4059
الحجاب انهتك بالباب ومال العرش بالسطره واتخلخل نظام الكون من كسروا ضلع بالزهره اين الطالب بذحول الانبياء وابناء الانبياء
#النبي_الاكرم
جديد بمناسبة شهادة النبي الاكرم صلى الله عليه وآله قصيدة بعنوان (روحي ناحت)
كأني بفاطمة الزهراء واقفة على جثمان والدها سيد الاكوان تنعى بقلب منفطر
بويه بويه ...ياالچنت سوري العالي
بويه بويه ....راح بعدك عزي ودلالي
بويه بويه .....وارخصت دمعي الغالي
▪️〰▪️〰▪️〰▪️〰▪️〰▪️〰
آه يبويه .... تندب الزهره الجليله
آه يبويه ....واصبحت بعدك نحيله
آه يبويه .....الحزن ما ينقضي ليله
▪️〰▪️〰▪️〰▪️〰▪️〰▪️〰
آ يدهري ....راح ابو ابراهيم عني
آ يدهري .... صحبته بعده لفتني
آ يدهري ....اخذوا نحلتي مني
▪️〰▪️〰▪️〰▪️〰▪️〰▪️〰
يا زماني ....من رحل عني الوالي
يا زماني ....قنفذ بسوطه اعتنالي
يا زماني .... حيدر اتلبب اگبالي
▪️〰▪️〰▪️〰▪️〰▪️〰▪️〰
آه يدنيا ...عيشي من بعده تكدر
آه يدنيا ....چم ضلع مني تكسر
آه يدنيا ....ومحسني عالعتبه فرفر
تمت بعون الله تعالى
خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#الاربعين
جديد بمناسبة أربعين الامام الحسين عليه السلام قصيدة بعنوان (اسجل الزاير)
لسان حال الزهراء عليها السلام يوم الاربعين
اجيتك يا عزيز الروح اگوم واعثر بهمي
اريدن يمه هذا اليوم اسجل الزاير باسمي
اتعنيت بگلب مالوم واهمل دمه من العين
زوارك اجت خطار وكلها تنادي آ يحسين
وانه بالدرب يمه اجيت استقبل الطيبين
مثلهم زينب اتنطر يحسين بدمع يدمي
▪️〰▪️〰▪️〰▪️〰▪️〰▪️〰
اجيتك يمه يامظلوم اطوف واسعى يم گبرك
لزمت ضلوع مهشومه وگمت انظر الى صدرك
نسيت اللطمه والمسمار من شفته جرح گلبك
صرت الطم عليك بنوح والاملاك اجت يمي
▪️〰▪️〰▪️〰▪️〰▪️〰▪️〰
اجيت ويا اليزور اليوم اجدد عهدي بالحضره
واستقبل انه الزاير الاجى يواسيني بالعبرى
احصي كل خطى الزوار واتلگى زينب الحره
اصبرها بضلع محني واگلها للصبر لزمي
▪️〰▪️〰▪️〰▪️〰▪️〰▪️〰
يحسين الگلب وجعان اجيتك والضلع مهشوم
زوارك اجت خطار گوم تلگى هاي الگوم
كلها من اجل عيناك اجت مشايه هذا اليوم
تريد تواسي للعتره وتندب ظلت بأسمي
▪️〰▪️〰▪️〰▪️〰▪️〰▪️〰
اسمع صوت كل زاير ينحب آه يالمذبوح
ترك اهله ودياره وعلى مصابك يفت الروح
هاي الشيعه يوليدي اجت يمك تحن وتنوح
هذا اليلطم بعشره وهذا وذاك الدمع يهمي
تمت بعون الله تعالى
خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#الاربعين
جديد بمناسبة أربعين الامام الحسين عليه السلام وقوف زينب على قبر اخيها الحسين قصيدة بعنوان (جيتك بهمي)
لفت يم گبر أخوها والونه شجيه
اگعد يا سبط النبي وروح الزچيه
زينب وي علي السجاد بكربله اليوم
تگله عمه وين باب الگبر والگلب مالوم
ياسجاد جبت الراس من رحلة الشوم
رايده احطه اعله الجسم هاي المسيه
▪️〰▪️〰▪️〰▪️〰▪️〰▪️〰
دليني اعله گبره يا عمه ارد اشوفه
اخذ بيدي يعمه روحي اعليه ملهوفه
يدرينه ابوك حسين هالليله ضيوفه
ارد اسولف وي ابوك عن اختك رقيه
▪️〰▪️〰▪️〰▪️〰▪️〰▪️〰
بهداي نزل يم الگبر منه الدمع يتحدر
اهنا ادفنته يعمه وبالگلب ناره تستعر
عمه يا عمه بهداي لا ينلچم منه الصدر
ترى ضلوعه مهشومه بخيل الاعوجيه
▪️〰▪️〰▪️〰▪️〰▪️〰▪️〰
لزمت زينب تراب المنذبح عطشان
تشمه وتنتحب وتشكي بگلب وجعان
يخويه أخبرك سلبونه عگبك العدوان
واختك يخوها طبت الديوان اميه
▪️〰▪️〰▪️〰▪️〰▪️〰▪️〰
جبت راسك يا خويه مكسره سنونه
واريد العذر منك بحگ أمنه المصونه
لو تدري شكثر بيه يا خويه افجعونا
من شفته بيد الطاغي وابن الدعيه
▪️〰▪️〰▪️〰▪️〰▪️〰▪️〰
يحسين خويه ولو تنشد عن رقيه
موتوها امن القهر والسوط ال اميه
تنحب اعليك ما جفت الدمعه جريه
ومن عگب عينك آه سموها الخارجيه
تمت بعون الله تعالى
خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#الامام_الرضا
جديد بمناسبة شهادة الامام الرضا عليه السلام قصيدة بعنوان (ودع والده) لسان حال الامام الجواد
يا هظم گلب الجواد اليوم ويا ليله الطويل
مفارگ والده برض غربه ودم مدمعه يسيل
يعين الله الجواد مصيبته مصيبه چبيره
مفارگ والده ويصيح والدمعه بخدوده غزيره
گلبه امن اليتم ممرود وفاگد شيخ العشيره
يجهز والده بيده يويلي وبايد للجواد الحيل
▪️〰▪️〰▪️〰▪️〰▪️〰▪️〰
وين اهله وعزوته تحضر للجواد من المدينه
تعنى لرض طوس وحده ودمعة عيونه هتينه
علي ابن موسى مات يويلي وچبده سامينه
هل دمعه عليه الجواد وبده بوالده التغسيل
▪️〰▪️〰▪️〰▪️〰▪️〰▪️〰
يغسل والده ياويل وناره تسري بالضلوع
يصفگ شمال بيمين يتحسر وايهل الدموع
يا والدي نار فگدك هيجت نار الجذوع
وين جدي المرتضى واجنازتك ويايه يشيل
▪️〰▪️〰▪️〰▪️〰▪️〰▪️〰
يقلب والده اعله المغتسل ويتذكر العطشان
جدي بكربله يا بوي ما حصل غسل واكفان
سحگت عليه الخيل وظل جثه على التربان
وعالنهر ظل نايم عضيده الگمر عباس الكفيل
▪️〰▪️〰▪️〰▪️〰▪️〰▪️〰
غسله الجواد ولبسه اكفانه وبيده نزله بگبره
وسرح فكره لرض الطف ينوح المنسحگ صدره
ويذكر عقيلة الكرار عالتل شابچه العشره
وبگلبه تشب ناره وينتحب ويصيح بالويل
تمت بعون الله تعالى
خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#الاربعين
جديد بمناسبة أربعين الامام الحسين عليه السلام قصيدة بعنوان (انهدم ركن الصبر)
رديت الك يحسين وابگليبي حسره
گوم وتلگاني يا ضنوة علي والزهره
فك باب الگبر خويه زينب تراني
فگدك وذل اليسر خويه عماني
ولو تنشد أحوالي وعگبك شجاني
مچتوفه ايدي اويه العده متيسره
▪️〰▪️〰▪️〰▪️〰▪️〰▪️〰
يا خويه جيتك شايله هموم وألم
درب اليسر عذب دليلي والدمع دم
ولو تنشد عن رقيه ماتت من الهم
اعله راسك ماتت فاطمه الصغره
▪️〰▪️〰▪️〰▪️〰▪️〰▪️〰
گلبي ينزف يخويه من كثر الجروح
مو سهله ابد اعوفك عالغبره مذبوح
وارافگ الذباح يحسين وجروحي تنوح
وردلك من عگب اليسر روحي امرمره
▪️〰▪️〰▪️〰▪️〰▪️〰▪️〰
يحسين اگعد يخويه وانشد عن احوالي
عگب عينك دمعي رخصته الچان غالي
من شفته راسك مشهور برمح عالي
ظليت اصيح الويل واهمل دمع عبره
▪️〰▪️〰▪️〰▪️〰▪️〰▪️〰
يحسين مجروح الگلب من فرگاك
ريتك تشوف الجره علينه عگب عيناك
حرگوا اخيمنا وبالحبل چتفوا يتاماك
بسب وشتم يا حيد ودونا للطاغي بقصره
تمت بعون الله تعالى
خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
انتِ ملايه ومحتاره بالمجالس شتقرين
تعالي هاي القناة تفيدج
قناة منوعة لمجموعة من الشعراء والشاعرات
هالقناة احسبوها حقيبتكم بالمجلس ولا تخسروها اشتركو عبر الرابط 👇🏻👇🏻👇🏻👇🏻
/channel/amAli30
#الاربعين
جديد بمناسبة أربعين الامام الحسين عليه السلام ورجوع الظعن الحسيني الى كربلاء
قصيدة بعنوان (رد الظعن)
اجت زينب گوم ليها گمر يل اسمك دوه
مو علي الكفلك بيها وانته شيال اللوه
اجت زينب والمحامل شايله هموم والم
وماكو واحد من اهلها گام يبنيها الخيم
حسين وينه وين الاكبر وينه شيال العلم
هالاجت زينب عجيبه وحيده تبقى بالفله
▪️〰▪️〰▪️〰▪️〰▪️〰▪️〰
وصلت ارض الغاضريه وتتلفت شمال ويمين
تذكر يوم ليها طبت بزود عباس وحسين
وهسه نار الحزن بيها ومن دمه تهمل العين
وين خواني وهلي البچالهم چنت امدلله
▪️〰▪️〰▪️〰▪️〰▪️〰▪️〰
الرايته ترف اعله رأسي وينه وينه كافلي
شو اجيت وماكو واحد وين خواني وهلي
وين خويه ردته يدرى ضيفه عنده بت علي
اني زينب هل اجيتك خويه ويه العايله
▪️〰▪️〰▪️〰▪️〰▪️〰▪️〰
اربعين نهار مرت بعيده عنهم يا صبر
ياحيف خان الدهر وخله زينب باليسر
كافلي منهو يخبره زينبه عاشت قهر
يگله زينب هالمسيه ردت الطف كربله
▪️〰▪️〰▪️〰▪️〰▪️〰▪️〰
درب الشام أذاني وما تنوصف اهواله
حقد وي حچي الشماته وبس دموع هماله
جامعه وقيد وعليل وآه شمصعب الحاله
خان دهري وخلى زينب حايره ابين المله
تمت بعون الله تعالى
خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#الامام_الحسن
جديد بمناسبة شهادة الامام الحسن المجتبى عليه السلام قصيدة بعنوان (يزهره اليوم حضريني)
على خويه ابو محمد يزهره اليوم عينيني
انسي ضلعچ المهشوم وبخويه اليوم واسيني
من دخلت زينب الحره على بو محمد تزوره
لگت يمه عضيده احسين لچن مختفي نوره
لازم بيده طشت البين وعليه دموعه منثوره
تگله خويه يا مهموم عليك الزهره حاچيني
آه يا خويه 〰〰〰〰 آه يا خويه
▪️〰▪️〰▪️〰▪️〰▪️〰▪️〰
زينب بالحزن صاحت من شافت ابو محمد
على فراشه يويلي يلوج وحاله للگلب مرّد
ييمه ليتچ تشوفين اخويه اگبالي امدد
تفتت چبده يايمه وسهم امصابه چاويني
آه يا خويه 〰〰〰 آه يا خويه
▪️〰▪️〰▪️〰▪️〰▪️〰▪️〰
قعدت يم ابو محمد تگله خويه حاچيني
ونينك يا عزيز الروح شعب گلبي ويأذيني
اشوفك منخطف لونك يا اغلى عمري وسنيني
لون الموت يرضى يسوم شريتك يا نظر عيني
آه يا خويه 〰〰〰〰آه يا خويه
▪️〰▪️〰▪️〰▪️〰▪️〰▪️〰
فتح عينه ابو محمد وگلها خويه لا تبچين
دمعك يا عقيلة بوي اغلى من العمر تدرين
ضمي نوحك لعاشور وقت البي تشوفي حسين
طريح امغسل بالدموم وتنادي الزهره لحگيني
آه يا خويه 〰〰〰〰آه يا خويه
▪️〰▪️〰▪️〰▪️〰▪️〰▪️〰
الوصيه خويه سمعيها واريد بكربله تنفذين
وليدي الغالي من يمشي للحومه ويحل البين
كون عمامتي تلبسوه ويدليها ابني عالچتفين
وبساعة ينزل المظلوم للحومه دذكريني
آه يا خويه 〰〰〰آه يا خويه
تمت بعون الله تعالى
خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#الامام_الحسن
جديد بمناسبة شهادة الامام الحسن المجتبى عليه السلام قصيدة بعنوان
(الحسن مسموم )
دمع ودموم وضلع ملجوم
تصيح اليوم الحسن مسموم
تعنت فاطمه الزهره نحيب ونوح وي حسره
بقيع الهم يألمها ويعيد من الضلع كسره
