قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

06 Jul 2025 06:56

نعي لخوان زينب عليها السلام

من ديوان #العبرة_الفاطمية_جزء_الأول


اطـالـبه ابريـحة الخــوه
خويه لوما ردتني موش كوه
مثـلك بـعـد ماكـو أخـوه

✫───⊹⊰⊹───✫

مثـلك ابد ماكو حنيـن
يعباس تسوه كل الونين
يمرافـكتـه ماتخـيـبـين

✫───⊹⊰⊹───✫

يعباس متعلم امن اهلك
حلو المعاني اوحلو طبعك
امين اجيب احنين مثلـك

✫───⊹⊰⊹───✫

شايل يخويه امن الثنيه
اورايـح ولاتنـشد عـلـيه
اوراحت يكعدتنه السويه

✫───⊹⊰⊹───✫

يمه الاخو شمعة خواته
للضيج جنهن ذاخراتـه
ايونن عليه الفـاكـداتـه
اومابينهن طوله اشحلاته
وسفه رحل ومضيعاتـه

✫───⊹⊰⊹───✫

عالزين اصب دموع عيني
شحلاتـه وياه اسنينــي
بعد لانجيه اولايجينــي

✫───⊹⊰⊹───✫

بقلم الشاعرة ام تحسين البصرة
غير مبري الذمه ليحذف اسم الشاعرة وينسب الكلام له

قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

06 Jul 2025 04:28

هوسات لمصرع الأمام الحسين عليه السلام


يزينب بيش روحچ صبريتيهه
ياشوغه ومصيبه اتحمليتيهه
من شفتي العمامه هوسوا بيهه
فرحان الشمر ... هوس بالعمامه
وضل حسين  لامنحر ولاهامه
چا ياهو اليشيله امذبحه ازلامه
اضلوعه امكسره واموزعه اعظامه
( والخيل اتوزع بضلوعه )


اضلوعه اموزعات اوزعنهه الخيل
الله يعين گلبچ يامصيبه ايشيل
دم حسين من راسه اوريده ايسيل
محد غمصه ... ومحد گعد يمه
مذبوح وسليب وغارگ بدمه
فصلوا راس ابو السجاد عن جسمه
سكنه اتصيح وين انروح ياعمه
( خل نمشي اندور والينه )


خل نروح للميدان وندوره
واضلوع الحنين انردهن الصدره
نفدي ارواحنه واعمارنه العمره
نگله اشيوجعك ... واليوجعك وينه
تلطم عالوجه ماتسكت سكينه
بلكت لو سمعنه ايگوم والينه
من الخيل والعسكر يحامينه
( من هدمي النار يطفيهه )


يطفي النار من هدمچ ومن هدمي
ياعمه الهضم ماينحمل يعمي
ضل اعله التراب امكشف ومرمي
اشلون اعله التراب ... امكشف انعوفه
لاخاتم ولاخنصر البچفوفه
امشينه انوادع المظلوم ونشوفه
باچر مانضل انشيل للكوفه
( انرافگ راسه وذباحه )


انرافگ راس ابو السجاد والذباح
لانلطم يعمه ولانشيل الطاح
صدگ وحشه الجنازه الماعليهه اصياح
بالتابوت ... كل ميت يشيلونه
يغسلونه ويشيعونه ويدفنونه
والمظلوم عدوانه يدسونه
جده المصطفى كلهم يعرفونه
( ماهابوا جده الخياله )



✍شاعرة اهل البيت
الملة ام هجران العمارچيه
غير مبري الذمه من يحذف اسم الشاعرة او ينسب الرثاء لشخص اخر


قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

06 Jul 2025 04:27

فزاعية لمصرع الأمام الحسين عليه السلام ( عالراس تلطم صبحت )


عالراس تلطم صبحت
ماعدهه والي سكينه


اهل الحميه امذبحه
تلطم سكينه امفرفحه
يابويه وينك صايحه
وچا عدمن مخلينه


بين العده خليتنه
وشعطلك ماجيتنه
نحشم ولاسمعيتنه
والگوم عالوا بينه


عالوا علينه بغيبتك
نايم شتالي نومتك
يابويه كلنه بعازتك
ونريدك اتحامينه


ونريدك اتطفي الخيم
ياشوغه نحمل ياالم
چف الكفلنه ماسلم
وجامد الدم بعينه


الدم عله عيونه جمد
يابويه ننخامن بعد
فرحان اجانه بن سعد
متشمت يحاچينه


يضحك وفرحان النذل
السوط بيده والحبل
باچر يجيب النه الهزل
وللمجلس يودينه


باچر يودينه الضهر
ونروح عنك لليسر
مايرضه نحفرلك گبر
چتالكم يسبينه


✍شاعرة اهل البيت
الملة ام هجران العمارچيه
غير مبري الذمه من يحذف اسم الشاعرة او ينسب الرثاء لشخص اخر


قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

06 Jul 2025 04:26

لطمية للمصرع ( عالحگ مات اخوي )


ابو السجاد يستاهل لطم ميدان
بدمه اتگول زينب حارب الطغيان
لاطخ هامته ولابايع العدوان
حرر شيعته والدين والقرآن


             ( النزلة )

عالحگ مات اخوي ... ومو عله اوساده
ضلوعه امكسره ومهشمه افاده


ضلوعه مكسره ومهشمه متونه
عالحگ مات ابو السجاد تدرونه
الشيعه بكل عزه وماتم يذكرونه
ضحه بمنحره المظلوم وولاده
عالحگ مات اخوي ... ومو عله اوساده


ضحه بكل عزيز حسين للشيعه
وگال الدين ماعوفه ولابيعه
اذكروا غربته ويومه ومواجيعه
للعدوان ماطخ هامتي ناده
عالحگ مات اخوي ... ومو عله اوساده


ماطخ هامتي ليزيد واعوانه
ضحه بمنحره واحرار خلانه
يتناگط شهامه حسين مولانه
ماراد العمر ثوب الفخر راده
عالحگ مات اخوي ... ومو عله اوساده


ياثوب المراجل فصله وناله
الطموا واللطم والنوح يحلاله
ليش حسين محد غسله وشاله
جروحه اهواي والطبرات ضهاده
عالحگ مات اخوي ... ومو عله اوساده


