4059
الحجاب انهتك بالباب ومال العرش بالسطره واتخلخل نظام الكون من كسروا ضلع بالزهره اين الطالب بذحول الانبياء وابناء الانبياء
❉❉❉❉❉❉❉﷽❉❉❉❉❉❉❉
لسـتة #دعم_المهدوي 🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ2 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 100 عضو فما فوق
━━━━━━━━━━━━━━━
للإشـــتِـراك 👇🏻.
إرفع البوت ادمِن بقناتك : @Hashed5611_bot
وإرسل قناتك هُنا 👈 : @sayaddd
للمحظورين 👈 : @Alsayad123_bot
------------------------------------------------------
قناة الدعم 👈👈👈
https://t.me/joinchat/AAAAAFLKOx5nRih2adM0UA
#الامام_العسكري
جديد بمناسبة شهادة الامام الحسن العسكري عليه السلام قصيدة بعنوان (رحل والد الحجه)
نوحي يزهره على والد الحجه المسموم
قضى نحبه يويلي وخلى كل گلب مالوم
اليوم العزه بسامره حضرت فاطمه الزهره
تلطم عالضلع وتنوح ومن دم تهمل العبره
تنادي يبو محمد يايمه جددوا للضلع كسره
چبدك المسموم يايمه حرك جرحي الملچوم
▪️〰▪️〰▪️〰▪️〰▪️〰▪️〰▪️〰
جرحي انفتح بمصابك يابو المهدي يايمه
چبدك فره چبدي وخلى الگلب يغرگ بهمه
بمصابك تبدي غيبة ابنك وجرح فگدك يلچمه
رحيلك يالعسكري خلى الدمع يجري دموم
▪️〰▪️〰▪️〰▪️〰▪️〰▪️〰▪️〰
كل يوم الدهر بسهامه يرمي ضلعي المكسور
يلچم جرحي كل ساع بين مسموم ومنحور
واليوم چبدك يالحسن جيتك والگلب مفطور
روحي من الحزن ذابت واتنفس الم وهموم
▪️〰▪️〰▪️〰▪️〰▪️〰▪️〰▪️〰
على مصابك يالعسكري المهدي يون وينوح
فگدك شعب دلاله يمه وذابت عليك الروح
اجيت امن المدينه اواسي گلبه المجروح
يعين الله گلب ابني المهدي على مصابه اليوم
▪️〰▪️〰▪️〰▪️〰▪️〰▪️〰▪️〰
كل يوم الدهر فاجعني على واحد من اولادي
سم وذبح يا ناس واليوم العسكري ابن الهادي
بسامره غريب الدار سمموا چبده الاعادي
وبدت غيبة يوسفي وعيوني تهل دموم
▪️〰▪️〰▪️〰▪️〰▪️〰▪️〰▪️〰
يا دهر وشمالك معاي كل يوم الضلع ملچوم
ما ساعه گلبي ارتاح شايل على ولادي هموم
كل مصايبي تهونها مصيبة حسين المظلوم
بكربله سحگت عليه الخيل مسلوب الهدوم
تمت بعون الله تعالى
✍🏻 خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#النبي_الاكرم
جديد بمناسبة شهادة نبي الرحمه ورسول الإنسانية محمد بن عبد الله صلى الله عليه وآله وسلم مقطوعة بعنوان (ماذا جرى)
لما صوت حزن الكائنات مرتفع
ماذا جرى وما كل هذه الادمع
وذا جبريل ما بين الأرض والسما
واقف وبوجد عظيم متلفع
وافواج الملائك فوق يثرب تهبط
وعويل لها باد والخلائق تسمع
فوق بيت المصطفى تلطم
تواسي البضعة فالأمر حقا مفجع
رحل خير الورى والدها العظيم
ولفقده قلب فاطم حزنا يتقطع
وبان اليتم على وجه سبطيه
ويا ساعد الله قلب وصيه الانزع
يرى الزهراء وقد ذبل عودها
وقبل الكسر بدت محنية اضلع
وبدت أمام عينه مصائب بيته
فذا كسر وطبر وسم ومصرع
تمت بعون الله تعالى
✍🏻 خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#النبي_الاكرم
جديد بمناسبة شهادة نبي الرحمه ورسول الإنسانية محمد بن عبدالله صلى الله عليه وآله وسلم قصيدة بعنوان (موتك فجعنا)
تيتم الدين لموتك يارسول الله الأمين
وعلى فگدك الكون ينحب ويهمل العين
ارتفع الصياح بالمدينه فارگها الرسول
وحيدر علي محزون ويواسي البتول
مفارگ نبي الرحمه ومن دمه دمعه همول
مباشر بتغسيله ويون ونة الفاگد امعين
▪️〰▪️〰▪️〰▪️〰▪️〰▪️〰▪️〰
راح النبي وحل ظلام اعله المدينه
حسن وحسين يبچون وامهم حزينه
وحيدر يويل من نار الفگد الله يعينه
يناظر البنت النبي ويصفگ الچفين
▪️〰▪️〰▪️〰▪️〰▪️〰▪️〰▪️〰
مات الچان قبل جبرائيل ينزل بداره
وانگطع حبل الوحي والدمع يتجاره
ومن الحزن حيدر يصفگ يمينه بيساره
و الزهره تصيح ياجد الحسن وحسين
▪️〰▪️〰▪️〰▪️〰▪️〰▪️〰▪️〰
تلطم الزهره الهام والدمعه جريه
تنادي راح يا علي النبي خير البريه
شنشوف عگبه يا علي امن الرعيه
ترد جاهليه ويصبح غريب الدين
▪️〰▪️〰▪️〰▪️〰▪️〰▪️〰▪️〰
تگله ياعلي والدي لا تستعجل بدفنه
ارد اشوفه للنبي واشبع وداع منه
يا علي من عگب عينه امته تهظمنه
وعلينه تجور هالامه يا أمير المؤمنين
▪️〰▪️〰▪️〰▪️〰▪️〰▪️〰▪️〰
خلي الحسن وحسين يشبعون اوداع
فگد النبي عليهم ياعلي يغير الأوضاع
شوف اولادي يابالحسن محنيه الاضلاع
ومن البچي ياعلي منهم مجرحه الجفنين
تمت بعون الله تعالى
✍🏻 خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
زيارة الأربعين
ما رواه الشيخ في التهذيب والمصباح عن صفوان الجمَّال قال : قال لي مولاي الصادق صلوات الله عليه في زيارة الأربعين : تزور عند ارتفاع النهار وتقول :
السَّلامُ عَلَىٰ وَلِيِّ اللهِ وَحَبِيبِهِ ، السَّلامُ عَلَىٰ خَلِيلِ اللهِ وَنَجِيبِهِ ، السَّلامُ عَلَىٰ صَفِيِّ اللهِ وَابْنِ صَفِيِّهِ ، السَّلامُ عَلَى الْحُسَيْنِ الْمَظْلُومِ الشَّهِيدِ ، السَّلامُ عَلَىٰ أَسِيرِ الْكُرُباتِ وَقَتِيلِ الْعَبَرَاتِ ، اللّٰهُمَّ إِنِّي أَشْهَدُ أَنَّهُ وَلِيُّكَ وَابْنُ وَلِيِّكَ ، وَصَفِيُّكَ وَابْنُ صَفِيِّكَ ، الْفَائِزُ بِكَرَامَتِكَ ، أَكْرَمْتَهُ بِالشَّهَادَةِ ، وَحَبَوْتَهُ بِالسَّعَادَهِ ، وَاجْتَبَيْتَهُ بِطِيبِ الْوِلادَةِ ، وَجَعَلْتَهُ سَيِّداً مِنَ السَّادَةِ ، وَقَائِداً مِنَ الْقَادَةِ ، وَذَائِداً مِنَ الذَّادَةِ ، وَأَعْطَيْتَهُ مَوَارِيثَ الْأَنْبِيَاءِ ، وَجَعَلْتَهُ حُجَّةً عَلَىٰ خَلْقِكَ مِنَ الْأَوْصِيَاءِ ، فَأَعْذَرَ فِي الدُّعَاءِ ، وَمَنَحَ النُّصْحَ ، وَبَذَلَ مُهْجَتَهُ فِيكَ لِيَسْتَنْقِذَ عِبَادَكَ مِنَ الْجَهَالَةِ ، وَحَيْرَةِ الضَّلالَةِ ، وَقَدْ تَوَازَرَ عَلَيْهِ مَنْ غَرَّتْهُ الدُّنْيا ، وَبَاعَ حَظَّهُ بِالْأَرْذَلِ الْأَدْنىٰ ، وَشَرَىٰ آخِرَتَهُ بِالثَّمَنِ الْأَوْكَسِ ، وَتَغَطْرَسَ وَتَرَدَّىٰ فِي هَوَاهُ ، وَأَسْخَطَكَ وَأَسْخَطَ نَبِيَّكَ ، وَأَطَاعَ مِنْ عِبادِكَ أَهْلَ الشِّقاقِ وَالنِّفاقِ ، وَحَمَلَةَ الْأَوْزارِ ، الْمُسْتَوْجِبِينَ النَّارَ (۱) ، فَجاهَدَهُمْ فِيكَ صابِراً مُحْتَسِباً حَتَّىٰ سُفِكَ فِي طَاعَتِكَ دَمُهُ وَاسْتُبِيحَ حَرِيمُهُ . اللّٰهُمَّ فَالْعَنْهُمْ لَعْناً وَبِيلاً ، وَعَذِّبْهُمْ عَذاباً أَلِيماً . السَّلامُ عَلَيْكَ يَابْنَ رَسُولِ اللهِ ، السَّلامُ عَلَيْكَ يَابْنَ سَيِّدِ الْأَوْصِياءِ ، أَشْهَدُ أَنَّكَ أَمِينُ اللهِ وَابْنُ أَمِينِهِ ، عِشْتَ سَعِيداً ، وَمَضَيْتَ حَمِيداً ، وَمُتَّ فَقِيداً ، مَظْلُوماً شَهِيداً ، وَأَشْهَدُ أَنَّ اللهَ مُنْجِزٌ مَا وَعَدَكَ ، وَمُهْلِكٌ مَنْ خَذَلَكَ ، وَمُعَذِّبٌ مَنْ قَتَلَكَ ، وَأَشْهَدُ أَنَّكَ وَفَيْتَ بِعَهْدِ اللهِ وَجاهَدْتَ فِي سَبِيلِهِ حَتّىٰ أَتَاكَ الْيَقِينُ ، فَلَعَنَ اللهُ مَنْ قَتَلَكَ ، وَلَعَنَ اللهُ مَنْ ظَلَمَكَ ، وَلَعَنَ اللهُ أُمَّةً سَمِعَتْ بِذٰلِكَ& فَرَضِيَتْ بِهِ . اللّٰهُمَّ إِنِّي أُشْهِدُكَ أَنِّي وَلِيٌّ لِمَنْ والاهُ ، وَعَدُوٌّ لِمَنْ عاداهُ ، بِأَبِي أَنْتَ وَأُمِّي يَابْنَ رَسُولِ اللهِ ، أَشْهَدُ أَنَّكَ كُنْتَ نُوراً فِي الْأَصْلابِ الشَّامِخَةِ ، وَالْأَرْحامِ الْمُطَهَّرَةِ (۲) ، لَمْ تُنَجِّسْكَ الْجاهِلِيَّةُ بِأَنْجاسِها ، وَلَمْ تُلْبِسْكَ الْمُدْلَهِمَّاتُ مِنْ ثِيابِها ، وَأَشْهَدُ أَنَّكَ مِنْ دَعائِمِ الدِّينِ ، وَأَرْكانِ الْمُسْلِمِينَ ، وَمَعْقِلِ الْمُؤْمِنِينَ ، وَأَشْهَدُ أَنَّكَ الْإِمامُ الْبَرُّ التَّقِيُّ الرَّضِيُّ الزَّكِيُّ الْهادِي الْمَهْدِيُّ ، وَأَشْهَدُ أَنَّ الْأَئِمَّةَ مِنْ وُلْدِكَ كَلِمَةُ التَّقْوىٰ ، وَأَعْلامُ الْهُدىٰ ، وَالْعُرْوَةُ الْوُثْقىٰ ، وَالْحُجَّةُ عَلَىٰ أَهْلِ الدُّنْيا ، وَأَشْهَدُ أَنِّي بِكُمْ مُؤْمِنٌ ، وَبِإِيابِكُمْ مُوقِنٌ ، بِشَرايِعِ دِينِي ، وَخَواتِيمِ عَمَلِي ، وَقَلْبِي لِقَلْبِكُمْ سِلْمٌ ، وَأَمْرِي لِأَمْرِكُمْ مُتَّبِعٌ ، وَنُصْرَتِي لَكُمْ مُعَدَّةٌ حَتَّىٰ يَأْذَنَ اللهُ لَكُمْ ، فَمَعَكُمْ مَعَكُمْ لَاٰ مَعَ عَدُّوِكُمْ ، صَلَواتُ اللهِ عَلَيْكُمْ ، وَعَلَىٰ أَرْواحِكُمْ وَأَجْسادِكُمْ (۳) ، وَشاهِدِكُمْ وَغَائِبِكُمْ ، وَظَاهِرِكُمْ وَبَاطِنِكُمْ ، آمِينَ رَبَّ الْعالَمِينَ . ثم تصلّي ركعتين وتدعو بما أحببت وترجع .
#الاربعين
جديد بمناسبة اربعين الامام الحسين عليه السلام وعودة الركب الحسيني قصيدة بعنوان (رد ظعن الاهل)
رديت الك يحسين القلب يسعر لهيبه
يل عفتك على التربان وجثتك سليبه
رديت الك يبن امي وجبت الظعن وياي
روحي من الحزن يحسين تفارگ عضاي
شخبرك عن درب اليسر واشماتة اعداي
اتشفى العدو يحسين برسول الله وحبيبه
▪️〰▪️〰▪️〰▪️〰▪️〰▪️〰▪️〰
يخويه اگعد ينور العين واسمع اخباري
الدمع كله ما يطفي لهب صدري وناري
شسولفلك يبن داحي الباب عن اصغاري
بدرب اليسر ما جفت مدامعها سچيبه
▪️〰▪️〰▪️〰▪️〰▪️〰▪️〰▪️〰
اجيت يبن امي گلبي شايل هموم
طول الدرب راسك گبالي يمظلوم
تصد عيني بعينك ودمعتي دموم
اختك يبعد اختك جرح وامضيع طبيبه
▪️〰▪️〰▪️〰▪️〰▪️〰▪️〰▪️〰
اريد أنشد آه يخويه عن جروحك
وعن سهم المثلث العذبها روحك
وانشد عن امي اجت بغيابي تنوحك
ويا ضلع لطمته الزهره من المصيبه
▪️〰▪️〰▪️〰▪️〰▪️〰▪️〰▪️〰
آه يحسين خويه يل فگدك هظمني
شگلك يبن امي مو ذباحك شتمني
واليذبح ذبح يحسين بشماته نظرني
يگلي ذبحت اخوانچ وظليتي غريبه
▪️〰▪️〰▪️〰▪️〰▪️〰▪️〰▪️〰
لو تدري درب الشام وشسوى بيه
ويا مرار العشته من ظهر الغاضريه
من عفتك عالغبره يخويه جثه رميه
دگلي من وين الصبر يحسين اجيبه
▪️〰▪️〰▪️〰▪️〰▪️〰▪️〰▪️〰
فك باب الگبر يحسين خل اشوفك
شكثر مشتاگه لك يلما غابت اطيوفك
جينه اليوم خويه واحسبنه ضيوفك
خطار جينه الكربله ياسبط طه وحبيبه
تمت بعون الله تعالى
✍🏻 خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#الامام_الرضا
جديد بمناسبة شهادة الامام علي بن موسى الرضا عليه السلام قصيدة بعنوان (ضامن الدرب وشهيده)
ثامن انوار العقيده وضامن الدرب الصحيح
مسموم چبده يا خلگ والكون لجله يصيح
تعالي للرضا بطوس يا بضعة نبينه
ثامن انوارچ يزهره بدار غربه امسممينه
علي بن موسى يفاطم ياليتچ تنظرينه
يعالج بروحه يزهره على فراشه طريح
▪️〰▪️〰▪️〰▪️〰▪️〰▪️〰▪️〰
كل يوم الچ شادر عزه يالزهره منصوب
في المدينه وكربله وبغداد وطوس هالنوب
ثامن حجه للباري ابنچ الكون لجله مگلوب
مسموم چبده يزهره وگلبه بالهم جريح
▪️〰▪️〰▪️〰▪️〰▪️〰▪️〰▪️〰
زهره ياأم الحسن تعالي يم ضلع مكسور
قصدي الطوس بعجل غاب الچ ثامن نور
طلعت شيعتچ فاطمه تهل الدمع منثور
كلها تلطم عالرضا وتذكر حسين الذبيح
▪️〰▪️〰▪️〰▪️〰▪️〰▪️〰▪️〰
يا هي أعظمها مصيبه اعليچ يالزهره البتول
بين مسموم وذبيح قضوا اولاد طه الرسول
كلهم اولادچ عزاز لچن يبقى الداسته الخيول
ما مثل يوم الشهيد حسين حصل بالكون الفسيح
▪️〰▪️〰▪️〰▪️〰▪️〰▪️〰▪️〰
سهام صابت اگليبچ يازهره وكلها اليمه
اطشروا اولادچ بعيد ومصايبهم عظيمه
والرضا في طوس چبده تشهد عالجريمه
چبده تگطع بالسموم والغدر باين صريح
▪️〰▪️〰▪️〰▪️〰▪️〰▪️〰▪️〰
ما يكفي الدمع والنوح يازهره الحزينه
ما بين الذبح وسموم گضت عترة نبينه
كل يوم گلبچ يزهره بسهام حقد مصوبينه
يمته يظهر يوسفچ وجرح گلبچ يستريح
تمت بعون الله تعالى
✍🏻 خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#الامام_الحسن
جديد بمناسبة شهادة الامام الحسن المجتبى عليه السلام قصيدة بعنوان (مسموم ترحل)
مسموم الچبد يالمجتبى بالله شلون هلحاله
فجعوا الدين بمصابك ومن دم الدمعه هماله
گومي يازهره من الگبر شوفي المجتبه
مسموم چبده ويلي ونار سمومه لاهبه
چبده بالطشت وبيا ذنب والظالم يطالبه
وتالي النعش يازهره سهام الغدر تبراله
▪️〰▪️〰▪️〰▪️〰▪️〰▪️〰▪️〰
چبد الحسن يا زهره تگطع بحر السموم
اخوه حسين يتچيله وبالطشت چبده دموم
وارتفع الصياح بدار الحسن والكل مهموم
لن زينب اجت تصيح والسبط اتغيرت احواله
▪️〰▪️〰▪️〰▪️〰▪️〰▪️〰▪️〰
من شافت اخوها المجتبى يتلوه من الالم
صاحت بفد صوت لمصابك گلبي انلچم
اشو لونك يبو محمد تغير من شدة السم
ونادت يم حسن من كسر ضلعچ كل الجراله
▪️〰▪️〰▪️〰▪️〰▪️〰▪️〰▪️〰
سكنت حواسه ويل والروح صعدت الباريها
صار الصياح والعين من دمه عالخد جاريها
وحسين ابو السجاد حضن زينب يواسيها
فگد ابو محمد صعب شعب دلالها ودلاله
▪️〰▪️〰▪️〰▪️〰▪️〰▪️〰▪️〰
تجهز نعش الحسن وبي طلع ابو السجاد
راد بطلعته هاي يودع قبر جده خير العباد
حسافه انرشق بسهام نعشه وذاب الفاد
شنهو الحقد هذا اعله حامي الحمه وعياله
▪️〰▪️〰▪️〰▪️〰▪️〰▪️〰▪️〰
لچن ما حصل مثل الغريب حسين في نينوى
ذبحوا أنصاره وهله والطفل من دمه ارتوى
وحسين راسه اعله الرمح بي يلعب ريح الهوه
وجسمه صبح ميدان وتجول اعليه شكثر خياله
▪️〰▪️〰▪️〰▪️〰▪️〰▪️〰▪️〰
گال المجتبى ما مثل يوم الشهيد حسين
عليه تزحف ألوف العده وينثلم بيه الدين
ينذبح من القفه وبذبحته تحتار النساوين
وحريمه تروح مسبيه ويقود الناقه چتاله
تمت بعون الله تعالى
✍🏻 خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
❉❉❉❉❉❉❉﷽❉❉❉❉❉❉❉
لسـتة #دعم_المهدوي 🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ2 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 100 عضو فما فوق
━━━━━━━━━━━━━━━
للإشـــتِـراك 👇🏻.
إرفع البوت ادمِن بقناتك : @Hashed5611_bot
وإرسل قناتك هُنا 👈 : @sayaddd
للمحظورين 👈 : @Alsayad123_bot
------------------------------------------------------
قناة الدعم 👈👈👈
https://t.me/joinchat/AAAAAFLKOx5nRih2adM0UA
#رقيه
جديد بمناسبة شهادة طفلة الحسين عليه السلام رقيه قصيدة بعنوان (مشتاقه لوجهك)
مشتاگه اشوفك حيل يبن الزچيه
اخر مره نظرتك بويه بالغاضريه
والدي في وين يا عمه طول غيابه
ومشتاگه اجلس وياه واشتم ثيابه
شفته بالنوم وبلهفه ناديته يبابه
وهسه أريده يا عمه بهاي العشيه
▪️〰▪️〰▪️〰▪️〰▪️〰▪️〰▪️〰
وصار الصياح ويل في خرابة الشام
رقيه أتريد ابوها وسمعوها الظلام
جابوا بطشت الذهب راس الامام
وگالت يعمه انا ما ريد لا زاد وميه
▪️〰▪️〰▪️〰▪️〰▪️〰▪️〰▪️〰
بين ايدين الطفله الطشت خلوه
زينب اوياها العليل الدمع صبوه
كريم حسين اگبالهم ويل شافوه
شهگة موت شهگوا والدمعه جريه
▪️〰▪️〰▪️〰▪️〰▪️〰▪️〰▪️〰
بحضن البنيه الطشت شالوا غطاه
شافت راس شيخ العشيره واويلاه
وشيبه الكريم امغسل بفيض دماه
صاحت من صميم الروح بونه شجيه
▪️〰▪️〰▪️〰▪️〰▪️〰▪️〰▪️〰
ردت اشتكيله حالي واگله اضربوني
حسافه يعمه براس أبويه افجعوني
شكثر ظلام ومن حنانه احرموني
احترگ گلبي يعمه من عظم الرزيه
▪️〰▪️〰▪️〰▪️〰▪️〰▪️〰▪️〰
حكت وي راس ابوها بدمع جاري
من غبت عني ياالولي اظلم نهاري
شوف حبل اليسر بيميني ويساري
مچتوفه بي انا وعمتي واعليلك سويه
▪️〰▪️〰▪️〰▪️〰▪️〰▪️〰▪️〰
حضنت الراس وشهگت وسكنت رقيه
حركوها لن ماتت الطفله ياعظم الرزيه
خذتها ام الحزن زينب والدمعه جريه
بدونچ رقيه ويلي اللون ارد الغاضريه
تمت بعون الله تعالى
✍🏻 خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#الامام_السجاد
جديد بمناسبة شهادة الامام علي ابن الحسين زين العابدين عليه السلام قصيدة بعنوان (رحل مسموم)
حط رحله علي السجاد الچبد مسموم
وما ابرحت عينه تهل دمه على المظلوم
ويح گلبي اعله زين العابدين ومصابه
خلصت حياته وما برحت دموعه سچابه
ينوح الوالده المذبوح وأنصاره وشبابه
ياعملة كربله خليتي الگلب ينزف دموم
▪️〰▪️〰▪️〰▪️〰▪️〰▪️〰▪️〰
اليشوف اهله وعزوته بفد ساعه عالغبرى
وتالي عماته وخواته بنفس الگيد متيسره
شتظن يبقى بحياته غير الچبد متوذره
زين العباد من طف كربله چبده مسموم
▪️〰▪️〰▪️〰▪️〰▪️〰▪️〰▪️〰
روحه ظلت اهناك من شاهد حسين
عالغبره امغسل بدمه ومحزوز الوتين
وبعينه شاف خيام محترگه ونساوين
تفتر بذيچ البوادي راعبها عسكر القوم
▪️〰▪️〰▪️〰▪️〰▪️〰▪️〰▪️〰
ويلي اعله زين العباد الما نشف دمعه
من محنة كربله والجرى بيها حنه ضلعه
چبده اتگطع اهناك من شاهد اهله صرعى
عيونه تنزف دمه ومتروس گلبه بالهموم
▪️〰▪️〰▪️〰▪️〰▪️〰▪️〰▪️〰
دار عينه بأهل بيته والگلب مكسور
وصاح اعله ابنه الباقر والدمع منثور
گال انته العشت وياي ظهر عاشور
ومثلي شفت يوليدي ذبحة المظلوم
▪️〰▪️〰▪️〰▪️〰▪️〰▪️〰▪️〰
گال وداعة الله بويه چبدي مسممينه
يالباقر اسمع وصيتي وهل دمع عينه
گلبي احترگ بدرب اليسر لمن مشينه
وسكنت انفاسه وما سكن جرحه المكلوم
▪️〰▪️〰▪️〰▪️〰▪️〰▪️〰▪️〰
حطه اعله المغتسل ابنه محمد الباقر
قام بواجب الميت ووين راح بالخاطر
وصل الطف كربله والجرى بيوم عاشر
حسين من دون الخلگ صار غسله ادموم
تمت بعون الله تعالى
✍🏻 خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#دفن_الاجساد
جديد محرم الحرام قصيدة لدفن الأجساد الزواكي في كربلاء قصيدة بعنوان (دفن ومواجع)
يايوم الثالث عشر تحمل الم وهموم
رد علي السجاد يدفن جثة المظلوم
رد علي السجاد حدر الضلع نيران
ترك عماته وخواته بولية العدوان
راد يدفن أجساد ظلت على التربان
ومن وصل كربله ناح بگلب ملچوم
▪️〰▪️〰▪️〰▪️〰▪️〰▪️〰▪️〰
من وصل كربله ويل وهو ابهالحال
شاف على الأجساد لمة امن الرجال
گاللهم ساعدوني وحفروا بهالرمال
جاي مگصودي أدفن هاي الجسوم
▪️〰▪️〰▪️〰▪️〰▪️〰▪️〰▪️〰
عگب دفن الأهل ودفن الاصحاب
توجه علي السجاد منه الگلب ذاب
گلهم حصيره ريد والدمع دمه سچاب
ارد الم الشهيد حسين المگطع بالرغام
▪️〰▪️〰▪️〰▪️〰▪️〰▪️〰▪️〰
نزل والده ويل وينحب علي السجاد
وجاب الاكبر ونار تسعر وسط الفاد
لن سمع صوت من النحر يازين العباد
جيب الاصغر علي عليه الگلب ملچوم
▪️〰▪️〰▪️〰▪️〰▪️〰▪️〰▪️〰
حط الرضيع بصدر الابو حسين
واعليهم سوه التراب هله بالادين
وناجى الابو ساعه والگلب شطرين
وافرغ ادينه امن التراب بنفس مهموم
▪️〰▪️〰▪️〰▪️〰▪️〰▪️〰▪️〰
وللشاطي قصد تسعر بالگلب نار
شاف عمه امگطع اليمنه واليسار
نادى يعمي بطيحتك ما ظلت افكار
تدري اخذونا يساره عگبك يجيدوم
▪️〰▪️〰▪️〰▪️〰▪️〰▪️〰▪️〰
هل التراب اعله الگمر في كربله
ورد اردود للكوفه يحرسها العايله
شافته زينب ونشدت بدمعه هامله
خبرني يعمه بيا حال ادفنته للمظلوم
▪️〰▪️〰▪️〰▪️〰▪️〰▪️〰▪️〰
گلها يعمه شخبرچ يتعب التفصال
جسوم أهلنا وعزوتي تشعب الدلال
بيدي ادفنتها بالثرى لچن بيا حال
الجسوم كلها مغسله بفيض الدموم
تمت بعون الله تعالى
✍🏻 خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#السبي
جديد محرم الحرام قصيدة للرحيل عن كربلاء وبداية السبي الأليم بعنوان (بدت رحلتنا)
بده صبح النايبات يايوم الحادي عشر
دنوا النوگ الهزيل وين عباس الگمر
ياصباح الحادي عشر دنوا النوگ الهزيل
تقدمت زينب الحره مچتفه بحبل الثقيل
ركبت ايتام اخوها ووصلت يم العليل
گاللها عمه اركبچ والدمع ويلي انهمر
▪️〰▪️〰▪️〰▪️〰▪️〰▪️〰▪️〰
گالتله ياعمه استمع انا ليه كافلي
معقوله عباس الگمر ما يجهز محملي
بدت گلها النايبات عالنهر نام الولي
گومي عمه بالصبر شدي حزام الظهر
▪️〰▪️〰▪️〰▪️〰▪️〰▪️〰▪️〰
ركبت الناگه يويلي والگلب يسعر لهيب
عين للشاطي راحت ووعين راحت للغريب
وداعة الله يخوتي والدمع منها سكيب
روحي وياكم تظل والجسد راح بسفر
▪️〰▪️〰▪️〰▪️〰▪️〰▪️〰▪️〰
ونادت بصوت العقيله يا أراضي كربله
تاركه اعله ترابچ انه نجوم بن عقد الوله
شلون تدري من انزلت واليوم عنچ راحله
اخوتي نومه بثراچ كيف ما اعمي النظر
▪️〰▪️〰▪️〰▪️〰▪️〰▪️〰▪️〰
ودعت زينب اهلها وداعة الله يا هلي
خويه عباس الغضنفر الگال خويه اتدللي
جاسم العريس عون جعفر واكبر علي
تاركه وياكم حسين جسمه متواصل وذر
تمت بعون الله تعالى
✍🏻 خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#العاشر
جديد بمناسبة محرم الحرام قصيدة بعنوان (صار اللقاء) بين سيدة نساء العالمين وام البنين لسان حال
بين ام الوفه وام ضلع مكسور صار اللقاء
فاطمه وام البنين تلاگوا في أراضي كربلاء
ام حسن ويل اجت محنيه تدگ اعله الضلع
نست كل شي حصل ليها من شافت هالوضع
ونادت يم البنين الاربعه وني بگلب منفجع
حسيني وگمر هاشم في كربله اتوزعوا أشلاء
▪️〰▪️〰▪️〰▪️〰▪️〰▪️〰▪️〰
ام حسن تنتحب وتنوح في أراضي الغاضريه
من ألمها تگوم واتطيح وتسندالها ذيچ الوفيه
بدمع يجري تگلها يمولاتي يعينچ الله اعالرزيه
حسين وشبول الهواشم تغسيلهم فيض الدماء
▪️〰▪️〰▪️〰▪️〰▪️〰▪️〰▪️〰
ام الوفه تصيح يم حسن مصاب ابنچ فجعنه
فديته بأربع اولادي وتمنيت سالم يرجع النه
عزيزچ راح يالزهره وعليه دم تهل مدامعنه
گومي خل نلم اوصاله وننصب اعليه العزاء
▪️〰▪️〰▪️〰▪️〰▪️〰▪️〰▪️〰
گومي يامولاتي ننصب على ولادچ عزانا
حسينچ وگمر هاشم انذبحوا واظلم فضانا
وأخذوا بناتچ سبايا حيف وامصابهم عمانا
چتفوهن يا زچيه وبچت ليهم دم السماء
▪️〰▪️〰▪️〰▪️〰▪️〰▪️〰▪️〰
مصايب اولادچ يزهره تعدت كل الحدود
الحصل في كربله آه فجعنه وفت الچبود
كلها جثث متوذره ومحد حفر ليها لحود
والاعظم يزهره سبايا بناتچ مع الاعداء
▪️〰▪️〰▪️〰▪️〰▪️〰▪️〰▪️〰
يمولاتي ترى شعب گلبي اعزيزچ يزهره
مطحونه سوه ضلوعه وي عظم ظهره
ردت عليها ام حسن يا والدة سبع الگنطره
شوفي عباسچ يحره شقدم لوليدي فداء
تمت بعون الله تعالى
✍🏻 خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#العاشر
جديد محرم الحرام قصيدة ليوم العاشر نزول الامام الحسين عليه السلام المعركه بنفسه الشريفه قصيدة بعنوان (نزل للكون نور القداسة)
عگب ما راحت الأنصار وفرغت اخيامه
اباب الخيمه وگف ابو السجاد وي ايتامه
عگب ما خلصت الأنصار وفرغت اطنابه
وماظل بس حسين وعليله من أحبابه
نادى ايتامه ونسوته والدمعه سچابه
گوموا للوداع مني واللقا يوم القيامه
▪️〰▪️〰▪️〰▪️〰▪️〰▪️〰▪️〰
التمن عليه النسه والتمت كل الاطفال
وحده تحبه وحده تشمه والدمع همال
ووحده تگله امسح على راسي يمفضال
اتجهز لليتم بويه ومسحك هذا العلامه
▪️〰▪️〰▪️〰▪️〰▪️〰▪️〰▪️〰
عگب ما ودع عياله نادى برفيع الصوت
وين الذي يقدم الميمون وخلت البيوت
لن ام الصبر طلعت وقدمت مهر الموت
ونادت اشعبت گلبي والدمع مثل الغمامه
▪️〰▪️〰▪️〰▪️〰▪️〰▪️〰▪️〰
ركب ميمونه حسين وگصد ارض الحتوف
يفري الكتايب بن علي في وادي الطفوف
واعله ابن النبي اتوالمت برماح وسيوف
مثل سور اعله معصم كلها اعليه متلازمه
▪️〰▪️〰▪️〰▪️〰▪️〰▪️〰▪️〰
اثلث فرق يوم الكون اجتمعت اعله حسين
بسيوف وارماح ونبل من النبي رادت الدين
وثارات الكفر كلها طلعت عله ابن الميامين
لن المثلث شگ صدر القداسه وكسر عظامه
▪️〰▪️〰▪️〰▪️〰▪️〰▪️〰▪️〰
نزل للگاع حسين وساده من الرمل خله
ومن خرز ظهره ويلي سهم المثلث سله
وطلع وياه ثلثين من چبده يارسول الله
وفر المهر صوب الخيم يصهل بالظلامه
تمت بعون الله تعالى
✍🏻 خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#النبي_الاكرم
جديد بمناسبة ولادة نور الخافقين محمد ابن عبد الله رسول الله صلى الله عليه وآله وسلم مقطوعة بعنوان (نور اضاء)
نور أضاء في الكونين على السواء
شعاع منه في الأرض مد الى السماء
واخر في الذر كان حول العرش يدور
قبل خلق الخلق ايجادا لدى العلياء
نور تجلى شخصا كاملا يحتذى به
اذا ما أردنا قدوة للآباء مع الابناء
خير خلق الله طراً ولولاه لم يخلق
في عالم الإمكان ولا خبر لنا جاء
هو محمد ..احمد ..طه .. والمحمود
وهو المصطفى وله كل هذه الاسماء
عند ذكره يا من تروم النجاة في غد
صل عليه وآله الغر الكرام الامناء
تمت بعون الله تعالى
✍🏻 خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#الهجوم_على_الدار
جديد بمناسبة الهجوم على دار الزهراء عليها السلام قصيدة بعنوان (هتك حجاب النور)
هجموا على الدار و الزهره بحزنها
حرگوا الباب عليها والطاغي عصرها
مشغوله بحزنها اعله الابو وگصدوها
واول مواساة الامه الحرمه اهتكوها
فاطمه بالدار قال "وان" واهجموها
وبين الباب والحايط بعينه نظرها
▪️〰▪️〰▪️〰▪️〰▪️〰▪️〰▪️〰
حس بيها الرجس ويل ودفع للباب
عصرها وطاح محسنها على الاعتاب
يفضه بصوت صاحت من عظم المصاب
شافتها فضه ولن محمر الزهره جفنها
▪️〰▪️〰▪️〰▪️〰▪️〰▪️〰▪️〰
طاحت الزهره مكسور منها الضلع
وحيدر خذوه وعيونها تهل الدمع
گامت رغم جروحها تنقذ هالوضع
ما عوفك يحيدر ابد وما همها كسرها
▪️〰▪️〰▪️〰▪️〰▪️〰▪️〰▪️〰
عافت المحسن ضناها بعتبة الباب
وطلعت ورا حيدر والدمع سچاب
خلوا عن الوصي لو ارفعه للحجاب
واشكي للباري فعل هالامه وظلمها
▪️〰▪️〰▪️〰▪️〰▪️〰▪️〰▪️〰
ردت لدارها وحيدر رجع وياها
والدمع من دم يهل جفن مبچاها
وظلت تنوح من عظم البلا الي لفاها
مهظومه الزهره عگب ابوها وزايد ألمها
▪️〰▪️〰▪️〰▪️〰▪️〰▪️〰▪️〰
محسنها وكسر الضلع والجفن الاحمر
ما خذوا من فاطمه الحيل لچن حيدر
من شافته امگيد گالت عليه فلا اصبر
حجة الله يحيدر دونك اتضحي بعمرها
▪️〰▪️〰▪️〰▪️〰▪️〰▪️〰▪️〰
ظلت باقي أيامها بالحزن والحسره
ويلي تتألم لو تتنفس فاطمه الزهره
ضلعين مكسرات وعين مطفيه بسطره
وتترقب الزهره يا يوم تنزل في لحدها
تمت بعون الله تعالى
✍🏻 خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#النبي_الاكرم
جديد بمناسبة شهادة النبي محمد صلى الله عليه وآله وسلم قصيدة بعنوان (اظلم الكون)
صاحت الزهره من عظم هاي الرزيه
راح النبي ياعلي وظلمت الدنيا عليه
النبي اعله المغتسل وراحوا للسقيفه
اجتمعوا بشيطانهم وحطوا ليهم خليفه
ما چن الغدير شاهد اعالبيعه الشريفه
أسسوا للدار والمحراب وحرب الغاضريه
▪️〰▪️〰▪️〰▪️〰▪️〰▪️〰▪️〰
تعرف الحال من عگب عينه شيصير
يهجمون الدار ياعلي وما من نصير
وانت تقبض عالجمر عگب طه البشير
ونشوف كل اليصير من ردود الجاهليه
▪️〰▪️〰▪️〰▪️〰▪️〰▪️〰▪️〰
عگب ابويه ياعلي يكسرون الضلع
اجلس بداري وانحرم حزني والدمع
يهظموني ياعلي وبعينك تشوف الوضع
أقدم عمري للدين وانت بصبرك والوصيه
▪️〰▪️〰▪️〰▪️〰▪️〰▪️〰▪️〰
مات النبي آه ويتم حسن وحسين
واحدهم حاضن الثاني وتهمل العين
وينادوني يفاطم وين خير النبيين
تركنا وراح وين يا يمه والدمعه جريه
▪️〰▪️〰▪️〰▪️〰▪️〰▪️〰▪️〰
اسمع بذني ياعلي عگبه طگ الضلوع
ومن دمه جفن عيني يهل الدموع
وعالجرى تنحب اصول دينه والفروع
وانت واولادي ياعلي ونتكم خفيه
▪️〰▪️〰▪️〰▪️〰▪️〰▪️〰▪️〰
ايعينك الله يا الوصي اعله الصبر
عگب النبي شكثر تتجرع من قهر
تحفظ وصيته وتنظلم باقي الدهر
وللبير تشكي الالم ياعلي كل مغربيه
▪️〰▪️〰▪️〰▪️〰▪️〰▪️〰▪️〰
يا علي حرموني هظموني عگب النبي
ويشعلون نار اباب بيتي وتوصل للعبي
ومن اطلع وراك يا علي زينب تنسبي
وجنيني بعتبة الباب وعبدالله بالغاضريه
تمت بعون الله تعالى
✍🏻 خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#الاربعين
جديد بمناسبة رجوع الركب الحسيني إلى مدينة الرسول يثرب قصيدة بعنوان (مدينة جدنا)
ردينا يا مدينة جدنا طه الرسول
ننعى على فروعچ يامدينه والاصول
روح يابشر انعى بصوتك في المدينه
خبر اهلها بالجرى اعلينه وعزي نبينه
وعرج على مكسورة الضلعين الحزينه
خبر الزهره ذبحوا حسين وكل الشبول
▪️〰▪️〰▪️〰▪️〰▪️〰▪️〰▪️〰
عجل بمسعاك يابشر وابدي بالعويل
خبرهم ظعنا عاد مو مثل يوم الرحيل
رجع بس حرم وأطفال وبگيد العليل
يا بشر خبرهم عن كربله ويومه المهول
▪️〰▪️〰▪️〰▪️〰▪️〰▪️〰▪️〰
ركب ميمونه وبساع المدينه دخلها
ونادى برفيع الصوت وبصوته زلزلها
"يا أهل يثرب"وعالصوت طلعت اهلها
يا خبر عندك يا بشر تناشده واتقول
▪️〰▪️〰▪️〰▪️〰▪️〰▪️〰▪️〰
تعالوا اوياي الگبر النبي اهناك الخبر
يحچي وياهم والدمع من عينه انهمر
حسين بكربله تدرون محزوز النحر
وهاي عيلته رجعت ومدمعها همول
▪️〰▪️〰▪️〰▪️〰▪️〰▪️〰▪️〰
فصل يا بشر اوحچي ولا تخفي الحال
صدگ مذبوح السبط وين ربات الدلال
وين اهله وعزوته أوين باقي الابطال
گال اتذبحت وحسين داسته الخيول
▪️〰▪️〰▪️〰▪️〰▪️〰▪️〰▪️〰
أما زينب والفواطم كلها راحت بالاسر
وكافلهم ظل نايم اعله شاطي النهر
والحادي للحراير چان خولًه والشمر
من بعد عباس البطل وي ذيك الشبول
▪️〰▪️〰▪️〰▪️〰▪️〰▪️〰▪️〰
ولو تردون احچي بتفصال الجرى
ترى طحنوا ضلوع حسين اعله الثرى
وشالوا عالرمح راسه وابنيته تنظره
وزينب خذوها اميسره أعداء الرسول
▪️〰▪️〰▪️〰▪️〰▪️〰▪️〰▪️〰
واذا بعد تردون مني افصل بالحچي
ايتام حسين من الشافته سكته البچي
من سوط العده لزينب گامت تشتچي
وعلى امتون العقيله اسياطهم تجول
تمت بعون الله تعالى
✍🏻 خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#الاربعين
جديد بمناسبة اربعين الامام الحسين عليه السلام مقطوعة بعنوان (قم جدد العهد)
هذا الاربعين أتى فقم لله جدد العهد
ونحو الحسين يمم الوجه ترى المد
وحيث ما كنت من البقاع فقل له
اينع الدم ياحسين ومد للحق زند
وكلما مرت السنون بنا تزداد تألقاً
ولأنت نهج ياحسين وان كنت فرد
أيقونة الحق في وجه كل باطل
وصرخة ال "هيهات" منك له ند
فقم بعليائك وانظر الركب ترى
زينب القائد والكل خلفها تحشد
وترنيمة كل حر صدىً من صوتها
وخيط من بقايا خيمتها راية شد
تمت بعون الله تعالى
✍🏻 خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#الاربعين
جديد بمناسبة اربعين الامام الحسين عليه السلام قصيدة بعنوان (رد الظعن)
رد ظعن الفواطم يحمل الم وهموم
شاهد نواحي كربله نادى بگلب مالوم
وصل نواحي كربله ظعن زينب والايتام
نادت ياعلي السجاد وهلت دمع سجام
دليني باب القبر يا ضنوة حسين الامام
ارد انشده لحسين هل وگف سيل الدموم
▪️〰▪️〰▪️〰▪️〰▪️〰▪️〰▪️〰
على ذيچ القبور النسه والأطفال اتفرقن
كلهن ينادوا يا علي دلينا والدموع اهملن
سكنه ليلى والرباب رمله وياهن يتصارخن
دلينه على قبور الغوالي يخليفة المظلوم
▪️〰▪️〰▪️〰▪️〰▪️〰▪️〰▪️〰
واعله ذاك الگبر زينب صاحت بصوت الفجيعه
يالمنذبح عطشان اجلس وناشدني اعالوديعه
من كثر ضرب السياط متونها مثلي وجيعه
ومن كثر الضرب ماتت رقيه ابلدة الشوم
▪️〰▪️〰▪️〰▪️〰▪️〰▪️〰▪️〰
جلست اعله القبر ناحت يبن امي يحسين
اگعد يخويه اخبرنك شسوى حبلهم بالادين
وخل اسولفلك يبواليمه عن طبة الدواوين
اگبالي راسك بالطشت يحسين وسطة القوم
▪️〰▪️〰▪️〰▪️〰▪️〰▪️〰▪️〰
اگعد يا عزيز الروح وخل اسولف اوياك
تگطع دليلي يبن امي من مرافگ اعداك
سب وشماته وقهر يحسين ومناظر يتاماك
وچم طفل راح من ايدي بدرب اليسر مهظوم
▪️〰▪️〰▪️〰▪️〰▪️〰▪️〰▪️〰
يحسين يعجز لساني شنقلك من الاخبار
درب اليسر يذبح يا ضنوة حيدر الكرار
هظموني بالايتام خويه سكته تهل الاعبار
ومن تناديني يعمه سوط الشمر ليها يسوم
▪️〰▪️〰▪️〰▪️〰▪️〰▪️〰▪️〰
گامت محنيه الظهر ولصوب العلقمي راحت
ومدمعها شبه السيل اوينك يا كافلي صاحت
اگعد يبو فاضل بساع وناشد اخيتك اشافت
انقلك خبر واحد يريت الموت يلفيني يجيدوم
▪️〰▪️〰▪️〰▪️〰▪️〰▪️〰▪️〰
باچر للمدينه نروح ونلتقي بأم البنين
تناشدني على الخوان ويهمل مدمع العين
شجاوبها بيا دمع عنك يعباس وعن الدواوين
لو اگللها عن حرگ الخيام لو ذبحة المظلوم
تمت بعون الله تعالى
✍🏻 خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
❉❉❉❉❉❉❉﷽❉❉❉❉❉❉❉
لسـتة #دعم_المهدوي 🌻.
#التثبــيت_سـاعـه
#الحــــــــــذف
بـعـــد نشر اللسـتـةّ بـ2 سـا؏ـات
� غَـير مبري الـذمـةّ ٲمـام الله ڪـل من يـحذف البــوت دون ؏ـلمنا
استقبل 100 عضو فما فوق
━━━━━━━━━━━━━━━
للإشـــتِـراك 👇🏻.
إرفع البوت ادمِن بقناتك : @Hashed5611_bot
وإرسل قناتك هُنا 👈 : @sayaddd
للمحظورين 👈 : @Alsayad123_bot
------------------------------------------------------
قناة الدعم 👈👈👈
https://t.me/joinchat/AAAAAFLKOx5nRih2adM0UA
#نخوه_لرقيه_عزيزة_الحسين
جديد بمناسبة شهادة السيدة رقيه بنت الحسين عليه السلام قصيدة بعنوان (نخوه يا رقيه)
انخاچ نخوه يا رقيه ابمدمع العين
اريدن منچ طلبتي وابجاه الحسين
اجيت الليله المجلسچ يابنت الأصول
اقسم اعليچ ابهالقسم احچي واگول
بالرضوا جثته يارقيه بسحگ الخيول
وعالثره اثلاثه مرمي ابلايا تكفين
▪️〰▪️〰▪️〰▪️〰▪️〰▪️〰
احلفچ هالليله انه اتردي عليه
بالراح ظامي يشتكي لجده الشفيه
بأبوچ المنذبح ويل بالغاضريه
بجثته البگت متوذره بوسط الميادين
▪️〰▪️〰▪️〰▪️〰▪️〰▪️〰
اجيت الليله متعني واهمل دمعتي
رقيه مولاتي ادخيل فرجي كربتي
روحي نحيله امن الهظم آيا حسرتي
اقسم بقيدچ مولاتي الأثر بالايدين
▪️〰▪️〰▪️〰▪️〰▪️〰▪️〰
اقسم اعليچ بغربتچ آ يا رقيه
بحرگة دليلچ عالوالي ابهاي المسيه
ابيوم الناديتي يا عمه بدمعه جريه
بفراگ ابويه عمتي لفالي البين
▪️〰▪️〰▪️〰▪️〰▪️〰▪️〰
بيوم الصرختي يا عمه موتي اجاني
هسه اريدن والدي فراگه عماني
واگله بويه من عگبك شمر اعتناني
ظل سوطه يتلوه بوي عليه كل حين
▪️〰▪️〰▪️〰▪️〰▪️〰▪️〰▪️〰
انخاچ نخوه يا رقيه بسحگ الاضلاع
وأقسم اعليچ بمحنتچ وبذيچ الاوضاع
رقيه يا رقيه بخرابه عمرچ من ضاع
بحگ الضلع والمصاب وحبل البالادين
تمت بعون الله تعالى
خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#للزياره
جديد لزيارة المولى ابي عبدالله الحسين عليه السلام قصيدة بعنوان (بهيده لمن تزور)
يا رايحين الكربله أخذوا دمعات العيون
سلموا عالغريب حسين واستقبلوا الظعون
ولا تنشدون زينب عن حال ذيچ المتون
تخترگ غيرته عباس لو عنده تنشدون
▪️〰▪️〰▪️〰▪️〰▪️〰▪️〰▪️〰
سلموا والدمع ينزل سكته إبلا كلام
استقبلوا يوم الاربعين زينب والايتام
ولا تذكرون الخبر زينب مشت للشام
يتحرك جرح ابو الغيره وحسين الإمام
▪️〰▪️〰▪️〰▪️〰▪️〰▪️〰▪️〰
من توصلون الكربله سلموا على حسين
نصبوها الخيام اهناك في يوم الاربعين
زينب ترد للطف بظعن اطفال ونساوين
تلقوا العليل بدمع من دم تهمله العين
▪️〰▪️〰▪️〰▪️〰▪️〰▪️〰▪️〰
يا رايحين الكربله بهيده امشوا عالتراب
تدرون هاي الگاع سجلت أعظم مصاب
بيها حسين ابو السجاد للحرب زف الشباب
وبيها فرت حريم حسين مذعوره من الاطناب
تمت بعون الله تعالى
✍🏻 خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#الامام_السجاد
جديد بمناسبة شهادة الامام علي بن الحسين زين العابدين عليه السلام قصيدة بعنوان (جروح السجاد)
چم جرح وسط الگلب يازين العباد
جرح الشباب بكربله وجرح الگياد
چم جرح عاش بحياتك طول السنين
جرح الذبيح المابرد يبن الحسين
لو جرح الخيام بكربله لو گطع الادين
لو گيد السبي ويه الشماته بذيچ البلاد
▪️〰▪️〰▪️〰▪️〰▪️〰▪️〰▪️〰
عيونك التنزف دمه وجرحك غزير
شگالت روحك يبو الباقر بذاك الهجير
وانت اعله راس الابو طرفك تدير
راسه اعله الرمح وجسمه معفر بالوهاد
▪️〰▪️〰▪️〰▪️〰▪️〰▪️〰▪️〰
يل قضيت العمر كله تنوح اعله الذبيح
گلبك ساعه من طف كربله ما يستريح
حتى ماي التشربه تخلطه بدمع اليسيح
وتنادي آه يل عالنهر ماتوا وتلهب الاكباد
▪️〰▪️〰▪️〰▪️〰▪️〰▪️〰▪️〰
عمرك خلص مولاي وظلت الحسرات
وسط الحشا نار من حرگوا الخيمات
لحد يوم المنيه تظل تسعر الجمرات
وما يجف دمع المصاب ياعلي السجاد
▪️〰▪️〰▪️〰▪️〰▪️〰▪️〰▪️〰
سنين عمرك يختصرها شهر عاشور
بيوم واحد كل عزوتك مگطوعه النحور
وخيل وزلم والنار حاطت كلها بالخدور
وگيد الأسر مولاي شفته وشفت الاحقاد
▪️〰▪️〰▪️〰▪️〰▪️〰▪️〰▪️〰
لو تخبرنا ياعلي شباقي من مصايب
ما شفتها مولاي بعاشر ويوم الحرايب
تالي بشام شمات ونوم بذيچ الخرايب
وتروح مسموم الچبد يسعر جمر الفاد
تمت بعون الله تعالى
✍🏻 خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#السبي
جديد محرم الحرام قصيدة للسبي في طريق الشام بعنوان (درب السبي عذب دليلي)
في وين يا درب السبي ناوي توديني
بنت الصميده حيدر والعدو سابيني!!
يا نار تچوي الدليل من عگب اخوتي
فوگ ناگه امهزله وسكته تهل دمعتي
ولو نخيت سوط العده يوجب نخوتي
صوت الشماته أكثر من الگيد چاويني
▪️〰▪️〰▪️〰▪️〰▪️〰▪️〰▪️〰
يا درب السبي تدري بينه شسويت
گلب النبي ويه وديعته چويت
يا درب كل المصايب علينه صبيت
وعين الوصي بيك ما غفت تباريني
▪️〰▪️〰▪️〰▪️〰▪️〰▪️〰▪️〰
يا درب البيك مشيت غصبن عليه
وعفت جثث كل اهلي بالغاضريه
طلعت مكفله ويل بأيتام ابن الزچيه
ودمعة الأيتام عالنوگ حيل تاذيني
▪️〰▪️〰▪️〰▪️〰▪️〰▪️〰▪️〰
يا درب حيل عذبتني ويه الاطفال
انظر ليهم باليتم ومچتوفين بحبال
وكل دمعه منهم يادرب تحرگ الدلال
وما اخبرك عن السجاد وعينه بعيني
▪️〰▪️〰▪️〰▪️〰▪️〰▪️〰▪️〰
يا درب الصعب بعد ما وصلنا الشام
شلون گلي من نوصل بكل هذي الالام
شلون من نوصل ورأس حسين جدام
الشام وباب ساعاته بسهامه يرميني
تمت بعون الله تعالى
✍🏻 خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#الحسين
جديد محرم الحرام قصيدة نخوه للامام الحسين عليه السلام بعنوان (قاصد جنابك)
اجيت بدمعي انحب انخه يلحسين
گاصد جنابك سيدي رافع الكفين
اجيتك دمعي ينهمل يبن الزچيه
اتوسلك يابو علي بدمعه جريه
كثرت همومي مولاي اونتي شجيه
اقسم اعليك بفاطمه وابلطمة العين
▪️〰▪️〰▪️〰▪️〰▪️〰▪️〰
اعتنيتك ياابو علي مولاي مهموم
بحگ الرضيع النذبح اقسم يمظلوم
اكتبلي زياره لمرقدك مسلوب الهدوم
بعبدالله جيتك انتحب لا ترد الادين
▪️〰▪️〰▪️〰▪️〰▪️〰▪️〰▪️〰
بدمعة سكينه انتحب يبن الزچيه
من نادت عباس البطل يعمي ميه
يبست لهاتي من الظما ونتي شجيه
عسى سالم يعمي شمالك واليمين
▪️〰▪️〰▪️〰▪️〰▪️〰▪️〰▪️〰
اقسم عليك بمحنتك وي علي الأكبر
من شفته طايح عالثرى اگبالك اموذر
من جيته مولاي بلهفه ودمعك تحدر
بشبه جدك يمولاي تنجي المحبين
▪️〰▪️〰▪️〰▪️〰▪️〰▪️〰▪️〰
يبو الاكبر يلحسين بعباس الكفيل
من وصلت يم جثته دمعاتك تسيل
خلصها للشيعه يبن حماي الدخيل
كلها اعله بابك وگفت من جور السنين
▪️〰▪️〰▪️〰▪️〰▪️〰▪️〰▪️〰
بزينب الحره نتوسل جينه يمولاي
بحرگة گلبها والدمع والصاير هواي
من المحن يبو الاكبر تيهينه الراي
بالنادت بفيض الدمع حرگوا الصواوين
تمت بعون الله تعالى
✍🏻 خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#ليلة_الوحشة
جديد محرم الحرام قصيدة ليلة الحادي عشر وثقل النبوة قصيدة بعنوان (وحشة الليل)
چلچل الليل بظلامه في طفوف الغاضريه
وزينب گامت تلم اطفال حسين ابن الزچيه
عگب كل الجرى اعله حسين وإخوانه
حرگوا خيامه ويل وظلت ايتامه حيرانه
زينب تلم بيهم والگلب زادت اشجانه
وماكو خيمه التؤويهم في ذيچ العشيه
▪️〰▪️〰▪️〰▪️〰▪️〰▪️〰▪️〰
جمعت كل الاطفال عگب يوم طويل
وتناوبت بالحراسه وي اختها مع العليل
الاطفال من الرعب ما عرفت تنام الليل
تلتجي بزينب ويل وتشتكي عظم الرزيه
▪️〰▪️〰▪️〰▪️〰▪️〰▪️〰▪️〰
زينب بهدوة الليل تسكن روع الاطفال
تگلهم ناموا يا يتامه وتمسح دمع همال
يا يتامه حسين انشعب ليكم الدلال
تسكت يتامه ونوب نسوه والدمعه جريه
▪️〰▪️〰▪️〰▪️〰▪️〰▪️〰▪️〰
يويلي الليل من اجبل على زينب شلون
محتاره بنسه وأطفال كل ساعه يبچون
وهيه ما بينهم توزع نظرات العيون
تسكت اسكينه ولن تفز ساعه رقيه
▪️〰▪️〰▪️〰▪️〰▪️〰▪️〰▪️〰
وجهت زينب وجهه للحسين برض المعاره
گالت يخويه هالايتام خلت دمعي يتجاره
وكافلي نايم عالثرى مگطعه يمينه ويساره
وانت مرضوض الجسم يحسين بالغاضريه
▪️〰▪️〰▪️〰▪️〰▪️〰▪️〰▪️〰
گلي يخويه حسين انه شسوي بيتاماك
من كثر الرعب خويه بدمع ظليت انخاك
وين انطي الوجه وين وحولي بس اعداك
وانهدلت متون اليتامه من سوط ال اميه
▪️〰▪️〰▪️〰▪️〰▪️〰▪️〰▪️〰
يخويه ايتامك مرمروني عنك ينشدون
شگلهم خويه انت الصدر بالخيل مطحون
اخاف خويه اخبرهم بفد لحظه يموتون
اتمرمر دليلي يبو السجاد وافرك بديه
تمت بعون الله تعالى
✍🏻 خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
#العاشر
جديد محرم الحرام قصيدة بعنوان (رد المهر خالي) رجوع الجواد يصهل إلى خيام الحسين عليه السلام
رجع مهر ابو السجاد يصهل بالظليمه
مقلوب سرجه ووگف يم باب الخيمه
رد يصهل صهيل وگف وسط الخيام
طلعت اسكينه شافته وشبگت الهام
نادت يعمه گومي نستعد لرحلة الشام
مهر حسين عاد وحده وخلاني يتيمه
▪️〰▪️〰▪️〰▪️〰▪️〰▪️〰▪️〰
گامت زينب وشبگت مهر الحسين
تگله يلميمون راعيك طاح في وين
خبرني بالعجل گلبي انشطر نصين
گلبي انجسم بين حسين وحريمه
▪️〰▪️〰▪️〰▪️〰▪️〰▪️〰▪️〰
تعالي وياي گلها گبل ما تروح روحه
حسين من كثر الطبر ما تنعد جروحه
سهم المثلث يحره شعبني نزوحه
طلعه حسين من ظهره يا عظيمه
▪️〰▪️〰▪️〰▪️〰▪️〰▪️〰▪️〰
بالعجل يا زينب گبل ما ينرفع راسه
لحگي اخيچ يحره گبل گطعت انفاسه
من كثر الطبر ويل الولي فاگد إحساسه
تركته والشمر وياه يتأهب لحز كريمه
▪️〰▪️〰▪️〰▪️〰▪️〰▪️〰▪️〰
تعالي وجيبي وياچ سكنه والحرم
خل نروح نشوف حسين الشهم
بلكت ينفع يزينب دوه لجرح السهم
ولا ننفجع كلنا يحره بصاحب الشيمه
▪️〰▪️〰▪️〰▪️〰▪️〰▪️〰▪️〰
گالتله يلميمون بعد ما ينفع دوه
دشوف اسود الفضا في نينوى
راس حسين فوگ الرمح بالهوه
والسمه دم تهل من هاي الجريمه
تمت بعون الله تعالى
✍🏻 خادمة الزهراء // ليلى زغيب
دموع الأنين في رثاء الطاهرين 💔 الشاعرة ليلى زغيب
/channel/Doumooalanin
يوم العاشر بعاشور يوم الكون
مشى دهرچ يزينب إبلا عيون
اخذ منچ بساعه كل الغصون
وردلچ للخيام يصهل الميمون
#آه_لوجدك_يازينب💔
اعظم الله اجورنا بمصاب الحسين بن علي عليه السلام