بدرها الأول اتسمم ونعش واسهام منتشره
تقوم من الهضم واطيح جبد وليدي متوذره
تهيج اضلوع وقلب موجوع
تصيح اليوم الحسن مسموم
▪️〰▪️〰▪️〰▪️〰▪️〰▪️〰
القلب ما يهجع اونينه الحسن اول بدر ليه
فجع قلبي بمصابه اليوم وسهم نعشه هم بيه
وصوت الناعي بصياحه كسر كل ضلع بيه
تفتت جبده للمظلوم وزينب تنشد اعليه
اخته اتنوح بقلب مجروح
تصيح اليوم الحسن مسموم
▪️〰▪️〰▪️〰▪️〰▪️〰▪️〰
اجيتك يمه بأحزاني بقلبي شايله الهموم
امر المجتبى ايحير حتى ازيارته محروم
جبده والنعش واسهام تاليها القبر مهدوم
عليه املاك حزنانه وعرش الباري هم ملجوم
السمه تبجي دمى تهمي
تصيح اليوم الحسن مسموم
▪️〰▪️〰▪️〰▪️〰▪️〰▪️〰
اجيتك لازمه اضلوعي يالمصابك فت حشاي
شفت اقبور مهجوره ولا من ناعي لا مشاي
عبالي كربله جنّه البقيع واطفي نار اظماي
لا رايه الترف اهناك ولا زاير يطب عناي
العرش مذبوح القلم واللوح
تصيح اليوم الحسن مسموم
▪️〰▪️〰▪️〰▪️〰▪️〰▪️〰
يمته المهدي يبنيها وحال الشوم يتبدل
قبور اربع يشيدها ومناير للسما توصل
زوار التطب ليها وكل حاقد هم يرحل
حلم ويمتى يتحقق القلوب بلهفه تتأمل
يمهدي قوم شبعنا هموم
نصيح اليوم الحسن مسموم
تمت بعون الله تعالى
خادمة الزهراء/ ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#الامام_الحسن
جديد بمناسبة شهادة الامام الحسن المجتبى عليه السلام قصيدة بعنوان (زاير للبقيع) تقرأ نعي ولطم
زاير للبقيع اتروح جمر گلبك توج ناره
لا رايه الترف اهناك لا مشايه لا زياره
آه يامولاي 〰آه يامولاي〰
زاير من تروح اهناك تعگد النيه بالحسره
دموع العين تتحدر مناره ماكو لا حضره
الگبر مدروس يالزاير لجن اتشوف للزهره
ما بين الگبور تحوم تهل العين محتاره
آه يامولاي 〰آه يامولاي〰
▪️〰▪️〰▪️〰▪️〰▪️〰▪️〰
على كبر الحسن تگعد تشعل شمعة الاحزان
تنادي بصوت يا يمه اجيتك بالصدر نيشان
اشوف اسهام اثر باقي ظلت يمه بالاكفان
الدمع من عيني هليته اشيل اشلون اثاره
آه يامولاي 〰آه يامولاي 〰
▪️〰▪️〰▪️〰▪️〰▪️〰▪️〰
توج وسط الگلب نيران نواصب حاطت بگبره
موكافي سهم وسموم تالي تعنوا الحضره
الگبر متساوي ويه تراب بحقد جازوه لبو الزهره
على العتره تصب أحقاد وحقهم تخفي أسراره
آه يامولاي 〰آه يامولاي〰
▪️〰▪️〰▪️〰▪️〰▪️〰▪️〰
من ابعيد تجي وتزور وتهل الدمع منثور
گبر السبط يا ويل عليه اثار الظلم والجور
حقدهم عالنبي واضح على العتره يلف ويدور
يا اجر الموده صار دموم الآل تتجاره
آه يا مولاي 〰 آه يا مولاي〰
▪️〰▪️〰▪️〰▪️〰▪️〰▪️〰
على گبر الحسن اندب يمهدي عجل بثارك
البقيع بهمه ينتظرك متلهف يسمع اخبارك
يا يوم الترف رايه وتظهر كلها أسرارك
چم ثار الصبح عندك وشايل انت تذكاره
آه يامولاي 〰آه يامولاي〰
تمت بعون الله تعالى
خادمة الزهراء// ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#رقيه_عزيزة_الحسين
جديد بمناسبة شهادة الطفله رقيه بنت الحسين عليه السلام قصيدة بعنوان (طفله ماتت)
طفله ماتت من هظمها تنادي بابه
موتوها امن القهر بشام وخرابه
طفله رقيه بيش مطلوبه بذنب
فوگ اليتم متنها طاح امن الضرب
مچتوفه اديها بالحبل بذاك الدرب
تنادي عمتها يعمه بدمعه سچابه
▪️〰▪️〰▪️〰▪️〰▪️〰▪️〰
تنادي عمتها وتصيح رايده الوالي
وين ابويه يعمه ما يدري الجرالي
حبل اليسر گطع اديه ودمعي يلالي
ما ريد العمر عگبه يعمه موتني غيابه
▪️〰▪️〰▪️〰▪️〰▪️〰▪️〰
شفت ابويه بنومي بحاله گشره
راسه مو موجود ويخاطبني نحره
وابدالي يعمه سهام شابگه بصدره
انذهل فكري يعمه شفته دمه خضابه
▪️〰▪️〰▪️〰▪️〰▪️〰▪️〰
چنت اتمنى والدي لحظه اشوفه
جرح گلبي يعمه يا جرح منه اروفه
وعرفت ليش امن انشدچ الدمعه ذروفه
اثاري مذبوح والدي وجملة احبابه
▪️〰▪️〰▪️〰▪️〰▪️〰▪️〰
بين صيحه بين دمعه بذيچ الخرابه
ابين اديها الراس حطوه تعاين صوابه
شبگته بلهفه رقيه ونادت بحرگه يبابه
هدأت الانفاس بيها واليسر خلص عذابه
تمت بعون الله تعالى
خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#رقيه_عزيزة_الحسين
جديد بمناسبة شهادة الطفله رقيه بنت الحسين عليه السلام قصيدة بعنوان (ذبح البراءة )
طفله من الهظم ماتت ويلي عليها
اشتاگت لبوها وبراسه امروعيها
يا ذيچ الخرابه والبيها صار وسده
طفله يتيمه باليسر مارحموها العده
فزت مشتاگه لأبوها وروحها امفرهده
گامت تصيح يا عمه وتريد واليها
▪️〰▪️〰▪️〰▪️〰▪️〰▪️〰
طفله بيش يسكتوها وظلت تنوح
بيها محتارين اوضعها يفت الروح
تريد الابو وما تدري الابو مذبوح
نادتها زينب يعمه حالچ الزينب يأذيها
▪️〰▪️〰▪️〰▪️〰▪️〰▪️〰
محتاره زينب بطفلة اخوها وامرها
طفله وتريد ابوها ومرمرها دهرها
من كثر الهظم ياويل محني ظهرها
بعمر الورد طفله وبحبال امچتفيها
▪️〰▪️〰▪️〰▪️〰▪️〰▪️〰
صاحت تريد الابو وفجعوها بالراس