الف اصواب بحسين وسبعميه
مو تنسون ثوراته البطوليه
محد غمضه ولاشربه اميه
عرش الله حزين وبيرغ اجداده
عالحگ مات اخوي ... ومو عله اوساده


عرش الله حزين وآدم وجبريل
كلهه تصيح طاح حسين جوه الخيل
وين تبات زبنب من يجن الليل
للصيوان اجتهه الگوم هداده
عالحگ مات اخوي ... ومو عله اوساده


للصيوان اجتهه الگوم سلابه
وابو اليمه انضرب سبعين نشابه
تربع فوگ صدره الشمر ماهابه
ومدري اشلون يتطاول عله اسياده
عالحگ مات اخوي ... ومو عله اوساده


✍شاعرة اهل البيت
الملة ام هجران العمارچيه
غير مبري الذمه من يحذف اسم الشاعرة او ينسب الرثاء لشخص اخر


قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

06 Jul 2025 04:25

فزاعيه للامام الحسين عليه السلام
وزن الانصاري


تكسراضلوع اسمع خيل اميه
ترض فوك الصدر سوده عليه


اسمع خيلهم كسرت لضلوع
مات حسين تالي بهاي موجوع
فوكاها لمصيبه لراس مكطوع
اضل الطم على عيوني بديه


مسابك بالركض وبصوت لصهيل
صار حسين ملعب ساحه للخيل
من كثر الحوافر رايح الحيل
بوكت غروب ساعات المنيه


عشره خيول ومسابك يركضون
فوك حسين وبضلعه يسحكون
بالحمه ع الارض بيه ويعجنون
ومحد من هله اهل الحميه


من عمده وحسافه تدوس بعناد
اجت تركض عليه وبدرب الابعاد
دارت عله حسيني وكل لبلاد
مو يدرون اخيي ابن الزجيه


هذه اليوم يصعب هذه لمصاب
جبد حسين من العطش هالذاب
ميت منشمر فوك على لتراب
نايم بالشمس حر الوطيه


خادمة الزهراء والسيده رقيه ع
✍️الشاعره ام زهراءالفاطميه
لايجوزحذف الاسم أسم الكتاب لبيك
يازهراءبتاريخ الخميس2025/6/19
٢٢ذوالحجه سنة هجري ١٤٤٦نسالكم
الدعاءلي ولوالدي🙏🙏 اللهم عجل
لوليك الفرج 🙏🙏

قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

06 Jul 2025 04:24

لطميه للحسين عليه السلام (لوتشوفين ييمه)

لوتشوفين ييمه لوتشوفين
حال الحسين ييمه حال الحسين

الجثه منه موذره... حسين كطعو منحره
لو تشوفين ييمه لو تشوفين

➖➖➖➖➖➖
عالترابه حسين مرمي وغفت عينه
يمه كلهه مسطره اهله وبنينه
من السحك والخيل كوه يجر ونينه
عالترابه احسينج...
ريت شفتي بعينج

لو تشوفين ييمه لو تشوفين

✍️ ام حسين العامري
➖➖➖➖➖➖

ريت شفتي يمه ياخنصر اصبعه
والسهم البچبده ماكدر ويلي يطلعه
فجعته يم حسن للمذبوح فجعه

اطفال يمه بس تلوع
وانه بس أجري الدموع
لو تشوفين ييمه لو تشوفين


ام ✍️ حيدر العباديه عماره
➖➖➖➖➖➖

يوم عاشر يمه عندي شكد صعب
شفت اخيي يلوج ممرود الگلب
صحت خويه حسين ودموعي تصب

ماسمعت انه جواب
اخيي ميت عالتراب

لوتشوفين ييمه لوتشوفين

✍️ام سلام
➖➖➖➖➖➖

نام اخيي عله ترب ومغمض العين
والجروح بجسمه مو واحد ولا اثنين
الف جرح وتسعميه لو تحسبين

حسبي يمه جروحه
منها طلعت روحه

لو تشوفين ييمه لو تشوفين

✍🏻 هدى المرزوق
➖➖➖➖➖➖

يمه يمه حسين امتوذر وذر
والجسد مرضوض مكطوع النحر
يوم شالوه عالرمح عينه تدر

من النحر جاني الجواب
صبري زينب عالمصاب

لو تشوفين ييمه لو تشوفين

✍🏻 ام زينب الأسدي
➖➖➖➖➖➖

عالترب نايم حسينج يالزچيه
موذر وضل يجر وناته خفيه
هجمت علينه العادي وال اميه

عياله تصرخ بالفلا
آه يعملة كربلا

لوتشوفين ييمه لوتشوفين

ام ايه العامري
➖➖➖➖➖➖

شفت راسه عله الرمح ينزف جبينه
يرتل القران ويصبر. علينه
يمه لو طاحت يتيمه يدير عينه

فدوه اروح الراسه
ماكو مثل حساسه

لو تشوفين ييمه لو تشوفين

✍🏼ام حيدرالزاملي

➖➖➖➖➖➖

تمت بأقلام شاعرات رابطة احزان العقيله
غير مبري الذمه من يحذف اسماء الشاعرات وينسب الكلام له


قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

06 Jul 2025 04:23

قصيده فزاعيه حول استشهاد للامام العباس عليه السلام

حرگوها الخيم عباس
گوم الحگ يواليها

حرگو خيمة الحره
يويلي النار مستعره
ضلت بالگلب جمره

ماواحد يطفيها
༺༻༺༻༺༻
تحشم والدمع جاري
ماظلي ولا والي
والله انعاب دلالي

وينك تلحگ اعليها
༺༻༺༻༺༻
بت حيدر اجتها النار
وحيده والدمع مدرار
ياويلي الزمن غدار

عالتربان غاليها
༺༻༺༻༺༻
ياريتك عدل ودگوم
وترد اليعيل اليوم
امجرب بالحرب جيدوم

هالعدوان صفيها
༺༻༺༻༺༻
الحگ ها يبو الغيره
زينب ضلت ابحيره
يأخذها العدو ايسيره

سكته يابواچيها
༺༻༺༻༺༻
خادمة مولاتي ام البنين عليها السلام ام محمد تقي الموسوي نسألكم الدعاء و الفاتحه لروح والدتي جزاكم الله خيرا


قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

06 Jul 2025 00:34

~لطميه للخدام


مأجورين ياخدام الحسين/
خدمتكم جهاد ونصرت الدين/



خدمتك عقيده وهمه تدرون.
هناك الكم مكانه وجنه وعيون.
عد امه الزجيه ماتضيعون.
شفيعة لخدم من عدها نعمين/

يلي بالمجالس جنكم شموع،
ولكم بيها لوعه وحسره ودموع،
على الي كسروله عداه الضلوع.
وظل بلا جفن من حاتفه البين/

ماتنسه الزجيه اليحضر بزود.
ودموعه ينزلها اعله الخدود.
لجل المات ويلي وكلبه ممرود.
وخوه اعله الشريعه نطاه جفين/

كل لطام كل شاعر ورادود.
وكل صاحب عزاء وزاد ممدود.
مسجل بسجل واسمه موجود.
على صدر يدك ويه المعزين /

بخلاص وعزيمه لاتملون
خدمتهم شرف وتقر العيون
يوم الموزمه ليكم يحضرون
كل اهل الشفاعه الكم معين /

تره اليخدم اهل بيت النبي فاز.
خدمتهم عظيمه واحسن نجاز.
تجاره رابحه وهناك عكاز.
تجيه للحياره والمذنبين /


*ناعية الخيام*

قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

06 Jul 2025 00:25

جديد 🔥🔥
فزاعيه جنوبيه للامام الحسين عليه السلام رباط هوسه

🖊️🖊️📙

وسفه اعله السبط داسته الخياله
وما واحـــد فزع من الترب شاله

ೋೋ════

مــــــا واحد فزع لبن الميامين
من حر الشمس ايشيل لحسين
جا وين الهواشم عنه جا وين

اشيلونه // جاوين الساده

ೋೋ════

خلــها تحـظـره السـاده تشيله
تشوف اشلون رضوها مفاصيله
من كثر العطش ونـانتـــه اثگيله

اعله عياله // ميت وعيونه

ೋೋ════

على عياله يـــون وحيـله نحلان
الارض حزنت عليه وكل الاكوان
ويــن اليـوم عـنــه اشبول عدنان

بثاراته // كون يطلبون

ೋೋ════

وين ابن الحسن ياخذ ابثاراته
ويطلب ثــــار دمه اوثار عماته
محزون الامام اوتجري دمعاته

لهابه // النار ابصدره

ೋೋ════

نار ابصدره للمظلوم دوايـــــه
وعالعباس عمه صاحب الـرايـه
ظل مطروح ويلي على مسنايه

ايعليها // رايات الحق

ೋೋ════
تــــمت بقــــ✍️لم خادمات أهل البيت عليهم السلام
*✍️الشاعره سهام علي المالكي*
*✍️الشاعره ام علــي الحلـــفي*
لا أجيز حذف أسماء الشاعرات
نسالكم الدعاء لتعجيل الفرج لصاحب الزمان(( عج ))

قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

06 Jul 2025 00:24

لطمية للوداع (( هذا حسين ))


هذا حسين روحي امعلگه بروحه
خافن من اودعه يفزن اجروحه


روحي بروح اخوي حسين مشدوده
ياليلة وداعه امكدره وسوده
بالسبعين الف وگفوا عله احدوده
وعينه امساهره وللحرم مشبوحه
هذا حسين روحي امعلگه بروحه


عين اعله الحرم والثانيه اعليه
يودعني ويوصيني بغواليه
خاف يروح ويعيل الشمر بيه
احلف دين مابطل بعد نوحه
هذا حسين روحي امعلگه بروحه


انوحن طول عمري النوح ماعوفه
وحق چف الكفيل وغاليه چفوفه
ودعت الحنين اوداع ملهوفه
بعتاب وهضم وادموع مسفوحه
هذا حسين روحي امعلگه بروحه


بدموع وهضم ضليت اودعنه
اشمن منحره وبشوگ احبنه
عن سيف الشمر چا وين اضمنه
ونبلة حرمله بالخاصره اتلوحه
هذا حسين روحي امعلگه بروحه


باچر ينطعن بالخاصره وگلبه
وذيچ الگوم كلهه امحزمه الحربه
مصيبه امصيبته وياغربته غربه
وكل انصار ابو السجاد مذبوحه
هذا حسين روحي امعلگه بروحه


ماكو انصار ضلت عد ابو اليمه
بس هاي المسيه ايبات بخيمه
باچر بالحوافر ينسحگ جسمه
واشوف اجنازته امگطعه ومطروحه
هذا حسين روحي امعلگه بروحه


اعوف اجنازته مطروحه اخليهه
والعدوان مايرضون اغطيهه
اگله اشلون تنسه اختك يواليهه
وانت الخوتك بالطيب مملوحه
هذا حسين روحي امعلگه بروحه


✍شاعرة اهل البيت
الملة ام هجران العمارچيه
غير مبري الذمه من يحذف اسم الشاعرة او ينسب الرثاء لشخص اخر


قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

06 Jul 2025 00:22

موشح للوداع (( ودعتني وانهدم ))


ودعتني وانهدم كل حيلي
اشلون اقدمك للمنيه احچيلي


اشلون اجيبلك مهرتك بيدي
ماترد سالم بعد يعضيدي
بسچ تگلي واصبري وهيدي
بالدمع والنوح خلص ليلي
ودعتني وانهدم كل حيلي


خلص الليل بوداعك والدمع
باچر يطش الشمل ماينجمع
وينكسر يحسين منك چم ضلع
والمصايب شو بدت توميلي
ودعتني وانهدم كل حيلي


خويه من هسه المصايب شو بدت
روحي خلصانه واحسهه اتفرهدت
عملتك ماكو مثلهه ولاسدت
يالچنت بردانك تفييلي
ودعتني وانهدم كل حيلي


يالچنت سدره وحدر فيهه استراح
لاتروح وتاخذك مني الرماح
كون للعاشر ولاصبح صباح
حتى اضل اشكيلك وتشكيلي
ودعتني وانهدم كل حيلي


عندك اشكي لغير واحد ماشكيت
كون للميدان ماجبتك واجيت
بس مرار وضيم كلشي ماجنيت
ماتوا اهلي وضاعوا امداليلي
ودعيتك وانهدم كل حيلي


خلصوا اخواني وبعد بس انته الي
باچر يگصون راسك وانولي
گوم روح اوياي احشم كافلي
خل اندهه وبلكت يوچيلي
ودعتني وانهدم كل حيلي

خل اندهنه واگله يالحنين
گوم عين حسين ماعنده معين
اشلون ارافگ ناس كلهم ظالمين
ابچي والنوگ الهزل تبچيلي
ودعتني وانهدم كل حيلي


✍شاعرة اهل البيت
الملة ام هجران العمارچيه
غير مبري الذمه من يحذف اسم الشاعرة او ينسب الرثاء لشخص اخر


قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

06 Jul 2025 00:21

🔥اصدار حصري وجديد لطميه للوداع تنقره بعدة اطوار حسب طور الملا (اوياكم بس سواد الليل) من ديوان محزوز الوريد 👈 ٦ج 🔥

اوياكم بس سواد الليل... هايحسين والينه
باجر بس حرم... خويه تخلينه
➖➖➖➖➖➖
اوياكم بس سواد الليل يبن امي
باجر بالخلي ومحد يضل يمي
تضل اعالترابه موذر ومدمي
تضل اعالوطيه... هايبوسكينه
➖➖➖➖➖➖
تضل اعالوطيه وغارك بدمك
وخيول الاعادي تهشم الصدرك
محتاره اضل شلون الم جسمك
اعضامك بالخلي... وصدرك مكسرينه
➖➖➖➖➖➖
اعضامك بالخلي تصير طشاره
خويه حسين كلي شنهي الجاره
اذا هجمت علينه خويه الغاره
نصيح بصوت... ماواحد يحامينه
➖➖➖➖➖➖➖
نصيح بصوت وانتم نومو عالتربان
تضل هاي الحراير بيد هالعدوان
لاوالي تضل يبن امي لاصيوان
تتمرجل علينه... كوم اعادينه
➖➖➖➖➖
تتمرجل علينه كوم هالارجاس
شنهي الراي كلي خويه ياعباس
ترضه اختك تضل مابين هاي الناس
وعدك وين يلي... ملتزم بينه
➖➖➖➖➖➖
وعدك وينه اليه هايخال ابني
ادخيل ادخيل خويه لاتودعني
اوداعك ياعزيز الروح يفجعني
فركاكم كلف... ياخوي ياذينه
اوياكم بس سواد الليل... هايحسين والينه
باجر بس حرم... خويه تخلينه


تمت✍️ الشاعره والمله ام حسين العامري
غير مبري الذمه من يحذف اسم الشاعره وينسب الكلام له


قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

05 Jul 2025 18:57

قصيدة للحسين {جنوبيه}
من ديوان

#مواجع_الطف_الجزء_الأول

{ مستهل القصيدة }

الزهره تريد - لطامه على حسين
تتكابل اوياها وتهمل العيـــن

•───✧◐◐◐◐✧───•
الزهره تكابلچ وني يشيعيه
عالمذبوح واللطمه اشتراكيه
وني وياي ونكابل العلويه
{ وانون وانوح - لمبچاها }

•───✧◐◐◐◐✧───•
عينوها يشيعه ولطمو وياها
لمصاب الشهيد الكطع احشاها
شلع كلب الزچيه وطفت عيناها
{ من ظيم المرها - تعبانه }

•───✧◐◐◐◐✧───•
شهرين اعله ابنها المأتم انصبه
هاي ام الحسن منكوبه ومعصبه
محنيه تجي وتكعد عله العتبه
{ ماكتدر تلطم - عينوها }

•───✧◐◐◐◐✧───•
لطمو اعله الشهيد الرضو ظلوعه
وذكرو اخته المشت للشام مفجوعه
ماضل الها والي وشافت اللوعه
{ لطمو اعله الراحت - ميسوره }

•───✧◐◐◐◐✧───•
صاحت فاطمه وين الي ناخينه
هله بخدامنه النصبو تعازينه
كل عام بمحرم تجي تواسينه
{ مشكور الون - اعله اوليدي }

•───✧◐◐◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج
🚫لايجوز حذف اشكال الذمه من القصيدة

قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

05 Jul 2025 15:02

قصيدة لعبدالله الرضيع ع

من ديوان

#العبرة_الفاطمية_جزء_الأول

{ مستهل القصيدة }

هد حيلي الطفل من غمضت عينه
شاله حسين بيده ويجهر ونينه

✫───⊹⊰⊹───✫

الله يساعد حسين النظر حاله
مخضب بلدمه عبدالله من شاله
حسين اعله الطفل متغيره احواله
راد الماي لبنه وما محصلينه

✫───⊹⊰⊹───✫

الله يعين كلب حسين بوليده
من شافه ذبيح وكاطع وريده
الله وياك يبني كالها بهيده
من كلبه حجاها اليوم ابو سكينه

✫───⊹⊰⊹───✫

فز من نومته عبدالله يتلوه
بيد حسين ابوه وشايله كوه
راد الماي اله وصار الوضع بلوه
عبدالله بسهم هالعده مصوبينه

✫───⊹⊰⊹───✫

صابه بمهجته والروح خلصانه
حسين اتعنه بي ودخل صيوانه
لحكي يالرباب انكطع شريانه
اخذي ابنچ يكللها وتودعينه

✫───⊹⊰⊹───✫

زينب كابلتها بونه وبدمعه
ولطمن عالرضيع بحاله منفجعه
شافنه ذبيح هدومه متنكعه
من دم ركبته ينزف مخلينه

✫───⊹⊰⊹───✫

بقلم الشاعرة ام تحسين البصرة
غير مبري الذمة اليحذف اسم الشاعرة وينسب الكلام له

قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

05 Jul 2025 14:03

كان العلامة الاميني (قدس سره)
من عادته أن في ليلتي التاسع والعاشر من شهر محرم الحرام يخرج صدقة باسم صاحب الزمان (عجل الله فرجه) وكان يقول :

أن في هذه الليالي يكون قلب الحجة معتصرا بالألم والحزن

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

06 Jul 2025 04:31

﷽

▪️ الحسين وميض أعده رسول الله ليشق الظلام

الشيخ أحمد الوائلي رضوان الله تعالى عليه

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

06 Jul 2025 04:27

لطمية لمصرع الأمام الحسين عليه السلام ( اليوم مصباح الهضم )


اليوم مصباح الهضم مصباحنه
طاح بالحومه عزيز ارواحنه


طاح بالحومه وتگنطر عالثره
گلبه مهشوم وتسلب منحره
هجموا اعلينه الشماته ومادره
وگالوا حسين انطعن برماحنه
اليوم مصباح الهضم مصباحنه


گالوا انصاب وتطعن بالسيوف
حسين ضل اوحيد والعسكر الوف
غير خيل ونار كلشي مانشوف
نصيح ماواحد يسمعه اصياحنه
اليوم مصباح الهضم مصباحنه


انصيح ياشجعان يهل المرجله
ليش عفتونه سبايه بكربله
يزمخ اعلينه سنان وحرمله
والشمر بسوط هد ولاحنه
اليوم مصباح الهضم مصباحنه


لازم السوط ويهددنه الشمر
من ابو السجاد مدري شنعتذر
باچر نعوفه ونحمل لليسر
وهوه عزنه والضخر واجناحنه
اليوم مصباح الهضم مصباحنه


هوه عزنه وراح عزنه ومايرد
والبطل عباس مگطوع الزند
عالنهر فل الكفاله والعهد
والحزن والنوح صار اوشاحنه
اليوم مصباح الهضم مصباحنه


الحزن هاليوم غطانه غطه
والدهر عالروس طگنه ولاخطه
حسين ماجانه وابو فاضل بطه
بيش تتضمد چبيره اجراحنه
اليوم مصباح الهضم مصباحنه


بيمن انشدهه الجروح المضهده
اخلافكم شفت العذاب الماسده
والجنايز عالتراب امدده
اشلون فرگاهم تحمله ارواحنه
اليوم مصباح الهضم مصباحنه



✍شاعرة اهل البيت
الملة ام هجران العمارچيه
غير مبري الذمه من يحذف اسم الشاعرة او ينسب الرثاء لشخص اخر

قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

06 Jul 2025 04:26

فزاعية لمصرع الامام الحسين عليه السلام (اليوم عرش الله يون)


اليوم عرش الله يون
عله حسين وامصابه


اهل العرش واهل السمه
عدهم مصيبه وموزمه
كلهه تعازي فاطمه
عالسالبين اثيابه


عالسالبين اعمامته
جبريل يجهر عبرته
ياهو اليغسل اجنازته
ويشيله من احرابه


مطروح محد شيعه
ناعي السمه ايصيح ونعه
چا ليش راسه يگطعه
هيچ الشمر ماهابه


ماهاب جده اوالده
الشمر ذبحاه واعتده
والخيم كلهه مفرهده
وسلبتهن السلابه


ماخلو الزينب خيم
خلصت الغيره والشيم
مايدري شيال العلم
لو يدري سوه اطلابه


لو يدري بحسين انچتل
لو يدري زينب عالهزل
چا سوه ابو فاضل عمل
دم العدو لرچابه


ياحيف نام ومادره
زينب خذوها اميسره
وحسين گطعو خنصره
واطفاله صاحو يابه


ضلو يتامه اطفاله
اعليهم زمخ چتاله
وعيونهم هماله
ودموعهم سچابه


لشاعرة اهل البيت
ام هجران العمارچية
غير مبري الذمة من يمسح اسم الشاعره او يغيره او ينسب الرثاء لشخص اخر


قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

06 Jul 2025 04:26

موشح لمصرع الامام الحسين عليه السلام (اليوم زينب)


اليوم زينب حيل ماضل بيهه
والسيوف اتناوشن واليهه


السيوف اتناوشنه والسهام
صارت الدنيه حزن كلهه وظلام
نار لهابه تشب بين الخيام
اشلون تطفه ومحد يطفيهه
اليوم زينب حيل ماضل بيهه


تسعر النار وتشب وماطفت
لاكفيل ولاخيم زينب صفت
عين ابو السجاد بالحومه غفت
عالتراب اجنازته اموزعيهه
اليوم زينب حيل ماضل بيهه


الجنازه اعله التراب اموزعه
ايعينهه الله اليوم زينب ضايعه
تسحگ النار وتجر الفاجعه
وين ماتمشي العدو ايلاگيهه
اليوم زينب حيل ماضل بيهه


وين ماتمشي تلاگيهه العده
زينب وشافت مصاب الماسده
حسين مسلوب العمامه والرده
وانذبح مايگدر يحاچيهه
اليوم زينب حيل ماضل بيهه


انذبح واشلون يحچي الينذبح
طاح بين انذال وخيول وسلح
وانوخذ راسه وتعلگ عالرمح
يعاين اطفاله ويون اعليهه
اليوم زينب حيل ماضل بيهه


ايعاين اطفاله سبايه اميسره
ينلچم گلبه الحنين ومنحره
وزينب تگله عفتني امحيره
گوم خويه العيلتك حاميهه
اليوم زينب حيل ماضل بيهه


گوم يبن امي لبناتك شوفهه
الحبل والسوط لاح اچفوفهه
اشلون مابين الشماته تعوفهه
ياحسافه اتنام وتخليهه
اليوم زينب حيل ماضل بيهه



لشاعرة اهل البيت
ام هجران العمارچية
غير مبري الذمة من يمسح اسم الشاعره او يغيره او ينسب الرثاء لشخص اخر


قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

06 Jul 2025 04:25

هوسات ليوم العاشر من محرم

كوون احضر يزينب لحضة العاشر
وأخلي الخيل تسحگ ظهري بالحافر
وأشيل الألـــم منه الــما إله ناصر

"ضلع حسين أمكسر  يوم العاشر من عاشور"
ــــــــــــــــــــــــــــــــــــــــــــــ
الضلع احسين محتاره ياعالم شريد اكتب
على صدره تجوول الخيل من الظهر للمغرب
متعذب گلب زينب على الخوان متعذب

"گلب الحره املووع   يووم الكطعوو راس حسين"
ــــــــــــــــــــــــــــــــــــــــــــــ
گلب الحره متلوع هاي الفاگده السبعين
هاي الخدم بالماتم تواسيج اعله اخوج حسين
الهويه انريد تتوقع ابزند عباس والچفين

"اتحقق كلشي ابالك صاح الكافل يالخدام"
ــــــــــــــــــــــــــــــــــــــــــــــ
✍🏻تمت بعون الله وتوفيقه بقلمي خادمة اهل البيت عليهم السلام العلوية ام وليد الموسوي لا أجيز حذف الإسم أسألكم الدعاء وقراءة سورة الفاتحة إلى روح والدي ووالدتي

قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

06 Jul 2025 04:23

لطميه ليوم العاشر عن لسان حال زينب ع

يخيل شبيج ويحسين بالحافر تدوسينه
بعده من النحر وجعان خلي ايهود اونينه


ماعندج رحم ياخيل اخوي مصوب اوجعان
مگطوع النحر ويلوج وجبده من العطش لهفان
يخيل بصرختي اترجاج ارحمي حالة العطشان
جسمه مسطر اصوابات ودم تنزف شرايينه
...........
هم شفتي جسم مصيوب بالحافر يدوسونه
وهم شفتي جريح ايلوج اميه مايشربونه
يخيل ومانشدتي منين ياضلع اليسحكونه
هذا ياصدر دستيه هذا صدر ابوسكينه
............
هذا حسين اه ياخيل غريب ولااهل يمه
اجيب منين اله فزاع وفوك العلكمي اليمنه
ياهو ايشيل جسم حسين ياهو ايطفي اخيمنه
ماضل للحمل شيال و اخوي عالثره ايمينه

.............
من شفتج ولج ياخيل بيج اصوات مسموعه
داس الحافر عالحسين واسمع كسرت ضلوعه
يخيل واماكسر كلبج حال اخته المفجوعه
تكوم وعالوجه تعثر وتنده وين والينه
..............
بجت عين السمه الزينب وانتي مارحمتيها
من ركضت تدور حسين بيش استقبليتها
بحوافر رجلج ادوسين وجنج ماسمعتيها
من صاحت يبوالسجاد وين اوكعت دلينه
................

✍أم زينب كربلاء غير مبري الذمه من ياخذ الكلام وينسبه له او يحذف الاسم  من كتاب المآسي الفاطميه الجزء الثامن

قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

06 Jul 2025 00:36

"

▪️نعي (قلت ياخويه بعبرة) - ليلة 10 محرم


- الشيخ حسن العالي

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

06 Jul 2025 00:25

📜قصيدة شده للسبي مولاتنا زينب "عليها السلام"

تمشـــي اويه ذباح الاخو يازينب اشلون
حضّرو راسه اعله الرمح وتشوفه ام عون
ـــــــــــــــــــــــــــــــــــــــــ
تمــشي اويه ذباح الاخو يبن امي تصيح
ابچــــو عليــها ام الحزن اخت المذابيح
من تنظر الراس ابرمح كل خطوه اتطيح
صاح ابعجل بيده الحبل حدّاي الِضعون
ـــــــــــــــــــــــــــــــــــــــــ
رفگت عدووها بالدمع وأنوَو على ارحيل
ويه الكفـــيل الي اجت راحت بله اكفيل
واتـــريد حيل الفاگده وما ضل بعد حيل
مچـــتوفه اديها بالحبل يا ضرب المتوون
ـــــــــــــــــــــــــــــــــــــــــ
يا ضـــــرب المتون وبعد حمره العبايه
من العطش يبچي ابهظم ضعن السبايه
دار الوكـــــت يم الخدر طاحت الرايه
صاحـــب الرايه عالنهر عافته مرهون
ـــــــــــــــــــــــــــــــــــــــــ
صاحب الجود ابلا زند وأچفوفه وگعن
كلما ضربهن عالمـــتن بســمه ايتنـــخن
صاحت عله الصار وجره يعيوني اعمن
الشــالو فرد شيله سوه ما ضن يردون
ـــــــــــــــــــــــــــــــــــــــــ
شالو فرد شيله وقصص لو سولفينه
تمطر عــــيونج ما تجــف للذابحينه
أگبالج تشوفين الســبط غمضها عينه
ناديتي الحگ ياعلي وهمه يذبحون
ـــــــــــــــــــــــــــــــــــــــــ
ناديتي بويه ياعــلي الحگ على احسين
ابطــف كربله عفت الاخو لليسر ماشــين
يحـــــــــضرنه دنيا واخره عدلين ميتين
اتحضرون الي ابيوم الدفن لمن يدفنون
ـــــــــــــــــــــــــــــــــــــــــ
✍🏻تمت بعون الله وتوفيقه بقلمي خادمة اهل البيت عليهم السلام العلوية ام وليد الموسوي لا أجيز حذف الإسم أسألكم الدعاء وقراءة سورة الفاتحة إلى روح والدي ووالدتي

قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

06 Jul 2025 00:24

لطمية لعبد الله الرضيع عليه السلام (( يومك حار ))


يومك حار ... واصوابك بالعيون
من عمري اعله عمرك يالزغيرون


من عمري يعبد الله اعله عمرك
افزن شايطه واركض الگبرك
ذبحوك بسهم وانگطع نحرك
عليك امعلمه وماشوفك اشلون
يومك حار ... واصوابك بالعيون


عليك امعلمه واشلون بيه
منك فارغات اليوم اديه
شو ذبحوك ماگالوا خطيه
الگطعوا رگبتك لله شيگولون
يومك حار ... واصوابك بالعيون


شيگولون للباري ورسوله
مابيهم رحم كفار ذوله
يالطولك حلو ومابيك لوله
جوه الگاع بالتربان مدفون
يومك حار ... واصوابك بالعيون


نايم عالرمل والمهد عفته
اگعد يالخذت حيلي وهدمته
ابوك حسين ودالك دمعته
ماكو انصار عنده اوحيد بالكون
يومك حار ... واصوابك بالعيون


ماكو انصار عنده اتوحد حسين
بالوجعان حاير والنساوين
شحمل يامصيبه وصارن اثنين
ملتهيه بوليهه وتلطم ام عون
يومك حار ... واصوابك بالعيون


زينب عمتك تلطم عله الراس
گوم اتصيح لحسينك يعباس
باچر لو وگع بالخيل ينداس
ولاصيوان عدوانك يخلون
يومك حار ... واصوابك بالعيون


باچر مايضل صيوان واخيام
تسحگ عالجمر حفاي الايتام
زينب حشمت وينك يضرغام
ماعنده الكفلهه اسلاح ومتون
يومك حار ... واصوابك بالعيون


✍شاعرة اهل البيت
الملة ام هجران العمارچيه
غير مبري الذمه من يحذف اسم الشاعرة او ينسب الرثاء لشخص اخر


قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

06 Jul 2025 00:23

نعي للوداع

فريض :

ياعين ابكي للحسين واهله
بدم اذا ماقل منك المدمع

ابكي غريب محمد وحبيبه
فمصابه مما سواء افضع

ابكي عليه مفردٱ بين العدا
والبيض فيه والاسنة تشرع

ابكي عليه ورأسه في ذابل
والجسم منه بالسيوف مبضع


نعي گرناوي :

نص الليل طب الخيمتي حسين
يزينب گال اندهيلي رقيه

خل اتشوفني گبل الذبح والموت
وامسح راسهه بثنين اديه

عليه امعلمه وماتحمل افراگ
وباچر تحمل افراگ واذيه

من اوگع يجيهه الشمر بالسوط
ويجرجر تراچيهه خطيه

اريد اوصيچ بيهه ولاتقصرين
بالچ موش تنسين الوصيه

ضميهه بعباتچ من تجي الگوم
ومن تهجم عليچن خيل اميه

احس گلبي انفطر واتهدم الحيل
سمعته ومن سمعته شصار بيه

اگله اوياك اموت ومااضل كون
المن ضاله اخلافك سبيه

ابوذية :

المن يادليلي تصير     والمن
ماني امعلمه اعله الهضم     والمن
ياسكنه ورقيه ادموع      ولمن
ضيف حسين عدچن هالمسيه


نعي مجرد :

خطار ابو اليمه عليچن
باچر يروح ومايجيچن
چا من يطيح اشلون بيچن


اشلون بيچن وين ترحن
بالشام والكوفه تصبحن
مايرد سالم لاتفرحن



مايرد للصيوان ابوچن
يگطعون راسه ويفجعوچن
وللشام عنه ياخذوچن



✍شاعرة اهل البيت
الملة ام هجران العمارچيه
غير مبري الذمه من يحذف اسم الشاعرة او ينسب الرثاء لشخص اخر


قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

06 Jul 2025 00:22

لطمية للوداع ( هاي اخر مسيه )


وي حسين هاي اخر مسيه
باچر ينذبح واشلون بيه


باچر ينذبح ويموت عطشان
گلبي امن الهضم والضيم تعبان
وين المرتضى وداحي البيبان
خل يحضر يشوف حسين حيران
ضل اوحيد بين اجيوش اميه
باچر ينذبح واشلون بيه


ضل حسين وحده ابين كفار
ودعنه وبچينه اكبار وازغار
مره يصيح يابويه يكرار
مره يصيح يخواني ويالانصار
بسكم نوم يالبيكم حميه
باچر ينذبح واشلون بيه


حشم صحبته وناده النشامه
گوموا للفواطم واليتامه
گلب حسين غارگ بالملامه
باچر يحرگ الظالم اخيامه
والملعون يتمرجل عليه
باچر ينذبح واشلون بيه


عالنسوان يتمرجل الذباح
چا ياهو اليشيل حسين لو طاح
گلبي امن الحزن هيهات يرتاح
وصاني برقيه وللحرب راح
گال حسين هنت الله برقيه
باچر ينذبح واشلون بيه


هنت الله برقيه يگول اسمعه
راح حسين للموت شيرجعه
باچر لااغسله ولااشيعه
جوه الخيل بالميدان اضيعه
وامشي اميسره عنه وسبيه
باچر ينذبح واشلون بيه


✍شاعرة اهل البيت
الملة ام هجران العمارچيه
غير مبري الذمه من يحذف اسم الشاعرة او ينسب الرثاء لشخص اخر


قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

06 Jul 2025 00:21

موشح للوداع ( ياسواد الليل )


ياسواد الليل ... مهله اطينه
ماشبعنه اوداع من والينه


ياسواد الليل فجرك لايطر
من يروح حسين گلبي ينكسر
مااريد الضيم مااريد اليسر
امساهرين وبس نون ضلينه
ياسواد الليل ... مهله اطينه


گاعدين الليل كله بس نون
خوله مهضومه ورقيه ماتعن
هجمن اعلينه النوايب والحزن
حاير المظلوم شيحاچينه
ياسواد الليل ... مهله اطينه


حاير المظلوم مايدري شيگول
باچر يعوف الفواطم والحمول
ياسواد الليل وانريدك تطول
بلكت الزهره تجي تواسينه
ياسواد الليل ... مهله اطينه


بلكت الزهره تجي وتشوفنه
تمسح الدمعه وتسكن خوفنه
باچر المظلوم وين ايعوفنه
من يفارگنه العدو يسبينه
ياسواد الليل ... مهله اطينه


ضيم نشبع من يفارگنه وهضم
ماتخلي الخيل بمتونه عظم
واليموت ايريد تشييع ولطم
كلهه غربه ومحد يعازينه
ياسواد الليل ... مهله اطينه


وين نلطم كلهه شمات وغرب
بالرمح والسوط باچر ننضرب
حالنه وحال ابو اليمه اشگد صعب
گلبه مشلوع ويفكر بينه
ياسواد الليل ... مهله اطينه


انشلع گلبه ولايگدر ينام
صاحنه وسلم علينه اخر سلام
ياسواد الليل لاتمحي الظلام
خل نشمه وخل نحب چفينه
ياسواد الليل ... مهله اطينه


✍شاعرة اهل البيت
الملة ام هجران العمارچيه
غير مبري الذمه من يحذف اسم الشاعرة او ينسب الرثاء لشخص اخر


قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

05 Jul 2025 15:06

قصيدة للحسين ليلة العاشر

من ديوان
#العبرة_الفاطمية_جزء_الأول

الليله اوداعنه - وي أهل المروه
باچر تنتهي اويه حسين هالخوه

✫───⊹⊰⊹───✫

اليله اوياك نكعد للصبح سهره
دكلي اشلون يصبر كلبي من قهره
ماشوف الحنين الي كصر عمره
{ ايذبحونه باجر / بلحومه }

✫───⊹⊰⊹───✫

كصر عمر الحنين اوباجر ايامه
بلميدان يوكف بين عدوانه
اوزينب حالها للصبح حزنانه
{ ماشافت نوم / امن اوداعه }

✫───⊹⊰⊹───✫

اليله اموادع اوللصبح سهرانــه
عكب حسين اخوها تظل حيرانه
تكله اشلون باجر تمشي لعدانه
{ ايمشونه / بليل يساره }

✫───⊹⊰⊹───✫

مايكدر يصد لخته يواليها
بس اليله يمه ضل يسليها
ايكول انوب باجر ويه أعاديها
{ للكوم اتروح / وحيرانه }

✫───⊹⊰⊹───✫

بس ليلة سهر ضلت يوليان
باجر وين اضلن من تشب نيران
ولدي تروح مني وكل الاخوان
{ وبناته اتضل / وسط الهيمه }

✫───⊹⊰⊹───✫

وبهذا الموادع طولي ياليله
خل احسين يشبع من مداليله
اوي الحره بعدخطول هاليله
{ وموادع بلهم / تكضيه }

✫───⊹⊰⊹───✫

بقلم الشاعرة ام تحسين البصرة
غير مبري الذمة اليحذف اسم الشاعرة وينسب الكلام له

قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

05 Jul 2025 14:56

قصيدة جنوبية لأهل زينب ع

من ديوان

#العبرة_الفاطمية_جزء_الأول

{ هين ياموت }

هَـون ياموت - ويه البيهم الزود
خليلي اخوتي وراعي الجـــود

✫───⊹⊰⊹───✫

تانوني يخوتي ولاتبعدون
وانه اخلافكم عميانه العيون
كون اوياي ياخويه تكعدون
{ خلوني وراحو /حيرانه }

✫───⊹⊰⊹───✫

ياموت الاعزاز اشلون سويت
ضربت امثال من الحزن وايسيت
بلميدان صار اللطم وبجيت
{ الشايل مني / وين الكاه }

✫───⊹⊰⊹───✫

ها ياموت ريض ويه الاسياد
ردتهم للزمن ودروب الابعاد
اصيح ابصوت خويه يبو السجاد
{ صحتك ياابن امي / حاجيني }

✫───⊹⊰⊹───✫

الف وسفه عليهم شالو ابعيد
بعد ماضن يجونه ابليلة العيد
مايدرون رحنه ابعملت ايزيد
{ ويزيد اليضرب / بعضانه }

✫───⊹⊰⊹───✫

مايدرون اخوتي ضاعت اطفال
والنسوان كلها اتريد خيال
راحت هلحرم كلها اويه الانذال
{ مارجعت لينه / ارجال الراحت }

✫───⊹⊰⊹───✫

هين يادهر لاتغلب العيله
هاي اطفال كلها امسافره اليله
ريض ياعدو تانينه علشيله
{ اويه اعدانه / اشلون اروح }

✫───⊹⊰⊹───✫

اشلون انشيل شيلتنه ابمغربيه
ويزيد اللعين ايضرب اعليه
ويانه عوايل كلها مسبيه
{ مسبيه اومحد / ويانه }

✫───⊹⊰⊹───✫

بقلم الشاعرة ام تحسين البصرة
غير مبري الذمة اليحذف اسم الشاعرة وينسب الكلام له


قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

05 Jul 2025 13:14

مقتطفات حزينة ليلة العاشر



اخياتي الخادمات اليلة ليلة عزااء من اكول عزاء مو يعني عزاء لطم فقط

اليلة اول متكعدين بالمجلس دخلي مكسورة والحزن واضح على عيونچ

اليلة الحسين يودع العيال وليلة اعمال وصلاة والصدقة مهمه اليله تطلعوها لسلامة قلب الحجة المنتظر عج

خلصوها للصبح عباده 👆🏻👆🏻 الحسين وانصاره واهل بيته

اخواتي بين كل نصوص النعي كطعي النعي وسولفي ويه الكاعدات على وداع الحسين مع اخته 😭💔
سمعيهن مفردات حزينة تكسر قلوب المعزيات
حتى المجلس يضج بالصراخ والعويل مثلآ قولي لهم 👇🏻👇🏻

تخيلي نفسچ اليلة انتي عندچ علم باچر اخوچ ينذبح وتدوسه الخيول الأعوجية وتطحن ضلوعه وبعد متشوف حتى راسه شيصير بيچ وانت عندچ اخيچ عزيز ممفاركته خلصتي عمرچ وياها وشلون اخوو مثل الحسين ع😭😭 الحبيب الي امچ اموصيتچ عليه تحبينه بنحره وتشمي بصدره 😭😭

واويلاه وامصيبتاه واضيعتاه

هم عندچ هيج اخ مثل هذه الصفات

تخيلي المنظر وعيشي الحاله وتصوريها 😭😭😭 ذيچ الساعه شلون حالچ

احلفچ بزينب شلون لوانتي بمكانها 😭😭 شتسوين

باچر ينذبح وتدوسه الخيول
وتحتار اخيته وبعد شتكول

😭😭😭👆🏻👆🏻👆🏻


هنا اكيد راح يضجن بالبكاء وانتي كذالك ابچي وياهن وانتي تحچين ابچي ومن يبچن كليلهن جزعن مالومچن لأن هذا الحسين هذا الحبيب هذا الطبيب هذا السند هذا المايردنه اذا نخيناه

😭😭😭👆🏻👆🏻👆🏻

كليلهن صيرن انتن بنات الحسين اليله وتخيلن ابوكم يودعكم وحده وحده وتچلبين بذياله تكليله بويه دخيلك لتعوفنه منكدر نفارك وجهك الحنين 😭😭😭😭
يابويه ياحسين عمت عيني عليك مولاي


اليله ام ولد ودعت ولدها
وام الرضيع انكطع حدها
وسكينه باچر محد الها

لا كفال يكفل هلضعينه
عباس ومصوب عينه
وراس بعمود مصوبينه

رقيه بليلة الوداع كوه فصلوها من الحسين
چليت بذياله 😭😭😭😭

اليله للصبح مانامت ام عون
خوانها عليها يحرسووون
هاي العزيزه وماي العيون


خادمتكم ام علي الإمارة

قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