طول ما الحاجة في دماغك، عمرها ما هتتحقق على أرض الواقع.
فرغ دماغك على الورق أول بأول، دي أول خطوة لتحقيق الأفكار والمشاريع.
الأفكار أنت بتشوفها بعين عقلك، عشان تتحقق لازم تشوفها قدامك بعين رأسك من خلال الكتابة والشخبطة.
عود نفسك تفكر بالكتابة والشخبطة، مهارة قيمة جداً.
#DO
محدش هيدفعلك فلوس عشان خلصت ٢٠ كورس ومعاك ١٥ شهادة "معتمدة".
الناس هتدفعلك فلوس قصاد اللي أنت عملته بالـ ٢٠ كورس، المنتج اللي قدرت تعمله ،الحاجة العملية اللي طبقتها من اللي اتعلمته.
اللي بيعرف يعمل يكسب اللي معاه شهادة بتقول انه بيعرف يعمل.
الشهادة مهمة، ولكن الأهم التطبيق.
#DO
أنا محظوظ إني عرفت @osama_elzero
واحد من أطيب الناس، وأحرصهم على النفع والإفادة، نقي القلب بشكل يخليك تتسأل هو لسه فيه حد كدا!
حقيقي من كرم ربنا إني عرفت أسامة.❤️
فكرة تستحق الوقوف عندها شوية،
كمان ٢٠ سنة - ربنا يدينا ويديك طولة العمر- هتكون مستعد تدفع أي ثمن عشان ترجع تعيش اليوم اللي أنت عايشه النهاردة.
ترجع أصغر، أنشط، صحتك أحسن، ناس كتير من اللي بتحبهم لسه عايشين.
اليوم اللي أنت ساخط عليه حالاً، هتتمنى ترجع له وتعيشه تاني.
#DO
سؤال مهم جداً :
لو بكرة مشيت من وظيفتك الأساسية لأي سبب كان، ايه الحاجة أو الحاجات اللي ممكن تعملها وتشتغلها - بعيداً عن مجال وظيفتك - وتاخد مقابل قصادها؟
#DO
امتى أخر مرة قرأت أو سمعت خبر مُفرح من أي صفحة أو قناة اخبارية؟؟؟
أنا شبه متأكد إن الإجابة: ولا مرة.
فحاول تقلل متابعتك للأخبار قدر الإمكان حفاظاً على صحتك العقلية والنفسية.
حاجات مش هتقدر تغيرها بشكل شخصي، فليه تحرق دمك عليها.
ركز على اللي تقدر تغيره وكنسل الباقي.
#DO
الفعل يغلب الفكر.
لا تستغرق في الفكر، فتكون كمن دخل كهفاً عميقاً مظلماً لا يستطيع أن يخرج منه بسهولة.
كن ميالاً للفعل دوماً حتى وان كان بسيطاً، حتى وان كانت فكرته غير ناضجة بالشكل الكافي.
قليل من الفكر وكثير من الفعل أفضل ألف مرة من كثرة الفكر وقلة الفعل.
#DO
حملة توعية ضد سرقة الفيزا اللي انتشرت مؤخراً في مصر والعالم العربي.
#ماتتصلش_بالبنك
لو عايز تغير العالم للأحسن، حسّن نفسك الأول.
لو عايز تغير نفسك للأحسن، روح الچيم.
#DO https://t.co/VekEAliDqW
حصل لي وأظن حصل لناس كتير، لما كنت في الثانوية العامة وقعدت أحل في مسألة رياضيات صعبة لمدة طويلة وماعرفتش أحلها لحد ما خلاص تعبت وروحت أنام!
الغريب والعجيب اني لما نمت كأني حلمت بالحل الصحيح وقمت من النوم فعلاً حليت المسألة! إزاي دا حصل؟
حد عنده تفسير!!!🤔
#DO
بشكل عام، أي حد يقدر يتكلم عن أي شيء لمدة دقيقة.
والشيء اللي سهل عمله بكثرة، بتقل قيمته بشكل واضح، حسب قانون العرض والطلب.
فمن الحكمة ان الواحد يحاول يتميز في شيء مش سهل عمله أو تكراره ويحط فيه مجهود أكتر.
هنا على عكس المتوقع، فرصة البروز والتميز بتكون أفضل وأكبر.
#DO
من اللحظات الفارقة في حياتي هي لحظة إدراكي أن:
"غداً لا يأتي أبداً".
كل ما لديك هو اليوم، هذا النهار، أما غداً فحينما يأتي سيصبح اليوم أيضاً وتنتقل صفة الغد لليوم التالي وهكذا.
غداً مثل السراب، كلما قربت منه، بَعُد عنك ولن تدركه أبداً.
اغتنم يومك،فهو كل ما لديك.
#DO
اتشتمت بسبب تليفون نوكيا | قسم التعليقات
View on YouTube
"فن إعادة الصياغة"
إعادة صياغة الأمور والأحداث بالشكل الذي يستوجب الحمد والشكر لا السخط والحزن.
مثلاً، صُدمت سيارتي، شيء محزن،
مع إعادة الصياغة يصبح الحمدلله أن لدي سيارة أصلاً.
مرض ابني، شيء محزن،
يصبح الحمدلله أن رزقني الله بابن أصلاً.
وهكذا، تدرب على إعادة الصياغة.
#DO
مستواك كام؟ ١٠ مستويات للتعامل مع التليفون
View on YouTube
في رأيي، أفضل صفة فينا كمصريين هي الهزل ومحاولة السخرية من كل شيء، ولكن في نفس الوقت هي من أسوء الصفات.
أفضل صفة لأنها تهون صعوبات الحياة وأسوء صفة لأننا نستخدمها وقت الجد في غير محلها.
الضحك والهزل شيء جميل ولكن لابد من التفريق بين وقت الهزل والجد.
ليس كل وقت هو وقت هزل.
#DO
الچيم والدش الصاقع والصحيان بدري كلام فارغ؟
View on YouTube
امته أخر مرة بعد ما مريت بموقف صعب، قلت :
"الحقيقة، أنا أتوترت أقل من اللازم، كان المفروض أتوتر أكتر."
؟!!؟
الاجابة بكل تأكيد: ولا مرة.
ديماً، هتلاقي انك أتوترت اكتر من اللازم، قلقت اكتر من اللازم، خوفت اكتر من اللازم.
حاول تفتكر الكلام دا المرة الجاية لما تمر بموقف صعب.
#DO
الكلام عن الإحباط والسلبية ونظرية ال(مفيش فايدة) هيخليك في الجانب الآمن دائماً ومفيش حد هيعارضك في الغالب، بل هتلاقي مؤيدين كتير متفقين معاك.
الكلام عن التغيير والسعي والإيجابية -رغم الصعوبات- يستفز كتير من الناس رمت الدروع واستسلمت وركنت لحالة الاستسلام. وأي كلام عن الإيجابية بأي شكل من الأشكال بيكون بمثابة منغص يذكره إن فيه ناس رغم نفس الظروف الواقعة علينا جميعاً، بتأوح وتحاول.
وعشان يغطي الالم دا وينيم الصوت اللي سمّع جواه، هنا بيلجأ لسلاح الهزل والسخرية من الكلام وقائله ودا شيء احنا شاطرين فيه جداً الحقيقة.
متفهم جداً حالة الحساسية من أي كلام إيجابي، لأن كثير من الناس بتتاجر بالكلام المعسول البراق وتبيع الوهم- وهي تجارة مربحة جداً- ولكن فيه فرق بين الكلام الفارغ والكلام والنتائج المبنية على تجارب واقعية.
أنا بحاول جاهداً إن أي كلام يكون نابع من دليل وخبرة وتجربة مريت بها بالفعل ومش مجرد كلام شكله حلو.
شيء رائع ومذهل لما تستخدم التكنولوجيا لمصلحتك.
شيء مرعب لما التكنولوجيا تستخدمك.
#DO
بقالي كتير ماغيرتش خلفية التليفون، المهم إيدي جيت بالغلط وفتحت خيار تغيير الخلفية ولقيت الصورة دي اللي كنت مصورها من فترة كخيار الخلفية الجديدة،.
ظبطت الالوان بتاعتها ببرنامج سنابسيد وعملتها كخلفية جديدة، والحقيقة مريحة جداً بالنسبة لي وكوني انا اللي صورت الصورة بتدي إحساس مختلف الصراحة.
جولة في تليفوني, فلسفة استخدامي للتليفون الذكي ٢٠٢٣
View on YouTube
