4059
الحجاب انهتك بالباب ومال العرش بالسطره واتخلخل نظام الكون من كسروا ضلع بالزهره اين الطالب بذحول الانبياء وابناء الانبياء
#درب_السبي
جديد بمناسبة دخول الركب الحسيني إلى الشام قصيدة بعنوان (ياشام المصايب)
وصلنه الشام آيالشام يخنگ هواها
ما شفنا رحمه بس الشماته شفناها
يذبح هواها الشام من طبينه بيها
شماته وناس امعيده والفرح ماليها
وابنيات النبي نظرة الشمات تآذيها
يتيمات ودرب السبي ظيم شكثر راواها
▪️〰▪️〰▪️〰▪️〰▪️〰▪️〰
ثلث ساعات اعله بابچ ياشام وگفونا
مچتوفين وروس الاهل جدام يلوعونا
تتفرج علينا الناس ولا چن للنبي ينسبونا
بينه تشفى يزيد وثارات بدر منا خذاها
▪️〰▪️〰▪️〰▪️〰▪️〰▪️〰
ياعذاب شفته وي ايتامي بخرابة الشام
طفله وتموت براس ابوها بفعل ظلام
وينلچم گلبي عليها من يناديني الامام
شيلي اليتيمه رقيه الموت ياعمه لفاها
▪️〰▪️〰▪️〰▪️〰▪️〰▪️〰
شوصف وشحچي عن رحلة الشام الاليمه
الناس تتفرج على ثقل النبوه والله هظيمه
بنت النبي وتوگف بديوان غاصب عظيمه
لچن زينب بوگفتها هدت عروش كلمن سباها
▪️〰▪️〰▪️〰▪️〰▪️〰▪️〰
مريره رحلة الشام تجرعت زينب غصصها
شماته ونوم بخرابه ووگفه بديوان الهظمها
عفيه گلب زينب وشلون هالمصايب حملها
بعيونها تشوف الذبح اخوتها وتالي سباها
تمت بعون الله تعالى
✍🏻 خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#الامام_السجاد
جديد بمناسبة شهادة الإمام زين العابدين عليه السلام قصيدة تحكي لقاءه بالمنهال
قصيدة بعنوان (ماذا اقول )
شحچيلك يمنهال لو شفت الجره
دم تصب عينك يمنهال اعله الثره
شفت بعيوني يامنهال موت الاحبه
اسبعطعش من اهلي وياهم الصحبه
وانه بعلتي وصدري نار الفرگه تلهبه
كلهم اگبالي شفتهم جثث متوذره
▪️〰▪️〰▪️〰▪️〰▪️〰▪️〰
يمنهال شفت حسين وحده بكربله
جيوش الاعادي حاطته بذاك الفله
بسهم نشاب وسيف ودمومه سايله
وتالي سحگته الخيول وحزوا منحره
▪️〰▪️〰▪️〰▪️〰▪️〰▪️〰
لو حاضر يمنهال وشفت حرگ الخيام
وعماتي وخواتي فرت وباگي الأيتام
اوصفلك اشلون هيه تنوصف الآلام
روحي يمنهال وسط خيمه اموجره
▪️〰▪️〰▪️〰▪️〰▪️〰▪️〰
ما تنوصف من جابوا احبال وچتفونا
ما چنه عترة المختار عالهزل من ركبونا
ومن ديوان لديوان اعله الطواغي دخلونا
وكل عذابي يمنهال عالفواطم المخدره
▪️〰▪️〰▪️〰▪️〰▪️〰▪️〰
لو شفت الحبل منهال بيد اختي رقيه
طفله ويتيمه وتتحمل انواع الاذيه
تالي بخرابه يمنهال توافيها المنيه
على راس الابو ماتت وتهمل العبره
▪️〰▪️〰▪️〰▪️〰▪️〰▪️〰
العمر كله يمنهال لو اگضيه أنا بالنوح
ما تبرد الجمره ولا تشفى ابد الجروح
تدري يمنهال بكربله چم حلم مذبوح
وچم گمر يمنهال بيدي وسدته بالثره
تمت بعون الله تعالى
✍🏻 خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#فخر_المخدرات
جديد في حق مولاتي عنوان الحجاب والعفة والصمود لبوة علي عليه السلام كعبة الرزايا والاحزان جبل الصبر زينب قصيدة بعنوان (زينب مدرسة العزة)
يلي تكتب عالعقيله تريد من الله القبول؟؟
لا تطلعهه ذليله وتغضب الهادي الرسول
فخر عباس وحسين
بنت امير المؤمنين
لا تطلعهه ذليله وتغضب الهادي الرسول
گبل لا تكتب عليها اتوضا بدموع الحياء
هاي تربات الصميده وفاطمه ست النساء
ولو ردت تعرفها فعلا اوگف بتل كربلاء
اثر اجدام العقيله قبه صارت للسماء
اتعرف باهل اليقين
بنت امير المؤمنين
لا تطلعهه ذليله وتغضب الهادي الرسول
▪️〰▪️〰▪️〰▪️〰▪️〰▪️〰
زينب بطف كربلاء قدمت أروع دروس
عفه وي هيبه اوقار عالجمر چانت تدوس
بكل وقار الزهره امها زينب الذلت نفوس
طلعت بدرب السبايا حارسه الهه الرؤوس
اخذت الرايه بيمين
بنت امير المؤمنين
لا تطلعهه ذليله وتغضب الهادي الرسول
▪️〰▪️〰▪️〰▪️〰▪️〰▪️〰
تريد تعرفها العقيله اقره خطبتها قبل
حيدره چنه اجاها يخطب بذاك الحفل
اخرست مجلس يزيد وهيه مجتوفه بحبل
هاي زينب يلتناشد والابو خير العمل
جدها خير المرسلين
بنت امير المؤمنين
لا تطلعهه ذليله وتغضب الهادي الرسول
▪️〰▪️〰▪️〰▪️〰▪️〰▪️〰
چلمه گالتهه العقيله شما تكايدنا يزيد
بالدهر باقي ذكرنا وسوي كل الي تريد
غيره عزه وي مهابه اجتمعوا بزينب اكيد
وانت بس تكتب عليها فرجه صارت للعبيد!!؟
ذلت الطاغي اللعين
بنت امير المؤمنين
لا تطلعهه ذليله وتغضب الهادي الرسول
▪️〰▪️〰▪️〰▪️〰▪️〰▪️〰
لو ردت تكتب عليها ايه زينب للصمود
ثورة الاعلام چانت رغم كل ذيچ القيود
رغم كل ذيچ المآسي المنها تتفطر چبود
بفضل زينب يلموالي كربله ليها الخلود
صاحت بصوت الحسين
بنت امير المؤمنين
لا تطلعهه ذليله وتغضب الهادي الرسول
تمت بعون الله تعالى
خادمة الزهراء// ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#الامام_السجاد
جديد بمناسبة شهادة الإمام علي ابن الحسين زين العابدين عليه السلام قصيدة بعنوان (خلصت حياته)
علي السجاد ياويل ذابت مهجته
عليل وفي كربله انذبحت عزوته
ابو الباقر قضى عگب المصايب
بعيونه شاف بكربله كل العجايب
شاهد حسين ودمه روى الترايب
من يوم ذبحوا والده بگلبه حسرته
▪️〰▪️〰▪️〰▪️〰▪️〰▪️〰
لمن طلع من كربله زين العباد
ذابت مهجته ويلي فوگ الوهاد
حيله تهدم علي من ذيچ الگياد
البگيده ويه عماته جمر بچبدته
▪️〰▪️〰▪️〰▪️〰▪️〰▪️〰
كلما يشوف الماي تهمل عيونه
العمر كله ينوح شيعته يسمعونه
ابويه حسين ظامي ويذبحونه
والعده ابخيل ويل رضت جثته
▪️〰▪️〰▪️〰▪️〰▪️〰▪️〰
خلصت سنينه ويل وحط الرحال
وابو محمد يغسله ودمعه همال
ويلي من شاهد الباقر اثر الحبال
ظل ينتحب يا علي ويجهر ونته
▪️〰▪️〰▪️〰▪️〰▪️〰▪️〰
كل مآسي كربله العاشت وياه
ما رحم بيه العدو وبحقده اجاه
والطاغي تالي للگبر گاصد تعناه
وامن البعد تندب ظلت شيعته
▪️〰▪️〰▪️〰▪️〰▪️〰▪️〰
ما تگدر الشيعه توصل لذاك الگبر
من البعد ترسل سلام ممزوج بقهر
تنادي العجل ملينه يامهدي الصبر
هذا البقيع ينتظر يمته تشيد قبته
تمت بعون الله تعالى
✍🏻 خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#دفن_الاجساد
جديد محرم الحرام 1446هجرية قصيدة لدفن الاجساد الزواكي في كربلاء بعنوان (خبرني يا دفان)
عمه يا سجاد يا علي اخبرني
من عفت الطفوف گلبي واجعني
اريد انشدك يا علي السجاد
خبرني عمه وشحال الاجساد
العفناها عمه في ثرى الوهاد
منظرهم اهناك والله هظمني
▪️〰▪️〰▪️〰▪️〰▪️〰▪️〰
خبرني سجاد وصلته لحسين
شحاله يا عمه محزوز الوتين
غسلت جسمه وحصله تكفين
شلون دفنته گول حاله فجعني
▪️〰▪️〰▪️〰▪️〰▪️〰▪️〰
عمه نظرته امگطع الأوصال
بيدي لميته من فوگ الرمال
صعب ياعمه احچيلچ تفصال
منظر ابويه والله ذهلني
▪️〰▪️〰▪️〰▪️〰▪️〰▪️〰
ناداها السجاد والدمع جاري
شفته يا عمه واظلم نهاري
لميته بويه بگطعة بواري
غسله من دمه عمه عذبني
▪️〰▪️〰▪️〰▪️〰▪️〰▪️〰
عمه ياعمه واعضيدي جبته
بذيچ الحصيره عمه نظرته
يم جدم الحسين انه دفنته
شوفه يا عمه واشگد شعبني
▪️〰▪️〰▪️〰▪️〰▪️〰▪️〰
ياعمه القاسم كاسرلي ظهري
متحني عمه من دمه اليجري
بمصابه عمه عذبني دهري
بصورته الحسن اشوفه چني
▪️〰▪️〰▪️〰▪️〰▪️〰▪️〰
وطفله ياعمه جهزته اشلون
نحره فجعني ياماي العيون
طفله ياعمه عصدره مدفون
نحره اعله نحره عمه موتني
▪️〰▪️〰▪️〰▪️〰▪️〰▪️〰
گالتله سجاد خبرني بعباس
مگطع كفيلي بسيوف الارجاس
من راح النهر موتني الإحساس
خبرني عمه بحال الكفلني
▪️〰▪️〰▪️〰▪️〰▪️〰▪️〰
ياعمه شفته مگطوع الزنود
رايته بكتره وابكتره الجود
بموته ياعمه مو ذابت چبود
بطيحة زنوده عمه ضهدني
▪️〰▪️〰▪️〰▪️〰▪️〰▪️〰
عمه دفنته الكافل الخدر
بمچانه من طاح عمه واتگنطر
گلبي مثله اهناك طاح وتوذر
الدهر بمصابهه چم لچمه لچمني
تمت بعون الله تعالى
✍🏻 خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#السبي
جديد محرم الحرام 1446هجرية قصيدة للخروج من كربلاء بعنوان(موكب حزن)
جابوا النوگ واتحيرت زينب بأمرها
ما تقدر توصل الشاطي تحشم گمرها
حان ميعاد الرحيل وجابوا الهزيله
وينك يا علي الكرار تنادي العقيله
راحوا أخوتي والحمل منو يشيله
وتحزمت وحزامها اصبح صبرها
▪️〰▪️〰▪️〰▪️〰▪️〰▪️〰
ركبت أطفال اخوها البالهم تنوح
تنادي عمه ليش الكفلنا عنا يروح
ما يدري بينه والسبي همه يلوح
ما تدري الاطفال اتفرهد خدرها
▪️〰▪️〰▪️〰▪️〰▪️〰▪️〰
ركبت ذيچ الاطفال برحلة مآسي
احدش من المحرم يايومه قاسي
تنادي يلنايم عالنهر تعرف إحساسي
وامن الوجد زينب يسعر جمرها
▪️〰▪️〰▪️〰▪️〰▪️〰▪️〰
طلّعوها من كربله كل ذيچ الايتام
مچتوفه ويل ومحترگ گلب الامام
عماته وخواته تنسبي والتحدي ظلام
قافلة الحزن بالدمع تمشي بيسرها
▪️〰▪️〰▪️〰▪️〰▪️〰▪️〰
من فوگ الهزل ودعوا وادي المنايا
جسوم اهلهن بالثره وكلها عرايا
ماصار تغسيل ودفن لذيچ الضحايا
وداعة الله يا اهلنا وحسره بصدرها
▪️〰▪️〰▪️〰▪️〰▪️〰▪️〰
راحت بدرب السبي تحرس ظعنها
بيه بس أطفال وحرم حايره بحزنها
ومن كثر الدمع الاطفال تجرّح جفنها
ويل ثقل النبوه في كربله ذبها دهرها
تمت بعون الله تعالى
✍🏻 خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#ليلة_الوحشة
جديد محرم الحرام 1446هجرية قصيدة ليلة الحادي عشر من محرم الحرام (احضر يا علي )
وينك يا علي طايح محملي
حرگوا خيمنا بويه وذبحوا ولينه
وينك يا علي الكرار تحضرنا هالساع
حسينك على الثرى مسحوگ الاضلاع
وحرگوا اخيمنا ياعلي وينك يا مناع
في كربله تجينه وتشوف الاوضاع
مرعوبه الاطفال من شوف الرجال
حرگوا خيمنا بويه وذبحوا ولينه
▪️〰▪️〰▪️〰▪️〰▪️〰▪️〰
يا علي الحگ علينه وشهذا المصاب
اهلي اضاحي بنينوى يا داحي الباب
بصدر الولي يابالحسن مغروز نشاب
وخيول عشره داسته ياعلي وسلاب
جسمه توذر بالغبرى يعفر
حرگوا خيمنا بويه وذبحوا ولينه
▪️〰▪️〰▪️〰▪️〰▪️〰▪️〰
يا علي ما جاك الخبر مذبوح الحسين
على الرمله توسد وحرگوا الصواوين
واطفالي يا علي تنحب والدمع صوبين
ما تدري بالولي حيدر مگطوع الادين
تنادي بدمعها يفجع وضعها
حرگوا خيمنا بويه وذبحوا ولينه
▪️〰▪️〰▪️〰▪️〰▪️〰▪️〰
على الشاطي يابالحسن نايم عضيده
مگطوعه چفينه خويه ابن الصميده
وطفوها عينه للكافل بويه بحديده
وهذي الاعادي يا علي سلبي تريده
يا علي احضر الكافل تگنطر
حرگوا خيمنا بويه وذبحوا ولينه
▪️〰▪️〰▪️〰▪️〰▪️〰▪️〰
يا علي ابنياتك في أرض الطفوف
چلچل الليل بظلامه وماليهن الخوف
وكفيلي نايم عالثرى مگطوع الچفوف
يا ريتك تحضر ياعلي وابعينك تشوف
حرگوها للخيمه وظلينا بالهيمه
حرگوا خيمنا بويه وذبحوا ولينه
▪️〰▪️〰▪️〰▪️〰▪️〰▪️〰
يا علي مرعوبه كلها هالليله الاطفال
باچر يدنون الهزل ويجيبوا الحبال
وتتصارخ اطفالي علي ما ظلي كفال
خيل وزلم يا حيدره ما ترضى هالحال
وينك يمغوار محتاره الافكار
حرگوا خيمنا بويه وذبحوا ولينه
▪️〰▪️〰▪️〰▪️〰▪️〰▪️〰
سوط الشمر يابالحسن الهب ظهرنا
وابليه خيمه يا بويه بايت خدرنا
وابولية عداك بعد الكفل ياعلي صرنا
وما يخفى يا علي عليك الليله امرنا
يچفونا باچر واليحدي كافر
حرگوا خيمنا بويه وذبحوا ولينه
تمت بعون الله تعالى
✍🏻 خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#العاشر
جديد محرم الحرام 1446هجرية قصيدة لشهادة الإمام الحسين عليه السلام بعنوان (اظلم نهار الطف)
غيم سمائچ نينوى واظلم نهاره
ابو اليمه في كربله راحت انصاره
فرغت اخيام الحسين وبانت وحدته
ناموا بساعه عالترب اهله وعزوته
ينادي هل من ناصر ياويلي بغربته
والبگت بس بالخيم نسوه وحياره
▪️〰▪️〰▪️〰▪️〰▪️〰▪️〰
نزل للميدان السبط سيفه بيمينه
تحشدت ويل اعليه الزمره اللعينه
بسهام ونبل واسيوف ومحاوطينه
وعلى الخيم بس حسين شبح انظاره
▪️〰▪️〰▪️〰▪️〰▪️〰▪️〰
يقاتلهم غده بسيفه وعينه لخيامه
جيش العده من الخوف شرد امامه
لن سهم المثلث ويل بصدر الامامه
ما يقدر يشيله حسين وحارت افكاره
▪️〰▪️〰▪️〰▪️〰▪️〰▪️〰
من ظهره طلع سهمه ودمومه جريه
وتحير مهره يا خلگ بالغاضريه
عن ظهره ينزله شلون ابن الزچيه
تساوى مهره بالگاع وهلت اعباره
▪️〰▪️〰▪️〰▪️〰▪️〰▪️〰
بصهيله راح المهر لمخيم حسين
ينادي الظليمه ويلي دمعاته صوبين
لن زينب اباب الخيم تنظرله بالعين
احچيلي يا مهره زين واشرحلي اخباره
▪️〰▪️〰▪️〰▪️〰▪️〰▪️〰
يصهل مهر ابو سكنه وزينب تسمعه
گللها يابت علي صعب اخيچ وضعه
سهم البگلبه زينب من ظهره يطلعه
طاح حسين على الثره واعداه غداره
▪️〰▪️〰▪️〰▪️〰▪️〰▪️〰
يا زينب اخبرچ ترى شمر اعتناله
بسيفه يا زينب يگطع للولي اوصاله
حز منحره يابت علي واليمنه وشماله
ودموم السبط يا زينب عالغبرى تتجاره
▪️〰▪️〰▪️〰▪️〰▪️〰▪️〰
گومي يا زينب وياي ومعصبچ جيبيه
نوصل للولي زينب وبصدرچ تسنديه
وجرح الگلب زينب بس عينچ اعليه
وحسين السبط يرجع ونلتجي بكتاره
تمت بعون الله تعالى
✍🏻 خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#عبدالله_الرضيع
جديد محرم الحرام 1446هجرية قصيدة بعنوان (مثل الحمامه)
سهم نحرك يعبدالله يمه ذبحني
والمهد خالي يوليدي عقلي سلبني
عبدالله ياريع العمر يفجع مصابك
منفري نحرك عبدالله والدك جابك
من العذب من ترتوي دمك شرابك
آه يا نبلة حرمله بگلبي چوتني
▪️〰▪️〰▪️〰▪️〰▪️〰▪️〰
سهمك يا عبدالله بگلب امك وگع
من شفت نحرك يمه گلبي انصدع
وابكربله نورك طفى القبل سطع
آه العده يوليدي بذبحك سبتني
▪️〰▪️〰▪️〰▪️〰▪️〰▪️〰
مهدك اشوفه يايمه خالي اگبالي
بيدي اهزه يوليدي ودمعي يلالي
يا ريحة حسين السبط يمه يغالي
في كربله يعبدالله الدهر هظمني
▪️〰▪️〰▪️〰▪️〰▪️〰▪️〰
عبدالله للسنه ما وصلت اشهورك
حيف يوليدي بكربله منطفي نورك
وبنحرك يلولد تضحي اكبر سرورك
فوگ زند حسين خبر موتك وصلني
▪️〰▪️〰▪️〰▪️〰▪️〰▪️〰
در اللبن يعبدالله يبني واجيتك
مفطوم من دم النحر يمه لگيتك
لو بيدي يبني بعمري چان افتديتك
بمصابك يوليدي دهري فجعني
▪️〰▪️〰▪️〰▪️〰▪️〰▪️〰
عبدالله من تنظر للزهره بالجنه
خبرها للبضعه ان كسرچ وصلنه
والذبح محسن ياالزهره ذبحنه
وبسمار صدرچ بنحري ضربني
▪️〰▪️〰▪️〰▪️〰▪️〰▪️〰
عبدالله خبرها للزهره بالصار
ذبحوا اهلنا وذبحوها الانصار
بحقدهم يالزهره شملنا طشار
ونصيبي من حقدهم للسبي اخذني
تمت بعون الله تعالى
✍🏻 خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#علي_الاكبر
جديد محرم الحرام 1446هجرية قصيدة بعنوان (موتك ذبحني)
بنومك اعله الثرى گلبي كسرته
يا علي الاكبر آه جرحي فتحته
من ودعيتك يا علي دمعي انهمل
حسيت يا يمه برحيلك والاجل
أنت يا شبه المصطفى وخير العمل
عيني ظلت اعالدرب طيفك نطرته
▪️〰▪️〰▪️〰▪️〰▪️〰▪️〰
بطلعتك هم روحي يا يمه اطلعت
كل نينوى يا علي برحيلك اظلمت
وعلى وجه ابوك يمه هموم تراكمت
من شاهدت وجهه يمه ضلعي لزمته
▪️〰▪️〰▪️〰▪️〰▪️〰▪️〰
سمعت صيحه منه على الدنيا العفى
يا علي نورك اليشع هالليله انطفى
وسعدي برحيلك ياعلي هم اختفى
والكون كله يا علي اظلم نظرته
▪️〰▪️〰▪️〰▪️〰▪️〰▪️〰
شفت دمعه انزلت بخدود الحسين
من راح أرض المعركه يصفگ بالادين
على الدنيا العفه صاح يبن الميامين
وابوادي كربله ويل سمعوا صيحته
▪️〰▪️〰▪️〰▪️〰▪️〰▪️〰
مصابك فتح يايمه بالطف الجروح
نادنا الحسين ويل مو راحت الروح
يلطم يا علي الاكبر وبحزنه ينوح
وانه بخيمتي يا يمه راسي لطمته
▪️〰▪️〰▪️〰▪️〰▪️〰▪️〰
يا علي الاكبر ييمه جروحي غزيره
من اطلعت أنت للحرب امك بحيره
بنومتك فوگ الترب تمشي اسيره
طولك سباني ياعلي وگلبي شلعته
▪️〰▪️〰▪️〰▪️〰▪️〰▪️〰
شفتك اعله الثرى امگطع يويلي
نهاري صبح اظلم متواصل بليلي
يمه يا شبه المصطفى هدمت حيلي
وحسين يصفگ ويلي شماله بيمنته
▪️〰▪️〰▪️〰▪️〰▪️〰▪️〰
يا علي مصابك اشلون يمه اجرعه
وانه اشوف حسين منحني ضلعه
اندبك ساعه ييمه وانحب لوضعه
كل ما اسمعه ياعلي ينادي اميمته
▪️〰▪️〰▪️〰▪️〰▪️〰▪️〰
سمعته ينادي ياعلي وينچ يزهره
تعالي انتي والنبي گلبي شيصبره
وخل حيدر وياكم يجي لعلي يحضره
حسين السبط عل ابنه زادت لوعته
تمت بعون الله تعالى
✍🏻 خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#القاسم_ابن_الحسن
جديد محرم الحرام 1446هجرية قصيدة بعنوان (شمعة شبابك)
جسام يمه لمصابك گلبي تفطر
من شفتك علثرى وجسمك توذر
جاسم ييمه بالهظم يمه اتركتني
شوفتك نايم عالثرى آه افجعتني
وليالي السود ييمه عگبك ولتني
گلبي مثل جسمك طاح وتگنطر
▪️〰▪️〰▪️〰▪️〰▪️〰▪️〰
چنت انتظر يايمه تكبر اگبالي
حنتك بيدي اعجنها يمه يغالي
حسبت يمه لهاليوم طول الليالي
وخابت ظنوني ييمه وگلبي تحسر
▪️〰▪️〰▪️〰▪️〰▪️〰▪️〰
من عظم المصيبه حنيت الضلوع
ودمه يجاسم اهمل بدال الدموع
وراح كل عمري وطفيت الشموع
وظلت عبرتي بالصدر يمه تكسر
▪️〰▪️〰▪️〰▪️〰▪️〰▪️〰
چنت ياجاسم اتمنى بشبابك افرح
لچن حسافه بكربله جفني تقرح
ومن الحزن گلبي يا يمه تجرح
من جابك حسين السبط بدمك تعفر
▪️〰▪️〰▪️〰▪️〰▪️〰▪️〰
بالخيمه من شفتك آه يايمه مطروح
وجسمك يجاسم امطبر بالجروح
دمه الدمع لمصابك يايمه مسفوح
وگلبي مثل جسمك على الغبره تطشر
▪️〰▪️〰▪️〰▪️〰▪️〰▪️〰
يا ريت الكربله ياجاسم ما جيت
خابت ظنوني بيها واتهدم البيت
بدال الحنه يلولد بدمك تحنيت
واشسوى بينه يايمه هالدهر الاگشر
تمت بعون الله تعالى
✍🏻 خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#العباس
جديد محرم الحرام 1446هجرية قصيدة للعباس بن علي عليهما السلام قصيدة بعنوان (راية عز)
عباس في كربله عضيد الحسين
سجل مواقف مشرفه قرة العين
روحه نذرها وابكربله وفه النذر
عباس ابو الغيره ظل اعله النهر
تشهد رايته والجود نسل الطهر
وشاطي العلگمي حضنهه للچفين
▪️〰▪️〰▪️〰▪️〰▪️〰▪️〰
راعي الزود ابوفاضل كافل العيله
حامي خيام حسين وروح العقيله
وگف يم حسين بنار هايج دليله
رايته شايل وبسيفه يرعد البين
▪️〰▪️〰▪️〰▪️〰▪️〰▪️〰
عباس من سمع الاطفال تنوح
ذابحها العطش بس تجي وتروح
وگف يم اخوه ونظرة عيونه تبوح
ارخصني يبوالسجاد اطلع بهالحين
▪️〰▪️〰▪️〰▪️〰▪️〰▪️〰
طلع عباس شايل رايته والجود
شافته الأطفال شبگت بالزنود
صاحت يعمنا بالماي يمته تعود
فت مهجنا الظمه ياعضيد حسين
▪️〰▪️〰▪️〰▪️〰▪️〰▪️〰
شاطي النهر وصله ذايبه احشاه
بيده شال الماي وتشوفه عيناه
مو للشرب گاصد ولا هذا مبتغاه
نظر للماي ويهمل دمع من العين
▪️〰▪️〰▪️〰▪️〰▪️〰▪️〰
ترس جوده وسدر راجع للمخيم
سدوا عليه الدرب وصار المحتم
طاحت رايته والجود وللموت سلم
وصاح يحسين بگيت ابلا معين
▪️〰▪️〰▪️〰▪️〰▪️〰▪️〰
صوته وصل لحسين وتحير بأمره
يمشي صوب النهر ومنكسر ظهره
ينادي يحزام الظهر ويهمل العبره
طاح سور الخيم بطيحة الچفين
تمت بعون الله تعالى
✍🏻 خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#الانصار
جديد محرم الحرام 1446هجرية قصيدة لأنصار الحسين عليه السلام بعنوان (انصارك للموت)
اسمع يوادي كربله منا هالخطاب
احنا انصار ابو السجاد وما نهاب
من حين حط رحله بوادي كربله
بدت تتجمع انصار ابن عقد الوله
اباب خيمة الحره والمدامع هامله
العهد منعوفكم يابنت داحي الباب
▪️〰▪️〰▪️〰▪️〰▪️〰▪️〰
بصوتهم هذا ضجت نواحي نينوى
شلون زينب تخاف واحنه نشم الهوا
عد امرچ يابت علي انصاركم فدوه
بصرخة عزم كلهم طمنوا ام الحجاب
▪️〰▪️〰▪️〰▪️〰▪️〰▪️〰
بن عوسجه وحبيب وباقي الانصار
بيهم عزم ثابت وماتهمهم الاعمار
نزلوا بوادي المنايا خطفوها الانظار
وفووا لبو السجاد وضحوا بالرقاب
▪️〰▪️〰▪️〰▪️〰▪️〰▪️〰
همهم نصرة المظلوم ابو السجاد
ضحوا بالارواح قربه لرب العباد
احترق گلب الدين لنومتهم بالوهاد
واختلط دمهم بدم حسين عالتراب
▪️〰▪️〰▪️〰▪️〰▪️〰▪️〰
انصار العقيده بيوم عاشر امحرم
انطوا درس للأجيال اتوقع بدم
هو الموت أمر وعالخلايق امحتم
وصاروا قدوه بالتاريخ خيرة الاصحاب
▪️〰▪️〰▪️〰▪️〰▪️〰▪️〰
انثلم دين الله بموتة الاصحاب
وانجرح گلب حسين من المصاب
وابفرد ساعه شافهم فوگ التراب
صفگ بالراح وظل دمعه سچاب
▪️〰▪️〰▪️〰▪️〰▪️〰▪️〰
ناداهم يا صحبتي نومتكم طويله
ونتي اعليكم ما تنوصف ونه ثقيله
لمصابكم حسين التگطع دليله
واعليكم بچى النبي وداحي الباب
تمت بعون الله تعالى
✍🏻 خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#الوصول_الى_كربلاء
جديد محرم الحرام 1446هجرية قصيدة الوصول إلى كربلاء بعنوان (أرض المنيه)
حط رحله حسين ودمع عينه يسيله
ونادى يبوفاضل انصب خيم للعيله
وصّل اراضي كربله ودار الافكار
اهنا تظل عالوطيه الاهل والانصار
اهنا تظل الحرم تهمل دمع الانظار
بين خيل وزلم ومچتوفه العقيله
▪️〰▪️〰▪️〰▪️〰▪️〰▪️〰
يابو فاضل جهزها خيمة الحره
يا عضيدي زينب وديعة الزهره
زينبنا يخويه تدري بيها امخدره
حمول زينب عگبنا ياخويه ثقيله
▪️〰▪️〰▪️〰▪️〰▪️〰▪️〰
اهنا بيوم عاشر تبتدي رحلتها
عگب ما بعينها تشوف ذبح اخوتها
تبدي رحلة مآسيها وعجفه ناگتها
ورحلة مآسي بدون الكافل طويله
▪️〰▪️〰▪️〰▪️〰▪️〰▪️〰
انصب خيمنا وأنا خل انظر ابهالدرب
اشيل كل عثره بيه ودموعي تصب
باچر من يحرگون الخيم ونارها تشب
تتفرهد عيالي يخويه والمدمع تسيله
▪️〰▪️〰▪️〰▪️〰▪️〰▪️〰
تعال يخويه وياي اسولف وياك
اهنا احط الشباب وتشوف عيناك
وهناك ظهري ينكسر بگطعة يمناك
واخوك يرد للخيام ومنهدم حيله
▪️〰▪️〰▪️〰▪️〰▪️〰▪️〰
واهنا يخويه بسهم عبدالله ينذبح
ودمه بيد أهل الكفر اشوفه ينسفح
وسهم المثلث الگلب اخوك يستبح
ومن الظهر ياخويه بيدي اشيله
تمت بعون الله تعالى
✍🏻 خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#هلال_محرم
جديد محرم الحرام 1446هجرية قصيدة للهلال بعنوان (هلالك دمع)
هل الهلال يابو صالح بالدمع
وگلبك اظنه من هلته منفجع
شكال گلبك من شفته بالسمه
هلال منخسف مصبوغ بالدمه
ون گلبك يمولاي مثل ونة فاطمه
بالمجلس وياها وتسند بالضلع
▪️〰▪️〰▪️〰▪️〰▪️〰▪️〰
عينك تهل دمع تلطم بحسره
تنادي يا عزيز امك الزهره
هلالك بالسمه شفناه عالغبره
مصبوغ بالدمه وجسمك منصرع
▪️〰▪️〰▪️〰▪️〰▪️〰▪️〰
يابو صالح شفت امك تنوح
اوليدي ابهالشهر عالغبره مذبوح
حوله جملة الشبان مطرزه بجروح
واخته تنوح گلبي لفراگه منفجع
▪️〰▪️〰▪️〰▪️〰▪️〰▪️〰
شگال گلبك من شفت الهلال
الهلال بي جدك امگطع الاوصال
يابو صالح طايح فوگ الرمال
ونينه يفت الصخر واگليبه منشلع
▪️〰▪️〰▪️〰▪️〰▪️〰▪️〰
شگال گلبك من عظم المصاب
حنة العريس صارت دمه وتراب
وبخمية الاحزان مطروحه الشباب
وامه امدوهنه تلولي واتهل الدمع
▪️〰▪️〰▪️〰▪️〰▪️〰▪️〰
يابو صالح بده شهر الاحزان
من نظرت هلال جدك عالتربان
مفطور گلبه ظامي الچبد عطشان
بعاشر هالشهر عينك تهل بيا دمع
تمت بعون الله تعالى
✍🏻 خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#يتيمة_الحسين
جديد بمناسبة شهادة يتيمة الحسين عليه السلام رقيه سلام الله عليها قصيدة بعنوان (يتيمه وروعوها)
طفله ويتيمه يا ويلي اضربوها
اعزيزة ابوها وبالراس افجعوها
خلص درب المآسي كله بالخرابه
طفله يتيمه گامت تنادي يبابه
صاحت يعمه والدي طول غيابه
انه العزيزه عمه البحبل چتفوها
▪️〰▪️〰▪️〰▪️〰▪️〰▪️〰
تنادي يعمه والدي هسه اريده
بنومي يعمه شفته روح العقيده
ردت اشكيله الهظم لبن الصميده
لچن حسافه ويلي روحي امردوها
▪️〰▪️〰▪️〰▪️〰▪️〰▪️〰
بعيوني شفته وانشده ياعمه بالي
انظر الراسه يا عمه ودمعي يلالي
من شفته بهذا حاله نسيت الجرالي
شيبة ابويه بالدم ياعمه اخضبوها
▪️〰▪️〰▪️〰▪️〰▪️〰▪️〰
اليتيمه انه عمه المهظومه وحزينه
وطول الدرب اهمل دموعي هتينه
وكلهه اعادي تسير بينه ابهالظعينه
تالي اليتيمه يا ويل بخرابه نوموها
▪️〰▪️〰▪️〰▪️〰▪️〰▪️〰
مشتاگه لابويه عمه وذابحني هجره
يمته يجيني يا عمه وعيني تنظره
عودي ذبل من الهجر واني انطره
بطشت النايبه عمه عيوني عموها
▪️〰▪️〰▪️〰▪️〰▪️〰▪️〰
شبگت الراس وصاحت يغالي وينك
هظموني بويه عگبك يلحزوا وتينك
ردتك يا بويه متني تشوفه عينك
يبويه بكثر السياط ايدي ورموها
▪️〰▪️〰▪️〰▪️〰▪️〰▪️〰
خفى صوت اليتيمه براس ابوها
بموتة رقيه عالراس العيله افجعوها
زينب احتارت باليتيمه يجهزوها
حفروا گبرها بالخرابه ولحدوها
تمت بعون الله تعالى
✍🏻 خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#الامام_السجاد
جديد بمناسبة شهادة الإمام علي ابن الحسين زين العابدين عليه السلام قصيدة بعنوان (دمع العليل)
تقرأ نعي
يا روحي وني اعله العليل
خلص عمره والمدمع يسيل
ما خلص حزنه ودومه ينحب
يذكر گيده ومحنته وي زينب
بحسره ينادي والجمر يلهب
يدرب الشام بيك تهدم الحيل
▪️〰▪️〰▪️〰▪️〰▪️〰▪️〰
لآخر لحظه من حياته ينوح
دوم راس الولي اگباله يلوح
ثقل النبوه بالاسر ويلي يروح
ياطول ذاك الدرب وشامت يعيل
▪️〰▪️〰▪️〰▪️〰▪️〰▪️〰
حط ارحال حزنه علي السجاد
وللگبر وياه شال صورة اجساد
اموذره بسيف الحقد فوگ الوهاد
اگبال عينه حاضره ودمعه يسيل
▪️〰▪️〰▪️〰▪️〰▪️〰▪️〰
لمماته ما يخلص نزف الجراح
ينزف عيون ويل الرافگ الذباح
لو راس الولي اگباله عالرمح لاح
يتفگد ذيچ الايتام الگيدها اثگيل
▪️〰▪️〰▪️〰▪️〰▪️〰▪️〰
ويلي ...ويلي...
للگبر كل الاحزان شال وياه ...آه ...آه ...
شحال اليشاهد عزوته بعيناه...آه...آه...
يعوفها اعله الثره وگيده بيميناه...آه...آه...
والعدو بظعن النبوه يشيل
▪️〰▪️〰▪️〰▪️〰▪️〰▪️〰
ما مل البچي يندب يمظلوم..آه...آه...
عفتك عالثره امغسل بلدموم...آه...آه...
وغصب امشي ابولية القوم...آه...آه...
وحاقد عدونا ودربنا اطويل
تمت بعون الله تعالى
✍🏻 خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#الامام_السجاد
جديد بمناسبة شهادة الإمام علي ابن الحسين زين العابدين عليه السلام قصيدة نخوه بعنوان (خطار عندك)
بالدمع جينه هالليله اندگ اعله بابه
زين العباد وكربله اكبر مصابه
ياعلي جينه ننتحب والمدمع يسيل
نقسم اعليك بمحنتك مولانا العليل
ما تردنا الليله أبد يلگيدك اثگيل
نقسم اعليك بوالدك يومه ومصابه
▪️〰▪️〰▪️〰▪️〰▪️〰▪️〰
يا ابو الباقر ادخيل اسمع ندانه
بسهمه الدهر يمولاي چم رميه رمانه
بينه مرض بينه أسر كلشي دهانه
بحق الذي في كربله حرگوا اطنابه
▪️〰▪️〰▪️〰▪️〰▪️〰▪️〰
يا علي جينه هالليله والدمع هماي
بنحر الرضيع النفطم من دمه مولاي
وسهم المنيه بكربله تگصدله عناي
توجب طلبنه مولاي بالدمه خضابه
▪️〰▪️〰▪️〰▪️〰▪️〰▪️〰
نقسم اعليك بوالدك يوم الدفنته
جسمه امطشر ياعلي بيدك جمعته
بگطعة بواري مولاي ودمعك هملته
يل بيدك ادفنت الولي ولحدته بترابه
▪️〰▪️〰▪️〰▪️〰▪️〰▪️〰
بدمعة رقيه يا علي جينه ننادي
يا ابو الباقر لا اترد هذي الايادي
بالظلوا بحيره علي بذيچ البوادي
من چفك نريد امراد بحق النجابه
▪️〰▪️〰▪️〰▪️〰▪️〰▪️〰
بحق الذي على الرمح رفعوله هامه
وبحسره تنظرله علي عيون اليتامه
نريد الشفاعه يا علي بيوم القيامه
وكلمن والاكم يا علي تيسروا حسابه
تمت بعون الله تعالى
✍🏻 خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#أم_البنين
نخوه لقضاء الحاجات وتعجيل الفرج قصيدة بعنوان (نخوه ياام البنين)
انخاچ نخوه مولاتي يا ام البنين
بحق فاطمه يا فاطمه وابلطمة العين
مولاتي جيتچ انتحب حيلي تهدم
بحقها الزچيه فاطمه الخدها تورم
تخلصي محبچ مولاتي من الحزن والهم
لا يظل حاير بأمره ويصفگ بالادين
▪️〰▪️〰▪️〰▪️〰▪️〰▪️〰
انخاچ يم الاربعه بحق الصميده
نظره الهالمجلس مولاتي هذا النريده
كل طالب حاجه مولاتي تنطينه بيده
بصبر الوصي وابمحنته ومدامع العين
▪️〰▪️〰▪️〰▪️〰▪️〰▪️〰
اقسم اعليچ بفاطمه وابكسر الضلوع
أبداً لا تردي گاصدچ مولاتي موجوع
گلبي بونينه ينتحب من دم الدموع
عطني امرادي مولاتي يلدمعچ صوبين
▪️〰▪️〰▪️〰▪️〰▪️〰▪️〰
اقسم اعليچ بكربله ومصاب عاشور
باللي رجع من النهر والظهر مكسور
يهمل دمعته مولاتي لحماي الخدور
بصبره ودمعته مولاتي تفكي المساجين
▪️〰▪️〰▪️〰▪️〰▪️〰▪️〰
انشدچ مولاتي جيت وابنحر الرضيع
اللي انفطم في كربله من دم النجيع
وضاق لمصابه مولاتي هالكون الوسيع
تفرجي الكرب يا مولاتي يا ام البنين
▪️〰▪️〰▪️〰▪️〰▪️〰▪️〰
يم البنين الاربعه بحق العقيله
يوم الوگفت على التل المدمع تسيله
تنادي يخويه يحسين فرهدوا العيله
حرگوا خيمنا خويه الحگنا يلحسين
▪️〰▪️〰▪️〰▪️〰▪️〰▪️〰
مولاتي اقسم اعليچ بعباس الكفيل
باللي نادته زينب من هجمت الخيل
بالخيم ما بقى خويه بس نسه واعليل
وما درت عالنهر نايم مگطوع الكفين
▪️〰▪️〰▪️〰▪️〰▪️〰▪️〰
مولاتي ادعي مولاتي يعجل بالظهور
دنيانا امتلت مولاتي بالظلم والجور
بحق الذي في كربله قدم هالنحور
واتغسل من دم منحره محزوز الوتين
تمت بعون الله تعالى
✍🏻 خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#دفن_الاجساد
جديد محرم الحرام 1446هجرية قصيدة لدفن الاجساد الزواكي في كربلاء بعنوان (قاصد تعنيت)
راد علي السجاد يدفن الاجساد
شاف لن الزهره امه بالغاضريه
من الكوفه گاصد زين العباد الكربله
رايد يدفن الاجساد البالدماء امغسله
شاف لن الزهره امه والدمعه هامله
نادى يا زهره جسوم اهلنه بالفله
من اليسر جيت گاصد تعنيت
ارد اواري جسوم اهلنه آ يالزچيه
▪️〰▪️〰▪️〰▪️〰▪️〰▪️〰
جسوم كلها ابليه رووس ويلي عليها
اشلون يا علي تعرفهم وزايد بچيها
گلها اعرفهم يزهره من الجروح البيها
كل جرح تارك علامه يايمه فيها
تعرفها روحي ساكنه جروحي
كل جرح بيهم يايمه اثاره بيه
▪️〰▪️〰▪️〰▪️〰▪️〰▪️〰
هاي جثة المظلوم حسين يزهره
اعرفها يايمه بتسعميه وألف طبره
هذا العزيز حسين واعضاه مطشره
ابواري لميت الجسم ونزلته بگبره
عضيدي يمه خليته عد جدمه
وعبدالله فوگ الصدر ياعظم الرزيه
▪️〰▪️〰▪️〰▪️〰▪️〰▪️〰
يفتر علي السجاد ما بين الجسوم
جهز أكبور الاحبه واگليبه مالوم
بحفره نزل الانصار وعزوة المظلوم
وهال التراب ويلي والدمع مسجوم
نصروا الدين ضحوا للحسين
وبكربله تقدموا للباري هديه
▪️〰▪️〰▪️〰▪️〰▪️〰▪️〰
وباقي جثه اعله النهر ظلت يزهره
لو تشوفينه يا فاطم گلبچ يكسره
عضيد حسين يازهره وكافل الحره
على الشاطي گطعوله اليمنه واليسره
بموته يزهره اخذونا اسرى
وعلى الشاطي بقى جثه رميه
▪️〰▪️〰▪️〰▪️〰▪️〰▪️〰
بطيحة العباس يمه تهدمت الصروح
تعالي ويايه يمه نگصدله ونروح
ندفن عضيد حسين يامهجة الروح
وللكوفه ارجع يا زهره انه بالجروح
تعالي وياي نگصد الوفاي
على الشاطي ادفنه بثنين اديه
تمت بعون الله تعالى
✍🏻 خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#الزهراء_والحسين
جديد محرم الحرام 1446هجرية قصيدة لحضور الزهراء عليها السلام مصرع ولدها الإمام الحسين عليه السلام بعنوان (جروحي غزيره)
انه الزهره اجيتك يحسين مگطع لگيتك
فجعني الدهر يحسين
شفتك محزوز الوتين
هاي انه الزهره يمه شفتك مرمي عالغبره
لچمني الجرح يحسين يمه ناديت بحسره
جسمك شفته آيبني والطبره فوگ الطبره
بيه ما ظل إحساس والطمت فوك العصره
جسمك موذر شفته وجهي يمه لطمته
فجعني الدهر يحسين
شفتك محزوز الوتين
▪️〰▪️〰▪️〰▪️〰▪️〰▪️〰
حايره يحسين بأمرك يا جرح الاشدنه
جرح فوگ الجرح والمثلث مگدر اشوفنه
وخنصر ايدك يلمذبوح وين انه دورنه
يا يمه جسمك موذر ومحزوز النحر لنه
حرت اشلون المك من حيرتي احشمك
فجعني الدهر يحسين
شفتك محزوز الوتين
▪️〰▪️〰▪️〰▪️〰▪️〰▪️〰
نسيته الكسر من شفته سحگ الضلوع
گمت الطم صدري يمه وهليت الدموع
وجدك نزل ويايه واگليبه يمه مفجوع
بصوته يناديني ما خلص حرگ الجذوع
موتك ينبي هظمنا لجلك يهل دمعنا
فجعني الدهر يحسين
شفتك محزوز الوتين
▪️〰▪️〰▪️〰▪️〰▪️〰▪️〰
چم ضلع ليك انسحگ وشيوجعك خبرني
خرز ظهرك يوليدي لو صدرك الشعبني
جسمك مرضرض يمه ياعقلي انذهل مني
خيل السحگت جسمك بحوافرها رضني
رضت يمه صدري وعادت علي كسري
فجعني الدهر يحسين
شفتك محزوز الوتين
▪️〰▪️〰▪️〰▪️〰▪️〰▪️〰
حر الشمس غير ارسومك يا مهجتي
من شفتك طايح عالثرى زادت لوعتي
وراسك على الرمح شفته هظمها ارويحتي
ومع ابنياتك باليسر يمه بدت رحلتي
امشي يمه بالدرب جروحي عليهم تلهب
فجعني الدهر يحسين
شفتك محزوز الوتين
تمت بعون الله تعالى
✍🏻 خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
يلتنشد على الطفوف ما تندل دربها امنين
اگصد گلبي واتشوف ضريح امشيده لحسين
تعال اگصدني يلتنشد دمع عيني بيه تشوف
تلگى بالدمع مرسوم جسم امگطع بلسيوف
وتلگى اعله صحن خدي رايه وحاضنه الچفوف
وتلگى جاسم العريس من حوله السهام تطوف
وشبه المصطفى تشوفه وظهرك ينجسم نصين
#عظم_الله_اجوركم
تمت بعون الله تعالى
خادمة الزهراء // ليلى زغيب
#عبدالله_الرضيع
جديد محرم الحرام 1446هجرية قصيدة بعنوان (بحضني انذبح)
يزينب عبدالله انذبح وابين اديه
من شبح عينه يا زينب ينظر اليه
هذا الطفل يزينب اخذيه مني
ما ارتوى من الماي والله هظمني
طوگوا نحره بسهم تالي شبگني
يازينب عبدالله انذبح مامن جنيه
▪️〰▪️〰▪️〰▪️〰▪️〰▪️〰
كل الي راده يشرب يازينب الماي
سهم المنيه يا خويه لرگبته عناي
عصدري جبته مذبوح تفتت حشاي
ضمي الطفل يخويه عن امه ورقيه
▪️〰▪️〰▪️〰▪️〰▪️〰▪️〰
گلب امه ينشعب ويل لمن تنظره
تشوفه والسهم خويه طوگله نحره
لمن تشوفه خويه الگلب شيصبره
محزوز نحره وتنادي وشهالرزيه
▪️〰▪️〰▪️〰▪️〰▪️〰▪️〰
كل الرجا چان يرتوي من اظماه
يبرد غليله زينب ويبلل احشاه
ما أجه اعله البال الملايك تنعاه
واسمع نحيب الزهره بالسبع العليه
▪️〰▪️〰▪️〰▪️〰▪️〰▪️〰
ما رفت عيونه من السهم صابه
يزينب عبدالله يفجع مصابه
دمه يخويه للطفل غرگ اثيابه
لمصيبة الطفل خويه الونه شجيه
▪️〰▪️〰▪️〰▪️〰▪️〰▪️〰
بعيوني يا زينب من شفته نحره
بچفوفي دمه خويه گمت انظره
گلبي يازينب خويه الله اليصبره
نام الطفل يخويه بسهم المنيه
تمت بعون الله تعالى
✍🏻 خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#علي_الاكبر
جديد محرم الحرام 1446هجرية قصيدة بعنوان (جرحك بقلبي)
يا شبيه المصطفى رحت من ادينه
ومثل جسمك ياعلي اگليبي موذرينه
يا علي الاكبر يا بويه اگليبي تگطع
من رحت انه لمصرعك شفتك امبضع
على الدنيه العفه صحت اهمل المدمع
امگطع الأوصال آه يلتشبه نبينه
▪️〰▪️〰▪️〰▪️〰▪️〰▪️〰
يا علي اگبالي يبويه بالخيمه نايم
وليله تلطم ياالولد مدمعها ساجم
وسكنه ورقيه كلمن عالوجه لاطم
وينادوا علي الاكبر راح امن ادينه
▪️〰▪️〰▪️〰▪️〰▪️〰▪️〰
گعدنا انه وعمتك يوليدي ننحب
جمرة احشانا يا علي بالحزن تلهب
جسمك امطبر يلولد بالثرى امترب
والزهره ويانه علي وتسمع بچينه
▪️〰▪️〰▪️〰▪️〰▪️〰▪️〰
حضرت الزهره ياعلي ويانه وتنوح
من الطبر يوليدي ما تحصي الجروح
ساعه تنادي ياعلي ساعه يامذبوح
تنظر الجسمك يلولد المگطعينه
▪️〰▪️〰▪️〰▪️〰▪️〰▪️〰
اسمع الصرخه ياعلي الزهره اجتك
وي زينب عمتك تنحب تنظر لجثتك
وليله يا علي ابلا شعور بالصدر ضمتك
تنادي يا زهره يا جرح واتضمدينه
▪️〰▪️〰▪️〰▪️〰▪️〰▪️〰
يا علي الاكبر بويه مصابك ذبحني
بوجهك چنت انظر الهادي والله يبني
چن الخيل قبل الخيل بموتك سحگني
وجسمي ياعلي شفته عالغبره امطشرينه
▪️〰▪️〰▪️〰▪️〰▪️〰▪️〰
نظرته جسمك ياعلي امگطع بالسيوف
حيلي تهدم ياالولد واصفگ بالچفوف
من عيني يبني الدمع من دمِ مذروف
بالحسره والاه وحزن يالاكبر صفينه
تمت بعون الله تعالى
✍🏻 خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#القاسم_ابن_الحسن
جديد محرم الحرام 1446هجرية قصيدة بعنوان (طفوا شمعتك)
شمعة شبابك يلولد يمه طفوها
وسنين عمري عگبك مني خذوها
جسام يا ضنوة هلي بيك افجعوني
في كربله يا جاسم عميت عيوني
من نمت فوگ الترب يمه ولوني
ومن الفرح امك يلولد حرموها
▪️〰▪️〰▪️〰▪️〰▪️〰▪️〰
اگعد يجاسم يلولد لملم اجروحي
عيني طفاها الدمع من كثر نوحي
جاسم ييمه ابموتك خذتلي روحي
شلي بحياتي يلولد وروحي ذبحوها
▪️〰▪️〰▪️〰▪️〰▪️〰▪️〰
ريتك تعاين حالتي جاسم يغالي
لمن نظرتك يا يمه اموسد اگبالي
بالحزن روحي ناحت دمعي يلالي
من فرگتك يبن الحسن امك سبوها
▪️〰▪️〰▪️〰▪️〰▪️〰▪️〰
عمر الورد جسام شو سابح بدمك
طولك سباني يمه واشلون اضمك
دمك الحنه جاسم فجعوهه امك
جاسم ييمه اعليك چبدي امردوها
▪️〰▪️〰▪️〰▪️〰▪️〰▪️〰
اگعد يجاسم يايمه شاهد دمعتي
هاي العده يبن الحسن زادت لَوعتي
مروا براسك عالرمح ذابت مهجتي
تاليها ياريع العمر ايدي چتفوها
▪️〰▪️〰▪️〰▪️〰▪️〰▪️〰
گطعوا گلبي اعليك روحي امرودها
وي عمتك نفس الحبل ايدي چتفوها
اعزيزة ابوها يمه بالسوط اضربوها
ومن كربله الى الشام بشتم خذوها
تمت بعون الله تعالى
✍🏻 خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#العباس
جديد محرم الحرام 1446هجرية قصيدة لسان حال بين الحسين عليه السلام وزينب بعد مصرع العباس بعنوان (راح اخونا)
رجع ابو السجاد يمهل دمع عينه
ينادي يزينب راح حماي الظعينه
وصل ليها يكفكف دموعه ويصيح
راح عباس المشكر واگليبي جريح
ضاگ بعيوني يزنيب الكون الفسيح
ناداها بحزن يختي ويخفي ونينه
▪️〰▪️〰▪️〰▪️〰▪️〰▪️〰
نادى يخويه اتحزمي بصبرچ يزينب
طاح كافلچ عالنهر ونار گلبي تلهب
دمعي يحفر بگلبي يافراگه الصعب
وامصايب عگب عباس لا بد تجينه
▪️〰▪️〰▪️〰▪️〰▪️〰▪️〰
گللها يخويه لو تشوفينه للكفيل
السهم طافي عيونه ودمه يسيل
رايته وجوده بكتره يگطع الدليل
وراسه بعمد مصيوب وامگطعه چفينه
▪️〰▪️〰▪️〰▪️〰▪️〰▪️〰
لن زينب صاحت بصوت العويل
صدگ يحسين راح عباس الكفيل
يعني حمل زينب ياخوها ثقيل
شخبر بنتك رقيه والعزبزه اسكينه
▪️〰▪️〰▪️〰▪️〰▪️〰▪️〰
بناتك خويه ترتجي يوصل الماي
شگلهم يحسين راح الكافل يرجواي
اعله النهر هم گطعوا چفوفه يمولاي
اگلهم حامي الخدر طاح واموذرينه
▪️〰▪️〰▪️〰▪️〰▪️〰▪️〰
يبن امي گلبي تگطع امن المصيبه
طاح سورنا يحسين اعله التريبه
وانته عگب ساعه جثه وسليبه
وانه وايتامك يبو اليمه امچتفينه
تمت بعون الله تعالى
✍🏻 خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
❉❉❉❉❉❉❉﷽❉❉❉❉❉❉❉
لسـتة #دعم_المهدوي 🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ2 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 100 عضو فما فوق
━━━━━━━━━━━━━━━
للإشـــتِـراك 👇🏻.
إرفع البوت ادمِن بقناتك : @Hashed5611_bot
وإرسل قناتك هُنا 👈 : @sayaddd
للمحظورين 👈 : @Alsayad123_bot
------------------------------------------------------
قناة الدعم 👈👈👈
https://t.me/joinchat/AAAAAFLKOx5nRih2adM0UA
#مسلم_بن_عقيل
جديد محرم الحرام 1446هجرية قصيدة بعنوان (ميت غريب)
مسلم قضى وين اهله وعزوته
اوين ابن عمه ويشوفه بغربته
وين عنه حسين يجيه ابهالساع
مسلم وحيد وما بگت وياه اتباع
من غدرة الكوفه حناها الاضلاع
وصفگ راح براح وهلت عبرته
▪️〰▪️〰▪️〰▪️〰▪️〰▪️〰
بمسلم غدرت الكوفه يا مسلمين
وحيد ظل يندب لا تجي يحسين
عصف بيه يحسين عاصف البين
وتفجع يا خلگ مسلم حالته
▪️〰▪️〰▪️〰▪️〰▪️〰▪️〰
خانت عهدها الكوفه والغدر بان
مثل ما غدرت بحيدر قبل كوفان
مسلم وحيد ما يمه أهل واخوان
ومن عالي القصر ويل ذبوا جثته
▪️〰▪️〰▪️〰▪️〰▪️〰▪️〰
مسلم من القصر بالحقد ذبوه
رضوا اعظامه وبالسوق سحبوه
تفجع حالته ميت وهم يجروه
غدر كوفان للحشر تبقى حسرته
▪️〰▪️〰▪️〰▪️〰▪️〰▪️〰
ساعد الله حسين من سمع الخبر
نادى على اخته وعباس الگمر
غدروا بمسلم وذبوه من القصر
وگلبي يخواني اتفطر على ابنيته
▪️〰▪️〰▪️〰▪️〰▪️〰▪️〰
نشد وين بت مسلم يزينب
وهل دمعة العين وناره تلهب
جيبيها يخويه وخل ليه تقرب
شافها ومسح فوگ الراس وضمته
▪️〰▪️〰▪️〰▪️〰▪️〰▪️〰
گتله يعمي چنك تفاول بالمنيه
گلبي لچمني وغايب الوالي عليه
شالخبر جاك عن مسلم يا شفيه
گلها ذبوه من القصر وزادت لوعته
تمت بعون الله تعالى
✍🏻 خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#خروج_الحسين
جديد محرم الحرام 1446هجرية قصيدة بعنوان (حمل ظعونه)
طلع من المدينه حسين بهيبه طلعته
من ودع گبر جده عالگبر هلت دمعته
حمل ظعون الاحبه وسار بليل الطويل
نادى على اولاده ووجه نظر للكفيل
وگله خويه گوم لازم نطلع بهدوة الليل
عينك على زينب وبگلبه خافي ونته
▪️〰▪️〰▪️〰▪️〰▪️〰▪️〰
سار بظعونه وياه كل ضيغم وجيدوم
يحرسون القافله بدر وامحاوطه نجوم
عباس گايد ناقة الحره وعينه عالمظلوم
كل ساع ويطمن اگليبه على زينب خيته
▪️〰▪️〰▪️〰▪️〰▪️〰▪️〰
حيود هاشم امحاوطه ظعن العقيله
وهي كل ساع تدعي والمدمع تسيله
يا رب تخلي گمر هاشم كافل العيله
ولا تگطع دليلي بگطعة چفوفه وطيحته
▪️〰▪️〰▪️〰▪️〰▪️〰▪️〰
زينب بهودجها وتدير العين على اخوتها
على ايسارها عباس واگف وحسين يمنتها
واعلام هاشم بكل جهه ترف فوگ ناگتها
وسيوف العز والكرامه ظعن زينب حاطته
▪️〰▪️〰▪️〰▪️〰▪️〰▪️〰
بذاك الدرب عباس عيونه حرس ظلت
ولو نسمة هوا سارت واعله الظعن مرت
تجدح عيون عباس والغيره بعزم طلت
وزينب تراقب اخوها وبيده رايته
تمت بعون الله تعالى
✍🏻 خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#خروج_الحسين
جديد محرم الحرام 1446 هجرية قصيدة لأم البنين والعليله بعنوان (يا دار الاهل)
نحل جسمي يا خلگ وذاب الفاد
من فارگ دياره الغالي ابو السجاد
بداري ظليت انتحب واهمل دموع
وياي العليله تنادي بگلب مفجوع
تگول ما ظنتي الغادر اله رجوع
اظن حسين ابويه ما يرجع للبلاد
▪️〰▪️〰▪️〰▪️〰▪️〰▪️〰
ظلمه ديار الاحباب عگب الحسين
حمل ظعونه وگمت اصفگ بالادين
سافر حسين وأخذ كل المحبين
وانه بالدار انتحب والدمع بداد
▪️〰▪️〰▪️〰▪️〰▪️〰▪️〰
كل حياطين البيت سمعت بواچيه
اردد اسمك يا حسين وترد عليه
بدمعي اداوي جروحي يبن الزچيه
وگلبي يعتصر كل ما دگ بابنا وفاد
▪️〰▪️〰▪️〰▪️〰▪️〰▪️〰
كل ما تشوف عيوني بنته العليله
أموت من الحزن لو مدمعها تسيله
تنادي بحزن وين أخوتي والعيله
مرمرني نداء ابنيتك يابو السجاد
▪️〰▪️〰▪️〰▪️〰▪️〰▪️〰
من حجره لحجره تنادي يا هلي
وين عبدالله وعباس والاكبر علي
دمعي لفراگ الاحبهم دم يهلي
چن اشوف بكربله تگطيع الاجساد
تمت بعون الله تعالى
✍🏻 خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin