يارب 🤲…يبدو أنها أوشكت وسنشهد النصر في جيلنا بإذن الله. يارب كن مع اخوتنا، اروي عطشهم وأشبع جوعهم وانصرهم على عدوهم واغفر لنا تقصيرنا نحوهم.
يا أهلنا البواسل، قلوبنا معكم ووالله انتم تُضربون ونحن نتألم. لا يهنأ لنا نوم ولا طعام وأنتم محاصرون.
ووالله نشعر بالذنب حين نأكل أو نشرب وأنتم جوعى وعطشى. خذلكم الكثير ولكن كفى بالله وليا وكفي بالله نصيرا. فهي إما نصر وعزة في الدنيا أو جنة الخلد في الأخرة.
الفيديو الوحيد الذي تحتاجه في بداية الدراسة
View on YouTube
الواحد يا جدع لما بيكون مزنوق وعندة شغل كتير، بيحصل حاجات غريبة.
إذ فجأةً حبيت اللعبة دي جداً وقعدت اطلع إبداعات المهندس اللي جوايا.
استراتيجة هروب أنما ايه 👌
قولي بتهرب انت كمان ازاي؟ 😂
أتمنى ثقافة “محدش يدخل بعدي” عند دكاترة الجامعة تنتهى للأبد.
يعني حضرتك عارف أن ممكن العطلة تكون من الطريق عادي، وكمان الناس بتكون صاحية من بدري جداً وراكبة كام مواصلة عشان تلحق وبعدين على ٥ أو ١٠ دقايق تقفل باب المدرج وتمنع الدخول!
رجاءً، خد بإيد اللي جاي وعايز يتعلم حاجة.
لا يوجد نصيحة واحدة تناسب كل الناس في كل الأوقات.
الوضع المثالي هو تزامن النصيحة مع وقت احتياجك لها.
فان كانت هناك نصيحة لا تناسبك، فهناك من هم في أمس الحاجة إلى تلك النصيحة.
الوقت المناسب هو شيء غامض جداً، يأتي في المستقبل ولا يكون أبداً الآن.
الوقت المناسب لا يمكن أن يكون اليوم، بل يكون دوماً غداً ،الأسبوع القادم، الشهر القادم.
ننتظره طويلاً ولكن يبدو أنه تأخر هذه المرة أيضاً مثل "كل" المرات السابقة.
لا أدري لماذا لا يأتي الوقت المناسب أبداً.
#DO
إذا لم تبعد نفسك عن المشتتات، فالمشتتات ستبعدك عن تحقيق أي هدف أو تقدم في حياتك.
#DO
والله الواحد بيتعلم كتيييير من المشاكل أكتر من التلقي والاستقبال فقط.
لما تقابلك مشكلة، فتقعد تلف وتدور لها على حل سواء على يوتيوب أو Stack Overflow أو Reddit أو في بوست من ١٥ سنة على منتدى عتيق، وتجرب وتفشل، بتحصل معرفة ضخمة.
في الطريق للحل بتتعلم كتير وأنت مش واخد بالك.
#DO
لما دماغي بتكون عطلانة، أفضل حاجة بتشغلها تاني وبسرعة هي القراءة ولو حتى ربع ساعة فقط. القراءة عاملة زي زيت المحرك اللي بيخليه يشتغل بسلاسة. فما تنساش تزيت تروس دماغك بالقراءة.
Читать полностью…
الكل يحسن البدء في أي شيء، ولكن قليل جداً من يحسن الانتهاء.
حاول أن تكون من القليل واكتسب مهارة الانتهاء من الأشياء وعدم التوقف في منتصف الطريق أو بعد البدء بمسافة قريبة.
كن من القليل وافعل القليل كل يوم، "كل يوم".
#DO
في أي مشكلة أو موقف صعب، احنا عندنا عقليتين في التعامل:
-إما إننا نبرر وندور على حجج وأعذار تشيل من علينا المسؤولية.
- أو إننا ندور على حلول، ونسأل ازاي نقدر نتخطى المشكلة؟ وهتلاقي بعض الأفكار اللي ممكن فعلاً تشتغل.
خليك في النوع التاني، ما تدورش على مبرر، دور على حلول.
#DO
"معنديش وقت"
نادر جداً جداً لما تكون الجملة دي حقيقة.
قبل ما تقول "ماعنديش وقت" لأي حاجة، شوف إحصائيات استخدامك لتطبيقات السوشيال ميديا الأول!
لو استخدامك أقل من ساعة يومياً ، ففعلاً انت ماعندكش وقت، لكن لو أكتر من ساعة، فأنت عندك وقت ولكن بتختار تحرقه في الفاضي كل يوم.
#DO
طيب بمناسبة الفرحة العامة اللي شرحت صدورنا يوم ٧ أكتوبر😉، فاحنا كمان هنشارك الفرحة معاكم، وهنخلي سعر كورس نوشن ب ٧ هو كمان ومتاح لأول ٧٠ واحد🤩.
ودا حرفياً أكبر خصم وأقل سعر على الإطلاق منذ نشر الكورس.
من هنا:
https://bit.ly/3F6tpT0
هو أنا زيي زيك بالظبط مكنتش مصدق🫣.
متفاجئ ومندهش ومبسوط من المفاجأة الحلوة دي😍🤩🥳🥳.
الحمدلله على توفيقه، وانتظروا بودكاست دروس في ثوبه الجديد قريباً ان شاء الله 🤩.
لا تسخر من سطحية بعض النصائح، فهناك الكثيرين من ليسوا بعمق تفكيرك ومازالوا في أشد الاحتياج إليها.
ولا تسخر من فلسفة بعض النصائح، فهناك الكثيرين من هم أعمق منك فكرياً ويحتاجون للعمق والفلسفة.
خلاصة القول: أنت لست المعيار!
أسرع طريق لتحسين حالتك الذهنية والنفسية هو تحسين حالتك الصحية.
ومثلث الصحة له ٣ أضلاع، الاكل والرياضة والنوم.
تحسين أي جانب من الثلاثة سيؤثر بالإيجاب عن الجانبين الآخرين، وبالطبع الخلل في أحدهم يؤثر فيهم جميعاً.
التحسن البدني والصحي يؤدي لتحسن نفسي وعقلي والعكس غير صحيح.
كنت قاعد في البيت ومضايق، سبت التليفون في البيت وأخدت النوت بوك الصغير وروحت الغيط قعدت وسط الأرض في هدووووء تام وشوية طراوة حلوييين، وإذ بسيل من الأفكار والخواطر، كأنها ماسورة واتكسرت. الأفكار والخواطر دي عمرها ماكانت هتيجي لو كنت أخدت التليفون معايا.
حقيقة جديدة توصلت لها من خلال التجربة، التليفون عدو الأفكار. طول ما هو في ايديك، مفيش أفكار هتيجيلك أو بمعنى أصح، مش هتجيلك أفكار ذات جودة عالية. كأنه مفتاح أو سويتش، تفتح التليفون يقفل الأفكار، تقفل التليفون يشغل الأفكار.
هتقولي، طيب انت صورت بايه وكتبت البوست بايه؟ ، سؤال منطقي الصراحة، هقولك بالايباد. :)
والايباد الحقيقة مختلف تماماً عن التليفون خاصة لو معاه كيبورد.أو تقدر تقول اني بستخدمه بشكل مختلف بيحيث يكون جهاز يساعد على التركيز والانجاز مش التشتيت وتضييع الوقت.
فكر فيها كدا:
" الواحد مش بيحس بطعم الحاجة بجد إلا لما يتحرم منها لفترة وبعدين يرجع لها تاني."
دورة الامتناع لمدة ثم إعادة التعرض للأشياء من أهم الحاجات اللي بتحسس الإنسان فعلاً بقدر النعمة وشكرها.
في حين ان الانغماس الدائم يُفقد الأشياء لذتها ويجعلها معتادة ومن المسلمات.
#DO
شكل الأسبوع الجيد جداً بالنسبة لي🤩.
كتابة المهام الأسبوعية وتتبعها من أفضل الحاجات اللي هتشعرك بالرضا وتقلل من شعور التقصير الملازم لك طول الوقت.
متهيألي حان الوقت لفيديو Q&A. 😃
لو عندك سؤال، اكتبه في تعليق هنا وان شاء الله نجاوب عليه في فيديو قادم.
اكتشفت ان فيه حاجات مهما حاولت توضحها بشتى الطرق، مش هيفهمها أو يستوعبها الشخص إلا لما يكبر شوية ويمر بها.
فتذكرت قول الدكتور عبدالوهاب المسيري:
"أنا لا أحب الدخول في المعارك الصغيرة، وأفضّل الاستسلام فيها حتى لاتستنفد طاقتي فيما لا يفيد" .
#DO
بقيت بخاف من أي حاجة بتجيب نتائج سريعة.
طبعاً النتائج السريعة دي حاجة جميلة جداً ولكن في الغالب السرعة دي بتكون على حساب حاجة تانية هتحاسب عليها بعدين، والحساب هيكون تقيل.
أي حاجة بتخسس بسرعة، هيكون على حساب صحتك
أي حاجة بتجيب لك عائد سريع على فلوسك، ففي الغالب نصب… وهكذا.
#DO
تذكير: الموبايل أو السمارت فون لا يغني بأي شكل من الأشكال عن الكمبيوتر أو اللابتوب.
لازم يكون عندك كمبيوتر شخصي في أقرب وقت ممكن، التليفون مش ملائم لحاجات كتير جداً حتى لو كان بيقدر يعملها بشكل ما.
تاني، التليفون لا يغني عن الكمبيوتر الشخصي.
لازم يكون عندك كمبيوتر شخصي.
#DO
