15693
تجدون هنا كل ماهو جديد في عالم الشعر .. فصاحة .. نبط .. خواطر.. {{اتشرف بالجميع}} ○•°[ اهلاً وسَهلا بِكگم ]°•○ 👇ملتقى القنوات الهادفة 👇 @thamar11
على احبابنا اللي تحت وجه الثرى غافين
سلام الله ، وحمده ، وتبجيله ، وشكره
.
غفوا تحت الارض وعادهم ماغفوا فالعين
لو فراقهم . . . تحمد به العين ما تكره
.
تغيب الوجيه . . وباقي اصحابها حيّين
على الواقع الملموس بين أمسّه / وبكره !
لشاعرها
صباح الرضاء والحمد والشكر والتسبيح
صباح النفوس الطاهره والطمأنينة
شذا الورد وأطيابه تسوقه نسيم الريح
هدية لكم ياللي مع الصبح قارينه
عبدالله أبو عيون
يا ربي وأنا عبدك وكلي ندم وذنوب
خطاي اكبر من طويق والنفس لوامه
ما بين الهوى والنفس والغي والمكثوب
يقف ثابت الخطوة ولا تثبت أقدامه
أجرني من ذنوبي وعفوك هو المطلوب
ياعالم بما وسوس به الصدر و وهامه
مقحم_الحريص
لاواهنيّ الطير، بمداعب الريح
يطير ،ويفل ،الجناح ،،ويضمه
يرقا على روس الطوال الواميح
مايستريح ،،الا على ،راس ،قمه
ابوسلطان
مايكدر خاطر الرجل في تال السنين
غير حكي اهل النمايم وهرجً يوجعه
لـو ندقق في علوم الـردا والمبغضين
كـم واحـد ودنـّا فـوق خـده نـرمـعـه
الرجل مايصغي اذنه لهرج الحاقدين
يغلـق الاذنين عـن كـل حكيً يسمعه
لوسمع هرج النمايم وهذر الحاسدين
شيمته عن طردبعض السوالف تمنعه
شريف العضياني
يالله يامعطي بلا عد واحساب
يارازق المحتاج من غير منه
،،
ياشاملٍ فضلك على كل من تاب
يافارضٍ بالدين واجب وسنه
،،
كم واحدن يرجيك تفتح له ابواب
ياعون من يشكي ظروفٍ حدنه
،،
أنت الذي دايم بك الظن ماخاب
رجواك يارب المخاليق جنه
سعود
الطيب والمعروف مثل الوداعه
لازم تحسب لكل ما يمكن حساب
تغّير الاحوال في ظرف ساعه
والوقت يشخل كل ما شان الاصحاب
خاو الرفيق اللي متاعك متاعه
اللي لا غابوا عنك الانذال ما غاب
وتجنب اللي ما يشمّر ذراعه
لا كشرت لك سود الايام بالناب
فواز_الشاماني
يامن دريت بحاجتي حاجتي جتك
انت العظيم وعالمٍ ب الخفايا
انا الفقير اللي شملته برحمتك
واللي لجاء لك عن جميع الخطايا
مالي سوى عفوك وعطفك ومدتك
وكل الرجاء بك عن جميع البرايا
يامن ملوك الكون تخضع لهيبتك
اسالك من فضلك عظيم العطايا
عبدالله
الصاحب اللي لا تناوشت و إياه
و أظهر لك الوجه الصحيح المخفّى
.
اشطب عليه و سجّ بالروض و انساه
و اشعل على فرقاه نار و تدفّى
.
و اليا نشدوك الناس لا حلّ طرياه
قل : ما اعْرِفه ، هو حيّ و لا توفى ؟!
.
محمد_العيدي
مال الطناخه غير روس المطانيخ
الي سلوم اجدادهم. مانسوها
ولا كل راعي بشت شيخ ولد شيخ
تالي الزمن حتى الرخوم لبسوها
متعب_بن_كروز
القلّ ماهو للمناعير عذروب
العيب باللي واجبه مايسدّه
.
كم واحد ٍ طيّب مقدّر ومحسوب
لو كان ماعنده رصيد ٍ يعدّه
.
من طيب فعله له مقام ٍ ومحبوب
عند العرب تلقاه كلٍ يودّه
.
سمح النبا ماغاب عن كل ماجوب
متعود ٍ للطيب من طبع جدّه
.
سعود عايد
نفسي معودها على الصبر تعويد
والصبر نكسب به صفات حميده
'
وخير الكلام الذكر من غير تحديد
مع خالص النية وطيـب العقـيده
'
يقولـه اللي مانشد زيد وعبـيـد
بالمصحـف الطاهر لقى مايفيده
'
من طبق اللي فيه نـال المقاصيد
وسلك طريق أهل الحياة السعيده
"
بندر ابن سرور
قل للفقير اللي زمانه ماعطاه
اصبر على جور الليالي والسنين
'
اللي رزق هاذي وهي فوق الحصاه
قادر على رزق العباد الصابرين
'
عادل الشيباني
هذي حياة مسطرين التواريخ
وهذي مضاربهم وهذا دبشهم
•
من دونها كم راح شيخٍ ولدشيخ
ماتروي حياض المنايا عطشهم
•
حامد بن حمدي
أنا ما ذبحني غير طفلن يجر الصوت
قصيد التوجد مـع لحونه يبكيــني
يتيـم يظــن ان العبـاير تـرد المـــوت
فقد شوفة امـه واحتمى بالمعزيــني
الوقت مشّاي والدنيا تزين وتشين
ولا باقي الا الله الواحد جليل الذكر
.
وجدي على الشايب اللي طوّعته السنين
ويله على الوقت الاول والزمان البكر
.
يومه قوي يقضي الدين ويفك السجين
واليوم من كثرة أمراضه شريد الفكر !/
لاضاقت اخلاقك من ظروف الحياه
لاتشتكي للناس عثرات السنين
.
انثر دموعك وانت ساجد فالصلاه
ماظنّكم بالله ،،، رب العالمين
سعيد_العلياني
سجتك في جون خلاء تنعش الروح
فـي عثعثً تـوه مـن الغـيم سـايـل
طب الفواد اللي من الوقت مجروح
ممشاك وسـط النبت بين المسايـل
ولالك سوا ماينكتب لك على اللوح
لـو كـان تـبـذلـه جـمـيـع الـوسـايـل
سعود_بن_سالم
كسر المشاعر صعب ماله جبيره
وهذي هي اللي مالها طب وعلاج
يشوفها الإنسان حاجه صغيره
وفرّح بها عاذل وشامت وهراج
ولو انها جاته من انسان غيره
لا قال ياحجي ولا قال ياحاج
محمد_عبدالله_الروقي
.
جاري الكتابه .. وانشغلت انتظر رد
والرد طوّل .. بــس جاري الكتــابـه ..
هو ما درى .. دقـات قلبـي لها عد
مع الثواني .. يــوم طـّـول كتــابـه ..
الهاب بدر ..
الناس لايمكن تفوز برضاهم
صعبٍ عليك ومرضي الناس كايد
لاشك قدرهم وسامح خطاهم
ولالك بكثر الهرج ناقص وزايد
وان جوك عاملهم على مستواهم
واحيان خلك عن بعضهم محايد
وان جتك غلطه لا تفتش وراهم
خلك على سلم العرب والعوايد
سعود عايد
قفّلـت باب الرجا وأحكمت مزلاجـه
عن شوف بعض الوجيه وعن ترجّيها
بعض العرب مـا ندوّر عندهم حاجه
لـو جيت تطلب ذنوبه ما عطاكيهـا
ولو اني أقضي لزومي فـوق درّاجـه
احسـن من المنّه اللي عند راعيهـا
ومن جامل الناس يلقى الناس هراجه
عام)ن تبيع الظنون وعـام تشـريهــا
الرايد
دنياي عيّت لا تجيني على الكيــف
لو مــا وراءها كلبــوهـا حســوفـه
يا دوبه الراتب يســـد المصاريـف
ونصفه ديون وينخصم قبل أشوفه
لكنّي اليا من دخــل بيتي الضيـف
أكرّمـــه تكريـــم حاتــم ضيوفــه
ومن له عليّه في حياتي معاريـف
أشـيل همّـــه ليـن أردّ امعروفــه
عبدالله_حمد
والله إن اقـــدار ربـــي عـلـيـنا مـاشـيه
لا تـسخط ثـم يـاتيك مـن ربـي سـخط
كم ملوك الأرض راحت ومعها الحاشيه
الــعـبـر يـاكـثـرها لـــو نـعـددهـا فــقـط
إخـتـبـار الـحـشـر مـــره ولا لـــه ثـانـيه
مـن نـجح ينجح ومن زلته رجله سقط
بــــــــــــــــــن_زابـــــــــــــــــــــن
مايفرح الرجال طيحة بناخيه
ولايزعل الطيب نجاح ابن عمه
واللي يحارب بالمواقف عوانيه
انا اشهد ان الحسد يجري بدمه
.
المجاراة
.
والحسد علة قلب ابسط معانيه
يلبس الرجال ثوب المذمه
ولا ينجذب للعز والطيب راعيه
ولايندفع نحو الامور المهمه
بالمختصر راعيه محدن يدانيه
وهو سلعته مابين غيبه ونمه
ماتشيّن إلاتِزين بقدرة الله،
ولاتضيق إلا على ربك فرجها
ياللي حياتك كلها..شكوى ولوم
مال الحــياه بدون شكرالله طعم
من قبل تشكي ويش عندك من هموم
تذكر الله وش عطاك من النعم
مهنا السعدي
إن بغيت تعرف وش معنى الصحيح
حط لك في عالي القمه ممر
يتعب الرجال ويقوم ويطيح
و التقدم فالتطور و العمر
انظر الصوره ع ساخن صفيح
الثقه فـــ القرد قدام النمر
محمد عبدالله الروقي
انا اضيق لكن ماتضايق بدون اسباب
ولانيب مثل اللي لاضاق ادمعت عينه
الى احمر قرص الشمس وادوى شوي وغاب
وضوى الليل لين يحول من بيني وبينه
جفيت المكان اللي يزورونه الاصحاب
وتخيرت من روس المشاريف لي عينه
اوقف لطيفك وقفة المستحي بالباب
الى سام وجهه وانصرف ماقضى دينه