كل يوم اناظر نورك***مشتاكه عيني ازورك
روحي بخيال اطوفك*متمني اقبل اجفوفك
مشتاكه عيني ازورك
*****************
مشتاكه اشوفك سيــدي والكلب لهفان (1)
مادري انته بياارض ماعــــندي عـنوان
ياالمنتظر يالقائم***اني بغرامك هايم
ارسم عشك بحروفك*متمني أقبل اجفوفك
مشتاكه عيني ازورك
*****************
عاشرت أصحاب العشك والتحمل فراك (2)
صفــــنو بحالي تعجبو من عرفو اشتاك
ماشفته كالو نظره *كلت اعشكت عالفطره
الاخر نفس ماعوفك متمني اقبل اجفوفك
مشتاكه عيني ازورك
*****************
اتعنه للسهله بعــــــشك وادخل مقامك (3)
ومن يقره دمعي زيارتك يسمع سلامك
وانتظر انه بشاره***بلكت تمر بزياره
عيد الفرح لو شوفك**متمني اقبل اجفوفك
مشتاكه عيني ازورك
*****************
ارفع جــفوفي بكل فرض وأقره دعائي (4)
ياربي عجـــــــــــل بالفـــرج هذا ندائي
اسمك ورد بالساني***مائيست ومتاني
هيهات شوكي يعوفك***متمني اقبل اجفوفك
مشتاكه عيني ازورك
*****************
شعبان من يمر فــــــرح جايب سعاده (5)
يتــــــــــــذكرك ياسيدي بنصه الولاده
بالكت يمر ميلادك***وياك نحي اعيادك
كلبي صبح ملهوفك***متمني أقبل اجفوفك
مشتاكه عيني ازورك
الشاعر
عباس الفياض
عيد الفرح بهاي الولاده * علي الكرار بشفافه السعاده
عايش اجمل احساس * شايل بيده عباس **********************
علي بـجفوفه شبـــله وعينه تتصور (1)
الكمر عباس يدري يشــبهه من يكبر
بطولات الشــجاعه بده يـــــــــتذكر
يدري بابو الغيـــــــــره كلهه تتــكرر
بصفناته رسم حيدرنه صوره * طب الكربله وعباس دوره
شبله بعزمه ينقاس * شايل بيده عباس
******************
علي ام البنين اكباله وتـــــــــــشوفه (2)
ميبوسه بوجنته يــــــبوسه بجفوفه
يكلهه ابنج كريم الكـــرم مـــوصوفه
يضحي جفوفه ذني وقصته معروفه
كريم الطف القبه الكرم والزود*** يضحي جفوفه ذني فدوه للجود جفوف الكرم تنباس*** شايل بيده عباس
****************
يم عباس نضري وركــــــــزي ويايه (3)
عليمن شوفي عاين عــنده فد غايه
نظره السيفي ركز نـــــظره عل رايه
معناها يكـــــــلي الخـــــــدر بحمايه
بكماطه ويريد الرايه بيده * هذا ابنج فخر ينصر عضيده
اشيحمل غيره وحساس* شايل بيده عباس
******************
بطل من المــــــــهد وضحهه غاياته (4)
وباجر كربله تـــــــــــسولف بطولاته
نفس ضــرباتي بالفقار ضـــــــــرباته
ويحمل عــزمي غيره وزود حــملاته
ضمه المرتضى بلهفت غرامه * وعاينله الكمر باحلى ابتسامه
شبك حيل ابو النوماس* شايل بيده عباس
********************
بهـــل اثاء طبـت زينب وصـــاحت (5)
اشم ريحة الخوه من الكـمر فاحت
ركضت ليه وجتي ويـمه من راحت
عثرت بالــــدرب لاجنـــها ماطاحت
فزع من ايد ابوه عينه عليها * ومد جفه يريد اتمد اديها
زينب كل الانفاس * شايل بيده عباس
*********************
علي شاهد الـــموقف وابتسم ليها (6)
ونظر لم البنين ورد يــــــــحاجيها
كل انفاسه زينب هــــــــو يـحميها
ومن تعطش نهر بجـفوفه يرويهــا
حي الله شجاعة ابو فاضل*** الزينب والنعم من هسه كافل
يضحي جفوفه والراس*** شايل بيده عباس
*************
علي متسمر يشرح باابو الغيره اسرار (7)
لجن شوف الكمر والــموقف الي صار
من ايـد الصــــــميده الايـد زينب دار
لزم بجفــوفه جفــهه وعـــاين الكـرار
علي صاح وبعد شرد اني احاجيك** عمرك يوم والغيره بدت بيك وضعت الغيرتك ساس*** شايل بيده عباس
**********************
زينب صاحت اهـلا ياكـــــفيلي اهـلن (8)
كل آلام عنــــــــــدي بــشوفتك راحن
لان ادري بجــــــــروحي وياك مايبقن
واشوف عيونك بنـــــــظراتي يتوضن
اخوي وكافلي وروحي ودليلي*** ومن شفتك كوه عباس حيلي
حصن يبعد الارجاس * شايل بيده عباس
**********************
اي زينب افرحي وعيشي هل احساس (9)
بكفيلج افتــــخر ورفـــــع وياج الراس
انه ام البنين لجـــابت العبــــــــــــــاس
وبعد اتلاثه اجيب اعله الخيــم حراس
وياج الكمر ورايه بيده * عهد من هسه منطي للصميده
وسمعها علي النبراس* شايل بيده عباس
الشاعر
عباس الفياض
قبل المـــــدامع ماتــــهل العـــبره (1)
اترخص بهل تعــــــزيه من الزهره
ادري الطــــــم مايكفي لمن اقــره
والزهره مفجوعه هواي...تريد الذي يواسيهه
*******************
يالكاظم الليله المصــــــايب يمك (2)
اصفن جرح من اوصل اني الهمك
عاشور كـــمت بهل الدموع اشتمك
جبيره شكثرها الآلام... المـــــن كمت تشكيهه
******************
لو يرجــع التاريخ يمـــــك لحضه (3)
اوصل السجــنك بالدموع اتوضه
جم منظر الحسرات راح اتحفظه
كيد وظلام واهات... سنين الصـــــبر كاظيهه
*******************
قصتك اشلــــون الفاجعة تنسها (4)
ويلاه اصــــــرخ والــحزن ينعها
كل غربه لاكل الجـــــروح الكاها
بعيوني دمعات هواي... واجب عليك ابجيهه
*******************
المسجون ينطـر اهله يمته تزوره (5)
العين التشـوف اعزاز اي مسروره
وانته بغربتـــــــك ماجتلك صوره
جم صورة عينك تشتاك... عيـنك تون عليهه
*******************
تبجي المشاعر جم حزن يم عمرك (6)
تتأمل اشوفــــــــــك هلك تنتظرك
تاليها من سجــــــنك لفيت الكبرك
التاناك ترجع مولاي... شـــاف النـــعش تاليهه
*******************
نعشك غريب ومو هلك لتشيـــــعه (7)
فوك الجسر والشيعه تجري الدمعة
مشتاكه شوفك مو نعش وتـــودعه
ويلاه اه يامسموم... ظلت تــــــــــــردد بيهه
الشاعر
عباس الفياض
علي كل لحظه بحـياتك للعظيم
علي منهاجك صراطاً مستقيم
ماتحب الدنيتـــك * رضه ربك غايتك
*****************
علي جفك من تـــــرفعه تنفتح باب السماء
علي انفاسك نحسهه من خشَوعك بالدعاء
كلهه ادعيـــتك خشوع وراقيه
الصــباح كميــل كل الادعــــيه
كل دعاء بي دمعتــك * رضه ربك غايتك
*****************
روحك بحـرمان ظلـت وانته ياحيدر أمير
تشعر بمنتهى الفــــــرحة من تسعدك فقير
علي ماشوفاً بشخصك كبرياء
متواضع ابو كل الفقــــــــــراء
بلايه منه عطيتك * رضه ربك غايتك
*****************
عبدي أطعني تكون مثلي قالها رب االقدس
علي شفناهه بوجـودك يوم رديت الشمس
طاعتك لله جانــــــت كامله
ربك انطاك انته اعظم منزله
بالمعاجز بصمتك ***رضه ربك غايتك
علي خصمك من تبارز والحرب تلهب خطر
ماتظربه إله تشــــــــوفه وتنظر بسابع ظهر
لوشفت واحد بصلبه وعنده دين
تعوفه حته تكثــــر من المسلمين
الشاعر
عباس الفياض
9رجب مولود عبدالله الرضيع (عليه السلام)
الفـــرح يم ميلادك الكيته بعيد
اني اذكـــر سهــــم ذابح للوريد
ننوي بثوابك بهاي***كل رضيع نشربه ماي
****************
انه هذا حســاس كلبي شافك بهيئة ملك
من اجيت وابو الايمه بيده كام استقبلك
يعاينك ودموعه تجري وكلبه مدري اشكال الك
يعاين النحرك وعينه تصب الم
رسم موتك والنحر صابه سهم
بمولدك نبجي مولاي *كل رضيع انشربه ماي
******************
فسرت دمعة حسينك واستمع هذا الشرح
اه ياعبدالله يبني خــلي اسولف لك جرح
راح ست أشهـــــر يبويه عمرك يمر بالذبح
سولف حسين بمصابك بس غياب
وصاح كلسا شبـــكي ابنج يالرباب
مايضل يمج هواي ***كل رضيع انشربه ماي
الشاعر
عباس الفياض
سفـــــــــرة ام البنين
لو صحت يام البنين اختنك عبـره
اشلون لوشوف بأسمه ادور سفره
اصرخة ابدمعه وونـيــن**ابســفرتج يام البنيــن
لاتــردين الطلب وانطي البشـــره
****************
من نمــد السفـــــره نتيقـن حضورج (1)
ونشعـــــــر بـيــــناتنه يتلاله نـــورج
ومن نصلي عل النبي نشتم عطورج
بلا شعــور الدمـعــه تتعنه وتــزورج
واحد يفــرح الثاني يكله ابشــر
سفـرة ام عباس متخليك حايـر
ماتـردين الحزين***بســفرتج يام البنيـن
لاتــردين الطلب ونطي البشر
****************
اســــمع الـــوادم تســــولف اكرمتنــه (2)
سفــــــرة ام عباس ماردت طلبـنـــــه
عل مكارم عل مـــعاجـز عـــــودتنـــه
حاشه ام عباس جـــف خـــالي تردنه
ا توزعين مـراد وجفوفــج سخيه
سفـرتج جم عافيه اطتهن هـد يه
جم كــرامه توزعين*** بسفــرتج يام البنيـن لاتــردين الطلب وانطي البشره
****************
احنه عل السفره نحس انتي شــتريدين (3)
الثواب نـــــــذره كـــله باســم الحســـين
الماي عل ســـفره شـفاء باسمه توزعيــن
ولسه يـم كبــــره تـنوحيـــن وتلــطمــين
يالتــــــريـد الحاجــه اكظيــه بــدعوتــي
انوي بأسم حسين كل هاي سفرتي نحلفـــج بجاه االحسين
ابسفــرتج يام البنيـن
لاتــردين الطلب ونطي البشـــره
****************
الم دمـــــــعة زينب بعيـنــــج لكيـــــنه (4)
شكثــــــر عل العتـــره تحبيه البجيـــنه
انتــي باب الحاجه يم بابــــج اجـيـــنه
السـفـــرتج بدمـــــوعنه والله عتـنـــينه
ادخيلج ام عباس والدمعه عله خــدي
اكظي كل حاجه الي وكل شده عندي ابابــج احنه السائلين * بسفــرتج يام البنيـن
لاتــردين الطلب وانطي البشــره
******************
ضلع فاطمة الزجيـــــه الـــــيوم اذكــــره (5)
لان دمعـــــــج عل المصاب هواي يقــــره
ومحـــسن الما شم هــوه مـــاهو عمــــره
لمن تذكـــري عيونج تجــــــري حســـــره
عايشه بالوعة حزنـهم عمـرج مـصاب
شكثر دمعاتج جرت من شافت الباب
شكثـر كلـبج بي حنين *** بسفـــرتج يم البنيـن
لاتــردين الظلب ونطي البشــره
الشاعر
عباس الفياض
ماعندي شعر عاجز بشرحج دوم
يالكلج بـــــــــحر ماوصل القطره
صدكيني القلم قامــوس للاشعار
بس عاجز يفســـــــر جملة الزهره
عباس الفياض:
فقدن الكلب وموادع الروح
زاد بحسرتي الام وجـــروح
ودعت الهوه وكل نفس بيه
ودعت العمر ويه الزجيــــه
زاد بحسرتي الام وجروح
****************
انفاسي مخنوكه بعد فاركت روحي الزهره
ولوصاح واحد فاطمه تخنكني حيل العبره
عشرة كلب روح وجسد يامحله ذيج العشره
ودعتني مكسور الضلع وبالخد اثر للسطره
مانسه الالم كل عمري انعا
كل دمعه اصيحاً اه يزهـــرا
الالم الفكد تســـعر عليه
ودعت العمر ويه الزجيه
زاد بحسرتي الام وجروح
**************
ماعندي ساعه بلا دمع ماوكف نوح دموعي
عل باب عيني من تصد توجعني حيل ضلوعي
اذكر مصاب ام الحسن ويزيد وني ولوعي
وايامي ظلمه بلا ضوه ومطفيه كل شموعي
عله الباب من صــد اذكـــر الصـــار
احس ضلعي انكسر وبصدري بسمار
ماترجع بعد فاطــم اليه
ودعت العمر ويه الزجيه
زاد بحسرتي الام وجروح
********************
امصابه بعمري سهرمامرني لحظه النسيان
اصرخ يزهره بدمعتي واعتني البيت الاحزان
اذكره من تصرخ الفكد فاركني سيد الاكوان
بغياب عشت نفس الدمع والاشجان
ارسمه واظل اذكر حجيه
ابيت الحزن اسمع بجيه
شكذر تبجي على سيد البريه
ودعت العـــمر ويه الزجيــــه
**********************
كل ويايه بهل دمع عاشت مصايبها سنين
زينب تون صبح ومسه والحسن شابك الحسين
زهراء يازهراء بالبجي شوكت لينه تردين
كله بالم تشعر حزن وتبجي مصاب بكل حين
كل يوم العزاء بالبيت موجود
فكده سنين بس نتنطر تعـــود
وكل تصيح ياحامي الحميه
ودعت العــمر ويه الزجــيه
زاد بحسرتي الام وجروح
خادم الحسين
عباس الفياض
عباس الفياض:
خادمة فاطمه وكل صوتي بجـي
انه فضه وسمعو مني هل حجي
جم حزن جم لوعه بيه… جروحه هوايه الزجيه
انه فظه سمعو مني هل حجي
*************
جم مصاب كبــال عينــي بواقعة ام الحسـن(1)
محسن وصطره وعصره وضلع مكسور ومحن
كل الم ينعد مصيبه و كلهـــن بـساعه اجـن
جيــت اودعــها وشفـته تجي ومحضـر الجفن
تون حسرات وضـلع دفعات بــاب
مومصيبه زهره عده اجم مصاب
ليه جتي اجم منيه… جروحه هواي الزجيه
*****************
اكعدت يمه وعيني تجري ونوح كل حسراته هم(2)
فضه كالت هــذا دمعــي لاتظـني من الـــم
ابجي اني لهل بيت ابجي طبره وابجي سم
ابجي جسم حسين دامي وجم ضلع منه نهشم
اه فضه انتظري بعدي جم عزاء
راح سولفلـج بـدمعــات البكــاء
بالدموع تصد عليه… جروحه هواي الزجيه
************
اول مصيـــبه عليكم راح من بـعدي تـمر(3)
راس حيــدر ابو الحمله ينطـبر ليلة قـــدر
الحسن وسط الطش جبده راح ينسم شكثر
حسين اه لوعــة مصابه نحره يكطع الشمر
وانه مويمهم وعيشن هل جروح
بالكبر وابقه عليهــم بس انــوح
كل مصاب تشرحه اليه… جروحه هواي الزجيه
***********
تخيلت هاي المصايب ورسمت يمهن صور(4)
وجرح رابع ضفت ليهن عـنه ماعـندج خبـر
جيش الحسين وعضيده الغيره عباس الكمر
سهم راح يصيب عينه جفوفه يم ماي النهر
مقتل الحامي الضعن صعب شكثر
حسين عل العباس ظهــره ينكســر
تقره قصة الغاضريه… جروحه هواي الزجيه
**************
اه يافضــه بدمعـــتي لـــوعه تنزف بالكلب (5)
زينب الدللهه ابوهه تمشــي اسـيـر وتضرب
عكب اخوه ليكفل اخته تصير زينب بالغرب
واليتامه تصيح عمه وتبجي كلــه من الرعب
اه يازينب بعينـــج جــــم الــــم
فراك اخوتج والسبي وحرك الخيم
تكلي مهضومه وسبيه… جروحه هواي الزجيه
خادم الحسين
عباس الفياض
فرح يوميه ينعاد *وصلنه العلي السجاد
احتفلنه بوالده وعمه *هل يوم الفرح يمه
وصلنه العلي الســـجاد
******************
فــــــرح يوميه نلكي وينثر عطوره (1)
اسئــــــل للكلــب يقـــرالك اسروره
وصلـــنه الزينــــة العـــــباد والنوره
القصــــيده والشعــــر بالمولد يزوره
بسروره الشعر يقره*** بمشاعر لمن يذكره
الصور محلاهه من رسمه***هل يوم الفرح يمه
وصلنه العلي الســـجاد
******************
يامـــحله الفــرح يامحله هل ميلاد (2)
كـــرة عيــــن ابــو السجاد بالسجاد
بعيـــــون الحسين الأمل ظل يزداد
جـــزء من الامامه اليوم هل الاعياد
حسين شكبر عيده *شايل ابنه بيده
كل شويه يشتمه*هل يوم الفرح يمه
وصلنه العلي الســـجاد
******************
عنــــــوان العشـــك للعشـــك ودينه (3)
الك يــــحسين هـل ليلـــــــه تهانينه
علــــي السجـــاد قنــــديل ويضوينه
رابـــــع حجـــه مـــن الخالـــق علينه
نور من الامامه *شع باحله ابتسامة
بعيده الشيعه ملتمه *هل يوم الفرح يمه
وصلنه العلي الســـجاد
******************
نور من العـــبادة اليـوم ضـوه الكون (4)
صلـــي عل نبي من عين اليحسدون
تشـــابه مـن علـــي لاكل علي يلكون
عـــل جـــده طلـــع يفتر عليجوعون
متعلم عل احسان***ابد ميعوف جوعان
توزع جفوفه بالنعمه *هل يوم الفرح يمه
وصلنه العلي الســـجاد
********************
أجه بـــشهر الفرح والفرح ماينقاس (5)
من بعد الحســــين ومـــولد العباس
نصــــر من كربله والغيرة والنوماس
حته بمـــــــــولد عنـــوان للاحساس
وراثه موهوايه *زغير بجفه رايه
تحير الفكر يم عزمه*هل يوم الفرح يمه
وصلنه العلي الســـجاد
******************
ماختم فـــرح بعد الفـــــرح يكـــــثر (6)
بعد جــــــم يوم ونادي علـــي الاكبر
جم كوكب عليـنه بهل شـــهر ازهـــر
واخــر نـــور نـــور المهـــدي يتنـــور
انتظار الكلب ملهوف *نور القائم يشوف
حبيبي منقذ الامه *هل يوم الفرح يمه
وصلنه العلي الســـجاد
الشاعر
عباس الفياض
مولود الحسين (عليه السلام)
سمعو بهذا الإعلان *عيد اتلاثه شعبان
نور وضوه الاكوان * مــولد الحسين
عيد اتــلاثــه شعبان
****************
خـل نبــــــدي الفرح خل نعلن الأشواك (1)
ابعـــد ياحـــــزن ويـاك دمعـــــي فراك
المــــــولود الحُسَيْن اي والكمر مشتاك
مثــــل غايب بعـــــيد ونطـرته العشاك
مشتاك بضحكتي *أعلنه فرحتي
وردد ويه صفكتي *مولود الحسين
عيد اتــلاثــه شعبان
****************
عشكي ويه الحسين بكل وقت موجود (2)
واليـــوم اسمعــــت ميــلاده هل مولود
اعتنيـت وشوكي ماكدرت تحده حدود
رضـه أهل البيت جان الغاية والمقصود
تعنيت ويه روحي *متناسي جروحي
ماموجود نوحي * مولود الحسين
عيد اتــلاثــه شعبان
****************
ابنـــــــــور الحُســـــين اشـــــويه نتامل (3)
قــارن بالاعيــاد وشــــــوف ياهو اجمل
سلســــلة الكســاء بـــــــهل فــرح تكمل
والله الكل فــــــــــرحنه اليـــــوم يتقبل
اجتي اليوم الاعياد * تهني والفرح زاد
تقره بصوت الانشاد *مولود الحسين
عيد اتــلاثــه شعبان
****************
خلونــــــــــي علـــه هوني اليوم اشتمه (4)
عطـــــــر مـــــــولوده نازل للبشر رحمه
شكــــــراً ياالاهــــي الفضـــل هل نـعمه
فـــرح لـــو حــــزن كل اوقاتي بالخدمه
كلبي هواية مسرور * يشم بهايه العطور
مسك لو ريحة بخور * مولود الحسين
عيد اتــلاثــه شعبان
****************
جبـــــيره والحســــن اي كلــش الفرحه (5)
نـــور جــــــــديد هل عله الخلك صبحه
يعجــــــز كـل شعـــــر هل مولد يشرحه
تـــره هـــاي القصيــده من الشرح نفحه
نظرتنه بعيده * ماتكفي القصيده
الفراح لازم نزيده* مولودالحسين
عيد اتــلاثــه شعبان
****************
مانهــــي العشــــك ماينتـــــــــهي بحبه (6)
هـــوه غيــر الحسـين الريــتي ماكـــربه
ولامــــــره نخــــيت الغـــيره لـوجـــربه
يـــم شــــباجه متعـــــود انه الطلــــــبه
يم كبته ندائي*** استجابات الدعائي
يم جفه عطائي *** مولود الحسين
عيد اتــلاثــه شعبان
الشاعر
عباس الفياض
خصمك اتمنه يشوفك بنكسار * وجبت ايام السجن كلها انتصار
تفنن بشن الحرب * لحضه ماعشت برعب
جبت ايام اسجن كلها انتصار
************
عن جهادك كون نحجي مو فقط عن غــربتك(1)
جان خصمك كله يرجف من تــــــطول نظرتك
اتمنه مره يشوف حزنك عله خدودك دمعتك
بنظرتك بس الشجاعه وماتدنك هامتك
نضرتك هيهات ابد لامستحيل*** انه عزه وانته ياخصمي الذليل
هيبه شخصك من تطب * لحضه ماعشت برعب
جبت ايام السجن كلها انتصار
**************
خططو بالـسجن تُــقهر بعد ماتجزع تعود (2)
شافو بك ســــجن ثوره ثابت اباشـجع صـمود
خافو جفــــوفك تحــــارب كيدوهن بالــكيود
وجانت اسلاحك صلاتك والدعاء جيش وجنود
اتصالك مستمر ويه السماء*** بين قران ومناجات ودعاء
عشك ربك بالكلب***لحضه ماعشت برعب
جبت ايام السجن كلها انتصار
**********
حرب نفسيه بــــدوهه والـسجن خلوه ظلام (3)
كالو بوحشة الـــغربه قــلق يــسهر ماينام
جنه سجنك صار جنه وعايـش باجمل غرام
صار انيسك في غربتك ربك الباري السلام
رادو يشوفوك تبجي من الحزن*** صبرك البجه حقدهم بالسجن
رغم ايامك غرب * لحضه ماعشت برعب
جبت ايام السجن كلها انتصار
****************
ماتمر لحضه بسكوتك انته عايش في غياب (4)
وماتفكر ولو نــــــظره تــفتح بالسجن باب
شما تطول المده يمك مايـشوفوك بعذاب
سنينك تعدهن عباده وتشكر بهذا الحساب
الدنيا مامطيها نظره من الامل* اتاني رحمة ربك بوقت الجل
ساير باجمل درب * لحضه ماعشت برعب
جبت ايام السجن كلها انتصار
***********
علمو بخيبت فشـلهم علمو انته المنتصر( 5)
قررو سمك يغالي وخلـصت ايام الصـــبر
حَسبو لو متت ربحو ذكـــرك يدفنه الكبر
الـــف عام وانته خالد همه مالهم ذكـــر
صار ذكر مدرسه وعبره وفكر
قصه ماينساها خـلدها الدهر
سجنك نشوفه صعب * لحضه ماعشت برعب
جبت ايام السجن كلها انتصار
*****************
مامتت نشتم حــياتك من طب المرقدك (6)
ولسه بجفوفك عطايه وتكــــرم لي ناشدك
كرم ربنه المايرده هيجي كمنه نشاهدك
اكصد الموسى بن جعفر مايخيب مكصدك
الصاح يالكاظم اجيتك من بعيد
ابشر وطـــلب تكله شما تـــريد
الحزن كله ينشطب *** لحضه ماعشت برعب
الشاعر
عباس الفياض
يوم مولود الولي حامي الحمه
وكفت استعــــداد املاك السمه
اباب بيت الله تتاني * تقره اشعار وتهاني
وكفت استعداد املاك السمه
****************
بأحلى اشعـــار الفرح تقره وترد
باب بيت الله تــــــــــزين بالورد
تشكر الباري وتـــــــــكرر بالحمد
انخلق حيدر علي فـــــخر المجد
تشكــــــــر الواحد الاه العالمين
من خلق مولاهه امير المؤمنين
حققت كل الأماني * تقره اشعار وتهاني
وكفت استعداد املاك السمه
****************
صوت جــــبرائيل بفراحه اعتله
عن محمد نـــــدري أعظم منزله
وحيدره بنفـــس المعاني يعادله
هو امام الـــــــــدنيه كلهه والمله
يشبـــــه الهادي محمد حيدره
عنده نفس النور نفس المقدره
يمتلك نفس المعاني * تقره اشعار وتهاني
وكفت استعداد املاك السمه
****************
مهـــرجان افـــــراح أنغام وشعر
بين ســـــــكان السماء التنـــتظر
كل ملك حضر قصيدة ويفتخــر
حبي عنــواني يكول بكل سطــر
كل ملك يقره سمع الله واجاد
وتطلــــــب الملاك اشعاره تعاد
يصرخ اشواكي وحناني***تقره اشعار وتهاني
وكفت استعداد املاك السمه
**************
بهل فــــــرح ظلت تاني مناطره
اباب بيـــــت الله وكفت بالسره
كلهه مشــــــتاكه تشاهد حيدره
ترســــــــمه المختار من تصوره
تخيلت وجـــه محمد بالصور
وظلت الصفنات تشبح بالنظر
استنسخه المعبود ثاني *** تقره اشعار وتهاني
وكفت استعداد املاك السمه
الشاعر
عباس الفياض
خلي احسب هاي الايام الاخيرة... وعمري لسه يفوح بذنوبي الجبيره
اذنوبي ياربي شكثر ... ادخيلك اصرخ بالكبر
عمري لسه يفوح بذنوبي الجبيره
................
خلي روحي اليوم تنعه وخلي دمعاتي تسيل(1)
عمري واصل للنهاية واقترب مني الرحيل
وأكثر الصفحات سوده الزين المسوي قليل
هواية قشمرني شبابي وحسبت عمري طويل
بعيني يوميه اشوفا يمشي تابوت
وماكلت باجر مسجئ واصل الموت
هوايه منغر بالعمر... ادخيلك اصرخ بالكبر
عمري لسه يفوح بذنوبي الجبيره
.......................
ادري بعمالي ذنوبي الكي ربي بياوجي (2)
ولوبدة ساعة عذابي هناك ماينفع بجي
شرد اكولا جنت ناسي هذا ميفيد الحجي
تشهد اعضائي عليه بعد بيمن ارتجي
ياهو يشفعلي بعد كلي شتاني
وخاف بالسكرات ويعكدو لساني
وصل بذني الحشر... ادخيلك اصرخ بالكبر
عمري لسه يفوح بذنوبي الجبيره
...............
رحمة الباري جبيره ابجوده مااكطع امل (3)
لاكن الله يريد توبه قبل مايلفي الاجل
كلت ابدي بصفحه بيضه وخلي ادورلي عمل
شفت بس حسين ربحي كلشي الحسين انقبل
رحمة الله الواسعة والله يحبه
البجه الحسين دمعه انغفر ذنبه
حب الحسين الذخر ...ادخيلك اصرخ بالكبر
عمري لسه يفوح بذنوبي الجبيره
............... .
كلت اغيرهه حياتي والتزم درب الخدم (4)
غير درب الهادي وآله ابد ما حطلي قدم
الله مايطردله تايب يفرح العبد التزم
واليظن هل دنيه تسوه هذا عايش بالوهم
اشماتطول الدنيه محسوبه قليله
وحنه غير حسين ماعنده وسيله
يحضر بيسر وعسر... ادخيلك اصرخ بالكبر
عمري لسه يفوح بذنوبي الجبيره
........................
والنبي انطاني بشاره واني بيها اشكد سعيد (5)
اليموت موالي حيدر هذا عند الله شهيد
يعبره الباري صراطه وعن عذابه يضل بعيد
فزت بالجنة العظيمة بعد متكلي شريد
إليوالي يفوز والميوالي يندم
لليحبه الجنة والعاداه جهنم
بعلي حصلت الأجر... ادخيلك اصرخ بالكبر
عمري لسه يفوح بذنوبي الجبيره
..................
اخر الدعوات ربي حاشه ظني تخيبه (6)
بخدمة الهادي واعترته ارزقني حسن العاقبة
من العبيد الراضي عنهم مو عبيد المذنبه
وحيدر بسكراتي يحضر روحي بيه مجلبه
اردموتا مطمئن عيني تنظره
بالكبر حامي الحميه باقي انطره
وغير حيدر شنتظر... ادخيلك اصرخ بالكبر
عمري لسه يفوح بذنوبي الجبيره
الشاعر
عباس الفياض
بخدمة حسين شكثر شفنه كرامة
الله عله بشـــانه بهاي الخـــــدامة
صوتنا صاحَ بحبٍ كـربلائي
عشقنا صارَ حسيني الولائي
الله عله بشانه بهاي الخدامة
.......................
وعينه يم خيمه زغيره وقطعه مكتوبه بذهب (1)
اليخدم حسين بحياته الباري إله الجنه كتب
من وكتهه نذرنه كلشي وكلشي الحسين نحسب
بخدمته شفنه السعادة وابد من حس بتعب
جاه توفيق ورضا المصطفى واله
والله للخادم يحقق كل مناله
سنضلُ عهدا بهذا الوفائي
عشقنا صارَ حسيني الولائي
الله عله بشانه بهاي الخدامة
.....................
الشكر للخالق المنان ذو القدرة (2)
رزقنه بحب ابو السجاد عل فطره
اسئل للرواديد الجت تقره
بعزاهه شكد تشم بريحة الزهره
بعزانه نؤمن بهاي العقيدة
حاضره الزهره وتردد بالقصيده
وتنادي ساعدوني فالبكائي
عشقنا صارَ حسيني الولائي
الله عله بشانه بهاي الخدامة
..............
اليخدم المظلوم الله يرفعه (3)
اليقره فاطمة الزجيه تسمعه
التجري لهل البيت عينه الدمعه
دين ومحمد بيده راح يرجعه
انوجد هل الكون كله من اجلهم
اي هنيئاً لليحبهم والخدمهم
فحياةٌ كلها لهل الكسائي
عشقنا صارَ حسيني الولائي
الله عله بشانه بهاي الخدامة
.....................
حسين ويانه... بحبه غذانه... حاشه ينسانه بالقيامه (4)
ينادي بس ضامي... ذوله خدامي... احيوا إسلامي... بهل خدامه
يصيح انظركم... اجروحي تلجمكم.. اشكد نزف همكم... عل يتامه
الخادم انتظره ... الضحه الي عمره... لطمه لبصدره... هل العلامه
ايردد بيوم القيامه بيوم عاشر
ويه أنصاري اسمكم بالدفاتر
انهُ لاينسى أصحاب العزائي
عشقناصارَحسيني الولائي
الله عله بشانه بهاي الخدامة
.......................
عمرنه تواجد العاشور وقته بس لبو الايمه
زنجيل ولطم تطبير مسجل كل النقدمه
ومحلات الطبخ لحسين الحطب جن مسك نشتمه
وخاتمة العواقب كون إلاهي تصير بالخدمة
عيونه فتحناهه الحسين البداية
نريد اخر نفس الحسين النهاية
مذ بدائنا قد علا صوت الندائي
عشقنا صارَ حسيني الولائي
الشاعر
عباس الفياض
هل ليالي احيوها ليه … مثل ذيج الفاطميه
كل شيعي خي هل مدمعه… الام البنين الاربعه
مثل ذيج الفاطميه
*****************
نفس الــــمواجع بالم نـــــفس الدمــــع والعــــبره
اي هيج خـــــلي التـــــعزيه والطـــــم لمن تقــــره
رايده اليحـــضر هل عـــزه هيج الـعزاء يتـــصوره
هاي الــروايه الرابعه وهذامــــــصاب الزهـــــــــره
فاطمة الحره بـعبرتي ... هوايه يم حــضرت دمعتي
متعنيه هاي الفاجعه ... الام البنين الاربعه
مثل ذيج الفاطميه
****************
مجــاوره مصـابي الفاجعــــه لتخلي حزنك يـــبرد
احضر ليالي ام الكمـر حــــزنان لابـــس الاســــود
وصوتك بصرخات الجـرح بعله المـــراتب يـــصعد
وكل ليله بجـــواء الحــــزن خلي المـــدامع تــشتد
احضر وابجــي عليها … صـــيح فاطم ونتخيها
دمعك وكلبك هل سعه … الام البنين الاربعه
مثل ذيج الفاطميه
*****************
حك الوفه نجازي وفه ومانبخل بدمــــــع العـــين
اربع بنين انطت الي وتكــل خـــاف مقصـــــــرين
وتبجي بقت كــل العمـــر ومابجت مره عله اثنين
تنوح وتون صبح ومسه والــدمع كله عله حـسين
حته من خلص عمرها … حسين ومصابه ذكرها
حسين العمر لتودعه … الام البنين الاربعه
مثل ذيج الفاطميه
****************
موجوعـــه من مصيبتي وبالام اجــــره الانفــــاس
ومن احضر اني التعزيه بجــفوفي الطــم عل راس
الطـــم اليوم عله الضلـــع هـذا مصـــاب ام عباس
وتستاهل الطم سطرتي هوايه بجت لبني حسـاس
ضلوعي الطمهن بـــديه … بكثــــر ماوفت اليه
وكل نعي ابجي واسمعه الام البنين الاربعه
مثل ذيج الفاطميه
******************
حضر بكلبك كل الطلـــب كــل حـاجة راح اقضيها
واقــــــــره بدمـــــوع الفاتحه والام البنين اهديها
وبـــس انوي لا تـحجي الي بجفك الحاجه انطيها
تكـــــريماً الام الكمــــــــر كـــــــل مـــــنزله نعلـيها
مئتم الحره حاضره … وكل طلب اني انتطره
كل طلب لا مارجعه ... الام البنين الاربعه
مثل ذيج الفاطميه
الشاعر
عباس الفياض
عباس الفياض:
يايمه.. عمرج اكـــظيتي دمع
يايمه.. كله ايامـــج فــــجــع
يايمه.. رحتي مكسور الضلع
يايمه يايمه
*************
عمرج شــكده.. مو اجل بعــــــد.. والمـــنيه اخـــذت شبـابج (1)
والسبب عصره.. وضلعج وكسره.. جم جرح ينزف مصابج
اختنك عبــره.. يمه يزهره.. من تشوف عيونــــي بــابـــج
جم الم تحجي.. عيني تبـــــجي.. هوايه وشكبره مصابج
بمصابج.. عصره بسمار وكـسر
بمصابج.. محسن وخد منـــسطر
بمصابج.. جم جرح وسط الـكبـر
يايمه يايمه
*******************
كثرت اجروحي... فاركت روحي.. العمري اتمنه المنيه (2)
اصرخ بهــــمي..امي مو يمـــــي..ماتت الزهره الزجيه
زغيره والامـي .. بجت ايامــــــي.. اجبيره دمعاتي عليه
يمه مالومـــــــه ..والله مهضومه .. والحزن كل دمعه بيه
يازهراء..وارثه ادموع الحزن
يازهراء..ليلي ونـــهاري اون
يازهراء الشوفتج كلسا احـــن
يايمه يايمه
*********************
دنيه عشـــــــــتيه.. فرحه مابـــيه ..شكد بجت عل هادي عينج (3)
يــــــــــم اذكـــــر.. عينــج التسهر.. الليل كله اســــمع ونينج
وارثه دموعــــــج.. حزنج ونوحـــــج.. ابجي واذكـــر سنينج
عيوني ماغمضت ..شكد صور حفظت.. دمعج و نوحج حنينج
ايامي ..كل بس نوح وبـــــكاء
ايامي.. بكل وقت حزن وعزاء
ايامي.. من الضلع حـد كربلاء
يايمه يايمه
*************
كبرت سنيني ..بدمعي وونيني.. ابجي كل يوم المصيبه (4)
الزهره سموني.. بدمعة عيوني.. دمعي مثلج ظل نحيبه
ابليلة العاشـــــر.. والهجر باجر.. واني اذكرج يالحبيبه
حسين ودعته.. وصوتج اســـمعته.. شمي نحره يالغريبه
بالعاشر.. وحنه مر بينه الخطر
بالعاشر.. ارسم لبابج صـــــور
بالعاشــر.. جم ضلع يمه نكسر
يا يمه يايمه
*******
انه مسبيه.. وجـــــم حزن بيه.. امصابج نذكره بــمشينه (5)
بالوعة العبره.. اذكــــر الســـطره.. عليـــج يزايد بجينه
من بواجيـــنه. مجلس اقرينه..الج يزهره الحــــــــــزينه
لماحضر طفيج.. يبجي ويذكرج.. يصيح يالزهره بونيـنه
ويانه.. مصابج بمشي الضعن
ويانه.. لوعتــج نــذكر محــن
ويانه.. يبجي ضلعج كل زمـن
يايمه يايمة
خادم الحسين
عباس الفياض