نظرته بالعين طاحت فاگده الاحساس
شهگة موت شهگتها وغابت الانفاس
شبگت الراس ويل وما ظل نفس بيها
▪️〰▪️〰▪️〰▪️〰▪️〰▪️〰
يا حيرة زينب ابهالليل ويه المصيبه
ماتت طفلتك يحسين والدمعه سچيبه
من يغسلها للطفله ويحفر گبرها للغريبه
يا صبر زينب وغربه للطفله امشيعيها
تمت بعون الله تعالى
خادمة الزهراء// ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#الامام_علي
جديد نخوه لأمير المؤمنين عليه السلام قصيدة بعنوان (يا حامي الدخيل)
من جوار أمير المؤمنين علي ابن ابي طالب عليه السلام
انخاك نخوه يا علي والمدمع يسيل
اقسم عليك بفاطمه ياحامي الدخيل
يا علي جيتك انتحب واهملك دموع
موجوع گلبي يا علي من الدنيا موجوع
اقسم اعليك بفاطمه وي كسر الضلوع
من الهظم يابالحسن ما نامه ل الليل
▪️〰▪️〰▪️〰▪️〰▪️〰▪️〰
مهموم گلبي اعتنيتك اشكيلك الحال
بزينب ودمع اليتامه وي ذيچ الحبال
ارحم اگليبي ياعلي بيه الدهر مال
بسكنه ورقيه انتحب والگيده اثگيل
▪️〰▪️〰▪️〰▪️〰▪️〰▪️〰
اقسم اعليك بضنوتك يومه ومصابه
حسين العلى الثره اتوسد دمه خضابه
ومن هجمت اعداه علي وحرگت اطنابه
لا تخليني مهموم بالسحگته الخيل
▪️〰▪️〰▪️〰▪️〰▪️〰▪️〰
انخاك نخوه مولاي وابلطمة العين
تنظر لحالي سيدي يا والد حسين
متعوب گلبي امن الهظم وامشاگف البين
بطگ الضلع والصواب يمصلي الليل
▪️〰▪️〰▪️〰▪️〰▪️〰▪️〰
عافت عيوني النوم يا حيدر انخاك
اتفك الاسرى يابالحسن ياعلي بيمناك
بالعافت خوها اعله الثره ورافجت لعداك
وتشاهد بعالي الرمح راس ابنك يميل
▪️〰▪️〰▪️〰▪️〰▪️〰▪️〰
جيت اتوسلك مولاي بعبدالله يا حيد
بسهم نحره والگماط وامصابه المچيد
وبالراحت بدرب السبي ومچتوفة الايد
واقسم اعليك بمحنته العباس الكفيل
تمت بعون الله تعالى
خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#للسبي
جديد محرم الحرام 1445هجرية قصيدة لدخول الشام بعنوان (يا صبر العقيله)
من جوار الإمام الحسين عليه السلام
جينه ننشد باب ساعاته ونگول
يا عذر وتقدمه للهادي الرسول
بت علي وتوگف اعليك والها تنظر
ياباب ساعات الندم ما ينفعك عذر
شعندك وتقدمه لجدها سيد البشر
ليش زينب توگف ابابك مدمعها همول
▪️〰▪️〰▪️〰▪️〰▪️〰▪️〰
عيون الشماته تصد البنت الرساله
زينب بنت الوصي ونور الجلاله
توگف وتنظر الها عين أهل الضلاله
جينه ننشد حالها والدمع مثل السيول
▪️〰▪️〰▪️〰▪️〰▪️〰▪️〰
من وگف يمك تدري متگلي يا باب
هاي زينب بت علي وتربات الحجاب
لچنه الدهر خان وكافلها اعله التراب
ودولبها الوگت زينب بنت الاصول
▪️〰▪️〰▪️〰▪️〰▪️〰▪️〰
عگب ذبح اخوتها زينب تمشي سبيه
ما عافت الها عزيز ارض الغاضريه
أخذت ابدور الهواشم ياعظم الرزيه
ما غير العليل بگيده وعاليه النحول
▪️〰▪️〰▪️〰▪️〰▪️〰▪️〰
ابدار غربه زينب وحدها ادير بالعين
اتمنت يحضر العباس ويه الحسين
ياباب ماترحم الحال مچتوفه الادين
وتنظر لراس اخوها بالرمح محمول
▪️〰▪️〰▪️〰▪️〰▪️〰▪️〰
ياباب وجيت الگلب نار من عملتك
هاي زينب بت علي الواگفه بسچتك
تدري بيها شصار بالجدم لمن عبرتك
تذكرت من مشت خلف حيدرها البتول
تمت بعون الله تعالى
خادمة الزهراء// ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#الامام_السجاد
جديد محرم الحرام 1445هجرية قصيدة للامام زين العابدين علي السجاد عليه السلام بعنوان (صعبه مصيبته)
من جوار الإمام الحسين عليه السلام
ما تنوصف حالته،،،علي السجاد مصيبته ،،، تفت الروح
وياه عاشت محنته،،،من دم يهل دمعته،،،ويتذكر جروح
خلصت حياته بالحزن بروحه عايش چم مصاب
زين العباد جمر بدليله ومن دمه دمعه سحاب
بخاطره صورة أهل مذبوحه كلهه اعله التراب
لا طفل ظل لا شيخ شيب ذبحوا وي شباب
اگبال عينه هالصور،،،تذبحه بليل السهر،،،ليها ينوح
ما تنوصف حالته،،،علي السجاد مصيبته،،،تفت الروح
▪️〰▪️〰▪️〰▪️〰▪️〰▪️〰
ما يجف دمعه ابد عايشه بروحه الطفوف
دوم ينحب والده وعمه مگطوع الچفوف
يذكر العاشر محرم ودمعه بخدوده ذروف
بعيونه مرسومه خيمه واحزانه بيها تطوف
حزنه مابين الخيم،،،ويه صدر المنهشم،،،ذكرياته جروح
ما تنوصف حالته،،،علي السجاد مصيبته،،،تفت الروح
▪️〰▪️〰▪️〰▪️〰▪️〰▪️〰
عيونه حاكت بالدمع كل تفاصيل الحچايه
يعينه الله اعله الهظم لو شاهدت عينه رايه
يذكر الكافل خدرهم وتنزل دموع الروايه
بطيحة چفوف الكفاله سلبوا منا اچم عبايه
بگلبه ظلت حسرته،،،تالي سموا چبدته،،،وهدموا صروح
ما تنوصف حالته،،،علي السجاد مصيبته،،،تفت الروح
▪️〰▪️〰▪️〰▪️〰▪️〰▪️〰
من بعد ذيچ المصايب سمموا چبده بغدر
گلبه من كثر الرزايا زين العباد انفطر
بالطفوف موته تسجل بيوم عاشور الظهر
روحه مدفونه يويلي ويه عمه اعله النهر
اهناك روحه تحوم،،،عالترب ويه الدموم،،،ودمعه سفوح
ما تنوصف حالته،،،علي السجاد مصيبته،،،تفت الروح
