4059
الحجاب انهتك بالباب ومال العرش بالسطره واتخلخل نظام الكون من كسروا ضلع بالزهره اين الطالب بذحول الانبياء وابناء الانبياء
#لهلال_شهر_محرم
جديد محرم الحرام ١٤٤٥ هجرية قصيدة بعنوان (هلال الاحزان)
بيّن بالسمه الهلال وتهل منه شكثر دمعات
من العتره يتعذر ويجر الونه و الحسرات
هاي الزهره يا شيعه نصبت بالگبر مأتم
تنادي هل شهر عاشور ومن عيني يهل الدم
وليدي اللي بقى مطروح وجسمه ويلي متخذم
من شفته بسمانا يلوح قمت الطم على الوجنات
اه واويلاه~ اه واويلاه~ اه واويلاه ~ اه٢
▪️〰▪️〰▪️〰▪️〰▪️〰▪️〰
گعدت فاطمه الزهره تحكي وي هلال الشوم
ظهورك بالسما يعني انسى ضلعي المهشوم
يعني وليدي عالغبرى من نحره تسيل دموم
يعني أطفال تتيتم وتتيسر إلى الشامات
اه واويلاه ~ اه واويلاه~ اه واويلاه ~ اه٢
▪️〰▪️〰▪️〰▪️〰▪️〰▪️〰
يهلال الكدر والهم من اشوفك اذكر العباس
عالشاطي ظل مطروح ومنه خامده الأنفاس
اشوفك اذكر الچفين وهم اذكر عمود الراس
واذكر زينب وسكنه تنادي وين ابو الكلفات
اه واويلاه ~ اه واويلاه~ اه واويلاه~ اه٢
▪️〰▪️〰▪️〰▪️〰▪️〰▪️〰
يشهر الاه والحسره بيك انسى الضلع مكسور
بيك الطم على صدري لأن حسين بقى منحور
من مجلس لعد مجلس انعي والگلب مفطور
اشوف اللينعي واليلطم ومن قلبه يجر ونات
اه واويلاه~ اه واويلاه~ اه واويلاه~ اه٢
▪️〰▪️〰▪️〰▪️〰▪️〰▪️〰
يشهر النوح والاهات تلچملي الضلع عالدوم
شنسى بيك شتذكر يهلال الكدر والشوم
حسين اذكر لو عباس لو خدر العقيله اليوم
وكل لحظاتي بيك بآه اگضيها مع الشوغات
آه واويلاه〰آه واويلاه 〰آه واويلاه〰آه٢
تمت بعون الله تعالى
خادمة الزهراء/ ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#لهلال_شهر_محرم
جديد محرم الحرام ١٤٤٥ هجرية قصيدة بعنوان (ريحة حزن)
اشم ريحة حزن بالكون
چن گرب شهر عاشور
وچنهه السمه تون بالهون
واويلي العرش مقهور
بعيون المحب چنه
قميص حسين متخضب
ولا عيش اللي يهناله
من مشرقها للمغرب
يتجهز بلبس الاسود
يشوف اليلطم ويخطب
يناظر للسما بعيون
چن گرب شهر عاشور
▪️〰▪️〰▪️〰▪️〰▪️〰▪️〰
بكل بيت العزا منصوب
الشيعه كلها بالحسره
تندب يا غريب الدار
تريد تواسي للعتره
تواسي اللي مشت بالگيد
وتعزي فاطمه الزهره
تكحل بالدمه الجفون
چن گرب شهر عاشور
▪️〰▪️〰▪️〰▪️〰▪️〰▪️〰
نراقب بالسما الهلال
وحسره من الگلب تظهر
ويتراوى بخواطرنا
شباب وزفه وي منحر
وعلى الشاطي چن چفوف
عليها احسين يتخوصر
ونشوف اسياط على المتون
چن گرب شهر عاشور
▪️〰▪️〰▪️〰▪️〰▪️〰▪️〰
نشوف الخيمه محروگه
وبيها اطفال بس تلوع
تتصارخ من الدهشه
ومن الدم تهل ادموع
تنادي يا علي الكرار
لينه اچم نحر مگطوع
تصرخ من گلب محزون
چن گرب شهر عاشور
▪️〰▪️〰▪️〰▪️〰▪️〰▪️〰
نشوف اعله الهزل حره
مچتوفه وتنادي الويل
تناظر للرمح وتنوح
سكته والدموع تسيل
وتلوذ اطفال بحماها
لو چلچل عليها الليل
حزنها بالگلب چانون
چن گرب شهر عاشور
تمت بعون الله تعالى
خادمة الزهراء/ ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
لكل المحتارين منين يحصلون قصائد لشهر محرم حتى افيدكم واساعدكم اكثر جبتلكم قناة المبدعة الشاعرة العلوية الموسويه
تنزللكم قصائد حاره وجديدة وموجعه ميحتاج اكتب اكثر عن الشاعره اشتركو بالقناة وتصفحو بالقصائد حتشوفون ابداعها
من هنا الأشتراك 👇🏻👇🏻👇🏻
/channel/alweyaamosaweyarrrr2626
#الامام_الحسين
جديد محرم الحرام ١٤٤٥هجرية قصيدة للامام الحسين عليه السلام بعنوان (عنوان الحياة)
انت يا سر الحياة
ما اعوفك للممات
عايش انت بالضلوع
بيك يحسين النجاة
قصتك يحسين بيها كل معاني الكبرياء
صوره مرسومه بعنايه امطرزه بفيض الدماء
الرايد يعيش بكرامه ياخذك درس الاباء
يا حسين واسمك آيه بالارض ويه السماء
انت عنوان الكرامه
تارك بطفك علامه
ترتل ايات الخشوع
والرمح لابس عمامه
▪️〰▪️〰▪️〰▪️〰▪️〰▪️〰
يرتل الايات راسك ياحسين فوگ الرمح
يرتل ايات الكتاب والجرح يحچي الجرح
ماكو مثلك ياغريب ابوجهه ينشاف الصبح
لليتامه يظل دليل حتى من عگب الذبح
نظرة عيونك دليل
تضوي بظلام الليل
بالدرب تشعل شموع
يا ابن حامي الدخيل
▪️〰▪️〰▪️〰▪️〰▪️〰▪️〰
من حياتك ناخذ عبر وانته للحاير دليل
انته ياحضن اليتيم اليرحم من ظلام الليل
يا حبيبي المات ظامي ويرتوي بيه الغليل
يللي اسمك منكتب عالعرش بأمر الجليل
اسمك ايه بالكتاب
اترتل بدم الخضاب
اتفسر بسيل الدموع
بين سكنه والرباب
▪️〰▪️〰▪️〰▪️〰▪️〰▪️〰
من يجي شهر المحرم نرفع باسمك علم
اعليه مرسومه العباره يالثارات الشهم
تدري اسمك ياحسين جوه گلبي وانرسم
اهتف بصوتي يغالي ويحفر بروحي الالم
يظل رسمك بالصدر
جوه ضلوعي منحفر
اتأمله اوبكل خشوع
واتنطره بيوم الحشر
▪️〰▪️〰▪️〰▪️〰▪️〰▪️〰
حبك ارضعته حسين من الزغر ويه اللبن
گبل ما نادي يبويه صحت يحسين بشجن
دمعتي بحرگه شفتها ياحسين اعله الوجن
امي ربتني اعله حبك وعمري لجلك مرتهن
من اذكرك اهمل العين
والطم الصدر بإدين
اهتف بوسط الجموع
يا حبيبي يا حسين
تمت بعون الله تعالى
خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#الامام_الباقر
جديد بمناسبة شهادة الامام الباقر عليه السلام قصيدة بعنوان (مصاب الدين)
باقر اعلوم النبوه قضى مسموم يا زهره
الشاهد بعينه كربله تالي الچبد متوذره
محمد الباقر يويلي مصابه جمره بالضلوع
ابو الصادق انوح لجله ونهمل دمه وي الدموع
ونلطم الصدر بحزن والگلب ينعى بخشوع
مسموم الچبد ياحيف ننوح ونلطم بحسره
▪️〰▪️〰▪️〰▪️〰▪️〰▪️〰
بالدمع جينا نواسي مصاب الباقر وننحب
آه يا چبده التفطر وناره البالگلب تلهب
الوذروا چبده بسموم من بعد ذاك الدرب
يا حقدهم ما ينتهي عل النبي وي العتره
▪️〰▪️〰▪️〰▪️〰▪️〰▪️〰
انمرد عرش الباري لجله باقر علوم الرساله
والخلگ خلفه تنوح والدمع دم انهماله
يا حسافه اعله الامام خامس انوار الجلاله
چبده بالسم انفطر وابنه بالحسره ينظره
▪️〰▪️〰▪️〰▪️〰▪️〰▪️〰
للبقيع بنعشه راحوا باقر اعلوم الجليل
والمدينه خلفه طلعت تنحب بصوت العويل
آه يا يومه ومصابه ودمع ابنه دم يسيل
وجعفر الصادق ينادي بموتك الجدي نذكره
▪️〰▪️〰▪️〰▪️〰▪️〰▪️〰
يا ابو الصادق ابموتك نذكر امصاب الحسين
الظل على الغبره يويلي وتالي يسره امچتفين
ما مثل يومه يبويه امصاب عاشر يلحنين
للقبر نحمل مآسي والگلب شنهو يصبره
تمت بعون الله تعالى
خادمة الزهراء// ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#النبي_الاكرم
نخوه لحضرة النبي محمد صلى الله عليه وآله وسلم بعنوان (يا رحمة الله)
ارسل سلامي يا رسول الله يغالي
واقسم اعليك بفاطمه تغير احوالي
ما بيه حيل اعله الهظم دلالي مالوم
وغدر بيه زماني وشيلني الهموم
جيت اقسم بحق الذي غسله من الدموم
اتعطف بنظره سيدي وشوف الجرالي
▪️〰▪️〰▪️〰▪️〰▪️〰▪️〰
بهمي اجيتك يا رسول وانتحب
نار بضلوعي تسري يلهادي وتشب
بطفلة حسين الروعوها امن الضرب
وابحرگ الخيام بكربله وذبح الغوالي
▪️〰▪️〰▪️〰▪️〰▪️〰▪️〰
حاير بأمري وطايح بهمي اعتنيتك
لا تخليني دخيل بدمعي انتخيتك
يا رسول الله امن البعد ارتجيتك
تفرج الهمي سيدي بحيدر الوالي
▪️〰▪️〰▪️〰▪️〰▪️〰▪️〰
اتوسلك يا سيدي وعيوني عبره
اقسم عليك بحيدره وفاطمه الزهره
اتبرد غليلي مولاي وخاطري اتجبره
وتجمع شملنا بالاحبه وتعود الليالي
▪️〰▪️〰▪️〰▪️〰▪️〰▪️〰
اطلبك انه سيدي وابطفل الحسين
يظهر المهدي بالعجل وايقوًم الدين
ذاب الگلب يا سيدي من جور السنين
كثر الظلم يابو الزهره فوگ احتمالي
تمت بعون الله تعالى
خادمة الزهراء// ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#الامام_الجواد
جديد بمناسبة شهادة الامام محمد الجواد قصيدة بعنوان (نار الفجيعه)
گوموا ياشيعه بحزن لطموا الصدر بأنين
راح مسموم الجواد تاسع اليمه الامين
مسموم ابن الرضا نوحوا يا شيعه بحزن
يا حسافه اعله الشباب من يضمونه بكفن
يا حزن گلبي عليه ومن دمه يهل الجفن
گوموا يلا بالعجل ولطموا الصدر بإدين
▪️〰▪️〰▪️〰▪️〰▪️〰▪️〰
بالغدر مسموم راح يا وسافه اعله الجواد
حجة الباري امامي خيرة الله امن العباد
من دمه نبچي عليه نصيح ياباب المراد
نواسي ابنه بالمصيبه ونصفگ شمال بيمين
▪️〰▪️〰▪️〰▪️〰▪️〰▪️〰
الكاظميه كلها طلعت بالحزن لجله تنوح
يا امامي ومصيبتك زودت بينه الجروح
السمموا چبدك يغالي هدموا لينه الصروح
فتحوا جروح الاحبه وجددوا مصاب الحسين
▪️〰▪️〰▪️〰▪️〰▪️〰▪️〰
نار تسري مصيبتك يلجواد تچوي الضلوع
يا كسرنا وما ينجبر وذبنا له مثل الشموع
ليا مصيبه ليها نبچي ونهمل دمه وي الدموع
چبدك المسمومه آه فتحت جروح السنين
▪️〰▪️〰▪️〰▪️〰▪️〰▪️〰
نلطم الصدر بونين ونذكر الزهره ومحمد
كل مصايبكم امامي اباب امك ليها مشهد
من العتبه نمشي لكربله جدك الغبره توسد
رضوا ضلوع الرساله وبالغدر حزوا الوتين
تمت بعون الله تعالى
خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
اريدن حضن دافي يلملم جروحي
وحضن الحنينه امن اجيبه
آه يا غدر الزمن واشسوى بي
خلاني جرح وامضيع طبيبه
خادمة الزهراء // ليلى زغيب
#صاحب_الزمان
ندبه للامام صاحب الزمان عجل الله فرجه الشريف قصيدة بعنوان (ايها الصاحب)
يا حبيبي...جيتك الدمعه جريه
يا حبيبي...النار بضلوعي سريه
يا حبيبي...اتعطف بنظره عليه
يابو صالح بالدمع جيت انتحب انت رجاي
طالت الغيبه يامهدي والهجر ناره بحشاي
ندبه ندبه وانتظر بيك التقي هذا مناي
عمري خلصته انتظار واتنفسك انت هواي
يا حبيبي ...عيوني ظلت ترتقب
يا حبيبي.....طشيت روحي عالدرب
يا حبيبي....اتعطف بنظره عليه
▪️〰▪️〰▪️〰▪️〰▪️〰▪️〰
ناري تسري بالضلوع والزمان الما صفالي
هوه البريتي يمهدي مختنگ دمعي يلالي
جفت عيون المدامع من المصاب الي جرالي
كل مصيبه عليه سهله وغيبتك فوگ احتمالي
يا حبيبي.....روحي عذبها الهجر
يا حبيبي......چني طير ومنكسر
يا حبيبي....اتعطف بنظره عليه
▪️〰▪️〰▪️〰▪️〰▪️〰▪️〰
چن يتيم وگاع صحره وذوب اگليبي الحنين
يابو صالح حاله صعبه اعله اليتيم ابلا معين
الينتظر چف العطوف بحنيته يمسح عالجبين
عمري خلٌص چالشمع وما خلص مني الونين
يا حبيبي.....بيك معگود الامل
يا حبيبي.....يا ابن خير العمل
يا حبيبي....اتعطف بنظره عليه
▪️〰▪️〰▪️〰▪️〰▪️〰▪️〰
انت يا يوسف محمد وكلنا يعگوب بغيابك
بالدرب شمعك شعلنا وننتظر طلة جنابك
ننتظر امرك حبيبي وما نمل الوگفه اعله بابك
يمته بينه تصلي حاضر ونشتم عطره ترابك
يا حبيبي....وبينه يمتد العمر
يا حبيبي....ونشتم ذاك العطر
يا حبيبي....اتعطف بنظره عليه
▪️〰▪️〰▪️〰▪️〰▪️〰▪️〰
يمته تظهر يا امامي تكحل عيون البشر
وتشرق شمسنا بظهورك وتجلي غيمات البصر
وتنشر العدل ابوجودك وبيدك اتشيد القبر
وتاخذ بثار الغوالي وتجبر اضلوع الطهر
يا حبيبي.....بالحرم نوگف وراك
يا حبيبي....وعالخلگ ناشر لواك
يا حبيبي....اتعطف بنظره عليه
تمت بعون الله تعالى
خادمة الزهراء// ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#مسلم_بن_عقيل
جديد محرم الحرام ١٤٤٥هجرية قصيدة لسفير الامام الحسين عليه السلام مسلم بن عقيل بعنوان (سفير الشهادة )
سفير حسين ابن عمه طلع للكوفه يگصدها
نايب عن ابو اليمه ونوايا الكوفه يعرفها
بعزم ثابت طلع مسلم نايب عن ابو اليمه
لجل الدين لجل الحق گصد للكوفه وابهمه
سفير امن الشهيد حسين ورخصٌ للسفر دمه
بايمان وعقيده وزود رحلة شوگ سجلها
▪️〰▪️〰▪️〰▪️〰▪️〰▪️〰
بنهج واضح رسم دربه ابدمه سفير حسين
بذل مجهوده او واگف ايواجه حتوف البين
تركله بصمه معروفه ويشهدله اساس الدين
ظل ثابت وسط عدوان ورخيصه روحه قدمها
▪️〰▪️〰▪️〰▪️〰▪️〰▪️〰
زرع دربه سفير حسين عقيده واضحه وايمان
عرفها الكوفه غداره وما تحفظ عهد الاخوان
فتح باب الشهاده اهناك اوگف واجه العدوان
مسلم هذا ياشيعه العقيده بروحه كاتبها
▪️〰▪️〰▪️〰▪️〰▪️〰▪️〰
بتاريخ الزمن صفحه كتبها مسلم بروحه
خله الكوفه مگلوبه وسجل بيها اطروحه
اطروحة مهابه وعز برهنها بدمه وجروحه
يا صرخة حزن لجله تكفي الكون يصرخها
▪️〰▪️〰▪️〰▪️〰▪️〰▪️〰
عنوانه بدفتر الإخلاص بحنايا صدره وضلوعه
منو مثله الاجل حسين بدربه ذابت اشموعه
البدايه من ارض كوفان ابدمه كتب موضوعه
قصة عشق ظل مسلم لاخر لحظه عايشها
تمت بعون الله تعالى
خادمة الزهراء // ليلى زغيب
/channel/Doumooalanin
عيوني الملايات بعد ماريد وحده محتاره وتبحث ومخلصه نهارها بس تدور على قصائد تعالن وياي
لقناة الشاعرة ام حوراء الاسدي وسلمن عليها راح تنزل الكم كل التردنه من قصائد
ماعليج بس تشتركين من هنا
👇🏻👇🏻👇🏻👇🏻👇🏻
/channel/omhaoraai2017
بهادليه ذات القلم الحزين
من اقوى القصائد الحاره والحماسيه تجدونها بقناة الشاعرة رغد البهادلي لتترددون بالأشتراك
نداء لجميع الملايات
ادخلو للقناة وتصفحو بقصائدها
الأشتراك من هنا 👇🏻👇🏻👇🏻
/channel/Ragadalbhadley
#هلال_محرم
جديد محرم الحرام ١٤٤٥ هجرية قصيدة لرؤية الهلال بعنوان (هلال اللوعة)
ياهلال اچم گلب مجروح وتدمع العين
و اغصان عمري اشوفنها يحرگها عاصف البين
يامحرم من تهل تاخذ الفرحه بحياتي
بالسمه لمن انظرك اعاين كل معاناتي
بيك النسا واطفال تلوذ يهلال بعباتي
روحي يمردها الحزن من انظر وجه الحسين
▪️〰▪️〰▪️〰▪️〰▪️〰▪️〰
ياهلال ومن تهل ادموع زينب تنحدر
تعاين بيك چم گمر غافي آه اعله النهر
وتنظر الى المظلوم محزوز من عنده النحر
تنظر خيمة متوجره بيها النار من الصوبين
▪️〰▪️〰▪️〰▪️〰▪️〰▪️〰
بيك العتره موتوره يهلال الحزن والهم
كل اخواني عالغبره من عدها يسيل الدم
وعمد صيواني ياويلي جسمه وذر وامخذم
بيك ادري على الناگه اصعد مچتوفه الادين
▪️〰▪️〰▪️〰▪️〰▪️〰▪️〰
يا وجع گلبي امن انظرك تهل عل الاكوان
ادري بيك مفجوعه وعليه تهل بالاحزان
بعاشر محرم يهلال تنفگد كل الاخوان
بحيره ابقه وي العيله واصفگ شمال بيمين
▪️〰▪️〰▪️〰▪️〰▪️〰▪️〰
يا لوعة گلب زينب بيك يهلال النوايب
من تنظر على التربان غافي نجم الحبايب
تشاگف بالصبر زينب كل انواع المصايب
واسياط الشماته بيك تتلوى على الجنبين
تمت بعون الله تعالى
خادمة الزهراء//ليلى زغيب
/channel/Doumooalanin
#للدفن
جديد محرم الحرام قصيده بعنوان (يا دفان) طور يا مجهز حسين
يا دفان حسين انشدك جاوب
دفنت الاخو زين ويه الحبايب
اخويه مگطع انه من عفته
في ارض غاضر لمن تركته
بالله يدفان جسمه جمعته
جسم الاخو چا بحر الترايب
▪️〰▪️〰▪️〰▪️〰▪️〰▪️〰
انشدك دفان قلبه رويته
بمدامع العين لو ماي سقيته
وبيا حال احسين من شاهديته
وسهم المثلث في قلبه ناشب
▪️〰▪️〰▪️〰▪️〰▪️〰▪️〰
قلها يا عمه والدي شفته
اعله حر الثرى مگطع نظرته
سهم المثلث بقلبي زرعته
ومقدر افصل شفت العجايب
▪️〰▪️〰▪️〰▪️〰▪️〰▪️〰
لكن يا عمه نحره الدامي
بعيني من شفته هيج الامي
اسودت يا عمه كلها ايامي
من ردت وسد لخده الترايب
▪️〰▪️〰▪️〰▪️〰▪️〰▪️〰
انشدك سجاد بالله جاوبني
عبدالله الطفل نحره شيبني
قلها ياعمه نحره ذبحني
طفل وزغيّر شاف المصايب
▪️〰▪️〰▪️〰▪️〰▪️〰▪️〰
اعله صدر الحسين انه خليته
يم جرح قلبه الطفل دفنيته
وتراب القبر لمن هليته
ظلت روحي هناك ويه الحبايب
▪️〰▪️〰▪️〰▪️〰▪️〰▪️〰
تقله ياسجاد الشاطي وصلته
عالنهر نايم الكافل دفنته
وسهم البعينه بالله شلعته
واشلون دفنته يابن الاطايب
▪️〰▪️〰▪️〰▪️〰▪️〰▪️〰
قلهه ياعمه الشاطي وصلته
وبيدي ياعمه البطل دفنته
ومن دمع عيني ترابه بللته
بس لا تنشدين هالقلب ذايب
تمت بعون الله تعالى
خادمة الزهراء / ليلى زغيب
الشاعره ليلى زغيب
اين الطالب بذحول الانبياء وابناء الانبياء
/channel/Doumooalanin
#الزهراء_يوم_العاشر
جديد محرم الحرام حضور الزهراء عليها السلام في كربلاء قصيدة بعنوان (تنظر جثث)
تقرأ نعي
حضرت للغاضريه فاطمه الزهره
تنظر جثث على القاع كلهه متوذره
بأرض الطفوف اليوم بضعة الهادي
من جثه لعد جثه مذهوله تنادي
يا جثث عالقاع وين مهجة افادي؟
ولنها الأجساد تتقلب على الغبرى
▪️〰▪️〰▪️〰▪️〰▪️〰▪️〰
من جثه لجثه لمن وصلت البضعه
شافت جثه امسلبه وهم متگطعه
هذا عزيزي حسين المقطوع اصبعه
واحنت على المذبوح تشتم بنحره
▪️〰▪️〰▪️〰▪️〰▪️〰▪️〰
تصرخ ولزمت للضلوع ام الحسن
تدق عالصدر ونوب تلطم عالوجن
والدموع دموم تهلها من الحزن
وليدي شلسبب الضلوع مكسره
▪️〰▪️〰▪️〰▪️〰▪️〰▪️〰
وقامت بين الجثث وهمومها تعثر
تناشد وين ابو فاضل طاح وتقنطر
وشافت كفين جود ورايه اعله النهر
وقفت مدهوشه وما قدرت تنظره
▪️〰▪️〰▪️〰▪️〰▪️〰▪️〰
يعباس وتقله وياك عتاب يمه الي
اشلون زينب تقطع دربها ابلا ولي
يضربها شمر وتصيح وينه كافلي
معذور يمن قطعوله اليمنى واليسره
تمت بعون الله تعالى
خادمة الزهراء / ليلى زغيب
الشاعره ليلى زغيب
اين الطالب بذحول الانبياء وابناء الانبياء
/channel/Doumooalanin
#على_العادة_يمهدينا
طور لفى عاشور
على العاده يمهدينا
إجينا مأتم العطشان
نريد انواسي الزهره
نبجي والدمع غدران
آه يا مولاي آه يا مولاي آه يا مولاي آه
مثل كل عام عالموعد
نحضر ماتم المذبوح
نشوف الزهره بالمجلس
تندب والدمع مسفوح
تنادي اوليدي يا هالناس
ظل اعله الثرى مطروح
وعلى صدره رضيعه نام
وحوله مذبحه الشبان
آه يامولاي آه يامولاي آه يامولاي آه
يغايبنا على' جدك
نسيل أدموعنا ابحسره
ابد والله ما ننسا
تظل وسط القلب جمره
نهل ادموع على المذبوح
وما ننسى الكسر ظهره
ولا ننسى الشباب ابدا
وما ننسى سبي النسوان
آه يا مولاي آه يا مولاي آه يا مولاي آه
يا غايبنا العزا كل يوم
اعلى الحسين ومصابه
وضريبة حبنا يا المهدي
شباب من الدمه اخضابه
وبيت الله مهو مأمون
عدونا الله ما يهابه
دمانا انسفكت ابلا احساب
وذبحوا سيدي الرضعان
آه يا مولاي آه يا مولاي آه يا مولاي آه
تمت بعون الله تعالى
خادمة الزهراء/ ليلي زغيب
من الارشيف
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#الامام_الحسين
جديد محرم الحرام ١٤٤٥ هجريه نخوه بعنوان (جيتك يلحسين)
انخاك نخوه بوعلي بطفلك يلحسين
ابحگ الشباب بكربله وابگطع الادين
انخاك نخوه سيدي وبگليبي حسره
بعبدالله يحسين وابسهم نحره
يوم سلمها للروح ويلي اعله گطره
وشلته اعله زندك وتنظرله بالعين
▪️〰▪️〰▪️〰▪️〰▪️〰▪️〰
يحسين جيتك واهمل دمع بالخدود
من الحزن يا ابو الاكبر دلالي ممرود
اقسم اعليك بكربله وتگطيع الزنود
وبلي نام اعله النهر مفضوخ الجبين
▪️〰▪️〰▪️〰▪️〰▪️〰▪️〰
برقيه جيتك انتحب ودموعي تجري
من كثر المحن مولاي منكسر ظهري
ذايب دليلي امن الحزن حاير بأمري
اتعطف بنظره مولاي يامحزوز الوتين
▪️〰▪️〰▪️〰▪️〰▪️〰▪️〰
بالراحت يحسين بدروب السبي
ابدمع اليتامه والسوط وابحرگ العبي
وبالنادت بيوم عاشر وينك يالنبي
روحي مردها الحزن دمعاتي صوبين
▪️〰▪️〰▪️〰▪️〰▪️〰▪️〰
بشمعة العريس جيتك والدمعه جريه
وحسرة ام اعله الولد ابكل مغربيه
وعافت ضناها اعله الثره وراحت سبيه
برد اگليبي الغارگ بالحزن صايرله اسنين
تمت بعون الله تعالى
خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#السيدة_خديجه
ندبة لأم المؤمنين خديجة بنت خويلد رضوان الله عليها بعنوان (باب الكرم دقيت)
گصدتچ يا خديجه وهمومي احچيها
اقسم اعليچ بفاطمه هلدمعات مسحيها
يم فاطمه گصدت الچ واتوسلت بيچ
چبدي انمرد من الحزن جيت انخيچ
بحگ فاطمه يم فاطمه اقسم اعليچ
وبالغالي يا ام الكرم كل شده فرجيها
▪️〰▪️〰▪️〰▪️〰▪️〰▪️〰
اعليچ اقسم بحگ الشهيد وغربته
وابسهم گلبه مولاتي ويتم اعزيزته
يم فاطمه اعليچ الحسين ومحنته
روحي الهظم يم الكرم مض بيها
▪️〰▪️〰▪️〰▪️〰▪️〰▪️〰
يل قدميتي للنبي وضحيتي للدين
نقسم اعليچ بحضرته يا جدة حسين
بجاه العقيله والكافل مگطوع الادين
اجيت لمجلسچ انه هالمعضله حليها
▪️〰▪️〰▪️〰▪️〰▪️〰▪️〰
يم الكرم جيتچ انه واتفايض هموم
غدر الزمن يم فاطمه بچاني الدموم
اقسم اعليچ بعاشور وجثة المظلوم
رايد زياره لحسين يم الكرم سهليها
▪️〰▪️〰▪️〰▪️〰▪️〰▪️〰
رايد اروح الكربله واشتمه عطره
بالمصطفى وي بضعته فاطم الزهره
أقضي الحاجه مولاتي ونشفي العبره
لمصايب حسين كل دمعاتي ابچيها
تمت بعون الله تعالى
خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#الهلال_والحسين
جديد محرم الحرام ١٤٤٥ هجرية قصيدة بعنوان (آيات السماء)
هلت عيون السمه
بالعزاء الفاطمه
تنادي يحسين الغريب
امغسل بفيض الدمه
بالسمه هلال الحزن بيّن وبانت علايم
شهر الحسين ابتده ذبوا يا ناس العمايم
بيه النوايح علت من كثر شوف الهظايم
هالشهر بيه الحقيقه وتنعرف بيه العزايم
القِلة بيه التلتزم
توگف وبيها العزم
تنادي يحسين الغريب
ما نعوفك يا شهم
▪️〰▪️〰▪️〰▪️〰▪️〰▪️〰
بالشهر هذا يشيعه ايات بيه شكثر
للخيل بيه تحچي ايه تسحگ بالصدر
ايه منهن تحچي طفله موتوها امن القهر
وايه تحچي عالعقيله بيها صفحات الصبر
والصبر منها عجب
زينب بذاك الدرب
تنادي يحسين الغريب
ورم امتوني الضرب
▪️〰▪️〰▪️〰▪️〰▪️〰▪️〰
شهر الحسين وهلاله اشگد عبر بيه وي عبره
اجفوف الگمر عالشريعه امگطعه اوصاله أعلى غبره
والسهم من طفى عينه اية إيمانه تصبره
وايه نزلت بالمخيم هزت العالم بأسره
طفل محزوز النحر
يشبگ بعزمه الصدر
ينادي يحسين الغريب
اشمصعب اعليه الهجر
▪️〰▪️〰▪️〰▪️〰▪️〰▪️〰
نمشي يهلال بمصابك وننظر بعين الحيارى
الترب بيها شنلاگي من السيوف العدهه غاره
اتسلطت وبجسمه صلت وتنظر اعليه بجساره
وصرخة أطفال التنادي تسئل اعليه بحراره
بالگلب جمر المصاب
دموع تنذر بالعذاب
تنادي يحسين الغريب
الجرح ينزف عالتراب
▪️〰▪️〰▪️〰▪️〰▪️〰▪️〰
آيه آيه وبيها نقره للزمن أعظم قصيده
بكل حرف منه نشوفه للدهر قصه جديده
قصة حسين وعياله وقصة الكافل عضيده
كلها ترسم صوره لينه والمعاني شگد عديده
اية أطفال ونسه
من تطوف اعله المسه
تنادي يحسين الغريب
هذا المتن گوم إلمسه
تمت بعون الله تعالى
خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
الملايات بمحرم يحتاجون محاظرات جبتلكم
قناة الخطيبة ام فاطمة الشويلي
الى الخطيبات والملايات المنتهجات نهج السيدة زينب والسيدة الزهراء ..في اصلاح الناس ..عندي قناة للمحاضرات تفيدكم ...وبعيده عن الكلام المتكرر والفصيح ..كلام مرتب وموزون وسهل الحفظ ..
دخلي وشوفي بعينج
متخسر شي اذا تشترك وتتصفح بالقناة عبر الرابط
👇🏻👇🏻👇🏻👇🏻👇🏻👇🏻👇🏻👇🏻
/channel/fatame00
#الامام_الجواد
جديد بمناسبة شهادة الامام محمد الجواد قصيدة نخوة بعنوان (واقف ابابك)
انخاك نخوه ياإمامي واهمل العين
مهموم گلبي جيتك يا ابن الميامين
بالدمع جيتك انتحب والگلب مهموم
بحرگ الخيام بكربله وذبحة المظلوم
لا تخليني بحسرتي والدمع مسجوم
اقسم عليك بسم چبدك بيد الملاعين
▪️〰▪️〰▪️〰▪️〰▪️〰▪️〰
اقسم عليك بدمعات هاذيچ الاطفال
الطلعت من الخيم تمشي اعله حر الرمال
وذبحة حسين بكربله وضيعة الامال
لا تخليني بحيرتي ابمگطوع الوتين
▪️〰▪️〰▪️〰▪️〰▪️〰▪️〰
يا ابو جعفر اجيت واشكيلك الحال
گلبي محزون وانتخي وبيه الدهر مال
اقسم عليك بدمعات المچتوفه بحبال
من كثر همي مولاي اصفگ بالايدين
▪️〰▪️〰▪️〰▪️〰▪️〰▪️〰
من كثر همي محزون جيتك انادي
موجوع گلبي مولاي والدمع بادي
اريدن تقضي حاجتي يبن النبي الهادي
بحق الضلع والصواب وابلطمة العين
▪️〰▪️〰▪️〰▪️〰▪️〰▪️〰
يا تاسع انوار الخلق يا سر الاسرار
بحق الشباب وغربتك وبحق الاطهار
بحق الذبيح بكربله وي جمع الانصار
ذاب الگلب من الهظم وي جور السنين
تمت بعون الله تعالى
خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#الامام_الحسين
جديد محرم الحرام ١٤٤٥ هجريه قصيدة بعنوان (يامهره خبرني)
خبرني يمهر حسين
عفت الولي چا وين
راجعلي السرج مگلوب
مو زاغت عليك گلوب
عفت الولي چا وين....عفت الولي چا وين
جاوبني يمهره وگول ذوبت الگلب بالنوح
مگلوب السرج يا حيف مو فتّحت الجروح
خيالك عدل گلي لو عفت الولي مذبوح
من شوفتك تدريني فارگت جسمي الروح
گلبي بسهم مصيوب
راجعلي السرج مگلوب
عفت الولي چا وين.....عفت الولي چا وين
▪️〰▪️〰▪️〰▪️〰▪️〰▪️〰
خف اونينك وگلي وين حسين والينه
نسه واطفال يلميمون تتنطر ابو سكينه
ولو تنظر علي السجاد ذوب گلبي بونينه
خبرني يمهره وگول اسوم اعليك بارينه
روحي تذوب علمحبوب
راجعلي السرج مگلوب
عفت الولي چا وين .....عفت الولي چا وين
▪️〰▪️〰▪️〰▪️〰▪️〰▪️〰
صهيلك مرد الدلال يمهر حسين حاچيني
چنك حامل الألام نار بصدري تچويني
گلي بساع يا مهره اوبحچيك لا تأذيني
عدل عالغبره ابن امي اروح اوياك تانيني
بخدي الدمع مسچوب
راجعلي السرج مگلوب
عفت الولي چا وين......عفت الولي چا وين
▪️〰▪️〰▪️〰▪️〰▪️〰▪️〰
بهيده امشي يلميمون خافن اعثر ابممشاي
تربات الصميده انه وما يرضى عليه بهاي
اروح وياك يامهره ولا واحد يجي وياي
لون بيه نفس ابن امي يسمع نخوتي وشكواي
امشي غصب الدروب
راجعلي السرج مگلوب
عفت الولي چا وين.....عفت الولي چا وين
▪️〰▪️〰▪️〰▪️〰▪️〰▪️〰
خل امشي انه وياك اوصلني لعد حسين
بلگت يفتح عيونه وينشف دمعها العين
يردلي خويه يلميمون ولا يفجعني بيه البين
عگب الوالي يا مهره ما ندري السفر لاوين
اطفاله تحن وتلوب
راجعلي السرج مگلوب
عفت الولي چا وين... عفت الولي چا وين
تمت بعون الله تعالى
خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#الامام_الرضا
قصيدة نخوه للامام علي ابن موسى الرضا شمس الشموس وغريب طوس بعنوان (متعني اعله بابك)
ادخيلك يالرضا جيت واهل مدمع العين
اقسم عليك بجثة المسلوب جدك حسين
يا علي جيتك انتحب همومي ثگيله
اقسم عليك بفاطمه وبتها العقيله
اطلب حاجتي مولاي ودمعي اسيله
ومن كثر همي سيدي اصفگ الچفين
▪️〰▪️〰▪️〰▪️〰▪️〰▪️〰
جيت احلفك يالرضا بدمعات العيون
وبدمع معصومه على الكاظم المسجون
يا امامي امن التعب مو گلبي محزون
لا تردها طلبتي بحق ام الحسين
▪️〰▪️〰▪️〰▪️〰▪️〰▪️〰
يلعايش انت بغربتك يلفاگد احبابك
جيت الك يالرضا وادگ اعله بابك
اهمل دمع مسچوب واتعطف جنابك
بدمعة رقيه اعله الابو ومگطوع الادين
▪️〰▪️〰▪️〰▪️〰▪️〰▪️〰
دخيلك سيدي تتعطف بنظره عليه
بجاه باب الحوائج ياعلي يبن الزچيه
روحي مردها الحزن والدمعه جريه
جيت اعله بابك ياعلي واهمل دمع صوبين
▪️〰▪️〰▪️〰▪️〰▪️〰▪️〰
يا علي جينا اعله بابك والروح مالومه
وكل سائل امن الهظم متغيره اعلومه
ينتظر عطفك امامي وبيدك تنجلي همومه
نحتمي جينا بجنابك من غدر السنين
تمت بعون الله تعالى
خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#الانصار
جديد محرم الحرام ١٤٤٥هجرية قصيدة لأنصار الامام الحسين عليه السلام بعنوان (انصار الحق)
لا وحگ حامي الدين
ما مثل انصارك يحسين
همه ذوله اهل الغياره
ماتهمهم سهام البين
نفتش بالزمن وندور ...مِن بينه تحير افكار
من آدم لحد موسى ....ونمر بعيسى والمختار
ندور صحبه ما نلگه ....مثل حسين والانصار
كتبوا بالدمه صفحات ....منها تاخذ الاحرار
كتبوا صفحات الكرامه
ناصروا خط الامامه
ربحوا بأعظم تجاره
ماتهمهم سهام البين
▪️〰▪️〰▪️〰▪️〰▪️〰▪️〰
ناصروا لحسين كلهم ....شيب كانوا وي شباب
والمهمه صعبه چانت .....ليها ضحوا بالرقاب
درب للحريه رسموا .... اتزين بدم الخضاب
مسلم وجون وحبيب ....بالدمه رووا التراب
ذوله انصار العقيده
بايعوا ولد الصميده
انشودة العز والصداره
ماتهمهم سهام البين
▪️〰▪️〰▪️〰▪️〰▪️〰▪️〰
سطروا اجمل قصيده....انكتبت بأرض الطفوف
بكل حرف من عدها ايه...انصبغت بدم الچفوف
رفعوا الهامات عالي....وابشرف لاگوا الحتوف
ثله قليله بكربله ....وثبتوا ابوجه الالوف
صانوا حدود الرساله
دافعوا اوبكل. بساله
بالمهج ردوا الغاره
ما تهمهم سهام البين
▪️〰▪️〰▪️〰▪️〰▪️〰▪️〰
ضحوا بكل غالي عدهم.....وبالمهج لاگوا المنيه
لجل الحسين وبنينه ....ونصرة الهادي اوصيه
گلبوا كربله ميدان....وزلزلوها بآل اميه
سجل التاريخ ليهم....بالدمه أعظم قضيه
رسموا. حدود القيم
سووا سور اعله الخيم
صحبة حسين بجداره
ما تهمهم سهام البين
▪️〰▪️〰▪️〰▪️〰▪️〰▪️〰
يشهد التاريخ ليهم.....ما يحدهم اي زمان
كربله خلوها تحچي...عن فعلهم اوبكل مكان
هاي ثلهه وما يهمها....حبها الحسين الامان
باعت الدنيا رخيصه ....واشترت بيها الجنان
كربله بيهم تفتخر
ناصروا حسين الطهر
والعزم بيهم عباره
ما تهمهم سهام البين
تمت بعون الله تعالى
خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
حبايب قلبي الملايات تفضلو وياي على قناة الشاعرة سهام المالكي احچيها مثل حچايات اهلنه وشربو چاي ابو فاضل وارتاحو وبعدين تصفحو بالقناة واخذو كل التحتاجونه بمجالسكم هااا ولتنسون تشتركون بالقناة حتى يصل لكم كل ماهو جديد
👇🏻👇🏻👇🏻👇🏻👇🏻الأشتراك من هنا
/channel/ssrgk
#الحسين_وأم_البنين
جديد محرم الحرام ١٤٤٥هجرية قصيدة لوداع ظعن الحسين مع ام البنين بعنوان (روحي وياكم)
ترحل بالظعن يحسين
واظل عقبك اعد نجمات
يروحي وبيش اسليها
بحزنها والدموع اتبات
ترحل يا ابو الاكبر..... وگلبي ينزف دمومه
داري مظلمه بعدك.....وروحي اعليك مالومه
اخذ عمري مع اولادي.....ولا تتركني مهمومه
عگبك عمري بالحسره
اظل بالدار منتظره
ترجع يا ضنا الزهره
ويرجعلي الفرح وسرور..... وتنشف بيدك الدمعات
▪️〰▪️〰▪️〰▪️〰▪️〰▪️〰
ترحل والظنون اهواي... تاخذني وتوديني
هم ترجعلي بعد غياب... واتنشف دمع عيني
ويردلي الظعن كامل... ويسكن حزني وونيني
يحسين بگلب مالوم
اتنطر يجي هاليوم
لَچنّه الدهر ميشوم
اخافن بيك يفجعني....واعيشن عمري باللوعات
▪️〰▪️〰▪️〰▪️〰▪️〰▪️〰
قبل ما ترحل وتبعد...تعال بروحي اضمنك
واشم عطرك يبن حيدر...وبضلوعي المنك
يحس گلبي بهظم قادم...چني يمه افگدنك
يبو السجاد يل الغالي
صعبه عگبك احوالي
صورة مصرع ابالي
چنك مرمي عالتربان....وامخذم من الطعنات
▪️〰▪️〰▪️〰▪️〰▪️〰▪️〰
اشوفن چني يلغالي....صوره غيرت حالي
چنك عالثرى مرمي....هل الصوره دومهه ابالي
اتمهل بالظعن يحسين....انمرد حسنّه دلالي
اخاف من الظنون اهواي
نار وتستعر بحشاي
روحي انت ونظر عيناي
خوفي من الزمن يحسين....يخلّف عگبك الحسرات
▪️〰▪️〰▪️〰▪️〰▪️〰▪️〰
اخذ وياك اولادي....يفدونك يبو الاكبر
درع من المنيه ليك....اقدمهم وانه اتعذر
اروح اوياهم اتمنيت..وافدي بروحي المنحر
لَچنّه القدر يحسين
اترقب ظعنك بكل حين
يردلي والدمع صوبين
اواسيه ويواسيني....ونتصبر على اللچمات
تمت بعون الله تعالى
خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#النزول_في_كربلاء
جديد محرم الحرام ١٤٤٤هجريه قصيدة بعنوان (بهاي الارض) تقرأ نعي ولطم
تحير مهر الحسين من وصل للغاضريه
وگف سبط النبي وهلت عيونه جريه
من شاف مهره تحير خاطب ليوث الحريبه
شنهي اسم هالگاع واهمل دموعه سچيبه
ردوا اصحابه ليها شكثر اسماء يبن النجيبه
عقر والطف ونينوى وبعد اسمين عند البريه
▪️〰▪️〰▪️〰▪️〰▪️〰▪️〰
گال جاوبوني وعددوا ليها كل الاسامي
گالوا غاضريه وكربله يا سبط طه التهامي
گال ابهالارض حطوا ارحالي ونشروا اعلامي
عندي علم بيها من النبي وحيدر وصيه
▪️〰▪️〰▪️〰▪️〰▪️〰▪️〰
نصبوا الخيم يرجالي وابهيده نزلوا هالحرم
هاي الارض بيها ننچتل وتغرگ بنهر من دم
كلكم يأنصاري تموتون وانه ويه شيال العلم
بيوم عاشر هالشهر نبقه جثث فوگ الوطيه
▪️〰▪️〰▪️〰▪️〰▪️〰▪️〰
اهنا ننذبح يأصحابي وحتى طفل البالمهد
تسبح نينوى بالدم وينفصل راسي من الجسد
وراسي يعله اعله الرمح وانه مفطور الچبد
وتالي يأصحابي ترض جسمي الاعوجيه
▪️〰▪️〰▪️〰▪️〰▪️〰▪️〰
بهالارض هاي يحبابي تنخسف كل البدور
واعلينه تمر الحرم وهيه امچتفه اعله الكور
تنادي وداعة يا الغوالي اوتهل الدمع منثور
وفوگ هزله باليسر تنصب اعلينه عزيه
تمت بعون الله تعالى
خادمة الزهراء // ليلى زغيب
الشاعره ليلى زغيب
اين الطالب بذحول الانبياء وابناء الانبياء
/channel/Doumooalanin
#عليلة_الحسين
جديد لوداع فاطمه العليله ظعن ابيها الحسين عليه السلام بعنوان ( ما ترجعون)
ادور عليك يا بويه
وانشد عنك النسمات
عليله بداري هم ظليت
بيه تدوي اللجمات
من سار الظعن بويه... بهموم القلب ناديت
يبو السجاد لو ترحل...حليفة نوح أنا ظليت
اناديك بدمع يجري...عليه اظلم غده هالبيت
روحي عالدرب تربي
بهمي اشتكي لربي
سفرتكم الي تسبي
يا بويه شكبر هظمي ... انام واصحى عالونات
〰〰〰〰〰〰〰〰〰〰〰
حمّلت الظعن وامشيت... اوحدي أنا عفتوني
يا هم الاشيلنه ...من دم تهمل عيوني
دارك موحشه بعدك ...وعليله بويه تدروني
مساهره بويه الليالي
من دمه دمعي يلالي
من عقبكم هذا حالي
سالوفة حزن عمري... يخلص بويه بالحسرات
〰〰〰〰〰〰〰〰〰〰〰
داري بويه من بعدك ... حزينه وتفجع الدلال
الليالي بارده عقبك ...عنها كل دفايي شال
اواسيها وتواسيني ...ودمعي من دمه همال
اكللهه يداري اشلون
شدوها هلي الظعون
ليه ما أظن يلفون
راحوا والمنايه اتحوم ...بقلبي شبت الجمرات
〰〰〰〰〰〰〰〰〰〰〰
حياطين النزل بويه ...الظلت تنحب اويايه
انرسمت لي مصارعكم ...واشوف امزكه الرايه
ومن هسه اشم عطاب... بويه بطرف العبايه
بعيني جم نحر مذبوح
بجي اطفال يفت الروح
وعليل امكيد ومجروح
ونسه وايتام يا بويه... اتنادي وين ابو الكلفات
〰〰〰〰〰〰〰〰〰〰〰
بعيوني انرسم منظر ...يبويه فتت احشايه
طفل مذبوح يم مهده... وامه تسولف احجايه
تلوليله بدمع العيون.. بكاروكه الحزن ايه
ييمه حلمي واتطشر
امطوك سهمك المنحر
بمصابك قلبي اتمرمر
كل هاي الصور بويه ...خلتني مع الاموات
تمت بعون الله تعالى
✍️خادمة الزهراء// ليلى زغيب
رابطة كبش الكتيبه لدراسة اوزان الشعر بإشراف الشاعرة العلوية ام رقيه الموسوي
الشاعره ليلى زغيب
اين الطالب بذحول الانبياء وابناء الانبياء
/channel/Doumooalanin
#فخر_المخدرات
جديد في حق مولاتي عنوان الحجاب والعفة والصمود لبوة علي عليه السلام كعبة الرزايا والاحزان جبل الصبر زينب قصيدة بعنوان (زينب مدرسة العزة)
يلي تكتب عالعقيله تريد امن الله القبول؟؟
لا تطلعهه ذليله وتغضب الهادي الرسول
بنت امير المؤمنين
فخر عباس وحسين
لا تطلعهه ذليله وتغضب الهادي الرسول
گبل لا تكتب عليها اتوضا بدموع الحياء
هاي تربات الصميده وفاطمه ست النساء
ولو ردت تعرفها مين اوگف بتل كربلاء
اثر اجدام العقيله قبه صارت للسماء
گبل لا تكتب عليها
تعرف اعليها بحچيها
لا تطلعهه ذليله وتغضب الهادي الرسول
▪️〰▪️〰▪️〰▪️〰▪️〰▪️〰
زينب بطف كربلاء قدمت أروع دروس
عفه وي هيبه اوقار عالجمر چانت تدوس
بكل وقار الزهره امها زينب الذلت نفوس
طلعت بدرب السبي وحارسه الهه الرؤوس
اخذت الرايه امن اخوهه
هايه تربايت ابوهه
لا تطلعهه ذليله وتغضب الهادي الرسول
▪️〰▪️〰▪️〰▪️〰▪️〰▪️〰
تريد تعرفها العقيله اقره خطبتها قبل
حيدره چنه حضر ويخطب بذاك الحفل
خرست مجلس يزيد وهيه مجتوفه بحبل
هاي زينب يلتناشد والابو خير العمل
جدها خير المرسلين
ذلت الطاغي اللعين
لا تطلعهه ذليله وتغضب الهادي الرسول
▪️〰▪️〰▪️〰▪️〰▪️〰▪️〰
چلمه گالتهه العقيله شما تكايدنا يزيد
بالدهر باقي ذكرنا وسوي كل الي تريد
غيره عزه وي مهابه اجتمعوا بزينب اكيد
وانت بس تكتب عليها فرجه صارت للعبيد!!؟
زينب عنوان الكرامه
رابيه بحجر الامامه
لا تطلعهه ذليله وتغضب الهادي الرسول
▪️〰▪️〰▪️〰▪️〰▪️〰▪️〰
لو ردت تكتب عليها ايه زينب للصمود
ثورة الاعلام چانت رغم كل ذيچ القيود
رغم كل ذيچ المآسي المنها تتفطر چبود
بفضل زينب يلموالي كربله ليها الخلود
هيه ناموس العطاء
الوصّل النا كربلاء
لا تطلعهه ذليله وتغضب الهادي الرسول
تمت بعون الله تعالى
خادمة الزهراء// ليلى زغيب
الشاعره ليلى زغيب
اين الطالب بذحول الانبياء وابناء الانبياء
/channel/Doumooalanin
#الشيعه_والهلال
جديد محرم الحرام ١٤٤٤هجريه قصيدة بعنوان (وصل عاشور)
يا شيعه وصل عاشور
وانه وياكم نحضره
نرفع راية المظلوم
قوموا نعزي الزهره
وصل عاشور يا شيعه
وقميص حسين عنوانه
ترفعه فاطمه البضعه
وتصرخ جالسه ويانه
آ يحسين صعب وضعه
اجيته وروحي لهفانه
وليدي بيا جرم منحور
وجسمه يظل على الغبره
▪️〰▪️〰▪️〰▪️〰▪️〰▪️〰
ننظر بالسما ونشوف
الملائك واقفه وتنحب
تهل من الدمه الدموع
تنوح الي بقه امسلب
تشوف أطفال مرعوبه
اوبنار الخيم تلهب
تصيح بصوت اجى عاشور
بدمعها تواسي العتره
▪️〰▪️〰▪️〰▪️〰▪️〰▪️〰
نجري من الجفن عبره
نبكي وونجب بحسره
نشارك بالعزا الزهره
اجته شابگه العشره
اوليدي المنقطع نحره
وخيل السحگت بصدره
نكسر باللطم الصدور
حسين الجثته متوذره
▪️〰▪️〰▪️〰▪️〰▪️〰▪️〰
يشيعه وزينب الحره
تنادي مو حرت بمري
عباس البطل ياناس
من عقبه انسلب خدري
ابچي ودمعي دم يسيل
يخويه مو خلص صبري
انوح وگلبي چن تنور
اعله عجف النوگ متيسره
تمت بعون الله تعالى
خادمة الزهراء// ليلى زغيب
الشاعره ليلى زغيب
اين الطالب بذحول الانبياء وابناء الانبياء
/channel/Doumooalanin