-
( لَا تَحۡزَنۡ اِنَّ اللّٰهَ مَعَنَا ) ,, Mahzun bo‘lmang Alloh biz bilan ‘‘ ( Qur’oni Karim Tavba surasi 40-oyat ) Rek uchun murojat: https://t.me/dunya_di_reklama1 ❗Shahsiy mavzularda javob berilmaydi
Hayot menga judayam ko’p nohaqlik qilayabdi, balki bu Alloh tomonidan menga berilgan kichik bir sinovdir)) Sabr qilaveray-chi In sha Allah hammasi yaxshilikgadir😊☝️
Читать полностью…
🌿 – Bolam, sen yeyaver, mening qornim toʼq.
– Mana bu goʼshtni yegin, men goʼshtni uncha yoqtirmayman.
– Mana bu pulni olaver, menda unga ehtiyoj yoʼq.
– Mana bu choyshabni yopin, men sovqotmayapman.
– Yigʼlama, men kasal emasman....
Ona...
@dunya_di 🍃
Menga koʻp narsa kerakmas...
- Sen bilan o'qiladigan namozlar!
- Sen bilan kuladigan hazillar!
- Sen bilan yuradigan yoʼllar!
- Sen beradigan mehr va vafo!
- Sening qadaming nurafshon etgan uy!
- Sen tayyorlab beradigan shirin ovqatlar!
- Sen oʻqib beradigan Qurʼon!
- Sen beradigan cheksiz baxt!
- Sen bilan boʻladigan suhbatlar!
- Senla kirishga umid bogʻlaganim - jannat!
- Sen dunyoga keltirib beruvchi oʻzing kabi shirin qizalogʻ-u shirin farzandlar!
- Sen bilan ichiladigan choy-u qahvalar!
- Sen bilan yengib oʻtiladigan sinovlar!
- Va sen bilan hayotda boshlanib jannatda ham davom etadigan umrni istayman men..!
Shularni men gʻaribingga hadya eta olasanmi..?
#Baxt
@dunya_di 🍃
🌿Suratga olgan kishining izohi:
«Bu bolaning ismi Abdurahmon. Ilgargi uyi masjidga yaqin edi. Keyin boshqa yerga, masjiddan 15 km.dan uzoqroqqa ko‘chib ketishdi. Shomdan oldin masjidga kelsam, u shu o‘tirishda Qur’ondan kunlik vazifasini yodlab o‘tribdi. U masjidga ikki avtobusda keladi, uyiga ham ikki avtobusda qaytadi. Lekin har kuni bomdodga kelib, besh mahal namozini jamoat bilan o‘qib, bu orada darsini yodlab topshirib keyin ketadi. Abdurahmon Qur’onni to‘liq yodlab bo‘lishi uchun 9 pora qoldi.
Hoy jamoat, bunday namunalarga boshqacha e’tibor va rag‘bat ko‘rsatishimiz kerak!
Alloh talo senga va ota-onangga barakasini yog‘dirsin, O‘zi sizlardan rozi bo‘lsin, ey Abdurahmon!»
Men bundan yana Umar ibn Abdulaziz rahimahullohning gaplarini esladim. U zot aytadilar:
«Bu ummat kasal bo‘lishi mumkin, lekin o‘lmaydi. Mudrashi ham mumkin lekin uxlamaydi».
© falsafasi_hayot
@dunya_di 🍃
Ya Robbim bu Juma shunday bir Juma bo’lsinki,
Avf tilagan avfsiz,shifo tilagan shifosiz,farzand tilagan farzandsiz,ofiyat tilagan ofiyatsiz,jannat so’ragan jannatsiz,hidoyat so’ragan hidoyatsiz,najot tilagan najotsiz,sabr so’ragan sabrsiz ,ilm tilagan ilimsiz qoldirilmasin!
Qaysi bandang qayerda nima talabida bo’lsa bu juma hurmatidan ularning duolarini qabul ayla!
Barcha musulmon ahliga rahmat eshiklaringni keng qilib och!
Hayrli murodbaxsh Jumalar❤️
JUMA MUBORAK❤️
@dunya_di🍃
Nafsingizga qarshi uch narsa bilan jihod qiling..
1-Bir ish qilayotganingizda Alloh sizga qarab turishi..
2-Bir kalima aytganingizda Alloh sizni eshitishi..
3-Sukut qilganingizda Alloh sizni ichingizni ham bilishi..
@dunya_di🍃
🌿 Umar ibn Hattob roziyallohu anhuning barcha erkaklarga nasihati.
«Sizlar bu ayollarga qattiq va’dalar berib uylanasizlar. Ular og‘ir mashaqqatlar bilan sizning farzandlaringizni qorinlarida ko‘tarib so‘ngra dunyoga keltiradilar, ularni yedirib ichiradilar, behisob uyqusiz tunlarni boshidan kechiradilar. Qachonki bolalari betob bo‘lsalar
bu ularning sog‘liklari va navqiron yoshliklarini tortib oladi. Qachonki go‘zallik va yoshlik ularni tark etganlarida erlar ulardan yuz o‘giradilar... Agarda ular uy ishlarini va bolalar parvarishini bir chetga surib faqat o‘zlarini chiroyiga zeb berish va erlariga yasanish bilangina mashg‘ul bo‘lganida edi,
ular haqida «Qanday ham yomon ona va uy bekasi ekana...», deb gapirar edingiz.
Qani sizdagi ma’suliyat, javobgarlik hissi...?
Allohdan qo‘rqinglar va o‘z xotinlaringizga bunday munosabatda bo‘lmanglar!»
@dunya_di 🍃
🍃 Sizga g'am yetgan vaqtda, Internetni titib o'tirmang... Telefoningizni o'chiring. O'zingizga eng yoqqan xonangizga kiring...
Qo'lingizga Qur'onni olingda, o'zingizga eng yoqqan surani ochib tilovat qiling...
O'zingiz uchun bu foniy dunyoning barcha muammolarini bir necha daqiqalarga unuting va Allohning kalomini tilovat qilishda davom eting...
U sizning qalbingizni yumshatadi... Va siz iymon lazzatini his eta boshlaysiz...
Allohning mo'jizaviy oyatlari Sizning yuzingizga nur, qalbingizga hotirjamlik in'om etib, chehrangizda tabassum paydo qiladi...
Unutmang! Bu dunyo hayoti–sinovdir... Bu dunyo sizning abadiy qolajak asl uyingiz emas...
Bas... Asl uyingiz –Jannatga mos yashang...
@dunya_di 🍃
Ayol uchun hamma narsa qilishga tayyor erkakni ko‘rsang, bilginki, u ayolni sevib qolgan!
Erkak uchun hamma narsa qilishga tayyor ayolni ko‘rsang, bilginki, u uning onasi bo‘ladi!
@dunya_di 🍃
🌿 Diqqat: hovli sotiladi!
• Darvozalari: sakkizta.
• Kaliti: «Laa ilaaha illalloh».
• Oltin va kumush g‘ishtdan qurilgan.
• Maydoni: Yer va osmon oralig‘icha.
• Narxi: Allohga hech narsani sherik qilmaslik.
• Xarid sanasi: Qiyomat kuni.
• Xususiy egasi: taqvodorlar.
• Manzili: Firdavs.
• Nomi: Jannat.
Alloh taolo barchamizni ana shu makon ahlidan qilsin!
@dunya_di 🍃
Farzandinmi tili uzun, gapga kirmaydi...
Ushbu holatga qanday yechim topsa boʻladi?
@dunya_di 🍃
#Бuсмuллаҳ
Ассалому алайкум ва роҳматуллоҳи ва барокатуҳ.
Аллоҳим, бу улуғ куннинг шарафидан эрта тонгдан қилинган дуоларимизда ихлосни,
тоатларимизда қабулни,
яхшиликларга шукурни,
намозларда хушуъни,
Ўзингга мақбул бўлмаган амалларимизда авфингни сўраймиз.
Бизга Аллохнинг розилига сабаб бўладиган ишларни осон ва маҳбуб қилсин.
Ўзининг розилигини истаб, тутган рўзаларимиз, барча ибодатларимизни бенуқсон қабул қилинган ибодатлар қаторида даргоҳида қабул этсин.
Аллоҳга беҳисоб ҳамду санолар, пайғамбаримиз Муҳаммад Мустафо салоллоҳи алайҳи васалламга беҳисоб саловатлар бўлсин!
Соллаллоҳу ъала Набиййина Муҳаммадин ва ъала аалиҳи, ва соҳбиҳи ажмаъийн!
@dunya_di
🌿 Maylimi?
🌝 Semirib, ozish uchun ming bir usullarni qo'llab, oldingizda xijolat tortib turganimda "Buncha semirib ketding-e-e-e” demasdan, “Menga qanday bo'lsang, shunday yoqasan, bo'g'irsoq" deb ayting, Maylimi?
🌝 “Xotin”, "O‘", "Ey", "Hey", "Fisht" deb chaqirmang. “Erkatoyim”, “kichkintoyim”, “moychechagim”, “malikam” deb ismimni ayta qoling, Maylimi?
🌝 Kasal bo'lganimda "Kasaldan boshing chiqmaydi" deb iddao qilmang. “Shu dorilarni ichib ol”, “Allohim suygan bandalariga dard beradi" “ko'rmaganday bo'lib ketasan” deb gaplaringiz bilan tuzatib yuboring, Maylimi?
🌝 Xato qilib qo'ysam, jahlingizni chiqarsam, urib, so'kib sochlarimdan sudramang. Yaxshi gaplar bilan tushuntirib, "O'zing aqllisan-ku, onashim" deng, Maylimi?
🌝 Menga "Soching uzun, aqling kalta" demang. “O'qi, izlan, rivojlan. Oldimda olima ayol turishini xohlayman” deya menga bir uy kitoblar olib kelib bering“, Maylimi?
🌝 Yig'lasam, "Asabimini buzma uvullab" demang. "Yig'lamagin, yagonam, har bir to'kkan ko'z yoshing uchun Allohdan so'ralaman" deng, Maylimi?
🌝 Meni Alloh uchun, qariligimda ham, betobligimda ham, chiroyim ketganida ham seving, Maylimi?
©️Hubbuna
✨ Reaksiyalaringizni kutaman ))
@dunya_di 🍃
Yolg’on dunyodan haqiqat izalamang!
Dunyoni sevmang undagi hamma narsa utkinchidir!
Sizni natijasiz hayotdan qutqarishi mumkin bo‘lgan fikrni ulashmoqchiman.
Cheksiz ma’lumotlar oqimi bor dunyoda o‘zingizni go‘yoki “foydali” ish bilan shug‘ullanyapman deb aldashingiz juda ham oson.
Internetda navbatdagi “foydali” video, hissiyotlar uyg’otadigan iqtiboslar va muvvafaqiyatga erishgan insonlarning aqlga sig’mas gaplari.
Barchasi bir tiyn!
Chunki inson hayot sifatining u yig’ib kelgan ma’lumotlar emas, balki kundalik hayotiga tadbiq qilgan ma’lumotlari oshiradi.
Dunyodagi eng zo’r aqllar sizga maslahat bergan taqdirda ham, ularni amalda qo’llamasangiz, siz “foydali” video emas, “foydasiz” video ko’rgan hisoblanasiz.
O’zingizni aldamang!
©️abdusattor
Mus'ab jon taslim gilib yerda yotgan bir paytda
Rasululloh (s.a.v.) uni jangda bayroq tutgan holda ko'rdilar va "Olg'a yur, Mus'ab!" deb buyurdilar.
Lekin u ortga o'girilib: "Men Mus'ab emasman", degach, uning Mus'ab qiyofasida kurashayotgan
farishtalardan biri ekani ma'lum bo'ldi.
Mus'ab ibn Umayr shahid etilganida girq yoshlarda edi. Umrining eng gullagan davrini Payg'ambarimiz (s.a.v.) o'gitlarini tinglab, Alloh
rizosini topishga sarflagan Mus'ab Islom tarixida o'z o'rniga ega shaxs bo'lib qoldi.
@dunya_di 🍃
ALLOH HAR BIRINGIZNI SO‘ROQQA TUTADI
Nega parishonsan, hayollaring qayga sochilgan? O‘zingni yig‘ib, bir jiddiy o‘yla. Alloh aybingni o‘zgalardan bekitdi! Mahsharga chorlanaëtgan sas qulog‘ingga chalinmayaptimi? Agar bilsang, bu gunohlaringga kifoya qilgulik qo‘rqinchdir. Tasavvur qil, peshona sochlaringdan ushlab, seni sudrab ketishyapti. Ranglaring bo‘zargan, a’zolaring shalviragan, tizzalaring titroqda, hushing boshingdan uchgan, qalbing iztirobga to‘la, olam ko‘zingga qorong‘u, ko‘zlar esa senga tikilgan. Faraz qil, xuddi shu holatda muakkil farishtalar oldidasan. Ular yoningga yaqinlashib, seni Rahmonning arshi qadar otishadi. Alloh subhanahu taolo senga ulug‘ kalomini nido kiladi: "Ey Odam farzandi, yaqin kel!” Qo‘rquvdan dukillab urayotgan mahzun qalb bilan ko‘zlaringdan mo‘lt-mo‘lt yosh to‘kib, siniq bir ahvolda yaqinlashasan. Biron narsa qoldirilmasdan yozilgan nomai a’moling beriladi. Evoh! Senga unut bo‘lib ketgan qanchadan-qancha ishlar nomangga bitib qo‘yilgan, eslayapsanmi? Qanchadan-qancha ibodatlarni boy berding, buning ofatlaridan g‘ofil qolding? Bas, mana endi senga ularning oqibatlari! Nomai a’molingga qara, qanchadan-qancha xijolatlik ishlar va O‘zidan o‘zgadan qo‘rqoqliklar! Qanchadan-qancha chekinishlar va o‘rinsiz ojizliklar! Koshki, Allohning huzurida qanday turishingni, qanday javob berishingni, javob berayotib, qalbing qay ahvolga tushishini, ozgina bo‘lsada, sezganingda edi! Keyin gunohlaring birma-bir, oshkora eslatiladi. Fikr et, bundan ortiq uyat va sharmandalik bormi?! "Ey bandam! - deydi o‘shanda Alloh.
- Mendan hayo qilmay, qabih amallarga bosh urdingu, Men xalq etgan mahluqotdan uyalib, ularga chiroyli bo‘lib ko‘rinding. Men senga ulardan haqirroq bo‘ldimmi? Mening nazarimni arzimas bilib, o‘zganing nazarini ulug‘ sanadingmi? Seni
ne’matlantirmadim-mi? Nima seni aldab ko‘ydi? “Bugun ko‘rmayapman, ertaga ham yuzma-yuz bo‘lish yuq" degan gumonga bordingmi? Rasululloh sollallohu alayhi va sallam dedilar: “Butun olamlar Parvardigori Alloh sizlarning har biringizni hech qanday to‘siq va tarjimonsiz so‘roqqa tutadi” (muttafaqun alayh).
«Fazilatli amallar» kitobidan.
@dunya_di 🍃
🌿 Odamlardan farishtalikni talab qilmang...
Chunki bu dunyoda ojiz bandalar yashaydi farishtalar emas...
Xar birimiz adashamiz, xato qilamiz, bilib bilmay kimnidir koʻngliga ozor beramiz....
Lekin koʻnglimizga ozor bergan oʻsha yomonni xam, qandaydir bir yaxshi xislati.....
Biz uchun eng mukammal boʻlgan insonni xam bir yomon odati boʻladi...
Bizga ozorlarni eslab yurmasligimiz uchun Unutish va Kechirish tuygʻulari berilgan... Agar kechira olmasak demak biz xam yaxshi odam emasmiz.....
Shunday ekan yomon odamlar yoʻq... shunchaki yomon odatlar bor xalos....
Yaqinlaringizdan va doʻst-u yoringizdan kichkina yomon odati uchun voz kechmang... kechiring... unuting... 🙂
@dunya_di 🍃
🌿 Goʻzal gumon...
Bir ayol dedi:
“Xudo xohlasa, men albatta solih insonga turmushga chiqaman! U bilan baxtli hayot kechiraman”. Aytgani boʻldi.
Dedi:
“Men universitetda oʻqishga qabul qilinishimga ishonaman va shunga intilaman! Oʻzim istagan mutaxassislikga kiraman!” Aytgani boʻldi.
Unga dedilar:
“Yetar shuncha tuqqaning! Bolalar charchatishdan boshqasiga yarashmaydi”.
Dedi:
“Alloh yordam beradi. Farzandalarim qobil, koʻzimning quvonchi boʻlishadi”. Aytgani boʻldi.
Eri katta tuhmatga qolib qamaldi. Dedilar:
“Ering tuhmatga qolib qamaldi. Yaqin orada chiqmasa kerak. Uning faqat oʻligi chiqadi”.
Dedi:
“Yoʻq, Xudo xohlasa, albatta chiqadilar. Men ularni juda ham chiroyli kutib olaman”. Aytgani boʻldi. Erining qanday chiqqani hammani hayratda qoldirdi...!
Bir kishi dedi:
“Men ishdan haydalishdan qoʻrqaman. Shuning uchun ishsiz qoladigan kunlarimga ham pul yigʻmogʻim kerak!” Aytgani boʻldi. Ishdan boʻshatildi.
🌿 Nimaga bizning aytganlarimiz roʻyobga chiqadi?
Chunki Alloh taolo: “Bandam Meni qanday oʻylasa, shundayman!” deydi. Agar Alloh haqida chiroyli gumon qilsa, oʻziga yaxshi. Yomon oʻylasa, oʻziga yomon.
Shuning uchun ham Muso alayhissalom Nil daryosiga kelib, qochishga yoʻl qolmaganda ham Robbilari haqida chiroyli gumon qildilar. Qavmlari: “Endi qoʻlga tushdik” deyishsa ham, ular: “Yoʻq! Albatta, Robbim men bilan, U menga toʻgʻri yoʻlni koʻrsatur” dedilar. Alloh ularning aytganlarini roʻyobga chiqardi. Aql bovar qilmas holda daryo qoq ikkiga boʻlindi. Yoʻl ochildi...!
Hatto arzimas narsalar haqida gapirish, oʻylashda ham diqqat qiling!
Doim nekbin (optimist) boʻling! Alloh haqida chiroyli gumon qiling! U - Kariym, U Rohiym!
Yomonlik haqida oʻylamang! Agar qiyin vaziyatga tushib qolsangiz, Muso alayhissalom aytganlaridek:
U (Muso) “Yoʻq! Albatta, Robbim Albatta, Robbim men bilan, U menga toʻgʻri yoʻlni koʻrsatur”, dedi, deb ayting...!
Inshaalloh hali hammasi yaxshi boʻladi 🙂
@dunya_di 🍃
🌱 Shifoxonada yotgan qariyaning ahvoli to‘satdan og‘irlashib qoldi. Shifokor cholning aft-angorini ko‘rib, cho‘chib tushdi:
— Hamshira!
O‘limi yaqinlashganini sezgan chol:
— Shoshma, o‘g‘lim. Senga bir vasiyatim bor.
— Bolalaringizga xabar beraman...
— Yo‘q, shoshma! Avval gapimni eshit.
— Mayli, ayting.
Qariya ko‘zlarida yosh bilan:
— Uyimdagilarga kechqurun, soat 10 dan keyin xabar ber, bu juda zarur! Sababini so‘rama. So‘nggi iltimosim va vasiyatim shu...
Shifokor noiloj rozi bo‘ldi. Cholning joni peshinga yaqin uzildi. Vasiyatga amal qilib, uyidagilarga kechasi xabar qilishdi.
Tunda yetib kelgan to‘ng‘ich o‘g‘il:
— Kech xabar beribsiz? — dedi.
— Otangiz shunday vasiyat qildi.
— Vasiyat? — o‘g‘il turgan joyida kotib qoldi. Ko‘z yoshlari yonoqlariga oqib tusha boshladi, — Eh otaginam-a! Bugun men to‘y qilgandim... O‘g‘limning to‘yi buzilmasin deb, bechora otam hatto yaqinlari bilan ham vidolashmabdi-ya…
@dunya_di 🍃
Usmon r.a aytadilar:
«Kim besh vaqt namozni o‘z vaqtida ado etib, shunday bardavom bo‘lsa, Alloh taolo uni to‘qqizta ne’mat ila ikrom qiladi» :
🟢Alloh uni yaxshi ko‘radi.
🟢Badani sog‘lom bo‘ladi.
🟢Farishtalar qo‘riqlaydi.
🟢Hovlisiga baraka yog‘iladi.
🟢Yuzida solihlarning belgisini zohir qilib qo‘yadi.
🟢Qalbini muloyim qilib qo‘yadi.
🟢Sirot ko‘prigidan chaqmoq chaqqandek (tez) o‘tib ketadi.
🟢Alloh unga do‘zaxdan najot beradi.
🟢Xavf va g‘am-g‘ussasi bo‘lmagan kishilar bilan birga (jannatda) yonma-yon qilib qo‘yadi.
@dunya_di 🍃
Ey Ibrohim! Nima uchun
qalblar Allohdan uzoqlashdi?
Chunki qalblar Alloh g‘azab qilgan narsalarni yaxshi ko‘rdi, dunyoga muhabbat qo‘ydi, oxirat uchun amal qilishni tashladi, befoyda o‘yin-kulgilarga berilib ketdi…
@dunya_di 🍃
🌿 Ishq bir hasratdir..
Hojar onamizdek bir goʻdak bilan choʻllarda Allohga omonat yashamoqdir.
🌿 Ishq ishonchdir...
Ibrohim Xalilullohdek eng sevganini eng sevganiga ikrom qilmoqdir.
🌿 Ishq hayodir..
Odam Atodek gunohlardan uyalib qirq yil osmonga qaray olmasdan yigʻlab, avf soʻramoqdir.
🌿 Ishq fidoyilikdir..
Yaʼqub alayhissalom kabi Allohga qilgan birgina xatosi uchun eng suyganining firoqida hijronda yashamoqdir.
🌿 Ishq fidokorlikdir.. Xuddiki bor davlatini din uchun fido qilgan Xadicha onamizdek.
🌿 Ishq rashkdir..
Xuddiki Oisha onamizdek, vafot etgan boʻlsalar ham sevganlarini Xadicha onamizdan qizgʻanib koʻz yosh toʻkkandek.
🌿 Ishq kechirishdir..
Yusuf alayhissalomdek oʻziga minglarcha xiyonatlarga sevgi bilan javob bergandek.
🌿Ishq yigʻlamoqdir.. Tanimaydigan ummatining gunohlari uchun yigʻlamoq kabi..
🌿Ishq Alloh uchun moʻminni sevmoqdir...Xuddiki Sevimlisi Hamzaning jigarini sugʻurib olgan Vahshiydan moʻmin boʻlgani uchun nafratlanmagan Habibimiz (s.a.v)dir..!
@dunya_di 🍃
🌿 Ko‘rinishidan boy bo‘lgan yigit keksa yoshli bir MISKIN kishidan:
—- Tuxumingiz necha pul..? - deb so‘radi.
U:
—- Bir donasi besh yuz so‘m, - dedi.
Yigit:
—- 2000 so‘mga 6 ta berasizmi..? Yoki ketaveraymi...? - dedi.
Qariya:
—- Olavering, men bugun hali hech narsa sotganim yo‘q. Mayli, bugun shunday bo‘lsa ham savdoyimni boshlab olay. Oxirgi vaqtlarda judayam kam sota olyapman, - dedi...
... Yigit 1000 so‘m FOYDA qilganidan xuddi katta sovg‘ani qo‘lga kiritgandek xursand bo‘ldi...
Sal nariroqdagi qimmatbaho mashinasiga o‘tirdi. Do‘stlari bilan choyxonaga borishga kelishishdi...
Har doimgidek go‘sht ortidan osh buyurtirishdi. Ulardan yeyilmay qolib ketgani ham bo‘ldi (har galgidek).
Choyxona xodimlari buyurtma hisobini keltirishdi. Hammaga taqsimlanganda 45 ming so‘mdan to‘g‘ri keldi.
Yigit 50 ming berib, qaytimi kerakmasligini aytdi...
Bu voqea choyxona uchun oddiy hol bo‘lsa - da, FAQIR keksa kishi uchun alamlidir...
U yigit qariyadan 1000 so‘mni qizg‘ondi... Yeb - yemagan, yeb tugata olmagan taomi uchun 50 ming so‘mni shundoq berib yubordi...
@dunya_di 🍃
Uylanish(oila qurish arafasi)da lozim bo‘lgan niyatlar
1. Uylanish orqali Allohga ibodatni niyat qilish.
2. Allohning roziligini istash.
3. Nikohdan so‘ng Allohning toatida bo‘ladigan solih zurriyot tug‘ilishini niyat qilish.
4. Musulmonlarni sonini ko‘payishini (hissa qo‘shish) niyat qilish. (Hadis mazmuniga binoan).
5. Uylanish ortidan iffatni saqlashni niyat qilish.
6. Toat, taqvo va yaxshilikda o‘zaro hamkorlik qilishni niyat qilish. (Muslima ayol bilan oila qurish bilan)
7. Musulmonlarning avrati (nomusi, sha’ni)ni berkitishni niyat qilish.
8. Zikr qiluvchi erkaklar va zikr qiluvchi ayollardan bo‘lishni niyat qilish.
9. Ko‘zni harom (nomahramlarga qarash)dan tiyishni niyat qilish.
10. Baxtiyor musulmon oila barpo etishni niyat qilish.
11. Rasululloh sollallohu alayhi vasallamning sunnatlariga ergashishni niyat qilish.
12. Uylanish vositasida dunyo fitnalari va Shaytondan himoyalanishni niyat qilish.
13. Qalbni vasvasa va turli chalg‘ituvchi fikrlardan asrashni niyat qilish.
14. Farzandlarim Qur’on hofizlari bo‘lib, meni ham shafoat qilishsin, deya niyat qilish.
15. Uylanib fasod, buzg‘unchiliklardan himoyalanishni niyat qilish.
16. (Soliha ayolga uylanish ila) dinini yarmini komil qilishni niyat qilish.
@dunya_di 🍃
Shunday narsani his qilganmisan?
Yig‘lasang ko‘z yosh, kulsang sabab yo‘q. Iching shunchalar bo‘m-bo‘sh, shu bilan birga to‘lib ham ketgan.
Tushuntirsang, tushuntirib bo‘lmaydi, ichingga yutsang, ichingga sig‘maydi. Qochib qutula olmaysan, qolsang, bir yerda tura olmaysan.
Yo‘l yaqindek ko‘rinadi, lekin ayni paytda judayam uzoq. Qayerga bormoqchi bo‘lsang ham, yetib borolmaydigan joydasan.
Atrofingda odamlar judayam ko‘p, ammo birortasi ham yaqin emas. Mehr bepul, lekin berishga eng qizg‘onadiganimiz ham shu mehr.
Aslida shunchalar baland baqiryapsanki, biroq hech kim eshitmayotgandek. Senga bir narsa juda ham zarur, ammo o‘shaning nimaligi mavhum.
Ovqatlanish uchun kafega kirasan, ovqat buyurtma bergach esa qorning to‘qligi yodingga tushadi.
Yuragingni bo‘shatish uchun do‘stingga qo‘ng‘iroq qilmoqchisan, raqamini termoqchi bo‘lganingda, birorta ham do‘sting yo‘qligini eslaysan.
Judayam yomon tuyg‘u, shunday emasmi?
@dunya_di 🍃
Parhez turlarining eng go‘zali, g‘iybat qilib odamlarning go‘shtlarini yeyishdan tiyilishdir.
@dunya_di 🍃
Namozda bo‘lsang, qalbingni ehtiyot qil!
Odamlar orasida bo‘lsang, tilingni ehtiyot qil!
Birovning uyida bo‘lsang, ko‘zingni ehtiyot qil!
Vaqtliroq tur, umrni extiyot qil!
@dunya_di 🍃
