15693
تجدون هنا كل ماهو جديد في عالم الشعر .. فصاحة .. نبط .. خواطر.. {{اتشرف بالجميع}} ○•°[ اهلاً وسَهلا بِكگم ]°•○ 👇ملتقى القنوات الهادفة 👇 @thamar11
اتغيشم في زماني وانا ماني غشيم
واسفه العوجا ماكني سمعت ازعاجها
.
ادري ان الموت الاحمر لياضاق الحليم
كم هروجً قاصرً دونـها هـراجها
.
والخطاء لاجاك من واحدٍ فكره سقيم
صدة النفس الكريمه تراه علاجها
.
واللجاجه بالمجالس تـراها للحريم
والرجال رجال في ثقـلها منهاجها
.
ابعدوني عن مزارق لحوم الغافلين
لا نويتو تجمعون الهروج الخايبه
-
بين قال وبين قيل و سوالف عابرين
والله ان نفسي عن مجالستكم طايبه
-
عازله نفسي عن الناس لو ابعد سنين
تاركه كثر المجامل وناسً عايبه
-
من زمن ذا الجيل لكن احب الأولين
ادري اِني يوم أعز القداما صايبه ✋🏻
ظروف اليالي مدرسه ماعليها اجدال
ولاغير رب العالمين 👈بيصرفها
محك الرجال الوقت واصل الرجال افعال
ظروف الزمن عن طبعها 👈ماتحرفها
ماصار المدح معيار في عالم الجوال
مسجات نسخ ولصق كل 👈يظرفها
لاصار عـقٰلـك بـالـزمــن مايقديّك
مـاتنفع عـيونك ولايفيد شـوفــك
.
ولاصرت ماتشرب مع الناس بيديك
محداً ترا يسقيك ويـبـل جوفك
ومـن لا لشوره في حياته يـبـديـّك
لاتـستشيره لــو تـزاحـم ظروفك
.
ولاتخيّب ضــن رجـلاً هــقـا فيك
معه تـجـمـّل واعـجـبـه في وقوفك
نـاصـر راكـي
عسى الله يحيي من نوانا بعلم زين
نرحب به وبيض النوايا ترحب به
هذا طبعنا واللي يبينا بعلمٍ شين
نحط الحطب من تحت رجليه ونشبه
ناصر ثويني
عليه الألم ولها الأجر 😍
لمشاهدة اللقاء كاملًا
عن الشاعر العباس بن الأحنف👇🏻
https://youtu.be/41rIhtgDW4A
بعض البشوت اللي بوسط المحافل
اللي على ،صدر المجالس، يرزَّوَن
•
•
من، كرسي، المعرس، لحد المغاسل
هذي، حدود ابشوتهم لو يطيرون
•
محمد_الوسيدي
لا تـصادق بخيل ولا تخـاوي زعـول
ولا تـجـادل سفيه ولا تعــاند خـبـل
إلـتـزم بالنـزاهة و إحـترام العـقـول
وكان هبـت عليك الريح خلك جبل
وكان شفت الخواطر قدلحقها ذبول
ارتحل قبل في وجهك تضيق السُبل
حط نجـم الثـريا لك محطة وصول
وبينـــك وبيــن ربــك لا تفك الحبل
ِ
ناصر_القزلان
أذنبت واجد في حياتي وقصرت
وراح العمروانا عن الذنب غافل
يارب جعلي كل ما اذنبت "كبرت
ومحيتها في ركعتين النوافل
كم مرتن أقبلت تايب : ودبرت
مذنب ولاكني من الذنب جافل
مالي عذر حتى لو أني تعذرت
مخطي لو اني عن خطاي اتغافل
منك العفو والمغفره كان قصرت
وأنت الغني اللي للأرزاق كافل
فهد
بنت الرجال اللي كساها الحيا ثوب
تمشي على نهج الشريعة والايمان
مصيونةً بالدين من كل عذروب
مثل الجواهر ما تقدر بالاثمان
ماهي من اللي تكسب العيب وذنوب
وتتبع غواية كل مارد و شيطان
رجا_عوض_العازمي
يا اهل التماشي لو سمحتوا شويه
أشوف وتشوفون حاجة فضيعة
ترك (القمايم) في المروج الندية
طبيعــةٍ يـاشينها من طبيعــة
علي_الشريف
يالله بدعــوة شـــايبٍ مســتجابه
تفتح لها ابواب السماء قبل أمين
يدري بهــا القاصي وتدري القرابه
ما قيل عنـها ليه ولا قيل من وين
مصفوطةٍ من والـي العرش جابه
ما هي بمفهوقه ولا هـي لبعدين
يفـرح بـــها الي كل ضـــيقٍ لجابه
وتفك ديــن الي عمى عينه الدين
ِ
حددوها بالذكر والطااعه المفروووضه
والصلاه الواجبه و الناااافله و السنّه
وازرعوها بالعبااااده لين صارت روضه
يا عسى منزااال اهلها في رياض الجنّه
جراح
ضايقن بالي ولدري وين أوجه
والهموم أكبر مرض لارحم أبوها
..
ودي آآخذ مع فيافي نجد سجه
واااتريح من همومي كلبوها!/
كل مازودت عن قرب ربك الانقطاع
زادت همومك،وعانيت من ضنك الحياه
حاجتين في حياتك.. نهايتها الضياع
تبعك لشهوات نفسك.وتركك لـ الصلاه
وحاجتين تزيد الانسان عزه وارتفاع
يرفعه قربه من الله...وبعده عن هواه
مهنا السعدي
احذر من الخبل لامنه تجرا
عند حده وقفه قبل يتمادى
.
لاتقول اصبـر عليه وباتـحرا
والخبل ماينفعه كثر المهادى
.
نشــقـه بــارود ردك لاتـذرا
خله يعاف التجري والمعادى
.
والرجل من شيمته لامن تعرا
والله انه للمجاـلس مايـنادا
.
تركي العريدي
حسابك الشخصي ترا مثل بيتك
لا تقلّط الا حامل المسك والطيب
-
اليا عنو لك غرهم طيب صيتك
اللي يعرفون العرب والمواجيب
-
ليتك ترفق ف الإضافات ليتك
لاتظيف غير اللي يذب المراقيب
-
ان كان تبغيني اظيفك فديتك
نظّف حسابك والخواطر بك تطيب
النايله
تحد اليال اصحابنا مثل حد الموس
وفي كل يوم وليل تظهر معادنها
تبين خويً فـ الشدايد يبى الناموس
و تظهر خويً خوته مايثمنها
تفكر ياراسي واعتبر والحياه ادروس
وخلك حذر و الناس لاعاد تامنها
السلمي
زدني عفاف وزهد يارب الارباب
ولا تكلني للحـــياه الرغيده
.
ألوذ بك وارجيك واخشاك وآهاب
يومٍ به الظالم يفتــش رصيده
.
رف بي وهب لي منك رحمه ياوهاب
لين آتجود في عراك الجويده
طبـوع الـوقـت يقسـو مايليني
وانا شكواي مـن قسـوة زماني
لو ابكي مامضى لي من سنيني
ومافي الصـدر تبديـه اللساني
تـخـلـي كــل خافـيـنـا يـبيني
بعيـد السـد وفــلان الـفـلاني
السلام عليكم ورحمه الله وبركاته
اعلان للمؤسسات والجمعيات الخيريه
في المملكه العربيه السعوديه
اللي يبحث عن موظفين سعوديين متخصصين في تصاميم البطاقات ومقاطع الفيديو
ايضاً ادارة القنوات على برنامج التلجرام والواتساب خبره اكثر من سبع سنوات في المجال هذا
ورواتبهم قليلة جداً لانهم متطوعين محتسبين الاجر على الله
واي جمعيه او مؤسسه خيريه تبي تنشئ قناه على التلجرام تتواصل معنا على نفس الرقم يتم دعمها مجاني بدون مقابل
موجود معنى ثلاث موظفين فرصه ما تطوف في خبرتهم ومجالهم
التواصل واتس فقط
0551440080
ملاحظة موجودين معي صار لهم اكثر من ثلاث سنوات وصمموا القنوات الملتقى اكثر من 15,000 تصميم اسال الله ان لا يحرمنا واياهم الاجر
استحي من نظرةْ اللي سترني ثم عصيت
يوم طعت النفس وابليس زين لي هواي
والله إنـي كـلّ ما جيت أبدعيه أستحيت
وإِتْـغـلـبني دمعةْ العين والخوف ورجاي
يا إلٰـهـي عفوك أوسع من اللي قَدْ أتيت
جيت يمّك منكسر تايب على نبرة بكاي
عبدالله بن رشيد الجش
لا ضاق صدرك وأتعبتك المسافات
لا تلحق النفس الحزينه جهدها
نوخ ركابك عن جميع المسارات
واصبر ع ضيق الحياه ونكدها
الضحك له ساعه وللحزن ساعات
واللي يعرف ادروبها مانشدها
لو السعاده،، تنشرى بالريالات
تلقاء الاوادم غارقه في سعدها
عبدالله_الرشيدي
(مزنٍ مراكيمٍ) و(سيل على القاع)
(وروضٍ خضر ) (ووجيه قومٍ فليحة)
برد الشتاء هبت هبوبه شمالي
والصوت كنه من فحيح الافاعي
أول شباط و باقيٍ له توالي
مايرحم المعدوم زاد ومتاعي
يالله دخيلك ياعظيم الجلالي
من زمهرير اللي نفسها يذاعي
وش لون نقوى نارها حر صالي
وحنا نعيش انفاسها في صراعي
رجا_عوض_العازمي
أن كان خلتك الليالي وانا... أبوك
بتشيل معكازي وتجلس...محلي
وتشوف ماشفته من اللي يحبوك💔
حتى قريبك صار عنك.... امتخلي
بنت_السعد
تبي النعم ؟ يابعده على شاربك بعداه
مادامك تحب ،الروح ،والمال تقصربه
فلا يستحق ،،النعم ،،،من ترتعد يمناه
من ،،،المد ،،،ولا في اللقا زرقة الحربه
ولابه ،،بخيلٍ،،، عند ربعه يجي له جاه
ولا به ،،ذليل ،،باللقا ،،،،،،،،ينتستربه
عسى الله يفرج هم صدر ملاه الضيق
وعسى الله يقلع ضيقة الصدر وهمومه
صواديف وقت قاسيه ماتباء تعليق
وطموح كبير و لحظة العمر محسومه
سعد
يقولون لا ضاقت عليك الوسيعة غن
وأنا أقول جهّز لا تضايقت سجاده
'
وناج العظيم الي على هقوتك والظن
ما خابت رجاوي من لجى له من عباده
'
كريمٍ تعالى ما لحق مدته.. بالمن
جزيل العطا ما ينقصه كثر ما زاده
'
تزول الشدايد لا تضايق ولا تحزن
نواصي الخلايق بأمر واليك منقاده
'
عبدالحميد الشمري