▪️〰▪️〰▪️〰▪️〰▪️〰▪️〰
من شاله ابنه وغسله شاهد آثار القيود
فوگ جيده الجامعه والحبل حز بالزنود
آه نار امصيبته واعليه محروگه الچبود
كل مصايب كربله بموته ياويلي تعود
انعادت بذرف الدمع،،،وانلچم لجله الضلع،،،والعرش واللوح
ما تنوصف حالته،،،علي السجاد مصيبته،،،تفت الروح
تمت بعون الله تعالى
خادمة الزهراء// ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#النبي_الاكرم
جديد بمناسبة شهادة خاتم الأنبياء والرسل محمد ابن عبدالله صلى الله عليه وآله قصيدة بعنوان (فاطم حزينه)
فاطمه اليوم محزونه شال واليها
ابوها النبي غادرها والحزن غاطيها
تنادي واتهل الدمع راح النبي الهادي
راح يا حيدر وطاح سوري واعمادي
ظلمه المدينه ياعلي والحزن عم الوادي
واولادي عگب عينه يا علي من يباريها
▪️〰▪️〰▪️〰▪️〰▪️〰▪️〰
يا علي عگب ابويه جارت الدنيا عليه
يا جرح گلبي الماله دوه والدمعه جريه
راح نور المدينه ياعلي وخير البريه
وخلى بگلب فاطم الحسرات تچويها
▪️〰▪️〰▪️〰▪️〰▪️〰▪️〰
فگد الابو ياعلي هظمني وشيب الراس
واستوحدوني بعد عينه يلولي الناس
ادري يهجمون داري ويحرگوها الارجاس
وأنا بالحزن يا علي دمعة عيني اجريها
▪️〰▪️〰▪️〰▪️〰▪️〰▪️〰
گلبي امن الحزن ويلي يون وينوح
اعله خدي من دم أهل الدمع مسفوح
يا علي ذابت عگب ابويه مني الروح
اجهر ونتي نوب يا علي ونوب اخفيها
▪️〰▪️〰▪️〰▪️〰▪️〰▪️〰
من عگب ابويه يا علي شلي بدنيتي
غادرني الفرح ويل وبس اهلن دمعتي
يا هظم گلبي عگب عينه ويا لوعتي
ونهر من دم دمعاتي يا علي اجريها
تمت بعون الله تعالى
خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#الاربعين
جديد بمناسبة أربعين الامام الحسين عليه السلام قصيدة بعنوان (حسين رد عليه)
كأني بزينب لما رجعت الى كربلاء جلست على شفير القبر نادت يا حسين ،،،يا حسين ،،،يا حسين
يا حبيبي ...آنه جيت من اليسر
يا حبيبي ...جيت محنيه الظهر
يا حبيبي .... بيا كتر باب الگبر
▪️〰▪️〰▪️〰▪️〰▪️〰▪️〰
يا حبيبي ...وصلن اطفال وحرم
يا حبيبي ...منهو ينصب للخيم
يا حبيبي ...وينه شيال العلم
▪️〰▪️〰▪️〰▪️〰▪️〰▪️〰
يا حبيبي ....جايبه ويايه الهدايا
يا حبيبي ....حضنت راسك بالعبايه
يا حبيبي ....شكثر لاگينا رزايا
▪️〰▪️〰▪️〰▪️〰▪️〰▪️〰
انا زينب ...وهاي اراضي كربله
انا زينب ...جيت ويه العائله
انا زينب ...وينه بن عقد الوله
▪️〰▪️〰▪️〰▪️〰▪️〰▪️〰
انا زينب......وانت خويه ياحسين
انا زينب.....وهذا يوم الاربعين
انا زينب......گلبي ذاب امن الونين
▪️〰▪️〰▪️〰▪️〰▪️〰▪️〰
انا زينب....جيتك واهمل دموع
انا زينب.....جيت محنيه الضلوع
انا زينب.....گلبي لفراگك يلوع
تمت بعون الله تعالى
خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#الاربعين
جديد بمناسبة أربعين الامام الحسين عليه السلام قصيدة بعنوان (يحسين جيتك)
جلست اعله الگبر زينب تنادي يمذبوح
فك باب الگبر خويه وردلي لهفة الروح
من الناگه للگاع زينب ذبت روحها
تشم تراب الگاع وتصيح وزايد نوحها
يحسين گوم وضمد لأختك جروحها
من فارگيتك يخويه ما خلص مني النوح
▪️〰▪️〰▪️〰▪️〰▪️〰▪️〰
اگعد يخويه اسولف اوياك روحي امرمره
مشيت اوي اعداك غصب وانه امخدره
يحسين خويه ولو تنشدني اعله الجره
بسب وشماته مع السلاب اختك تروح
▪️〰▪️〰▪️〰▪️〰▪️〰▪️〰
يبن امي اعله الگاع من عفتك جديل
وشافت عيوني من كل كتر دمك يسيل
ناديت يا هظم گلبي وسهر ليلي الطويل
عگب عينك يخويه ما تشفى ابد الجروح
▪️〰▪️〰▪️〰▪️〰▪️〰▪️〰
يحسين گوم خويه ارد اسولف اوياك
جافى جفن عيني النوم من عگب عيناك
مرمرني الدهر يحسين خويه ويه يتاماك
الجره اعليهم يخويه عگبك يهدم اصروح
▪️〰▪️〰▪️〰▪️〰▪️〰▪️〰
دمعاتي دمه اهملها وحزامي الصبر
يحسين بموتك رافگت ذباحك باليسر
وبعباتي لفيت اطفالك من سوط الشمر
يا طفل اسكته منهم وطفل ثاني ينوح
تمت بعون الله تعالى
خادمة الزهراء// ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#الاربعين
جديد بمناسبة أربعين الامام الحسين عليه السلام قصيدة بعنوان
(عقب اليسر)
عگب اليسر ...لفيتك...عگب اليسر
گلبي انكسر... نخيتك....گلبي انكسر
تدري اچم مصاب
بنومك عالتراب
گلبي انكسر ........گلبي انكسر
بالهظم زينب من لفت يم اهلها
تنادي بوفاضل يخويه الدمعه تهلها
لو تشوف الخلگ تنشد وين الكلفها
وياك ابهالگبر زينب دفنوا املها
شاف النظر ...سلاب....شاف النظر
ليل السهر...... عطاب....ليل السهر
اتولاني سلاب
بنومك عالتراب
گلبي انكسر.....گلبي انكسر
▪️〰▪️〰▪️〰▪️〰▪️〰▪️〰
أمن اليسر جيت اگعد ياخويه تلگاني
درب الشام لا ما ينوصف زيد احزاني
ضرب وشتم ياخويه وفرح عدواني
وموت الطفله ياباالفضل بالغربه عماني
الطم عالصدر ...وانادي....الطم عالصدر
ما واحد حضر....لولادي..... ما واحد حضر
مني الگلب ذاب
بنومك عالتراب
گلبي انكسر.........گلبي انكسر
▪️〰▪️〰▪️〰▪️〰▪️〰▪️〰
اگعد يامن گلت زينب خويه بذمتي
شرد اسولفلك والحزن فتت مهجتي
زجر وشمر يا خويه گادوها لناگتي
وأصعب عليه بمجلس الطاغي وگفتي
ذل وقهر ....بالشام....ذل وقهر
آه بغدر .....ننضام ....آه بغدر
ياابن داحي الباب
بنومك عالتراب
گلبي انكسر......... گلبي انكسر
▪️〰▪️〰▪️〰▪️〰▪️〰▪️〰
ليتك تعاين حالتي ياابن ام البنين
وكل الأيتام ويايه باحبال مقيدين
وجدامنا ايزيد ينكت بثغر الحسين
بفجر ولؤم يشتم ابونا ذاك اللعين
لينا نظر ...بالحقد....لينا نظر
وين الصبر.... اتنهد...وين الصبر
خويه يبن الاطياب
بنومك عالتراب
گلبي انكسر. .......گلبي انكسر
▪️〰▪️〰▪️〰▪️〰▪️〰▪️〰
وطفله رقيه ماتت يخويه امن الهظم
شكثر عانت تدري وشافت من ظلم
وسوط الشمر يابو فاضل أثر بالعظم
تندب ليلها والنهار عمي راعي الشيم
ظل عالنهر. ..نايم ...ظل عالنهر
دمعي جمر.... ساجم....دمعي جمر
ماتت بين الاغراب
بنومك عالتراب
گلبي انكسر. ..... گلبي انكسر
تمت بعون الله تعالى
خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#الامام_الرضا
جديد بمناسبة شهادة الامام الرضا عليه السلام قصيدة بعنوان (ثامن الحجج)
يعينچ الله يلزچيه ثامن انوارچ يزهره مسموم
في دار غربه وحده يعالج بروحه والگلب مالوم
تعالي يزهره وفي ارض طوس نصبي عزيه
مسموم الرضا يا حيف والخلگ تنحب ابونه شجيه
تعالي يزهره بالعجل وعيني الجواد ابهالرزيه
يغسل والده يا ويل وايهل الدمع مسجوم
▪️〰▪️〰▪️〰▪️〰▪️〰▪️〰
تعالي يم حسن وانسي ضلعچ وسطرة العين
تعالي وجيبي وياچ المصطفى وحيدر ابو الحسنين
ميت برض غربه ثامن نسل من اولادچ الطيبين
ما يمه غير الجواد ابنه وبنار الگلب مضروم
▪️〰▪️〰▪️〰▪️〰▪️〰▪️〰
ثامن اولادچ يزهره بني العباس ما راعوا حرمته
لا راعوا قرابه ودين وبالغدر سموا چبدته
وظل برض غربه على اوليده يسچب دمعته
لفاه الجواد ابنه وضلعه امن الحزن مهشوم
▪️〰▪️〰▪️〰▪️〰▪️〰▪️〰
نوحي على اولادچ يزهره وهلي الدمع من دم
خلصوا اولادچ يا حزينه قتل بالسيف والسم
كل مصايبهم أليمه واليوجع گلبي عاشر امحرم
ما مثله مصاب حسين واويلي على المظلوم
▪️〰▪️〰▪️〰▪️〰▪️〰▪️〰
في أرض غربه الرضا لچن يزهره حصل تغسيل
ما حرگوا اطنابه يزهره ولا سحگت عليه الخيل
ولا مشوا اعياله عگب عينه سبايا اعله المهازيل
ولا اخذوا خواته مچتوفين يزهره بحبل ميشوم
تمت بعون الله تعالى
خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#الاربعين
جديد بمناسبة أربعين الامام الحسين عليه السلام قصيدة بعنوان (گوم وتلگاني)
رجعت من اليسر يحسين گوم وتلگاني
ولو تنشدني احوالي درب الشام أذاني
يخويه من اليسر جيتك محنيه الضلوع
فك باب الگبر يحسين ونشف هالدموع
ولو تنشد عالمتن خويه بالسوط موجوع
درب اليسر يا خويه تدري شكثر بچاني
▪️〰▪️〰▪️〰▪️〰▪️〰▪️〰
اگعد يخويه حسين خل اسولف اوياك
عفتك غصب عني ومشيت بولية اعداك
حياتي صفت ظلمه يحسين عگب عيناك
يريت الموت وياكم يخويه بكربله جاني
▪️〰▪️〰▪️〰▪️〰▪️〰▪️〰
فك باب الگبر خويه ارد انظر الصدرك
شحال المثلث الطلع بوعلي من ظهرك
وجبت الراس خويه انشده وهو يخبرك
شلاگيت وياه يحسين بديوان عدواني
▪️〰▪️〰▪️〰▪️〰▪️〰▪️〰
من فارگيتك خويه لليوم ما جف الدمع
يحسين نار تچويني ظلت بحدر الضلع
على الغبره يحسين من عفتك منصرع
دولبني الوگت اوي چتالك دهري وداني
▪️〰▪️〰▪️〰▪️〰▪️〰▪️〰
بدرب السبي خويه ويه اطفال التنوح
من ينشدوني عنك تنزف دموم الجروح
شگللهم يخويه واگبالهم راسك يلوح
ينظرونه يخويه يهمل اعليهم دمع قاني
تمت بعون الله تعالى
خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#يا_صاحب_الزمان
ندبة للامام صاحب الزمان عجل الله فرجه الشريف قصيدة بعنوان (ينتظر دين المصطفى)
بصوت الفجيعه يابو صالح والدمع منا همول
بغربه عايش دين جدك يمته يلمهدي تصول
ناديتك بدمع اليهل يابو صالح وارتجيت
مهما طال الزمن بيه ما امل وني وبچيت
بضلع فاطم يابو صالح والمصاب اني انتخيت
تنشر العدل ابيمينك يوسف الزهره البتول
▪️〰▪️〰▪️〰▪️〰▪️〰▪️〰
ادعي للباري امامي ايعجل بأمر الظهور
وينتهي عصر الغياب وتنجلي كل الامور
تشفي جروح الرساله وتاخذ بثار النحور
دينك لهسه امامي فروعه تنحب والاصول
▪️〰▪️〰▪️〰▪️〰▪️〰▪️〰
يابو صالح بيه لوعه ونار تسعر بالضلوع
النار هاي يا امامي تزيد وي سيل الدموع
وچم يتيم الينتظر وبالامل وج الشموع
ينتظر هلت جبينك سعده صاباه الافول
▪️〰▪️〰▪️〰▪️〰▪️〰▪️〰
يابو صالح يا مصيبه ليها ابچي وانتحب
جفت عيون المدامع والدرب تاه الدرب
بكسر الضلع ياامامي يقسم اعليك المحب
عجل بثورك يمهدي يشتكي دين الرسول
▪️〰▪️〰▪️〰▪️〰▪️〰▪️〰
تاه درب الحق امامي وخيم اعلينا الظلام
غيم اسود آ يمهدي وابد ما يمطر سلام
يمته تظهر يابو صالح وينجلي هذا الغمام
نقسم بسحگ الصدر الجالت اعليه الخيول
تمت بعون الله تعالى
خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#الامام_الحسن
جديد بمناسبة شهادة الامام الحسن المجتبى عليه السلام قصيدة نخوه بعنوان (كريم البيت اقصدنه)
بگلبك للبقيع اگصد ومن جفنك تهل عبره
نادي بصوت يامسموم وجر حسره بثر حسره
تعنى للبقيع اليوم هل دمعك على المسموم
واسي الزهره بمصابه وفت گلبك على المظلوم
ابو محمد حليف الزود حسافه زيارته محروم
دمع عينك تهله اعليه چنك انت يم گبره
▪️〰▪️〰▪️〰▪️〰▪️〰▪️〰
گله يالحسن مشتاگ ازورك انه يامولاي
انادي ياابو محمد كريم واگصدك رجواي
يمته للبقيع نروح وازورك سيدي مشاي
اشمن حيل بترابك واسلم اعليك بالعبره
▪️〰▪️〰▪️〰▪️〰▪️〰▪️〰
جيتك انتخي انه عليك بچم ضلع مهشوم
عليك بحيدر الكرار المن هامه تسيل ادموم
وضلع امك يبو محمد وخد البالحقد ملطوم
مهموم الگلب جيتك بصدري العبره متكسره
▪️〰▪️〰▪️〰▪️〰▪️〰▪️〰
يبو محمد كريم انت وابد متردها طلابك
جيتك انتخي بدمعه وحاير واگف ابابك
فرج الشده يامولاي عليك بجملة احبابك
بحزن گلب العقيله عليك الشافت چبدك اموذره
▪️〰▪️〰▪️〰▪️〰▪️〰▪️〰
چفك بالكرم معروف ومضيفك فاتح ابوابه
بجسام الولد اقسم الدمه صاير اخضابه
تقضي الحاجه يا مولاي بحزن حسين ومصابه
يوم الجابه للخيمه يويلي ومنحني ظهره
تمت بعون الله تعالى
خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#الامام_الحسن
جديد بمناسبة شهادة الامام الحسن المجتبى عليه السلام قصيدة بعنوان (ريحانة محمد)
طاح الچبد مسموم تالي الگبر مهدوم
ريحانة محمد ريحانة محمد
شبل النبي العدنان القضى العمر آهات
من بعد جده النبي لاگى شكثر شمات
بإذنه الزجيه من سمع ونتها والحسرات
وبعينه شاف المرتضى بسيف الغدر من مات
عاش الزمن مهموم تالي الگبر مهدوم
ريحانة محمد ريحانة محمد
▪️〰▪️〰▪️〰▪️〰▪️〰▪️〰
هذا اول سبط للهادي بسم الچبد ممرود
لجله ينوح الكون ونجم السعد مفگود
اللوح يبجي والعرش علجرى همه اشهود
وجبريل من هل الفاجعه حزنه ابد ميهود
دين الهادي مثلوم تالي الگبر مهدوم
ريحانة محمد ريحانة محمد
▪️〰▪️〰▪️〰▪️〰▪️〰▪️〰
المجتبى يا ناس گلبه شكثر مجروح
حجه هوه اعله الخلگ اسمه انقش باللوح
يبچيله الحسين ادموم ودمعه يظل مسفوح
ما هاد الگلب لحظه لخيه النظر مشبوح
يهل الدمع مسجوم تالي الگبر مهدوم
ريحانة محمد ريحانة محمد
▪️〰▪️〰▪️〰▪️〰▪️〰▪️〰
من عگب كل ذيج المحن عمره خلص بالسم
ويلي اعله المجتبى وچبده بالطشت دم
من بعد كل ذاك الغدر رشگوا نعشه بسهم
والحقد وصل للگبر وتركوه ويلي بس رسم
الزهره تبچيله ادموم تالي الگبر مهدوم
ريحانة محمد ريحانة محمد
▪️〰▪️〰▪️〰▪️〰▪️〰▪️〰
للباري نشكي كل أمر ربي عجل بالظهور
انترست الدنيا ظلم وچم ضلع مكسور
ضلع الزچيه الطاهره و ضلوع الي بعاشور
وچم خيمه احرگوها وروعوا ربات الخدور
عندك خبر معلوم تالي الگبر مهدوم
ريحانة محمد ريحانة محمد
تمت بعون الله تعالى
خادمة الزهراء /ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#الامام_الحسن
جديد بمناسبة شهادة الامام الحسن المجتبى عليه السلام قصيدة بعنوان (مسموم ابن الزهره)
زينب بالحزن نادت وينچ يزهره
يمه مسموم الحسن وچبده موذره
عيون زينب چالمزن صبت دمع
من شافت اخوها ويلي ابهالوضع
نادت يم حسن جددوا كسر الضلع
سموا چبده يايمه وخلوني بالحسره
▪️〰▪️〰▪️〰▪️〰▪️〰▪️〰
يم حسن يم ضلع مهشوم يمه تعالي
شوفي الدهر وشسوى بالهم تعنالي
مسموم اخويه ودمعي من دم يلالي
واويايه حسين يا يمه يهمل العبره
▪️〰▪️〰▪️〰▪️〰▪️〰▪️〰
تعالي يزهره شوفي وشسوى الزمن
الهموم بغيابچ ييمه اعليه اتوالمن
جددوا كسر الضلع بسم چبد الحسن
سهم من السقيفه نفذ بضلوعي يزهره
▪️〰▪️〰▪️〰▪️〰▪️〰▪️〰
آه ييمه دهري رماني بسهم ميشوم
وچبد الحسن يايمه تگطع بالسموم
يا حزن گلبي يزهره ما هده فد يوم
اريدچ ييمه اليوم تعينيني عالجره
▪️〰▪️〰▪️〰▪️〰▪️〰▪️〰
نصبت الفاتحه يمه والگلب موجوع
من الحزن يم حسن محنيه الضلوع
لمصاب الحسن يمه ماتكفي الدموع
وابعيد عن جدي اخويه انحفر گبره
تمت بعون الله تعالى
خادمة الزهراء// ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#الامام_الحسن
جديد قصيدة بمناسبة شهادة الامام الحسن المجتبى عليه السلام بعنوان (تعالي يزهره)
يعينچ الله يم حسن طاح الحسن مسموم
گومي من الگبر يله وعيني ابنچ المظلوم
وينچ يزهره حسين عالاخو محني الظهر
اگباله طاح الحسن بالسموم چبده انفطر
يزهره وامن الحزن گلب الحسين انكسر
شاهد چبد اخوه بطشت النايبه دموم
▪️〰▪️〰▪️〰▪️〰▪️〰▪️〰
دار الحسن مرجونه شال الحسن عن داره
وحسين اعله الاخو ويل تشب بالحشا ناره
نار يا فگد العضيد ومن دم دمعه تجاره
حضري يزهره حسينچ يهل الدمع مسچوم
▪️〰▪️〰▪️〰▪️〰▪️〰▪️〰
تعالي يم حسن وعيني ابنچ على امصابه
مصيبة فگد الاخو نار بحدر الضلع لهابه
مات الحسن وحسين ينعاه ودموعه سچابه
ينظر اعياله وينوح واعليه الگلب مهموم
▪️〰▪️〰▪️〰▪️〰▪️〰▪️〰
يزهره تعالي وشوفي زينب واخوها حسين
يبچون اعله الاخو ويجهرون يا زهره بلونين
حتى نعش ابنچ يزهره ما سلم من غدر الملاعين
صوبوا نعشه يزهره وخلوا كل گلب مالوم
▪️〰▪️〰▪️〰▪️〰▪️〰▪️〰
مصاب الحسن للروح فتها ومرد الدلال
ياسم چبدته ووحدته خلى كل دمع همال
خان الدهر بولادچ يزهره واتبدل الحال
من يوم الخميس وذيچ الرزيه يم ضلع مهشوم
تمت بعون الله تعالى
خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#رقيه_عزيزة_الحسين
جديد محرم الحرام 1445هجرية قصيدة لعزيزة الحسين رقيه بعنوان (صرخة يتم)
عيون گلبي من الحزن تهمل دموم
بدرب السبي وانتظر موتي يحوم
راح ابويه وما رجع وانه انتظر
ياحزن گلبي وعذابه شلي بالعمر
من غاب عني والدي دمعي منهمر
ومن هذا الدرب ياناس گلبي ملچوم
▪️〰▪️〰▪️〰▪️〰▪️〰▪️〰
انشد عمتي عنه وتجاوبني بالدمع
گلبي انلچم واحس نار وجت بالضلع
والدرب آه اشمطوله ومصعب هالوضع
انهدل متني من الضرب وما ترحم القوم
▪️〰▪️〰▪️〰▪️〰▪️〰▪️〰
وانتهى بيه الدرب بالشام وخرابه
من نزلونا بيها حس گلبي بمصابه
چن گرب موتي وجمرة روحي لهابه
مشتاگه اشوفه وگمت أصرخ اريده اليوم
▪️〰▪️〰▪️〰▪️〰▪️〰▪️〰
ياعمه زينب والدي وين هسه اريده
چنت اوياه وابحضنه واشم ابوريده
موتني البعد عمه وحزن گلبي شيهيده
ما اگدر على الفرگه مو حيلي مهدوم
▪️〰▪️〰▪️〰▪️〰▪️〰▪️〰
گلبي خلص من نحيبه وموتي دنالي
ياعمه وين أبويه يمسح دموعي التلالي
بنومي شفته وهسه وينه عزي ودلالي
ياهظم گلبي والمتن من الضرب مالوم
تمت بعون الله تعالى
خادمة الزهراء// ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#للسبي
جديد محرم الحرام 1445هجرية قصيدة بعنوان (انفض ترابك)
تمت كتابة هذه القصيدة بجوار الامامين الكاظميين عليهما السلام
انفض ترابك يا علي زينب سبيه
عافت اهلها اعله الترب بالغاضريه
وينك يا علي تلحگ زينب سبوها
درب الماخطر عالبال بنتك خذوها
شمات بالدرب ياعلي لبنتك ولوها
ستر الوجه چفين ياعظم الرزيه
▪️〰▪️〰▪️〰▪️〰▪️〰▪️〰
يا علي ريتك تشوف اشصار بيها
من عگب عين الكفلها چتفوا اديها
وعالترب زينب يا علي عافت وليها
عافته جثه اموذره الروح الزچيه
▪️〰▪️〰▪️〰▪️〰▪️〰▪️〰
عگب ذبحة وليها حرگوا خيمها
چتفوا اديها ياعلي ويفجع هظمها
لو تنشد وضعها البنتك يخبرك ألمها
خذوا ثارات منها ياعلي اولاد الدعيه
▪️〰▪️〰▪️〰▪️〰▪️〰▪️〰
باليسر زينب يا علي ويه الايتام
وتنظر عالرمح راس الولي جدام
مرمرها ياعلي درب اليسر والشام
سكته تون يا علي والدمعه جريه
▪️〰▪️〰▪️〰▪️〰▪️〰▪️〰
ياعلي تدري اچم موته موتها الدرب
من عگب ما عافت اخوتها اعالترب
راحت مچتوفه الادين والمدمع يصب
والهدم حيل العقيله موتة رقيه
تمت بعون الله تعالى
خادمة الزهراء// ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
لكل ملاية تريد قصائد تجي وياي لقناة الشاعره ام علي رضا الشريفي الحسيني
قلم حزين يحمل بركات محمد وال محمد قولآ وحقا
اليدخل للقناة ويقره قصائد العلوية راح يحس بروحانية بدون ميشعر وراح يحس بعبرة داخل المجلس اقول كلامي وانا مسؤوله عنه
انصحكم ان شتركون بالقناة عبر الرابط التالي
👇🏻👇🏻👇🏻👇🏻
/channel/umaliridashrify
/channel/umaliridashrify
#الامام_السجاد
جديد محرم الحرام 1445هجرية قصيدة للامام زين العابدين علي السجاد عليه السلام بعنوان (مواجع السجاد)
العمره قضى من عگب ذاك المصاب
ابو الباقر ويلي من الهموم گلبه ذاب
يا محنته الما تنوصف زين العباد
شاهد بعينه عزوته اموذره الاجساد
والحد مماته باقيه بايده اثار القياد
چم محنه يذكر واچم ينسى للاحباب
▪️〰▪️〰▪️〰▪️〰▪️〰▪️〰
تالي عملة كربله سمموا چبده بغدر
يا مصيبه وليها ننعى بسك يا دهر
للشاهد بعينه ابوه ويلي مكسور الصدر
لو ننوح امصيبته وشلاگه امن العذاب
▪️〰▪️〰▪️〰▪️〰▪️〰▪️〰
علي السجاد هل خلص بالحزن عمره
بالنوح زاده ومشربه وروحه امرمره
عينه تدمع بس لو يمر طاري الجره
ويذكر حسين ومصرعه فوگ التراب
▪️〰▪️〰▪️〰▪️〰▪️〰▪️〰
الخلصت حياته بكربله تاليها مسموم
سنين عمره كلها ينحب والده المظلوم
ينادي يا حسين ومصابه الخلف هموم
ويلي زين العباد الگلبه من الحزن شاب
▪️〰▪️〰▪️〰▪️〰▪️〰▪️〰
الحد مماته ظلت بعينه صورة كربله
ينوح لحسين ومصابه وسبي العائله
مع كل نفس صحن خده بدمعه يبلله
اهناك موته بكربله وي حرگ الاطناب
تمت بعون الله تعالى
خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin