4059
الحجاب انهتك بالباب ومال العرش بالسطره واتخلخل نظام الكون من كسروا ضلع بالزهره اين الطالب بذحول الانبياء وابناء الانبياء
#الرضيع
جديد محرم الحرام ١٤٤٥ هجرية قصيدة بعنوان (طير الجنه)
يعبدالله انمرد گلبي النحر مذبوح
يطير الجنه يوليدي الگلب مجروح
يعبدالله ازغير عالذبح نحرك
طفل شمسوي يوليدي انخطف عمرك
مهدك مثلي ينحب بالحزن كترك
وانه الطم على جرحي وأفت الروح
▪️〰▪️〰▪️〰▪️〰▪️〰▪️〰
اعله طولك يمه يوليدي اوج شمعه
سهم نحرك ييمه گلي شيجرعه
ابوك الشاهدك يمه حنى ضلعه
يشم نحرك يعبدالله ويزيد النوح
▪️〰▪️〰▪️〰▪️〰▪️〰▪️〰
عزند حسين ظامي ابني ما رحموه
يگلبي بيش اصبرنه بدمه فطموه
عبدالله نظر عيني بغدر ذبحوه
راسه اعله الرمح ويلي اشوفه يلوح
▪️〰▪️〰▪️〰▪️〰▪️〰▪️〰
يعبدالله العمر بعدك فلا ريده
من ردلي حسين وشايلك بيده
اشسويت يا حرمله بگطعة وريده
بسهم نحره يخايب گلب امه مذبوح
▪️〰▪️〰▪️〰▪️〰▪️〰▪️〰
حبيبي وقرة عيوني البدر چنه
يردلي منذبح عطشان اشوفنه
يا جمر المصيبه اشلون احضننه
وسهم النايبه ويلي اعله جيده يلوح
تمت بعون الله تعالى
خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#شباب_كربلاء
جديد محرم الحرام ١٤٤٥هجرية قصيدة بعنوان (اكبر جرح) لسان حال ليلى في مصيبة ولدها علي الاكبر
اجلست ليلى بالاحزان تندب ولدها
يا علي الاكبر يا يمه اتفطر چبدها
بالخيمه ويلي واتصيح ياعلي الاكبر
يا يمه جرحك اچبير طفالي النظر
بعيوني شفته يا علي گلبي تحسر
بطف كربله ليلى طايح ويلي عمدها
▪️〰▪️〰▪️〰▪️〰▪️〰▪️〰
لمصيبتك يا يمه ما تكفي الدموع
طولك امگطع يلولد دلالي مفجوع
يا علي الاكبر يايمه من دمعي الشموع
مصابك يا علي الاكبر لأمك ضهدها
▪️〰▪️〰▪️〰▪️〰▪️〰▪️〰
اگعد يا علي الاكبر واسمع ونيني
عگبك ييمه هالعدو مرمر سنيني
هذا جمالك امگطع تشوفه عيني
وتالي فوگ الرمح راسك روحي مردها
▪️〰▪️〰▪️〰▪️〰▪️〰▪️〰
شفتك يا يمه مرمي يهلالي مخسوف
جمالك يا علي الاكبر بالكون موصوف
وتاليها من دمك يمه حنيت الچفوف
ياصبر تجيبه الوالده التفگد ولدها
▪️〰▪️〰▪️〰▪️〰▪️〰▪️〰
يا علي الاكبر يايمه طولك سباني
شوفك على حر الرمل ويلي عماني
بسهم فگدك يا علي دهري رماني
يا عمر تگضي الوالده الظلت وحدها
تمت بعون الله تعالى
خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#شباب_كربلاء
جديد محرم الحرام ١٤٤٥ هجرية قصيدة بعنوان (يا مهجتي) لسان حال رمله ام القاسم على جثة ابنها
چنت انتظره عرسك واعد الايام
ما اجى ابالي امغسل بلدموم تنام
جسام ياضنوة هلي اضويلك شموع
بأيام عمرك يلولد دلالي مفجوع
غصن الورد يامهجتي من دم الدموع
اشوفك عالثره مرمي امغطى بالسهام
▪️〰▪️〰▪️〰▪️〰▪️〰▪️〰
چنت احسب احساب وبيدي ازفك
من حولك اعمامك بالحنه اخضبك
ما اجى ابالي يلولد عيني تنظرك
امطرز بالجروح جسمك نايم بالخيام
▪️〰▪️〰▪️〰▪️〰▪️〰▪️〰
جسام يا شمة عطر ذبحوني يمه
مصابك ياابن الحسن گلبي يلچمه
جسمك اموذر يايمه واشلون المه
خابت ظنون الوالده ميت يجسام
▪️〰▪️〰▪️〰▪️〰▪️〰▪️〰
يجاسم ومثل الشمع ذايب دليلي
يجاسم ودمع الحزن غرگ شليلي
انعى واصيحن يلولد ييمه ويلي
التفگد املها ابهالدهر ابد متنلام
▪️〰▪️〰▪️〰▪️〰▪️〰▪️〰
جاسم ييمه بكربله ذبحوا احلامي
من شفتك نايم عالثرى والنحر دامي
هم الذبح هم العطش يوليدي ظامي
دمع المصيبه يلولد بخدودي سچام
تمت بعون الله تعالى
خادمة الزهراء// ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#نخوه_للعباس
قصيده توسل بالعباس بن علي عليهما السلام
يامن امرك اتعسر،،،،،،، اقصد كربلا بممشاك
دگ باب الكفل زينب ،،،،وعنده لوح بيمناك
لو يصعب عليك الحال روح الكافل وقله
اجيتك يا اخو زينب اريد المشكل تحله
احچي وي ابو الغيره واذكرله مصاب اهله
ترجع خاطرك مجبور ،،قلبك ما يظل مكسور،، هذا بوالفضل مشهور
اطلب منه واتمنى،،،،، وقله جيتك وانخاك
بحق اللي قلع خيبر ،،،ويمينه اصبحت يمناك
يامن امرك اتعسر ،،،اقصد كربلا بممشاك
دگ باب الكفل زينب ،،،وعنده لوح بيمناك
▪️〰▪️〰▪️〰▪️〰▪️〰▪️〰
اقصد حضرته واهناك هل دمعك على الوجنات
الكافل مقصد الوفاد وعليه ما تصعب الشدات
تطوف بمرقده الاملاك وتتوسل بأبو الكلفات
عباس البطل معروف،،، صاحب رايه ويه چفوف ،،،،لكل عله دوا موصوف
منه اطلب الحاجات ،،،،واوهو ميردك بمسعاك
قله وانته متيقن ،،،،يخو زينب اني بحماك
يامن امرك اتعسر ،،،اقصد كربلا بممشاك
دگ باب الكفل زينب ،،،وعنده لوح بيمناك
▪️〰▪️〰▪️〰▪️〰▪️〰▪️〰
يزاير اطلب الحاجه وعليه اقسم بخوه حسين
سولف وي ابو الغيره ودمعك صبه من العين
قله يا اخو زينب عليك الطبره والضلعين
من يسمع وهو بهالحال ،،،،دمع عينه يصب همال ،،،يقلك ما تخيب محال
بدمع زينب تطلبنه ،،،،و هل الدمعه من عيناك
قله يا عضيد حسين،،، اجينا اليوم نترجاك
يا من امرك اتعسر ،،،،اقصد كربلا بممشاك
دگ باب الكفل زينب ،،،وعنده لوح بيمناك
▪️〰▪️〰▪️〰▪️〰▪️〰▪️〰
معاجز حصلت بزوده كثيره والله ما تنعد
كل اهل الارض تدري وملايك بالسمه تشهد
اسأل كربلا اتخبرك بيها شسوى ابن الحيد
ابو فاضل يعرفونه،،،، ميرد اللي ينخونه،،،،، عظيم وجاه يدرونه
يا من تطلب الحاجه،،،، اسعى واقصده لهناك
اقصد للكفل اخته،،،، وجد السير في ممشاك
يا من امرك اتعسر ،،،، اقصد كربلا بممشاك
دگ باب الكفل زينب ،،،، وعنده لوح بيمناك
تمت بعون الله تعالى
خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#العباس
جديد محرم الحرام قصيدة بعنوان (كفيلچ راح يا زينب) لسان حال الامام الحسين عليه السلام بعد مصرع العباس
لفى الحسين يم زينب
يكف دمعاته بيدينه
ينادي آه يا خويه
كافل خدرچ اتعذرينه
ينادي آه يازينب راح الكافل الضيغم
انكسر ظهري على اغيابه وهمي اتراكم وغيم
عمدنا طاح يالحره استعدي لحرگ المخيم
دصبري سكنه واخوتهه بفراگه يطول الهم
كفيلچ طاحن ايدينه
العمد صوبله اجبينه
▪️〰▪️〰▪️〰▪️〰▪️〰▪️〰
على جسم العضيد احسين وگف يتأمل جروحه
شايل بيده الچفين ودموع العين مسفوحه
انكسر ظهري يخويه اعليك اشوفك جثه مطروحه
شگل الزينب الخلت اعله دربك عين مشبوحه
ويه الجود وي عينه
گطعوا ايساره وايمينه
▪️〰▪️〰▪️〰▪️〰▪️〰▪️〰
غده يلملمه بجروحه وعلى القومه فلا يگدر
يگله خويه يالعباس حزام الظهري واطشر
بموتك عيدوا بالشام ونار بگلبي تتوجر
شگولن للعقيله الساع كفيلچ طاح واتوذر
الرايه اتون على ونينه
بعمد راسه امصوبينه
▪️〰▪️〰▪️〰▪️〰▪️〰▪️〰
اخوك انه الغريب انه عليك اهمل دمع دامي
يخويه بطيحتك تدري العدى تهجم على خيامي
وبعد ساعه يخوي امشي واودع اهلي وايتامي
واسمع زينبك تنعى ابلا كافل ولا امحامي
سلاسل تجرح ايدينه
وينه كافلي وينه
▪️〰▪️〰▪️〰▪️〰▪️〰▪️〰
يعباس الظهر محني بنار اضلوعي ملچومه
وجه الكون على موتك ينعي مغيره ارسومه
سماء الطف غده اظلم على فگدك يجيدومه
يعباس انهدم حيلي وصبري ينزف ادمومه
مصابك جمره يچوينه
اخوك الطاحت ايمينه
تمت بعون الله تعالى
خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#العباس
جديد محرم الحرام قصيدة بعنوان (هذا عباس)
حماسيه للعباس بن علي عليهما السلام
هاج عزم الكافل اوج واشتعل
شال جوده وللنهر قاصد نزل
هذا عباس غيره واحساس
غيره واحساس هذا عباس
من سمع صوت العقيله تنادي
العطش فتت مهجي وافادي
وانت غوث وغوث كل امنادي
هاي الاطفال نزل منها الدمع
رفعة الراس انت عباس
انت عباس رفعة الراس
▪️〰▪️〰▪️〰▪️〰▪️〰▪️〰
صدره دگه البطل والها اتچنه
الماي اجيبه خويه لچ واتعنى
الجود سالم زينب شتتمنى
هالاميره احنه لأمرها نستمع
عيوني حراس انا عباس
انا عباس عيوني حراس
▪️〰▪️〰▪️〰▪️〰▪️〰▪️〰
هاج عزمه ونزل للشاطي الگمر
صال صولة موت بالجيش وحشر
كالو اسرافيل صوته من زئر
احتارو وگالو أظن حيدر رجع
حبست انفاس هذا عباس
هذا عباس حبست انفاس
▪️〰▪️〰▪️〰▪️〰▪️〰▪️〰
خاض بالماي وأظن قلبه جمر
ترس جوده وخاطب الماي النهر
مااشربك ديني مو قلبه انفطر
مايه ذبه بساع وبلهفه رجع
تفايض احساس هذا عباس
هذا عباس تفايض احساس
▪️〰▪️〰▪️〰▪️〰▪️〰▪️〰
اتزلزل الطف دار لون سماها
وصوت يحسين الخيم رجاها
زنودي طاحن سهم عيني طفاها
يعينك الله البيرگك ياهو الرفع
عيني والراس تشهد الناس
تشهد الناس عيني والراس
هذا عباس
تمت بعون الله تعالى
خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#الشوق_للزياره
شوق الموالي لزيارة المولى ابي عبدالله الحسين عليه السلام قصيدة بعنوان (مثل جابر)
مثل جابر اريد اليوم
اوصل عد ضريح احسين
اقبل العتبه بشفافي
واهل دمعي دمه من العين
آه يا مظلوم ،،،،،،، آه يا مظلوم ،،،،،، آه يا مظلوم آه
اسكب دمعه مصحوبه
بونين الاه والحسره
انادي بصوت يامولاي
واتوسد ثرى الغبرى
بلهفة ظامي يشرب ماي
اطوف واسعى بالحضره
وانادي بصوت يا مظلوم
يمن تربك كحل للعين
آه يا مظلوم ،،،،،،،، آه يا مظلوم ،،،،،،، آه يا مظلوم آه
▪️〰▪️〰▪️〰▪️〰▪️〰▪️〰
اتخيل أنا هالمشهد
ومن گلبي اجر حسرات
اهنانه نصبوا اخيمهم
واعليهم لفت غارات
واهنانه زينب احتارت
من گالوا كفيلچ مات
چني وياها اتخيل
واشمالي اصفگ ابالايمين
آه يا مظلوم ،،،،، آه يا مظلوم ،،،،،، آه يا مظلوم آه
▪️〰▪️〰▪️〰▪️〰▪️〰▪️〰
اريد امشي لعلي الاكبر
وازور الاصغر اليرضع
اريد امشي الى القاسم
شباب اتحنى بالمصرع
وارد ردود لاخو زينب
زنود ورايه تتگطع
الرايه امخضبه بالدموم
ظلت تنعى عالچفين
آه يا مظلوم ،،،،،،، آه يا مظلوم ،،،،،، آه يا مظلوم آه
▪️〰▪️〰▪️〰▪️〰▪️〰▪️〰
زاير اگصد العطشان
واهل دمعي على المذبوح
اشوف الزهره موجوده
تلطم والدمع مسفوح
لنها تشوف عليل حسين
بقيد الجامعه مجروح
وزينب سارت وي القوم
وحبال امچتفه الزندين
آه يا مظلوم ،،،،،،، آه يا مظلوم ،،،،،،، آه يا مظلوم آه
▪️〰▪️〰▪️〰▪️〰▪️〰▪️〰
زاير انه اگصدله
والطم عالصدر بالايد
امن اشوف الحضره بعيوني
حسراتي أبد متهيد
اتخيل طفل ظامي
وسهم نحره يطوگ الجيد
وامه امن الحزن تنحب
وتوليله بدمع وونين
آه يا مظلوم ،،،،،،، آه يا مظلوم ،،،،،،،، آه يا مظلوم آه
تمت بعون الله تعالى
خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#عبدالله_الرضيع
جديد محرم الحرام ١٤٤٥هجرية قصيدة لطفل الحسين عبدالله الرضيع سلام الله عليه بعنوان (ذبح البراءة)
عبدالله ينور العين مذبوح اعله گطره
روحي بيش اسليها مهدك خالي انظره
عبدالله رضيع اشلون يارب يذبحونه
قدمتك لبوه حسين عبّالي يروونه
يا مهجة گلب امه من دمه يفطمونه
هاي الما أجت عالبال أبد ولا بخطره
▪️〰▪️〰▪️〰▪️〰▪️〰▪️〰
يزينب شاهدي ويايه صدگ مذبوح
ما صدگ انه الشوفه بعزيز الروح
وش ذنب الطفل يارب ظامي يروح
ياريت السهم طوگ نحري ولا نحره
▪️〰▪️〰▪️〰▪️〰▪️〰▪️〰
يزينب من اهز مهده ناره تچويني
روحي چان وسلوتي اناغيه ويناغيني
بيش الروح تتسلى والرايح نظر عيني
عمري صفه من عگبه بس يتسلى بالعبره
▪️〰▪️〰▪️〰▪️〰▪️〰▪️〰
من خذتيه من ايدي وانه اتنطر الرده
ينجرح الگلب ويلي كلما انظر المهده
اشوفه خالي يازينب والحسرات ما تهده
من عگبه اظل انه للاهات والحسره
▪️〰▪️〰▪️〰▪️〰▪️〰▪️〰
ست شهور يزينب عمر الورد عمره
مكسور گلبي آه وكسر الگلب شيجبره
يا ربي يا معبود عبدالله انگطع نحره
مات اعله شربة ماي ياهو العليه اتجره
تمت بعون الله تعالى
خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
وداع الامام الحسين عليه السلام لجدته ام المؤمنين خديجة بنت خويلد رضوان الله عليها
طلب احدى المواليات لسان حال الامام الحسين يخاطب جدته خديجه
يم فاطمه يلقدمتي للدين كل غالي وثمين
طالع انه اليوم افدي روحي لجله و البنين
دين جدي يا خديجه ليتچ تشوفين حاله
چالغريب بگاع صحره وينعاها قلة وصاله
على اصوله والفروع الحاقد بسيف اعتناله
چان مثلي اليوم جيتي تردي غدر الحاقدين
▪️〰▪️〰▪️〰▪️〰▪️〰▪️〰
دين جدي يا خديجه اللي ذرفتيله الدموع
اليوم يا جده اعتناله البالأمس يحرگ جذوع
وطالع انه اليوم افدي جده وابكل الشموع
راح اقدم كل شي عندي حتى راسي والادين
▪️〰▪️〰▪️〰▪️〰▪️〰▪️〰
اسمعي مني خديجه كل سجل التضحيات
راح اقدمله يا جده حتى ريع الامنيات
حتى ابني اليشبه الهادي بكل خصاله والصفات
بعيني اشوفه امگطع اگبالي وانه اجهر بالونين
▪️〰▪️〰▪️〰▪️〰▪️〰▪️〰
وريتچ تشوفيني يجده وانه قدمله الكفيل
يگصد الشاطي بعزيمه وبالغدر يصبح قتيل
عينه يطفوها بسهم ومن كل كتر دمه يسيل
ولجل دين المصطفى يقدم اليسرى ويمين
▪️〰▪️〰▪️〰▪️〰▪️〰▪️〰
حتى طفلي يا خديجه بيدي اقدمه للذبح
وراسي وي راسه يجده يعتلي بعالي الرمح
وزينب الحره يجده بالصبر تحمل جرح
ومن تسير وي الغرب بحرگه تندب ياحسين
تمت بعون الله تعالى
خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#يا_صاحب_الزمان
حال الامام المهدي عجل الله فرجه الشريف
اشلون ينسى،،،،،
لا والله ما ينسى صدر امه البتول
ولا ينسى الاعوجيه الگامت تجول
ابو صالح اشلون ينسى ودوم ينحب
على باب الطهر امه الدمع يسچب
يذكر جنين الطاح ويلي فوق الترب
ودوم يذكر حسرات حيدر عالبتول
▪️〰▪️〰▪️〰▪️〰▪️〰▪️〰
ابو صالح اشلون ينسى حريق الدار
اوهو بعينه دوم حاضر المسمار
ويذكر ضلعها والعين و يهل اعبار
ينطر اشارة ويسل سيفه ويجول
▪️〰▪️〰▪️〰▪️〰▪️〰▪️〰
اشلون ينسى ابو صالح يوم الغاضريه
البيه جالت عصدر احسين الاعوجيه
واشلون ينسى فعلة اولاد الدعيه
و ينسى حريق خيام باليوم المهول
▪️〰▪️〰▪️〰▪️〰▪️〰▪️〰
اشلون ينسى الاكبر وجسام ويه الگمر
بالله اشلون ينسى زينب ينسى الخدر
وعن عينه ابد ما غابت افعال الشمر
ويذكر دوم زينب اوقفتها بين النغول
▪️〰▪️〰▪️〰▪️〰▪️〰▪️〰
اشلون ينسى عبدالله وسهم نحره
طفل انذبح ما شرب من الماي گطره
ما ينسى أبد وبگلبه توج عليه جمره
ابد ما شفنا رضيع منه النحر مفصول
تمت بعون الله تعالى
خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#يا_صاحب_الزمان
قصيدة ندبة للامام المهدي عجل الله فرجه الشريف بعنوان (انتظار كربلاء)
اظهر يا ابو صالح تنطر كربلا للحين
العلم بيها ويه الجود بيها انگطعت الايدين
اريد انقل خبر مولاي وانته ادرى يالمهدي
شحصل بالطف ودمى تجري بصفح خدي
رضيع احسين يلمهدي سهم نحره حرگ چبدي
دماه الظلت بإحساس تجري بچف ابوه احسين
▪️〰▪️〰▪️〰▪️〰▪️〰▪️〰
وخبر ثاني يبو صالح اشرح بيه چم امصاب
من ذكراه يالمهدي اظن راس الطفل هم شاب
شباب الجاسم ودمه بصبح عرسه اله الخضاب
العزيز احسين من شافه دمعه يصب على الخدين
▪️〰▪️〰▪️〰▪️〰▪️〰▪️〰
وشبيه المصطفى جدك تگطع قلبه من شافه
طول بطول يالمهدي تمدد يلثم شفافه
ينادي يا شبه جدك ومآخذ انته اوصافه
سلم لي على الزهره وي جدي النبي ياسين
▪️〰▪️〰▪️〰▪️〰▪️〰▪️〰
الكسر ظهر العزيز حسين عالشاطي غده مذبوح
دم يجري على الغبرى وعلم وياه ظل مطروح
ابو اليمه يالمهدي على مصابه يون وينوح
رجع لخيامه بالحسره ويهل دمعه على الچفين
▪️〰▪️〰▪️〰▪️〰▪️〰▪️〰
واخبرك سيدي بزينب مشت بالهم الى الشامات
على الغبرى عافتهم يويلي وتجذب الحسرات
تون وتنوح على الهزل وتجرع بالحزن لوعات
تنادي يمه يالزهره حضريني بمصاب احسين
تمت بعون الله تعالى
خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#ام_البنين_تودع_الحسين
جديد محرم الحرام ١٤٤٥هجرية قصيدة لوداع الامام الحسين عليه السلام وام البنين بعنوان (اخذ روحي)
خلف الظعن ام البنين تنادي يحسين وتنوح
خل اشبع اوداع يا مهجة الزهره گبل ما تروح
حمّل اظعونه بوعلي وراد يطلع من المدينه
لن صوت خلف الظعن ينادي وعالي ونينه
اوگفلي يبو السجاد انه ام البنين يا ولينه
ارد اشبع اوداع منك وتهل الدمع مسفوح
▪️〰▪️〰▪️〰▪️〰▪️〰▪️〰
گبل ما بالظعن ترحل وتاخذ بروحي الظنون
وعني تبتعد يحسين وافگد نظر العيون
بصدري خل اضمنك گبل خيل اليسحگون
وگبل متنام عالغبره يا ضوه الكون مذبوح
▪️〰▪️〰▪️〰▪️〰▪️〰▪️〰
گلبي يحس يمه من هالسفر بعد ما ترجع
چني اشوفك نايم عالثرى وجسمك امبضع
وچن واحد على صدرك يهبر المنحر ويگطع
وزينب واگفه من ابعيد واعليك النظر مشبوح
▪️〰▪️〰▪️〰▪️〰▪️〰▪️〰
نذر يحسين لو ترجع بالظعن بعد الغياب
ازرع ادروب السفر كلهه ورد يا صفوة الاحباب
لچن خوفي تظل يحسين نايم فوگ التراب
ويردلي الظعن خالي بس يحمل عذاب ونوح
▪️〰▪️〰▪️〰▪️〰▪️〰▪️〰
يحسين افدي العمر مو بس بنيني الاربعه
واتردلي سالم بوعلي هذا كل الاطعمه
لچن لو ترحل انت يعمري هذا الما اجرعه
اتحمل اسمع اي خبر ولا افگدك يا سلوة الروح
تمت بعون الله تعالى
خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
دعاء الامام الحسين عليه السلام يوم عاشوراء
اللهم!.. أنت ثقتي في كل كرب، وأنت رجائي في كل شدة، وأنت لي في كل أمر نزل بي ثقةٌ وعدة.. كم مِنْ هم يضعف فيه الفؤاد، وتقل فيه الحيلة، ويخذل فيه الصديق، ويشمت فيه العدو.. أنزلته بك وشكوته اليك؛ رغبةً منيّ إليك عمّن سواك، ففرجته عني وكشفته.. فأنت ولي كل نعمة، وصاحب كل حسنة، ومنتهى كل رغبة.
#يا_صاحب_الزمان
توسل بالامام المنتظر عج
اگصد امامي المنتظر والدمع سچاب
اقسم عليه بفاطمه وي ذاك الحجاب
أنخاك نخوه سيدي گليبي تفطر
ضاقت عليه دنيتي وأمري تعسر
اقسم عليك بفاطمه وضلع التكسر
بخدها الذي انصفع والعتبه والباب
▪️〰▪️〰▪️〰▪️〰▪️〰▪️〰
نخوه نخيتك سيدي بزينب الحره
الگلب ذاب بغيابك ونبجي بحسره
طالت الغيبه سيدي وجفت العبره
اقسم عليك بحسرتها لتطول الغياب
▪️〰▪️〰▪️〰▪️〰▪️〰▪️〰
نخوه نخيتك سيدي جار الزمن
ما انصف ويانا الدهر يبن الحسن
بينه المرض بينه الوبا وكل المحن
يسعر جمر جوه الگلب من هذا المصاب
▪️〰▪️〰▪️〰▪️〰▪️〰▪️〰
أنخاك نخوه يا إمامي بجاه الحسين
نظرة عطف يا سيدي بمگطوع الادين
بجاه العقيله ام الخدر من هلت العين
من شافت حسين تغسل من دمه الخضاب
▪️〰▪️〰▪️〰▪️〰▪️〰▪️〰
أنخاك نخوه يا امامي وگلبي مجروح
بجاه البقه فوق الثره ياويلي مذبوح
بجاه اليتامه اللي بچت والدمع مسفوح
نصيح العجل يلا بعجل يبن داحي الباب
#اللهم_عجل_لوليك_الفرج
تمت بعون الله تعالى
خادمة الزهراء /ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#لهلال_شهر_محرم
جديد محرم الحرام ١٤٤٥هجرية قصيدة بعنوان (زينب والهلال)
لفى عاشور ياشيعه وزينب بالسمه تنظر
تنادي بصوت يالزهره عيون وبالدمه تمطر
هلال الشوم يمحرم بيك گلوبنه جمره
عيون اطفال تترقب تهل دموعنه حمره
شباب وزفه والمنحر وخيام بنار متوجره
على الهزل تفارگهم حره ويفجع المنظر
▪️〰▪️〰▪️〰▪️〰▪️〰▪️〰
هلال الشوم والاكدار بيك الآل مفجوعه
بسمه الاكوان من تظهر المهدي تنحني ضلوعه
بيك الزهره نسمعهه تنوح وتصرخ بلوعه
بيك ايتام على الاكوار ودموع العين تتحدر
▪️〰▪️〰▪️〰▪️〰▪️〰▪️〰
هلال الشوم وي زينب شلك گلي من اعذار
تشوفك بالسمه احمر تشب وسط الضلوع النار
بسماها من تهل انته بخدرها لو طفل تحتار
بطلعتك يا هلال الشوم غوالي اعليهه تتحسر
▪️〰▪️〰▪️〰▪️〰▪️〰▪️〰
هلال الشوم يمحرم بيك المصطفى ملجوم
بيك الزهره ملطومه وجبده للحسن مسموم
بيك انعادت الذكرى وگلب الحره مملي هموم
وجن وسط الخيم اطفال وبيها النار تتوجر
▪️〰▪️〰▪️〰▪️〰▪️〰▪️〰
هلال امحرم وتدري قصة حزن معروفه
زينب للنهر ويلاه من تنظر الى جروفه
تلاگي كافل الخدر وزع عالنهر شوفه
وتلاگي رايه وي چفين واخوها حسين متخوصر
تمت بعون الله
خادمة الزهراء / ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#شباب_كربلاء
جديد محرم الحرام ١٤٤٥ هجرية قصيدة لعلي الاكبر ابن الحسين عليهما السلام بعنوان (يبني يالاكبر)
انظر بالعين ،،،هذا الحسين ،،،،يصفگ چفين
شابح بالعين ،،،، من جاك البين ،،،،،،يبني يالاكبر
يا علي الاكبر يابويه بعيني انظرك
يا شبيه المصطفى للموت ارخصك
بفگدك يا علي تدري مين اليندبك
امك وزينب ياعلي والزهره جتك
بطيحتك هاي ،،، يالب حشاي ،،،توليني اعداي
انظر بالعين ،،،، من جاك البين ،،،،يبني يالاكبر
▪️〰▪️〰▪️〰▪️〰▪️〰▪️〰
يا علي لمن اشوفك گلبي يتشهد
ومن تمر اگبالي انت چن جدك يرد
صعبه اشوفن طيحتك يا غصن الورد
بموتتك مات النبي وحيدر بعد
چن جدك مات ،،،، يبني هيهات ،،،،،، يرجعلي الفات
ناداك حسين ،،،، من جاك البين ،،،،، يبني يالاكبر
▪️〰▪️〰▪️〰▪️〰▪️〰▪️〰
للخيمه بو الاكبر رد يلطم عالصدر
يكفكف ادموعه ويلي بردان الصبر
يحمل اوليده من الحرب ويلي ماكدر
نادى يا زينب علي بالحومه تگنطر
يصفچ بالراح ،،،،، يزينب طاح ،،،، زيدي الصياح
تدمعله العين ،،،،، من جاك البين،،،،يبني يالاكبر
▪️〰▪️〰▪️〰▪️〰▪️〰▪️〰
لعلي الاكبر ياويلي ينظر جثته
يندبه صار وجمر تسعر چبدته
حسافه اعله الشباب ينادي بعبرته
على الدنيا العفى مني علي اخذته
گلبه ملچوم ،،،، نادى ياگوم ،،،،، غسله الدموم
دمعات حسين ،،،،من جاك البين ،،،يبني يالاكبر
▪️〰▪️〰▪️〰▪️〰▪️〰▪️〰
طبت الخيمه ليلى تبجي واتنوح
ياعلي الاكبر تنادي ذابت الروح
فگدك ييمه ما اجرعه مني لتروح
يلچنت سور بدنيتي تاليها مذبوح
گطعوا فروع ،،،،لچموا ضلوع ،،،، ماتكفي الدموع
تهمل العين ،،،، من جاك البين ،،،، يبني يالاكبر
تمت بعون الله تعالى
خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#شباب_كربلاء
جديد محرم الحرام قصيدة بعنوان (وداع الموت) ليلى والحسين وعلي اﻻكبر
گومي يا ليلى للولد هلهيلي له
طلع للحومه گومي وعاينيله
طلع بدر ليلك للمعركه ابهالحين
يفري الكتايب واطشرت صوبين
ادعي الباري يردلك وتقر العين
گومي ياليلى للولد دادعيله
▪️〰▪️〰▪️〰▪️〰▪️〰▪️〰
دخلت الخيمه تنادي غوث المنادي
ياربي دخيله اعليك بعلي والهادي
وبالحسن واحسين حقق مرادي
ونار گلبي بشوفة علي برد غليله
▪️〰▪️〰▪️〰▪️〰▪️〰▪️〰
رد علي واستر گلب الحسين بملگاه
لچن يويلي من العطش ذبلت اشفاه
طلب شربة ماي يويلي ايبلل احشاه
ضمه الشهيد حسين والمدمع يسيله
▪️〰▪️〰▪️〰▪️〰▪️〰▪️〰
رد علي الاكبر لميدانه يواجه البين
رد واعليه النظر مشبوح ابوه حسين
وعيونه شبه السيل ويصفگ الچفين
يارب هذا الولد قدمته وماكو مثيله
▪️〰▪️〰▪️〰▪️〰▪️〰▪️〰
لن ساعه الحسين انخطفت الوانه
يا ليلى راح اﻻكبر واظلمت دنيانه
وين زينب وين سكنه تنوح ويانه
شبه النبي راح وحسين انهدم حيله
▪️〰▪️〰▪️〰▪️〰▪️〰▪️〰
جاب الولد والجدم تسحب بالتراب
اثاري حسين ظهره انحنى عالشباب
نوب يندب يلولد ساعه ينخي اﻻصحاب
ولن ليلى تصيح زينب السفره طويله
▪️〰▪️〰▪️〰▪️〰▪️〰▪️〰
نادت بالحزن گوم من نومتك هاي
يا ثمر گلبي يايمه ونور عيناي
خابت ظنوني بكربله وضاع رجواي
خذاك الموت يوليدي وخلاني ذهيله
تمت بعون الله تعالى
خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#للقاسم_ابن_الحسن
جديد محرم الحرام ١٤٤٥هجريه قصيدة بعنوان (جاسم ييمه)
جاسم يا قطعة قلب يبعد الروح
يوليدي ذاخرتك لنصرة المذبوح
تقله جاسم يازهره من ابوك الحسن
ذاب قلبي من ونين عمك والمحن
يوليدي قوم لبي ولا تهاب الطعن
هذا حجة الباري قلبه انمرد بالنوح
▪️〰▪️〰▪️〰▪️〰▪️〰▪️〰
طلع جنه عريس و الحومه تحوفه
يتمايل مثل غصن البان ما تهمه حتوفه
ليتك يالحسن حاضر بالطفوف تشوفه
تناصف السيف بهامه ونادى يا مذبوح
▪️〰▪️〰▪️〰▪️〰▪️〰▪️〰
لفاه احسين ويلي و تنزف ادمومه
حنى اضلوعه عالولد وتغيرت ارسومه
راد يشيل الشباب ما قدر على القومه
نادى ساعدوني عالولد لايظل مطروح
▪️〰▪️〰▪️〰▪️〰▪️〰▪️〰
لن رمله بالخيام تلطم الصدر وتنوح
جاسم يبعد امك ليش تعوفني وتروح
يالولد خليت القلب مملي بالجروح
طول العمر لندب اعليك وافت الروح
▪️〰▪️〰▪️〰▪️〰▪️〰▪️〰
طول العمر لندب يجسام الورد ذبلان
من شفت طولك نايم على التربان
هليت من دمه العيون والگلب لهفان
باگوا اسنيني ييمه وعافولي الجروح
تمت بعون الله تعالى
خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#العباس
جديد محرم الحرام ١٤٤٥ هجرية قصيدة بعنوان (وينك ياعباس)كأني بزينب سلام الله عليها تريد الوصول الى نهر العلقمي .....تناشد كفيلها وحامي خدرها
اجيتك يا ابو الغيرى عليك الزهره طالعني
اريدك توصل ويايه ونين ايتامي ذوبني
يبو فاضل دخيلك گوم انه بعازتك تدري
فرهدني الزمن عباس خويه وحايره بأمري
اشكيلك ذبح الحسين لو اشكي حرگ خدري
وانت عالنهر نايم وضعك خويه دمرني
▪️〰▪️〰▪️〰▪️〰▪️〰▪️〰
شگلك خويه بوفاضل علينا تجرت العدوان
انت عالنهر نايم واحسيني اموسد التربان
يخويه سكنه ضربوها بسياط الزجر وسنان
عگبكم يا ضوى عيوني دهري للعدو ذبني
▪️〰▪️〰▪️〰▪️〰▪️〰▪️〰
تگله يا ابو فاضل اجيتك خويه بالحسره
مهي الايام هضمتني بنومتكم على الغبرى
يبعد اختك ينور العين اجيت وبالگلب جمره
ياابن ام البنين اشلون ترضى الشمر ينهرني
▪️〰▪️〰▪️〰▪️〰▪️〰▪️〰
يا عباس الدهر عگبك ظل بسياطه يضربني
اشاگف يا ضرب منه وسهمك خويه فاجعني
بطيحة رايتك يا خوي بسهامه البين صوبني
صبح باچر من يلفي اتمنى الموت ياخذني
▪️〰▪️〰▪️〰▪️〰▪️〰▪️〰
عليچ الزهره ياخويه يزينب بالله لا تبچين
ونينچ خويه يآذيني يعزيزة ابو الحسنين
السيف اشلون اشيلنه ومني امگطعه الچفين
سهم عيني يا زينب وعمود الراس چتفني
تمت بعون الله تعالى
خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#العباس
جديد محرم الحرام قصيدة بعنوان (شايل رايته) حماسيه للعباس بن علي عليهما السلام
عباس طب المشرعه
رايته شايل والجود
يقسم بداعة حيدره
ميرده كطع الزنود
صوت العقيله يحشمه
عباس راعي الموزمه
ماتت اطفالي من الظما
عجل يبن عقد الوله
اكلب عليهم كربله
عباس طب المشرعه
رايته شايل والجود
▪️〰▪️〰▪️〰▪️〰▪️〰▪️〰
يم العقيله اتجنى
بوالفضل راعي المحنه
ملهوفه صاحت سكنه
وينك كفيل العايله
اكلب عليهم كربله
عباس طب المشرعه
رايته شايل والجود
▪️〰▪️〰▪️〰▪️〰▪️〰▪️〰
جوده حمل والرايه
بصرخة عزم وفايه
عالشاطي دك الثايه
الجرف جفك قبله
اكلب عليهم كربله
عباس طب المشرعه
رايته شايل والجود
▪️〰▪️〰▪️〰▪️〰▪️〰▪️〰
غاضب تعنى الحومه
بعينه الصور مرسومه
اطفاله شو مهمومه
عباس راعي المرجله
اكلب عليهم كربله
عباس طب المشرعه
رايته شايل والجود
▪️〰▪️〰▪️〰▪️〰▪️〰▪️〰
للشاطي كام ايخاطبه
ما تطفي ناره اللاهبه
ادى التحيه اوواجبه
بنظره الطفوف مزلزله
اكلب عليهم كربله
عباس طب المشرعه
رايته شايل والجود
تمت بعون الله تعالى
خادمة الزهراء/ ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#العباس
جديد محرم الحرام قصيدة بعنوان (تون بسكوت)بين زينب والعباس سلام الله عليهما
آنه امن اذكر العباس زينب تسجب العبره
تنوح وتنتحب واتصيح يهالنايم على الغبره
تون بسكوت .... لفاني الموت
وينج يمه ياالزهره
اريدن اذكر العباس وانه اهناك بالحضره
واخاف من اذكره انه تشعل بالگلب جمره
وأهيج أحزانها بچلمه وتذكر شبجة العشره
واهيج ذكريات الدار وصدر الطاهره وكسره
ظل عباس ... ابو النوماس
باحساسچ يهل الحره
▪️〰▪️〰▪️〰▪️〰▪️〰▪️〰
اخاف من اذكر العباس تهيج الغيره بجروحه
والچمه جرح البراسه وهم يتفايض بروحه
ويتذكر جرح زينب تنادي بصوت مبحوحه
وينك يا كمر هاشم عليك عيون مشبوحه
علينه عود .....ريت تعود
جايب نهر للحره
▪️〰▪️〰▪️〰▪️〰▪️〰▪️〰
كون من اذكر العباس اتذكر عطش الحسين
يوم الودع الخوه بحسره وآه ويه اونين
نامت عالنهر خيمه بيهه الرايه وي جفين
اهناك اعله النهر لليوم تترجى امل ياسين
عرف عزمه ... رخص دمه
لجل احسين وبأمره
▪️〰▪️〰▪️〰▪️〰▪️〰▪️〰
بيها اجروح والله اهواي كون من اذكر العباس
يعني كل امل عدهه ضاع بخمدت الانفاس
يعني زينب الحره تسير امجتفه يا ناس
من تنشد عليها القوم تموت بواهس الاحساس
أملها ضاع ... تچوي أضلاع
حره وتصبح اميسره
▪️〰▪️〰▪️〰▪️〰▪️〰▪️〰
اخاف من اذكر العباس يهيج المهدي باحزانه
يظل حيران بين الباب اوبين اخيام اشجانه
تهيج اضلوعه للبسمار وبيه ادموعه حيرانه
اويسافر خاطره لعاشور غسل احسين دمانه
المهدي صار .... يهل اعبار
سحگ واضلاع متكسره
تمت بعون الله تعالى
خادمة الزهراء/ ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#الزهراء_والعباس
جديد محرم الحرام ١٤٤٥هجرية قصيدة بعنوان (اجيت الكافل بناتي)
الزهراء في مصيبة ابا الفضل العباس
آنه الزهره يا عباس اجيتك يمه يا الغالي
اريد انظرها لجروحك ييمه البيك آمالي
وصلت فاطمه الزهره حاديها الألم وهموم
تشاهد عالثرى الاحباب مغطيها بحر الدموم
تنادي وليدي ياعباس اجيتك والضلع مهشوم
يا من جسمك اتگطع وراسك منشهر عالي
▪️〰▪️〰▪️〰▪️〰▪️〰▪️〰
يوليدي اريد انشد واشسوى عمود البين
منهو اللي طبر هامك منهو اللي گطع چفين
وسهم الي مرد عينك نبت يايمه وسط العين
اجيتك وانه ملهوفه ومصابك غير احوالي
▪️〰▪️〰▪️〰▪️〰▪️〰▪️〰
وعد راس البطل صارت ويلي تلطم الزهره
تگله وليدي ياعباس اجيت ضلوعي متكسره
ومن شفتك على هالحال گمت الطم على العصره
وعمود اللي شرك هامك اخذني لطبرة الوالي
▪️〰▪️〰▪️〰▪️〰▪️〰▪️〰
يوليدي الگلب لهفان اجيتك يا ضنى حيدر
انوح اعليك يالعباس كفيل اعله الثرى موذر
عفيه يا صبر زينب اشلون تشاهد المنظر
وتعوف اخوان ياويلي وتودعها بدمع هالي
▪️〰▪️〰▪️〰▪️〰▪️〰▪️〰
اگعد يا ابو النوماس زينب راح تعوفنكم
على الهزل يركبوها اظن ما ترضى غيرتكم
اخذ چفيني ياالغالي والحگها العقيلتكم
لچمولي الضلع عباس اعداكم اول وتالي
تمت بعون الله تعالى
خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#عبدالله_الرضيع
جديد محرم الحرام ١٤٤٥هجريه قصيدة نخوه بعبدالله الرضيع بعنوان (بسهم النحر)
جيت انخه عبدالله يا طفل الحسين
بحق النحر ويه الدمى وبشبحة العين
جيت انخه هاليوم عبدالله الطفل
روحي تون امن الحزن دمعي يهل
جيت انخه مولاي هالمشكل تحل
بحگ السهم والگماط ياابن الميامين
▪️〰▪️〰▪️〰▪️〰▪️〰▪️〰
عبدالله يل بالمهد ذبحوك ظامي
وانفجع گلب المصطفى وحيدر امامي
جيت اتوسل يمولاي ابنحرك الدامي
وخد البتوله عبدالله وابلطمة العين
▪️〰▪️〰▪️〰▪️〰▪️〰▪️〰
جيت انخه ياالمذبوح وابلايا ذنب
والدمه الظلت نهر تجري اعله الترب
بچبدك الظامي مولاي الماذاق الشرب
بشهگة رقيه عبدالله وابحيرة احسين
▪️〰▪️〰▪️〰▪️〰▪️〰▪️〰
جيت انخه بالبطل ساقي العطاشى
الي نزل وسط النهر ظامي الحشاشه
ما شرب منه مولاي لا والله حاشه
وبالجود والرايه اوبگطع الادين
▪️〰▪️〰▪️〰▪️〰▪️〰▪️〰
جيت انخه يالمفطوم من دم النحر
ياالمنذبح ظامي اعله صدر الطهر
تقضي الحاجه مولاي بمكسور الظهر
وابجسمه الي توذر ابوسط الميادين
تمت بعون الله تعالى
خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#وداع_قبر_الزهراء
الامام الحسين عليه السلام يودع قبر أمه الزهراء عليها السلام قصيدة بعنوان (بقبرك يمه ضميني)
اجيتچ اه يا يمه ودمى تجري من عيوني
اجيتچ يمه ياالزهره بوسط قبرگ دضميني
اه يا زهره،،،، اه يا زهره ،،،،، اه يا زهره اه
بعوف دياري يا يمه ويا اخواني وبنيني
وآخر لحظه اگضيها بجوارك يمه شوفيني
الوعد وياك يا الزهره بظهر عاشر تلاگيني
بثرى الغبرى اتعفر ودمى تجري من وتيني
اه يازهره،،،، اه يازهره،،،، اه يازهره اه
▪️〰▪️〰▪️〰▪️〰▪️〰▪️〰
اجيتچ يمه والأكبر شبيه المصطفى يمي
هذا لو تنظرينه يظل فوگ الثرى مرمي
اشوفه موذر اعله الگاع اشيله والگلب مدمي
وزينب من تشوف الحال تظل يمه تناديني
اه يا زهره ،،،، اه يازهره ،،،، اه يازهره اه
▪️〰▪️〰▪️〰▪️〰▪️〰▪️〰
وبعد چلمه يا يمه وليدي البالمهد يرضع
بسهم البين يطوگونه السما لجله تتصدع
وتظل أمه تلوليله بدموع الصوت ما يطلع
يعبدالله عمت عيني يايمه اگعد وناغيني
اه يازهره ،،،، اه يازهره،،،، اه يا زهره اه
▪️〰▪️〰▪️〰▪️〰▪️〰▪️〰
أريدچ يمه يا الزهره بظهر عاشر تحضريني
على عضيدي يم حسين اريدنچ تسنديني
تلمي ويايه چفّينه وعلى مصابه تواسيني
ونسند اللي كفل زينب ييمه بينچ وبيني
اه يازهره ،،،،، اه يازهره،،،، اه يازهره اه
▪️〰▪️〰▪️〰▪️〰▪️〰▪️〰
يمه بليلة الغربه زينب اريدنچ تحضريها
گلبها يمه من يرجف بحضانچ تلميها
وتلمي اوياها ايتامي يا يمه وتواسيها
وأنا عالترب مرمي جثه وتسمعي ونيني
اه يازهره،،،،اه يازهره ،،،،اه يازهره اه
تمت بعون الله تعالى
خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#الوصول_الى_كربلاء
جديد محرم الحرام ١٤٤٥ هجرية قصيدة لنزول ركب الحسين عليه السلام في كربلاء بعنوان (أرض الميعاد)
تحير مهر الحسين من وصل لرض الطفوف
نزل عن مهره وتنفس آه ورفع للسمه الچفوف
من وصل لرض الغاضريه تحير مهر الحسين
نادى باصحابه وعزوته شسم هالگاع يطيبين
گالوا الغاضريه والعقر يا نسل خير المرسلين
وبعد ليها اسامي شكثر يا مأمن الخوف
▪️〰▪️〰▪️〰▪️〰▪️〰▪️〰
گال خبروني عن اسم أريده انه بتحديد
بعد ما عددوا گالوا كربله اسمها يصنديد
استرجع الشهيد حسين ويلي والدمع تبديد
هالارض بيها شنلاگي من تجتمع بيها الوف
▪️〰▪️〰▪️〰▪️〰▪️〰▪️〰
نصبوا الخيم للحرم وهاالله هاالله بالصبر
واستعدوا للمنايا يصحابي يااهل الفخر
بيها تنگطع الچفوف بيها ينكسر الظهر
بيها تبقه حرايرنا حايره ما بين الصفوف
▪️〰▪️〰▪️〰▪️〰▪️〰▪️〰
ما يظل منكم احد واعليكم تتفتت حشاي
بيدي اقدمكم للمنيه يا عزوتي ونور عيناي
وحتى الطفل بيها ينذبح ما يشرب الماي
وحسره بگلب امه تظل منها اللون مخطوف
▪️〰▪️〰▪️〰▪️〰▪️〰▪️〰
اظل وحدي عگبكم ابهالارض يا خير الاصحاب
واجرع غصص وهموم من انظر بعيني الاطناب
من اطيح اعله الثرى وثلثين چبدي يطلع بنشاب
وعيني تظل اعله الخيم كل لحظه تطوف
تمت بعون الله تعالى
خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#مسلم_بن_عقيل
جديد محرم الحرام ١٤٤٥هجرية قصيدة لمسلم بن عقيل سفير الحسين عليه السلام بعنوان (خبر مسلم)
گبل ما يوصل الكوفه خبر مسلم وصل لحسين
صفگ راح اعله راح ونادى وهمل دمع العين
بطريقه الشهيد حسين اوصل ليه خبر ميشوم
جرى دمع العين وتحسر ويلي المظلوم
ونادى يزينب جيبي يتيمة مسلم الجيدوم
اكسرت گلبي ما تدري ابوها غاله سهم البين
▪️〰▪️〰▪️〰▪️〰▪️〰▪️〰
اخذ من زينب حميده ويمسح بچفه عالراس
لن رعش گلب اليتيمه وشعر ذاك الاحساس
تگله يعم چن والدي مفگود بين الناس
خوفي مچتول الابو خبرني يعمي حسين
▪️〰▪️〰▪️〰▪️〰▪️〰▪️〰
نظر ليها الشهيد ويهل دمعه اعله خده
اعله اليتيمه امن الحزن تشتعل نار چبده
شگلچ يا حميده مات وما حد حفر لحده
بس سمعت كلامه اليتيمه لطمت على الخدين
▪️〰▪️〰▪️〰▪️〰▪️〰▪️〰
نادت يعمي فراگ الابو حناها للضلوع
چنت احسب احساب لرجعته واشعل شموع
واتنطر انه الجيته ويمسح بإيده الدموع
لچن يا حسافه خاب ظني والدمع صوبين
▪️〰▪️〰▪️〰▪️〰▪️〰▪️〰
انه چنت انتظر مسلم واعد واحسب الايام
يمسح دموعي بچفه ومن گلبي يشيل الآلام
ما چنت احسب يعمي انفجع بي واتضيع الاحلام
اثاري فگده يحني الضلع ويعميها يعمي العين
تمت بعون الله تعالى
خادمة الزهراء// ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#انصار_الحسين
جديد محرم الحرام ١٤٤٥هجرية قصيدة لأنصار ابي عبدالله الحسين عليه السلام بعنوان (انصارك يبو السجاد)
انصارك يبو السجاد طلعوا كلهم بغاره
فدوا للدين بالمهجه وهذا ليهم ابشاره
بيوم عز النصر طلعت أصحابك يبو السجاد
صوت واحد منها انسمع اقبلنا يارب العباد
فده للدين كلنا نروح ويبرد من عدنا الفاد
واليشري بمهجته دينه هاي اله اعظم تجاره
▪️〰▪️〰▪️〰▪️〰▪️〰▪️〰
وگفوا درع دون حسين وفدوا ليه بالارواح
مسلم جون وحبيب وكل واحد بصوته صاح
حسين يا ابو الاكبر لجلك يا شمسنا والصباح
نضحي بكل غالي عدنا يا موضع العلم واسراره
▪️〰▪️〰▪️〰▪️〰▪️〰▪️〰
ساعه ولن المحتم صار وحصل وطاحت الانصار
واعليهم وگف ابو السجاد ويلي ويدير افكار
هان الكم يأنصاري تخلوني وسط الاشرار
والحرم بالخيم وتصيح ينصار شنهو الشاره
▪️〰▪️〰▪️〰▪️〰▪️〰▪️〰
ظل ينادي ابو السجاد برير مسلم يا حبيب
گوموا ينصار العقيده ومسحوا الدمع السچيب
زودوا عن خيمكم گبل ما يوصل الها اللهيب
ظل بيهم ينادي حسين ودمع العين يتجاره
▪️〰▪️〰▪️〰▪️〰▪️〰▪️〰
ما بين الجثث الحسين يتلفت اشمال ويمين
شافهم ما بين مگطوع النحر مگطوع الادين
وسطهم ابو السجاد تحسر آه وهمل دمع العين
ونادى يعزاز الگلب صيواني عگبكم تشب ناره
تمت بعون الله تعالى
خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#العباس
جديد محرم الحرام ١٤٤٥ هجرية قصيدة للعباس بن علي عليهما السلام بعنوان (قمر كربلاء)
نزل للماي ابو فاضل ومنه ما شرب گطره
ما ينسى اخوه حسين ولجله يهمل العبره
على شاطي النهر عباس وينظر الى مايه
يگل للماي انه عطشان وتتوجر نار بحشايه
لچن يماي النهر اريدنك تعذرني بهايه
ما اگدر اشربك يماي وعطشان ابنها الزهره
▪️〰▪️〰▪️〰▪️〰▪️〰▪️〰
ذب الماي من ايده وترس جوده وسدر
وبخاطره طفل الحسين ورقيه مع الخدر
كلهم عطاشى ينتظرون يرجعلهم المشكر
لحظات وبسيف الغدر طاحت يمنته واليسره
▪️〰▪️〰▪️〰▪️〰▪️〰▪️〰
وگف متحير و لن سهم صابه وسط العين
وسهم صاب جربته ومنها تبدى الماي صوبين
خر اعله الوجه عگب ما صاباه عمود البين
شرك هامته ويلي وظل يتعفر اعله الغبره
▪️〰▪️〰▪️〰▪️〰▪️〰▪️〰
وصل يمه الشهيد حسين ويهل الدمع مدرار
ونادى برفيع الصوت يخويه حيرت الافكار
منهو الي شرك هامك وبرا يمينك واليسار
ومنهو الي كسر ظهري وعلى قتلك تجره
▪️〰▪️〰▪️〰▪️〰▪️〰▪️〰
گعد يمه ونادى يبوفاضل شمتت اعدانه
يخويه من نومتك اجلس زينبك حيرانه
واگفه اباب خيمتها ودموع العين هتانه
بعدك زينب يعباس تجر حسره بثر حسره
تمت بعون الله تعالى
خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#شباب_كربلاء
جديد محرم الحرام ١٤٤٥هجرية قصيدة لعلي الاكبر ابن الحسين عليهما السلام بعنوان (شبيه طه)
شبيه الهادي والكرار نزل للكون يتبختر
عجاج الدنيا صيرها وخله اعداه تتفكر
يوم العاشر امحرم علي الاكبر نزل للكون
عليه تشخص عيون اعداه والكل بعلي مفتون
هذا النبي لو حيدره احتاروا بيه ولا يدرون
لن صوت هز بنواحي كربله هذا انه علي الاكبر
▪️〰▪️〰▪️〰▪️〰▪️〰▪️〰
فر بيهم بصوله وطشرهم شمال ويمين
ينظرله الشهيد حسين ويناجي بدموع العين
هذا ابني اليشبه الهادي وجده ابو الحسنين
تالي اگبالي طايح اشوفنه وجسمه اموذر
▪️〰▪️〰▪️〰▪️〰▪️〰▪️〰
من شافه الشهيد حسين صاح عالدنيا العفه
نجمك ياعمري اليزهر اليوم بكربله نام وغفه
من عگبك يبني ياعلي الحزن والهم لي صفه
وچن اسمع الزهره تصيح انلچم ضلعي التكسر
▪️〰▪️〰▪️〰▪️〰▪️〰▪️〰
نزل الحسين للميدان وشاف ابنه علي امدد
طول بطول يم ابنه نام وشهگ صوت وتنهد
ونادى يا علي على الدنيا العفه يلتشبه محمد
يا حزن گلبي يا علي ومن عينه الدمع يتحدر
▪️〰▪️〰▪️〰▪️〰▪️〰▪️〰
صفگ راح اعله راح وشال عالصدر مهجته
وجابه للخيمه وحطه ما بين امه وعمته
ونادى ليلى بالحزن وعالخد هلت عبرته
هذا نجم سعدچ طاح يا ليلى وتگنطر
تمت بعون الله تعالى
خادمة الزهراء// ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#شباب_كربلاء
جديد بمناسبة محرم الحرام ١٤٤٥هجرية قصيدة للقاسم ابن الحسن المجتبى عليهما السلام بعنوان (شمعة شباب)
جاسم شباب بكربله والحنه دم الخضاب
نادى عمه وعزوته وجدمه يحفر بالتراب
بكربله نجل الحسن وسط عمه وعزوته
رفع رايه اعله الچتف وعينه ترقب عمته
چنه الحسن بالمعركه والكل يشاهد صولته
ينظرله الشهيد حسين وايهل الدمع سچاب
▪️〰▪️〰▪️〰▪️〰▪️〰▪️〰
وگف يم امه ونادى ووصى ليها هالوصيه
«من تمر زفة شباب» اذكريني يلوفيه
وهلي دمعات الفرح يلحنينه بكل عشيه
ونادي يارب البرايا اخلف عليه ابهالمصاب
▪️〰▪️〰▪️〰▪️〰▪️〰▪️〰
ودع امه وعمته ونزل جاسم للحرب
چنه الحسن عوده وبسيفه يفري بالرگب
لن ساعه ونادى عمه وطاح ويلي عالترب
ناداه بضعيف الصوت يعمي الحگ عالشباب
▪️〰▪️〰▪️〰▪️〰▪️〰▪️〰
جابه الحسين وحطه ويلي يم علي الاكبر
ينظر لأبنه تاره وتاره ينظر ولد شبر
ومن كثر الحزن والاه احسين گلبه تفطر
ويهل الدمع ويصيح ويلهم يوم الحساب
▪️〰▪️〰▪️〰▪️〰▪️〰▪️〰
ولن رمله اباب الخيمه تون سكته وتنوح
اسمحلي يبو السجاد أريد اشم عطر الجروح
أريد اشبع اوداع من ابني وعزيز الروح
گبل ما امشي باچر بليسر في ولية اغراب
تمت بعون الله تعالى
خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin