💌يوميات #زولة_مجنونة 😴❤️

08 December 2019 13:50

💌 وصلت لك رسالة جديدة
⏱وقت الرسالة: 2019/08/20 - 01:17:27 PM
✉️ المحتوى : ↓↓
السلام عليكم ي لولة ي قلب ياااخ تسلمي كتيير علي القناة الرائعة دي بالجد قناتك رووعة ومنشوراتك حلوة شديد وبحيك علي فقرة الاستشارات دي جعلها الله في حسنات ميزانك وما شاء الله عليك بالجد ما بتبسطي وما بطولي بتدي الزول حلو طوالي المهم ي ستي انا مشكلتي شوية كدة مختلفة
انا والله ما اشكر ليك نفسي حلوة شدييد واي زول بشوفني بتمناني وكتير اتقدمو لي عرسان بس رفضت بدرس طب في جامعة ش اولاد الجامعة كلهم مكسرين فيني واي زول بقدم لي اوراقو وبتشاغل كتير حتي بقيت بحس صحباتي بغيرو مني وانا والله م مفترية 😭 يا لولة بس هم بحسو كدة بحكم انهم بقولو لي انتي حلوة وكدة فحبيت اني اتنقب عشان اجنب نفسي حاجات كتيرة وانا من زمان بحب النقاب ووصلت لقناعة اني لازم اتنقب بس واجهتني مشكلة من ناس البيت ابوي موافق م عندو مشكلة بس امي رفضت حلفت كم البسو وحاولت معاها كتير ابت تقتنع لدرجة قالت لي لو لبستي لا بتي لا بعرفك 😭😭😭💔 وانا اي شي ولا امي نفسياتي بقت زفت شديد وانا عايزاهو والله خصوصا اني بحب لبس العبايات شديد ما باقي لي الا النقاب واصلا اغلبية لبسي عبايات بس فرضيت امي وقلت ليها العايزاهو بحصل قالت لي مالك عايزة تدفني نفسك في نقاب وكلام فاضي 💔 وانا هسي بقيت محتارة ما عارفة اعمل شنو وانا مني عيني فيهوو بحسو بدي الزول هيبة ووقار علي الاقل الزول يتجنب المضايقات البتحصل ليهو دي فارجوك افيديني أعمل شنو مع العلم انو سيد ريدي موافق عليهو 🙈 واصلا من زمان بغير علي وكم مرة شايفاهو لمح لي بس م كنت بفكر فيهو الا لمن اقتنعت من كل قلبي اني فعلا عايزة البسو وآامن نفسي من حاجات كتيرة 😘 بتمني تردي لي في اقرب وقت يا عثل وانا متاكدة انك حتلقي لي حل 😍😘 لانك لولتنا مستشارتنا الثمحة 💞💓
----
💡يمكنك الرد بعمل رد على هذه الرسالة .
💕💕💕💕💕💕💕💕💕💕
وعليكم السلام تسلمي والله من ذووقك يا عثل ❤️✨اللهم امين يارب 💕

اول شي ربنا يتممك بعقلك وانا شايفاها دي حاجة حلوة شدييد منك
وطالما وصلتي لي قناعة انك عايزة تلبسيهو فأياك تتخلي عن قناعتك دي مهما لقيتي صد بستحق انك تحاولي عشانو

_ فأنتي اذا قلتي عايزة تتجنبي الفتنة ما قدامك خيار تاني غير النقاب وطالما أبوك موافق وم عندو مشكلة دي حاجة حلوة وأمك سهل أقناعها تاني أبوك يتكلم معاها ويفهما مشروعية النقاب وكدة وانو طالما دي رغبتك ما يقيفو ضدها بالعكس يدعموك وكدة
وقد يكون أمك فهمها زي فهم كل أم سودانية فهمها عقيم انو بتها لو لبست النقاب ما حتتزوج لانها بتكون بعيدة عن الناس وم في زول حيتقدم ليها ناسين انو كل شئ قسمة ونصيب ومافي زول فايت نصيبو وانو النقاب م عندو علاقة بالشئ ده في حين انو سبحان الله الاغلبية العظمي من الشباب بقو يميلو للمنقبات وبتزوجوهم بس كنوع من الفهم العقيم انهم محترمات ومتفقهات في الدين 😪 💔 غايتو كل زول وفهمو
فانتي حاولي مع أمك وشوفي اسباب رفضها ووجهة نظرها للحجاب شنو وانتي قولي ليها اسبابك مع انها عارفة انو النقاب ستر للمرأة وده كلام ربنا يعني مافيهو جدال بغض النظر عن انو كان حجاب او نقاب المهم الواحدة تستر نفسها وتأمن الفتنة ما أكتر
لو م قدرتي علي اقناعها يا زولة 😂😂😂 الله يعينك تاني م قدامك خيار تاني غير زولك ده يجي يتقدم ليك وتبقي في ذمتووو وبعدين البسي تاني امك م حتكون عندها شغلة بيك طالما خايفة عليك من انو ما حتعرسي لو لبستي وكدة
فما بتمني ليك غير انو ان شاء الله امك توافق وتقتنع وربنا يهديها ❤️✨
ولو ربنا وفقك ولبستيهوو يبقي تاني م حتقعلي خالص وعليك انك تلتزمي بكل شروطو وأحكامو💕

💌يوميات #زولة_مجنونة 😴❤️

27 November 2019 12:21

💌 صارحني:
💌 وصلت لك رسالة جديدة
⏱وقت الرسالة: 2019/11/24 04:23
✉️ المحتوى : ↓↓
لولةة أعمل شنو اذا كنت بحبو من طرف واحد وهو ما بحبني 😢💔 ليه يعني علي الرغم انو نحنا أصحاب بس قال لي ما ينفع نكون أحباب 💔💔😔😪
----
💡يمكنك الرد بعمل رد على هذه الرسالة .
💕💕💕💕💕💕💕💕💕💕
💔أول حاجة م تزعلي كتييير كونك تكوني بتحبي من طرف واحد وهو ما بيحبك 😴 اول حاجة قد يكون هو شايف انو ما الزول المناسب ليك او بتمني ليك الاحسن منووو او شايف انو علاقتكم كدة حلوووة وشايف انو الحب حيخربها هو مافي يدو حاجة يعملها ليك ااي نعم صح بتتوجعي وبتتعذبي بس مصيرك تنسي الحب ده وما كل البنحبهم بيحبونا 💔😪 عشان كدة حاولي انك تنسي

💌يوميات #زولة_مجنونة 😴❤️

27 November 2019 12:25

💌 صارحني:
💌 وصلت لك رسالة جديدة
⏱وقت الرسالة: 2019/11/24 04:23
✉️ المحتوى : ↓↓
ادعو ليييييي عندي انتحاراات(امتحانات)
فاينل وخايفه جيييجن(جدا) وقطعا م بتتجازف.. 🙂💔💔
----
💡يمكنك الرد بعمل رد على هذه الرسالة .
💕💕💕💕💕💕💕💕💕💕
منو القال ما بتتجازف؟! 💔
منو البدل أمل فينا ، و خت مكانو كتلة يأس ..
و شخبط كل أمانينا
و صرخ جوانا " ما بنقدر " ، و همس يا زول دا حال أشتر
و رجع قال ليك : ما بتقدر
لو كملت مشوارك ، ولو جواك يقين أكبر
بتبني من الحطام معبر ..
تخت في بدايتو سبوره ، و تكتب " ياخ بتتجازف " 😴❤️

فعشان كدة يا ستي بتتجازف ان شاء الله بس انتي خلي ثقتك في ربنا كبييييرة وربنا يووفقك يارب 😴❤️✨💕