلى بوجودك بعد الزچيه
لاوين انطي الوجه بعدكم يا حيد
▪️〰▪️〰▪️〰▪️〰▪️〰▪️〰
شگول يا علي للناس من تطب باچر
تناشدني والحزن بالگلب شاجر
يا علي فگدك هظمني ودمعي ماطر
كلهه العطايا يا علي من چفك تريد
▪️〰▪️〰▪️〰▪️〰▪️〰▪️〰
گلي ياعلي لو جت عله بابك يتامه
تريدك يا علي وتعيد العيد بسلامه
يا دمع الاصبه گلي يا تاج الامامه
من تردد الايتام اسمك ياعلي وتعيد
▪️〰▪️〰▪️〰▪️〰▪️〰▪️〰
عفتني يا علي لظيم الدهر والنوايب
زينب عگب عينك تجرع للمصايب
من هسه اني بكربله واسر الاجانب
وچني مچتوفه بديوان نسل العبيد
تمت بعون الله تعالى
خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#الامام_علي
جديد بمناسبة شهادة امير المؤمنين عليه السلام قصيدة بعنوان (حان الوداع)
على فراش المنيه حيدر ويدير بالعين
يودع اولاده ويوصيهم غده بالدين
فتح عيونه بهداي ونادى علي اولاده
لن الحسن وحسين يتچوله بلوساده
لا تعوفنه للهم وتروح يا والد الساده
عگبك اولادك ياعلي تلتجي وين
▪️〰▪️〰▪️〰▪️〰▪️〰
نادى يلحسن يا بويه اسمع للوصيه
انته الحجه من بعدي يا نسل الزچيه
تجرع غصص بويه من اولاد الدعيه
وداعة الله يبوي شتت شملنا البين
▪️〰▪️〰▪️〰▪️〰▪️〰
ودار طرفه علحسين وهل الدموع
ونظر نظره وتأوه من گلب مفجوع
ومسح دمعه ونادى وحنى الضلوع
ما مثل يومك ابد يابويه يحسين
▪️〰▪️〰▪️〰▪️〰▪️〰
امسح دموعك يبو السجاد يغالي
لا تبچي يبويه ولا يفجعك حالي
ما يحصل مثل يومك ولا يجي ابالي
چني اشوفك ودمك يسيل صوبين
▪️〰▪️〰▪️〰▪️〰▪️〰
كل الجرالي يحسين ذره برض كربله
لا شبوا خيامي ولا نمت وسط الفله
ولا روعوا اطفالي ولا سبوا المدلله
لاچن يومك يبو السجاد يدمي العين
تمت بعون الله تعالى
خادمة الزهراء// ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#الامام_علي
جديد بمناسبة شهادة امير المؤمنين عليه السلام قصيدة بعنوان (ليلة القدر والاشجان)
يا ليلة التاسع عشر ليلة القدر الجليله
بيها مطبور الولي نوحي زينب ياعقيله
يا ليلة التاسع عشر ليلة الهم والمصيبه
بيها ينحب المحراب هالليله شگد عصيبه
ينطبر هام الوصي وشيبته بدمه خضيبه
وتوگف الايتام اعله بابه والكل حاير دليله
▪️〰▪️〰▪️〰▪️〰▪️〰
يا ليلة التاسع عشر البيها ينوح الدين
حيدر ينطبر هامه بسيف الغدر نصين
ليله ما يطلع صبحهه الا بدمع وي آه وونين
وينكسر ظهر الدين ولا واحد يتچيله
▪️〰▪️〰▪️〰▪️〰▪️〰
يا ليلة التاسع عشر هاي ليلة دمع وهموم
بيها اليتيم ينوح من عنده الگلب مالوم
بيها الحسن يصرخ وهم يندب المظلوم
بعد الابو يا حيف هذا الحمل منهو يشيله
▪️〰▪️〰▪️〰▪️〰▪️〰
ليلة التاسع عشر ليلة كدر ليلة مصاب
ليله بيها زينب تنوح مذهوله واگفه اعالباب
بصوت الفجيعه تصيح بدرك يبويه لو غاب
يا عيشة الگشره يبويه والعدو برد غليله
▪️〰▪️〰▪️〰▪️〰▪️〰
بليلة التاسع عشر في وين عنا يلزچيه
طبروا الولي بمحرابه وطفه نوره ابهالعشيه
تعالي بساع يالزهره ونصبي ويانا العزيه
جاچ الوصي مطبور شدي جرحه يلجليله
تمت بعون الله تعالى
خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#الامام_الحسن_المجتبى
للمدينه امشونه يله نشارك الهادي بفرحته
نبارك الزهره الزچيه بالحسن اوولادته
نحمل اويانه التهاني وكل شيعي يمسح دمعته
الليله مولود الامام و نوٌر الدنيا بطلعته
نبارك لكم ذكرى ميلاد السبط الأول للرسول الاكرم صلى الله عليه وآله وسلم
#الامام_الحسن_المجتبى
خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#شيخ_البطحاء
جديد بمناسبة وفاة عم النبي ابو طالب رضوان الله عليه قصيدة بعنوان (بداية حزن)
بالشعب مات ابوطالب والنبي بالحزن صاح
يا علي راح المحامي وبانت بوجهي الجراح
كثرت هموم المصطفى من ودع ابو طالب
يتلفت يمين شمال وظل يهمل دمع ساچب
بدت احزانه من ودع عمد دينه والصاحب
هذاالشال هم الدين وابوجه الكفر صاح
▪️〰▪️〰▪️〰▪️〰▪️〰
جهزه باكفانه ونادى بحزن مهموم
ياعلي والدك چان الي ناصر وجيدوم
من بعده انحنى ظهري وگلبي عليه مالوم
بموت ابو طالب يا علي انهدم ركني وطاح
▪️〰▪️〰▪️〰▪️〰▪️〰
مثله ما بعد يحصل شيال الحمايل
چنت اذب حملي عليه يحلال المشاكل
على فراگه الحزن زاد والدمع من دم سايل
عگبه يا علي بس نصفگ الراح اعله راح
▪️〰▪️〰▪️〰▪️〰▪️〰
مصايبنا يا علي من عام الحزن دارت
حزام عالدين جيوش الكفر ياعلي صارت
چان سور وبي نحتمي لو غدرات الزمن غارت
لازم نهاجر عگب المحامي ونلملم جراح
▪️〰▪️〰▪️〰▪️〰▪️〰
انهدم ركني يا علي بموت عمي وكفيلي
بگبره اني انزله يا مصاب الهدم حيلي
سهم الزمن غدار يا دمعات الحزن سيلي
فگده يا علي تدري لشريان الگلب ذباح
تمت بعون الله تعالى
خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#عقيلة_الطالبيين
جديد بمناسبة وفاة عقيلة بني هاشم زينب ابنت علي عليهما السلام قصيدة بعنوان ( حضري العقيله )
نعازي فاطمة الزجيه
زينب وافتها المنيه
يادمع يكفي ونسيله
عله امصابج يالعقيله
⊰᯽⊱┈──✾❊✾╌─┈⊰᯽⊱
گومي يا زهراء لينه حضري بنتچ بالدفن
ماتت بحسرة اخوها تنادي يحسين وتون
ياعذاب الجره عليهه جرعت اشكال الحزن
وحيده مابين الغرايب محد اعليهه يحن
والنعش غربه تشيله
يا دمع يكفي ونسيله
✍🏼خادمة الزهراء// ليلى زغيب
⊰᯽⊱┈──✾❊✾╌─┈⊰᯽⊱
بلحزن خلصة عمرها ولجفن من عدهه شاب
كعبة الأحزان زينب ماتت بهظم وعذاب
عاشت وماتت غريبه آه يـاعظم المصاب
يـــالزچبه لجل بتچ هالگلب تدرينه ذاب
مصاب لا ماكو مثيله
يـادمع يكفي ونسيله
✍ الشاعـــرة رقيــة العامــري
⊰᯽⊱┈──✾❊✾╌─┈⊰᯽⊱
يادمع يكفي المصيبة والحزن هد الصخر
والنعش غربه التشيله محد العدهه حضر
حسين بارض الطف رميه وعالنهر نام الگمر
غربه وآلام ومنيه يالزجيه شهل القهر
وونت الخدر ثگیله
يادمع یکفي ونسيله
✍ام زهراء الزيداويه البصراويه
⊰᯽⊱┈──✾❊✾╌─┈⊰᯽⊱
يالزجيه گـلب زينب ابـد مـا هود بچـــي
تذكر امصابچ يزهره والدمع يشرح حچي
لا اخو يمهه ويجيها ولا ضهر بي تنتچي
ولا ابوهه يمهه گاعد ومن حزنها تشتچي
الصار بيهه مو قليله
يادمع نكفي ونسيله
✍ام حسين الفريداوي
⊰᯽⊱┈──✾❊✾╌─┈⊰᯽⊱
من لفت ليهه المنيه عيونهه تربي للباب
غمضت بحسره جفنها ولدمع مثل السحاب
حظري بتج ابدفنهه وهلي اعليهه التراب
حيل ترتاح بلحدهه من تشم ريحة احباب
وتهده الروح النحيله
يا دمع يكفي ونسيله
✍أزهار جبار الجياشي
⊰᯽⊱┈──✾❊✾╌─┈⊰᯽⊱
ماتت بقصة حزنها بالغرب تحمل هظم
شاهدت بالطف رزايه وعاشت انواع الظلم
احزانهه تهد الرواسي وحزن واصل للعظم
عافت بذيج البراري خوان ماواحد سلم
هاي زينب الجليله
يادمع يكفي ونسيله
✍🏼الشاعره مريم العبوديه اسيرة الأحزان💔
⊰᯽⊱┈──✾❊✾╌─┈⊰᯽⊱
تمت بعون الله تعالى
بـ✍ــاقـ✍ــلام خـادمـات أهل البيت عليهم السلام في كروب جبل الصبر زينب عليها السلام
👈بأشراف ومتابعة
ازهار جبار الجياشي
مريم العبوديه أسيرة الاحزان💔
الدكتوره فرح الساعدي الملقبه (بالدره الفاطميه)
نسألكم الدعاء بتعجيل الفرج لمولانا صاحب العصر والزمان عجل الله تعالى فرجه الشريف وسهل مخرجه
/channel/Doumooalanin
تنزيل قصائد مشتركه في القناة
قصائد الحسينيه رجاليه نسائيه مع الأطوار
تفوتكم اذا متشتركون بيها
الأشتراك عبر الرابط
👇🏻👇🏻👇🏻👇🏻👇🏻
/channel/ya_katealkafen
#عقيلة_الطالبيين
جديد بمناسبة وفاة عقيلة بني هاشم زينب ابنت علي عليها السلام قصيدة بعنوان (بنت الصميده)
رحلة حياتچ يزينب بت علي كلش مريره
من زغرچ والمصايب خلت جروحچ غزيره
من يا صفحه ابتدي واذكرلچ يا مصاب
زينب يابت علي يا تربات ام الحجاب
اشافت عيونچ گوليلي يم عتبة الباب
خلت بروحچ شيب وعشتي العمر بس حيره
▪️〰▪️〰▪️〰▪️〰▪️〰
ودعتي امچ والحنان وظلت بس الدموع
من سمعتي بذنچ اسف طگات الضلوع
ذبتي وي امچ يزينب مثل ذوب الشموع
واتوالت اعليچ المصايب ليوم عاشر يالاميره
▪️〰▪️〰▪️〰▪️〰▪️〰
بيوم عاشر يا بت علي ودعتي كل احبابچ
وچم موته متي يزينب من حرگوا اطنابچ
ويا سوط فوگ المتن بالدرب واسى مصابچ
ويا دمع صبت عيونچ من ودعيتي العشيره
▪️〰▪️〰▪️〰▪️〰▪️〰
ظلت الحسره بضلوعچ والدمع منچ يصب
وچم سوط فوگ المتن ظل يلعب بذاك الدرب
متي ويه اخوانچ واتوسدت روحچ عالترب
ويا صبر عندچ يزينب من مشيتي بذيچ المسيره
▪️〰▪️〰▪️〰▪️〰▪️〰
وتالي المحن يازينب تموتي بديره غريبه
ما يمچ أهل تشيع النعش يا ذيچ المصيبه
ايد غربه تشيعچ وهايه شگد عجيبه
بت سيد الرسل والابو الفلك بيده يديره
تمت بعون الله تعالى
خادمة الزهراء // ليلى زغيب
/channel/Doumooalanin