قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

28 Jul 2025 09:46

قصيدة لسفرة سيدتي ومولاتي رقية ( ع) 

※✿❥•~•♡•~•❥✿※•~•♡•~•❥✿※

مــديــنــــه ســفــرتــچ اي يمولاتي
بجاه حسين ابوچ اقضيهه حاجاتي

※✿❥•~•♡•~•❥✿※•~•♡•~•❥✿※

مـَديـنـه سـفـرتـچ طـالـبين امراد
ندعي الله ورسوله كل سنه ينعاد
عـزاچ ويـارقــيــه والـحـزن يزداد
ونـذكـر غـربـتـچ وتـسيل دمعاتي

※✿❥•~•♡•~•❥✿※•~•♡•~•❥✿※

نـذكر ونــتــچ لـحــســيـن ونيتي
ايـام ولـلـيـالـي اطـويـله ابچيتي
لـلـمـظـلـوم ابـوچ اشـكثر حنيتي
ولمصابچ چبيره اهوايه حسراتي

※✿❥•~•♡•~•❥✿※•~•♡•~•❥✿※

لـمصـابـچ نــدگ اصـدور موجوعه
هم طفله وگضيتي العمر مفجوعه
گـلــبـچ عــذبــاه الــسـبـي واللوعه
ومـا تـطـفـه ابـد لـلـمـوت جمراتي

※✿❥•~•♡•~•❥✿※•~•♡•~•❥✿※

شـيـطـفـيهه نار الماتت ازغيره
وهيه اميسره ومن ديره الديره
وعمتهه عليهه مدوهنه ابحيره
وتـنـادي گـظـن كـلـهــن ابنياتي

※✿❥•~•♡•~•❥✿※•~•♡•~•❥✿※

تنادي ياعلي راح النفس منهه
على راس الولي ماتت اظننهه
مـاحـمـلت افـراگه بنيته چنهه
محتاره ياعمه اشلون رجعاتي

※✿❥•~•♡•~•❥✿※•~•♡•~•❥✿※

شـلون بـرجعتي ياعمه احچيلي
لــو خـيـي سـألـني وفطر ادليلي
رقـيـه ويــن يـازيــنـب دگـلـيـلي
ما عندي جواب وشنهي چلماتي

※✿❥•~•♡•~•❥✿※•~•♡•~•❥✿※

تمت والحمدلله ✍ خادمة أم أبيها الشاعرة أم علي الحلفي لا أجيز شرعاً حذف الأسم اوتغير الكلمات

               نسألكم الدعاء

قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

28 Jul 2025 09:45

فزاعيه حول دخول الشام




يهاي منين. كالو طبت الشام

وكفت شامخه بتك يضرغام


ما ذلوها//عباس اختك



هلا بهاي النجيبه وبت الحيود
وهلا بربات حيدر ماخذه الزود
مثل عباس اخوها حاطه حدود
هم الكابلاها اليل ما نام

اوصل ليهه/يموت الگال




يهاي منين كالو رافعه الراس
وما جنهه مره شو جنهه عباس
ترهب لو حجت وتسكت الناس
ومن تخطب حجيهه يطيح اعلام

عمة الساده//مهيوبه اتضل


تطيح اعلام لو سمعت حجيهه
اتهبط روسهه ازلام ابمشيهه
وتشبه زود ابو فاضل وليهه
شجاعه وهم ابد ماطخت الهام



مثل يوم الكفلها سوت هناك
بس يحسين كالت هدني فركاك
يخويه وداعتك همي بيتاماك
وكلبي عليك كالت تدري محتام


وكفت شامخه لمن خذوها
وجدام النذل من وكفوها
يكون يشوفهه العباس اخوها
يكص روس الزلم ويفوت كدام



لخادمة الزهراء. العلويه ام جعفر
غير مبري الذمه من يحذف الاسم وياخذ الكلام وينسبه له م



قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

28 Jul 2025 09:43

فزاعية للعباس عليه السلام ( ننصب فاتحه اوياها )


خل نروح لم عباس
ننصب فاتحه اوياها

كلچن گومن امشنه
لم عباس نتعنه
نبچي ونجهر الونه
اليوم البين فجعاها


شماله البين صوبهه
عالشجعان حاربهه
ضيم وضيم شربهه
حال الكدر خلاها


خلاها الزمان اتنوح
لم عباس خل نروح
ونگلهه الزند مطروح
وعينه السهم طفاها


نگلهه اتهشمت عينه
وامگطعين چفينه
مارد الصواوينه
وام الحزن عافاها


عاف اخته كفيل اخته
والهامه المعطلته
للكلفات رايدته
الخوه اشلون فلاها


اشلون يبطل الخوه
فارگهه البطل گوه
عليهه السوط يتلوه
والملعون شتماها


شتم زينب الملعون
وماعنده الكفيل امتون
لو حي چان هز الكون
وچا گام وتعناها



✍شاعرة اهل البيت
الملة ام هجران العمارچيه
غير مبري الذمه من يحذف اسم الشاعرة او ينسب الرثاء لشخص اخر


قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

28 Jul 2025 09:42

#رقية ع

استشهاد الطفلة رقية بنت الحسين عليهما السلام

بعد مااعتب عليك..... شفت شمسوين بيك
راسك اتگطر لحيته...... لازم انا انوب اجيك2

..........................

انته وينك كل دقيقة اعليك انادي
انته گايل انا احبچن وانا احبنهم اولادي
ليش چا صار الفراگ اويانه عادي
اشگد دعيت اترد علينه ومانطاني الله مرادي

شلت ادياتي الزغار... واندعي ليل ونهار

ومحد ايوصلني ليك.... بعد مااعتب عليك


...........................

بويه هيّن حال بتك من شفت يابويه حالك
بس نحر ظليت تالي نِقص ظلك وي خيالك
ابتسملي ابداعت امك خلي اتباها ابجمالك
دنگت الثم شفاهك ماكو سن بويه بقالك

هاك بويه اسنوني......واخذ نور عيوني

وايدي اركبها بديك..... بعد مااعتب عليك


...........................


بعد مااطلب محنة والله هاي آخر انوبه
ومااگللك سبوني التوبه بويه حسين توبه
ولااسولف عالعذاب ولا اگلك عالعقوبة
ولا على التعنيف والدگ بلكي بيه حسين حوبه


وي نحر تاليتي..... اشصاير ابنفسيتي

بس نحر وامعذبيك... بعد مااعتب عليك
...........................

لون تنشدي يغالي بالخرابه اشلون اذكرك
بس بچيت وگلت اريدك جابو ابهالطشت نحرك
ورى زينب لابده انا وعمتي گعدت ابكترك
چان راسك بالقماش امغطه والظالم يسطرك


گال ياهي اتريده.... وعليّ اشّرّ بيده

وجرني اوذبني عليك..... بعد مااعتب عليك

...................................

من كشفت اغطاك كزبر جسمي والروح اطلعت
وعمِتي زينب يبوية حچت بسكوت وبچت
وانا غمضت العيون وفجأة دلالي سكت
وباوعت عالبالخرابه كلمن اعليه اصرخت

وشفت بعيوني العليل

ينكت ابجسمي النحيل

هسه شو اسمع حچيك.... بعد مااعتب عليك




ام علي رضا الشريفي الحسيني

القصيدة مهداة لعزيزة الحسين رقية ع

رحم الله من يهدي سورة الفاتحة لروح والدي خادم الامام الحسين ع خضير بن زوينه



قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

28 Jul 2025 09:41

قصيدة للسيدة رقيه [جنوبيه]
من ديوان

#مواجع_الطف_الجزء_الثاني

بدايتها نعي 💔💔

مايرحم الموت اويه البنيات
يلعاشن عمرهن بالعذابات
وخلصنه العمر ونات حسرات
وميردن بعد للدار هيهات

النزله { ولك ياموت }

ولك ياموت ابعد عن رقيـه
مو مالت كبر توحش خطيه

•───✧◐◐✧───•

اشوفك جاي مستعجل عليها
يهاي الناعمه وترفات اديها
شعندك من وكت متعني ليها
{{ ياموت ابعد عن طرواها }}

•───✧◐◐✧───•

يكتل يومها يامن برد حيلي
على افراك العزيزه مانمت ليلي
شالت بت اخوي ومردت ادليلي
{{ ماريد الروح / بلياها }}

•───✧◐◐✧───•

محلاها البنيه ومحله كعدتها
تعجب لو حچت حلوه حچايتها
ومن شالت رقيه الروح مردتها
{{ والعيله اتون / لفركاها }}

•───✧◐◐✧───•

احا يفراكها يمرد ابدلالي
يا يوم الخرابه شال احوالي
بي ماتت رقيه وانشغل بالي
{{ ماتت عالراس / المهظومه }}

•───✧◐◐✧───•

شكل لحسين لو يسألني عنها
ماتت بالخرابه وسكن ونها
احا يمصيبة رقيه وحزنها
{{ ماتت من همها / مقهوره }}

•───✧◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج


قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

28 Jul 2025 09:40

سم الله الرحمن الرحيم
انا لله وانا اليه راجعون


رقية يا اسم هز الزمان مصيبته أي طفلة عمرها ثلاث سنوات تموت حزناً على رأس أبيها بل من مثلها مات من البكاء والحزن... وفي الشام أمر اللعين يزيد أن تُسكن الأُسارى في خربة من خربات الشام وفي ليلة من الليالي قامت السيّدة رقية (ع) فزعة من نومها وقالت: أين أبي الحسين



نعي للسيده رقيه (ع)


لاهل الشام طبينه وبعدسوگ
كاضي هالگلب وبناره محروگ
وعلينه هالسبي يابويه ميلوگ


وبصوطه الشمر بيده ضربنه
وحادي ضعونه يزمخ هضمنه
بعباية عمتي كلحنه لذنه


وصلنه بالخرابه تغير الون
ناس التمت علينه ينشدون
عليه وعلى عماتي يزمخون


تتفرج علينه ناس غربه
بويه بهاي كلي شكثرصعبه
عذبني اليسر و لشام دربه


طبونه لشماته المجلس يزبد
ولظالم نشدنه مدري شيريد
وكلبي ماهده ولاساعه يهيد


وانه بغربتي والدمع جريان
لا انت ولاخواني الاحنان
ردتك من اموت تصير دفان


خادمة الزهراءوالسيده رقيه ع
✍️الشاعره ام زهراء الفاطميه
لايجوزحذف الاسم أسم الكتاب
من الجزءالثالث لبيك يازهراء
/ ١صفرسنة هجري ١٤٤٧نسالكم
الدعاء لي ولوالدي
🙏 اللهم عجل الوليك الفرج 🙏



قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

28 Jul 2025 09:37

هوسات للسيده رقيه (ع)


أريدن والدي بهالليله وبساعه
يشوف الگوم هجمت كلهافزاعه
اظن نايم يعمه مكسره ضلاعه

(اركض بالمعاره/ بهدمي وتعثر)


وين الدللاني بهاي يلحگني
يفترعالشمر وبصوطه عذبني
اصيحن آه واگله المتن يوجعني

(من يسمعني اصيحن/عمده ويطگني)


متعمد يكطني ويشتم الوالد
من امشي يريته حسيني ليساند
ومن ابجي العين يشوفني يعاند


(شو محد جاني /من أيده خلصني)


كلتله والدي خلصني من عنده
معفر بالتراب بوجه وبخده
وداني سبيه ومحد يرده

(وبوصطه اجاني /ومارحم سني)


مهظومه وحزينه وليش ماجاني
اريد احجيلها اكله الشمر ا ذاني
جرترجيتي بيده وابجي خلاتي


(اريداحجيله همي/ وعن وضع حالي)


من بعده اسولف حالي ليوم
شداهن أديه وتدي ادموم
سابيني يعمه مترسه هموم

(ابوي الدللاني/ ومانهظ ليه)



خادمة الزهراءوالسيده رقيه ع
✍️الشاعره ام زهراء الفاطميه
لايجوزحذف الاسم أسم الكتاب
لبيك يازهراء / ٢صفرسنة هجري ١٤٤٧نسالكم الدعاء لي ولوالدي
🙏 اللهم عجل الوليك الفرج 🙏


قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

28 Jul 2025 09:34

نواعي لرقيه عليها السلام
====
ونت رقيه تريد ابوها
جابو الراس وروعوها
طفله بعدها ويتموها
====
كفار ميرحمون بيها
وخلوه راسه بين اديها
صاحت يبويه انغمه عليها
===
صاحت يبويه يتمتني
ومابين غربه تيهتني
بعدني زغيره يالعفتني
====
بعدني بنفسي اكعد اوياك
وكلك يبويه بعازت ارباك
ماريد العمر بويه بلياك
====
بلياك عمري ما اريده
اشرد وأريد الزم البيده
راح الينشف الدمع  بيده
===
راح المدللني وجفاني
بلحلام اشوفنه لفاني
حطني بحظنه ونيماني
===
فزيت وصرخ وين ابويه
عمه يزينب تعي  ليه
وي الابو اكعد شويه
===
عمه يزينب توني شفته
مخضب دمايه وماعرفته
وفوك النحر ياعمه بسته
====
فوك النحر اشبك وشمه
بلكت يحاجيني يعمه
وشيبته  مخظبه  بدمه
====
من هوت فوكه طلعت الروح
وزينب عليها ظلت اتنوح
ماتكعد البتك يمذبوح
====
اكعد البتك رايدتك
ونحبت هواي وعاتبتك
لتعوفها  خوية  ع بختك
===
لتعوف بتك ياوليها
اترجاك خويه رد عليها
تنخاك خويه كوم ليها
===
تكول زينب
اخوي ابناته حيراني
ع الموت وسفه ما خذاني
ظليت حيرانه بزماني
====
تمت بعون الله بقلم العلويه ام اسامه الموسوي شاعرة اهل البيت عليهم السلام


قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

27 Jul 2025 22:23

فزاعية لمسير السبايا الى الشام ( شفنه المصايب بالدرب )


شفنه المصايب بالدرب
للشام من ودونه


شفنه العذاب الماسده
كلساع تهضمنه العده
واچفوف ادينه امشدده
ومن نعثر يضربونه


كلما عثرنه ننضرب
وادموعنه تهل وتصب
انصيح يسباع الحرب
وابعاد ماسمعونه


ابعاد عنه ومادروا
اهل الحميه اتاخروا
چا ليش منه اتعذروا
لاگعدوا ولاجونه


كلهم ضحايه ونومه
واعيالهم مهضومه
انعاتب الجيدومه
وطاح العلم ومتونه


طاحن متونه والعلم
وتصوبت عينه بسهم
راسه تطبر وانهشم
وعاف الحمل وضعونه


عاف الهوادج والحمل
وللشام ودانه النذل
بهمومنه نسحل سحل
والگوم ماهابونه


شمات محد هابنه
واحنه چبير امصابنه
بالحومه عفنه احبابنه
كلمن يون بكونه


✍شاعرة اهل البيت
الملة ام هجران العمارچيه
غير مبري الذمه من يحذف اسم الشاعرة او ينسب الرثاء لشخص اخر


قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

27 Jul 2025 22:21

💔  حديث مع نعي لوفاه السيده رقيه عليها السلام  من ديوان زينب والطفوف جزء 👈٢٢ج💔

صلى الله عليك يا مولاي وابن مولاي يا ابا عبد الله يا من نحرك منحور وصدرك بحوافر الخيل مكسور وعيالك سبايا من بلد الى بلد تدور لك حزني ودمع عيني وانيني يا من بقيت مجزرا في البيداء وراسك الطاهر ارتفع على القناه سيدي

لا ينقطع نحيبي والبكاء
على مصابك يا ابن الاتقياء
انت حسين كيف تبقى بالفلا
وقطعوا نحرك من القفا
حسينا... واحسيناه... واحسيناه

صيحي

حسين يا حسين..... حسين يا حسين....  حسين يا حسين

عظم الله اجورنا واجوركم بهذا المصاب الاليم بفاجعه رقيه بنت الحسين عليه السلام الفاجعه الاليمه مصيبه دمعت لها كل عين وانه لها كل قلب موالي طفله الحسين طفله صغيره مدلله لم تفارق ابيها طيله حياتها بعد ما قتل الحسين واهل بيته في كربلاء وهجموا عليهم القوم الظالمين على بنات رسول الله صلى الله عليه واله واحرقوا عليهم الخيام وشردوهم وضربوهم بالسياط واويلاه. وامصيبتاه وامر بهم الطاغيه يزيد لعنه الله فجعلو هم في خربه من خرائب الشام لا سقف ولا باب يظلل عليهم من حر الشمس وجلسوا على التراب بنات فاطمه بنات امير المؤمنين هذا حالهم قد اصبح بعد فقدهن لاخوانهن اه يا حال المراه من غير والي اخذت مولاتنا زينب عليها السلام مر  تسكت هذا ومره تمسح دمعت هذا رقيه لن تنسى اباها واخذت تسال عمتها زينب عمه زينب اين والدي اريد ابي الحسين لانها متعلقه به اي شايف شلون من وحده تتعلق بابوها شلون تلزم ثيابه من يروح من يجي تسال عليه تتفقده حب وحنان رقيه متعلقه بالحسين ولا تقدر على فراقه اخذت زينب تسلي الطفله التي تعبت من البكاء ونامت في تلك الليله الاحت كثيرا على رؤيه والدها الحسين عليه السلام اخذت زينب تتكلم معها الى ان نامت الطفله اخذت زينب تنعى وتقول

تكلهه

بطلي العتب عمه وسكتي
هيهات بعد حسين يلفي
مذبوح عودج مادريتي

___
سكتي يعمه ولاتنشدين
منين اجيبن عودج حسين
بطف كربله مذبوح تدرين
____
يقول الراوي واذا بالطفله فزت من نومها وهي صارخه وتقول اين ابي اريد ابي الان كان جالس معي الان كلمني عمه زينب اين والدي يقول لما سمعتها زينب صرخت ونادت واحسيناه... واخاه عرفه زينب انها رات اباها في المنام يقول صرخت النساء معها وصل صوت البكاء والعويل الى مجلس يزيد لعنه الله صاح ما الخبر قالوا له يتيمه من يتامى الحسين رات ابيها في المنام قال لهم خذوا راس ابيها حتى تسكت يقول جابوا راس الحسين بطبق مغطى بمنديل واحسيناه... واماماه

اتوا به الى الطفله رقيه لما وضعوه امامها صاحت عمه زينب انا لا اريد طعام بل اريد رؤيه والدي قالت لها ليس بطعام بل هذا راس ابيك الحسين فرفع الغطاء واذا براس الحسين صرخت الطفله وحضنت راس ابيها واخذت تشكو  له حالها تقول ابي يا حسين ما الذي قطع راسك ابي يا حسين ما الذي فرقنا ابي يا حسين لقد عذبونا ابي يا حسين لقد ورمت ايدينا من شده السياط ابي يا حسين لقد هضمونا ابي يا حسين اخذت تنادي ابي ابي...... الى ان انقطع صوتها اتالها زين العابدين حركها واذا بها ميته على راس ابيها رحم الله من نادت واحسيناه... وطفلتاه واغربتاه.... وامصيبتاه يقول زينب قالت له عمه خل تشبع  وداع من راس ابيها قال لها عمه ان اختي ماتت على راس ابي يقول هنا زينب صرخت وتجدد لها الحزن والعزاء وانعاد عليها المصاب الله يكون بعونج يا مولاتي من مصيبه المصيبه من فاجعه الفاجعه اخذت تنعى وتقول

يحسين والله حيرتني
بزرك يوالي كلفتني
ومصيبة رقيه الهدمتني



بالشام هاليوم المصيبه
حرمه الوحدي بديره غريبه
وكافل اضعوني منين اجيبه


اجدد عليه الحزن بالشام
ماتت رقيه ابين ضلام
وشعطله عني الضرغام


اريد الولي يعتني ليه
ويشوف حالي بهالمسيه
بديرت غرب ماتت رقيه


ضليت حرمه ابين الاجناب
عليه اليوم يهلي نعاد المصاب
ناديت وصحت لحكو يالاحباب


جثير الهضم مابيه حيله
بس الدمع عالخد اسيله
مطروح النعش ياهو اليشيله


يحسين خويه عتاب وديت
لرض الشام يبن امي ولاجيت
محتاره برقيه اليوم ضليت


وين الولي هاليوم اريده
شيجيبه الي ادياره بعيده
ادري الولي كطعو وريده


ادري الولي كطعوله الراس
واجفوف ماعده العباس
ضليت محتاره يهالناس


امصيبة رقيه اللي كضتني
ماحيل ضل وهدمتني
يافجعت ارقيه اهدمتني



تمت✍️ الشاعره والمله ام حسين العامري

غير مبري الذمه من يحذف اويغير اويتلاعب بالكلمات او يحذف اسم الشاعره وينسب الكلام له



قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

27 Jul 2025 12:26

#قصيدة لأميرة الشام مولاتي زينب الكبرى ع


مو اسيرة بل اميرة
طبت على مجلس يزيد
كلهه هيبة والمصيبة
اخوتهه بس روس بحديد



من بعد طف كربله والصار بيهه
راحت وحيدة وعلهزيله امصعديهه
بلكوفة من وصلت لعد حيدر وليهه
طبت اسيرة مكيدات اجفوف اديهه
وين ابوهه .. وين اخوهه
خل يطفون الشموع
بلا حماية .. والعباية
بلعكس صار الرجوع



وبدت رحلة شام وايتام وعليل
وهية حرمة بلا معين ولاكفيل
وصرخة اطفال وبواجي ام وعويل
اتقبل القربان هذا الك يارب الجليل
هيج صاحت .. لمن طاحت
اخوتهه فوك الغاضرية
انه أيه .. والرواية
اتكول بت حيدر ابية



ورحله بين اوباش واسياط وشتم
وناكه هزله وكيد والروس الهمم
من يشوفوني يذكروني بأسم
ابو فاضل نابت ابعينه السهم
هيج حالي .. والليالي
عكس تمشي ويانه
يا حسافه .. ياوسافه
بت علي حيرانه



وطبت السوك وفرحهم والدفوف
وحشد من الناس تعداده الووف
جابوا المي وبقصد كالوا وقوف
اتصدقوا على الساده ياربي تشوف
كلهه تنظر .. اقسى منظر
واحنه كلنه مخدرات
ريت متنه .. ولا سمعنه
نشتري ذني البنات



وهاي اخر مرحله من هل حكايه
وراح يبدي الراوي يكتب بلروايه
داست خشوم ال اميه ام العبايه
وخلت التاريخ يشهد عالنهايه
اتخلد الدم .. وكل محرم
نجدد عهدنا بيا حسين
ونبجي دمعه .. وكل جمعه
لابو صالح ناطرين


بقلم #مريم_الصدر
العمل مهداة لصاحب الزمان عج
لا أجيز حذف الاسم 🚫 من القصيدة


قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

27 Jul 2025 12:25

نعي  لرقيه   ع

كرناوي
عادات  اليتيم  الناس  ترعاه
الناس الحالته كلهم  يحنون
اذا  شافو  دمعته  رحمو الحال
يجبرونه وعله راسه يمسحون
صيحوليش بس ايتيمت حسين
بيمن  سكتوها  الما  يرحمون
سمعوها  تصيح  بتالي اليل
براس حسين سكتها  الملعون
..........

الملعون  بيمن  سكتاها
وبراس ابوها  روعاها
لاحن عليها  ولارعاها
.......
مشتاكه   البنيه   لبوها
تبجي عليه  وماخذوها
ونت   وبيمن  سكتوها
........
تدرون اليتيم يريد رحمه
الفاكد  ابوه ايزيد همه
وبت حسين من صاحت يعمه
........
سالت عينها  وبليل فزت
والشوفتك يحسين حنت
تفلش  المرمر يوم  ونت

.........
اريدن والدي كومي اخذيني
ماترضى تنام  اليل   عيني
اذكرت الولي وزايد  ونيني
.........
مكبل كضنه اليل   ونات
وبصوتهن سمعت الشمات
شبيها  تون  فخر الجليلات
.....
سوه   النذل  لمن سمعها 
ودالها   الراس  وفعجها
هروش الكلب منها شلعها
.......

من شافته صرخت ييابه
وصارت  مناحه  بالخرابه
وعالراس هالن   بالترابه
........
يابعد روحي  حسين صاحت
ومن  ضيمها  عالراس ماتت
شافت  دماه   والروح  شاغت
.......
نعي  الرقيه   ع

وني  اوزينب   كابليها
وهمومها  زادت عليها
حطت رقيه بين اديها
.......
هامت  عليها  وعدلتها
والعين مشبوحه لكتها
معاتب  حبايب عاتبتها
.......

تدريني  ثكله ونحيله
وثوب العلي مابيه اشيله
اليل  اليمر  مانمت ليلة
.......
الموته  يعمه مو وكتها
روحي المصايب نحلتها
جم  لوعة يكلبي جارعتها
.......
ياحيرتي  يحسين حيره
المن  بعد هالبال  اديره
ارد اعاتب المتروس غيره
......
ارد  اعاتبه  والعتب بلوه
وجر  ويخوي عتاب خوه
اخته غريبه تريد   تجوه

✍ام زينب كربلاء غير مبري الذمه من ياخذ الكلام وينسبه له او يحذف الاسم   من كتاب
المآسي  الفاطميه الجزء   الثامن والعشرين


قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

27 Jul 2025 12:25

#من_ديوان #ظليمة_زينب_الجزء_الثاني


قصيده ثگيله للسيده رقيه "ع"


{يلقليله اسنينج}
😢😢😢



يلقليله اسنينج
منين اجيب احسينج
شلون اگلج يا رقيه
جسمه ظل بلغاضريه
دولباني اونينج
يلقليله اسنينج

😢😢😢

ـ
ـــــــــــــــــــــــــــــــــــــــــــــــــ
يلقليله اسنينج شلون احجي وياج
حسين من غصبن تره بالحومه عافاج
ضلوعه كلها امطشره وماكدر ينساج

گلي من گرب مماته
ظمي بتي امن الشماته
كافي عوفي احنينج
يلقليله اسنينج

😢😢😢

ـــــــــــــــــــــــــــــــــــــــــــــــــ
روح عمتج تنهدم لو صحتي بابا
ما يعود الظل وذر فوگ الترابه
والعده يرقيه گعدونه ابخرابه

بطلي البواچي لا يسمعوچ
وبالراس يا عمّه يلوعوچ
ودمّه يملي احضينج
يلقليله اسنينج

😢😢😢

ـــــــــــــــــــــــــــــــــــ
بطلي يا عمه البواچي ولا تنوحين
لا يسمعون الاعادي صوت الونين
والطشت دلّالج ايفجعه و تموتين

يبنيتي ما بيّه اعله الهموم
امصايب هلي خلتني ما اگوم
نشفي دمعة عينج
يلقليله اسنينج

😢😢😢

ـــــــــــــــــــــــــــــــــ

بعد ماتنفع بواچي بطلي النوح
حيل يهضمني ونينج يلجم الروح
شلون لو شفتي الطشت والراس مذبوح

بيج اشيضل لمن تشوفيه
وبس راس ابوج حسين تلگيه

والعده ماذينج
يلقليله سنينج

😢😢😢

ــــــــــــــــــــــــــــــــــــــــــــــــــ
فوگ ضيم اليسر شفتي افراگ ابوچ
وكل اخوتج والعمام الدللوچ
گلبج احنين بهجرهم عذبوچ

والهجر محد يحمله
ايربي وسط الگلب عله
بنيتي الله يعينج
يلقليله سنينج

😢😢😢

ـــــــــــــــــــــــــــــــــــــــــــــــــ
باقلام خادمات اهل البيت (عليهم السلام) ✍️✍️✍️ الشاعره رسل الابراهيمي. الشاعره والمله نورس الحلفي. الشاعره والمله رِضاب الاسدي لا نجيز له وغير مبري الذمة من يحذف اسماءنا او يتلاعب بالكلام وينسب الرثاء له او لشخص اخر، ونسألكم الدعاء لنا ولوالدينا


قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

27 Jul 2025 12:25

طلب حاجه للسيده رقيه


اريد اندب رقيه.  وامدلها اديه
واكلها بجاه الحسين
كون امرادي تنطين
يابنت الزجيه

الج اجري دموعي.
وانه احنيها ضلوعي.
واكلج شوفي روعي
ووناتي الخفيه


الج ممدوده ايدي
الهظم واصل وريدي
يروحي الونه زيدي
على الراحت سبيه


يبنت الدامي بالبر
احلفج بالتعفر
بجاهج كلبي يستر
وتلزميها اديه

انه همي كتلني
جبير ويعله حزني
الج اشكي الهظمني
وانتي الادره بيه

احلفج بالتراجي
وابو حلو المحاجي
حنين وكلبه زاجي
يشيل الهم اليه

يبنت البقه دامي
اوجهلج كلامي
عليكم كلبي ضامي
اجي بجاه الزجيه

ام زينب السعداوي. /ناصريه


قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

26 Jul 2025 19:20

هوسات للعباس عليه السلام


اجت زينب تودعك گوم ودعهه
اشلون اتنام هالنومه وتضيعهه
تناديك بضعيف الصوت واسمعهه
(( بس اگعد مايك ماريده ))


اريدن شوفتك ماريد منك ماي
ياحامي الضعينه وياعجيد الراي
ماكو عيون عندك هاك هاي وهاي
(( انه اختك وانطيك عيوني))


انه اختك يبعد اختك المهضومه
هاك العين اخذهه وعوف هالنومه
گبل كلما نخيتك تگلب الحومه
(( شو ساكت مو طبعك هاذه ))


تسكت ليش يالمو طبعك السكته
چا وين الوفه وعهدك العاهدته
اشلون حسين مابين الغرب عفته
(( مهضوم وحاير خليته ))


مهضوم وغريب اعضيدك وحيران
يمك عاف حيله ورجع للوجعان
ايگله اعله الشريعه امطبر الريسان
(( ايس من عمك يوليدي ))


ايس ياعلي يبني انچتل عمك
ادري بهالخبر ياذيك ويألمك
ون اوياي حيل وخل اون يمك
(( يستاهل نبچي اعله امصابه ))



✍شاعرة اهل البيت
ام هجران العمارچية
غير مبري الذمه من يمسح اسم الشاعرة او ينسب الرثاء لشخص اخر


قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

28 Jul 2025 09:46

قصيدة لسان حال مولاتنا زينب ع لاخيها الحسين ع تقرأ بجميع المناسبات
و بألحان مختلفة

#الحسين
#زينب
#السبي





*عذباني بالسبي الشمر اللعين*

*إيصيح بيه الخارجيه ياحسين*

*بإسمي كل ساعه اوعِلن*

*بت علي ابهذا الضعن*


*ياحسيييييييين* *ياحسيييييييين*

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

خويه كل صوت اليصيحه منه اموت
بالأخص لو عالم اعلينه تفوت
الناس تلتم من تحس ادناة صوت
والحرم وانا انتباچه من سکوت

*خويه نخجل تدري بينه يالحنين*

*عذباني بالسبي الشمر اللعين*

*ياحُسيييييييين........ياحُسيييييييين*

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مامصدگه هيج صرت ابهالوضع
حافيه وعالناگه يدفعني دفع
انگله خل ننزل ابد ما يقتنع
انصيح تعبانين ونصب الدمع

*من فرحهم عالرجس مستعجلين*

*عذباني بالسبي الشمر اللعين*

*ياحُسيييييييين........ياحُسيييييييين*

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ماجرت مثل المصيبة البينه هاي
انا حرمه والبنات اتلب وراي
نعطش ونخجل نگول انطونه ماي
إعداك يبن امي استغلوا مستحاي

*إيدگ علينا واحنا بيمن نستعين*

*عذباني بالسبي الشمر اللعين*

*ياحُسيييييييين........ياحُسيييييييين*

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
أسمع أنواع الشتايم يخوتي
من يريدون اتواگد فجعتي
راسك يعلگونه خويه ابناگتي
تشرد الناگه وتفر من حالتي

*وراسك إعيونه عليًَ ويون ونين*

*عذباني بالسبي الشمر اللعين*

*ياحُسيييييييين........ياحُسيييييييين*

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

راسك ايسولف عليه ابلا حچي
چنه خويه ايگول کافیچ البچي
والله من الظرب ما بیه ارتچي
وين اسولف ظيمي چاوين اشتچي

*خويه تالينه سبايه امچتفین*

*عذباني بالسبي الشمر اللعين*

*ياحُسيييييييين........ياحُسيييييييين*

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

لو نزلنا من الهزل خاطر نبات
خويه صعبة کل عظم بالیسر مات
من الصبح للیل خویه امچتفات
والبنات اتلوَّعن آه یالبنات

*ایگص حبلهم صرنا کلنا امجرحین*

*عذباني بالسبي الشمر اللعين*

*ياحُسيييييييين........ياحُسيييييييين*


۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

*تمت*

العمل مهدى إلى مولاتي فاطمة الزهراء ومولاتي زينب الحوراء عليهما السلام نظرة يافاطمة

*ام علي رضا الشريفي الحسيني*

نسألكم الدعاء

قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

28 Jul 2025 09:44

قصيدة لسيدتي ومولاتي رقية ( ع)

※✿❥•~•♡•~•❥✿※•~•♡•~•❥✿※

بالـخرابة الليله زينب نايحه
مـاتـت ارقـيـه اوين الفاتحه

لا حضر عمها وابوها    والگبرها يشيعوها
           بالخرابه الليله زينب نايحه

※✿❥•~•♡•~•❥✿※•~•♡•~•❥✿※

بــالـخـرابـه مـاتـت الـطـفـلـه حزينه
والـگـلـب مـجـروح من خلص ونينه
الـظـلـت ايـام وللـيـالي اتـنادي وينه
حسين ابويه الغالي شو طول علينه

الهواشم خل يجوها    والگبرها يشيعوها

        من البواچي اعيونها متقرحه
        بـالـخـرابـه الليله زينب نايحه

※✿❥•~•♡•~•❥✿※•~•♡•~•❥✿※

مـن الـبچي مـاتهده وتريده يجيها
من تشوفه رقيه تسكت من بچيها
حـسيـن دمـعـتها وعبرتها وحچيها
عَـلم مـاعـدهـا انـچـتـل مايرد ليها

شلون بالله يسكتوها    والگبرها يشيعوها

        وروحه ملهوفه ويلي امفرفحه
        بـالـخـرابـه الليله زيـنـب نايحه

※✿❥•~•♡•~•❥✿※•~•♡•~•❥✿※

تنوح ملهوفه عليه هوايه تسأل
والبنيه يـوم يوم اصبحت تذبل
عمه زينب والدي ابسفرته طول
والدمع مـن عينهه جمرات تنزل

رقيه بيش يقنعوها    والگبرها يشيعوها

        مادرت حادي ضعنها الذابحه
        بـالـخرابه الليله زينب نايحه

※✿❥•~•♡•~•❥✿※•~•♡•~•❥✿※

مــادرت راســه بـدمـاه امخضبينه
وبـالـحجـر صوبوا والـيهه ابجبينه
كسروا اضـلـوعه وبقه يجهر ونينه
انـذبح وعــالـمـخـيـم تـصــد عينه

يدري بته يروعوها     والگبرها يشيعوها

        وگلب ابوهه هالمصيبه اتجرحه
        بـالـخـرابـه الـلـيـله زينب نايحه

※✿❥•~•♡•~•❥✿※•~•♡•~•❥✿※

شبگت اعله الـراس وتعاتب بابوها
بـويــه اشـلون الـزغــيـره يسلبوها
بـلا رحـم امتوني يابويه اضربوها
سـكنه اخـتي وعمتي هم شتموها

الطفله ليش يعذبوها    والگبرها يشيعوها

        والدموع امن الفواطم سايحه
        بـالخـرابـه الليله زيـنب نايحه

※✿❥•~•♡•~•❥✿※•~•♡•~•❥✿※

تمت والحمدلله ✍ خادمة أم أبيها الشاعرة أم علي الحلفي لا أجيز شرعاً حذف الأسم اوتغير الكلمات


                نسألكم الدعاء

قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

28 Jul 2025 09:43

قصيده فتحت عزاء إلى مولاتي رقيه ع

بسم تعالى المستهل 👇


يا عزيزت الحسين يا عزيزت الحسين
يا عزيزت الحسين يا عزيزت الحسين
============================
انتي اديج على الحسين معودات
يفرشن مصلايه اله وكت الصلات
شلون حالج من اجه وقت الممات
فرهدنج  بالطفوله  النايبات

يا عزيزت الحسين  يا  عزيزت  الحسين
============================
ليلة العاشر كصيره  أودعاج
لا نسيتيه يالحنينه ولا نساج
بعدج تذكرينه لمن كلماج
من اجت ليج المنيه ما اجاج

يا عزيزت الحسين يا عزيزت الحسين
============================
بعدج تصيحين بويه بلا جواب
يعينج الله شاهديتي اجم مصاب
شمعه كلبج يارقية وسكته ذاب
طفله مو مالت بواجي ولا عذاب

ياعزيزت الحسين ياعزيزت الحسين
============================

بعدج تصيحين بويه عليك اريد
جتفوني الناس بعدك بالحديد
هاي وآدم سلبونه وعدها عيد
ونته يابو الغيره مكطوع الوريد

يا عزيزت الحسين  يا  عزيزت  الحسين 
============================
طفله معذوره لون تعمه العيون
اهلج الراحو بعد ماظن يجون
متي يرقيه العزيزيه ويه ظعون
ولا لكيتي الي يشيعج لا متون

يا عزيزت الحسين يا عزيزت الحسين
============================
ابو هاجر المجراوي 07807808421


قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

28 Jul 2025 09:42

#رقية

اليكِ ياشبيهة الزهراء ع


دعف ياموت لاتاخذ ابنيات

رقية امددة بذيچ الخرابات
......................

دعف ياموت لاتاخذ ابنيتنا
واحنا ابعاد عن عزنا وحمولتنا
يحيدر وين ماتحضر مصيبتنا
بنات احسين يردنك يتيمات
.........................

يتيمات الگبل چانن مداليل
بالونات بويه ايخلصن الليل
ياهو اليوصللهن صاحن ادخيل
ومحترگه الملابس والعبايات
.......................

دعف ياموت عن بتنه الزغيرونه
توالاها سطر بزرة الملعونه
شافت راس ابوها وحبت اعيونه
شهگت عالطشت لمن درت مات
....................
شهگت وانحنت عالطبگ لهفانة
خشبة اتمددت جثة الحزنانه
گالت ها يعمه هاذ ملفانه
يزينب مايرد احسين هيهات
...............
اخذني وياك بوية ولاتخليني
تعال وشوف يحسين انعمت عيني
بويه امكسرات امن العصي اديني
اخذني وياك ختطمني الترابات
..............................

ام علي رضا الشريفي الحسيني
الفاتحة إلى روح والدي
خضير بن زوينه
واحمد بن زهرة

القصيدة سجلت في سجل الزهراء عليها السلام من يغيّر اسمي اويتلاعب بها اوينسبها له خصمه فاطمة الزهراء


قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

28 Jul 2025 09:40

نعي لدخول السبايا الى الشام


شحچي وشسولفلك يضرغام
هدمن حيلي امصايب الشام
اجينه اوگفنه ابين ظلام
واحنه عليل وحرم وايتام
وراسك وراس حسين گدام
اشلون مدري عيونك تنام


اشلون مدري تنام عينك
تمايل حملنه ورايدينك
يحامي الضعينه انصيح وينك
اليوم الكلافه ضامينك
بالعمد ثاري طابرينك
وفوگ الرمح منحر حسينك


فوگ الرمح منحر المظلوم
اجروحه چثيره وتنگط ادموم
عدنه هضم ونريدك اليوم
عالوا علينه اخلافك الگوم
للجلسه طبينه يجيدوم
چا ليش نايم بسك النوم


چا ليش نايم عالشريعه
عفت الگبل عندك وديعه
اگعد يبو چفوف الگطيعه
نحلفك ببو اليمه ورضيعه
چم هضم شفنه وچم فجيعه
ظلمه الخرابه ومو وسيعه


خويه الخرايب مالهن باب
ويتباوعون اعلينه الاجناب
واحنه سبايه وبيش ننهاب
والزلم بالميدان غياب
كلساع ونوديلك اعتاب
وجرح الگلب يسعر ولاطاب



✍شاعرة اهل البيت
الملة ام هجران العمارچيه
غير مبري الذمه من يحذف اسم الشاعرة او ينسب الرثاء لشخص اخر


قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

28 Jul 2025 09:39

فزاعيه للسيده رقيه ( ع)


فوگ الراس موتتهه يالحسين
نگطعت حيف ونتهه يالحسين


وفزت تبجي مرعوبه يالحسين
من أهل الشام متعوبه يالحسين
بالف اصواب مصيوبه يالحسين
تجذب آه حسرته يالحسين


بخدهاالعين مسطوره يالحسين
عليك تنوح مكسوره يالحسين
ومن عالنوگ مشموره يالحسين
تهد الحيل ركضته يالحسين


شلون ابحالة ارقيه يالحسين
گضت والعين مجريه يالحسين
مشت لبعيد مسبيه يالحسين
القصر ايزيد روحتهه يالحسين


خافت حيل من طبت يالحسين
ويم الطاغي من وصلت يالحسين
هند وعليهن النشدت يالحسين
تهل ادموم دمعتهه يالحسين


فوگ الراس هالماتت يالحسين
غفت وعيونها نامت يالحسين
تلث سنين هالشالت يالحسين
الحره بهيده شالتهه يالحسين


خادمة الزهراءوالسيده رقيه ع
✍️الشاعره ام زهراء الفاطميه
لايجوزحذف الاسم أسم الكتاب
لبيك يازهراء من الجزءالثالث / ١صفرسنة هجري ١٤٤٧نسالكم
الدعاء لي ولوالدي
🙏 اللهم عجل الوليك الفرج 🙏


قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

28 Jul 2025 09:36

لسيده رقيه (ع)


هينه يجروح التراجي….. موعليهن هل بواجي
نايمه وشفت بمنامي……. حسين كاعد وي عمامي
………………… .
عمه غفله النوم غافلــــني وغفيت
شفت ابوي من الــعده يمه شتكيت
كتله شوف اثارهم بذني وبجيــــت
وكتله هيج تعوفني بوحدي ورضيت
بويه شتمونه وســــــوبونه
وحنه ننشد وــــــــين ابونه
وكتله بعــــــدك بويه ظامي
حسين كاعد وي عمــــامي……
.،…………………
عمه كتله الخيمه حــــركوهه علينه
انام وحبال السبي بــــجفوف ادينه
كوه نمشي احنه الرظينه وما مرظينه
ومن بعد عباس زجر اليــحدي بينه
من بعد عين الــــــــكفلنه
وشمر يحدي بظــــــــعنه
ومابقه ويانه اليــــحامي
حسين كاعد وي عمامي
…………………
كال عمتج وين كتله وعمــتي هايه
يامتنهه وصار وبلون العــــــــــبايه
مارحمه السوط من كالو ســــــبايه
حرمه بين الاف ماصــــحت حمايه
دورت عــــــباس اخوهه
علئ الهزل رجــــــــبوهه
تكلهم وياهو بمــــــقامي
حسين كاعد وي عمامي
…………………
كلي هسه وين نومــــــــــتكم يبابه
كتله زينه ونايمه بــــــنص الخرابه
من عصر حطيت خدي عله الترابه
صفك بيده وطلعن دموعه بجوابه
سولفتله وكــــــلشي عنه
وظل ابوي بــــــكلبه ونه
وكال زادت عن ســهامي
حسين كاعد وي عمامي
…………………
جيبوي راس حســــــين لطفله رقيه
هيج صــــــاحت زينب بهاي المسيه
من وصلهه وحظــــــنته هاي الرزيه
شهكت عله الراس بس شهكت منيه
هيــــج ماتت هل غريبه
بلخــــرابه اعظم مصيبه
تكول خلــــصته كلامي
حسين كاعــد وي عمامي


ابو سلام الجابري

قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

27 Jul 2025 22:24

#مولاتي_رقية
#لسان حال مولاتي رقية تخاطب رأس الأمام الحسين عليه السلام 💔


آنه طفلة وكلبي شيب••
من المصايب ظهري حدب••

مغطه شفتك ماعرفتك •• كوم يابوية آنه بنتك
• ━━━━━━❪❆❫━━━━━━ •
كوم يانبضات كلبي يانفس بعدك يجي
يل جنت تارس حياتي هسه تارسني البچي
بوية مالحكت أكلك ساكن بروحي الحجي
تهت بحدود المخيم ردت فييك وألتجي

ذخر للعازات ردتك •• كوم يابوية آنه بنتك
• ━━━━━━❪❆❫━━━━━━ •
سنيني كصرت من عفتني أنته يابوية الوطن
من عكب ذيج الهيابة هسه حاربنه الزمن
ماأظــــن نرجع سوية ونلتقي لا مــاآظن
كثرت علينه المصايب عيوني من فگدك عمن

حيل مشتاگه لمحنتك •• كوم يابوية آنه بنتك
• ━━━━━━❪❆❫━━━━━━ •
غمضت عيني بدمعتي وآشهكت شهكة نياح
كلت بلجي ولن أشوفك وكلبي يمك يستراح
شفتك بطيفي يغالي راس مشيول أبرماح
وجسمك آمكطع أشوفه وتكطر أدموم الجراح

ماشفت منك لهفتك •• كوم يابوية آنه بنتك
• ━━━━━━❪❆❫━━━━━━ •
هاذه راسك بين أيديه بابه كوم أكعد ألي
بوية يحسين أشتكيلك يابعد ناسي وهلي
من الضرب المتون زركة ومال بيه محملي
أدري مـــاترجعلي ثاني آمودع بالله وعلي

تكسر الخاطر جهبتك •• كوم يابوية آنه بنتك
• ━━━━━━❪❆❫━━━━━━ •
بوية آرد أرتاح يمك عكبك تموت الحياة
وآشبك آنفاسك وأجيلك يمك أعلنها الوفاة
حضنك الغالي عليه هوه حرزي والنجاة
يانظر عيني ودليلي يا صيامي والصلاة

عطر من جنة حضنتك •• كوم يابوية آنه بنتك
• ━━━━━━❪❆❫━━━━━━ •

تمــت بعون اللــه..

✍🏻آلّشآعرهً آلــــّعــلّويِـــه آلّمٌوسويِــــۿ
✖️لاإجيــــز حذف الأسم✖️

قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

27 Jul 2025 22:23

نعي للسيده زينب والشام

#مواجع_الطف_الجزء_الثاني


لسان حال مولاتي زينب تنعي اخوتها
تكله خويه يبوالسجاد ياخويه

•───✧◐◐✧───•

للشـام ودونـــه سبـيـات
اباب القصر وكفونه ساعات
حر وشمس عالهاشميات

•───✧◐◐✧───•

يذاك الدلال الي خسرناه
مشينه درب المامشيناه
وبالرمح راسك شاهديناه

•───✧◐◐✧───•

صعبه الحريم بغير والي
ياابن امي حال الظيم حالي
يحسين خويه اويادلالي

•───✧◐◐✧───•

تبجي الحريم تريد اهلها
وتريد شيالت حملها
رفج الغرب ميلوك الها

•───✧◐◐✧───•

للحرم عين وعين للراس
ونوبه اصد لراس عباس
واكله اخيتك بين الأرجاس

•───✧◐◐✧───•

يعباس كوم النه نخينه
عدوان ويعيلون بينه
اكعد احضرنه ياولينه

•───✧◐◐✧───•

للسوك طبونه الأجانب
كلهم غرب ماكو حبايب
اصد لروسكم والكلب ذايب

•───✧◐◐✧───•

لحكو لحرايركم انهضمت
وبالسوك ياابن انشتمت
بحجار اخيتكم انضربت

•───✧◐◐✧───•

بقلم المله والشاعره ام علي الأماره
غير مبري الذمه اليحذف اسم الشاعره وينسب الكلام له
العمل مهدات الى مولاي صاحب الزمان عج

قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

27 Jul 2025 13:03

"

1 صفر سنة 61 للهجرة
دخول ركب السبايا الى بلاد الشام
عظم الله لك الاجر ياصاحب الزمان😭😭😭
🏴

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

27 Jul 2025 12:26

#حصریا قصیده لبوفاضل ع

جیت الباب ابوفاضل ادگنه
هالیوم ابحضرته ضیمي افلنه
ـــــــــــــــــــــــــــــــــــــــ

ارید اگعد وسوالف همي بسده
دخیلک یاابوفاضل تگضي الشده
وگله یا ابوفاضل طالت المده

اگعد وبحضرته ضیمي اچیمنه
جیت الباب ابوفاضل ادگنه
ــــــــــــــــــــــــــــــــــــــــــ

افک بیبان گلبي وضیمي احچیله
ومهضومه ترانه ابسدک ادخیله
احلفه بالخدر وبزینب انعیله

ابوفاضل شهم بالغیره احلفنه
جیت الباب ابوفاضل ادگنه
ــــــــــــــــــــــــــــــــــــــــ

ما یقبل ارد مهضومه من بابه
من ضیم اعلیه ادموعي سچابه
متوزر زماني و طگني دولابه

وین اطي الوجه من ضیمي اتعنه
جیت الباب ابوفاضل ادگنه
ــــــــــــــــــــــــــــــــــــــــ

وین اطي الوجه والعبره تخنگني
و شد بیه الحزن مولاي موتني
بهالحاجه اجیتک فدوه فرحني

وفایه اجیلک نذري اوفنه
جیت الباب ابوفاضل ادگنه
ــــــــــــــــــــــــــــــــــــــــ

جیت وطلبتي یمک اخلیها
زامطت واجیت ابابک اشچیها
المنومس اعرفه الحاجه یطیها

المنومس کفو للدوم اشکرنه
جیت الباب ابوفاضل ادگنه
ــــــــــــــــــــــــــــــــــــــــ

تمت بعون الله تعالی
نسالکم الدعاء لفرج علي صاحب
#کلمات یاسمین الشموسي

قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

27 Jul 2025 12:25

فزاعيه الخوله ع

بيها اتحير السجاد
من ماتت المهظومه
..........
ماتت بالدرب ويصيح
نوبه يكوم نوبه يطيح
ركدان ويجبه الريح
بخوله زادت همومه
.......
همه البالكلب ثكلان
ومن ضيم اليسر تعبان
مابيه بالاخت دفان
دفنها بعين مسجومه
........
دفنها ويجذب الونات
يكلها متونج مورمات
شمها ويجذب الحسرات
ياخوله يمضلومه
.......
ضلموج الاعادي شلون
ياخوله الكلب محزون
كون احبابج يحضرون
يشوفونج يمالومه
........
جاوين اليون عليج
يعازي عمتج اواليج
والعابد تحير بيج
ومتنه تجري دمومه

✍️ ام زينب كربلاء غير مبرئ الذمه من يأخذ الكلام وينسبه له او حذف الاسم   من كتاب الجزء السادس المآسي الزينبيه


قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

27 Jul 2025 12:25

رباطات للسيده رقيه عليها السلام


تريد واليها. تريد واليها
تنحب يا رقيه. تريد واليها

؛؛؛؛؛؛؛؛؛
حيل اذاها. حيل اذاها
جراها من اذنها. حيل اذاها

؛؛؛؛؛؛؛؛؛؛؛؛
سلب تراجيها. سلب تراحيها
طكاها الشمر سلب تراجيها

؛؛؛؛؛؛؛
ونت بهيده. ونت بهيده
وتنادي يبويه ونت بهيده

؛؛؛؛؛؛؛
بته الزغيرونه بته الزغيرونه
ماتت عالنحر بته الزغيرونه
؛؛؛؛؛؛؛؛؛؛؛؛

اليوم ياخويه. اليوم ياخويه
دفناها بخرابه اليوم يا خويه
؛؛؛؛؛؛؛؛؛؛؛؛؛؛؛؛؛؛؛
من ضرب خولي. من ضرب خولي
ازرك يامتنها من ضرب خولي
؛؛؛؛؛؛؛؛؛؛؛؛؛؛؛؛؛؛؛

ام زينب السعداوي



قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

27 Jul 2025 12:24

لطميه للسيده رقيه عليها السلام

تهدم الحيل ونات الزغيرونه

مشتاكه وتحن لحسين وعيونه
،،،،،،،،،،،،،،،،،،،،،،،،.،،،،،،،،

تهدم الحيل نص الليل ونتها
مهظومه وتريد حسين طلبتها
بلله شلون حيره الروح هظمتها
تكول الي يشوف حسين خيعونه
؛؛؛؛؛؛؛؛؛؛؛

تلوج من الالم وتريد واليها
كون يشوف ابوها الصاير عليها
ويعالج اذنها وينشد شبيها
نكله سلبو الترجيه عدوانه
؛؛؛؛؛؛؛؛؛؛؛؛؛
يهد الحيل ونج يابعد روحي
نوحج يا رقيه زيده النوحي
جرحج يالم الدلال وجروحي
ابوج منين اجيبه وروحي محزونه
؛؛؛؛؛؛؛؛؛؛؛؛؛؛؛؛
حالج يارقيه وصاب دلالي
مهظومه وتون بعازت الوالي
من جابو الراس وشفته انه كبالي
مايحمل كلبها الطفله يدرونه
؛؛؛؛؛؛؛؛؛؛؛؛؛؛
مشتاكه لبوها يحضر تريده
مكسورةالخاطر ونت. بهيده
جاها راس ابوها وشمت وريده
ماتت عالنحر بته الزغيرونه

أم زينب السعداوي



قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ

قِنِأّةّ دِمَعٌ زِّيِّنِبِ لَلَقِصٌأّئدِ وِأّلَأّلَحٌأّنِ

26 Jul 2025 19:20

هوسه جنوبيه للعمات للسيده زينب ع السلام

شبسرعه السنين ادور ياعمه

مخنوك الكلب باحزانه وبهمه

حزن كلبي بغيابج شنهي شيلمه

والله فركتج يمعدله ندمه

انهدمنه الشيلتج يالغاليه هدمه

وين الضحكه ذيج ووينها اللمه
مشتاكه اعله حضنج رايده اشتمه

ياحنينه//مانشيله افراكج

جينه خطار ونون يم بابج
ياحنينه

كومي واتلكي الاجه خطارج
ياحنينه

ظلمه ماتنراد توحش دارج
ياحنينه

ايام الجانت حلوه//وين انلاكيها
ام حسين العسكري ناصريه يحرم الحذف والتلاعب ونسألكم الدعاء الفاتحه لامواتنا وامواتكم مع الصلوات

قناة دمع زینب حقيبتك بالمجلس
کل ما تحتاجه تجده هنا قصائد
نعي ابوذيات حديث فقط ابحث عن طلبك
https://t.me/joinchat/AAAAAETnrgEL48UNnwdxcQ